Sa Ngalan ng Allah Ang Pinakamaawain at Pinakamahabaginzhic.ae/Data/Files/Ebooks/Tagalog E-Book 2 Instruction on Worship... · bahagi ii: pagdarasal (ṢalĀh) kabanata 5 mga obligasyong

Sa Ngalan ng Allah

Ang Pinakamaawain at Pinakamahabagin

At itakda ang pagdarasal sa magkabilang dulo ng maghapon at

sa pagsapit ng gabi; tiyak na itataboy ng mabubuting gawa ang

masasamang gawa. Iyan ay paalala para sa mga nakakaalala

(QURʾĀN 11:114)

KURIKULUM NG BAGONG MUSLIM SA ZHIC

ANG INIHAYAG NA DAANIsang Gabay na Aklat para sa mga Bagong Muslim: Hasan Lam (Bahagi I, II at III), Ramzy Ajem (Bahagi IV)Mga Unang Tagubilin sa Pagsamba: Ramzy Ajem (Mālikī), Samah Marei (Ḥanafī), Najam Khaja (Ḥanbali), Saiema Din (Shāfi`ī)Isang Biswal na Gabay sa Pagdarasal (DVD)Ang mga Pagsasatinig ng Dasal (Audio)Gabay ng Guro: Saiema DinKursong Pagsasanay ng Guro: Nadeem MemonPrograma sa Pagpapaunlad at Sertipikasyon ng Guro: Qaiser Ahmad

Ang INIHAYAG NA DAAN

© Zayed House for Islamic Culture 2015

Published byZAYED HOUSE FOR ISLAMIC CULTUREP.O. BOX 16090, AL-AIN, UNITED ARAB EMIRATESTEL 800555 FAX +971 3 7810633WWW.ZHIC.AE [email protected]

ISBN 978-9948-22-060-2

Commissioned by Zayed House for Islamic Culture, UAE. Produced by Razi Group, Canada, under the supervision of Tabah Foundation, UAE.

ALL RIGHTS RESERVED. Aside from fair use, meaning a few pages or less for nonprofit educational purposes, review, or scholarly citation, no part of this publication may be reproduced, stored in a retrieval system, or transmitted in any form or by any means, electronic, mechanical, photocopying, recording, or otherwise, without the prior permission of the Copyright owner.

ZHIC has no responsibility for the persistence or accuracy of URLs referred to in this publication, and does not guarantee that any content on such websites is, or will remain, accurate or appropriate. All information is correct as of November 2009, but ZHIC does not guarantee the accuracy of such information thereafter.

Printed in UAE

© Zayed House for Islamic Culture 2015

Inilimbag ngZAYED HOUSE FOR ISLAMIC CULTUREP.O. BOX 16090, AL-AIN, UNITED ARAB EMIRATESTEL 800555 FAX +971 3 7810633WWW.ZHIC.AE [email protected]

ISBN 978-9948-22-060-2

Kinomisyon ng Zayed House for Islamic Culture, UAE.Ginawa ng Razi Group, Canada, sa ilalim ng superbisyon ng Tabah Foundation, UAE.

RESERBADO ANG LAHAT NG KARAPATAN. maliban sa pinahihintulutang paggamit, ng ilang pahina o mas kaunti para sa mga hindi pinagkakakitaang layuning pang-edukasyon, pagsusuri, o iskolarling pagsipi, walang bahagi ng lathalaing ito ang maaaring kopyahin, panatilihin sa isang retrieval system, o ipadala sa anumang anyo o sa pamamagitan ng anumang paraan, elektroniko, mekanikal, pag-photocopy, pag-record o iba pa, nang walang paunang pahintulot ng may-ari ng Copyright.

Walang responsibilidad ang ZHIC sa pag-iral o katumpakan ng mga URL na binanggit sa lathalaing ito, at hindi nito ginagarantiya na ang anumang laman ng mga nasabing website ay, o mananatiling, tumpak at naaangkop. Ang lahat ng impormasyon ay tama hanggang Nobyembre 2009, ngunit hindi ginagarantiya ng ZHIC ang katumpakan ng nasabing impormasyon pagkatapos nito.

Inilimbag sa UAE

UNANG EDISYON 2015

Al-Ain, UAE

Ang INIHAYAG NA DAAN MGA UNANG TAGUBILIN

SA PAGSAMBA

AYON SA PANANAW NI IMAM MUḤAMMAD B. IDRĪS AL-SHĀFIʿĪ

TUNGKOL SA ZAYED HOUSE FOR ISLAMIC CULTURE

Ang Zayed House for Islamic Culture (ZHIC) ay isang espesyalisadong independenteng institusyong nauugnay sa Court of the Crown Prince. Itinatag ito batay sa pananaw ng namayapang Pinuno ng UAE, si Sheikh Zayed bin Sultan al-Nahyan, at opisyal itong pinasinayaan noong 2005 ni HH Sheikh Khalifa bin Zayed Al Nahyan, Pangulo ng UAE at Pinuno ng Abu Dhabi.

Nakatuon ang ZHIC sa pagsusulong sa kultura ng Islam at pagpapabuti sa ugnayan ng magkakaibang etnisidad. Bukas ang institusyon sa mga bagong Muslim at indibidwal na gustong matuto tungkol sa Islam at kulturang Islam. Gumawa ang ZHIC ng mga espesyalisadong programang pang-edukasyon upang turuan ang mga bagong Muslim sa ilang wika, na nagbibigay sa kanila ng pananaw at direksyong kailangan nila upang makisama sa lipunan. Gayundin, nag-aalok ito ng mga espesyal na programa sa pagsasaulo ng Qurʾan at ng wikang Arabic, mga serbisyo sa Ḥajj, isang pampublikong aklatan at iba pang mga aktibidad sa lipunan tulad ng mga pangkultura at may temang paglalakbay at sports.

TUNGKOL KAY SHEIKH ZAYED

Si Sheikh Zayed ay ipinanganak noong 1918 sa lungsod ng Al-Ain at doon siya namalagi sa mahabang bahagi ng kanyang kabataan. Noong 1971, pagkalipas ng ilang matagumpay na taon bilang Pinuno ng Abu Dhabi, inako niya ang pamumuno sa bagong tatag na United Arab Emirates, isang pederasyon ng pitong emirate, kasama ang kabisera, ang Abu Dhabi. Ginabayan ni Sheikh Zayed ang UAE sa mga panahon ng malalaking pagbabago, at nagdala siya ng yaman, edukasyon at oportunidad sa isang rehiyong dumanas ng paghihirap sa loob ng ilang dekada. Minahal siya ng kanyang mga nasasakupan at ng bansa at nagkaroon siya ng malaking impluwensya sa pagtataguyod ng isang kultura ng mapayapang pamumuhay nang magkakasama, pagpapaubaya at pagbibigayan ng paggalang sa UAE. Pumanaw si Sheikh Zayed noong 2004 at inilibing siya sa tabi ng Grand Mosque of Abu Dhabi, na ipinangalan sa kanya. Pinalitan siya ng kanyang panganay na anak na lalaki, si HH Sheikh Khalifa bin Zayed Al Nahyan.

ISANG MENSAHE MULA SA ZAYED HOUSE FOR ISLAMIC CULTURE

Sa pamamagitan ng biyaya ng Allah, tuluy-tuloy ang pagdami ng mga nagiging Muslim sa United Arab Emirates. Mula noong pagkakatatag nito, ang Zayed House for Islamic Culture ay naging institusyong nagpapakilala sa mga bagong Muslim sa Islam, at ibinibigay nito sa kanila ang tulong at suportang kailangan nila upang makisama sa lipunan. Kung kaya naging mahalaga ang pagbuo ng malawak at kalahatang sistema para sa pagtuturo sa mga bagong Muslim tungkol sa kanilang pananampalataya.

Ikinagagalak ng Zayed House for Islamic Culture na ipakilala ang Ang Inihayag na Daan: isang pangmalawakang kurikulum na nagtatakda ng bagong pamantayan para sa edukasyon ng bagong Muslim sa ikadalawampu’t isang siglo. Sa paggawa ng kurikulum na ito, isinaisip ng ZHIC ang mga bukod-tanging hamon sa ating panahon at pinagsikapan nitong gawin itong makabuluhan at naaayon sa konteksto. Isinasama ng sistemang ito ang mga makabagong pang-edukasyong teorya at pormula para sa edukasyon ng nasa hustong gulang at isinasaalang-alang nito ang mga pagkasensitibo sa kultura at pinagmulan ng mga bagong Muslim.

Ang pagdating ng panahon ng impormasyon ay nangangahulugang nakakakuha ang mga bagong Muslim ng mga babasahin tungkol sa Islam mula sa iba’t ibang mapagkukunan nang walang partikular na kaayusan ng pagkakabuo, bagay na madaling nagdudulot ng pagkalito at kawalan ng katiyakan. Upang tugunan ang sitwasyong ito, layunin ng kurikulum na ito na magbigay ng basehan kung saan maaaring magsimula ang kahit sino sa kanyang paghahanap ng tunay na kaalaman tungkol sa Islam.

Ang Inihayag na Daan: Isang Gabay na Aklat para sa mga Bagong Muslim ay ang sandigan ng kurikulum na ito, na sinusundan ng kasama nitong: Mga Unang Tagubilin sa Pagsamba. Ito ang mga pangunahing teksto ng kurikulum ng ZHIC para sa mga bagong Muslim at magiging napakahalagang mapagkukunan ng mga ito para sa lahat ng pumapasok sa ating institusyon na naghahanap ng paggabay.

Gusto ring samantalahin ng Zayed House ang pagkakataong ito upang pasalamatan ang Tabah Foundation (UAE) at ang Razi Group (Canada) para sa kanilang walang humpay na mga pagsisikap upang walang dudang maging matagumpay ang bukod-tangi at naiibang proyektong ito. Umaasa kami na ang obrang ito ang magiging simula ng sabay-sabay na pagsisikap na gumawa ng mga de-kalidad na pang-edukasyong materyales tungkol sa Islam.

Zayed House for Islamic Culture

TUNGKOL SA MAY-AKDA

Si Saiema Din ay ang kasalukuyang Vice Principal ng Lote Tree Foundation at isang guro sa paaralan. Siya rin ang tagagawa ng kurikulum para sa programang akademiko at isa siyang tagapayo sa edukasyon para sa Razi Group (www.razigroup.com). Limang taon na siyang nagtatrabaho bilang guro sa elementarya sa Peel District School Board sa Canada.

Nagtapos si Saiema ng Batsilyer ng Edukasyon mula sa Ontario Institute of Studies in Education sa University of Toronto. Tinapos niya ang kanyang pag-aaral ng Islam sa ibang bansa at nang bumalik siya, sinimulan niya, at nagpapatuloy siya, na turuan ang komunidad sa pamamagitan ng pagsasagawa ng iba’t ibang klase sa buong Greater Toronto Area. Kasalukuyan siyang nakatira sa Brampton kasama ng kanyang asawa at dalawang anak.

GABAY SA TRANSLITERATION

ی/آ/ا ǎ

ب b

ت t

ث th

ج j

ح h

خ kh

د d

ذ dh

ر r

ز z

س s

ش sh

ص ş

ض ḍ

ط ṭ

ظ ẓ

ع ḁ

غ gh

ف f

ق q

ك k

ل l

م m

ن n

ه h

و w/ü

ي y/ī

ة a

ء ‘

أ a

إ i

MGA NILALAMAN

MGA TALAAN AT BALANGKAS 1

PAUNANG SALITA 3 PANIMULA 4

BAHAGI I: PAGHAHANDA PARA SA PAGDARASAL 6 KABANATA 1 KADALISAYAN AT PANANAMPALATAYA 8Tubig para sa Pagpapadalisay 8

KABANATA 2PAGKAKAMIT NG KADALISAYANG PISIKAL 9Paglilinis ng Maseselang Bahagi ng Katawan 9

KABANATA 3PAGKAMIT NG KADALISAYANG RITWAL 11Ang Wuḍū ʾ(Ablusyon) at ang Pagsasagawa nito 11Ang Nagpapawalang-bisa sa Wuḍūʾ 15Ghusl (Ritwal na Paghuhugas ng Katawan) 16Mga Sanhi ng Malaking Ḥadath 17Ang Mga Ipinagbabawal na Gawin kung may Malaking Ḥadath 17

KABANATA 4PAGREREGLA 18Kailan ito Nagsisimula at Ano angIpinagbabawal 18Kailan ito Natatapos at Ano ang Gagawin 18Pagdurugo Pagkatapos ng isang Siklo 18Hindi Regular na Pagdurugo 18Pinakamatagal na Pagreregla 19BAHAGI II: PAGDARASAL (ṢALĀH) 20

KABANATA 5 ANG MGA OBLIGADONG PAGDARASAL 22Mga Oras, Pangalan at Yugto ng Pagdarasal 22 Pagdarasal sa Tamang Oras 24Kapag Nakaligtaan ang Oras ng Pagdarasal 24

KABANATA 6ANG TAWAG PARA SA PAGDARASAL 25

KABANATA 7PAANO MAGDASAL 26Pagdarasal ng Dalawang Yugto 27 Pagdarasal ng Tatlong Yugto 33 Pagdarasal ng Apat na Yugto 33

KABANATA 8PAGDARASAL SA GRUPO 34 PAANO MAGDASAL SA PAGDARASAL NG GRUPO 34

KABANATA 9IBA PANG MGA PAGDARASAL 35 Mga Inirerekomendang Pagdarasal (Sunna) 35Witr 35Pagdarasal sa Araw ng Biyernes 35 Pagdarasal ng Eid 36Tarāwīḥ 36Pagdarasal ng Manlalakbay 36

BAHAGI III: PAG-AAYUNO SA RAMAḌĀN 38KABANATA 10ANG MGA OBLIGASYON AT KONDISYON 40Sino ang Dapat Mag-ayuno 40Sino ang Hindi Nag-aayuno 40Pagtiyak na May Bisa ang Pag-aayuno 40

KABANATA 11ANG HINDI PAG-AAYUNO ATANG MGA KAHIHINATNAN NITO 41Ang Kaffāra (Pagbabayad-sala) 41Pagbawi sa Pag-aayuno nang walang Kaffāra 41Pagbawi sa mga Pag-aayuno 42Ang Fidya (Kabayaran) 42

KABANATA 12PAANO MAG-AYUNO NANG ISANG ARAW SA RAMAḌĀN 43

KABANATA 13MGA INIREREKOMENDA ATIPINAGBABAWAL NA PAG-AAYUNO 44Mga Inirerekomendang Pag-aayuno 44Mga Ipinagbabawal na Pag-aayuno 44

PAGWAWAKAS 46

GLOSARYO NG MGA TERMINO 48

APENDISE:ANG MGA PAGSASATINIG NG PAGDARASAL 52

MGA TALA 62MGA KREDITO PARA SA MGA LARAWAN 63

1MGA TALAAN AT BALANGKAS

MGA TALAAN AT BALANGKAS

PANIMULATALAAN: Mga Patakaran ng Inihayag na Batas BAHAGI II: PAGDARASAL (ṢALĀH)

KABANATA 5MGA OBLIGASYONG PAGDARASALBALANGKAS: ISANG YUGTO NG PAGDARASALBALANGKAS: ANG LIMANG OBLIGASYONG PAGDARASAL

KABANATA 6ANG MGA TAWAG PARA SA PAGDARASALTALAAN: ANG ADHāN AT ANG IqāMA

KABANATA 7PAANO MAGDASALBALANGKAS: MGA LARAWAN NG MGA YUGTO NG PAGDARASAL

KABANATA 9IBA PANG MGA PAGDARASALTALAAN: MGA PAGDARASAL NG SUNNA: BAGO AT PAGKATAPOS

3PAUNANG SALITA

“Gawing madali ang mga bagay at huwag gawing mahirap ang mga ito.”1 Sa ḥadīth na ito ng Propeta makikita ang pinakadakilang pundasyon ng edukasyon na sinusunod ng gabay na ito.

Sa kanyang komentaryo sa ḥadīth na nabanggit sa itaas, sinabi ni Ibn Ḥajar al-ʿAsqalānī, isa sa mga pinaka-mapagkatiwalaang iskolar ng Islam, na: “Ang nilalaman [dito] ay nababagay sa mga bagong Muslim.” Dahil ang mambabasa ng gabay na ito ay ang bagong Muslim mismo, tiyak na pinag-isipan namin nang mabuti ang gabay ng Propeta na ito. Ipinagpatuloy ni Ibn Ḥajar: “Kung kaya, ang pag-aaral ng kaalaman ay dapat dahan-dahan. Kung ang paksa ay madali sa simula, nagiging kaakit-akit ito sa isang taong nag-aaral nito at dahilan din ito upang malugod niya itong tanggapin.”2

Ang layunin ng aklat na ito, Ang Inihayag na Daan: Mga Unang Tagubilin sa Pagsamba, ay magpakita sa bagong Muslim at sa bagong nagsasanay na Muslim ng sapat na tabugilin upang maisakatuparan nang tama ang limang pang-araw-araw na pagdarasal at ang pag-aayuno sa Ramaḍān alinsunod sa halimbawa ng Propeta at sa pinakamaikling panahon.

