Savez Rusina Republike Hrvatske Союз Русинох Републики

Savez Rusina Republike HrvatskeСоюз Русинох Републики Горвaтскей

ЧИСЛОBROJ ISSN 1331-21894/201679

VjenčićВенчик

ЗОЗ ШИЦКИХ БОКОХ

На швето Св. Миколая звичай наградзовац доброту дзецох, або их покарац зоз пруциком. Звичай то од давен-давна и вязани є зоз леґендами и дзепоєднима наисце витво-ренима дїлами велького святителя Миколая котри жил у городзе по мену Мира на преходзе з другого до трецого столїтия.Дакеди миколайски дарунок нє бул пребарз вельки. Важне було наградзиц, дац чесц дзецку, а дзецко було щешлїве, бо од нїчого, „дацо“ вше було векше. Нєшка чого єст, чого нєт, алє дарунок на швето Св. Миколая постал нєвихаблїва часц предкрачунских звичайох. Дарунки часто вельки и богати, алє дзеци нє баш вше з нїма одушевени. Прецо то так? Чи зме страцели чувство радованя прето же часто до-ставаме койдзеяки дарунки? Чи подзековносц заменєла фраза: „подрозумює ше“???Праве таки питаня були и у главох дзецох старшей виро-научней ґрупи у Петровцох. Вони за тогорочну микола-йовску програму обдумали, крем уж традиционалних ми-

колайовских колядох, єдну драмску сличку котра обрабя сучасну животну ситуацию. Наволали ю: „Лекция зоз под-зековносци“. Автор драмскей слички петровски парох о. Владимир Сед-лак. Шицко вєдно сличка тирва коло 10 минути. У нєй бавя пейц улоги. Писана є двоязично, руско-горватски, а шлїд язикох ше меня спомедзи улогох без прекладу. Окрем улогох на бини, важна и лоґистика и ефекти: шветла, шеп-танє, преношенє елементох на бини итд… так же ше кажде дзецко зоз ґрупи з дачим уключело до програми. Сличка ше витворює у форми приповедки и диялоґу, так же би ше могло повесц же є свойофайтова миколайовска припо-ведка.По одбавеней представи, дзеци зоз своїма учительками руского язика порихтали коляди и шпиванки на чесц Ми-колайови. „Розуми ше“, Миколай подзелєл пакети у котрих були лакотки, а потим зме ше розишли у добрим розполо-женю. о. Владимир Седлак

Шицким читательом и сотруднїком Венчику жадаме благословени крачунски швета и щешлїви Нови 2017. рок.

Христос раждаєтся! Слaвиме єго!Редакция

„Лекция зоз подзековносци“

2 VJENČIĆ ВЕНЧИК 79/2016

“VJENČIĆ”Izdavač: Savez Rusina RH

http://www.savezrusina.hr [email protected]

Facebook: Savez Rusina RH VukovarZa nakladnika: Dubravka RašljaninUredništvo: Vukovar,

Vijeća Europe 93Tel. / faks: 032 428–342IBAN HR1623400091110057465Tisak: Proventus Natura d.o.o. CernaNaklada: 600 primjeraka

“ВЕНЧИК”Видава: Союз Русинох РГ

http://www.savezrusina.hr [email protected]

Фейсбук: Savez Rusina RH VukovarЗа видавателя: Дубравка РашлянинРедaкция: Вуковaр, Рaди Европи 93Тел. / факс. 032 428–342ИБАН HR1623400091110057465Друкує: Провентус Натура д.о.о. ЦернаТираж: 600 прикладнїки

BROJЧИСЛО

GODINAPOK

SADRŽAJ - ЗМИСТ

UREDNIŠTVO: Vera Pavlović (glavna i odgovorna urednica), Ahnetka Balatinac, Ksenija Ljikar i Danijel VašašSAVJET UREDNIŠTVA: dr. sc. Oksana Timko Đitko (predsjednica), Ljubica Harhaj, Marijana Džudžar, Zlatko Hirjovati, Joakim Erdelji i Vera PavlovićLEKTORI: Marija Vulić (rusinski jezik), Andreja Magoč (hrvatski jezik)

Tiskanje potpomaže Savjet za nacionalne manjine Republike Hrvatske.

РЕДAКЦИЯ: Вера Павлович (глaвнa и одвичaтельнa редaкторкa), Aгнеткa Бaлaтинaц, Ксения Лїкaр и Дaнил ВaшaшСОВИТ РЕДAКЦИЇ: д.ф. н. Оксaнa Тимко Дїтко (предсидaтель), Любицa Гaргaй, Мaриянa Джуджaр, Злaтко Гирйовaти, Яким Ерделї и Верa Пaвлович

ЛЕКТОРЕ: Мaрия Вулич (руски язик), Андрея Маґоч (горвaтски язик)

Друковaнє помaгa Совит зa нaционaлни меншини Републики Горвaтскей.

Tiskano – Друковaне12 / 2016

Rukopisi se ne vraćaju.Рукописи ше нє врaцaю.

Насловни бок: Агнетка Балатинац — Весели шнїжнїкиОстатнї бок: Агнетка Балтинац — Коляднїки

79

2016.

CijenaЦенa

KunaКуни5

ЗОЗ ШИЦКИХ БОКОХ . . . . . . . . . . . . . . . . . . . . . . . . . . . . . . . . . . . 2„Лекция зоз подзековносци“ . . . . . . . . . . . . . . . . . . . . . . . . . . . . . . . . . 2Святи Миколай нащивел Райово Село . . . . . . . . . . . . . . . . . . . . . . . . . . . 9Богата була єшень у Миклошевцох . . . . . . . . . . . . . . . . . . . . . . . . . . . . 12Општинска смотра фолклору . . . . . . . . . . . . . . . . . . . . . . . . . . . . . . . . 14Миклошевски танєчнїки наступели на 48. «Червеним пупчецу» . . . . . . . . . 14

НАШО ПИСАТЕЛЄ. . . . . . . . . . . . . . . . . . . . . . . . . . . . . . . . . . . . . . 4Василь Мудри . . . . . . . . . . . . . . . . . . . . . . . . . . . . . . . . . . . . . . . . . . . 4

ПИСАТЕЛЄ ВАМ НАПИСАЛИ. . . . . . . . . . . . . . . . . . . . . . . . . . . . . . . 6Крачунски куцик дзецом од тети Нети коляди и крачунски винчованки . . . . 6Спаситель родзени. . . . . . . . . . . . . . . . . . . . . . . . . . . . . . . . . . . . . . . . 7Щешлїви нови рок . . . . . . . . . . . . . . . . . . . . . . . . . . . . . . . . . . . . . . . . 7Животинї при яшелькох . . . . . . . . . . . . . . . . . . . . . . . . . . . . . . . . . . . . 7Миколай у Миклошевцох . . . . . . . . . . . . . . . . . . . . . . . . . . . . . . . . . . 13Литературне стретнуце. . . . . . . . . . . . . . . . . . . . . . . . . . . . . . . . . . . . 13Нащива писателя Владимира Бакарича и илустратора Дубравка Матаковича . . . . . . . . . . . . . . . . . . . . . . . . . . . . . . . . . . . . 13Батерийска лампа . . . . . . . . . . . . . . . . . . . . . . . . . . . . . . . . . . . . . . . 15Корчолї . . . . . . . . . . . . . . . . . . . . . . . . . . . . . . . . . . . . . . . . . . . . . . 15Пшичок Флоки. . . . . . . . . . . . . . . . . . . . . . . . . . . . . . . . . . . . . . . . . . 16Шива жима . . . . . . . . . . . . . . . . . . . . . . . . . . . . . . . . . . . . . . . . . . . . 16

