Umthetho Wokuziphatha Indlela esisebenza ngayo · kungenzeka khona, senza imisebenzi yethu ngendlela ebonisa ukukhathalela ngamasiko endawo nawezenhlalo emiphakathi esihlangana nayo

Umthetho WokuziphathaIndlela esisebenza ngayoUhlelo Lwesithathu

2

OKUQUKETHWE

3 UMOYA WAKWA-L’ORÉAL

4 Isandulela ngu-Jean-Paul AGON ngu-Emmanuel LULIN

5 Yikomiti Labaphathi

6 Lo Mthetho usebenza kubani?

6 Indlela yokusebenzisa lo Mthetho

7 Kukhona okungikhathazayo: UKUKHULUMA NGOKUKHULULEKA

8 Ukusebenza ndawonye

8 Ukuhlonipha amalungelo obuntu

8 Ukuhlonipha imithetho yendawo namasiko

9 UKUHLONIPHA IZIBOPHO ZETHU NJENGEBHIZINISI

10 Ukuphepha nekhwalithi yomkhiqizo

12 Ukukhangisa nokumaketha

14 Ukukhetha abaphakeli kanye nokubaphatha kahle

16 Ukuncintisana okungachemi

18 Ukungqubuzana kwezinhloso zenzuzo

20 Izipho nokungcebeleka

22 Ukugwazisa nokufumbathisa

23 Ukugcina Ulwazi ngemfihlo

24 Ukumela inkampani

26 Ubumfihlo nokuvikela idatha

28 Ukusetshenziswa komnotho wenkampani

29 Amarekhodi ezimali nawebhizinisi kanye nokulwa nokukhwabanisa imali

30 Ukuhweba ngaphakathi

31 Izintela

32 UKUHLONIPHA IZIBOPHO ZETHU NJENGOMQASHI

33 Impilo, ukuphepha nokulondeka

34 Ukuhlukahluka ngokwezizinda

36 Ukuhlukumeza nokuphatha kabi abanye

37 Ukuhlukumeza ngokocansi

38 UKUHLONIPHA IZIBOPHO ZETHU NJENGESAKHAMUZI ESIZIBOPHEZELE SENKAMPANI

39 Imisebenzi yezombusazwe nokukhankasa

40 Isibopho sokukhathalela imvelo

41 Iqhaza emphakathini

42 INDIMA YOMPHATHI

3

UMOYA WAKWA-L'ORÉALI-L’ORÉAL izibekele umgomo wokunikeza bonke abesifazane namadoda emhlabeni wonke izimonyo ezintsha eziphambili uma kuziwa kukhwalithi, ukusebenza nokuphepha kwazo. Isifiso sethu kule minyaka ezayo ukuzuza abathengi abangaphezu kwezinkulungwane eziyisigidi emhlabeni wonke ngokwenza imikhiqizo yezimonyo ehlangabezana nezidingo nezifiso ezihlukahlukene zobuhle. Lokho esiyikho nedumela lethu kusekelwe eMigomweni Nezimiso Zesimilo ezinamandla kakhulu. Izimiso zethu Yintshisekelo, Ubuchule, Umoya Wokwakha Ibhizinisi, Ukwamukela Imibono Yabanye, Ukufuna Okuphambili Nokuzibophezela. Izimiso zethu Zezimilo ziwuBuqotho, Inhlonipho, Isibindi Nokungafihli Izinto.

NJENGEBHIZINISIIsu lethu lobuholi lisekelwe wutshalo-mali oluqhubekayo ocwaningweni lwethu nasentuthukweni. Lokhu kwenza ukuba izinhlobo zethu zebhizinisi zidilivele abathengi bethu imikhiqizo ephumelela kakhulu, esebenzisekayo futhi okuyinjabulo ukuyisebenzisa, futhi ekhiqizwa ngokucophelela okuseqophelweni eliphezulu neziphephe kakhulu. Kubaluleke kakhulu kithina ukwethembeka nobumsulwa: ukukhangisela abathengi bempahla yethu kusekeleke empumelelweni eqinisekisiwe nasekwazisweni okungokwesayensi. Sizibophezele ekwakheni ubuhlobo obuhlala njalo namakhasimende ethu kanye nabaphakeli bethu, obusekelwe enzuzweni yethu nabo. Siyabahlonipha ababandakanyeka emkhakheni wethu webhizinisi, kuhlanganise nezimbangi zethu. Senza ibhizinisi ngobuqotho: siyayihlonipha imithetho yamazwe esisebenza kuwo futhi sinamathela emikhubeni emihle yokulawulwa kwezinkampani. Silondoloza imigomo ephakeme kwezokugcinwa kwemibiko yezimali nokubika, futhi siyakusekela ukulwisana nokukhohlakala. Siletha inzuzo ehlala njalo, esimeme yabanikazi bamasheya ngokuvikela nokusebenzisa impahla yeNkampani ngendlela ezuzisa kakhulu. Umgomo wethu ukufinyelela ezingeni lomhlaba, futhi siyaqhubeka nokuziphonsela thina nezindlela zethu zokusebenza inselele.

NJENGOMQASHISihlose ukwenza u-L’ORÉAL indawo okungcono kakhulu ukusebenza kuyo. Siyazi ukuthi abasebenzi bethu yibona abayigugu kakhulu ukwedlula yonke enye into. Bafanelwe yindawo yokusebenza ephephile nenempilo: indawo lapho ziqashelwa khona iziphiwo namakhono omuntu ngamunye, ukuhlukahluka kubhekwa njengegugu, ubumfihlo buyahlonishwa, futhi kuyagwenywa ukweqisa phakathi kokuphila kwasemsebenzini nokomuntu siqu. Sikholelwa ekunikeni abasebenzi bethu indawo eqabulayo, amathuba avusa amadlingozi omuntu siqu kanye nethuba lokwenza umehluko. Sikhuthaza isimo sokukhululeka, isibindi, ukuphana nenhlonipho, ukuze abasebenzi bethu bazizwe bekhululekile ukubuza imibuzo, ukuveza imibono kanye nokukhathazeka kwabo.

NJENGESAKHAMUZI ESIZIBOPHEZELE SENKAMPANISidlala ingxenye yethu ekwakheni izwe lobuhle nokungakhethi. Siyawuqaphela umthelela esinawo endaweni esizungezile engokwemvelo, kuhlanganisa nasezimpilweni ezihlukahlukene, futhi siyaqhubeka sifuna ukuwunciphisa: sizimisele ukugwema ukukhinyabeza ikusasa ngenxa yenamuhla. Sineqhaza elihle esilinikelayo emazweni nasemiphakathini esikuyo, futhi siyawahlonipha amasiko nalokho okuhlonishwayo endaweni. Sizibophezele ekuhlonipheni Amalungelo Abantu. Sifuna ukusiza ekuqedeni ukuxhashazwa kwabantwana endaweni yomsebenzi nokusetshenziswa kwabasebenzi okuphoqelelwe. Sifuna ukukuqeda ukwenziwa kocwaningo ngezilwane embonini yethu, futhi sibambe iqhaza entuthukweni nasekwamukelweni kwezinye izindlela ezihlukile ezingasetshenziswa. Siyaqhubeka sifuna ngentshiseko futhi sikhetha amabhizinisi esingabambisana nawo anombono nokuzibophezela ezimisweni zethu zokuziphatha.

Lona umoya esisebenza ngawo: UMOYA WAKWA-L’ORÉAL

4

ISANDULELA

NGO-JEAN-PAUL AGONEkhulwini leminyaka lama-21, izinkampani ezihlanganise izimiso zesimilo kusiko-mpilo lwazo, amasu nemikhuba yansuku zonke yizo kuphela eziyosimama.

Umgomo wethu ukuba enye yezinkampani eziyisibonelo kakhulu emhlabeni wonke.

Uhlelo lwethu lwemithetho yokuziphatha seluyaziwa kakade futhi lusifaka phakathi kwezinkampani zomhlaba eziholayo kulo mkhakha.

Usiko-mpilo lwethu oluqinile lwemithetho yokuziphatha lungenye yezinsika ze-L’ORÉAL Entsha. Yingakho kufanele sikucacise ukuzibophezela kwethu njengebhizinisi, njengomqashi kanye nenhlangano yakuleli eyibhizinisi.

Izimiso zethu Zokuziphatha Okuhle – Ubuqotho, Inhlonipho, Isibindi Nokungafihli Lutho – zizosivumela ukuba siqhubeke siyiQembu eligqugquzela ukuthenjwa.

Imithetho Yesimilo isebenza kithi sonke, kungakhathalekile ukuthi sisebenza kuphi nokuthi uyini umsebenzi wethu – kungathalekile ukuthi siyisisebenzi esisha, ilungu leKomithi Labaphathi, kuze kuyofika phezulu eBhodini Labaqondisi.

Imithetho Yesimilo iyidokhumenti yethu yeziqondiso, egqugquzela esikukhethayo futhi eqondisa izenzo zethu zansuku zonke.

Funda le Mithetho ngokucophelela. Phila ngayo. Yidlulisele kwabanye. Yihloniphe futhi uqiniseke ukuthi abantu abakuzungezile bayayihlonipha.

I-L’ORÉAL idinga ukuthi indlela yokwenza yabo bonke ibe yisibonelo.

JEAN-PAUL AGONChairman and Chief Executive OfficerChairman of the L’ORÉAL Foundation

NGU-EMMANUEL LULINImithetho yethu Yokuziphatha iyidokhumenti ephilayo nehlanganyelwayo ehlanganisa izihloko ezibalulekile kusiko-mpilo lwethu lobuqotho, ukwethembana nobunye. Ihloselwe ukusisiza siqonde okulindeleke kithi njengezisebenzi zase-L’ORÉAL, ngokuchaza izimiso ezivamile nangezibonelo eziningi eziwusizo zansuku zonke.

Ngaphandle kwale dokhumenti, unesayithi ye-inthranethi eqondile (http://ethics.loreal.wans) nezindlela zokuqeqeshwa. Izintathelo Zesimilo eZweni ngalinye zisisiza ukuba siphilele Imithetho yethu.

Kodwa Imithetho Yokuziphatha iwumsebenzi obalulekile womunye nomunye wethu.

Sekuyiminyaka eminingi sihlangana nangoSuku Lwesimilo. Abaningi benu babamba iqhaza kulesi sehlakalo esesiwusuku olusemqoka kukhalenda yeQembu.

Bonke abasebenzi namathimba kufanele basebenze ndawonye ngendlela enenhlonipho nekhululekile. Kufanele sibonge nemiqondo evezwa abanye abantu. Kufanele silalele ngomuzwa wokusiza futhi sabelane ngokwaziswa kuye ngesidingo, ngokuvumelana nemithetho yethu maqondana nokugcinwa kwemfihlo.

Izinkinga zezesimilo azivamile ukuba lula. Okusemqoka ukuthi sibe nesibindi sokuzisingatha. Ungazigcineli yona le mibuzo: khuluma ucele izeluleko. Uyothola ukwesekwa njalo kule nqubo.

EMMANUEL LULINSenior Vice-President and Chief Ethics Officer

Indlela esisebenza ngayo

5

YIKOMITI LABAPHATHI

Sizibophezele ukuphila ngoMthetho Wokuziphatha emsebenzini wethu wansuku zonke. Lokhu kubaluleke kakhulu empumelelweni ye-L’ORÉAL.

Imithetho yokuziphatha isebenza ekuziphatheni kwazo zonke izisebenzi ze-L’ORÉAL Group, emhlabeni wonke, kuyo yonke imikhakha yeNkampani, ngaphandle kokukhetha. Ibandakanya konke okwenziwa kwa-L’ORÉAL, kusukela ocwaningweni, ekusungulweni kwezinto ezintsha nokuklanywa kwemikhiqizo yethu kuya ekuyenzeni nokuyidayisa, kusukela ezisebenzini kuya emisebenzini yethu, kusukela kubaphathi kuya ekusimamiseni intuthuko, kusukela kwezokuxhumana nezindaba zomphakathi kuya kwezedijithali.

Ngamunye wethu, njengamanxusa namalungu omphakathi wakwa-L’OREAL senza isibopho somuntu siqu sokulandela lolu hlelo lweZimiso Zokuziphatha, ngokulandela okubhaliwe nangokufeza izinhloso zalo.

Ngaso sonke isikhathi kufanele uKhumbule ukuthi:• izimiso zokuziphatha ezihlelwe

kule ncwadi ziyisibopho: kumelwe uzihloniphe

• ubeka isibonelo: idumela lakwa-L'ORÉAL, ukusithemba kwabo bonke ababambiqhaza bethu, kuncike komunye nomunye wethu

• ngeke wahlulelwe ngokwalokho okwenzayo kuphela, kodwa nangendlela okwenza ngayo.

23 7

1

4

5

6

8 9 10 11

12

13

14

1516

1 - JEAN-PAUL AGONChairman and CEOChairman of the L’ORÉAL Foundation

2 - BARBARA LAVERNOSExecutive Vice-President Operations

3 - JOCHEN ZAUMSEILExecutive Vice-President Western Europe Zone

4 - ALEXIS PERAKIS-VALATExecutive Vice-President Asia-Pacific Zone

5 - JÉRÔME TIXIERExecutive Vice-President Human Relations and Advisor to the Chairman

6 - ISABEL MAREY-SEMPERExecutive Vice-President Communication, Sustainability and Public Affairs, General Manager of the L’ORÉAL Foundation

7 - MARC MENESGUENPresident Consumer Products Division

8 - NICOLAS HIERONIMUSPresident Selective Divisions

9 - CHRISTIAN MULLIEZExecutive Vice-President Administration and Finance

10 - LAURENT ATTALExecutive Vice-President Research and Innovation

11 - ALEXANDRE POPOFFExecutive Vice-President Eastern Europe Zone

12 - BRIGITTE LIBERMANPresident Active Cosmetics Division

13 - GEOFF SKINGSLEYExecutive Vice-President Africa, Middle East Zone

14 - LUBOMIRA ROCHETChief Digital Officer

15 - FRÉDÉRIC ROZÉExecutive Vice-President Americas Zone

16 - AN VERHULST-SANTOSPresident Professional Products Division

6

ZISEBENZA

KUBANI LEZI ZIMISO?

INDLELA

YOKUSEBENZISA LEZI ZIMISO

Izimiso Zokuziphatha zisebenza kubo bonke abasebenzi bakwa-L'ORÉAL Group kanye nabasizi babo emhlabeni jikelele. Zisebenza kubo bonke abaphathi benkampani namalungu amaKomiti Abaphathi be-L'ORÉAL Group kanye nabasizi babo emhlabeni jikelele. Ngaphezu kwalokho, Izimiso Zokuziphatha zisebenza kubo bonke abasebenzi nezikhulu zenkampani ze-L'ORÉAL Foundation. Igama elithi "L’ORÉAL" elisetshenziswe kule dokhumenti libhekisela kubo bonke abasizi be-L'ORÉAL Group kanye ne-L'ORÉAL Foundation. Ukuze sivumele abasebenzi

abaningi ngangokunokwenzeka ukuthi bafunde Izimiso Zokuziphatha ngolimi abaluncelile, Izimiso Zokuziphatha zitholakala ngezilimi ezingu-45 njengamanje. Uhlelo lwesiNgisi sase-UK lwalezi Zimiso Zokuziphatha luyiyona dokhumenti eyisikhombo.

Izimiso Zokuziphatha ziyatholakala obala kuwebhusayithi yenkampani yakwa-L’ORÉAL.

U-L’ORÉAL usebenza emazweni amaningi – uyikhaya lamasiko, imithetho, nezimiso zezombusazwe ezihlukahlukene.

Njengebhizinisi nanjengabantu ngabanye lapho sifeza imisebenzi yethu kumelwe ngaso sonke isikhathi sihloniphe imithetho nezimiso zamazwe lapho u-L’ORÉAL esebenza khona.

Siyaqonda ukuthi ezinye izimo azilula. Indaba yezimiso ngokuvamile iphathelene nokulamula ukungqubuzana kwezimiso. IZimiso zethu Zokuziphatha zibeka imigomo yeQembu ezindabeni eziningi "ezingaqinisekile" lapho kudingeka khona isinqumo esicatshangelwe kahle, ngaphandle komthetho.

Funa lonke uhlelo lweZimiso ukufuna mayelana nokulindelwe ngokwezimiso nemithetho yakwa-L’ORÉAL, bese uzigcinela ikhophi ozoyisebenzisa ngokuzayo uma unemibuzo noma kukhona okukukhathazayo.

Kodwa-ke, ayikho idokhumenti engacabangela futhi isingatha zonke izimo ezingavela. Ngakho lapho ubhekene nalolu hlobo lwesinqumo, zibuze imibuzo elandelayo:

1. Ingabe kuvumelana neZimiso Zokuziphatha?

2. Ingabe asingqubuzani nomthetho?

3. Ingabe kuvumelana nezimiso zethu zeSimilo eziwuBuqotho, Inhlonipho, Isibindi Nokungafihli Izinto?

4. Izenzo zami zizobathinta kanjani ababambiqhaza bethu futhi ngingasivikela yini isinqumo sami?

5. Bengiyokhululeka yini uma isinqumo sami sivezwa obala enkampanini noma ngaphandle?

Uma impendulo yomunye wale mibuzo ingucha, noma uma ungabaza, into enhle iwukuxhumana nabantu abafanele (umphathi wakho, ochwepheshe bezindaba zenkampani, iNtatheli Yezesimilo, njll.) futhi nixoxe ngendaba ngokukhululekile ngaphambi kokuthatha isinyathelo (bheka nengxenye ethi "Kukhona Okungikhathazayo: Ukukhuluma Ngokukhululeka").

Izimiso Zokuziphatha azishintshi noma yiziphi izinqubo-mgomo esezikhona, futhi kufanele uqhubeke usebenzisa noma imiphi imithetho nemigomo ebekiwe endaweni yakho yomsebenzi. Lolu hlelo lweZimiso Zokuziphatha luhloselwe ukukuhlinzeka ngohlaka lwalezi zinqubo-mgomo nezimiso, ukuze kube lula kuwena ukuqonda lokho ezikushoyo.

U-L’ORÉAL uyavuma ukuthi Izimiso Zokuziphatha azihlanganisi konke futhi ezikuqukethe kungashintsha ngezikhathi ezithile.

U-L’ORÉAL uyaligodla ilungelo lokushintsha Izimiso Zokuziphatha nganoma yisiphi isikhathi, ngokukhipha isaziso noma ngaphandle kwaso, futhi unelungelo lokuthathanoma yisiphi isinyathelo asibheka njengesifanele esimweni esithile, uma nje singangqubuzani neZimiso Zokuziphatha zakwa-L’ORÉAL.


7

U-L'ORÉAL ukhuthaza umoya wokukhululeka lapho abasebenzi bengakwazi khona ukuveza ukukhathazeka kwabo ngobuqotho.

Sikhuthaza bonke abasebenzi ukuba baveze imibono yabo, bavikele imibono yabo futhi babike lapho kuba khona ukuziphatha noma izimfuno ezingemukeleki.

Abasebenzi bangase bakhathazeke ngemikhuba ethile futhi badinge amacebiso nesiqondiso okuzobasiza bakwazi ukuthola isisombululo. Kuyinkambiso yethu ukuthi yonke imibiko yokuziphatha okungafanele ohlangothini lweNkampani, omunye wabasebenzi bayo ngisho nabanye iNkampani exhumana nabo baphenyisiswe ngokucophelela, nokuthi kuthathwe izinyathelo ezifanelekile, kungakhathalekile ukuthi obani ababandakanyekayo.

Indlela evamile yokuveza lezo zinkinga ingokuya kwabakuphethe emsebenzini. Ungase futhi uthintane noMphathi Wezabasebenzi noma iNthatheli Yezesimilo. Kunaneminye imithombo eyengeziwe etholakalayo ezweni lakini, njengabameleli babasebenzi.

Umphathi Wezwe lakini, noma uma kuyizisebenzi zeBhizini noma zeSigaba esithile, ilungu leKomti Labaphathi Beqembu obika kulo linomthwalo wokuqinisekisa ukuthi iZimiso Zokuziphatha ziyahlonishwa; futhi uma kudingeka, ungathintana naye.

Ezimweni ezingavamile, uma isikhalazo sakho singenakusingathwa ngemizila evamile, ungathintana ngqo noMphathi Omkhulu Wezesimilo ngewebhusayithi ephephile: www.lorealethics.com

Isisebenzi esiveza ukukhathazeka okunjalo ngobuqotho sizovikelwa ukuze kungabi noziphindiselelayo. Isisebenzi esikholwa ukuthi kukhona oziphindiselayo kuso kufanele sibike lokhu

ngokushesha ngemizila efanayo eboniswe ngenhla."Ubuqotho" busho ukuthi uye wanikeza ukwaziswa okholwa ukuthi buningiliziwe, kwethembekile futhi kunembile ngaleso sikhathi, ngisho noma kamuva kungase kutholakale ukuthi usephutheni.

Sizoqinisekisa ukuthi kulandelwa inqubo efanele lapho kuphenywa, kuhlonishwe izimiso zobumfihlo kuthathwe ngokuthi abantu abanacala. Noma yiluphi uphenyo nalo luzohambisana nemithetho efanele yendawo, ikakhulukazi mayelana nokulandela inqubo efanele.

