• nphoo quav tsiaj txhu tshiab thiab qhuav lawm;

• cog tej qoob loo sib txawv uas tuaj thawm niaj thawm xyoo xws li forage legumes, pasture, thiab lwm yam;

• cog tej qoob loo los roos thaum hloov qoob loo raws xyoo;

• txhua kom av txhob ceev, txhob xoob, thiab txuag kom av txhob cia li tsis cog dabtsi.

Av luaj dag txawj siv tag thaum uas tshom txaus, av xoob, thiab thaum dob tej qoob loo rau lub caij sau qoob sau lo mus lawm. Yog li nws yog ib qho tseem ceeb uas yuav tsum tau ntxiv tsig av luaj dag rau tej av kom av thiaj li

zoo, xyaw zoo, muaj as-ham, thiab ruaj khov.

As-ham AvTab txawm tias kev siv qoob loo npog nroj thiab chiv nroj tsuag yog ob yam uas nquag siv rau liaj teb, los feem ntau tej kev ua liaj teb rau tshuaj yog nquag siv cov as-ham uas muaj nitrogen (N), phosporous (P), thiab potassium (K)---peb hom as-ham uas tseem ceeb tshaj rau qoob loo txoj kev loj hlob. Qhov uas rau cov tshuaj no tas li yuav ua rau cov av tsuag. Qhov sau qoob loo xyoo dhau xyoo yam tsis ntxiv av luaj dag ces yuav ua rau cov av tsis muaj as-ham thiab ua rau rau av tsis zoo. Yuav kom av ruaj khov yuav tsum yog muaj kab cua nab, muaj chaw liv cua thiab nqus tau dej, hloov tau as-ham siv mus los, thiab ua rau kom tej kab thiab kab mob muaj tsawg.

Qhov uas siv tshuaj as-ham ntau ntau yuav ua rau kom av tsis ruaj khov tsis zoo thiab qhov no yuav ua rau kom av txawj pob, as-ham txawj xam, thiab av tsis khov yam ntim tsis tau as-ham thiab dej zaum---thiab tsis tag li no los tseem kim dua thiab.

Cov Kev Pab Kom Av Zoo

Kev Kuaj AvKev tswj zoo yog qhov yuav tsim tau kom av zoo rau qoob loo. Yog li no txoj kev kuaj av yuav pab kom paub txog tias koj cov av

Cov kev cai tswj qoob loo tsis rau tshuaj uas tham txog kev tswj av kom zoo thiab tswj as ham hauv tej qoob loo muaj nyob rau phab 205.203 hauv txoj cai National Organic Standards. Daim ntawv no tsuas yog piav me ntsis txog kev tswj av kom zoo rau cog qoob loo tsis rau tshuaj xwb. Nco ntsoov nug koj tus neeg muab ntawv tso cai ua ntej uas koj siv ib tug txheej txheem cog qoob loo tshiab rau hauv koj daim teb.

Av ZooAv zoo yog hais txog daim av uas muaj peev xwm pab tau rau qoob loo loj hlob zoo. Cov av uas raug tswj zoo thiaj yuav muaj as-ham txaus, nqus tau dej txaus, thiab pab tau kom qoob loo loj hlob. Cov av zoo thiab ua haujlwm zoo yog qhov tseem ceeb rau txoj kev cog qoob loo tsis rau tshuaj thiab yuav txuag tau kom ua tau qoob loo mus ntev. Tab txawm tias txoj kev tswj av mas muaj ntau txoj kev tus yuav hais licas los muaj, los ntawm no yog ib cov tswv yim uas tib neeg pom zoo kom txhua tus tub cog qoob loo yuav tsum to taub.

Av Luaj Dag (Soil Organic Matter)Av luaj dag yog ib feem ntawm cov av uas muaj tej tsig nroj tsuag, tsiaj txhu, thiab kab cua nab uas lwj lawm. Thaum tej av luaj dag no lwj zuj zus, nws tsim tau av luaj dub (humus), uas yog hom av dub dub/tsaus tsaus uas muaj as-ham ntau pab tau rau qoob loo loj taus.

Av luaj dag thiab av luaj dub yog cov muaj as-ham, ntim thiab ntxaum dej, tuav kom av khov thiab txhob pob, thiab pab rau kom av thev tsis txhob muaj kab thiab kab mob. Nws siv ntau yam tsig hmoov av thiaj li tsim tau cov av luaj dag thiab tseem yuav siv av ntau tshaj thiaj li muaj tau ntxiv. Yog li no ywj meem nquag nphoo tsig hmoov av.

