Upload
others
View
2
Download
0
Embed Size (px)
Citation preview
Apr-21-2018
KONTENIDO
Durante di e seshon aki nos ta ban interkambiá informashon tokante: 1. Iglesia i su mishon i 2. E mishon di laiko den Iglesia.
1. Tarea personal
2. Historia di fe
3. Komienso di mishon
4. Kuater formanan di mishon
5. “Mandato”
6. “Yamada”
7. Nos responsabilidat i kompromiso na Iglesia i parokia
Reflekshon personal
Skohe un deskripshon di “Iglesia” riba e lista ku ta bini.
Pensa riba e deskripshonnan ku mas bo a identifiká bo mes kuné.
Dikon bo ta identifiká bo mes ku esakinan?
Kua faktor a influensiá bo komprondementu personal tokante di Iglesia? Indiká si ta influensia positivo òf negativo
Formulá pa bo mes un deskripshon di Iglesia basá riba bo propio eksperensia.
1. Tarea
Tarea personal
Kua deskripshon di Iglesia bo ta identifiká bo mes mas kuné?
1. Un famia ku su miembronan ta kuida otro.
2. Un sosiedat
3. Un komunidat di kreyente komprometí pa hiba e mishon di Hesus bou di guia di Papa i obispunan.
4. Un lugá kaminda hendenan ta alabá Dios i krese mas serka Hesus.
5. Un komunidat di fe ku ta yuda nos stima Dios, otronan i nos mes.
6. Un klup sosial
7. Un komunidat di hende ku ta bringa inhustisia i ta sòru pa pobernan, esnan ku tin hamber i enfermonan.
8. Hendenan ku ta siña bo pa sigui Hesus i ta biba manera katóliko.
1. Tarea
Deskubrí e Historia di Fe
Katólikonan ta hendenan ku un mishon!
Nos ta yamá pa sigui ku e trabou di Kristu Hesus.
Hesus su mishon (Lukas 4:16-21):
Hesus a bai Nazarèt, kaminda El a lanta komo mucha, i riba sabat El a bishitá snoa manera kustumber.
El a lanta para pa E lesa Skritura. Nan a dun'É e ròl di buki di profeta Isaías pa lesa.
Hesus a habri e ròl di buki i a haña e troso ku ta bisa: ‘Spiritu di Señor ta riba Mi, p’esei El a ungí Mi pa anunsiá e bon notisia na pobernan. El a manda Mi proklamá libertat pa prezunan; bista pa siegunan; i libertat pa esnan oprimí. Mi mester anunsiá e era di Señor su grasia.’
Hesus a lora e ròl ser’é bèk, dun’é na e asistente di snoa i kai sinta.
Tur hende den snoa a keda ku nan bista fihá riba djE. E ora ei El a kuminsá papia ku nan; El a bisa: ‘Awe e palabranan ku boso a tende, a keda kumplí.’
2. Historia di fe
Komienso di mishon
Hesus su mishon, Reino di Dios, a kuminsá na Nazarèt.
E Reino di Dios ta e plan di nos Kreador pa tur hende.
Reino di Dios ta trese fin na miseria humano, hamber, opreshon, desviashon for di Dios, violensia i inhustisia.
Pa medio di su palabra i akshonnan Hesus a hasi e soño aki realidat.
3. Komienso di mishon
Un asamblea di disipel
Despues di Pentekòste, hopi hende hòmber i hende muhé ku tambe tabata deseá pa kontinuá ku e Reino di Dios a uni ku e apòstelnan i e promé siguidónan di Hesus.
Guiá pa Spiritu Santu, nan a forma un ‘Ekklesia’ òf Asamblea di disipel, ku ta na sirbishi di Reino di Dios. Nan ta un signo visibel di presensia di Kristu den mundu.
E asamblea Kristian a tuma komo modelo di bida, Kristu mes. Manera Kristu a biba asina nan tambe mester biba.
3. Komienso di mishon
Mishon di proklamashon (Kerigma)
E mishon di Hesus tabata unu di proklamashon.
Hesus tabata proklamá e Bon Notisia di amor i pordon di Dios pa tur hende; asina EI a kuminsá e reino di Dios den mundu.
El a denunsiá tur kos kontrali na amor, esta inhustisia, opreshon, malesa, pobresa, sklabitut di piká i violensia.
4. Formanan di mishon
Mishon di alabansa (Leitourgia)
Hesus su mishon tabata unu di alabansa.
Den privá, Hesus tabata buska komunion ku su Tata konstantemente.
Den públiko, e tabata uni ku e komunidat hudiu den snoa i Tèmpel pa alabá Dios pa su akshon di salbashon durante historia.
Hesus a duna su apòstelnan su mes kurpa i sanger durante e último sena. Señor su último Sena, Eukaristia, ta e signo mas grandi di Kristu Hesus su presensia. Ta e forma di alabansa mas importante.
4. Formanan di mishon
Mishon di krea komunidat (Koinonia)
Hesus su mishon tabata unu di krea un komunidat.
For di komienso di su ministerio públiko, Hesus a reuní disipelnan. El a duna nan un mandamentu nobo: “Stima otro! Manera Ami a stima boso, asina boso tambe mester stima otro. Si boso stima otro, tur hende lo sa ku boso ta mi disipelnan.” Huan 13: 34-35
E disipelnan di Hesus a wòrdu yamá pa biba den un komunidat di amor, imitando e amor di Hesus pa tur hende.
Den tur su siguidónan Hesus a apuntá Pedro i e otro apòstelnan pa guia e komunidat den sirbishi di reino di Dios.
4. Formanan di mishon
Mishon di sirbishi (Diakonia)
Hesus su mishon tabata unu di sirbishi (diakonia)
Den Reino di Dios, sirbi otro ta importante.
