Upload
others
View
6
Download
0
Embed Size (px)
Citation preview
Febrúar 2009
Tillögur um leiðir til að kynna
iðn- og starfsnám
í leik- og grunnskólum Reykjavíkur
Steinunn Ármannsdóttir, Valgerður Erna Þorvaldsdóttir,
Anton Már Gylfason, Halldóra Guðmundsdóttir, Ingi Bogi
Bogason, Jón B. Stefánsson og Þorgerður L. Diðriksdóttir.
Tillögur um leiðir til kynningar iðn- og starfsnáms í leik- og grunnskólum Reykjavíkur
2
Tillögur um leiðir til að kynna iðn- og starfsnám
í leik- og grunnskólum Reykjavíkur
Kynning sem flutt er til skólanna
Færanlegar kennslustofur
Íverugámur með einni til tveimur vinnustöðvum
Bílar (sbr. t.d. bókabíllinn) með einu verkstæði innanborðs
Verkfærakistur, hver kista inniheldur eina til tvær kynningar
Kynning í leikskólum
Nám í gegnum leik
Heimsóknir og vettvangsferðir
Móðurskólar þróunarverkefna
Kynning í grunnskólum
Grunnskólakynningar
Grunnskólastofa í framhaldsskóla
Grunnskóli starfsmennta
Námsefni
Gera úttekt á því sem til er með tilliti til innihalds
Flokka og semja námsefni
Samstarf
Leikskólinn
Grunnskólinn
Náms- og starfsráðgjafar
Samtök í atvinnulífinu
Tillögur um leiðir til kynningar iðn- og starfsnáms í leik- og grunnskólum Reykjavíkur
3
Efnisyfirlit
Inngangur ......................................................................................................... 4
Skipun nefndar – tildrög .............................................................................. 4
Nefndin – hlutverk og helstu verkefni ........................................................ 4
Nefndin – starfshættir .................................................................................. 5
Kynning sem flutt er til skólanna ..................................................................... 5
Færanlegar vinnustofur ............................................................................... 5
Verkfærakistur ............................................................................................. 6
Kynning í leikskólum ....................................................................................... 7
Nám í gegnum leik ...................................................................................... 7
Heimsóknir og vettvangsferðir .................................................................... 7
Móðurskólar þróunarverkefna ..................................................................... 7
Kynninga í grunnskólum .................................................................................. 7
Verkstæði í grunnskólunum ........................................................................ 7
Grunnskólakynningar .................................................................................. 8
Grunnskólastofa í framhaldsskóla ............................................................... 8
Grunnskóli starfsmennta ............................................................................. 8
Námsefni .......................................................................................................... 8
Samstarf ............................................................................................................ 9
Leikskólar .................................................................................................... 9
Grunnskólar ................................................................................................. 9
Framhaldsskólar ........................................................................................ 10
Náms- og starfsráðgjafar ........................................................................... 10
Atvinnulífið ............................................................................................... 10
Að lokum ....................................................................................................... 10
Fylgiskjal l – Færanlegar verkmenntastofur
Fylgiskjal 2 – Erindisbréf nefndar
Tillögur um leiðir til kynningar iðn- og starfsnáms í leik- og grunnskólum Reykjavíkur
4
Inngangur
Skipun nefndar - tildrög
Á fundi borgarstjórnar Reykjavíkur 18. mars 2008 var samþykkt að vísa svohljóðandi tillögu til
menntaráðs og leikskólaráðs:
„ Lagt er til að Reykjavíkurborg geri áætlun um hvernig höfuðborgin verði í fremstu röð sveitarfélaga
varðandi kynningu fyrir börn og unglinga á iðn- og starfsnámi. Það verði gert meðal annars með
skipulagðri starfs- og námsfræðslu í öllum skólum og færanlegum vinnustofum fyrir námskeið í
iðnnámi í samstarfi við atvinnulífið og iðnskóla borgarinnar.“
Greinargerð borgarstjórnar fylgir tillögunni. (fylgiskjal 2)
Í október 2008 var sett á fót nefnd til að vinna úr tillögu borgarstjórnar.