Upang makamit ang layuning ito, ginawa ang mga sumusunod na hakbang sa pagtuturo:a. pinanatiling kaunti hangga’t maaari ang kinakailangang kaalaman at teknikal na terminolohiya sa Arabicb. ang mga obligasyon at inirerekomendang bahagi ay ipinakita nang magkasama at walang pagkakaibac. hindi isinama ang mga sagot sa mga bihira o kakaibang pangyayarid. hindi isinama ang mga katibayan, pangangatwiran, pakinabang at karunungang may kaugnayan sa mga gawain sa pagsambae. nagsama ng mga payo at makatuturang impormasyon sa buong teksto at pinanatiling maikli ngunit makabuluhan ang mga ito

Isa sa mga hamong kinakaharap ng maraming mga bagong Muslim ay ang matutunan nang tama ang wuḍūʾ at Ṣalāh kasabay ng kanilang mga panalangin at pagbigkas sa Qurʾān. Upang mapadali ito, nagsama kami ng napapakinggan at nakikitang pantulong. Maingat ding isinalin at pinagsama-sama sa apendise ang iba pang mga pang-araw-araw na panalangin.

Bagama't hinihikayat na pag-aralan ang babasahing ito nang may kasamang kwalipikadong guro, ang pinasimpleng nilalaman at maingat na idinisenyong kaayusan ay maiintindihan ng mga mag-isang nag-aaral. Inaasahan na padadaliin ng aklat na ito ang tamang pagsasagawa ng pagdarasal at ng pag-aayuno. Ang iba pang mahahalagang panimulang turo sa Islam ay makikita sa isang kasamang aklat ng gabay na ito na pinamagatang Ang Inihayag na Daan: Isang Gabay na Aklat para sa mga Bagong Muslim.

PAUNANG SALITA

Ang INIHAYAG NA DAAN:MGA UNANG TAGUBILIN SA PAGSAMBA4

PANIMULA

Ang Islam ay isang kompletong relihiyon. Hindi lamang nakatuon sa kaluluwa ang mga aral nito, at hindi rin ito isang serye ng mga intelektwal na pahayag; sa Islam, nag-kakaisa ang isip, katawan at kaluluwa upang purihin ang ating Tagapaglikha.

Tayo ay nasa natatanging kalagayan kung ihahambing sa iba pang mga pananampala-taya dahil ganap nating nalalaman kung ano ang itinuro ng ating Propeta kung kaya natutularan natin siya sa paraan ng kanyang pagsamba nang may katumpakan at pagtitiwala.

Ang pagkatuto kung paano sambahin ang Diyos sa paraan ng Propeta ay katulad ng pagtanggap ng susi upang makamit ang espiritwal na kaganapan sa mundong ito at walang hanggang kaligtasan sa kabilang buhay. Ang susing iyon ay iningatan at ipinasa sa atin sa pamamagitan ng mga henerasyon ng mga iskolar.

Sa pamamagitan ng mga henerasyong ito, pinangalagaan ng Diyos ang Qurʾān at ang paraan ng Propeta (Sunna) laban sa pagkasira, kapwa sa teksto at pagpapaka-hulugan. Dahil dito, mahalagang sumangguni ng kaalaman mula sa mga taong may kakayahang magbigay ng mga tamang sagot at mula sa mga aklat na sumusunod sa mga turong may intelektwal at espiritwal na pamanang nauugnay sa Propeta at sa kanyang mga kasama. Sinabi ng Diyos ang Marangal: (Magtanong kayo sa mga nakakaalam kung hindi ninyo alam) (QUR’AN, 16:43).

Mula sa panahon ng Propeta hanggang sa kasalukuyan, nananatili ang tradisyon ng pagpapakadalubhasa na nag-iingat at naghahatid ng mabuting pagsasagawa ng Islamikong pagsamba. Maingat na isina

dokumento at ipinarating ng mga iskolar at ng kanilang mga estudyante ang mga patakaran ng Inihayag na Batas na hinango ng mga eksperto mula sa dalawang pangu-nahing pinagmulan ng ating relihiyon: ang Qur’an at Sunna. Ang kalipunan ng batas at ang paraan ng paghango ng mga patakaran mula sa dalawang pinagmulang ito ay pinangangalagaan sa isang madhhab o isang “paraan” (isang legal na pananaw).

May apat na pangunahing pananaw sa pagsasagawa ng mga gawain sa Islam na sinusunod hanggang sa kasalukuyan: ang pananaw ni Imam AbūḤanīfa, Imam Mālik, Imam al-Shāfiʿī at Imām Aḥmad b. Ḥanbal. Ang mga nilalamang ilalahad sa iyo ay alinsunod sa pananaw ng dakilang iskolar ng Gaza, si Imam AbūʿAbdullāh Muḥammad b. Idrīs

5PANIMULA

al-Shāfiʿī (767–820 AD / 150–204 AH).Ang layunin ng aklat na ito ay mabigyan ang bagong Muslim at ang nagsisimulang Muslim nang sapat na panuto upang mai-sakatuparan nang tama ang limang pang-araw-araw na pagdarasal at ang pag-aayuno sa Ramaḍān alinsunod sa halimbawa ng Propeta.

Sinabi ng Propeta: “Sinumang naglalakbay sa daan upang magkaroon ng kaalaman, inilalagay siya ng Diyos sa daan patungo sa Paraiso.”3 Sa pamamagitan ng iyong pag-susumikap na makamit ang kaalamang ito, isasagawa mo ang mga unang hakbang na magiging daan patungo sa Paraiso. Tandaan na ang aklat na ito ay hindi katulad ng ibang mga aklat na maaaring basta na lang basahin at itabi; hangga’t maaari, madalas itong

gamitin hanggang sa maging palagay ka sa iyong sarili na wasto ang iyong pagsamba.Kung mayroon kang mga katanungan o par-tikular na pangyayaring hindi natutugunan ng aklat na ito, magmumungkahi ang iyong guro kung saan makakahanap ng mga sagot.

Taos-pusong ipinagdarasal ng mga may-akda at patnugot ng aklat na ito na sana ay mapakinabangan mo ito at maging madali para sa iyo na maunawaan at sundin ang mga nilalaman nito. Ang anumang kabuti-hang manggagaling sa aklat na ito ay mula sa Allah, at ang anumang pagkakamali ay mula sa amin.

Nawa ay pagkalooban tayong lahat ng Allah ng tagumpay sa pagkamit sa Kanyang kasiyahan.

Āmīn

Ang mga unang bagay na dapat maituro sa isang taong kapapasok lamang sa Islam ay ang mga kailangang-kailangan na kung wala ay walang Islam... – SHAYKH ḤABĪB AḤMAD MASHHŪR“

Sa pangkalahatan, inuri ng mga pangunahing patakaran ng Inihayag na Batas ang mga pagkilos ng tao ayon sa sumusunod na limang kategorya:

PATAKARAN ARABIC PAGLALARAWAN

Obligado Farḍ/Wājib Mga obligadong pagkilos na ginagantimpalaan, pananagutan ng isang tao ang hindi paggawa sa mga ito.

Kanais-nais Sunna/ Mandūb

Mga kanais-nais na pagkilos na ginagantimpalaan, bagama’t walang pananagutan sa hindi paggawa sa mga ito.

Pinahihintulutan MubāḥMga walang pinapanigang pagkilos na walang gantimpala at wala ring pananagutan, bagama’t maaaring magantimpalaan ang isang tao kung isinagawa niya ang mga ito nang may mabubuting hangarin.

Di kanais-nais MakrūhMga hindi iminumungkahing pagkilos na hindi pananagutan ng isang tao kapag ginawa ang mga ito, bagama’t gagantimpalaan ang isang tao sa pag-iwas sa mga ito.

Ipinagbabawal ḤarāmMga ipinagbabawal na pagkilos na pananagutan ng isang tao kapag ginawa ang mga ito; gagantimpalaan ang isang tao sa pag-iwas sa mga ito.

PAGHAHANDA PARA SA PAGDARASALO kayong mga naniniwala! Kapag tumayo kayo para magdasal, hilamusan ang inyong mga mukha, at hugasan ang inyong mga kamay hanggang sa mga siko, at punasan ang inyong mga ulo at (hugasan) ang inyong mga paa hanggang sa mga bukung-bukong —QURʾĀN, 5:6


KADALISAYAN AT PANANAMPALATAYA

“Ang pagpapadalisay ay kalahati ng pananampalataya.”4

Sa pagbigkas sa mga salitang ito, nilinaw ng Propetang si Muḥammad sa kanyang mga tagasunod ang kahalagahan ng kadalisayang panloob at panlabas. Bilang nagsasanay na Muslim, magiging pamilyar ka sa mga detalye kung paano lilinisin ang iyong katawan at kapaligiran para sa pagsamba. May dalawang aspeto ang kadalisayan sa Islam: kadalisayang pisikal at kadalisayang ritwal, at pareho itong nakakamit sa pamamagitan ng malinis na tubig.

TUBIG PARA SA PAGPAPADALISAY

(At nagpadala Siya sa inyo mula sa kalan-gitan, ng ulan na magpapadalisay sa inyo) (QURʾĀN, 8:11)

Karaniwang tubig lamang ang maaaring gamitin para sa kadalisayang pisikal at ritwal. Nagmula man ang tubig sa ulan, sa dagat, sa ilog, sa balon, sa natunaw na niyebe o sa iyong gripo, hangga’t malinis at walang dumi (najāsa) ang tubig at ang lasa, kulay o amoy nito ay hindi nagbago, maaari itong gamitin para sa pagpapadal-isay. Ang tubig na likas na may lumot, putik o asin ay pinahihintulutan din para sa pagpapadalisay.

PAYO Kung wala kang dahilan upang maniwala na ang tubig na ginagamit mo ay hindi malinis, ituring itong malinis. Ang tanging dahilan upang pagdudahan mo ang kalinisan ng tubig ay kapag may napansin kang pagbabago sa kulay, lasa o amoy nito.

1

9BAHAGI I: PAGHAHANDA PARA SA

2

(At linisin mo ang iyong mga kasuotan)(QURʾĀN, 74:4)

Bago magsagawa ng pagdarasal, kinakailangan ang kadalisayang pisikal. Ibig sabihin nito, ang iyong katawan, kasuotan at lugar para sa pagdarasal ay walang mga dumi (najāsa) tulad ng dugo, ihi at dumi. Ang mga bagay na ito ay itinuturing na marumi ng Inihayag na Batas at dapat tanggalin habang naghahanda para sa pagsamba. Kasama sa kadalisayang pisikal ang paglilinis sa mga bagay na ito gamit ang karaniwang tubig.

PAYO Ang mga walang dahilang pagdududa sa kalinisan ng mga bagay ay maaaring mag-simulang pumasok sa iyong isipan at makapag-pabalisa sa iyo. Sa tuwing mangyayari ito, iwaksi ito sa pamamagitan ng pagtanggap sa likas na pananaw sa ating relihiyon na ang mga bagay ay malinis maliban kung mapatunayang hindi.

PAGLILINIS NG MASESELANG BAHAGI NG KATAWAN(At mahal ng Diyos ang mga nagpapadali-say sa kanilang mga sarili) (QURʾĀN, 9:108)

Obligasyong linisin ang maseselang bahagi ng katawan sa tuwing nilalabasan ng mga buo o likidong bagay ang mga daanan sa harap at likod. Siguruhing gawin ito bago ang pagdarasal.

Ang pinakamabuting paraan ng paglilinis ay ang gumamit muna ng papel at pagkatapos ay tubig. Kung kumalat ang dumi (najāsa) sa ibang bahagi bukod pa sa karaniwan nitong daanan, hindi sapat ang pagpupunas lamang at kailangang hugasan ito ng tubig.

Bago maghugas, siguruhing magaan na ang iyong pakiramdam. Siguruhing wala na sa mga daanan ang mga dumi (najāsa). Maaari

PAGKAKAMIT NG KADALISAYANG PISIKAL


itong gawin sa pamamagitan ng paghihintay nang ilang sandali, saka hawakan nang mahigpit ang iyong tiyan at huminga nang malalim. Pagkatapos ay marahang pisilin o pigain at hintaying lumabas ang anumang nalalabing patak mula sa daanan sa harap. Tinatawag itong istibrāʾ at ito ay kinakailan-gan.

Narito ang ilang bagay na dapat mong sundin kapag pupunta sa palikuran:

1 Pumasok sa palikuran nang nauuna ang kaliwang paa at sabihin: Bismillāh Allāhumma innīʿaūdhu bika minal khubthi wal-khabāʾith (Sa ngalan ng Allah. O Allah,

hinihingi ko ang Iyong proteksyon laban sa mga demonyong lalaki at babae).

2 Magbawas o umihi sa paraang malinis.

3 Gawin ang istibrāʾ.

4 Buhusan ng tubig ang maseselang bahagi gamit ang kanang kamay at hugasan ang mga ito gamit ang kaliwang kamay.

5 Palaging hugasan nang mabuti ang iyong mga kamay.

6 Lumabas sa palikuran nang nauuna ang iyong kanang paa at sabihin: Ghufrānak (O Allah, hinihingi ko ang Iyong kapatawaran).

Mula pa noong ikapitong siglo, katangi-tangi na ang mga turo ng Islam tungkol sa kalinisan ng katawan. Kamakailan lamang naging karaniwan ang mga medikal na sangguniang nagpapayong ‘kailangang madalas na hugasan ng tubig ang maseselang bahagi ng katawan.

“


Kung iyo nang natiyak na naisagawa na ang kadalisayang pisikal, maaari nang ituon ang sarili sa pagkamit ng kadalisayang ritwal para sa pagdarasal. Sapagkat ang pagdarasal ay tuwirang komunikasyon sa Tagapaglikha, ang kailangang ikaw ay may kadalisayang ritwal at ito ay makatutulong upang ihanda ang iyong sarili sa kadakilaan ng sandaling ito ng pagdarasal.Sinabi ng Propeta na: “Hindi tinatanggap ng Diyos ang pagdarasal nang walang pagpapadali-say.”5

Ang ritwal na pagpapadalisay ay nangangahulu-gang pag-aalis ng ritwal na karumihan (hadath) mula sa iyong sarili. Ang Hadath ay isang kalagayang sanhi ng ilang mga gawain. Ang kalagayang ito ay nagbabawal sa iyo na magdasal at magsagawa ng mga iba pang gawain sa pagsamba. Maaaring ito ay malaki o maliit na hadath.

Ang malaking hadath ay inaalis sa pamamagitan ng pagsasagawa ng ganap na paghuhugas sa buong katawan na tinatawag na ghusl (ritwal na paghuhugas ng katawan). Ito ay matatalakay sa mga susunod na bahagi. Samantala ang maliit na

hadath naman, na sanhi ng ilang mga gawain tulad ng pag-utot o pag-ihi, ay inaalis sa pama-magitan ng pagsasagawa ng tinatawag na wuḍūʾ (ablusyon).

KATOTOHANAN Kapag walang malinis na tubig o kaya’y ito hindi magagamit ng isang tao, may isa pang paraan ng pagpapadalisay na ritwal na hindi ginagamitan ng tubig. Ito ay ang tuyong pag-aablusyon na tinatawag na tayammum.

ANG WUḌŪʾ (ABLUSYON) AT ANG PAGSASAGAWA NITO

Isinasagawa ang wuḍūʾ (ablusyon) sa pama-magitan ng karaniwang tubig. Kung mayroon mang kahit anong bagay sa iyong katawan na makahahadlang sa pagdaloy ng tubig sa iyong balat tulad ng pintura, pampakintab ng kuko o kaya’y meyk-ap, ang mga ito ay kinakailan-gang tanggalin muna bago magsimula sa ablusyon. Ang mga sumusunod na hakbang ay isasagawa ayon sa pagkakasunud-sunod nito nang walang pagkaantala:

PAGKAMIT NG KADALISAYANG RITWAL3


Sabihin ang Bismillāhir-raḥmānir-raḥīm(Sa ngalan ng Allah, ang Pinakamaawain at Pinakamahabagin).

2 Isakatuparan ang hangarin. Ginagawa ito sa pamamagitan ng pagsasapuso ng iyong hangaring magsagawa ng kinakailangang wuḍūʾ (ablusyon). Ang hangaring ito ay kailangang isapuso mula sa simula ng ablusyon sa paghuhugas ng iyong mga kamay hanggang sa paghuhugas ng unang bahagi ng iyong mukha.

KATOTOHANAN Ang hangarin ang siyang dahilan upang ang ating mga gawain ay maging mga gawain sa pagsamba. Maaaring hugasan ng sinuman ang kanyang mga kamay at paa, ngunit tanging ang taong naglalayong maging pagsamba ito ang magagantimpa-laan para rito. Sinabi ng Propeta: “Ang mga pagkilos ay ayon sa mga hangarin nito.”6

3 Hugasan ang iyong mga kamay nang tatlong beses na lampas lamang nang kaunti sa iyong pulso. Tiyaking magsimula sa kanang kamay at hugasan ang pagitan ng mga daliri.

