RREGULLORE PËR PROKURIMIN PUBLIK...Rregullore për prokurimin publik - KRPP 3/34 RREGULLAT PËR PROCEDURAT E PROKURIMIT Rregullat për Procedurat e Prokurimit janë nxjerrë në pajtim

Rregullore për prokurimin publik - KRPP 1/34

RREGULLAT E PROKURIMIT PUBLIK

PJESA B

RREGULLORE

PËR

PROKURIMIN PUBLIK

Kjo “Rregullore për prokurimin publik”, i përket Pjesës B të Rregullave të Prokurimit

Publik. Ajo përfshinë edhe një përshkrim udhëzues të “Numrit të Prokurimit” (Aneks I).

Rregullat e Prokurimit Publik për Kosovë përfshijnë pjesët në vijim:

Pjesa A: “Instruksionet dhe Udhëzimet për shfrytëzimin e Rregullores së Prokurimit Publik”

Pjesa B: “Rregullat për Procedurat e Prokurimit”

Pjesa C: “Kodi Etik i Prokurimit”

Pjesa D: “Rregullat për Procedurën e Shqyrtimit”

Pjesa E: “Rregullat Administrative dhe Instruksionet”

Pjesa F: “Doracakët për Prokurimin Publik”


Rregullore për prokurimin publik PËRMBAJTJA.............................................................................................................................................................................................2 RREGULLAT PËR PROCEDURAT E PROKURIMIT............................................................................................................................... 3 TITULLI I ÇËSHTJET E PËRGJITHSHME ........................................................................................................................................ 3

Neni 1 Fushëveprimi i zbatimit....................................................................................................................................................... 3 Neni 2 Llojet e procedurave të prokurimit ...................................................................................................................................... 3 Neni 3 Deklarata e nevojave dhe përcaktimi i disponueshmërisë së mjeteve................................................................................. 3 Neni 4 Realizimi i përgjithshëm i procedurave të prokurimit........................................................................................................... 3 Neni 5 Shënimet përmbledhëse .................................................................................................................................................... 4 Neni 6 Llogaritja e vlerës së parashikuar të kontratës publike........................................................................................................ 4 Neni 7 Klasifikimi i kontratës publike ose i konkursit të projektimit sipas vlerës së parashikuar...................................................... 5 Neni 8 Numri i prokurimit ............................................................................................................................................................... 5 Neni 9 Dosja e tenderit .................................................................................................................................................................. 6 Neni 10 Specifikimet teknike ......................................................................................................................................................... 7 Neni 11 Kriteret e përzgjedhjes ..................................................................................................................................................... 7 Neni 12 Dëshmitë e dokumentuara të përshtatshmërisë................................................................................................................ 8 Neni 13 Dëshmitë e dokumentuara të përshtatshmërisë profesionale ......................................................................................... 10 Neni 14 Dëshmitë e dokumentuara të aftësisë teknike ................................................................................................................ 10 Neni 15 Instrumentet e pranueshme për sigurinë e tenderit......................................................................................................... 10 Neni 16 Instrumentet e pranueshme për sigurinë e ekzekutimit................................................................................................... 11 Neni 17 Konfiskimi i sigurisë së ekzekutimit ................................................................................................................................ 11 Neni 18 Formulari i tenderit dhe dorëzimi .................................................................................................................................... 11 Neni 19 Vlefshmëria e tenderit .................................................................................................................................................... 12 Neni 20 Caktimi i Komisionit për vlerësimin e tenderëve.............................................................................................................. 12 Neni 21 Ndërprerja e procedurës së prokurimit ........................................................................................................................... 14 Neni 22 Përdorimi i detyrueshëm i formularëve standardë........................................................................................................... 15 TITULLI II PROCESI I REALIZIMIT TË PROCEDURAVE......................................................................................... 15

Kreu 1 Procedura e hapur.............................................................................................................................................................. 15 Neni 23 Fazat e procedurës. ....................................................................................................................................................... 15 Neni 24 Publikimi i njoftimit të kontratës ...................................................................................................................................... 15 Neni 25 Dorëzimi i dosjes së tenderit .......................................................................................................................................... 16 Neni 26 Informata plotësuese ose sqarime.................................................................................................................................. 16 Neni 27 Pranimi i tenderëve ........................................................................................................................................................ 17 Neni 28 Hapja e tenderëve.......................................................................................................................................................... 17 Neni 29 Procedura e kontrollimit, vlerësimit dhe krahasimit të tenderëve..................................................................................... 18 Neni 30 Dhënia dhe nënshkrimi i kontratës ................................................................................................................................. 20

Kreu 2 Procedura e kufizuar ......................................................................................................................................................... 21 Neni 31 Fazat e procedurës ........................................................................................................................................................ 21 Neni 32 Publikimi i njoftimit të kontratës ...................................................................................................................................... 21 Neni 33 Pranimi dhe hapja e kërkesave për pjesëmarrje ............................................................................................................. 22 Neni 34 Procedura e kontrollimit të kërkesave për pjesemarrje ................................................................................................... 22 Neni 35 Ftesa për tender............................................................................................................................................................. 22 Neni 36 Pranimi i tenderëve. Hapja e tenderëve. Procedura e kontrollimit, vlerësimit dhe krahasimit të tenderëve. Dhënia dhe nënshkrimi i kontratës ................................................................................................................................................................. 23

Kreu 3 Procedura e negociuar pas publikimit të njoftimit për kontratë ........................................................................................... 23 Neni 37 Fazat e procedurës ........................................................................................................................................................ 23 Neni 38 Publikimi i njoftimit të kontratës. Parakualifikimi. Ftesa për tender. Dosja e tenderit........................................................ 23 Neni 39 Pranimi i tenderëve. Hapja e tenderëve, seanca e parë ................................................................................................. 24 Neni 40 Bërja e negociatave, Vlerësimi i tenderëve përfundimtarë, Dhënia e kontratës dhe nënshkrimi ...................................... 24

Kapitulli 4 Procedura e negociuar pa publikim të njoftimit për kontratë......................................................................................... 25 Neni 41 Fazat e procedurës ........................................................................................................................................................ 25 Neni 42 Thirrja e pjesëmarrësve. Bërja e negociatave. Dhënia dhe nënshkrimi e kontratës........................................................ 25

Kreu 5 Procedura e kuotimit të çmimeve....................................................................................................................................... 26 Neni 43 Fazat e procedurës ........................................................................................................................................................ 26 Neni 44 Realizimi i procedurës së kuotimit të çmimeve ............................................................................................................... 26 Neni 45 Pranimi i kuotimeve për çmime. Hapja. Vlerësimi. Dhënia dhe nënshkrimi i kontratës .................................................... 27

Kreu 6 Procedura për blerjen me vlerë minimale dhe pasuria e patundëshme.............................................................................. 27 Neni 46 Parimet e përgjithshme për blerjen me vlerë minimale .................................................................................................. 27

Kreu 7 Kontratat Kornizë ................................................................................................................................................................. 30 Neni 49 Dhënia e kontratës, nënshkrimi dhe kontratat pasuese....................................................................................................... 30 Kreu 8 Konkursi i projektimit ............................................................................................................................................................. 31

Neni 50 Fazat e procedurës ........................................................................................................................................................ 31 Neni 51 Publikimi i njoftimit të konkursit të projektimit.................................................................................................................. 31 Neni 52 Dosja e konkursit të projektimit. Dorëzimi i dosjes së konkursit të projektimit ................................................................. 31 Neni 53 Informatat plotësuese ose sqarimet. Pranimi i projekteve............................................................................................... 32 Neni 54 Hapja dhe vlerësimi i projekteve..................................................................................................................................... 32 Neni 55 Votimi i jurisë.................................................................................................................................................................. 32 Neni 56 Rezultati i konkursit të projektimit ................................................................................................................................... 33

TITULI III HYRJA NË FUQI.................................................................................................................................................................... 33 Nenin 57 Hyrja në fuqi................................................................................................................................................................. 33

ANEKSI I Numri i Prokurimit ....................................................................................................................................................................36


RREGULLAT PËR PROCEDURAT E PROKURIMIT

Rregullat për Procedurat e Prokurimit janë nxjerrë në pajtim me nenin 87.A të Ligjit mbi prokurimin

publik në Kosovë, Ligji nr. 02/L-99 (në tekstin e mëposhtëm LPP). Ato plotësojnë dhe japin sqarime

mbi dispozitat e LPP-së dhe do të interpretohet në pajtueshmëri me dispozitat e LPP-së.

TITULLI I ÇËSHTJET E PËRGJITHSHME

Neni 1

Fushëveprimi i zbatimit

Brenda fushëveprimit të LPP-së siç është specifikuar nën nenin 2 të LPP-së, kjo Rregullore do të

zbatohet nga autoritetet kontraktuese, personat, operatorët ekonomik dhe ndërmarrjet, ashtu siç

janë përkufizuar këta persona juridik dhe fizik në nenin 4.1 të LPP.

Neni 2

Llojet e procedurave të prokurimit

2.1 Gjatë kryerjes së aktiviteteve të prokurimit që shpijnë drejt dhënies së kontratës publike ose

drejt përfitimit të një plani apo projekti, autoriteti kontraktues duhet të shfrytëzojë njërën

prej procedurave në vijim që zbatohen në përputhshmëri me nenet 30-36A dhe 68 të LPP-së:

1. Procedura e hapur;

2. Procedura e kufizuar;

3. Konkursi i projektimit.

4. Procedura e negociuar pas publikimit të njoftimit të kontratës;

5. Procedura e negociuar pa publikimin e njoftimit të kontratës;

6. Procedura për kuotimin e çmimeve;

7. Procedura për blerjen me vlerë minimale dhe kontratat për pasuri të paluajtshme;

Shënimi me numra i procedurave në bazë të kësaj liste do të jetë kodi për procedurën e

përdorur në “Numrin e Prokurimit” siç është e dhënë në nenin 8 të kësaj rregulloreje.

Neni 3 Deklarata e nevojave dhe përcaktimi i disponueshmërisë së mjeteve

3.1 Çdo aktivitet ose procedurë e veçantë e prokurimit duhet të paraprihet me përgatitjen e

deklaratës me shkrim të nevojave dhe të përcaktimit të disponueshmërisë së mjeteve, në

përputhje me nenin 8 të LPP-së, duke përdorur formularin standard B4 që është publikuar në

ueb-faqen e KRPP-së.

Neni 4 Realizimi i përgjithshëm i procedurave të prokurimit

4.1 Në zbatim të nenit 6. të LPP-së, autoritetet kontraktuese që realizojnë procedurat e

prokurimit janë të obliguar të ndërmarrin masat e arsyeshme dhe të nevojshme për të

siguruar trajtim të barabartë dhe jo-diskriminues mes operatorëve ekonomik të interesuar.


4.2 Gjatë kryerjes së procedurave të prokurimit, autoriteti kontraktues do të ketë obligimet në

vijim gjatë zbatimit të LPP-së, kësaj rregullore dhe të gjitha rregullat tjera të prokurimit

publik që janë në fuqi:

a) të luajë një rol aktiv në përcaktimin e kushteve të kontratës, veçanërisht për sa i përket

çmimeve, afateve të dërgesës, sasive, karakteristikave teknike dhe garancive;

b) sa më shumë që është e mundur nën këto rrethana t’i krahasojë kërkesat për pjesëmarrje

dhe tenderë në mënyrë të efektshme për të përcaktuar përparësitë dhe mangësitë e tyre

relative, dhe

c) të sigurojë se çmimi i kontraktuar nuk është më i lartë se sa çmimi përkatës i tregut.

4.3 Autoritetet kontraktuese nuk marrin përsipër asnjë përgjegjësi ndaj tenderuesve,

pjesëmarrësve apo kandidatëve që kanë marrë pjesë në një procedurë prokurimi, me

përjashtim të një vendimi të lëshuar në përputhje me neni 113.7 të LPP-së dhe që kanë të

bëjë me kompensimin ndaj parashtruesit të ankesës.

Neni 5 Shënimet përmbledhëse

5.1 Në zbatim të nenit 9 të LPP-së, autoritetet kontraktuese duhet të krijojnë dhe të mbajnë një

regjistër përmbledhës në lidhje me secilën procedurë të prokurimit, i cili përmban së paku

informacionin e përmenduar në nenin 9.2 të LPP , përfshirë dhe “Numrin e Prokurimit” siç

përcaktohet me nenin 8 të kësaj rregulloreje, orarin, hapat kryesor të progresit të procedurës,

dhe rezultatin e procedurës.

5.2 Autoriteti kontraktues do të hartojë një raport përmbledhës të konsoliduar vjetor për secilën

kontratë publike që është nënshkruar në vitin fiskal paraprak. Ky raport duhet të përgatitet

duke përdorur formularin standard B 27 dhe t’i dërgohet KRPP-së në formë elektronike

brënda 5 ditëve pas kërkesës me shkrim, por jo më vonë se me 31 janar të qdo viti fiskal.

Neni 6 Llogaritja e vlerës së parashikuar të kontratës publike

6.1 Në zbatim të neneve 15 deri 17 të LPP-së, vlera e kontratës publike e paraparë, duhet të

llogaritet para fillimit të procedurës së prokurimit. Llogaritja e kontratës së paraparë duhet

të jetë e arsyeshme dhe reale për sa i përket shfrytëzimit sa më efikas, leverdisë ekonomike,

transparencës dhe shfrytëzimit të drejtë të fondeve dhe të burimeve publike.

6.2 Gjatë llogaritjes së vlerës së kontratës, autoriteti kontraktues duhet të marrë parasysh:

- çmimet e publikuara nga Zyra e Statistikave e Kosovës dhe/ apo nga ndonjë tjetër

tregues zyrtar çmimesh ( siç janë zyra e taksave, zyra e doganave, oda ekonomike etj.

dhe/apo

- çmimet e tregut lokal ; dhe /apo

- çmimet e kontratave të mëparshme të nënshkruara nga kontraktuesi i njëjtë apo nga një

tjetër autoritet kontraktues dhe /apo

- çmimet ndërkombëtare të publikuara.


6.3 Në çdo rast, autoriteti kontraktues është përgjegjës për krahasimin e referencave të

lartshënuara, kurdo që ato ekzistojnë, me një analizë të kostos për specifikimet teknike të

mallrave, shërbimeve apo punëve që duhen prokuruar.