Fulltrúar nefndarinnar voru:
Steinunn Ármannsdóttir verkefnastjóri á grunnskólaskrifstofu Menntasviðs, formaður
nefndarinnar
Valgerður Erna Þorvaldsdóttir mannauðsráðgjafi Leikskólasviði,
Anton Már Gylfason, áfangastjóri Borgarholtsskóla,
Halldóra Guðmundsdóttir, Félagi leikskólakennara,
Ingi Bogi Bogason, forstöðumaður menntunar og mannauðs hjá Samtökum iðnaðarins
Jón B. Stefánsson, skólameistari Tækniskólans – skóla atvinnulífsins,
Þorgerður L. Diðriksdóttir, Kennarafélagi Reykjavíkur.
Nefndin - hlutverk og helstu verkefni
Nefndin starfaði samkvæmt erindisbréfi (fylgiskjal 3) og var starfstíminn frá því í nóvember 2008 og
þar til í febrúar 2009. Áætluð skil nefndarinnar voru um miðjan febrúar.
Meginhlutverk nefndarinnar var að kanna hvaða leiðir væru færar til að koma til móts við tillögu
menntaráðs en helstu verkefni skv. erindisbréfi voru:
1. Vinna samkvæmt tillögu borgarstjórnar um kynningu á iðn- og starfsnámi fyrir börn
og unglinga.
2. Taka afstöðu til hugmynda borgarstjórnar um þetta verkefni.
3. Koma með tillögur um hvernig best verði staðið að kynningu verkefnisins.
4. Kynna tillögur fyrir fræðslustjóra og forstöðumönnum mennta- og leikskólastigs.
Tillögur um leiðir til kynningar iðn- og starfsnáms í leik- og grunnskólum Reykjavíkur
5
Nefndin - starfshættir
Fyrsti fundur nefndarinnar var 2. nóvember 2008 og urðu fundirnir alls 7 talsins, sá síðasti 11. febrúar
2009.
Nefndin tók strax í upphafi starfs síns þá afstöðu að ræða fleiri hugmyndir sem varða eflingu iðn- og
starfnáms, en þær sem fram koma í samþykkt borgarstjórnar. Í samþykktinni segir að gera skuli áætlun
um það hvernig borgin verði í fararbroddi í eflingu iðn- og starfsnáms. Nefndin telur að áður en farið
er í slíka áætlanagerð þurfi kjörnir fulltrúar að taka afstöðu til þeirra tillagna sem fram koma í
skýrslunni. Reynt var að meta kostnað við nokkrar tillögur en það reyndist erfitt á þessu stigi málsins.
Nefndin hefur forgangsraðað tillögum sínum að nokkru leyti en endanleg ákvarðanataka veltur, ef að
líkum lætur, að miklu leyti á þeim fjármunum sem fást til verkefnisins.
Nefndin fékk á fundina, til skrafs og ráðagerða, náms- og starfsráðgjafa, leikskólastjóra og
leikskólakennara, sérfæðinga frá fjármáladeild Menntasviðs og deildarstjóra Gámaþjónustunnar.
Einn fundur var haldinn í íverugámi í Hafnarfirði.
Fundarmenn veltu fyrir sér kostum og göllum margvíslegra leiða til kynningar á viðfangsefninu. Hér á
eftir fer greinargerð með hverri fyrir sig.
Kynning sem flutt er til skólanna
Færanlegar vinnustofur
Nefndin velti fyrir sér með hvaða hætti væri hægt að koma upp færanlegum vinnustöðvum, útbúnum
fyrir verk og starfsnám, við grunnskólana eða sem næst þeim.
Þrjár leiðir voru ræddar:
Í fyrsta lagi að staðsetja á skólalóð, miðsvæðis í
hverju skólahverfi, færanlegar kennslustofur með
verkstæðum fyrir tvær til þrjár greinar. Nemendur
kæmu úr nærliggjandi skólum til kynninganna.
Slíkar stofur yrðu leigðar frá Framkvæmdasviði
Reykjavíkurborgar og er leigan áætluð frá 115 -
150 þúsund á mánuði. Gera má ráð fyrir að
kostnaður við útbúnað í verkmenntastofu
(smíðastofu) geti verið 5-8 milljónir miðað við 20 nemendur og að kostnaður við flutning slíkrar stofu
verði tvær og hálf milljón (samkvæmt upplýsingum frá fjármálastjórnun Menntasviðs Reykjavíkur).