Cov av luaj dag nyob rau ib thaj teb ntau npaum ces yuav ua rau daim teb ntawv zoo rau qoob loo npaum li ntawd thawm niaj thawm xyoo. Yog li txoj kev tswj av luaj dag yog ib yam tseem ceeb thaum ua qoob loo tsis rau tshuaj. Koj tsim thiab tswj tau kom muaj av luaj dag xws li:

Tswj Av Kom Zoo rau Cog Qoob Loo Tsis Rau Tshuaj

Midwest Organic & Sustainable Education Service (MOSES)715-778-5775 | info@mosesorganic.org | mosesorganic.org

Cov menyuam nroj nplooj liab uas cog los npog nroj no yuav ntxiv nitrogen, ntxiv av luaj dag, thiab tiv thaiv cov av kom cua thiab dej

txhob ua rau av pob.

nyob zoo licas. Cov as-ham yau thiab loj ne muaj licas? Koj cov av qib pH nyob licas? Koj cov av muaj av luaj dag licas? Ib qho kev kuaj av yuav teb tau cov lus nug no thiab lwm yam. Kev kuaj av raws xyoo yuav pab tau koj pom tej yam uas koj cov av muaj tsis txaus thiab kom koj paub tias koj puas tswj tau cov av zoo. Nco ntsoov tias qhov yuav kuaj tau av meej yuav tsum yog nyob ntawm muab av txaus mus kuaj, lub sijhawm, thiab cov txheej txheem kuaj. Feem ntau kev kuaj av yuav pab qhia rau koj tias koj yuav ua tau licas los pab cov av kom zoo rau qee yam qoob loo. Siv qhov no ua ib qho kev kawm kom paub txog tias av zoo licas thiab kom paub txog koj daim liaj teb zoo.

N-P-KNitrogen (N), phosphorous (P), thiab potassium (K) mas tseem ceeb heev rau txoj kev cog qoob loo. Yog hais tias ib yam no tsis muaj txaus-tab txawm muaj lwm yam as-ham los xij li-ces koj cov qoob loo yuav tsis loj hlob. Nitrogen mas yuav tsum tau kev tswj zoo, vim tias nws nquag txav heev thiab nws txawj paim hauv av mus los yog dim pa mus ua pa huab pa cua lawm. Txoj kev los tswj tag nrho cov as-ham no kom qoob loo loj hlob thiab kom av tsis txhob swb mus rau lwm qhov chaw yog ib feem ntawm txoj kev tswj qoob loo tsis rau tshuaj.

N CreditsNitrogen yog ib yam tseem ceeb tshaj plaws vim li no coob tus tswv liaj teb thiaj li siv keeb nitrogen (credits) coj los npaj kom lawv cov av zoo. Ib lub “keeb nitrogen” yog thwm tias koj muaj cov N ntau npaum licas rau hauv koj ib daim teb nyob ntawm seb koj cog hom qoob loo twg ua ntej rau hauv cov av lawm. Qee yam zaub cog npog nroj, xws li zaub vetch tuaj plaub, ces yuav muab tau ntau li 100 lb. tauj ib acre cov N-ntau txaus rau tej qoob loo uas yog zaub tau siv.

Muaj ntau yam ntaub ntawv nyob online uas yuav pab tau koj txiav txim tias ib hom zaub cog npog nroj no yuav tsim N ntau npaum licas rau cov qoob loo yav tom ntej siv. Pab pag Midwest Cover Crops Council muaj ib qho kev qhia xaiv nyob rau ntawm mccc.msu.edu/selector-tool.

Chiv thiab QuavChiv thiab quav yog cov pab rau tej av uas yuav cog qoob loo tsis rau tshuaj. Ob yam no tsis yog pab kom muaj as-ham xwb, tab sis tseem pab kom muaj taus av luaj dag thiab. Txoj cai National Organic Standards (NOS) hais tseev kom ua zoo siv chiv thiab quav, tshwj xeeb thaum tej no tseem nyoos nyoos. Tej chiv yuav tsum yog khoom seem los ntawm nroj tsuag/tsiaj, thiab yuav tsum muab ntim cia lwj raws li NOS cov kev cai. Yog tias tsis ua raws li NOS cov kev cai, ces yuav tsum tau thwm li lawv yog quav nyoos, uas txhais tau tias yuav tsum coj los pab qoob loo yam sai los 90-120 hnub ua ntej lub sijhawm yuav sau qoob loo (nyob ntawm seb txoj kev siv no puas yuav chaw rau qoob loo thiab cov av npaum licas). Muaj ntau yam kev qhia txog tias koj yuav ua licas thiaj li tsim tau chiv. Nco ntsoov xyuas tias kom koj ua raws li cov kev tswj kub/txias, kev ntxeev, thiab lub sijhawm siv raws li txoj cai NOS hais yog tias koj npaj yuav muab cov no siv los ua chiv rau koj daim teb qoob loo tsis rau tshuaj.