6.4 Në rast se kontratat përbëhen nga një sërë punësh, mallrash apo shërbimesh homogjene që i

shërbejnë një të njëjti qëllim dhe kur vlerat e kombinuara janë të atilla që vetëm pak nga

operatorët ekonomik do të ishin të gatshëm tì siguronin ato, kontrata mund të ndahet në

pjesë. Kjo praktikë mund të përdoret posaçërisht me qëllim inkurajimin e pjesëmarrjes së

bizneseve të vogla dhe të mesme, apo për të ulur shpenzimet e autoritetit kontraktues. Në

çdo rast, ndarja në pjesë nuk nënkupton ndarjen e vlerës së kontratës apo shmangie nga

pragu i vlerës, siç është përcaktuar në nenin 18 të LPP.

6.5 Në rast se kontratat publike që janë të një natyre të rregullt apo që parashikohet të përsëriten

brenda një periudhe të caktuar, përllogaritja e vlerës së parashikuar të kontratës do të

bazohet në nevojat e parapara të lëndës së kontratave të tilla për vitin fiskal apo për një

periudhë përkatëse dymbëdhjetë muajshe.

Neni 7 Klasifikimi i kontratës publike ose i konkursit të projektimit sipas vlerës së parashikuar

7.1 Në zbatim të nenit 18 të LPP-së, kodet në vijim duhet të shfrytëzohen për klasën e kontratës

publike të paraparë sipas vlerës së parashikuar, në “Numrin e Prokurimit” sic përcaktohet

në nenin 8 të këtyre rregullave:

1. Kontrata me vlerë të madhe,

2. Kontrata me vlerë të mesme,

3. Kontrata me vlerë të vogël,

4. Kontrata me vlerë minimale.

7.2 Gjatë klasifikimit të konkursit të projektimit sipas vlerës së parashikuar ose të llogaritur në

bazë të nenit 19 të LPP-së, kodet e përmendura në nenin 7.1 të kësaj rregulloreje do të

shfrytëzohen në mënyrë analoge me “Numrin e Prokurimit”, përveç kodit “4” që nuk është i

zbatueshëm për konkurset e projektimit.

Neni 8 Numri i Prokurimit

8.1 Çdo aktivitet i prokurimit duhet të kodohet nga autoriteti kontraktues me “Numër të

Prokurimit” për një identifikim të shpejtë dhe për aktivitete të monitorimit, për qëllime

statistikore, etj. Numri i Prokurimit, i krijuar përmes kësaj, përbëhet prej:

(i) Identifikimit të autoritetit kontraktues;

(ii) Identifikimit të vitit të prokurimit;

(iii) Numrit serial prej 3 shifrave, duke rifilluar me 1 secilin vit të prokurimit;

(iv) Kodit për llojin e prokurimit, shih nenin 8.2 të këtyre rregullave;

(v) Kodit për radhitjen e vlerës së parashikuar të kontratës së paraparë ose të konkursit të

projektimit, shih nenin 7 të kësaj rregulloreje;

(vi) Kodit për procedurën e shfrytëzuar, shih nenin 2.1 të kësaj rregulloreje.


Një përshkrim udhëzues mbi Numrin e Prokurimit është bashkëngjitur si Aneks I i kësaj

rregulloreje.

8.2 Në zbatim të nenit 4.1 të LPP-së, kodet për llojin e prokurimit që do të shfrytëzohen në

Numër të Prokurimit, shih nenin 8.1 (iv), të kësaj rregulloreje, janë si në vijim:

1. Furnizim;

2. Shërbime;

3. Shërbime këshilluese;

4. Konkursi i projektimit;

5. Punë;

6. Punë me koncesion;

7. Pronësi e paluajtshme;

Neni 9 Dosja e tenderit

9.1 Në zbatim të nenit 27 të LPP-së, autoriteti kontraktues duhet të hartojë dosjen e tenderit për

secilën kontratë të paraparë, përveç nëse kontrata është me vlerë minimale. Kur përdoret

konkursi i projektimit duhet të hartohet dosja e konkursit të projektimit. Dosjet e tenderit

dhe dosjet e konkursit të projektimit duhet të përgatiten me anë të shfrytëzimit të

formularëve standard përktës të cilët gjenden në pjesën B të rregullave të prokurimit.

9.2 Dosja e Tenderit ose Dosja e Konkursit të Projektimit me anekset e bashkëngjitur, janë

dokumentat e prokurimit ku mund të gjinden të gjitha informacionet përaktëse mbi kontratën

në fjalë nga operatoret ekonomik të interesuar (në procedurën e hapur) ose nga operatoret

ekonomik të përzgjedhur (në procedurat e kufizuara ose të negociuara dhe në procedurat e

kuotimit të çmimeve), të shprehura në mënyrë të qartë dhe të kuptueshme, në mënyrë që

operatorët ekonomik në fjalë të kenë mundësi të përgatisin tenderët e tyre pa informacione

shtesë. Dosja e tenderit duhet të sigurojë informacinin e duhur nëse ndonjë vizitë në terren

apo takim sqarues është planifikuar në pajtim me nenin 53 të LPP.

9.3 Në zbatim të nenit 12 të LPP-së, dosjet e tenderit ose dosjet e konkursit të projektimit për

kontrata me vlerë të madhe, duhet të përgatiten në gjuhët shqipe, serbe dhe angleze, ndërsa

për kontratat me vlerë të mesme dhe të vogël, në gjuhët shqipe dhe serbe, ndërkohë që një

version në gjuhën angleze mund të përgatitet nëse kështu vendos autoriteti kontraktues.

9.4 Në rast se specifikimet teknike dhe/ose informacionet tjera tregtare të përfshira në dosje të

tenderit ose në anekset e saj shprehen ne mënyrë më efikase vetëm të gjuhës angleze ose të

ndonjë gjuhe tjetër që përdoret në fushen tregtisë përkatëse, autoritetet kontraktuese nuk

kanë nevojë të përgatisin specifikimet e tilla dhe/ose informacionet në gjuhët shqipe dhe

serbe, me kusht që të mos krijohet asnjë diskriminim.

9.5 Zyrtari i prokurimit apo Departamenti i Prokurimit sipas nenit 21 të LPP është përgjegjës për

përgatitjen e dosjes së tenderit në pajtim me këtë rregullore dhe dispozitat e LPP. Ata janë

plotësisht përgjegjës për përgatitjen e dokumenteve të tenderit, kritereve të përzgjedhjes dhe

kritereve të dhënies së kontratës , kurse specifikimet teknike do të përgatiten nga struktura të

specializuara për lëndën që duhet prokuruar, përbrenda autoritetit kontraktues. Në rast të

kontratave komplekse apo specifike, autoriteti kontraktues mund të emërojë ekspertë të

jashtëm apo kontraktues, me qëllim që tì ndihmojnë njësisë gjatë hartimit të dosjes së


tenderit. Për përgatitjen e dosjes së tenderit, autoriteti kontraktues duhet ta përdorë formën

standarde të Dosjes së Tenderit.

9.6 Autoriteti kontraktues do të bëjë gjithnjë kopje të dosjes së tenderit, të cilat do tù dorëzohen

të gjithë operatorëve ekonomik në pajtim me nenin 46 të LPP. Kostot e riprodhimit të dosjes

së tenderit duhet të mbulohen nga operatori ekonomik dhe mblidhen gjatë lëshimit të

dosjeve të tenderit. Pagesa nuk do të jetë më e lartë se çmimi normal për fotokopjimin e

dokumenteve, duke marrë parasysh çmimin mesatar të tregut për një shërbim të tillë. Në

asnjë rrethanë një pagesë e tillë nuk mund të përdoret për të mbuluar shpenzime të tjera

administrative të bëra nga autoriteti kontraktues gjatë procedurave të dhënies së kontratës.

Neni 10 Specifikimet teknike

10.1 Në zbatim të nenit 28 të LPP-së, autoriteti kontraktues do të parashtrojë në dosjen e tenderit

dhe në njoftimin për kontratë të gjitha specifikimet teknike me të cilat duhet të jetë në

pajtueshmëri çdo tender. Specifikimet e tilla teknike duhet të përshkruajnë dhe të

përkufizojnë, në një mënyrë jo-diskriminuese, karakteristikat e detyrueshme të lëndës së

kontratës, siç janë cilësia, ekzekutimi, kërkesat e projektimit, dimensionet, siguria, sigurimi i

cilësisë, terminologjia, simbolet, testimi dhe metodat e testimit, paketimi, shënjimi dhe

etiketimi. Autoriteti kontraktues duhet të tregojë nëse specifikimet teknike të parashtruara

janë të detyrueshme apo janë kërkesa minimale.

10.2 Specifikimi teknik, për aq sa është e mundur, duhet të shënohet me referencë me një

standard të njohur gjerësisht, siç është e përshkruar në nenet 28.3 dhe 28.4 të LPP-së.

10.3 Specifikimet teknike mund të formulohen në lidhje me kërkesat e perfomancës ose të

funksionimit siç është përshkruar në nenin 28.5 të LPP-së.

10.4 Përgatitja e specifikimit teknik që i referohet një artikulli ose marke të veçantë, ose një

procesi të vecantë, apo markave tregtare, patentave apo një origjine të veçantë prodhimi,

është, sipas rregullit të përgjithshëm, e ndaluar sipas nenit 28.7 të LPP-së. Megjithatë, siç

është përshkruar në nenin 28.7 të LPP-së, referimi i tillë mund të shfrytëzohet

përjashtimisht, nëse referimi i tillë shoqërohet me fjalët “ose ekuivalent”.

Neni 11 Kriteret e përzgjedhjes

11.1 Në zbatim të nenit 49 të LPP-së, operatori ekonomik duhet të konsiderohet si i kualifikuar

për të marrë pjesë në procedurën e prokurimit nëse:

a) operatori ekonomik në fjalë dëshmon se është i përshtatshëm sipas nenit 61 të LPP-së

duke ofruar dëshmi të kërkuara nga autoriteti kontraktues në përputhje me nenin 11 të

këtyre rregullave, dhe

b) operatori ekonomik në fjalë, në rast se autoriteti kontraktues ka vendosur kërkesat

minimale të kualifikimit, plotëson kërkesat e tilla dhe e provon atë duke ofruar dëshmi

të kërkuara nga autoriteti kontraktues në përputhshmëri me nenet 62-65 të LPP-së.

11.2 Kriteret e pjesëmarrjes dhe kërkesat minimale për kualifikim së bashku karakterizohen si

“kritere të përzgjedhjes”. Kriteret e përzgjedhjes duhet të specifikohen në mënyrë të qartë në


Dosjen e Tenderit dhe në Njoftimin për Kontratë, si dhe të gjitha dokumentet ose

informacionet tjera të cilat kërkohen nga operatori ekonomik që t’i dorëzojë së bashku me

tenderin e tij në procedurën e hapur ose me kërkesën e tij për para-kualifikim në procedurën

e kufizuar ose të negociuar.

11.3 Gjatë përcaktimit të kërkesave minimale për kualifikim, autoriteti kontraktues duhet t’i

kushtojë vëmendje zhvillimit të operatorëve ekonomik të rinjë dhe të formulojë kërkesat për

kualifikime minimale, në mënyrë të tillë që nuk përjashton operatorët ekonomik të rinjë dhe

të sapo krijuar të cilët zotërojnë në një shkallë të kënaqshme mundësitë ekonomike,

financiare dhe/ose teknike . “Një shkallë e kënaqshme” duhet të kuptohet si e lidhur me:

i. vlerën e parashikuar të kontratës, dhe

ii. shfrytëzimin e drejtë të fondeve publike.

Sigurimi i tenderit dhe/ose i ekzekutimit sidomos mund të shfrytëzohen si instrumente për të

siguruar përmbushjen e duhur të kontratës.

11.4 Në zabtim të nenit 66.1 të LPP-së, tenderi mund të dorëzohet nga një grup i operatorëve

ekonomik. Para dorëzimit të tenderit apo kërkesës për pjesëmarrje, grupi duhet të bëjë një

“marrëveshje mbi themelimin e grupit”, në të cilën do të saktësohen qartë përfaqësuesi i

grupit, përqindja e pjesëmarrjes apo puna/shërbimi konkret që duhet ta bëjë secili anëtar,

autorizimi/fuqia e përfaqësimit në dorëzimin e tenderit dhe eventualisht për të nënshkruar

kontratën.

11.5 Grupit nuk do tù kërkohet të marrin një formë të vecantë ligjore për të dorëzuar tenderin;

megjithatë, nga grupi i përzgjedhur mund të kërkohet të bëjë kështu pasi që i është dhënë

kontrata përkatëse, deri në atë nivel sa kërkesa e tillë është e nevojshme për një ekzekutim të

kënaqshëm të kontratës. Në rast të tillë, marrja e një forme të veçantë ligjore duhet të jetë

parakusht për nënshkrimin e kontratës.

11.6 Çdo operator ekonomik i këtij grupi duhet tì plotësojë kërkesat ligjore që dalin nga nenet

61 dhe 62 të LPP. Kërkesat që dalin nga neni 63 dhe 64 duhet të plotësohen nga grupi në

tërësi që nënkuptohet nga çdo anëtar sipas aktivitetit që do të ekzekutojnë në pajtim me

marrëveshjen mbi themelimin e grupit.

11.7 Operatorëve ekonomik nuk u lejohet të paraqesin tender edhe individualisht edhe si anëtar

të një “grupi” njëkohësisht në një aktivitet prokurimi. Grupi i operatorëve ekonomik nuk do

të ndryshohet pas dorëzimit të tenderit. Përndryshe, tenderi duhet të refuzohet.

11.8 Gjatë ekzekutimit të kontratës, në rast falimentimi të përfaqësuesit të grupit apo rrethanash

tjera të ndërprerjes së aktivitetit të tij, autoriteti kontraktues mund ta vazhdojë kontratën me

ndonjë operator tjetër të mandatuar si përfaqësues, pas propozimit të anëtarëve jo-

përfaqësues, me kusht që ai të ketë aftësitë ligjore, ekonomike, financiare dhe teknike për ta

ekzekutuar kontratën. Përndryshe, autoriteti kontraktues mund të tërhiqet nga kontrata. Në

rastet kur këto rrethana aplikohen në një anëtar jo-përfaqësues të grupit, nëse përfaqësuesi i

grupit nuk paraqet zëvendësim, detyrat e operatorit të dështuar ekonomik mund të kryhen

vetëm nga përfaqësuesi, apo nga ndonjë anëtar tjetër i grupit, me kusht që ata tì përmbushin

kërkesat e nevojshme.

