Upload
kapital
View
242
Download
4
Embed Size (px)
DESCRIPTION
Viðskiptarit Capacent
Citation preview
STRAUMARViðskiptarit Capacent
ÁSKORANIRÍSLENSKS ATVINNULÍFS
VIÐSKIPTAUMHVERFIÐ
Aukin umsvif og stöðugleiki 5
Menningin mótar stefnuna 10
REKSTUR FYRIRTÆKJA
Virðisstjórnun við innleiðingu á stefnu fyrirtækja 16
Aftur til upprunans – Örlagastund var hjá Icelandair Cargo 2008 21
Viðsnúningur rekstrar – snýst um fleira en fjárhagslega endurskipulagningu 26
Stjórnkerfi upplýsingaöryggis – Hvernig göngum við um mikilvægar upplýsingar 30
OPINBER REKSTUR
Hvernig hámörkum við samfélagslega arðsemi? 34
Áskoranir í hagræðingar- verkefnum opinberra aðila 40
MARKAÐSMÁL
Markaðhringurinn – lykil spurningar í markaðsstarfi fyrirtækja 46
Samfélagsstraumar og Analytics 52
MANNAUÐUR
Áhrif hagræðingaraðgerða á starfsfólk 57
Ráðningar geta reynst dýrkeyptar 62
Frammistöðumat – Einfaldar lausnir tryggja skilvirka framkvæmd 66
Breiðablik: Liðsheildin tryggði titilinn 71
Þjálfun sniðin að þínum þörfum 74Nóvember 2010
Íslenskt samfélag og íslenskt atvinnulíf hafa orðið að
takast á við nýjar aðstæður og erfiðar áskoranir á síðustu
tveimur árum. Rekstrarumhverfi fyrirtækja hefur breyst og
stjórnendur þurfa daglega að fást við vandasöm verkefni og
flókin úrlausnarefni.
Mikilvægt er að valdar séu leiðir sem líklegastar eru til
árangurs og að ákvarðanir séu byggðar á traustum grunni
þekkingar og upplýsinga. Breytum, sem hafa áhrif á rekstur
hefur fjölgað og innbyrðis vægi þeirra tekur sífelldum
breytingum. Líklega hefur aldrei verið eins mikilvægt fyrir
stjórnendur að vera vel upplýstir um strauma og stefnur í
íslensku þjóðfélagi til að geta tekið ákvarðanir sem nýtast
rekstrinum best.
Með Straumum Viðskiptariti Capacent viljum við leggja
okkar af mörkum til umræðunnar um það hvernig best sé að
mæta þessum áskorunum.
Í þessu riti er m.a. að finna niðurstöður umfangsmikillar
könnunar meðal stjórnenda um stöðu fyrirtækja og viðhorf
til efnahagsástandsins. Þar kemur greinilega fram að flestir
stjórnendur telja að botni efnahagslægðarinnar sé ekki náð.
Hins vegar varpar könnunin einnig fram sýn stjórnenda á það
hvað þurfi að koma til eigi íslenskt efnahagslíf að komast upp
úr öldudalnum.
Í ritinu er að finna greinar þar sem sérfræðingar okkar kryfja
margvísleg álitaefni og verkefni sem íslensk fyrirtæki standa
nú frammi fyrir, hvort sem er á sviði reksturs, stefnumótunar,
fjármála, markaðsmála eða mannauðsmála.
Við beinum sjónum okkar einnig að opinberum rekstri.
Ríki, sveitarfélög og opinber fyrirtæki þurfa ekki síður en
einkafyrirtæki að takast á við breyttar aðstæður þótt nálgunin
sé eðli málsins samkvæmt önnur en í einkarekstri. Það hvernig
til tekst við hagræðingu í rekstri hins opinbera mun hafa mikil
áhrif á samfélagið í heild.
Í Straumum er líka að finna lýsandi dæmi um það hvernig
hægt er að snúa erfiðri stöðu við með markvissri stefnumótun
og aðgerðum, hvort sem um er að ræða knattspyrnulið eða
flugfélag.
Þrátt fyrir núverandi erfiðleika er mikilvægt að missa ekki
sjónar á því að það er einmitt við þessar aðstæður sem stærstu
tækifærin skapast og þau eigum við að nýta.
Ingvi Þór Elliðason forstjóri Capacent
Útgefandi: Capacent ehfRitstjóri: Steingrímur SigurgeirssonHönnun og umbrot: KapitalHönnun á forsíðu: FínlínaPrentun: Svansprent
Viðskiptarit CapacentStraumar
Viðskiptarit CapacentSTRAUMAR
VIÐSKIPTAUMHVERFIÐ
Fyrirtæki starfa ekki í tómarúmi á markaði.
Rekstur þeirra og áform mótast af samfélagslegu umhverfi.
5
Tveimur árum eftir að íslenska fjármálakerfið hrundi eru
stjórnvöld, fyrirtæki og heimilin í landinu enn að takast
á við afleiðingar hrunsins, sem margar hverjar eru fyrst
núna að koma í ljós. Ástandið í efnahagslífinu og stjórnmálum
einkennist af óvissu og undir niðri bærist samfélagsleg ólga
líkt og kemur greinilega fram í tveimur nýjum könnunum
Capacent, annars vegar könnun þar sem stjórnendur voru
spurðir um stöðu fyrirtækja og viðhorf til efnahagslífsins
og hins vegar nýrri gildamælingu. Fjöldamótmæli fyrir utan
Alþingishúsið eru að verða fastur liður hins pólitíska landslags
Íslands og fall Væntingavísitölunnar bendir til að hratt fjari
undan sjálfstrausti þjóðarinnar.
Er nema von að margir telji ástandið nær vonlaust og að
fyrirtæki haldi að sér höndum þegar kemur að fjárfestingum?
En er staðan virkilega svona slæm? Er kannski stærsta
vandamálið hversu svörtum litum allt er málað þessa dagana
og þrek og þróttur þar með dreginn úr fyrirtækjum jafnt
sem almenningi? Þau viðhorf sem blasa við eru neikvæð en
endurspegla þau kannski fremur þá óvissu sem menn telja
ríkja en hina raunverulegu stöðu efnahagslífsins og tækifærin
framundan?
Króna og ríkisfjármál
Vissulega er staðan langt í frá góð. Íslenskt viðskiptalíf býr
eitt vestrænna ríkja við gjaldeyrishöft og þrátt fyrir reglulega
umræðu um afnám þeirra hafa þau einungis verið hert frá
því þau voru fyrst sett á haustið 2008. Gengismál eru efst í
huga margra stjórnenda og stóra spurningin er þessi: Verður
áfram hægt að byggja hér upp opið, vestrænt hagkerfi með
krónu en án hafta? Eða verður að leita annarra lausna í
gjaldmiðilsmálum? Við þessaum spurningum verða að fást
svör. Umræða um gjaldmiðilsmál er hins vegar föst í pólitískum
skotgröfum um ESB-aðild og deilan um Icesave er jafn óleyst og
hún var árið 2008.
Staðan í ríkisfjármálum er sömuleiðis þung. Þegar hefur
verið gengið í gegnum harkalegan niðurskurð í ríkisfjármálum
Aukin umsvif og stöðugleiki- lykilforsendur árangurs
71% stjórnenda telja að botninum sé ekki náð
28% telja fjölgun starfsmanna á næstu 12 mánuðum líklega
11% eru farin að búa sig undir uppsveiflu í efnahagslífinu
Ægir Már Þórisson Steingrímur Sigurgeirsson
Viðskiptarit CapacentSTRAUMAR
og skattar á heimili og fyrirtæki verið hækkaðir. Allt frá hruni
hefur verið ljóst að fjárlög ársins 2011 yrðu þau erfiðustu og þá
fyrst færi að hrikta í stoðum.
Nú stöndum við frammi fyrir þeim fjárlögum og þeim
fórnum sem það mun kosta að ná jöfnuði í ríkisfjármálum.
Vonir stóðu til að fjárlögin 2011 yrðu síðustu erfiðu fjárlögin.
Þær vonir byggðust hins vegar á því að hagvöxtur væri kominn
í gang.
Þegar hafist var handa við endurreisn íslensks efnahagslífs í
samvinnu við Alþjóðagjaldeyrissjóðinn haustið 2008 var talið að
hið versta yrði afstaðið að tveimur árum liðnum og að innlend
eftirspurn myndi þá fara að aukast.
„Búist er við að hagvöxtur nái sér frekar hratt eftir
tiltölulega skamman tíma. Þegar á annað borð hefur tekist
að endurvekja traust og efnahagur hefur lagast er búist við
að innlend eftirspurn aukist af krafti 2011,“ sagði í skýrslu
Alþjóðagjaldeyrissjóðsins um stöðu efnahagsmála á Íslandi sem
birt var 15. nóvember 2008.
Botninum ekki náð?
Könnun Capacent um stöðu og viðhorf fyrirtækja til
efnahagsástandins, sem framkvæmd var í september og
október 2010, vekur ekki upp miklar vonir um að þessi spá
Alþjóðagjaldeyrissjóðsins muni ganga eftir.
Samkvæmt henni telja einungis 29% stjórnenda að
botni efnahagslægðarinnar sé náð. Hins vegar telja 71%
að botninum sé ekki náð. Skiptingin er nokkuð jöfn milli
höfuðborgarsvæðis og landsbyggðar en nokkuð meiri svartsýni
gætir þó á landsbyggðinni þar sem 76% telja að botninum sé
ekki náð.
Í ljósi þessarar niðurstöðu er kannski ekki skrýtið að
einungis 11% íslenskra fyrirtækja segjast að miklu leyti vera
farin að búa sig undir uppsveiflu í efnahagslífinu. Þriðjungur
fyrirtækja er hins vegar að engu leyti farinn að búa sig undir
uppsveiflu.
Þegar spurt var um helstu ógnina sem fyrirtækið stæði frammi
fyrir á næstu tólf mánuðum nefndu 34,8% stjórnvaldsaðgerðir
og 34,6% efnahagslegan samdrátt.
Einnig var spurt um það hverja menn teldu vera
lykilforsendu þess að fyrirtækið eða stofnunin næði viðunandi
árangri í rekstri á næstu tólf mánuðum.
Mynd 1 - Telur þú að botni efnahagslægðarinnar sé náð?
28,8%
71.2%
Já
Nei
Mynd 3 - Hverja telur þú vera helstu ógnun sem rekstur fyrirtækisins stendur frammi fyrir á næstu 12 mánuðum?
Aukin umsvif og stöðugleiki | Steingrímur Sigurgeirsson, Ægir Már Þórisson
Mynd 2 - Að hve miklu eða litlu leyti er þitt fyrirtæki/stofnun farið að búa sig undir uppsveiflu í efnahagslífinu?
7
Rúmur fjórðungur eða 26,4% sögðu aukin umsvif í
samfélaginu vera lykilforsendu þess að fyrirtækið eða stofnunin
næði viðunandi rekstrarárangri á næstu 12 mánuðum og 22%
nefndu stöðugleika. Aðrir mikilvægir þættir eru aðhald í rekstri
(10%), aukin verkefni (8%) og leiðrétting lána heimila og
fyrirtækja (6%).
Þessar niðurstöður koma líklega fæstum á óvart og spegla
svörin við spurningunni um hvað helst ógnar rekstri fyrirtækja.
Stjórnendurnir voru einnig spurðir að því hvað þeir teldu að
myndi vega þyngst á næstu 12 mánuðum til að bæta ytri
rekstrarskilyrði fyrirtækisins. Þar nefndu 42% gengismál.
Þriðjungur nefndi vexti og fimmtungur kjarasamninga. Þá
nefndi rétt innan við fimmtungur aukin umsvif í samfélaginu.
Einnig var spurt um það hvaða aðgerðir menn vildu helst
sjá frá stjórnvöldum til að bæta rekstrarskilyrði fyrirtækja í
núverandi efnahagsástandi. Fjórðungur stjórnenda taldi lækkun
skatta vera mikilvægustu aðgerðina og tæpur fjórðungur taldi
aukin umsvif í efnahagslífinu vera þá mikilvægustu. Lækkun
vaxta (16,8%) og lánamál fyrirtækja og heimila (16,5%) voru
einnig ofarlega á blaði.
Lausafjárstaðan 2008 og 2010
Haustið 2008 kannaði Capacent lausafjárstöðu fyrirtækja
með tilliti til þáverandi efnahagsaðstæðna. Reyndust 35,5%
fyrirtækja vera í lausafjárvandræðum eða vanskilum á þeim
tíma. Þeir sem ekki voru þá þegar í vanskilum voru spurðir
hversu líklegt eða ólíklegt þeir teldu að fyrirtækið myndi lenda
í lausafjárvandræðum um næstu mánaðamót og sögðust
71,1% telja það ólíklegt en 16,3% líklegt. Þeir sem töldu
ólíklegt að fyrirtækið myndi lenda í lausafjárvandræðum um
næstu mánaðamót voru spurðir hvort að þeir teldu líklegt að
fyrirtækið myndi lenda í lausafjárvandræðum á næstu þremur
mánuðum, af þeim töldu 14,9% af þessum hóp það vera
líklegt.
Niðurstaðan var því sú að 53,1% fyrirtækja átti annaðhvort
í lausafjárvandræðum eða taldi líklegt að það myndi lenda
í lausafjárvandræðum á næstu þremur mánuðum. Tæpur
þriðjungur eða 29,9% taldi það ólíklegt.
Nú tveimur árum síðar var aftur spurt hvort að stjórnendur
teldu það líklegt eða ólíklegt að fyrirtækið myndi lenda í
lausafjárvandræðum á næstu þremur mánuðum miðað við
núverandi efnahagsástand.
Alls sögðust 68,9% ekki eiga von á því að lenda í
lausafjárvandræðum en það er engu að síður uggvekjandi að
16,4% teldu það vera líklegt. Mynd 5 - Hvað telur þú að muni vega þyngst á næstu 12 mánuðum til að bæta ytri rekstrarskilyrði (s.s. vextir, gengi, kjarasamningar) þíns fyrirtækis/stofnunar, ef
eitthvað?
Mynd 4 - Hver telur þú að sé lykilforsenda þess að þitt fyrirtæki/stofnun nái viðunandi árangri í rekstri á næstu tólf mánuðum?
Mynd 6 - Hvaða aðgerðir myndir þú helst vilja sjá frá stjórnvöldum til að bæta rekstrarskilyrði fyrirtækja í núverandi efnahagsástandi?
Mynd 7 - Hversu líklegt eða ólíklegt telur þú að fyrirtæki þitt lendi í lausafjárvandræðum á næstu 3 mánuðum miðað við núverandi efnahagsástand?
Viðskiptarit CapacentSTRAUMAR
Ákall um stöðugleika og aukin umsvif
Þegar niðurstöðurnar eru skoðaðar er greinilegt að það er fyrst
og fremst tvennt sem að atvinnulífið kallar á: Annars vegar
stöðugleika og hins vegar að umsvif í samfélaginu verði aukin
fyrir tilstilli stjórnvalda.
Þeir óvissuþættir sem menn þurfa að búa við í rekstri eru
risavaxnir og ber þar hæst gengismál og kjarasamningar á
sama tíma og skattbyrði bæði fyrirtækja og einstaklinga hefur
aukist umtalsvert.
Líkt og rekið er í grein Sigurðar Hjalta Kristjánssonar um
viðsnúning í rekstri fyrirtækja er staða margra fyrirtækja á
Íslandi erfið um þessar mundir. Því má hins vegar ekki gleyma
að staða flestra íslenskra fyrirtækja er þolanleg og í sumum
tilvikum ágæt.
Sú mikla óvissa sem ríkir um lykilþætti varðandi þróun
efnahagslífsins næstu árin dregur hins vegar stórlega úr hvata
til fjárfestinga. Fáir þora að hreyfa sig.
Tímabil framfara eða stöðnunar?
Fyrst eftir hrun var talið að íslenska hagkerfið myndi taka mjög
skarpa og djúpa dýfu. Fyrstu tvö árin yrðu erfið en síðan myndu
hjólin fara að snúast á nýjan leik.
Þessi spá hefur ekki að öllu leyti gengið eftir. Þrátt fyrir
höggið mikla er staðan ekki nærri jafn slæm og margir
óttuðust. Samdráttur efnahagslífsins er vissulega töluverður
en ekki ýkja meiri en samdráttur sænska hagkerfisins í kjölfar
bankakreppunnar þar við upphaf tíunda áratugs síðustu aldar.
Mesta hættan sem við stöndum frammi fyrir kann hins vegar
að vera sú að við festumst á botninum í langan tíma. Að í stað
þess að spyrna við fótum og hefja nýtt hagvaxtarskeið muni
taka við langvarandi tímabil stöðnunar.
Við stöndum á ákveðnum tímamótum, einhverjum þeim
mikilvægustu í sögunni. Á næstunni mun það ráðast hvert
íslenskt efnahagslíf og atvinnulíf munu halda. Ákvarðanir
næstu mánaða gætu ráðið úrslitum.
Andrúmsloftið áhyggjuefni
Mörg þeirra verkefna sem við stöndum frammi fyrir eru
efnahagsleg en eitt stærsta vandamálið kann að vera það
andrúmsloft sem er að verða ríkjandi í íslensku samfélagi.
Niðurstöður nýrrar mælingar á gildum Íslendinga eru
verulegt áhyggjuefni en nánar er fjallað um þá þætti er snúa að
fyrirtækjum í grein Bjarna Snæbjörns Jónssonar. Þau gildi sem
eru ríkjandi í samfélaginu byggjast á reiði og áhyggjum. Fólki
finnst framtíðin óörugg og það hefur áhyggjur af atvinnuleysi,
fátækt og komandi kynslóðum. Fólki finnst samfélagið
einkennast af spillingu og ásökunum. Svokölluð innri óreiða
eða það sem kalla má neikvæða orku sem ekki nýtist í annað
mælist nú 63% og er mun meiri en hún var skömmu fyrir hrun
árið 2008.
Þessi neikvæða orka mun fá útrás með einhverjum hætti
og því mikilvægt að henni verði beint í réttan farveg, það er til
uppbyggingar en ekki niðurrifs.
Á traustum grunni
Niðurstaðan er kannski sú að atvinnulífið og jafnvel samfélagið
í heild er í eins konar biðstöðu. Það eru allir að bíða eftir
„aðgerðum“, einhvers konar tákni um að óhætt sé að taka
næstu skref til framtíðar. Að fjárfesta og nýta þau tækifæri
sem vissulega eru til staðar. Um leið og stíflan rofnar snúum við
hinni neikvæðu hringrás við.
Í könnun Capacent meðal stjórnenda var spurt hvaða
lærdóm menn hefðu dregið af efnahagshruninu þegar kemur
að rekstri fyrirtækja. Það er athyglisvert að nærri helmingur
svarenda nefnir þætti er flokkast undir aðhald og varkárni í
rekstri eða 48,7%. Um 12% nefndu mikilvægi ráðdeildar í
rekstri. Jafnmargir nefndu líka að þeir hefðu lært að treysta
ekki bönkunum, 8,6% að treysta engum og 6,5% að treysta
ekki stjórnvöldum.
Vissulega er það mikið áhyggjuefni hversu dregið hefur úr
trausti í samfélaginu og lykilstofnanir standa frammi fyrir því
verkefni að byggja það upp á nýjan leik, líkt og rekið er í grein
Brynjólfs Borgars Jónssonar. Það jákvæða við þessa niðurstöðu
er hins vegar að hún er vísbending um að fyrirtæki munu fara
varlega í rekstri sínum þegar uppsveiflan kemur. Ráðdeild og
aðhald eru gamlar og góðar dyggðir. Á grunni þeirra er hægt
að reisa traustar byggingar.
Mynd 8 - Þegar kemur að rekstri þíns fyrirtækis, hvað hefur þú helst lært í kjölfar efnahagshrunsins?
Aukin umsvif og stöðugleiki | Steingrímur Sigurgeirsson, Ægir Már Þórisson
9
Er kreppuhugarfarið samfélagsleg áfallastreita?
Mannleg viðbrögð við áföllum felast í doða, þróttleysi,
minnistapi, depurð og skorti á framkvæmdavilja. Sumir þeirra
sem lenda í áföllum þróa með sér svokallaða áfallastreitu. Í
þeim tilvikum á viðkomandi erfitt með að komast hjá því að
hugsa um atburðinn, einbeitingarskortur verður áberandi
og það reynist erfitt að hugsa um framtíðina – í einhverjum
skilningi situr viðkomandi fastur í sama farinu. Þegar
niðurstöður þeirra kannana sem kynntar eru hér eru skoðaðar
má finna ýmsar hliðstæður þarna á milli. Getur kannski verið að
það sem hrjáir íslenskt samfélag sé áfallastreita eða það sem á
ensku er kallað Post Traumatic Stress Disorder?
Fjölmargar rannsóknir hafa verið gerðar á viðbrögðum fólks
við vá. Ýmsir fræðimenn hafa sérstaklega beint sjónum sínum
að svokölluðum varnarviðbrögðum. Segja má að viðbrögð
við áföllum geti í grundvallaratriðum verið af tvennum toga.
Annars vegar getum við beint athygli okkar að vandanum,
reynt að kryfja hann og skilja og þar með náð tökum á honum.
Hins vegar getum við forðast það að hugsa um vandann, látið
eins og ekkert sé og reynt að gleyma því að hann sé til staðar.
Tökum dæmi. Jón og Bjarni komast báðir að því að þeir
eru með fæðingarblett sem þarf að fjarlægja. Þeir eiga tíma
hjá lækni eftir eina viku. Jón er þannig gerður að hann verður
að fá að vita hvað hann er að fara útí, hann hreinlega þolir
ekki óvissuna sem fylgir því að vita ekki. Vikuna notar hann
því til að fara á netið og fræðast um aðgerðina sem hann er
að fara í. Hann spyr í kringum sig hvort einhver hafi reynslu
af svona löguðu og mætir til læknis uppfullur af fróðleik og
visku um hvað er að fara að gerast. Bjarni hins vegar getur vel
glímt við svona óvissu, það sem hann á í vandræðum með er
að glíma við þau lífeðlislegu viðbrögð sem fylgja því að hugsa
um aðgerðina. Fram að aðgerðinni reynir hann því að gera
allt hvað hann getur til að forðast að hugsa um hana, hann
heldur sér uppteknum við allt annað en að huga að henni,
hann les uppháldsskáldsöguna sína, fer í kvikmyndahús með
vinum sínum og fer í góða göngutúra með konunni sinni. Hvor
aðferðin er betri eða rétt?
Hvorug þessara aðferða er algóð eða alslæm. Ef
atburðurinn sem veldur kvíða er viðráðanlegur er heppilegra að
beita athygli, ef hann er óviðráðanlegur er heppilegra að beita
hliðrun. Það stoðar t.d. lítið að fleygja reikningum í ruslið og
láta eins og þeir séu ekki til. Ef menn eru í vandræðum með
að láta enda ná saman fer best á að greina stöðuna, útbúa
einhvers konar greiðsluplan og halda sig við það. Það er heldur
ekki klókt að undirbúa sig lítið sem ekkert fyrir mikilvæga
atburði sem valda okkur kvíða, t.d. próf, framsögn eða eitthvað
slíkt.
Ef hins vegar fólk er að glíma við ólæknandi sjúkdóm,
hafa rannsóknir sýnt að þeir sem beita hliðrun lifa lengur
og eru hamingjusamari en þeir sem eru sífellt að hugsa um
sjúkdóminn og eru að elta uppi allar mögulegar og ómögulegar
staðreyndir um hann. Þannig getur það verið skynsamlegt að
hliðra sér frá því að hugsa um það sem maður hefur ekki stjórn
á sjálfur.
Í þessu felast mikilvæg skilaboð til þjóðar í vanda. Hugum
fyrst og fremst að því sem við höfum sjálf stjórn á, eftirlátum
til þess bærum sérfræðingum að hugsa um allt hitt. Það
er engin sérstök þörf á því að hvert einasta mannsbarn á
Íslandi sé sérfærðingur í skortstöðum, gjaldeyrishöftum eða
efnahagskreppum yfirleitt. Kannski er best fyrir okkur að beita
hliðrun í ákveðnum mæli til að komast hjá því að viðhalda
kreppunni með hugarfarinu einu saman.
Þrátt fyrir þær áhyggjur sem fram koma meðal stjórnenda
í könnuninni sem hér er vitnað til, eru samt alltaf einhverjir
sem eru á öndverðum meiði. Horfum til þeirra. Í stað þess að
velta okkur upp úr því að meirihlutinn hafi áhyggjur, getum við
allt eins spurt – hvernig er minnihlutinn að hugsa um málið?
Er eitthvað þar sem hinir ættu að tileinka sér? Fjölmörg dæmi
eru um fyrirtæki og stofnanir sem hafa tekið þá meðvituðu (og
ábyrgu) afstöðu að beita markvisst hliðrun til að komast áfram
út úr þeim þrenginum sem við erum að glíma við sem þjóð.
Þegar upp er staðið eru það þessi fyrirtæki og þessar stofnanir
sem munu laða til sín hæfasta fólkið í framtíðinni og ná þeim
árangri sem stefnt er að.
Ægir Már Þórisson er framkvæmdastjóri ráðgjafarsviðs Capacent. Ægir er með
BA í sálfræði og Cand.Psych í vinnusálfræði frá Háskóla Íslands. Áhersla hans í
ráðgjöf hefur einkum snúist um málefni sem tengjast mannauðsmálum, svo sem
frammistöðumati, starfsmannavali, menningu o.fl. Ægir er sérfræðingur í hæfnis-
og persónuleikaprófum ásamt því að fást við markþjálfun (coaching). Ægir hefur
starfað hjá Capacent síðan 2001.
Steingrímur Sigurgeirsson er með BA í stjórnmálafræði frá HÍ og MPA frá Harvard
Kennedy School. Steingrímur hefur áralanga reynslu af fjölmiðlum og starfaði
m.a. sem blaðamaður og fréttastjóri á Morgunblaðinu. Hann var aðstoðarmaður
menntamálaráðherra 2004-2009. Hann hóf störf hjá Capacent í ársbyrjun 2010.
Viðskiptarit CapacentSTRAUMAR
Menningin mótar stefnuna
Bjarni Snæbjörn Jónsson
Í ágúst síðastliðnum var framkvæmd rannsókn á vegum
Capacent á ríkjandi fyrirtækjamenningu á íslenskum
vinnustöðum samkvæmt aðferðafræði Richard Barretts og
Cultural Transformation Tools. Spurt var þriggja spurninga:
1. Hver eru persónuleg gildi og áherslur viðkomandi svarenda
2. Hvernig upplifir hver og einn þær áherslur og gildi sem eru
ríkjandi í núverandi fyrirtækjamenningu
3. Hvaða gildi og áherslur eru að mati svarenda æskilegar á
sínum vinnustað.
Samskonar könnun var gerð á svipuðum tíma í Svíþjóð og
Bandaríkjunum, og eru niðurstöður þeirra rannsókna notaðar
í samanburði. Þegar litið er til heildarniðurstöðunnar fyrir
íslenska vinnustaði kom fram eftirfarandi mynd þegar tekin eru
10 efstu gildi og áherslur.
Hér kemur fram, að þau orð sem svarendur notuðu til þess
að lýsa ríkjandi menningu á sínum vinnustað voru flest það sem
kallast takmarkandi áherslur, sem eru merkt með bókstafnum
“L“, eða gildi og áherslur sem LETJA frekar en HVETJA.
Rauðletruð orð eru þau sömu og komu út úr samsvarandi
könnun sem gerð var árið 2008, þannig að af þeim tíu efstu
eru átta samsvarandi milli kannana. Það sem jafnframt er
athyglisvert hér, er að engin samsvörun er á milli þess sem fólk
upplifir og þess sem það vill sjá á vinnustaðnum. Nánar verður
fjallað um þýðingu þess síðar í þessari grein.
PERSÓNULEG GILDI RÍKJANDI GILDI OG ÁHERSLUR ÆSKILEG GILDI OG ÁHERSLUR
1. fjölskylda 1. kostnaðaraðhald 1. heiðarleiki
2. heiðarleiki 2. smákóngatilhneiging (L) 2. fagleg vinnubrögð
3. vinátta 3. hagnaður 3. ánægja viðskiptavina
4. jákvætt viðhorf 4. óörugg atvinna (L) 4. þátttaka starfsmanna
5. traust 5. langur vinnutími (L) 5. traust
6. sanngirni 6. goggunarröð (L) 6. jákvætt viðhorf
7. heilbrigði 7. áhersla á skammtímamarkmið (L) 7. viðurkenning starfsmanna
8. ábyrgðarkennd 8. misbeiting valds (L) 8. virðing
9. fjárhagslegt öryggi 9. ímynd vörumerkis 9. heilbrigði starfsmanna
10. ábyrgð 10. skriffinnska (L) 10. siðferði
Tafla 1 - Fyrirtækjamenning á íslenskum vinnustöðum
Menningin mótar stefnuna | Bjarni Snæbjörn Jónsson
11
Ef við berum saman það sem svarendur töldu ríkjandi
menningu á íslenskum vinnustöðum og sænskum og
bandarískum, lítur myndin út eins og sjá má í töflu 2.
Þar kemur skýrt fram sláandi munur á því sem virðast
ríkjandi áherslur á íslenskum vinnustöðum í samanburði við
Svíþjóð og Bandaríkin. Sjá má að á Íslandi eru 7 af 10 efstu
takmarkandi eða LETJANDI gildi, en einungis eitt hjá hvorum
hinna. Eins og áður sagði, var engin samsvörun í íslensku
niðurstöðunum á milli þess sem fólk mat sem núverandi
áherslur annars vegar og æskilegar áherslur hins vegar, á
sama tíma í Svíþjóð var bein samsvörun 60% og 40% í
Bandaríkjunum.
Önnur vísbending um menningarástandið er svokölluð
innri óreiða, sem er mæld þannig að tekin eru þau orð sem
eru neikvæð eða takmarkandi, og eru merkt í listunum hér á
fyrri blaðsíðu með bókstafnum “L“, í hlutfalli við öll þau orð
sem svarendur völdu til þess að lýsa sjónarmiðum. Innri óreiða
er vísbending um þá orku sem fer í kerfið sjálft og nýtist ekki
til árangurs út á við. Í íslensku niðurstöðunum sýndi þessi
mælikvarði 43%, sem er afar hátt hlutfall og jafnan talið mikið
hættumerki, en sambærilegar tölur voru 17% fyrir Svíþjóð
og 18% fyrir Bandaríkin, sem eru á allt öðru stigi, enda sést
á listanum hversu mikill munur er á löndum þremur að þessu
leyti.
Með öðrum orðum, þá benda þessar niðurstöður til þess
að á milli 40 og 50% af því sem við getum kallað „mannlega
framleidda orku“ tapast á Íslandi samanborið við 15 - 20% í
samanburðarlöndunum, Svíþjóð og Bandaríkjunum.
Það er full ástæða til þess að velta þessum niðurstöðum
fyrir sér og taka inn í myndina þegar möguleikar eru almennt
metnir á því að fyrirtæki á Íslandi skili haldbærum (sustainable)
rekstrarárangri. Hér eru vísbendingar um að verk sé að vinna
og að þörf sé gagngerra áherslubreytinga til þess að móta
menninguna þannig að líkur á innleiðingu stefnu, ákvarðana
og breytinga verði á pari við fyrirtæki í nágrannalöndum okkar.
Menningin ræður för
Með tímanum og með reynslu af fjölmörgum
stefnumótunarverkefnum fyrir fyrirtæki af öllum stærðum og
gerðum, hef ég í vaxandi mæli leitt hugann að því hvers vegna
fyrirbæri sem virðast sjálfsagðir hlutir í einkalífi fólks teljast
ekki eiga við í aðstæðum sem ríkja í vinnuumhverfinu þ.e. í
fyrirtækjunum sem við störfum í eða stjórnum. Það er eins og
myndast hafi einhverskonar gjá þar á milli þótt hvort tveggja
sé hluti af daglegu lífi. Það er engu líkara en að þegar við
yfirgefum einkalífið og göngum inn í vinnulífið taki við einhver
annar og öðruvísi veruleiki.
Það þekkja allir, bæði á eigin skinni og börnunum, að
góðar fyrirætlanir komast gjarnan ekki í framkvæmd og
gildir þá einu hversu skynsamlegar eða nauðsynlegar, jafnvel
lífsnauðsynlegar þær eru. Það er eitthvað innbyggt í okkur sem
stöðvar slíkar fyrirætlanir og gerir það að verkum að við og fólk
sem okkur þykir vænt um högum lífi okkar með einhverjum
þeim hætti sem veldur okkur áhyggjum. Ástæðuna þekkjum
við flest, hygg ég, nefnilega þá, að það HVERNIG við hugsum
er mikilvægara en HVAÐ við hugsum. Hvernig við hugsum
ÍSLAND SVÍÞJÓÐ BANDARÍKIN
1. kostnaðaraðhald 1. ábyrgð 1. ánægja viðskiptavina
2. smákóngatilhneiging (L) 2. liðsheild 2. ábyrgðarkennd
3. hagnaður 3. gleði 3. liðsheild
4. óörugg atvinna (L) 4. kostnaðaraðhald 4. kostnaðaraðhald
5. langur vinnutími (L) 5. samstarf 5. árangur
6. goggunarröð (L) 6. heiðarleiki 6. vera best
7. skammtímaáherslur (L) 7. skuldbinding 7. þátttaka í samfélaginu
8. misbeiting valds (L) 8. markmiðasinnuð 8. hagnaður
9. ímynd vörumerkis 9. skriffinnska(L) 9. stöðugur lærdómur
10. skriffinnska (L) 10. sveigjanleiki 10. skriffinnska (L)
Tafla 2 - Samanburður á vinnustaðarmenningu þriggja landa
Viðskiptarit CapacentSTRAUMAR
ræður úrslitum um framkvæmd stefnunnar, þá er næsta
spurning nærtæk: Hvers konar menning skilar mestum árangri?
Þessu er auðvitað ekki hægt að svara, en þó er hægt að komast
nálægt því hvaða skilyrði menningin þarf að uppfylla til þess að
líkur séu á því að árangur náist.
Dr. Eric Flamholz, prófessor við Anderson Graduate School
of Management, University of California, rannsakaði samband
hagnaðar fyrirtækja og tengsl menningar við grundvallarviðhorf
og gildi starfsmanna. Niðurstaða hans kemur fram í eftirfarandi
línuriti :
Lóðrétti ásinn sýnir hagnað fyrir fjármagnsliði og skatta í
hlutfalli af tekjum. Lárétti ásinn sýnir hlutfall jákvæðra viðhorfa
til ríkjandi menningar skilgreind sem summan af “sammála” og
“mjög sammála” svörum í könnun Flamholz. Hér kemur fram,
að samband er á milli samstillingar menningar og persónulegra
viðhorfa starfsfólks og EBIT hlutfalls viðkomandi fyrirtækja.
Þessar niðurstöður ættu að benda til þess, að það sem er
mikilvægast til þess að tryggja haldbæran langtímaárangur
fyrirtækja er að fóstra menningu og hugarfar þar sem fólk og
fyrirtæki eru samstillt að því er varðar grunngildi og áherslur.
Þessar niðurstöður er vert að hafa í huga, þegar við skoðum
niðurstöðurnar í rannsóknunum sem fjallað var um í upphafi
þessarar greinar, þar sem í efstu 10 hugtökum sem svarendur
völdu sem lýsandi fyrir ríkjandi menningu fyrirtækja sinna, var
engin samsvörun við það sem þeir vildu sjá.
Ráðið í rúnir menningarinnar
Mælingar á hugarfari og fyrirtækjamenningu hafa undanfarið
verið að ryðja sér til rúms, enda hverjum leiðtoga nauðsynlegt
að skilja sem best undirliggjandi menningu og “hugarástand“
þeirra fyrirtækja sem þeir leiða. Án þess að hafa hugmynd um
ræður úrslitum um það hvernig tekst til að “innleiða“ góðar
fyrirætlanir. Hugsunin lifir sínu lífi og tekur völdin án þess að
við áttum okkur almennilega á því. Við vitum til dæmis, að það
er erfitt að ætlast til að 5 ára barn hagi sér eins og fullorðinn
einstaklingur og það er erfitt að segja alkóhólista í afneitun að
hætta að drekka, eða framkvæma slíkt sjálfur ef svo er komið
fyrir manni.