4 Magmumog at hugasan ang ilong nang tatlong beses. Gamit ang iyong kanang kamay, sumalok ng tubig at suminghot ng kaunti. Mumugin ang tubig at pagkatapos ay ilabas ito sa bibig at ilong nang sabay.

Ang sinumang nagsasagawa ng wuḍūʾ (ablusyon) at isinasagawa ito nang buong husay, lilisanin ng mga kasalanan ang kanyang katawan, maging ang nasa ilalim ng kanyang mga kuko —ANG PROPETANG MUHAMMAD

“

1


5 Hilamusan ang iyong mukha nang tatlong beses. Siguruhing hugasan ang balat sa ilalim ng anumang buhok sa iyong mukha. Kung masyadong makapal ang balbas na hindi na nakikita ang balat sa ilalim nito, hugasan ang labas ng balbas. Kasama sa mukha ang buong bahagi sa pagitan ng pinagsisimulan ng buhok hanggang sa baba, at sa pagitan ng magkabilang tainga.

6 Hugasan nang tatlong beses ang iyong mga kamay at braso na lampas lamang nang kaunti sa mga siko. Siguruhing magsimula sa kanang kamay, at hugasan ang mga pagitan ng mga daliri.

7 Punasan ang buong ulo nang tatlong beses. Basain ang iyong mga kamay at magsimula sa noo papunta sa batok at bumalik sa noo. Kung mahaba o nakatirintas ang buhok, hindi inirerekomendang ibalik sa harap ang kamay.

8 Punasan ang mga tainga nang tatlong beses. Basaing muli ang iyong mga kamay at ipasok ang mga hintuturo sa mga butas ng iyong dalawang tainga at ilagay ang mga hinlalaki sa mga panlabas na bahagi ng tainga at punasan ang mga ito nang tatlong beses, gamit ang malinis na tubig sa bawat pagkakataon.

O kayong mga nanampalataya! Kapag kayo ay nagnanais na magsagawa ng ‘Salâh’ (pagdarasal), hilamusan ninyo ang inyong mga mukha, at hugasan ninyo ang inyong mga kamay hanggang siko, at punasan ninyo (ng tubig) ang inyong ulo, at hugasan ang inyong mga paa hanggang bukung-bukong. —QURʾĀN, 5:6

“


9 Hugasan ang bawat paa nang tatlong beses. Magsimula sa kanang paa at pagkata-pos ay ang kaliwa. Dapat mong hugasan ang buong paa kasama ang mga sakong at buto ng bukung-bukong, at kailangang maabot din ng tubig ang pagitan ng mga daliri.

PAYO Ang pagsasagawa ng wuḍūʾ para sa kababaihan ay hindi naiiba. Gayunpaman, kung hindi mapahihintulutan ng sitwasyon na mapunasan ang buong ulo, maaaring punasan na lamang ang bahagi ng kanyang ulo sa ilalim ng bandana.

Ash-hadu allā ilāha illā Allāh waḥdahu lā sharīka lahWa ash-hadu anna Muḥʿammadan ʿabduhu was rasūluhAllāhummajʿalnī minat-tawābīn wajʿalnī minal-mutaṭahhirīn

Sumasaksi ako na walang diyos maliban sa Allah, ang Nag-iisa at walang katambal.At sumasaksi ako na si Muḥammad ang Kanyang lingkod at Mensahero.O Allah, gawin Mo akong isa sa mga tuwina’y nagsisisi at nagdadalisay sa sarili.

Pagkatapos na maisagawang ganap ang wuḍūʾ (ablusyon), itinatagubiling sabihin ang sumusu-nod na panalangin:

Ang pagsasagawa ng wuḍūʾ sa isang pampublikong banyo ay maaaring maging mahirap kung walang pasilidad para rito; lalo na ang paghuhugas ng iyong mga paa. Mahalagang siguruhin ang pagpapanatiling malinis at tuyo ng lugar upang hindi ka mag-iwan ng negatibong impresyon tungkol sa pagsasagawa ng iyong relihiyon.

“


ANG NAGPAPAWALANG-BISA SA WUḌŪʾ

Ang mga sumusunod na bagay ang nagpa-pawalang-bisa sa wuḍūʾ (ablusyon):

1 Anumang bagay na lumalabas sa maseselang bahagi ng katawan (kasama ang [hangin] utot)

2 Malalim na pagkakahimbing, kawa-lan ng malay o pagkalasing

3 Paghawak sa maseselang bahagi ng katawan ng tao gamit ang kamay

4 Paglapat ng balat ng lalaki at babaeng hindi magkamag-anak na maaaring magpakasal, kahit pa hindi ito sinasadya at walang pagnanasa.

KATOTOHANAN Hindi nangangahulugang itinuturing ng Islam na kahiya-hiya o marumi ang mga pagkilos na ito, ngunit dahil sa banal na karunungan, ipinag-utos ng Mambabatas na kailangan ang wuḍūʾ pagkatapos ng mga ito upang maging handa para sa pagdarasal.

KAILAN NARARAPATISAGAWA ANG WUḌŪʾ

Kinakailangang tiyakin na naisagawa ang wuḍūʾ (ablusyon) para sa mga sumusunod:

1 Pagdarasal

2 Paghawak sa Qurʾān

3 Ṭawāf (pag-ikot nang pitong beses sa Banal na Kaʿba sa Mecca)

Pinapahintulutan ang pagbigkas sa Qurʾān batay sa iyong memorya nang walang wuḍūʾ tulad ng pagpapahintulot sa pananalangin sa tuwing nanaisin, na humiling sa Diyos ng anumang ninanais

“


GHUSL (RITWAL NA PAGHUHU-GAS NG BUONG KATAWAN)

(At kung kayo ay nasa katayuan ng Janaba [malaking hadath], paliguan ang inyong buong katawan.) (QURʾĀN, 5:6)

Tulad ng pag-aalis sa maliit na ḥadath sa pamamagitan ng pagsasagawa ng wuḍūʾ (ablusyon), ang pag-aalis sa malaking ḥadath ay sa pamamagitan ng pagsasagawa ng ghusl (ritwal na paghuhugas ng katawan).

Ang ghusl (ritwal na paghuhugas ng ka-tawan) ay paglilinis ng buong katawan na maaaring gawin sa paliguan. Tulad ng wuḍūʾ (ablusyon), dapat itong gawin sa pamamagi-tan ng malinis na tubig at kung may anu-mang bagay sa iyong katawan na dahilan upang hindi mabasa ng tubig ang balat, dapat mo itong tanggalin bago magsimula. Upang maisagawa ang ghusl:

1 Magsimula sa pamamagitan ng pagbig-kas ng Bismillāhir-raḥmānir-raḥīm (Sa ngalan ng Allah, ang Pinakamaawain at Pinakamahabagin).

2 Tanggalin ang anumang hindi malinis na bagay sa katawan.

3 Hugasan ang maseselang bahagi ng katawan nang may hangaring tanggalin ang malaking hadath (ritwal na karumihan).

4 Isagawa ang wuḍūʾ (ablusyon).

5 Buhusan ng tubig ang iyong ulo nang tatlong beses sa layuning magsawaga ng

kinakailangang ghusl. Maaaring tumayo sa ilalim ng shower, ngunit tiyaking umaabot ang tubig sa mga dulo ng iyong buhok at gamit ang iyong mga kamay ay kuskusin ang iyong buhok at anit upang madaanan ng tubig ang mga ito.

6 Buhusan ng tubig at paliguan ang katawan. Gawin ito nang tatlong beses. Tiyaking mababasa ng tubig ang bawat sulok ng katawan at kinukuskos ang bawat bahagi ng iyong katawan gamit ang iyong kamay o iba pang bagay tulad ng panghilod o bimpo. Kapag naliligo, mabuting magsimula sa kanang bahagi at magtapos sa kaliwa.

Ang isa sa mga unang bagay na dapat isagawa ng bagong Muslim matapos niyang ipahayag ang kanyang pananampalataya ay ang ghusl “


MGA SANHI NG MALAKING ḤADATH

Ang ritwal na paghuhugas ng katawan (ghusl) ay kailangang isagawa sa pagkatapos ng sumusunod:

1 Ang pagdaloy ng semeno, maging siya man ay gising o hindi

2 Pakikipagtalik

3 Pagreregla

4 Pagdurugo pagkatapos manganak

5 Panganganak

6 Kapag yumakap sa Islam

KATOTOHANAN Maaaring may mga pagkakataon na matapos isagawa ang ghusl pagkatapos makipagtalik ay may lumalabas na likido sa katawan na dulot ng pakikipagta-lik ngunit hindi nagdudulot ng pakiramdam na kaugnay ng aktwal na pakikipagtalik. Sa sitwasyong ito, kailangang ulitin ang ghusl.

ANG MGA IPINAGBABAWAL NA GAWIN KUNG MAY MAL-AKING ḤADATH

Sa tuwing ikaw ay napasasailalim sa pagka-karoon ng malaking ḥadath, hindi pinapahin-tulutang gawin ang anuman sa sumusunod:

1 Magdasal

2 Manatili sa loob ng mosque

3 Basahin ang Qurʾān

4 Hawakan ang Qurʾān sa paraang didikit ito sa iyong balat

5 Gawin ang ṭawāf (pag-ikot nang pitong beses sa Banal na Kaʿba sa Mecca)

6 Isagawa ang pagtirapa kaugnay ng ilang bersikulo sa Qurʾān

Ang nagpapadalisay na ghusl ay may bisa sa pasubaling may hangarin sa pagsasagawa nito at napaliguan ng malinis na tubig ang buong katawan“


PAGREREGLA4

Isa sa mga sanhi ng malaking ḥadath ay ang pagreregla. Bagama’t natutunan mo na kung paano linisin ang iyong sarili para sa ritwal pagkatapos nito, napakahalaga pa ring malaman ang ilan sa mga partikular na patakarang nauugnay sa panahon mismo ng pagreregla.

Ang pagreregla ay isang siklikal na pagdu-rugo ng puwerta na karaniwang nangyayari sa mga babae sa pagitan ng mga edad na siyam at maaaring magtagal hanggang sa kamatayan. Ang pinakamaikling pagreregla ay isang araw at isang gabi.

KAILAN ITO NAGSISIMULA AT ANO ANG IPINAGBABAWAL

Ang yugto ng pagreregla ay nagsisimula kapag may lumalabas na dugo, kahit pa napakapusyaw at napakakaunti nito.

Sa tuwing lumalabas ang mga palatandaan nito, dapat mong iwasan ang:

1 Pakikipagtalik

2 Pagdarasal

3 Pag-aayuno

4 Ṭawaf (pag-ikot nang pitong beses sa Banal na Kaʿba sa Mecca)

5 Paghawak sa Qurʾān at sa lalagyan nito habang nasa loob ang Qurʾān

6 Pananatili sa isang mosque

KAILAN ITO NATATAPOS AT ANO ANG GAGAWIN

Ang pagreregla ay tapos na kapag:

1 Natiyak ng isang babae na huminto na ang pagdurugo.

2 May malinaw na likidong lumalabas mula sa birhen o hindi na birhen.

Sa sandaling natiyak na tapos na ang pagreregla, obligasyong gawin ang ghusl (rit-wal na paghuhugas ng katawan) at pagdaras-al—kahit pa sa palagay mo ay maaari itong magpatuloy muli kinabukasan o maging sa susunod na pagdarasal. Kung pagkatapos ay agad na nagsimulang muli ang pagdurugo, nagpatuloy ang yugto at umiiral ang mga parehong patakaran.

PAGDURUGO PAGKATAPOSNG ISANG SIKLO

Maaari lang magsimula ang isang bagong siklo ng pagreregla kung hindi ka niregla nang hindi kukulangin sa labinlimang mag-kakasunod na araw.

HINDI REGULAR NA PAGDURUGO

Kung tuluy-tuloy na nagdurugo ang puwerta ng isang babae nang mahigit sa labinlimang araw, ang ilan sa pagdurugong iyon ay itinuturing na regla (ḥayḍ) at ang iba naman dito ay hindi regular na pagdurugo (istiḥāḍa). Habang nireregla, ipinagbabawal ang mga gawain sa pagsamba na naunang nabanggit ngunit pinapahintulutan ang mga ito kapag may istiḥāḍa.


May apat na sitwasyong maituturing sa mga babaeng may istiḥāḍa:

SITWASYON 1Ang babae ay nakaranas ng pagdurugo sa unang pagkakataon. Kung ang pagdurugo ay napag-iiba batay sa dami, ang malakas na pagdurugo ay itinuturing na pagreregla at ang kaunting pagdurugo ay itinuturing na istiḥāḍa hangga’t ang malakas na pagdurugo ay nagpatuloy nang hindi kukulangin sa isang araw at isang gabi at hindi mas mata-gal sa labinlimang araw.

Kung hindi napag-iiba ang pagdurugo, ang pagreregla ay itinuturing na isang araw at isang gabi, at ang nalalabing mga araw ng buwan ay itinuturing na istiḥāḍa.

SITWASYON 2Ang babae ay may regular na buwanang dalaw. Ibig sabihin nito, alam niya kung kailan magsisimula ang kanyang pagreregla at kung gaano ito katagal. Kung talagang natiyak ang haba ng panahon ng regla, hindi siya magdarasal sa kabuuan ng panahong ito. Kung natapos na ang panahong iyon, dapat niyang gawin ang ghusl at pagkatapos ay ipagpatuloy muli ang pagdarasal, kahit pa siya ay patuloy na dinurugo.

SITWASYON 3Ang babae ay walang regular na daloy, ngunit ang dugo ay may ibang katangian tulad ng kulay, amoy o lapot.

HALIMBAWAAng isang babae ay nagdurugo nang dala-wampung araw: sampung araw na maitim

ang dugo at sampung araw na mapula ang dugo. Ang sampung araw na maitim ang dugo ay itinuturing na panahon ng kanyang pagreregla at ang nalalabing sampung araw ay istiḥāḍa.

SITWASYON 4Hindi natatandaan ng babae ang schedule ng kanyang regla. Dapat niyang pairalin ang mga patakaran kapag sigurado siya. Kung hindi siya sigurado kung tumigil na ang kan-yang pagreregla, kinakailangan pa rin niyang gawin ang kanyang mga panrelihiyong tungkulin; gayunpaman, ipinagbabawal ang pakikipagtalik sa panahong ito.

PINAKAMATAGAL NA PAGREREGLA

Ang pagreregla ay hindi nagtatagal nang mahigit labinlimang araw. Ang anumang pagdurugo lampas dito ay legal na itinutur-ing na matagal na pagdurugo ng puwerta (istiḥāḍa)—hindi pagreregla. Gayundin, ipinapayong magpatingin sa doktor.

PAYO Dapat gawin ng isang babaeng nakakaranas ng matagal na pagdurugo ang sumusunod bago ang bawat pagdarasal:

Hugasan ang dugo sa kanyang katawan at damit

Gumamit ng pasador upang masipsip ang anumang pagdurugo

Gawin ang wuḍūʾ at magdasal kaagad

Kahabagan nawa ng Allah ang mga kababaihan ng Anṣār sapagkat hindi sila napigilan ng hiya mula sa pagkatuto at pag-unawa sa mga panrelihiyong usapin. —ĀʾISHA B. ABĪ BAKR

“

PAGDARASAL(ṢALĀH)At hindi sila inutusan maliban upang sambahin ang Allah—na maging tapat sa Kanya sa relihiyon, na lumayo sila sa pagtatambal patungo sa tamang paniniwala, at isagawa nila ang ‘Salâh —QURʾĀN, 98:5


ANG MGA OBLIGADONG PAGDARASAL5

Hinihikayat ang mga Muslim na laging alalahanin ang kanilang Tagapaglikha. Upang matulungan silang gawin ito, limang beses sa isang araw, itinatakda ang isang natatanging uri ng pag-alala: ang mga pang-araw-araw na obligasyong (farḍ) pagdarasal. Ang limang obligasyong dasal na ito ang iyong pinakama-halagang tungkulin bilang isang Muslim. Sa Araw ng Paghuhukom, tatanungin ka tungkol sa iyong mga pagdarasal bago ang lahat ng iba pa. Tinuruan ni Propeta Muḥammad ang kanyang mga tagasunod na magdasal tulad nang nakita nilang paraan niya ng pagdarasal. Siya mismo ay nagdasal tulad ng itinuro sa kanya ng Anghel na si Gabriel. Sa kasalukuyan, patuloy na nagdarasal ang mga Muslim sa ganitong paraan, at ito ang parehong dasal na matututunan mo sa Kabanata 7.

KATOTOHANAN Ang lalaki o babaeng Muslim ay legal na responsable (mukallaf) sa pagdarasal pagdating ng edad ng pagbibi-nata o pagdadalaga. Sa panahong iyon, ay obligasyong pamalagiin ang limang pang-araw-araw na pagdarasal at naaangkop nang isagawa maliban lamang kung ang babae ay nireregla at pagkatapos manganak hang-gang sa mawala na ang pagdurugo.