Neni 12 Dëshmitë e dokumentuara të përshtatshmërisë


12.1 Autoriteti kontraktues do t’i pranojë si dëshmi të mjaftueshme që asnjëri prej rasteve të

specifikuara në nenin 61 të LPP-së nuk aplikohet për operatorët ekonomik që marrin pjesë

në aktivitetin e prokurimit ose në ekzekutimin e cilësdo kontratë publike, si më poshtë:

a) për sa i përket nenit 61.1 (a) dhe (b) të LPP-së, Deklaratën nën Betim të nënshkruar

nga operatori ekonomik përkatës;

b) për sa i përket neneve 61.2 (a), (c), (d) dhe (e) dhe nenit 61.3 (a), (b) dhe (d) të LPP-së,

një ekstrakt nga “regjistri gjyqësor” ose, nëse kjo nuk është e mundur, një dokument

ekuivalent i lëshuar nga autoriteti kompetent gjyqësor ose administrativ në vendin e

themelimit të operatorit ekonomik;

c) për sa i përket nenit 61.3 (h) për sigurimet sociale dhe (i) të LPP-së, një certifikatë e

lëshuar nga autoriteti kompetent i vendit të themelimit të operatorit ekonomik;

d) për sa i përket nenit 61.3 (j) një certifikatë e lëshuar nga Organi Shqyutues i

Prokurimit. OSHP-ja obligohet që të përpiloj një listë për të gjithë ata operatorë

ekonomik të cilët ende nuk janë pajtuar me një vendim të lëshuar nga OSHP-ja dhe ta

publikojë në ueb-faqe.

Dëshmit lidhur me kërkesat e nenit 63 (h) dhe (k), mund të kërkohen nga tenderuesi ose

kandidati të cilit autoriteti kontraktues synon t’ia japë kontratën. Këto dokumente duhet të

paraqiten nga ana e kandidatit ose tenderuesit para dhënies së kontratës. Në mungesë të

njërës nga këto dokumente, kontrata nuk do t’i ipet.

e) Me qëllim që të demonstrohet se s`ka parregullsi në pagesat e faturave të parapara në

nenin 61.3(h), nga tenderuesi do të kërkohet që të paraqesë këto në vijim në emër të

tenderuesit apo, atje ku tenderuesi është me qira, në emër të pronarit (së bashku me

një kopje të dokumentit të qiradhënies apo një ekstrakti përkatës):

i) kopjen më të re të faturës së ujit;

ii) kopjen më të re të faturës së mbeturinave;

iii) kopjen më të re të KEK-ut apo kopjen e “kartelës” nga KEK;

iv) kopjen më të re të faturës për ngrohje të lagjes (kur tenderuesi është banor i një

vendi ku ka ngrohje të lagjes)

Pamvarësisht sa më sipër, autoriteti kontraktor mund të pranojë cdo dëshmi që konfirmon

pagesën e ujit, energjisë, gazit apo ngrohjes ndaj një operatori publik në Kosovë.

ë) për sa i përket dispozitave tjera të parashtruara në nenin 61 të LPP-së, si dhe në rastin kur

lëshimi i dokumenteve ose i certifikatave të përmendura në këtë nen 12.1, a), b) dhe c) nuk

është i arritshëm për arsye objektive, ose kur dokumentet nuk i mbulojnë të gjitha rastet për

të cilat lëshohet dëshmi, një Deklaratë nën Betim e nënshkruar nga operatori ekonomik

mund të pranohet si dëshmi e mjaftueshme.

12.2 Në të gjitha rastet, operatorit ekonomik të paraqitur do t’i kërkohet që të pranojë mundësinë

e vendosjes së sanksioneve penale dhe civile, të dënimeve dhe gjobave, nëse ai operator

ekonomik, me dashje ose nga pakujdesia, ka paraqitur çfarëdo dokumenti, deklarate ose

formulari që përmban informata të rreme apo keqëinformuese.


Neni 13 Dëshmitë e dokumentuara të përshtatshmërisë profesionale

Në rast se autoriteti kontraktues kërkon nga operatorët ekonomik që të dorëzojnë dëshmi të

dokumentuara të përshtatshmërisë profesionale siç përmendet në nenin 62 të LPP-së, operatori

ekonomik do të paraqesë një kopje të certifikatës të vërtetuar nga organi kompetent administrativ,

përgjegjës për vërtetimin e përshtatshmërisë profesionale apo licencave. Dispozitat e nenit 12.2 të

kësaj regulloreje janë njësoj të zbatueshme.

Neni 14 Dëshmitë e dokumentuara të aftësisë teknike

Nëse, për ndonjë arsye me bazë, operatori ekonomik nuk është në gjendje t’i sigurojë referencat e

kërkuara nga autoriteti kontraktues sipas nenit 64 të LPP-së, operatori ekonomik në fjalë mund të

lejohet të demonstrojë aftësitë e tij teknike dhe/ose profesionale me anë të çdo dokumenti tjetër të

cilin autoriteti kontraktues, duke siguruar konkurrencën dhe trajtimin e barabartë të operatorëve

ekonomik të sapo-krijuar, e konsideron si të përshtatshëm. Në mënyrë alternative autoriteti

kontraktues mund të kërkojë listat e referencave të projekteve dhe detajet nga personi kontaktues

dhe tì verifikojë referencat nëse e gjykon të arsyeshme.

Neni 15 Instrumentet e pranueshme për sigurinë e tenderit

15.1 Në përputhje me nenit 55 të LPP-së, dhe për qëllim të zbatimit të LPP-së dhe të kësaj

rregulloreje, zbatohen përkufizimet në vijim:

(i) banka e “klasit të parë” nënkupton bankën që është të paktën në nivelin “A” për një

kohë të gjatë sipas një ose më shumë agjencive udhëheqëse vlerësuese, apo në rast se

është fjala për një bankë në Kosovë, një bankë që është e licencuar nga ana e

Autoriteti Qendror Bankar i Kosovës.

(ii) kompani e “mirënjohur” e sigurimit nënkupton një kompani të paktën në nivelin

“A” sipas një ose më shumë agjencive udhëheqëse vlerësuese, apo në rast se është

fjala për një kompani sigurimesh në Kosovë, një kompani që është e licencuar nga

ana e Autoriteti Qendror Bankar i Kosovës.

15.2 Në zbatim të nenit 55.5 të LPP-së, autoriteti kontraktues, në rast se kërkohet sigurimi i

tenderit, duhet të përcaktojë në dosjen e tenderit se, nëse sigurimi i tenderit depozitohet në

formë të një çeku të çertifikuar, letër krediti ose të garancionit bankar, lëshuesi i

dokumenteve në fjalë duhet të përmbushë kërkesat minimale të kualifikimit në vijim:

a) në rast se sigurimi i tenderit dorëzohet në formë të një çeku të certifikuar, duhet të

certifikohet nga banka e klasit të parë;

b) në rast se sigurimi i tenderit dorëzohet në formë të një bondi të sigurisë, duhet të jetë i

pagueshëm pas paraqitjes së kërkesës, dhe të lëshohet nga një kompani e mirënjohur e

sigurimit;

c) në rast se sigurimi i tenderit është dorëzuar në formë të kreditit, duhet të jetë e hapur

dhe pakushtëzuar, dhe e konfirmuar nga një bankë e klasit të parë;


d) në rast se sigurimi i tenderit është dorëzuar në formë të garancisë bankare, duhet të jetë

garanci e pakushtëzuar dhe e lëshuar nga një bankë e klasit të parë.

15.3 Në çdo rast , kërkesat e kualifikimit për lëshuesit e tillë, të parashtruara në dosje të tenderit,

nuk duhet të kërkojnë nga lëshuesi të ushtrojë aktivitetin në një vendodhje të veçantë, duhet

të jenë jo-diskriminuese dhe të kufizuara në kërkesat që lidhen drejtpërdrejtë me sigurimin e

stabilitetit dhe të besueshmërisë financiare të lëshuesve të tillë.

15.4 Në zbatim të paragrafëve të lartshënuar fjala “i pakushtëzuar” ka domethënien se nuk duhet

të ketë kushte apo kërkesa për përfshirjen e dëshmive në sigurinë e tenderit, përveç kërkesës

që autoriteti kontraktues të lëshojë një dokument në lidhje me shkeljet e rregullave të

tenderit që kanë ndodhur. Si rrjedhim nuk është e nevojshme që autoriteti kontraktues ta

provojë shkeljen.

Neni 16

Instrumentet e pranueshme për sigurinë e ekzekutimit

Në rast se siguria e ekzekutimit është depozituar në zbatim të nenit 60.6 të LPP-së në formë të një

çeku të çertifikuar, të një letër krediti ose garancie bankare, autoriteti kontraktues duhet të

specifikojë në dosje të tenderit se lëshuesi i instrumenteve të tilla duhet të plotësojë kërkesat

përkatëse minimale të kualifikimit siç jepen në nenin 15.2 të kësaj rregulloreje, duke marrë

parasysh, megjithatë, se kërkesat e tilla nuk duhet të kërkojnë nga lëshuesi që vendi i biznesit të tij

të jetë në një vendndodhje të veçantë, as të aplikojnë ndonjë ligj të veçantë.

Neni 17 Konfiskimi i sigurisë së ekzekutimit

17.1 Në zbatim të nenit 60 të LPP-së,siguria e ekzekutimit e depozituar nga tenderuesi fitues do

të konfiskohet në rast se:

a) shkelet kontrata e nënshkruar, gjë e cila i shkakton humbje materiale autoritetit kontraktues

dhe/apo kërkon nga autoriteti kontraktues që të bëjë shpenzime materiale për mbylljen e

kontratës në fjalë;

b) shkelet kontrata e nënshkruar dhe mbesin pa u paguar shumë punëtor, nënkontraktorë

dhe/ose furnizues të mallrave; dhe

c) Autoriteti kontraktues pasi të jetë akorduar me nenin 59 të ligjit, ka mjaft arsye për të besuar

se operatori ekonomik ka dorëzuar tender të pa zbatueshëm.

17.2 Konfiskimi i sigurisë së ekzekutimit, nuk e ndalon autoritetin kontraktues të kërkojë

zhdëmtimin shtesë që rrjedhin nga kontrata dhe, po ashtu, nëse siguria e ekzekutimit është

me vlerë më të lartë se dëmet nga shkelja, autoriteti kontraktues duhet t’i rikthejë

diferencën.

Neni 18

Formulari i tenderit dhe dorëzimi


18.1 Në zbatim të neneve 27 dhe 56 të LPP-së, autoritetet kontraktuese duhet të specifikojnë në

dosjen e tenderit formularin e tenderit, i cili duhet të plotësohet dhe të nënshkruhet nga

tenderuesit. Formulari i tenderit në fjalë duhet të përmbajë:

a. Identifikimin e operatorit ekonomik,

b. Deklaratën(at) e tenderuesit

c. Listën e dokumenteve të kërkuara,

d. Specifikimet e çmimit të tenderit.

18.2 Tenderi duke përfshirë të gjitha anekset e tij duhet t’i dorëzohet autoritetit kontraktues në një

ekzemplar origjinal dhe në numrin e kopjeve të cilin autoriteti kontraktues e ka përcaktuar

në mënyrë të qartë në dosje të tenderit. Tenderi origjinal si dhe të gjitha kopjet duhet të

nënshkruhen nga tenderuesi. Njëra nga kopjet e dorëzuara duhet të mbahet e pahapur nga

autoriteti kontraktues si dëshmi në rast të dyshimit mbi përmbajtjen e tenderit.

18.3 Duke iu nënshtruar dispozitave të neneve 31-35 të kësaj rregulloreje, që kanë të bëjnë me

procedurën e kufizuar, tenderuesi duhet ta mbyllë tenderin origjinal dhe secilën kopje, në

zarfe të veçantë, si dhe duhet t’i shënojë zarfet në mënyrë të qartë si “Origjinal” dhe

“Kopje”. Në pjesën e përparme të secilit nga zarfet e tillë, duhet të shtohet saktësisht dhe

asgjë tjetër përveç (i) Numrit të Prokurimit siç është i cekur në dosje të tenderit dhe (ii)

emrit dhe adresës së tenderuesit. Zarfet pastaj duhet të mbyllen në një zarf të jashtëm të

shënuar me Numrin e Prokurimit dhe vërejtjen që zarfi nuk mund të hapet para datës dhe

orës që është dhënë për hapjen e tenderëve.

18.4 Rregullat mbi formën dhe dorëzimin e projekteve në konkurs projektimi janë dhënë në nenin

52 të kësaj rregulloreje.

Neni 19 Vlefshmëria e tenderit

19.1 Autoritetet kontraktuese duhet të cekin në dosjen e tenderit periudhën e vlefshmërisë së

tenderit të kërkuar dhe të specifikuar si numër i ditëve kalendarike nga afati i fundit për

dorëzimin e tenderëve. Periudha e vlefshmërisë së tenderit e kërkuar nuk duhet të jetë më e

gjatë se sa është e nevojshme, si dhe duhet të jetë mjaft e gjatë në mënyrë që autoritetet

kontraktuese t’i vlerësojnë tenderët e pranuar dhe të japin dhe nënshkruajnë kontratën.

19.2 Kur periudha e vlefshmërisë së tenderit skadon, atëherë autoriteti kontraktues, nëse kontrata

nuk është nënshkruar ende, do tì japë tenderuesve mundësinë për ta ripërtërirë vlefshmërinë

e tenderit të tyre. Dështimi në ripërtëritje do ta bëjë atë tender “të papërgjegjshëm” për

qëllim të vlerësimit se sa tenderë të përgjegjshëm kane mbetur.

19.3 Për periudhën e vlefshmërisë së tenderit do të kërkohen minimum 90 ditë kalendarike për

kontratat me vlerë të madhe dhe minimum 60 ditë kalendarike për kontratat me vlerë të

mesme.

Neni 20 Caktimi i Komisionit për vlerësimin e tenderëve

20.1 Duke iu referuar neneve 22 dhe 24 të LPP-së, dhe për procedurat e përmendura në nenin 2.1

të kësaj rregulloreje, nr. 1 deri 7, autoriteti kontraktues në bashkëpunim me Departamentin


e Prokurimit duhet të caktoj një komision për vlerësimin e tenderëve (në vazhdim të quajtur

komisioni) me funksione vetëm këshilluese për zyrtarin e prokurimit.

