Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984

Hmasawnna Thar Vol - 32/239 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

THLAdo (june) 18, 2017 PATHienni (sundAy)

Contact Numbers pawimaw : dC/CCpur : 03874-234234 sp/CCpur : 03874-236747 police station : 03874-202248 sp Control room: 03874- 233239 dist. Hospital Casualty : 03874-233370 Fire Brigade : 8974 147 799/ 8258 057 887 / 8974 103 600

sP Hotline number 7085-256-377

NEWS TOMkiMCHANCHIN LAKTAWI

dAIly dIreCt serVICe

1. CCPur- Jiribam-Hmarkhawlien

2. Churachandpur-Shillong

Contact no. 9862129273

Pass lawmna hmun sawn;Mitin uop dingin an fiel

CCPur: Leisen Football Club (LFC) hmalaknaa June 18, 2017, 1:00PM vawisun-a Leisen khawsuok tukum 2017-a Class X le Class XII passed hai lawmpuina hun hmangna ding hmun kha remchangnawna um leiin Lj Memorial Hall, jj Pla-za, rengkai, CCPur hmuna hmang lem dinga a hmun

sawn a nih tiin organizer han inhriettirna an siem. Hi hun hmangna uop dingin Leisen Football Club chun mitin an fiel a, a bik takin Leisen khaw suok (Leisen vadungtui dawn phak chin) hai lem chu lo thei lova \hang ngei dingin President, LFC chun fielna le inhriettirna a siem.

RPF in anni sukpuok a ni thu an puong

iMPHAL: Revolutionary People’s Front (RPF) chun June 15, 2017 a Ukhrul district-a Kashung village-a bomb sukpuoktu chu anni pawl an ni thu an puong. Kashung village, Ukh-rul district-a Improvised Explosive Device (IED) sukpuok-a Assam Rifles hai an lambun huna khan Assam Rifles 1 in thina a tuok bakah 3 in hliemna an tuok a nih.

naupang Hapta an hmangCCPur: Independent Church of India (ICI) Siel-mat Naupang Sunday School Union chun June 12-18, 2017 inkar sung ICI Sielmat Biekin-ah “Sandam-na Ropui” ti thupui hmangin Naupang hapta an hmang a, zanikhan Biekin campus sungah One Day Games and Sports, 2017 an nei. Naupang Hapta hi June 12, 2017 khan Upa Ramhl-unsang in a hawng a, Rev Maylawmthang Tuolor, Rev Alan L Thiek, Rev Micheal Zokhuma Zote le Lalhlim-pui han thupui hran hran

hmangin Pathien thu an hril a, thu le hlaah naupang han inpawltlangna an nei. Zanita games and sports huna chun Alpha le Omega I pawla in\hein Sub-Junior, Junior le senior han item chi tum tum- Individual ah 100 meter race, spoon race, cock fight, blind hit, high jump hai bakah football, relay race, dancing haiah inruolsiekna an nei. Naupang Hapta hi June 18, 2017 hin sunzawm ning a ta, Upa Lalremthang Biete in \awng\ainain khar a tih.

Seminar an neiCCPur: Evangelical Bap-tist Convention EBC hnuoia Division Baptist Dorcas Fel-lowship, Lamka South Divi-sion chun zanikhan EBCC Hebron, New Lamka hmu-nah Seminar an hmang. Dr Miss Niangsangching, Lec-turer, GBC; Upa S. Vung-zasiam, Local Chairman, EBCC Hebron hai resource person in an \hang.

NSCM(IM) in an suizui dingiMPHAL : Ukhrul District a June 15, 2017 a Khama-son Village a thil tlung hi tuornat um tak le thil inza-kum takel a nih. Hi thil tlung hi \ha le inlangtlang taka suizui ning a ta, suk-suoltuhai chu hrem ning an tih tiin NSCN(IM) Kilo Kilonser Hukavi Yepthomi chun a hril. Hi thil tlungah hin mi 2, Romeo Shally le

Chingripam Lungleng han thina an tuok pha a nih. Ro-meo Shally hi NSCN(IM) pawl vuok hlum a ni a, Transport Office, Ukhrul a thawk lai a nih. Romeo thi leia mipui lungsen pung-khawm hai hnawtdarna dinga NSCN(IM) han silai an hmetpuok leia civil mi Chingripam Lungleng hi kap hluma um a nih.

Bawng 20 vel an thi tahiMPHAL : Kangpok-pi District a Tuilang Village-ah tulai hin ran natna hri hriet ngailo an leng a, bawng 20 vel an thi ta nia hril a nih.

Autonomous District Council (ADC), Sadar Hills chun District Vet-erinary Department chu inquiry thaw a, ran nat-na hri hi an dar lien pei

nawna dinga hma la din-gin an hriettir. Tuilang Village a ran natna hri inleng hi ran ke le bau natna hri ni dinga ring-hla a nih.

Natl. Dengue Day hmang Dengue invawi pakhat hmu

CCPur: District Malaria Officer (DMO), Churachan-pur inrawinain zanikhan CMO Mini Conference Hall, CMO Complex-ah National Dengue Day, 2017 hmang a nih. Hun hman-gna hi S. Thangthianmuan, DPO in an rawk a, Lalzar-lian, MHS in fekhawm hai lawmlutna thucha a hril a, K. Ginzahau, Field worker in \awng\ainain hun a hawng a, Dr. Steve Min-lun, Medical Officer, Be-hiang chun Dengue natna laka inveng dan ding a hril a, Dr Kim Simte, CMO, CCPur chun Dengue natna Dengue laka himna dinga mipui le Heal department thawktu hai \hangruol a pawimaw thu a hril a, Dr Jamthianlal, DMO, CCPur chun Dengue dona dinga thil thaw dan ding hai a hril. State le sawrkar thlung-pui han Dengue natna leia tukhawm a thi um lo dinga theitawpa hma a lakna le inzawmin District Malaria Department khawmin Dis-

trict tin hai leh theitawpin hma an lak mek a nih. JNV Tuinom Hostel-a um student kum 14 mi pas-al pakhat chu JN Hospital-a a thisen enfel a ni hnun-gin Dengue natna invawi a nih ti hrietchieng a ni thu District Malaria Officer, DMO, CCPur chun a hril. Ama hi June 13, 2017 a District Hospital pan, duty doctor han an admit a ni a, Dengue ni dinga an ringhla leia June 14, 2017 a kha doctor han JN Hospital-a enkawl dinga an referred a nih. A thisen enfel a ni hunah Dengue a nih ti hi hriesuoka hung um a nih. Hi le inzawm hin Dis-trict Malaria Department chun JNV Tuinom an va sir a, Thoukang te iemanizat lain Imphal hmuna enfel dingin an thawn. Dengue invawi hmu a ni le inzawm hin zani zan-tieng khan Malaria Depart-ment chun JNV Tuinom le Zenhang Lamka area haiah fogging kap a nih.

College 40 ah Vocational Training hawng ning a tih: CMPvt School le Tuition/Coaching thuah sawrkarin dân thar siem a tum

iMPHAL: Mirethei takhai khawmin thiem inchukna (education) \ha an hmu theina dingin sawrkâr school le zirtirtuhai chu \ha taka sinthaw ding le taima tak le titakzeta hma la din-gin Chief Minister chun an fui tâwl. Hi thu hi Inrinni-a City Convention Centre, Palace Compound ah BSEM le COHSEM hnuoia Class X le XII Topper hai lawmman pekna hunserah khuol lien anga thu a hrilnaa a hril a nih. Chief Minister chun, tu-lai nu le pa han an nauhai lekha inchukna dinga pawi-sa tamtak tak an sêng \eu \euna san pakhat chu tuition le coaching a tam taluo tah lei a ni a. Sawrkar school hai an tlâk hnuoi lei le pri-vate tuition le coaching cul-ture thar ei uor lei a nih a ti bawk. “Ei rama sawrkâr sikul-hai siem\hat an ni hmakhat chu miretheihaiin thiem

inchukna kawngah ah an beisei ang hmu phâk ngai naw ni hai” tiin, zirtirtuhai \hanglakna le hmalâkna bo chun education siem\hat tak tak thei an naw ding thu a hril bawk a. Hotuhai chu \hahnem ngai nâwk zuol dingin a ngên. Education tienga hma-sawnna dinga hmalâkna bi-kah sawrkâr chun school 50 (SSA hnuoiah 41 le RMSA hnuoiah 9) 100 Days Pro-gram ah an \hangtir niin a

hril. Kawng tin rênga Edu-cation sukhratna ding le school drop-out hai khawm a huom theina dingin, col-lege 40 haiah Vocational Training/Education \an vat a nih tah ding niin a hril a. Imphal East District ah Dis-trict Institute of Education and Training (DIET) indin a ni vat ta ding niin a hril bawk. Hieng bâka hin Direc-torate of Education (S) hnu-

oiah hotuhai le headmaster hai transfer and posting policy transparent tak sawrkarin a siem vat ding niin a hril bawk. CM chun, education system \ha taka streamline a, private school le coach-ing centre/tuition class hai \ha taka thunun an nih theina dingin sawrkâr chun Assembly Session nawkah Manipur Private Schools (Registration) Bill, 2017 le Manipur Coaching Institute

(Control and Regulation) Bill, 2017 putlut a ni ding thu a hril bawk. Functional President-a \hang Education Min-ister Mr Th Radheshyam chun, Chief Minister Mr N. Biren inrawina hnuoiah Education le Health ngai pawimaw bik an nih a. Chuleiin, education depart-ment sukchangkang dan ding ngaituo dingin prize distribution zoah ZEOs, Headmasters/Principals le hotuhai hai po po ‘brain storming session’ (ngun taka ngaituo tlangna hun) nei a la nih ding thu a hril. “A vawikhatna dingin sawrkâr chun BOSEM le COHSEM hnuoia Class X le Class XII Examinations haia Topper hai lawmman semna a ruola nei dingin a rawt a nih” tiin, lawm-man latuhai chun a la phâk nawhai khawm hmatieng chu lawmman la thei dinga cho phura infui dingin a hril tawla.

“Hlawsam leiin lung sukhnuol el ding an nawh a, ei thawsuolna haia in-thawka inchuk ei tum ding a nih” tiin inchuklaihai chu an fui bawk. Lawmman semna huna hin Chief Minister chun education sukhma-sawnna ding bîka website thar www.edusuggest.in a hawng a, sawrkâr le mipuihai thutlukna siemna kawng le thurawn inpekna kawngah a thlung zawm vawng nghâl a nih. Chief Minister chun Class X le Class XII Exam-a Top 10 hai ve ve kuomah lawmman a sem a. Sawrkar sikula kai Top 10 hai kuomah lawmman hran a pek bawk. Lawmman semna hun-sera hin Principal Secre-tary (Education) Mr Vineet Joshi, Director Education (S) Mr Th Kirankumar Sing le COSHEM Chairman Mr L. Mahendra Singh hai chu Guests of Honour an nih.

Holiday Bible School

CCPur: Baptist Children Department (BCD), Lamka South Division EBC chun “Jesus Like Jesus” ti thu-pui hmanga Centenary hall, New Lamka hmuna Voca-tion Bible School (HBS) an hmang chu zanikhan anlo zo tah. HBS hmang sung hin devotion le worship service hai neia hun hmang a nih.