MGA ORAS, PANGALAN AT YUGTO NG PAGDARASAL

(Katotohanan, ang pagdarasal ay iniuutos sa mga mananampalataya sa mga takdang oras nito) (QURʾĀN, 4:103).

Ang bawat obligasyong pagdarasal ay may partikular na:a. pangalang siyang tawag ditob. oras ng pagsasagawa nitoc. dami ng mga yugto Gayundin, depende sa uri ng dasal at yugto na iyong isinasagawa, ang Qurʾān ay binibigkas nang malakas at kung minsan ay mahina.

ISANG YUGTO NG PAGDARASAL

23BAHAGI II: PAGDARASAL (ṢALĀH)

BAHAGI II:PAGDARASAL (ṢALĀH)

Ang mga oras ng limang pang-araw-araw na pagdarasal ay nagbabago bawat araw.Umpisahan lang ang pagdarasal kapag sigurado kang oras na para dito. Isa sa pinakamadaling paraan upang malaman kung kailan magsisimula ang pagdarasal ay ang pagkakaroon ng kalendaryo ng oras ng pagdarasal na akma sa iyong lugar.

“

FAJR ANG PAGDARASAL SA BUKANG-LIWAYWAY

UHR ANG PAGDARASAL SA TANGHALING-TAPAT

MAGHRIB ANG PAGDARASAL SA DAPITHAPON

MAGHRIB ANG PAGDARASAL SA DAPITHAPON

ISHĀANG PAGDARASAL PAGSAPIT NG GABI

A R ANG PAGDARASAL SA HAPON

2 YUGTO• Nagsisimula sa tunay na madaling araw• Nagtatapos sa pagsikat ng araw• Malakas ang pagbigkas

4 NA YUGTO• Nagsisimula kaagad pagkatapos ng tanghaling-tapat• Nagtatapos kapag magkapantay na ang tangkad o haba ng isang bagay at ang anino nito• Mahina ang pagbigkas

4 NA YUGTO• Nagsisimula kapag natapos na ang oras ng naunang pagdarasal (zuhr)• Nagtatapos sa paglubog ng araw• Mahina ang pagbigkas

3 YUGTO• Nagsisimula pagkalubog ng araw• Nagtatapos kapag nawala na ang takipsilim• Malakas ang pagbigkas sa unang 2 yugto

3 YUGTO• Nagsisimula pagkalubog ng araw• Nagtatapos kapag nawala na ang takipsilim• Malakas ang pagbigkas sa unang 2 yugto

4 NA YUGTO• Nagsisimula kapag natapos na ang oras ng naunang pagdarasal (maghrib)• Nagtatapos sa tunay na bukang-liwayway• Malakas ang pagbigkas sa unang 2 yugto


PAGDARASAL SA TAMANG ORAS

Tinanong ng isang lalaki ang Propeta: “O Mensahero ng Diyos! Anong gawain ang pinakamahalaga sa Diyos, ang Kataas-taasan?” Sumagot ang Propeta: “Ang pagdarasal sa tamang oras nito.”7

Ang bawat pagdarasal ay dapat isagawa sa loob ng itinakdang oras para dito at sa pangkalahatan ay inirerekomendang magdasal sa sandaling magsimula ang oras ng pagdarasal. Dapat makompleto ang unang yugto ng pagdarasal bago magtapos ang takdang oras ng pagdarasal upang maituring itong nasa tamang oras. Ipinagbabawal na ipagpaliban ang pagdarasal lampas sa oras nito nang walang makatwirang dahilan.

Tinanong ng isang lalaki ang Propeta:‘O Mensahero ng Diyos! Anong gawain ang pinakamahalaga sa Diyos, ang Kataas-taasan?’Sumagot ang Propeta:‘Ang pagdarasal sa tamang oras nito.

“

KAPAG NAKALIGTAAN ANG ORAS NG PAGDARASAL

Sinabi ng Propeta: “Sinumang nakaligtaan ang pagdarasal, para na rin siyang nawalan ng pamilya at kayamanan.”8

Kung makaligtaan o makalimutan mo ang isang obligasyong pagdarasal sa takdang oras nito, dapat mo itong isagawa kaagad kapag naalala mo. Walang pagkakasala kapag nakaligtaan ang pagdarasal dahil sa pagiging makakalimutin, ngunit ang sinadyang hindi pagdarasal ay isang malaking kasalanan na nangangailan-gan ng pagsisisi.


MGA PANAWAGAN PARA SA PAGDARASAL6

Ang panawagan para sa pagdarasal ay isang natatanging simbolo ng Islam na naririnig sa buong mundo ng mga Muslim limang beses sa isang araw. Bago ang pagdarasal, may dalawang tawag: ang adhān at ang iqāma.

Ang adhān ay ginagawa kapag magsisimula na ang oras ng pagdarasal. Para naman sa iqāma, dapat mong gawin ang tawag bago mo simulan ang obligasyong pagdarasal kahit pa mag-isa ka lang.

ANG ADHĀN

Ipinapaalam ng adhān sa mga tao na nagsimula na ang oras ng pagdarasal

Allāhu akbar (apat na beses)

Ash-hadu allā ilāha illā Allāh (dalawang beses)

Ash-hadu anna Muḥammadan rasūlullāh

(dalawang beses)

Ḥayyaʿalaṣ-ṣalāh (dalawang beses)

Ḥayya ʿalal-falāḥ (dalawang beses)

[Aṣ-ṣalātu khayrun minan-nawm]

(dalawang beses sa Pagdarasal

sa Bukang-liwayway)

Allāhu akbar (dalawang beses)

Lā ilāha illā Allāh (isang beses)

Ang Allah ang pinakadakila

Sumasaksi ako na walang Diyos maliban sa Allah

Sumasaksi ako na si Muḥammad ang Mensahero ng Diyos

Halina sa pagdarasal

Halina sa tunay na tagumpay

[Ang pagdarasal ay mas mabuti kaysa sa

pagtulog]

(dalawang beses sa Pagdarasal sa Bukang-liwayway)


Walang Diyos maliban sa Allah

ANG IQĀMA

TItinatawag ang iqāma bago mismo simulan ang pagdarasal


Ash-hadu allāilāha illā Allāh (isang beses)

Ash-hadu anna Muḥammadanrasūlullāh (isang beses)

Ḥayya ʿalaṣ-ṣalāt (isang beses)

Ḥayya ʿalal-falāḥ (isang beses)

Qad qāmatiṣ-ṣalāt (dalawang beses)


Lā ilāha illāAllāh (isang beses)


Sumasaksi ako na walang Diyos maliban sa Allah

Sumasaksi ako na si Muḥammad angMensahero ng Diyos

Halina sa pagdarasal

Halina sa tunay na tagumpay

Nagsisimula na ang pagdarasal


Walang Diyos maliban sa Allah


Bago mo simulan ang pagdarasal, tingnan ang mga sumusunod na kondisyon kung saan nakasalalay ang katumpakan ng pag-darasal:

1 Tamang Oras: na ang oras para sa pag-darasal ay sumapit na.

2 Kalinisang Pisikal: na tinanggal ang mga dumi (najāsa) sa iyong katawan, kasuotan at lugar para sa pagdarasal.

3 Kadalisayang Ritwal: na natanggal mo na ang maliit na ḥadath sa pamamagitan ng pagsasagawa ng wuḍūʾ(ablusyon) at malaking ḥadath, kung kinakailangan, sa pamamagitan ng ghusl (ritwal na paghuhu-gas ng buong katawan).

KATOTOHANAN Ang nirereglang babae ay hindi kasali sa ritwal na pagdarasal at pag-aayuno habang siya ay nireregla. Hindi niya kailangang bumawi para sa mga nakaligta-ang pagdarasal ngunit kailangan niyang bu-mawi para sa mga nakaligtaang pag-aayuno sa Ramaḍān sa ibang panahon.

4 Tamang Kasuotan: na natatakpan ang ilang bahagi ng katawan (ʿawra). Dapat tak-pan ng mga lalaki kahit man lang ang nasa pagitan ng kanilang pusod at mga tuhod.Ngunit mas mainam kung mas maraming bahagi ang matatakpan. Dapat takpan ng mga babae ang buong katawan maliban sa mga kamay at mukha. Dapat matakpan ng iyong kasuotan ang mga bahaging iyon nang hindi hapit o nakikita ang hubog ng katawan.

5 Direksyon ng Pagdarasal (qibla): na nakaharap ka sa direksyon ng Mecca sa Peninsula ng Arabia. Upang malaman kung saang direksyon ka haharap mula sa iyong lugar, alamin sa iyong lokal na mosque o mula sa isang mapagkakatiwalaang sanggu-nian online.

6 Hangarin: na may hangarin, at ito ay ang paninindigan o kagustuhan ng puso na gawin ang pagdarasal. Dapat mong isapuso ang hangarin habang binibigkas ang unang Allāhuakbar. Nilalayon ito mula sa unang ba-hagi ng pariralang “Allāhu” hanggang sa hul-ing bahagi nitong “akbar.” Kung ito ay para sa isang ipinag-uutos na pagdarasal, hanga-rin na ito ay isang obligasyong pagdarasal at tukuyin kung aling pagdarasal ito. Kung ito ay para sa hindi obligasyong pagdarasal na may partikular na oras, dapat mong ipahay-ag ang hangarin kung para saan ito: tulad ng mga dasal na sunna bago at pagkatapos ng isang obligasyong pagdarasal.

PAANO MAGDASAL7


PAGDARASAL NG DALAWANG YUGTOSinabi ng Propeta: “Magdasal kung paano ninyo ako nakikitang magdasal.” 9

Ang mga panalangin at pagsusumamo ay sinasabi nang mahina, nang naririnig mo ang iyong sarili. Ang pagbigkas sa Qurʾān ay isinasatinig nang malakas o mahina depende sa pagdarasal at sa yugtong isinasagawa mo.

1 Tumayo nang tuwid.

2 Ipahayag ang hangarin, sa pagsasabing Allāhu Akbar. Isapuso ang hangaring pag-darasal ng isang partikular na dasal ayon sa pangalan nito, nang isinasaad kung ito ay isang obligasyong pagdarasal o dasal na sunna bago o pagkatapos ng obligasyong pagdarasal. Kung nagdarasal ka na pinan-gungunahan ng isang imam, ipahayag ang hangaring sundan siya. Itaas ang mga kamay kapantay ng balikat at sabayan ang pag-bigkas ng panimulang takbīr (Allāhu Akbar) kasama ang iyong hangarin, at pagkatapos ay dahan-dahang ibaba ang iyong mga kamay at ilagay ang mga ito sa pagitan ng iyong dibdib at pusod, nakapatong ang kanan sa kaliwa.

3 Bigkasin ang panimulang panalangin:Wajjahtu wajhī lil-ladhī faṭaras-samāwātiwal-arḍaḥanīfan musliman wa mā anaminal-mushrikīn inna ṣalātī wa nusukī wamaḥyāyā wa mamātī lillāhi rabbil-ʿālamīnlā sharīka lahu wa bi dhālika umirtu waana minal-muslimīn

Ang lalaki o babaeng Muslim ay legal na responsable (mukallaf) sa pagdarasal pagdating ng edad ng pagbibinata o pagdadalaga. Sa sandaling iyon, ang obligasyong isagawa ang limang pang-araw-araw na pagdarasal ay nagiging angkop.

“


Ibinabaling ko ang aking mukha sa Nag-iisang lumikha sa mga langit at lupa—tulad ng isang monoteista na tunay na naniniwala sa iisang Diyos, at hindi ako kabilang sa mga nagtatambal ng iba sa Kanya. Ang aking pagdarasal, pagsamba, buhay at kamatayan, lahat ay para sa Diyos, ang Panginoon ng mga Mundo, nang walang katulad. Ito ang iniutos sa akin, at ako ay kabilang sa mga tumatalima.

4 Bigkasin ang Panimulang kabanata mula sa Qurʾān (Fātiḥa):

Bismillāhir-raḥmānir-raḥīmAl-ḥamdu lillāhi rabbil-ʿālamīnAr-raḥmān nir-raḥīmMāliki yawmid-dīnIyyāka naʿbudu wa iyyāka nastaʿīnIhdināṣ-ṣirāṭal mustaqīmṢirāṭal-ladhīna anʿamta ʿalayhim Ghayril maghḍūbi ʿalayhim Walāḍ-ḍālīn (Sa ngalan ng Allah, ang Pinakamaawain at Pinakamahabagin.Ang lahat ng papuri ay sa Allah, ang Panginoon ng Sanlibutan.Ang Pinakamaawain at Pinakamahabagin.Hari sa Araw ng Paghuhukom.Ikaw lamang ang aming sinasamba, at sa Iyo lamang kami humihingi ng tulong.Gabayan Mo kami sa tuwid na landas Ang landas ng silang mga biniyayaan Mo, at hindi ang landas ng silang mga kinasusuklaman (Mo), at ng silang mga nangaligaw.

Ang panimulang kabanata ng Banal na Qurʾān, ang Fātiḥa, ay isang napakaikling kabanata na binibigkas sa Arabic sa bawat yugto ng pagdarasal. Kung kaya, subukan itong isaulo sa lalong madaling panahon.Pansamantala, maaari mo itong basahin sa malalaking titik na nasa iyong harapan habang nagdarasal ka.

“


KATOTOHANAN KUNG SINUSUNDAN MO ANG IMAM, DAPAT MO PA RING BIGKASIN ANG fāTIḤA.

Pagkatapos ng Fātiḥa, sabihin ang āmīn: Nangangahulugan ito na hinihiling mo sa Diyos na sagutin ang iyong mga dasal.

5 Bumigkas ng ilang bahagi ng Qurʾān, isang buong kabanata o mas maikli. Narito ang isang kabanata: Bismillāhir-raḥmānir-raḥīmQul huwal-llāhu aḥadAllāhuṣ-ṣamadLam yalid wa lam yūladWa lam yakul-lahu kufuwan aḥad (Sa ngalan ng Allah, ang Pinakamaawain at Pinakamahabagin.Sabihin:“Siya ang Diyos, ang Nag-iisa. Ang Diyos, ang Walang Hanggang Kaganapan.Hindi nagkaanak at hindi rin ipinanganak.At sa Kanya’y walang maitutulad.")

6 Yumukod (rukūʿ). Itaas ang iyong mga kamay kapantay ng balikat habang sabay na sinasabi ang Allāhu Akbar at magpatuloy sa pagyukod, ibaba ang iyong mga kamay at il-agay ang mga ito sa iyong mga tuhod habang pinapanatiling tuwid ang iyong mga binti.

7 Habang yumuyukod, sabihin nang ma-hina nang tatlong beses:

Subḥāna rabbiyal-ʿaẓīmKaluwalhatian sa aking Dakilang Panginoon

Sa sandaling sabihin mo ang panimulang Allāhu akbar, nagsimula na ang pagdarasal at ipinagbabawal ang ilang mga pagkilos habang isinasagawa ito. Ang mga bagay tulad ng

pagsasalita, pagkain at sobrang paggalaw ay nagpapawalang-bisa sa pagdarasal. “


8 Tumayo mula sa pagkakayukod. Habang tumatayo ka, itaas ang iyong mga kamay mula sa mga tuhod hanggang sa mag-ing kapantay ng balikat habang sinasabing: Samiʿa Allāhu liman ḥamidahPinakikinggan ng Diyos ang mga pumupuri sa Kanya. Kapag nakatayo ka na nang tuwid, sabihin:Rabbanā walakal-ḥamdO aming Panginoon, sa Iyo ang lahat ng papuri.

KATOTOHANAN KUNG SINUSUNDAN MO ANG PAGDARASAL NG ISANG IMAM, PAREHO MONG SASABIHIN ANG: SAMIʿA ALLĀHU LIMANḤAMIDAH AT RABBANĀWA LAKAL-ḤAMD

9 Magpatirapa. Habang nagpapatirapa (sajda) ka mula sa pagkakatayo, sabihin ang Allāhuakbar at dahan-dahang bumaba, lumuhod muna sa sahig, pagkatapos ay ilagay ang iyong mga kamay, at ilapat din sa sahig ang iyong noo at ilong. Siguraduhing ang hindi natatakpang bahagi ng iyong noo ang mailalapat sa sahig habang naka-sujud sa pagdarasal.

10 Habang nasa sajda, sabihin nang tatlong beses:Subḥāna rabbiyal-ʿalāKaluwalhatian sa aking Panginoon ang Kataas-taasan.

Sa lahat ng paraan ng paglapit sa Akin ng Aking lingkod, ang pagdarasal ang

pinakamahalaga sa Akin. —ḤADĪTH QUDSĪ“


11 Bumangon mula sa pagpapatirapa, at sabihin:

Allāhu akbar (Ang Allah ang pinakadakila).Umupo at ilapat ang mga palad ng iyong mga kamay sa iyong mga hita malapit sa iyong mga tuhod, at sabihing: Rabbighfirlī Rabbighfirlī O Aking Panginoon, patawarin Mo ako. O Aking Panginoon, patawarin Mo ako.

