TUBERCULOSIS - DIRECTLY OBSERVED TREATMENT, SHORT COURSE
TB DOTS: Anim na buwan ng gamutan tutok sa paginom araw araw at
healthy lifestyle pinairal.
TAMA BA ANG ALAM MO SA TB?
1. Mahahawa ka ba ng TB kapag ginamit mo ang kubyertos ng taong
may TB?
HINDI. Sabi ng DOH, HINDI ito paraan para mahawa ka ng TB.
2. Kung umubo ang taong may TB malapit sa iyo mahahawa ka ba
agad?
HINDI. Ayon sa DOH, ang bacteria ng TB ay kumakalat sa hangin.
Kung malakas ang resistensiya mo at malusog ka, hindi ka
basta-basta mahahawa.
3. Dapat bang ihiwalay ang taong may TB pati na ang mga gamit
niya?
HINDI. Umiwas sa sakit, hindisa may sakit! Mas importante ang
iyong pang-unawa at malasakit. Mas madaling gumaling ang may sakit
kung may suporta siya ng pamilya at bayan! Pag-iingat, hindi
diskriminasyon ang kailangan ayon sa mga Doc ng DOH!
4. Namamana ba ang sakit?
HINDI. Kung nagka-TB ang isang pamilya, ito ay dahil nagkahawaan
sila. Kaya kung suspetsa mong may TB ka, pa-check agad sa health
center para maumpisahan na ang anim (6) na buwang gamutan. Sabing
DOH, pagkalipas ng dalawang linggong tuloy-tuloy na gamutan, hindi
na nakakahawa ang TB. Pero dapat ituloy pa rin ang anim na buwang
gamutan para hindi lumala ang TB at lubusang gumaling.