July 1 a inthawk Electoral Roll Special DriveiMPHAL: Election Com-mission of India (ECI) chun July 1, 2017 a in-thawkin Special Electoral Drive thawin electoral roll po po sukdik vawng a tum niin Chief Electoral Of-ficer, Manipur, Mr Vivek Kumar Dewangan chun June 16 khan Old Secretar-iat conference hall-a press conference ah a hril. Election Commission of India chun “No voters to be left behind” (Voter tukhawm zieklut lo um lo ding) ti a hmalâkna le inza-wmin, voter thar abikin \ha-lai kum 18-19 inkarhai chu an renga zieklutna dingin hi special drive hi a thaw ding niin a hril a. Special Drive hi July 31, 2017 ah zofel vawng dinga riruong a nih. Voter thar ding, hming

thleng, siem\hat, etc. thaw nuomhai chun Form 6 hmangin thaw thei an tih. Form 6 chu ERO/DC of-fice ah hmu thei nîng a ta, offline le online-a submit thei nîng a tih. Hiaka ding bik hin July 8-22 chen Spe-cial Camp buotsai nîng a ta, polling station tinah BLO hai \hungin Form 6 hmangin drive thawng an tih. Sawrkar School le pri-vate school le college haiah

khâwm July 1 le 31 hai khin special taka thaw ning an tih, tiin a hril. Voter thi tahai hming pei thlakna khawm nei nîng a ta, chuong ang voter thi tahai fiena Death Cer-tificate chu Registrar of Deaths a inthawka laka thaw nîng a ta. Form 6 & 7 hmanga special drive chu July 31 khin thaw nîng a tih. Amiruokchu, thina case nih lo, Form 7, 8 le 8A

hmanga drive chu Special Drive zova thaw nih dingin a hril. BLO han in tin sirin Form 6 lakhawm an ta, abîkin kum 18-19 (kum 21 chen khawm) Special Cam-paign Dates ti lo haiah July 1st to 31st chen thaw thei nîng a tih. Hi thil hi “The Voter Services Mobile Ap-plication” hmingin Com-mission website ah thaw thei nih bawk a tih. Hi thu le inzawm hin National Call Centre khawm state tinah a siem a. Hieng Call Centre hai hi toll free-a hmang thei vawng ding an nih. Pieng phunga ruol banlo, pieng danglam hai khawmin harsatna an nei chun BLO haiin an in sêng ah va kan el an tih, tiin CEO chun a hril bawk.

Old Age Pension Rs.200, Rs.400 ni ta dingin

CCPur: Social Welfare Minister Mr Nemcha Kip-gen chun, Indira Gandhi National Old Age Pension Scheme (IGNOAPS) (Tar Pension), kum 80 tling tahai thla tina Rs.200 an hmu hlak hi, Rs.400 ni ta dingin proposal an hma tieng sawrkâr thlungpui kuomah peklut nîng a tih, tiin a hril. Hi thu hi Kuki Senior Citizens’ Welfare Forum (KSCWF) 4th Anniversary lawmna hunser, Soikholal Ideal High School Cam-pus, Canan Veng, Tuibong, Churachandpur-a an neina hunah khuol lien nia a hril a nih. Minister chun, tar le upahai hi ngaitha tak an nih nia a hriet leiin, sawrkâr a inthawka an hmu ding ang ang chu indik taka an hmu vawng theina dingin a theitâwpin hma a hung lak ding niin a hril. Tar pension chun-gchâng thuah complaint tamtak a dawng thu a hril a, old age pension sem dan thuah thil an khuongruol naw taluo niin a hril a. De-partment official hai chu thil umdân enfel vat dingin an hriettir bawk. Ms Nemcha chun, Old Age Pension Card tam-tak chu a neituhai kuta ni lovin ‘agent’ \henkhat kuta an um ti thu a hriet a. Chu chu dan ding an naw leiin department hotuhai chu DSWO enkaina hnuoiah a Card neituhai kutah pesuok vawng dingin an hriettir tah niin a hril a. A biel Kang-pokpi ah chu DSWO le Block tina hnam/khawtlang \huoituhai leh inthuruolin Pensioner hai chu an in sen-gah an pension pawisa pek an ni dan a hril bawk.

Hmatieng peia chu hieng ang hin district tin-hai khâwmin an hung thaw thei ta a beisei thu hrilin, Tuibong ah Old Age Home khâwm bawl a nih vat tah ding niin a hril bawk. Minister chun DC tin le SW hotuhai po po chu Old Age Pension sem pha \hang ve hlak dingin an hriettir tâwl a. MLA hai khawm a thei chenah um ve hlak dingin a hril bawk. Old Age pension hmu thei ding la hmun aw hai chun ama inhriettir dingin a ngên a. Indiknaw taka thawtuhai chu zawng suokin na taka hrem an ni ding thu a hril bawk. Kum indikloa Tar Pen-sion hmu ve tum \al \al lo dingin a hril a. Chuong ang thil indiklo a um nâwna din-gin a petu officer hai chu a dawngtu beneficiary hai nîna le kum, an Aadhar Card le Voter I-Card haiah fie pei dingin an hriettir bawk. Ms Nemcha chun, khawtlâng hmasawnna dinga mâni hmazawn senga indik taka thil thaw chu mi tin mawphurna nia a hriet thu hrilin, KSCWF in tar le upahai ta dinga program hran hran a siem/thaw lei-in lâwmum a ti thu a hril bawk a. Hmatieng peia khawm a nêka nasa lema sin \ha thawna kawngah kut sukhrât nâwk zuol din-gin a ngên a. Hi huna \hang dinga an fiel leiin lâwmthu a hril bawk. Hunsera hin DC/CC-pur Mr Shaym Lal Poonia, IAS, ADC Chairman Mr Khaipao Haokip le DSWO Ms A. Umarani Devi hai chu Special Guest, Presi-dent le Guest of Honour an nih.

Project Vocal Acoustic Round zoCCPur: Evangelical Free Church Of India, EFCI hnuoia Saikawt Presbytery Musical Committee huoi-hawtnaa June 10, 2017-a Saikawt EFCI Biekin-a Project Vocal Audition Round zo a ni hnungin zan-ikhan Sielmat EFCI Biekin-ah Acoustic Round sunza-wm nawk a nih. Hiengang hlaa inelna hi Sunday School naupang hai hla tienga an talent phawr-

suok tumnaa buotsai a nih. Zanita Acoustic Round a hin nuhmei 38 le pasal 7, an rengin mi 45 an \hang a, Acoustic round a hin con-testant 20 an fethleng. Judges in James Son-grolal Songate, Lalengvari Sinate, James Pskhuongte, Bobby Songate le Joseph Pakhuongte hai an \hang a, Host in Nk. Gladys L. Khawbung le Josephine Lalzarzo hai an \hang.

Ram inchu buoi leiin Cr.P.C. 144 puong

iMPHAL : Zanikhan Imphal East District a Top Khewa Village-ah

ram inchu buoina boruok a sosang hle leiin Top Moirang Kampu leilak

le Kangla Corner inkar sungah District Magis-trate, Imphal East chun Cr.P.C.144 a puong. Ram inchu buoina leia boruok a sosang ti an hriet le inruolin Police le Offi-cials han buoina hmun hi an pan nghal a, invuok hliem le inthatna em chu a tlung hman naw a, buoina boruok ruok chu a \ang hle. Hi lai hmuna buoina suok ding vengtu dingin Police in duty tir an nih

Pherzawl-ah Peoples Day hmang a nih

PHerzAwL: Ma-nipur sawrkarin thla tin ni 15 Peoples day a hmang dinga a lo puong ta angina June 15, 2017 khan Pherzawl District Headquaters hmuna ngei Peoples Day hmang a nih. Hi huna hin Pu A.

Tombi Kanta, IAS, Dep-uty Commissioner, Pher-zawl District inrawina hnuoia nei a nih. Hi huna hin Districe Level Offi-cers hieng Pu W. Ibohal, ADC, Pherzawl; SDO Thanlon; SDO Parbung; SDO Vangai, ZEO Pher-

zawl District, DMO Pher-zawl District le SO PHED hai khawm an \hang. Hi huna hin mi 60 ve-lin DC an inhmpui tawl. DC Inhmupuituhai lai hin Northern Thanlon Chief Association chun DC kuomah hin memo-randum an pek a; PDDC Secretary L. Thanzam Pu-lamte le Vice Chairman, Lalhmangpui MDC; Par-bung-a post mek Army Major , ISTV palai le mi pawimaw dang dang hai khawmin an uop . Hieng laizing hin PDDC hmalakna thlawp pei dingin PDDC chun mipui hai an ngen.

Chingzasiam a thisaa a ruong hmuCCPur: June 7, 2017 a inthawk a umna hriet lova inhmang Chingzasiam (46), w/o Kapkhankhual of Vengnuam, New lamka chu zanikhan M. Geltam le Su-angnal inkar a Tuai Teng-vum hmuna a thisa ruong hmu a nih. A ruong hi zani zan dar 9 vel khan phurt-lung a ni a, June 18, 2017 hin Police le a sung hai ditna angina postmortem thaw ning a tih. A ruong hi

Morgue-ah sie a nih. A rim a se ta hle a hril a nih.

Hmasawnna Thar2THLAdo (june) 18, 2017PATHienni (sundAy) ARTICLE/HEALTH & EMPLOYMENT NEWS

Editorial

Editorial Boardlalmalsawm sellate: Editor& Publisherroding l. sellate: Jt. Editor Joseph Joute: Freelancelalsansuok pulamte &samuel Zothanglien@sZ Zote:Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

VAWISUN THUPUIChun ama bawkin mi popo kuomah, “Tukhawmin mi zui a nuom chun mani rinum pawisa lovin, ni tin a kros putin mi zui raw se. Tukhawm a nun hum-him nuom chun chan a ta, tukhawm keia leia a nun chan taphawt chun, ama ngei chun humhim a tih.