12 Bumalik sa sajda at sabihin:

Allāhu akbar (Ang Allah ang Pinakadakila).

Ulitin ang hakbang 10.

Sa puntong ito ay natapos mo na ang ISANG yugto ng pagdarasal.

13 Pagkatapos makompleto ang unang yugto, tumayo mula sa ikalawang pagpapati-rapa, habang sinasabi:

Allāhu akbar (Ang Allah ang pinakadakila).

14 Gawin ang ikalawang yugto sa pama-magitan ng pag-ulit sa mga hakbang 4–12 at umupo.

Habang nagdarasal, siguruhing hindi bumabaling ang iyong dibdib papalayo sa direksyon ng qibla.“


15 Kapag nakaupo tulad ng nasa larawan, bigkasin ang tashahhud (pagpapatotoo):

At-taḥiyyātul mubārakātus-ṣalawātut-ṭayyibātu lil-lāhAs-salāmu ʿalayka ayyuhan-nabiyy wa raḥmatullāhi wa barakātuhAs-salāmu ʿalaynāwaʿalāʿibādillāhiṣ-ṣāliḥīn Ash-hadu allā ilāha illā AllāhWa ash-hadu anna Muḥammadan ʿabduhu wa rasūluh Mapagpalang pagbati at may kabutihang pagdarasal sa Diyos. Mapasaiyo nawa ang kapayapaan, O Propeta, at ang awa ng Diyos at ang Kanyang mga pagpapala.Mapasaatin nawa at sa lahat ng mabubuting alipin ng Diyos ang kapayapaan. Sumasaksi ako na walang Diyos maliban sa Allah.Sumasaksi ako na si Muḥammad ang Kanyang alipin at Mensahero. Sa tashahhud, ipatong ang kaliwang kamay sa kaliwang hita malapit sa tuhod. Iunat ang mga daliri nang magkakadikit. Gawin din ito sa kanang kamay, ngunit bahagya itong itiklop at idikit ang hinlalaki sa gilid ng hintuturong nakaturo. Itaas ang hintuturo kapag sinasabi mo ang mga salitang illā Allāh (“maliban sa Allah”), at huwag itong igalaw.

16 Kung ito ang huling yugto, pagkatapos bigkasin ang tashahhud, bigkasin ang pan-alangin para kay Abraham.

Katotohanan, ang Diyos at ang Kanyang mga anghel ay nagpapadala ng mga pagpapala para sa Propeta.O kayong naniniwala! Magpadala ng mga pagpapala at maraming pagpupugay

sa kanya. —QURʾĀN, 33:56“


Allāhumma ṣalli ʿalā Muḥammadin wa ʿalāāli Muḥammadin kamāṣallayta

ʿalāIbrāhīm wa ʿalāāli Ibrāhīm wa bārik ʿalā Muḥammadin wa ʿalāāli Muḥammadin kamā bārakta ʿalā Ibrāhīm wa ʿalāāli Ibrāhīm fil-ʿālamīnainnaka ḥamīdun majīd O Allah, itaas ang antas ni Muḥammad at ng pamilya ni Muḥammad tulad ng pagtataas mo ng antas ni Abraham at ng pamilya ni Abraham. At pagpalain si Muḥammad at ang pamilya ni Muḥammad tulad ng pagpapala mo kay Abraham at sa pamilya ni Abraham sa mga mundo. Oo, tunay ngang Ikaw ang Ganap na Kapuri-puri at Pinakadakila.

17 Tapusin ang pagdarasal sa pamamagitan ng as-salāmu ʿalaykum wa raḥmatullāh (Mapasaiyo nawa ang kapay-apaan at awa ng Diyos). Ibaling ang iyong ulo sa kanan at pagkatapos ay sa kaliwa.Sa bawat pagbaling, sabihin: as-salāmu

ʿalaykum wa raḥmatullāh. Sa puntong ito ay natapos mo na ngayon ang DALAWANG yugto ng pagdarasal.

Ang limang pagdarasal ay maaaring ihambing sa isang batis ng sariwang tubig, na dumadaloy sa harapan ng iyong bahay, kung saan ka naliligo nang limang beses bawat araw... Oo, tina-tanggal ng limang pagdarasal ang kasalanan, tulad ng pagtanggal ng tubig sa dumi —ANG PROPETANG SI MUḤAMMAD

“

PAGDARASAL NG TATLONG YUGTO

Sa tatlong yugtong pagdarasal, gawin ang dalawang yugto tulad ng inilarawan sa itaas ngunit tumayo pagkatapos ng tashahhud sa ikalawang yugto.Bago tumayo, sabihin ang Allāhumma ṣalli ʿalāMuḥammad at itaas ang iyong mga kamay habang sinasabi mo ang Allāhu akbar upang magsagawa ng isa pang yugto, nang binibigkas lamang ang Fātiḥa nang mahina sa ikatlong yugtong ito. Pagkatapos ay magpatuloy upang tapusin ang pagdarasal.

PAGDARASAL NG APAT NA YUGTO

Sa pagdarasal na may apat na yugto, gawin ang dalawang yugto tulad ng inilarawan sa itaas ngunit tumayo pagkatapos ng tashahhud sa ikalawang yugto. Bago tumayo, sabihin ang Allāhumma ṣalli ʿalā Muḥammad at itaas ang iyong mga kamay habang sinasabi mo ang Allāhu akbar upang magsagawa ng dalawa pang yugto, nang binibigkas lamang ang Fātiḥa nang mahina sa ikatlo at ikaapat na yugto. Pagkatapos ay magpatuloy upang tapusin ang pagdarasal.


PAGDARASAL SA GRUPO8

Sinabi ng Propeta: “Ang pagdarasal kasama ang kongregasyon ay mas mabuti sa pagda-rasal nang mag-isa nang dalawampu’t pitong beses.”10

Inirerekomendang isagawa ng mga lalaki ang limang obligasyong pagdarasal nang grupo. Ang isang grupo ay binubuo ng hindi kukulan-gin sa dalawang legal na responsableng Muslim (mukallaf): isang lalaking pinuno (imam) at isang tagasunod.

PAANO MAGDASAL SA PAGDARASAL NG GRUPO

1 Tumayo sa kanan ng imam kung ikaw ay isang lalaki at mag-isa; kung hindi, tumayo sa likuran niya kasama ng iba pang (mga) taga-sunod nang magkakatabi ang balikat sa isang diretsong hanay. Dapat tumayo nang magka-

katabi ang mga babae sa likuran ng mga lalaki.

2 Ipahayag ang hangaring sundan ang iyong imam kapag sinimulan ang pagdarasal habang sinasabi mo ang Allāhu akbar.

3 Sabihin lang ang panimulang takbīr (Allāhu akbar) pagkatapos itong gawin ng imam.

4 Kung binibigkas nang mahina ang pagdarasal, bigkasin ang lahat ng karaniwan mong binibigkas nang mahina kapag nagda-rasal ka nang mag-isa. Gawin din ito kung ang pagdarasal ay binibigkas nang malakas ngunit hindi kailangang bumigkas ng isa pang kabanata (sūra) pagkatapos ng Fātiḥa.

5 Bilang tagasunod, pinagbabawalan kang pangunahan ang imam sa anuman sa kan-yang mga ginagawa.


IBA PANG MGA PAGDARASAL

Maliban sa mga obligasyong (farḍ) pagdaras-al, may iba pang mga pagdarasal na regular na dinasal ni Propeta Muḥammad bago at pagkatapos ng limang obligasyong pagda-rasal. Ang mga pagdarasal na ito ay inirer-ekomenda, o sunna, at tinatawag na nawāfil kung minsan. Kung pipiliin mong gawin ang mga ito, ito ay mga dagdag na gawaing pangdebosyon at magagantimpalaan ka sa paggawa nito. Ang mga ito ay binibigkas nang mahina. Ipinapakita ng talaan sa ibaba ang pinaka-kaunting yugto para sa bawat dasal na sunna at kung kailan dadasalin ang mga ito.

KATOTOHANAN Ang mga dasal na sunna bago ang isang obligasyong pagdarasal ay hindi maaaring dasalin hanggang sa magsimula ang oras para sa dasal na iyon. Sa pangkalahatan, inirerekomendang gawin ang mga dasal na sunna sa bahay.

WITR

Maaari mong dasalin ang witr anumang oras pagkatapos ng pagdarasal ng ʿIshāʾ hang-gang sa sumapit ang tunay na madaling araw. Mayroon itong tatlong yugto sa kabuuan: isang pagdarasal na binubuo ng dala-

wang kumpletong yugto na dinadasal nang magkasama, na sinusundan ng isang yugto ng pagdarasal. Sa lahat ng tatlong yugto, binabasa ang Fātiḥa at isa pang kabanata. Sa ikalawang kalahati ng Ramaḍān, sa huling yugto ng witr, may panalanging bibigka-sin mo pagkatayo mula sa pagkakayuko.Tingnan ang panalanging ito sa apendise.

PAGDARASAL SA ARAWNG BIYERNES

(O kayong naniniwala, kapag ipinahayag ang tawag para sa pagdarasal sa Biyernes, magma-dali sa pag-alala sa Diyos)(QURʾĀN, 62:9) Ang Pagdarasal sa araw ng Biyernes (jumuʿa) ay isang pagdarasal ng grupo na dinadaluhan ng hindi kukulangin sa apatnapung lalaki, kabilang ang imam. Kung dadasalin mo ang Pagdarasal sa Araw ng Biyernes, lalaki ka man o babae, hindi mo kailangang dasalin ang Ẓuhr sa araw na iyon. Nagsisimula ang pagdarasal sa dalawang ser-mon (khuṭba) na ibinibigay ng imam. Sinusun-dan ito ng dalawang yugto ng pagdarasal na isinasagawa nang malakas ng parehong imam.Sa pangkalahatan, ang Pagdarasal ng grupo sa araw ng Biyernes ay obligasyon ng bawat

IBA PANG MGA PAGDA-RASAL9

SUNNA BAGO OBLIGASYONG PAGDARASAL SUNNA PAGKATAPOS

2 yugto Fajr Wala

4 na yugto Ẓuhr 4 na yugto

2 yugto ʿAṣr Wala

Wala Maghrib 2 yugto

2 yugto ʿIshāʾ 2 yugto


Muslim na naninirahan sa isang permanenteng pamayanan tulad ng isang lungsod o bayan. Hindi kinakailangang dumalo ng mga babae; gayunpaman, kung sasali sila dito, may bisa ito.

PAGDARASAL NG EID

Ang pagdarasal ng Eid ay dinarasal sa dala-wang okasyon: sa pagtatapos ng Ramaḍān at sa ikasampung araw ng Dhū al-Ḥijja. Ang pagdarasal ay may dawalang yugto na may dagdag na takbīrāt (sinasabi ang Allāhu akbar) at sinusundan ito ng dalawang sermon.

TARĀWĪḤAng Tarāwīḥ ay karaniwang pagdarasal na may dalawampung yugto na isinasagawa nang padala-dalawang yugto sa mga gabi ng Ramaḍān. Ginagawa ito pagkatapos ng pag-darasal pagsapit ng gabi (ʿIshāʾ) at bago ang

pagdarasal ng witr. Sa mga gabi ng Ramaḍān, ang mga mosque sa buong mundo ay napu-puno ng mga sumasambang magkakasamang nagsasagawa ng tarāwīḥ sa isang grupo. Isa ito sa mga tradisyong isinasagawa at dahilan kung bakit espesyal ang Ramaḍān.

PAGDARASAL NG MANLALAKBAY

Kapag naglalakbay, maaari mong paikliin at gawing dalawang yugto ang iyong mga ob-ligasyong pagdarasal na may apat na yugto; maaari mo ring pagsamahin ang Ẓuhr at ʿAṣr, at ang Maghrib at ʿIshāʾ. Hangga’t ang layo ng iyong paglalakbay ay mahigit sa 81 km at mapapahintulutan ang dahilan ng iyong pa-glalakbay, maaari mong simulang paikliin at pagsamahin ang mga pagdarasal sa sandaling nalampasan mo na ang mga gusali sa iyong lungsod. Hilingin sa isang taong nakakaalam na ipaliwanag pa ang mga kondisyon.

Ang pinakaangkop na taong mamumuno sa obligasyong pagdarasal ay ang pinakanakakaalam sa mga patakaran ng pagdarasal.“

PAG-AAYUNO SA RAMAḌĀNO kayong nanampalataya, ipinag-utos sa inyo ang pag-aayuno tulad ng pag-uutos nito sa silang mga nauna sa inyo upang nawa'y makamit ninyo ang kabanalan —QURʾĀN, 2:183


ANG MGA OBLIGASYON AT KONDISYON10

Ang pag-aayuno sa buong buwan ng Ramaḍān ay isa sa limang haligi ng Islam. Sa pagitan ng bukang liwayway at paglubog ng araw araw-araw, ang mga Muslim ay hindi kumakain, umiinom o nakikipagtalik. Nagsisimula ang Ramaḍān sa paglabas ng bagong buwan at maaaring magtagal nang dalawampu't siyam o tatlumpung araw. Ito ay isa sa mga pinakapinagpalang buwan ng taon at ang bawat mabuting gawain mo sa buwang ito ay binibigyan ng higit pang malaking gantimpala.

SINO ANG DAPAT MAG-AYUNO

Ang bawat tumatalimang responsableng Muslim (mukallaf) na may kalusugang taglay upang makayanan ang pag-aayuno at walang makatwirang dahilan (upang umiwas) ay dapat mag-ayuno sa buwan ng Ramaḍān.

SINO ANG HINDI NAG-AAYUNO

Hindi mo kailangang mag-ayuno kapag Ramaḍān kung ikaw ay:

1 May malubhang sakit at malamang hindi na gagaling

2 Nahihirapang mag-ayuno dahil sa katandaan

3 May malubhang sakit ngunit may pag-asang gumaling

4 Naglalakbay nang distansyang mas malayo sa 81 km

5 Nahihirapang mag-ayuno dahil sa pag-bubuntis o pagpapasuso

6 Nireregla

7 Nakakaranas ng pagdurugo pagkatapos manganak

Hindi kailangang mag-ayuno ng mga na-kakaranas ng anuman sa mga nabanggit sa itaas, subalit ang mga nabibilang sa 3, 4, 5, 6 at 7 ay dapat bumawi sa pag-aayuno.

KATOTOHANAN Kung ikaw ay nireregla o nagdurugo pagkatapos manganak, pinag-babawalan kang mag-ayuno at dapat kang bumawi para sa mga araw na hindi ka nag-ayuno pagkatapos ng Ramaḍān.

PAGTIYAK NA MAY BISA ANG PAG-AAYUNO

Upang magkabisa ang iyong pag-aayuno, ikaw ay nararapat na:

1 Hindi nireregla at hindi dumaranas ng pagdurugo pagkatapos manganak

2 Magpahayag ng hangaring mag-ayuno bago sumapit ang bukang liwayway

3 Umiwas sa mga bagay na magpa-pawalang-bisa sa pag-aayuno mula bukang liwayway hanggang paglubog ng araw.

41BAHAGI III: PAG-AAYUNO SA RAMAḌĀN

ANG KAFFĀRA (PAGBABAYAD-SALA)

Kung ikaw ay obligadong mag-ayuno sa Ramaḍān, malaking pagkakasala ang sinasa-dyang pagtigil sa pag-aayuno nang walang makatwirang dahilan. Sa pangkalahatan, kung sadyang itinigil ang pag-aayuno nang walang makatwirang dahilan, dapat kang magpatuloy sa pag-aayuno at bumawi para dito. Kung sadyang itinigil ang pag-aayuno dahil sa pakikipagtalik, dapat kang mag-ayuno para sa bawat araw na ginawa ito. Ang pagbabayad-sala para sa pakikipagtalik ay ang mag-ayuno nang dalawang magkasu-nod na buwan. Kung hindi ito kayang gawin

ng isang tao, ang pagbabayad-sala ay ang pakainin ang animnapung maralitang tao.

PAGBAWI SA PAG-AAYUNO NANG WALANG KAFFĀRA (PAGBABAYAD-SALA)

Kung ang anuman sa mga sumusunod ay mangyari habang nag-aayuno ka sa Ramaḍān—sa dahilang nawala sa iyong isip o kung ito’y ipinilit sa iyo—mananatiling may bisa ang iyong pag-aayuno.

1 Ang sobrang tubig mula sa wuḍūʾo ghusl na pumasok sa tiyan.

2 May pumasok na bagay (maliban sa mga amoy at laway)—kahit kaunti lang—sa katawan sa pamamagitan ng bukas na daanan.

3 Pagkakaroon ng orgasmo dahil sa paghipo

4 Pakikipagtalik

5 Kawalan ng kaalaman tungkol sa buwan ng Ramaḍān, gaya ng pag-aakala ng isang tao na buwan pa rin ng Shaʿbān o ang isang bagong Muslim na hindi alam ang mga pata-karan sa pag-aayuno.