Í stefnumótun fyrirtækja er eins og við teljum að einhver
allt önnur lögmál gildi í þessu efni. Stjórnendur sitja við og
móta stefnu og fyrirætlanir sem þeim finnast skynsamlegar
og nauðsynlegar í samræmi við hlutverk sitt. Þegar kemur
að innleiðingunni, telja þeir sér gjarnan trú um að það sé
háð einhverri stjórnunarkænsku eða -snilli að koma þessum
fyrirætlunum í framkvæmd. Hundruð hillumetra af bókum hafa
verið skrifaðir um efni eins og „Execution“, „Implementing
Strategy“, “Managing Change“ o.s.frv. Það eru jafnvel heilu
ráðgjafahóparnir sem gefa sig út fyrir að vera sérstaklega góðir
í að “innleiða stefnuna“. Það getur hins vegar verið sýnd veiði
en ekki gefin, einfaldlega af þeirri ástæðu að þeir hafa hvorki
vald né umboð til slíks og þurfa að treysta á stjórnendur og
starfsmenn fyrirtækjanna.
Rannsóknir hafa sýnt, að einungis 10% fyrirtækja innleiða
í raun þá stefnu sem þau móta. Önnur 20% innleiða stefnuna
að hluta, en restin heldur áfram að mestu í gamla farinu. Oft er
eins og fyrir hendi séu tvær stefnur: Opinbera stefnan og hin
raunverulega stefna. Spurningin er hvað móti í raun stefnuna
í flestum tilvikum? Til þess að svara þeirri spurningu þarf að
líta í eigin barm og velta fyrir sér, hvað mótar stefnu okkar sem
einstaklingar og hvað mótar stefnu þess fólks sem stendur
okkur næst eða við þekkjum til? Ég hygg að hver geti svarað
þessari spurningu fyrir sig, en að svarið verði á sömu lund:
Hugsun og hugarfarið mótar stefnuna. Eins og þetta virðist
nokkuð augljóst í einkalífinu, er ljóst, að sömu öfl eru að verki í
stærri mannlegum kerfum eins og fyrirtækjum. Þar ríkir hugsun
og hugarfar sem í daglegu tali nefnist fyrirtækjamenning
eða –bragur sem sker úr um það hvort fyrirtæki koma
fyrirætlunum sínum í framkvæmd, bregðast við ytri aðstæðum
með viðunandi hætti, eða tileinka sér þær áherslur sem skapa
árangur.
Samstilling og árangur
Gefandi sér það, að öll stefnumótun miði að því að auka
árangur fyrirtækjanna, á endanum fjárhagslegan árangur,
og hafandi í huga, að það er í raun fyrirtækjamenningin sem
Mynd 1 - Samband hagnaðar fyrirtækja og fyrirtækjamenningar
Menningin mótar stefnuna | Bjarni Snæbjörn Jónsson
15
10
5
0
-525 35 45 55 65 76 85
EBIT
Divisional Agreement with Corporate Culture (% favorable)
13
það, verða allar fyrirætlanir í raun eins og skot í myrkri.
Reynslan hefur sýnt, að um eða undir 10% líkur eru
á því að hitta skotmarkmið í myrkrinu, sem þýðir að
90% líkur eru á því að hitta ekki eða m.ö.o. ná ekki
að koma fyrirætlunum í framkvæmd. Það er því full
ástæða til þess að velta fyrir sér hvernig hægt er
að mæla menningu og hugarástand annars vegar
og hins vegar, hvernig á grundvelli þeirrar vitneskju
hægt er að fóstra þetta tvennt þannig að fyrirtækið skili
stöðugum og haldbærum árangri við hvaða aðstæður sem
er.
Á undanförnum árum hefur Capacent nýtt sér tvennskonar
aðferðafræði við mælingu á gildum og menningu fyrirtækja
og samfélaga. Líta má á menningu í tveimur lögum: Annars
vegar er um að ræða innbyggt hugarfar, einskonar sjálfvirka
“viðbragðskóða“ sem stýra því HVERNIG við bregðumst við
mismunandi aðstæðum. Hins vegar birtingarmynd þessara
viðbragðskóða, þ.e. hvernig við lýsum viðhorfum okkar
og högum okkur, m.ö.o. HVAÐ við hugsum og gerum.
Með öðrum orðum, þá er nauðsynlegt að átta sig á bæði
því áþreifanlega í birtingarmynd menningarinnar, og þeim
undirliggjandi straumum sem móta þessa birtingarmynd.
Myndræna framsetningu á þessu samhengi má sjá á mynd 2.
Hún sýnir samhengi þeirra aðstæðna sem fólk eða fyrirtæki
standa frammi fyrir, hvernig þær aðstæður virka á innbyggða
hugarfarskóða í menningunni og hvernig viðbrögðin síðan
birtast og móta í raun nýjar aðstæður sem fara í gegnum
kóðana og skapa viðbrögð og síðan koll af kolli.
Það sem Capacent hefur lagt áherslu á að skapa skilning
á og mæla eru annars vegar hinir innbyggðu svokölluðu
forgangskóðar annars vegar og hins vegar áherslur og
hegðun. Þegar um fyrirtæki er að ræða, hefur gildamælingum
frá Cultural Transformation Tools verið beitt, en þær mæla
fyrst og fremst áherslur og hegðun í fyrirtækjum, eða
birtingarmynd menningarinnar. Richard Barrett er höfundur
þeirrar aðferðafræði, en hann gerir ítarlega grein fyrir
hugmyndafræðinni í bók sinni: “Building a Values Driven
Organization“.
Til þess að setja þessa hluti í samhengi, má segja, að
forgangskóðarnir lúta að þroska og hugarfarslegri færni
mannlegra kerfa eins og fyrirtækja. Fyrirtæki eru á mismunandi
stigi hugarfarslega og tileinka sér með mismunandi hætti hluti
eins og skipulag, ferla, eftirlitskerfi og aðrar nauðsynlegar
grunnstoðir rekstrarins. Þau ráða við mismunandi flækjustig
eftir því hvar á þessu þroskaferli þau eru stödd, rétt eins og
einstaklingar ráða við mismunandi flækjustig eftir aldri eða
þroska.
Síðastliðin 15 ár hefur greining á þessari undirliggjandi
færni verið greind út frá kenningum Ichak Adizes um
æviskeið fyrirtækja, en um þá hlið mála má fræðast í
einhverjum af mörgum bóka hans til dæmis “Managing
Corporate Lifecycles“ og “Pursuit of Prime“. Við upphaf
stefnumótunarvinnunnar fer gjarnan fram greining á innviðum
starfseminnar sem gefur til kynna innbyggt hugarfar og
menningu út frá “aldri“ og hugarástandi fyrirtækjanna. Án
slíkrar greiningar liggur ekki fyrir vitneskja um það hvað í raun
er hægt að leggja á fyrirtækið af breytingum og flækjustigi og
er því öll stefnumótunarvinna skot í myrkri eins og áður sagði.
Til þess að dýpka þessa mynd, hefur verið beitt aðferðum
og kenningum um þróun hugarfars í mannlegum kerfum,
aðferð sem nefnd hefur verið Spiral Dynamics Hún var
upphaflega þróuð af Dr. Clare W. Graves, prófessor í sálfræði
við Union College og þeir Dr. Don E. Beck og Christopher
Cowan gerðu ítarlega grein fyrir í bókinni “Spiral Dynamics,
Mastering Values, Leadership and Change“. Þessari
aðferðafræði höfum við beitt við mælingar á hugarfari íslensku
þjóðarinnar síðan 2005.
Hins vegar eru mælingar á áherslum og hegðun, þ.e.
birtingarmynd menningarinnar, sem hefur verið framkvæmd
bæði fyrir íslenskt samfélag og einstök fyrirtæki á
undanförnum árum. Fyrirtækjarannsóknirnar hafa verið lagðar
til grundvallar mótun á stefnu og áherslum í þeim tilgangi að
ná meiri samstillingu og þar með árangri samanber fyrrnefndar
rannsóknir Dr. Flamholz um þýðingu þess fyrir hagnað
fyrirtækja. Það eru einmitt þessar mælingar sem ég geri að
umræðuefni og legg út af til þess að meta almennt hvernig
ástand mála er gagnvart íslenskum fyrirtækjum í samanburði
við nágrannalöndin.
Sá sem ræður rúnir hinna ýmsu fyrirbrigða
menningarinnar, þarf að sjá, hvernig þær fela í sér
baráttu og viðskipti margra afla, sem eru síbreytileg
að innihaldi og tjáningarhætti. Menningarlífið er
rennandi straumur, aflræn heild.
Einar Ól. Sveinsson
Viðskiptarit CapacentSTRAUMAR
Fyrirtækjamenningin – undirstaða árangursríkrar stefnumótunar
Nákvæmar útlistanir á því hvernig stjórnendur geta mótað
fyrirtækjamenninguna er efni í aðra grein að minnsta kosti, og
um það efni fást ekki síður hundruðir hillumetra af bókum. Það
væri að bera í bakkafullan lækinn að bjóða upp á nákvæmar
leiðbeiningar í því efni.
Hins vegar eru nokkur atriði sem öllum ber saman um að
hafa þurfi í huga við mótun á fyrirtækjamenningu sem gjarnan
hefst með innleiðingu sameiginlegra gilda fyrirtækisins:
• Skilja, að öll mannleg samfélög, hvort sem er þjóðríki,
fyrirtæki eða hvers konar hópar, eru hugsandi fyrirbæri þar
sem hugarfar og hugsun er ólík hugarfari og hugsun hvers
einstaklings
• Þekkja þetta hugarfar og átta sig á því hvernig best er að
hafa áhrif á það með réttum skilaboðum, aðstæðum og
merkjum
• Átta sig á því, að öll breyting á menningu og hugarfari í
fyrirtækjum hefst hjá persónunum sjálfum. Stjórnendur
verða að hefja þann leik og breytast til þess að aðrir breytist
• Skilja, að persónulegar breytingar gerast ekki sjálfkrafa,
eða með því að anda djúpt. Persónuleg þróun er flókið ferli
Aðstæður tengjast innbyggðum grunngildum og forgangskóðum(1) sem móta viðbrögð og hegðun(2) sem móta nýtt ástand(3) sem ásamt nýjum aðstæðum mynda nýjan hring.
Today’s solutions are tomorrow’s problems-Einstein
3
1
2
fyrir hvern einstakling og oftar en ekki er nauðsynlegt að fá
aðstoð eða leiðbeiningar í slíku breytingaferli
• Hafa í huga, að fólk hlustar ekki á það sem sagt er; það
horfir á það sem gerist og dregur lærdóm af því
• Skipuleggja mannauðsmál þannig að þau styðji við
æskilega menningu, hvort sem er þjálfun, ráðningar, val
eða hvatningarkerfi
• Miðla með aðferðum og skilaboðum sem ótvírætt styðja við
æskilega menningu og tengir saman fólk
• Taka strax og af fullri hörku á frávikum frá æskilegri hegðun
og framkomu, einkum hjá stjórnendum
Mynd 2 - HVERNIG fólk hugsar er mikilvægara en HVAÐ það hugsar
Bjarni Snæbjörn Jónsson er ráðgjafi hjá Capacent. Sérsvið hans eru stefnumótun
og breytingastjórnun. Bjarni er viðskiptafræðingur (cand. oecon) frá Háskóla
Íslands með MBA gráðu frá University of Michigan Graduate School of Business.
Bjarni sérhæfir sig í heildarbreytingu og þróun fyrirtækja og skipulagsheilda
almennt út frá aðferðafræði um lífhringi fyrirtækja og þróun gilda og menningar.
Bjarni hefur starfað sem ráðgjafi hjá Capacent frá 2001.
15
REKSTUR FYRIRTÆKJA
Rekstur fyrirtækja snýst fyrst og fremst um að hámarka ávinning
hluthafa til lengri tíma. Til að ná því markmiði verður að leita lausna
sem bæta ákvarðanir, spara tíma, auka afköst og bæta nýtingu
þeirra fjármuna sem eru bundnir í rekstri.
Viðskiptarit CapacentSTRAUMAR
Virðisstjórnun
Ingvi Þór Elliðason
Oft er sagt að innleiðing sé grafreitur stefnumótunar.
Ástæðan er sú að það reynist mörgum erfitt að
framkvæma breytingar sem hafa verið skilgreindar
í aðgerðaáætlun stefnumótunar. En stefnumarkandi
ákvörðunum er vissulega hægt að breyta í nauðsynlegar
aðgerðir. Það er hins vegar ekki einfalt. Mörgum fyrirtækjum
tekst afar illa að fá starfsfólk til að vinna af heilindum og
eldmóði að framkvæmd verkefna sem styðja við þá stefnu og
framtíðarsýn sem mótuð hefur verið.
Auðvitað er nauðsynlegt að stefnan sé rétt og henti
viðkomandi fyrirtæki. Það sem skiptir sköpum er hins vegar
framkvæmdin. Árangur ræðst fyrst og fremst af því hversu vel
gengur að koma hlutum í verk. Það er ekki nóg að vita hvert á
að fara ef ferðaáætlun liggur ekki fyrir, farartækin eru biluð og
fararstjórinn ráðvilltur.
Hér á eftir verður fjallað um virðisstjórnun (e. Value Based
Management) sem er ein af mörgum þekktum aðferðum sem
miða að því að skerpa fókus fyrirtækja og hæfileika þeirra til að
koma hlutum í verk og ná árangri.
Almenn lykilatriði sem þarf að tryggja til að líklegt sé að
það takist að breyta stefnu í aðgerðir
• Forsendan er að stefnumótun fyrirtækis skapi skýra
sýn á framtíðina og skilgreini þær áherslur sem
fyrirtækið vill fylgja til að ná þeirri sýn
• Tryggja stuðning og samstöðu allra stjórnenda við
stefnumótunina og tengja innleiðingu hennar við
aðgerðir hvers og eins
• Byggja upp þverfaglega nálgun í aðgerðum þ.e. að
breytingar séu víðtækar og gangi þvert á fyrirtækið
• Stilla upp skýrum stefnumarkandi markmiðum með
mælanlegum áföngum og tilgreindum aðgerðum
• Tryggja að ábyrgð sé skýr og skilin af þeim sem hana
bera
• Sýna stefnufestu, leiðsögn, umboð til athafna og
handleiðslu
• Nota opin samskipti og upplýsingaflæði í öllu ferlinu
• Koma á nauðsynlegum stjórnunarháttum til að
tryggja eftirfylgni samkvæmt aðgerðaáætlun
• Skapa umhverfi sem einkennist af ábyrgðarkennd,
þátttöku og hreinskilni og hvetur til teymisvinnu
• Viðurkenna og umbuna fólki sem vinnur góða vinnu í
anda stefnunnar
við innleiðingu á stefnu fyrirtækja
17
Hvað er virðisstjórnun?
Virðisstjórnun er hugmynda- og aðferðafræði um rekstur
og stjórnun fyrirtækja. Virðisstjórnun metur árangur út frá
ávöxtun fjármagns og leggur höfuðáherslu á framfarir. Með
virðisstjórnun geta fyrirtæki skapað sér samkeppnisforskot sem
skilar hluthöfum, viðskiptavinum og starfsfólki meiri ávinningi
en almennt gerist. Lokamarkmiðið er að innan fyrirtækisins ríki
hugarfar sem einkennist af því að allir starfsmenn hugsi líkt og
þeir ættu fyrirtækið sjálfir.
Hluthafavirði og raunhagnaður
Þegar upp er staðið snýst rekstur flestra fyrirtækja um að skapa
virði fyrir hluthafa. Hluthafar ætlast til þess að fá hæfilega
ávöxtun fyrir það fjármagn sem þeir leggja fyrirtækjum í té. Sú
ávöxtun þarf að vera í takt við þá áhættu sem liggur í rekstrinum
og fer ávöxtunarkrafan hækkandi eftir því sem áhættan vex.
Frá sjónarhóli hluthafans myndast hluthafavirði með
tvennum hætti – með breytingu á verði hlutabréfa annars
vegar og arðgreiðslum hins vegar. Sé horft til langs tíma eru
hækkun hlutabréfaverðs og fengnar arðgreiðslur, settar í
samhengi við upphaflega fjárfestingu hluthafans, mjög góður
árangursmælikvarði. Þessir mælikvarðar eru hinsvegar ýmsum
annmörkum háðir þegar meta á rekstur fyrirtækja sem ekki
eru skráð á hlutabréfamarkaði eða þegar meta á árangur
einstakra rekstrareininga innan fyrirtækja. Þá er hægt að miða
við útreiknað markaðsvirði og er algengast að styðjast við
núvirðingu á því fjárflæði sem reksturinn skilar til framtíðar.
Svokallaður raunhagnaður (e. Economic Profit) er
lykilmælikvarði í virðisstjórnun. Rannsóknir hafa sýnt
að raunhagnaður er ágætur fjárhagsmælikvarði og að
skýrt samhengi er milli raunhagnaðar og hluthafavirðis.
Raunhagnaður getur í einfölduðu máli verið skilgreindur
sem rekstrarhagnaður (EBIT) að frádregnum sköttum og
fjármagnskostnaði, ekki bara af lánsfé heldur líka eiginfé. Sem
dæmi má nefna að ef stjórnendur hafa 100 milljónir til umráða
og meðalkostnaður fjármagns er 15% þá þarf fyrirtækið að
skila a.m.k. 15% arðsemi eða 15 milljóna rekstrarhagnaði til að
mynda raunhagnað.
Mikilvægt er að gera sér grein fyrir því að hluthafar gera
kröfur um ávöxtun ekki síður en lánveitendur. Ávöxtunarkrafa
hluthafa er eðlilega mun hærri en lánveitenda sem hafa yfirleitt
einhverjar tryggingar fyrir endurgreiðslu lánanna. Hluthafar
njóta engra slíkra trygginga og taka því mun meiri áhættu en
lánveitendur.
Ef fyrirtæki skilar raunhagnaði er það að skila arði til
eigenda sinna umfram það sem þeir gætu vænst fyrir álíka
áhættumikla fjárfestingu. Slíkt fyrirtæki eykur hluthafavirði
sitt og má segja að þá fyrst eigi sér stað raunveruleg
verðmætasköpun.
Þegar horft er til baka til tíma hins svokallaða góðæris
á Íslandi blasir við að eigendur margra af stærri fyrirtækjum
landsins byggðu áætlanir sínar um of á væntingum um stöðugt
vaxandi hagnað og góðu aðgengi að „ódýru“ erlendu lánsfé.
Það er nokkuð ljóst að margar af þeim fjárfestingum sem
ráðist var í á þessum tíma hefðu ekki staðist gagnrýna skoðun
byggða á sjónarmiðum virðisstjórnunar.
Virðisskapandi þættir
Hluthafavirði ræðst af mörgum virðisskapandi þáttum
sem má skipta í fjóra meginflokka. Þeir eru tekjuvöxtur,
hagnaðarhlutfall, fjármagnsnýting og væntingar. Ef við bætum
árangur í einum þessara þátta án þess að það komi niður á
einhverjum hinna þriggja hefur það bein áhrif á hluthafavirðið.
Ef við náum til dæmis að auka tekjur án þess að það
komi niður á hagnaðarhlutfalli, auki fjárbindingu eða skapi
aukna áhættu eða verri væntingar getum við verið viss um
að hluthafavirðið eykst í kjölfarið. Þessir virðisskapandi þættir
hafa auðvitað talsverð áhrif hver á annan en mikilvægt er að
skilja vel samspil þeirra. Hér á eftir er fjallað lauslega um hvern
þessara þátta.
Tekjuvöxtur
Tekjur myndast af sölu á vörum, þjónustu eða eignum. Vöxtur
tekna er lykilbreyta í rekstri og svo fremi sem vöxtur tekna er
ekki drifinn áfram af lakari álagningu eða of mikilli fjárbindingu
er vöxtur oftast einkenni heilbrigðra fyrirtækja og til marks um
að fyrirtæki mæti vel þörfum viðskiptavina.
Tvær megin leiðir eru til að auka tekjur - við getum aukið
magnið sem við seljum eða hækkað verðið. Áskorunin felst í
því að ná fram bestri mögulegri útkomu með samspili verðs og
magns gagnvart einstaka vörum og viðskiptavinum. Á sama
tíma verður að gæta þess að tekjuskapandi aðgerðir hafi ekki
neikvæð áhrif á virði, til dæmis með verri fjármagnsnýtingu eða
lægra hagnaðarhlutfalli.
Fyrirtæki leggja gjarnan í talsverðar fjárfestingar til að vaxa,
til dæmis með kaupum á öðrum fyrirtækjum eða einingum
ellegar með því að þróa nýjar vörur eða þjónustu. Slíkur vöxtur
er jákvæður, en aðeins ef fjárfestingin skilar nægri ávöxtun.
Viðskiptarit CapacentSTRAUMAR
Hagnaðarhlutfall
Hagnaðarhlutfallið er lykilmælikvarði fyrir sérhvern rekstur því
ef rekstrartekjur duga ekki fyrir þeim kostnaði sem hlýst af
því að afla teknanna er ástandið ekki gott. Rekstrarkostnað
má flokka með ýmsum hætti en hjá þjónustufyrirtækjum
er launa- og starfsmannakostnaður yfirleitt langstærsti
kostnaðarliðurinn. Hjá fyrirtækjum sem stunda vörusölu er
vörunotkun eða kostnaðarverð seldra vara oftar en ekki stærsti
kostnaðarliðurinn og er ólíkur öðrum kostnaði að því leyti að
kostnaðurinn eykst í beinu hlutfalli við selt magn.
Fjármagnsnýting
Fjármagnsnýting vísar til þeirra fjármuna sem bundnir eru
í rekstrinum og eru þeir settir í samhengi við tekjurnar og
skoðað hversu vel fjármagnið er nýtt til tekjuöflunar og
verðmætasköpunar. Þeir fjármunir sem algengt er að bundnir
séu í rekstrinum eru birgðir, viðskiptakröfur, fasteignir og aðrar
eignir sem nauðsynlegar eru til að afla tekna. Frá þessu dragast
svo viðskiptaskuldir, ógreiddur kostnaður og önnur „ókeypis“
lán.
Ef tvö fyrirtæki skila sambærilegum tekjum og
rekstrarhagnaði ár eftir ár en hafa ólíka fjármagnsuppbyggingu,
skilar það fyrirtækinu sem notar minna fjármagn meira
hluthafavirði.
Æskilegt er að fjárbinding fyrirtækja sé ekki óþarflega mikil
því hana þarf að fjármagna, venjulega með eiginfé og lánsfé
sem hvorugt fæst ókeypis.
Væntingar
Væntingar um framtíðina hafa mikil áhrif á hluthafavirði því
verðmæti fyrirtækis byggir fyrst og fremst á þeim tekjum og
hagnaði sem það skilar í framtíðinni. Þegar verðmæti fyrirtækja
er reiknað er algengt að miða við núvirðingu á framtíðar
fjárflæði. Við núvirðinguna er stuðst við prósentutölu sem
kallast ávöxtunarkrafa.
Fjárfestar og lánveitendur gera kröfur um ávöxtun þess
fjármagns sem þeir leggja fyrirtækjum til. Ef rekstur fyrirtækis
er traustur og framtíðin björt þá ætti það að þýða lægri
ávöxtunarkröfu sem hefur jákvæð áhrif á hluthafavirði. Hið
gagnstæða gildir um neikvæðar horfur og óvissu í rekstri – það
kallar á hærri ávöxtunarkröfu og þar með lægra hluthafavirði.
Væntingar ráðast af ýmsum þáttum sem eru bæði
innan og utan áhrifavalds stjórnenda fyrirtækja. Hagsveiflur,
markaðsvextir og almenn viðhorf til fjárfestingar í fyrirtækjum
eru allt þættir sem erfitt er að hafa áhrif á. Hinsvegar geta
stjórnendur haft jákvæð áhrif á viðhorf fjárfesta með traustum
rekstri og góðri upplýsingagjöf sem ætti að skila sér í lægri
kröfu hluthafa um ávöxtun og hagstæðari vaxtakjör hjá
lánveitendum.
Virðistré
Virðistré eru góð verkfæri til að kortleggja fjárhagslega
árangursmælikvarða fyrirtækis eða einstakra rekstrareininga
innan þess og tengingu þeirra við rekstrarlegar forsendur.
Virðistréð sýnir á myndrænan hátt hvernig raunhagnaður
myndast og með breytingum á forsendum er hægt að sjá áhrif
á raunhagnað.
Á myndinni hér á næstu síðu er virðistré fyrir fyrirtæki sem
selur vörur og þjónustu. Fyrirtækið veltir um 1,6 milljörðum og
bundið fé er einn milljarður. Þar sjást samanlögð áhrif þess ef
fjárbinding í birgðum og viðskiptakröfum lækkar um 10 daga,
söluverð vara eykst um 1% og selt magn minnkar um 3%.
Áhrif þessara breytinga á ársgrundvelli væru í þessu tilfelli mjög
jákvæð – ávöxtun fjármagns hækkar úr 16,9% í 19,1% og
raunhagnaður breytist úr mínus 11 milljónum í 9 milljónir í plús.
Auk þess myndu þessar breytingar minnka fjárbindingu um
104 milljónir – peningar sem hægt væri að nota til arðbærra
fjárfestinga, til að greiða hluthöfum arð eða borga niður lán.
Virðistré hafa nýst mjög vel við að skýra fyrir starfsfólki
samhengið milli einstakra aðgerða og fjárhagslegs árangurs
heildarinnar. Yfirleitt eru virðistrén notuð í tengslum við
áætlanagerð og þá til að prófa mismunandi sviðsmyndir
samanber dæmið hér að framan. Lykilatriðið er að starfsfólk sé
meðvitað um tilgang aðgerða og sjái þetta samhengi og þar
með mikilvægi þess að reyna að láta þær ganga upp.
Hvernig aukum við hluthafavirði?
Eins og virðistréð sýnir svo skilmerkilega höfum við í raun
óendanlega margar leiðir til að auka hluthafavirði en þær má
allar greina í þrjá meginflokka. Hægt er að:
• Auka hagkvæmni og skilvirkni viðskiptaferla
• Auka framleiðni fjármagns
• Styrkja og þróa hæfni fyrirtækisins
Þessi þrjú markmið segja okkur hverju æskilegt er að
ná fram og bæta. Leiðirnar að þessum markmiðum snúast
annarsvegar um að breyta því sem við gerum, þ.e. að móta
Virðisstjórnun | Ingvi Þór Elliðason
nýja stefnu og gera eitthvað nýtt t.d. að þróa nýjar vörur eða
þjónustu fyrir núverandi viðskiptavini eða sækja á ný mið.
Hins vegar snýst málið um að gera það sem við gerum
enn betur, t.d. með því að bæta verkferla og auka afköst með
nýjum vinnuaðferðum eða tækni. Hér snýst málið um að nýta
hugvit, verkferla og upplýsingatækni til að bæta árangur, allt
frá öflugra sölu- og markaðsstarfi sem skilar meiri tekjum og
framlegð til sparnaðar og betri nýtingar á fjármagni.
Það er langtíma verkefni að reka fyrirtæki og stöðugt koma
upp nýjar áskoranir sem breyta bæði leikreglum og forsendum.
Lykilatriðið er að starfsmenn hafi skilning á mikilvægi þess
að gera stöðugt betur og hafi bæði metnað til að auka
hluthafavirði og vitneskju um helstu leiðir að því markmiði.
Árangursmælikvarðar og viðmið
Þær mælingar sem lagðar eru til grundvallar fyrir mat á árangri
skipta meginmáli og geta rangir árangursmælikvarðar leitt til
óæskilegra ákvarðana og aðgerða. Á sama hátt er líklegt að
vel ígrundaðar mælingar og markmið leiði til betri ákvarðana til
hagsbóta fyrir fyrirtækið og eigendur þess.
Við val á mælikvörðum er mikilvægt að hafa eftirfarandi
atriði til viðmiðunar:
• að mælingar styðji við markaða stefnu fyrirtækisins
• að tekið sé tillit til fjármagnsnotkunar samhliða
rekstrarafkomu
• að mælingar séu til lengri tíma litið góð vísbending um
vænta afkomu hluthafa
• að áhrif utanaðkomandi þátta hafi ekki afgerandi áhrif á
niðurstöður
• að stjórnendur sjái samhengi á milli einstakra lykilstærða í
rekstrinum og niðurstöðu mælinga
• að ekki sé auðvelt að “hagræða” niðurstöðum, t.d. með
flutningi í tíma o.fl.
• að mælingar séu eins einfaldar og auðskiljanlegar og
frekast er kostur
Í virðisstjórnun er raunhagnaður yfirleitt notaður sem
lykilmælikvarði og er mikilvægt að tengsl annarra mælikvarða
við stefnu og áhrif þeirra á raunhagnað séu skýr.
100,0%Betra 1.630 1.568 FORSENDUR áætl. breyt.
3 Verra 1.598 vörusala Umfang vörusölu 100% 97%EBITDA 15,6% rekstrartekjur 30 Söluverð vara 100% 101%
21 246 aðrar tekjur Aðrar tekjur 100% 100%raunhagnaður 250 -84,4% Innkaupsverð söluvara 70,0% 70,0%
104 12,2% EBITDA - 1.384 - 1.086 Kostnaður við vörustjórnun 100% 100%peningar 191 - 1.348 innkaupsverð Rýrnun 3,0% 3,0%
131 195 -3,4% rekstrarkostn. - 1.153 - 34 Launakostnaður 100% 100%framtíðarvirði 10% EBIT - 55 KSV vörustjórnun Skrifstofukostnaður 100% 100%
154 - 55 - 65 - 33 Annar beinn kostnaður 100% 100%157 afskriftir launakostnaður rýrnun Afskriftir 100% 100%
HeSfV - 37 - 60 Viðskiptakröfur 60 d 50 d- 38 skrifstofukostn. Birgðir 120 d 110 d
0,6% skattar - 70 Handbært fé 100% 100%- 11 annar kostn. Viðskiptaskuldir 30 d 30 d
9 272 ## Aðrar skammtímaskuldir 100% 100%raunhagnaður viðsk.kröfur Varanlegir rekstrarfjármunir 100% 100%
-10,2% 347 ## Aðrir fastafjármunir 100% 100%- 181 734 birgðir Viðskiptavild 100% 100%
16,9% - 162 1.004 630 10 Vaxtatekjur 100% 100%19,1% fjm.kostn. 902 904 604 veltufé handb.fé Framtíðarvöxtur 2,0% 2,0%
ávöxtun fjármagn 802 502 Ávöxtunarkrafa 18,0% 18,0%15 fjárm. án vv. nettó v.fé - 131 - 98 ##15 18,0% - 128 viðskiptaskuldir
vxt.tekjur 18,0% 300 skt.skuldir - 30ávöxtunar- 100 300 aðrar skammt.sk.
krafa 100 fastafjárm. 250viðsk.vild varanl.rekstrfjm
50aðrir fastafjm
18%
Breytingar:
Mynd 1 - Virðistré fyrirtækis sem stundar vörusölu
Viðskiptarit CapacentSTRAUMAR
Lykilatriði til árangurs í virðisstjórnun
» Stuðningur yfirstjórnar þarf að vera til staðar og
vera sýnilegur – ef virðisstjórnun er “gæluverkefni”
einstakra stjórnenda (t.d. fjármáladeildar) og nær
aldrei út í fyrirtækið verður árangurinn ekki skv.
væntingum
» Ekki má vanmeta mikilvægi þess að veita
starfsmönnum tækifæri til að tileinka sér grunnatriði
virðisstjórnunar – markviss þjálfun starfsmanna er
nauðsynleg
» Skilgreining árangursmælikvarða má ekki verða
of flókin og mælikvarðar verða að taka mið af
aðstæðum á hverjum stað og þeim markmiðum sem
stefnt er að
» Stórhætta getur falist í hvatakerfum sem ekki hafa
virðisaukningu að leiðarljósi – hér leynast margar
hættur
» Fókusinn þarf að vera á betri ákvarðanir allra
starfsmanna – ekki bara stjórnenda
» Tryggja þarf að áætlanagerð og uppgjör styðji við
virðisstjórnun – til dæmis að gerð sé áætlun um
fjárbindingu, raunhagnað og lykilbreytur í rekstri
» Stjórnendaupplýsingar verða að vera fullnægjandi
– ef áberandi skortur er á skýrslum og endurgjöf
minnkar áhugi manna
» Sjá þarf til þess að ákvörðunum varðandi útdeilingu
fjármagns og starfskrafta sé forgangsraðað byggt á
virði
Ingvi er iðnaðartæknifræðingur að mennt og hefur 15 ára reynslu af ráðgjöf
á ýmsum sviðum. Ingvi varð partner hjá KPMG árið 1999 og síðar hjá KPMG
Ráðgjöf. Hann var framkvæmdastjóri Capacent Ráðgjafar frá janúar 2007 og tók
við sem forstjóri Capacent á Íslandi í nóvember 2008. Hann hefur sinnt ráðgjöf og
stýrt verkefnum á ýmsum sviðum fyrir mörg af stærstu fyrirtækjum landsins.
Innleiðing á virðisstjórnun
Innleiðing á virðisstjórnun er tímafrek og getur verið flókin.
Mikilvægt er að muna að markmiðið er að virkja fólk til góðra
verka en ekki að setja upp dýr og flókin kerfi. Eftirfarandi skref
er ágætt að hafa til hliðsjónar við innleiðingu virðisstjórnunar.
Fyrsta skrefið er virðismat reksturs. Byrjað er á því að greina
virðismyndun fyrirtækisins og einstakra eininga innan þess,
hvort sem um er að ræða afkomu vöruflokka, viðskiptavina eða
rekstrareininga. Við slíka skoðun kemur yfirleitt í ljós að sumar
einingar skila raunhagnaði en aðrar alls ekki. Í þessu skrefi er
rekstrinum skipt í afkomueiningar og stoðeiningar og lögð drög
að smíði virðistrjáa sem draga fram lykilárangursþætti.
Í öðru skrefi eru borin nánari kennsl á virðisskapandi þætti.
Virðistré eru notuð til að upplýsa starfsmenn um þá fjármála-
og rekstrarþætti innan fyrirtækisins sem skapa raunveruleg
verðmæti. Þarna eru mótuð markmið og skilgreindir
mælikvarðar árangurs.
Þriðja skrefið snýst svo um samræmingu á stefnu, kerfum
og verkferlum. Hér þarf m.a. að huga að því að lykilferli svo
sem áætlanagerð, skipting auðlinda, mat á fjárfestingum og
fjárhagsuppgjör styðji við verðmætasköpun.
Í fjórða skrefi er lögð áhersla á að tryggja að
árangurshvetjandi launakerfi séu til staðar og að þau styðji
við rétta hegðun. Það er alltof algengt að árangurstengd
launakerfi vinni hreinlega gegn hagsmunum fyrirtækjanna
sem þau eiga að þjóna. Skýrt dæmi um slíkar afleiðingar er allt
of mikil áhættusækni fjármálafyrirtækja á árunum fyrir hrun
fjármálageirans 2008.
Fimmta skrefið fókuserar svo á upplýsingagjöf, bæði
innanhúss og útávið. Upplýsingar til starfsmanna verða
að mæta kröfum þeirra og taka mið af verðmætasköpun.
Upplýsingar eru því miður of oft takmarkaðar við fjárhagslegan
fortíðar árangur í stað þess að áhersla sé lögð á þá lykilþætti
í innra og ytra umhverfi fyrirtækisins sem mestu máli skipta
m.t.t. stefnu og markmiða.
Sé þessum skref fylgt eru miklar líkur á að innleiðingin verði
ekki sá grafreitur stefnumótunar sem nefndur var í upphafi
heldur skref í átt að skilvirkari og arðbærari rekstri.
21
Í byrjun ársins 2007 sá fyrir endann á langvinnu
stefnumótunarstarfi hjá Icelandair Cargo og töldu
forsvarsmenn félagsins ljóst að þeir stæðu frammi fyrir
tveimur meginkostum. Annað hvort að ráðast í stórfellda
fjárfestingu á stórum flutningavélum eða eiga á hættu að verða
undir í samkeppninni. Fyrri kosturinn var valinn.
Flugframboð félagsins hafði verið aukið umtalsvert á
árunum 2005 til 2007, bæði í áætlunarflugi til/frá Íslandi og í
leiguflugi erlendis. Félagið sem hafði yfir tveimur Boeing 757
fraktvélum að ráða árið 2004 var komið með fimm Boeing
757 vélar í rekstur á árinu 2007 og flugstundir félagsins jukust
um 21% milli áranna 2005 og 2007. Félagið var rekið með
verulegu tapi árið 2007 og fyrirséð var enn meira tap árið 2008
og framtíð félagsins tvísýn.
Stefna félagsins varð að byggja á rekstri sem var 80% utan
Íslands, með flug yfir N-Atlantshafið og áfram til Asíu. Byggja
átti upp tvo megin „hubba“ eða tengistöðvar í Keflavik og í
Liege í Belgíu og byggja upp markaðssókn sem byggði á því að
verða „alvöru player“ á erlendum mörkuðum.
Icelandair Cargo festi í kjölfarið kaup á fjórum nýjum
Airbus 330-200 breiðþotum sem áttu að notast í stórfelldri
markaðssókn í samræmi við áætlanir fyrirtækisins um að verða
leiðandi aðili í fraktflugi á heimsvísu.