20.2 Në rast se komisioni për vlerësimin e tenderëve është caktuar në bazë të nenit 20.1 të kësaj

rregulloreje, parimet në vijim duhet të krijojnë bazën për caktimin dhe për funksionimin e

atij komisioni:

a. Anëtarët e komisionit duhet të përmbushin kërkesat në lidhje me përshtatshmërinë siç

është e specifikuar për anëtarët e personelit të Departamentit të Prokurimit në nenin

21.3 të LPP-së, dhe duhet të nënshkruajnë një deklaratë me shkrim siç është e

përshkruar në nenin 21.4 të LPP-së.

b. Të gjithë anëtarët e komisionit i nënshtrohen plotësisht dispozitave të nenit 10 të LPP-

së në lidhje me mbrojtjen e informatave sekrete afariste.

c. Autoriteti kontraktues do të caktojë, nga radhët e anëtarëve të komisionit, një kryesues

të komisionit që e drejton punën e tij dhe siguron që të ketë pajtueshmëri me dispozitat

e LPP-së dhe me Rregulloren e Prokurimit Publik. Komisioni do të përbëhet nga më

së paku (3) persona dhe numri do të jetë gjithnjë tek.

d. Vendimi mbi caktimin e komisionit, do të paraqesë qartë detyrat që duhet të

ekzekutohen nga komisioni, i cili në asnjë rast nuk e kufizon pavarësinë e procesit të

vendimmarrjes.

e. Komisioni do të funksionojë nga dita e miratimit të vendimit lidhur me themelimin e

tij deri në plotësimin e të gjitha detyrave të dhëna nga autoriteti kontraktues me

shkrim, ose derisa të mund të merret vendimi për ndërprerjen e procedurës së

prokurimit. Në rast se një apo më shumë anëtarë të komisionit nuk janë në gjendje të

marrin pjesë në takimin e komisionit, për shkaqe e rrethana objektive, ata do të

zëvendësohen në të njëjtën mënyrë sikur edhe janë caktuar.

f. Komisioni do të marrë vendimet e tij në takime me votë të thjeshtë të shumicës, me

votim të hapur. Procesi i votimit do të regjistrohet në procesverbal.

g. Autoriteti kontraktues do të ketë të drejtë të ftojë, vetë ose me iniciativën e komisionit,

ekspertë të jashtëm atëherë kur kërkohen njohuri teknike ose të specializuara për

lëndën e prokurimit dhe që përndryshe nuk gjenden brenda autoritetit kontraktues.

Ekspertët e tillë duhet të pranojnë me shkrim që në mënyrë të prerë i nënshtrohen

dispozitave të nenit 10 të LPP në lidhje me mbrojtjen e informatave sekrete afariste.

h. Në përfundim të detyrës së tij, Komisioni do t’i japë zyrtarit të prokurimit një

rekomandim bashkë me një raport për punën e tij dhe një deklaratë me arsyet që e

mbështesin atë rekomandim.

i. Vendimi final për dhënien e kontratës mbetet përgjegjësi e zyrtarit të prokurimit.

Zyrtari i prokurimit mund ta pranojë ose ta refuzojë rekomandimin e komisionit. Në

rast se refuzohet rekomandimi i komisionit, zyrtari i prokurimit do t’i shpjegojë arsyet

me shkrim. Ky shpjegim do të jetë pjesë e regjistrit të aktiviteteve të prokurimit.


Neni 21 Përfundimi i procedurës së prokurimit

21.1 Në rast se procedura e prokurimit është iniciuar me publikimin e njoftimit për kontratë ose

njoftimit për konkursin e projektimit, ajo përfundon:

a. Në datën e publikimit të Njoftimit për dhënien e Kontratës, ose Njoftimit mbi

rezultatet e Konkursit të Projektimit; dhe

b. Me anulimin e Procdurës së Prokurimit.

Procedura e Prokurimit anulohet për një nga arsyet në vijim:

(i) Nuk është dorëzuar asnjë tender brenda afatit të përcaktuar;

(ii) Asnjë nga tenderët e pranuar nuk është i përgjegjshëm;

(iii) Të gjithë tenderët e pergjegjshëm japin çmime që tejkalojnë në mënyrë të

konsiderueshme buxhetin e Autoritetit Kontraktues;

(iv) Numri i tenderëve të përgjegjshëm të pranuar është më pak se tre (3);

(v) Nuk është pranuar brenda afatit të përcaktuar asnjë kërkesë për të marrë pjesë

në procedurat e kufizuara ose të negociuara;

(vi) Numri i kandidatëve të kualifikuar në procedurat e kufizuara ose të negociuara

është më i vogël se tre (3);

(vii) Nuk është dorëzuar asnjë projekt brenda afatit të përcaktuar ose numri i

projekteve të dorëzuara në konkurs projektimi është më i vogël tre (3);

(viii) Asnjë nga projektet e pranuara në konkurs projektimi nuk është i përgjegjshëm;

c. Procedura e dhënies anulohet për arsye tjera të dukshme që janë jashtë kontrollit të

autoritetit kontraktues dhe të paparashikushme në kohën e fillimit të procedurës së

prokurimit.

21.2 Pamvarësisht nga dispozita 21.1.b (iv), procesi i prokurimit mund të vazhdojë nëse janë të

aplikueshme rrethanat nga neni 30A5 i LPP.

21.3 Kur procedura e prokurimit anulohet pa dhënie të kontratës ose vendim të rezultatit të

konkursit të projektimit, njoftimi i anulimit do të publikohet duke përdorur njoftimin

standard të anulimit B20. Publikimi do të bëhet në të njëjtën mënyrë si në rastin kur

publikohet njoftimi i kontratës ose i konkursit të projektimit në fjalë.

21.4 Në rast anulimi për rethanat dhe shkaqet e parashikuara në këtë nen, autoritetet

kontraktuese nuk marrin përsipër asnjë përgjegjësi ndaj tenderuesve, pjesëmarrësve apo

kandidatëve që kanë marrë pjesë në një procedurë prokurimi, dhe që rrjedhin nga zbatimi i

nenit 101.2 të LPP në lidhje më kompesimin e ankuesit.

21.5 Kur Procedura e prokurimit anulohet për njërën nga arsyet e cekura më lartë, autoriteti

kontraktues nëse ende dëshiron të ushtrojë aktivitetin përkatës të prokurimit, mund të fillojë

procedurën e prokurimit duke mos e ndrruar numrin serik të prokurimit, por duke e

identifikuar me “Ri-tender” në Formularin Standard “Njoftimi për Kontratë”. Fjala “Ri-

tender” duhet të shënohet menjëherë pas titullit “Njoftimi për Kontratë”.


Neni 22 Përdorimi i detyrueshëm i formularëve standard

Në zbatim të nenit 87A.1 të këtij ligji, autoritetet kontraktuese duhet të përgatisin dokumentet e tyre

të prokurimit duke përdorur formularët përkatës standard që mund të gjenden në pjesën B të

rregullave për prokurimin publik të publikuara në faqen e internetit të KRPP-së:

www.ks-gov.net/krpp. “Përdorimi i formularëve standard” këtu do të thotë; që dokumentet e prokurimit do të përmbajnë së

paku të gjitha informatat, kërkesat, specifikimet dhe kushtet e dhëna në formularët standard si

informata të obligueshme, si dhe në përgjithësi të duken të qarta dhe të kuptueshme për operatorët e

interesuar ekonomik.

TITULLI II PROCESI I REALIZIMIT TË PROCEDURAVE

Kreu 1

Procedura e hapur

Neni 23 Fazat e procedurës.

Procedura e hapur do të realizohet sipas nenit 30 të LPP dhe sipas fazave që jepen në nenet 24-30 të

kësaj rregulloreje.

Neni 24 Publikimi i Njoftimit për Kontratë

24.1 Procedura e hapur iniciohet me publikimin e Njoftimit për Kontratë që përgatitet sipas nenit

38 të LPP. Njoftimi i tillë i kontratës përgatitet duke përdorur formularin standard B12.

24.2 Autoriteti kontraktues mund të bëjë procedurë të shpejtuar nëse janë krijuar rrethanat e

dhëna në nenet 44.1 dhe 44.2 të LPP. Rrethanat duhet të arsyetohen me shkrim.

24.3 Mënyrat e Publikimit në kuptim të nenit 40 të LPP janë si më poshtë:

a. Dorëzimin e menjëhershëm të versioneve në të gjitha gjuhët e njoftimit të plotë të kontratës

në KRPP me qëllim të publikimit të tyre në ueb-faqen e KRPP-së, dhe

b. Publikimi brenda 3 ditëve të punës pas dorëzimit në KRPP, siç është paraparë në paragrafin

(a) më sipër, të një versioni përmbledhës të njoftimit të kontratës në gazeta sipas nenit 40.3

të LPP.

24.4 Publikimi i versionit në gjuhën shqipe dhe serbe të njoftimit të kontratës në gazeta siç është

përmendur në paragrafin (b) me sipër do të ndodhë për aq sa është e mundur në të njëjtën

ditë, ose në rast se publikimi përsëritet, në datat e njëjta. Data e publikimit sipas nenit 4.1 të

LPP do të thotë data në të cilën njoftimi i tillë i kontratës do të publikohet për herë të parë

siç kërkohet në paragrafin (b) më sipër. Nëse një njoftim shtesë është publikuar në ndonjë

ueb-faqe ndërkombëtare, atëherë data e tij duhet të jetë sa më e përafërt me datat e

mëparshme, duke e pranuar se e njëjta datë e saktë mund të mos jetë e mundur në gazetat

ditore.


24.5 Versionet gjuhësore të Njoftimit për Kontratë duhet të përmbajnë materialisht informata

identike.

24.6 Në njoftimin e kontratës do të specifikohet limiti kohor për parashtrim të kërkesës për dosje

të tenderit nga operatorët ekonomik të interesuar. autoriteti kontraktues do të vendosë një

limit kohor për kërkesën e tillë, i cili:

a. i mundëson operatorëve ekonomik të interesuar një periudhë të mjaftueshme kohore për

të përgatitur dhe për të dërguar kërkesën e tyre, dhe gjithashtu

b. u jep operatorëve ekonomik të interesuar kohë të mjaftueshme për të përgatitur dhe

dorëzuar tenderët e tyre.

Nëse autoriteti kontraktues e cakton afatin e fundit për kërkesë të dosjes së tenderit në datën

kur operatorët ekonomik mund ta marrin dosjen e tenderit ose më vonë se sa data e fundit

për kërkesë për informata plotësuese apo për sqarime, në dosjen e tenderit do të shtohet që:

“operatorët ekonomik duhet të jenë në dijeni që parashtrimi i vonuar i kërkesës për dosje të

tenderit mund të shkaktojë pengesë për kërkesat apo informata plotësuese ose sqarime”.

24.7 Në Njoftimin për Kontratë, nëse kërkohet, do të shënohet ndonjë tarifë që duhet ta paguajnë

operatorët ekonomik, për te mbuluar shpenzimet e shumëzimit te Dosjes se Tenderit.

Neni 25 Dorëzimi i Dosjes së Tenderit

25.1 Dosja e Tenderit do të dërgohet ose të dorëzohet te operatorët ekonomik që e parashtrojnë

kërkesën në pajtim me nenin 46 të LPP. Autoriteti kontraktues do të formojë një “regjistër të

kërkesave për dosje tenderi” dhe të shënojë në atë listë emrat e operatorëve ekonomik që

kanë parashtruar kërkesë, datën e pranimit të kërkesave dhe datën e dërgimit ose të

dorëzimit të dosjes së tenderit. Për këtë qëllim do të përdoret formulari standard B25.

25.2 Dorëzimi i Dosjes së Tenderit mund të bëhet me mjete elektronike gjithashtu. Në rast se

përdoren mjetet elektronike, duhet të konfirmohet nga marrësi brenda 24 orëve, përndryshe

dorëzimi dosjes duhet të kryhet me metodën e zakonshme dhe brënda afateve të përcaktuara

në nenin 46 të LPP.

Neni 26 Informata plotësuese ose sqarime

26.1 Në rastin kur operatori ekonomik, pasi që ka marrë dosjen e tenderit, ka nevojë për

informata plotësuese ose për sqarime lidhur me elemente të caktuara të dosjes së tenderit në

mënyrë që të përgatisë ose të dorëzojë një tender të përgjegjshëm, kërkesa për ato informata

duhet të dorëzohet te autoriteti kontraktues brenda afatit kohor të specifikuar në dosjen e

tenderit sipas nenit 51 të LPP. Autoriteti kontraktues mund të refuzojë kërkesat për

informata të tilla që dorëzohen pas skadimit të afatit të fundit. Formulari standard për këtë

kërkesë është përfshirë në Anekset e dosjes së tenderit.

26.2 Autoriteti kontraktues, pas pranimit të kërkesës së përmendur në nenin 26.1 të kësaj

rregulloreje, menjëherë do ta shqyrtojë atë kërkesë dhe të veprojë në pajtim me dispozitat e

neneve 51.4 deri në 51.6 të LPP. Nëse është e nevojshme sipas nenit 51.7 të LPP, afati i


fundit për pranimin e tenderëve do të zgjatet, dhe do të vendoset një datë dhe orë tjetër për

hapjen e tenderëve sipas nenit 56.1 të LPP.

Neni 27 Pranimi i tenderëve

27.1 Menjëherë pas pranimit të zarfeve që përmbajnë tenderët e dorëzuar, autoriteti kontraktues

do t’i shënojë zarfet e jashtëm të mbyllur me numër serial si dhe datën dhe orën e pranimit.

Nëse një tender dorëzohet personalisht, autoriteti kontraktues do t’i lëshojë dërguesit një

dëftesë të dorëzimit me numrin, datën dhe orën.

27.2 Informatat mbi numrin, datën, orën dhe identitetin e zyrtarit pranues si dhe të dërguesit të

zarfit, për tenderët e pranuar brenda afatit, do të regjistrohen në një “Regjistër të dorëzimit të

tenderëve” duke përdorë formularin standard B26.

27.3 Në rast se tenderët i dorëzohen autoritetit kontraktues pas skadimit të limitit kohor për

dorëzimin e tenderëve, atëherë pranimi i tenderëve të tillë do të refuzohet ose zarfet e

pranuar do të mbeten të mbyllur me qëllim që t’i kthehen menjëherë dërguesit. Do të

formohet një “Regjistër i tenderëve të dorëzuar vonë” i ngjashëm me “Regjistrin e tenderëve

të dorëzuar” të përmendur në nenin 27.2 të kësaj rregulloreje.

Neni 28 Hapja e tenderëve

28.1 Në pajtim me nenin 56 të LPP, zyrtari i prokurimit mund të caktojë një komision për hapjen

e tenderëve të pranuar me kohë, në vendin dhe kohën e caktuar në njoftimin e kontratës dhe

në dosjen e tenderit, apo, po qe e aplikueshme, në dokumentin që zgjatë afatin kohor siç

është përmendur në nenin 26.2 të kësaj Rregulloreje. Tenderët do të hapen publikisht ndërsa

secili tenderues do të ketë të drejtë të ketë një përfaqësues të pranishëm për të vëzhguar

hapjen e tenderëve.