ВИРСКИ БОК . . . . . . . . . . . . . . . . . . . . . . . . . . . . . . . . . . . . . . . . . 8Як ше колядує? . . . . . . . . . . . . . . . . . . . . . . . . . . . . . . . . . . . . . . . . . . 8

“ПЕРШИ АПЛАУЗ” У ВУКОВАРЕ . . . . . . . . . . . . . . . . . . . . . . . . . . . . .10

ШКОЛЯРЕ СОТРУДНЇКИ . . . . . . . . . . . . . . . . . . . . . . . . . . . . . . . . . .17

ЗAБAВНИ БОК . . . . . . . . . . . . . . . . . . . . . . . . . . . . . . . . . . . . . . . .18

ПОДОБОВО РОБОТИ. . . . . . . . . . . . . . . . . . . . . . . . . . . . . . . . . . . .19

379/2016 VJENČIĆ ВЕНЧИК

НАШО ПИСАТЕЛЄ

ПОМОЦ ТАЩКОМСцигла жима, пусте вшадзи,шнїщок залєтує,а тащок ше з тащком радзиже як прежимує.

Пирє го уж даяк греє,з нїм ше озда зайдзе,под нїм ше уж нє здревнєє – лєм кед єдла найдзе.

Завяти уж шицки дражки,шицки, на громаду:нїґдзе єдла – нашо тащкипокапу од гладу.

А кед же им и ми теразнїч нє помогнєме,вец их вельо и вельо разздревнєтих найдземе.

Отрушинки маме надосц – треба их ратовац;з нїма им створиме радосц – буду нам дзековац.

Василь Мудри, наш визначни про-свитни роботнїк, писатель, новинар, редактор и режисер, народзел ше 13. марца 1930. року у Дюрдьове. Осно-вну школу зкончел у родним месце, а гражданску школу у Новим Садзе. Трецу и штварту класу нїзшей ґимна-зиї з малу матуру закончел у Руским Керестуре 1946. року, Учительску школу у Сримских Карловцох 1950. року, а попри роботи 1968. року за-кончел Висшу педаґоґийну школу у Шабцу и постал наставнїк русийс-

кого язика. Робел у Руским Кересту-ре, Дюрдьове, Принциповцу, Соту, а найдлужей у Шидзе од 1981. по 1991. рок кед одходзи до пензиї, а ту остава и жиц по свою шмерц, 22. юлия 2016. року. През цали свой живот писал стаємно, а окреме писнї за дзеци. “Руске сло-во” му обявело два кнїжки за дзеци “Подшнїжнїки викукую” 1973. року и “Будзенє яри” 2014. року. Його твори заступени и у вецей антолоґийох по-езиї.

Василь Мудри тиж так и автор дзе-вец читанкох, учебнїкох и школских лексиконох за наставу руского язика. Зявел ше як рецензент вецей читан-кох, учебнїкох, лектирох и романох, а бул и референт 11 учебнїкох и лек-тор числених руских виданьох. Тиж так на два заводи бул и лектор “Новей думки”, од 1971. по 1989. и од 2001. по 2004. рок.

Порихтала Любица Гаргай

СТРАШНИ ПЕСТам у лєше за валаломжиє єден страши пес.Кед вон бреше, чи верице?Гучи за нїм цали лєс!

Вше зоз страхом я преходзелпрез тот вельки, густи лєс,бо аж ми ше привидзовалстрашни, вельки, чарни пес.

Та од тераз ношим хлєбанай ше нає страшни пес,вон за тото ме преведзепрез тот вельки, густи лєс.

ЗАЯЧОКШеднул заячок,слизи уцера;кадзи би ище рушиц – вибера.

Рано на велїполя вон зашол,алє капусти – нїґдзенє нашол!

КЕД ПРИШЛА ЯРПчолка весело бринї,птички лєца под хмари,ту и подшнїжнїк били – виснїк пахняцей яри.

И медведз ше зобудзел,та ходзи набрундани;мали медведзик плаче:“Я ище нє виспани!”

Поток нєсташно чече,каменє оштре змива;на древе там у лєшесоловей писню шива.

И сарня сциха зишланапиц ше бистрей води;оглядла ше и гвари:“Яр то мой час шлєбоди.”

ДОБРИ СЛУГА Гоч мешац марецчасто спреведаци,вон заш лєм слуга весели:вошол до двора,з витром ношаци, та попораєл двор як зме сцели.

Зоз цеплим витромжем нам посцерал,лавочкуи наш плот стари.Пред тим з лопату шнїг нам позберал,назношенїска...Двор чистей твари.

Вошла до двора красна яр з улїчкии зоз своїх рукохдаровала птички.

ШВЕТ КОЛО НАСКед Бог живот створели за ньго одрезделнайкрасшу планету,вон людзом наказалнай ше любя, множаи радую швету!

Людзе го слухали;за нїх святосц булизаповиди його:жили у злагоди и почитоваливше єден другого.

А вец пришли часиз котрима у швецежиц ше так престало...Дзе перше и прецо – и по нєшка тотонєясне остало.

Так, у каждей хвильки,на жамовей кулїдаґдзе ше воює:шири ше нєнависц,злодїйство, пакосци,младих з мержню трує.

Озда уж раз будземира и злагодиту, спод того нєба,бо живот барз кратки,та у нїм без звадижиц и робиц треба!

ВАСИЛЬ МУДРИ


НАШО ПИСАТЕЛЄ

БУДОВАТЕЛЬКАНєшка рано слунко блїслои по гаю швици,а под стреху чуц шпиванкималей роботнїци.

Нєше блата зоз долїниу малючких пищкох,а вец шпива вше веселшешпиванку без стищкох.

Кед фалаток нови кладзе,радосц єй вше красша.Так будує нове гнїздоластовичка наша.

И я би сцел вредно робицпрез свой живот цалитак як робя дзечнє, вредноластовички мали.

З ЛЄТОВАНЯТак нам крашнє було влєцеу природи, на купаню,же памятки з бистрей ричкиище жию – и останю.

Гоч бул вечар, ми ше ищена рибки там припатрали;як скакаю, як плюскаю,єдна другу оганяю...

Вец з гущави стара жабахрипацо ше оглашела:-Кре-ке-ке-ке! Идзце спац! –як да шицким повесц сцела.

Же час спаню – ми то знаме,алє остац ище сцеме.Ту так крашнє, так приємно – анї сон нє чувствуєме.

КОМУ ТЕЛЯ ВОДАПатри Борис так през облакта ше пита вец оцови:– Видзиш, тато, як диждж пада!Дзе ше вода застанови?

А оцец му, так на кратко.– Жем до себе уцицує;а цо сама уж нє годна – з ричку морю подарує.