Nauðsynlegt er að byggja léttan grunn fyrir stofurnar og tengja þær við vatn, rafmagn og frárennsli en
ekki er lagt mat á hvaða kostnaður gæti hlotist af slíku. Ekki er lagt til hve margar slíkar stofur yrðu
útbúnar en líklegt er að gera þyrfti ráð fyrir að minnsta kosti 3-4 slíkum stofum í borginni. Færanlegar
stofur sem þessar eru ekki færanlegar í þeim skilningi að þær flakki á milli skóla, heldur staðsettar til
lengri tíma á hverjum stað. Nefndin var sammála um að færanlegar kennslustofur sem þessar væri ekki
fýsilegur kostur, bæði vegna kostnaðar og eins vegna þess að færanleikinn er í raun takmarkaður.
Í öðru lagi var rætt um að útbúa íverugám sem verkstæði með svipuðum hætti og gert yrði í færanlegri
kennslustofu. Íverugámar eru einangraðir, á þeim eru gluggar, þeir eru hitaðir upp með
Tillögur um leiðir til kynningar iðn- og starfsnáms í leik- og grunnskólum Reykjavíkur
6
rafmagnsofnum og því tilbúnir til notkunar. Slík gámahús yrðu væntanlega keypt frekar en leigð þar
sem útbúa þyrfti gámana sérstaklega fyrir þetta verkefni og ólíklegt að leiga til langs tíma væri
hagkvæmari en kaup. Þessir íverugámar væru fluttir á milli skóla/skólahverfa eftir ákveðnu skipulagi
og staðsettir við hvern skóla fyrir sig. Sjá hugmyndir að færanlegum verkmenntastofum í fylgiskjali 1.
Ekki er nauðsynlegt að byggja grunn fyrir gámahúsin en þau yrðu sett á hellur eða sambærilegar
undirstöður og lagt að þeim rafmagn. Sé þörf á vatni vegna verkefna sem unnin verða í gámunum yrði
það leyst með vatnstanki.
Gámahúsin eru 27m2 að stærð (9m x 3m), með 2,5m lofthæð, og kosta um 1,7 milljónir kr., þannig að
fullbúið gámahús kostar hugsanlega 5-10 milljónir kr. eftir að búið væri að innrétta og kaupa
tækjabúnað sem settur yrði í hvern gám. Kostnaður við að leigja gám er 1.500 kr. á dag og
flutningskostnaður er 50 þúsund kr. í hvert skipti (miðað við desember 2008).
Í þriðja lagi var rætt um að innrétta bíla (samanber bókabíll,
blóðbíll) með sambærilegt hlutverk og greint er frá hér að ofan.
Kostirnir sem felast í slíku fyrirkomulagi eru mikill hreyfanleiki og
auglýsingagildi. Gallarnir eru hins vegar, mikill kostnaður við
bílinn sjálfan (stofnkostnaður 30-50 milljónir kr. auk reksturs- og
viðhaldskostnaðar) og takmarkað athafnarými innan hans.
Niðurstaða nefndarinnar er að hagkvæmasti kosturinn og um leið sá virkasti af þessum þremur sé
íverugámur og leggur nefndin til að það úrræði verði skoðað nánar með tilliti til skipulags og virkni og
að fram fari ítarlegra mat á kostnaði. Í fylgiskjali 4 eru nokkrar hugmyndir um innihald gámanna sem
hægt er að hafa til hliðsjónar við kostnaðarmat.
Verkfærakistur
Nefndin lagði til að útbúnar yrðu verkfærakistur sem yrðu í
förum milli leikskóla og grunnskóla borgarinnar.
Verkfærakistur myndu henta sérlega vel til kynningar á iðn- og
starfsnámi í leikskólum og einnig í yngstu deildum grunnskóla.
Til að byrja með væru 1-3 leikskólar fengnir til að taka að sér að
þróa námsefni og verkefni í samvinnu við fulltrúa frá
Samtökum iðnaðarins og/eða fagfélaga starfs- og iðngreina.