Uma kwenziwa uphenyo endabeni yezimiso, ukubambisana ngokuphelele kwabo bonke ababandakanyekayo kuyisibopho futhi lonke ulwazi namadokhumenti kufanele kuhlinzekwe uma kucelwa ekuqaleni.

Umuntu osolwayo uyotshelwa ngohlobo lwezimangalo ezenziwe ngaye. Lolo lwazi lungase lungatholakali ngokushesha uma kubonakala kudingeka, ngokwesibonelo, ukuhlola amaqiniso, ukulondoloza ubufakazi noma ukuthinta iziphathimandla ezinolwazi.

Lonke ulwazi oludluliswayo luyokwabelwa labo bantu abanesizathu esifanele zokwazi ukuze kuqinisekwe ukuthi isikhalazo siyasingathwa futhi/noma kuthathwa izinyathelo ezifanele.

Sizohlinzeka imiphumela yophenyo kumuntu oye waveza lokho kukhathazeka kanye nemiphumela yophenyo ngezinga elifanelekile futhi uma inganikezwa ngaphandle kokwephula izimfuneko ezingokomthetho noma eminye imisebenzi ephathelene nokugcinwa kwemfihlo.

Noma yiziphi izimangalo ezitholakala ziwukwenzelela noma ezingenziwa ngobuqotho zingaholela ezinyathelweni zokuqondisa izigwegwe.

KUKHONA OKUNGIKHA-

THAZAYO

8

UKUSEBENZA

NDAWONYE

UKUHLONIPHA

IMITHETHO YENDAWO NAMASIKO

Silindele ukuba bonke abasebenzi nabantu ngabanye namathimba basebenze ndawonye ngendlela enenhlonipho nekhululekile.

Kukhuthazwa ukusebenza njengeqembu, impumelelo nokwehluleka kumelwe kwabelwane ngakho.

Sonke kumelwe kube umgomo wethu ukuyincoma imibono yabanye, silishayele ihlombe iqhaza abanye abalinikelayo. Kufanele silalele ngomuzwa wokusiza futhi sabelane ngokwaziswa kuye ngesidingo, ngokuvumelana nemithetho yeQembu maqondana nokugcinwa kwemfihlo.

Ukungabi nenhlonipho, ikakhulukazi ngolimi olunenhlamba noma ngezenzo ezingafanele noma ngenkulumo ebandlulula ngokohlanga, ecwasayo noma equkethe ezocansi akwamukeleki. Ukujivaza esisebenza nabo nakho kuphambene nezimiso zakwa-L’ORÉAL.

Ngale ndlela, sizolondoloza isimo sokwethembana, ubuqotho, ubunye nenhlonipho ngokungafani kwethu ngokohlanga kulo lonke ibhizinisi lethu.

UKUHLONIPHA

AMALUNGELO OBUNTU

Sizibophezele ukuhlonipha nokukhuthaza Amalungelo Obuntu, ngokubhekisela eSimemezelweni Somhlaba wonke Samalungelo Obuntu somhla ka-10 Disemba 1948, kanye neZimiso Zezizwe Ezihlangene Eziqondisa Ibhizinisi Namalungelo Obuntu zomhla ka-16 June 2011. Sisayine iSivumelwano Somhlaba Wonke SeZizwe Ezihlangene kusukela ngo-2003 futhi sisekela iZimiso Ze-UN Zokudlondlobaliswa Kwabesimame.

Sitholakala emazweni amaningi, futhi siyaziqaphela ngokukhethekile izindaba ezihlanganiswa yiZivumelwano Eziyisisekelo Ze-International Labour Organization (ezinqabela ukuqashwa kwezingane nokusetshenziswa ngempoqo, ukuhlonipha inkululeko yokuzihlanganisa nabathile), ezikhuthaza ukuhlukahluka kwethu, amalungelo abesifazane, ukuhlonishwa kwamalungelo abantu okusebenzisa imithombo yabo yengcebo engokwemvelo nelungelo lempilo.

U-L’ORÉAL uzibophezele ngokukhethekile emoyeni nasemithethweni elawula ikhwalithi, ezempilo nezimiso zokuphepha, umthetho wezabasebenzi, imvelo, inkohlakalo nokukhwabanisa imali, ubumfihlo bedatha, imithetho yentela, ukudluliselwa ngokunembile kolwazi lwezezimali nolungelona olwezimali kanye nokuncintisana okungachemi.

U-L'ORÉAL ufuna ukwabelana ngalezi zimiso nalabo abambisene nabo ebhizinisini nokuqinisekisa ukuthi abantu abanjalo abambisene nabo nabo bayayihlonipha le mithetho nalezi ziqondiso.

Kufanele siqiniseke nokuthi, noma kuphi lapho kungenzeka khona, senza imisebenzi yethu ngendlela ebonisa ukukhathalela ngamasiko endawo nawezenhlalo emiphakathi esihlangana nayo.

Kungase kube nezimo lapho isiqondiso esikulolu hlelo lomthetho singase sihluke khona emthethweni noma emasikweni endawo ethile. Uma kunjalo, lapho umthetho wendawo noma amasiko edinga khona ukuba kubekwe imigomo engaphezu kwaleyo esiyifake kulolu hlelo loMthetho, ngaso sonke isikhathi kuzosebenza umthetho wendawo noma amasiko. Uma siqhathanisa, bese sithola lo Mthetho unemigomo ephakeme, kufanele kusebenze wona, ngaphandle uma kuholela esenzweni esingqubuzana nomthetho.


9

OkuqukethweI K H A S I 1 0Ukuphepha nekhwalithi yomkhiqizo

I K H A S I 1 2Ukukhangisa nokumaketha

I K H A S I 1 4Ukukhetha abaphakeli kanye nokubaphatha kahle

I K H A S I 1 6Ukuncintisana okungachemi

I K H A S I 1 8Ukungqubuzana kwezinhloso zenzuzo

I K H A S I 2 0Izipho nokungcebeleka

I K H A S I 2 2Ukugwazisa nokufumbathisa

I K H A S I 2 3Ukwaziswa okuyimfihlo

I K H A S I 2 4Ukumela inkampani

I K H A S I 2 6Ubumfihlo nokuvikela idatha

I K H A S I 2 8Ukusetshenziswa komnotho wenkampani

I K H A S I 2 9Amarekhodi ezimali nawebhizinisi kanye nokulwa nokukhwabanisa imali

I K H A S I 3 0Ukuhweba ngaphakathi

I K H A S I 3 1Izintela

UKUHLONIPHA IZIBOPHO ZETHU NJENGEBHIZINISI

"Umgomo wethu ukufinyelela ezingeni lomhlaba, futhi siyaqhubeka nokuziphonsela thina nezindlela zethu zokusebenza inselele."

10

Ukuphepha nekhwalithi yomkhiqizo bekulokhu kubaluleke njalo ngazo zonke izikhathi.Yizinga eliphakeme, ikhwalithi kanye nokuphepha komkhiqizo wethu okubonisa ukuzinikela nenhlonipho yethu ngamakhasimende ethu, okwenza ahlale esethemba, okusekela idumela lemikhiqizo yethu nokuqinisekisa ukuthi u-L’ORÉAL uhlala ehamba phambili emkhakheni wethu. Sizibophezele ekuthengiseni imikhiqizo esebenzisekayo nephephe ngendlela eqinisekisiwe, eqinisekiswe ngezindlela zokuhlolisisa ezicophelela kakhulu.Bonke abasebenzi bakwa-L’ORÉAL abasebenza ekusunguleni imikhiqizo, ukwenziwa kwayo, ukuyimaketha nokuyidayisa kumelwe bafune ukufinyelela ezingeni eliphakeme lomkhiqizo, kusukela uqala ukwenziwa kuze kube yilapho ususakazwa, ngisho nangemva kokuba umkhiqizo usufakwe ezimakethe.

Kufanele

+ Senze ngokuvumelana nazo zonke izimfuneko ezingokomthetho nezilawulayo zikazwelonke nezomhlaba wonke ukuze siqiniseke ukuthi yonke imikhiqizo yethu ihambisana nazo

+ Siqinisekise ukuthi kusetshenziswa imigomo ephakeme kakhulu yenhlanzeko nezokulawulwa kwekhwalithi esigabeni ngasinye, kusukela ekusungulweni komkhiqizo kuya ekwenziweni kwawo kanye nenqubo yokusakaza

+ Uma kukhona isimangalo esisaziyo esivela kumthengi, simcele ukuba athinte uMnyango Wabathengi ofanele futhi uma kubonakala sengathi leso simangalo siyinkinga yezempilo noma yokuphepha, siqiniseke ukuthi sitshela umphathi wethu ngokushesha noma uMnyango we-International Cosmeto-Vigilance

Akufanele

- Sinqabele ukuthekelana ngemibono okukhululekile ngokuphepha komkhiqizo ukuze kungabikho lutho oluphathelene nokuphepha olushalazelwayo

- Sizibe noma ikuphi ukukhathazeka okungaba khona ngokuphepha komkhiqizo, ukubekezeleleka kwawo kanye nezinkinga zokulawulwa kwekhwalithi

- Siphendule imibuzo yabezindaba (kubandakanye nekumidiya yezokuxhumana) mayelana nemikhiqizo yethu esingenalwazi noma esingagunyaziwe ukuba siyiphendule

Kuhambisana Nezimiso?

1.1 - Sithole umbiko ovela kumphakeli othi ukungcola kungenzeka kwenzeke ekuthunyelweni kwamuva nje kwezithako ezingakasebenzi. Imikhiqizo equkethe lezi zithako ezingakasebenzi isithunyelwe kakade ekhasimendeni lethu futhi abukho ubufakazi obuphathekayo bokungcola kwemikhiqizo yethu. Ingabe kufanele ngethembe ukuthi uyakwazi akwenzayo ngokukushalazela lokhu?

U-L’ORÉAL unemithetho elawula izinga lekhwalithi esigabeni ngasinye senqubo yokukhiqiza ukuze aqinisekise ukuthi amakhasimende ethu athola imikhiqizo esezingeni lomhlaba. Ayikho into ebaluleke ukwedlula ikhwalithi, kungakhathaliseki ukuthi sisebenza ngaphansi kwezingcindezi zamasheduli omsebenzi. Kufanele ukumise ukwenza umsebenzi wakho ngaphandle kokungabaza, ukhulume ngokukhululekile nomphathi wakho, bese usebenza naye kanye nalo lonke iqembu ukuze kulungiswe leyo nkinga, ngaphambi kokuba uqhubeke nomkhiqizo.

1.2 - Sithole umbiko ovela kumphakeli othi ukungcola kungenzeka kwenzeke ekuthunyelweni kwamuva nje kwezithako. Imikhiqizo equkethe izithako isithunyelwe kakade ekhasimendeni lethu futhi abukho ubufakazi obuphathekayo bokungcola kwemikhiqizo yethu. Ingabe sinesibopho sokubuyisa wonke lowo mkhiqizo?

Kwa-L’ORÉAL, asipholisi maseko kunoma ikuphi ukukhathazeka ngokuphepha komkhiqizo. Kufanele uxoxe ngale nkinga nomphathi wakho noma uMphathi We-Quality Control ngokushesha.

1.3 - Ngisanda kuthintwa umthengi obenenombolo okungeyona. Ungitshele ukuthi umzimba wakhe uxabene nomkhiqizo wethu othile ngemva kokuwusebenzisa. Kufanele ngenzenjani?

Nikeza leli khasimende inombolo yosizo lwabathengi olufanele futhi ulikhuthaze ukuthi libathinte ngokushesha. Futhi, thumela lolu lwazi ngokwakho eMnyango Wokunakekelwa Kwezinto Esezithunyelwe Emakethe. Kwa-L’ORÉAL, ngemva kocwaningo oluningiliziwe lwemiphumela yalokho okwenziwa yimikhiqizo, ngezinye izikhathi singanquma ukushintsha ukwakheka komkhiqizo ukuze silungise imithelela ethile engathandeki, ngisho noma iphansi kakhulu, ukuze siqinisekise amakhasimende ethu ukuthi angasebenzisa imikhiqizo yethu ngokuqiniseka okukhulu.

Njengebhizinisi

UKUPHEPHA

NEKHWALITHI YOMKHIQIZO


11

1.4 - Umndeni wami nabangane bavame ukungibuza ngombono wethu ngokuhlola imikhiqizo ezilwaneni... Angazi ukuthi ngibatshele ukuthini. Kufanele ngibuze bani ngalokhu?

U-L’ORÉAL akasayihloli ezilwaneni noma yimiphi imikhiqizo yakhe nanoma yiziphi izithako zayo, noma kuphi emhlabeni wonke. Futhi u-L’ORÉAL akawushiyeli kwabanye lo msebenzi. Okuhlukile kwenziwa kuphela uma iziphathimandla zomthetho zifuna ukuba kwenziwe ngezinjongo zokuphepha noma zomthetho. Uma unemibuzo mayelana nale ndaba, ungathinta uMqondisi Wobudlelwano Nomphakathi. Khumbula: kufanele uqaphele uma ukhuluma ngezindaba ezingaphandle komkhakha wakho (bheka isahluko esithi "Ukumela Inkampani").

Ongabathinta: Uma unokukhathazeka mayelana nekhwalithi kanye/noma ukuphepha komkhiqizo, ungakugcini kuwe. Xoxa nomphathi wakho, uMphathi Wokulawulwa Kwekhwalithi, uMqondisi Wezomthetho, uMqondisi Wezesayensi, uMphathi Wezabasebenzi noma iNtatheli Yezesimilo; bayokwazi ukukusiza futhi bakweseke (bheka nesahluko esithi "Kukhona Okungikhathazayo: Ukukhuluma Ngokukhululeka").

12

Ukuphumelela kwemikhiqizo yethu kusekelwe emigomweni yayo ewumgogodla nokusebenza. Lesi simiso sibalulekile ekuzuzeni nasekugcineni ukwethembeka kwamakhasimende ethu. Sifuna ukuxhumana ngendlela enobuqotho ngokuhlonipha ukungafani okukhulu kwezidingo zobuhle nezifiso emhlabeni. Asikhuthazi umbono owodwa noma ongafinyeleleki wobuhle.

Kufanele

+ Silandele izinqumo zangaphakathi zokuqinisekisa ezokukhangisa nesikushoyo ngisho noma kubambezela ukukhishwa komkhiqizo

+ Siqiniseke ukuthi zonke izinto zokukhangisa nezigqugquzelwayo zisekelwe ekusebenzi okufakazelwe kanye nolwazi olufanele lwesayensi olutholakala ngokuhlaziya, ngokucwaninga ngabathengi noma elabhorathri okwenziwa ngokuvumelana nemikhuba yethu emihle kakhulu kule mboni

+ Sinikeza incazelo enembile, eshaya emhlolweni neyiqiniso yemikhiqizo yethu nemithelela yayo

+ Sizame ukuqinisekisa ukuthi injongo nokusetshenziswa okufanele kwemikhiqizo yethu futhi siqiniseke ukuthi kuqondakala kalula kubathengi

+ Siqiniseke ukuthi imikhiqizo yethu ikhuthaza inani elikhulu lezinhlobo zobuhle

+ Sikukhathalele ukusabela okungokwenkolo,

kobuhlanga, okungokwesiko noma kwamaqembu ezenhlalo ekukhangiseni kwethu

+ Siqikelele ukuze siqinisekise ukuthi izinyathelo zethu ziyavumelana neZimiso zethu Zokuziphatha uma sigqugquzela imikhiqizo yabantwana nentsha

+ Siqaphele ikakhulukazi ngokuphathelen nezimo zokusebenza zezingane ezingase zivele ezikhangisweni zethu

+ Siqikelele uma sisebenzisa izilwane ezikhangisweni zethu; ikakhulukazi ukugwema ukusebenzisa izinhlobo ezisengcupheni noma izilwane eziqeqeshwa ngaphansi kwezimo ezingamukeleki ngokucacile

+ Siklame imikhankaso yethu yokudayisa nemisebenzi yokumaketha ngokuqondile ukuze abathengi bayiqonde kalula imibandela yokudayiswayo

+ Sivikele ulwazi lomuntu siqu lwabathengi bethu (bheka isahluko esikhuluma ngoBumfihlo Nokuvikelwa Kwedatha)

+ Sigweme ukukhuluma okujivazayo ngokuphathelene nesincintisana nabo (kuhlanganise nazo zonke izinkulumo ezingelona iqiniso ngokuphathelene nemikhiqizo noma amasevisi abo)

Akufanele

- Sifune ukusizakala ngokukhohliseka kalula, ukuntula ulwazi noma ukungabi nobuchule kwabathengi

- Sigomele ezikhangisweni zethu ukuthi sisebenzisa imikhiqizo ezonikeza inzuzo enkulu kwezobuchwepheshe noma kwezenhlalo noma ukuthi imikhiqizo yethu iyadingeka ukuze umuntu anqobe izinkinga zakhe noma amukeleke emphakathini

- Silulaze isithunzi sabantu ezikhangisweni zethu noma siveze imibono ecwasayo elulazayo

- Sikhangise kumidiya ethile noma ezinhlelweni ezenzelwe ukuba zikhange ngodlame, ngenkolelo-ze yocansi noma ukugqugquzelwa kwenzondo kunoma ubani. Imigomo enjalo iyangqubuzana neZimiso Zokuziphatha zakwa-L’ORÉAL

- Sibe nabantwana abavela ezikhangisweni zomkhiqizo othile ongahlolelwanga ukusetshenziswa kubantwana ngaphandle uma kucacile esikhangisweni ukuthi lowo mkhiqizo awuhloselwe abantwana

- Siqonde abantwana abancane ngokukhethekile ezikhangisweni nemikhankaso yethu, ngaphandle uma kungeyezigcobo zokuvikela elangeni noma imikhiqizo yenhlanzeko

- Seqise ngamabomu uma sikhuluma ngokuthile kwezokuxhumana, kubandakanye esikushoyo ngezemvelo noma ezomphakathi

- Siqongele ulwazi ngezinjongo zokumaketha kwezokuziphatha ngaphandle kokuqale sitshele abasebenzisi be-Intanethi (isib., ukusebenzisa amakhukhi)


2.1 - Engisebenza naye ungibonise isihlongozo sezokumaketha ngesimonyo somzimba (body lotion) esebenzisa omodelayo ozace ngokweqile Ngicabanga ukuthi kuyacika, futhi kungase kubangele ukuba sigxekwe ngokuthi sikhuthaza amantombazane ukuba azibulale ngendlala ephishekela ukuba yizilenda. Uthe ngikhathazeka ngokweqile futhi wathi umdwebo usuthunyelwe kakade ukuze ugunyazwe. Ngingenzani ngalokhu?

UKUKHANGISA

NOKUMAKETHA

Njengebhizinisi


13

Izikhangiso nemikhankaso yethu ihloselwe ukuba ibathinte ngokujulile abantu esibahlosile. Ngakho-ke, kufanele sithwale umthwalo ngayo yonke imiyalezo eyidluliselayo noma okubonakala iyidlulisela. Kukhona ukukhathazeka okwandayo ngezinkinga zokudla phakathi kwabesifazane abasha, kanye nezingozi zezempilo ezihlobene nalokhu. Lokhu kufanele kunakwe lapho sinquma ngemikhankaso yethu yezokukhangisa. Asisebenzi ngamabomu nonobuhle abaneminyaka engaphansi kwengu-16 ngaphandle kokukhangisa okukhethekile njengezigcobo zelanga zezingane, noma okubonakala ngokusobala ukuthi banenkinga ngemikhuba yokudla. Siyakugwema futhi noma ikuphi ukukhangisa okukhuthaza izidakamizwa, utshwala noma ukubhema. Kufanele ukhuthaze uzakwenu ukuba athole umbono wesibili. Ungase futhi uveze udaba kumphathi wakho.

2.2 - Esikhangisweni somkhiqizo wesitayela sezinwele, imodela izofaka iwigi yezinwele zemvelo, futhi sizosebenzisa i-photoshop ukulungisa isithombe sayo ngoba inamabala. Ingabe kuyamukeleka lokhu uma kubhekwa ubuqotho esithi sinabo?

Ukulungisa izithombe kuyadingeka ngezinye izikhathi ngezizathu zobuchwepheshe, kodwa akufanele kukhohlise uma kuziwa kulokho okungenziwa umkhiqizo okhangiswayo. Ukusebenzisa iwigi yezinwele zemvelo kuyamukeleka ngoba yisikhangiso sokutayela izinwele futhi asihlobene nobuningi bezinwele. Kubalulekile ukuthi iwigi esetshenziswayo yenziwe ngezinwele zangempela futhi ibe nombala noma itayelwe ngemikhiqizo ekhangiswayo. Kodwa-ke niqaphele ukuthi izinwele zemvelo okwenziwe ngazo amawigi zidabukaphi, ngezinye izikhathi okungaba yimpikiswano.

2.3 - Ngisungula uhlelo lokumaketha lomkhiqizo omusha. Umphathi womnyango we-R&I uthe "unciphisa imibimbi" kuphela, kodwa umphathi wami ungitshele ukuthi ngithi "uqeda imibimbi". Ngikhathazekile ngokuthi lokhu akulona iqiniso elimsulwa. Kufanele ngenzenjani?