ТО НАШО ОЦОВЕПрецо шицки писнїлєм о мацерох – же лєм вони з нами?Ша ми и без нїх,без наших мацерохнє вше сами.

Ту ище оцовеже би на нас, дзеци,часто мерковалии док нам мацеритам, у кухнї, варя,на ногох гойсали.

А нашо оцове,мушиме припознац,гоч су часто хмурни,вше винайду одвитна нашо питаня – та и тоти дурни.

НАЙКРАСША ЖЕМПрипатрал сом ше на ґовлюкед ше врацела з юга,и єй вистати кридла – була то драга длуга.

Облєцела сто держави,моря и океани...Видзела народи велїнам знани и нєзнани.

Вец сом ше єй опитал:– Поведз ми, ґовльо наша:хтора то жем на швецеод шицких других красша?

А вона ми одповедла,видно, аж весела:– То жем тота у хторей шея ту народзела.

ЄШЕНЬСКА РОМАНСАДакому ше пачалєто або жима.Алє, заж лєм, єшеньперше место трима.

Ту рижни овоциконари гинаю,а полни гамбаризоз житом чекаю.

З ню сом занєшении обчаровани,бо нам телї плоди од нєй даровани.

Друга часц у рокупрето нє ма шансуже би погубелаєшеньску романсу.

БИЛА БРЕЗАРошнє под облакомбила бреза мала;з новим билим шнїгомзакрита є цала.

На шицких конарохчеркаю перлочкицо их мраз вивязаляк зоз скла цомльочки.

Покива ше вонакед витор задує,та били пахулькизоз себе стресує.

А кед ше розвиднї,кед ноци кончина,вец през єй конарирозсипе ше ина.

ДАВНО ЖАДАНИ ШНЇГЛєца, лєца пахульочки – жем забилєли;дзеци нашей улїчкипребарз весели.

Саночки уж на шнїгу,а вон лєм веє.Най ше шмати змачаю,най нос здирвеє!

Нїч за тото, у хижипеци горуци;кажде свойо мокри шматипри ньому зруци.

Тераз жимски одпочивок – час за санканє.Лєм най веє и цо длужейнай нам останє.


ПИСАТЕЛЄ ВАМ НАПИСАЛИ

У ШОПОЧКИ НА СЛАМОЧКИ (крачунска винчованка)

У шопочки на сламочкиКедиш давно на пол ноциИсус Христос ше народзелЖе би людзох ошлєбодзелОд цемносци од гришносциИ приведол ґу шветлосци.За нїм треба да идземе Як пастире ВифлеємскиЙому дари да ношимеЯк з Востоку три мудерциТоти дари же би булиНашо шерца нашо души.Аминь! Дай Боже добри вечар!

КРАЧУНСКИ КУЦИК ДЗЕЦОМ ОД ТЕТИ НЕТИ КОЛЯДИ И КРАЧУНСКИ

ВИНЧОВАНКИПо здогадованю Юлиї и Звонимира Костелникових записала Агнетка Балатинац

ПРЕЧИСТАЯ ДЇВА (КОЛЯДА)

1.Пречистая Дїва Сина зродилаВ яслах зложила сином покрила.

Пришпив: 2ХВол и осел коло яслаЗвизда ясна свитит краснаНад вертепом.

2.Пришли пастириє узрили Дитя,Исуса, Марию, Осифа старца.

Пришпив: 2ХСвої дари Му давалиИ весело му шпивали:Слава Богу!

3.Пришли триє цари, принєсли дари:Ливан, миро, злато Му даровали.

Пришпив: 2ХПрими Христе до нас дари,Що би смо Тя оглядалиВ царстви Твоєм.



ЩЕШЛЇВИ НОВИ РОКТрицец и першого децембра вечаромруши ше з далєкастари Дїдо Мраз.Зоз мехом на хрибцеи зоз красним даромпридзе до валалуобрадовац нас.

Кажди най го чекау своєй посцелїи най добре слуха його цихи глас.Пошепта вам цошкацо вас розвешелїбо каждого познастари Дїдо Мраз

И я кед бул малита сом го так чекалчуєм прейґ улїчкиидзе на тот бок;сциха дзвери шкриплии вон ми пошептал:„Жадам ци щешлївисину Нови рок!“

Микола М. Кочиш.

СПАСИТЕЛЬ РОДЗЕНИДзешка на ВостокуГваря людзе стариЗявела ше гвизда,Розогнала хмари.

Велї ю видзели,Велї провадзели,Малому дїтяткуДарунки ношели.

Шицки добре зналиСпаситель родзени,З радосцу у шерцуНа швет принєшени.

Агнетка Костелник Балатинац

ЖИВОТИНЇ ПРИ ЯШЕЛЬКОХ

Кед шицки пастире нащивели хлїв, подаровали Децко и врацели ше ґу своїм стадом, надумали там пойсц и живо-тинї же би видзели чудо першей крачунскей ноци.Розуми ше, перши рушели вельки и силни. Орел ше ґра-вчаци дзвигнул до воздуху високо, лєв моцно вдерел зоз лабу и заричал же одгуковала ноц, слон затутнєл по лєше, а жирафа гербно дзвигла главу яґод кед би єй нїхто на тим швеце нє бул ровни.

И мали животинї надумали пойсц. Так ше у єдней ґрупи нашли миша, тащок, кертица и дабар. Цо ше вельки и моц-ни правя важни – замерковала миша. Можебуц ми Богови нє значни кед нас таких створел – надовязала ше кертица. Орел ше спущел пред хлїв з розширенима кридлами. Уход до хлїва бул таки узки и мали же нє могол войсц. Махнул з кридлами и звалєл греду над дзверми. Кед збачел же би ше и дзвери моги звалїц, зацагнул ше до першей гущави док слама з прахом хтори дзвигнул лєцели вшадзи дооко-ла.

Лєв сцел войсц просто до хлїва, алє ше пошпоцел на удзверя. Жирафа нїч нє видзела бо Дзецко було пренїзко, та нервозно почала таргац сламу зоз закрица, зоз чим на-правела вельки нєшор. Ґу тому ше дижджовка од остатнїх дижджох зляла до хлїва. На остатку сцигол и слон. Про-бовал закукнуц, алє ше хлїв почал гойсац яґод кед би бул справени зоз картону.

Осифови було досц. Дзвигнул палїцу и загрожел животи-ньом же би нє приходзели блїзко.

Вельо познєйше, покрадзме сцигли и мали животинї. Мишу болєли слабки ноги, кертица ше трапела пренаход-заци драгу, дабар покашльовал бо го витрапела драга по сухим, тащок страцел пол криделка ратуюци живу главу од єдней своєй грабежлївей родзини. Кед станули пред хлїв нїхто нє бул анї предлугоки, анї прешироки, анї пре-високи, анї превельки. Вошли нука и чудовали ше Дзецку. Опатрели доокола и нє могли вериц же Дзецко лєжи у таким нєшоре. Такой ше влапели до роботи. Тащок по-чал зберац сламу, миша направела одводни ярчки, дабар утвердзел пруце.