“Esun ku ke ta di promé, mester pone su mes te delaster i sirbi tur e otronan.” Marko 9:35
Hesus e sirbidó di mas grandi, a pordoná pekadónan, kura enfermonan, konsolá morimundonan i kuida esnan ku ta sufri.
4. Formanan di mishon
‘Mishon’
1. Kerigma Proklamá
2. Leitourgia Alabá
3. Koinonia Union
4. Diakonia Servisio
4. Formanan di mishon
‘Un mandato’
Hesus ta manda e apòstelnan pa bai na sirbishi di e Reino di Dios, dunando nan e siguiente instrukshon:
“Anunsiá durante boso biahe: “Reino di shelu ta serka!” Kura esnan ku ta malu; lanta morto; kura esnan ku tin lepra i saka demoño for di esnan poseé. Pòrnada boso a risibí, pues duna pòrnada tambe. No biaha ku plaka, sea ta moneda di oro, di plata òf di bròns, den boso saku. No bai ku saku di biahe pa kaminda, ni ku paña èkstra, ni ku sandalia, ni ku garoti. Pasobra un trahadó ta meresé su pan di kada dia.”
Mateo 10:7-10
5. Mandato
‘Un yamada’
Hesus a reuní disipelnan: hòmber i muhé pa sigui su mishon despues ku e regresá serka Tata.
Tur persona ku bira disipel ta bira amigu i kolega di otronan ku tambe ta sigui Señor.
Huntu nan ta forma un komunidat (un ‘Ekklesia’ òf Asamblea di disipel), pasobra nan ta kompartí un amor komun pa Hesus i un mishon komun.
6. Yamada
Definishon di Iglesia
“Iglesia Katóliko ta un komunidat di Kristian yamá pa Dios pa kere den i sigui Hesus, e Yu di Dios, den palabra, alabansa, komunidat i sirbishi. Pa medio di poder di Spiritu Santu, Iglesia guiá pa Papa i otro obispunan ta kontinuá ku e mishon di Hesus di proklamá i sirbi e reino di Dios.”
6. Yamada
Un yamada di Iglesia
E apòstelnan tabata e promé ministronan di Iglesia.
Nan testimonio di Kristu Hesus a preservá e bida di fe di un komunidat resien.
Gradualmente a bini un nesesidat pa un Obispu den komunidatnan.
Un Obispu ta sirbi komo kordinadó òf supervisor di e mishon di Iglesia: Palabra, Alabansa, Konstruí un komunidat i Sirbishi.
Iglesia semper ta yama hendenan pa sirbi den ministerionan spesífiko segun nesesidat ta presentá.
6. Yamada
Ministerio den Iglesia
Kontesta riba yamada…
Algun miembro di iglesia ta yamá pa un ministerio mas spesífiko òf públiko na nòmber di Iglesia.
E personanan aki por wòrdu ordená, ta bruder i sùrnan religioso òf laikonan.
Den parokia bo por konta ku diferente ministro, por ehèmpel: pastor, direktor di edukashon religioso, ministro di hubentut, ministro di liturgia i músika, dosente, ministro di famia, ‘councelor’, i ministro sosial (hustisia i pas).
Den un diósesis esaki por totalisá sentenar òf míles di hende trahando den e 4 areanan fundamental di ministerio di Iglesia: Palabra, Alabansa, Konstruí Komunidat i Sirbishi.
6. Yamada
Konsilio Vatikano II
For di e Segundo Konsilio Vatikano, Iglesia a reafirmá ku tur Kristian ta kompartí e mishon di Hesus komo resultado di nan Boutismo i Konfirmashon (SC 6).
Pa medio di nos palabra i akshonnan, nos ta trese nos fe den Kristu Hesus den nos bida diario na kas, skol òf trabou.
Kada momentu nos mester buska pa usa nos donnan na sirbishi di otro i embolbí nos mes den proyektonan pa sirbi otro. Tur momentu nos ta anunsiando e Bon Notisia i proklamá e Reino di Dios.
7. Nos responsabilidat i kompromiso
Respondé den Fe
Imaginá nan aserká bo pa splika e nifikashon di e mishon di Iglesia na un grupo di hóben.
Bo tin 6 minüt pa splika kiko Iglesia ta i kon e ta biba lokual e ta kere.
Basá riba lokual nos a papia durante e seshon aki kiko lo bo bisa?
Aki algun tep: Por deskribí Iglesia Katóliko komo: …
Miembronan di Iglesia ta imitá Hesus den: ….
Hesus ta ofresé nos hubentut …..
Nos komo Iglesia ta ofresé hubentut …..
Despues di e splikashon ku bo a pensa, identifiká un forma konkreto ku lo bo duna testimonio di bo propio mishon i akshonnan, komo parti di Iglesia.
7. Nos responsabilidat i kompromiso
Respondé den Fe
Ami ta bai sigui Hesus den mishon. Mi ta bai kontesta su yamada.
Mi ta bai asumí e siguiente responsabilidatnan……………..............
……………………………………………………………………………………....
Mi ta bai komprometé mi mes ku ………….....................................
………………………………………………………………………………………
7. Nos responsabilidat i kompromiso
Tres kos básiko…
7. Nos responsabilidat i kompromiso
Three paths to holiness
1. Buska bo Sentro: Entrega kompleto na Dios ku konfiansa, humildat i simplesa.
2. Rekonosé ku bo ta pekadó: den nesesidat di miserikòrdia i sanashon di Kristu. 3. Bo bida no ta pa bo mes: Amor: Nenga bo mes i deseá bondat pa otro. Karidat ta kuminsá asta ku kosnan chikitu.
Kopia di e presentashon
Download un kopia di e presentashon:
www.parokiabrievengat.com