Sisebenza ngokuvumelana nakho kokubili uMthetho Ohlangnisiwe we-International Chamber of Commerce on Advertising neMikhuba Yokuxhumana Kwezebhizinisi, kanye ne-Charter and Guiding Principles on Responsible Advertising and Marketing Communication of Cosmetics Europe. Ukubeka imikhiqizo yethu ezingeni okungelona ngokukhuluma izinto ezingelona iqiniso kuwukungathembeki, futhi kwenza ukuba amakhasimende ethu angasethembi futhi kungase kubhekwe njengokukhohlisa. Uma lo mkhiqizo ungayiqedi imibimbi, khona-ke akufanele utshele abantu ukuthi uzoyiqeda.

2.4 - Ngingathanda ukufaka esikhangisweni iphuzu lokuthi umkhiqizo awunayo i-hexachlorophene, okungesona isimanga ngoba ukusebenzisa lesi sithako kunqatshelwe umthetho. Kodwa kuzwakala kukuhle kubathengi. Kodwa kunozakwethu abacabanga ukuthi ukusho kanjalo kuyihaba. Likuphi iqiniso?

Asikwazi ukwenza abantu bakholwe ukuthi imikhiqizo yethu inesithako esithile uma lesi sithako sivela ngenxa nje yokuhlonipha umthetho. Kuyobe kuwukudukisa abathengi bethu. Ozakwenu baqinisile.

2.5 - Njengamanje ngisebenza ngesikhangiso esenzeka endaweni yezenkolo. Abathengi abahloswe ngalesi sikhangiso cishe bazothanda isitayela sayo esihehayo, futhi ezweni lakithi, angicabangi ukuthi sizocunula othile. Kodwa, kunozakwethu wakwelinye izwe ocabanga ukuthi lokhu kuyeqisa. Kufanele ngenzenjani?

Kufanele sihlaziye izikhangiso zethu singabhekile nje umbono wabathengi esibahlosile kuphela, kodwa sibheke nombolo womphakathi wonkana. Izikhangiso zethu zibukelwa abantu abaningi ngaphandle kwemakethe esiyidayiselayo. Kufanele sicabangele nokuthi sidayisa emhlabeni wonke futhi singasebenzisi izihloko ezingase zamukelwe ezweni elilodwa, kodwa zibashaqise kakhulu abantu kwelinye izwe esisebenza kulo. Okokugcina, akufanele sisebenzise imifanekiso, izimpawu noma izihlobo ezingase zibhekwe njengezicunulayo, ezilulazayo noma ezingayihloniphi inkolo, ubuzwe, usiko-mpilo, iqembu elithile noma abantu abanokukhubazeka okuthile. Okungcono eningakwenza ukuthola umbono ongachemi, ikakhulukazi kubantu abayiphanela ngaphambi kokugunyaza lesi sikhangiso futhi ninake ukuthi lesi sikhangiso sisakazwa kanjani.

2.6 - Umkhiqizo odumile wezingubo zezingane usungula izingubo zokugqoka zamantombazanyana futhi ufuna ukuthenga isigcobo sezindebe futhi usinike amakhasimende uma ethenga ngaphezu kwemali ethile. Yithuba elihle leli, akunjalo?

Kunempikiswano eshubile mayelana nokuthatha izingane zenziwe abantu abalungele ukuya ocansini zisezincane. Yize izingane bezilokhu njalo zifuna ukulingisa abantu abadala, ikakhulukazi ngokugqoka bese zizigcoba ngezimonyo namakha, sikholwa ukuthi kufanele kuhlale kuwumdlalo, futhi ngenxa yaleso sizathu, akufanele sikhuthaze ukuthi izingane zisebenzise izimonyo nsuku zonke ngaphandle kwemikhiqizo yenhlanzeko nokuvikela isikhumba elangeni. Ngakho-ke, kungcono ukugwema ukuhlanganisa imikhiqizo yethu nezinto, izihloko noma izehlakalo ezihloselwe izingane ezincane. Isibonelo, asinayo imikhiqizo yemincintiswano yohlobo lo-"Mini-Miss".

Ongabathinta: Uma kukhona okukukhathazayo mayelana nokukhangisa noma ukudayisa, ungakugcini esifubeni sakho. Khuluma nomphathi wakho, uMqondisi Wezomthetho, uMphathi Wezabasebenzi noma iNthatheli Yezesimilo; bayokwazi ukukusiza futhi bakweseke (bheka nesahluko esithi "Kukhona Okungikhathazayo: Ukukhuluma Ngokukhululeka").

14

Kufanele

+ Sikhethe abaphakeli ngokwesisekelo sokubhida okuncintisanayo; siqinisekise ukuthi konke okuzohlinzekwa ngabaphakeli kuyaqhathaniswa futhi kucatshangelwa ngokungakhethi nangaphandle kokuba netiye

+ Singafihli lutho ngenqubo yokukhankasela umsebenzi futhi sinikeze izimpendulo ezithembekile, nezicabangela imizwa kwabangaphumelelanga kuye ngezici eziwumgomo

+ Siqiniseke ukuthi lokho esikulindele kwezesimilo kuyaqondwa futhi kuhlonishwa yibo bonke abaphakeli nomaphi lapho besebenza khona

+ Sisekele abaphakeli ukuze bahlangabezane nezimfuneko zakwa-L’ORÉAL

+ Sikhokhele abaphakeli ngesikhathi nangokuvumelana nemigomo okuvunyelwene ngayo, ngaphandle uma kunezizathu ezizwakalayo zokungenzi kanjalo, njengalapho izinto ezi-odiwe zingadilivwanga

+ Siqinisekise ukuthi abaphakeli bethu abancikile ngokweqile ngokwezimali ebhizinisini lakwa-L’ORÉAL

+ Sivikele ulwazi oluyimfihlo lwabaphakeli njengokungathi olwethu

Akufanele

- Sithwese abaphakeli izimo ezihlukumezayo (uma kuziwa enkokhelweni, ukugcinwa kwesikhathi ...)

- Siqhubeke sisebena nomphakeli ongakufinyeleli ngokuphindaphindiwe okufunwa u-L’ORÉAL noma ongazihloniphi Izimiso zethu Zokuziphatha, ngokuphathelene namaLungelo Obuntu kanye/noma ukulwa nenkohlakalo


3.1 - Ngizama ukuthola umphakeli omusha wempahla yasehhovisi. Owokuqala engimthintile unikeza isevisi enhle kakhulu, kodwa ngamanani amba eqolo. Owesibili akamuhle kangako, kodwa ushibhile (ngokuyinhloko ngoba uye wenza isaphulelo esiphawulekayo ngomzamo wokuthola ibhizinisi lakwa-L’ORÉAL). Ngingamtshela yini umphakeli wokuqala ukuthi lo owesibili usibize malini, ukuze sizame ukumenza ehlise amanani akhe?

Ungamtshela umphakeli wokuqala ucacise ukuthi uthole amanani angcono kwenye indawo, kodwa ungadaluli ukuthi ungubani lo mphakeli wesibili nenani olithole kuye. Ngale kwalokho, uzobe unikeza umphakeli wokuqala ukwaziswa kwamanani okuphazamisayo ngancintisana naye, okuyinto engqubuzana nezimiso, futhi emazweni amaningi, engqubuzana nomthetho.

3.2 - Ngithole umphakeli omuhle impela, kodwa usanda kuqalisa ibhizinisi lakhe nabakwa-L’ORÉAL, okwamanje uwukuphela kwekhasimende esinalo. Ngingamsebenzisa?

Yebo. Asikho isizathu sokungamsizi lo mphakeli ukuba aqalise ibhizinisi lakhe. Nokho, kumelwe ungene esivumelwaneni sesikhashana futhi utshele umphakeli ukuthi kulindeleke ukuthi athole amanye amakhasimende ngaphambi kwesikhathi esithile. Uma ekahle kakhulu, lokhu akufanele kube yinkinga. Uma ekupheleni kwesivumelwano senu, engakakwenzi lokho, kufanele ucabangele ukushintsha abaphakeli.

3.3 - Othile ungitshele ungazise imfihlo yokuthi omunye wabaphakeli bethu abaphesheya kwezilwandle ungaphansi kokuphenywa kulandela ukumangalelwa kokusebenzisa abasebenzi abaphoqelelwe. Lo mphakeli akazange angitshele lutho ngalokhu, futhi ekuvakasheleni indawo esikhathini esidlule akubonakalanga kunesizathu sokukhathazeka. Ngiwashalazele la mahlebezi?IMP:

Ubuhlobo babakwa-L’ORÉAL nabaphakeli babo budlulela ngale kokuthengwa nokudilivwa kwezimpahla namasevisi. Buwumgogodla wempumelelo yesikhathi eside yebhizinisi lethu. Sahlulelwa ngekhwalithi yobuhlobo bethu esinabo nabaphakeli bethu. Eqinisweni, sizobhekisiswa ngendlela esikhetha ngayo abaphakeli bethu, nangendlela ababonisa ngayo ukuzibophezela kwabo ekwenzeni ibhizinisi ngokuzibophezela.Siyaziqhenya ngedumela lethu lokusebenzelana nabaphakeli ngendlela yokubambisana nekhululekile. Lobu buhlobo busekelwe ezimisweni zokungakhethi, ubuqotho nokwethembeka futhi siyakuhlonipha ukuzimela nolwazi esinalo ngabo. U-L’ORÉAL akasoze asisebenzisa kabi isikhundla sakhe ngoba nje efuna ukubekwa kuqala.

UKUKHETHA ABAPHAKELI

NOKUPHATHWA KAHLE KWABAPHAKELI

Njengebhizinisi


15

Kufanele wenze uphenyo, uqale ngokubuza umphakeli ukuze uthole ukwaziswa. Uma ungabaza, cabangela ukubafaka ohlelweni lwakwa-L’ORÉAL lwe-Social Audit, olubandakanya ukuthumela umhloli wamabhuku wangaphandle ukuqinisekisa amaqiniso mayelana nemikhuba yokusebenza, izimo zokusebenza nezinye izinkinga. Uma ukuhlolwa kwamabhuku kubonisa isidingo sokuthuthukisa, sizotshela umphakeli futhi sizame ukumcela avume ukuthatha isinyathelo sokulungisa. Kodwa-ke, uma kukhona ukungahambisani okukhulu nezimiso zethu esicabanga ukuthi ngeke sikulungise ngokushesha noma uma umphakeli engathuthuki, kufanele sinqamule ubuhlobo.

UKUTHOLA ULWAZI OLUTHE XAXA: sicela ufunde ingxenye ethi "Indlela Esithenga Ngayo" nethi "Abaphakeli / Osonkontileka Nokusebenzisa Abantwana".

Ongabathinta: Uma unokukhathazeka mayelana nokukhetha umphakeli noma ukumphatha, ungakugcini kuwe. Xoxa nomphathi wakho, uMphathi Wezokuthenga, uMphathi Wezabasebenzi noma iNtatheli Yezesimilo; bayokwazi ukukusiza futhi bakweseke (bheka nesahluko esithi "Kukhona Okungikhathazayo: Ukukhuluma Ngokukhululeka").

16

Siyabahlonipha bonke ababandakanyela emkhakheni wethu wezokusebenza, kuhlanganisa nabaphakeli. Sibaphatha ngendlela esingathanda ukuba basiphathe ngayo. Isikhundla sethu njengabaholi embonini yezezimonyo siqinisa umsebenzi wethu wokubeka isibonelo esihle kule ndawo. Kuyasizuzisa ukusebenza embonini lapho imikhuba yezebhizinisi ihlonipheka khona. Kwenza umsebenzi wethu ube lula futhi kuqinise nokwethenjwa ngamakhasimende ethu. Ukwabelana nganoma iluphi ulwazi njengamanani, izindleko noma amasu ezokumaketha nezimbangi zethu kungenza kubonakale sengathi sinquma amanani kusengaphambili, ukuhlukaniswa kwezindawo noma ezinye izinhlobo zokukhwabanisa noma ukungathembeki kwemakethe ekhululekile. Emazweniamaningi, kunemithetho eqinile kulo mkhakha okufanele siyazi futhi sihambisane nayo.

Njengebhizinisi

Kufanele

+ Sidalule ngokushesha kubaphathi uma siye sathola singaqondile noma sasebenzisa ukwaziswa okuyimfihlo okuphathelene nesincintisana nabo futhi okungokwabo kuphela noma okwabanye abantu

+ Sigweme ukuthatha isinyathelo sokunqamula umthombo wokuphakelwa kwalabo esincintisana nabo noma izindawo zentengiso

+ Singalokothi sivumele abasanda kuqashwa kwa-L’ORÉAL ukuba babelane nathi ngokwaziswa okuyimfihlo ngesincintisana nabo abakade bebasebenzela

+ Sigweme konke ukukhuluma okujivazayo ngokuphathelene nesincintisana nabo (kuhlanganise nazo zonke izinkulumo ezingelona iqiniso ngokuphathelene nemikhiqizo noma amasevisi abo)

Akufanele

- Sithintane nesincintisana nabo lapho kuxoxwa khona ngokwaziswa okuyimfihlo

- Siyenge amakhasimende noma abaphakeli ukuba bephule izivumelwano zabo nesincintisana nabo

- Senze amalungiselelo aseceleni ezentengiselwano (okungukuthi, izivumelwano ezidinga ukuba inkampani ithenge noma ithengise kwa-L’ORÉAL kuphela) ngaphandle kwemvume yomthetho etholakale kusengaphambili

- Siqoqe ukwaziswa kwalabo esincintisana nabo ngezindlela ezingekho emthethweni kanye/noma ngokwehluleka ukuzazisa ngokucacile njengesisebenzi sakwa-L’ORÉAL lapho siqoqa lokho kwaziswa

- Sifake abanye ezivumelwaneni ezibopha noma zihlanganise imikhiqizo ehlukahlukene noma amasevisi (isib., lezo ezidinga ukuba umthengi ofuna umkhiqizo owodwa athenge omunye "ohlanganiswe" nalowo mkhiqizo) noma sivumele imbuyiselo yesinxephezelo ngaphandle kweseluleko sezomthetho

- Sithonye inqubo yamanani yamakhasimende ethu


4.1 - Muva nje ngingene embukisweni wezohwebo womunye ummeleli wesincintisana nabo. Ngesikhathi esaqhabula e-bar, uphawule ukuthi inkampani yakhe ngokushesha izonyusa amanani emikhiqizweni embalwa eyinhloko. Lokhu ngempela kuwukuhlakanipha okusebenzisekayo! Ngubani engingamtshela ngakho ukuze sisebenzise leli thuba ngokunenzuzo?

Asabelani noma sibhide ngokwaziswa ngamanani nesincintisana nabo. Lokhu kuhlanganisa izinqubo-mgomo zamanani, izaphulelo, ukukhangisa, imiklomelo, amawaranti kanye nemibandela yezokuthengiselana. Uma esincintisana naye ethanda ukwabelana nathi ngalokho kwaziswa, kufanele uyivale ngokushesha le ngxoxo, kodwa ngokushesha futhi wazise umphathi wakho noMnyango Wezomthetho. Kodwa-ke akufanele wabelane nanoma ubani ngalolu lwazi. Nakuba lokhu kwabelana ngokwaziswa kungase kwenziwe ngobuqotho, kungase futhi kudale umuzwa wokwenza ukuvumelana ngamanani noma ukungenelela ekubhideni okuyinto ephambene nezimiso zokuziphatha futhi emazweni amaninigi iwukwephula umthetho.4

4.2 - U-L’ORÉAL uyilungu le-National Professional Cosmetics Association futhi mina ngingummeleli ka-L’ORÉAL weKomithi Lezomnotho. Ngemva komunye wemihlangano yamasonto onke weKomiti, omunye engisebenza naye, ongumeleli wesincintisana naye owaziwa kakhulu, usikisele ukuba amalungu eKomiti ahlangane esitolo sokudlela ukuze kuqiniswe ukuxhumana kwamalungu ngamanye futhi "kuthululelwane izifuba". Kufanele ngenzenjani?

Ungasamukeli lesi simemo, futhi sheshe wazise uMnyango wakho Wezomthetho. Sinesibopho sokuxwayisa i-Association ngaleyo mihlangano "yokuthululelana izifuba". Khumbula ukuthi ukuthintana nesincintisana nabo kufanele kwenzeke ngokwethukela futhi kugcine ezihlokweni ezingaqondene nomsebenzi, ezingebucayi nezingaphathelene namacebo ebhizinisi. Kugweme ngempela ukuxhumana nesincintisana nabo ngisho nemicimbi yokuzijabulisa kanye nabo. Uma phakathi nokuxhumana okusemthethweni "okugunyazwe" nesincintisana nabo, ubona ukuthi izindaba ezibucayi kungenzeka zidingidwe, mane nje uhambe kulowo mhlangano uKhumbule ukuthi ushiye umhlangano usabhaliselwa amaminithi okukhulunyelwa.

UMNCINTISWANO

ONGAKHETHI


17

4.3 - Ngithole ukuthi omunye wesincintisana nabo oyinhloko uzobe ethula umkhiqizo omusha ngokushesha ongase ube isikhinyabezo esikhulu ezinhlelweni zethu zokuthengisa nokumaketha. Kudingeka sithole okwengeziwe nakanjani ngalokhu, kungakhathaliseki ukuthi kwenzekani. Njengoba sazi ukuthi lokhu kuyinto ebucayi kangakanani, singamqasha yini umuntu othile ukuba angene phakathi kwabo ukuze athole ukuthi ukuthi bakhuluma ngani njengoba beqalisa lo mkhankaso?

Cha. Lokhu ukuziphatha okungqubuzana nezimiso zokuhle okungalilimaza kakhulu idumela lethu elihle lobuqotho. U-L’ORÉAL akasoze ahambisana nalezo zenzo. Singaqoqa ukwaziswa kokuncintisana kuphela ngezindlela ezisemthethweni. Izindlela ezinjalo zihlanganisa ukuhlola imikhiqizo yesiqhudelana nabo futhi sisebenzise imithombo etholakala emphakathini, njengamapheshana okukhangisa, imibiko yaminyaka yonke, izikhangiso zesincintisana nabo emibukisweni yezohwebo, kanye nokwaziswa kwezezimboni okungadaluli ukwaziswa okuphathelene nenkampani ethile.

4.4 - Ngesikhathi ngivakashele ikhasimende, langinika ulwazi ngamanani anconyelwe esincintisana naye kanye nezinhlelo zabo zokukhipha imikhiqizo. Ngingalucela yini ulwazi mayelana nezinhlelo zasesitolo zokukhipha le mikhiqizo?

Akufanele uqongele ulwazi olubucayi olungathinti umphakathi (amanani, ukukhishwa kwemikhiqizo, amasheya emakethe, isabelo-zimali zokukhangisa, njll.) ngesincintisana nabo ngokuqondile kwesincintisana nabo noma ngokungaqondile, mhlawumbe kumakhasimende ethu. Ukwenza kanjalo kufaka u-L’ORÉAL kanye nekhasimende engcupheni.

4.5 - Ezinyangeni eziyisithupha ezidlule, ngiqashe umuntu othile owayesebenzela esincintisana nabo. Ngesikhathi ngilapho wayenze ucwaningo olubanzi kakhulu ngobuchwepheshe bethu. Ngempela yilolo lwazi olwenza ukuba ngimqashe. Ngokusobala, ngiqikelele kakhulu ukuqinisekisa ukuthi akadluliseli kwaziswa okuyimfihlo kithi, kodwa ngokuqinisekile isikhathi silinganiselwe, okuzothi kamuva ahlanganyele nathi ulwazi lwakhe ngenkululeko? Ngale kwalokho, sizobe sesiyeqisa nathi odabeni lokugcinwa kwemfihlo, akunjalo?

Cha. Akukho sikhathi esilinganiselwe sokuvikela ukwaziswa okuyimfihlo. Omqashile bekumelwe aqashwe ngesisekelo samakhono akhe, hhayi ngenxa yokuthi wayesebenzela esincintisana nabo esikhathini esidlule. Kungase futhi kube okufanelekile ngani ukuba nimdlulisele komunye umnyango, lapho engezuzizwa khona ecindezelekile noma elingeka ukuba adlulise ukwaziswa okuyimfihlo.

UKUTHOLA ULWAZI OLUTHE XAXA:sicela ufunde kwesithi "Indlela Esincintisana Ngayo".

Ongabathinta: Uma kukhona okukukhathazayo mayelana nesincintisana naye, ungakugcini esifubeni sakho. Xoxa nomphathi wakho, uMqondisi Wezomthetho, uMphathi Wezabasebenzi noma iNtatheli Yezesimilo; bayokwazi ukukusiza futhi bakweseke (bheka nesahluko esithi "Kukhona Okungikhathazayo: Ukukhuluma Ngokukhululeka").

18

Njengomholi emakethe yezimonyo, kufanele sikuqaphele ngokukhethekile ukungqubuzana kwezinhloso zenzuzo. Kumelwe sizigweme izimo lapho izinhloso zethu zenzuzo zingase zingqubuzane khona nalezo zakwa-L’ORÉAL.Ngisho nokubonakala kokungqubuzana kungase kulininde idumela lakwa-L’ORÉAL - kanye nelethu. isihluthulelo sokubhekana nanoma ikuphi ukungqubuzana okungase kube khona ukudalula wonke amaqiniso ngokuphelele. Lokhu kuzokwenza ukuba yonke into iphenywe.