Með kistunum þyrfti að fylgja fræðsluefni, s.s. hugmyndir að
verkefnum og leikjum fyrir mismunandi aldurshópa á
Tillögur um leiðir til kynningar iðn- og starfsnáms í leik- og grunnskólum Reykjavíkur
7
leikskólum. Leikskólar gætu valið úr mismunandi kistum sem hver og ein innihéldi tæki og tól tengd
ákveðnum iðngreinum. Fagmenn í hverri iðngrein fyrir sig myndu ákveða innihald verkfærakistunnar í
samráði við leikskólakennara til að það henti þörfum og þroska leikskólabarna. Leikskólar gætu síðan
unnið verkefni tengd ákveðnum iðngreinum, fengið verkfærakistur að láni í skólann og í framhaldi af
því farið í vettvangsferðir eða fengið fagfólk í heimsókn á leikskólann til frekari kynningar á starfinu
og þeim verkfærum sem tengjast því. Verkfærakisturnar gætu annaðhvort verið hluti af sérstökum
verkefnum tengdum starfs- og iðngreinum, eða verið hluti af öðrum verkefnum, t.d. í tengslum við
hlutverkaleiki eða könnunarleiki. Kostnaður færi að sjálfsögðu eftir búnaði kistunnar.
Þessi kostur virtist nefndinni afar ákjósanlegur og kostnaður þyrfti ekki að verða óyfirstíganlegur.
Kynning í leikskólum
Nám í gegnum leik
Í leikskólanum fái börn fyrstu kynninguna á iðn- og starfsnámi í gegnum leikinn. Hlutverkaleikurinn
býður upp á endalausa möguleika í því sambandi og hægt væri að gera kynninguna markvissari með
kennsluleiðbeiningum fyrir leikskólakennara, verkfærakistum og aðstöðu til þess að prófa tæki og tól
tengd mismunandi iðngreinum.
Heimsóknir og vettvangsferðir
Hópar leikskólabarna færu í vettvangsferðir til fyrirtækja sem hefðu aðstöðu til að taka á móti þeim.
Börnin fengju að skoða þau verkfæri sem eru notuð, þau gætu séð hvernig hlutir eru búnir til, hvaða
handtökum er beitt og einnig fengju þau að spyrja spurninga um það sem vekur forvitni þeirra og
áhuga. Fagmenn gætu komið í heimsókn í leikskólana, kynnt starf sitt og frætt börnin um ýmislegt því
tengdu. Einnig mætti koma á samstarfi við fyrirtæki og stofnanir, t.d. skóla og elliheimili, í nágrenni
leikskólanna.
Móðurskólar þróunarverkefna
Ákveðnir leikskólar tækju að sér að þróa verkefni og leiki sem tengjast iðn- og starfsnámi og séð um
að miðla þeim áfram til annarra leikskóla. Mörg dæmi eru um slík þróunarverkefni í leikskólunum nú
þegar sem gefið hafa góða raun.
Þessar leiðir eru allar nokkuð greiðfærar og kalla fremur á breytt skipulag og nýja hugsun í
skólastarfinu en mikinn kostnað.
Kynning í grunnskólum
Nefndin ræddi með hvaða hætti mögulegt væri að efla kynningu og vitund grunnskólanemenda um
iðn- og starfsnám og voru eftirfarandi leiðir einkum ræddar:
Verkstæði í grunnskólunum
Grunnskólar sem hafa til þess aðstöðu setji upp verkstæði og þrói námsefni í samstarfi við
verkmenntakennara skólanna. Hér væri þess gætt að kynningin væri á greinum sem ekki eru til
Tillögur um leiðir til kynningar iðn- og starfsnáms í leik- og grunnskólum Reykjavíkur
8
kennslu í stundaskrá. Hugsanlega væri þá hægt að samnýta ýmislegt með skólanum jafnframt því að
þessi aðstaða myndi nýtast fleiri en einum skóla í skólahverfi.
Grunnskólakynningar
Framhaldskólarnir í Reykjavík geri ráð fyrir kynningum fyrir leik- og grunnskóla í starfsemi sinni.
Framhaldsskólarnir gætu boðið grunnskólaáfanga þar sem nemendur grunnskólans kæmu með
skipulögðum hætti í takmarkaðan tíma í framhaldsskólann og fengju kynningu á tilteknu iðn- og
starfsnámi. Framhaldsskólarnir nýti aðstöðu sem þegar er til og felli slíkar kynningar inn í stundaskrá
sína. Þetta fyrirkomuleg hefur reynst vel en verið boðið sem valgrein fyrir grunnskólanemendur og því
einungis verið sótt af takmörkuðum hópi grunnskólanema.