-Luka 9:23-24

ALL INDIA RADIO: CHURACHANDPUR PROGRAMMEdate: june 18, 2017 (Pathienni)

TrAnsMission- FM-101.4 Megahertz

Hours Studio/ Programme

4.53pm CR/P Signature

4.55pm Vande Mataram, Time Reading, Opening Announcement

5.00pm P Hyms to God : (W/M) Bob Fits (dev)

5.05pm P Local Announcement/Prog. Summary

5.10pm P Minor Dialect (Gangte): Lalkhothang & party

5.25pm P Western Music: L.L. Muona

5.30pm P

PAITE Prog. Sig. Tune & Announcement Announcer: Chingnngaihnem1) EBCC Lamka Choir (dev)2) Talk: Care for the age (Father’s Day Message)-by T. Songkhanthang

6.00pm P

HMAR Prog., sig. Tune & Announcement Announcer:Olivia1) ICI Central Choir (dev)2. Talk: Father’s Day Message by Lalrothar

7:00PM PTHADOU Prog., sig. Tune & Announcement Announcer: Vahkholam1) Grace Lhingneimoi Baite

Farm & Home: Thadou1. Lamneilhing (dev)2) Talk: “True Love waits” -by Pastor Hemkhomang Haokip

ei Hnuoi PAHAi“ringna’n nova chu thil la hung inlang lohai kawng thuah Pathien hrila lo umin, Pathien \i

dekin, a sunghai sandamna dingin Lawng a tuka..” Heb 11:7

Rev. Dr. H.M.Songate SongateFathers’ day (Pahai ni) hi kum tinin June Pathienni vawithumna a hmang le inser ani hlak a. Nuhai ni le Pahai ni hi a tlangpuiin ‘Nu le Pa’ chawimawina ni in ei hmang hlak a. Nu le Pahai hi chawimawi phu tho hai sienkhawm, biekinah inri veng vunga, chawimawi ding lem chu an ni naw tawp. Biekin pakhatah Pahai ni hmangnaah, Nuhaiin an pasalhai “Ka hmangai che” ti pumin gift an pek chu kan zak taluo a, ka sikhlimin ami dai nawh!! Isu’n biekin (temple) a sukthieng ding khan ‘Ka pa in’ a ti a nih. Pathien leiin nu le pahai chungah lawmthu ei hril ruol ruol in Pathien kuomah lawmthu hrilna ni a hmang ding a nih. Ei chawimawi ding tak chu, Pa mi petu Pathien kha ani ding a nih. Bible thiemhai chun Vana ei pa hi ei pa diktak (ultimate Father), an tih. Pahai chunga ei lawmna ding tak chu ‘an hringna le an nungchangah Pathien mizie ei hmuhai kha’ ani ding a nih. “an earthly father should reflect the heavenly Father” (Hnuoia pahai hin van Pathien nina ei hringnaah ei suklang ding a ni) Pastor Mark Mitchel in a lo tih. ringna a sip Pa (Faith filled father): Nova chu thil la hung um ding thuah Pathienin a biekna chu mit in hmu naw sienkhawm, a ring tlat a. Thil tlung hmanga lo hmu lawk thei hi Pathien pek, vision a ni hlak (Godly vision is defined as the ability to see things before they are). Nova kha ringna in a sip leiin khawvel siet ding kha Pathienin a lo hmu lawk ang khan a hmu a. Chuleiin, Pathienin a hril ang takin sin a thaw ngei ding ani zie kha a chieng emem a nih. Chu chu a nih, ringna a sip ei ti chu. Chuleiin, hnuoi pahai hi Nova’n Pathien thu a ringa a nuhmei le a nauhai a sanhim ang khan Pathien thu ei ring a pawimaw emem. Pathien thu ring le awi tlat hi ‘Ringna a sip’ na a nih. Abraham khawma, Pathien thuhril kha a ringa a zawma, ‘ringna pa’ ani ang khan, insung khata pahai hin Pathien thu hi ei ring taktak a pawimaw. Thil ei ring hrim hrim chu ei zawm hlak a nih. Joshua chun, a insung in Pathien rawngbawlna an sunzawmpei ding thu hrilin Israel mipuihai chona hieng ang hin a pek a nih, “Kei le ka sunghai ruok hin chu Lalpa rawng anih kan bawl ding chu” tiin. Joshua 24:15. Sungtin pahai hin Pathien hnung zui dinga mani insunga thuneina ei nei hi hmangdik a pawimaw em em a nih. Thiempu Eli in nasa takin a suk suol a, David khawmin a suk suol a, a nghawng kha ana emem a nih. Pathien in David a naupa Adonijah chungchangah hieng ang hin a kawk, “A pa hlak chun ienglai khawma, ‘ieng dinga hienga i thaw am ani leh?’ tiin a suklungawinaw ngai si nawh a” 1 Lalhai1:6. Chuleiin, ringnaa sip pahai mawphurna chu ‘nauhai lampui indiknawa an pethmang ding kawk le hril’ hi a nih. Chuong ang bawkin thuthlungthar tieng khawm insung enkawl \ha emem Cornelius (Thil 10:2) ei hmu. Sipai za hotu, officer lien nilo, a buoitawk chaua tirlawn hlak nisienkhawm a insung a enkawl \ha emem a nih. Bible in ‘thil pali’ a thawhlak amin hmu tir. Pakhatna ah, Pathien \i mi (ngaisak mi) a na, Pahnina ah- an sungin Pathien an \i hlak a, Pathumna ah- mihai kuomah thil tamtak a pek hlak a, Palina ah- an \awng\ai rawp hlak. Chuleiin, kristien sungkhat pa mawphurna chu thil pali, pawimaw emem a um a nih. Hieng palihai (i) Pathien ngaisak mi ni (ii) Insung kima Pathien \i mi (iii) mihai kuoma tiktlai taka thil pe hlak (iv) Sungkima \awng\ai rawp hlak, hai po hi ei zawm chun, kristien home

ah \hel ngai naw manih. Ringna a insungkhat pa nina lampui a nih nu le pa inza rawh: Tulai \hangthar lungmawl le lekha inti thiem sia chut natak nei tamtakhai hi in \hanghar a hun ta hle in ka hriet! India hmar sak tienga naupang ruol tamtakhai hin an nu le pahai hmusitna tak an nei hi a pawi emem a nih. Hiengang \halai, nunghak-tlangvalhai hi mi hmangtlak takin an seilien ka ring nawh. A san chu ‘bible thu kal’ an ni leiin. Ringnawtu kawr le vai haiin an nu le pahai an inza lem dai!. Nu le pa vin thar thar a, mawl biek a, insunga intur ngal hai hi jail a khum ding an nih! Mani’n thawsuoksa neilo, nu le pa haiin inrim taka an thaw suok sa fa bawk, sawisel bawk, chier bawk, mani insung hotel ang chaua hmanghai hi an inlamlet naw chun, ‘an mawng a bal’ ting el ding a nih! Mani tarpi-tarpuhai hmusit tlat le endang tlat, hlim vieu si, testimony hau emem bawk si, insunga ‘Keite’ ang el, biekinah ‘Mari’ ang el hai hi ‘ringtu der, nu le pa en danding bible in a hril zawmlo’ an nih. An tu ra an la sik ve ding ning a tih. Pahai ni chaua, pa haiin chawimawina an dawng hi a huntawk naw chau ni lovin, an diknaw hulhuol a nih. Pahai chun tlin nawna tamtak neiin, insung hnieng inhnar takin anlo enkawl zo naw ani khawma, ‘pa’ an nina kha hrie a, inza taka enkawl le duot ding an nih. Inkhat pa tukhawm insung inhawi le hnieng inhnar taka enkawl nuom naw pakhat khawm um naw nihai. An nina le an thiemna in a tlin naw khawma, hmusitna ding ani nawh. Zurui hmang inkhat pa, nauhai suong emem le nauhai chunga lungawi emem ka hmu rawp. Pahai hin an taksa anlo control zo tanaw khawmin an insung an hrietfuk lawm lawm hlak a nih. Chuleiin, vawisun hin, hnuoi pa la neihai chun inza takin ei hnuoi pahai ei en ding a nih. Pa haiin an nina anlo sukdik naw khawma, nau haiin pahai chunga ei mawphurna ei sukdik ngei ngei ding a nih. Kristien sungkuo ni lovin Krista insung: Nova’n Pathien thu a awi lei a, a sunghai popo an him khan, khawvel mihriem popo kha thiemnaw an changtir a nih. Ringtu sungkuohai hin ei hringna in khawvel hi thiemnaw ei inchangtir ve ding a nih. Nova khan kum 100 lai tawp Lawng a tuka, nuisan le hmusit le fiemthu thawna in an hmanga, an tading iengkhawm an ngaituo ve naw khan thiemnaw an changtir a nih. Kristien insung indiktak ei kengkaw chun khawvel suoltak hi thiemnaw ei inchangtir zing ding a nih. Chu ding chun sungtin member haiin hma ei lak inruol a ngai a nih. Insung tadinga \hahnem ngaina chang hriet seng ding a nih. India rama mi hausatak Mukesh Ambani in (house) chu khawvela, in ropuitak le man tamtaka ngai a nih. A buildingah mi 600 chuong sinthawtu an nei. Naupasal pahni le nau nuhmei pakhat an nei a. An nauhai roomah an siehlawhai tukhawm lut phal an nawh. An nauhai po chun an room sung le an bathroomhai anni ngeiin an sukfai zie dinga ti a nih. Ei ni rawi le chu ei inthlau hem hem ie! In inhawi le ropui tak taka cheng si, insung inhawilo tamtak an um hlak. Building inhawi le ropui tak taka a chenga, insung inhawilohai hi lungsiet um tak an nih! Dr. M R Dehaan in “Insung inhawi chu van ram hnaina tak a nih” alo ti hi an dik emem a nih. Nauhai popovin Nu le pahai theitawpa thlawpin kristien insung chau ni lovin ‘Krista insung’ indin dingin hma lang ei tiu. Amen.

PAHAi ni Ms. Lalrothar.