Kufanele

+ Sidalule kubaphathi bethu uma kungase kube khona ukungqubuzana kwezinhloso zenzuzo okungathonya noma kubonakale kunethonya ekwahluleleni nasezenzweni zethu (ngokwesibonelo, uma ilungu lomndeni liqashwe ngumphakeli) noma uma sinesikhundla esithile, sibandakanyeka noma sinesabelo sezimali kunoma iyiphi inhlangano eyimbangi, ikhasimende, umphakeli nanoma imuphi uzakwabo wezebhizinisi we-L’ORÉAL, uma isikhundla sethu kwa-L’ORÉAL sisivumela ukuba sibe nethonya ebuhlotsheni bebhizinisi

Akufanele

- Sifihle noma iluphi ulwazi ngokungqubuzana kwezinhloso zenzuzo


5.1 - Omunye wozakwethu unomzala osanda kusijoyina, futhi umngane wami omdala wasesikoleni usanda kuqala ukusebenza nami. Ngikhathazekile kancane ngokuthi abantu bazocabanga ukuthi kunokungqubuzana kwezinhloso zenzuzo lapha. Ingabe lezi zinkambiso zisebenza kuphela emalungwini omndeni aseduze – noma ingabe zingasebenza nakulokhu?

Impendulo isobalIMP: uma ubuhlobo kuwukuthi bungase buthonye umgomo wakho, khona-ke kufanele isebenze le nkambiso futhi ucele isiqondiso. Iqiniso lokuthi ilungu lomndeni wothile noma umngane kakade usesebenzela abakwa-L’ORÉAL alisho ukuthi sekumelwe kufakelwe izibuko ukufanelekela kwesisebenzi umsebenzi eNkampanini. Kodwa kufanele kwenziwa yonke imizamo ukuqinisekisa ukuthi ukuhlaziywa kweholo nomsebenzi kusingathwa umuntu ohlukile, nokuthi lezi zimo ziyagadwa ngokuqhubekayo ukuze kuqinisekiswe ukungachemi nokungakhethi kubo bonke.

5.2 - Ingihlabe umxhwele ngempela ikhwalithi yomsebenzi yomphakeli othile wakwa-L’ORÉAL, futhi ngenxa yalokhu ngingathanda ukutshala izimali zami kule nkampani. Ingabe kukhona ukungqubuzana kwezinhloso zenzuzo kulokhu?

Ngisho noma ukubandakanyeka kwakho kungaba okwezimali kuphela, kungaba khona ukungqubuzana kwezinhloso zenzuzo kuye ngokuthi siyini isikhundla sakho kw-L’ORÉAL, ithonya onalo ezinqumweni zokuthenga, inani lotshalo mali lwakho kanye nokubaluleka kuka-L’ORÉAL njengekhasimende kuleyo nkampani ethintekayo. Okuwukuphela kwendlela yokuthola ukuthi kwamukelekile yini ukudalula lolu daba kubaphathi bakho futhi uxoxe ngalolu daba ngokukhululekile.

5.3 - Indodana yami inehhotela elihle kakhulu endaweni, futhi izinkampani eziningi kule ndawo ziyalisebenzisa ukudla amadina neminye imicimbi. Kusobala ukuthi singalikhetha nathi ngomcimbi wethu. Nanjengoba libiza kahle ngokwamanani uma liqhathaniswa namanye kuhlanganisa nekhwalithi, sikhona yini isithiyo sokuba ngibhuke lona?

Uma kucatshangelwa amanani abiza kahle nokuthandwa kwaleyo ndawo, kungase kube okwamukelekayo ngeNkampani ukuhlela imicimbi lapho. Nokho, ngeke kufaneleke ngawe ukuba usike elijikayo kule ndaba, njengoba kukhona ukungqubuzana kwezinhloso zenzuzo okusobala lapha. Njengakuzo zonke izimo lapho ilungu lomndeni eliseduze lisebenzela khona umphakeli wamanje noma osethubeni lokuba ngumphakeli noma omunye okubanjiswene naye ebhizinisini, kufanele udalule lokhu kumphathi wakho. Yena-ke uzobe esethatha izinyathelo ezidingekayo ukuze agweme ukukufaka esimweni esizokubeka enkingeni.

5.4 - Ngesikhathi sami esikhululekile, ngiyiPhini likaMongameli we-National Consumer Association. Sengibe kulesi sikhundla iminyaka eminingi. Manje ngithole ukuthi i-Association ihlela ukwenza ushintsho olungokomthetho olungase lubangele abakwa-L’ORÉAL izinkinga. Kufanele ngenzenjani?

U-L’ORÉAL uyayihlonipha imfihlo yabasebenzi futhi unombono oqondile ngokubamba iqhaza kwabasebenzi ezindabeni zomphakathi ngezinhlangano noma izinhlangano ezinakelela abaswele. Nokho, kufanele ukudalule ukuba kwakho yilungu noma ukubamba kwakho iqhaza ezinhlanganweni ezinjalo kumphathi wakho lapho unomuzwa wokuthi kukhona ukungqubuzana, noma kungenzeka kube nokungqubuzana, nezithakazelo zakwa-L’ORÉAL. UMphathi wakho noma uMphathi wezeMithombo Yabantu uzokwazi ukukuqondisa ngesinyathelo esifanele okumelwe usithathe. Kulokhu, kufanele utshele nosebenza nabo kwi-Association bese uhoxa kunoma ikuphi ukubandakanyeka kulowo mkhankaso wokunxusa kwabomthetho.

Njengebhizinisi

UKUNGQUBUZANA

KWEZINHLOSO ZENZUZO


19

5.5 - Umkami usebenzela inkampani encintisana no-L’ORÉAL. Asizixoxi ezomsebenzi ekhaya, futhi angiboni ukuthi iNkampani ingenaphi kulokho umkami akwenzayo ekuphileni kwakhe komsebenzi. Nokho abanye bengisebenza nabo baye basikisela ukuthi ngisesimweni sokudicilela phansi inkampani. Kufanele ngenzenjani?

Lokhu kungase kudale isimo sokungqubuzana kwezinhloso zenzuzo. Ukuze uvikele kokubili wena neNkampani, kufanele udalule amaqiniso kubaphathi bakho noma uMphathi wezeMithomboYabantu. Ngaphezu kwalokho, wena nomkakho kufanele nithathe izinyathelo zokuqinisekisa ukuthi ukwaziswa okuyimfihlo nokuphathelene nazo zombili izinkampani kuyavikelwa.

5.6 - Ilungu leqembu lami belikhu liqomisana nomuntu ongaphansi kwalo izinyanga ezithile. Bebeqaphe kakhulu emsebenzini, kodwa abantu bagcina bazile ngakho. Akungimangazi ukuzwa ngakho ngokusemthethweni. Kuqale izinhlobonhlobo zamahlebezi. Yiqiniso, ngivule amehlo ukuze ngiqinisekise ukuthi abukho ubufakazi bokukhetha iphela emasini kule ndaba - kodwa kuthiwani uma kwenzeka behlukana bese kuba kubi? Ingabe kufanele ngenze okuthile ngale nto - futhi uma kunjalo, yini engingayenza?

Lesi isimo esibucayi kakhulu. Kwa-L’ORÉAL, siyakuhlonipha ukuphila kwabantu kwangasese, futhi ngaleyo ndlela akudingeki sazi ngobuhlobo babo bezothando. Noma kunjalo, siyabuthakaselela kufanele ubuhlobo babo emsebenzini, ngamanye amazwi uma oyedwa ebika komunye noma esesikhundleni segunya noma sokulawula omunye umuntu. Isimo osichazayo asifaneleki ngoba kukhona ukungqubuzana kwezinhloso zenzuzo. UMphathi ngeke kulindeleke ukuba ahlulele amphethe ngobuqotho uma ethandana naye. Kufanele uthintane nomphathi wakho noma uMphathi wakho Wezabasebenzi ukuze nidingide indlela yokusingatha lokhu. Okungcono kakhulu, omunye wabasebenzi kufanele ashintshe umsebenzi, futhi siyozama ukuqinisekisa ukuthi lokhu kungafinyelelwa ngendlela engacunuli. Kuye ngamaqiniso nezimo, kungase futhi kube nenkinga yokuhlukumezana ngokocansi.

5.7 - Ingabe isisebenzi sakwa-L’ORÉAL singaba nayo ibhulogi yezobuhle yomuntu siqu?

Kubonakala kunzima ngesisebenzi sakwa-L’ORÉAL ukuba neqhaza kulolu hlobo lwebhulogi ngoba asikwazi ukugxeka imikhiqizo yethu ngenxa yokuthembeka, futhi asikwazi ukugxeka imikhiqizo yezimbangi zethu, ngoba lokho bekuyoba ukuchema. La mabhulogi athandwa kuphela uma eveza imibono yabathengi eyiqiniso. Akufanele sizichaye ekugxekweni noma sisolwe ngokuba nethonya empikiswaneni noma ngokufihla izinto.

UKUTHOLA ULWAZI OLUTHE XAXA:sicela ufunde inqubomgomo kwesithi "Ukuqashwa Komndeni Nabangane".

Ongabathinta: Uma kukhona okukukhathazayo mayelana nokungqubuzana kwezinhloso zenzuzo, ungakugcini esifubeni sakho. Xoxa nomphathi wakho, uMphathi Wezabasebenzi noma iNtatheli Yezesimilo; bayokwazi ukukusiza futhi bakweseke (bheka nesahluko esithi "Kukhona Okungikhathazayo: Ukukhuluma Ngokukhululeka").

20

Ukuphana ngezipho nokungcebeleka kungasiza ekwakheni ukuqonda futhi kuthuthukise ubudlelwano bokusebenza, kodwa futhi kungadala ukungqubuzana phakathi kwezinto ezithandwa yithi nalokho okulindelekile emsebenzini wethu. Lapho wamukela noma uphisana ngezipho noma ukungcebeleka, "umthetho osemqoka" uwukuthi udalule ngokuphelele kubaphathi bakho, uhlale phakathi kwemingcele efanele futhi njalo uzibuze ukuthi lokhu kuyobhekwa kanjani ngumphakathi wonkana.

Kufanele

+ Siqinisekise ukuthi zonke izipho noma ukungcebeleka okunikezwayo kufanelekile futhi kuyavumelana neZimiso Zokuziphatha zakwa-L’ORÉAL

+ Siqinisekise ukuthi lapho sakha ubuhlobo obusha bebhizinisi, bonke abathintekayo bayaziqaphela zibekwa nje amadaka iziqondiso zakwa-L’ORÉAL mayelana nezipho nokungcebeleka. Ngakolunye uhlangothi, thola ukuthi inqubomgomo kazakwethu kwezebhizinisi iyini kulezi zindaba. Lokhu kungasiza kakhulu ekugwemeni ukungezwani

+ Ngokushesha dalula kubaphathi bethu noma isiphi isipho noma isimemo esisamukele, futhi, uma kudingeka, uhloniphe izinqubo zokudalula zangaphakathi

Akufanele

- Samukele izipho noma ukungcebeleka ngaphandle uma inani lako liwumfuziselo ngokucacile

- Samukele noma sinikeze izipho zemali ewukheshi


6.1 - Ngingalinika yini ikhasimende lakwa-L’ORÉAL amathikithi ekhonsathi engingeke ngikwazi ukuya kuyo?

Kumelwe kube khona othile osebenza kwa-L’ORÉAL futhi akwazi ukuqhuba ibhizinisi nekhasimende njengengxenye yalokho kuzikhipha. Kusebenza umthetho ofanayo lapho samukela ukungcebelekiswa ngumphakeli. Kuvumeleke kuphela uma lokho kungcebeleka kufanelekile, kuvamile futhi kujwayelekile ebuhlotsheni benu bezebhizinisi futhi umhlinzeki naye ezoba khona.

6.2 - Sisanda kwenza idili ebaluleke kakhulu nekhasimende elisha. UMphathi wami Wezentengiselwano usikisele ukuba sike sizinike isikhathi sokuyojabulela lesi sehlakalo endaweni yokuzijabulisa. Ngicabange ukuthi lona ngumbono omuhle kakhulu - kwaze kwaba yilapho ngithola ukuthi yisikhungo sokuzijabulisa sabadansi abanqunu! Ngizizwa ngingakhululekile neze ngokunikwa lolu hlobo lokungcebeleka. Ingabe ngikhathazeka ngokweqile?

Ukuzijabulisa okunikwa amakhasimende akufanele nje kuphela kube okuhluzekile, kodwa futhi kufanele kube okwamukelekayo. Lolu hlobo lokuzijabulisa ngeke lungqubuzane NOMOYA WAKWA-L’ORÉAL nje kuphela, kodwa lungase futhi lwenze ikhasimende lingakhululeki neze, ingasaphathwa eyelungu leqembu lakho lezentengiselwano elithola lolu hlobo "lokungcebeleka" lungamukeleki. Kufanele ukhuthaze uMphathi wakho Wezentengiselwano ukuba akhethe olunye uhlobo lokungcebeleka olufanelekile. Ngokuhamba kwesikhathi, lokho kuzokwenza iNkampani ikubheke ngeso lokukwethemba.

6.3 - Ukuze ngithengise imikhiqizo esiphelelwe isikhathi, omunye umphakeli uthembise ukunginika isaphulelo sami siqu sika-15%. Ngingasamukela?

Ngaphandle kwezimo ezingavamile zezaphulelo okuvunyelwene ngazo nabaphakeli be-L’ORÉAL, kufanele utshele abaphathi bakho nganoma yisiphi isaphulelo osinikwa umphakeli.

6.4 - Njengengxenye yomsebenzi wami, ngihlela imihlangano eminingi yebhizinisi, uhambo nemibuthano emikhulu. Manje ihhotela engivame ukulisebenzisa ukubhukhela izisebenzi zakwa-L’ORÉAL linginikeze impelasonto yamahhala yokugubha usuku lomshado lwabazali bami. Isenzo esihle. Ngingasamukela?

Cha. Ngisho noma lesi sipho singeke sikuzuzise wena siqu, ukwamukela lesi sipho kwenza kube nzima ukuhlala ungakhethi lapho uhlelela abakwa-L’ORÉAL indawo yokuhlala ehhotela esikhathini esizayo. Ngisho nokubonakala kwalokhu kungqubuzana kwezinhloso zenzuzo akuvunyelwe futhi kumelwe kugwenywe ngokusenqaba ngomusa lesi sipho, futhi ukwenze kucace ukuthi kungani wenza njalo.

Njengebhizinisi

IZIPHO

NOKUNGCEBELEKA


21

6.5 - Umphakeli usanda kungithembisa i-hamper enkulu yemikhiqizo yakhe. Ngiyazi ukuthi ngeke imbize ngokweqile. Ingabe kufanele ngiyamukele?

Kufanele umbonge umphakeli ngomoya wakhe wokuphana, kodwa usenqabe ngomusa isipho sakhe. Ungamukela kuphela izipho nezimemo eziboniswe ngokucacile. Ngokwesibonelo, imikhiqizo enelogo yomphakeli noma ibhokisi loshokoledi ngokuvamile liyamukeleka. Uma ucabanga ukuthi kuzolimaza ubuhlobo uma ungenqaba, cela iseluleko kubaphathi bakho ukuze uthole indlela efanelekile yokuxazulula lolu daba lwesipho.

6.6 - Ngibonisana nekhasimende ngokwandisa indawo esinayo emashalofini. Engixhumana naye uyenqaba ukuhlola isihlongozo sethu, uthi izimbangi zethu zimphatha "kahle" kunathi. Ngibona sengathi ufuna ngimnike isipho kodwa akakaceli lutho ngokukhethekile.

Tshela abaphathi bakho ngokungabaza kwakho. Kungase kudingeke ukuba ukhulume nabaphathi bekhasimende lakho ngoba cishe akunakwenzeka bakhuthaza lolu hlobo lokuziphatha kubasebenzi babo. Kunoma ikuphi, ungasivumeli isilingo. Ukubonisana okuhle namakhasimende ethu kusekelwe kukhwalithi yemikhiqizo yethu nenqubomgomo yamanani ethu, hhayi ekhonweni lethu lokuba abasebenzi babo izipho.

UKUTHOLA ULWAZI OLUTHE XAXA: sicela ufunde esithi "Indlela Esithenga Ngayo" nesithi "Indlela Esinqanda Ngayo Inkohlakalo", kanye nenqubomgomo yendawo yakini yezipho nokungcebeleka.

Ongabathinta: Uma kukhona okukukhathazayo mayelana nezipho nokungcebeleka, ungakugcini esifubeni sakho. Xoxa nomphathi wakho, uMphathi Wezabasebenzi noma iNtatheli Yezesimilo; bayokwazi ukukusiza futhi bakweseke (bheka nesahluko esithi "Kukhona Okungikhathazayo: Ukukhuluma Ngokukhululeka").

22

Sikholwa ukuthi inkohlakalo ayamukeleki futhi ayihambisani NOMOYA WAKWA-L’ORÉAL. Kulimaza imiphakathi esisebenza kuyo, futhi kulimaza neNkampani. Inkohlakalo ayivunyelwe kuwo wonke amazwe esisebenza kuwo, ikakhulukazi lapho izikhulu zikahulumeni zibandakanyeka khona. Sinenkambiso yokungayibekezeleli nhlobo inkohlakalo, okuhlanganisa "ukufumbathisa". Lokhu kuchazwa ngokuthi inkokhelo yokuvikela noma ukusheshisa izinyathelo zikahulumeni zezinqubo ezisemthethweni, njengokukhipha izimvume noma ukukhulula izimpahla ezigcinwe kuma- custom.

Kufanele

+ Siqiniseke ukuthi ozakwethu bezebhizinisi nesisebenza nabo bayazi ngezimiso zethu futhi bazimisele ukuzihlonipha ngokukhethekile uma besimelela ezweni lapho kunengcuphe enkulu yenkohlakalo

+ Sitshele umphathi wethu ngokushesha kanye noMphathi Wezwe, noma uma kuyizisebenzi zeBhizinisi noma zeSigaba esithile, sitshele iKomiti Labaphathi Beqembu esibika kulo uma siqaphela noma yisiphi isenzo esingase singqubuzane nenqubomgomo yethu yokunqanda inkohlakalo

+ Sitshele uMphathi wethu Wezwe ngokushesha, noma uma kuyizisebenzi zeBhizinisi noma zeSigaba esithile, sitshele iKomiti Labaphathi Beqembu esibika kulo uma sibhekene nenkohliso noma umzamo wokukhohlisa, okuwukuthi, inkokhelo kakheshi nanoma yini eyigugu ukuze sigweme ukulimala kwesisebenzi noma ummeleli wakwa-L’ORÉAL ngokushesha, futhi sikubhale phansi ngokucacile lokhu okufunwayo

Akufanele

- Sihlongoze, sithembise noma sinikeze imali, kubandakanye inkokhelo yokugqugquzela nanoma yini eyigugu (izipho, ukungcebeleka, njll.) kummeleli kahulumeni, wenhlangano yepolitiki noma usopolitiki, inyunyana yabasebenzi noma umuntu oneqhaza kunyunyana yabasebenzi

- Sihlongoze, sithembise noma sinikeze inhlangano yosizo noma inhlangano efanayo imali nanoma yini eyigugu (izipho, ukungcebeleka, njll.) ngenjongo yokutholela u-L’ORÉAL inzuzo ethile kummeleli kahulumeni noma wenhlangano yepolitiki noma wenyunyana

- Sihlongoze, sithembise noma sinikeze imali nanoma yini eyigugu (izipho, ukungcebeleka, njll.) esisebenzisi noma ummeleli wenye inkampani okungabenza baphule isibopho sabo sokuthembeka enkampanini yabo

- Samukele noma sikhankasele imali nanoma yini eyigugu (izipho, ukungcebeleka, njll.) engasenza siphule isibopho sethu sokuthembeka kwa-L’ORÉAL noma sibhekwe njengabathonya ubuhlobo bebhizinisi

- Singalokothi sisebenzise abantu abaseceleni ukwenza okuthile esingavunyelwe ukukwenza noma esingafuni ukukwenza thina ngokuqondile. Lokhu kusho ukuthi kufanele sicophelele uma sikhetha futhi sinakekela abaxhumanisi bethu, osonkontileka, amanxusa kanye nokubanjiswene nabo ebhizinisini


7.1 - Ngitshelwe ukuthi kumelwe ngiqashe "inxusa" lendawo elizongisiza ukuba ngithole zonke izimvume esizidingayo kuhulumeni wakwelinye izwe. Leli nxusa lacela isibambiso esikhulu futhi lathi lizosebenzisa le mali "ukusiza ekugqugquzeleni inqubo". Ngenxa yokuthi asazi ngempela ukuthi le mali iyaphi, ingabe kufanele sikhathazeke ngayo?

Yebo. Uma usola ukuthi noma iliphi inxusa lenza ngendlela engafanele, akufanele ukhokhe leso sibambiso nanoma yiliphi inani kuze kube yilapho usutholile ukuthi akukho zimali eziwubugebengu esezikhokhiwe noma ezikhokhwayo.