Grunnskólastofa í framhaldsskóla
Mögulegt er að einn eða fleiri framhaldsskólar setji upp sértæka góða aðstöðu fyrir
grunnskólanemendur innan framhaldsskólans. Slík aðstaða gæti verið 100-500m2 rými sem innréttað
væri sérstaklega með grunnskólann í huga og innihéldi 6-10 mismunandi vinnustöðvar fyrir ólíkar
faggreinar. Rekstur slíkrar aðstöðu væri á ábyrgð framhaldsskólans og aðstaða og kennslukraftar
framhaldsskólans nýttir. Grunnskólaskrifstofa Menntasviðs skipulegði starfið með því að setja í
stundaskrá grunnskólanna nýtingu aðstöðunnar og flutning nemendanna. Vel má hugsa fyrirkomulagið
þannig að tiltekna viku eða tiltekna daga mættu börnin í framhaldsskólann og væru þar allan daginn.
Grunnskóli starfsmennta
Sú hugmynd kom fram að mögulegt væri að starfræktur yrði sérstakur grunnskóli starfsmennta á
einum stað í borginni. Þar yrði fléttað saman hefðbundið grunnskólanám og starfsnám án þess að slaka
nokkuð á kröfum um að nemendur þess skóla yrðu vel undirbúnir undir framhaldsskólann og síðar
starfsréttindanám eða háskólanám. Slíkur skóli gæti orðið stefnumarkandi og tilraunaskóli í
innleiðingu nýrra viðhorfa í grunnskólakennslu sem síðan gæti orðið leiðsögn fyrir mun virkari
samþættingu starfs- og bóknáms í grunnskólanum almennt.
Allar þessar hugmyndir eru talsvert kostnaðarsamar, þó mismikið, en nefndinni þótti þær mjög
athygliverðar og þess virði að verða skoðaðar nánar.
Námsefni
Lagt er til að gerð verði úttekt á því hvort til er námsefni (og þá hvað) t.d í lestri, tungumálum og
samfélagsfræði, sem samið hefur verið með það að markmiði að kynna þau störf sem bjóðast að loknu
iðn- og starfsnámi. Í framhaldi af því verði ráðist í að flokka og semja slíkt efni í samvinnu kennara og
fagaðila. Það gæti aukið vitund nemenda á öllum skólastigum um þau störf sem bjóðast að loknu slíku
námi auk þess sem efnið gæti skapað grundvöll fyrir umræðum um störfin innan fjölskyldu
nemandans. Sem dæmi um verkefni mætti nefna léttlestrarbækur fyrir yngsta stigið og verkefnahefti í
íslensku, dönsku, ensku og lífsleikni fyrir miðstig og efsta stig.
Tillögur um leiðir til kynningar iðn- og starfsnáms í leik- og grunnskólum Reykjavíkur
9
Samstarf
Leikskólar
Börn læra fyrst og fremst í gegnum leik. Í leikskóla fá börn fyrstu
hugmyndir um hlutverk og störf fullorðinna. Börnin vinna mikið með
höndunum og í flestum leikskólum er smíðakrókur, myndmenntastofa
eða önnur aðstaða til að vinna að skapandi verkefnum. Hlutverkaleikir
eru mikilvægur hluti af leikskólastarfinu og hægt væri að auka vægi
þeirra enn frekar með leiktækjum og verkfærum. Samstarf við fyrirtæki
og stofnanir í grenndarsamfélaginu myndi henta vel fyrir leikskólana.
Algengt er að börn á eldri deildum fari reglulega í vettvangsferðir án
mikils tilkostnaðar. Samtök iðnaðarins gætu tekið að sér að vera eins
konar tengiliður milli leikskólanna og mismunandi fagstétta innan
samtakanna. Leikskólinn gæti líka komið á markvissara samstarfi við
foreldrafélög og fengið foreldra eða aðra ættingja barna sem eru með
tiltekna starfs- eða iðnmenntun til að kynna störf sín fyrir börnunum.
Leikskólinn Austurborg hefur t.d. farið með elstu börnin í heimsókn til
foreldar í vinnuna. Mikil ánægja hefur verið með þær heimsóknir, bæði hjá börnum, foreldrum og
starfsfólki. Koma mætti á samstarfi við Félag leikskólakennara til að kynna starfs- og iðnmenntun fyrir
leikskólakennurum og vekja áhuga þeirra á að þróa verkefni í tengslum við það.