Fallið frá fjárfestingu
Þær áætlanir urðu hins vegar aldrei að veruleika. Þegar upp
var staðið ákvað stjórn móðurfélagsins, Icelandair Group, að
ekki væru forsendur til staðar fyrir þetta viðamikilli fjárfestingu.
Stjórnin ákvað á síðustu stundu, vorið 2008, að falla frá
kaupum á Airbus-þotunum þrátt fyrir að félagið yrði þar með
að taka á sig verulegar sektargreiðslur til að komast frá gerðum
samningum.
Þessi ákvörðun kann að hafa bjargað Icelandair Group í
heild. Um var að ræða eina stærstu fjárfestingu sem Icelandair
Group hafði nokkru sinni tekist á við í rúmlega 70 ára sögu
félagsins og því ljóst að skrefið yrði ekki stigið án umtalverðrar
fjármögnunar á verkefninu.
Fjárfestingin við vélarnar fjórar var metin 450 m USD.
Aftur til upprunans Örlagastund hjá Icelandair Cargo 2008
Á augabragði breyttust allar forsendur í rekstri og stefnumótun Icelandair Cargo. Félagið
sem hafði stefnt á stórfellda fjárfestingu og útþenslu réri skyndilega lífróður og sagði upp
þriðjungi starfsmanna. Nýir stjórnendur tóku ákvörðun um að hverfa frá útrás og leggja
alla áherslu á að þjóna íslenska markaðinum. Stefnumótunarráðgjafarnir frá Capacent
sem höfðu verið ráðnir til að taka þátt í mótun stefnu félagsins til næstu ára urðu þess í
stað að horfa til næstu daga og vikna.
Viðskiptarit CapacentSTRAUMAR
Áætlað var að ársvelta félagsins sem var tæpir 7 milljarðar
ISK á þessum tíma mundi meira en þrefaldast og var ársvelta
áætluð um 23 milljarðar ISK eftir að vélarnar fjórar væru
komnar í rekstur. Ljóst var að þessar tekjur kæmu aldrei af
núverandi markaði og því hugðist félagið ráðast í markaðsókn
á nýjum mörkuðum í Asíu, Mið-Austurlöndum og N-Ameríku.
Viðskiptaáætlun félagsins gerði þannig ráð fyrir að flutningar
félagsins yrðu í framtíðinni eins og áður sagði 80% utan Íslands
á nýjum mörkuðum.
Um haustið hrundi íslenska fjármálakerfið og Icelandair
Group líkt og önnur íslensk fyrirtæki sigldi inn í tímabil óvissu
og ljóst að fjármögnun á verkefninu hefði verið vonlaus og að
það hefði getað reynst félaginu í heild dýrkeypt ef ekki hefði
verið fallið frá því.
Breytingar á rekstrinum
Nokkrar væringar höfðu verið innan Icelandair
á fyrri hluta ársins 2008. Forstjóraskipti urðu
hjá Icelandair og Icelandair Group um miðjan
janúar 2008 og í framhaldinu voru gerðar
breytingar á yfirstjórn flestra dótturfélaga
Icelandair. Þar á meðal var ákveðið að
Gunnar Már Sigurfinnsson tæki við starfi
framkvæmdastjóra Icelandair Cargo í maí
2008.
Gunnar Már hafði starfað lengi hjá Icelandair, verið markaðs
og sölustjóri innanlandsflugsins, verið yfir Mið-Evrópu skrifstofu
félagsins í Frankfurt árum saman og framkvæmdastjóri sölu- og
markaðssviðs Icelandair í þrjú ár. Hann gjörþekkti farþegaflugið
en hafði hins vegar ekki starfað við vöruflutninga áður.
Um það leyti sem Gunnar Már tekur við sem
framkvæmdastjóri Icelandair Cargo fer að verða ljóst hvert
stefnir í íslensku efnahagslífi, þó enginn hafi gert sér á þeim
tíma grein fyrir þeim ósköpum sem síðar dundu yfir. Krónan
veikist hratt og bankarnir voru komnir í alvarlega kreppu sem
endaði með algjöru bankahruni.
Eftir að hafa farið yfir sviðið tekur hinn nýji
framkvæmdastjóri ákvörðun um að draga úr starfsemi félagsins
á N-Atlantshafinu. Félagið hafði sett sér það
að markmiði að verða einn af lykilleikendum á
þeim markaði og tóku umsvif m.a. mið af því.
Til dæmis hafði verið gerður samningur við
hraðflutningafyrirtækið TNT um að Icelandair
Cargo tæki að sér umtalsverða flutninga á milli
Evrópu og N-Ameríku fyrir hönd TNT.
Eftir að hafa farið yfir stöðuna taldi Gunnar
Már hins vegar ljóst að erfitt var að réttlæta þá
stefnu félagsins á N-Atlantshafinu sem var við
lýði í ársbyrjun 2008. Strax var farið í að taka út
flug á milli Svíþjóðar og Bandaríkjanna þar sem
Aftur til upprunans
Gunnar Már Sigurfinnsson
23
augljóst var að þeir flutningar stóðu engan veginn undir sér.
Einnig var ljóst að flutningar fyrir TNT á N-Atlantshafinu voru
ekki að standa undir sér á þeim verðum sem fengust fyrir þá,
sérstaklega ekki eftir að innflutningur á vörum til Íslands dróst
verulega saman. Á sama tíma hækkaði flugkostnaður verulega.
„Að mínum dómi var lykilatriði í því óvissuástandi sem var
framundan að félagið næði að búa til sveigjanlegri flugáætlun.
Félagið var bundið í báða skó með flutninga á hafinu sem
kostuðu mikið og var u.þ.b. 20.000 USD tap á hverri ferð sem
flogin var fyrir TNT, en þær voru 5 í viku. Forsenda þess að
lifa af var að búa til sveigjanleika þar sem hægt væri að draga
úr framboði og auka með
skömmum fyrirvara til að mæta
sveiflum sem fyrirséð var að
væru á mörkuðum Icelandair
Cargo. Í ljósi aðstæðna fórum
við að vinna í því að hætta
við inntöku á sjöttu B757
frakt vélinni, sem nota átti
við uppbyggingu á flugi milli
N-Ameríku og Skandinavíu.
Ráðist var í að komast út úr
þeim föstu samningum sem
kölluðu á mikið Ameríkuflug.
Afleiðingin var fækkun ferða til Bandaríkjana úr 6 í 2 á viku
og sameining fluga til Bretlands og meginlands Evrópu. Við
breytingarnar hættu allir yfirstjórnendur félagsins að einum
undanskildum og sá ég strax að í fyrirtækinu voru ungir og
mjög efnilegir starfsmenn sem biðu eftir tækifæri til að láta ljós
sitt skína. Þeir fylltu skörð þeirra sem fóru með miklum sóma.
Fækkun starfsmanna um þriðjung var gífurlega sársaukafull
aðgerð en engu að síður lykillinn að því að hefja nýtt líf fyrir
Icelandair Cargo“ segir Gunnar Már.
Icelandair Cargo hafði í ársbyrjun 2008, skömmu áður
en breytingarnar áttu sér stað, leitað til Capacent til að fá
ráðgjafa til að vinna með Icelandair Cargo í nýrri stefnumótun
og mannauðsmálum. Ása Karín Bjarnadóttir og Friðfinnur
Hermannsson tóku verkefnið að sér. Þau höfðu átt einn
fund með fyrverandi stjórnendum Icelandair Cargo sem leitt
höfðu útrásar stefnu fyrirtækisins, en hún byggðist á útrás og
stækkun flugflotans. Möguleikarnir á íslenska markaðnum voru
taldir tæmdir.
Allt breyttist hins vegar á milli funda. Skyndilega var ljóst
að mikil óvissa ríkti um framtíð Icelandair Cargo og verulegar
blikur á lofti. Sú útrás sem félagið hafði unnið að af miklu kappi
reyndist ekki raunhæf þegar upp var staðið. Reksturinn hafði
ekki gengið vel árið 2007 og útlit fyrir mikil vandamál í rekstri
félagsins árið 2008. Stjórnendur Icelandair Group hugleiddu
jafnvel í fyllstu alvöru að hætta starfsemi Icelandair Cargo og
leggja félagið niður.
Félagið var rekið með miklu tapi árið 2008, eða um 800
mISK. Rekstarhorfur fyrir árið 2009 voru ekki glæsilegar, þar
sem innflutningur var hruninn og íslenskt efnahagslíf í djúpri
kreppu. Það var því ósköp eðlilegt að hugsa um það hvort
félagið ætti sér framtíð.
Friðfinnur og Ása Karín
höfðu pata af því áður en þau
fóru á næsta fund með Cargo
að mikil óvissa væri um framtíð
félagsins. Ekki nóg með að
þær forsendur sem lagt hafði
verið upp með í byrjun væru
ekki lengur til staðar og nýir
stjórnendur teknir við félaginu.
Það var jafnvel óvíst hvort
félagið myndi lifa umrótið af.
Þau segja að strax
hafi komið í ljós að nýja
stjórnendateymið hjá Cargo væri geysisterkt. Gunnar Már
hafði ákveðið að byggja upp nýtt teymi sem byggðist
á starfsmönnum sem höfðu verið aðstoðarmenn þeirra
stjórnenda sem fóru. Hlutverkum var skipt upp á nýtt og
ábyrgð útdeilt eftir styrkleika hvers og eins, en ekki horft til
skipurits sem hafði verið í gildi áður. Í kjölfarið var mótað nýtt
skipurit þar sem hver og einn fékk úthlutað hlutverk eftir sínum
styrk.
Nýja stjórnendateymið samanstóð af fimm manna
framkvæmdastjórn mjög ólíkra einstaklinga, sem engu að síður
náði afskaplega vel saman. Lögð var áhersla á að menn sætu
ekki á skoðunum sínum og stundum gekk mikið á. Hins vegar
var traustið manna á milli mjög mikið og trúnaður alger.
Fyrsti greiningarfundurinn – bankakerfið hrynur
Það átti hins vegar mikið eftir að ganga á. Friðfinnur og Ása
Karín héldu fyrsta greiningarfundinn með 22 lykilstarfsmönnum
á Hótel Heklu í lok september 2008. Þegar þau eru að keyra
fram hjá Hveragerði á leiðinni á fundinn berast fréttir af því að
ríkið hafi tekið yfir starfsemi Glitnis.
Viðskiptarit CapacentSTRAUMAR
„Það má segja að frá því að við komum inn í verkefnið
fyrst og þangað til að við mætum á fyrsta greiningarfundinn
eigi sér stað 180 gráðu viðsnúningur í öllu er lýtur að stefnu
fyrirtækisins. Það var líka veruleg ólga í gangi. Stjórnendur
voru tættir og starfsmenn hræddir. Í stað þess að við færum
á fund til að horfa til næstu þriggja til fimm ára stóðum við
frammi fyrir því að við gætum ekki horft meira en nokkra
daga fram í tímann. Það var ljóst að ekki myndi nægja að
virkja einungis stjórnendur. Það yrðu allir að vera þátttakendur
í ferlinu og það yrðu að koma verkefni sem gengju þvert á
fyrirtækið. Á fundinum á Hótel Heklu náði hópurinn að þjappa
sér ótrúlega vel saman. Menn fóru yfir gildin og gerðu með
sér gildasamning og til urðu 122 úrbótatillögur á fjölmörgum
sviðum. Þetta var síðan allt flokkað samkvæmt ákveðinni
aðferðarfræði og við skoðuðum hvar á lífskúrvunni Icelandair
Cargo væri staðsett,“ segir Ása Karín.
Þau 122 úrbótaverkefni sem voru mótuð á Hótel Heklu
voru tekin föstum tökum og þegar staðan var gerð upp nokkru
seinna kom í ljós að 121 verkefni var lokið eða höfðu verið leyst
með öðrum hætti.
Byggja upp liðsheild – Standa saman í gegnum erfiðleika
„Þetta voru nánast allt „hands-on“ verkefni sem varð að leysa
hér og nú og gerðu sitt til að byggja upp liðsheildina og hjálpa
henni að standa saman í gegnum erfðileikana,“ segir Ása
Karín.
Stjórnendur Icelandair Cargo gengu sömuleiðis hreint til
verks við að taka á rekstrarvandanum og greinilegur árangur
kom strax í ljós.
Rekstrarafkoma ársins 2008 var erfið eins og fyrirséð
var af mörgum ástæðum. Ástæður voru einkum algert
hrun í innflutningi sem hafði verið aðal tekjulind félagsins.
Innflutningur dróst saman um 60% þegar verst var og mikill
samdráttur var á N-Atlantshafsflutningum í fluginu.
Það sem reyndist félaginu hins vegar þungbærast voru
leigusamningar sem gerðir höfðu verið um flugflota félagsins.
Þurfti Icelandair Cargo að taka á sig töluverðan kostnað til að
mæta fyrirséðum kostnaði við skilum á flugvélum til leigusala
flugflotans.
Það kom hinsvegar strax í ljós að sú ákvörðun að skera
niður starfsemi og setja fókusinn á kjarnastarfsemina, sem er
flutningar til og frá Íslandi, skilaði sér vel og menn sáu að það
var ljós í myrkrinu þegar horft var til reglulegrar starfsemi, sem
var á batavegi þrátt fyrir allt.
Fókusbreyting jók sjálfstraust
„Lykilatriði í þeirra stefnumótun var að setja fókusinn á Ísland.
Menn fóru aftur að gera sér grein fyrir hversu mikilvægu
hlutverki Icelandair Cargo gegndi í íslensku atvinnulífi. Þessi
fókusbreyting hafði mikil áhrif á sjálfstraust manna innan
fyrirtækisins og efldi þá til dáða. Fæstir starfsmenn Icelandair
Cargo voru virkir þátttakendur í útrásinni og þeir fengu lítið að
vita um ástæður og hlutverk sitt í henni og framtíð félagsins.
Starfsmenn voru því óöruggir og illa upplýstir um sitt hlutverk.
Við lögðum áherslu á að hlúa að starfsmönnum sem eftir voru
og hafa þá upplýsta um starfsemi félagsins og árangur.
Að auki tóku menn djarfar ákvarðanir á borð við þær
að hækka gjaldskránna í útflutningi um 30% þrátt fyrir að
vera í harðri samkeppni. Jafnframt var ráðist í að segja upp
samningum við hraðflutningafyrirtækið TNT á N-Atlantshafinu
sem hafði þær afleiðingar að framboð félagsins dróst saman
um rúmlega 40%,“ segir Gunnar Már.
Áhersla á hagkvæmari rekstur en ekki stærð
Þau Ása Karín og Friðfinnur hafa unnið náið áfram með
stjórnendum Icelandair Cargo og í janúar 2010 tóku þau ásamt
Hinrik Sigurði Jóhannessyni, framkvæmdastjórn félagsins í
persónuleikagreiningu og voru styrkleikar og veikleikar hópsins
greindir. Tekin hafa verið starfmannaviðtöl og starfsmenn unnið
að því að setja markmið.
„Þetta er eins og lið sem var komið í fallsætið en nær að
snúa hlutum til betri vegar. Það sem réði úrslitum að okkar
mati var að menn fóru að fókusera á kjarnastarfsemina á
nýjan leik. Flutninga til og frá Íslandi og rækta sambandið
við íslenska viðskiptamenn. Þá fóru menn að leggja áherslu á
hagkvæmari rekstur en ekki bara stærð og lögð var áhersla á
aukinn sveigjanleika. Menn höfðu hugrekki til að hætta hlutum
sem ekki voru að ganga, t.d. í tengslum við hraðflutningana,
og taka nauðsynlegar en mjög sársaukafullar ákvarðanir í
Friðfinnur og Ása Karín
Aftur til upprunans
25
starfsmannamálum. Jafnframt var lögð áhersla á að hlúa að
þeim starfsmönnum sem eftir voru, láta þá finna til sín sem
mikilvæga hlekki í starfsemi félagsins,“ segir Friðfinnur.
Hann segir fundinn hafa skipt miklu máli. „Það sem
gerist á svona fundum er ekki bara það sem menn ákveða
og setja niður á blað. Mikilvægasta málið er í raun að stilla
hópinn saman. Það hversu vel hópnum tókst að samstilla sig
á Hótel Heklu og hversu skuldbundinn hann var því að fylgja
ákvörðunum eftir skipti miklu máli. Það má segja að það sem
gerir þetta sérstakt er að allir lykilstjórnendur félagsins ganga
út á sama tíma og tekur við ungt og reynslulítið teymi. Það
koma hinsvegar allir opnir og einlægir að verkefninu og tilbúnir
að leggja allt undir í því að það takist. Menn fengu frelsi
og traust til að takast á við verkefnið, skiptast á skoðunum
og stuðning í að takast á við það sem þeir kunnu. Það kom
síðan í ljós að þetta nýja teymi var mjög öflugt og hafði mikla
reynslu í faginu og það sem við lögðum af mörkum var að
hjálpa til við að draga fram það besta í þeim og hvetja þau
áfram í gríðarlega erfiðu verkefni sem snérist um líf og dauða
Icelandair Cargo.“
„Þó mikið hafi áunnist í breytingum eru enn miklar
væringar í rekstrarumhverfi Icelandair Cargo. Íslenska hagkerfið
er enn í sárum og ekki sér fyrir endann á því ástandi, sem og
markaðir erlendis sem hafa verið mjög erfiðir þó aðeins hafi birt
til þar nú. Innflutningsmarkaður er enn mjög veikur og er enn
langt frá því sem hann var á árunum 2007 og 2008. Reksturinn
er vissulega á réttri leið og allt stefnir í hagnað á árinu 2010
í fyrsta skipti síðustu 4 árin. Það er ljóst að sá árangur hefði
aldrei náðst nema með þeim breytingum sem gerðar hafa verið
á rekstrinum. Þar er lögð áhersla á markaðinn til og frá Íslandi
og það að byggja upp sveigjanleika í rekstrinum sem gerir
kleift að mæta breytingum í eftirspurn hverju sinni. Starfsmenn
félagsins eru mjög meðvitaðir um hætturnar sem leynast í
hverju horni, en líka um tækifæri framtíðarinnar sem eru ekki
síður mörg og hægt er að takast vel á við með samheldnum
hópi starfsmanna hjá Icelandair Cargo,“ segir Gunnar Már.
Myndir: Icelandair Cargo
Viðskiptarit CapacentSTRAUMAR
Viðsnúningur rekstrarsnýst um fleira en fjárhagslega endurskipulagningu
Sigurður Hjalti Kristjánsson
Mörg íslensk fyrirtæki glíma við rekstrarvanda
um þessar mundir. Samkvæmt nýrri rannsókn
Capacent um stöðu fyrirtækja og viðhorf
til efnahagsástandsins telur fimmti hver stjórnandi í
einkageiranum miklar líkur á að þeirra fyrirtæki þurfi að
ganga gegnum fjárhagslega endurskipulagningu með
aðkomu viðskiptabanka og/eða lánardrottna á næstu 12
mánuðum. Ný skýrsla Alþjóðagjaldeyrissjóðsins bendir á að
40% heildarfjárhæðar lána viðskiptabankanna til fyrirtækja
séu í vanskilum eða líkleg til að lenda í vanskilum. Á þessu
er engin einhlít skýring. Rekja má slæma stöðu fyrirtækja til
ýmissa orsaka, svo sem of mikilla skulda, verri rekstrarforsendna
eftir fall íslensku bankanna og krónunnar árið 2008, slakrar
stjórnunar eða harðrar samkeppni. Hver svo sem orsökin er
þurfa aðstandendur fyrirtækjanna að takast á við þann rekstrar-
og skuldavanda sem að þeim steðjar. Í mörgum tilfellum reynist
fjárhagsleg endurskipulagning nauðsynleg, en er sjaldnast
nægjanleg án annarra aðgerða, ef ætlunin er að ná fram
viðvarandi rekstrarbata.
Verklag við úrlausn viðsnúningsverkefna
Þegar talið er mögulegt að forðast rekstrarstöðvun eða gjaldþrot
er mikilvægt að ganga skipulega til verks. Verklag það sem hér
er fjallað um byggir á rannsóknum og aðferðum Stuart Slatter
sérfræðings í viðsnúningi fyrirtækja og David Lovett löggilts
endurskoðanda í Bretlandi. Slatter var um árabil prófessor við
London Business School en rekur nú eigið fyrirtæki og Lovett er
framkvæmdastjóri hjá AlixPartners.
Stöðumat
Í upphafi er nauðsynlegt að fara gaumgæfilega yfir hvort fyrirtækið
eigi raunhæfan möguleika á áframhaldandi rekstri. Staðan getur
verið misalvarleg, allt frá því að stjórnendur sjái merki um hnignun,
t.d. taprekstur um skeið, yfir í að fyrirtækið sé orðið ógjaldfært þar
sem það getur ekki staðið við gjaldfallnar skuldbindingar eða eigið
fé þess er neikvætt. Stjórn og stjórnendur fyrirtækis í alvarlegri
stöðu þurfa að sjálfsögðu að meta hvort gefa eigi fyrirtækið upp
til gjaldþrotaskipta í stað þess að reyna að ná fram viðsnúningi
samhliða fjárhagslegri endurskipulagningu.
27
Um leið og ákvörðun um að ráðast í viðsnúning hefur verið
tekin, eftir atvikum í samráði við helstu lánardrottna, þarf að
gera stöðumat til að öðlast yfirsýn. Stöðumatið þarf að byggja
á raunverulegri stöðu, þ.e.a.s. raunhæfu mati á stöðu efnahags
og rekstrar. Í ferlinu þarf að sjálfsögðu að taka mið af hversu
langan tíma aðilar hafa til að greina stöðuna, áður en hafist
er handa við framkvæmd breytinga og samningaumleitanir
um fjárhagslega endurskipulagningu. Með því að leita strax
eftir samstarfi við lánardrottna og takast á við erfiðleika á
borð við lausafjárvanda, má vinna meiri tíma til þess að sinna
endurskipulagningunni.
Byggt á stöðumatinu þarf að skilgreina vel hvað þarf að
gera, hvernig það verður gert og hverjir sjá um framkvæmdina.
Mynd 1 sýnir niðurbrot viðsnúningsverkefnis í sjö lykilþætti
sem ná utan um hvað þarf að gera og sjö lykilverkefni sem
ná utan um aðgerðir við úrlausn vandans, og byggja beint á
lykilþáttunum.
Krísuástand og krísustjórnun
Það þarf að takast á við aðsteðjandi
eða yfirstandandi krísuástand til að
skapa andrými svo hægt sé að vinna í
viðsnúningnum og hefja uppbyggingu
trausts hjá hagsmunaaðilum á að
unnið sé að lausn vandans. Aðkoma
nýrra forsvarsmanna eða ráðgjafa sem
tekur að sér hlutverk verkefnisstjóra
viðsnúningsverkefnisins hjálpar
gjarnan í þessum tilgangi.
Oft er nauðsynlegt að ráðast strax
í aðgerðir sem miða að því að koma í
veg fyrir lausafjárþurrð, til dæmis með
því að sækja um greiðslustöðvun,
stöðva óþarfa útflæði reiðufjár,
selja eignir fyrir reiðufé eða útvega
skammtímafjármögnun. Aðgengi
að nýrri fjármögnun er þó yfirleitt
takmarkað þegar fyrirtækið er komið
í erfiða stöðu. Þess í stað er líklegt
að treysta þurfi á losun bundins
fjár af efnahagsreikningi, hraðara
tekjustreymi og gjaldfrest lánardrottna
á meðan fyrstu skrefin eru tekin. Í
þessu samhengi er mikilvægt að taka veltufjármuni föstum
tökum, t.d. með því að ganga í herta innheimtu eða sölu
viðskiptakrafna, selja gamlar birgðir með afslætti og semja um
lengri gjaldfrest hjá birgjum.
Mynd 2 sýnir að helmingur þeirra sem telja sig þurfa að
ganga gegnum fjárhagslega endurskipulagningu á næstu
tólf mánuðum telur jafnframt hættu á lausafjárvanda á
næstu þremur mánuðum. Þessi svör undirstrika mikilvægi
krísustjórnunar og áherslu á að tryggja aðgang að lausu fé á
meðan unnið er að viðsnúningi.
Forsvar og verkefnisstjórnun
Það þarf að velja teymið sem leiðir viðsnúninginn þannig að
skýrt sé hvaða aðilar fara með það hlutverk. Ef forsvarsmenn
fyrirtækis í rekstrarvanda hafa ítrekað skapað væntingar um
rekstrarbata eða endurgreiðslur skuldbindinga án þess að sýna
árangur er líklegt að viðsnúningsverkefnið verði erfiðara en ella.
Við slíkar aðstæður getur verið nauðsynlegt að fá nýja aðila
Mynd 1. Sjö lykilþættir og lykilverkefni við úrlausn viðsnúningsverkefnis.
Hvað? Hvernig?
Lykilþættir
Krísuástand
Forsvar
Stuðningur hagsmunaaðila
Mótun stefnu og framtíðarsýnar
Skipulagsbreytingar
Lykilferlar
Fjárhagsleg staða
Lykilverkefni
Krísustjórnun
Velja stjórnendateymi
Velja verkefnisstjóra viðsnúnings
Vinna með hagsmunaaðilum
Semja um fjárhagslega
endurskipulagningu
Stöðumat
Búa til viðskiptaáætlun
Innleiða viðskiptaáætlun/breytingar
Viðskiptarit CapacentSTRAUMAR
að borðinu til þess að leiða verkefnið. Í flestum tilfellum eru
forsvarsmenn fyrirtækja í rekstrarvanda afar uppteknir við að
halda daglegum rekstri gangandi. Það er því brýnt að skilgreina
vel hlutverk og valdheimildir verkefnisstjóra sem tekur að sér að
leiða verkefnið.
Stuðningur og vinna með hagsmunaaðilum
Þegar ákveðið hefur verið hver leiðir verkefnið er mikilvægt
að miðla upplýsingum um það til hagsmunaðila og tryggja
að þeir hafi glögga mynd af því hvað fyrirtækið er að gera.
Markmiðið er að byggja upp traust milli aðila til að auka líkur
á að nauðsynlegar aðgerðir hljóti hljómgrunn og jákvæð
niðurstaða fáist í umleitanir fyrirtækisins. Meðal mikilvægustu
hagsmunaaðila sem vinna þarf með eru starfsfólk,
viðskiptabanki og aðrir lánveitendur, birgjar og viðskiptavinir
sem treysta á vörur og þjónustu fyrirtækisins. Í sumum tilfellum
er nauðsynlegt að upplýsa almenning eða viðskiptavini með
opinberri tilkynningu um stöðu mála. Slík samskipti ætti að
vinna með fagmönnum í almannatengslum til að tryggja að
skilaboð komist rétt áleiðis. Um leið og upplýsingagjöf er
bætt þarf að gæta vel að því að byggja ekki upp óraunhæfar
væntingar gagnvart viðsnúningsverkefninu eða þeirri
fjárhagslegu endurskipulagningu sem nauðsynlega þarf að
ráðast í.
Stefnumótun, skipulagsbreytingar og lykilferlar
Það er gjarnan sagt að fyrirtæki í rekstrarerfiðleikum eigi
að einbeita sér að kjarnastarfsemi til að ná árangri á ný.
Þetta getur átt við en getur verið allt of mikil einföldun á
viðfangsefninu því kjarnastarfsemin gæti einmitt átt undir
högg að sækja. Mikilvægt er að beita faglegum aðferðum við
að komast að rót rekstrarvandans. Hár rekstrarkostnaður, úrelt
skipulag eða skipulagsleysi, illa mótuð ferli, slök sölustarfsemi
og óstyrk fjármálastjórn eru gjarnan orsök slæmrar stöðu
fyrirtækja. Á þessum atriðum þarf að taka þegar lagt er upp
með aðgerðaáætlun. Til þess að ná árangri þarf því að gefa sér
tíma til að móta og innleiða nýja viðskipta- og aðgerðaáætlun
sem miðar að því að snúa rekstrinum við. Hún ætti að byggja
á stefnumótun og taka á skipulagsbreytingum og breytingum
lykilferla.
Mynd 3 sýnir hvað stjórnendur telja mikilvægustu
viðfangsefnin í sínum rekstri á næstu 12 mánuðum, samkvæmt
rannsókn Capacent. Svörin undirstrika ágætlega mikilvægi þess
að vinna góða viðskipta- og aðgerðaáætlun.
Það getur verið nauðsynlegt að stilla upp nokkrum
sviðsmyndum sem byggja á mismunandi forsendum, bæði
vegna óvissu í rekstrarumhverfi og ekki síður vegna óvissu um
mögulegar niðurstöður fjárhagslegrar endurskipulagningar.
Þetta gerir verkefnið kvikara en við það þarf einfaldlega að búa.
Mynd 2. Mat stjórnenda á þörf fyrir að ganga gegnum fjárhagslega endurskipulagningu með aðkomu viðskiptabanka og/eða lánardrottna, annars vegar á síðastliðnum 2 árum og hinsvegar á næstu 12 mánuðum, í samhengi við mat sömu aðila á hættu á lausafjárvanda á næstu 3 mánuðum.
Viðsnúningur rekstrar | Sigurður Hjalti Kristjánsson
29
Fjárhagsleg endurskipulagning
Fjárhagsleg endurskipulagning hefur verið í brennidepli að
undanförnu. Hjá mörgum er slík endurskipulagning mjög
mikilvæg og jafnvel lífsnauðsynleg. Hún getur verið byggð
á frjálsum samningum, formlegum nauðarsamningum
eða nýrri fjármögnun, eftir því sem við á. Í þessari grein er
ekki farið ofan í aðferðir við að ná fram samningum um
endurskipulagningu. Í þeim efnum þarf að huga að mörgum
atriðum á borð við úrræði bankanna, skattaleg áhrif, að vel sé
gætt að hagsmunum kröfuhafa og svo framvegis. Mikilvægt
er að hafa í huga að erfiðlega getur gengið að fá kröfuhafa til
að semja um fjárhagslega endurskipulagningu vegna vantrúar
á viðskiptaáætlun fyrirtækisins, vöntun á skýrri framtíðarsýn
eða illa framsettra tillagna. Við þær aðstæður líta þeir gjarnan
svo á að það sé betra að eiga óbreytta kröfu en að gefa fyrst
eftir stöðu og missa skuldarann síðan í þrot. Þannig getur verið
árangursríkt að setja sig í spor kröfuhafanna og kortleggja
hvaða ávinning þeir hafa af þeim samningi sem leitað er eftir,
þegar tillögur að samningum eru mótaðar.
Tímarammi
Að framan hefur verið fjallað um lykilþætti viðsnúningsverkefnis
og þeir lauslega skilgreindir. Tímarammi fer eftir aðstæðum og
umfangi. Gera má ráð fyrir að verkefnið taki hálft til tvö ár og
slík verkefni taka gjarnan lengri tíma en upphaflegar væntingar
og áætlanir gerðu ráð fyrir. Það á sérstaklega við þegar flóknar
samningaviðræður um fjárhagslega endurskipulagningu með
aðkomu fleiri en eins lánveitanda eru hluti af verkefninu.
Á mynd 4 er viðsnúningsverkefni skipt upp í fjóra fasa
og lykilþættir þess settir í rökrétta tímaröð. Það er rétt að
undirstrika mikilvægi þess að verkefnisstjórnun sé sinnt af
kostgæfni allan líftíma verkefnisins.
Frumkvæði til aðgerða
Það er yfirgripsmikið verkefni að snúa rekstri fyrirtækis til betri
vegar. Það krefst áræðni, úthalds, útsjónarsemi og faglegra
vinnubragða. Að sjálfsögðu kann að vera nauðsynlegt að
bíða með aðgerðir við sérstakar aðstæður, til dæmis meðan
beðið er úrskurðar dómstóla, en biðstaða getur veitt falskt
skjól. Aðstandendur fyrirtækja í rekstrarvanda þurfa að hafa
frumkvæði til að ráðast í verkefnið, kalla sérfræðinga til
aðstoðar og nýta þau úrræði sem bjóðast. Það verklag sem hér
hefur verið fjallað um er leiðbeining um hvernig nálgast má
úrlausnina á skipulagðan hátt.
Mynd 3. Svör stjórnenda Í rannsókn Capacent við spurningunni „Hver af eftirfarandi viðfangsefnum eru mikilvægust í þínum rekstri á næstu 12 mánuðum?“.
Stöðumat
Krísustjórnun
Velja verkefnisstjóra
Velja stjórnendateymi
Verkefnisstjórnun
Vinna með hagsmunaaðilum
Búa til viðskiptaáætlun
Innleiðing breytinga
Fjárhagslega endurskipulagning
GREINING KRÍSA BREYTINGAR ÁRANGUR
Mynd 4. Fasaskipting og tímarammi viðsnúningsverkefnis.
Sigurður Hjalti er ráðgjafi hjá Capacent. Sérsvið hans eru: rekstur og fjármál
fyrirtækja og verkefnastjórnun. Sigurður er með MBA frá Háskólanum í Reykjavík
og C.Sc. véla- og iðnaðarverkfræðingur frá Háskóla Íslands. Sigurður var 3 ár
hjá VBS fjárfestingarbanka og leiddi þar fjárstýringu, fjármögnun og rekstur auk
úrvinnslu mála á skulda- og eignahlið bankans í kjölfar kerfishrunsins 2008. Þar
áður starfaði hann í 10 ár sem ráðgjafi á sviði vörustjórnunar og upplýsingatækni.
Viðskiptarit CapacentSTRAUMAR
Stjórnkerfi upplýsingaöryggis
Ólafur Róbert Rafnsson
Við dagleg störf höfum við aðgang að miklu magni
upplýsinga. Við erum áreitt með upplýsingum
sem til okkar streyma og eigum auðvelt með
að taka saman rafræn gögn og senda frá okkur, til dæmis
skjöl viðhengd tölvupósti. Við þessar aðstæður er auðvelt
að miðla röngum upplýsingum eða gera mistök og senda
skjöl sem ætluð voru öðrum en viðtakanda, svo dæmi
séu tekin. Einnig er nauðsynlegt að verja upplýsingar fyrir
utanaðkomandi aðilum enda geta brot á upplýsingaöryggi
valdið miklum fjárhagslegum skaða eða öðru tjóni. Þannig
er mat á orðsporsáhættu gjarnan nátengt mati á öryggi
þeirra upplýsinga sem liggja hjá viðkomandi aðila. Við þessar
aðstæður hafa þróast sífellt skýrari kröfur um gegnsæi, skýra
ferla og ábyrgð. Þær eru settar fram af aðilum sem hafa
hagsmuna að gæta varðandi ábyrga meðferð upplýsinga,
svo sem stjórnendum viðkomandi fyrirtækja eða stofnana,
viðskiptavinum, samtarfs- eða eftirlitsaðilum. Kaupendur
vöru og þjónustu setja í auknum mæli skilyrði í útboðum að
bjóðendur séu með stjórnkerfi vottuð af óháðum aðila ef
Hvernig göngum við um mikilvægar upplýsingar?
gera á tilboð í verk. Einnig eru dæmi um að ríkisstjórnir séu
farnar að setja það í stefnuskrá hjá sér að stofnanir hafi vottuð
stjórnkerfi til þess að auka trúverðuleika þeirra.
Stjórnkerfi fyrir upplýsingaöryggi
Í þessari grein er fjallað um stjórnkerfi upplýsingaöryggis sem
snýst í raun um hvernig fyrirtæki og stofnanir koma sér upp
skipulögðum vinnubrögðum við umgengni um mikilvægar
upplýsingar. Alþjóðlega staðlastofnunin ISO hefur þróað staðla
fyrir helstu stjórnkerfi sem í notkun eru hjá fyrirtækjum og
stofnunum, þeirra á meðal staðalinn ISO 27001 Stjórnkerfi
fyrir upplýsingaöryggi. Sem dæmi um aðra þekkta ISO staðla
má nefna ISO 9001:2008 Gæðastjórnunarkerfi og ISO 14001
Umhverfisstjórnunarkerfi.
Stjórnkerfi fyrir upplýsingaöryggi hafa víða verið innleidd
hjá íslenskum fyrirtækjum. Fjármálaeftirlitið gerir kröfur um
að fjármálafyrirtæki innleiði verklag hjá sér sem byggir á
leiðbeinandi tilmælum um rekstur upplýsingakerfa, en þær
kröfur byggja á ISO 27001. Samskipti við FME og Persónuvernd
31
eru auðveldari hjá fyrirtækjum sem eru með vottað stjórnkerfi.
Ýmis tæknifyrirtæki sækjast til dæmis eftir vottun til að auka
samkeppnisstöðu sína jafnt hérlendis sem erlendis. Vottað
stjórnkerfi auðveldar einnig fjármálastofnunum og fyrirtækjum
þar sem lánshæfi er metið af Standard & Poors. Aðferðafræði
Capacent við áhættugreiningu er einn af hornsteinum
Stjórnkerfis upplýsingaöryggis og hefur mælst vel fyrir hjá
Standard & Poors.