Vawisuna ei ni inser “Pahai ni” mi \huoitlungtu ei Pathienah ei lawm b>k b>k a. Pahai popo kuomah sawt tak mi dampui dingin, pa ni lohai popo ^iawin, vobik chibai kan pek cheu. Chun kan thei ang tawka chawimawina le, lawmpuina thu ziek inchanpuol lieu lieuin kan hung inhlan bawk cheu. In vawisun hun hlangkai a, \huoipeitu cheu chun, in zing huna khawm thlathlam nawng a ti cheuva, siema in umna san hre a, a sukpuitlingtu ni pei dingin, Lap^n \huoipei raw se cheu. Vawisun hin chu pahai tlinnawna hril ni ni lovin, Pa chu a var amanih a mawl, pa lien amanih pa chin tak, a dam zing am, thi ta hnung khawm ni raw seh, mi z^idam a ni am, mi nunsetak, ieng ang mizie put khawm nihai sien, Pathien thilsiem laia apakhat tak sukpuitling theitu pa a ni leia an ni bik hi inser le chawimawina ei p>k el lem an nih. An \hat lei le an zaidam leia chawimawi ding an naw a. Mi suklawm thiem an ni lei khawm an nawh, Chun hausa le pasiet lei khawm ni chuong bawk lovin, Pathien hlimthla, a angpuia siem an ni leiin a nih. Mi tu el khawm, a pa chawimawi nuom ve ngawi ngawi, Pahai ni ban phak ta lo le, thil iemanih leia inlawmintawn thei ta lo, mi hrilhai tam tak an um ta lai ah, a thaw thei hai ta ding chun, suonlam siem lova inser el hi a mawiin a \ha. Amiruokchu, hi thil hi a nina indik tak inser fu lovin um pal ei tih ti ruok chu um thei ngai a nih. ‘Mihai khawmin an insera ei ni khawmin thaw veng ei tiu,’ ti ni el lovin, an hlutna hril suoka phawk dawk zo thei ngei dinga inser el hi ei thaw ding lemah ka ngai. Pahai hlutna a thar a thara ngaituo suok pum zinga ei hmang le uluk taka Pathien malsawmna dawng lo thei lo ding khawpa inser tlang hi a phu b>k b>k. Kum tienga lo upa tah, mi tam tak lem chu nauhai ngaisakna hlaw ph^k rak rak ta lo, tu le tehai laka khawm ngaituona intar taka put ta dam an um a. Chuong ang mihai ta ding lem chun hun hlimum siemp>k hi an \<l zuol bik. Nauhai ta dinga an hratna le an ngaituona neisun te te lo hmang ral tah, thi le thau s>ng a, harsatna thuo tam tak lo paltlang ta an ni leiin, an hlutna hril suok hi a phu bik zuol bawk. Naupang chumchiep ei ni lai le, ei puitling hnung chen khawma, ei pahai lei hin khawvel hi ei ta ei sawn rum rum ni ei tlung hlak kha. Naupang lai lem chu, ruolhai le ei hang in chukh^ ch^ng deu khawma “Ka pa kawlah ka hril tho ding che, ka pa k^n vuoktir ding che” ei ti hlak. Ruolhai thil nei ang ei inhnar ch^ng khawm “Ka pa kan chawktir ve ding” ei ti hlak. Iengkima ei iengkim an ni leiin, mi tu el khawmin a pa chu a Hnuoi Pathien a nih ti a suk lang chieng hle. Kumkhatah (Leap year kum ti naw chu) ni 365 a um a. Hieng zoz^i ni a um laiah, pahai ni bik dinga ni khat chau ser hranga a um hi, iengtiam inkh>ltir phal ei ta! Ei ta dinga an hlutna suklang na ni, thilp>k ei ph^k ang tawk p>k le, thilp>k petheilo hai khawma \awngbau \ha b>ka malsawmna inhl^ntuona nia ei hmang hi a va \ha de! An la hriet thei lai, thlanmuol an mi liem san hma ngeia hril lang le suk lang hi nauhai mawphurna khawm a nih. An hriselna tading khawma a \ha ngei ding a ni a, khawvel khawm hi an thl^khla pha sawt ka ring hiel a nih. Vawikhat chuh, Pahai ni inserna hmunah ka \hang a. |halaihai chun an pahaia inthawka tuorselna le tumruna an nei chu, an malsawm dawngna ropui niin an puong a. An vawisun hun an vawng him theina san khawm, an pahai zirtirna an chel tlat lei a nih an ti bawk. Iengkima an iengkim ni dinga leilaka an lo indawna popova chun, anph^k ding b^k ngirhmun insangah a vawrkai a ni thu an hril sa bawk. Ka lungril a tawk em em a. Pathienin lal David chungch^ngah “Ka lungril ang put mi ka hmu tah” a ti ang el khan, ka lungril ang put rawltharhai \awngbau ka hang hriet chuh vangnei kan ti hle el. Hienganga pahai hlutzie hre a, an hma bula hril suok thei mihai hin, ‘V^nhnuoi leilung chu an la hung vawng dei ngei awm hi’ ka ti a. ‘Khawvel khawm hi thl^khla um khawpin an la hung her dang lam ngei ding a ni hi’ tiin ka hlimpui hle. Tleirawlte ditum. Nikhat chu tleirawlte chu a pa a thi a, a zinga lengkhawmna hmuna chun hieng ang hin a hril reuva. “Ka pa mi maksan hi inro hle langkhawm, thlamuongna r<k tak ka nei. Ka pa dam s<ng khan, ka pa chunga ka thaw ding awm chu ka thaw zo hmanin ka hriet a ka lawm khawp el. A lungril natna ding

ka thaw ngai naw a, ka pa ni zing sien lakhawm, ka ruol \ha tak ang damin a um hlak a. A thu ka awi a, thaw ding a tihai ka thaw a, a \awng ka s>l ngai nawh. A dam s<ng ni kha tawi ti hle langkhawm, taksa le thlarauah ka lampui hraw ding a mi kawkhmu hman a, a thu dithai chu a mi rochung hman bawk a, chuong thu ka ngaituo kir chun ka thla a muong a, ka lawm a nih” a hung ti suok a. Ngaisang a va hang um lawm lawm ngei. A ma chun \ap lovin a hril thei a, a thu hril ngaithlatuhai ruok chu kan mittui kan hruk sup sup el. Nu le pa tam tak, kha naupangte thu hril ngaithlahai khan chu ‘Ka nau dingin ka va hang inhnar em em’ an ti seng ka ring hiel. Pafa um dan ding lampui indik tak hrawfutuhai nun chu inhnar um tak an nih. Pa chu a dam lai chau ni lovin a thi hnung chen khawma la hlu deu deu a nih ti a suk chieng hlein ka hriet. A ni ngei takluo a, chuong ang taka pahai hlutzie hre a, suklang theitu chu annawm khawvelin a mamaw ta chuh. Hi naupang ditum tak ang hi nu laihruiah mi iemni zat b>k hung pieng suok theihai sien chuh, Hnam, khawtlang le kohran, s<ngkawtinhai hin changkangna hmun ei pan suo suo el naw ding maw! Pa chu thil tinreng bul an ni a, iengkim bul an ni bawk leiin. Bibulah “I pa, nang a neitu che thu hi ngai la, I nu chu a tar hnunga khawmin hmusit naw rawh” tiin a lo in ziek hrim a nih. Nikhat chu thi ta hnung ka pa chu ka ngai em em a. Chu lai tak chun ka lungrilah hi thu hi a hung tlung a. “Ka pa chu ka lampui a ni a, ka zawngawlna a ni bawk. Ka khawthlir sukhnaitu a ni a, ama leiin nunbul k^n \an nawk hlak. Harsatna hrilfie thiemlo ka tuok chang, ka hratna thapui a nizie suklangin, thlamuongin chawlna a mi siemp>k. Ka pa chu kawt s<ngtieng kalna ang a ni a, ka thlamuongpui em em hlak. ‘Pa’ tia ka kova a’nhawi khan, rothilhlu tam tak a sawm a nih,” tiin. Nisienlakhawm ka thu hmu hang hril suok ding ni lang, a lawmtu ding tak a um ta si nawh, ka lungril ana thar em em a. Hun in a liempui vawng ta si. A hma bulah, a hriet ngei ngei dingin lo hang insamkhum lang chu, a va hlim awm de aw! A hriselna khawm khan a \angkaipui ngei ka ring. Amiruokchu, vangnei thlak takin kan nauhai hma bulah chu thu chu ka hang tiem chun, an lungril a hne em em a, “In pa a ni hi in inza ding a nih. Iengkima in iengkim a ni a, ama leia intuhun tlung thei chau in ni hi” tia hril hril nekin a hlawk lemin ka hriet. Pa chu nauhai zinga ding lampui s^ttu an ni a, nauhai khawvel an ni tawp bawk. Nauhai ropuina an ni a, an thlamuongna an ni bawk. S<ngkawtinin pa hi a mamaw a, a \hangnaw chun ins<ng ral a muong naw a nih. Pahai chu sungkaw lawng khaltu le kawt sungtieng kalna ang an ni leiin, an thlazar hnuoiah sun le zan, damlaini ei intawi hlak. Ka lo thawpui ve dan. A kumbi thliekin thaw thei naw inlang khawm, kan nauhai kut chu anpa luchungah innghatin, hi ni hin Pathien hming s^lin mal kan sawm hlak. Kan ph^k ang tawkin kan insingsaa, inring zo takin Pathienin a aiaw dinga a min \hutna ins<ngah kan thei ang te te sawmkhawmin, mi dang pahai tluk zo naw sienkhawm, amaah an lung a kim thuhai le, vawisun chena pa an la nei hlutzie lawmna chibai kan b<k hlak. Ngai dam a \<lna hmunhai hril suok ngamin, kan inngaidamtuo hlak. Chuongangpeiin, Pahai ni (Fathers’ Day) ei hmang dana hin rawtna tawite hang siem ka nuom. Khawvel rambung lien le changkanglem hai khawmin, thuomhnawthar neina ni le insukhlimna ni in an hmang mek thu ei hriet. Ei ni ruokchu ei khawsakna le inmilin, thil mantam le a ropui z^wng ni lovin, lungril taka ei ngaisangzie le ei ngainat zie suklangna a ni hre zinga ei hmang hram hram nuom um ka tih. Thilpek chu a thilpek mantam leia hlu an nawh a, a petu lungril kha a hlu lem ti hre zing ei tiu. “Pathien chu Pathienhai umkhawmnaah a um a” ti ziek angin, ei renga kuoma Pathien hmel chu inlangsuoktir suo suo ei tiu le! Chuongang taka thawtuhai chu, Van Kanan malsawmna le Hnuoi malsawmna s<r chum chum hnuoiah leng ngei an tih. Pahai ni hmuph^ktuhai popo, Lalpa malsawmna hnuoiah chibai.

Happy Father’s day, second to none, Takra raho!

Printed media le electronic media hran hran haiah Sawrkar thawktu an sin a inthawka suspend an nina thu hi ei hriet rawp hlak. Mipui mimir chun Sawrkarin a hnuoia thawktu \henkhat a hang suspend ta hin chu thaw \ha vieu le thil suksuoltu hrem ta vieuah ei ngai rawp hlak. Hi ngaidan hi an dik nawh ti hi ei hriet a \ul khawp el. Mipui tienga inthawk Sawrkarah thil ngen ei nei changin Sawrkarin a suksuoltua intuma um suspend-na order a hang insuo hin chu ei lawm a, Sawrkar chu thaw \ha hle le action la nghalah ei ngai hlak. Dan le dun tienga mithiem bik hai chun suspend hi hremna niin an hril nawh. Amiruokchu, Sawrkar thawktuhai service record sietna pakhat a nih. Sawrkar thawktu suspend-a la um lo hai nek chun suspend a um tahai service record chu a se lem ding hrim a nih. Suspension umzie chu “a sin thaw thei lo dinga hun iemani chen sunga dinga Sawrkar sin a thaw inchawl lailawktir tina a nih”. Entirnain Director tu amani sus-pend lo ni ta sienla, a sin thaw thei lo ding le a thunei-na hmang thei lo dinga hun iemani chen sunga dinga inchawltir a nih tina a nih. Sawrkar thawktu a nina ruok chu hlippek a ni nawh. Fundamental Rules-in sinthaw lo ta dingin hlaw lak a phal naw leiin suspend-a um mekhai ta dingin hlaw lak thei a ni naw a, sienkhawm Sawrkar thawktu a la nizing a, a nuom nuom sin dang thaw thei a la ni si naw leiin a khawsakna ding subsistence allow-ance ruok chu a pek ngei ngei ding a nih. Ei hrietthiem theina dingin ei ni lai hin chu suspend-a an um sung an hlaw chanve pek an ni hlak. Rule 11 of CCS(CCA) Rules,-1965 angin inhremna chi 10 a um a, chuonghai chu, (i) Censure, (ii) Withhold-ing of promotion, (iii) Recovery from pay, (iv) Reduc-tion of pay (kum 3 nekin a sawt thei naw a, hlaw an hnu-oi sawng ding a ni nawh), (v) Withholding of increment. Hieng hai po hi ‘Minor Penalties’ an nih. Major penal-ties hai chu, (i) Reduction of pay (kum 3 nekin a sawt thei a, hlaw khawm a tlawm sawng thei), (ii) Reduction in Rank, (iii) Compulsory retirement, (iv) Removal le (v) Dismiss hai an nih. Hieng hremna (Penalties) 10 laia a iemani tak hi an tuok chun hrem an nih tina a ni chuh. Hieng hremna chi 10 hai lai hin suspension a um der nawh. Chuleiin suspension-a um hai chu hrem tuok an ni nawh tina a nih. Sawrkar thawktu suspend theituhai chu Appointing Authority le a chunga thuneitu (Authority); Diciplinary Authority le a bik taka suspend theina thuneina peka um hai an nih. Entirnain LDC Appointment pe theitu chu Director a ni leiin Director le a chungtienga Officer lien han an suspend thei. District a DC or SP hai khawma suspend thei chin le suspend-na order hlip thei chin an nei bawk. Chun, Appointing Authority neka inhnuoi lem Disciplinary Authority khawma suspend theina thunei-na a nei. Amiruokchu, Disciplinary Authority po poin inhremna chi 10 hai khi an chelek thei vawng tina ruok chu a ni nawh. Hremna chi 10 hai laia an hnuoi tak Cen-sure chau an thaw thei a nih. Sawrkar thawktuhai hi nuom nuoma pawng hrem thei an ni nawh. Amiruokchu, suksuol lien tham tak an nei ruok chun hrem thei an nih. Sawrkar thawktu Police custody-ah darkar 48 neka tam lo um sienla annawleh convict a ni a, darkar 48 neka tam Police custody-ah a lo um ta chun a um \an ni amani, an tang \an ni a in-thawk khan suspension-a um anga ngai ding a nih. Hi hi deemed suspension a ni a, order khawm insuo ding a nih. Suspension hun sung hi ni 90 a ni a, a \ul chun ni 180 chen keisei thei a ni a, keisei nawk ding chun Review Committee in an ngaituo ding a nih. Suspension hi fimkhur taka thaw chi a nih. Chuleiin a phu hrim hai chungah chau chelek chi a nih. Thu-neitu or Sawrkarin a hming \hatna ding le a hmai phi-faina ding ringawta a hmang chun thil indik ni thei naw nih. Tuhai amanih Sawrkarin a suspend leia corruption theida taluo le thaw \ha vieua ngai hi thil\ha le infuk tak ni chuong der naw nih. Chuleiin, mipuiin suspend umzie hi hriechieng inla nuom a um. Mipui suklungawi, mipui suklawm le hming\hatna ding ringawta hmang chi chu a ni nawh. Suspend a um hai hin a tawpah hnena or ngaidam an hung ni nawk tlangpui a, Sawrkar le mipui ta dinga inhmangna le inseng thlawnna a hung ni hlak. Anti-Corruption Cell in a suspend-hai kha iem an hung ang pei ding chu maw?

