8/4/2019 THUPUAK Volume 6, Issue 12_August 28, 2011(1)

http://slidepdf.com/reader/full/thupuak-volume-6-issue-12august-28-20111 1/2

“Ka paikhiatna, ka tawlngakna na thei a, ka gamtatna khempeuh na thei hi.”Late 139: 3

ZAM Information Department

Volume 6, Issue 12August 28, 2011

Since 2006

Informing People, Transforming Lives

Estd. 2006

THUTHAK LEH THUTHANGA sawtlo khatin, innlam pan aa mipihte khatin hong muhna

zia hong pulakna-ah, “Malaysia om ei Zomi te pen vasa singdawntuang tawh kibang himawk hang.” ci aa, ahihna ciang khat omkasa hi. Tua vasa pen, aki kap ding, a ki matding a patauh zelsam hang, mun khatkhat ciang ei dinmun pen, tua vasa sangina patauh huaizaw tawh kibang hi. Patauhna tawh thu ih sehtawmteh zang mahmah thei hi.

Tua patauh huai dinmun ih om ciang zong thukhat, thugingtuamtuam cian mello-in ih zakzel tak teh patauhna pen hong

lian lua pah hi! A genkhia zong ki-om cihna hi.Hih Malaysia gam khat ii gam ukzia leh galtaite a donna,donlohna thutuam, a tomin gen le’ng, UNHCR cihte, UN icihngiatin gam (193) alut khitna leitungbup kipawlna hi aa, galtaiteaa dingin, nuamna ding, nuamlohna ding thu khat peuhpeuh,athu kician leh ahang omlo-in vaihawm ngeilo ding uh hi.Galtai, gambelte zong 6P kihel ding cih thuthak

August 22, 2011 ni sun hun in UNHCR pan, hih 6P vai-ahkumpi tawh kikupna aneih tohtoh khitna zui-in laikhak tawhahilo phone tawh amau seh Kipawlna khempeuh tung tangkonakhat bawl uh hi. Phone tawh hong zaksak ahi hi.

Tangkona sungah, “August 23 ni aa kipan August 26, 2011ni kikal sungin galtai, gambel om khempeuh in Putra Jaya ah

biometric khutme mekna neihkul hi.” cih ahi hi.Gambel, galtai mi tul sawm kua val tham a omna Malaysia

hi aa, numei naupangte, ut hunhun in off/leave a latheilo khangnonasem Zomi tul tampi leh lamsap neilo tampi aa dingin ihngaihsut pak ciang, patna ding bang kithei vat hetlo hi!Vaihawm pahding dinmun hi masa

ZAM EC kikupna kinei pah aa, UNHCR pan vaikhakna ahihmah bangin, SMS tawh atam theithei tangkona ki hawmkhiamasa hi. Ih lunggulh mah bangin na ki hawmsawn tek pah hi.Mipih a tamzaw tung tungding hi.

Putra pek a paitheilote leh paipih ding a neilote, ama thuaa vaihawm theilote aa ding bus vaihawm ding ki khentat pah

aa, a paitheilote (bek) aa ding ci-in SMS ki hawmkhia hi. Minpiak kisang aa, phone awng nawnlo hi.

Ani masa August 23 ni aa ding Bus (3) bek ki vaihawmmasa ahih manin tampi takin ani nihna a ngak kulta hi.

August 23 ni hong tungin, Bus (3) pen ZAM pan Putra vazuan aa, ih zaksa omding mah bangin tua ni aa pai khempeuhkigawm tul sawm val bang pha ding, ci uh hi.

Ni (4) sung aa mi tul sawm kua valin register va bawlding,bawlkul cihdan himawk ahih manin, tua tul sawm val zong penni khat aa dingin a tawm cihtheih hi bilbel hi.Tawmkhat bekin bawlman

Kumpi thuneite leh UNHCR uliante-in, mi a tamvat tehvaihawmna dan ding theihhakta ahih manin, numei nauneninnkuan tawhte masak uh aa, Zomi sung pan zong tawmkhatin register na bawlthei uh hi.

Nek leh dawn omlohna, mipi omzah leh amun kituahlohna,mihonpi sung thu vaihawm zia a lemlohna tampi a om ciangin,thuneite lampan aw (kam) kia tawh ukzo nawnlo uh aa, ciangkhawng tawh zong a vau uh hita hi. A tawpna-ah, na ciahphottapeuh un, ci aa a thuum ngeungau uh hita mai hi.