Кед то видзели вельки животинї, приключели ше ґу ма-лим. Жирафа дзвигла сламу на закрице, слон дзвигнул дзвери та их Осиф ознова положел на квачки, а орел зоз кридлами превитровал хлїв. Лєм лєв стал з боку. Йому нїяк до глави нє ишла думка о новонародзеному Царови. Треба ше поклонїц, вон ше нїґда пред нїким нє кланял?! А вец пришла кертица и замодлєла го же би ю одведол ґу новому Царови. Лєв оклєвал, алє кед обачел же є шлєпа, прилапел ю и уведол до хлїва. Дакус ше зогнул, дакус ше нагнул, алє заш лєм вошол.

Поука приповедки: уч ше од совисних и скромних, и нє дошлєбодз же би це гербносц оддалєла од Исуса.

(жридло: www.katehetski-nadbiskupija-split.net/)


ВИРСКИ БОК

Колядованє то єден прекрасни оби-чай котрого маю велї народи швета. Досц ше лєм здогаднуц рижних ани-мираних филмох за дзеци дзе тема крачунске шпиванє по улїчкох у аме-рицких або анґлийских городох… Крем нїх познати колядаре у Австриї и на югу Нємецкей, у сиверней Италиї. Колядує ше и у Горватскей у рижних часцох, окреме у Далмациї. Важне тиж знац же ше колядує и при нас Русна-цох и то вшадзи у швеце, та тот оби-чай требаме пестовац и ми у нашим краю! Ниа, даскельо упути як ше то правилно практикує, а долу понук-нути тексти даскелїх колядарских ре-цитацийох, понеже ше видзи же сами крачунски писнї якошик познатши и лєпше их знаме.

1. Дзе ше колядує?Перше у своїм доме, а вец у блїзшей родзини, у кумових, сватових, суше-дових… Вшелїяк нє треба забуц зайсц и до паноца и чесних шестрох! Таки шор од давен-давна и таки би мал буц и нєшка… Даєдни дзеци и млади дали себе труду та ишли и далєй, по других обисцох дзе капурка була отворена. Нєридко, дакеди приходзели дзеци и зоз других валалох, алє то ше уж видзи же барз давно було…2. Кеди ше колядує?Колядує ше найбаржей на Вилїю (ве-чар пред Крачуном), а може ище и на перши три днї Крачуна. Руша ше вше при змерканю, кед дзвоня пацери, а ходзело ше вше по саночне, а вец ше ишло до церкви. На други днї швета, кед ше колядовало, то було з нагоди нащиви фамелиї.3. Як ше колядує?Перше ше побренка и станє чи под облак, чи на уход до обисца и вец кричи:„Дате нам се навеселити?“ (тельо раз кельо потребне же би домашнї похопели же дакого єст вонка).Домашнї одвитую: „Даме, даме!“Колядаре гуторя: „Христос раждаєт-ся!“Домашнї одвитую: „Славите єго!“ и

зоз тим даваю до знаня дзецом же би зоз колядну писню або колядну реци-тацию славели и до їх дому унєсли ра-досц Рождества Христового.Кед ше закончи колядованє, коляда-ре маю повесц: „Аминь, дай Боже добри вечар“!

Домашнї одвитую: „И вам тиж, чийо же сце?“ на тот способ ше презна-вало чийо дзеци пришли, бо дакеди дзецох було вельо, а їх родичом тре-бало похвалїц, або покудзиц справо-ванє дзецох при колядованю.Дзеци на тото питанє давали одвит уж спрам того чийо були, а кед же були од своїх, та ше поведло: „кумово“, або: „сватово“, або уж подобне ро-дзинство.

У прилогу ше находза даскельо дзе-цински колядарски рецитациї котри мож научиц з тей нагоди. Барз важне правилно ше научиц, бо раз правил-но научена коляда вше ше правилно и точно може преношиц на младших братох и шестри. Колядованє єден з найкрасших наших обичайох, прето го мушиме чувац у своїх обисцох, а прето и тот материял и ту, як свойо-файтова роботня котра ше може лєгко витвориц або у школи, або дома, або зоз паноцом на виронауки. Щешлїво!

о. Владимир Седлак

Колядарски винчованки

Тей ше святей ноцирадосц швету глаши:зишол Христос з нєбада нас шицких спаши.

И ми пришли глашиц,як ангели мали,же би тото шицкоз вами уживали.

*****

Винчуєм вам така мала,нє думайце же то шала,алє будзце уверени,же сам Христос народзени!

*****

Я мали дзиячок,шпивам яґод тащок.Тащки шпиваю,Бога витаю.

И я вас витам,пенєжи питам.Пенєжи ми дайце,здрави оставайце!

*****

Чудо зоз востока,гвизда зашвицела,та ше становеланє над царским двором,мраморну палату,алє над вертепом,за статок бидляту.

Ту у бидних яшльохи на оштрей слами,лєжи мали Исус,медзи бидлятами.

Збунєни пастиречудом ше чудую,престрашени овциґу нїм ше збегую.

Єден бере овцу,други баранчатко,бежа до вертепу,даровац Дїтятко.

Зато и ми, з пастирами,дарунки Му дайме,„Слава…“ з ангеламинєшка зашпивайме!

Як ше колядує?



Того року швето Святого Миколая шветочно преславене у Райовим Селу. У Парохиї святого мученїка Йозафата Свята Служба Божа започала на 18 годзин. По законченей Служ-би Божей у церкви виведзена дзецинска програма хтору порихтал парох Олеґ Закалюк .Школяре вредно вежбали же би виприповедали кратку приповедку о тим хто бул святи Миколай и даєдни зна-менїтосци зоз його живота. Школяре одшпивали и два шпиванки пошвецени святому Миколайови. Крампус нас тиж нащивел и швидко обачел же у нас нє ма роботи бо дзеци у Райовим Селу барз добри. Святи Миколай под-зелєл дарунки дзецом хтори ше зоз нїм и дзечнє висли-ковали. По законченей святочносци Райовчанє остали на кратким друженю у парохиї.