28.2 Gjatë hapjes së çdo tenderi, zyrtari i prokurimit, në pajtim me nenin 56.3 të LPP, ose

komisioni i hapjes nëse caktohet do të lexojë me zë, për ata që janë të pranishëm:

(i) emrin e tenderuesit në fjalë;

(ii) çmimin total të çmimit të tenderit të specifikuar në atë tender, dhe

(iii) ndonjë zbritje që ofrohet në tender.

Çmimi total nuk do të lexohet atëherë kur dokumenti në fjalë është vetëm komponentë

teknike e propozimit të një tenderi dypjesësh.

28.3 Pas komunikimit të informacionit të dhënë në nenin 28.2 të kësaj rregulloreje, dokumentet e

tenderit do të administrohen nga zyrtari i prokurimit dhe/ose komisioni i hapjes nëse

caktohet. Të gjitha informatat e lexuara në takimin e hapjes së tenderëve menjëherë do të

regjistrohen në “Procesverbalin e hapjes së tenderëve”, të përgatitur duke përdorur

formularin standard B23. Autoriteti Kontraktues do të vazhdojë me procesverbalin siç është

dhënë në nenin 56.3 të LPP.

28.4 Me përjashtim të informatave të lexuara, përmbajtja e tenderit do të jetë informatë sekrete

afariste sipas nenit 10.2 të LPP.


28.5 Në rast se autoriteti kontraktues ka pranuar brenda afatit më pak se 3 tenderë, ai do të

vendosë:

a. ose ta anulojë procedurën në pajtim me nenin 30.A4 të LPP dhe tì kthejë tenderët e pranuar

të pahapur, me shpjegimin se janë pranuar më pak se 3 tenderë,

b. ose, në rast se autoriteti kontraktues e sheh të arsyeshme në përputhje me nenit 30.A 5 të

LPP, të vazhdojë me tenderët e pranuar dhe të kërkojë autorizim nga APP për të vazhduar

me procedurën.

28.6 Në rast se vendoset të anulohet procedura, menjëherë do të përgatitet një njoftim i anulimit

sipas nenit 21.2 të kësaj rregulloreje dhe do të publikohet siç parashihet në nenet 24.3 – 24.5

të kësaj rregulloreje.

Neni 29 Procedura e kontrollimit, vlerësimit dhe krahasimit të tenderëve

29.1 Në pajtim me nenin 58.3 të LPP, procedura që rrjedh nga nenet 29.3-29.13 të kësaj

rregulloreje, do të zbatohet për kontrollimin, vlerësimin dhe krahasimin e tenderëve.

Formularët standard për vlerësim, do të përdoren siç është përcaktuar në nenin 29 si më

poshtë.

29.2 Për qëllim të zbatimit të dispozitave të LPP dhe të kësaj rregulloreje lidhur me konformitetin

dhe përgjegjshmërinë e tenderëve, devijime “materiale” nga kërkesat dhe specifikimet, ose

kufizime ndaj kërkesave dhe specifikimeve të parashikuara në njoftimet e kontratës dhe/ose

dosjet e tenderit janë ato të cilat:

(i) dallojnë në mënyrë thelbësore nga kushtet dhe specifikimet e dosjes së tenderit;

(ii) ndikojnë në fushëveprimin, cilësinë ose ekzekutimin e kontratës;

(iii) kufizojnë të drejtat e autoritetit kontraktues ose obligimet e tenderuesit në kontratë;

dhe/ose

(iv) deformojnë konkurrencën për tenderuesit, tenderët e të cilëve i plotësojnë kushtet.

Për sa kohë devijimi i një tenderi nga kërkesat e përcaktuara dhe specifikimet nuk përbënë

trajtim të pabarabartë të tenderuesve, nëse ai tender pranohet dhe ka ndikim të papërfillshëm

në konkurrencën e lirë dhe të drejtë ndërmjet tyre, një devijim i tillë nuk do të konsiderohet

si “thelbësor ”.

29.3 Autoriteti kontraktues duhet të kontrollojë nëse tenderët përputhen nga aspekti

administrativ me kërkesat formale të dosjes së tenderit. Tenderi konsiderohet se përputhet

nga aspekti administrativ, nëse i plotëson të gjitha kërkesat dhe specifikimet formale në

dosjen e tenderit, pa devijuar thelbësisht nga kërkesat ose kufizuar ato. Kontrollimi i

përputhshmërisë administrative të tenderëve do të kryhet duke përdorur formularin standard

E2 .

29.4 Autoriteti kontraktues do të vlerësojë përshtatshmërinë, dhe nëse është e mundur, edhe

kualifikimet e tenderuesve që kanë dorëzuar tender të përgjegjshëm nga ana administrative,

sipas kritereve të përzgjedhjes, të specifikuara në njoftimin e kontratës dhe dosjen e tenderit,

në bazë të dëshmive të kërkuara dokumentare. Vlerësimi i tillë i përshtatshmërisë dhe

kualifikimit të tenderuesve do të bëhen duke përdorur formularin standard E2.


29.5 Autoriteti kontraktues do të vlerësojë nëse tenderët që i kanë kaluar testet e neneve 29.3 dhe

29.4 të kësaj rregulloreje, i përgjigjen nga aspekti i kushteve teknike përshkrimit, kërkesave

dhe specifikimeve të dosjes së tenderit. Tenderi konsiderohet se u përgjigjet kushteve nëse i

plotëson të gjitha kërkesat dhe specifikimet teknike në dosjen e tenderit, pa devijuar

materialisht nga ato ose i kufizuar ato. Vlerësimi i tillë i konformitetit teknik do të bëhet

duke përdorur formularin standard E7 që mund të gjendet në ueb-faqen e KRPP-së.

29.6 Në zbatim të nenit 54.2 të LPP, tenderi që nuk përputhet nga aspekti administrativ ose

teknik me dosjen e tenderit, menjëherë do të refuzohet dhe nuk mund pas kësaj të bëhet i

përgjegjshëm duke e korrigjuar atë apo duke e tërhequr devijimin ose kufizimin. Gjithashtu,

tenderuesi që nuk ka arritur të dorëzojë dokumentacionin e kërkuar, dhe që demonstron ose

pohon që tenderuesi nuk është i papërgjegjshëm, ose ka dështuar të dorëzojë dëshmi të

mjaftueshme që tenderuesi i plotëson kërkesat minimale të kualifikimit, nëse kjo është e

mundur, menjëherë do të diskualifikohet dhe nuk mund pas kësaj ta bëjë tenderin të

përgjegjshëm.

29.7 Në zbatim të nenit 57.1 të LPP dhe pa marrë parasysh dispozitat e nenit 29.6 të kësaj

rregulloreje, Autoriteti Kontraktues mund të kërkojë sqarim me shkrim të ndonjë aspekti të

tenderit nga operatori ekonomik në fjalë. Asnjë ndryshim në kushtet materiale ose në ndonjë

aspekt të tenderit nuk do të shkaktohet nga sqarimi i tillë. Në qoftë se operatori ekonomik në

fjalë nuk përgjigjet, autoriteti kontraktues mund ta refuzojë tenderin. Kërkesa e autoriteteve

kontraktuese për sqarim të tenderëve do të bëhet duke përdorur formularin standard E11.

29.8 Në zbatim të nenit 57.2 të LPP, autoriteti kontraktues mund të korrigjojë ndonjë gabim që

është plotësisht aritmetikor. Njoftimi i tenderuesit në fjalë për korrigjimin e tillë të tenderit

do të bëhet duke përdorur formularin standard E12. Në asnjë rast nuk guxon të korigjohet

çmimi për njësi. Nëse tenderuesi pas njoftimit me shkrim nga autoriteti kontraktues

pretendon se ka gabuar çmimin për njësi, tenderi i tij do të refuzohet.

Gabimet aritmetikore do të korrigjohen nga autoriteti kontraktues në këtë mënyrë:

a. Në rast se ka mospërputhje ndërmjet shumave të shprehura në shifra dhe atyre në

fjalë, atëherë do të mbizotërojnë shumat e shprehura në fjalë;

b. Në rast se ka mospërputhje ndërmjet çmimit njësi dhe vlerës së përgjithshme që

merret nga shumëzimi i çmimit njësi dhe sasisë, atëherë do të mbizotërojë çmimi

njësi, dhe rrjedhimisht duhet të korrigjohet shuma në total e çmimit njësi;

c. Në rast se ka gabim në një shumë total, që korrespondon me mbledhjen e

nëntotaleve, atëherë do të mbizotërojë nëntotali i cili vlerësohet të jetë në rregull pas

llogaritjes së çmimit për njësi dhe totali i përgjithshëm duhet të korrigjohet;

29.9 Në zbatim të Nenit 54.4 të LPP, tenderuesi nuk do të diskualifikohet, përjashtohet ose

eliminohet nga procedura e prokurimit në bazë të ndonjë kërkese ose kriteri që nuk është

specifikuar në njoftimin e kontratës dhe/ose dosjen e tenderit. Njoftimi i tenderuesve të

diskualifikuar ose të eliminuar do të përgatitet dhe shpërndahet menjëherë duke përdorur

formularin standard E16.

29.10 Tenderuesit që nuk janë refuzuar sipas neneve 29.3-29.9 të kësaj rregulloreje, do të

konsiderohen si tenderë “të përgjegjshëm”. Autoriteti kontraktues do të vlerësojë dhe

krahasojë tenderët e përgjegjshëm sipas kriterit për dhënie të kontratës të specifikuar në


njoftimin e kontratës dhe në dosjen e tenderit, duke përdorur formularin standard E3 kur

kriteri i dhënies është “çmimi më i ulët” dhe formulari standard E4 kur kriteri i dhënies është

“tenderi më i favorshëm ekonomik”.

29.11 Nëse në Dosjen e Tenderit dhe në Njoftimin për kontratë, autoriteti kontraktues ka

përcaktuar kriterin e dhënies “tenderi ekonomikisht më i favorshëm”, dhënia e tillë duhet të

bëhet vetëm në bazë të kritereve dhe peshës së kritereve që janë specifikuar në Dosjen e

Tenderit dhe në Njoftimin për kontratë . Këto kritere duhet të jenë:

a) Të përcaktuara në mënyrë objektive dhe të matshme;

b) Secili kriter duhet të shprehë peshën që i është dhënë në aspektin monetar;

c) Drejtëpërdrejtë të lidhura me lëndën dhe kërkesat e kontratës përkatëse publike; dhe

d) Të lidhura me disa nga këto elemente:

(i) Çmimin e tenderit;

(ii) Operimin, mirëmbajtjen dhe shpenzimet tjera të përditshme;

(iii) Datën e dorëzimit, periudhën e dorëzimit dhe periudhën e përfundimit;

(iv) Karakteristikat e funksionimit;

(v) Shërbimet pas shitjes dhe ndihmën teknike;

(vi) Kushtet e garantimit apo garancive;

(vii) Kushte tjera ligjore.

29.12 Në Dosjen e Tenderit dhe në Njoftimin për Kontratë pesha e çmimit duhet të specifikohet jo

më pak se 50%. Nga kjo rregull përjashtohen vetëm konkurset e projektimit dhe shërbimet e

konsulencës me rastin e përcaktimit të peshës së çmimit.

29.13 Nëse pranohen më pak se 3 tenderë të përgjegjshëm, autoriteti kontraktues do të veprojë

sipas nenit 30.A4 të LPP dhe të anulojë procedurën ose sipas nenit 30.A5 të LPP dhe të

kërkojë autorizim nga APP për të vazhduar me më pak se 3 tenderë të përgjegjshëm.

Dispozitat e neneve 28.5 – 28.6 të kësaj rregulloreje zbatohen njësoj.

29.14 Në rast se autoriteti kontraktues në mënyrë objektive konsideron një tender si jo-normalisht

të ulët, ai do të bëjë një seancë dëgjimi me tenderuesin përkatës në përputhje me nenin 59 të

LPP. Duke kërkuar informata lidhur me tenderët jo-normalisht të ulët, autoriteti kontraktues

do të përdorë formularin standard E13.

29.15 Procedura e kontrollimit, vlerësimit dhe krahasimit të tenderëve siç është paraparë në nenin

29 do të përfundohet nga autoriteti kontraktues brenda periudhës kohore më të shkurtër të

mundshme dhe jo më vonë se 30 ditë kalendarike nga hapja e tenderit, siç parashikon neni

28 i kësaj rregulloreje. Vetëm në raste të jashtëzakonshme dhe të arsyetuara mirë,

posaçërisht me kontratat e një natyre komplekse, kjo periudhë mund të zgjatet edhe për një

afat shtesë prej 10 ditë kalendarke. Periudha e vlerësimit fillon menjëherë pasi të ketë

përfunduar procedura e përshkruar në nenin 28 të kësaj rregulloreje, por jo më vonë se 96

orë nga data e hapjes së tenderëve.

29.16 Duhet të përgatiten procesverbalet që përmbajnë diskutimet dhe vlerësimet e ekzaminimit të

tenderit, procedurën e të vlerësuarit dhe krahasimit, duke përdorur formularin standard B24.

Pas përcaktimit të klasifikimit përfundimtar, komisioni duhet të përgatisë një raport për

zyrtarin e prokurimit.

Neni 30 Dhënia dhe nënshkrimi i kontratës


30.1 Procedura e vlerësimit dhe krahasimit e paraparë në nenin 29.10 të kësaj rregulloreje do të

ketë si rezultat klasifikimin e tenderëve. Tenderuesi që ka ofruar tenderin me vendin më të

mirë në klasifikim sipas kriterit të dhënies së kontratës, të specifikuar në njoftimin e

kontratës dhe në dosjen e tenderit, do të fitojë kontratën.

30.2 Njoftimi i dhënies së kontratës do të përgatitet në pajtim me nenin 39 të LPP duke përdorur

formularin standard B14 dhe të shpërndahet në pajtim me nenin 40.4 të LPP. Data në të cilën

vendimi i dhënies së kontratës u shpërndahet operatorëve ekonomik në fjalë përcakton:

i. afatin në zbatim të nenit 24.3.a të LPP, përpara se kontrata të mund të nënshkruhet;

ii. fillimin e periudhës prej 8 ditësh kalendarike, brenda të cilës sipas nenit 105.2 të LPP,

mund të dorëzohet ndonjë ankesë e mundshme e palëve të interesuara për mënyrën e

realizimit të aktivitetit të prokurimit.

Njoftimi i përgatitur i dhënies së kontratës do të publikohet në pajtim me nenet 40.1-40.3 të

LPP. Dispozitat e neneve 24.3 – 24.5 të kësaj rregulloreje zbatohen në mënyrë analoge.