7.2 - Ngimisa ihhovisi elisha futhi izikhulu zendawo zicele ukuba ngikhiphe isipho esincane ngaphambi kokuba zingifakele izingcingo. Ngingayikhokha le mali?

Cha. Uma le nkokhelo ingeyona imali ekhokhwa ngokusemthethweni yokufaka izingcingo, akufanele uyikhokhe.

7.3 - Ngimatasa ngilungisela ukuthumela imikhiqizo yethu kukhasimende elisha. Inxusa elisebenzela leli khasimende lingithintile langitshela ukuthi lingangisiza ngokunginikeza ulwazi oluyimfihlo ngaleli khasimende.

Kufanele ukwenqabe lokhu bese utshela umphathi wakho. Cishe kuyodingeka nokuthi utshele ikhasimende lakho ukuthi kunomuntu ozama ukukudayisela ulwazi oluyimfihlo oluphathelene nalo.

UKUTHOLA ULWAZI OLUTHE XAXA: sicela ufunde kwesithi "Indlela Esinqanda Ngayo Inkohlakalo".

Ongabathinta: Uma kukhona okukukhathazayo mayelana nokufumbathiswa nezinkokhelo zokugqugquzela, ungakugcini esifubeni sakho. Xoxa nomphathi wakho, uMphathi Wokulawulwa Kwekhwalithi, uMqondisi Wezezimali, uMqondisi Wezomthetho, uMphathi Wezokuthenga, uMphathi Wezabasebenzi noma iNtatheli Yezesimilo; bayokwazi ukukusiza futhi bakweseke (bheka nesahluko esithi "Izipho Nokungcebeleka" nesithi "Kukhona Okungikhathazayo: Ukukhuluma Ngokukhululeka").

UKUGWAZISA

NOKUFUMBATHISA

Njengebhizinisi


23

Ukwaziswa kuyigugu. Ukudalula ngokungemthetho ukwaziswa okuyimfihlo kungaholela ekulahlekelweni yinzuzo futhi kulimaze u-L’ORÉAL. Kufanele sonke siqinisekise ukuvikelwa kolazi lwangaphakathi, silandele imithetho yeQembu ngokucophelela kulolu daba. Labo kithi abanamalungelo okwazi ukwaziswa okuyimfihlo okuqondene nesibambisene nabo ebhizinisini bangaphansi kwesibopho esifanayo sokukuvikela ukuba kungadalulwa. Kufanele

+ Silinganisele esikudalulayo ngolwazi lwangaphakathi kubantu "okusemthethweni ukuba bazi" abasebenzela u-L’ORÉAL

+ Sihlale sinolwazi lwamuva ngokuphathwa kwemithetho yeQembu

+ Siqinisekise ukugcinwa ngokuphepha kwayo yonke imibhalo eyimfihlo yabasebenzi, abathengi, amakhasimende nabaphakeli, kokubili ebhalwe ephepheni nasemishinini

+ Ngaphambi kokwabelana ngolwazi nabanye abantu abaseceleni abangaphandle kuka-L’ORÉAL (okubandakanya namalungu emindeni yethu noma uma sisebenzisa imidiya yezokuxhumana), sibheke ukuthi yini esinelungelo lokuyisho

Akufanele

- Sixoxe noma sisebenze ngolwazi lwangaphakathi endaweni yomphakathi lapho izingxoxo zingezwakala khona noma lapho kungadaluleka khona ulwazi

- Sidalule ulwazi lwangaphakathi lomqashi wethu wangesikhathi esidlule

- Sigcine noma iluphi ulwazi lwangaphakathi (kuhlanganisa wonke amakhophi okwaziswa kokuqala) lapho sishiya kwa-L’ORÉAL


8.1 - Abangane bami bavame ukungibuza ngomsebenzi wami kwa-L’ORÉAL: banelukuluku lokwazi ukuthi yini k ahle hle le esiyifaka emikhiqizweni yethu, nokuthi yini entsha esesizoqhamuka nayo. Ngokusobala ngazi izimpendulo eziningi zemibuzo yabo ngomsebenzi wami - manje kungakanani engingabatshela kona?

Noma ikuphi ukwaziswa (okulotshiwe, okusemakhompuyutheni, komlomo nokwanoma iluphi uhlobo), okungatholakali emphakathini noye wakwazi ukukufinyelela njengomqashwa wakwa-L’ORÉAL, kumelwe kubhekwe njengolwazi lwangaphakathi. Ukudalula ukwaziswa okunjalo, ngisho nakubangane obathembayo, akufanele. Kungase kumkhinyabeze kakhulu u-L’ORÉAL.

8.2 - Namuhla siphila ezweni lapho kulula khona ukuxhumana futhi kungenamkhawulo ngenxa yobuchwepheshe bedijithali. Lokhu kuyinselele ezimisweni zobumfihlo zeZimiso zethu Zokuziphatha.

Kuyiqiniso ukuthi ezweni elisebenzisa ubuchwepheshe bedijithali, ukuqinisekisa ubumfihlo kuya kuba nzima, kodwa lokho kukwenza kubaluleke kakhulu. Kukumuntu ngamunye ukujwayelana nemithetho yeQembu kule ndaba, ngokuphathelene nokusetshenziswa okufanele kwemidiya yokuxhumana nobuchwepheshe bolwazi nokuxhumana.

8.3 - Ngolunye usuku ngangikhuluma nothile engicabanga ukuthi angaba yikhasimende lethu emhlanganweni. Lapho ngiya egumbini esasibambele kulo umhlangano, sadlula ehhovisi lengisebenza naye. Umnyango wakhe wawuvuliwe, futhi wayekhuluma nelinye ikhasimende ngemibandela yamanani ethu embhobhweni wocingo lwakhe. Njengoba sidlula, samuzwa ethembisa amanani athile ayisipesheli - ikhasimende lami limuzwa nalo! Ngokuqinisekile kufanele aqaphelisise?

Sonke kufanele sithathe izinyathelo ezidingekile ukuze sivikele ubumfihlo bokwaziswa, ngisho nasendaweni yomsebenzi: ngokwesibonelo, ngokulandela inkambiso "yokugcina ideski licocekile", sivalele amafayela endaweni efihlekile, sishintshe amaphasiwedi njalo, futhi siqaphelisise lapho sisebenzisa imibhobho yocingo. Ngeke wazi ukuthi ngubani ongase adlule, ngisho naphakathi kwabasebenzi bakwa-L’ORÉAL, ukwaziswa kwezentengiselwano okuyimfihlo kufanele kwabelwane ngakho kuphela nalabo "okudingeka bakwazi"

8.4 - Uzakwethu oseshiyile kwa-L’ORÉAL ungitshele ukuthi usanda kubona ukuthi unamadokhumenti angaphakathi akwa-L’ORÉAL ekhaya. Ngingameluleka ngithini?

Uma la madokhumenti kungamakhophi, kufanele umcele awadabule. Uma kuyiwo wodwa abhaliswe, kufanele awadlulisele esisebenzini sakwa-L’ORÉAL esinegunya lokuthola ulwazi olunjalo. Xoxa nomphathi wakho ukuqiniseka ukuthi kuthathwa izinyathelo ezifanele.

UKUTHOLA ULWAZI OLUTHE XAXA: sicela ufunde "Indlela Esithenga Ngayo" ngokuphathelene nobuhlobo bethu nabaphakeli, kanye nesithi "Indlela Esincintisana Ngayo" ngokuphathelene nobuhlobo bethu nezimbangi kanye namakhasimende.

Ongabathinta: Uma kukhona okukukhathazayo mayelana nobumfihlo, ungakugcini esifubeni sakho. Xoxa nomphathi wakho, uMphathi Wezabasebenzi noma iNtatheli Yezesimilo; bayokwazi ukukusiza futhi bakweseke (bheka nesahluko esithi "Kukhona Okungikhathazayo: Ukukhuluma Ngokukhululeka").

UKUGCINA

ULWAZI NGEMFIHLO:

24

Kufanele

+ Senze izinto sikhathalela ibhizinisi lakwa-L’ORÉAL ngokusuka enhliziyweni

+ Sibonise Izimiso Zokuziphatha zakwa-L’ORÉAL ekuziphatheni kwethu emsebenzini nasenkulumweni yethu

+ Siqiniseke ukuthi akukho ukudideka phakathi kwemibono yethu noma lokho esikufunayo nezindaba zeNkampani

+ Sigweme ukunikeza umbono wethu ngozakwethu nomsebenzi kumasayithi okuthuthukiswa kwezemisebenzi (njenge-LinkedIn)

+ Njalo siziveze njengabasebenzi bakwa-L’ORÉAL uma sisebenzisa imidiya yezokuxhumana njengengxenye yemisebenzi yethu

+ Sihlale njalo sikhumbula ukuthi akukho "okuyimfihlo" noma "okomuntu siqu" ku-Intanethi

+ Njalo siqiniseke ukuthi noma yikuphi ukuxhumana kwedijithali ngo-L’ORÉAL noma omunye wemikhiqizo yakhe kulungiselelwe ngokwanele

Akufanele

- Sikhulume noma sibhale noma sizibophezele nganoma iyiphi indlela egameni labakwa-L’ORÉAL ngaphandle uma sigunyaziwe ukuba senze kanjalo

- Sikhulume noma sibhale ngezindaba ezingahlangene nalokho esikwaziyo ngomsebenzi wethu

- Sisebenzise ama-letterhead akwa-L’ORÉAL noma ama-imeyili ukuze siveze imibono yethu noma ukwenza ibhizinisi lethu siqu.


9.1 - Ngiye ngavakashela i-blog yengisebenza naye futhi ngabona ukuthi uye waveza imibono yomuntu siqu ngabaphathi bakwa-L’ORÉAL. Ubengazange asho ukuthi ungumsebenziwakwa-L’ORÉAL, kodwa bekulula ukuqagela ngokufunda ukwaziswa abekunikezile okunjengokuthi "Ngisebenzela inkampani yezimonyo engu-n°1"! Ingabe kufanele ngikhulume naye ngalokhu?

Amabhulogi aseyindlela ethandwayo yokuveza imibono. Lapho bebamba iqhaza kumabhulogi, abasebenzi kumelwe bakucacise ukuthi baveza imibono yabo siqu, futhi bathathe zonke izinyathelo ezidingekile ukuze baqinisekise ukuthi le mibono akucatshangwa ukuthi ingeyakwa-L’ORÉAL. Kufanele ukhulume ngale nkinga nosebenza naye kuqala, njengoba kungenzeka ukuthi akazange aqaphele ukuthi izinyathelo zakhe zingangqubuzana nemigomo yakwa-L’ORÉAL. Uma kudingekile, unganquma ukuxoxa ngalokhu nomphathi wakho.

9.2 - Iqembu lethu libambe iqhaza enkomfeni ebibandakanya ukulala ubusuku nokuba nedina ehhotela obekubanjelwe kulo inkomfa. Omunye wanalungu ethimba lami uphuze kwaze kweqa ngesikhathi sedina waqala ukuziphatha kabi kakhulu, enza amahlaya angasile futhi elwisana nabasebenzi basehhotela. Yini okufanele ngiyisho kuye ngokuziphatha kwakhe?

Nakuba lesi sigameko senzeke kusihlwa, ilungu leqembu lakho belisesebhizinisini leNkampani. Kwabanye abakubonile lokhu, ubemelele u-L’ORÉAL. Kusobala ukuthi ukuziphatha kwakhe akuzange kwamukeleke.

9.3 - Bengiye enkomfeni yamazwe omhlaba, futhi ngesikhathi seziphuzo zokusamukela, bengixoxa nomunye umbambiqhaza ngemisebenzi yami kwa-L’ORÉAL. Kamuva kusihlwa, ngaqaphela ukuthi intokazi ebiseceleni kwethu kwakuyintatheli ebhala ngale nkomfa. Yize ngingambulanga lutho oluyimfihlo ngempela, angifuni ukuthi amazwi ami abe yisihloko esiqavile ephepheni.

Uma usemphakathini, kufanele njalo ukhumbule ukuthi uma usemsebenzini noma uzikhulumela wena kukhona intatheli, lokho okushoyo kungase kuphindwe. Thinta uMqondisi wakho Wezokuxhumana ozokwazi ukuthi akweluleke athini.

9.4 - Ngezinye izikhathi kubonakala sengathi i-Inthanethi igcwele ulwazi olungalona iqiniso mayelana no-L’ORÉAL. Akuwona yini umthwalo wami ukukulungisa?

Cha. Uma kukhona ukwaziswa okungalungile okujikeleza emphakathini, kufanele wazise uMnyango Wezobuhlobo Bomphakathi ngalokho futhi bazothatha isinyathelo uma kudingekile. Kodwa akukho mqashwa ongagunyaziwe ongase afake ukwaziswa kweNkampani noma umbono weNkampani ku-Inthanethi noma kwenye indawo.

Idumela lakwa-L’ORÉAL lincike ekuziphatheni komunye nomunye wethu.

UKUMELA

INKAMPANI

Njengebhizinisi


25

9.5 - Ngokokuqala ngqa, ngizoya emhlanganweni wenhlangano yezohwebo. Yiziphi izinyathelo okufanele ngizithathe ukuqiniseka ukuthi u-L’ORÉAL akangeni engcupheni?

Buza uMnyango Wezomthetho ukuthi iluphi ulwazi ongaludingida ngenkululeko futhi wenze ukuqeqeshwa kwe-Inthanethi ngomthetho wezokuncintisana. Kufanele futhi ufunde esithi "Indlela Esincintisana Ngayo" nesithi "Indlela Esinqanda Ngayo Inkohlakalo".

Ongabathinta: Uma kukhona okukukhathazayo mayelana nokumelela iNkampani, ungakugcini esifubeni sakho. Xoxa nomphathi wakho, uMphathi Wezobuhlobo Nomphakathi, uMphathi Wezabasebenzi noma iNtatheli Yezesimilo; bayokwazi ukukusiza futhi bakweseke (bheka nesahluko esithi "Kukhona Okungikhathazayo: Ukukhuluma Ngokukhululeka").

26

Sonke sinelungelo lobumfihlo.U-L’ORÉAL uzibophezele ukuhlonipha ubumfihlo bolwazi lomuntu siqu lwabo bonke ababambiqhaza, kubandakanye nezisebenzi zakhe, abathengi nozakwabo bezebhizinisi. Ulwazi oludingekayo kuphela ekwenzeni umsebenzi kwa-L’ORÉAL olutholwa futhi lugcinwe yiNkampani.

Kufanele

+ Siqiniseke ukuthi abantu esithola ulwazi lomuntu siqu kubo bayatshelwa ngohlobo lolwazi esiluqongelelayo, ukuthi sihlela ukulusebenzisa kanjani nokuthi bangasithinta kanjani uma benemibuzo ethile

+ Siqongelele kuphela ulwazi lomuntu siqu oludingekayo

+ Silahle noma silungele noma iluphi ulwazi olunganembile noma olungaphelele

+ Siqinisekise ukuthi ukwaziswa okunjalo kugcinwa kuphephile

+ Kwa-L’ORÉAL, siqiniseke ukuthi lokho kwaziswa sikunikeza kuphela abantu abagunyaziwe, uma nje "kudingeka bakwazi" kuphela

+ Sifune iseluleko sezomthetho ngaphambi kokudlulisa lokho kwaziswa komuntu siqu ngaphandle kwasezweni lapho kuqongelelwe khona

+ Sihloniphe ilungelo lobumfihlo lesisebenza nabo

+ Siqiniseke ukuthi abantu bangaphandle esibaphathisa ukuqongelela noma ukusebenzisa ulwazi lomuntu siqu bahambisana nalesi simiso

Akufanele

- Siqongelelwe ulwazi "olubucayi" (oluphathelene ngokukhethekile nempilo, indabuko, ukukhetha kwezocansi, imibono yepolitiki, inkolo) ngaphandle kwemvume yalowo muntu noma uma kufunwa umthetho

- Sinikeze ukwaziswa komuntu siqu kunoma ubani ongaphandle kwa-L’ORÉAL, ngaphandle uma kudingwa ngumthetho ukuba senze kanjalo noma uma sisebenzisa abaphakeli besevisi yobuchwepheshe noma sinemvume ebhaliwe yalowo muntu

- Sigcine lokhu kwaziswa isikhathi eside kunesidingekile ukuze kuhlangatshezwane nezizathu ezingokomthetho noma zezebhizinisi okwakudingwa ngenxa yazo

- Sifune noma sigcine ukwaziswa komuntu siqu, ngaphandle uma sithole ukugunyazwa okufanelekile nesidingo esicacile sezebhizinisi salokho kwaziswa


10.1 - Kungani u-L’ORÉAL edinga ukufinyelela olwazini lomuntu siqu?

U-L’ORÉAL udinga ukuqongelela futhi asebenzise ulwazi lomuntu siqu ukuze ahlangabezane izimfuneko ezihlukene zabasebenzi, abathengi nababambiqhaza. Ngokwesibonelo, sisebenzisa amakheli e-imeyili ukuthumelela abathengi noma ababambiqhaza noma abafanele ulwazi abaludingayo. Siqongelela ulwazi lomuntu siqu kwezemakethe njengokwenza imincintiswano yomtomulo nezingobolwazi ze-CRM. Sidinga ulwazi lomuntu siqu mayelana nezisebenzi zethu ukuze sikwazi ukunakekela amaholo nomsebenzi wazo nangezizathu zomthetho noma zokuphepha. Kufanele siqongelele ulwazi lomuntu siqu uma sinquma ukusebenza nekhasimende elisha noma umphakeli. Okokugcina, siqongelela ulwazi lomuntu siqu ocwaningweni lwabathengi noma ezikhungweni zethu zokuhlaziya.

10.2 - Ohambweni lomsebenzi, ipotimende lami elinokhiye we-USB wolwazi lwamakhasimende latshontshwa. Ngeshwa, wawungenalo ubhalo-mfihlo, kodwa angiboni ukuthi "isela" lingenzani ngawo.

Ukulahleka kolwazi lomuntu siqu kungaholela esinyathelweni somthetho, kungonakalisa idumela lakwa-L’ORÉAL futhi kungabalimaza abantu okutshontshwe ulwazi lwabo. Ukwebiwa kolwazi lomuntu ngenxa yokulahleka kolwazi lomuntu siqu ngale ndlela sekuyinto evamile. Ngakho-ke, kubalulekile ukuhlonipha imithetho yangaphakathi nezinqubo zokufihlwa kolwazi. Noma nini uma kungenzeka, yenza ulwazi lomuntu siqu lungafundeki noma usebenzise amagama angamakhodi.

10.3 - Ukuze senze ucwaningo lokuhlaziya, sikwazi ukufinyelela ulwazi lomuntu siqu lwamavolontiya. Ulwazi oluthile lungaheha ezinye izinkampani ezikulungele ukuluthenga. Ingabe sinelungelo lokuludayisa?

Kwa-L’ORÉAL, sizimisele ukuvikela ulwazi lomuntu siqu esiluqongelelayo njengengxenye yomsebenzi wethu. Akunandlela yokusebenzisa lolu lwazi ngaphandle kokutshela abantu abathintekayo kusengaphambili noma ngaphandle kwemvume yabo ebhalwe phansi.

Njengebhizinisi

UBUMFIHLO

NOKUVIKELA IDATHA


27

10.4 - Kufanele ngidlulisele ulwazi lomuntu siqu lwabathengi enhlanganweni ekwelinye izwe. Kufanele ngicele iseluleko kubani?

Into engcono ukuthinta uMqondisi wakho Wezomthetho. Imithetho ihlukile izwe nezwe. Ngaphezu kwalokho, akufanele sidlulisele ulwazi lomuntu siqu kumuntu oseceleni ngaphandle kokuqiniseka ukuthi basayine incwadi yokuhlonipha izimiso zethu zokuvikela ulwazi lomuntu siqu.

10.5 - UMnyango wethu Wabathengi usanda kuthola i-imeyili evela kumthengi ofuna ukwazi ukuthi iluphi ulwazi lomuntu siqu esinalo ngaye futhi ucela ukuba silulahle. Ingabe nginesibopho sokwenza kanjalo?

Yebo, njalo siyasihlonipha isicelo somthengi ongafuni ukuba sisebenzise ulwazi lomuntu siqu njenjongo yezokudayisa, futhi kufanele siqiniseke ukuthi izinhlu zibuyekezwa njalo. Emazweni athile, kunohlu abathengi abangabhalisa kulo uma bengafuni ukuba kusetshenziswe ulwazi lwabo siqu. Cela uMqondisi Wezomthetho usizo lokuthi ungasiphendula kanjani kangcono isicelo salo mthengi.

10.6 - Ngingathanda ukuthumelela omunye wabasebenzi engisebenza nabo isipho esiyimfihlo sosuku lokuzalwa ekhaya lakhe. Ngicele uMnyango Wezabasebenzi ukuthi unginike ikheli lakhe siqu kodwa bathi abakwazi ukungitshela lona, ngoba lokho kungaba "ukumphuca ilungelo lakhe lobumfihlo"! Ingabe lokhu akukhona ukweqisa?