Мария Закалюк

Святи Миколай нащивел Райово Село

Святи Миколай

Парох Олеґ Закалюк

Миколай дзелї дари

Вирнїки на Служби Божей


“ПЕРШИ АПЛАУЗ” У ВУКОВАРЕ

У орґанизациї КУД “Осиф Костелник” зоз Вуковару и Союзу Ру-синох Републики Горватскей 22. октобра у Вуковаре отримана пията манифестация дзецинскей творчосци “Перши аплауз”. Програма започала зоз покладаньом венцох при крижу на уцеку Вуки до Дунаю на 15.30 годзин. Културно-уметнїцка програма от-римана у Хижи Лавослава Ружички зоз початком на 16.00 годзин. Од визначних госцох присутни були спред Городу Вуковару Да-ворка Крайнович Налетилич, потим Борис Бучко, предсидатель рускей ради ВСЖ и предсидатель Координациї рускей нацио-налней меншини Републики Горватскей, Звонко Костелник, член Совиту за национални меншини Републики Горватскей, Вера Пав-лович, редакторка руских виданьох при Союзу, Златко Мезеї, ви-сланїк городоначалнїка городу Дякова и парохове зоз Петровцох и Райового Села, о. Владимир Седлак и о. Олеґ Закалюк. У културно-уметнїцкей програми наступели дзецински ан-самбли КУД “Зора“ зоз Пишкуревцох, КУД “Ловро Єжек” зоз Ма-риї Бистрици, КУД “Яким Гарди” зоз Петровцох, КУД “Яким Ґовля” зоз Миклошевцох, КУД “Осиф Костелник” зоз Вуковару и Друж-тво “Руснак” зоз Петровцох. Перше наступело домашнє КУД “Осиф Костелник” зоз Вуковару. З тей нагоди представело ше нам зоз трома шпиванками. Клара Миклош одшпивала дзециску шпиванку “Танцошка”, Кристиян Миклош шпиванку “Шестричка Катарина”, же би вец у дуету од-шоивали шпиванку “Били орґони”. Шпиванє провадзел оркестер у составе Ренато Миклош, Витомир Гарди, Матей Бурчак и Владо Русин, хтори их и порихтал за тот наступ.Потим на сцену вишли шпиваче дружтва “Руснак” и то шестрич-ки Фа хтори одшпивали два шпиванки “По варошу дражичка” и “Найвекша родзина” и Тео Медєши зоз шиванку “Моя муниция”. За наступ их порихтала Наталия Гнатко.Шлїдуюце наступело КУД “Яким Ґовля” зоз Миклошевцох, хторе за тоту нагоду порихтало вецей точки. Ива Чордаш одшпивала


Пишкоревци

Шпивацка ґрупа “Петровски ноти”

Миклошевски танцоше и танцошки

Покладанє венцох

Петровчанє у танцу осем хлапци и штири дзивчата

Миклошевски шпиваче



шпиванку “Мойо роки”, потим дзециска шпивацка ґрупа шпи-ванку “Перше товаришство”, а дзецинска танєчна секция одтан-цовала “Венчик руских танцох”. За наступ их порихтали Леся Му-дри и Єлена Сабадош.КУД “Ловро Єжек” горватске дружтво зоз Мариї Бистрици, вуко-варску публику одушевелo зоз масовносцу, а виведло шпиван-ки и танци зоз Заґоря.Петровске КУД “Яким Гарди” представело ше зоз вецей точками. Наймладша тенєчна ґрупа у составе од осемцох хлапцох и шти-рох дзивчатох одтанцовала “Танєц зоз калапом”. Музична ґрупа “Петровски ноти“ одшпивала два шпиванки “Ишла коза рогата” и “Жапки”, Саша Бильна одшпивал шпиванку “Родзени дзень”, а Даниел Гарди, Сара Ґубица и Далия Дюдяр “Три курки”. У руским народним облєчиве одтанцовали и танєц “На танєц”. Танцошох порихтал Звонко Костелник, а шпивачох Аня Ґрищук.КУД “Зора” зоз Пишкуревцох наступело зоз младшу и страшу дзецинску ґрупу. Младши публики указали два дзецински ба-виска “Igra kolo” и “Gdje si bila curice” и дзециски танєц “Ide Joza ulicom”. Старши ше представели зоз шейтанима колами “Aj pitaj me iz kojeg sam sela”, “Ružmarine ti nemaš vršike” и зоз танцами “Kaži mi kaži” и “Rokoko”.Програму двоязично, по руски и горватски, водзела Мария За-калюк. О госцох зоз Мариї Бистирци старали ше Татяна Алерич, Владо Русин и Зденко Бурчак. Сцену ушорели Наталия и Звони-мир Барна и Звонко Гайдук. Дарунки за госцох порихтала креа-тивна секция “Прадки”.Манифестация ше отримала зоз финансийну потримовку Сови-ту за национални меншини Републики Горватскей и Городу Ву-ковару. После програми шицки учашнїки “Першого аплаузу” пошли на вечеру и заєднїцке друженє до ресторану Quo Vadis.

Любица Гаргай


КУД “Ловро Єжек” зоз Мариї Бистрици

Вуковарски гудаци

Тео Медєши

Водитлька програми Мария Закалюк

Вельочислена публика

Клара и Кристиян Миклош

Ена Фа Просеник


Гоч вонка уж жима, ище вше ше здогадуєме на єшень ко-тра и того року була богата з рижнима збуванями у нашей школи. Школяре Подручней школи Миклошевци тради-цийно означели 14. октобер, Дзень подзекованя за пло-ди жеми, популарно наволани Дзень хлєба. З тей нагоди вони порихтали кратку пригодну програму, после котрей миклошевски парох Яким Симунович пошвецел продукти за котри ше остарали баби и мацери. И сами школяре були вредни. Зоз учительку Лесю Мудри и вони ше потрудзели упечиц свой хлєб. Можебуц нє бул таки красни як у пекар-нї, алє дзецом бул смачнєйши, бо го направели сами.

Школяре висших класох на годзинох руского язика тиж учели о важносци хлєба у нашим живоце и поровновали методи обрабяня жеми нєшка и у прешлосци. Зоз теми „Традицийни єдла наших предкох“ з тей нагоди були ви-брани пироги о котрих ше бешедовало нє лєм на теориї, алє и у пракси. Пироги ше добре удали, а шицки ше зло-жели же то найсмачнєйши и найинтересантнєйши способ здобуваня знаня.Дзень яблукох бул означени 21. октобра. Понеже наша школа ма и задруґу котра ноши мено по тeй хасновитей и здравей овоци, каждого ше року намагаме тот дзень озна-чиц интересантно, алє и поучно. Наглашуюци на важнос-ци здравого костираня, учительки зоз школярами нїзших класох за фриштик порихтали здрави коктел зоз яблукох, бананох, орехох, лєнового нашеня и цимету. Предлужели зме дзень зоз бависками у котрих обовязни атрибут було яблуко: танєц зоз яблуком, музични карсцелї, лапанє яблу-ка у води без рукох и други. На годзини подобовей кул-тури школяре мали задаток направиц малюнок на котрим зоз темперу офарбену половку яблука одцисковали на па-перу. На концу ше шицки засладзели зоз колачом и соком зоз яблукох. Окрем тих наведзених дньох весело зме означели и Дзень бавискох, Дзень спорту и Дзень кравати.

Леся Мудри

Богата була єшень у МиклошевцохЗОЗ ШИЦКИХ БОКОХ

Дзень кравати

Пририхтованє за Дзень спорту

Хлєб наш насушни

Хлєб

Яблука

Овоц

Правиме пироги



Литературне стретнуцеШколяре нїзших класох Осно-вней школи у Чаковцох и По-дручних школох у Миклошев-цох, Томповцох и Берки мали нагоду упознац ше зоз Жель-ку Юрич Митрович, нєшка познату як „дзивче у белавим капуцику“. У Подручней шко-ли у Берки 14. новембра була отримана промоция єй дру-гей кнїжки поезиї „Моя долїна слизох“. Авторка, дзекуюци знїмки од 19. новембра 1991. року, кед як шейсцрочне дзи-

вчатко у колони виходзела зоз Вуковару, постала символ страданя дзецох у Отечественей войни.Желька Митрович кратко виприповедала о трох войно-вих мешацох живота у Вуковаре и познєйше у вибежен-стве з боку дзецка. Видзелєла особи котри єй теди були барз важни и котрим пошвецела свойо писнї. Авторково викладанє провад-зела и учителька Зденка Бирчич, чи-таюци поезию зоз збирки.Окремни упечаток на присутних зоха-бел белави капуцик, котри Желька чува уж 25 роки и котри обовязни мотив єй промоцийох.