Sawrkar thawktu hrem le suspend

Hmasawnna Thar3 THLAdo (june) 18, 2017PATHienni (sundAy) nATionAL/inTernATionAL & AdverTiseMenT

LAKTAwi

lAwMTHu HRilNAHun iemanichena inthawk ta khan Pile natna ka nei a. Sawt tak tak inhnawmnain hun ka hmang a, a chang changin thisen a suok a, ka tawl a hung lienin a hung puom a, ka kawng a hung na a, Gastric a hung um a, ka ph-ing a hung inri rak rak a, ka tak-sa a hugn chauin ka hung cher deu deu a. Ka beidawngin MV Azad Phusam ka pan a, hun iemanichen a mi enkawl a, tuhin chu ka dam fel tah. Hi lei hin ka lawm hle a, hi chanchinbu hmang hin ka lawmthu MV Azad Phusam chunga ka hung hril a nih. MV Azad Phusam hi nitin 8AM-4:30PM inkar sun-gin Centre Road (Oop. ICI Church, ICI Road) Hiang-tam Lamka, CCPur-ah pan thei le Mobile Phone Nos. 8014025567/ 7628890261 haiah biekrawn thei a nih.

Lawmthu hriltu, sd/-Thangminlun Lamka

vAwK in|HAnGnA dAMdAwiI vawk zawr hun tlingna dingin kum khat nek tam nghak ngai tanaw nih.

A |HATnA:

* PIGROW mum hi Company-hai ti dan ang taka i pek chun thla 5 sungin kg. 70 chuongkai hman a tih.

* PIGROW mum hin, i vawk chu i pek \ana inthawk chawl der loin an \hang tir thei.

A PeK dAn dinG:* Vawk pakhatah nikhatah mum 20 (zingtieng mum 10 le zantieng mum 10) pek ding.* Box khat ah mum 600 a um a, chu chu thlakhat sunga a fakzo ding a nih.* Rawt phita pek in fak awlsam an ti lem.InCHAwk tHeInAHAI:1. Hmingi 2. L.K. Screen PrintingBethel, CCPur Lighthouse Lane, CCPur# 84148523913. Pet Care Centre, Tiddim Rd. CCPur.Order tam dan dungzuiin HOMe delIVery khawm kan thaw thei.

LOST Of ORIGINAL REGISTRATION CERTIfICATEI have lost my Original Registration Certificate bearing Registration number 19878 of 2016 issued by the Coun-cil of Higher Secondary Education Manipur on the way between Appolo Veng and Sielmat, Churachandpur on 5th June 2017. Finders are requested to kindly handover the said Certificate to the undersigned.

sd/-esther LalsanhimAppolo Veng, Churachandpur

Ph - 8014391391

let leader Matto le midang pahni

ruong hmusrinAGAr: Zani hmasaa security forces \hangruol han South Kash-mir-a Arwani hmuna Lashkar-e-Taiba helpawl In pakhata inbiruk hai an hlukhum huna inkaptuonaa Security forces han an kap hlum Junaid Ahmad Mat-too le midang pahni hai ru-ong chu inkaptuona hmuna inthawk hmu le an ruong lak a nitah. LeT leader kap hluma um Matto @ Jana (24) hi June 25, 2015 a LeT zawm a ni a, nikum June thlaa Anantnag bus stand-a Police 2 a kaphlum hnunga South Kashmir Command-er-a sie a nih. Helpawl dang pahni kaphluma um hai chu Adil Mushtaq Mir (18) le Nisar Ahmad Wani (20) hai an ni a, an pathum hin Lashkar helpawl vawng an nih. (PTI)

CPi(M) Office pet-rol bomb a deng

CoiMbATore: Zani zingkar inhmatak khan tuti hrietlo han Coimbatore khawpuia CPI(M) district Office chu petrol bomb in an deng a, mihriem thi le hliemna tuok an um naw a, sienkhawm office campus-a innghat Car pakhat chu a suksiet met. (PTI)

loneitu hai \huoi-tu Shiv Kumar

Sharma man; bail-a insuo nawk

bHoPAL: Loneitu pawl hran hran 62 inthlung-khawmna Rashtriya Kisan Mahasangh National Con-vener Shiv Kumar Sharma ‘Kakkaji” le a rawihai midang 7 hai chu zani hma-sa zantieng khan Bhopal-a Misrod area lai NH-12 lam-pui dang an tum leiin Po-lice han an man. Mr Sharma hi Madhya Pradesh-a loneitu han tu-lai hnaia nuorna le protest an neinaa inrawitu tak a ni a. Ama an man hin loneitu beidawng leia mani in-thatna a suktawpnaw ding thu hrilin Loneitu hai thil ngen sukpuitling a ni theina dinga sawrkarin hma a lak a \ul tiin a hril. Amiruokchu, Kakkazi hi a hnungin bail-a insuo a nih. (ENS)

Building chim leiin mi 11 an thi ring

nurPur: Himachal Pradesh-a chun zanikhan Kangra district sunga Nur-pur sub-division-ah build-ing sawng 3 a chim a, mi 11 in thina an tuok ring a nih. Building chim hi bawl lai mek a ni a, a chim huna hin sinthawtu dozen khat lai zet an um. Hi thu ei sut chena hin building chim hnuoiah mithi pakhat Motu Ram (45) of Chattisgarh ruong chu laksuok a ni ta a, hliem pahni hospital panpui an nih. Building chim hnuoia hin mi iengzat chie am an intang ti hriet a la ninawh tiin Nurpur Sub-Division-al Magistrate Abid Hussain chun a hril. (PTI)

Congress in Nagaland-ah sawkar thar siem an tih: NPCC PresidentKoHiMA: Nagaland Pradesh Congress Commit-tee (NPCC) President K. Therie chun, Nagaland-a sawrkarna siemtu Naga People’s Front (NPF) in-rawi DAN sawrkarin state sunga BJP an khawin-gam leiin Naga mipui hai chu DAN sawrkar-ah an lawmnaw leiin kum 2018 a Nagaland Assembly Elec-

tion hung um dingah Con-gress chun hratna changin sawrkarna an hung siem ding a nih tiin zani hmasa zantienga Chanchinbumi-hai an pawlpui huna a hril.

Hieng laizing hin Na-galand Chief Minister Shurhozelie Liezietsu chun, Nagaland-ah Congress era a tawp tah tiin a hril a nih.

Nagaland in Municipal Act a ziek \ha ding

diMAPur: Nagaland-a Urban Local Bodies (ULBs) election buoina um lova \ha taka nei a ni theina dingin Nagaland Munici-pal Act ziek\hat ning a tih tiin Nagaland Chief Minis-ter Dr Shurhozelie Liezi-etsu chun a hril. Parliament in kum 1990s lai takah 94th Amendment a lo passed ta a ni leiin Municipal

Act a inthawk hin Naga-land sawrkar inhlip fai \hak thei chu ninaw nih, sienkhawm civil societies tum tum han an dodal leiin Nagaland Municipal Act chu sawrkarin siem\hang a tih tiin Liezietsu chun a hril. Hi thu hi zani hmasaa Kohima hmuna Kohima Municipal Council (KMC) building a hawng huna a hril a nih. (AT)

Mi 12 damsung intang dingin

GoALPArA: District and Session Judge Court chun July 8, 2008-a Govin-dapur hmuna buoina tlung huna Abdul Wahab that a nina le inzawma intum mi 12 hai chu zani hmasa khan damsung lungin intang din-gin an chungthu a rel a, hi case a intum midang 3 hai ruok chu thiem inchangtir an nih. (AT)

A naunu suolluitu kum 7 intang dingin

nonGsToin: May 31, 2012-a a naunu ngei suol-luitua intum Krospara Shangpliang of Umdang village chu West Khasi Hills district Court and Ses-sion Judge chun kum 7

sung jail intang ding le fine Rs. 10000 chawi dingin a chungthu a rel. Suollui tuok nuhmei hin sawrkar-a inthawk zangnadawmna Rs. 3 lakh a dawng ding a nih. (ST)

Hardcore RSS President candidate dingin an dit nawhnew deLHi: India Pres-ident Election hung um ding le inzawma concen-sus a um theina dingin BJP chun political party tum tum hai inrawnpuina an nei mek a, zani hmasa khan ministers pahni Rajnath Singh le M. Venkaiah Nai-du han Congress President Sonia Gandhi an inhmupui zo hnungin CPM General Secretary Sitaram Ye-chury, SP leader Mulayam Singh Yadav le BSP Chief Ms Mayawati hai khawm an inhmupui a. Hieng party leaders an inhmupui hai chun President can-didate dingin RSS kulmut (hardcore) chu an dit-naw le pawm theinaw thu tlang takin BJP leader hai

kuomah an hril pek tawl niin ei thu dawngna chun a hril. Number in nei a, election-ah chun hratna in chang thei, sienkhawm ram inpumna ding in mi-tin pawm thei ngaituo ro tiin kan hril, tiin CPI Gen-eral Secretary S. Sudhakar Reddy chun Indian Ex-

press a hril. Hieng laizing hin Con-gress chun Lok Sabha Speaker hlui Ms Meira Kumar chu President can-didate dingin an dit deu a hril a ni laiin Trinamool Congress le Nitih Kumar hai chun Gopal Krishna Gandhi hai an thlawp a hril a ni bawk.