UMnyango Wezabasebenzi uphendule kahle kakhulu – konke ukwaziswa kwabasebenzi kufanele kuhlale kuyimfihlo ngokuphelele. Akufanele ukuqala ukwenza okuhlukile.

10.7 - Muva nje ngizwe umphathi wami exoxa noMnyango Wezabasebenzi ngomunye uzakwethu nokuthi uyagula impela. Ngesikhathi sami esikhululekile, ngiyivolontiya enhlanganweni esiza abantu abagula kakhulu futhi ngingathanda ukwazi ukuthi kukhona yini engingakwenza ukuze ngisize. Ngingaya yini ngqo kwengisebenza naye noma ngiqale ngikhulume nomphathi wami kuqala?

Cha, ungaxhumani nozakwenu ngokuqondile kodwa thinta umphathi wakho noma uMnyango Wezabasebenzi. Uma becabanga ukuthi akufanele, bazothinta uzakwenu bamazise ngakho. Ukuze uhloniphe ubumfihlo bosebenza naye, akufanele neze wabelane nanoma ngubani ngokwaziswa osunakho ngaye.

Ongabathinta: Uma unokukhathazeka mayelana nobumfihlo kanye/noma ulwazi lomuntu siqu, ungakugcini kuwe. Xoxa nomphathi wakho, uMqondisi Wezomthetho, uMphathi Wezabasebenzi noma iNtatheli Yezesimilo; bayokwazi ukukusiza futhi bakweseke (bheka nesahluko esithi "Kukhona Okungikhathazayo: Ukukhuluma Ngokukhululeka").

28

Kufanele

+ Sihloniphe futhi sivikele impahla yeNkampani ukuze uqinisekise ukuthi ayilahleki, ilimale, noma isetshenziswe kabi noma isaphazwe, noma ibolekwe abanye, idluliswe, ithengiswe noma inikelwe ngaphandle kokugunyazwa

+ Siqaphele ukuthi yonke impahla yeNkampani namadokhumenti awakwa-L’ORÉAL

Akufanele

- Sisebenzise amafa eNkampani ngezinjongo zomuntu siqu. Ukusetshenziswa ngokulinganisela kwamathuluzi enkampani njenge-imeyili, ucingo ne-Inthanethi kungamukeleka uma nje kungenakudala izindleko ezinkulu futhi kungangqubuzani nemithwalo yethu yomsebenzi

- Sisebenzise ngokungafanele amasistimu ekhompuyutha, ama-akhawunti enkampani e-imeyili kanye ne-Inthanethi

- Sisebenzise impahla yomunye umuntu oseceleni (izithombe, amafilimu, izihloko, njll.) ngaphandle kokuqiniseka ukuthi u-L’ORÉAL unelungelo lokuyisebenzisa

- Sivumele ukufinyelelwa kohlu lwesixhumana nabo/incwadi yamakheli omsebenzi ekhompuyutha ngamasayithi emidiya yokuxhumana (i-Facebook, i-LinkedIn, njll.)


11.1 - Ngiyasola ukuthi elinye lamalungu eqembu lethu belenza ibhizinisi elithile lezokuxhumana ngesikhathi seNkampani, lisebenzisa ilephuthophu yalo yeNkampani kanye ne-imeyili ukwenza kanjalo. Ngikubikile lokhu kumngane osebenza kwi-Information Services. Angangena ku-imeyili yalo muntu, futhi uthe uzongisiza ngiphenye ukuze ngithole ukuthi kwenzekani. Ingabe lokhu kulungile?

Uma unezinsolo zalolu hlobo, kufanele uxoxe ngazo nomphathi wakho. Kunezinqubo ezithile zokungena kuma-akhawunti e-imeyili ezisebenzi uma kuphenywa ukungaziphathi okufanele. Ngisho noma umngane wakho oku-IT ekwazi ukungena kula ma-akhawunti, akufanele akwenze lokhu ngale njongo ngaphandle kokuthola ukugunyazwa okufanele ngemizila esemthethweni yeNkampani.

11.2 - Iphrinta yethu ekhaya iphukile, futhi umkami udinga ukuthumela i-CV yakhe yomsebenzi ngokuphuthumayo. Kulungile yini uma ngiyithayipha ngokushesha emsebenzini bese ngiyiphrinta khona futhi?

Ungakwazi ukusebenzisa ikhompuyutha ngezikhathi okungezona ezomsebenzi ukuze uthayiphe izincwadi zakho siqu, uma nje lokhu kungezukuba ngumkhuba, kungadaleli inkampani izindleko futhi kwenziwa ngesikhathi esingesona esomsebenzi.

11.3 - Sekuyinsakavukela ukulokhu ngithola ama-imeyili" anehlaya losuku" avela kumngane osebenza komunye umnyango, amanye awo ahlekisa kakhulu. Ngingathanda ukuwathumela kwengisebenza nabo, ngibajabulise ngoMsombuluko ekuseni, kodwa angiqiniseki ukuthi umphathi wami uzokuvumela yini lokhu. Kufanele ngenzenjani? Ngimkhiphe yena ohlwini lwengibathumelelayo?

Akufanele uthumele la "mahlaya". Khumbula ukuthi akubona bonke abantu abathanda amahlaya afanayo. Ngokuyinhloko, kufanele ukhumbule ukuthi amasistimu e-imeyili nawe-Inthanethi eNkampani akumelwe asetshenziselwe ukungena, ukugcina, ukuthumela noma ukusakaza noma ikuphi ukwaziswa okungqubuzana NOMOYA WAKWA-L’ORÉAL – ikakhulukazi uma kuziwa ekuhlonipheni abanye abantu. Lokhu kuhlanganisa izithombe zabantu abenza ucansi noma ezibonisa abantu abanqunu ingcaca, ukwaziswa kwezombangazwe noma okungokwenkolo, izinkulumo zobandlululo nanoma yini ekhuthaza ubudlova, inzondo noma ukungabekezelelani.

11.4 - Ngingayithengisa yini imikhiqizo esiyithenga esitolo seNkampani yethu kubangane ngamanani aphansi? Noma ngingayithengisela yini abangane ngamanani emakethe?

Imikhiqizo oyithenga esitolo seNkampani igcinelwe wena nomndeni wakho, futhi akufanele idayiswe nganoma iliphi inani.

Ongabathinta: Uma kukhona okukukhathazayo mayelana nokusebenzisa umnotho weNkampani, ungakugcini esifubeni sakho. Xoxa nomphathi wakho, uMphathi Wezabasebenzi noma iNtatheli Yezesimilo; bayokwazi ukukusiza futhi bakwesekele (bona nesahluko esithi "Kukhona Okungikhathazayo" Open Talk").

Njengebhizinisi

Umnotho wenkampani uhloselwe ukusiza izisebenzi zifinyelele imigomo yebhizinisi yakwa-L’ORÉAL. Umnotho wenkampani osetshenziswa kabi noma osaphazwayo, kubandakanye nesikhathi sabasebenzi, uyasilimaza sonke futhi unomthelela omubi emisebenzini nasesimweni sezimali sakwa-L’ORÉAL.

UKUSETSHENZISWA

KOMNOTHO WENKAMPANI


29

Kufanele

+ Sifeze ingxenye yethu ekuqinisekiseni ukuthi kulondolozwa imibhalo enembile engokwezimali neyezamabhizinisi, kubandakanye nemibiko yezimali nengeyona eyezimali, ngaso sonke isikhathi

+ Sigcine imibhalo ngokuphepha futhi silandele noma iziphi iziqondiso zokugcinwa kwemibhalo

+ Silandele izinqubo ezifanele zangaphakathi ukuze siqinisekise ukuthi sisebenza namakhasimende emisebenzi esemthethweni futhi anemali engaveli emisebenzini yobugebengu

+ Sibambisane nabahloli mabhuku bethu bangaphakathi nabangaphandle

Akufanele

- Sithengise, sidlulise noma silahle noma iyiphi impahla yakwa-L’ORÉAL ngaphandle kokugunyazwa nokubhala ezincwadini zokugcinwa kwemibhalo ezifanele

- Samukele ukusebenzelana ngezimali eziwukheshi. Uma ingekho enye indlela, futhi kunesigunyazo somthetho senani elifanele, ukusebenza ngezimali eziwukheshi kumelwe kugunyazwe ngokucacile, kurekhodwe kahle futhi kugcinwe emafayeleni

- Sifihle izinkokhelo ngokusebenzisa abanye abantu abaseceleni


12.1 - Ngicelwe ukuthi ngihlole umbiko wokuthengisa olungiselelwe umphathi wami wokuphela konyaka. Ngesikhathi ngenza lokho, ngibone lokho engicabanga ukuthi yiphutha, okubonakala kungekho muntu olibonile. Nginovalo lokukuveza lokhu, ngoba angifuni ukumosha ubuhlobo bami nomphathi wami. Kufanele ngenzenjani?

Isizathu esenze wacelwa ukuhlola umbiko wokuthengisa yikho kanye ukuqinisekisa ukuthi akunamaphutha. Uma ungakuvezi lokhu, awuwenzi kahle umsebenzi wakho futhi awuyisizi iNkampani. Kufanele uxoxe nomphathi wakho ngalokho okutholile. Akanasizathu sokukuthukuthelela; kunalokho, wenze kahle wagwema ulwazi olunganembile obeluzodluliselwa phambili.

12.2 - Ngezinye izikhathi ukuphila kuba matasa kakhulu, futhi angikwazi njalo ukuthola wonke amarisidi okufuna inkokhelo yezindleko zami. Ingabe kulungile ukufaka izinto ezimbalwa

eziyizindleko eziqanjiwe ezingaphansi kwenani lerisidi, ukuze nje ngifinyelele enanini elifanele? Akukhona ukungathembeki, ngoba akusho ukuthi ngiyazuza. Ngiyobe ngiyaqiniseka nje ukuthi ngithola okungifanele.

Cha. Lokhu akulungile. Kusho ukuthi imibiko yezindleko ayinembile, futhi lokho kusho ukuthi kunamarekhodi ezimali anganembile. Kufanele uthwale umthwalo wokunakekela wonke amarisidi; yileso kuphela isiqinisekiso sokuthi uthola imali ekufanele.

12.3 - Elinye lamakhasimende ethu licele ukuthi likhokhelwe ngama-akhawunti ahlukahlukene, kusetshenziswe inhlanganisela kakheshi namasheke. Ingabe lokhu kulungile? Kufanele ngenzenjani?

Kufanele ucophelele kakhulu ngalezi zinhlobo zezinkokhelo. Kungenzeka ukukhwabanisa imali, inqubo lapho imali etholakale ngokungemthetho (isib., ngezidakamizwa, ukugwazela, ukudayisa ngomzimba, njll.) ifihlwa khona noma yenziwe ibonakale isemthethweni. Kufanele uthathe zonke izinyathelo ezidingekayo ukuze uqiniseke ukuthi lokhu kuwumsebenzi osemthethweni. Lezi zinkokhelo zingamukelwa kuphela ngaphansi kwezimo ezingavamile nangemva kokuthola isigunyazo somphathi wakho. Phakathi kwezixwayiso okufanele uziqaphele yilezi: izinkokhelo ezenziwa ngohlobo lwemali engashiwo kumarisidi; imizamo yokukhokha ngokheshi; izinkokhelo ezenziwe othile ongekho esivumelwaneni; izinkokhelo ezingena neziphuma kwenye i-akhawunti ngaphandle kwesetshenziswa ebuhlotsheni bebhizinisi obufanele; kanye nezicelo zokukhokha imali eyeqile. Uma i-akhawunti ingekho egameni lenkampani enenkontileka, inkokhelo kufanele yenqatshwe.

UKUTHOLA ULWAZI OLUTHE XAXA:endabeni yokunemba kwamarekhodi ezimali nawebhizinisi kanye nokulwa nenkohlakalo, sicela ufunde esithi "Indlela Esinqanda Ngayo Inkohlakalo".

Ongabathinta: Uma kukhona okukukhathazayo mayelana nokunemba kwezincwadi zezimali nezebhizinisi, ungakugcini esifubeni sakho Xoxa nomphathi wakho, uMqondisi Wezezimali, uMphathi Wezabasebenzi noma iNtatheli Yezesimilo; bayokwazi ukukusiza futhi bakweseke (bheka nesahluko esithi "Kukhona Okungikhathazayo: Ukukhuluma Ngokukhululeka").

Sonke sinesibopho sokuqinisekisa ukuthi imibhalo yethu, engokwezimali neminye inembile. Ukunemba kubaluleke kakhulu ebhizinisini eliphumelelayo. Lena ingxenye ebaluleke kakhulu yokuqhuba ibhizinisi lethu ngokusemthethweni, ngokwethembeka nangokuphumelelayo. Ngokuyinhloko, kubaluleke kakhulu nangesizathu sokuthi kumelwe sihlinzeke ngokwaziswa okusobala, okukhishwa njalo nokwethembekile kubanikazi bamasheya esikanye nabo. Okokugcina, kufanele siqinisekise ukuthi imisebenzi yethu ayisetshenziselwa ukukhwabanisa ngemali yemisebenzi yezigebengu.

IMIBHALO YEZEZIMALI NEZEBHIZINISI

NOKULWA NOKUKHWABANISA NGEMALI

30

Kufanele

+ Qaphela ukuthi ukusebenzisa ukwaziswa kwangaphakathi ukuze utshale izimali kungase kuwele ngaphansi kwemithetho yokuhweba ngaphakathi

+ Silondoloze ubumfihlo banoma iluphi ulwazi lwangaphakathi esinalo ukuze sigweme noma ikuphi ukudalula ngengozi

Akufanele

- Sithenge noma sidayise amasheya kwa-L’ORÉAL nakunoma iyiphi enye inkampani uma sinokwaziswa kwangaphakathi ngaleso sikhathi

- Sidalule ukwaziswa okunjalo kwangaphakathi kunoma ngubani ongaphandle kweNkampani

- Sidalule ukwaziswa okunjalo kwangaphakathi kunoma ngubani ongaphakathi kweNkampani


13.1 - Angisona isazi sezomthetho. Yini kahle hle "ukwaziswa kwangaphakathi"?

"Ukwaziswa kwangaphakathi" ngumqondo ochazwa ngumthetho. Ngamagama abanzi, kubhekisela ekwazisweni okungatholakali emphakathini umtshali zimali angase akusebenzise njengesinye sezizathu zokwenza isinqumo sokutshala izimali. Ukwaziswa okunjalo kungabhekisela kwabakwa-L’ORÉAL Group, imisebenzi yayo, amakhasimende ayo noma abaphakeli, noma enye inkampani abakwa-L’ORÉAL Group abaxhumana nayo. Uzothola ukwaziswa okwengeziwe encwadini yakwa-L’ORÉAL ye-Stock Market Ethics .

13.2 - Ngisanda kuzwa ukuthi u-L’ORÉAL usezothenga enye inkampani. Lokhu kuzwakala kuyisikhathi esikahle kakhulu sokuthenga isitokwe ngenye yalezi zindlela – noma ngazo zombili, njengoba kungenzeka amanani aphakame lapho kumenyezelwa lokhu. Kulungile yini ukuqhubeka nokwenza lokhu?

Cha, awukwazi ukwenza kanjalo. Njengomsebenzi wakwa-L’ORÉAL, cishe uzobhekwa njengomuntu "wangaphakathi" futhi ngaleyo ndlela ngeke ukwazi ukuthenga noma ukuthengisa isitokwe kwabakwa-L’ORÉAL noma kwenye inkampani kuze kube yilapho lokhu sekumenyezelwe emphakathini.

13.3 - Ngiyaqaphela ukuthi ngeke ngikwazi mina ukuthenga isitokwe esingesakwa-L’ORÉAL ngenxa yokwaziswa kwangaphakathi. Kodwa kuthiwani uma "ngike ngakhuluma" ngakho nentombi yami ukuthi kungenzeka manje yisikhathi esihle sokuthenga. Ingabe lokho kulungile?

Cha. Kuyobe kungamukelekile njengokuthi kuthengawena uqobo. Futhi, ngisho noma intombi yakho ingasilandelanga iseluleko sakho, iqiniso nje lokuthi udlulisele lawo mahlebezi liwukwephula izimiso zethu nomthetho.

Ongabathinta: Uma kukhona okukukhathazayo mayelana nokuhweba ngaphakathi ungakugcini esifubeni sakho. Xoxa nomphathi wakho, uMqondisi Wezomthetho, uMeluleki Wangaphakathi we-Stock Market Ethics noma iNtatheli Yezesimilo; bayokwazi ukukusiza futhi bakweseke (bheka nesahluko esithi "Kukhona Okungikhathazayo: Ukukhuluma Ngokukhululeka"). Kodwa-ke uqaphele ungadaluli noma iluphi ulwazi lwangaphakathi osunalo, uma lukhona.

Nakuba u-L’ORÉAL engafisi ukuncisha abasebenzi inkululeko yokuba bazitshalele izimali zabo, sonke ngabanye kumelwe sikhumbule imithetho ethinta "ukuhweba ngaphakathi".

Njengebhizinisi

UKUHWEBA

NGAPHAKATHI


31

Kufanele

+ Sigcine izincwadi nemibhalo ephelele nenembile

+ Silungise amafomu ethu entela

Akufanele

- Sivumele u-L’ORÉAL ukuba agweme izibopho zakhe zentela ngamabomu


14.1 - Ngiye ngathintwa ngomunye umphakeli othi unezindlela zokusongela izimali. Uthi uzodlulisela amaphepha ethu okuthenga i-oda lokuphela konyaka lidlule ngelinye izwe ukuze sigweme ukukhokha intela yentengo (VAT) ebesizokhokhiswa yona. Kubonakala sengathi kuyisu elihlakaniphile – ngingaqhubeka nalokhu?

Cha: Noma yimuphi umzamo wokubalekela izibopho zentela eziphelele – okuyilokho ngempela – kungqubuzana nomthetho kanye nezimiso. Ibhajethi yakwa-L’ORÉAL ihlanganisa nokukhokha zonke izintela ezisemthethweni.

14.2 - Ngicabanga ukuthi senze iphutha efomini lentela eminyakeni embalwa edlule elanciphisa izinga lethu lentela ngaleso sikhathi. Kufanele ngenzenjani?

Njengomthetho, sikhokha izintela ngokuvumelana nomthetho wendawo futhi sibhekwa njengabathembekile yiziphathimandla zentela. Kufanele uxoxe ngalokhu noMqondisi Wezezimali noma ilungu loMnyango Wezentela weQembu ukuze bakwazi ukuhlola ukuthi kwakuyiphutha ngempela yini, futhi uma kunjalo, ukuthi bangaxoxisana kanjani neziphathimandla zentela futhi kunqunywe izinyathelo ezizothathwa ukuze leli phutha lingaphindeki esikhathini esizayo.

14.3 - Kunezihloko ezimbadlwana emithonjeni yezindaba ezikhuluma ngezinkampani ezibalekela intela. Kungenzeka yini lokhu ngo-L’ORÉAL?

Kwa-L’ORÉAL, sikhokha zonke izintela ezifunwa yiwo wonke amazwe esisebenza kuwo. Lokhu sikubheka njengenye yezindlela esinganikela ngayo emazweni nasemiphakathini esikuyo.

Ongabathinta: Uma kukhona okukukhathazayo mayelana nentela, ungakugcini esifubeni sakho. Xoxa nomphathi wakho, uMqondisi Wezezimali, uMphathi Wezabasebenzi, iNtatheli Yezesimilo noma uMnyango Wezentela weQembu; bayokwazi ukukusiza futhi bakweseke (bheka nesahluko esithi "Kukhona Okungikhathazayo: Ukukhuluma Ngokukhululeka").

U-L’ORÉAL uzimisele ukuba yinkampani enhle yezebhizinisi nomaphi lapho esebenza khona. Lokhu kusho ukuhlonipha imithetho yentela nokukhokha zonke izintela zendawo nezikazwelonke ezifunwa yilowo mthetho.

IZINTELA

32

OkuqukethweI K H A S I 3 3Impilo, ukuphepha nokulondeka

I K H A S I 3 4Ukuhlukahluka ngokwezizinda

I K H A S I 3 6Ukuhlukumeza nokuphatha kabi abanye

I K H A S I 3 7Ukuhlukumeza ngokocansi

UKUHLONIPHA IZIBOPHO ZETHU NJENGOMQASHI

"Sihlose ukwenza u-L’ORÉAL indawo okungcono kakhulu ukusebenza kuyo. Siyazi ukuthi abasebenzi bethu yibona abayigugu kakhulu ukwedlula yonke enye into."