7BW08© 2018 MOSES

MOSES provides education, resources, and practical advice to help farmers grow organically.

Zaub Npog Nroj thiab Quav NtsuabZaub npog nroj, uas yog ib yam siv rau qoob loo tsis rau tshuaj, yog ib qho neeg nquag siv rau kev ua liaj teb vim lawv pab tau ntau yam. Ib hom zaub npog nroj yog ib hom qoob loo uas cog rau hauv nruab nrab kwj coj los tiv thaiv cov av kom cua thiab dej txhob ua rau av pob, los pab kom muaj av luaj dag, pab kom muaj kab cua nab, los sib tw nrog nroj, pab tiv thaiv kab thiab kab mob, thiab pab kom av zoo. Cov quav ntsuab (green manures) yog ib hom zaub npog nroj uas siv coj los pab kom av zoo. Feem ntau cov no yog siv cov zaub legumes, uas yuav pab kom muaj cov keeb bacteria uas txawj tsim atmospheric nitrogen kom qoob loo siv tau.

Cov Chiv Ua Kua rau Qoob Loo Tsis Rau TshuajCov chiv ua kua, xws li kua ntses, kua kelp, thiab kua chiv, muab tau as-ham sai rau tej qoob loo. Ntau tus tswv teb siv cov chiv ua kua no thaum rho ib hom qoob loo mus cog rau lwm qhov chaw vim tias thiaj pab tau tsis tuag, thiab lwm cov tswv teb siv coj los txau rau tej nplooj qoob loo kom lawv loj hlob zoo zog. Tiam sis cov chiv ua kua no tsis tsim koj muaj av luaj dag rau tej av. Yog li no txawm siv thiab los yuav tau ua lwm yam kom tsim tau av luaj dag---xws li siv chiv, quav, thiab zaub npog nroj.

Lus Xaus Daim ntawv no tsuas piav me me txog ntawm kev tswj av, kev tu qoob loo, thiab kev txuag av xwb. Muaj ntau lub tswv yim hais txog kev yuav ua cas ntsuas thiab ua cas tswj. Qhov tseem ceeb uas yuav tau nco ntsoov yog qhov hais tias kev tsim thiab tswj cov av luaj dag yog ib qho tseem ceeb rau txoj kev cog qoob loo tsis rau tshuaj. Feem ntau, yog koj yeem muab tau av luaj dag ntau ntxiv rau koj cov av txhua xyoo, ces yog ib qho zoo---yog ua zoo tswj ces yuav pab tau kom koj cov av muaj av luaj dag sai li 3-5 xyoo tom qab ntawd. Nco ntsoov txog tias tej no txawj yaj txawj xam nrog dej mus rau lwm qhov thiab kev tshom av kom ntxeev txheej tshiab los kuj muaj peev xwm ua rau av tsuag. Yog li no txoj kev yug thiab kev tiv thaiv koj cov av yog ib qho yuav pab koj cov av kom zoo thiab kom cog tau qoob loo mus ntev ntev.

Yuav kom pib tsim tau ib co av zoo, koj yuav tau kuaj cov av, ua raws li cov lus cob qhia, thiab siv cov zaub npog nroj thiab chiv coj los tsim koj cov av. Ib ntus dhau ib ntus, kawm kom koj paub ntau li ntau tau txog tej tswm yim los ntawm lwm tus tswv teb, tsev kawm ntawv loj, koom haum xws li MOSES, thiab lwm cov neeg. Siv koj cov tswv yim thiab xyaum ua li qhov uas yuav zoo rau koj daim teb.

MOSES Cov Kws Qhia txog Qoob Loo yuav pab teb tau koj cov lus nug txog kev mus thov ntawv tso cai thiab kev cog qoob loo tsis rau tshuaj. Saib rau peb daim ntawv Nug thiab Teb Lus ntawm mosesorganic.org/ask, los yog xa lus nug rau peb, los yog hu rau peb ntawm 715-778-5775.