PM Modi in Kochi Metro a vailiem

KoCHi: Prime Minister Narendra Modi chun za-nikhan first phase Kochi Metro a vailiem PM hi New Delhi-a in-thawk Kochi Naval Airport a vuonglut a, hi hmuna in-thawk Palarivattom station panin Kochi Metro station hi a hawng. Metro sta-tion hawngnaa hin Kerala Governor P. Sathasivam, Chief Minister Pinarayi Vijayan le Union Urban Development Minister M. Venkaiah Naidu le ‘Metro

Man’ E. Sreedharan hai khawm \hangin a hawng-a um Metro train a hin Prime Minister rawiin an chuong sin tawl. Hi Metro project a hin Rs. 5,181.79 crore hmang a ni a, hi project thawna din-ga foundation lungphumna chu Prime Minister hlui Manmohan Singh in Sep-tember 13, 2012-a kha a o nei ta a nih. Hi Metro hawng thar hi Thaw\anni 6AM a inthawk service \an a tih. (PTI)

Rajnath Singh in Darjeeling security a ennawn

new deLHi: Tulaia West Bengal state sunga Darjeeling Hills-a Gorkha Janmuktu Morcha (GJM) in Gorkhaland ngenna an sukthar leia buoina suok mek le inzawmin Union Home Minister Rajnath

Singh chun zanikhan se-curity officials hai inhmu-puiin Darjeeling security ngirhmun an ennawn. Hi meeting-a hin Home Sec-retary Rajiv Mehrishi le security top officials hai an \hang tawl.

Zani hmasa khan Home Minister chun Dar-jeeling-a law and order en-kawlna kawnga state sawrkar \hangpuitu dingin sipai tamlem a lo tirlut bel-sa nawk. Chun, zani hmasaa An-antnag district-a terrorist han Police hai an lambun leia Police 6 zetin thina an tuok phana le inzawmin Kashmir law and Order ngirmun khawm meet-ing huna hin hriltlang le ennawn a nih tiin ei thu dawngna chun a hril. (AIR)

Darjeeling protest ah mi 2 in thina an tuoknew deLHi: Gorkha Janmukti Morcha (GJM) in Gorkhaland state hran ngen-na tulai hnaia an sukthar nawk le inzawma protest fe mekah zanita GJM in Singmari hmuna protest an nei huna Police le inbeituo-naah Police hai silai kap leiin GJM supporter pahni in thina an tuok niin GJM leader Binay Tamang chun a hril. Hieng laizing hin ADG (L&O) Anuj Sharma chun Police han silai an hmetpuoknaw thu a hril a. GJM activist \henkhatin Police hai an kap bakah Po-lice motor an raw a, GJM silai kap leiin GJM sup-porter pakhatin thina a tuok a nih tiin a hril thung. ADG thuhril thlawpin West Bengal Chief Minister Ms Mamata Banerjee chun, Police han silai an hmet-puok nawh tiin a hril. GJM chu terrorist hai le inzawm-na neiin silai an lakkhawm a, workers hai lai silai an

sem a, chuong silai sema um hai hmang chun Police hai an kap a nih tiin a hril ve. Inbeituonaa hin Police dang mi 8 laiin hliemna an tuok a hril a ni bawk. SP Akhilesh Chaturvedi chun, rally huna GJM sup-porters han security forces hai an beinaah IRB sec-ond battalion a Assistant Commandant Kiran Ta-man chun thina a tuok niin a hril a, sienkhawm Ma-mata Banerjee ruok chun Tamang hi a la thi naw a,

sienkhawm a hliemna an rik hle niin a hril. GJM hai inbiekpui dingin sawrkar chu an pek zing a nih tiin Mamata Banerjee chun a hril. GJM leader Binay Ta-mang chun tiemchin um lova strike an thaw hi taw-psan tumna an la neinaw thu hrilin, an thil ngen an hmu hmakhat movement hi an sunzawm pei ding thu le hrat lema Movement an fepui pei ding thu a hril. (TNN) CGlE online application

pek thei hun sukseinew deLHi: Staff Selection Commission (SSC) huoihawtna hnuoia Combine Graduate Level (CGLE), 2017 a online ap-plication peklut thei hun chu June 19, 2017, 5:00PM chena dinga suksei a nih.

Applicants tam tak techni-cal thil leia online applica-tion pelut thei lo an um leia candidates hai hmakhuo ngaina leia online applica-tion peklut thei hun hi suk-sei niin SSC thusuok chun a hril.

UI DAMNAW INHMANG ZAWNGNAJune 17, 2017, 11AM vel khan Chain awr Ui chalte (a rawng senduk) Rengkai Vengpui laia inthawk a lo tlanhmang a, a lo hmu hai chun a hnuoia hmingziek le Contact number zieklanga hin mi hung inhriettir le mi pekir nawk dingin ka hung ngen cheu. Mitvar man khawm pek kan tiem. Ui hi a damnaw leia Dr George in a en zo, damdawi inchawk ding kara lo tlanhmang a nih.

sd/- Lalremruot FamhoiteSaikawt, Kanan

Mobile no. 9612454687

ToKyo: USS Fitzger-ald destroyer le Philip-pines lawng thuomhnaw phurtu AXC Crystal hai chu Sea of Japan, Yoko-suka lawngchawlna hmun a inthawka nautical mel 56 vela hla tuipui chungah an inbaw a, USS Fitzgerald-a chuong tui sipai (sailor) pasari an umna chin hriet lovin an inhmang a, hliem pathum hospital-a enkawl mek an nih tiin Reuters chun a hril. Sung le kuohai chun an sunghai chanchin hriet tumin nasatakin social me-dia le an thei ang angin an zawng tâwl a. Sailor pasari inhmanghai hi tuipui sûnga tla lut an ni nawleh lawng sung khawlai amanih ah intâng/thi an ni ring a nih. Japanese lawng sansuoktu coastguard thupesawngtu Yoshihito Nakamura chun, thuomhnaw phur Philip-pine lawng liena chuonghai chu iengkhawm an ti nawh tiin a hril. USS Fitzgerald de-stroyer captain, Command-

er Bryce Benson chu a lu a hliem leiin helicopter-in phur suok a nih a, US Na-val hospital, Yokosuka, Japan ah enkawl a nih a. Crew member pahni hliem hai khawm thak suok an nih bawk, tiin US Navy 7th Fleet thusuok chun a hril. Lawngpui hi a engine propulsion a chau a, com-partment pathum chu tuiin

a sip vawng a nih. Lawnga hin Sailor 200 an um a, a tam lem chu an in lai a nih. Lawng pahnihai inbaw dan hi suizui mek a nih a. Sea of Japan-a hilai hmun tak hi a lunna lai tak, lawng fe le hung tamna hmun tak a nih tiin Japan coast guard hai chun an hril. Philippines lawng lien ACX Crystal hi tonnes 29, 060 zeta rik,

meter 222 a sei, tonne 8, 315-a rik USS Fitzgerald nêka a let lia lien le rik a nih a, container tamtak phur a nih. Sumdawngna lawng lien hin USS destroyer hi a lu lai a hung baw fuk lem niin Ariel footage le video camera \henkhat khawh-nunga satellite a inthawka lak hai chun an hril.

uSS Fitzgerald le Philippine lawng inbaw

Queen le william Han in Kang An Va Sir

London: Queen Eliza-beth II le a tupa Prince William hai chun London khawpui sûnga Brentwell Building kangmei suoka harsatna tuok (victim) hai tamtak, umna ding le fak ding le sil ding, bil ding khawm nei ta lo, umna ding khawm nei ta lova Charity haiin an enkawl elhai an va sir a. Harsatna tuorhai hnemin sansuokna sin thawtu fire-fighters le charity hran hran volunteers hai an inhmupui a, an thla a sukmuong hle. Kum 91-a upa Queen Elizabeth le William hin harsatna tuokhai \hang-puina an thawna hmun tak Westway Sports Centre, White Charity an va sir a. Charity thawtu le thuomh-naw semtu volunteer hai le firefigher hai an inhmupui a, an sukhlimin an sukhuoi pha sawt a. Tamtak chun lalnu Queen meuvin a va kan chu an lo uongpui pha a nih. Queen hin Penny Ap-peal charity worker pakhat Taksima Ferdous (31), east London a inthawka mi \hangpui dinga fe chu an biekpui a, “I sinthaw a ropui taluo, lunginsiet takin thaw zawm pei raw aw” a tih a.

Prince William chun a hung chibai a, lâwmthu a hril a, an fe nawk nghâla chu thil/thu tamtak an maksan tah a nih. Chulai tak chun pasal pakhatin “Naupanghai hi te?” tiin a hung khêk a, William chun a dar ah a ben thak thaka, “Lungngai naw phawt la” tiin an la fe nawk ding thu a hrilpek a nih. William chun harsatna tuorhai pakhat kuomah, “Hieng ang lâwm lawma rapthlak hi ka la hmu ngai nawh” tiin, “Tawng dinga in dit naw tak thil in tawng a nih” tiin a hril a. Chu ngawt khawm chun a thlamuong tâwl em em tho niin an hril. Lalnu le William hai hi minute 45 vel an um a, volunteer hai le firefighter hai le police hai khawm an inhmupui a. Inhmang zawngna information room, visitor hai hming zieknaa khawm Queen hi a lut a, a hming a ziek ve a nih. Inhmang zat hi 70 nekin an la tam ring a nih a, chieng taka hriet thei a lan nawh. Zakuo pawl tak hlâwk hâkin a lukhum le fung-hrawl leh, lalnu chu a pasal Prince Philip-in a zui bawk a. A hmêl en chun harsatna tuor a mipuihai a tuorpui hle

ti an lang thei. An hung lai khawm mipuiin anlo lâwm em em a. Minute 45 vel hnunga an kir nawk tieng khawm an ngaina zie suk-langnain ban an vai lat lat a, ama khawm ban vaiin a liem tah a nih. Prime Minstre May khawmin Nilaini khan kangmei suokna hmun hi a va sir vea chu lâwm a hlâw naw hle thung. Sawrkr lu ta-kin a mipui harsatna tuorhai a kan intak taluo tiin mipui lungsenin an lo nuor khum nghe nghe a, ama khawm a hrang zek a nih. Minute 15 char a um a. Mipui tukhawm an biekpui naw bawk leiin dem a hlâw hle bawk. Lalnu ruok hin chuh mipuihai thuhril a ngai thlak vawng hnungin, \hangpuina sin thawtuhai le mipuihai chu an insingsat dan/re-sponse dânah an ‘\uon a \ha hle’ tiin an pak tâwl a. Sawl nenga sin lo thaw tah le lungngai beidawnga mani sûnghai lo zawngtuhai chun an phurrik zang huoiin an inhriet niin an hril. Nupui pakhat chun, “Iengkhawm a mi pek nawa chu iengtinam kan um a, tihai a min dawn a, pawi a ti thu le a mi tuorpui thu a mi hril ringawt khawm khan

ka hâdam rawng rawng el a nih” tiin a hril. Muslim nupui pakhat chun, “A polite em em a, manner a nei \haa, mi a hrietthiem bawk” tiin a hril ve. Charity worker pakhat chun, “Kan sinthaw a min dawn a. thaw \ha a mi tih em em a. Chu ringawt khawm chu a nêka \haa thaw dinga min fuitu a nih” tiin a hril ve.William chun harsatna tuo-rhai hi sil le bil, fak le dawn chauh ni lovin, an lungrila sâwlna hnêm dinga biek zing an pawima a nih tiin charity

sin thawtuhai an fui bawk. Sansuokna sin thaw zing a nia chu mithi le inhmang, hliem zat char hi hrietchieng thei a la ni nawh. Sky News hril dan chun mithi confirmed tah hi 30 an nia chu a la pung pei leiin exact hriet thei a lan nawh a. Mi inhmang 70 zawng mek hai khawm hi a dam an um ring a um ta naw thu a hril a. A rênga sansuokna ding le Building siem\hatna ding chun hun sâwt tak a la lak ding niin official thusuok chun a hril.