Vel skipulagt stjórnkerfi:
• Auðveldar fyrirtækinu að koma auga á veikleika í kerfum
eða ferlum.
• Gerir stjórnendum kleift að hafa betri yfirsýn yfir rekstur
upplýsingakerfa og öryggismála.
• Eykur öryggismeðvitund.
• Eflir skilvirkni á skjölun á helstu kerfum og verklagi og þar
með aukið rekstraröryggi.
Því miður eru fjölmörg dæmi þess að innleiðing á
Stjórnkerfi upplýsingaöryggis hefur haft þær afleiðingar að
hægja mikið á ferlum og rekstrarkostnaður getur hækkað
verulega. Í tilfelli þjónustufyrirtækja getur slíkt birtst í lakari
þjónustu við viðskiptavininn auk þess að hann gæti þurft að
greiða hærra verð.
Það er lítill ávinningur af því að vera með dýrt stjórnkerfi
sem veldur því að viðskiptavinir hafa ekki ráð á að kaupa
þjónustu fyrirtækisins. Við innleiðingu á Stjórnkerfi
upplýsingaöryggis er markmiðið að skerpa verklag við rekstur
með betri skjölun, bæta öryggi almennt og lágmarka áhættu,
jafnt í rekstri sem þjónustu.
Í grunninn byggja öll stjórnkerfi á sömu grunnkröfum,
að skipulagi sé komið á kerfið, haldið sé utan um skjöl
og skrár, rekjanleiki sé til staðar, kerfið sé reglulega
tekið út, ábyrgðir og hlutverk séu skýr og unnið
sé að stöðugum umbótum á kerfinu. Nánari
nálgun á einstök stjórnkerfi fer eftir því
með hvaða gleraugum við viljum skoða
fyrirtækið eða stofnunina. Viljum við
einbeita okkur að upplýsingaörygginu,
umhverfinu, gæðunum eða einhverju
öðru. Hvernig á að gera þetta?
Í grunnin byggist Stjórnkerfi
upplýsingaöryggis á þrem
megin þáttum sem eru:
» Leynd (Confidentiality)
Koma í veg fyrir að gögn birtist í heimildarleysi hvort sem er
fyrir mistök eða af ásetningi
» Réttleiki (Integrity)
Koma í veg fyrir óleyfilegar breytingar á gögnum
» Tiltækileiki (Availability)
Tryggir öruggan og skilvísan aðgang að gögnum
Leið sem líkeg er til árangurs gæti verið í eftirtalinni röð;
1. Ákvörðun tekin um innleiðingu staðalsins
2. Ábyrgð stjórnenda skilgreind og verkefnisstjóri tilnefndur
3. Öryggisstefna útfærð (fyrsta útgáfa)
4. Umfang stjórnkerfisins skilgreint
5. Áhættugreining
6. Ákveðið með hvaða hætti skuli meðhöndla áhættu
7. Velja ráðstafanir úr staðlinum til að lágmarka áhættu
8. Innleiða ráðstafanir / nýtt verklag
9. Útbúa stöðumatsskýrslu / yfirlit yfir hvaða kröfur
stjórnkerfið uppfyllir
10. Ákvörðun um vottun
Oft hefjast innleiðingar á Stjórnkerfi upplýsingaöryggis á því
að útbúin er öryggisstefna og útfrá henni eru einstök verkefni
skilgreind. Mikilvægt er að hafa í huga að hægt er að velja leið
sem hentar flestum fyrirtækjum og tekur til helstu reglna og
krafna sem fyrirtækið ætlar að uppfylla þó markmiðið sé ekki
að votta stjórnkerfið. Einnig eru fyrirtæki mjög ólík og sumar
kröfur þar af leiðandi óþarfar.
Vinnu við uppbyggingu stjórnkerfis má skipta í fjóra fasa:
Skipuleggja – Framkvæma – Gáta – Aðhafast.
Skipuleggja
Þegar búið er að skilgreina kröfur og væntingar
fyrirtækisins varðandi innleiðingu á Stjórnkerfi
upplýsingaöryggis er næsta skref að
skipuleggja með hvaða hætti skuli koma
því upp. Í því felast markmið, ferlar
og verklagsreglur sem máli skipta
við stjórnun áhættu. Umbætur
á upplýsingaöryggi almennt
sem ætlað er til þess að skila
fyrirtækinu árangri sem
samræmist stefnu þess og
markmiðum.
Tiltækileiki(Availability)
Réttleiki(Integrity)
Viðskiptarit CapacentSTRAUMAR
Framkvæma
Eftir að búið er að skilgreina helstu reglur og stefnur er komið
að því að innleiða þær og starfrækja. Skýrar reglur þurfa að
gilda um það með hvaða hætti veittur er aðgangur að húsnæði
og kerfum fyrirtækisins svo dæmi sé tekið. Lögð er áhersla á
að fella verklag sem miðar að því að halda til haga með hvaða
hætti aðgangur er veittur inn í þá ferla sem fyrir eru til að
tryggja rekjanleika og flýta fyrir verklagi sem eykur öryggi. Ekki
síður er mikilvægt að vera með vel skilgreint verklag þegar loka
þarf fyrir aðgang sem er því miður oftar en ekki látið mæta
afgangi. Gríðalega mikilvægt getur verið að tryggja að einungis
þeir aðilar hafi aðgang að upplýsingakerfum og aðstöðu
fyrirtækisins sem þurfi þess nauðsynlega starfs síns vegna.
Gáta
Mikilvægt er að meta hvort breytt verklag við veitingu aðgangs
og frágangs skili tilætluðum árangri. Sjórnendur ættu að fá
niðurstöður til að rýna hvort breytingar á tilteknu verklagi hafi
skilað árangri. Þessi hluti miðar almennt að því að vakta og
rýna stjórnkerfið.
Aðhafast
Þegar niðurstöður úr rýni tiltekins verklags eins og þess
sem getið er hér að ofan liggja fyrir er líklegt að gera þurfi
úrbætur á því. Það þarf stöðugt að gera úrbætur sem byggja á
niðurstöðum úttekta á stjórnkerfinu og það má ekki gera ráð
fyrir því að allt verklag, stefnur, skjölun o.s.frv. verði komið í
endanlegt horf strax í fyrstu tilraun. Gera verður ráð fyrir því frá
upphafi að innleiðing á breyttu verklagi þurfi að endurskoða
reglulega með það að markmiði að það samræmist stefnu
fyrirtækisins og skili tilætluðum árangri.
Aðferðafræði PDCA módel
Þessi aðferðafræði byggist á módelinu PDCA eða Plan Do
Check Act. Ítarlegar leiðbeiningar um þessa aðferð er að finna
í ISO27003.
Virk þátttaka stjórnenda nauðsynleg
Oft hefjast innleiðingar á Stjórnkerfi upplýsingaöryggis á því
að útbúin er öryggisstefna og útfrá henni eru einstök verkefni
skilgreind. Mikilvægt er að hafa í huga að hægt er að velja leið
sem hentar flestum fyrirtækjum og tekur til helstu reglna og
krafna sem fyrirtækið ætlar að uppfylla þó markmiðið sé ekki
að fá vottun á stjórnkerfinu. Einnig eru fyrirtæki mjög ólík og
sumar kröfur þ.a.l. óþarfar.
Að byggja upp stjórnkerfi er ekki gert á einni nóttu og
þarfnast góðs undirbúnings. Gríðarlega mikilvægt er að æðstu
stjórnendur beri ábyrgð á að innleiðingin sé markviss og
árangursrík en það er best tryggt með virkri þáttöku þeirra við
innleiðingu.
Innleiðing stjórnkerfisins varðar alla starfsmenn og tengda
aðila sem veita fyrirtækinu þjónustu sem og viðskiptavini.
Markviss innleiðing ætti að auka öryggi upplýsinga
viðskiptavina, starfsmanna og þjónustuaðila og þar með bæta
ímynd fyrirtækisins. Einnig ætti hún að bæta starfsánægju
og efla vitund viðskiptavina og starfsmanna á öryggismálum
almennt.
Það eru til fjölmörg kerfi, tæki og tól sem ætluð eru til að
bæta öryggi kerfa og starfsmanna en oft er besta vörnin vel
upplýstur starfsmaður og góðir ferlar.
Skipuleggja
Gáta
Framkvæma
Ólafur Róbert Rafnsson er ráðgjafi í upplýsingatækni hjá Capacent. Sérsvið hans
eru gagnavernd, upplýsingaöryggi og rekstur og stjórnun upplýsingakerfa.
Ólafur er kerfisfræðingur frá Rafiðnaðarskólanum. Hann er með MCSE gráðu
frá Microsoft og hefur auk þess lokið ýmsum námskeiðum á sviði öryggismála,
SharePoint og í almennum rekstri. Ólafur hefur starfað hjá Capacent frá árinu
1998 og hefur gegnt starfi forstöðumanns upplýsingatæknimála KPMG, ráðgjafa
í öryggismálum með áherslu á stjórnkerfi upplýsingaverndar (ISO27001), sem
úthýstur öryggisstjóri hjá Tryggingamiðstöðinni 2006, framkvæmdastjóri hjá
Capacent IT Services 2006-2008, CIO hjá Capacent International.
33
OPINBER REKSTUR
Opinber rekstur stendur frammi fyrir margvíslegum áskorunum. Á
sama tíma og gerð er krafa um hagræðingu og niðurskurð verður
að standa vörð um samfélagslega þjónustu. Mat á árangri í rekstri
byggist heldur ekki á hefðbundnum hagnaðarmarkmiðum heldur
mati á samfélagslegri arðsemi.
Viðskiptarit CapacentSTRAUMAR
Hvernig hámörkum við samfélagslega arðsemi?
Þröstur Sigurðsson
Skilningur manna á opinberu valdi og þýðingu þess
breyttist við fráhvarf konungborinna einvalda sem
æðstu manna ríkja, með vald sitt frá Guði. Upplýsingin
og sókn manna til frelsis beggja vegna Atlantshafsins varð til
þess að hrikta tók í stoðum hinnar rótgrónu stéttskiptingar sem
ríkt hafði um aldir og sú nýlunda varð til að ráðamenn voru
ekki lengur yfir almenning hafnir heldur fóru að starfa í umboði
almennings.
Þáttaskil urðu við stofnun Bandaríkja Norður-Ameríku,
sem mynduðust á grunni sterkrar stjórnarskrár sem kvað á um
jafnræði meðal allra þegna, einstaklingsfrelsi og síðast en ekki
síst að uppspretta valdsins væri án nokkurs vafa hjá fólkinu sem
landið byggði, „We the people...“. Í konungsveldum spruttu
um svipað leyti upp svokallaðir menntaðir einvaldar sem skiptu
út Guði fyrir almenning þegar þeir skilgreindu sinn yfirmann.
Þrátt fyrir þessa viðleitni urðu þeir engu að síður aðeins
skammvinnt millistig á leiðinni að alvöru lýðræði um mest alla
Evrópu.
Þjóðir komu sér saman um hvert hlutverk ríkisvaldsins
ætti að vera, þ.e. hvaða verkefni fólk gæti sameinast um að
innt væru af hendi af opinberum aðilum og hversu miklar
valdheimildir það væri tilbúið að færa þeim. Slíkur sáttmáli
hefur verið kallaður samfélagssáttmáli og í raun hafa pólitískar
deilur síðan að miklu leyti snúist um hvort heimildir hans skuli
draga saman eða rýmka.
Samfélagssáttmálar taka mið af þörfum hverju sinni og
getu samfélagsins til að veita samfélagsþjónustu. Á Íslandi
myndaðist sátt um að ganga ekki lengur sameiginlega í verk
eins og sementsframleiðslu og bankastarfsemi en í staðinn var
verulega aukið við millifærslur og ráðist í stórar framkvæmdir á
vegum bæði sveitarfélaga og ríkisins. Allt varð þetta mögulegt
vegna síaukinna ríkistekna sem endurspegluðu vaxandi
verðmætasköpun í samfélaginu.
Árið 2010 blasir við nýr veruleiki, spírallinn er að snúast við
og samdráttur tekna opinberra aðila (sjá mynd um skatttekjur
sveitarfélaga) endurspeglar nú samdrátt í verðmætasköpun.
Skera þarf niður umsvif hins opinbera og draga úr umfangi
samfélagssáttmálans eða í það minnsta breyta honum á
róttækan hátt svo að hann eigi eitthvað erindi við veruleika
dagsins í dag.
Þrátt fyrir að þessi þróun hafi ekki verið sú sem sóst var
eftir þá liggja óneitanlega tækifæri í þessum verkefnum.
Auknum íburði og útþenslu fylgir oft sóun og óhagkvæmni.
Ofgnótt fjármagns hvort sem er í gegnum ódýrt lánsfé eða
miklar skatttekjur gera verkefni fýsileg sem undir öðrum
kringumstæðum hefðu ekki verið til umræðu. Íbúar finna nú
á eigin buddu hve íþyngjandi opinberar álögur geta reynst og
hafa því frekar skoðanir á því nú en áður hvert skuli stefna með
opinberum verkefnum. Peningarnir eru minni, aðhaldið meira
og sýna þarf skattfé meiri virðingu, endurskoða verklagsreglur
og gera opinbera stjórnsýslu bæði faglegri og hagkvæmari.
Krafa er á aukna skilvirkni skattpeninganna.
35
Í góðri og ábyrgri stjórnsýslu er því mikilvægt að
allar ákvarðanir, hvort sem um er að ræða niðurskurð
eða fjárfestingu, séu vel ígrundaðar og unnið sé faglegt
arðsemismat á ólíkum leiðum sem standa til boða.
Rekstur fyrirtækja hefur að markmiði að hámarka hag
eigenda þeirra. Ákvarðanataka stjórnenda tekur mið af því
markmiði. Í opinberum rekstri þurfa stjórnendur að hafa mun
breiðari skírskotun í sínum ákvarðanatökum. Opinberir aðilar
hafa ekki einungis peningaleg markmið að leiðarljósi heldur
einnig samfélagsleg markmið. Þeir þurfa því að taka tillit til fleiri
þátta þegar kemur að því að meta árangur tiltekinna verkefna.
Við þá beinu kostnaðarliði sem lúta að framkvæmdinni sjálfri
bætist kostnaður og ábati íbúa og samfélagsins í heild. Þá
þætti er erfitt að verðleggja. Hvernig á að verðleggja jöfnuð,
byggðastefnu og heilsuvernd? Engin einföld svör eru til við
þessum spurningum þó að þau hafi mikið vægi þegar kemur
að ákvarðanatöku.
Þessir vandmeðförnu mælikvarðar torvelda ákvarðanatöku,
gera pólitíska rökræðu ómarkvissari og geta um leið skapað
hagsmunaaðilum tækifæri til þess að hafa mikil áhrif. Þessi
atriði geta dregið úr líkunum á því að hagkvæmustu leiðirnar
verði valdar og að nýting skattpeninga sé hámörkuð.
Sú staðreynd er mjög alvarleg í ljósi þess að það fjármagn
sem opinberir aðilar hafa úr að spila skapast ekki í tómarúmi.
Það er annaðhvort skattfé, sem minnkar ráðstöfunartekjur
heimila og fyrirtækja, eða lánsfé, sem hækkar lánskostnað
þeirra og skattbyrði í framtíðinni. Því er mikilvægt fyrir
stjórnendur í rekstri ríkis- og sveitarfélaga að leitast við að
lágmarka þessa óvissu með vandaðri og faglegri greiningu á
þeim leiðum sem til greina koma í rekstri þeirra og velja þá
sem mestum arði skilar til þess að auka velferð. Slíkt mat mætti
kalla samfélagslega arðsemi.
Kostnaðar- og ábatagreining er aðferð sem víða er notuð
til að meta hagkvæmni í útgjöldum opinberra aðila. Tilgangur
greiningarinnar er að draga fram hvort eitthvert tiltekið verkefni
er arðbært. Ef valkostir eru fleiri en einn þarf að meta hver
þeirra er fýsilegastur með tilliti til samfélagslegrar arðsemi.
Við mat á því hvort verkefni er samfélagslega arðbært er
litið til fleiri þátta en einungis þeirra sem snúa að útgjöldum
hins opinbera. Þá er einnig litið til þess hverju verkefnið skilar
íbúum samfélagsins t.d. í auknum tíma til vinnu, tómstunda og
hvort það dregur úr beinum kostnaði þeirra.
Með því að taka tillit til slíkra þátta má meta hversu arðbær
verkefni eru fyrir viðkomandi samfélag, hvort heldur um er að
ræða eitt sveitarfélag, landssvæði eða landið í heild.
Mat á samfélagslegri arðsemi hefur ekki verið notað í ríkum
mæli við mat á opinberum rekstri á á Íslandi til þessa. Í þeim
hluta opinbers rekstrar sem hér verður gerður að sérstöku
umtalsefni, þ.e. rekstri sveitarfélaganna, hefur fyrst og fremst
verið litið til hagnaðar og eiginfjárstöðu þegar árið er gert upp.
Að óbreyttu er lítil skynsemi fólgin í því að meta árangur
af rekstri sveitarfélaga með því að draga fram hversu mikill
hagnaður hefur verið af starfseminni hverju sinni. Þannig má
ná markmiði sveitarfélags um að skila hagnaði og auka þannig
eigið fé með því að auka skattheimtu og minnka þjónustu.
Framsetning reikningsskila sveitarfélaga og þeir
mælikvarðar, sem eftirlitsnefnd með fjármálum sveitarfélaga
ber að miða við í störfum sínum, gefur engu að síður tilefni til
að ætla að hagnaður sé og eigi að vera eitt meginmarkmiðið í
rekstri sveitarfélaga.
Þegar kemur að því að leggja mat á árangur
af rekstri sveitarfélaga er skynsamlegra að horfa til
þess hvort greiðslugeta sveitarfélagsins standi undir
greiðsluskuldbindingum í stað þess að einblína á hagnað og
eigið fé. Greiðsluskuldbindingar sveitarfélaga samanstanda
annars vegar af rekstrarskuldbindingum s.s. skuldbindingum
sveitarfélagsins við starfsfólk og vegna aðkeyptrar þjónustu
sem nauðsynleg er til að geta veitt íbúum nauðsynlega
þjónustu og hins vegar lána- og fjárfestingaskuldbindingum.
Sveitarsjóður þarf að byggja upp innviði samfélags og til þess
þarf hann að fjárfesta. Stærri fjárfestingar eru í flestum tilvikum
fjármagnaðar með lánum og því er hér talað um lána- og
fjárfestingaskuldbindingar.
Mynd 1 - Vísitala tekna sveitarfélaga 2002-2009. Tekjur á verðlagi hvers árs.
Viðskiptarit CapacentSTRAUMAR
Við mat á því hvort sveitarsjóður stendur við skuldbindingar
sínar þurfa mælikvarðar því að meta hvort tveggja, greiðslugetu
og greiðsluskuldbindingar.
Greiðslugeta sveitarsjóðs ræðst fyrst og fremst af tekjum
sveitarfélagsins. Hluti þessara tekna er frátekinn í lögbundna
þjónustu við íbúa og því ekki til ráðstöfunar í aðra þjónustu eða
til frekari uppbyggingar. Þetta mætti skilgreina sem lágmarks
greiðsluskuldbindingu sveitarfélaga. Það sem eftir stendur
þegar greitt hefur verið fyrir lögbundna þjónustu er þá valkvæð
þjónusta og fjárfestinga- og lánaskuldbindingar.
Nú hefur samráðsnefnd ríkis og sveitarfélaga um
efnahagsmál unnið tillögur að viðmiðum um fjármál
sveitarfélaga. Viðmiðin byggja á tveimur meginreglum þ.e.
skuldareglu og jafnvægisreglu (sjá töflu 1). Í skuldareglunni
eru sett fram viðmið um að skuldir skuli ekki fara yfir
skilgreint hámark af tekjum. Hér er því sett fram hugmynd
um skuldaþak, svipað og áður var í fyrrgreindri reglugerð.
Í jafnvægisreglunni er sett fram skilyrði um að rekstur
sveitarfélaga skuli vera í jafnvægi þegar litið er til þriggja ára
tímabils.
Í hugmyndum nefndarinnar er komið til móts við það
sjónarmið í skuldareglunni að samhengi þurfi að vera á milli
greiðsluskuldbindinga og greiðslugetu. Jafnvægisreglan sýnir
hins vegar eingöngu hvernig greiðslugeta stendur.
Þrátt fyrir að í skuldareglunni sé komið til móts við skilyrðið
um að samhengi þurfi að vera á milli greiðsluskuldbindinga og
greiðslugetu til að mæling á árangri sé skilvirk er ekki tekið tillit
til þess að sveitarfélög hafa rekstrarskuldbindingar rétt eins og
þau hafa lánaskuldbindingar. Til að bæta úr því mætti hugsa
sér að bæta við mælikvarða sem sýnir skuldir í hlutfalli við
rekstrarhagnað fyrir afskriftir og væri miðað við að útkoman
væri innan viðmiða a.m.k. að jafnaði á þriggja ára tímabili.
Þannig væri skuldaþak skilgreint.
Undirritaður setti á sínum tíma fram hugmynd um
skuldaþol/-þak. Skuldaþakið var skilgreint sem sú upphæð
sem afgangur frá rekstri gat staðið undir á 25 ára tímabili
miðað við að greiða þyrfti 5% vexti, það er þau kjör
sem lánasjóður sveitarfélaga bauð. Miðað við núverandi
reikningsskilareglur sveitarfélaga má skilgreina skuldaþak sem
þá upphæð sem sveitarsjóður getur greitt með rekstrarafgangi
Mynd 2 - Hversu lengi eru aðalsjóðir sveitarfélaga að greiða skuldir sínar með rekstrarhagnaði sem þau hafa. Upphæðir miðast við vaxtaberandi
skuldir, þ.e. lífeyrisskuldibindingum er sleppt og EBITDA tekur ekki mið af breytingum á lífeyrisskuldbindingum.
Tafla 1 - Núverandi reglur og tillögur að nýjum
Hvernig hámörkum við samfélagslega arðsemi? | Þröstur Sigurðsson
LYKILTÖLUVIÐMIÐ GREIÐSLUGETAGREIÐSLU-SKULDBINDING
REKSTUR SJÓÐSTREYMI EFNAHAGUR
Rekstrarniðurstaða fyrir afskriftir í hlutfalli við tekjur x x
Rekstrarniðurstöður í hlutfalli við tekjur x x
Veltufé frá rekstri í hlutfalli við tekjur x x x
Fjárfestingahreyfingar í hlutfalli við veltufé frá rekstri x
Langtímaskuldir í hlutfalli við varanlega rekstrarfjármuni x x
Skuldir í hlutfalli við eignir x
Eiginfjárhlutfall x
Skuldareglan: Skuldir í hlutfalli við tekjur x x x x
Jafnvægisreglan: Jafnvægi yfir þrjú ár x x
Nú
vera
nd
i reg
lur
Tillö
gu
r
37
fyrir afskriftir (EBITDA) á 25 árum og bæri 5% vexti. Til að taka
tillit til fjárfestingaskuldbindinga mætti miða við að einungis
hluti afgangsins væri til ráðstöfunar.
Algengari mælikvarðar sem notaðir eru um greiðslugetu
eru greiðsluþekja (e. debt service coverage ratio; DSCR) og
vaxtaþekja (e. interest coverage ratio; ICR). Greiðsluþekja segir til
um það hversu oft rekstrarhagnaður (EBITDA) þekur afborganir
og vexti af lánum á hverju ári. Vaxtaþekjan segir til um það
hversu oft rekstrarhagnaður þekur vaxtagjöld hvers árs.
Mynd 2 sýnir annars vegar nettóskuldir sveitarfélaga í
hlutfalli við rekstrarafgang og hins vegar skuldir í hlutfalli við
afgang. Þessar stærðir segja til um það hversu mörg ár það tæki
að greiða upp lánin annars vegar með því að nota þá fjármuni
sem til eru í sveitarfélaginu í dag og þann afgang sem reksturinn
skilar til greiðslu vaxta, afborgana og eignabreytinga og hins
vegar ef afgangurinn stæði einn undir því.
Mynd 3 sýnir svo hvernig þróunin hefur verið annars vegar
um fjármagnsliði og skatttekjur og hins vegar um nettóskuldir.
Sjá má að í stað þess að sveitarsjóðir höfðu að jafnaði haft tekjur
af fjármagnsliðum fram til ársins 2007 urðu fjármagnsgjöld
hærri en fjármunatekjur árið 2008 og 2009. Þetta skýrist svo á
myndinni til hægri þar sem nettóskuldir taka stökk árið 2008.
Lögbundið er að sveitarfélög leggi fram þriggja ára áætlun
árlega. Hluti af framsetningu áætlana ætti að vera niðurstaða
þessara mælikvarða, þ.e. mat á skuldaþaki, niðurstaða
jafnvægisreglu, vaxtaþekja og greiðsluþekja. Slík framsetning
og skýr viðmið um hvaða niðurstaða er ásættanleg í rekstri
sveitarfélaga segir meira til um árangur en hagnaður og eigið fé.
Algengur mælikvarði í rekstri sveitarfélaga og sá sem
framkvæmdastjórar sveitarfélaganna hafa helst haldið á
lofti er veltufé frá rekstri. Það segir til um hversu mikið
sveitarfélagið hefur til að greiða afborganir af lánum og til
framkvæmda. Í veltufé frá rekstri eru fjármagnsliðir teknir
með og það kann að draga úr gagnsæi um hvernig rekstur
þjónustunnar hefur gengið. Rekstrarhagnaður (EBITDA) gefur
skýrari niðurstöðu um greiðslugetu lánaskuldbindinga.
Mat á heildarniðurstöðu í rekstri sveitarfélaga er
mikilvægt, það segir til um það hversu vel gekk að
halda rekstrinum í horfi og hversu miklu var kostað til af
skattpeningum til að standa við skuldbindingar við íbúana um
þjónustu og hversu mikið íbúarnir þurfa að greiða á næstu
árum vegna uppbyggingar þjónustunnar til framtíðar. Það
hefur hins vegar ekki farið fram mat á því hvort sú þjónusta
sem veitt var skilaði því til íbúanna sem þeir sóttust eftir þ.e.
var veitt þjónusta í samræmi við óskir þeirra og væntingar.
Skilvirkni opinberrar þjónustu hlýtur að felast í því að íbúarnir
séu sáttir við það hvernig sköttum er varið.
Hvað skiptir íbúana mestu máli?
Þeir þættir sem skipta íbúana máli við mat á árangri í
opinberum rekstri snúa að gæðum þeirrar þjónustu sem
þeir fá, skilvirkni hennar og þeim kostnaði þ.e. hversu mikið
samfélagið og íbúinn þarf að greiða fyrir að fá þjónustu.
Árlega gerir Capacent rannsókn á því hversu ánægðir
íbúar einstakra sveitarfélaga eru með þá þjónustu sem þeim
er veitt.
Mynd 3 - Vísitala fjármagnsliða og tekna sveitarfélaga annars vegar og nettóskuldir sveitarfélaga í milljörðum króna (í báðum tilfellum er um verðlag hvers árs að ræða).
Viðskiptarit CapacentSTRAUMAR
Auk fjölda annarra spurninga er m.a. spurt:
• Hversu ánægð(ur) eða óánægð(ur) ert þú með þjónustu
grunnskóla sveitarfélagsins?
• Hversu ánægð(ur) eða óánægð(ur) ert þú með þjónustu
leikskóla sveitarfélagsins?
• Hversu ánægð(ur) eða óánægð(ur) ert þú með þjónustu
sveitarfélagsins á heildina litið, bæði út frá reynslu þinni og
áliti?
Niðurstöður slíkra mælinga segja stjórnendum sveitarfélaga
til um hversu mikil gæði eru í þeim þjónustuþætti sem um
ræðir. Hann mælir hins vegar ekki hversu kostnaðarsamt það
hefur verið að veita þjónustuna. Ef við tengjum saman kostnað
við að veita þjónustuna og niðurstöður úr slíkum könnunum
má sjá hversu skilvirk hver króna er sem ráðstafað er í tiltekið
verkefni.
Á vefsíðu Sambands íslenskra sveitarfélaga má sjá
hversu kostnaðarsamt það er að veita tiltekna þjónustu eftir
sveitarfélögum. Hér að neðan er gerð tilraun til að meta
hversu „skilvirkar“ þær krónur eru sem lagðar eru til einstakra
þjónustuþátta í rekstri sveitarfélaganna. Matið er framkvæmt
þannig að einkunn sú sem íbúar gefa þjónustu sveitarfélagsins
er deilt upp í kostnað á íbúa við að veita þjónustuna. Þannig
fæst kostnaður við hvern 1,0 sem gefinn er í einkunn, þ.e. mat
á skilvirkni þjónustu.
Skoðum fyrst hver kostnaður við rekstur grunnskóla
var í nokkrum sveitarfélögum. Hér er eingöngu miðað
við launakostnað, því kostnaður við rekstur húsnæðis er
mismunandi á milli sveitarfélaganna.
Á mynd 4 má sjá að launakostnaður árið 2009 var lægstur
á íbúa í Garðabæ, álíka mikill í Reykjanesbæ og Reykjavík. Ef
við lítum nú til þess hversu ánægðir íbúar sveitarfélaganna voru
með þá þjónustu sem þeir fengu þá kemur í ljós að ánægjan
eykst ekki eftir því sem kostnaður á íbúa eykst.
Mynd 5 sýnir samanburð á mati íbúa á þjónustu
grunnskóla sveitarfélagsins og launakostnaði á íbúa í
sveitarfélaginu. Myndin sýnir ekki samband á milli ánægju
íbúanna og launakostnaðar árið 2009 og ef eitthvað er þá er
sambandið neikvætt árið 2008.
Til að ná utan um hvort tveggja í senn, það er kostnað við
að veita þjónustuna og ánægju íbúa með þá þjónustu sem
veitt er mætti setja upp mælikvarða sem mælir kostnað við
einkunnarstig, þ.e. hver er kostnaðurinn að baki hverjum 1,0 í
einkunn.
Mynd 6 sýnir að íbúar Garðabæjar, Akraness og
Reykjanesbæjar virðast ánægðastir á hverja krónu sem
ráðstafað er í launakostnað í sveitarfélaginu.
Mælikvarðarnir sem hér eru settir fram um skilvirkni í
opinberum rekstri eru ekki lagðir fram sem tillaga til viðmiðunar
um rekstur sveitarfélaga, heldur frekar sem hugvekja um það
hvernig meta má árangur í rekstri út frá þeirri þjónustu sem
opinberir aðilar veita að teknu tilliti til þess hversu miklu er til
kostað við að veita þá þjónustu.
Góð klisja segir að þú sért það sem þú mælir. Ef við mælum
Mynd 4 - Launakostnaður á íbúa í nokkrum sveitarfélögum Mynd 5 - Skilvirkni í rekstri grunnskóla (einkunnir 2009 í sviga).
Hvernig hámörkum við samfélagslega arðsemi? | Þröstur Sigurðsson
160.000
140.000
120.000
100.000
80.000
60.000
40.000
20.000
0
Akran
es
Akurey
ri
Kópav
ogur
Mos
fells
bær
Reyk
janes
bær
Reyk
javík
Seltja
rnar
nes
Árbor
g
Vestm
anna
eyjar
2008 2009
39
Þröstur Sigurðsson er ráðgjafi hjá Capacent. Sérsvið hans eru fjármál,
hagkvæmisúttektir, rekstrarúttektir og fjármál sveitarfélaga. Þröstur stofnaði
ráðgjafarfyrirtækið Rekstur og ráðgjöf 1993. Hann stýrði því þar til hann tók
við sem sviðsstjóri fjármálaráðgjafar PriceWaterhouse Coopers árið 2000.
Ráðgjafasvið þess félags breyttist síðar í ParX, og stýrði Þröstur fjármálaráðgjöf
þess fyrirtækis til 2007. Þá gekk hann til liðs við Landic Properties, þar sem hann
var framkvæmdastjóri M&A. Í byrjun 2009 stofnaði hann svo ráðgjafarfyrirtækið
Melland Partners, sem sérhæfði sig í ráðgjöf á sviði orkumála, fasteignarekstrar
og fasteignaviðskipta og opinbers rekstrar.
eigið fé og hagnað hjá sveitarfélögum er hætt við að við séum
ekki að mæla þá hluti sem skipta máli. Það er mikilvægt að
tengja árangur starfseminnar við tilkostnað með einhverjum
hætti.
Slíkt mat er hægt að setja fram á fleiri en einn veg og þekkt
eru tól og tæki til að framkvæma slíkt mat. Um margra ára
skeið hefur aðferðafræði sem byggir á samhæfðu árangursmati
verið notuð. Þar er lögð áhersla á að mæla þá þætti sem
skipta máli um árangur í rekstri og tengja þá við stefnu
rekstrareiningarinnar.
Biblíu samhæfðs árangursmats (e. balanced scorecard)
skrifuðu þeir Norton og Kaplan fyrir meira en áratug síðan. Þar
segir á fyrstu síðu frá samtali farþega við flugstjóra. Í lauslegri
þýðingu er samtalið þannig:
Farþegi gengur inn í flugstjórnarklefa og sér að þar er bara
einn mælir í mælaborði flugstjórans. Hann verður undrandi og
spyr út í það
Farþegi: Ég er hissa á að þú skulir eingöngu hafa einn mæli
í borðinu hjá þér. Hvað mælir hann?
Flugstjóri: Hraða, ég er að fylgjast með hraðanum í þessu
flugi.
Farþegi: Hm, já það er mikilvægt. En hvað með hæð, er
ekki mikilvægt að vita í hvaða hæð þú flýgur?
Flugstjóri: Jú, ég mældi það fyrir nokkru og ég hef nú
fengið ágætis tilfinningu fyrir hæðinni. Nú er ég að vinna að
hraðanum.
Farþegi: Já, ég skil. En þú fylgist ekki með eldsneytinu. Ertu
með nóg eldsneyti til að komast á áfangastað, hvað segir þér til
um það?
Flugstjóri: Rétt athugað. Eldsneyti er mikilvægt. Það er
hins vegar ekki hægt að fylgjast með öllu í einu. Ég hef nú
náð tökum á lofthæðinni. Nú einbeiti ég mér að hraðanum og
þegar ég hef náð tökum á honum fer ég að skoða þetta með
eldsneytið.
Spurningin er hversu margar ferðir flugstjórinn hefur komist
án þess að fylgjast með eldsneytinu. Það sama á við um rekstur
sveitarfélaga. Ef sveitarstjórnarmenn einbeita sér á næstu árum
að því að skoða eingöngu niðurstöður um hlutfall skulda af
skatttekjum og hagnað af rekstri, þá er hætt við að tankurinn
verði tómur áður en á áfangastað er komið. Ef árangur
skólastarfs er mældur í því hversu litlu er til kostað án þess að
aðrir þættir séu metnir samhliða er augljóst að hagkvæmast
er að leggja fræðslustarfið niður. Þannig væri markmiðinu um
hagnað best náð.
Mynd 6 - Launakostnaður á íbúa í samanburði við einkunn íbúa
Viðskiptarit CapacentSTRAUMAR
Áskoranir í hagræðingarverkefnum opinberra aðila
Vilborg Helga Harðardóttir Arnar PálssonArnar Jónsson
Eitt vandasamasta en jafnframt mikilvægasta verkefni
næstu ára er að ná jafnvægi milli tekna og útgjalda
hins opinbera. Slíkt jafnvægi er forsenda þess að hægt
verði að koma á stöðugleika í efnahagsmálum á nýjan leik og
leggja grunn að fjölgun starfa og aukningu kaupmáttar.
Samkvæmt upphaflegri efnahagsáætlun stjórnvalda og
Alþjóðagjaldeyrissjóðsins þurfa útgjöld ríkissjóðs að lækka um
20% til ársins 2012 frá því sem þau voru í fjárlögum 2009.
Jafnframt liggur fyrir að þessu markmiði verði vart náð
nema með sársaukafullum niðurskurði á viðkvæmum sviðum.
Það hefur verið yfirlýst markmið að reyna að standa sem
mest vörð um grunnþjónustu í samfélaginu þegar kemur að
niðurskurði.
Til að það sé hægt verður verulegur hluti af lækkun
ríkisútgjalda á tímabilinu að nást með aukinni hagræðingu
í rekstri ríkisins svo sem með endurskipulagningu
stofnanakerfisins, verkefnatilflutningi og sameiningu ráðuneyta
og stofnana sem og endurmati á þeim verkefnum sem verið er
að sinna.