30.3 Kontrata finale do të përgatitet dhe të jetë e gatshme në bazë të dosjes së tenderit në fjalë,

duke përfshirë anekset e saj dhe tenderin fitues, pa ndonjë devijim thelbësor nga përmbajtja

e dokumenteve të tilla. Kur parakushtet e nënshkrimit plotësohen dhe kontrata finale

nënshkruhet nga të gjitha palët, ajo hynë në fuqi. Kur një kontratë publike hynë në fuqi, ajo

do të përmbushet në pajtueshmëri me afatet dhe kushtet e saj.

Kreu 2 Procedura e kufizuar

Neni 31 Fazat e procedurës

31.1 Procedura e kufizuar do të realizohet në përputhje me nenin 31 të LPP dhe dhe sipas fazave

që jepen nenet 32-36 të kësaj rregulloreje, dhe vetëm kur këto rrethana ekzistojnë.

Kompleksiteti dhe veçoritë dalluese të kontratës duhet të ekzistojnë në atë mënyrë që

autoriteti kontraktues të ketë vështirësi ta përdorë procedurën e hapur.

31.2 Në asnjë mënyrë vlera dhe madhësia e kontratës nuk mund të jenë arsye e vetme për të

justifikuar kompleksitetin e kontratës apo të procedurës së dhënies së kontratës.

Neni 32 Publikimi i njoftimit të kontratës

32.1 Procedura e kufizuar iniciohet me publikimin e një njoftimi të kontratës të përgatitur sipas

nenit 38 të LPP. Njoftimi i tillë i kontratës përgatitet duke përdorur formularin standard B12.

32.2 Për publikim të njoftimit të kontratës, nenet 24.3 – 24.5 të kësaj rregulloreje zbatohen në

mënyrë analoge.

32.2 Në njoftimin e kontratës do të specifikohen të gjitha kriteret e selektimit të cilat duhet t’i

plotësojnë operatorët e interesuar ekonomik që të parakualifikohen për të marrë pjesë në

procedurë.


32.3 Dosja e tenderit mund të ndahet në dy pjesë: pjesa e parë i përmban të gjitha informatat

përkatëse që kanë të bëjnë me parakualifikimin për kontratë, ndërsa pjesa e dytë

përmban të gjitha informatat përkatëse që kanë të bëjnë me specifikimet e mbetura dhe

kushtet për objektin e kontratës. Në këtë rast, limiti kohor për kërkesë të informatave të

parakualifikimit do të specifikohen në njoftimin e kontratës. Dispozitat e neneve 24.6 –

24.7 dhe neneve 25 - 26 të kësaj rregulloreje zbatohen në mënyrë analoge.

Neni 33 Pranimi dhe hapja e kërkesave për pjesëmarrje

33.1 Dispozitat e nenit 27 të kësaj rregulloreje zbatohen në mënyrë analoge për pranimin e

kërkesave për pjesëmarrje në procedurë.

33.2 Kërkesat e pranuara brenda afatit për të marrë pjesë do të hapen nga autoriteti kontraktues

menjëherë pas skadimit të afatit të fundit për dorëzim të kërkesave. Autoriteti kontraktues

nuk ka nevojë të organizojë takim publik të hapjes së tenderëve. Hapja do të organizohet në

mënyrë të atillë që të sigurohet integriteti dhe drejtësia e procedurës së hapjes. Autoriteti

kontraktues do të respektojë dhe ruajë informatat sekrete afariste, nëse ka të tilla, siç është

parashikuar në nenin 10 të LPP.

33.3 Dispozitat e neneve 28.5 – 28.6 të kësaj rregulloreje zbatohen në mënyrë analoge duke iu

referuar neneve 30A4 dhe 30.A5 të LPP, për rastin kur pranohen më pak se tri kërkesa për

pjesëmarrje.

Neni 34 Procedura e kontrollimit të kërkesave për pjesëmarrje

34.1 Dispozitat e neneve 29.2-29.4, 29.6-29.7 dhe 29.9 të kësaj rregulloreje vlejnë në mënyrë

analoge për kontrollimin dhe vlerësimin e kërkesave për pjesëmarrje në procedurë.

Kandidatët që i kanë kaluar testet analoge të neneve 29.3 dhe 29.4 të kësaj rregulloreje do të

konsiderohen si të parakualifikuar dhe të përzgjidhen për t’i dërguar ftesë për tender.

Formularët standard E2 dhe E7 do të përdoren gjatë kontrollimit dhe vlerësimit të kërkesave

për pjesëmarrje.

34.2 Kandidatët e diskualifikuar do të njoftohen dhe t’u shpërndahen menjëherë njoftimet duke

përdorur formularin standard E16.

34.3 Nëse pranohen më pak se tri kërkesa për pjesëmarrje nga kandidatët e kualifikuar, autoriteti

kontraktues do të veprojë sipas nenit 30A4 të LPP dhe ta anulojë procedurën ose sipas nenit

30.A5 të LPP dhe të kërkojë autorizim nga APP për të vazhduar me më pak se tre kandidatë

të kualifikuar. Dispozitat e neneve 28.5- 28.6 të kësaj rregulloreje zbatohen në mënyrë

analoge.

Neni 35 Ftesa për tender

35.1 Duke iu referuar nenit 48 të LPP, kandidatët e parakualifikuar, të selektuar sipas nenit 34.1

të kësaj rregulloreje, do të ftohen njëkohësisht të paraqesin tenderët. Dosja e tenderit do të


përmbyllet me ftesën për tender, përveç nëse materiali i dosjes së tenderit është vënë në

dispozicion në mënyrë elektronike sipas nenit 48.2 të LPP.

35.2 Në ftesën për tender si dhe në dosjen e tenderit, afati i fundit për kërkesat e mundshme për

informata plotësuese ose sqarime që mund të parashtrohen nga kandidatët e ftuar do të

specifikohen sipas nenit 51.3 të LPP. Vlejnë njësoj dispozitat e nenit 26 të kësaj rregulloreje.

Neni 36 Pranimi i tenderëve. Hapja e tenderëve. Procedura e kontrollimit, vlerësimit dhe krahasimit

të tenderëve. Dhënia dhe nënshkrimi i kontratës

36.1 Neni 27 i kësaj rregulloreje vlen për pranimin e tenderëve, duke marrë parasysh që

“Regjistri i tenderëve të dorëzuar” do të bazohet në “Regjistrin e kandidatëve të ftuar”.

36.2 Hapja e tenderëve do të bëhet sipas nenit 28 të kësaj rregulloreje.

36.3 Procedura e kontrollimit, vlerësimit dhe krahasimit të tenderëve do të realizohet sipas nenit

29 të kësaj rregulloreje, ndërsa neni 29.4 nuk është i zbatueshëm. Kontrollimi i

përputhshmërisë administrative të tenderëve do të realizohet duke përdorur formularin

standard E6. Vlerësimi i përputhshmërisë teknike do të realizohet duke përdorur formularin

standard E7. Tenderët e përgjegjshëm do të vlerësohen dhe të krahasohen sipas kritereve të

dhënies së kontratës, të specifikuara në njoftimin e kontratës dhe/ose dosjen e tenderit në

përputhje me nenin 29.10 të kësaj rregulloreje.

36.4 Nëse pranohen më pak se tre tender të përgjegjshëm autoriteti kontraktues do të veprojë

sipas nenit 30A4 të LPP dhe ta anulojë procedurën, ose sipas nenit 30A5 të LPP dhe të

kërkojë autorizim nga APP për të vazhduar me më pak se tre tender të përgjegjshëm.

Dispozitat e neneve 28.5 – 28.6 të kësaj rregulloreje zbatohen në mënyrë analoge. Ky nen do

të zbatohet në mënyrë analoge, në rastin kur procedura vazhdon me më pak se tre kandidatë

të kualifikuar siç është përmendur në nenin 34.2 të kësaj rregulloreje.

36.5 Dhënia dhe nënshkrimi i kontratës do të bëhen sipas nenit 30 të kësaj rregulloreje.

Kreu 3 Procedura e negociuar pas publikimit të njoftimit për kontratë


Procedura e negociuar pas publikimit të njoftimit të kontratës, që shpie në dhënien e një kontrate

për shërbime publike ku nuk është e mundur të bëhen specifikimet e kontratës në atë mënyrë që do

të mundësonte dhënien e kontratës duke përdorur procedurat e hapura apo ato të kufizuara, do të

realizohet sipas nenit 33 të LPP dhe në fazat që jepen në nenet 38-40 të kësaj rregulloreje.

Neni 38 Publikimi i njoftimit të kontratës. Parakualifikimi. Ftesa për tender. Dosja e tenderit


38.1 Procedura e negociuar, siç është përmendur në nenin 37 të kësaj rregulloreje, iniciohet me

publikimin e një njoftimi të kontratës, të përgatitur sipas nenit 38 të LPP. Njoftimi i tillë i

kontratës përgatitet duke përdorur formularin standard B12.

38.2 Nenet 32.3 - 32.5 të kësaj rregulloreje zbatohen në mënyrë analoge për publikimin e

njoftimit të kontratës.

38.3 Procedura e parakualifikimit do të realizohet në pajtim me dispozitat e neneve 33 - 34 të

kësaj rregulloreje.

38.4 Të gjithë kandidatët e para-kualifikuar do të ftohen njëkohësisht që tì dorëzojnë propozimet

që mund të shërbejnë si bazë për të negociuar afatet dhe kushtet e kontratës. Dosja e tenderit

duhet të përmbyllet me ftesë, përveç nëse materiali i dosjes së tenderit është bërë i

disponueshëm në mënyrë elektronike në pajtim me nenin 48.2 të LPP. Dispozitat e nenit

35.2 të kësaj rregulloreje zbatohen njësoj .

Neni 39 Pranimi i dhe hapja e propozimeve . Kontrolli dhe vlerësimi i propozimeve Ftesa për

negociata.

39.1 Neni 33 i kësaj rregulloreje zbatohet njësoj për pranimin e propozimeve. Propozimet e

pranuara me kohë do të hapen nga autoriteti kontraktues menjëherë pas skadimit të afatit për

paraqitjen e propozimeve. Nuk është e nevojshme që autoriteti kontraktues të përgatisë

takim të hapjes publike. Hapja do të organizohet në atë mënyrë që integriteti dhe

ndershmëria gjatë procedurës së hapjes të jenë siguruara. Autoriteti kontraktues do tì

përfillë dhe ruajë informatat sekrete afariste, po pati të tilla, siç është parashikuar në nenin

10 të LPP.

39.2 Procedura e ekzaminimit dhe vlerësimit paraprak të propozimeve do të zhvillohet në mënyrë

analoge me nenin 29 të kësaj rregulloreje, ndërsa nenet 29.4 dhe 29.10-29.12 nuk zbatohen.

Ekzaminimi i përshtatshmërisë administrative të propozimeve do të plotësohet me

përdorimin e formularit standard E6. Vlerësimi i përshtatshmërisë teknike do të plotësohet

me përdorimin e formularit standard E7. Kandidatët që kanë paraqitur propozimet e

pranueshme do të ftohen të marrin pjesë në negociatat e mëtutjeshme për afatet dhe kushtet

e kontratës.

Neni 40

Zhvillimi i negociatave, Vlerësimi i tenderëve përfundimtarë, Dhënia e kontratës dhe nënshkrimi

40.1 Gjatë negociatave, Autoriteti Kontraktues do të sigurojë barazinë e trajtimit të të gjithë

pjesëmarrësve në negociata. Posaçërisht, Autoriteti Kontraktues nuk do tì japë informata

pjesëmarrësve mbi afatet dhe kushtet e kontratës në një mënyrë diskriminuese, gjë e cila do

tù jepte përparësi disa pjesëmarrësve në krahasim me të tjerët.

40.2 Negociatat mund të bëhen për aspekte teknike, ekonomike, ligjore dhe aspekte të tjera të

kontratës, përfshirë edhe çmimin apo çmimet.

40.3 Negociatat duhet të bëhen me secilin pjesëmarrës të përzgjedhur veçmas. Të gjithë

pjesëmarrësit e përzgjedhur duhet tù nënshtrohen kërkesave të njëjta dhe duhet tù jepen

informacione të njëjta për historikun, afatet dhe kushtet e kontratës.


40.4 Asnjë informacion i marrë nga një pjesëmarrës dhe asnjë informacion në lidhje me zgjidhjet

e propozuara nga ndonjëri prej pjesëmarrësve nuk mund tì jepet ndonjë pjesëmarrësi tjetër

pa pëlqimin paraprak të pjesëmarrësit që ka dhënë atë informacion.

40.5 Afati i saktësuar kohor për pranimin e propozimeve të ndryshuara dhe/apo të plota do të jetë

mjaftueshëm që tù japë pjesëmarrësve një kohë të arsyeshme për hartimin dhe dorëzimin e

propozimeve apo tenderëve përfundimtarë.

40.6 Autoriteti kontraktues mund të bëjë negociata në faza të njëpasnjëshme për të reduktuar

numrin e pjesëmarrësve për çdo fazë, duke aplikuar kriteret për dhënie të kontratës, të

deklaruara në dosjen e tenderit në çdo njërën prej këtyre fazave. Në raste të tilla autoriteti

kontraktues menjëherë do tì informojë pjesëmarrësit nëse do të ftohen apo jo për të marrë

pjesë në vazhdim të negociatave. Autoriteti kontraktues do të zhvillojë negociata në të

njëjtën mënyrë me të gjithë pjesëmarrësit në të gjitha fazat e negociatave.

40.7 Autoriteti Kontraktues do ta dokumentojë plotësisht çdo fazë të negociatave, duke raportuar

posaçërisht: për lëndën e negociatave , metodat e përdorura, si dhe për të gjitha

komunikimet e shkruara dhe gojore të mbajtura me pjesëmarrësit. Formulari standard E5 do

të përdoret për të regjistruar negociatat e mbajtura ndaras me secilin pjesëmarrës.

40.8 Me përfundimin e negociatave, pjesëmarrësit, me të cilët janë bërë negociatat do të ftohen

tì paraqesin tenderët e tyre përfundimtarë. Formulari standard E5 do të përdoret për të

regjistruar negociatat e fazës përfundimtare.

40.9 Tenderët përfundimtarë do të vlerësohen dhe krahasohen sipas kritereve të dhënies së

kontratës, të specifikuara në dosjen e tenderit, duke përdorur formularin standard E5.