Hmasawnna Thar4 EntErtainmEnt / SportSTHLAdo (june) 18, 2017PATHienni (sundAy)

Tuolsung/Imphal/ Princess Madeleine of Sweden Nau Kum 2 Tling

sToCKHoLM: Sweden Princess Madeleine nau naupang lem Prince Nicolas chu June 15 khan kum hni a tlinga. A piengchampha le inzawmin social media le Sweden lal sungkuohai official account ah a naupa thlalak le thu hai a post a, lawm pham a um hle. Prince Nicolas hi Princess Mad-eleine le a pasal American businessman Chris O Neil le an nau a nih. Nicolas chu Strawberry birthday cake sen tawt sirah a \hung lai lim a post a. Lal rawng Sky Blue zakuo Kamis, a mit rawng le inmil char a hak a, a sam eng thal chu a phei zawnin a khui nam vawng pek a, puitling ti tak deu a hawi hle a. A upat phât chu lungril lientak nei nîng a tih ti khawm hmu thei

a nih. Prince Nicolas hi Sweden lal King Carl XVI Gustaf le Queen Silvia hai tu pathum-na a nih. Prince Nicolas hin u pakhat Princess Leonore, kum thum a nei. Kar hma-sak khan an nu Princess Madeleine kum 34 tlingna birthday lawmin official portrait thar tlângzar a nih a, tuta kar Prince Nicolas birth-day a nih nawk a. Sweden lal sungkuohai ta ding chun lawmna hapta a ni ringawt. Princess Madeleine hi nau pahni a nei taa chu a la nunghâk hle a. A sam a hlim tung vawnga, lipstick taluo hmang lovin lip-glow tak lo deuh a hmang lem a, a fresh ham el a nih. Liemtah 2015 khan New York a inthawkin London ah an hung inpem a. England lalnau, William le

Kate nauhai Prince George le Princess Charlotte leh an nauhai inhnelna ding hun um thei sien a nuom hle thu a hril. People magazine le in-terview an neinaa chun, Britain lalnau (Prince) hai le inhmuna ding hun rem-chânga a hmu an beisei thu hrilin, “Naupanghai leh inhnelna ding Play Date nei thei nisien ka tih a. Ni khat chu kan lan tuok fuk el thei a nih – chu huna chun iem kan thaw ding ti chu a hun chauvin a hril thei a nih” tiin William hai leh an intuok fuk ngei a ring thu a hril. Ram dang dangah um hai sienkhawm, a unu Crown Princess Victoria (39) le a pasal Prince Daniel nauhai le a nauhai chu an inpawl ngei em em a, piengpui unau angin an inen niin a hril. Crown Princess Vic-toria (39) hin a pasal Prince Daniel leh nau pahni bawk, Estelle (5) le Oscar (thla 15) hai an nei a. A naunu Leonore le a u nau Princess Estella hai chu ‘cousin’ nêkin unautak ‘sister’ an hawi lem niin a hril. Hienglai zing hin, a unaupa Prince Carl Philip (37) khawmin nau pakhat Prince Alexander (thla 14) a nei lai zingin a pahnina ding khawm nghakhla takin an lo thlîr a nih. Kan nauhai hi unau tak tak anga an inen theina dingin ka u le hin kan thaw nasa em em a. Hun tamlem chu anni le anni kan inhneltir hlak tiin a hril. Madeleine hi Sweden at-torney pakhat leh an inhuol-na an \hiek leiin a lungril a na em em a. Lungril hliem pumin Atlantic tuipui vuong kanin US a sumdawngtu hausa Chris O’Neill chu 2010 khan a zu nei tah a nih.

india in Medals 5 a lak

TAiwAn: Taiwan rama Asian Junior Wrestling Championship neia chun zani hmasa khan India inkhel-mi han Gold medal pakhat \hangin Medals 5 an lak. Gold Medal latu hi 51kg freestyle category-a inkhel Puja a nih. Medal latu wrestlers hai laia 3 chu nuhmei le 2 hai chu pasal

an nih. Nuhmei-ah Sonu chun 44kg category-ah Sil-ver a lak a, 59 kg. division-ah Manu in Bronze medal a lak bawk a nih. Pasal a chun Satish in 120 kg. Greco-roman style-ah Silver medal a lak a Manish chun 50kg catego-ry-ah brone medal a lak a nih.

Cristiano Ronaldo in Real Madrid suoksan a tum: Reports

Portuguese sports daily A Bola report in a hril danin Portugal captain Cristiano Ronaldo chun tulai hnaia tax peloa intumna a um hnungin Real Madrid le Spain suoksan a tum deu niin a hril. Hi le inzawm hin Ronaldo chun Madrid kuoma transfer a ngen ta nghe nghe niin newspaper report chun a hril bawk. Tax 14.7 million a pek ding laka a him theina dingin kum 2011 le 2014 inkar sunga a sum laklut indiktak a puonglang nawh tia Spanish prosecutors in an tumna thuah Ronaldo hi a lungawinaw nia hril a

nih. Ronaldo chun intuma a umna hi a hniel bakah clup chun Ronaldo hi a ringzo thu a hril. Ama ang bawk hin Barcelona star players Lionel Messi le Neymar hai khawm tax pe loa in-tum an lo nita bawk.

Ronaldo hin Man-chester United-a kum 6 a um hnung kum 2009 a in-thawk Real Madrid zawm a ni a, Madrid a hin season 8 a hmang zo ta a, Novem-ber thla khan a contract hi kum 2021 chena dingin a lo keisei nawk ta a nih.

iOA in 2032 Olympic Games bid a tumnew deLHi: Sawrkar thlungpuiin green signal a pek hnungin Indian Olym-pic Association (IOA) chun 2032 Olympic Games mikhuol dinga inhni ve (bid) a tum thu IOA Presi-dent N. Ramachandran chun a hril. India in 2032 Olympic Games mikhuol a tumna le inzawm hin thla hma-sa khan Ramachandran hin New Delhi hmunah

Sports minister Vijay Goel khawm a lo inhmupui ta a, India in 2032 olympic games mikhuol a tumna hi Olympic Council of Asia khawmin \ha a tipui a nih. India hin 2024 Olym-pics khawm mikhuol dinga inhni a tum deua hril a ni a, sienkhawm 2024 le 2028 Games hai chu Paris le Los Angeles hai pek an ni ring a nih. Hi lei hin India in Olympic Games an hni thei

hnai tak chu 2032 Olympic Games a nih tiin IOC Presi-dent Thomas Bach chun a hril. 2032 Games bidding process hi tuta inthawk kum 2-3 hnunga hawng chau ding a la ni a, International Olympic Committees stan-dard procedures dungzuiin hi games mikhuolna dinga final decision chu kum 2025 a puong chau ding a la nih.

Mathew Ryan in Brighton leh contract

London: Australia goal-keeper Mathew Ryan chun Valencia-a inthawk Brigh-ton leh kum 5 sunga dingin contract ziek an remtih.

Ryan hin Brighton’s num-ber one, tulai hnai ela Bir-mingham tienga lo insawn tah David Stockdale a thlakthleng ding a nih.

Ryan (25) hi Brugge-a khel kum 2014 le 2015 khan Belgian Pro League Goalkeeper of the Year a thlang a nih. Kum 2012 khan Australia team a lut \anin kum 2014 khan World Cup-ah vawi 4 an khel a nih. Ryan hi Australia, Bel-gium le Spain top division hai bakah European com-petitions le international level-a lo inlang ta hlak a nih. (AFP)

MonACo: French Champion Monaco chun experience \ha tak nei Swiss Inter-national goalkeeper Diego Benaglio chu Wolfburg a inthawk kum 3 sunga dingin Contract an ziekpui. Kum 33-a upa Bena-glio hi World Cup vawi 3 lo khel tah le kum 2009 a Bundesliga lo latu a nih. Monaco vice President Vadim Vasilyev chun, Diego Benaglio le contract an ziek hin Club a sukhrat ngei ding thu a hril. Benaglio hi international match vawi 61 lai an lang hnungah kum 2014 World

Cup zoa international football a inthawk lo chawl (retired) ta a nih.

Monaco in wolfsburg goalkeeper Diego Benaglio

Harry Potter actor Sam Beazley a thi

London: “Harry Potter and the Order of the Phoe-nix” a Professor Everard lem changtu actor Sam Beazley chu kum 101 niin June 12, 2017 khan a thi niin The Times Report chun a hril. Sam Beazley

hin tleirawl a ni lai 1930s a inthawk acting thaw \an a ni a, ‘Hamlet” le “Ro-meo and Juliet” hai bakah “Don Bosco” le “Bridget Jones: The Edge of Rea-son” ti movies haia khawm lo chang ta a nih.