Capacent framkvæmdi á tímabilinu 1.- 12. september
2010 könnun á meðal 186 forstöðumanna ríkisstofnanna
á Íslandi. Tilgangur könnunarinnar var að kanna ýmsa
þætti tengda hagræðingaraðgerðum innan ríkisstofnana
og viðhorf til fjárlagaferlisins. Fjöldi svarenda í könnuninni
var 135 eða 72,6% af úrtakinu. Þátttaka í könnuninni
veitti forstöðumönnum tækifæri til að koma á framfæri
sjónarmiðum sínum um sitt nánasta starfsumhverfi, stjórnun
og þætti sem gætu haft áhrif til hagræðingar. Niðurstöður
könnunarinnar gefa ýmsar athygliverðar vísbendingar um
viðhorf forstöðumanna ríkisstofnana til áframhaldandi
hagræðingarkröfu, hvers konar aðgerða gripið hafi verið til og
hvaða þættir séu ólíklegir til árangurs.
Hagræðingarkrafa 2011
Forstöðumenn voru spurðir að því hvort þeir teldu líklegt
eða ólíklegt að frekari hagræðing væri möguleg í rekstri
stofnana á árinu 2011. Er það mat 43,6% forstöðumanna að
það sé ólíklegt að frekari hagræðing náist, 36,1% svöruðu
að það væri líklegt en 20,3% gáfu ekki afgerandi svar við
spurningunni.
Þegar litið er til einstakra þátta innan starfsemi stofnana
sem gætu hindrað aukna hagræðingu á næsta ári er algengast
að forstöðumenn telji til starfsmannatengda (36,1%) eða
36,1%
20,3%
43,6%
Hvorki né
LíklegtÓlíklegt
Mynd 1 - Telur þú líklegt eða ólíklegt að frekari hagræðing náist í rekstri stofnunar þinnar á árinu 2011?
41
þjónustutengda (32,7%) þætti. Af starfsmannatengdum
þáttum má nefna fækkun starfsfólks (12,9%), launakostnað
(11,2%), og að starfsmannalög (6,0%) og gildandi
kjarasamningar (6,0%) setji skorður. Þjónustutengd vandkvæði
sem nefnd voru við að ná fram aukinni hagræðingu eru
þjónustuskerðing (12,9%), að verkefnum hafi fjölgað eða að
aukin þörf sé á þjónustu (11,2%) og að stofnunin nái ekki að
sinna lögbundnu hlutverki sínu ef hagræða eigi meira (8,6%).
Athyglisvert er að ríflega 35% forstöðumanna telja ekki
hægt að skera meira niður í rekstri sinnar stofnunar.
Flutningur ónýttra fjárheimilda fyrri ára
Í ljós kom að 66,4% stofnana átti ónýttar fjárheimildir frá fyrri
árum um síðustu áramót. Það er þó misjafnt í hversu miklum
mæli stofnanir náðu að nýta slíkar fjárheimildir á árinu 2010
til að mæta þeim hagræðingarkröfum sem gerðar voru til
þeirra. Ríflega fimmtungur stofnana (21,3%) fékk ekki að nýta
fjárheimildir frá fyrri árum. Stærsti hluti (40%) þeirra stofnana
sem áttu ónýttar fjárheimildir frá fyrri árum í ársbyrjun gat
mætt allt að 25% af hagræðingarkröfu ársins með því að nýta
ónýttar fjárheimildir. Athygli vakti hversu margar stofnanir
(20%) gátu mætt á bilinu 76%-100% af hagræðingarkröfu
ársins með því að nýta fjárheimildir frá fyrri árum.
Það er mat langflestra forstöðumanna að hagræðingarkrafa
ársins 2010 muni nást, en það telja 84,2% þátttakenda. Ríflega
10% telja ólíklegt að sú krafa náist og 5,3% forstöðumanna
gefur ekki afgerandi svar við þeirri spurningu.
Ónýttar fjárheimildir ársins 2010?
Þegar spurt er um horfur á ónýttum fjárheimildum í árslok
2010 sem stofnun geti nýtt á móti hagræðingarkröfu ársins
2011 horfir við önnur mynd. Ríflega 48% forstöðumanna telja
að það sé ólíklegt að nýta megi fjárheimildir þessa árs á móti
hagræðingarkröfum næsta árs. Þó telja 36,1% forstöðumanna
að það sé líklegt en 15,7% aðspurða gaf ekki afgerandi svar
við spurningunni.
Aðgerðir stofnana til að draga úr útgjöldum á árinu 2010
Forstöðumenn hafa gripið til ýmissa aðgerða til að draga úr
útgjöldum á árinu 2010. Sú aðgerð sem oftast var nefnd
var að dregið hafi verið úr endurmenntun, ráðstefnum og
ferðum (86,6%). Í mörgum tilvikum náðist hagræðing með
breyttu fyrirkomulagi verkefna (70,1%). Lækkun launa eða
launafrysting er þriðja aðgerðin sem oft var nefnd (62,7%).
Einnig voru nefndar aðgerðir eins og frestun eignakaupa og
viðhalds eigna (61,2%), fækkun starfsfólks (59%) og aukið
samstarf við aðrar stofnanir (19,4%). Athygli vekur að 46,3%
forstöðumanna líta á það sem aðgerð til sparnaðar að draga úr
þjónustu stofnunar.
Forstöðumenn voru spurðir að því hversu mikil áhrif
„Leiðarljós aðhaldsaðgerða“ höfðu á hagræðingaraðgerðir hjá
viðkomandi stofnun. Aðeins tæp 8% sögðu áhrif þeirra mikil
en um 52% lítil eða engin.
Spurt var hversu mikla aðkomu fagráðuneyti,
stjórnendur stofnana og starfsfólk stofnana höfðu á mótun
hagræðingaraðgerða hjá viðkomandi stofnunum og kom í ljós
að stjórnendur virðast þar hafa haft mest áhrif (94% segja
aðkomu stjórnenda mikla), þá starfsfólk stofnana (21,1% segja
aðkomu starfsfólks mikla) og fagráðuneytin minnsta (10,6%
segja aðkomu fagráðuneyta mikla). Tæplega 67% aðspurða
töldu fagráðuneytin hafa haft litla eða enga aðkomu við mótun
aðgerða.
Aukin útvistun verkefna – leið til hagræðingar?
Forstöðumenn eru afgerandi í skoðun sinni á aukinni útvistun
verkefna en 28,8% aðspurðra líta svo á að það sé frekar
ólíklegt til að skila árangri og 43,9% telja það mjög ólíklegt.
Forstöðumenn voru þá spurðir að því hvaða þjónustuþætti þeir
myndu nýta sér ef boðið yrði upp á miðlæga stoðþjónustu fyrir
stofnanir. Tölvurekstur bar þar efst á góma og segjast 35,9%
aðspurðra myndu nýta sér slíka þjónustu. Aðrir þjónustuþættir
sem forstöðumenn myndu vilja nýta sér voru bókhaldsþjónusta
(25,0%), rekstur húsnæðis (25,0%), launaumsjón (23,4%),
greiðsluþjónusta (16,4%) og starfsmannaþjónusta (16,4%).
Hagræði með frekari sameiningu stofnana
Að mati ríflega 79% forstöðumanna ríkisstofnana mun
sameining við aðrar ríkisstofnanir leiða til lítillar eða
engrar lækkunar á kostnaði við rekstur. Athyglisvert er að
töluverður munur er á afstöðu forstöðumanna eftir því
hvaða ráðuneyti stofnun þeirra heyrir undir. Forstöðumenn
stofnana dómsmála- og mannréttindaráðuneytisins eru
bjartsýnastir á að sameiningar geti hjálpað til við að draga
úr kostnaði og telja 48% þeirra að mikið eða nokkuð megi
draga úr kostnaði stofnunar með slíku, á meðan aðeins
8% forstöðumanna stofnana sem heyra undir Mennta- og
menningarmálaráðuneytið og 10% forstöðumanna stofnana
undir Heilbrigðisráðuneytinu hafa þá trú.
Viðskiptarit CapacentSTRAUMAR
Starfsandi opinberra starfsmanna á tímum niðurskurðar
Áhugavert þótti að vita hvort stofnanir hefðu gripið til sérstakra
aðgerða eftir að hagræðing hófst, umfram þær sem áður
tíðkuðust, til að viðhalda eða bæta starfsanda. Almennt virðist
sem ríkisstofnanir hafi gert svo en aðeins 5,3% forstöðumanna
hafa ekki gripið til neinna slíkra aðgerða og ríflega 72%
forstöðumanna segja að gripið hafi verið til mikilla eða
nokkurra slíkra aðgerða.
Fjárveitingar og lögbundin verkefni – gæði veittrar þjónustu
Þegar forstöðumenn voru spurðir hversu vel eða illa stofnun
þeirra geti sinnt lögbundnum verkefnum miðað við núverandi
fjárveitingar kom í ljós að tæplega 20% forstöðumanna eru á
þeirri skoðun að stofnunin hafi aðeins getu til að sinna þeim
illa en rúmlega 51% telur að stofnunin geti sinnt lögbundnum
verkefnum vel miðað við núverandi fjárveitingar.
Mikill meirihluti forstöðumanna, eða 69,2%, telur að gæði
veittrar þjónustu séu svipuð og þau voru fyrir ári síðan og
rúmlega 17% segja gæðin minni nú en áður. Hins vegar eru
13,5% aðspurðra sem segja að gæði þjónustunnar hafi aukist
þrátt fyrir þá hagræðingu sem gerð hefur verið á sl. ári.
Vinna við fjárlög og aðkoma forstöðumanna að fjárlagaferlinu
Forstöðumenn voru að lokum spurðir út í fjárlagaferlið.
Tæplega tveir þriðju hlutar forstöðumanna eru óánægðir
með núverandi fjárlagaferli en tæplega 9% eru ánægðir.
Þegar forstöðumenn eru spurðir hvar pottur sé helst brotinn
í fjárlagaferlinu með áherslu á úrbætur er efst á blaði aukið
samstarf og aðkoma að ákvörðunum (55,0%) en meðal
annarra atriða sem nefnd voru er skortur á langtímaáætlun
(17,5%), aukið upplýsingaflæði (13,8%) og aukið gegnsæi
(11,3%). Þegar á heildina er litið er mest áberandi sú
breytingartillaga forstöðumanna að aðkoma þeirra að ferlinu
verði meiri sem og þeim veittar meiri upplýsingar um ferlið.
Einnig vilja þeir að vinnubrögð almennt verði endurskoðuð
í tengslum vð ferlið sem og tímaþættir en yfirgnæfandi
meirihluti (89%) forstöðumanna er því hlynntur að gerð sé
áætlun um fjármál stofnana til lengri tíma.
Töluverð bjartsýni
Könnun Capacent á meðal forstöðumanna ríkisstofnana gefur
margar áhugaverðar vísbendingar sem vert er að rýna nánar í.
Athygli vekur hve stór hluti stofnana er bjartsýnn á að
hagræðingarkrafa ársins náist sem og hversu margar stofnanir
átti ónýttar fjárheimildir frá fyrri árum um síðustu áramót.
Hagræðingaraðgerðir stofnana hingað til virðast því hafa skilað
tilætluðum árangri og gott betur.
Minni bjartsýni er hins vegar á að hagræðingarmarkmið
Mynd 2 - Hversu mikið eða lítið telur þú að þín stofnun gæti dregið úr kostnaði með sameiningu við aðrar ríkisstofnanir?
43
ársins 2011 náist en ársins 2010. Líklega má það teljast eðlilegt
miðað við umfang þeirra hagræðingaraðgerða sem farið hefur
verið í til þessa, því erfiðara er líklega að draga úr kostnaði því
meira sem þegar hefur verið skorið niður. Þessi skoðun kom
berlega í ljós þegar spurt var að því hver helstu vandkvæðin
við frekari hagræðingu væru, en þá sögðu rúmlega 35%
forstöðumanna að það væri einfaldlega ekki hægt að skera
meira niður en þegar hefði verið gert.
Lítil trú forstöðumanna á útvistun verkefna sem og
almenn andstaða gagnvart sameiningu stofnana kom berlega
í ljós. Í sjálfu sér eiga þær niðurstöður ekki að koma mjög á
óvart því hagsmunir forstöðumanna og starfsfólks stofnana
stríða líklega hvað mest við þá heildarhagsmuni sem litið er
til þegar farið er í slíkar aðgerðir. Ekki er þó hægt að horfa
framhjá andstöðunni og vert að kafa betur ofan í ástæður
hennar því lykilatriði í árangri við sameiningar stofnana er
viðhorf fólksins sem þar starfar. Einnig er vert að skoða af
hverju forstöðumenn stofnana sem heyra undir dómsmála- og
mannréttindaráðuneytið eru jákvæðari í garð sameininga en
forstöðumenn stofnana sem heyra undir önnur ráðuneyti og
eflaust má draga af því lærdóm sem nýst gæti á þeim stöðum
sem sameiningar verða. Bent hefur verið á að sameiningar
stofnana hafa gjarna í för með sér upphafskostnað og að
fjárhagslegur ávinningur af þeim kemur gjarnan fram yfir lengri
tíma en eitt fjárlagaár.
Þótt fimmtungur forstöðumanna telji að sín stofnun sinni
lögbundnum verkefnum illa telja flestir gæði þjónustunnar þó
að mestu óbreytt frá síðasta ári. Stofnanir virðast því að nokkru
leyti ná árangri við hagræðingu án þess það bitni af fullum
þunga á hlutverki og þjónustugæðum og virðast stofnanir því
hafa staðið sig mjög vel miðað við erfiðar aðstæður og gefur
von um að hugsanlega sé svigrúm til frekari hagræðingar.
Mikil óánægja með fjárlagaferlið virðist að stórum hluta
tengjast þeirri tilfinningu forstöðumanna að áhrif þeirra í ferlinu
séu lítil. Kalla þeir eftir auknum upplýsingum og að á þá sé
hlustað. Eflaust er umdeilanlegt hvernig þessum málum sé best
háttað, hvort ferlið eigi að vera miðstýrt, á borðum einstakra
stofnana eða sambland af báðu. Raddirnar eru háværar svo
ljóst má vera að um er að ræða stóran óánægjuþátt og vert
er að skoða ofan í kjölinn með hvaða hætti mætti ná mestum
árangri. Í öllu falli virðist skynsamlegt að leita leiða til að draga
úr þeim núningi sem þessi óánægja veldur, hvort sem það
verður gert með auknum áhrifum forstöðumanna eða auknu
og breyttu upplýsingaflæði í tengslum við fjárlagaferlið.
Niðurstöður þessarar könnunar staðfesta að næstu skref
stjórnvalda hljóta að felast í því að forgangsraða enn frekar
þeim verkefnum sem ríkið sinnir og veita stjórnendum stofnana
þannig leiðsögn. Um þetta er ekki deilt en það er ekki fyrr en
Mynd 3 - Leið A, minni ríkisútgjöldMynd 4 - Leið B, betri ríkisrekstur
Viðskiptarit CapacentSTRAUMAR
Áhersla á betri og skilvirkari rekstur byggir á stefnumörkun
og forgangsröðun á grunni hennar, nauðsynlegum úrbótum
á verkferlum og skýrari ábyrgðar- og verkaskiptingu innan og
milli stofnanna ríkisins.
Þegar nauðsynlegt er að lækka ríkisútgjöld hratt skapast
jafnframt veruleg hætta á að fjárveitingarvaldið fái einfaldlega
minna af því sama. Skynsamlegra er því að horfa ekki
eingöngu á kostnaðinn heldur leggja áherslu á að ná fram
betri opinberum rekstri sem felur í sér heildstæðari skoðun
hluta; markvissa stefnumótun, úrbætur á verklagi og skýrari
verkaskiptingu innan stjórnsýslunnar. Ákveða þarf hvaða
verkefnum hið opinbera á að sinna og hvaða verkefni eru betur
leyst af öðrum. Um leið er mikilvægt að skoða vel hverju má
hætta að sinna og leggja af. Í sinni einföldustu mynd má skoða
þetta sem tvo valkosti (sjá mynd 3 og 4).
Án efa er leið B sú leið sem á að fara. Um það ættu allir að
vera sammála. Mikill niðurskurður ríkisútgjalda án nauðsynlegra
umbóta á rekstri hins opinbera er varhugaverður. Hætt er við
því að aðeins sé verið að færa kostnað milli staða eða fresta
því að taka á vandamálum. Það er tiltölulega einfalt að ákveða
hversu miklu á að ráðstafa til reksturs hins opinbera, en öllu
erfiðara og flóknara er að hámarka það samfélagslega virði
sem fæst fyrir fjármagnið.
beinar hagræðingar- eða sparnaðartillögur eru lagðar fram
sem deilurnar hefjast. Þegar ljóst er að breytingar munu bitna
á heilbrigðisþjónustu á einhverjum tilteknum stað eða einhver
tiltekinn framhaldsskóli verður að draga saman seglin.
Því er mikilvægt að nálgast viðfangsefnið með réttum
hætti. Hagræðingu og sparnað þarf að byggja á stefnumörkun
og forgangsröðun stjórnvalda, og framkvæma á grundvelli
þekkingar og reynslu stjórnenda og starfsmanna ríkis og
sveitarfélaga.
Skilgreina þarf opinbera þjónustu
Fyrsta skrefið er að skilgreina hvaða þjónustu hið opinbera eigi
að veita. Næsta skref er að kanna hvernig hagkvæmast sé að
veita þá þjónustu. Þá eru eftir flóknustu og tímafrekustu skrefin
þ.e. að útfæra og framkvæma nauðsynlegar breytingar.
Krafa um hraða lækkun ríkisútgjalda kallar á almennar
aðgerðir. Slíkt er gjarnan kallað flatur niðurskurður og er í raun
andstæða markvissrar hagræðingar. Hættan er sú að mátturinn
sé dreginn úr mikilvægri starfsemi og verkefnum – að aðeins sé
verið að herða sultarólina.
Fyrir utan þá áhættu sem þetta skapar gagnvart þeim
mannauði sem stofnanir ríkisins og sveitarfélaga búa yfir beinir
of mikil áhersla á lækkun kostnaðar sjónum manna frá því sem
kalla má betri og skilvirkari rekstur.
Arnar Jónsson er stjórnsýsluráðgjafi hjá Capacent. Hann hefur einkum sinnt
verkefnum á sviði stefnumótunar, stjórnskipulags, rekstrar- og stjórnsýsluúttekta,
endurskipulagningar og hagræðingar. Arnar er með MA próf í stjórnsýslufræðum
frá Birmingham háskóla í Bretlandi og BA próf í stjórnmálafræði frá HÍ. Arnar
hefur einkum verið ráðgjafi stjórnenda ráðuneyta, stofnana, sveitarfélaga,
félagasamtaka og stéttarfélaga. Hann hóf störf við stjórnsýsluráðgjöf hjá
PricewaterhouseCoopers árið 1998 er síðar varð ParX – viðskiptaráðgjöf IBM.
Arnar leiddi stjórnsýsluráðgjöf ParX frá árinu 2000 og gegndi því starfi til ársloka
2009 er hann hóf störf hjá Capacent. Hann var sérfræðingur á fjárlagaskrifstofu
fjármálaráðuneytisins frá 1995-1998.
Arnar Pálsson er stjórnsýsluráðgjafi hjá Capacent. Sérsvið hans eru
stjórnsýsluráðgjöf, hagræðingarverkefni og stjórnskipulagsbreytingar. Arnar
er með MSc-gráðu í stjórnun og MA í bókmenntafræði. Hann starfaði áður
sem sérfræðingur í félagsmálaráðuneyti og ráðgjafi hjá ParX – viðskiptaráðgjöf
IBM. Í verkefnum sínum hefur Arnar starfað fyrir fjölda ráðuneyta, stofnana og
sveitarfélaga á sviði stefnumótunar og rekstrar. Arnar hefur einnig sinnt rekstrar-
og stjórnsýsluúttektum og tekið að sér verkefnisstjórnun á sviði rafrænnar
stjórnsýslu.
Vilborg Helga Harðardóttir er sviðstjóri á rannsóknarsviði Capacent með áherslu
á fyrirtæki og stofnanir innan opinbera geirans. Vilborg er með BA í sálfræði frá
Háskóla Íslands. Hún starfaði hjá Gallup frá 2001-2006 sem verkefnastjóri og
vörustjóri þjónusturannsókna, vann að uppsetningu gæðakerfis og sinnti starfi
umsjónarmanns gæðamála í kjölfar ISO 9001 vottunar Gallup. Hún starfaði í
fjárstýringu hjá Straumi-Burðarási frá 2006-2009.
Mynd 5 - Útgjöld ríkisins, tilgangur og útkoma
45
MARKAÐSMÁL
Viðskiptavinir gera stöðugt auknar kröfur um að vörur og þjónusta
séu sniðin að þeirra þörfum. Skýr markaðsstefna, markvissar
rannsóknir, vel skilgreindur markhópur, góð viðskiptatengsl og skilvirk
útfærsla markaðsáætlana eru lykilþættir fyrir árangur fyrirtækja.
Viðskiptarit CapacentSTRAUMAR
Markaðshringurinn – lykilspurningar í markaðsstarfi fyrirtækja
Það er aldrei hægt að skilja hið einstaka án þess að þekkja þá heild sem það er brot af. Nútímamaðurinn þekkir ekki sjálfan sig, nema hann þekki þá heildarmynd sem hann er brot af, og þessi heildarmynd fæst með því að kanna fortíðina. Þannig verða menn hæfari til að skilja nútímann. Og þeir sem þekkja fortíðina og skilja nútímann eru öðrum hæfari til að skapa framtíðina.
Gunnar Dal, heimspekingur og skáld
Markaðshringurinn varð til vegna áhuga á að
skoða samhengi hluta, heildarmyndina. Sjá
innbyrðis tengsl, orsök og afleiðingu.
Rót vandans, en ekki aðeins einkenni hans.
Upphaf og endi. Undirliggjandi ástæður
fyrir stöðunni á hverjum tíma. Vilja fletta
í burtu óþarfa útflúri og aukaatriðum
og draga fram kjarna málsins.
Þannig mótaðist hringurinn og
einstakir hlutar hans. Hringurinn
dregur það fram sem skiptir
mestu máli fyrir fyrirtæki að
átta sig á: Lykilspurningar út frá
skörpum fókus. Hver um sig er
hlekkur í keðju og í sameiningu
mynda þessar lykilspurningar
sterka heild sem gerir fyrirtækinu
kleift að vaxa og dafna.
Í miðju hringsins er að finna alfa
og omega allra fyrirtækja; stefnu og
framtíðarsýn, og skipulag og stjórnun. Annars
vegar spurninguna um hvert fyrirtækið vill fara
Þórður Sverrisson
47
og hins vegar spurninguna um hvernig eigi að skipuleggja
og stjórna til að framtíðarsýnin gangi eftir. Öll önnur verkefni
tengjast beint eða óbeint þessum tveimur lykilspurningum.
Glíman við verkefni og spurningar og svör sem skipta máli,
hafa áhrif á niðurstöðu um stefnu og framtíð og skipulag og
stjórnun.
Þess vegna er Markaðshringurinn með stefnu, framtíðarsýn,
skipulag og stjórnun í miðju hringsins. Utan þess kjarna eru
afmarkörkuð hólf, eða lykilþættir, sem á hverjum tíma þurfa að
vera þekktir og skýrir innan fyrirtækisins. Niðurstöður í hverjum
lykilþætti geta haft áhrif á stefnu og framtíðarsýn fyrirtækis og
hvernig það skipuleggur sig.
Lykilspurningar Markaðshringsins eru eftirfarandi:
1. Hvert stefnum við?
2. Hvernig vinnum við saman?
3. Þekkjum við markaðinn, umhverfið og samkeppnina?
4. Hvað þurfa viðskiptavinirnir?
5. Hvað á að bjóða viðskiptavinum?
6. Er starfsfólkið reiðubúið?
7. Hvernig á að kynna vörur og þjónustu?
8. Hvernig fer salan fram?
9. Hvernig hugsum við um viðskiptavini?
10. Er þjónustan í lagi?
11. Hver er aðgerðaáætlun næstu misseri?
12. Höfum við náð því sem ætluðum?
Stefna og framtíðarsýn: Hvert stefnum við?
Grundvallarspurningin er yfirleitt; hvert stefnum við? Hvert
viljum við fara? Leiðin sem mörkuð hefur verið til framtíðar
getur auðveldlega breyst ef staðan er metin á annan hátt og ef
aðrir þættir en áður fara að skipta meira máli. Spurningin um
stefnu og framtíðarsýn er því
í raun tímalaus. Kvikur ferill
með eilífum fléttum.
Stefna og framtíðarsýn er
í raun forsenda allra annarra
þátta. Á grundvelli skýrrar
stefnu er hægt að byggja
allt annað. Allt sem fram fer
innan þeirrar heildar þarf
að miða að því að styrkja
vegferðina í samræmi við framtíðarsýnina. Aðgerðir þarf að
vera hægt að heimfæra á stefnu og styðja beint eða óbeint við
hana. Þó sumar ákvarðanir séu einfaldar og afmarkaðar þurfa
þær engu að síður að vera hluti af samverkandi aðgerðum
byggðum á vel skilgreindri stefnu. Samtímis er mikilvægt að
stjórnendur geri sér grein fyrir að ferlið er oft flókið.
Á það hefur verið bent að það er afar misjafnt hversu
markvisst fyrirtæki standa að mótun stefnu og framtíðarsýnar.
Flokka má fyrirtæki í fernt. Í fyrsta lagi þau sem móta sjálf sína
stefnu og reyna að hafa markviss áhrif á framtíðina. Í öðru lagi
þau sem alltaf eru að bregðast við því sem gerist á markaði
og hafa ekki meðvitað áhrif á atburðarásina. Í þriðja lagi þau
fyrirtæki sem horfa á hlutina gerast, án þess að bregðast við á
nokkurn hátt og fljóta því oft sofandi að feigðarósi. Og í fjórða
lagi þau fyrirtæki sem eru það sinnulaus að þau velta aldrei
fyrir sér hvað raunverulega er að gerast fyrr en það er orðið um
seinan. Það hlýtur að vera markmið allra fyrirtækja að falla í
fyrsta flokkinn.
Skipulag og stjórnun: Hvernig vinnum við saman?
Þegar stefnan liggur fyrir þarf að skipuleggja hvernig
framtíðarsýnin geti orðið að veruleika. Stjórnskipulag á að
vera verkfæri til að fylgja eftir stefnu og áherslum sem eiga
sér uppruna í stefnumótun. Skipurit, sem í sjálfu sér er ekki
annað en myndgerð af stöðuheitum og verkaskiptingu, á að
endurspegla stefnu og áherslur en ekki einstaklingshagsmuni
og innanhúspólitík. Hljómar einfalt en er það oft ekki.
Raunveruleikinn sem blasir við í fyrirtækjum og stórum
skipulagsheildum getur reynst erfiður þröskuldur. Þótt stefna
og framtíðarsýn séu skýr gengur oft brösuglega að stilla saman
strengi þeirra einstaklinga sem eiga að vinna í samræmi við
hana.
Hér standa fyrirtæki frammi fyrir þremur spurningum.
Í fyrsta lagi verður að spyrja hvort skipulagið sjálft sé
skynsamlegt og hvort það sé
að styðja við þá kjarnastarfsemi
sem var skilgreind í
stefnumótun félagsins. Í öðru
lagi hvort skýrt sé hvernig
skipulagið á að virka. Hvort
að vald og ábyrgð sé vel
skilgreint, verkaskipting og
ferlar greinargóðir og samvinna
og miðlun upplýsinga öflug
og skilvirk. Í þriðja lagi þarf mönnun innan skipulagsins að vera
góð. Í öllum stöðum þarf að vera fólk með rétt viðhorf sem
Stefna og framtíðarsýn er í raun forsenda allra annarra þátta
Viðskiptarit CapacentSTRAUMAR
stundar fagleg vinnubrögð.
Það sem nú tekur við í markaðshringnum er í raun
eilífðarhringrás sem snýst um endurmat á stefnu, framtíðarsýn
og því skipulagi sem notast er við á hverjum tíma.
Markaðsrannsóknir: Þekkjum við markaðinn, umhverfið og
samkeppnina?
Fyrsta þrepið í þessari hringrás er spurningin um hvað er
vitað í raun um markaðinn, samkeppnina og það umhverfi sem
er starfað í.
Án gagna verða ekki til neinar upplýsingar. Án upplýsinga
verður ekki til nein vitneskja. Án vitneskju verður ekki til nein
þekking. Án þekkingar verður ekki til neitt mat á stöðunni.
Án mats á stöðu vantar grunn að ákvarðanatöku. Án
meðvitaðrar ákvarðanatöku verða aðgerðir ómarkvissar og
handahófskenndar. Og án markvissra aðgerða berst fyrirtækið
með vindum og er ætíð að bregðast við í stað þess að hafa
frumkvæði.
Þessi einföldu sannindi eru oft höfð að engu við stjórnun
fyrirtækja og þar með ákvarðanatöku. Oft gefa stjórnendur sér
ekki tíma til að afla upplýsinga, sannreyna eða hrekja tilgátu
eða tilfinningu sem þeir hafa fyrir stöðunni hverju sinni. Lagt
er í aðgerðir sem byggja á veikum grunni og sem hefðu aldrei
orðið að veruleika eða litið allt öðruvísi út ef byrjað hefði verið
á því að fara yfir hvað í raun væri vitað um málið.
En eðlilega má ekki tapa sér í öflun gagna. Gögn eru ekki
það sama og upplýsingar. Skilgreina þarf spurningarnar sem
við viljum fá svör við í hverju tilviki. Spurningar leiða alltaf til
pælinga um möguleg svör og þar þarf að staldra við. Það þarf
að meta hvaða spurningar og svör skipta mestu. Hvað menn
hafa í höndunum sem er nægjanlega gott. Þetta fyrsta þrep í
hringnum er þar af leiðandi afar mikilvægt.
Þarfa- og markhópagreining: Hvað þurfa viðskiptavinirnir?
Það skiptir öllu máli fyrir það sem á eftir kemur að skilgreina
skýra markhópa. Hugtakið „markhópur“, skýrir sig sjálft. Þetta
er skilgreindur hópur sem fyrirtækið ætlar sér að einbeita sér
að. Horfir gagngert til við að koma vörum sínum og þjónustu
á framfæri. Þetta þýðir um leið að fyrirtækið þarf að miða allar
sínar markaðaðagerðir út frá þessum skilgreinda markhópi.
Markaðsaðgerðirnar eiga að endurspegla alla markhópa
fyrirtækisins þ.e. samræmdum aðgerðum er beitt gagnvart
hverjum markhópi fyrir sig. Með öðrum orðum; fyrirtækið
nálgast alla innan markhópsins á sama hátt eða beinir sama
áreiti til þeirra í markaðsaðgerðum sínum, því að þeir tilheyra
sama markhópi.
Allt of oft liggja veikleikar fyrirtækja í óljósri mynd af
markaðnum. Stjórnendur láta nægja almenn og loðin svör,
á borð við þau að þeir „einbeiti sér að einstaklingsmarkaði”,
og láta síðan þar við sitja. Ef fyrirtæki hefur ekki góða mynd
af markaðnum og stjórnendur hafa ekki lagt mat á mikilvægi
og fýsileika einstakra markhópa, þá þvælist sú staða fyrir í öllu
ferlinu sem á eftir kemur.
Þetta getur verið afdrifaríkt þar sem svarið við þessari
lykilspurningu er í raun kjarninn í stefnumótun fyrirtækja og
lykillinn að farsælum árangri í samkeppni. Ef stjórnandi veit
ekki hver meginmarkhópur fyrirtækisins er skapast hætta á að
kröftum, tíma og fjármagni verði dreift, sem dregur úr líkum á
að fyrirtækið nái að skapa sér sérstöðu og sterka ímynd.
Tenging við skrefið á undan er sterk. Öflun upplýsinga um
markaðinn og þarfir einstakra markhópa er lykillinn að því að
geta dregið ályktanir og valið og hafnað; hvaða markhópar eru
okkur mikilvægastir, hvaða þarfir eru fyrir hendi, hver er þróun
þeirra og þar með fýsileiki markhóps. Og ekki má gleyma að
svara því hvaða hópa á að láta eiga sig.
Vöru- og þjónustuþróun: Hvað á að bjóða viðskiptavinum?
Þegar lýsing á þörfum ólíkra markhópa liggur fyrir og ákvörðun
er tekin um þá markhópa sem á að einbeita sér að þarf að
skoða hvernig eigi að uppfylla þær þarfir. Framboð á vörum
og þjónustu þarf að endurspegla þarfir markhópanna. Fyrst
og fremst þarf að skilgreina „búðarborðið“ þannig að það
innihaldi bæði vörur og þjónustu. Ekki bara vörur sem eru
framleiddar heldur líka þau atriði sem snúa að þjónustu. Þetta
kann að virðast smávægilegt atriði, en hefur áhrif á það sem á
eftir kemur og því þarf að negla skilgreininguna niður.
Með öðrum orðum; það þarf að vera meðvitaður skilningur
stjórnenda og annarra starfsmanna að búðarborðið innihaldi
allt það sem snýr að því að mæta þörfum markhópsins. Hér
koma því beint fram kostir þess og mikilvægi að skilgreina
þarfir markhópanna nokkuð ítarlega. Þær skilgreiningar eiga að
endurspeglast í vörum og þjónustu. Á þennan hátt á að nást
að skilgreina heildarlausn fyrir þá markhópa sem ætlunin er að
þjóna.
Framboð á vörum og þjónustu fyrirtækis verður síðan
að vera í sífelldri endurskoðun enda þróun vöru og þjónustu
mikilvæg og verður það enn frekar í framtíðinni. Kostnaður
getur hins vegar verið mikill og því áríðandi að endanleg vara
Markaðshringurinn | Þórður Sverrisson
49
eða þjónusta hitti í mark hjá þeim hópi sem skiptir mestu máli.
Innri markaðsmál og þjálfun: Er starfsfólkið reiðubúið?
Gott og vel, markaðurinn er þekktur, mikilvægasti
markhópurinn liggur fyrir og vörur og þjónusta uppfylla
þarfir viðskiptavina. Næsta skref í ferli markaðshringsins snýr
að starfsfólkinu. Einstaklingum sem mynda hópa í deildum,
sviðum og að lokum fyrirtækinu öllu. Allt snýst þetta um fólk.
Einstaklinga, unga sem aldna, konur og karla, sem hafa sitt
hlutverk, sín verkefni, sínar skyldur og sínar vonir, væntingar
og þrár. Ekkert gerist af sjálfu sér. Kerfi og skipulag gerir
ekkert eitt og sér. Öll verkefni eru unnin af fólki. Þess vegna
er nauðsynlegt að gæta þess að allur hópurinn sé reiðubúinn
undir þau verkefni sem felast í stefnu, viðskiptavinum og vörum
og þjónustu.
Þetta þrep snýst því um það sem hefur stundum verið nefnt
innri markaðsmál, en fjallar í raun ekki um annað en að gera
hóp einstaklinga hæfan og viljugan til að sinna verkefnum af
áhuga, metnaði og fagmennsku.
Það eru nokkur grundvallaratriði sem talin eru einkenna
markaðsdrifið fyrirtæki og hvernig þær áherslur kristallast í
samstíga vinnu og viðhorfi allra starfsmanna. Þessi fyrirtæki
hafa skýra framtíðarsýn og stefnu, fylgjast með viðskiptavinum,
keppinautum og umhverfinu, sýna hæfileika og getu til að
breyta um stefnu þegar aðstæður bjóða, skilgreina á skýran
hátt markaðshluta, markhópa og sérstöðu, hvetja og umbuna
starfsfólki fyrir umbætur, leggja áherslu á vöruþróun ekki síst í
hópvinnu, allt starfsfólk þeirra skilur mikilvægi viðskiptavina og
góðrar þjónustu, þau vinna markvisst eftir áætlunum, byggja
ákvarðanir á langtímamarkmiðum til að ná forskoti og bregðast
hratt og ákveðið við aðgerðum keppinauta.
Markaðssetning: Hvernig á að kynna vörur og þjónustu?
Þegar starfsfólk er reiðubúið að takast á við verkefni þarf að
skipuleggja hvernig á að nálgast markaðinn á faglegan og
markvissan hátt. Þrepið snýr að markaðssetningunni sjálfri.
Markaðssetningin þarf að byggja á því sem á undan er komið,
ekki síst þarf að skilgreina hvað nákvæmlega eigi að gera til
að markaðssetja framboðið gagnvart einstökum markhópum,
það er sömu markhópum og höfðu verið skilgreindir sem
mikilvægastir fyrr í markaðshringnum. Hér er enn ein ástæða
sem undirstrikar mikilvægi þess að kasta ekki til höndunum við
skilgreiningu markhópanna. Ef þeir eru þokukenndir og óljósir
verður markaðssetningin það líka.
Öll umræða um markaðssetningu gengur út á að skapa
viðskipti. Þegar upp er staðið er það tilgangur markaðssetningar.