Grunnskólar
Grunnskólinn gegnir veigamiklu hlutverki í starfsvali
nemenda. Mikilvægt er að nota fjölbreytt tækifæri til að
kynna fyrir nemendum hin ýmsu störf samfélagsins
þannig að þeir geti tekið sjálfstæða ákvörðun um námsval
síðar á lífsleiðinni. Samstarf leik-, grunn og
framhaldsskóla þarf að vera náið til þess að kynningin
verði fjölbreytt og markviss. Hugmynd um að nemendum
grunnskólans standi til boða að kynnast starfsmenntun í
framhaldskóla, á meðan á námi þeirra stendur í
grunnskóla, hefur verið reynd með góðum árangri meðal
annars í Borgarholtskóla, í samstarfi við grunnskólana í Grafarvogshverfi og Tækniskólann – skóla
atvinnulífsins.
Nefndin leggur til að þess konar samstarfi verði komið á víðar og við fleiri framhaldsskóla.
Verkmenntaskólar gætu þannig útbúið, í samstarfi við grunnskóla, verkmenntastofur. Grunnskólar
hefðu þannig tækifæri til að skipuleggja hluta af námi nemenda sem „þemaverkefni í starfsmennt“ og
gætu fengið afnot af og aðstoð verkmenntakennara viðkomandi skóla til að skipuleggja þemaverkefnið
„Starfsmenntabúðir“. Þetta verkefni væri fyrir alla nemendur þess árgangs en ekki sérstakt val
nemenda, þannig væri stuðlað að því að nemendur sem ella hefðu ekki valið verknám, gæfist tækifæri
til jafns við aðra að kynnast verkmenntaskólum. Við sjáum fyrir okkur að þetta verkefni gæti verið
fyrir miðstig grunnskólans.
Tillögur um leiðir til kynningar iðn- og starfsnáms í leik- og grunnskólum Reykjavíkur
10
Framhaldsskólar
Samstarf við grunnskóla Reykjavíkur er mikið
hagsmunamál framhaldsskólanna sem eiga eftir að taka
við nemendum grunnskólanna. Mikilvægt er að nýta þá
aðstöðu og þá þekkingu sem liggur í þeim
framhaldsskólum sem byggja á iðn- og starfsnámi og þá
kennara sem þar starfa. Nauðsynlegt er að mynda góða
tengingu milli þessara skólastiga.
Náms- og starfsráðgjafar
Náms- og starfsráðgjafar í grunnskólum hafa m.a. það hlutverk að fræða nemendur um möguleika á
námi og starfi að lokinni grunnskólagöngu. Þeir eru því í lykilaðstöðu að opna augu nemenda fyrir
iðn- og starfsnámi og auka þekkingu þeirra og víðsýni í þeim efnum. Nefndin telur nauðsynlegt að
hafa þá með í ráðum þegar gerð verður áætlun um eflingu iðn- og starfsnáms ásamt skipulagi varðandi
hlutlæga lýsingu á menntun og störfum atvinnulífsins.
Atvinnulífið
Skipulagt verði reglubundið samstarf við fyrirtæki í Reykjavík um kynningar á störfum sem
nemendum í iðn- og starfsnámi bjóðast. Nemendum verði boðið í heimsókn í fyrirtæki og þeir fái að
spreyta sig á daglegum verkefnum, t.d. við að framleiða vöru. Til greina kemur að fulltrúar fyrirtækja
heimsæki skóla og kynni nemendum starfsemi fyrirtækisins.
Mikilvægt er að nemendum standi til boða námsefni um starfsemi starfsgreina og einstakra fyrirtækja.
Við skipulagningu á þessu verkefni sé byggt á reynslu atvinnulífs, fyrirtækja og skóla af slíku
samstarfi.
Að lokum
Markmiðið með samþykkt borgarstjórnar er að vekja börn til umhugsunar um hvaða störf eru í boði í
samfélaginu og hvaða leiðir eru færar að þessum störfum. Til þess að Reykjavíkurborg geti orðið í
fararbroddi sveitarfélaga hvað varðar kynningu á iðn- og starfsnámi þarf að leggja áherslu á að auka
vitund nemenda og forráðamanna þeirra um aðra valkosti en bóknám þegar kemur að því að velja nám
við hæfi að loknum grunnskóla.