Kung sinadyang gawin ang mga nabanggit sa itaas, ipagpatuloy ang pag-aayuno kahit pa natigil ito, at bumawi para rito.

ANG HINDI PAG-AAYUNO AT ANG MGA KAHIHINATNAN NITO11


KABAYARAN SA NAKALIGTAANG MGA ARAW NG PAG-AAYUNO

Kung nakaligtaan mong mag-ayuno sa panahon ng Ramaḍān, pinakamabuting bumawi kaagad para dito sa parehong dami ng pag-aayuno nang sunud-sunod. Dapat bumawi para sa mga ito bago magsimula ang susunod na Ramaḍān; kung hindi, kung ipinagpaliban mo ito nang walang makatwi-rang dahilan, dapat mong bayaran ang fidya.

Ang lahat ng mga gawain ng anak ni Adan ay para sa kanya: ang mabubuting gawain ay pararamihin nang sampu hanggang pitong daang beses, maliban sa pag-aayuno, sapagkat ito ay para sa Akin at Ako (mismo) ang magbibigay ng gantimpala para rito. —ḤADĪTH QUDSĪ

“

ANG FIDYA (KABAYARAN)

Dapat mong pakainin ang isang maralitang tao para sa bawat araw na hindi ka nag-ayu-no dulot ng mga mga sumusunod na dahilan:

1 Katandaan

2 Pagkakasakit nang hindi nagawang gumaling

3 Pagbubuntis o pagpapasuso na naging napakahirap para sa iyo; kung hindi ka nag-ayuno dahil sa pangambang makapagdudu-lot ito ng panganib sa sanggol, dapat kang magbigay ng pagkain sa kawanggawa para sa bawat araw na nakaligtaan mo dagdag pa sa pagbawi bawat araw.

43BAHAGI III: PAG-AAYUNO SA RAMAḌĀN

PAANO MAG-AYUNO NANG ISANG ARAW SA RAMAḌĀN12

Sinabi ng Propeta: “Sinumang mag-aayuno sa Ramaḍān na may pananampalataya at nag-aasam ng gantimpala, ipagpapatawad para sa kanya ang mga nakaraan niyang mga pagkakasala.”11

1 Itakda ang iyong hangaring mag-ayuno

sa gabi bago ang araw ng pag-aayuno.

2 Kumain bago sumapit ang bukang liway-way.

3 Iwasan ang lahat ng bagay na makakasira sa iyong pag-aayuno mula bukang liwayway hanggang lumubog ang araw.

4 Gumawa ng maraming mabubuting gawain sa buong maghapon.

5 Itigil kaagad ang iyong pag-aayuno sa sandaling lumubog na ang araw.

6 Itigil ang pag-aayuno sa pamamagitan ng

pagkain ng mga sariwang date, tuyong date, o pag-inom ng tubig.

Habang itinitigil mo ang iyong pag-aayuno, usalin ang mga sumusunod na panalangin: Allāhumma laka ṣumnāwaʿalā rizqika afṭarnāfataqbal minnāinnaka anta as-Samīʿul ʿAlīm O Allah, para sa Iyo, nag-ayuno kami.At sa pamamagitan ng Iyong mga biyaya, itinitigil namin ang aming pag-aayuno.Tanggapin Mo ito mula sa amin.Tiyak na Ikaw ang Nakakarinig sa Lahat, angNakakaalam ng Lahat.

7 Gawin ang pagdarasal ng Maghrib sa tamang oras at pagkatapos ay kumain.

8 Isagawa ang tarāwīḥ pagkatapos ng pagdarasal ng ʿIshāʾ.


MGA INIREREKOMENDA AT IPINAGBABAWAL NA PAG-AAYUNO13

MGA INIREREKOMENDANG PAG-AAYUNOInirerekomenda ang pag-aayuno sa:

1 Araw ng Arafat para sa mga hindi na-glalakbay patungo sa Mecca (ang ikasiyam na araw ng Dhū al-Ḥijja)

2 Walong araw ng Dhū al-Ḥijja bago ang Araw ng Arafat

3 Ikasampung araw ng Muḥarram

4 Ikasiyam na araw ng Muḥarram

5 Kabuuan ng Muḥarram

6 Buwan ng Rajab

7 Buwan ng Shaʿbān

8 Anim na araw ng Shawwāl

9 Mga araw ng Lunes

10 Mga araw ng Huwebes

11 Tatlong araw ng bawat lunar month

MGA IPINAGBABAWAL NA PAG-AAYUNOAng mga Muslim ay hindi pinahihintulutang mag-ayuno sa:

1 Eid al-Fiṭr

2 Eid al-Aḍḥā at sa tatlong kasunod na mga araw nito

MGA INIREREKOMENDA AT IPINAGBABAWAL NA PAG-AAYUNO


PAGWAWAKAS

Sinabi ng Propeta: “Sinumang nais ng Diyos sa kanya ang kabutihan, ay binibiyayaan Niya ito ng kaalaman tungkol sa relihiyon”.12

Doble ang pagpapala sa iyo ng Diyos: una, sa pamamagitan ng paggabay sa Kanyang relihiyon, at muli sa pagkatuto ng wastong paraan ng pagsamba sa Kanya. Ang gabay na ito ay isang mahalagang unang hakbang sa paglalakbay na kung nanaisin ng Diyos ay magtatagal sa buong buhay mo. Ang Inihayag na Daan: Mga Unang Tagubilin sa Pagsamba ay nilayon bilang maikli ngunit kumpletong panimula sa mga pangunah-ing kaalaman tungkol sa pagsamba sa Islam. Nagsisilbi rin ito upang buksan ang pinto ng pagpapakadalubhasa sa Islam para sa iyo. Ang impormasyong ipinapakita dito ay hindi lamang mahalaga, kundi pinapanatili rin nito ang tradisyon ng tuluy-tuloy na tanikala ng kaalamang nagpasalin-salin sa mga henera-

syon. Ang bawat alituntuning nabasa mo dito ay nakabatay sa pagsasagawa ni Propeta Muḥammad. Sa pagkatuto ng mga pangunahing kaala-man tungkol sa isa sa apat na pamantayang pananaw, maaari ka na ngayong maghanap ng mga gurong magpapalawak sa iyong pagkakaunawa sa kaalaman sa Islam. Napakarami ng mga impormasyon na iyong magagamit. Ang ilan dito ay tunay at kapaki-pakinabang, ang ilan ay hindi. Ang pinaka-mainam na paraan upang malaman kung alin ang kapaki-pakinabang ay ang tiyakin na itinataguyod ng pinagmulan nito ang hindi napuputol na tanikala ng pagpapakadalub-hasa na, kung nanaisin ng Diyos, ay kabibilan-gan mo rin. Nararapat mo ring isaprinsipyo ang pagtanggap ng hindi kukulangin sa mga ganito hinggil sa iyong relihiyon.

47PAGWAWAKAS

Tandaan na sa bawat butil ng kaalamang natututunan, ang pinakamagandang paraan upang maisaisip ito at higit pang mapag-ibayo ay sa pamamagitan ng pagsasabuhay nito: ang kaalaman sa relihiyon ay kaala-mang natututunan mong gamitin. Isagawa mo ang iyong mga natutunan at mababatid mong mas magiging madali pa ang lalong pagkatuto. Naisalaysay na: “Sinuman ang nagsagawa ng kanyang natutunan, ay pagkakalooban siya ng Diyos ng kaalaman tungkol sa bagay na hindi pa niya nalalaman.”13

Kung minsa’y maaaring maramdaman mong napakarami nang dapat mong matututunan nang sabay-sabay, ngunit maging mati-yaga, huwag asahang agad kang magiging perpekto, at maging tapat. Sa bawat araw, magiging mas komportable ka sa pinag-palang kapasyahan mong ito. Bumaling sa Diyos kapwa sa kahirapan at kaalwanan at magkakaroon ka ng palagiang Kasamang magpapagaan sa anumang pasanin. (Nais ng Allah ng kaalwanan para sa inyo; Hindi niya hinahangad ang paghihirap para sa inyo) (QURʾĀN, 2:185).

Ang relihiyong ito ay hindi itinakda bilang pahirap. Pinangakuan tayo ng malalaking gantimpala kapwa ng mga salita ng Qurʾān at ng ḥadīth ng Propeta na nagsabi sa napakagandang pananalita na:

“Ang relihiyon ay madali, at walang sinu-mang magpapahirap sa sarili patungkol sa relihiyon maliban na lamang na ito ay hindi niya makakayanan. Kaya manatiling matatag, gawin mo ang lahat ng iyong maka-kaya, at maging masaya para sa gantimpala sa tamang gawain. At humingi ng tulong [sa pagdarasal] sa umaga, sa gabi, at maging sa magdamag.”14

Ipinagdarasal namin na ang gabay na ito ay una lamang sa marami pang babasahin mo sa iyong paghahangad na makamtan ang kaganapan sa iyong relihiyon. Tanggapin nawa ng Diyos ang iyong mabub-uting gawain.

Āmīn


GLOSARYO NG MGA TERMINO

A

adab: Lubhang pinong pag-uugali at marangal na asal.

adhān: Ang pagtatawag ng pagdarasal sa Islam.

AH: Tingnan ang after Hijra.

after Hijra (pagkatapos ng Hijra): Ang Islamikong pagsukat sa taon na nagsisimula pagkatapos ng paglipat ng Propeta sa Medina; ang sistema ng petsa na ito ay sinimulan ni ʿUmar b. al-Khaṭṭāb, ang ikalawang Kalipa.

Arafat: Isang sagradong kapatagan malapit sa Mecca kung saan nagtitipon ang mga manlalakbay para sa pinakamahalagang bahagi ng Ḥajj.

ʿAṣr: Ang Pagdarasal sa Hapon.

ʿawra: Ang mga bahagi ng katawan na dapat takpan kapag may kaharap na kasalungat sa kasarian

āyāt: Ang mga bersikulo ng Qurʾān.

B

Basmala: Ang pariralang binibigkas ng mga Muslim upang simulan ang kanilang araw-araw na gawain: “Sa ngalan ng Allah, ang Pinakamaawain at Pinakamahabagin.”

D

dhikr: Ang pag-alala sa Diyos.

Dhū al-Ḥijja: Ang ikalabindalawang buwan sa kalendaryo ng Islam. Ito ang buwan kung kailan ginaganap ang Ḥajj at ang isa sa mga Eid.

duʿā: Mga pagsusumamo o panalangin.

E

Eid: Isang pistang ginaganap isa o dalawang beses sa isang taon. May dalawang Eid sa Islam.

Eid al-Aḍḥā: Ang pista ng pag-alala sa kahandaan ng Propetang si Abraham na isakripisyo ang kanyang anak. Ang Eid na ito ay ginaganap sa panahon ng Ḥajj.

Eid al-Fiṭr: Ang pistang naghuhudyat sa pagtatapos ng Ramaḍān.

F

Fajr: Ang Pagdarasal sa bukang-liwayway.

farḍ: Mga bagay na kinakailangan ayon sa Inihayag na Batas ng Islam.

Fātiḥa: Ang panimulang kabanata ng Qurʾān. Itinuturing itong sentro ng buong Aklat.

fidya: Ang kabayaran para sa nakaligtaang pag-aayuno.

H

ḥadath: Ritwal na pagkarumi; maaaring maliit o malaki. Ang maliit na ḥadath ay nangangailangan ng wuḍūʾ, ang malaking ḥadath ay nangangailangan ng ghusl.

49GLOSARYO NG MGA TERMINO

ḥadīth: Isang kasabihan o naitalang pagkilos ng Propetang si Muḥammad; ang pangalawang pinagmumulan ng kaalaman sa Islam pagkatapos ng Qurʾān.

ḥadīth qudsī: Isang napangalagaan at napatunayang talaan ng mga salita ng Diyos na isinalaysay ng Propeta. Hiwalay ito sa paghahayag ng Qurʾān.

Ḥajj: Ang mahalagang banal na paglalakbay tungo sa Kaʿba sa Mecca.

ḥalāl: Mga bagay na pinapahintulutan ayon sa Inihayag na Batas ng Islam.

ḥarām: Mga bagay na hindi pinapahintulutan ayon sa Inihayag na Batas ng Islam.

ḥayḍ: Pagreregla.

I

ifṭār: Ang pagtigil sa pag-aayuno sa katapusan ng isang araw ng pag-aayuno.

ijmāʾ: Ang nagkakaisang pananaw ng mga kwalipikadong iskolar tungkol sa isang partikular na usaping legal; isa sa mga pangunahing pinagmumulan ng Inihayag na Batas ng Islam.

imam: Sa pagdarasal, ang taong namumuno sa grupo.

iqāma: Ang pangalawang pagtatawag para sa pagdarasal; ihinuhudyat nito na magsisimula kaagad ang pagdarasal.

ʿIshāʾ: Ang Pagdarasal Pagsapit ng Gabi.

Islam: Ang kahuli-hulihang relihiyong inihayag ng Diyos kay Propeta Muḥammad para sa buong sangkatauhan hanggang sa katapusan ng panahon.

istibrāʾ: Ang pagtatanggal ng anumang naiwang najāsa sa katawan pagkatapos dumumi/umihi. Tingnan ang najāsa.

istiḥāḍa: Hindi regular na pagdurugo ng puwerta. Ito ay pagdurugong hindi itinuturing na bahagi ng yugto ng pagreregla. Tingnan ang ḥayḍ.

istikhāra: Ang pagdarasal para sa paghingi ng paggabay mula sa Diyos.

J

jumuʿa: Ang pagdarasal ng grupo sa araw ng Biyernes.

jinn: Mga nilalang na gawa mula sa apoy at kadalasang hindi nakikita ng mata ng tao; legal silang may pananagutan. Ang ilan ay Muslim at ang ilan ay hindi.

K

Kaʿba: Ang Banal na Mosque sa Mecca. Ang unang gusaling itinayo para sa layunin ng pagsamba sa Nag-iisang Tunay na Diyos.

kaffāra: Malaking pagbabayad-sala para sa pag-aayuno sa Ramaḍān.

khuṭba: Sermon, ibinibigay bago ang Pagdarasal sa Araw ng Biyernes at pagkatapos ng mga Pagdarasal ng Eid. Tingnan ang jumuʿa.


M

madhhab: Isang kinikilala at tanggap na legal na pananaw sa prinsipyo ng diwa ng mga batas ng Islam.

Maghrib: Ang Pagdarasal sa paglubog ng araw.

makrūh: Mga bagay na hindi kanaisnais ayon sa Inihayag na Batas ng Islam.

mandūb: Mga bagay na inirerekomenda ayon sa Inihayag na Batas ng Islam.

masjid: Ang lugar sambahan ng Muslim; nagsisilbi rin ito bilang sentro ng komunidad.

Mecca: Ang lungsod ng Arabia kung saan ipinanganak si Propeta Muḥammad.

mosque: Tingnan ang masjid.

mubāḥ: Mga bagay na walang pinapanigang patakaran ayon sa Inihayag na Batas ng Islam.

muezzin: Isang taong nagsasagawa ng pagtatawag sa Islam para sa pagdarasal.

Muḥarram: Ang unang buwan sa kalendaryo ng Islam. Tingnan ang after Hijra.

mukallaf: Isang taong legal na may pananagutan; isang taong itinuturing ng Inihayag na Batas na responsable sa pagtupad sa mga panrehiliyong obligasyon.

Muslim: Isang taong tumanggap sa Islam bilang relihiyon sa pamamagitan ng pagpapahayag ng Shahāda.

N

najāsa: Pisikal na dumi

Q

qibla: Ang direksyon ng pagdarasal na nakaharap sa Kaʿba sa Mecca.

qiyās: Ang paggamit ng paghahambing upang pairalin ang mga nakatatag na legal na patakaran sa ibang mga usapin; isa sa mga pangunahing pinagmumulan ng Inihayag na Batas ng Islam.

Qurʾān: Ang Banal na Aklat ng Islam; ang mga salita ng Diyos na idinikta sa Propetang si Muḥammad sa pamamagitan ng Anghel na si Gabriel.

R

Rajab: Ang ikapitong buwan sa kalendaryo ng Islam. Tingnan ang after Hijra.

Ramaḍān: Ang pinakabanal na buwan sa kalendaryo ng Islam; ang buwan kung kailan

natanggap ng Propetang si Muḥammad ang unang rebelasyon ng Qurʾān; ang panahon kung kailan nag-aayuno ang mga Muslim mula bukang-liwayway hanggang paglubog ng araw.

rakʿa: Isang buong yugto ng pagdarasal. Binubuo ito ng pagtayo, pagbigkas sa Qurʾān, pagyukod at pagpapatirapa. Tingnan ang Salāh.

51GLOSARYO NG MGA TERMINO

S

sajda: Pagpapatirapa habang nagdarasal nang nakalapat ang noo sa sahig.

Ṣalāh: Ang ritwal na pagdarasal; isa sa limang haligi ng Islam.