Að ná ekki aðeins athygli viðskiptavinar heldur fá hann til að
klára dæmið með því að kaupa. Eiga viðskipti. Þetta ferli, frá því
að ná athygli og þangað til að viðskiptavinur kaupir, var sett fram
fyrir rúmri öld árum á einfaldan og öflugan hátt.
• Athygli
Fyrsta markmið skilaboða út á markaðinn er að ná athygli
markhópsins. Þegar margt af því sem fyrirtæki hafa verið að
gera í kynningarmálum er skoðað er ljóst að þetta er ekki
sjálfgefið. Ef við náum ekki athygli með einhverjum hætti
strax frá upphafi, þá eru litlar líkur á að við náum lengra með
málið.
• Áhugi
Ef fyrirtæki nær athygli viðskiptavina gefst tækifæri til að
skapa áhuga hans á því sem vakin er athygli á. Nýta verður
það tækifæri. Markmiðið í þessu þrepi er að sýna mögulegum
viðskiptavini einhverjar upplýsingar eða skilaboð, sem ekki
bara vekja athygli hans í byrjun, heldur líka áhuga.
• Löngun
Eftir að tekist hefur að fanga athygli viðskiptavinarins og
vekja hjá honum áhuga þarf að þoka hinum mögulega
viðskiptavini yfir í næsta þrep; að hann hafi löngun í það sem
hann sér og ákveði að gera eitthvað. Þetta eitthvað, fer eftir
markmiðum þess sem sendir skilaboðin. En markmiðinu er
ekki náð þó að mögulegur viðskiptavinir hafi löngun til þess
sem auglýst er.
• Framkvæmd
Þetta er hið endanlega markmið. Að löngun leiði til
framkvæmdar. Eitt form af auglýsingu, skilaboðum út á
markaðinn verður þess sjaldan valdandi að hugsanlegur
viðskiptavinur fari í gegnum öll fjögur þrepin. Það þarf að
vera öflug auglýsing sem næði því markmiði; vekti athygli,
skapaði áhuga á því sem væri verið að auglýsa, skapaði
mikla löngun til vörunnar og yrði til að viðskiptavinurinn
lokaði málinu með kaupum. Þess vegna eru notaðar margar
leiðir svo sem sjónvarp, blöð og bein markaðssetning. Við
þetta bætist þáttur sölumanna sem fara yfir kostina og ljúka
sölunni.
Viðskiptarit CapacentSTRAUMAR
Sala og sölustjórnun: Hvernig fer salan fram?
Sala getur falið í sér mismunandi aðkomu eða þátttöku
sölumanna. Stundum, og í vaxandi mæli, spila sölumenn enga
rullu í sölunni, eins og gerist þegar vara er seld á netinu. Þar
er milliliðalaust samband viðskiptavina við lager fyrirtækis
og viðskiptavinurinn sjálfur gengur frá sölunni. Þessi leið er í
auknum mæli að ryðja sér til rúms, en takmarkast að einhverju
marki við eðli vörunnar og umfang viðskiptanna. Ef vörur eru
flóknar eða kosta mikið er líklegt að viðskiptavinur vilji eða telji
sig þurfa meiri nálægð við sölumann og tækifæri til að spyrja
spurninga. Þetta er þó ekki einhlítt.
Í markaðshringnum er sala og sölustjórnun sett fram
sem sérstakt þrep þó eðlilega séu þetta verkefni sem eru
samtvinnuð gerð markaðsáætlunar. Það er líka skýringin
á að oft er talað um markaðs- og söluáætlanir. Eða sölu-
og markaðsáætlanir. Eða söluáætlanir. Stundum er þetta
hálfgerður grautur þar sem menn átta sig ekki á hvar munurinn
liggur. Sala og sölustjórnun eiga að koma í beinu framhaldi
af áherslum sem lagðar eru í markaðsáætlun fyrirtækis.
Markaðsáætlunin sýnir stefnu og áherslur gagnvart einstökum
markhópum og það er með sölustjórnun og sölumennsku sem
varan eða þjónustan er seld. Í sumum tilvikum er hún einungis
afgreidd, allt eftir því hvernig staðan er innan fyrirtækis og á
markaði.
Stjórnun viðskiptasambanda: Hvernig hugsum við um
viðskiptavini?
Hvað ef fyrirtækið er að hefja starfsemi, er búið að afla
fyrstu viðskiptavinina og hefur selt þeim eitthvað af vörum
með markaðssetningu og sölu; hvað þá? Þetta þrep í
markaðshringnum er nefnt „stjórnun viðskiptasambanda” og
lýsir sú yfirskrift ágætlega því sem um er að ræða Það hefur
myndast viðskiptasamband eftir fyrstu kaup en vandi þessa
þreps felst í að stjórna því sambandi til hagsbóta fyrir fyrirtækið
og viðskiptavininn. Það er ekki aðeins hinn sígildi sannleikur
um að það sé ódýrara að halda viðskiptavinum, en ná í nýja
sem skiptir máli. Sá boðskapur hefur verið þekktur lengi. Það
var ekki fyrr en farið var að velta fyrir sér framtíðinni og þróun
viðskipta sem þessi sannindi fóru að skipta máli. Þá kom
nefnilega í ljós, að hægt var að setja mælistiku á framtíðarvirði
þeirra viðskipta sem þegar voru komin. Út frá forsendum um
árleg viðskipti og á hvern hátt þau gætu þróast var hægt að
reikna út væntanlegar framtíðartekjur og núvirði þeirra.
Hér getur skilið á milli feigs og ófeigs á markaði en þar sem
fagmennska í vinnubrögðum á þessu sviði hefur nánast alls
staðar verið jafn léleg hefur það ekki komið að sök. Um leið
þýðir þessi staðreynd að hér liggja feiknarmikil sóknarfæri fyrir
þau fyrirtæki sem geta komið einhverju vitrænu skikki á þessi
mál.
Þjónustustjórnun: Er þjónustan í lagi?
Þjónustustjórnun er ekki svo gamalt hugtak og að sumu leyti
er hún dálítið eins og hin hliðin á stjórnun viðskiptasambanda.
Hvoru tveggja snýst að grunni til um samskipti við viðskiptavini
og það markmið að tryggja að upplifun þeirra sé ekki lakari
en þær væntingar sem þeir hafa í upphafi. Með stjórnun
viðskiptasambanda hefur fyrirtækið meira frumkvæði að
samskiptunum. Í þjónustustjórnun er fyrirtækið hins vegar að
tryggja rétt viðbrögð þegar viðskiptavinurinn leitar til þess.
Ágæt aðgreining til að vinna með þó hún eigi ekki að þvælast
of mikið fyrir.
Til frekari glöggvunar á þjónustuþættinum er áhugavert
að skoða þær víddir sem skilgreindar hafa verið sem forsendur
þess að þjónusta sé góð. Í stuttu máli byggir góð þjónusta á
eftirfarandi þáttum:
1. Trúverðugleika, þ.e. að viðskiptavinur hafi þá tilfinningu að
ráðleggingar byggi á þekkingu og hægt sé að treysta þeim.
2. Svörun snýst um að viðskiptavinur fái svör við sínum
fyrirspurnum fljótt og vel.
3. Áreiðanleiki snýst um að staðið sé við loforð. Það standist
sem sagt er.
4. Hluttekning er sú umhyggja sem viðskiptavinur finnur hjá
starfsmanni. Hann finni fyrir skilningi á aðstæðum sínum og
þörfum.
5. Áþreifanleiki er síðan umgjörðin utan um samskiptin þ.e.
það augnablik þegar þjónusta er veitt.
Þessir þættir mynda gátlista fyrir stjórnendur. Hjálpar til við að
greina stöðu og þörf fyrir úrbætur tengdar þjónustu.
Með stjórnun viðskiptasambanda hefur fyrirtækið meira frumkvæði að samskiptunum
Markaðshringurinn | Þórður Sverrisson
Markaðsáætlun: Hvernig lítur aðgerðaáætlun í markaðsmálum
út?
Allt kemur saman í markaðsáætluninni. Nauðsynlegt er að
glíma samtímis við lykilspurningarnar tvær sem snúa annars
vegar að markhópum og hins vegar að vörum og þjónustu.
Þessar spurningar eru:
1. Hvað á að gera í markaðsmálum gagnvart þeim
markhópum sem hafa verið skilgreindir?
2. Hvaða aðgerðir á að fara í sem tengjast hverri vöru og
þjónustu sem er að finna í framboði félagsins?
Markaðsáætlunin dregur saman allar einstakar aðgerðir sem
ákveðnar voru fyrr í ferlinu. Hvað á að gera í upplýsingaöflun
um umhverfið? Hvað á að gera í markaðsrannsóknum á árinu?
Hvað á að gera í markhóparýni? Hvað á að gera í nýsköpun og
þróun? Hvað á að gera til að styrkja markaðsleg vinnubrögð
eða hugsun meðal starfsmanna? Hvað á að gera varðandi
einstakar leiðir til að miðla boðskapnum út á markaðinn? Hvað
á að gera í einstökum söluaðgerðum? Hvað á að gera til að
styrkja tengslin við núverandi viðskiptavini? Hvað á að gera til
að styrkja þjónustuna?
Markaðsáætlunin er lykilplagg í markaðsstarfi og því
verður hún að vera vel unnin. Markaðsáætlun er stjórntæki á
sama hátt og margar aðrar áætlanir sem yfirleitt hafa fengið
meira vægi undanfarin ár, svo sem fjárhagsáætlun. Reyndar
hafa fjárhagsáætlanir oft verið settar fram án tengingar við
markaðsáætlun, sem sýnir þá stöðu sem markaðsmál hafa því
miður haft innan fyrirtækja.
Árangursmat: Höfum við náð því sem við ætluðum?
Síðasta, en ekki sísta þrepið í markaðshringnum, á þeirri
vegferð sem hófst með stefnumótun til framtíðar, er mat á
þeim árangri sem sóst er eftir á hverjum tíma. Er okkur að
takast það sem við lögðum upp með í byrjun?
1. Er stefnan að skila okkur árangri?
2. Er skipulagið skynsamlegt, skilvirkt og vel mannað?
3. Erum við að vinna að nauðsynlegri upplýsingaöflun um
markaðinn?
4. Erum við að einbeita okkur að réttum hópum viðskiptavina?
5. Erum við að með nógu fjölbreytt og sterkt framboð á
vörum og þjónustu?
6. Erum við með rétta fólkið til að vinna að settum
markmiðum?
7. Erum við með einfalda og góða áætlun um
markaðssetningu?
8. Erum við með árangursríka stjórnun sölumála og góða
sölumenn?
9. Höfum við góða mynd af viðskiptasamböndum og
upplýsingar um framlegð viðskiptavina?
10. Vitum við hvort þjónustan sé veitt á skilvirkan, hagkvæman
og ánægjulegan hátt?
11. Vinnum við eftir heildstæðri markaðsáætlun?
12. Höfum við náð markmiðunum?
Þetta eru þær lykilspurningar sem stjórnendur verða að
spyrja sig. Sé það ekki gert verða aðgerðir handahófskenndar
og veikar sem býður hættunni heim. Möguleikar á að fyrirtækið
verði undir í baráttu á markaði eru því töluverðar. Þótt ótrúlegt
megi virðast þá lendir þetta þrep oft utan garðs og fær ekki þá
athygli sem nauðsynleg er. Ástæður þess eru margvíslegar en
oftar en ekki er borið við tímaskorti eða það bara gleymist í erli
dagsins.
Kjarni málsins
Kjarni málsins er sá, að Markaðshringurinn sýnir fyrirtækjum
ákveðnar lykilspurningar sem gerir þeim kleift að meta stöðu
sína á hverjum tíma. Líkanið raðar saman spurningum sem
svara þarf varðandi stefnu og framtíð, skipulag og stjórnun, og
síðan einstaka þætti í markaðsmálum sem hafa áhrif á áherslur
og aðgerðir á hverjum tíma.
Lykilatriðið er innbyrðis tengsl einstakra þátta sem hjálpa
stjórnendum að sjá orsakasamband, sem er forsenda þess að
hægt sé að forgangsraða verkefnum. Og stjórnun fyrirtækja
snýst jú þegar upp er staðið að stórum hluta um glímuna við að
finna skynsamlega forgangsröðun.
Þórður Sverrisson er ráðgjafi hjá Capacent. Sérsvið hans eru stefnumótun,
skipulag, stjórnun og markaðsmál. Þórður er Cand Oecon frá HÍ og Cand Merc
frá Viðskiptaháskólanum í Kaupmannahöfn (CBS). Hefur starfað við ráðgjöf á
sínu sérsviði í 15 ár, en var áður m.a. markaðsstjóri Íslandsbanka fyrstu fimm ár
þess banka. Hefur áralanga og fjölbreytta reynslu á þessu sviði, en er auk þess
aðjúnkt í markaðsfræði og alþjóðaviðskiptum við Háskóla Íslands. Væntanleg er
bókin Forskot frá Þórði sem fjallar um markaðshringinn og lykilþætti hans.
Lykilatriðið er innbyrðis tengsl einstakra þátta
Viðskiptarit CapacentSTRAUMAR
Samfélagsstraumar og Analytics
Brynjólfur Borgar Jónsson
Gífurlegt magn upplýsinga safnast saman í nútíma
fyrirtækjum. Nær öll viðskipti eru skráð á rafrænan
hátt og fyrirtæki og stofnanir safna í gagnagrunna
sína miklum upplýsingum um hegðun einstaklinga. Ekki vegna
þess að þau hafi slíka gagnasöfnun að markmiði heldur vegna
þess að útbúa þarf reikninga fyrir vöru og þjónustu. Í hvert
skipti sem vara eða þjónusta er notuð myndast jafnvel rafræn
slóð og má nefna fjármála- og farsímaþjónustu sem dæmi.
Söfnun gagna og hagnýting þeirrar þekkingar sem verður til
þegar þau eru greind mun ráða úrslitum um samkeppnisforskot
framtíðarinnar því undir liggja samfélagsstraumar sem munu
umbreyta sambandi viðskiptavinar og fyrirtækja á næstu árum.
Samfélagsstraumar sem eiga sér stað nú þegar eða má sjá
á sjóndeildarhringnum eru afl breytinga í samfélaginu. Sum
fyrirtæki munu kjósa að leiða straumana hjá sér, önnur munu
fylgja þeim og enn önnur munu taka þeim með opnum örmum
og hagnýta sér þá. Þau síðastnefndu munu skara framúr.
Á næsta áratug kemur inn á vinnumarkaðinn kynslóð, sem
stundum hefur verið kölluð millenials, árþúsundahópurinn, eða
Generation Y. Í dag eru fulltrúar þessarar kynslóðar á aldrinum
15-25 ára og hafa alist upp við stafræna tækni, vefinn og
þriðju kynslóðar farsíma. Tækninýjungar eru sjálfsagður og
eðlilegur hluti af daglegu lífi þessa hóps. Þetta eru einstaklingar
sem eru fljótir að tileinka sér nýjungar og finna leiðir sem þeim
henta og hefur því verið spáð að tilkoma þessarar kynslóðar inn
á neyslumarkaðinn muni hafa grundvallarbreytingar í för með
sér og hafa flest stærri fyrirtæki heims fylgst grannt með henni
um skeið.
Árþúsundakynslóðin er að einhverju leyti tákn þeirra
breytinga sem eru að verða á neysluhegðun almennings og til
að skilja hana og þau áhrif sem hún mun hafa er nauðsynlegt
að átta sig á þeim samfélagsstraumum sem undir liggja og hafa
mótandi áhrif á árþúsundakynslóðina og umhverfi hennar.
Samfélagsstraumar
Alþjóðlega fjármálakreppan sem hófst árið 2007 er einhver
dýpsta kreppa í manna minnum og hefur líkt og aðrar
meiriháttar kreppur haft djúpstæð áhrif á efnahag ríkja,
fyrirtækja og einstaklinga. Afleiðingar fjármálakreppunnar eru
nú að koma fram af fullum krafti bæði austan hafs og vestan.
Verulega hefur dregið úr hagvexti, atvinnuleysi er mikið og
ríkisvaldið þarf að skera niður útgjöld og þar með mikilvæga
þjónustu. Alda mótmæla fer nú yfir hinn vestræna heim þar
sem almenniningur mótmælir því hlutskipti sínu að þurfa að
taka á sig auknar byrðar án þess þó að bera beina ábyrgð á
orsök vandans.
Álit almennings á ýmsum stofnunum samfélagsins
hefur gjörbreyst á örfáum árum og verulega hefur dregið
úr trausti í garð margra meginstofnana samfélagsins.
Óvenjulegar aðstæður hafa opinberað veika hlekki og sett
samfélagssáttmálann í uppnám. Fjármálakerfið, opinberar
stofnanir, fyrirtæki, stjórnmálaflokkar og jafnvel kirkjan standa
frammi fyrir því erfiða verkefni að þurfa að ávinna sér traust
almennings á nýjan leik eða eiga það á hættu að glata hlutverki
sínu.
Þetta eru umbrotatímar og ríkjandi gildi samfélagsins
53
eru í gerjun. Í slíku andrúmslofti fá ný og óhefðbundin
stjórnmálaöfl gjarnan byr undir báða vængi. Hér á Íslandi
má nefna Besta flokkinn sem bauð fram í Reykjavík í
sveitarstjórnarkosningunum árið 2010 sem dæmi, í Svíþjóð
fékk flokkurinn Sverigedemokraterna verulegt fylgi í
þingkosningum og Frelsisflokkurinn í Hollandi. Í Bandaríkjunum
hefur Tea Party Movement sem er eins konar grasrótarhreyfing
á hægri væng stjórnmálanna fengið talsverða athygli og verið
mikið í umræðunni. Hún sækir
fylgi til fólks sem ekki finnur
hljómgrunn meðal hinna
hefðbundnu stjórnmálaflokka.
Á sama tíma er hraði
tæknivæðingar sífellt að
aukast og farinn að hafa
veruleg áhrif á markaðsleg
jafnt sem félagsleg tengsl heilu
kynslóðanna. Hér má einkum
nefna lausnir á sviði hvers kyns samskipta sem hafa áhrif á
tengslanet okkar, tækifæri til vinnu og hvernig við nálgumst
upplýsingar, vörur og þjónustu. Handan við hornið er það sem
kalla má netvæðingu hluta (internet of things) sem mun bylta
stjórnun okkar á mörgum af þeim „kerfum“ sem við reiðum
okkur á, s.s. samgöngur, flutningar og veitur.
Það má því segja að það liggi í loftinu eins konar hvati
fyrir nýjar kynslóðir, ungt fólk, að segja skilið við „gamlar“
og „úreltar“ stofnanir samfélagsins, stofnanir sem kalla má
börn síns tíma, og reyna nýjar og frumlegar leiðir til að fást við
málefni daglegs lífs.
Mörg þeirra eru neytendur sem leggja mikið upp úr
sjálfbærni og sanngirni, að neikvæðum umhverfisáhrifum við
starfsemi fyrirtækja sé haldið í lágmarki og að starfsemin byggi
ekki á vinnuafli sem þarf að búa við kröpp kjör og slæmar
vinnuaðstæður. Varan á að vera græn og vistvæn, gjarnan
„beint frá býli“ og helst „fair trade“ ef hún kemur úr þriðja
heiminum. Loftslagsbreytingar eru ofarlega á baugi hjá stórum
hópum en einnig aukin neytendavitund og samhliða henni
krafan um aukið vald til neytenda. Segja má að neytendur
stjórni umræðunni í auknum mæli, sérstaklega á netinu
þangað sem hún er að færast.
Í stjórnmálum lítur sömuleiðis út fyrir að valdið eigi í
auknum mæli eftir að færast til almennings. Í Bretlandi hefur
ný ríkisstjórn Íhaldsflokksins og Frjálslyndra demókrata hleypt
af stokkunum verkefni sem kallast „Big society“ og miðar
að því að færa völdin frá stjórnmálamönnum til almennings
með því að virkja einstaklinga og hópa í nærsamfélaginu.
Á Íslandi hefur samráð stjórnamálamanna við íbúa/
kjósendur færst í vöxt í málefnum sem snerta nærumhverfi
kjósenda, ekki síst á sveitarstjórnarstiginu. Íbúakosningar,
samráðsfundir, stjórnlagaþing og aukin upplýsingamiðlun
frá stjórnmálamönnum til almennings eru dæmi um þetta.
Sömuleiðis eru margvíslegar grasrótarhreyfingar farnar
að spretta upp sem oft á tíðum ná
að hafa veruleg áhrif. Má nefna
Hagsmunasamtök heimilanna eða
Feministafélagið í því sambandi.
Farið er að bera á sjálfsprottinni
samvinnu einstaklinga um málefni sem
þá varða. Oft eru þetta málefni sem
heyra að forminu til undir opinbera aðila
en hefur ekki verið sinnt nægilega vel að
mati þessara hópa. Þetta er alþjóðlegt
fyrirbrigði og eru samfélagsmiðlar oft farvegur samvinnunnar.
Einstaklingar hagnýta þar persónulega færni sína í þágu
samfélagsins. Vefsíðan Okur.is er gott dæmi um slíka
sjálfsprottna samvinnu, í þessu tilviki á sviði verðlagseftirlits.
Einn aðili heldur úti síðunni og ritstýrir henni en almenningur
sendir inn athugsemdir.
Sá farvegur sem er að þróast fyrir samvinnu einstaklinga,
þ.e. tengslanet þeirra á vefnum, hefur opnað leiðir fyrir þá til
að mynda e.k. samvinnufélög sem geta leyst af hólmi ýmsar
stofnanir samfélagsins sem glatað hafa trausti og þar með
hlutverki sínu. Þegar í ofanálag bætist mikill niðurskurður á
þjónustu hins opinbera er augljóst að margir munu leita lausna
til að vinna sínu nærsamfélagi gagn án aðkomu hins opinbera
eð formlegra samtaka en jafnvel í samstarfi við samfélagslega
ábyrg fyrirtæki.
Hærri skattar og þröngur fjárhagur almennings mun
jafnframt ýta undir vöruskipti og hvers kyns viðskipti utan
hins opinbera hagkerfis og án aðkomu hefðbundinnar
greiðslumiðlunar fjármálafyrirtækja. Hér kemur tengslanetið á
vefnum að góðum notum og renna slík viðskipti frekari stoðum
undir samvinnufélögin.
Árþúsundakynslóðin tekur ofangreindum
samfélagsstraumum með opnum örmum, gerir þá að sínum,
eflir þá og miðlar þeim áfram til foreldra sinna og með
tímanum til barna sinna. Allt mun þetta móta markaðsmál
næstu áratuga.
Væntingar viðskiptavina hafa breyst
Viðskiptarit CapacentSTRAUMAR
Markaðsmál við upphaf 21. aldar
Þegar áherslur í markaðsmálum endurspegla samfélagsstrauma
hitta markaðsaðgerðir fremur í mark.
Eftir því sem þekking og áhugi almennings á sjálfbærni og
sanngirni eykst aukast kröfurnar sem gerðar eru til fyrirtækja
í þessum efnum. Fyrirtækjum, sem er annt um orðspor sitt,
munu þróa nýja mælikvarða sem endurspegla bæði jákvæð og
neikvæð áhrif starfseminnar á samfélag og umhverfi og miðla
þeim til markaðarins rétt eins og hefðbundnum fjárhagslegum
mælikvörðum.
Væntingar viðskiptavina til fyrirtækja sem þeir skipta við
hafa breyst. Í kjölfar efnahagsþrenginga eru viðskiptavinir
verðnæmari og leggja áherslu á að fá sem mest fyrir
peninginn. Þeir gera ráð fyrir að eiga
árangursrík, einföld og þægileg
samskipti við fyrirtæki.
Upplifunin á að vera óháð því
hver samskiptaleiðin er. Sú
krafa er einkar sterk hjá
árþúsundakynslóðinni
sem mun standa
frammi fyrir vali á milli
fyrirtækja sem aðlaga
sig að þeirra þörfum
og þeirra sem gera það
ekki.
Samkeppnisforskot
næst við þessar aðstæður með
góðri samvinnu við viðskiptavini
og skilningi á því að þeir vilja hafa áhrif
og að á þá sé hlustað. Fyrirtæki þurfa að læra
að hvetja til þátttöku viðskiptavina þar sem hún skapar virði
fyrir þá og fyrirtækið.
Fyrirtæki eiga að læra að „tala við“ frekar en að „tala til“
viðskiptavina sinna. Samtölin verða að byggja á fyrirliggjandi
gögnum til að verða árangursrík, gögnum sem kalla má
rafræna slóð viðskipta og notkunar vöru og þjónustu. Aukin
tæknivæðing almennra viðskipta og daglegs lífs leiðir af sér
rafræna slóð einstaklinga. Í hvert skipti sem greitt er með korti,
vafrað á Netinu eða farsími notaður skilur neytandinn eftir
sig slóð. Þessum gögnum er safnað saman af fyrirtækjum og
með því að innleiða tölfræðilegar greingarlausnir og lausnir
á sviði herferðastjórnunar verða gögnin grundvöllur samtals
við viðskiptavini. Gögn og greiningar gera fyrirtækjum þannig
kleift að rækta viðskiptasambandið á árangursríkan hátt.
Viðskiptavinir geta nú valið á milli þess að eiga viðskipti
við netverslanir eins og Amazon eða við hefðbundnar verslanir
og vega því og meta í hvert skiptið hver reynsla þeirra hefur
verið af fyrri viðskiptum. Við það aukast óhjákvæmilega
kröfurnar sem gerðar eru til hefðbundinna verslana um að
„þekkja“ viðskiptavininn með sama hætti og netverslanirnar
og að þær höfði til einstaklingsbundinna þarfa hvers og eins
viðskiptavinar.
Hjá Amazon og öðrum stærri netverslunum er samtalið
við viðskiptavininn löngu hafið og verslanir eins og Tesco
í Bretlandi hafa einnig sýnt fram á hvernig hefðbundnar
verslanir geta ræktað viðskiptasambandið með notkun
upplýsinga um viðskiptavini.
Að rækta viðskiptasambandið
á árangursríkan hátt krefst
þess að fyrirtæki brúi bilið
á milli þeirra gagna sem
fyrirliggjandi eru um
viðskiptavininn og
góðra ákvarðana í
markaðsmálum. Og
það er til mikils að
vinna því fyrirtækjum
sem gengur vel
í samkeppni um
viðskiptavini og geta sýnt
fram á það með viðeigandi
mælikvörðum ná einnig árangri
í samkeppni um fjármagn og hæft
starfsfólk.
Analytics - Frá gögnum til góðra ákvarðana
Upplýsingar um kaup og notkun viðskiptavina á vörum
og þjónustu sem nýtast til að útbúa reikninga geta einnig
nýst til að öðlast innsýn viðskiptasambandið. Með því að
beita tölfræðilegum greiningaraðferðum á fyrirliggjandi
gögn um viðskiptavini má svara spurningum eins og hver
er staða sambandsins, hvernig hefur það þróast og hvernig
er líklegt að það muni þróast. Þetta er þekking sem nýtist
við ákvarðanatöku. Á ensku er þessi aðferð við úrvinnslu og
greiningu gagna nefnd analytics og er hún notuð af mörgum
stærri fyrirtækjum víða um heim.
Í Bretlandi býður til dæmis verslunarkeðjan Tesco
Samfélagsstraumar og Analytics | Brynjólfur Borgar Jónsson
viðskiptavinum sínum að skrá sig í sérstakan vildarklúbb. Gegn
því að þeir leyfi Tesco að halda skrá um kauphegðun þeirra
njóta þeir örlítið betri kjara. Með því að beita tölfræðilegum
greiningaraðferðum á gögnin verður til þekking sem Tesco nýtir
til að geta betur uppfyllt þarfir viðskiptavina sinna jafnframt því
að ná fram hagræðingu í rekstri.
En hvernig á að vinna úr því gífurlega magni upplýsinga
sem safnast upp í fyrirtækjum. Hvernig geta upplýsingar orðið
grunnur góðra ákvarðana?
Hin rafræna slóð liggur ofan í gagnagrunna. Þar er
upplýsingum komið fyrir og þær geymdar. Upplýsingar eru
sóttar í tengslum við reikninga og uppgjör en þegar því ferli er
lokið breytast gagnagrunnar oft í eins konar gagnagrafhýsi þar
sem gögn eru geymd en varla notuð framar.
Í stærri fyrirtækjum eru gagnagrunnar margir og þjóna
ólíkum þörfum hina ýmsu sviða fyrirtækisins. Yfirleitt eru þessir
gagnagrunnar óháðir og ótengdir þótt í þeim sé að finna
upplýsingar um sömu aðilana, þ.e. viðskiptavini fyrirtækisins.
Erfitt er því að öðlast heildarsýn á viðskiptasambandið við
einstaka viðskiptavini nema með því að sameina upplýsingar úr
gagnagrunnum.
Lausnin á þessum vanda felst í því að koma upp svokölluðu
vöruhúsi gagna. Þar er upplýsingum úr gagnagrunnum
fyrirtækisins safnað saman, gögnin hreinsuð og snyrt og komið
á staðlað form. Þar með verða þau aðgengileg og vakna til
lífsins. Með þessu er horfið frá einhliða áherslu á innstreymi
gagna. Með áherslu á útstreymi upplýsinga er hægt að ráðast í
greiningarvinnu sem verður undirstaða nýrrar þekkingar.
Fyrsta skrefið í greiningu á upplýsingum er yfirleitt að leita
svara við einföldum grundvallarspurningum. Hvað gerðist?
Hversu oft? Hversu mikið? Áherslan er á stöðu mála og hvernig
þau hafa þróast.
Smám saman eykst þekkingin og spurningarnar sem leitað
er svara við þróast. Af hverju? Hvað gerist næst? Hvað ef þessi
þróun heldur áfram? Hvað væri best að gera? Áherslan verður
í auknum mæli á öflun nýrrar þekkingar og líklega þróun.
Menn hætta að horfa eingöngu í baksýnisspegilinn og fara
að horfa út um framrúðuna. Þegar hér er komið við sögu eru
tölfræðilegar greiningaraðferðir orðnar fyrirferðarmeiri.
En af hverju ættu fyrirtæki að fara þessa leið?
Svörin við grundvallarspurningunum eru lífsnauðsynleg en þau
tryggja að hámarki óbreytt ástand.
Þau veita fyrirtækinu upplýsingar um stöðuna í dag og
hvernig mál hafa þróast. Jafnvel er hægt að greina hvar
vandamálin liggja. Svörin geta komið í veg fyrir að fyrirtæki
heltist úr lestinni í samkeppni við önnur fyrirtæki.
Svörin við hinum þróaðri spurningum geta veitt
samkeppnisforskot.
Ef haldbærar upplýsingar liggja ekki fyrir reyna menn að
svara spurningunum með tilfinningum og af innsæi. Með
vandaðri greiningu á fyrirliggjandi gögnum fást hins vegar
svör sem gera starfsmönnum kleift að taka upplýstar og góðar
ákvarðanir sem veita samkeppnisforskot.
Bilið á milli upplýsinga og ákvarðana hefur verið brúað.
Að sjálfsögðu þróast geta fyrirtækja til að vinna með gögn
og greiningar í skrefum. Ákvörðunum sem byggja á gögnum
og greiningum fjölgar smám saman á kostnað ákvarðana
sem byggja á tilfinningu og innsæi. Þar sem fylgst er með
árangrinum er tekið eftir því að hann batnar, fyrirtækið er í
raun að læra af reynslunni á kerfisbundinn hátt. Þessi breyting
á ákvarðanatöku er óumflýjanleg vegna tæknivæðingar
samfélagsins. Gögnin hlaðast upp og þekking sem veitir
samkeppnisforskot er því handan við hornið – fyrir þá sem
nýta sér gögnin. Aðstæður sem þessar kalla á greiningar
og gagnaháða (data-driven) ákvarðanatöku. Aðkoma
nýrra kynslóða að ákvörðunum ýtir undir þróunina. Fagleg
ákvarðanataka sem byggir á vandlegri greiningu á gögnum
og miðlun upplýsinga til almennings verður einnig mikilvægur
liður í því uppbyggingarstarfi sem bíður fyrirtækja og stofnana
sem glatað hafa trausti. Slík vinnubrögð falla jafnframt vel að
stefnu þeirra fyrirtækja sem leggja áherslu á sjálfbæra nýtingu
auðlinda og samfélagslega ábyrgð.
Þeir sem takast fyrr en síðar og af festu á við það verkefni
að brúa bilið á milli gagna og góðra ákvarðana munu standa
betur að vígi en þeir sem láta sér nægja að fylgja straumnum.
Brynjólfur Borgar Jónsson er ráðgjafi hjá Capacent. Sérsvið hans eru Analytics og
bætt ákvarðanataka á sviði sölu- og markaðsmála. Brynjólfur er með BA í sálfræði
frá Háskóla Íslands og með MSc-gráðu í tölfræði og aðgerðarannsóknum frá
University of the West of England í Bristol. Hann starfaði sem auglýsingaráðgjafi
hjá Morgunblaðinu 1998-2000, sem markaðsrannsóknastjóri hjá Norðurljósum
2000-2002, við greiningu og rannsóknir hjá Arkenford Ltd í Bretlandi 2004-2005
og við greiningu á viðskiptabankasviði Landsbankans 2006-2009.
Viðskiptarit CapacentSTRAUMAR
MANNAUÐUR
Mestu verðmæti flestra fyrirtækja felast í starfsfólki þess.
Góð mannauðsstjórnun, í skýrum tengslum við stefnu og
markmið fyrirtækisins, skilar sér í aukinni framleiðni, meiri
gæðum og ánægðari og tryggari viðskiptavinum.
57
Áhrif hagræðingaraðgerða á starfsfólk
Tómas Bjarnason
Á þeim rúmu tveimur árum síðan bankakreppan
hófst hafa mörg fyrirtæki og stofnanir þurft að
ráðast í sársaukafullan niðurskurð og breytingar.
Sjá má á atvinnuleysistölum að einkafyrirtækin brugðust fyrr
og mögulega öðruvísi við kreppunni en þau opinberu, t.d.
með því að grípa fyrr til uppsagna. Opinber fyrirtæki hafa
síðan beitt auknu aðhaldi og í ljósi fjárlagafrumvarpsins má
sjá að niðurskurði í opinberum rekstri er hvergi nærri lokið.
Skipulagsbreytingar, niðurskurður og uppsagnir munu því
miður áfram setja mark sitt á vinnustaði á næstu mánuðum.
Áhrif hagræðingaraðgerða á starfsfólk
Þó að hagræðingaaðgerðir geti verið vel rökstuddar út
frá rekstrarlegum sjónarmiðum, má búast við neikvæðum
viðbrögðum hjá starfsfólki sem greina má t.d. í minni
ánægju, streitu, fjarvistum og aukinni starfsmannaveltu.
Rannsóknir hafa jafnframt sýnt að ein mikilvæg afleiðing
ýmissa slíkra aðgerða er starfsóöryggi sem getur verið
alvarlegur streituvaldur.
Önnur afleiðing óöryggis er vaxandi vantraust, t.d.
á stjórnendum. Ástæðan er að óöryggi er ógn við þann
„ósýnilega“ eða „sálfræðilega“ samning sem jafnan er í
gildi milli starfsfólks og stjórnenda. Þessi samningur byggist
á gagnkvæmni þar sem atvinnurekandi leggur til starf,
laun, aðstöðu og búnað og starfsmaðurinn leggur til tíma
sinn, þekkingu, frumkvæði, áhuga, o.fl. Starfsóöryggi, þ.e.
- skiptir upplýsingastreymi og samráð einhverju máli?
hræðsla við að atvinnurekandinn segi „samningnum“ upp
einhliða, er brot á þeirri gagnkvæmni sem samningurinn
byggist á og getur valdið djúpstæðum efasemdum um heilindi
stjórnenda. Í ljósi erfiðs atvinnuástands og lítils atvinnuöryggis
má búast við að óöryggi hafi jafnvel enn neikvæðari áhrif á
starfsfólk en annars væri.
Í töflu 1 má sjá stutt yfirlit um afleiðingar
hagræðingaragerða á líðan og upplifun starfsfólks í kjölfar
uppsagna og niðurskurðar.
Ákvörðun um að segja upp fólki eða skera niður í rekstri
er aldrei einföld eða auðveld, enda eru slíkar aðgerðir
yfirleitt síðasta úrræði sem gripið er til. Ef slíkar aðgerðir eru
óumflýjanlegar er sérstaklega mikilvægt að stjórnendur hugi
að neikvæðum áhrifum þeirra á starfsfólk og reyni þá að haga
framkvæmd þeirra þannig að skaði þeirra verði sem minnstur.