Nefndin leggur áherslu á mikilvægi þess að frá upphafi verði unnið af alvöru og metnaði þannig að
nemendur skynji hvað það er að vinna í efni, hanna og móta hluti. Tengja þarf verkefnin við aðrar
námsgreinar eins og stærðfræði, eðlisfræði og teikningar og samþætta þannig þá þekkingu sem
nemendur hafa. Afar mikilvægt er að leggja áherslu á að þessi kennsla er ekki uppfylling eða
aukatímar heldur markvisst innlegg í þroskaferil nemenda.
Fylgiskjal 1
Kynning á iðnnámi fyrir grunn- og leikskólanema:
Færanlegar verkmenntastofur
-Nokkrar hugmyndir-
Stofa 1
Snyrtiiðnir:
Hársnyrtiiðnir
Snyrtifræði
Samstarfsaðilar:
Fjölbrautaskólinn í Breiðholti – snyrtibraut
Tækniskólinn – hársnyrtiskólinn
Þessar iðngreinar mætti kynna í íverugámi, með verkfærakistu og/eða á sérútbúnu verkstæði í framhaldsskóla.
Stofa 2
Matvælaiðnir:
Bakaraiðn
Framreiðsla
Kjötiðn
Matreiðsla
Samstarfsaðilar:
Menntaskólinn í Kópavogi
Þessar iðngreinar mætti kynna í íverugámi og/eða á sérútbúnu verkstæði í framhaldsskóla.
Stofa 3
Upplýsinga- og fjölmiðlagreinar:
Prentun
Grafísk miðlun
Margmiðlunarhönnun
Fjölmiðlatækni
Bókasafnstækni
Samstarfsaðilar:
Borgarholtsskóli – Lista- og fjölmiðlasvið
Tækniskólinn – Margmiðlunarskólinn
Þessar greinar mætti kynna í íverugámi, með verkfærakistu og/eða á sérútbúnu verkstæði í framhaldsskóla.
Stofa 4
Hönnun og handverk:
Almenn hönnun
Fataiðnir
Gull- og silfursmíði
Handverkshönnun
Textíl- og fatahönnun
Samstarfsaðili:
Tækniskólinn – Hönnunar- og handverksskólinn
Fjölbrautaskólinn í Breiðholti
Þessar greinar mætti kynna í íverugámi, með verkfærakistu og/eða á sérútbúnu verkstæði í framhaldsskóla.
Stofa 5
Byggingariðnir:
Grunnnám bygginga- og mannvirkjagreina
Húsasmíðabraut
Húsgagnabólstrun
Húsgagnasmíðabraut
Málarabraut
Múrsmíðabraut
Tækniteiknun
Veggfóðrunar- og dúklagningabraut
Samstarfsaðilar:
Tækniskólinn – Byggingartækniskólinn
Fjölbrautaskólinn í Breiðholti – húsasmíðabraut
Þessar iðngreinar mætti kynna í íverugámi, með verkfærakistu og/eða á sérútbúnu verkstæði í framhaldsskóla.
Stofa 6
Rafiðnir:
Rafvirkjun
Rafeindavirkjun
Rafveituvirkjun
Rafvélavirkjun
Símsmíði
Hljóðtækni
Kvikmyndasýningastjórnun
Samstarfsaðilar:
Tækniskólinn – Raftækniskólinn
Fjölbrautaskólinn í Breiðholti – rafvirkjabraut
Þessar greinar mætti kynna í íverugámi, með verkfærakistu og/eða á sérútbúnu verkstæði í framhaldsskóla.
Stofa 7
Málm- og véltæknigreinar:
Blikksmíði
Rennismíði
Stálsmíði
Vélvirkjun
Samstarfsaðili:
Borgarholtsskóli
Tækniskólinn – Véltækniskólinn
Þessar iðngreinar mætti kynna í íverugámi, með verkfærakistu og/eða á sérútbúnu verkstæði í framhaldsskóla.
Fylgiskjal 2
(Greinargerð borgarstjórnar)
Fylgiskjal 3
(Erindisbréfi nefndar)
Fylgiskjal 4
(Nokkrar hugmyndir um innihald gámanna) Er þetta kannski það sama og heitir núna fylgiskjal 1?