33

Kufanele

+ Sithathe noma isiphi isixwayiso esifanelekile ukuze silondoloze ukuphepha nempilo emsebenzini

+ Siqinisekise ukuthi asizibeki noma sibeke abanye engozini ngezenzo zethu

+ Siqinisekise ukuthi siyazi ukuthi yini okumelwe siyenze uma kuba nezimo eziphuthumayo endaweni yethu yomsebenzi

+ Sibike ngokushesha kumphathi wezokuphepha endaweni yethu noma kubaphathi zonke izingozi, kungakhathalekile ukuthi zincane kangakanani kanye nanoma ikuphi ukuziphatha, izinto ezifakiwe noma izinto ezingase zifake ukuphepha kwendawo yethu yomsebenzi engozini

Akufanele

- Sizibe imithetho yeNkampani ephathelene nezempilo nokuphepha emsebenzini


15.1 - Umphathi wami uthi ukhathazekile ngokuthi angilali ngokwanele, futhi uphakamise ukuthi ngingahambi kakhulu kusihlwa ngemva komsebenzi. Uthi ukhathazekile ngokuthi ngingase ngozele ngivelelwe ingozi. Kulungile, kanye noma kabili bengozela – kodwa ngisawenza kahle umsebenzi wami. Ngempela akudokwe ligayelwe yena ukuthi ngenzani ngemva kwezikhathi zomsebenzi? Anginalo yini ilungelo ngokuphila kwami kwangasese? Ngicabanga ukuthi uzihlupha ngobala. Kufanele ngenzenjani?

Ukuthi uzisebenzisa kanjani izikhathi zakho zakusihlwa kuxhomeke kuwe. Kodwa uma ukukhathala kwakho kubeka wena noma abanye engozini, khona-ke umphathi wakho wenza kahle ngokuletha lolu daba ekunakekeleni kwakho - nakuba kumelwe enze kanjalo ngokukuzwela nangokuhlonipha izindaba zakho zangasese. Nakuba sikuhlonipha ukuphila kwangasese kwabasebenzi, ukuziphatha okungase kudale ingozi yokuphepha kuwe nakwabanye osebenza nabo akwamukeleki. Ukuphepha akusoze kwashalazelwa.

15.2 - Umphathi wami womkhiqizo ungiyale ukubanjalo ngicishe umshini wokuphepha obambezela ibhande lomkhiqizo. Kufanele ngenzenjani?

Akufanele uthikameze, ukhiphe ipulaki noma ucishe noma iyiphi idivayisi yezokuphepha noma umshini ogadile ngaphandle kokuthola ukugunyazwa okufanelekile kusengaphambili kummeleli wezokuphepha. Uma umqondisi wakho

womkhiqizo ephikelela, kufanele unqabe bese utshela abaphathi bendawo noMnyango Wezabasebenzi. Ukuzibophezela kuyisibopho esiqinisekile okungafanele sishalazelwe ngenxa yezinhlelo zomkhiqizo nanganoma yisiphi esinye isizathu.

15.3 - Njengommeleli wezentengiselwano, ngivame ukuhamba ngemoto sekuhlwile namasampula omkhiqizo emadolobheni amakhulu nasemaphandleni. Ngezinye izikhathi, angizizwa ngilondekile. Ngiye ngakhuluma ngodaba lokuphepha nomphathi wami kodwa umane wazithela ngabandayo. Ingabe lolu daba ngingaludlulisela kothile eNkampanini?

Yebo, kufanele uthintane noMphathi Wezabasebenzi ukuze nixoxe ngezisombululo zalokhu ukuze kugwenywe lesi simo.

15.4 - Kunozakwethu obonakala enengcindezi enkulu njengamanje. Ngizamile ukuxoxa naye ngakho, kodwa wenqaba ukukhuluma. Izolo, uvele waquleka emsebenzini. Kufanele ngenzenjani?

Kubalulekile ukuthi uMnyango Wezabasebenzi nomphathi kazakwenu batshelwe ngokushesha ukuze bathathe isinyathelo ngokushesha. Uma ungaqiniseki ukuthi lokhu sekwenziwe yini, unganqikazi ukudluisela udaba phambili.

15.5 - Ngisanda kuthola ukuthi omunye wabaphakeli bethu ubephuza ezakhiweni zethu zomsebenzi. Njengoba engeyena ngempela umqashwa wakwa-L’ORÉAL, ingabe kufanele ngikhathazeke?

Kufanele ubikele umphathi wakho nganoma yikuphi ukuziphatha okungase kukhinyabeze ukuphepha endaweni yenu yomsebenzi noma kufake noma ngubani engozini.

Ongabathinta: Uma unokukhathazeka mayelana nempilo, ukuphepha, nokulondeka, ungakugcini kuwe. Xoxa nomphathi wakho, uMphathi Wezempilo Nokuphepha, uMphathi Wezabasebenzi noma iNtatheli Yezesimilo; bayokwazi ukukusiza futhi bakweseke (bheka nesahluko esithi "Kukhona Okungikhathazayo: Ukukhuluma Ngokukhululeka").

Sonke thina esisebenza no-L’ORÉAL futhi esimsebenzelayo sinelungelo lokusebenzela endaweni enempilo, ephephile nelondekile futhi ukuphepha emsebenzini kuncike kithi sonke.

IMPILO,

UKUPHEPHA NOKULONDEKA

34

Kufanele

+ Sisekele futhi sikhuthaze ukuzibophezela kuka-L’ORÉAL ekukhuthazeni ukuhlukahluka, eminyangweni enjengeYabasebenzi, Yokumaketha, Yokuthenga kanye Nokunikela Emiphakathini

+ Siqinisekise ukuthi abaphakeli bethu, amakhasimende nesibambisene nabo ebhizinisini bayayiqaphela inkambiso yokuhlukahluka ngokwezizinda yakwa-L’ORÉAL

Akufanele

- Sibandlulule noma siqinele/sixhaphaze abanye ngenxa: - yobulili- ukukhubazeka- isimo somshado noma somndeni- izithakazelo ezihlukile zezobulili- ubudala- imibono yezombangazwe nezefilosofi- izinkolelo ezingokwenkolo- imisebenzi yezinyonyana- imisuka yezobuhlanga, ezenhlalo, ezempucuko

noma ubuzweLokhu kwenqatshelwa kokubandlulula akusebenzi nje ekuqashweni kwabantu, kodwa nakuzo zonke izinqumo eziphathelene nokuqeqesha, ukukhuphula isikhundla, ukulondoloza umsebenzi kanye nezimo zomsebenzi zizonke, kanye nobuhlobo bethu nabaphakeli bethu, amakhasimende, ozakwethu kwezebhizinisi nabanye abantu abaseceleni


16.1 - Uqonde ukuthini ngempela u-L’ORÉAL ngokuthi "ukubandlulula"? Ingabe lokhu kunencazelo efanayo naleyo enikezwa ngumthetho ezweni lakithi, noma kuhlukile?

Umthetho wokuqala uwukuthi u-L'ORÉAL uyayihlonipha imithetho kazwelonke futhi ngaleyo ndlela noma isiphi isisebenzi esiphula imithetho yokubandlulula ezweni lakubo singase sijeziswe kanzima. Kodwa kungase kube namazwe lapho umthetho wokubandlulula ungakuvimbeli ukuziphatha okuthile iNkampani ekuthola kungamukeleki. Ngokwesibonelo u-L’ORÉAL akamelene nje kuphela nokubandlulula othile ngokuqondile, kodwa futhi umelene ngisho nanokumbandlulula bukhoma. Ukubandlulula umuntu ngokuqondile kusho noma isiphi isinyathelo esithathwa ngokuqondene nemisebenzi, ukuqeqesha, ukukhushulwa,

ukuqhubeka uqashiwe nanoma isiphi esinye isici sokuphila emsebenzini okusho ukuthi labo abathintekayo abakujabuleli ukuthola ukuphathwa ngendlela efanayo namathuba alinganayo. Ukubandlululwa bukhoma kusho noma isiphi isinyathelo okuthi, nakuba ngokusobala senziwa buthule, sibeke noma ngubani wobulili obuthile, ubudala, ukukhubazeka nanoma iziphi ezinye izici esimweni sokuhlupheka uma kuqhathaniswa nabanye.

16.2 - UMnyango Wezabasebenzi uphakamise ukuthi ngifake umuntu okhubazekile ethimbeni lami. Ngiyazi ukuthi ukuhlukahluka kwabantu kubalulekile kwa-L’ORÉAL, kodwa nginovalo lokuthi lo muntu uzogula njalo angezi emsebenzini kuze kube yilapho kuphazamisa lonke iqembu, futhi ngizithole nginesibopho sokumphathisa okweqanda, okuyodala isikhwele kwamanye amalungu ethimba.

Lena yimiqondo ekhona engenasisekelo. Esikubonile kubonisa ukuthi ukuba khona kwabantu abakhubazekile akubushintshi ubuhlobo emsebenzini. Kubantu abakhubazekile njengakunoma ibaphi abanye, ukuqashwa kusekelwe emakhonweni omuntu. Umehluko nje uwukuthi kuhlolwa ukuthi umuntu uzokazi yini ukusingatha isikhundla somsebenzi. Kungase kudingeke izinyathelo ezithile zokuvumelana nezimo kodwa lokhu akuyona imvamisa.

16.3 - Ilungu leqembu lami lisanda kubamba iminyaka engu-50. Bengifuna ukuhlela umcinjana nje wokumbungaza, kodwa akafunanga, ethi u-L’ORÉAL akanalo ikusasa labantu asebekhulile futhi akafuni ukuthi abantu banake ubudala bakhe kakhulu. Kufanele ngithini kuye?

Mqinisekise uzakwenu futhi umcele ukuthi ahlangane noMphathi Wezabasebenzi ukuxoxa ngezinhlelo zakhe zomsebenzi. U-L’ORÉAL uzibophezele ekunikezeni wonke umuntu ithuba elihle lomsebenzi, kungakhathalekile ubudala bakhe, futhi uvumela wonke umuntu ukuba abe neqhaza ekuthuthukiseni amathuba akhe omsebenzi.

16.4 - Omunye wozakwethu akakhetha umphakeli ohlangabezana nazo zonke izimfuneko zethu, ngokombono wami. Uma sicabangela okushiwo yilo zakwethu, ngisola ukuthi kungenxa yobuzwe nobuhlanga bomphakeli. Kufanele ngenzenjani?

Njengomqashi

Ukuhlukahluka kwamakhono abantu emsebenzini wethu kuqinisa ubuchule bethu, futhi kusivumela ukuba senze futhi sidayise imikhiqizo efanele. U-L’ORÉAL uyazazisa zonke izinhlobo zobuhle.U-L’ORÉAL ungumqashi ohlanganisa bonke, onamathuba alinganayo. Sigqugquzela ukuhlanganiswa emsebenzini kwabantu abangenabameleli emsebenzini, ikakhulukazi abantu abakhubazekile nabangenasikhundla emphakathini kanye/noma amaqembu ezinhlanga.

UKUHLUKAHLUKA NGOKWEZIZINDA


35

Noma ikuphi ukubandlulula okusekelwe ebaleni lesikhumba, ubuzwe noma uhlanga akwamukeleli kwa-L’ORÉAL. Kungqubuzana nenhlonipho ngamunye wethu okufanele ayithole. Zama ukuxoxa ngalokhu neNtatheli Yokuhlukahluka Kwezizinda noma-ke uveze lolu daba kumphathi wakho noma uMphathi Wezokuthenga.

16.5 - Ngizizwa ngingakhululekile uma ngizwa amahlaya angemahle ngozakwethu abathile abangama-homosexual. Kufanele ngenzenjani? Ingabe kufanele ngixoxe noMnyango Wezabasebenzi?

Ukucwasa ama-homosexual akwamukeleki nhlobo. Sonke sinelungelo lokuhlonishwa abanye. Sifuna indawo yomsebenzi ekhululekile futhi eyamukela bonke abantu. Uma ubhekana nalolu hlobo lwenkinga, zama ukusiza abenza la mahlaya baqonde ukuthi ukuziphatha kwabo akwamukeleki. Uma kungenjalo, khuluma nomphathi wakho, uMphathi Wezabasebenzi, iNtatheli Yokuhlukahluka Kwezizinda noma iNthatheli Yezesimilo.

16.6 - Ngiyathanda ukusonga isonto lomsebenzi ngomhlangano wakusihlwa ngoLwesihlanu neqembu ukuze sikwazi ukuxoxa nganoma iziphi izinkinga eziye zaphakama phakathi nesonto. Ngiyazi ukuthi lokhu kudalela amalungu amabili eqembu lami izinkinga, okuthi ngenxa yezizathu ezingokwenkolo, bakhethe ukusheshe bahambe ngoLwesihlanu. Ingabe lokhu ukubandlulula ngandlela-thile?

Kungase kube ukubandlulula bukhoma uma ungenaso isizathu esizwakalayo sokubamba lowo mhlangano kusihlwa ngoLwezihlanu, noma uma kunezindlela eziningana ezifanelekayo zokuhlangabezana nezidingo zenu. Kubonakala sengathi unesidingo esifanelekayo somhlangano (ukuqondisa intuthuko yeqembu lakho nokutholakalela ukuphendula imibuzo yabo) - kodwa ingabe ngempela kudingeka ube ngoLwesihlanu kusihlwa? Ubungeke yini uthole imiphumela efanayo ngokubamba umhlangano ekuqaleni kosuku – noma zibekwa nje ekuseni ngoMsombuluko?

16.7 - Ngiqhubeka ngizwa kuthiwa ukuhlukahluka ngokwezizinda kubalulekile eQenjini. Ingabe lokhu kusho ukuthi kufanele ngiqashe noma ngikhuphule kuphela abesifazane noma abantu abavela ohlangeni olunabambalwa ngesibalo?

Cha, akukhona lokhu okulindelekile. Kwa-L’ORÉAL, siqasha abantu ngoba befaneleka, ngakho-ke kufanele ukhethe umuntu owufanela kangcono kakhulu umsebenzi. Kodwa khumbula ukuthi ukuhlukahluka ngokwebala akulinganiselwe nje kuphela kwabesifazane namaqembu anabambalwa ngokohlanga. Kuhlanganisa namanye amaqembu avame ukubandlululwa, njengabakhubazekile, abakhulile nabanye.

16.8 - Uma nginenkolo efanayo nozakwethu abathile, ngingabamemela yini eqenjini lomthandazo?

Ungazimema izisebenzi ezinokholo olufana nolwakho. Kodwa-ke, sicela ukuthi wonke umuntu ahloniphe izinkolelo zabanye. Lokhu kusho ukuthi sigweme ukushumayeza abantu (okusho, ukuzama ukubaguqula).

16.9 - Cishe sengizothatha ilivu yokuyoteta futhi ngikhathazekile ngokuthi kuzokwenzekani uma ngibuya kanye namathuba ami omsebenzi esikhathi esizayo. Kufanele ngicele iseluleko kubani?

Umgomo wakwa-L’ORÉAL ukusekela izisebenzi ngesikhathi selivu yokuyoteta. Ngaphezu kokukhokhelwa ngesikhathi sokuteta, u-L’ORÉAL uyaqinisekisa ukuthi izisebenzi zizobuyiselwa emsebenzini ekupheleni kwelivu yokuteta, esikhundleni ezazikuso noma esikhundleni esilinganayo ngokwezinga nomholo. Kufanele udingide lolu daba noMphathi Wezabasebenzi ngaphambi kokuthatha ilivu yokuyoteta.

Ongabathinta: Uma kukhona okukukhathazayo mayelana nokuhlukahluka kwezizinda, ungakugcini esifubeni sakho Xoxa nomphathi wakho, uMphathi Wezabasebenzi, iNtatheli Yokuhlukahluka Kwezizinda noma iNtatheli Yezesimilo; bayokwazi ukukusiza futhi bakweseke (bheka nesahluko esithi "Kukhona Okungikhathazayo: Ukukhuluma Ngokukhululeka").

36

Kufanele

+ Sisekele futhi sikhuthaze ukuzibophezela kwakwa-L’ORÉAL endaweni yomsebenzi ekhululekile ekuqineleni nasekuhlukumezeni abanye

+ Sibe nobuntu: siphathe ezinye izisebenzi nozakwethu bezebhizinisi ngendlela esingathanda ukuba basiphathe ngayo

Akufanele

- Ngamabomu silimaze noma sihlukumeze noma sifake umuntu enkingeni yokwenza iphutha


17.1 - Usho ukuthini ngempela u-L’ORÉAL ngokuthi "ukuhlukumeza" nokuthi "ukuphatha kabi abanye"? Angicabangi ukuthi sinawo umthetho ophathelene nalokhu ezweni lakithi.

Umthetho wokuqala uwukuthi abakwa-L’ORÉAL bayawuhlonipha umthetho wendawo futhi ngaleyo ndlela noma imuphi umsebenzi ophula imithetho yokuhlukunyezwa kwabantu ezweni lakubo angase ajeziswe kanzima. Kodwa kungenzeka kube namazwe lapho u-L’ORÉAL ebheka khona ukuthi umthetho ngokuhlukumeza awukuvimbeli ukuziphatha okuthile iNkampani ekuthola kungamukeleki. Kuye ngezimo, okunye ukuziphatha kungase kubhekwe njengokungafanele, njengalokhu:- Izenzo ezihloselwe ukulimaza noma ukucasula- Ukufaka umuntu ngamabomu enkingeni yokwenza iphutha- Ukululaza noma ukwesabisa- Ukukhipha umuntu inyumbazane (okubizwa

ngokuthi "ukuphathwa kabi buthule")Ukuhlukumeza kungaba khona ngisho naphakathi kwabasebenza ndawonye. Kungase kungabi namthetho ophathelene nale ndaba ezweni lakini. Nokho, uzothola ukuthi zonke lezi zinhlobo zokuziphatha azivunyelwe ngokomthetho, ngisho noma kungabhekiselwe kuzo ngokuthi ukuhlukumeza noma ukuphatha kabi abanye.

17.2 - Umphathi wami ungumuntu owesabisana kabi kakhulu. Ngiyazi ukuthi uyasicindezela ukuba sidilive umsebenzi oyikhwalithi, kodwa ngezinye izikhathi uyabalulaza abantu, futhi kuphazamisa isimo salo lonke iqembu. Ingabe kukhona engingakwenza ngakho?

Kulindelekile ukuba umphathi wakho akhuthaze futhi ashukumise iqembu lakhe ukuba lidilive umsebenzi oyikhwalithi esiwulindele kwa-L’ORÉAL. Lokhu kungase kusho ukuthi uzogxeka noma aphawule ngomsebenzi owenziwe yiqembu. Nokho, umphathi naye kulindeleke ukuba aphathe iqembu ngenhlonipho futhi enze izinto ngokucabangela. Uma unomuzwa wokuthi uphathwa ngendlela ewubuqaba, kufanele uzame ukukhuluma nomphathi wakho. Ungase futhi uthintane noMphathi wakho okwi-HR. Isimo esihle sokusebenza singenzeka kuphela ngokusekelwa nokubandakanyeka kwethu sonke - abaphathi nabasebenzi ngokufanayo.Khumbula:

Ongabathinta: Uma kukhona okukukhathazayo mayelana nokuhlukunyezwa kanye nokuqinelwa, ungakugcini esifubeni sakho. Xoxa nomphathi wakho, uMphathi Wezabasebenzi noma iNtatheli Yezesimilo; bayokwazi ukukusiza futhi bakweseke (bheka nesahluko esithi "Kukhona Okungikhathazayo: Ukukhuluma Ngokukhululeka").

Njengomqashi

Sonke sinelungelo lokuhlonishwa nokunikezwa isithunzi esifanele umuntu. Kwa-L’ORÉAL, leso simiso siyinhloko endleleni esisebenza ngayo. Noma ikuphi ukuziphatha okuzokhinyabeza leli lungelo, futhi ngokuyinhloko noma iluphi uhlobo lokuhlukumeza noma ukuphatha kabi abanye alamukeleki.

UKUHLUKUMEZA

NOKUPHATHA KABI ABANYE


37

Kufanele

+ Sisekele futhi sikhuthaze ukuzibophezela kwakwa-L’ORÉAL endaweni yomsebenzi engenakho ukuhlukumeza ngokocansi

+ Sigweme noma ikuphi ukuhlukumeza ngokocansi ngaphakathi nangaphandle ngokuphathelene nabantu abaseceleni esixhumana nabo ngomsebenzi

Akufanele

- Siqhubeke nanoma ikuphi ukuziphatha esiye satshelwa ukuthi akufuneki


18.1 - Usho ukuthini ngempela u-L’ORÉAL ngokuthi "ukuhlukumeza ngokocansi"? Ingabe lokhu kunencazelo efanayo naleyo enikezwa ngumthetho ezweni lakithi, noma kuhlukile?

Umthetho wokuqala ukuthi u-L’ORÉAL uyayihlonipha imithetho yendawo futhi ngaleyo ndlela noma imuphi umsebenzi ophula imithetho yokuhlukumeza ngokocansi ezweni lakubo angase ajeziswe kanzima. Kodwa kungase kube namazwe lapho u-L’ORÉAL ebheka khona ukuthi umthetho ophathelene nokuhlukumeza ngokocansi awukuvimbeli ukuziphatha okuthile iNkampani ekuthola kungamukeleki. Kuye ngezimo, okunye ukuziphatha kungase, ngenxa yobubi bokuphindaphindwa kwabo kubhekwe njengokungafanelekile, njengalokhu:- Ukuthintana ngokomzimba okungathandwa noma

okungafanele, ama-imeyili, amahlaya, ukubuka nezinye izenzo, amazwana, izimemo noma izicelo zocansi

- Ukusakaza noma ukubukisa ngamadokhumenti, izithombe, izinto, njll. zocansi

- Ukubeka imibandela yokukhushulwa esikhundleni noma ukuthola enye inzuzo emsebenzini ngesenzo socansi noma ukuthandana nomuntu

Ukuhlukunyezwa ngokocansi kungathinta abesilisa nabesifazane. Kungenzeka endaweni yomsebenzi yakwa-L’ORÉAL noma kwenye indawo lapho siqhuba ibhizinisi khona.