Capacent gerði könnun síðastliðið vor til að kanna til hvaða
aðgerða íslensk fyrirtæki og stofnanir hafa gripið til að draga úr
kostnaði. Jafnframt voru ýmsir þættir sem lúta að upplifun og
líðan starfsfólks kannaðir, svo sem:
• Hvort samráð hefði verið haft um aðgerðir
• Hvort aðgerðirnar hefðu verið kynntar
• Hvaða árangur hefði verið af aðgerðunum – að mati
starfsfólks
• Hvaða áhrif aðgerðirnar höfðu á traust starfsfólks á
stjórnendum
Hvaða áhrif aðgerðirnar höfðu á ánægju starfsfólks
Viðskiptarit CapacentSTRAUMAR
Áhrif hagræðingaraðgerða á starfsfólk | Tómas Bjarnason
Með því að skoða niðurstöður þessarar könnunar má
öðlast aukinn skilning á hvaða áhrif slíkar aðgerðir hafa
og mögulega hvernig unnt er að lágmarka neikvæð áhrif
hagræðingaraðgerða.
Um könnunina
Könnunin var gerð síðastliðið vor. Um var að ræða netkönnun
sem send var þátttakendum í svokölluðum netpanel Gallup.
Netpanellinn samanstendur af u.þ.b. 15.000 einstaklingum
sem valdir hafa verið með tilviljunaraðferð úr þjóðskrá.
Panellinn er uppfærður reglulega og tryggt er að hópurinn
endurspegli ávallt íslensku þjóðina. Auk þess eru hópar
svarenda vigtaðir til að tryggja enn betra samræmi milli úrtaks
og þjóðarinnar. Svarendur voru tæplega 600 viðmælendur í
launaðri vinnu og var svarhlutfall 68%.
Aðgerðir vinnustaða á síðastliðnum 12 mánuðum
Niðurstöður sýna að vinnustaðir hafa gripið til magvíslegra
hagræðingaraðgerða og 80% svarenda sögðu að vinnustaðir
þeirra hefðu gripið til einhverra aðgerða á síðastliðnum 12
mánuðum til að draga úr kostnaði.
Þær aðgerðir sem spurt var um eru sýndar á mynd 1.
Algengustu aðgerðirnar sem starfsfólk hafði orðið vart við
voru skerðingar á ferðakostnaði, yfirvinnubann og skerðingar á
ÁHRIF MÖGULEGAR ÁSTÆÐUR
Meiri streita
» Uppsagnir valda óöryggi sem leiðir til meiri streitu » Vinnustaðir reyna að viðhalda sama þjónustustigi með færra fólki sem veldur
auknu álagi á starfsfólk » Útvíkkun verður á starfssviðum, sem þýðir að fólk þarf að takast á við nýja ábyrgð
og verkefni » Þekking og hæfni hverfur úr fyrirtækinu, sem þýðir að ferlar raskast og erfiðara
verður að viðhalda sama þjónustustigi
Lakari starfsandi
» Togstreita og samkeppni getur aukist milli starfsfólks » Aukin óvissa, deyfð og e.t.v. söknuður vegna starfsfólks sem hefur verið sagt upp » Samviskubit hjá eftirlifendum yfir því að hafa ekki verið sagt upp » Ótti við uppsagnir valda kvíða og óöryggi
Óöryggi þeirra sem eftir eru » Hugsanlegur ótti við að fleiri uppsagnir geti verið á döfinni » Hugsanlegur ótti við aðrar breytingar sem áhrif hafa á starfið, launin, eða annað
sem skiptir fólk máli
Auknar fjarvistir, aukin starfsmannavelta » Aukin streita og óánægja
Tafla 1 - Áhrif uppsagna og niðurskurðar á starfsfólk: Niðurstöður rannsókna
Mynd 1: Hefur þinn vinnustaður þurft að grípa til einhverra aðgerða til að draga úr kostnaði á síðustu 12 mánuðum? Þeir sem voru í launaðri vinnu (sp. 1) fengu
þessa spurningu.
59
launum og hlunnindum. Ríflega fjórðungur hafði orðið var við
uppsagnir til að draga úr kostnaði og tæplega fjórðungur hafði
orðið var við skerðingu á fræðslu og skerðingu á starfshlutfalli.
Undir liðnum aðrar aðgerðir, nefndi fólk almennar
hagræðingar- og aðhaldsaðgerðir í innkaupum (mat, pappír,
hráefni), viðhaldi og framkvæmdum. Undir þessum lið var
einnig nefnt skert þjónusta, minni gæði þjónustu og skemmri
opnunartími.
Nær allir, eða 95% þeirra sem störfuðu hjá opinberum aðila
höfðu orðið varir við aðgerðir á sl. 12 mánuðum til að draga úr
kostnaði, en heldur færri þeirra sem störfuðu á einkamarkaði,
eða 69%. Einu aðgerðirnar sem algengari voru á einkamarkaði
en hinum opinbera voru uppsagnir, en tæpur þriðjungur (32%)
svarenda á einkamarkaði sögðu að vinnustaðurinn hefði sagt
upp fólki í samanburði við tæplega fimmtung svarenda (19%)
sem störfuðu á opinberum markaði. Flestar aðrar aðgerðir voru
algengari á opinberum markaði, t.d. skerðing á ferðakostnaði,
yfirvinnubann, skerðingar á launum og hlunnindum, og
skerðingar á fræðslu og ráðningarbann.
Tæplega helmingur svarenda taldi að aðgerðir hefðu skilað
miklum árangri (sjá mynd 2). Ríflega helmingur svarenda í
einkageiranum töldu að aðgerðir hefðu skilað árangri en aðeins
rúmlega þriðjungur svarenda í opinbera geiranum.
Einnig var spurt hvort aðgerðirnar hefðu verið kynntar
og sagði tæplega helmingur að aðgerðirnar hefðu verið vel
kynntar. Nærri helmingur svarenda í einkageiranum (48%)
sagði að aðgerðirnar hefðu verið vel kynntar, en 42% þeirra
sem vinna í opinberum rekstri.
Aðeins fjórðungur sagði að leitað hafi verið mikils samráðs
við starfsfólk áður en aðgerðirnar komu til framkvæmda (sjá
Mynd 3) og var þar líkt á komið með starfsfólki á einkamarkaði
og í opinberum rekstri.
Áhrif aðgerða á starfsfólk
Samkvæmt niðurstöðunum voru viðhorf starfsfólks marktækt
neikvæðari þar sem vinnustaðir höfðu þurft að grípa til
hagræðingaraðgerða en þar sem starfsfólk hafði ekki orðið vart
við hagræðingaraðgerðir á síðastliðnum 12 mánuðum. T.d. var
ánægja meiri og traust á stjórnendum meira þar sem starfsfólk
hafði ekki orðið vart við hagræðingaraðgerðir á síðastliðnum
12 mánuðum (sjá mynd 4). Þó greina mætti mun á áhrifum
hagræðingaraðgerðanna, höfðu allar þær hagræðingaraðgerðir
sem spurt var um neikvæð áhrif á viðhorf starfsfólks.
Greinileg merki má sjá um að traust á stjórnendum
skerðist við hagræðingaraðgerðir og að það dregur úr ánægju
starfsfólks. Einnig taldi starfsfólk þar sem ráðist hafði verið
í hagræðingaraðgerðir sig frekar vera í ótryggri vinnu, að
starfsandinn væri verri og að álagið væri meira.
Mynd 2. Almennt séð, myndirðu segja að þessi aðgerð / þessar aðgerðir hafi skilað miklum eða litlum árangri?
Mjög miklum Fremur miklum Hvorki né Fremur litlum Mjög litlum
5,8%
38,3
%
28,9
%
17,4
%
9,6%
Mynd 3 - Var leitað mikils eða lítils samráðs við starfsfólk áður en þessar aðgerðir komu til framkvæmda?
Mjög mikils Frekar mikils Hvorki mikils né lítils Fremur lítils Mjög lítils
6,8%
18,2
%
23,1
%
17,5
%
34,4
%
Mynd 4 - Áhrif hagræðingaaðgerða á ánægju og traust á stjórnendum
Spurninunum er svarað á fimm punkta kvarða, þar sem jákvæðasta svarið fær gildið 5, næst jákvæðasta gildið 4, o.s.frv. Meðaltal er síðan reiknað útfrá
kvarðanum þannig að gefur hærra meðaltal til kynna meira traust og meiri ánægju.
3,97
4,40
3,77
4,51
Sé einkageirinn skoðaður sérstaklega, má sjá svipuð áhrif
á starfsfólk í einkafyrirtækjum og í safninu í heild. Starfsandi,
starfsánægja, traust á stjórnendum, tryggð og starfsöryggi var
lægra þar sem fyrirtæki höfðu ráðist í hagræðingaraðgerðir, en
meðal þeirra fyrirtækja sem ekki höfðu gert það.
Mikilvægi samráðs og upplýsinga
Þeir svarendur sem sögðu að vinnustaður þeirra hefði ráðist í
hagræðingaraðgerðir voru spurðir hvort aðgerðir hefðu skilað
árangri, hvort samráð hefði verið haft um aðgerðirnar og hvort
þeim hefði verið kynntar aðgerðirnar. Skýr tengsl voru annars
vegar á milli samráðs um aðgerðir og upplýsinga um aðgerðir
og hins vegar viðhorfa starfsfólks.
Þar sem hagræðingaraðgerðir voru vel kynntar, var
starfsfólk ánægðara, treysti stjórnendum betur, tryggð var
meiri, fólki fannst álag minna og starfsandi betri miðað við
starfsfólk sem sagði að svo hefði ekki verið (sjá mynd 5).
Nærri níu af hverjum tíu voru ánægðir þar sem
hagræðingaraðgerðir voru vel kynntar en um þrír af hverjum
fjórum voru ánægðir þar sem þær voru ekki vel kynntar. Ríflega
átta af hverjum tíu báru traust til stjórnenda þar sem aðgerðir
voru vel kynntar en aðeins helmingur þar sem svo var ekki.
Ef einungis eru skoðuð einkafyrirtæki, kemur í ljós sama
mynstur í stórum dráttum, að því undanskyldu að álag mældist
ekki marktækt meira þar sem hagræðingaraðgerðir höfðu ekki
verið kynntar í samburði við vinnustaði þar sem þær höfðu
verið kynntar.
Svipaðar niðurstöður komu fram varðandi samráð. Ánægja
var meiri, traust á stjórnendum meira og starfsandi var betri
þar sem samráð var haft um aðgerðir, en þar sem það var ekki
gert. Sem dæmi voru nærri níu af hverjum tíu sem báru traust
til stjórnenda þar sem samráð var haft um aðgerðir, en tæplega
sex af hverjum tíu báru traust til stjórnenda þar sem svo var
ekki (sjá mynd 6).
Hverjar sem aðgerðirnar voru höfðu kynningar og samráð
jákvæð áhrif á ánægju starfsfólks, traust til stjórnenda og
starfsanda, þó einna mest áhrif á traust til stjórnenda. Samráð
og kynningar virtust hinsvegar hafa minni áhrif á starfsöryggi
og álag.
Hvaða upplýsingar á að veita?
Á erfiðum tímum sem hafa verið og eru framundan er ljóst að
hagræðingaraðgerðir, nánast hverjar sem þær eru, eru líklegar
til að hafa neikvæð áhrif á starfsfólk. Þetta er í samræmi við
Mynd 5 - Viðhorf starfsfólks eftir því hversu vel aðgerðir voru kynntar (meðaltöl)
Ekki vel kynntarVel kynntar
4,20
3,77
4,19
3,44
2,47
2,28
3,66
4,11Mynd 6 - Starfsánægja og traust eftir því hvort samráð var haft um
hagræðingaraðgerðir eða ekki
4,28
3,85
4,34
3,55
4,25
3,69
Áhrif hagræðingaraðgerða á starfsfólk | Tómas Bjarnason
61
fjölmargar erlendar rannsóknir.
Þegar fyrirtæki standa frammi fyrir erfiðleikum í rekstri
standa þau ekki einungis frammi fyrir rekstrarvanda, heldur
líka hvaða upplýsingum á að deila með fólki og hversu mikið
samráð á að hafa við starfsmenn um til hvaða aðgerða á að
grípa og hvernig á að framkvæma þær.
Niðurstöður sýna greinileg jákvæð áhrif kynninga og
samráðs á viðhorf starfsfólks
þó ekki nægði það til að vega
á móti neikvæðum áhrifum
hagræðingaraðgerðanna. Nokkrar
skýringar geta verið á þessum
jákvæðu áhrifum. Mögulega auka
kynningar og samráð þá tilfinningu
starfsmanna að þeir hafi meiri stjórn
á ferlinu. En almennt má segja að
rannsóknir sýni nokkuð skýrt að
aukin stjórn á aðstæðum dragi úr
neikvæðum áhrifum álags og eykur
ánægju og tryggð starfsmanna.
Önnur möguleg ástæða er að með samráði og upplýsingum
hefst hagræðingarferli ekki með einhliða uppsögn hins
óformlega samnings, heldur með því að benda starfsfólki á
að forsendur í umhverfi og rekstri vinnustaðarins séu breyttar.
Þar með varpa stjórnendur ljósi á að endurskoðunar sé þörf
á þeim ósýnilega samningi sem er í gildi milli starfsmanna og
stjórnenda í stað þess að breyta honum einhliða, án vitneskju
starfsmanna um hvaða forsendur eða nauðsyn hafi legið
að baki. Með kynningu og samráði gefst starfsfólki kostur
á að hafa áhrif á ferlið, það skilur betur ástæður og eðli
breytinganna, sem síðan dregur úr vantrausti og möguleikinn á
að byggja upp traust á nýjan leik vex.
Sumir stjórnendur forðast að greina frá óþægilegum eða
erfiðum málum. Þegar reksturinn gengur illa er hins vegar
gríðarlega mikilvægt að auka samskipti en ekki að draga úr
þeim – jafnvel þótt ekki sé frá neinu sérstöku að greina, þá eru
það fréttir í sjálfu sér. Ef þetta er ekki gert, má gera ráð fyrir að
starfsfólk geti í eyðurnar og hinn ímyndaði veruleiki sem verður
til í samræðum starfsmanna á göngunum eða við kaffivélina
getur verið verri en veruleikinn sjálfur.
Tíð, heiðarleg og gagnvirk samskipti eru besta leiðin til
að lágmarka þessi áhrif. Upplýsingar til starfsmanna geta t.d.
snúist um umfang aðgerðanna, hverju þær muni skila, hvenær
þeim lýkur og hvaða áhrif þær muni mögulega hafa.
Mörg fyrirtæki og stofnanir sem stóðu frammi fyrir því að
þurfa að hagræða í sínum rekstri leituðu eftir hugmyndum
frá starfsfólki á sérstökum hugarflugsfundum. Í framhaldi
þeirra var svo unnið úr niðurstöðum og þær notaðar til að
hagræða í rekstri. Þær niðurstöður sem hér er greint frá benda
til að árangur slíkra aðgerða sé betri en ella þegar litið er til
ánægju starfsmanna, trausts til stjórnenda og starfsanda og
á sama tíma hafi þær skilað
vinnustöðum bættum rekstri.
Hægt er að hafa samráð
við fólk með fleiri leiðum.
Stuttar og hnitmaðaðar
starfsmannakannanir eru
jafnframt gagnlegar til að kanna
hug fólks svo ekki sé minnst á
fundi, bæði stóra og smáa.
Niðurstaða þessarar
rannsóknar er því sú að
hagræðingaraðgerðir hafi
neikvæð áhrif á viðhorf
starfsfólks, en að kynningar og samráð dragi greinilega úr
neikvæðum áhrifum slíkra aðgerða.
Dr. Tómas Bjarnason er rannsóknastjóri Capacent. Tómas er með BA gráðu í
félags- og fjölmiðlafræði frá Háskóla Íslands og Phd í félagsfræði við háskólann
í Gautaborg. Tómas hefur unnið við ýmiskonar rannsóknir frá 1988 og
stundakennslu við HÍ frá 1999. Tómas hefur starfað hjá Capacent frá árinu 2000
við fyrirtækja- og starfsmannarannsóknir.
» 80% svarenda sögðu að vinnustaður þeirra hafi
gripið til hagræðingaaðgerða á sl. 12 mánuðum
» Um þriðjungur nefndi skerðingar á ferðakostnaði,
yfirvinnubann og skerðingar á launum og
hlunnindum
» Um fjórðungur nefndi uppsagnir
» Tæplega helmingur svarenda taldi að aðgerðir
hefðu skilað miklum árangri
Tíð, heiðarleg og
gagnvirk samskipti
eru besta leiðin til að
lágmarka þessi áhrif
Viðskiptarit CapacentSTRAUMAR
Ráðningar geta reynst dýrkeyptar
Gunnar Haugen
Íslendingar hafa verið þeirrar gæfu aðnjótandi undanfarna
tvo áratugi að atvinnuleysi hefur sjaldan farið yfir 5% og
oftast verið mun minna. Þessar aðstæður á vinnumarkaði
gerðu það að verkum að fyrirtæki og stofnanir höfðu lítinn
hag af því að leggja mikla vinnu í að skilgreina og velja það
sem kalla má „rétta starfsmanninn“ – hann var bara ekki til.
Að sama skapi mátti ganga út frá því sem vísu að einstaklingar
sóttu sjaldan um störf sem
hentuðu þeim ekki eða þeim
langaði ekki að starfa við.
Líkurnar á því að „rétti“
umsækjandinn fyndist voru
því verulegar. Í dag er staðan
aðeins önnur.
Atvinnuleitendum má
um þessar mundir skipta í tvennt. Annarsvegar eru þeir sem
þurfa vinnu vegna þess að núverandi starf er í uppnámi, eða
þeir hafa nú þegar misst vinnunna og hins vegar þeir sem vilja
skipta um starf vegna starfsþróunar eða launa. Fyrir „kreppu“
tilheyrði helmingur umsækjenda seinni hópnum en núna eru
2/3 umsækjenda að leita sér að starfi vegna þess að þeir þurfa
vinnu – frekar en að þá langi í starfið. Þessi staða gerir það að
verkum að hlutfall „réttra“ í umsækjendahópi hefur lækkað
– sem aftur gerir það að verkum að líkur á ráðningamistökum
aukast.
Í gegnum tíðina hefur ýmsum aðferðum við ráðningar verið
beitt. Lengi vel var t.d. svokölluð tækifærisleið algeng. Henni
var helst beitt þegar inn kom umsækjandi og spurði hvort ekki
væru lausar stöður í fyrirtækinu þar
sem hann vantaði starf. Stjórnandi
svaraði þá þannig til að hann væri
einmitt að leita að fólki og bauð
umsækjenda að hefja störf. Margir
umsækjendur horfa með söknuði
til þessa tíma og finnst skrítið að
þurfa að fara aðrar leiðir. Önnur leið
sem var mikið notuð mætti kalla „að líta upp“ aðferðina en sú
aðferð lýsir sér þannig að þegar stjórnandi áttar sig á að hann
vantar starfsmann þá lítur hann upp og segir „Þekkir einhver
svona einstakling?” Það var svo tilviljun háð hvort sá sem bent
var á væri sá sem best hentaði, en nokkuð öruggt að það
var „góður gæi“, - enda vinur, ættingi eða kunningi einhvers
Til einföldunar má draga ráðningamistök saman í fjóra flokka
63
Kostnaður við ráðningar er ágætlega þekktur og ekki flókið fyrir stjórnendur að taka saman
starfsmanns. Af þessum aðferðum er sú síðari skömminni skárri
og getur það vissulega haft sína kosti að ráða einstaklinga til
starfa sem núverandi starfsfólk þekkir og mælir með. Aðferðin
er þó alls ekki laus við hnökra.
Öðrum aðferðum er víðast hvar beitt í dag. Ekki vegna þess
að stjórnendur hafi endilega verið ósáttir við þessar aðferðir,
sem eru í senn bæði fljótlegar og ódýrar, heldur vegna þess
að stundum sátu þeir uppi með einstaklinga sem áttu lítið eða
ekkert erindi í starfið en var dýrt og flókið að losa sig við. Fyrir
utan að hafa tekið pláss frá starfsmanni sem hefði getað sinnt
starfinu vel.
Kostnaður við ráðningar er ágætlega þekktur og ekki
flókið fyrir stjórnendur að taka saman. Venjulega er litið til
þess hversu miklum tíma er varið í að fylla stöðugildi sem og
þess hversu miklu er eytt í auglýsingar, sé starfið kynnt með
þeim hætti. Þeir sem lengra eru komnir telja líka til kostnað
við ýmiskonar próf og gera ráð fyrir að viðtöl og samskipti við
umsækjendur taki sinn skerf af tíma starfsfólks og stjórnenda.
Kostnaður við rangar ráðningar sem kemur til viðbótar við
kostnað af ráðningu er á hinn bóginn miklu hærri. Mun færri
gera sér grein fyrir þeim útgjöldum sem fylgja rangri ráðningu
en kostnaðinum við að ráða. Það er ætlun höfundar að reka
hér í næstu línum þann kostnað sem hlýst af rangri ráðningu
og leggja fram tillögur um með hvaða hætti er hægt að forðast
algengustu ráðningarmistökin.
Röngum ráðningum má skipta í nokkra flokka.
Þegar orðin „algeng ráðningarmistök“ eru slegin inn á ensku í
leitarvélar á netinu skila þær þúsundum niðurstaðna og fjölda
lista á borð við 4, 8, 9, eða 10 algengustu ráðningamistökin.
Listarnir eru misáhugaverðir og taka á mörgum ólíkum þáttum
ráðningamistaka. Til einföldunar má draga ráðningamistök
saman í fjóra flokka. Í raunveruleikanum eru þessi þættir fyrir
hendi í mismiklu magni og í ýmsum samsetningum. Rétt val á
sér svo stað þegar þessi fjórir flokkar koma saman í einum og
sama einstaklingnum. Þá er talað um að hæfnin til að sinna
starfinu vel sé til staðar.
I. Geta
Í fyrsta lagi eru það þeir einstaklingar sem hafa ekki getu til
að sinna starfinu. Starfsmaðurinn hefur ekki það sem þarf og
mun sennilega ekki koma til með að ráða við starfið. Það geta
t.a.m. afar fáir hlaupið 100 metrana á minna en 12 sekúndum,
alveg sama hversu mikið einstaklingurinn mun leggja sig fram
þá mun getan ekki birtast. Til viðbótar við þá þætti sem búa í
einstaklinginum geta komið fram þættir úr umhverfi sem hafa
áhrif á getu. Til dæmis kemur fyrir að fólk sækir um starf sem
er í öðrum bæjar- eða landshluta og þegar er gáð að þá er ekki
gerlegt fyrir umsækjandann að sinna bæði sínu lífi og þeirri
vinnu sem sótt er um. Til að koma í veg fyrir ráðningamistök
af þessum toga þarf að upplýsa umsækjanda snemma í
valferlinu um hvar starfið er og hvenær er ætlast til að hann sé
í vinnunni, og jafnvel spyrja sérstaklega um hvort umsækjandi
sjái einhverjar hindranir og hvernig hann hafi hugsað sér að
vinna á bug á þeim ef einhverjar eru.
II. Þekking
Í öðru lagi eru ráðningar þar sem fólk kemur þokkalega fyrir
og segist hafa til að bera alla þá þekkingu og getu sem þarf
til að sinna viðkomandi starfi vel. Þegar á hólminn er komið
og starfsmaður hefur hafið störf kemur í ljós að eitt og annað
vantar upp á þá þekkingu sem viðkomandi taldi sig búa yfir.
Það fer svo eftir aðstæðum hvort þessi þekkingarskortur
uppgötvast nokkurn tíma. Hafi einstaklingur alla aðra
burði til að hæfa starfinu aðra en þekkingu er oft hægt að
bæta úr þekkingarskorti. T.d. með námskeiðum eða öðrum
kennsluaðferðum. Mistök eru á hinn bóginn gerð þegar gert er
ráð fyrir að þekking sé til staðar, sem er nokkuð sem er frekar
einfalt að kanna, þegar hún er það ekki. Önnur algeng mistök
sem tengjast þekkingu er þegar einhvern veginn er gert ráð
fyrir að starfsmaður læri sjálfkrafa af umhverfinu – án þess að
það sé endilega um að ræða þætti sem auðvelt er að læra. Til
að losna við þessa tegund ráðningamistaka þarf í fyrsta lagi að
skilgreina fyrirfram hvaða þekking er nauðsynleg fyrir starfið, í
öðru lagi að velja leið til að meta hvort þekkingin er til staðar
og í þriðja lagi ákveða með hvaða hætti er best að bæta við
þekkingu starfsmanns þegar hana skortir. Í fjórða lagi – og það
á sérstaklega við þegar þekking er ekki fyrir hendi en engu
að síður áhugi á umsækjandanum, að leggja mat á það með
t.d. hugrænu getuprófi eða með að kanna sögu umsækjenda
í þessum efnum, hversu auðvelt verði fyrir einstaklinginn að
tileinka sér nýja þekkingu.
Viðskiptarit CapacentSTRAUMAR
III. Persónuleiki
Í þriðja lagi eru um að ræða einstaklinga sem hafa yfir að
búa réttri þekkingu og getu en falla bara engan veginn inn
í þá menningu eða hefðir sem eru ríkjandi á vinnustaðnum.
Stundum er talað um að einstaklingurinn sé „bara ekki týpan
í starfið“, eða öllu heldur að persónuleiki einstaklingsins
og kröfur starfsins og umhverfis eiga ekki samleið.
Þessum einstaklingum líður oft ekki vel og stundum finnur
samstarfsfólk líka til vanlíðunnar í kringum þessa einstaklinga.
Líkt og þegar fólk með
ranga þekkingu er
ráðið tekur oft langan
tíma og jafnvel ár að
vinda ofan af svona
ráðningamistökum. Það
má líka bæta því við að
erfiðustu uppsagnirnar
eru þegar persónuleiki
einstaklinga, starfs
og umhverfis eru ekki
í takt. Það er bæði
viðkvæmt og flókið
að segja fólki upp fyrir
að vera það sjálft. Til að koma í veg fyrir ráðningamistök af
þessum toga er, þarf að gera sér grein fyrir því hvers konar
einstaklingi er verið að leita að og leggja síðan mat á að hve
miklu leyti umsækjandi fellur að þeim skilyrðum. Nauðsynlegt
er að kanna í viðtölum og umsögnum hvern mann umsækjandi
hefur að geyma, en ekki síður að nota til þess viðeigandi
persónuleikapróf eða verkefni. Flestir geta nefnilega, og gera
oft, gefið af sér aðra mynd en er raunveruleg. Eða eins og
einhver sagði, „Það geta allir verið hressir í klukkutíma viðtali“.
Eins leggur fólk oft rangt mat á sína eigin persónu. Þannig
getur hinn mesti einfari lýst sér sem partíljóni og miklum
liðsmanni. Umsækjandi hefur þessa sýn á sjálfan sig en þegar
spurt er um hegðun hans kemur í ljós að dæmi um slíka
hegðun eru fá, gömul og tekur tíma að rifja upp. Allt þættir
sem benda til að partíljónið sé nú kannski ekki mikið partíljón.
Ólíkt hinum tegundum ráðningamistaka er nær ómögulegt
fyrir stjórnenda að hafa mikil áhrif á persónuleika fólks. Það er
hægt að bæta úr þekkingarskorti, það eru til leiðir til að auka
áhuga fólks og jafnvel hægt að hafa áhrif á getu, eða tækifæri
fólks til að sinna starfi, en það er mjög erfitt að breyta því hver
einstaklingurinn er.
IV. Áhugi
Í fjórða lagi gerist það að ráðinn er einstaklingur sem hefur
þegar öllu er á botninn hvolft engan áhuga á starfinu. Í dag
er staðan sú að umsækjendur telja sig undantekningarlítið
hafa áhuga á tilteknu starfi. Þeir vita sem er, að segist þeir ekki
hafa áhuga á starfinu eiga þeir sennilega enga möguleika á
því. Til að draga úr líkunum á því að ráðinn sé einstaklingur
sem hefur lítinn áhuga á starfinu er gott að spyrja spurninga
á borð við „Afhverju sækir þú um þetta starf?“ Þeir sem telja
upp alla þá kosti sem starfið hefur í för
með sér fyrir líf umsækjenda utan vinnu
eru sennilega ekki að sækja um vegna
áhuga á starfinu sem slíku, heldur vegna
þess að starfið hentar þeirra lífstíl. Það er
líka á ábyrgð þess sem ræður að leggja
mat á hversu vel hann telur þekkingu,
getu og persónuleika umsækjanda falla
að starfi og starfsumhverfi. T.a.m. er
viðbúið að einstaklingur sem kemur úr
starfi sem bauð upp á mikil samskipti við
annað fólk og lýsir því hversu vel honum
líkar samskipti og nálægð við aðra muni
í niðurstöðum persónuleikaprófs vera
lýst sem félagslyndum og að hann nærist af samveru. Þessi
einstaklingur mun sennilega ekki endast lengi í starfi sem
býður ekki upp á þessa þætti og hætt við að hann missi fljótt
áhugann á því.
En hvað kosta ráðningamistök fyrirtæki?
Til eru rannsóknir sem sýna að stjórnendur telja allt að
helmingur starfa hjá fyrirtækjum séu ekki skipuð þeim
einstaklingum sem best hæfa starfinu. Aðrar rannsóknir hafa
sýnt að í sumum tilvikum eru 6% starfsfólks að skila 80%
árangurs á vinnustað. Sem þýðir að flestir mæta bara til að
þiggja laun. Þannig má segja að röng ráðning kosti fyrirtæki
aldrei minna en þau laun sem starfsmaður þiggur á meðan
hann er að störfum hjá fyrirtækinu. Kostnaður sem hleypur
oftast á milljónum og í þeim tilvikum þar sem ekkert er að gert
eru öll laun starfsmannsins kostnaður við ranga ráðningu. Til
viðbótar er fyrirtækið ekki að fá til baka það framlag sem það
telur sig geta fengið vegna stöðugildisins og síðast en ekki síst
geta lakir starfsmenn haft verulega letjandi áhrif á vinnufélaga
sína. Í meðfylgjandi töflu sést hvernig mismunandi hæfni hefur
áhrif á kostnað og ábata fyrirtækisins.
Mun færri gera sér grein
fyrir þeim útgjöldum sem
fylgja rangri ráðningu en
kostnaðinum við að ráða
Ráðningar geta reynst dýrkeyptar | Gunnar Haugen
65
Gunnar Haugen er framkvæmdastjóri Capacent ráðninga. Hann er með BA í
sálfræði frá Háskóla Íslands og með meistaragráðu í atferlisgreiningu frá Southern
Illinois University – Carbondale. Gunnar hefur starfað við rágjöf frá árinu 2000
og sem framkvæmdastjóri ráðningasviðs Capacent frá árinu 2004. Gunnar hefur
veitt ráðgjöf við gerð fjölda ráðningaferla og ráðningaákvarðana, auk þess að
sinna ýmsum ráðgjafastörfum og kennslu. Áherslur Gunnars hafa verið á val og
frammistöðumat, gæðaþjónustu og smíði hvata- og bónuskerfa.
KOSTNAÐARÞÆTTIR/ÁBATI HÆFIR EKKI RÆÐUR VIÐ STARFIÐ BESTA VAL
Starfsgreining 1-4 klst
Öflun umsókna Auglýsing
Viðtöl 30-90 mín per umsækjenda
Próf og verkefni Valkvætt
Laun á reynslutíma Full laun – engin ábati Full laun – ekki fullur ábati Full laun – fullur ábati
Þjálfun/fræðsla Virkar ekki, stöðugt i gangiTileinkar sér efnið en beitir
því ekki stöðugt
Tileinkar sér strax efnið, beitir þekkingunni og betrumbætir
jafnvel vinnulag
Afköst Engin Hlutfall af hámarksárangriHámarksárangur og hjálpar
öðrum að ná árangri
Líkt og sést í töflunni hér að ofan er vinna við ráðningu
og ráðningaákvörðun aðeins brot af því sem kostnaður við
ranga ráðningu getur verið. Besta leiðin til að koma í veg fyrir
ranga ráðningu er að vanda undirbúning ráðningar og byrja
á byrjuninni. Gera ítarlega starfsgreiningu, góð viðtöl og nota
próf og verkefni eftir því sem er hægt. Hérlendis eru að mínu
viti oftast gerð mistök á undibúningsþættinum. Ekki vegna þess
að fyrirtæki geri lélegar starfsgreiningar heldur vegna þess að
þeim er hreinlega sleppt. Orkan fer í að hnoða saman á sem
stystum tíma lýsingu á starfi, réttindum og þeim skyldum sem
umsækjandi þarf að hafa fyrir starfið og sáralitlum eða engum
tíma er varið í að velta því fyrir sér hverskonar einstaklingi er
verið að falast eftir. Þegar síðan umsækjendur fara að hrúgast
inn eru tekin viðtöl sem verða ómarkviss þar sem kröfur úr
starfsgreiningu liggja ekki fyrir og lítið hefur verið hugað að því
með hvaða hætti skuli lagt mat á þekkingu, getu, áhuga og
persónuleika umsækjandans.
Í fjölda erlendra rannsókna á íslenskum vinnumarkaði
hefur verið dregið fram að framleiðni per starfsmann hérlendis
sé með því lægsta sem þekkist meðal samkeppnis- og
samanburðarlanda okkar. Framleiðni starfsfólks er flókið
hugtak, en kannski er hluti af skýringunni að við höfum ekki
nægjanlega oft valið besta fólkið í hvert starf.
Undanfarin ár hefur fjöldi fólks með menntun í
mannauðsfræðum útskrifast úr háskólum landsins og fjöldi
stjórnenda lært um aðferðir við val á starfsfólki. Það er
því sennilegt að þessi mál fari að þokast í rétta átt og að
stjórnendur og aðrir sem koma að ráðningum geri sér grein
fyrir því hvaða mistök er hægt að gera og beiti þekktum og
frekar einföldum aðferðum til að koma í veg fyrir að þau eigi
sér stað.
Tafla 1 - Kostnaður við ráðningar eftir því hversu hæfur umsækjandi er í starfið
Viðskiptarit CapacentSTRAUMAR
FrammistöðumatEinfaldar lausnir tryggja skilvirka framkvæmd
Ægir Már ÞórissonHinrik Sigurður Jóhannesson
Þegar stjórnendur eru inntir eftir því hvernig gengur að
taka starfsþróunarsamtöl við sitt fólk eru viðbrögðin oft:
„Ég veit að ég er mánuði á eftir áætlun og þarf að fara
að drífa í þessu, það er bara búið að vera svo mikið að gera og
ég hef ekki fundið tímann í þetta.“
Þar með fer lítið fyrir hinum gullna hring frammistöðu-
stjórnunar en í honum felst eftirfarandi:
hvort nefnt starfsþróunarsamtal eða frammistöðusamtal, er í
sáralitlum takti við það sem á undan er gengið. Þetta hefur í
för með sér að stjórnendur þurfa að taka saman í eitt viðtal og
á eitt matsblað frammistöðu sem nær yfir heilt ár. Þeir senda
svo gjarnan matsblöðin frá sér til mannauðssviðs fyrirtækisins
sem í mörgum tilvikum situr í kjölfarið uppi með ógrynni af
upplýsingum og á í mesta basli með að búa til úr þeim einhver
verðmæti sem gagnast stjórnendum og starfsmönnum í sínu
starfi.
Það er því kannski ekki að undra þótt þetta lendi neðarlega
á forgangslistanum.
Hafi fyrirtæki ætlað að „taka málið alla leið“ og gera
hlutina samkvæmt bókinni lenda þau gjarnan í því að búa
til alltof flókið og viðamikið kerfi sem fáir skilja og sem skilar
takmörkuðum árangri.
Er vandinn séríslenskur?
Það eru fá viðfangsefni í Mannauðsstjórnun sem hafa fengið
jafn mikla umfjöllun og frammistöðumat. Ógrynni fræðigreina
og bóka er til um þetta efni, einnig er til fjöldinn allur af
fagsíðum á netinu og fjölmörg fræðirit beina kastljósinu að
þessu viðfangsefni.
Það er því ekki úr vegi að spyrja hvort það sinnuleysi sem
viðfangsefninu er sýnt meðal íslenskra stjórnenda sé enn
eitt dæmið um hið alræmda „agaleysi“ sem gjarnan er sagt
einkenna þann hóp.
Mynd 1 - Hinn gullni hringur frammistöðumats
Formlegt mat Reglubundin endurgjöf
Segja má að hinn gullni hringur sé ágætis fræðileg
kenning eða pæling um það hvernig hlutirnir eiga að vera,
en því miður er reyndin oft önnur. Ef tekið er mið af því
hvernig mörg fyrirtæki sinna þessum mikilvæga þætti í sínum
mannauðsmálum ber t.a.m. oft lítið á fyrstu tveimur liðunum.
Það leiðir til þess að hið árlega mat, sem á Íslandi er annað
Markmiðasetning/ aðgerðaáætlun
67
Svarið við því er: Nei. Það virðist litlu máli skipta hvar í
heimi menn eru staðsettir, eftirfylgni með frammistöðumati
hefur ekkert með landafræði að gera. Það er raunar svo að
í fræðiritum um þetta efni fer oft mest fyrir greinum sem
lýsa vanköntum og vandræðum er tengjast viðfangsefninu.