Gam ciahkik ding cih laigual in lungkham tun’Tua ni, August 23 ni aa register khutme mekkhate-in laidal

khatta ngah uh aa, a record na a kigelh khempeuh Malay laivive hi-in, mun khatah, (anai theipen in let le’ng) ‘Ngimna: Innciahkik ding’ cihkhat kihel citciat hi.

Hih vai pen, UNHCR panin zong Kipawlna khempeuh iizaktheih dingin tangko thei pahlo ahih manin, Zomi sungahMalay pau athei (kitam mahmah) te hong buai masa pah hi.Tuaciang bek tawh tuani beilo lai- in, ki behlap toto hi.Lung patauh a behlap SMS

Lung patau simsim dinmun om laitakin SMS tuamtuamthang/lang mahmah aa Zomi sung khempeuh hong lok zo,linglawng sak zo mahmah hi!

SMS tampite sung panin, khat pen a tomin anuai aa bangahi hi; “Tuni aa khutme mekte gam ciahsak dingin vanlengtual kipuak pah hi, UN zum ah na mek naikei-un cih lai kisuanghi, zingciang kikupna om dingin hong ki zasak kik ding hi, hihthu zasak sawn tek ni. Z A M”

Ih Kipawlna pan kikhah khia dan khat tawh kibang ahihmanin lung himawh loh theihloh hita hi.

Hih SMS pen ZAM palaite tung hong tun’ teh, tul tampitung SMS tungkhin ding theihsa ci kawmkawm in, a khahkhiapenin bang ngimna tawh hiam cih theihkhiat dongin, lampi

omthei bangbang tawh a kikan teh a tawpna tawpna-ah ki mukhia-in, dotna kihona kinei pah hi.

A tomin, “Lawmte khatin hong gensawn khat, bangmahngaihsun khalo-in ZAM min na thuahkha mah ingh....” cih amadawnna hi aa, tua SMS pen ki samkik thei nawnlo hi.Zum hong dongpah teng patauh phatuam

Ih gen ngeisa ommah bangin, a kicianlo leh tel phatloh aom teh Kipawlna zum ih dot pah pen thutang, thu om bangbangkiza thei hipah hi. Tampi dotna hong lut ngekngek aa, ahizongin, hong dong lo-in lungsim aa a puapua zong omtuak hi.Theihsakna

HIh galtai, gambelte zong khutme mekding cih vai hong

om aa kipan ZAM zum phone leh hotline pen awng nawn phalohi. Cihnopna-ah, khatvei sap tawh a lemkei leh sapkik zel kulkha ding hi. Hih vaithak dot ding pen lunghiang neih kullo hi.Zumpi pan kam dawnna

Ciahkik ding, ciahsak kik ding cih vai-ah, eisung bek napatau hetlo leuleu-in, Kipawlna tuamtuam pan, hih ciahsakkikding, ciahkik ding cih vai tawh kibuai khengkhang hita hi.

UNHCR zum mah kidong phangphang in, tua pen “improperprint” (kilawm kituaklo aa laidal bawlkhia) cih dawnna khat hi.Ki mawhsak veve

August 23 ni Putra immigration zum aa thupiang vai hangin,UNHCR leh immigration te pen mun tuamtuam pan a mawhsakleh a hawmthawh zong tampi om hi.Ani ciangtanna omlo kik

A masa aa August 26 ni ciang a cihsa uh pen, piangtheivetlo ahih mah bangin ani ciangtan kikna om nailo hi.UNHCR pan Kipawlnate tawh vaihawm kik

August 24 hong tun’ ciangin, UNHCR pan vaihawm ziading athak khat tangko khia uh hi. Kipawlna khat khit khatamau hong sehsak ni-ah hong sap zahzah uh paiding, ci hi.

8/4/2019 THUPUAK Volume 6, Issue 12_August 28, 2011(1)

http://slidepdf.com/reader/full/thupuak-volume-6-issue-12august-28-20111 2/2

ZAM THUPUAK A u g us t 2 8 , 2 0 11

(5)

(7) (8)

Galtai leh gambel khempeuh tung zaksaknaUNHCR panin tangkona leh theihsak thakna August 24,

2011 ni-in nei uh hi. Galtai, gambel khempeuh in 6P vaihawmnanuai-ah bio-data leh biometric information lakna kinei hi. Tuapen, kizo vatlo ding aa kha bangzah hiam khat sawt ding hi.

Tuni (August 24) ah, Malaysia kumpi leh UNHCR in, amasa-in Kuala Lumpur leh Selangor sung aa galtai,gambelte aa ding vaihawm masak ding ki thukim uh hi.