Леся Мудри

Каждого року наймладши нєсцер-пезлїво чекаю приход святого Мико-лая. И вон нїґда нє знєверел їх надїї и обчекованя, приходзи до каждого обисца же би обрадовал дзеци. При-шол вон 6. децембра и до микло-шевскей церкви Пресвятей Богоро-дици у хторей ше на Вечаршу Службу позберали числени Миклошевчанє, а

насампредз дзеци. На Служби вуко-варски парох Владимир Маґоч нагла-шел же шицки мушиме брац приклад зоз живота того святого: помагац другим, жиц у доброти, буц чисти у шерцу и души пред Богом и людзми. По Служби до церкви пришол и сам святи Миколай у провадзеню ангелох и крампусох. Дзеци привитали Мико-

лая зоз пригоднима рецитациями и шпиванками за котри их порихтали учителька Леся Мудри и воспитачка Рената Алекса. После дзелєня паке-цикох, за котри ше остарал церковни одбор, друженє ше предлужело у ви-ронаучней сали.

Леся Мудри

МИКОЛАЙ У МИКЛОШЕВЦОХ

Нащива писателя Владимира Бакарича и илустратора Дубравка

МатаковичаОсновну школу Чаковци 25. октобра того року нащивели барз интересантни госци. Були то автор коло петнац ро-манох за дзеци и младих, винковски писатель Владимир Бакарич и илустратор векшини його кнїжкох, познати гор-ватски автор стрипох Дубравко Матакович. Так школяре участвовали у двох активносцох, у кнїжовним стретнуцу и роботнї илустрованя. На обидвох местох було забавно, у бешеди зоз Владимиром Бакаричом школяре дознали велї податки о наставаню його кнїжовних дїлох, алє и ве-льо особни податки о наймилших єдлох и фарбох, живо-тиньох и шпиванкох, та зме ше так розбешедовали же нам ше було чежко розисц. Плановани 45 минути розцагли ше на аж два школски годзини.У другей роботнї було креативно, вибрали зме єден ви-ривок романа котри нє попровадезни зоз илустрация-ми Дубравка Матаковича, так же учашнїки илустровали главну особу романа «Нєдокончена дуга», дзивку Марину. Стретнуца закончени зоз дзелєньом роману «Тотем стра-ху» єдному школярови котри ше указал барз зацикавени. Так кнїжки достали фамелия Йокич (Вероника и Лука) и Изабела Феринц. Лєдво зме ше розишли зоз нашима гос-цами хтори нас одушевели зоз свою приємносцу и талан-том, и уж ше вешелїме даєдному подобному стретнуцу убудуце.

Леся Мудри(За Венчик преложела редакторака)

Програма за Миколая Вєдно зоз Миколайом

Желька Юрич Митрович



Традицийна, шеста по шоре, Дзецин-ска смотра фолклору Општини Том-повци отримана 5. новембра 2016. року у голу Основней школи Чаков-ци. Як зазначел орґанизатор, Кул-турно-уметнїцке дружтво «Петефи Шандор» зоз Чаковцох, циль тей ма-нифестациї заєднїцке друженє дзецох и одрослих зоз подруча Општини. Попри домашнього дружтва „Пете-

фи Шандор“, на програми наступели дзецинска танєчна ґрупа КУД «Яким Ґовля» з Миклошевцох, школяре ОШ Чаковци котри уча мадярски язик, члени Дзецинскей заградки Општини Томповци и Здруженє за пестованє мадярского язика зоз Старих Янков-цох. После наступу друженє ше пред-лужело у Мадярскей хижи у Чаковцох.

Леся Мудри

Всоботу, 1. октобра, у Руским Кере-стуре отримана 48. дзецинска мани-фестация «Червене пупче». Як и каж-дого року, програма фестивалу була зоз двох часцох. У першей конкурс-ней часци програми наступели шпи-ваче зоз дзешац новокомпонованима шпиванками за дзеци. Фахови жири

за найкрасшу тогорочну мелодию и текст вибрал шпиванку «Чаривни сни» авторки Даниєли Горняк, а одш-пивала ю Надя Каурин зоз Сримскей Митровици.У другей часци програми з танцами наступели руски дзецински ансамбли з наших местох у Сербиї и Горватскей,

КПД „Карпати” з Вербасу, Дом култури Руски Керестур, КУД „Яким Ґовля” з Миклошевцох, КУД „Тарас Шевченко” з Дюрдьова, КУД „Петро Кузмяк” з Но-вого Орахова, Руски културни центер з Нового Саду и КУД „Жатва” з Коцура.

Леся Мудри

Миклошевски танєчнїки наступели на 48. «Червеним пупчецу»

ОПШТИНСКА СМОТРА ФОЛКЛОРУ


Батерийска лампаИще лєм два тижнї до Крачуна. Хто зна яка будзе хвиля. Годзен и диждж падац та будзе блато, а на улїцох цмота. Маме прекрачац цалу нашу улїцу, а вец походзиц и по ро-дзинох, та до апатикарки и до паноца...Так зме ше з братом радзели, та зме ше почали улїзовац мацери випитуюци ше о Крачуну.– Мамо, купице нам батерийску лампу, най себе ошвицує-ме драгу док будземе ходзиц по шпиваню? Знаш же каж-дого року на Вилїю приходзиме дому залюштани од блата, бо там на углє нє швици грушочка, та велька цмота, а у ко-ляйох нє накладзени снопи вигризки, та чежко прейсц на други бок улїци а нє зальомпац ше.– Добре, добре, поприповедам з оцом док придзе дому. А тераз, идзце до хижи учиц – гварела мац.Ютредзень, кед зме ше врацели зоз школи, патрели зме чи мац сама у кухнї, та зме ше питали чи нам купя лампу.Гей, оцец гварел же вам купи таку цо барз моцно швици – гварела мац.– У тей хвильки оцец вошол нука тримаюци у руки нову батерийску лампу.– Гурааа! И ми будземе мац лампу, а нє лєм Янко!– Лєм помали. Мац ю тераз одложи, а достанєце ю на Вилїю вечар. Тераз ше идзце учиц.Пошли зме до хижи, алє зме попод фиронґлочку на дзве-рох закуковали до кухнї. На столє стала желєзна лампа зоз грубим склом. Таку нїхто нє ма! Наша будзе найдалєй шви-циц!Пришол и тот дзень. Вилїя! Оцец унєсол до хижи сламу, по-винчовал нам, а вец зме поставали коло стола на хторим була вечера – риба з рискашу. Наглас зме вимодлєли «Оче-наш» та зме понагляли єсц. По вечери зме ше пооблєкали, мац нам дала били торбички коло шиї та зме перше виш-пивали коляду «Вифлеєми новина» и повинчали Крачун родичом. Мац виняла зоз столовей ладички батерийску лампу хтору зме так жадали.– То вам дарунок од нас. Вшадзи так крашнє шпивайце як сце нам шпивали – гварела мац ошмихуюци ше и гласкаю-ци нас по власох. Вибегли зме на драгу махаюци зоз сно-пом шветлосци з нашей батерийскей лампи ошвицуюци шпивачох.