40.10 Dhënia e kontratës dhe nënshkrimi do të bëhen në pajtim me nenin 30 të kësaj Rregulloreje.

Kapitulli 4 Procedura e negociuar pa publikim të njoftimit për kontratë

Neni 41

Fazat e procedurës

Procedura e negociuar pa publikim të njoftimit për kontratë do të përzgjidhet, atëherë kur një

procedurë e tillë justifikohet sipas nenit 34 të LPP, dhe sipas fazave që përshkruhen në nenin 42 të

kësaj Rregulloreje. Kur një autoritet kontraktues dëshiron ta përdorë procedurën e negociuar pa

publikim të njoftimit për kontratë, ai do të kërkojë autorizim me shkrim nga APP, duke përdorur

formularin standard B5.

Neni 42 Thirrja e pjesëmarrësve. Zhvillimi i negociatave. Dhënia dhe nënshkrimi e kontratës

42.1 Pjesëmarrësit në një procedurë të negociuar pa publikim të njoftimit për kontratë do të

përgjedhen nga mesi i operatorëve të përshtatshëm ekonomik dhe do të ftohen që të marrin

pjesë nga ana e autoritetit kontraktues, pa asnjë qëllim diskriminimi a favorizimi të ndaj

çdo operatori ekonomik.


42.2 Atëherë kur ekziston vetëm një furnizues sipas nenit 34 të LPP dhe nëse nuk ka alternativë

tjetër, atëherë autoriteti kontraktues do të bëjë gjithçka që është e mundur që të:

(i) Luajë një rol aktiv në të përcaktuarit e kushteve të kontratës, duke iu referuar në

mënyrë të veçantë çmimeve, afateve të fundit për dorëzim, sasive, karakteristikave

teknike dhe garancive;

(ii) Sigurojë që çmimi i kontraktuar të mos jetë më i lartë se çmimi i tregut; dhe

(iii) Vlerësojë me kujdes cilësinë e produktit në fjalë, shërbimit ose punëve në fjalë.

Formulari standard E5 do të përdoret për dokumentimin e negociatave.

42.3 Atëherë kur autoriteti kontraktues vendos t’i zhvillojë negociatat me më shumë se një

operator ekonomik, negociatat do të zhvillohen sipas dispozitave të nenit 40 të kësaj

rregulloreje. Formularët standard E5 dhe E6 do të përdoren për dokumentimin e

negociatave, dorëzimin e tenderëve përfundimtar dhe respektivisht, vlerësimin e tenderëve

përfundimtarë.

42.4 Dhënia dhe nënshkrimi i kontratës do të bëhen sipas nenit 30 të kësaj rregulloreje.

Kreu 5 Procedura e kuotimit të çmimeve


43.1 Procedura e Kuotimit të Çmimeve do të bëhet sipas nenit 35 të LPP dhe në fazat e

përshkruara, në nenet 44-45 të kësaj rregulloreje. Pakoja standarde e formularëve për këtë

procedurë, do të përdoret për realizimin e kësaj procedure.

Neni 44 Realizimi i Procedurës së Kuotimit të Çmimeve

44.1 Pjesëmarrësit në Procedurën e Kuotimit të Çmimeve do të përzgjidhen nga operatorët

ekonomik të përshtatshëm dhe autoriteti kontraktues do t’i ftojë që të marrin pjesë pa

qëllim diskriminimi kundër ose në favor të ndonjërit operator ekonomik. Numri i

operatorëve ekonomik që ftohen të kuotojnë duhet të jetë i mjaftueshëm për të siguruar

konkurrencë efektive në kontratë dhe nuk duhet të jetë më pak se tre.

44.2 Ftesat për kuotim do të shpërndahen njëkohësisht te pjesëmarrësit e përzgjedhur. Dosja e

tenderit do t’i bashkëngjitet ftesës. Afati minimal kohor për dorëzimin e kuotimeve për

çmime do të jetë 10 ditë kalendarike nga data e shpërndarjes së ftesave.

44.3 Operatorët ekonomik që nuk janë ftuar për të kuotuar, mund të kërkojnë një ftesë nga

autoriteti kontraktues, i cili duhet të dërgojë një ftesë te operatori ekonomik në fjalë. Këto

kërkesa nuk do të ndikojnë në datën e caktuar për dorëzim të kuotimeve. Kuotimi i

çmimeve të dorëzuara nga operatori i tillë ekonomik duhet të trajtohet njëlloj.

44.4 Operatorët ekonomik që nuk janë ftuar nga autoriteti kontraktues që të bëjnë kuotim, por që

e kanë marrë një kopje të ftesës ose informacion për procedurën nga dikush tjetër, kanë të

drejtë të dorëzojnë kuotim të çmimeve, sipas nenit 35.5 të LPP. Kuotimi i çmimeve të

dorëzuar nga operatori i tillë ekonomik duhet të trajtohet njëlloj.


44.5 Neni 26 i kësaj rregulloreje, në zbatim të nenit 51 të LPP lidhur me informacionet

plotësuese ose sqarimet, do të zbatohet në mënyrë analoge .

Neni 45

Pranimi i kuotimeve për çmime. Hapja. Vlerësimi. Dhënia dhe nënshkrimi i kontratës

45.1 Neni 27 i kësaj rregulloreje lidhur me pranimin e tenderëve zbatohet në mënyrë analoge për

pranimin e kuotimeve të çmimeve.

45.2 Neni 33.2 i kësaj rregulloreje lidhur me hapjen e kërkesave për pjesëmarrje në një procedurë

të kufizuar zbatohet mënyrë analoge edhe për hapjen e kuotimeve për çmime të pranuara

brenda afatit. Autoriteti kontraktues nuk ka nevojë të organizojë takim publik për hapje, por

do të sigurojë një procedurë të hapjes që është e ndershme, e drejtë dhe e ligjshme.

45.3 Kontrollimi, vlerësimi dhe krahasimi i kuotimeve të çmimeve të pranuara brenda afatit do të

zhvillohet kryesisht sipas të njëjta rregullave të përcaktuara në nenin 29 të kësaj

rregulloreje për procedurën e hapur dhe pa qëllim diskriminimi kundër ose në favor të

ndonjë operatori ekonomik.

45.4 Nëse pranohen më pak se tri kuotime të përgjegjshme të çmimeve, procedura duhet të

anulohet dhe nëse autoriteti kontraktues ende dëshiron të vazhdojë me aktivitetin e

prokurimit, duhet të fillojë një procedurë të re. Njoftimi i anulimit do t’i shpërndahet të

gjithë operatorëve ekonomik që kanë marrë pjesë në procedurë.

45.5 Dhënia dhe nënshkrimi i kontratës do të bëhen sipas nenit 30 të kësaj rregulloreje, duke

nënkuptuar që njoftimi i dhënies së kontratës do të përgatitet dhe të publikohet në ueb-faqen

e KRPP-së, si dhe të paktën tri ditë pune do të kalojnë nga shpërndarja e njoftimit të dhënies

së kontratës deri në nënshkrimin e kontratës.

Kreu 6 Procedura për blerjet me vlerë minimale dhe pasuritë e patundshme

Neni 46 Parimet e përgjithshme për blerjet me vlerë minimale

46.1 Në zbatim të nenit 36 të LPP, autoriteti kontraktues mund të përdorë blerjen me vlerë

minimale për kontratat e mallrave, shërbimeve dhe punëve sipas vlerës së përcaktuar në

nenin 18.3 të LPP. Me dhënien e porosive për blerje në lidhje me prokurimin me vlerë

minimale, Autoriteti kontraktues do të sigurojë një konkurim efektiv, transparencë dhe

efektivitet të lartë të përdorimit të fondeve publike.

46.2 Në fillim të vitit fiskal, Autoriteti kontraktues planifikon,deri në atë masë që është e

mundur, natyrën e kontratave që do të prokurohen duke përdorur këtë metodë. Kjo dispozitë

nuk duhet interpretuar si mundësi për ta ndarë vlerën e kontratës me qëllim të përdorimit të

prokurimit me vlerë minimale.

46.3 Në llogaritjen e vlerës së kontratës për përdorimin e procedurës së vlerës minimale,

autoriteti kontraktues do tì marrë parasysh vetëm një grup të mallrave, shërbimeve apo

punëve të ngjashme, të cilat zakonisht prokurohen së bashku dhe të cilat nuk duhet të

ndahen me qëllim të përdorimit të një procedure të tillë.


Neni 47

Realizimi i procedurës së blerjes me vlerë minimale

47.1 Kur paraqitet nevoja për mallra apo shërbime, Zyrtari Autorizues do të lëshojë një urdhër, në

të cilin tregohen natyra dhe sasia e mallrave apo shërbimeve.

47.2 Zyrtari i prokurimit apo ndonjë person i autorizuar do tì kontaktojë operatorët ekonomik,

duke siguruar së paku 3(tri) kuotime çmimesh për mallrat/shërbimet në fjalë. Autoriteti

kontraktues do të përzgjedhë operatorë ekonomik që duhen kontaktuar dhe që do të realizojë

aktivitetin e prokurimit, në një mënyrë që nuk synon diskriminimin apo favorizimin e

ndonjë operatori ekonomik .

47.3 Gjatë kontaktimit të operatorëve ekonomik, Autoriteti Kontaktues do të marrë “Çmimet e

kuotuara”, të cilat do të plotësohen me përdorimin e formularit të bashkëngjitur standard si :

“Çmimet e Kuotuara”. Çdo Çmim i kuotuar do të nënshkruhet nga të gjithë operatorët

ekonomik dhe nga përfaqësuesi i Autoritetit Kontraktues. Çmimet e dhëna nuk duhet tì

tregohen asnjërit nga operatorët ekonomik të kontaktuar. 47.4 Pas pranimit të së paku tri “çmimeve të kuotuara” Zyrtari i Prokurimit do të vendosë për

dhënien e kontratës operatorit ekonomik që ka ofruar çmimin më të ulët. Me këtë rast do të

mbahet procesverbal. 47.5 Procesverbalet nga takimet do të merren gjatë aktivitetit dhe do të nënshkruhen nga të gjithë

zyrtarët e përfshirë. Duhet të përgatitet një raport përfundimtar me anekset që përmbajnë

faturat, urdhrin e blerjes së mallit, dhe dëshminë e marrjes, dhe në çdo rast duhet patjetër të

jetë i nënshkruar nga të gjithë zyrtarët e përfshirë në proces. Autoriteti Kontraktues është i

detyruar (i) të sigurojë se çmimi i marrëveshtur nuk është më i lartë se çmimi i tregut, si

dhe (ii) ta vlerësojë me kujdes kualitetin e produkteve /shërbimeve në fjalë.

47.6 Pamvarësisht sa më sipër, në raste emergjente kur miratimi me shkrim i Zyrtarit Autorizues

dëshmohet të jetë i pamundur, shërbimet apo mallrat mund të porositen nga cilido person që

është në emergjencë. Përdorimi i formularëve të kuotimit të çmimeve dhe numrit minimal

të dhënë në nenin 47.2 të kësaj rregulloreje, nuk kërkohet në raste të tilla. Sa më shpejtë që

të jetë e mundur, zyrtari që ka porositur një shërbim të tillë duhet tìa paraqesë Zyrtarit të

Prokurimit faturën për shërbimet/ mallrat e pranuara, një raport të detajuar për rrethanat që

arsyetojnë emergjencën, si dhe do të sigurojë dëshmi të përshtatshme për shërbimet dhe

mallrat që ka marrë në dorëzim.

47.7 Mallrat apo shërbimet, mund të paguhen me para në dorë kur vlera e tyre nuk tejkalon

totalin prej 100 Eurosh. Në të gjitha rastet faturat duhet të lëshohen në pajtim me rregullat e

legjislacionit në fuqi. Faturat e lëshuara do ta kenë vlerën e kontratës së lidhur.

Neni 48 Kontratat për pasuri të patundshme

48.1 Në raste kontratash për pasuri të patundshme, autoriteti kontraktues përgjithësisht do tì

tenderojë kontratat në mënyrën a me procedurën më të favorshme ekonomike, e cila i

mundëson Autoritetit Kontraktues të marrë parasysh, jo vetëm çmimin e qirasë apo blerjes,

por edhe faktorë të tjerë siç janë vendndodhja, qasja në rrugë dhe rrjet transporti, efikasitetin

e energjisë, koston e funksionimit, kostot e mirëmbajtjes, kostot e taksave të pronësisë,


shumën dhe koston e ndryshimeve, hapësirën në dispozicion, përshtatshmërinë e përdorimit

të pajisjeve të ndërtesës (siç janë ashensorët, parkingu , ngrohja etj).

48.2 Përvec rrethanave të jashtëzakonshme (kur aranzhimet e pronësisë janë shumë të

ndërlikuara) do të përdoren procedurat e hapura dhe kërkesat që jepen në nenet 11 dhe 12 të

Regullores do të zbatohen në mënyrë analoge. Në vend të kritereve minimale financiare,

profesionale dhe teknike, autoriteti kontraktues do të nxjerrë në njoftimin e kontratës kriteret

minimale të përzgjedhjes . Në të gjitha rastet këto kritere duhet të përmbajnë si vijon:

(a) Dëshminë, nëpërmjet një ekstrakti nga kadastri, që nuk është më i vjetër se 2 muaj

para datës së dorëzimit të tenderit, që dëshmon se tenderuesi e ka në pronësi apo ka

një periudhë qiraje afatgjatë ose ka të drejtë tjetërsimi që mund ta përdorë për

pasurinë e patundshme dhe se ajo pasuri nuk është objekt e të lënit peng a konfiskimi

nga ndonjë person i tretë apo autoritet dhe që pasuria të mund të ndërrojë pronarin

në një të ardhme të afërt;

(b) Kur prona është objekt i ndonjë hipoteke nga një palë e tretë, dëshminë se në rast të

ndonjë propozimi qiraje, ajo qira nuk do ta shkelë hipotekën apo se në rast shitjeje të

pasurisë së patundshme, hipoteka do të hiqet;

(c) Dëshmi nga (i) gjykata përkatëse komunale dhe, po qe e mundur, nga (ii) Agjencia

Kosovare e Pronës se nuk ka asnjë konflikt në lidhje me pronësinë mbi pasurinë e

patundshme;

(d) Një deklaratë nga pronari dhe /apo qiramarrësi i pronës se ai nuk është në dijeni dhe

se nuk ka marrë asnjë njoftim nga komuna apo ndonjë ent tjetër publik në lidhje me

shpronesimin;

(e) Në rast se është fjala për ndonjë ndërtesë, një dëshmi se ndërtesa është ndërtuar para

01.01 2002 dhe se nuk është ndryshuar thelbësisht që atëherë, apo dëshmi për lejen e

ndërtimit nga komuna.