Ṣawm: Pag-aayuno mula bukang-liwayway hanggang paglubog ng araw. Ang pag-aayuno sa buwan ng Ramaḍān ay isa sa limang haligi ng Islam.

shafaʿ: Dalawang yugto ng pagdarasal na ginagawa bago ang pagdarasal ng witr. Tingnan ang witr.

Shaʿbān: Ang ikawalong buwan sa kalendaryo ng Islam. Tingnan ang after Hijra.

Shariah: Ang Inihayag na Batas ng Islam.

suḥūr: Ang pagkain bago magbukang-liwayway bago sinisimulan ang pag-aayuno sa araw na iyon.

Sunna: 1) Ang paraan kung paano ginawa ni Propeta Muḥammad ang mga bagay-bagay. 2) Isang kategorya ng mga patakaran para sa mga kilos na kapag ginawa ay may kaakibat na gantimpala ngunit hindi obligado.

sūra: Isang kabanata ng Qurʾān. May 114 na kabanata ang Qurʾān.

T

tahajjud: Mga karagdagang pagdarasal sa hatinggabi bago magbukang-liwayway.

takbīr: Ang pagpapahayag na “Ang Allah ang pinakadakila.”

takbīrāt: Ang pangmaramihang anyo ng takbīr. Tingnan ang takbīr.

tarāwīḥ: Ang espesyal na pagdarasal na ginagawa kapag Ramaḍān pagkatapos ng pagdarasal sa gabi.

tashahhud: Ang pagpapatotoong binibigkas sa nakaupong posisyon sa pagdarasal.

ṭawāf: Pag-ikot sa Kaʿba; ito ay sinaunang paraan ng pagsamba na itinataguyod ng mga Muslim.

tayammum: Tuyong ritwal na paglilinis ng katawan kapag walang magamit na tubig o hindi makagamit ng tubig ang isang tao.

W

witr: Boluntaryong pagdarasal na may bilang na gansal na ginagawa pagkatapos ng ʿIshāʾ.

wuḍūʾ: Ang ritwal na paghuhugas ng mga braso at binti, mukha, ulo at paa upang makapagdasal.

Z

Ẓuhr: Ang Pagdarasal sa Tanghali.


MGA TAMANG PAGKILOS SA BANYO

BAGO PUMASOK SA BANYOBismillāh Allāhumma innīʿaūdhu bika minal khubthi wal-khabāʾith Sa Ngalan ng Allah. O Allah, hinihingi ko ang Iyong proteksyon laban sa mga demon-yong kalalakihan at kababaihan.

PAGKAALIS SA BANYOGhufrānak O Allah, hinihingi ko ang Iyong kapatawaran.

PAGPAPADALISAY

BAGO SIMULAN ANG WUḌŪʾBismillāhir-raḥmānir-raḥīm Sa ngalan ng Allah, ang Pinakamaawain at Pinakamahabagin.

PAGKATAPOS NG WUḌŪʾAsh-hadu allā ilāha illā Allāh waḥdahu lāsharīka lahWa ash-hadu anna Muḥammadan ʿab-duhu wa rasūluhAllāhummajʿalnī mina at-tawwābīnwajʿalnī minal mutaṭahhirīn

Sumasaksi ako na walang Diyos maliban sa Allah, ang Nag-iisa at walang katambal. At sumasaksi ako na si Muḥammad ang Kanyang lingkod at Mensahero. O Allah, gawin Mo akong isa sa mga palaging nagsisisi at dalisay.

ANG TAWAG PARA SA PAGDARASAL

ANG ADHĀNAAllāhu akbar (apat na beses)Ash-hadu allā ilāha illā Allāh (dalawang beses)Ash-hadu anna Muḥammadan rasūlullāh (dalawang beses)Ḥayya ʿala|-ṣalāh (dalawang beses)Ḥayya ʿalal-falāḥ (dalawang beses)[Aṣ-ṣalātu khayrun mina an-nawm] (dala-wang beses sa Pagdarasal sa Madaling Araw)Allāhu akbar (dalawang beses)Lā ilāha illā Allāh (isang beses) Ang Allah ang pinakadakilaSumasaksi ako na walang diyos maliban sa AllahSumasaksi ako na si Muḥammad angMensahero ng DiyosHalina sa pagdarasalHalina sa tunay na tagumpay[Ang pagdarasal ay mas mabuti kaysa sa pagtulog]Ang Allah ang pinakadakilaWalang Diyos maliban sa Allah SA ADHĀNAng sinasabi lamang ng muezzin ang inuulit na bigkasin ng isang tao maliban sa

“Ḥayya ʿalaṣ-ṣalāh” at “Ḥayya ʿalal-falāḥ,” kung saan sa halip ay maaaring sabihin ng isang tao ang: Lāḥawla wa lā quwwata illā billāh Walang lakas at kapangyarihan maliban ang sa Allah.

MGA PAGSASALIN AT TRANSLITERASYON NG NAPAPAKINGGANG KARAGDAGANG GABAY

APENDISE ANG MGA PAGSASATINIG NG PAGDARASAL

53APENDISE:ANG MGA PAGSASATINIG NG PAGDARASAL

PAGKATAPOS NG ADHĀNPagkatapos ulitin ng isang tao ang binigkas ng muezzin, dapat niyang hilingin sa Diyos na pagpalain ang Propeta at pagkatapos ay sabihin: Allāhumma rabba hādhi hid-daʿwaat-tāmma waṣ-ṣalātil qāʾima ātiMuḥammadan al-wasīla wal-faḍila wab-

ʿath-hu maqāman maḥmūdan alladhīwaʿadtahu innak lā tukhliful-mīʿād O Allah, ang Panginoon nitong kumpletong pagtawag at nitong pagdarasal na isasakatu-paran: ipagkaloob kay Muḥammad ang Pamamagitan at ang mataas na antas at ibigay sa kanya bilang gantimpala ang kapuri-puring puwestong ipinangako Mo sa kanya. Katotohanan, hindi Mo tinatalikuran ang Iyong pangako.

ANG IQĀMAAllāhu akbaru (dalawang beses)Ash-hadu allā ilāha illā Allāh (isang beses)Ash-hadu anna Muḥammadan rasūlullāh (isang beses)Ḥayya ʿalaṣ-ṣalāt (isang beses)Ḥayya ʿalal-falāḥ (isang beses)Qad qāmatiṣ-ṣalāt (dalawang beses)Allāhu akbaru (dalawang beses)Lā ilāha illā Allāh (isang beses) Ang Allah ang pinakadakilaSumasaksi ako na walang Diyos maliban sa AllahSumasaksi ako na si Muḥammad ang Mensahero ng DiyosHalina sa pagdarasalHalina sa tunay na tagumpayNagsisimula na ang pagdarasalAng Allah ang pinakadakilaWalang Diyos maliban sa Allah

PAGSISIMULA NG PAGDARASAL

ANG TAKBĪRAllāhu akbar

Ang Allah ang Pinakadakila.

ANG PANIMULANG PANALANGINWajjahtu wajhī lil-ladhī faṭaras-samāwātiwal-arḍaḥanīfan musliman wa mā anaminal-mushrikīn inna ṣalātī wa nusukī wamaḥyāyā wa mamātī lillāhi rabbil-ʿālamīnlā sharīka lahu wa bi dhālika umirtu waana minal-muslimīn Ibinabaling ko ang aking mukha sa Nag-iisang lumikha sa mga langit at lupa—bilang isang tunay na mananampalataya sa iisang Diyos at tumatalima, at hindi ako kabilang sa silang mga nagtatambal ng iba sa Kanya. Ang aking pagdarasal, pagsamba, buhay at kamatayan, lahat ay para sa Allah, ang Panginoon ng mga Mundo, ang walang katambal. Ito ang iniutos sa akin, at kabilang ako sa mga tumatalima.

PAGHILING NG PROTEKSYONAʿūdhu billāhi minash-shayṭānir-rajīm Ako ay nagpapakupkop sa Allah laban kay Satanas, ang isinumpa.

BASMALABismillāhir-raḥmānir-raḥīm Sa ngalan ng Allah, ang Pinakamaawain at Pinakamahabagin.

ANG FĀTIḤABismillāhir-raḥmānir-raḥīmAl-ḥamdu lillāhi rabbil-ʿālamīnAr-raḥmān nir-raḥīmMāliki yawmid-dīn

APENDISE ANG MGA PAGSASATINIG NG PAGDARASAL


Iyyāka naʿbudu wa iyyāka nastaʿīnIhdināṣ-ṣirāṭal mustaqīmṢirāṭal-ladhīna anʿamta ʿalayhimGhayril maghḍūbi ʿalayhim wa lāḍ-ḍālīn

(Sa ngalan ng Allah, ang Pinakamaawain at Pinakamahabagin. Ang lahat ng papuri ay sa Allah, ang Panginoon ng Sanlibutan. Ang Pinakamaawain at Pinakamahabagin. Hari sa araw ng paghuhukom. Ikaw lamang ang aming sinasamba, at sa Iyo lamang kami humihingi ng tulong. Gabayan Mo kami sa tuwid na landas; ang landas ng silang mga biniyayaan Mo, at hindi ang landas ng silang mga kinasusuklaman (Mo), at ng silang mga nangaligaw.

KAPAG YUMUKODSubḥāna rabbiyal-aẓīm

Kaluwalhatian sa aking Dakilang Panginoon (tatlong beses). KAPAG TUMATAYO MULA SAPAGKAKAYUKOD

Samiʿa Allāhu liman ḥamidahRabbanāwa lakal-ḥamd Pinakikinggan ng Diyos ang mga nagpupuri sa Kanya.O aming Panginoon, sa Iyo ang lahat ng papuri.

KAPAG NAGPAPATIRAPASubḥāna rabbiyal-ʿalā Kaluwalhatian sa aking Panginoon ang Kataas-taasan. (tatlong beses)

KAPAG UMUUPO SA PAGITAN NG MGA PAGPAPATIRAPARabbighfirlī

Rabbighfirlī O aking Panginoon, patawarin Mo ako.O aking Panginoon, patawarin Mo ako.

ANG PAGPAPATOTOO (TASHAHHUD)At-taḥiyyātu -mubārakatuṣ-ṣalawātut-ṭayyibātu lil-lāhAs-salāmu ʿalayka ayyuhan-nabiyy wa raḥmatullāhi wa barakātuhAs-salāmu ʿalaynāwaʿalāʿibādillāhiṣ-ṣāliḥīnAsh-hadu allā ilāha illā AllāhWa ash-hadu anna Muḥammadan ʿabduhu wa rasūluh Mapagpalang pagbati at mabubuting pagdarasal sa Allah. Mapasaiyo nawa ang kapayapaan, O Propeta, at ang awa ng Diyos at ang Kanyang mga pagpapala. Mapasaatin nawa at sa lahat ng mabubuting lingkod ng Diyos ang kapayapaan.Sumasaksi ako na walang diyos maliban sa Allah. At sumasaksi ako na si Muḥammad ang Mensahero ng Diyos.

ANG MGA PAGPAPALA PARA SA PROPETAAllāhumma ṣalli ʿalā Muḥammadinwaʿalāāli Muḥammadin kamāṣallayta

ʿalāIbrāhīm waʿalāāli Ibrāhīm wabārikʿalāMuḥammadin wa ʿalāāliMuḥammadin kamā bārakta ʿalā Ibrāhīmwaʿalāāli Ibrāhīma fil-ʿālamīna innakaḥamīdun majīd O Allah, itaas ang antas ni Muḥammad at ng pamilya ni Muḥammad tulad ng pagtataas mo ng antas ni Abraham at ng pamilya ni Abraham. At pagpalain si Muḥammad at ang pamilya ni Muḥammad tulad ng pagpapala mo kay Abraham at sa pamilya ni Abraham sa mga mundo. Katotohanang Ikaw ang Pinakakapuripuri at Pinakadakila.

PAGTATAPOS NG PAGDARASALAs-salāmu ʿalaykum wa raḥmatullāh


As-salāmu ʿalaykum wa raḥmatullāh Mapasaiyo nawa ang kapayapaan at awa ng Diyos.Mapasaiyo nawa ang kapayapaan at awa ng Diyos.

PAG-ALALA PAGKATAPOS NG PAGDARASAL (DHIKR)ĀYAT AL-KURSĪAllāhu lā ilāha illā huwal-Ḥayyul-Qayyūm lā taʾkhudhuhu sinatun wa lānawm lahu mā fis-samāwāti wa mā fil-arḍ man dhal-ladhī yashfaʿu ʿindahū illā bi-idhnih yaʿlamu mā bayn aydīhim wa mā khalfahum wa lā yuḥīṭūn bi-shayʾin minʿilmihī illā bimā shāʾ wasiʿa kursiyuhus- samāwāti wal-arḍ wa lāyaʾūduhu ḥifẓuhuma wa huwal-ʿalīyul-aẓīm (Allah—walang diyos maliban sa Kanya—ang Palaging Nabubuhay, ang Tagapagta-guyod. Hindi nangingibabaw sa Kanya ang pagkaantok o pagtulog. Sa Kanya ang anumang nasa mga langit at anumang nasa lupa. Sino ang maaaring mamagitan sa Kanya maliban kung pinapahintulutan Niya ito? Alam Niya ang nauna sa kanila at ang sumunod sa kanila, hindi nila saklaw ang anuman sa Kanyang kaalaman maliban sa ninanais ng Kanyang kalooban.Saklaw ng Patungan ng Kanyang paa ang mga langit at lupa, at hindi Siya napapagod sa pag-iingat sa mga ito. At Siya ang Kataas-taasan, ang Pinakadakila)

PAGHINGI NG KAPATAWARANAstaghfirullāh (tatlong beses) Hinihingi ko ang kapatawaran ng Allah.

ALLĀHUMMA ANTAS-SALĀM…Allāhumma antas-Salām wa minkas-salām.

Tabārakta yā dhal-jalāli wal-ikrām O Allah, Ikaw ang kapayapaan at sa Iyo nagmumula ang kapayapaan. Ikaw ang kataas-taasan, dakila at kapuri-puri.

ALLĀHUMMA LĀ MĀNIʿA LI MĀ AʿṬAYTALā ilāha illā Allāhu waḥdahu lā sharīka lah lahul-mulku wa lahul-ḥamd wa huwa ʿalā kulli shayʾin qadīrAllāhumma lā māniʿa limā aʿṭayta wa lā muʿṭiya limā manaʿta wa lā yanfaʿu dhal-jaddi minkal-jadd Walang Diyos maliban sa Allah. Siya ay Nag-iisa at walang katambal. Sa Kanya ang kaharian at sa Kanya ang lahat ng papuri at Siya ang Pinakamakapangyarihan sa lahat. O Allah, walang sinumang makakahadlang sa ibinibigay Mo at walang sinumang makapag-bibigay ng ipinagkait Mo; at ang kadakilaan ng dakila ay walang saysay sa kanila laban sa Iyo.

SUBḤĀNA ALLĀH, AL-ḤAMDU LILLĀH, ALLĀHU AKBAR, LĀ ILĀHA ILLĀ ALLĀHU WAḤDAHU…Subḥāna AllāhMaluwalhati ang Allah. Al-ḥamdu lillāhAng lahat ng papuri ay sa Allah

Allāhu akbarAng Allah ang pinakadakila. Ang nabanggit sa itaas ay binibigkas nang tatlumpu’t tatlong beses at ang bawat isa ay sinusundan ng:

Lā ilāha illā Allāhu waḥdahu lā sharīka lah lahul-mulk wa lahul-ḥamd wa huwa ʿalā kulli shayʾin qadīr


Walang Diyos maliban sa Allah. Siya ay Nag-iisa at walang katambal. Sa Kanya ang kaharian at sa Kanya ang lahat ng papuri. At Siya ang Pinakamakapangyarihan sa lahat.

ANG QUNŪTAllāhummah-dinī fīman hadayt wa āfinīfīman ʿāfayt wa tawallanī fīman tawallayt wa bārik lī fīmāʿaṭayt wa qinī sharra māqaḍayt (dito, itaob ang mga palad nang sandali) fa innak taqḍī wa lā yuqḍāʿalayk wa innahu lā yaḍillu man wālayt[wa lā yaʿizzu man ʿādayt] tabārakta Rabbanā wa taʿālayt [fa lakal-ḥamdu ʿalāmā qaḍayt astaghfiruka wa atūbu ilayk] O Allah, gabayan mo ako kasama ng mga ginabayan Mo, pagkalooban Mo ako ng katatagan at kapatawaran kasama ng mga pinagkalooban Mo ng katatagan at kapata-waran, pangalagaan Mo ako kasama ng mga pinangalagaan Mo, pagkalooban Mo ako ng biyaya sa ibinigay Mo sa amin, at iadya Mo ako sa kasamaan ng itinadhana Mo; dahil Ikaw ang nag-uutos at walang nag-uutos sa Iyo. Sinumang kinakaibigan Mo ay hindi kailanman hinahamak. [Sinumang hinaha-mak Mo ay hindi kailanman iginagalang.] Ikaw ang Maluwalhati O aming Panginoon at ang Kataas-taasan. [Ang lahat ng papuri ay sa Iyo para sa anumang ipinag-uutos Mo. Hinihingi namin ang Iyong kapatawaran at ako'y nagbabalik-loob sa Iyo.]