Владимир Дудаш

КорчолїШнїг уж давно закрил шицки поля. Долїни у валалє замарз-нути. Ляд, шлїзки долїни идеални за корчолянє.Дзеци уж давно на долїни бавя гокей, шлїзкаю ше, обегую, а ми з братом дома. Шедзиме при пецу, бо нє маме корчо-лї, а анї штухачки. Надумали зме их направиц. У шопи зме нашли єдну латку, праве таку яка нам одвитовала. Вжали зме пилку и влапели ше до роботи. Положел сом братову ципелу на лату и гварим – «Тримай ту!»Брат прициснул латку на пняк, а я почал цагац тоту вельку пилку коло самей ципели як прави майстор.– Супер! Праве таки сом сцел! – скричал Ґено тримаюци у руки два дещички.Попатрел сом на пняк на хторим сом пилєл латку, а там – фалаток скорки. Похопел сом... Братова ципела достала облачок на пети.– Цо ту робице? – озвал ше оцец.– Правиме себе корчолї! – одвитовали зме.– Дам вам я корчолї! Порезали сце ми тоту латку?! – вадзел ше, махаюци зоз остатком лати. Плачуци зме пошедали коло пеца. Оцец вошол за нами тримаюци порезану ципе-лу.– Цо сце напаратовали? У чим Ґено будзе ходзиц до шко-ли? Лєм правице чкоди!– Добре, добре. Нє буду вецей майстровац без питаня – бранєла нас мац.– Обецуєме же ше будземе питац. Пребачце нам, будземе добри… – финкаюци зме ше озвали.Брат достал нови ципели, а оцец нам направел корчолї. Тераз и ми двоме кажди дзень бежиме на долїну корчоляц ше и бавиц гокей з другима дзецми.

Владимир Дудаш



ПШИЧОК ФЛОКИПошол Петрик зоз лабдочкудо двора ше бавиц.Кед го збачел пшичок Флокипошол го поздравиц.

Пшичок бежал коло Петраи брехал весело,зоз нозґриком лабду дрилялпо дворику шмело.

Кед Петрови то допилозохабел лабдочку,а Флоки ю одкотулялпод свою хижочку.


ШИВА ЖИМАПришла нам жималєм нїґдзе нєт шнїгу,дзецом то задало превелїку бриґу.

Як вони преведужимски одпочивок?Нє годни ше санкацта вожиц на скийох.

Нє цикаве дзецомкед жима нє била,кед им каждодньовосцяґод хмара шива.


Резултати конкурсуПочитовани нашо сотруднїки и школяре, одвити на наш Конкурс послало векше число школярох, а шицки зоз Петровцох! Винчуєме петровским школяром хтори ходза на годзини руского язика на їх тру-ду и упартосци. Награду освоєла Дария Лойпл Джуджар и може ю превжац у нашей редакциї. Ище раз вам шицким винчуєме.

Вера Павлович

Франтовлїве слункоВше сом думала же слунко може буц франтовлїве. Раз сом ше бавела вон-ка и видзела сом же ше слунко поча-ло шмеяц и зишло ґу мнє. Кед сом го питала же чом ше шмеє, гварело ми же воно франтовлїве слунко и же ше люби шмеяц. Було таке шмишне же сом ше нє могла стримац и почала сом ше шмеяц вєдно з нїм. — Га, га, га! — шмеяли зме ше дас пол годзини. Так зме ше шмеяли же зме попадали на хрибет, а слунко спалєло шицку траву.Кед пришла жима, нападало барз ве-льо шнїгу. Слунко знова почало фран-товац и спущело ше на жем. Шицок ше шнїг розпущел. Цали варош остал без шнїгу, бул празни и брудни. Була сом барз жалосна, алє ми слунко гварело най нє плачем и же останє зо мну. Нє було таке моцне як влєце та могло войсц до моєй хижи. Бавели зме ше цали дзень, а кед пришол вечар, слун-ко мушело пойсц спац.

Миа Бучко, 3. класаМиклошевци

Путованє до будучносциРаз сом пошол до лєса. Дакус сом ход-зел и одразу сом збачел цошка чудне. Два древа почали меняц форму пред моїма очми. Одразу ше зявел пор-тал. Вошол сом до ньго и през кратки час зрозумел сом же ше шицко пре-менєло — нашол сом ше у будучнос-ци! Нє бул сом вецей у лєше. Ходзел сом по варошу и стретнул свойого пайташа Марина котри мал 90 роки. Було ми шмишно. Алє нє длуго. Зявел ше єден робот и хвацел дїдочка Ма-рина. Потим ше зявел и супергерой котри го сцел виратовац, алє му було барз чежко. Видзел сом же му потреб-на помоц, та сом мушел помогнуц. Од супергероя сом вжал чаривни перш-няк и звладал робота. Виратовал сом пайташа Марина. У тей хвильки по-чувствовал сом як ме портал зацагує, вишол сом з будучносци и заш сом ше врацел до лєса. Приповедал сом о тей авантури родичом, алє вони ми нє верели. Гварели же ше ми то шицко лєм шнїло. А кед сом их сцел одвесц на место порталу, нїяк сом го вецей нє могол найсц. Можебуц ше ми то наис-це шнїло?

Матей Мудри, 5. класа Миклошевци

ПИСАТЕЛЄ ВАМ НАПИСАЛИ ШКОЛЯРЕ СОТРУДНЇКИ



Червени ризи,владическе жезлосвятого Миколаяпозна кажде дзецко...

Шицки го любя,дарунки дзелїи мнє каждого року вешелиї.

Защитнїк вон дзецох и морякохто вам людзе нє гоч цо...

Мушиш лєм добри буци чижмочки умиц...

Дарункох полни буду чижмочки,каждого вон зна розвешелїц.

Иван Хованєц, 6. класа Райово Село

(на руски прекложела редакторка)


Святи Миколка дарунки дзелїи добри дзеци з даром вешелї.Дзеци умийце швидко чижмочкии Миколайови шпивайце писньочки.

Святи Миколай защитнїкморякох, аж и дзецох.Владическа шапка била над чолом ше му дзвига.

Шестого децембра рано дзвоня дзвони,у чижмочкох найду ше бомбони.Крампус палїци нєдобрим дзецомнай дзелї, а ви добри дзеци останьце весели.

Мелани Грубеня , 6. класа Райово Село

(На руски преложела редакторка)

Святи Миколаю!Наздаваме ше же пречиташ нашо добри дїла та рано, 6. децембра у на-ших очуханих чижмочкох на облаку найдземе даяки даруок од Тебе.