Minna er fjallað um praktískar lausnir, nema að um sé að ræða
kynningar á nýjasta og flottasta hugbúnaðinum sem á að leysa
öll vandamálin.
Kenningar og veruleiki
En er þá hægt að fullyrða að allar tilraunir til að meta með
kerfisbundnum hætti frammistöðu starfsfólks og nýta
niðurstöðurnar til að bæta rekstrarárangur séu fyrirfram
dæmdar til að mistakast? Er þetta eitthvað sem gengur bara
upp í fræðigreinum og kennslubókum en ekki í raunverulegum
rekstri? Svarið við því er: Nei. Sumum fyrirtækjum/stofnunum
hefur tekist að innleiða menningu þar sem frammistöðumat
kemur öllum hlutaðeigandi, þ.e. stjórnendum, starfsmönnum,
mannauðsteyminu og yfirstjórn að verulegu gagni.
Hugmyndin um hinn gullna hring frammistöðustjórnunar
þarf því ekki endilega að vera ónýt eða ónothæf. Það er allt
eins líklegt að það sé framkvæmd hugmyndarinnar sem hafi
klikkað. Með því að skoða sérstaklega hvernig þau fyrirtæki,
sem hafa náð árangri á þessu sviði, hafa gert hlutina má öðlast
innsýn í bestu aðferðir (best practice).
Rauði þráðurinn
Mannauðsstjórnun er ung fræðigrein og sem von er hafa
viðfangsefnin þróast í margvíslegar áttir. Fyrirferðamestu
viðfangsefni mannauðsstjórnunar eru starfsgreining,
frammistöðumat og ráðningar. Í fræðunum er afar lítið
samspil eða samþætting þarna á milli (mynd 2), jafnvel þó
að í kennslubókum sé ávallt lagt upp með að grunnurinn
að góðri ráðningu og góðu frammistöðumati felist í góðri
starfsgreiningu. Þegar út í heim fræðanna er komið hafa
rannsakendur oft og tíðum sökt sér svo djúpt í sínar pælingar
að tengingin þarna á milli er hvergi lengur til staðar. Þetta
veldur því að fagmenn í mannauðstjórnun innan fyrirtækja
geta lítið reitt sig á fræði mannauðsstjórnunar ef þeir vilja fá
hagnýtar ráðleggingar um hvernig gera á hlutina.
Grunnhugsunin um að það beri að meta frammistöðu
starfsfólks út frá sömu viðmiðum og lögð eru til grundvallar
þegar tekin er ákvörðun um hvern skal ráða er góð og gild.
Vandinn er hins vegar sá að starfslýsingarnar sem jafnan er
notast við eru oft ekki hugsaðar með þetta notagildi í huga,
þrátt fyrir að fræðin (og almenn skynsemi) segi að svo skuli
vera. Veruleiki margra fyrirtækja er þannig að þessar þrjár
grunnstoðir mannauðsstjórnunar, starfsgreining, ráðningar og
frammistöðumat mynda ekki innbyrðis tengsl.
Það sem skortir er eins konar rauður þráður sem gengur
í gegnum öll megin viðfangsefni mannauðsstjórnunar. Sé
hann til staðar er sama orðfæri og sömu hugtök notuð til að
lýsa eiginleikum og getu starfsmanna þegar hæfniskröfur eru
skilgreindar, í ráðningarferlinu, í mati á frammistöðu og þegar
starfsþróunaráætlun er útbúin. Þegar til dæmis væri rætt
um að tiltekinn starfsmaður þurfi að hafa greiningarhæfni til
að sinna starfi sínu vel, yrði öllum ljóst hvað átt er við með
hugtakinu.
Með því að beina sjónum að því að bæta ferlið í tengslum
við frammistöðumat eða að gera ráðningarferla skilvirkari
sökkva menn sér oft enn dýpra í aðgreininguna þarna á milli.
Þess í stað þarf að byrja á því að horfa á heildarhugsunina í
mannauðsmálum fyrirtækisins. Er einhver heildarhugsun yfirleitt
til staðar? Eða hefur hvert viðfangsefni sínar eigin leikreglur og
sín eigin tól og tæki sem ekki tengjast neinu öðru af því sem
fengist er við innan málaflokksins? Í því samhengi má spyrja
hversu mikil samvirkni er á milli þeirra sem fást við fræðslumál
fyrirtækisins og þeirra sem fást við ráðningar. Tala þessir aðilar
sama „tungumálið“ þegar þeir lýsa hæfni og getu starfsfólks,
eiga þeir við sömu hluti þegar þeir tala um greiningarhæfni
eða sannfæringu og áhrif? Oftar en ekki er svarið við þessu
neikvætt.
Mynd 2 - Viðfangsefni mannauðsstjórnunar
Þjálfun
Starfsgreining
Hvatning Umbun
Ráðningar
Starfsþróun
Frammistöðumat
Viðskiptarit CapacentSTRAUMAR
Hæfnilíkön og frammistöðumat
Fyrsta skrefið í að gera frammistöðumat markvissara er að
huga að frammistöðumatinu í víðara samhengi en svo að
vandinn liggi í því að það þurfi nýtt eyðublað eða nýjan
hugbúnað. Skilvirkasta leiðin til að ná fram þessum rauða þræði
í mannauðsmálum er að notast við hæfnilíkön (Competency
model).
Hæfnilíkön lýsa eiginleikum, þekkingu og getu starfsfólks
til að standa sig vel á tilteknum sviðum. Allflest alþjóðleg stór
fyrirtæki hafa varið gríðarlegum fjármunum undanfarna áratugi
í að þróa sín eigin hæfnilíkön, þar má t.d. nefna Microsoft,
Google og General Electric. Með slíkum líkönum hefur þessum
fyrirtækjum og fjölmörgum öðrum tekist að skapa grundvöll
fyrir innleiðingu á frammistöðustjórnun sem virkar.
Það er kostnaðarsamt að smíða hæfnilíkan frá grunni, enda
var það lengi vel einungis á færi stórra alþjóðlegra fyrirtækja.
Nú er svo komið að fjölmörg hæfnilíkön hafa formlega verið
gefin út sem gerir að verkum að það er nú líka á færi smárra og
meðalstórra fyrirtækja að nýta sér slík hæfnilíkön.
Samstarfsaðili Capacent, breska fyrirtækið SHL, hefur t.a.m.
gefið út alþjóðlegt hæfnilíkan sem er nægjanlega almennt og
nægjanlega sértækt til að greina nánast öll störf. Líkanið gengur
undir nafninu Universal Competency Framework og er afrakstur
um 10 ára rannsóknarstarfs, sem meðal annars fólst í því að
skoða öll líkön sem birt hafa verið í fræðunum auk líkana þeirra
fyrirtækja sem SHL vinnur með. Capacent hefur gefið út þetta
líkan á íslensku. Líkanið inniheldur 8 almenna hæfnisþætti,
sem nefndir hafa verið hinir átta stóru (the great eight).
Undir hverjum þessara hæfniþátta eru undirþættir sem eru
nægjanlega sértækir til að nota við greiningar á þeim þáttum
sem skipta máli fyrir frammistöðu í starfi.
Með því að notast við hæfnilíkön sem grunnstef í
mannauðsstjórnun er hægt að tengja viðfangsefni sem
hafa verið aðskilin saman. Ferlið hefst á að störf fólks eru
hæfnigreind. Sú hæfnigreining myndar grunninn að því hvað
skal meta í frammistöðumati, þessi sömu viðmið eru notuð
þegar leitað er að nýju fólki til starfa og þegar útbúa þarf
fræðsluáætlun fyrir tiltekinn starfsmann. Hæfnigreining myndar
rauða þráðinn. Sé vel staðið að hæfnigreiningunni er hægur
leikur að útbúa réttmætan viðtalsramma í starfsþróunarsamtali –
vandasamasti hlutinn er að baki, þ.e. að tilgreina matsþættina.
Einnig er hægur leikur að taka umræðu um þjálfunarþarfir og
starfsþróun sem er í tengslum við kjarnann í því sem viðkomandi
þarf að vera góður í til að sinna starfi sínu vel.
Frammistöðumat er ferli ekki atburður
Að þessu sögðu er ljóst að það á ekki að líta á
frammistöðusamtöl sem einn stakan atburð heldur sem
veigamikinn hluta af heildrænni mannauðsstefnu. Fyrsta
skrefið í að koma á gagnlegu og skilvirku kerfi utan um
frammistöðusamtöl felst í því að horfa á þau í samhengi við aðra
þætti í mannauðsmálum fyrirtækisins. Þannig er grunnurinn
lagður að því að gera þau að því sem þau eiga að vera:
Mikilvægu stjórntæki sem gerir stjórnendum og starfsmönnum
kleift að ræða og aðgerðarbinda frammistöðu og starfsþróun
á markvissan, skynsamlegan og hlutlægan hátt. Of oft verða
frammistöðusamtöl bergmál undanfarinna frammistöðusamtala
og missa þannig mátt sinn og megin.
Sé þessu skilyrði fullnægt er tímabært að huga að því
hvernig kerfið utan um frammistöðustjórnun á að virka. Það er
ljóst að það að eiga „sama“ samtalið einu sinni á ári í 3 ár er
ekki það sem þarf. Til að auka virði samtalanna þarf að setjast
skipulega yfir það a.m.k. fjórum sinnum ári (mynd 3). Með
þessu er ekki átt við að taka eigi fullt frammstöðusamtal fjórum
sinnum ári heldur er skynsamlegt að eiga eitt samtal og síðan
taka stöðuna á aðgerðaráætluninni þrisvar sinnum yfir árið.
Frammistöðumat | Hinrik Sigurður Jóhannesson, Ægir Már Þórisson
Mynd 3 - Frammistöðumat og eftirfylgni
Frammistöðumat
Taka stöðuna
Taka stöðunaTaka stöðuna
Hvað þarf til að frammistöðusamtölin virki?
Ef á að taka frammistöðusamtöl árlega og fara yfir
aðgerðaráætlunina reglulega þarf einhvers konar kerfi.
Raunar hefur þörfin fyrir kerfi á þessu sviði orðið svo sterk að
markaður með hugbúnað sem notaður er til að halda utan um
frammistöðumat hefur stækkað mest í samanburði við markaði
með annan hugbúnað á sviði mannauðsmála á liðnum árum.
69
Ægir Már Þórisson er framkvæmdastjóri ráðgjafarsviðs Capacent. Ægir er með
BA í sálfræði og Cand.Psych í vinnusálfræði frá Háskóla Íslands. Áhersla hans í
ráðgjöf hefur einkum snúist um málefni sem tengjast mannauðsmálum, svo sem
frammistöðumati, starfsmannavali, menningu o.fl. Ægir er sérfræðingur í hæfnis-
og persónuleikaprófum ásamt því að fást við markþjálfun (coaching). Ægir hefur
starfað hjá Capacent síðan 2001.
Á árinu 2008 var stærð þessa markaðar álitin um 490 milljón
dollarar á heimsvísu. Sérfræðingar áætla að hann muni stækka
um 22-24% árlega næstu árin. Í samhengi við það sem fram
kemur hér að ofan er athyglisvert að horfa til þess að það eru
einungis um 2-3 ár síðan hugbúnaður af þessu tagi fór að gera
ráð fyrir tengingum við önnur svið mannauðsmála. Hæfnilíkön
hafa gert slíkar tengingar mögulegar.
Ef horft er til þarfa íslenskra fyrirtækja og stofnanna eru
flest þessara kerfa einu til tveimur númerum of stór. Hér er
átt við að ef það er eitthvað í þau spunnið og þau mæta
grunnþörfum kröfuharðra notenda eru þau í langflestum
tilvikum hugsuð fyrir mun stærri starfseiningar en það sem
telst til venjulegs íslensks fyrirtækis eða stofnunar. Þess utan er
kostnaður við uppsetningu og notkun í flestum tilvikum meiri
en fyrirtæki á Íslandi eru tilbúin til að verja í málið.
Þótt ekki sé farið í fullvaxta innleiðingu á rándýru
frammistöðumatskerfi, þarf að sjálfvirknivæða einhverja tiltekna
hluta þess. Í hraða nútímasamfélagsins mun það seint ganga
að hugsa ferlið í tengslum við frammistöðumat útfrá blaði og
penna, eða með því að senda pdf-skjöl í tölvupósti sem þarf að
prenta og fylla út og afhenda svo þeim sem sér um að halda
utan um málaflokkinn (oftast mannauðsstjóri). Hingað til hefur
þetta verið nokkuð raunsönn lýsing á frammistöðumatsferli
margra fyrirtækja á Íslandi.
Til að frammistöðumati sé sinnt af þeirri festu sem þarf til,
er nauðsynlegt að ýmsir þröskuldar sem stjórnendur hafa staðið
frammi fyrir lækki. Til að mannauðsstjóri/mannauðssvið geti
stutt við ferlið þarf einnig að lækka ýmsa þröskulda í tengslum
við framkvæmdina. Byrjum á að skoða hvernig gott ferli gæti
litið út (mynd 4).
Ofangreint ferli er frekar dæmigert, og það má í raun finna
hliðstæður þess í góðum inngangsbókum í mannauðsstjórnun.
Vandinn sem stjórnendur standa frammi fyrir snýr ekki að
því að teikna upp rétta ferilið heldur að lækka hindranir sem
standa í vegi fyrir því að hægt sé að sinna hverjum og einum
þætti sómasamlega.
Sé þessi ferill hugsaður í sinni einföldustu mynd – þ.e. að
allt sé gert á pappír blasir við að pappírsmagnið eitt og sér yrði
verulegur þröskuldur. Þá yrði mjög erfitt að öðlast yfirsýn og
greina heildarmyndina. Finna þarf lausnir sem tryggja einföld
atriði á borð við að mannauðsstjóri eða sá aðili sem heldur utan
um málaflokkinn sendi til baka yfirlitsupplýsingar til stjórnenda
um þá sem hann hefur tekið í viðtal.
Capacent hefur mikla reynslu af því að liðsinna fyrirtækjum
í að koma upp einföldu kerfi í tengslum við framkvæmd
frammistöðumats sem byggir á heildarsýn í mannauðsmálum
fyrirtækisins. Reynslan sýnir að með einföldum tæknilegum
lausnum er unnt að tryggja betur nauðsynlega eftirfylgni með
framkvæmd frammistöðumats. Þau fyrirtæki sem hafa metnað
til að sinna þessum mikilvæga málaflokki af festu og skynsemi
þurfa því ekki endilega að ráðast í dýrar og flóknar innleiðingar
á hugbúnaði í tengslum við mat á frammistöðu starfsfólks.
Hinrik Sigurður Jóhannesson er ráðgjafi hjá Capacent. Sérsvið hans er
hæfnismiðuð mannauðsstjórnun, stjórnendamat, 360 gráðu mat og þróun
leiðtoga og liða. Hinrik er með BA í Sálfræði frá Háskóla Ísland og Cand.Psych.
frá Háskólanum í Árósum. Áður en Hinrik gekk til liðs við Capacent starfaði hann
við smíði og úrvinnslu valprófa hjá SHL í Bretlandi. Þar var Hinrik faglegur ráðgjafi
við uppsetningu valmódela viðskiptavina SHL sem og sérfræðingur á sviði tölfræði
sálfræðilegra prófa.
Mynd 4 - Ferli frammistöðumats
Mannauðsteymi sendir
út frammistöðusamtals
eyðublöð (með uppl.)
Frammistöðusamtal
Niðurstöður sendar til mannauðsteymis
Niðurstöður teknar saman
Niðurstöður og aðgerðaráætlun send
til stjórnanda
Niðurstöður nýttar í stefnumótun í
starfsþróunarmálum
Niðurstöðum stillt upp til að nýta í næsta frammistöðusamtali
Hæfnigreining
Viðskiptarit CapacentSTRAUMARMynd: Morgunblaðið
71
Liðsheildin tryggði titilinn
Sigurjón Þórðarson, sem hefur starfað hjá Capacent frá
árinu 2005, er sérhæfður í þjálfun liðsheilda og mikill
áhugamaður um uppbyggingu liðsheilda og skipulag.
Hann hafði horft til íþróttafélaga í hópíþróttum og talið víst að
hægt væri að læra sitt hvað af þeim sem síðan mætti nýta við
uppbyggingu liðsheilda innan viðskiptalífsins.
„Ég hafði um nokkurt skeið haft augastað á Ólafi
Jóhannessyni landsliðsþjálfara sem ég taldi athyglisvert dæmi
um þjálfara sem nær síendurtekið árangri ár eftir ár, sem er
mjög erfitt í íþróttaumhverfinu. Ég hafði samband við hann árið
2006 og við spjölluðum yfir kaffibolla. Ólafur benti mér hins
vegar á Ólaf H. Kristjánsson, þjálfara Breiðabliks, hann hefði
áhuga á óhefðbundnum aðferðum við þjálfun. Ólafur hefur svo
samband við mig vorið 2008 en þá var Blikaliðið komið í smá
pytt.“
Aðferðir viðskiptalífsins
Eftir að þeir Sigurjón og Ólafur höfðu rætt málin varð úr
að þeir ákváðu að láta reyna á það hvort þær aðferðir sem
þróaðar höfðu verið innan viðskiptalífsins við árangursstjórnun
gætu nýst Blikaliðinu. Sigurjón tók liðið í gegnum ákveðið
kennslukerfi. Það virtist bera nokkurn árangur og hann hélt
áfram að fylgjast með liðinu yfir sumarið.
Haustið 2008 bætist svo Hinrik Jóhannesson í hóp
starfsmanna Capacent en hann hafði að loknu námi starfað
við smíði og val prófa hjá fyrirtækinu SHL í Bretlandi, sem er
leiðandi í heiminum á sviði persónuleikaprófa. Þeir Sigurjón
og Hinrik fóru fljótlega að ræða það sín á milli hvort ekki væri
hægt að keyra persónuleikapróf sem þessi á íþróttalið.
Nokkur dæmi eru um það í íþróttaheiminum að
persónuleikapróf séu höfð til hliðsjónar við þjálfun leikmanna.
Þau eru til dæmis mikið notuð í NBA-deildinni bandarísku og
ítalska knattspyrnuliðið A.C. Milan hefur stuðst mikið við próf.
Á Íslandi höfðu próf hins vegar ekki verið notuð með
markvissum hætti þótt íþróttasálfræðingar hafi gegnt
mikilvægu hlutverki, unnið með einstaklingum og haldið
fyrirlestra fyrir lið. Það að skoða einstaklinga og liðsheildina
með sama mælitæki og nota það síðan markvisst í strategísku
starfi var hins vegar nýmæli.
Haustið 2008 nefnir Sigurjón það við Ólaf H.Kristjánsson
hvort hugsanlega gæti verið sniðugt að taka allt liðið í gegnum
liðsheildarprógram en innan Capacent var áhugi á að keyra eitt
slíkt tilraunaverkefni án endurgjalds til að sjá hvort af tilrauninni
mætti draga einhvern almennan lærdóm.
Liðið „vinnustaður“ leikmanna
Þeir Sigurjón og Hinrik þurftu í upphafi að leggjast í töluverða
vinnu við að aðlaga svörun prófana og útbúa leiðbeiningar um
hvernig ætti að taka þau enda miðuðust þau við starfsumhverfi
fyrirtækja. Liðinu og leikjunum var stillt upp sem „vinnustað“
leikmanna og hugtök skilgreind út frá þeim verkefnum sem
knattspyrnumenn takast á við.
Sigurjón og Hinrik
Viðskiptarit CapacentSTRAUMAR
„Grunnhugmyndin gekk að lokum alveg upp,“ segir
Hinrik. „Að útbúa próf sem hægt væri að nota til að ná árangri
með íþróttalið. Slík lið eru um margt mjög sérstök eining.
Venjulegur stjórnandi sér oft sjaldan hvað starfmenn eru að
gera. Þjálfari íþróttaliðs er hins vegar alltaf með alla liðsmenn
fyrir augunum.“
Sigurjón og Hinrik segja það hafa skipt miklu máli að
strákarnir í liðinu hafi strax verið til í að taka þátt í verkefninu.
Það voru kannski ekki allir sannfærðir um hversu gáfulegt þetta
væri fyrir liðið en þeir voru engu að síður allir sem einn tilbúnir
að halda í ákveðið óvissuferðalag.
Þetta var ungt lið með stjórnanda sem þeir trúðu á og
treystu. Ólafur gekk líka á undan með góðu fordæmi og lét
taka sjálfan sig í gegn áður en kom að liðinu sjálfu.
Hæfnigreining greindi úrbótatækifæri
„Fyrsta skrefið var að við settum Ólaf sjálfan í próf og fórum í
gegnum það hvernig hann sér sitt hlutverk. Í því prófi komum
við auga á ákveðið gap sem hann gat síðan unnið með áfram.
Hann var mjög gagnrýninn á sjálfan sig og sömuleiðis opin fyrir
að taka gagnrýni annarra til skoðunar. Sama var síðan gert með
liðið í heild. Við hæfnigreindum markvörðinn, sóknarmennina,
miðjuna og vörnina. Með þessu varð til aukin þekking á
einstaklingunum sem mynda síðan heildina. Við gátum greint
bæði styrkleika þeirra og úrbótatækifæri.“
Að þessu búnu var hluti leikmanna teknir í einstaklingsviðtöl
með þjálfaranum þar sem hægt var að fara djúpt ofan í
styrkleika og veikleika hvers og eins og ræða hugsanlegar
úrbætur. Sömuleiðis voru framkvæmdar liðsheildarkannanir.
„Þetta voru mjög djúp og gagnleg viðtöl sem sköpuðu tækifæri
til að tala um hluti sem annars hefðu aldrei komið til umræðu.
Það var oft magnað að sitja með strákunum og ræða hvernig
menn voru að upplifa sjálfan sig á vellinum,“ segir Hinrik.
Kári Ársælsson fyrirliði Breiðabliksliðsins lýsti þessu svo að
hann hefði lært margt og ekki trúað því fyrirfram að hlutir
sem tengdust ekki fótbolta gætu skipt jafnmiklu máli fyrir
fótboltann.
Úr þessari vinnu sköpuðust tækifæri fyrir Ólaf að tala
öðruvísi við leikmenn, hann gat nálgast þá af meiri þekkingu.
Hann öðlaðist líka nýja sýn á ákveðna leikmenn og breytti sinni
nálgun. Þeir Sigurjón og Hinrik greindu líka með mælingum
sínum tiltekinn veikleika sem virtist vera hrjá liðið í heild og
unnu með Blikum að úrbótum allt sumarið.
Einbeitingin ekki álagið
Fyrirfram töldu Breiðabliksmenn að það væri álagsþátturinn
sem liðið ætti í erfiðleikum með. Prófin leiddu hins vegar í ljós
að liðið var mjög álagsþolið. Það átti hins vegar í vandræðum
með einbeitingu.
„Þeir misstu einbeitingu við tilteknar aðstæður, stundum
vegna atvika á vellinum sem komu leiknum sjálfum ekkert við.
Hættulegasta augnablikið var á 85. mínútu en þá var eins og
liðið væri hreinlega komið í sturturnar. Þessi niðurstaða lét Ólaf
fá ákveðna mynd í hendurnar sem hann gat síðan unnið áfram
með. Hann veðjaði á og raunar strákarnir í liðinu líka að við
hefðum rétt fyrir okkur.“
Þegar leið á sumarið fór starfið að skila árangri. Þegar
eitthvað fór úrskeiðis leiddi það ekki til þess að menn hrópuðu:
„Hvað er eiginlega í gangi?“ heldur gat þjálfarinn greint
stöðuna í ljósi þeirrar þekkingar á liðinu sem hann hafði öðlast
Liðsheildin tryggði titilinn
1.6.2008 1.7.2008 1.8.2008 1.9.2008 1.10.2008 1.3.2009 1.4.2009 1.5.2009 1.6.2009 1.7.2009 1.8.2009 1.9.2009 1.10.2009 1.4.20101.3.2010 1.5.2010 1.6.2010 1.7.2010 1.8.2010 1.9.2010 1.10.2010
15.6.2008Vinnustofa Shackleton
73
og farið í verkfæratöskuna sína.
Margir töldu sig sjá ýmsar breytingar, til dæmis varðandi
það hvernig Ólafur ræddi við fjölmiðla eftir leiki. Hann var
einbeittur og markviss í svörum og svörin voru hluti af áætlun
hans. Hann var ekki bara í viðtali við fjölmiðil heldur var að tala
við leikmennina og fjölskyldur þeirra í gegnum fjölmiðla.
Í eitt skipti þegar liðið lék á Suðurnesjum hét hann
strákunum því að ef liðið ynni sigur myndi hann hlaupa heim úr
Kúagerði. Á leiðinni heim var rútan stöðvuð í Kúagerði og Ólafi
hleypt út.
Ferlið gekk ekki alltaf snurðulaust fyrir sig og á tímabili var
umhverfi liðsins farið að ókyrrast verulega og heimta blóð.
Sigurjón segir að það hafi komið upp augnablik þegar þeir
fundu að liðið væri ekki að fá þann stuðning sem þyrfti. Hann
mætti því á stjórnarfund hjá Breiðablik og talaði hreint út. „Það
þurfti að kynna fyrir stjórninni í hverju var verið að vinna svo
hún ætti auðveldara með að átta sig á því hvað verið var að
glíma við.“
Mjög sterk liðstilfinning
Verkefnið var langt í frá auðvelt. Ólafur hafði misst nær alla
lykilmenn sína úr liðinu fyrir sumarið og var með yngsta liðið í
deildinni. Meðalaldur leikmanna var 22,5 ár að hinum tæplega
fertuga Arnari Grétarssyni meðtöldum. Styrkurinn fólst hins
vegar í því að þessir ungu strákar voru flestallir aldir upp í
Breiðabliki og höfðu mjög sterka liðstilfinningu.
Mælitækin sem Sigurjón og Hinrik komu með hjálpuðu
þjálfara liðsins að skilja einstaklingana jafnt sem liðsheildina
betur og Ólafur studdist við þá vitneskju sem hann öðlaðist í
ýmsum ákvörðunum, stórum sem smáum.
Stóra stundinn rann upp laugardaginn fjórða október 2009
þegar Blikarnir mættu Fram í úrslitaleik bikarkeppninnar. Jafnt
var með liðunum að loknum leiktíma og var gert út um leikinn
í vítaspyrnukeppni. Þar innsiglaði Elfar Freyr Helgason sigur
Breiðabliks, 7:6.
Breiðablik var búið að tryggja sér fyrsta stóra titilinn í
karlaknattspyrnu og var á leið í Evrópukeppni.
Í Morgunblaðinu daginn eftir mátti lesa: „Þetta er sigur
og árangur sem Blikar eiga að geta byggt á til framtíðar. Þeir
hafa oft á árum áður komið fram með bráðefnileg lið sem
hafa skort herslumuninn til að fara alla leið. Þessir strákar sem
nú skipa liðið eru þegar búnir að skáka öðrum sem leikið hafa
í búningi félagsins. Þeir eru búnir að skrifa nöfn sín á spjöld
fótboltasögunnar, og eru þó flestir blautir á bakvið eyrun
ennþá. Þeir eru líklegir til frekari afreka. Ólafur hlýtur í ljósi
þessa sigurs og með þennan hóp í höndunum að setja markið
enn hærra fyrir það næsta. Hann hefur efni á því.“
Þráðurinn var tekinn upp að nýju fyrir upphaf leiktímabilsins
2010. Sigurjón og Hinrik funduðu með Ólafi í mars og í
kjölfarið voru nýir leikmenn settir í persónuleikapróf þannig að
hægt væri að setja saman nýjan hópprófíl af liðinu. Viðtöl voru
tekin við alla leikmenn í apríl og markmið sett fyrir leiktímabilið.
Sumarið fór vel af stað hjá Blikunum og þeir Sigurjón og Hinrik
áttu mánaðarlega fundi með Ólafi þar sem farið var yfir stöðu
mála. Fyrir lokasprettinn í deildinni voru síðan haldnir tveir
fundir með öllu liðinu í ágúst þar sem farið var yfir stöðuna
og línur lagðar. Sunnudaginn 26. september var svo síðasta
umferðin í deildinni. Blikarnir náðu einungis jafntefli í leiknum
en það breytti ekki heildarniðurstöðunni. Breiðablik var
Íslandsmeistari ársins 2010.
Mynd 1. Vinnuferlið
1.6.2008 1.7.2008 1.8.2008 1.9.2008 1.10.2008 1.3.2009 1.4.2009 1.5.2009 1.6.2009 1.7.2009 1.8.2009 1.9.2009 1.10.2009 1.4.20101.3.2010 1.5.2010 1.6.2010 1.7.2010 1.8.2010 1.9.2010 1.10.2010
15.6.2008Vinnustofa Shackleton
Viðskiptarit CapacentSTRAUMAR
ÞjálfunVilmar Pétursson
Capacent hefur um árabil verið leiðandi á sviði þjálfunar
og fræðslu innan fyrirtækja og stofnana. Fjöldi þeirra
stjórnenda sem sótt hafa námskeið og fræðslu á okkar
vegum á síðastliðnum árum skiptir þúsundum. Í samræmi við
þær áherslubreytingar sem átt hafa sér stað í mannauðsmálum
sl. ár, og ábendingar frá okkar viðskiptavinum höfum við breytt
um nálgun í fræðslumálum.
Þróun síðustu ára í mannauðsmálum hefur verið sú að
samtvinna aðgerðir í fræðslumálum betur við heildarmarkmið
viðkomandi vinnustaðar. Fræðsla og þjálfun starfsfólks er hluti
af þeim mannauðsverkefnum sem mikilvægt er fyrir vinnustaði
að huga stöðugt að þannig að til staðar séu rétt viðhorf, færni
og þekking til að ná þeim markmiðum sem að er stefnt.
Megináhersla Capacent í fræðslu og þjálfun er að sníða
lausnir að þörfum viðskiptavina. Þetta ásamt þekkingu og
reynslu í fræðslu fullorðinna gefur okkur möguleika að koma til
móts við fjölbreyttar þarfir. Við höfum þá trú að slíkt skili betri
árangri og sé hagkvæmara en skyndilausnir, jafnvel þó að þær
heiti fallegum nöfnum.
Til að ná þessu fram er verklag okkar eftirfarandi:
• Við gerum þarfagreiningu áður en farið er af stað.
Þarfagreiningin getur verið með ýmsu móti og mismunandi
að umfangi eftir aðstæðum hverju sinni.
• Sjálf þjálfunin er ákveðin á forsendum þarfagreiningarinnar.
Við leggjum áherslu á virkni þátttakenda og að þeir vinni
að raunhæfum verkefnum til að viðfangsefnin lærist og
yfirfærist á aðstæður þátttakenda.
• Eftirfylgni er nauðsynleg, bæði sem aðhald og hvati til
að hrinda í framkvæmd því sem unnið hefur verið að í
þjálfuninni og eins sem mat á hvernig til hefur tekist.
Eftirfylgnin getur síðan nýst sem fyrsta stig í nýrri greiningu
í hringrás stöðugra umbóta.
Við lítum svo á að umfjöllunarefnið, eða þjálfunin sjálf
hverju sinni, ráðist af þeim áskorunum sem viðskiptavinurinn
stendur frammi fyrir. Með því að horfa á þjálfun sem ferli, en
ekki einstakan atburð, eru líkur þess að árangur hljótist af
þjálfuninni margfaldar.
Capacent hefur á að skipta um 100 sérfræðingum á
öllum sviðum reksturs og stjórnunar. Þeirra hlutverk er að
aðstoða forsvarsmenn fyrirtækja og stofnana að greina rétt
þær áskoranir sem staðið er frammi fyrir hverju sinni og hjálpa
þeim að gera nauðsynlegar breytingar. Þjálfun stjórnenda og
starfsfólks er oft veigamikill hluti í slíku breytingarferli, en ekki
markmið í sjálfu sér.
Í því ljósi þarf ávallt að sérsníða þjálfun að aðstæðum hverju
sinni.
Vilmar Pétursson er ráðgjafi hjá Capacent. Sérsvið hans eru stjórnenda- og
starfsmannaþjálfun, mannauðsmál, breytingastjórnun, lóðsun og viðtalstækni.
Hann er er BA í félagsfræði og félagsráðgjöf frá HÍ og MSc í stjórnun og
evrópufræðum frá Norwegian School of Management. Vilmar hefur starfað sem
ráðgjafi og stjórnendaþjálfari frá 2000, verið stundakennari við HÍ, verkefnastjóri
Evrópuverkefna hjá Samtökum iðnaðarins og deildarstjóri unglingadeildar
Félagsmálastofnunar.
Eftirfylgniog mat
- sniðin að þínum þörfum
Um Capacent
Capacent er leiðandi þekkingarfyrirtæki á sviði
ráðgjafar, rannsókna og ráðninga. Hjá Capacent á
Íslandi starfar samhentur hópur um 100 einstaklinga.
Þekkingargrunnur Capacent mótast af fjölbreyttum rannsóknum,
yfirgripsmikilli þekkingu og traustu samstarfi við fjölmörg
alþjóðleg fyrirtæki. Nýlega fór Capacent í gegnum miklar
breytingar á eignarhaldi. Við erum stolt af því að Capacent á
Íslandi er nú í eigu um það bil 60% starfsmanna félagsins.
Við lítum á það sem hlutverk okkar að bæta árangur
viðskiptavina á öllum sviðum og skapa þeim með því áþreifanleg
verðmæti.
Sérstaða Capacent er fólgin í einstakri nálgun við áskoranir
viðskiptavina með samspili rannsókna, ráðgjafar, ráðninga og
þjálfunar.
Breytingar fela í sér tækifæri. Sérfræðingar Capacent hafa
yfirgripsmikla þekkingu og aðstoða fyrirtæki og stofnanir
við margvísleg verkefni, allt frá hugmyndum að innleiðingu
breytinga. Um langt árabil höfum við þjónað íslenskum
fyrirtækjum og stofnunum á öllum sviðum reksturs og
kappkostað að bjóða upp á ráðgjafa- og rannsóknarlausnir sem
byggja á því besta sem völ er á hverju sinni.
Þjónusta Capacent snertir á öllum þáttum rekstrar, hvort sem
um er að ræða fyrirtæki í einkageira eða í opinberri þjónustu.
Við hjálpum þér að...
» kanna hug viðskiptavina og starfsmanna
» mæla ímynd og skilgreina markhópa
» móta framtíðarsýn, stefnu og skipulag
» skilgreina mælikvarða og mæla árangur
» finna og ráða rétta fólkið
» þjálfa stjórnendur
» meta arðsemi verkefna
» verðmeta fyrirtæki
» bæta verkferli og hagræða í rekstri
» innleiða ný gæðakerfi
» bæta stjórnkerfi og stjórnendaupplýsingar
» velja og innleiða ný upplýsingakerfi
» nýta upplýsingatækni með ýmsum hætti og margt fleira
Áreiðanlegar upplýsingar eru forsenda fyrir traustri og
skilvirkri ákvarðanatöku. Nálgun okkar í ráðgjöf og rannsóknum
tekur mið af þessu. Þrátt fyrir að viðfangsefnin sem okkar
sérfræðingar fást við séu ólík, er nálgun þeirra keimlík. Við
leggjum áherslu á öfluga greiningu í upphafi hvers verks og
hugum að innleiðingu breytinga strax í byrjun.
STRAUMARViðskiptarit Capacent
ÁSKORANIRÍSLENSKS ATVINNULÍFS
VIÐSKIPTAUMHVERFIÐ
Aukin umsvif og stöðugleiki 5
Menningin mótar stefnuna 10
REKSTUR FYRIRTÆKJA
Virðisstjórnun við innleiðingu á stefnu fyrirtækja 16
Aftur til upprunans – Örlagastund var hjá Icelandair Cargo 2008 21
Viðsnúningur rekstrar – snýst um fleira en fjárhagslega endurskipulagningu 26
Stjórnkerfi upplýsingaöryggis – Hvernig göngum við um mikilvægar upplýsingar 30
OPINBER REKSTUR
Hvernig hámörkum við samfélagslega arðsemi? 34
Áskoranir í hagræðingar- verkefnum opinberra aðila 40
MARKAÐSMÁL
Markaðhringurinn – lykil spurningar í markaðsstarfi fyrirtækja 46
Samfélagsstraumar og Analytics 52
MANNAUÐUR
Áhrif hagræðingaraðgerða á starfsfólk 57
Ráðningar geta reynst dýrkeyptar 62
Frammistöðumat – Einfaldar lausnir tryggja skilvirka framkvæmd 66
Breiðablik: Liðsheildin tryggði titilinn 71
Þjálfun sniðin að þínum þörfum 74Nóvember 2010