PAG-AAYUNO SA RAMAḌĀNPAGSISIMULA NG PAG-AAYUNONawaytu ṣawma ghadin min shahri Ramaḍān O KAYA Wa bi-ṣawmi ghadin nawaytu min shahri Ramaḍān

Balak kong mag-ayuno bukas mula sa buwan ng Ramaḍān.

PAGTIGIL SA PAG-AAYUNOAllāhumma laka ṣumnāwaʿalā rizqika afṭarnā fataqabbal minnā innaka antas- Samīʿul-

ʿAlīm O Allah, para sa Iyo ay nag-ayuno kami, At sa pamamagitan ng Iyong biyaya, itinitigil namin ang aming pag-aayuno.Tanggapin Mo ito mula sa amin, dahil tunay na Ikaw ang Nakakarinig sa Lahat, ang Nakakaalam ng Lahat. O KAYA Allāhumma innī laka ṣumtu wa bika āman-tu wa ʿalayka tawakkaltu wa ʿalārizqika afṭartu O Allah, para sa Iyo ay nag-ayuno ako at sa Iyo ay naniwala ako [at sa Iyo ay nagtitiwala ako] at sa pamamagitan ng iyong biyaya, itinigil ko ang aking pag-aayuno. AT Allāhumma innī asʾaluka bi-raḥmatikallatī wasiʿat kulla shayʾin an taghfira lī O Allah, hinihingi ko sa Iyo sa pamamagitan ng Iyong awang sumasaklaw sa lahat, na patawarin Mo ako.

PANALANGIN SA RAMAḌĀN SA LAYLAT AL-QADR

Allāhumma innaka ʿafuwwun tuḥibbul-ʿafwa faʿfu ʿannī


O God, You are oft pardoning and You love to pardon; so pardon me.

MGA PANALANGIN SA ARAW-ARAW

PAGKAGISING SA UMAGA Al-ḥamdu lillāhil-ladhīaḥyānā baʿda māamātanāwa ilayhin-nushūr Ang lahat ng papuri ay sa Allah na muling bumuhay sa atin pagkatapos idulot ang ating pagkamatay, at sa Kanya ang pagbabalik. KAPAG MATUTULOGBismik Allāhumma amūtu wa aḥyā Sa ngalan Mo, O Allah, ako ay namamatay at nabubuhay.

BAGO MAKIPAGTALIKBismillāh Allāhumma jannib-nāshshayṭāna wa jannibish-shayṭān mārazaqtanā Sa Ngalan ng Allah. O Allah, iadya Mo kami kay Satanas at ilayo Mo siya sa mga batang ibibigay Mo sa amin.

KAPAG NAGBIBIHISAl-ḥamdu lillāhil-ladhī kasānī hādha[pangalan ng kasuotan] wa razaqanīhi minghayri ḥawlin minnī wa lā quwwa Ang lahat ng papuri ay sa Diyos na nagdamit sa akin ng [pangalan ng kasuotan] na ito at nagbigay sa akin nito nang wala akong anumang kapangyarihan o kakayahan. KAPAG NAGHUHUBADBismillāh

Sa Ngalan ng Allah.

BAGO KUMAINBismillāh Sa Ngalan ng Allah.

PAGKATAPOS KUMAINAl-ḥamdu lillāhil-ladhī aṭʿamanāwa saqānā wa jaʿalanā minal-muslimīn Ang lahat ng papuri ay sa Allah na nagbigay sa atin ng pagkain at inumin, at gumawa sa atin na mapabilang sa silang mga Muslim.

KAPAG PAPASOK SA TAHANANBismillāh walijnāwa bismillāhi kharajnā wa

ʿalāl-llahi tawakkalnā Sa ngalan ng Allah ay pumapasok kami, at sa ngalan ng Diyos ay lumalabas kami, at nasa Diyos ang aming tiwala.(Pagkatapos itong sabihin, dapat batiin ng isang tao ang kanyang pamilya)

KAPAG AALIS SA TAHANANBismillāh tawakkaltu ʿalāl-llāh wa lāḥawla wa lā quwwata illābillāh Sa Ngalan ng Allah. Nagtitiwala ako sa Allah, walang lakas o kapangyarihan maliban ang sa Allah. KAPAG NAKASAKAY SA SASAKYANBismillāh subḥānal-ladhī sakh-khara lanā hādha wa mā kunnā lahu muqrinīn wa innā ilā rabbinā la-munqalibūn Sa Ngalan ng Allah. Purihin Siyang nagbigay nito sa atin, at hindi sana ito napasakamay


natin at katotohanang babalik tayo sa ating Panginoon.

KAPAG NAGLALAKBAYAllāhumma innā nasʾaluka fī safarinā hādha al-birra wat-taqwāwa minal- ʿamali mā tarḍā Allāhumma hawwin ʿalaynāsafaranā hādha waṭwi-ʿannā buʿdah Allāhumma antaṣ-ṣāḥibu fis-safar wal-khalīfatu fil-ahl Allāhumma innīʿaūdhu bika min waʿthā-iss-safar wa kaʾābatil-manẓar wa sūwʾil-munqalab fil-māl wal-ahl [at kapag bumabalik mula sa paglalakbay, sinasabi ang parehong pagsusumamo, at sinusundan ito ng dagdag na pariralang: āyibūn tāʾibūn ʿābidūnli rabbināḥāmidūn] O Allah, humihingi kami sa Iyo ng kabana-lan at kabutihan sa paglalakbay naming ito at mga nakasisiyang gawain.O Allah, padaliin Mo ang paglalakbay na ito para sa amin at paikliin ito para sa amin. O Allah, Ikaw ang Kasama sa paglalakbay at ang Kapalit sa pamilya. O Allah, hinihingi ko ang Iyong tulong sa mga hirap sa paglalak-bay, kalungkutan sa hindi magagandang tanawing makikita, at masamang kalala-basan sa kayamanan at pamilya. [At kapag bumabalik mula sa paglalakbay, sinasabi ang parehong pagsusumamo, at sinusundan ito ng dagdag na pariralang:

“Bumabalik kaming nagsisisi, sumasamba at nagpupuri sa aming Panginoon.”]

KAPAG BUMABALIK MULA SA PAGLALAKBAYTuwing umaakyat ang isang tao sa mataas na lugar, dapat niyang sabihin: Allāhu akbar (tatlong beses) at pagkatapos ay sabihin: Lā ilāha illā Allāhu waḥdahu lā sharīka lah lahul-mulk wa lahul-ḥamd wa huwa ʿalā kulli

shayʾin qadīr āyibūn tāʾibūn ʿābidūn li rabbināḥāmidūn Walang diyos maliban sa Allah. Siya ay Nag-iisa at walang katambal. Sa Kanya ang kaharian at sa Kanya ang lahat ng papuri. At Siya ang Pinakamakapangyarihan sa lahat. Bumabalik kaming nagsisisi, sumasamba at nagpupuri sa aming Panginoon.

KAPAG PAPASOK SA ISANG MOSQUEAʿūdhu billāhil-aẓīm wa bi waj-hi-hil karīm wa sulṭānihil-qadīm minash-shayṭānir-rajīm[Bismillāh waṣ-ṣalātu was-salāmu ʿalā Rasūl-lillāh][Allāhummaf-taḥ-lī abwāb raḥmatik] Hinihingi ko ang proteksyon ng Diyos ang Katangi-tangi, at ang Kanyang dakilang Mukha at walang hanggang kapangyarihan, laban kay Satanas, ang isinumpa.[Sa ngalan ng Allah at nawa ay maipag-kaloob sa Mensahero ng Diyos ang mga pagpapala at kapayapaan.][O Allah, buksan Mo para sa akin ang mga pinto ng Iyong awa.]

KAPAG AALIS SA ISANG MOSQUEBismillāh waṣ-ṣalātu was-salāmu ʿalāRasūl-lillāh Allāhumma innī asʾalukamin faḍlika Sa ngalan ng Allah, at nawa ay maipag-kaloob sa Mensahero ng Diyos ang mga pagpapala at kapayapaan. O Allah, hinihingi ko ang Iyong kasaganaan.

KAPAG PAPASOK SA PAMILIHANLā ilāha illā Allah waḥdahu lā sharīka lah lahul-mulk wa lahul-ḥamd yuḥyī wa yumīt wa huwa ḥayyun lā yamūt bi yadihil-khayr wa huwa ʿalā kulli shayʾin qadīr


Walang diyos maliban sa Allah. Siya ay Nag-iisa at walang katambal. Sa Kanya ang kaharian at sa Kanya ang lahat ng papuri. Siya ang nagbibigay ng buhay at nagdudulot ng kamatayan at Siya ang Nabubuhay Magpakailanman na hindi mamamatay. Sa Kanyang Kamay ay pawang kabutihan at may kapangyarihan Siya sa lahat ng bagay.

PANALANGIN PARA SA PAGPAPASYA (ISTIKHĀRA)Sinabi ni Jābir b. ʿAbdullāh: “Dati, tinutu-ruan kami ng Mensahero ng Diyos kung paano humingi ng paggabay sa pagpili ng pinakamabuti sa isang partikular na usapin, tulad ng pagtuturo niya sa amin ng isang Kabanata mula sa Qurʾān. Sinabi niya: ‘Kung ang isa sa inyo ay nag-aalala tungkol sa isang gawain, dapat siyang gumawa ng dalawang yugto ng pagdarasal bukod pa sa obligasyon [na pagdarasal] at pagkatapos ay dapat niyang sabihin: Allāhumma innī astakhīruka bi ʿilmika wa astaqdiru-ka bi qudrati-ka wa asʾaluka min faḍlikal-aẓim fa innaka taqdiru wa lā aqdir wa taʿlamu wa lāʿalam wa anta ʿallāmul-ghuyūb Allāhumma in kunta taʿlamu anna hādhalamr [at banggitin dito ang gagawin] khayrun lī fī dīnī wa maʿāshī wa ʿāqibati amrī[o kaya: ʿājilihi wa ājilihi]—faqdir-hu lī wa yass-sir-hu lī thumma bārik lī fīhi: wa in kunta taʿlamu anna hādhal-amr sharrun lī fī dīnī wa maʿāshī wa ʿāqibati amrī[o kaya:

ʿājilihi wa ājilihi] faṣ-rifhu ʿannī waṣ- rifnīʿanhu waq-dir liyal-khayra ḥaythu mā kāna thummar-ḍinī bih O Allah, hinihiling ko sa Iyo na ipakita Mo sa akin ang pinakamabuti sa pamamagitan ng Iyong kaalaman, at hinihiling ko sa Iyo na bigyan Mo ako ng kapangyarihan sa pamamagitan ng Iyong kapangyarihan, at nagsusumamo ako sa Iyo na ipagkaloob mo

sa akin ang Iyong dakilang kabutihan, dahil nasa Iyo ang kapangyarihan, samantalang wala akong kapangyarihan, at taglay Mo ang kaalaman, samantalang wala akong nalala-man, at Ikaw ang Siyang nakakaalam sa hindi nakikita. O Allah, kung alam Mo na ang gawaing ito ay mas mabuti para sa akin sa aking relihiyon, sa aking buhay sa mundong ito, at sa akin sa Kabilang buhay [o kaya: “ngayon at sa kalaunan”], itakda Mo ito para sa akin at padaliin Mo ito para sa akin, at pagpalain Mo ako dito. O Allah, kung alam Mo na ang gawaing ito ay makasasama para sa akin sa aking relihiyon, sa aking buhay sa mundong ito, at sa akin sa Kabilang buhay [o kaya: “ngayon at sa kalaunan”], ilayo Mo ito sa akin at ilayo Mo ako dito at itakda ang mabuti para sa akin nasaan man ito at gawin Mo akong kuntento dito.’” Hindi kailanman magsisisi ang isang tao, hangga’t humihingi siya ng paggabay mula sa Tagapaglikha at sumasangguni sa nilikha at sa mga naniniwala at matindi ang kan-yang paninindigan sa kanyang pasya, dahil sabi ng Diyos: (At sumangguni sa kanila sa usaping ito, at kapag nakapagpasya ka na, magtiwala ka sa Diyos) (QURʾĀN, 3:159).

PANALANGIN PARA SA PANGANGAILANGAN (ḤĀJA)

Lā ilāha illā Allāh al-ḥalīm al-karīm subḥāna Allāh rabbil-ʿarshil-aẓīm al- ḥamdu lillāhi rabbil-ʿālamīn asʾaluka mūjibāti raḥmatika wa ʿazāʾima maghfiratika wal-ghanīmata min kulli birr wassalāma min kulli ithm lā tadʿa līdhanban illā ghafarta-hu wa lā hamman illā farrajta-hu wa lāḥājatan hiya laka riḍan illā qaḍay-taha yā arḥam ar-rāḥimīn Walang diyos maliban sa Allah, ang Maawain at Mapagbigay. Purihin ang Diyos,


ang Panginoon ng Katangi-tanging Trono. Ang lahat ng papuri ay sa Allah, ang Pangi-noon ng mga mundo. Hinihiling ko sa Iyo ang lahat ng humahantong sa Iyong awa at sa Iyong dakilang kapatawaran. Hinihiling ko sa Iyo ang pagpapayaman sa lahat ng mabuti at kalayaan mula sa lahat ng pagka-kasala. Nawa'y hindi Mo ako iiwanan ng anumang kasalanan maliban na lamang na ito ay pinatawad Mo na at ng anumang alalahanin maliban na lamang na ito ay nilutas Mo na - at ng anumang pangan-gailangang ikalulugod Mo maliban na lamang na ito ay Iyo nang tinupad, O Pinakamahabagin.

MAIIKLING KABANATA NG QURʾĀNAL-IKHLĀṢBismillāhir-raḥmānir-raḥīmQul huwal-llāhu aḥadAllāhuṣ-ṣamadLam yalid wa lam yūladWa lam yakul-lahu kufuwan aḥad (Sa ngalan ng Allah,ang Pinakamaawain at Pinakamahabagin. Sabihin: “Siya ang Allah, ang Nag-iisa. Ang Allah, ang Walang Hanggang Kaganapan. Hindi nagkakaanak at hindi rin ipinanganak. At Siya ay walang anumang katulad.”)

AL-FALAQBismillāhir-raḥmānir-raḥīmQul aʿūdhu bi-rabbil falaq

Min sharri mā khalaqWa min sharri ghāsiqin idhā waqabWa min sharrin-naffathāti fil-ʿuqadWa min sharri hāsidin idhāḥasad

(Sa ngalan ng Allah, ang Pinakamaawain at Pinakamahabagin. Sabihin: “Ako ay nagpa-pakupkop sa Panginoon ng bukang-liway-way.

Laban sa kasamaan na Kanyang nilikha. At laban sa kasamaan ng kadiliman ng gabi kapag sumapit ito. At laban sa kasamaan ng mga taga-ihip sa mga buhol [mga salamang-kero]. At laban sa kasamaan ng naiinggit kapag naiinggit siya.”)

AL-NĀSBismillāhir-raḥmānir-raḥīmQul aʿūdhu bi rabbin-nāsMalikin-nāsIlāhin-nāsMin sharril-waswasil-khannāsAladhī yuwas-wisu fīṣudūrin-nāsMinal-jinnati wan-nās (Sa ngalan ng Allah, ang Pinakamaawain at Pinakamahabagin. Sabihin: “Ako ay nagpa-pakupkop sa Panginoon ng sangkatauhan. Ang Hari ng sangkatauhan. Ang Diyos ng sangkatauhan. Laban sa kasamaan ng umuurong na tagabulong. Siyang bumubu-long sa mga dibdib ng sangkatauhan, na nagmumula sa lipon ng jinn at sangkatau-han.”)


1 Imam al-Bukhārī, Ṣaḥīḥ al-Bukhārī.2 Ibn Ḥajar Al-ʿAsqalānī, Fatḥ al-Bārī. Bayt al-Afkār al-Dawliya, vol.1, pah. 324.3 Imam Muslim, Ṣaḥīḥ Muslim.4 Ibid.5 Ibid.6 Imam al-Bukhārī, Ṣaḥīḥ al-Bukhārī.7 Imam Abū Dāwūd, Sunan.8 Ibn Ḥibbān, Ṣaḥīḥ.9 Imam al-Bukhārī, Ṣaḥīḥ al-Bukhārī.10 Ibid.11 Imam Muslim, Ṣaḥīḥ Muslim.12 Imam al-Bukhārī, Ṣaḥīḥ al-Bukhārī.13 Abū Nuʿaym, al-Ḥilya.14 Imam al-Bukhārī, Ṣaḥīḥ al-Bukhārī.

MGA TALA

Documents

Sa Ngalan ng Allah Ang Pinakamaawain at Pinakamahabaginzhic.ae/Data/Files/Ebooks/Tagalog E-Book 2 Instruction on Worship... · bahagi ii: pagdarasal (ṢalĀh) kabanata 5 mga obligasyong