Школяре 3. класи ПШ Петровци

НАШО ДОБРИ ДЇЛАМацери сом помагала порихтац по-лудзенок, а татови умиц авто. З єдну бабу сом пекла колачи, а з другу по-раєла хижу. Братови сом вше пожи-чела клайбас кед питал и ишла сом з нїм на турнир у столним тенису. Андї сом помагала уношиц квеце до хижи. Шейтала сом ше зоз пайташками, ба-вела ше зоз свою сушеду и шестрин-їци правела дружтво. Пораєла сом свою хижу и шорово писала домашню роботу.

Инес Миланович, 3. класа Петровци

Бул сом добри и вредни школяр та сом на концу рока мал просек оце-нох 5,00. Того року шорово сом писал домашнї роботи зоз шицких предме-тох. Научел сом писац писани букви рускей азбуки. Уписал сом ше до бо-рецкого клуба и тренирам аикидо. Дал сом шестри свой каламар бо єй требал за роботу.

Саша Бильна, 3. класа Петровци

Була сом барз добра. Найвецей сом помагала своєй мацери. Кажде рано намесцим свою посцель, а кед идзем до школи свою хижу охабим у шоре.Святи Миклаю, барз, барз ше зрадуєм кед рано у своєй чижмочки найдзем бабку Барбику.

Матея Шовш, 3. класа Петровци

Слухала сом мацер цали рок и пома-гала єй кед помивала судзину. Мер-ковала сом у школи и слухала свойо учительки.

Анамария Сабадош, 3. класа Петровци

Помагал сом мацери попораїц хижу, а татови кед правел шора у роботнї. Шопу сом сам попораєл кельо сом знал и могол.

Ґабриел Гарди, 3. класа Петровци

Учел сом и бул добри у школи и дома. Вше сом писал домашню роботу.

Лука Медєши, 3. класа Петровци

Святи Миколаю!На твоєй драги ґу нам, жадам же биш бул щешлїви и весели. Добрим дзецом принєш красни да-рунки, як цо то блишово медведзики, чоколадки и други лакотки. Гевтим дзецом хтори були нєдобри, постарай ше най ґу нїм пойдзе Крампус з пру-циками. Я жадам єдну чоколадку, пакецик бомбонох и мех кромплї. Барз любим пражени кромплї, а найсмачнєйши су ми кед их напражи мой тато.

Андрей Ралиш, 3. класа Петровци

ШКОЛЯРЕ СОТРУДНЇКИ


1

2

3

4

5

6

7

8

ЗAБAВНИ БОК

ЧАСЦ РИСУНКА З БУКВУ ОФАРБ НА ЧЕРВЕНО, А ЗОЗ ЧИСЛОМ НА БЕЛАВО. ЦО ШИ ДОБИЛ?

1. Дама (у шаху)2. Чловеков “найлєпши” приятель3. Мали пец4. Хтори припада мацери5. Ремеселнїки хтори правя чижми6. Прекрасна птица подобна гуски7. Пчолов продукт8. Русия У шивих польох остатнї мешац у року.

Леся Мудри

1. ВИТОР2. ИНА3. ЛЯД4. КАПУТ5. КОЖУХ6. ПАХУЛЬКА7. РУКАВОЦИ8. САНКИ9. СКИЇ10. ЧИЖМОЧКИ11. ШАЛ12. ШАПКА13. ШНЇГ

Кед пренайдзеце задани поняца останю вам штири букви хтори даю назву єдней часци рока на хтори поняца и асоцирую.


И Ц И В А К У РК А К П А Ш Ш ОН Н Л О Ж А Н ТА И И Я Ж Л Ї ИС К И Ї Д У Г ВМ Т У П А К Х АЧ И Ж М О Ч К ИА К Ь Л У Х А П

ДАСКЕЛЬО ИНТЕРЕСАНТНОСЦИ О ПИНҐВИНОХ...

- Пинґвини єдна од коло 40 файтох птицох хтори нє можу лєциц.- Векшина науковцох склада ше з тим же иснує 17 файти пинґвинох. Од тих 17 файтох, аж 13 файти угрожени, а дзепоєдни и на рубцу вимераня.- Пинґвини часто путую так же ше “санкаю” на своїх брущкох. Науковци веря же им то нє лєм ефикасни, алє и забавни способ рушаня.- Пинґвини барз дружтвени птици. Аж и на морю пинґвини звичайно плїваю и кармя ше у множестве. Дзе-поєдни колониї на Антарктику можу чишлїц 20 милиони або аж и вецей пинґвинох.- Од шицких пинґвинох и шицких птицох, Царски пинґвин жиє у найжи-мнєйшим окруженю, на Антарктику, дзе температура воздуху може буц и -40ºЦ, а швидкосц витру и по 144 ки-лометри на годзину.- Под воду можу остац 10-15 минути (Царски пинґвин и 20 минути), а аж вец ше вимуряю и лапаю воздух.- Пинґвини на Антарктику нє маю су-хожемних нєприятельох.- Пинґвини лєпше видза под воду як на сухим. Велї науковци веря жє пинґ-вини на сухим барз кратковидни.- Дзепоєдни виглєдоваче замерко-вали же пинґвини знаю “спреведац” свойого власного партнера.- Чарни хрибет им помага же би ше «зляли» зоз околїском та так постали нєвидлїви за напаснїкох зоз воздуху, а била фарба на бруху же би постали нєвидлїви за напаснїкох зоз глїбинох води.- Найстарши пренайдзени пинґви-нов фосил (Waimanu manneringi) ста-ри коло 60 милиони роки. Його назва значи “водова птица”.- Пинґвини можу пиц слану воду бо маю окремни шлїжнїк хтори филтрує соль зоз кревоцеку.- Пинґвини ше звичайно нє боя од людзох.- Пинґвини престали лєциц скорей даскельо милиони роки, медзитим вони птици хтори найшвидше плїваю, найглїбше ше муряю и найвекши су водово птици.- Шветови дзень пинґвинох означує ше 25. априла.

Пририхтала Любица Гаргай

Кед добре ришиш крижальку, од буквох цо остали достанєш ище єдно слово вязане за Крачун.

1. АНГЕЛ2. БОБАЛЬКИ3. ВОЛ4. ГВИЗДА5. ИСУС6. КРАЧУН7. МАРИЯ8. ОСЕЛ9. ОСИФ10. СВЯТА НОЦ11. ЯДЛОВЕЦ12. ЯШЛЯ

К Р А Ч У Н Б Ц Г Я Л Ш Я И О ОВ О Л В Л С Б НИ И Ф Е И У А АЗ Л Г Ф С С ЛЬ ТД Н Е Є М О К ЯА Я И Р А М И ВЦ Е В О Л Д Я С

Ришенє: жима Ришенє: д; пес; пецик; мацеров; чижмаре; лебед; мед; р.шиви поля: децембер


ПОДОБОВО РОБОТИ

Марино Бабинчак, 5. класа, Миклошевци

Марко Иван, 1. класа, Петровци

Анастасия Николич, 1. класа, Миклошевци

Миа Бучко, 3. класа, МиклошевциЕна Фа Просинек, Петровци

Кристиян Мудри, 5. класа, Миклошевци

Марко Сеґеди, 1. калса, Петровци

Дарио Джуджар, 1. класа, ПетровциСара Ґубица, 1. класа, Петровци


Documents

Savez Rusina Republike Hrvatske Союз Русинох Републики