Mi tam mahmahna zui-in, UNHCR in Kipawlnate tawhdeihtak na semkhawm ding uh hi. Kipawlna khat khit khat, mia honhon in ki bawlsak ding aa, August 26 ni dong pen Putrajayaah hiphot ding hi. A nihnate pen, September kha sung hidingaa, a ni leh a mun ding ki tangko kikding hi, ci uh hi.

Kipawlna tungtawn in vaihawm ding a cihmah bangun,mimal aa dawp khempeuh tungah zong na Kipawlna tek vuahna pai-un, ci-in vaikhak uh hi.

A masa aa August 26 ni ciangding cih pen, a pian’theihlohmah bangin kha tampi hun beiding cih tangko kik uh hi.

Kuala Lumpur leh Selangor sung aa omlote aa ding,Kipawlna tung hong zaksak hunhun in vaihawm sak dinghiding aa, ngak hithiat ding hilel hi.Hun ngahkik sam

A masa lam vaihawmsakna-ah ZAM kihel nailo hi. Tuatezong, a zawhna ding uh tul tampi cianlai hamtang ding hi.

Mai kaal zum khak uh hi. Tua ahih manin, aci l aa ih buaikhengkhang banglo-in hun tawm a ngahkik suak hihang.Ciahsak kik ding cih thu

August 25 ni ciangin, UNHCR sungpan theihsakna khatom leuleu aa, hih khutme mekte pen ciahsak kik ding cih thu,ki vaihawmlo hi. UNHCR in, Malaysia kumpi tungpan a kicianin theihsakna ngah uh hi, cih thu kiza khia hi. Malaysia inpen, hih galtai gambelte leitung bup ii kepbitna a kisap laisiahkem toto ding uh hi, ci hi. Laidal tung aa “Inn ciahkik ding” cihvai pen, ‘mun kituah aa teeng (migrate)’ te a bawlsak uh tawh

kibang in, UNHCR in hih thu Malaysia kumpi tawh encian uhhi, ci hi. Ciahsak kikding vai kisem lo hi, ci uh hi. Tg. Kham

Zomi Kipawlna Pan Ih Kigin’kholh ZiaTul tampi vai himawk ahih manin, a huntak ciang aa ih

vaihawm bingbung pen lem ngeilo hi. Tua hi aa, UNHCR panvaikhakna ommah bangin, ZAM hong zaksak hunhun, a ni leha phazah ding hong zaksak hun hunin, vaihawm zia a lemziauziau ding ngimna tawh Min, UNHCR card nambat leh phonenambat ki kaikhawm toto hi. Ki theisak sawn tek ni.

Tu ciangciang, Kipawlnate-in, UNHCR ii vaihawmnabangbang kizui toto hi. Ei zong hong vaikhakna uh ngai

toto kawm in, a list ki gingkholsa aa omding hilel hi. August 24 ni-in, Min piakkholh kisang pah aa, tua ni bup

zum awng nawnlo leh phone te zong awn’ hun om nawnlohi. Mimal leh innkuan aa hong ki pai-in, phone zong mimalvive in hong kidotna zui-in, lamsap leh phone sum ih tuatciang za tampi bei ding cih kimu pah hi. Tua ahih manin,Khua Kipawlna makaite tawh kikupna kinei aa, ih khuapihsung aa phone sum leh lamsap bei khempeuh ding ngaihsunin, Khua makaite-in hong kaihkhop ding ki vaikhakna ki neipah hi. Zum ah hong zasak nailo peuhmahin Khua makaitetawh na ki thuza pah un. Zum phone 03 2142 6659 lehHotline 016 293 9027 ah zong ki zasak thei veve hi.Zum leh Khua makaite tung hih mun nih ahpiakkhop khak loh ding thupi hi.

Vaihawm masak lai aa Bus zuiding aa hong piasate-in zonga thakin hong pia kik mai un. Vaihawmna lemzaw ding hi.

Khua makaite bek hilo, a veng leh pawlpi makaite tungzong ki zasak khin hi. Kikhopna-ah zong kikan theipah hi.

Pawlkhat ii lung himawh, Kipawlna dang pan UNHCRcard a ngah, ZAM ah min hong pia nuamte kisang mah hi.