Kërkesat e lartshënuara nuk do të jenë të detyrueshme kur afati i qirasë është më pak se

gjashtë (6) muaj.

48.3 Autoriteti Kontraktues mund të specifikojë po ashtu kritere të tjera, që përfshijnë:

a. Kufijtë e hapësirës gjeografike ku duhet të gjendet prona si p.sh. distanca

maksimale nga qendra e ndonjë qyteti të caktuar;

b. Cdo kriter minimal fizik në lidhje me pronën e patundshme, duke përfshirë (por që

nuk kufizohen vetëm në këto) dimensionet me metra katrorë, qasja në rrugë,

parkingu, lidhjet në pajisje, urbanizimin dhe, në rast se është fjala për ndërtesë,

ndonjë kërkesë tjetër .

48.4 Gjatë vendosjes së këtyre kritereve, autoriteti kontraktues duhet të lërë një hapësirë të gjërë,

që të ketë një garë të mjaftueshme dhe të mos ketë diskriminim në favor të një numri të

vogël furnizuesish. autoriteti kontraktues duhet të paraqesë në Vlerësimin e Nevojave

arsyen e caktimit të hapësirës gjeografike të caktuar.

48.5 Gjatë kryerjes së vlerësimit me metodën më të favorshme ekonomike, autoriteti kontraktues

do tì bëjë të gjitha përpjekjet për tu siguruar se krahasimet janë të ndershme – për shembull

në lidhje me çmimin për metër katror etj.

48.6 Autoriteti kontraktues do të përfshijë në dosjen e tenderit afatet dhe kushtet e kontratës për

blerje (në rast të blerjes së pasurisë së patundshme) apo kontratës për qira ( në rast të marrjes

me qira ) dhe autoriteti kontraktues këtë do ta deklarojë qartë se:


a) Në rast kontrate të blerjes, tenderuesi do të jetë përgjegjës për pagesën e shërbimeve

komunale të papaguara apo borxhet për taksat para nënshkrimit të kontratës; b) Në rast kontrate qiraje, tenderuesi apo autoriteti kontraktues do të jetë përgjegjës për

pagesën e detyrimeve gjatë kohëzgjatjes së qirasë, siç janë taksat komunale për pronë, ujë,

hedhurina, mbledhje të mbeturinave, ngrohje,pastrimi, internet dhe energjia, si edhe kush do

të jetë përgjegjës për ndonjë mirëmbajtje të jashtme apo të brendshme.

48 .7 Për aq sa e kërkon ligji i Kosovës për kontratat për pasuri të patundshme, kontrata për pasuri

të patundshme nuk do të hyjë në fuqi pa u verifikuar në gjykatën komunale.

48 8 Autoriteti kontraktues mund të kërkojë sigurinë e tenderit në përputhje me nenet 15 dhe 16 të

Rregullores.

48. 9 Autoriteti Kontraktues mund të kërkojë sigurinë ekezekutimit në pritje të përmbushjes së

kontratës së blerjes, apo të bëjë aranzhime për çmimin që duhet paguar në një llogari

dorëzani.

48.10 Autoriteti kontraktues mund të kushtëzojë përfundimin kontratës së pronësisë me

realizimin e kontrollit të mëtutjeshëm apo kujdesin e zakonshën, dhe në rast dështimi,

autoriteti kontraktues mund ta anulojë atë.

48.11 Kontrata për pasuri të patundshme në formë qiraje mund të përmbajë një dispozitë që

mundëson ndryshimin e vlrerës së qirasë gjatë afatit të kontratës, për shembull nga një

vlerësues i pavarur në një varësi me çmimet e tregut.

48.12 Gjatë vlerësimit të çmimit në kontratën e qirasë për një pasuri të patundshme, autoriteti

kontraktues duhet të marrë parasysh ndonjë taksë që i vihet qirasë, të cilën autoriteti

kontraktues duhet ta paguajë në pajtim me rregulloren për taksat e korporatave nëse

qiradhënësi është një individ ( në dallim nga një pronar).

48.13 Gjatë vlerësimit të çmimit të blerjes së ndonjë pasurie të patundëshme, autoriteti kontraktues

duhet të marrë parasysh vetëm tatimin në vlerën e shtuar që paguhet për shitje, nëse vetë

autoriteti kontraktues nuk është i regjistruar për tatim në vlerën e shtuar (dhe prandaj nuk

mund ta rikuperojë atë).

48.14 Kontrata për përdorimin e lokalit për konferencë ose panair tregtar, apo diçka të ngjashme

do të trajtohet si kontratë për shërbim e jo si kontratë për pasuri të patundëshme .

Kreu 7 Kontratat Kornizë

Neni 49

Dhënia e kontratës, nënshkrimi dhe kontratat pasuese

49.1 Kontrata kornizë do të jepet përmes procedurës së hapur apo asaj të kufizuar siç parasheh

neni 36A i LPP dhe nëpër faza siç është përshkruar në nenin 49 të kësaj rregulloreje .

49.2 Për publikimin e njoftimit të kontratës nenet 24.3 – 24.5 të kësaj rregulloreje zbatohen në

mënyrë analoge.


49.3 Në njoftimin e kontratës duhet të specifikohen të gjitha kriteret e përzgjedhjes, të cilët

operatorët e interesuar ekonomik duhet tì plotësojnë për të marrë kontratën në rast

procedure të hapur, apo për tu parakualifikuar në rast procedure të kufizuar.

49.4 Drafti standard i kontratës për “Kontratë Kornizë” përcakton afatet dhe kushtet nën të cilat

do të vendosen kontratat e mëvonshme. Nuk ka detyrim për autoritetin kontraktues të blejë,

por ka detyrim për furnizuesin të bëjë furnizimin sipas afateve dhe kushteve të përcaktuara

në kontratë.

49.5 Kontrata mund të bëhet me një apo më shumë se një furnizues. Një nga kushtet për të cilin

është rënë në ujdi do të jetë çmimi maksimal për artikull. Kontratat po ashtu mund të

vendosin kushte dhe afate nën të cilat mund të bëhen kontratat e mëvonshme, ndonjëherë

pas garës së mëtutjeshme në mes të një numri furnizuesish të kontraktuar.

49.6 Sa herë që autoriteti kontraktues dëshiron të urdherojë furnizim nga furnizuesit e

kontraktuar, ai duhet tì thërrasë ata sipas një metode të përshtatshme për paraqitjen e

tenderit, në mënyrë që të garantojë barazinë e trajtimit mes furnizuesve. Periudha nga koha

kur është bërë ftesa për tender dhe koha për dorëzim duhet tu mundësojë furnizuesve një

kohë të arsyeshme për tì përgatitur tenderët e tyre, dhe në asnjë rast nuk duhet të jetë më e

shkurtër se 5 ditë.

49.6 Në raste konkurrimi siç është paraqitur më lartë, tenderët duhet të paraqiten në zarfe të

mbyllur dhe do të vlerësohen në bazë të së njëjtës procedurë që aplikohet për procedurat e

hapura, të përshkruara në nenet 28-29 të kësaj rregulloreje. Kontratat i nënshtrohen

kërkesave për publikim dhe nënshkrim siç përcaktohet në nenin 36A të LPP.

Kreu 8 Konkursi i projektimit


50.1 Konkurset e projektimit do të bëhen sipas neneve 64-74 të LPP dhe në fazat që vijojnë në

nenet 51-56 të kësaj rregulloreje.

Neni 51 Publikimi i njoftimit të konkursit të projektimit

51.1 Konkursi i projektimit iniciohet me publikimin e një njoftimi të konkursit të projektimit të

përgatitur sipas nenit 69 të LPP. Njoftimi i tillë i konkursit të projektimit do të përgatitet me

përdorimin e formularit standard B16 që mund të gjendet në ueb-faqen e KRPP-së.

51.2 Nenet 24.3-24.5 të kësaj rregulloreje zbatohen në mënyrë analoge edhe për publikimin e

njoftimit të konkursit të projektimit.

51.3 Nenet 24.6 -24.7 të kësaj rregulloreje, zbatohen në mënyrë analoge për specifikimin në

njoftimin e konkursit të projektimit, të limitit kohor për kërkesë për dosjen e konkursit të

projektimit, dhe respektivisht ndonjë taksë që duhet të paguhet për versionin e shtypur në

letër të dosjes së konkursit të projektimit.

Neni 52

Dosja e konkursit të projektimit. Dorëzimi i dosjes së konkursit të projektimit


52.1 Duke iu referuar nenit 9 të kësaj rregulloreje, autoriteti kontraktues do të tregojë në dosjen e

konkursit të projektimit që pjesëmarrësit në konkurs do t’i dorëzojnë projektet e tyre në

zarfe të mbyllur që përmbajnë projektin origjinal, respektivisht kopjet, që e mbajnë vetëm

numrin e prokurimit dhe një numër anonim katërshifror që e zgjedh vetë pjesëmarrësi në

pjesën e jashtme, bashkë me një zarf tjetër plotësues të mbyllur, të shënuar në të njëjtën

mënyrë, që përmban emrin dhe adresën e pjesëmarrësit.

52.2 Autoriteti kontraktues do të tregojë në dosjen e konkursit të projektimit nëse vendimi i jurisë

e detyron autoritetin kontraktues ose jo.

52.3 Neni 25 i kësaj rregulloreje zbatohet në mënyrë analoge për dorëzimin e dosjes së konkursit

të projektimit.

Neni 53 Informatat plotësuese ose sqarimet. Pranimi i projekteve

53.1 Nenet 26 dhe 27 të kësaj rregulloreje, zbatohen në mënyrë analoge edhe për informatat

plotësuese ose sqaruese të pjesëmarrësve dhe për pranimin e projekteve të dorëzuara.

53.2 Komunikimi dhe shkëmbimi i informatave në lidhje me një konkurs projektimi bëhet sipas

dispozitave të nenit 73 të LPP.

Neni 54 Hapja dhe vlerësimi i projekteve

54.1 Autoriteti kontraktues do t’i transferojë zarfet e pranuar brenda afatit, që përmbajnë

projektet, te juria e themeluar sipas nenit 74 të LPP. Zarfet e tjerë që i përmbajnë emrat e

pjesëmarrësve që i dorëzojnë tenderët do të mbahen të pahapur nga autoriteti kontraktues

dhe të depozituar në një vend të sigurt.

54.2 Juria do ta organizojë procesin e vlerësimit në mënyrë të atillë që të sigurohet integriteti dhe

drejtësia e procedurës.

54.3 Juria do të bëjë përpjekje të mjaftueshme për të arritur një vendim konsensusi. Vlerësimi i

jurisë dhe rangimi final i projekteve duhet të dokumentohen duke përdorur formularin

standard E8.

Neni 55 Votimi i jurisë

55.1 Juria mund të vendosë për rezultatin e konkursit të projektimit me shumicë votash në rast se

nuk mund të arrihet konsensus. Votimi i tillë mund të realizohet sipas këtyre rregullave:

i Kur numri i projekteve të përgjegjshme është N (një numër sipas rastit) secili anëtar i jurisë

do t’i japë 1, 2, … N pikë secilit nga projektet e përgjegjshëm, ashtu që projekti i renditur i

pari sipas anëtarit në fjalë merr N pikë, projekti i renditur i dyti i merr N-1 pikë etj.

ii. Dhënia e pikëve do të jetë e hapur për anëtarët e jurisë, por do të mbahet sekrete nga të

gjithë anëtarët e jurisë siç është përshkruar në nenin 74.4 të LPP.

iii. Projekti që merr numrin më të madh total të pikëve do të jetë projekti fitues.


iv. Në rast se këtë e mundësojnë rregullat e konkursit të projektimit, mund të përcaktohet një

fitues i dytë dhe/ose i tretë sipas numrit total të fituar të pikëve.

Neni 56 Rezultati i konkursit të projektimit

56.1 Juria do të dorëzojë klasifikimin final të projekteve te autoriteti kontraktues, i cili mandej

identifikon emrin (emrat) e fituesit ose fituesve të konkursit të projektimit. Njoftimi i rezultatit

të konkursit të projektimit do të përgatitet në pajtim me nenin 70 të LPP, duke përdorur

formularin standard B18 dhe të shpërndahet në pajtim me nenin 40.4 të LPP. Njoftimi i

përgatitur i konkursit të projektimit do të publikohet në pajtim me nenin 40.1 - 40.3 të LPP.

Dispozitat e neneve 24.3-24.5 të kësaj rregulloreje zbatohen në mënyrë analoge.

56.2 Në rast se fituesi ose një nga fituesit e konkursit të projektimit do të marrë kontratën e

shërbimeve pas konkursit të projektimit, do të zhvillohet procedura e negociuar pa publikim

të kontratës sipas neneve 41-42 të kësaj rregulloreje.

56.3 Në rast se fituesi ose fituesit e konkursit të projektimit do të marrin çmime ose pagesa siç

është specifikuar në dosjen e konkursit të projektimit, atëherë autoriteti kontraktues do ta bëjë

këtë me kujdesin e duhur.

TITULI III HYRJA NË FUQI

Neni 57

Hyrja në fuqi

Kjo Rregullore hynë në fuqi: 01.01.2009


ANEKS I

Numri i PROKURIMIT Në të gjithë formularët numri identifikues i prokurimit formohet si në vijim: Nr i prokurimit :

Autoriteti kontraktues Identifikimi [3, 4 ose 5 shifrat e para të kodit të buxhetit/thesarit (?)]

2 shifrat e fundit të vitit (08 për 2008)

Numri serik i aktivitetit të prokurimit (që fillon me 1 për çdo vit)

Kodi i llojit të prokurimit

1 Furnizim 2 Shërbime 3 Shërbime këshilluese 4 Konkursi i projektimit 5 Punë 6 Punë me koncesion 7 Pronësi e paluajtshme

Kodi i rangut të vlerës së vlerësuar

1 Vlerë e madhe 2 Vlerë mesme 3 Vlerë e vogël 4 Vlerë minimale

Kodi i procedurës 1 Procedurë e hapur 2 Procedurë e kufizuar 3 Konkursi i Projektimit

4 Procedurë e negociuar pas publikimit të njoftimit të kontratës

5 Procedurë e negociuar pa publikim të njoftimit të kontratës

6 Procedurë e kuotimit të çmimeve 7 Procedurë e vlerës minimale

Documents

RREGULLORE PËR PROKURIMIN PUBLIK...Rregullore për prokurimin publik - KRPP 3/34 RREGULLAT PËR PROCEDURAT E PROKURIMIT Rregullat për Procedurat e Prokurimit janë nxjerrë në pajtim