REUNIÓN DA COMISIÓN 1.ª, INSTITUCIONAL, DE … · que imparten formación o mesmo día e á mesma hora en lugares distintos, e outras irregularidades que levaron ao xulgado a iniciar

REUNIÓN DA COMISIÓN 1.ª,

INSTITUCIONAL, DE ADMINISTRACIÓN

XERAL, XUSTIZA E INTERIOR

Día: 11.09.2015 Hora: 10:30

RELACIÓN DE MEMBROS DE COMISIÓN 1.ª, INSTITUCIONAL, DE

ADMINISTRACIÓN XERAL, XUSTIZA E INTERIORPOR ORDE ALFABÉTICA

Mesa

Vogais

PresidenteAgustín Baamonde Díaz P

VicepresidenteHipólito Fariñas Sobrino P

SecretarioRicardo Vicente Docasar Docasar S

María Sol Díaz Mouteira PYolanda Díaz Pérez AGEJakeline Elizabeth Fernández Macias PCarmen Iglesias Sueiro MJacobo Moreira Ferro PAurelio Alfonso Núñez Centeno PMaría Tereixa Paz Franco BNGPaula Prado del Río PMaría Julia Rodríguez Barreira PBeatriz Sestayo Doce SMaría Soledad Soneira Tajes S

Reunión da Comisión 1.ª, Institucional, de Administración Xeral,

Xustiza e Interior

Día: 11.09.2015 Hora: 10:30

Orde do día

1. Designación da Ponencia encargada da elaboración da proposta

de mandato marco da Corporación Radio e Televisión de

Galicia, S.A.


Xustiza e Interior

Día: 11.09.2015 Hora: 10:30

Orde do día

2. Preguntas orais en Comisión


Xustiza e Interior

Día: 11.09.2015 Hora: 10:30

Orde do día

2.1 39099(09/POC-005826)

Grupo Parlamentario Popular de Galicia

Prado del Río, Paula e 9 máis

Sobre o proceso de expurgación de documentación que está a

levar a cabo a Xunta de Expurgación da Documentación Xudicial

de Galicia desde a súa constitución en febreiro de 2013

Publicación da iniciativa, 505, 11.08.2015

GRUPO PARLAMENTARIO POPULAR

DE GALICIA

Rúa do Hórreo, 63

15702 Santiago de Compostela

T. 981 551 510

F. 981 551 422

[email protected]

www.ppdegalicia.com

A Mesa do Parlamento

Paula Prado del Río, Agustín Baamonde Díaz, Marisol Díaz

Mouteira, Hipólito Fariñas Sobrino, Jacobo Moreira Ferro,

Aurelio Núñez Centeno, Carmen Pardo López, Julia Rodríguez

Barreira, Moisés Blanco Paradelo e Berta Pérez Hernández,

deputadas e deputados do Grupo Parlamentario Popular de

Galicia, ao abeiro do disposto no artigo 152 e concordantes do

Regulamento da Cámara, presentan ante esa Mesa, a seguinte

pregunta para a súa resposta oral en Comisión.

O 23 de febreiro de 2013 constitúese a Xunta de Expurgación da

Documentación Xudicial de Galicia e se abre o proceso de

expurgación da documentación que non estivera pendente de

ningunha actuación xudicial.

É coñecido o proceso complexo e lento que supón a selección e

estudo de series documentais, que son os pasos previos e

necesarios para que a Xunta de Expurgación poida tomar a decisión

de conservar ou eliminar a documentación respectiva.

Pois ben, sabemos que froito das actuacións levadas a cabo nesta

materia, lévanse acordado polo de agora o expurgo sobre

determinados expedientes xudiciais.


DE GALICIA

Rúa do Hórreo, 63


T. 981 551 510

F. 981 551 422

[email protected]

www.ppdegalicia.com

Polo exposto, os deputados asinantes, formulan as seguintes

preguntas:

1. Qué decisións ten adoptado a Xunta da Expurgación da

Documentación Xudicial de Galicia dende a súa constitución

en febreiro de 2013?