Hih khutme mekding vai-ah, kipawlna khatpeuh in ahi zongin,mimal in ahi zongin, mun khat peuhpeuh pan sum leh paiitawh vaihawmna omlo hi. UNHCR leh kumpi thuneite-in zongsum lakna, donna vaihawm lo uh hi. Ih UN nambat te leh ihmin te, kisamlopi-in mimal/kipawlna khatpeuh tung ki pulakloding hi. Confidential hiden hi.

UNHCR pan hong vaikhak nite hong tun’ taktak ciang, Busvaihawm zia ding pen, ZAM zum pan hiden hamtang dingcihna omlo hi; alem theithei vaihawm khop ding hilel hi.

Hong vaihawm pha le uh, Putrajaya bek aa khutme mekdinghong hilo thei hi. Khuasung tawh kinai zaw zong hithei hi.

A Gamla Lamte Aa Ding Vaikhakna ThakAugust 26 nitak, UNHCR-EST pan vaikhakna thak khat

hong lut leuleu hi. Tua pen, Perlis, Kedah, Penang, Perak,Kelantan, Terengganu, Pahang, Negeri Sembilan, Melaka, Johormunte aa om galtai, gambelte aa ding hi.

Nam (2) khenin a mi phazah hong vaikhak uh hi. Khat pen,UNHCR ciaptehna ngahkhinte hi aa, khatpen a ngahnailoteahi hi. Khawk makai pawlkhat zong ki zasak pah aa, a mimalin hong kan nuamte-in zong, a manlang theithei-in hong zasakun. Hih KL tawh ki gamla munte aa ding hong vaihawm saknading uh hong kaikhawm uh ahi hi.

Ciaptehna Ngahnailote Bangcih DingTusung teng UNHCR pan ciaptehna ngahsa galtai ahi zong,

gambel dinmun aa omlaite ahi zong eitek ki buai veve hi. Tualeh, UNHCR register ngah nai ngiatlo te galtai khin mah hiveve, bang hong cihsak ding uh hiam, cih theihnopna zong tultampi-in ih neipah hi. Hih zong ZAM zum pan, UNHCR tawhdotna ki neikhin aa, a sawtlo-in vaihawm zia ding khat hongzasak kik ding uh hi. Hong vaihawm uh kulding hi.

Tua hi aa, a deuhdeuhin 2010 January pan tu kikal, ZAMcard tawi-in UNHCR pan ciaptehna/register a bawlthei khinpeuhmahin, na Min, ZAM nambat nong zaksak hamtang dinguh ong theisak pah ungh. Damlohna ahi zong, thong pan ahizong, lampi khat peuhpeuh pan register a ngahkhinte cihna hi.

Ka min tua, ka ZAM nambat tua, UN register ngahkhin cihhong zasak thei le uh cin, UNHCR pan register thak hong piakciang no aa ngaihsut kul nawnlo pah aa, member dangte aading nasepna mazang zawding hipah hi. ZAM Registration

PAHTAWINA August 24, 2011 ni-in, Zomi naupang sang lehnaupangte aa ding volunteer asem Sia En KhanNang, USA gam ah resettlement ngahta hi. ZEC-

Talalla leh Maharajalela ah, gam thumna a len’ dongkum (3) val bang a lungsim-thatang a piakhia khatahi hi. Kum masa-in staff note hilhin, tuazawh ciangZolai pen kicing tak leh zai takin hilhthei hi. Zomi

naupangte aa ding a deihsakna leh aki piakkhiatnate Zomi bupinih angtan’ pih aa, hih laihawm tung panin Pahtawina ih pia hi.UNHCR Zumkhak Nite 2011 August 30 leh 31 ni nih penUNHCR zum kikhak ding, ci uh hi.RSC Leh Thudoptheihna Kikhak Mai kal sungbupRSC leh Thudoptheihna limlim kikhak hi.DHS Zumkhak Nite DHS zum in, Monday leh Friday ninih hong ding hi. Enquiry kingahlo aa, interview piading ahi hi.ZAM Zumkhaklo Ding Gam kumpi zumkhak ahi zongin,mipi kipawlna-in zum ih khakding pianglo hi; Kikhak lo ding hi.93 Visa ZAM pan vaihawmpihna kizom toto hi. Sia Kap Lian(012 640 1673) tung a thu leh vaihawm zia kikan thei hi.Theihsakna Bank card bawlsak nuamte-in, vaihawmna alemzaw dingin Sia Hau Khai (012 367 4665) hopih masa un.DVD 2011 Zomi Nam Ni DVD (dal nih) RM10 tawh kingah hi.Mopuan Kikawmthei Kizoptheihna: 016 306 3620