18.2 - Emcimbini weqembu, omunye wozakwethu wathola umphathi wethu enza ngokungafanele kuye ngalokho akwenza ngomzimba nalokho akusho. Nokho uyesaba ukukhuluma njengoba engafuni ukubhekwa njengowesifazane ongcwelengcwele, noma azimoshele umsebenzi. Kufanele ngenzeni ngakho?

Kufanele ukhuthaze osebenza naye ukuba amqonde ngqo umphathi uma ezizwa ekhululekile ukuba enze kanjalo. Uma kungenjalo, angaveza lolu daba kuMphathi Wezabasebenzi. Uma osebenza naye engathathi sinyathelo, khona-ke wena kufanele ukubike lokhu akutshele kona eMnyangweni Wezabasebenzi – ngisho noma ungenawo wonke amaqiniso noma ungazange ukubone mathupha ukuhlukunyezwa. Kubaluleke kakhulu ukuba kunqandwe ukuziphatha okucasulayo ngaphambi kokuba konakale.

18.3 - Nginomhlangano nekhasimende futhi uhlale engithinta njalo ekhuluma nangomzimba wami nokuthi angathenga kakhulu uma ngingahamba naye siyodla idina. Yikhasimende, akusona esinye isisebenzi sakwa-L’ORÉAL ngakho angiqiniseki ukuthi u-L’ORÉAL angenza okuthile.

Kufanele ukhulume nomphathi wakho noma uMphathi Wezabasebenzi. Umgomo wakwa-L’ORÉAL ukuqinisekisa ukuthi izisebenzi azihlukunyezwa ngokocansi ngisho nangozakwethu kwezebhizinisi.

Ongabathinta: Uma kukhona okukukhathazayo mayelana nokuhlukunyezwa ngokocansi, ungakugcini esifubeni sakho. Xoxa nomphathi wakho, uMphathi Wezabasebenzi noma iNtatheli Yezesimilo; bayokwazi ukukusiza futhi bakweseke (bheka nesahluko esithi "Kukhona Okungikhathazayo: Ukukhuluma Ngokukhululeka").

Sonke sinelungelo lokuhlonishwa nokunikezwa isithunzi esifanele umuntu. Kwa-L’ORÉAL, leso simiso siyinhloko endleleni esisebenza ngayo. Noma ikuphi ukuziphatha noma isenzo esiyokhinyabeza leli lungelo, futhi ngokuyinhloko, noma iluphi uhlobo lokuhlukumeza ngokocansi, alwamukeleki.

UKUHLUKUMEZA

NGOKOCANSI

38

OkuqukethweI K H A S I 3 9Imisebenzi yezombusazwe nokukhankasa

I K H A S I 4 0Ukunakekelwa kwemvelo

I K H A S I 4 1Iqhaza emphakathini

UKUHLONIPHA IZIBOPHO ZETHU NJENGESAKHAMUZI ESIZIBOPHEZELE SENKAMPANI

"Sidlala ingxenye yethu ekwakheni izwe lobuhle nokungakhethi."


39

Kufanele

+ Uma sibamba iqhaza ezenzweni zombusazwe zomuntu siqu, kufanele sicacise ukuthi asimeleli u-L’ORÉAL nganoma iyiphi indlela.

+ Sitshele umphathi wethu ngokubamba kwethu iqhaza kwezombusazwe okungasenza singayifezi imisebenzi yethu kwa-L’ORÉAL noma kudale ukudideka phakathi kwemibono yethu yezombusazwe neye-L’ORÉAL (bheka isahluko esithi "Ukungqubuzana Kwezinhloso Zenzuzo")

+ Siyihloniphe ngokuphelele imithetho yakwa-L’ORÉAL ngokuphathelene nezipho nokungcebeleka kanye nokunqanda ukugwazelwa (bheka isahluko esithi "Ukugwazisa Nokufumbathisa")

Akufanele

- Sisebenzise izimali zeNkampani kanye nomnotho (kubandakanye isikhathi, izingcingo, iphepha, i-imeyili nenye impahla yeNkampani) ukuqhuba noma ukusekela imisebenzi yethu yezombusazwe

- Sisebenzise indawo yomsebenzi njengesigcawu sezombusazwe

- Senze abantu bakholelwe ukuthi u-L’ORÉAL usekela imisebenzi yethu yezombusazwe

- Singene ezingxoxweni nabameleli beziphathimandla zomphakathi noma bezinhlangano zombusazwe mayelana nemithetho yenawo noma yamazwe omhlaba ngaphandle kwesigunyazo esiqondile soMphathi Wezwe/Wesigaba futhi kufanele abhalise ohlwini lwabakhankasi uma ekhona


19.1 - Ngenza umsebenzi wokuvolontiya womkhankasi othile onemigomo ehambisana kakhulu nezimiso zakwa-L’ORÉAL. Ngingawusebenzisa lo mshini wokukopisha ngenze amakhophi ambalwa?

Cha. Ungasebenzisi isikhathi seNkampani nezinsiza zanoma iluphi uhlobo ukusekela imisebenzi yezombusazwe.

19.2 - Umphathi wami ungibuzile ukuthi ngingathanda yini ukunikelela umkhankaso wendodakazi yakhe wokuba umphathi-dolobha. Ingabe kulungile?

Cha. Ngisho noma umphathi wakho engakucindezeli, isicelo esinjalo, ngisho noma siqotho, asifanele futhi siyimpoqo ngandlela-thile.

19.3 - Ngifuna ukukhankasela isikhundla sezombusazwe edolobheni lakithi. Ezithombeni zami, ngifisa ukusho ukuthi ngisebenzela u-L’ORÉAL.

Lokhu akufanele ngoba kungabhekwa njengokungathi u-L’ORÉAL usekela umkhankaso wakho.

19.4 - Kuyini ngempela ukukhankasa? Uma sizwa ngakho ezindabeni, akunalo idumela elihle ngokuvamile.

Ukukhankasa kuwumsebenzi obandakanya ukuba neqhaza ezinqumweni zomphakathi ngokuphathelene nemithetho cishe okuzothinta imisebenzi yethu ukuze owenza izinqumo angaqonda ukuthi le mithetho isithinta kanjani. Uma sicabanga ukuthi imithetho enjalo iyasithikameza, siyakuveza lokhu bese sizama ukunqanda imithelela yayo. U-L’ORÉAL njalo uveza umbono wakhe njalo kanye nangeziphathimandla zomphakathi nezinhlangano esibamba iqhaza nazo nangazo kule mpikiswano, futhi siyihlonipha ngokuphelele yonke imithetho ethintekayo.

19.5 - Ingabe izisebenzi kufanele ziveze umbono wazo wezombusazwe nokuzibophezela emsebenzini?

U-L’ORÉAL uyalihlonipha ilungelo lezisebenzi zakhe lokubamba iqhaza kwezombusazwe, kodwa indawo yasemsebenzini akuyona indawo efanele yokuxoxa ngepolitiki.

Ongabathinta: Uma unokukhathazeka mayelana nemisebenzi yezombusazwe noma ukukhankasa, ungakugcini kuwe. Xoxa nomphathi wakho, uMphathi Wezabasebenzi noma iNtatheli Yezesimilo; bayokwazi ukukusiza futhi bakweseke (bheka nesahluko esithi "Kukhona Okungikhathazayo: Ukukhuluma Ngokukhululeka").

U-L’ORÉAL akanikeleli izinhlangano zombusazwe, osopolotiki noma izinhlangano ezihlobene nabo. Kodwa-ke, u-L’ORÉAL, njengomholi embonini yezimonyo, ukholwa ukuthi kuwumsebenzi wakhe ukuthatha isinyathelo nokubamba iqhaza ezinqumweni zomphakathi emazweni asebenza kuwo. U-L’ORÉAL uyalihlonipha ilungelo lezisebenzi zakhe lokubamba iqhaza kwezombusazwe – uma nje ziqiniseka ukuthi ngokwenza kanjalo, azimeleli iNkampani.

IMISEBENZI YEZOMBUSAZWE

NOKUKHANKASA

40

Njengesakhamuzi esizibophezele senkampani

Kufanele

+ Sisebenzise isibopho sakwa-L’ORÉAL enqubweni ekhuthaza ukunakekelwa kwemvelo

+ Sikhethe ukusetshenziswa kwezinto eziphinde zisebenziseke kanye nokwakha amaphakethe angayikhinyabezi imvelo

+ Sibheke indlela ukuziphatha kwethu kuzo zonke izici okunegalelo ngayo emvelweni, ukuze sinciphise ukukhinyabezeka kwayo noma kuphi lapho kungenzeka khona: ngokwesibonelo, ngokunciphisa ukuhamba ngezinqola okungadingekile, songe ugesi namanzi futhi sigweme nokudala ukungcolo. Lapho ukungcola kungenakugwenywa khona, kumelwe siqinisekise ukuthi izinto ziyajikeleziswa noma zilahlwe ngendlela ebonisa ukukhathalela. Ngisho nezenzo zomusa ezingatheni, njengokususa ukungcola kokudla ezindaweni zokudlela zeNkampani, kungenza umehluko

+ Thatha zonke izinyathelo ezidingekile ukuze uvimbele futhi umise ukwephula kwenqubo- mgomo yokunakekelwa kwemvelo yakwa-L’ORÉAL

+ Bika ngokushesha konke ukuchithwa kwezinto eziyingozi ezingavamile emoyeni noma emanzini kumphathi noma kuMphathi wethu Wezempilo Nokuphepha

Akufanele

- Sizibe imithetho yeNkampani yokunakekelwa kwemvelo


20.1 - Idivayisi yokulawula ukungcola emshinini obaluleke kakhulu wokwakha umkhiqizo inephutha. Ngisanda kuthola ukuthi kuzothatha izinsuku ezintathu ukuthola izinsimbi futhi ulungiswe. Singakumela ngempela ukumisa umkhiqizo lapho sinentilibathwa engaka yama- oda okumelwe enziwe?

Akukho okunye esingakwenza. Ukuzibophezela kwethu emikhubeni emihle yokunakekelwa kwemvelo kuza kuqala kunezinzuzo zesikhashana noma amasheduli omkhiqizo. Umshini akumelwe usetshenziswe ngaphandle kwezilawuli zokungcola ezidingekayo. Kufanele wazise abaphathi bakho ukuze basize ukuba kuvelwe nesisombululo.

20.2 - Uma nje sihambisana nomthetho wendawo, kungani kufanele silandele imigomo zokunakekelwa kwemvelo zakwa-L’ORÉAL uma kusifaka engozini yokuhlulwa esincintisana nabo?

Ukuzibophezela kwakwa-L’ORÉAL ekunakekelweni kwemvelo kudlulela ngale kokulale nje umthetho okulula. Uma unomuzwa wokuthi kuhileleke izinkinga zezokuncintisana ebhizinisini, kufanele uxoxe ngalokhu nomphathi wakho.

UKUTHOLA ULWAZI OLUTHE XAXA:ngokuphathelene nomgomo wakwa-L’ORÉAL wokunakekelwa kwemvelo, sicela ufunde "Imigomo ka-2020: Ukuhlanganyela Ubuhle Nabo Bonke"

Ongabathinta: Uma kukhona okukukhathazayo mayelana nokunakekelwa kwemvelo, ungakugcini esifubeni sakho Xoxa nomphathi wakho, uMphathi Wezempilo Nokuphepha, uMphathi Wezabasebenzi noma iNtatheli Yezesimilo; bayokwazi ukukusiza futhi bakweseke (bheka nesahluko esithi "Kukhona Okungikhathazayo: Ukukhuluma Ngokukhululeka").

U-L’ORÉAL uyayihlonipha imvelo, futhi ufuna ukunciphisa ukukhinyabezeka kwayo. Umgomo wethu uwukuxhumana ngokukhululekile ngalokho esikufezile kule ndawo, kanye nezinselele esibhekene nazo.imisebenzi eminingi ebandakanyeka ekuthengiseni imikhiqizo yethu inomthelela oqondile emvelweni. Kuwumthwalo wawo wonke umuntu ukufuna ukunciphisa ukukhinyabezeka noma kuphi lapho kungenzeka khona. Noma ikuphi okuncane esikwenzayo kubalulekile.

UKUNAKEKELWA

KWEMVELO


41

Kufanele

+ Siqonde ukuthi ukukhathalela imvelo kuyisibopho sesikhathi eside. Zonke izenzo, kungakhathaliseki ukuthi zingakanani, kumelwe zenziwe ngohlelo olucacile ukuze kwakhiwe umoya wokusebenzelana ngokuhamba kwesikhathi

Akufanele

- Sibandakanye u-L’ORÉAL emisebenzini ezingabonisi Izimiso zethu Zokuziphatha nohlelo lweQembu lokukhathalela imvelo

- Siphoqe izisebenzi noma ozakwethu bezebhizinisi ukuba banikele izipho noma izimali emikhankasweni yokulondoloza imvelo esekelwa u-L’ORÉAL


21.1 - Uhlelo lomkhankaso wokusiza abanye engihileleke kulo emphakathini wakithi uye wabuza ukuthi u-L’ORÉAL angasihlinzeka yini ngemikhiqizo yamahhala yokusekela umkhankaso wabo. Ngiyaqaphela ukuthi kune-shampoo nama-gel amaningi azochithwa ngoba asemaphaketheni amadala. Ngingahlela ukuba alandwe kungazi muntu. Ngingabanika wona?

U-L’ORÉAL uyafuna ukunisekela emizamweni yenu yokusiza umphakathi ongamahlwempu, uma lokhu kuvumelana nezinhlelo zeNkampani. Kufanele wazise umphathi wakho, ongase akwazi ukubona ukuthi lo mzabalazo wokusiza abaswele uyavumelana yini namasu akwa-L’ORÉAL, futhi akuhlongoze kumuntu ophathiswe umthwalo wokunakekelwa kwabaswele ezweni lakini.

21.2 - Isibhedlela engivolontiya kuso isonto ngalinye sicela ukuba wonke umuntu athole amavolontiya amasha, futhi singathanda ukuba ngenze u-L’ORÉAL abandakanyeke kakhudlwana kulokhu. Ngiyazi ukuthi abaningana kwengisebenza nabo bangaba naso isithakazelo. Ngingakhuluma nabo ngokuqondile?

Uma lesi sibhedlela sinikeza amathuba avumelana namasu okusizwa komphakathi akwa-L’ORÉAL, kufanele ukhulume nomphathi wakho ukuze uthole ukuthi kungenzeka yini ukubandakanya inkampani ekusebenzelaneni nesibhedlelal. U-L’ORÉAL ulwela "okungaphezu kokugcina icala nje" nokwakha ubudlelwano obuhlanganisa ukheshi kanye neminikelo yomusa, kodwa neminikelo eyenziwa ngabasebenzi, ikakhulukazi nokuhlanganyela ubuchwepheshe esinabo ukuze sisize abanye. Ungase ube ngumxhasi omelela inkampani ngalo mkhankaso, futhi sakhe ubuhlobo obuyohlala njalo ndawonye.

UKUTHOLA ULWAZI OLUTHE XAXA: ngokuphathelene neqhaza lika-L’ORÉAL emphakathini, sicela ufunde "Imigomo ka-2020: Ukuhlanganyela Ubuhle Nabo Bonke"

Ongabathinta: Uma kukhona okukukhathazayo mayelana neqhaza emphakathini, ungakugcini esifubeni sakho. Xoxa nomphathi wakho, uMphathi Wezabasebenzi noma iNtatheli Yezesimilo; bayokwazi ukukusiza futhi bakweseke (bheka nesahluko esithi "Kukhona Okungikhathazayo" Ukukhuluma Ngokukhululeka").

U-L’ORÉAL uzibophezele ekusizeni umphakathi, umakhelwane omuhle nesakhamuzi ezinokukhathalela esizibophezele emiphakathini esenza kuyo ibhizinisi. Sikhuthaza abasebenzi ukuba bafeze indima ebhekile emphakathini.

IQHAZA

EMPHAKATHINI

42

Indlela yokubeka isibonelo

Ngaphezu kokuziphatha kwakho kwansuku zonke, okufanele kube yisibonelo, kunezenzo ezithile ezivamile ongazenza ukubonisa ukuthi izimiso zakwa-L’ORÉAL uzibheka njengezibalulekile, eziwukuthi:- ubonise UMOYA WAKWA-L’ORÉAL ehhovisi lakho- uhlale njalo uneZimiso Zokuziphatha eduze- ungalokothi ucele noma uhlongoze eqenjini lakho

ukuthi lizibe Izimiso Zokuziphatha- zinike isikhathi sokuchazela izisebenzi ezintsha

Izimiso Zokuziphatha- thola izikhathi phakathi nonyaka (hhayi nje ngoSuku

Lwesimilo) ukuxoxa ngezindaba zesimilo- njalo cabanga ngezinkinga zesimilo ezingaphakama

emsebenzini wakho- chaza ngokuningiliziwe izimiso zokuziphatha

njengesithi "Yenza/Hola Ngokucabangela Abantu" nesithi "Thola Imiphumela Ngobuqotho" ekuhlaziyweni kwezisebenzi kwaminyaka yonke

- Uma nje uthola ithuba, qaphela futhi ubonge ukuziphatha kwesisebenzi ngendlela enesimilo nesibindi

Izisebenzi zakho zingase zinqikaze ukuza zizoxoxa nawe ngezinkinga zesimilo nemibuzo yokuziphatha. Ungazenza zikhululeke ngokuzitshela njalo ukuthi uyatholakala ukuze ulale izikhalazo zazo futhi uzikhumbuze ukuthi isisebenzi esiveza okusikhathazayo ngobuqotho ngeke sibhekane nokuziphindiselela.

Ungazifaka kanjani izimiso zokuziphatha ezinqumweni ozenzayo

Uma kufanele wenze isinqumo, bheka imibuzo esengxenyeni ethi "Indlela Yokusebenzisa Lolu Hlelo Lomthetho Wokuziphatha". Khumbula ukuthi ukuthi unelungelo lokwenza okuthile akusho ukuthi lokho kuhambisana neZimiso Zokuziphatha zeQembu.

Uma wenze isinqumo ngezizathu zokuziphatha, futhi singaphansi kwemithetho yethu yobumfihlo, tshela iqembu lakho ukuze bazuze olwazini lwakho futhi balandele isibonelo sakho.

Indlela yokuphendula imibuzo yeqembu lakhoQiniseka ukuthi uyayazi imigomo ehlukahlukene yokuziphatha kweQembu. Kuwumthwalo wakho ukuqinisekisa ukuthi iqembu lakho liyazi ngayo. Futhi, zinike isikhathi sokulalela izisebenzi zakho: akulula neze kuzo ukubuza imibuzo yalolu hlobo.

Uma ungazi ukuthi uyiphendule kanjani imibuzo yazo, kufanele uzithumele kumuntu onolwazi olungcono lokunikeza iseluleko.

Yikuphi okubaluleke kakhulu kimi njengoMphathi: ukuhlangabezana nezibopho zami emigomweni yezezimali noma yezebhizinisi, noma leyo echazwe eZimisweni Zokuzipahtha?

Lokhu kokubili kuyahambisana ngokuphelele – futhi kuxhumene ngokuqondile. Ukwenza izinto ezifanele ngezizathu ezifanele kuyibhizinisi elihle ngaso sonke isikhathi. Izenzo ezingahambisani nezimiso zokuziphatha noma ezingekho emthethweni aziyizuzisi ngalutho iNkampani.

Ingabe Izimiso Zokuziphatha zisebenza kuyo yonke imikhakha yabaphathi, kuze kuyofika phezulu?

Izimiso Zokuziphatha zisebenza kubo bonke abantu. Uma umuntu enemithwalo emikhulu, kulapho-ke ukuziphatha kwakhe kufanele kube yisibonelo. Ukuba nezimiso eziguquguqukayo akwamukeleki futhi kungqubuzana nezimiso zakwa-L’ORÉAL.

Njengomphathi, unomthwalo owenezelwe ngoba:- Ubeka isibonelo futhi ukhuthaza ukuziphatha okunezimiso ezinhle- Ungumenzi wezinqumo obhekene nezinkinga eziyinkimbinkimbi nezinzima kakhulu- Iqembu lakho lizoza kuwe ukuze lithole isiqondiso nosizo

INDIMA

YOMPHATHI

Ishicilelwe yi-:U-SVP neSikhulu Esiphethe EzesimiloL’ORÉAL

Ikomkhulu:41, rue Martre92117 CLICHY CEDEXFrance

Ihhovisi olubhalisiwe:14, rue Royale75008 PARISFrance

http://ethics.loreal.wanswww.lorealethics.com

Izithombe:Stéphane de Bourgies, Stéphane Patti. Wonke amalungelo agodliwe

Umklamo:www.meaning.fr

Documents

Umthetho Wokuziphatha Indlela esisebenza ngayo · kungenzeka khona, senza imisebenzi yethu ngendlela ebonisa ukukhathalela ngamasiko endawo nawezenhlalo emiphakathi esihlangana nayo