Thamna Rs. 2 lakh a ngen leiin Clerk case siemkhumdeoriA: Uttar Pradesh a Education deparment hnuoia Clerk sinthaw Alok Ranjan Mishra chu Computer Operator pak-hat contract sukthar naw-kna dinga thamna Rs. 2

lakh a ngen nia intum a ni a, thamna a ngenna audio recording hi zani hmasa zantieng khan social me-dia haiah nasa taka thedar a ni a, hi le inzawm hin investigation thaw dingin

Deora District Magistrate Sujit Kumar chun Order an suo bakah Preven-tion of Corruption Act hnuoiah Clerk chunga hin case registered a nih. (PTI)

EPS faction in BJP an thlawp dingCHennAi: July 17, 2017-a India President thar th-langna hung um dinga chun Tamil Nadu-a AIADMK (Amma) faction chun Cen-tre-a sawrkarna siemtu BJP thlawp an remtih. AIADMK (Amma) leader M. Thambi-durai in zani hmasaa Union information and broadcasting minister M. Venkaiah Naidu an hmupui hunah NDA can-didate an thlawp an remti thu hi a hril a ni a, Chief Min-

ister Edappadi Palaniswami chun official in NDA candi-date an thlawp ding thu hi a hnungin la puong a tih. AIADMK (Amma) fac-tion hin MPs 38 MLAs 124 ( assembly speaker \hangin) an nei a. CM hlui O. Pan-neerselvam faction chun MPs 12 le MLAs 11 an nei a, anni khawm hin BJp candidate an thlawp ring a nih tiin thu dawngna chun a hril. (TNN)

Tukum sung Internet shutdown vawi 20 a tlung tah

new deLHi: Tukum 2017 sung hin India rama chun internet shutdown vawi 20 a tlung ta niin legal services organisa-tion Software Freedom Law Centre (SFLC) report chun a hril. June thla sung ringawt khawm hin Mad-hya Pradesh, Nashik le Maharashtra haia hmun \henkhat haiah internet shutdown a tlung zing a nih. SFLC chun, an website internetshutdowns.in feth-

lengin India rama internet shutdown hi an lo sinsie hlak a nih. Kum 2016 khan internet shutdown vawi 31 a tlung a, kum 2012 a inthawk tuchena internet shutdown tlung zat chu 79 nitain SFLC report chun a hril. (TNN)

Jennifer lawrence, Sandal Rs.40, 000 Man leh walking

new yorK: “The Hunger Games” a inthawka inlâr tan le 2015 Hollywood actress laia sum hlâw suok rawntak, tulai hnaia a film thar “Passenger” ah Dollar nuoi tel lam suok nawk tah Jennifer Lawrence chu film siem nawh un awl kar lakah New York City ah a ruolhai leh an lêng thawveng a, nilum insukdei mei mei khawmin mi mit an lak hle. Jennifer Lawrence hin zal zakuo ang deu, nil um zakuo inphan chi, zakuo (lingerie) khat ti thei ding, dar bat malpui chenve chen chauh huop a hak a. Sandal ang mei meia siem, lungmangtama cheimawi pheikhawk, siliper ang deu (metallic loafer) a bun a. A pheikhawk bun hi ho deu angin an langa chu Rs. 40, 000 chuong zet man a nih. Ni lum laia walking fe an nih leiin a sam khawm hlim

tung vawngin an tawma. Nisa lum a inthawka a mit vêngtu dingin sunglass a bun bawk a. A uite chite, Sakhi rawng ang anga sen thal, Sihal te ang deu a kei bawk a. A ruolnu pakhat leh New York park laia an walking, mipui en nuom an tling a nih. Hi hma met, a zani khan ‘high waist Jeans’ a khup lai inek le dar po inlang zakuo (off the shoulder top) var hâkin, pheikhawk flat leh a khatin a lêng suoka. A fans han an enzui nasa hle. Kar hmasak khan, Jen-nifer hi an zinnaah a vuongna a sie a, engine \hat naw leiin ‘force landing’ a thaw a, nuom le nuom lovin Buffalo, New York ah a \um pha tah a nih. Jennifer chu iengkhawm a ti nawh a, passenger danghai khawm iengkhawm an ti nawa chu vuongna neitu le Pilot hai sawisêl an hlâw nasa hle.

Kum 28-a upa Jennifer Lawrence hi tu tak hin direc-tor Darren Aronosky leh an inzui ti hriet a nia chu a mimal hringnun chanchin hi a thup nasa em em a, a hrillang mei mei nawa a nun a hmang mei mei ngai naw bawk. Tulai hnai khan magazine pakhat kuomah a mimal nun (private life) a thup nasat zie a hril-lang. “Ka mimal nun thupna dingin \hang ka lak nasa em em a nih. Nangni’n in mi hriet tah a, mi hre chieng em emin in inngai el thei. Keia ta ding chun mithar/hriet ngailo (stranger) vawng in la ni leiin ka \i a nih. Ka nun le mizie thup kawngah ka fimkhur a. Kum tamtak hnungah inthup dan ka thiem chauh a nih” tiin. “Bu faa ka suok chang khawm, ka bufak lai amanih dawkana ka \hung lai, mobile phone or camera a hung de zak phât chu, ka lung a sen thei em em a. Thla lo latu chungah chun ka râwng thei hle a, ka hal hrep hlak. Pri-vacy hi full-time sin a nih ve a, ka nei theina dingin ka \hang nasa hle rêng a nih” tiin a mimal nun ‘privacy’ humhimna dingin a thaw nasa hle thu a hril. Jennifer Lawrence hi a film thar ding “X-Men: Dark Phoenix” le “Bad blood” haiah hmu ni vat tang a tih.

Fisheries science inchuk theiiMPHAL: Central Agri-cultural University, Imphal hnuoia College of Fish-eries, Lambucherra, Tri-pura hmuna Academic Session 2017-18 session-a Bachelor of Fisheries Sci-ence inchuk nuom hai ta dingin June 19-28, 2017 inkar sungin Directorate of Fisheries, Lamphelpat, Imphal hmunah Rs. 200/- pekin Application form lak thei le June 29, 2017 chenin peklut thei ning a tih. Thiemna 10+2 with

50% marks in Physics, Chemistry, Biology (Gen-eral) le SC/ST/PH/In-ser-vice categories hai ta dingin 40% marks hmu a \ul. Seat umzat chu 9 (UR+ST+SC 7 le OBC-2) a nih. Hi thila dinga Entrance Examination chu July 3, 2017, 10AM in nei ning a ta, Admit Card june 30 le July 1, 2017 haiah pe-kdawk ning a tih. Thu chieng lem Direc-torate-ah hriet thei ning a tih.

Mi inhmang hmukir na thu-ah lawmthu an hril

CCPur: Mr Lalmuong-pui (Muonga Zote), a umna chin hriet lova inhmang V. Hmunhlui khuo han June 17, 2017 zingkara dam taka an hmu pekna thuah a tupa Zaituothang le a sunghai, (Nehru Marg, REngkai) chun V. Hmunhlui khaw mi hai chungah lawmthu a hril. V. Hmunhlui khaw mi

hai hin S. Kholien chen an hung thak pek a, a zawng-na kawnga HYA Rengkai Branch in theitawpa an \hangpuina chunga law-mthu an hril bakah inlirt-hei tuok pektu Pu K. Lien-zathang, Nehru Marg le Pu Neisang, Thenmuol hai bakah midang dang chunga lawmthu an hril bawk.

SYO in lawmpuina an nei

CCPur: Simte Youth Or-ganisation (SYO), GHQ chun zani zantieng khan ADC, CCPur a CEO sin chel mek T. Kammuanlal Simte, MCS lawmpuina neiin Simte Puonlaisen in-siltirna le malsawm \awng\aipekna hun hmang a ni a, hi huna hin Khaipao Haokip, Chairman, ADC, CCPur khawm Simte Pu-onlaisen insiltir a ni bawk. SYO President Dongchnthang chun, Kam-muanlal in hiengang ngirh-mun a hung chel a lawm-pui thu hrilin, mihriem hlawtlingna hi Pathien a inthawk nisienkhawm Pa-thienin hlawtlingna hi mi a pek mei mei naw thu a hril. Kammuanlal chun, hotu hai ditsakna lei le Pa-thien \hangpuina leia hien-gang ngirhmun hung chel

theia um a ni thu a hril a, Ama chu Simte hnama mi nisienkhawm Churachan-dpur district mipui popo ta dinga sin thaw ding a ni thu, khawpui sung thienghlimna a ngaipawimaw thu hrilin ADC Chairman le Elected member hai le \hangruola a um sa hai siemthar a, a um lo hai inumtir chu an thil tum a ni thu le District suk hmasawnna dingin project siem a ni thu hai a hril. A ni anga sukpuitling a ni theina dingin Organisation tum tum le mitin thlawp dingin a ngen. Pu T. Kammuanlal Simte, CEO, ADCC hi CCPur district a CEo 38-na a ni a, June 8, 2017 a inthawka kha Soiminlien Lengen, MCS a inthawk charge laa CEO hi a chel a nih.

Hand Grenade hmu a nihiMPHAL : Zani zing dar 8 : 30 vel khan Md. Sakhir (33), S/o (L) Hayat Ali In Gate ah hand grenade pakhat hmu a nih. Bomb hi Hiyanglam Police han an va lak a, Wabagai Buf-falo Farm bulah pawitawk nei lovin an sukpuok. Sum ngena le inzawma hand grenade hi helpawl \henkhatin an va sie ni din-

ga ring a nih. Hand grenade umna hi Sekmaijin Police Station a inthawka hla lo te a nih.

Justin Bieber, Tattoo Thar leh Nunhlui an sir

G e n e v A : C a n a d a tlangval, a tleirâwl suok tira lung inrawm le second thought nei ngai lo leia buoina hau em em, ‘nau duot suol’ an hril ang ela a fe suol el tah dim tia a nu le pa khawmin an thunun zo ta lo Justin Bieber chu tlawmin a var met tah niin an lang. A “Purpose World Tour” le inzawma Sweden concert a nei zoa Switzer-land lut nawk tah, kum 23 upa Justin Bieber chun tat-

too thar “Better at 70” ti a malpui ah an ziektir nawk a. Social media ah a fans hai kuomah a umzie a hril a, tamtakin an inpaka tamtakin an dem laiin, inchuk dawk thar a nei leia a thaw nisien a hawi. A puma tattoo sip el tah, a malpuia tattoo thar a ziek nawk hi a umzie nia a hril chu, “Ka hringnun ka hei suikir a, thawsuol tamtak ka nei a, \itna thlaphangna, him lova inhrietnahai. Thil

tamtak thawsuolin ka fe khêl tain ka hrieta chu, hmatieng hrât lema fea a nêka \ha lema thaw le um pei a min nuomtir a nih” tiin a hril a. A tattoo hin hmatieng \ha pei dinga an fui pei a beisei a nih. Instagram ah a upload le inruol-in minute 30 vel chauvin 1.3 billion-

in an ‘like’ sup sup nghâl a. Tamtak a deusaw zawnga comment khawm an um bawk. Pakhat chun, “Why are you getting so many tattoos in wrong placez?” a ti hlawl. Justin hi vawisun Swit-zerland, Bern a vuong lut a. Security escort \ha takin an lo hmuok a, Pathienni hin concert a nei ding a

nih. Sweden, Stockholm concert nek chun mipuiin lo lâwm \ha lem awm tak an nih, a beisei angin. Sweden ah khan chu a hla hit pakhat, “Despacito” chu Billboard Hot 100 ah No.1 a kai a. A hla hi Latin (Spanish) \awnga Luis Fonsi phuok Daddy Yan-kee le an sak, Justin Bieber khawm vocalist anga umin a thunawn po an sak dun, a \hangna a nih a. Mipuiin “Despacito” sak rawh, an tia, a sak thei naw thu a hril leiin bottle \ha nawin an dêng tâwl a, an buoi vâng a nih. “Ka sak thei nawh. Lunginsiet takin mi deng ta naw ro” a ti ngawi ngawi el a nih. Tuhin Switzerland ah concert a nei nawk ding a na, iem a hung um ding chu, hunin la hril a tih.