2. A qué órganos xudiciais e en que volume lles afecta?

Santiago de Compostela, 22 de xullo de 2015

Asinado dixitalmente por:

Paula Prado del Rio na data 22/07/2015 11:45:28

Agustín Baamonde Díaz na data 22/07/2015 11:45:35

Marisol Diaz Mouteira na data 22/07/2015 11:45:42

Hipólito Fariñas Sobrino na data 22/07/2015 11:45:47

Jacobo Moreira Ferro na data 22/07/2015 11:45:55

Aurelio Alfonso Núñez Centeno na data 22/07/2015 11:46:01

María del Carmen Pardo López na data 22/07/2015 11:46:08

María Julia Rodriguez Barreira na data 22/07/2015 11:46:15

Moisés Blanco Paradelo na data 22/07/2015 11:46:23


DE GALICIA

Rúa do Hórreo, 63


T. 981 551 510

F. 981 551 422

[email protected]

www.ppdegalicia.com

Berta Pérez Hernández na data 22/07/2015 11:46:31


Xustiza e Interior

Día: 11.09.2015 Hora: 10:30

Orde do día

2.2 39061(09/POC-005817)

Grupo Parlamentario dos Socialistas de Galicia

Sestayo Doce, Beatriz e 3 máis

Sobre a consideración pola Xunta de Galicia dos riscos que en

materia de saúde pública puido ter para a poboación de Ferrol

e os concellos de Ares, Mugardos, Narón e Fene a

subministración de auga potable


Partido dos Socialistas de Galicia

Grupo Parlamentario

Rúa do Hórreo, s/n Parlamento de Galicia. Tfno: 981 551 530 – Fax: 981 551 418 · 15702 SANTIAGO DE COMPOSTELA [email protected]

Á Mesa do Parlamento

Beatriz Sestayo Doce, Carmen Acuña do Campo, Mª Soledad Soneira

Tajes e Ricardo Vicente Docasar Docasar, deputadas e deputado

pertencentes ao Grupo Parlamentario dos Socialistas de Galicia, ao

abeiro do disposto no artigo 152 do Regulamento da Cámara, presentan

ante esa Mesa a seguinte pregunta para a súa resposta oral en Comisión

1.ª, Institucional, de Administración Xeral, Xustiza e Interior.

O día 6 de xullo entra en Ferrol un fax procedente da Xunta de Galicia

mediante o cal se informa que debe restrinxirse o consumo de auga potable

pola presenza elevada de trihalometano. Esta información se fai chegar por

parte da Xunta de Galicia a cinco concellos: Ferrol, Ares, Mugardos, Narón

e Fene.

Existe unha conversa telefónica entre delegada territorial de Sanidade e o

alcalde de Ferrol na cal a delegada se despide, a pesar da aparente

gravidade dos feitos cun: “ata o luns”, feito que causa perplexidade nos

concellos. Inmediatamente se convoca unha reunión en Ferrol cos

municipios afectados para coordinar accións conxuntas e facilitar unha

información coordinada á cidadanía.

Constitúese un gabinete permanente de crise con base no Concello de

Ferrol, na que ten presenza os municipios afectados, a empresa

concesionaria da auga e se invita a Xunta de Galicia polas competencias

sobre saúde pública e sobre emerxencias entre outras que ten. Se manteñen

numerosas xuntanzas de traballo nese gabinete, varias ao día, sen ningunha

presenza da Xunta de Galicia eludindo á Consellería de Sanidade e á de

Presidencia a través dos medios de comunicación ningún tipo de

competencia no asunto.

Mentres 150.000 persoas quedaban sen auga potable, a Xunta de Galicia

estaba ausente.

Na primeira xuntanza a cal acude a delegada territorial de sanidade o

domingo 19 de xullo elude a responsabilidade da Xunta de Galicia salvo

que se refira a facer a analítica.


Grupo Parlamentario


Por todo o exposto, as deputadas e o deputado que asinan formulan as

seguintes preguntas para o seu debate en Comisión:

1. Considerou o Goberno galego que existiu risco para a saúde da

poboación de Ferrol e nos municipios afectados nalgún momento?

2. Considera a Xunta de Galicia que existiu en algún momento risco

para parte da poboación galega afectada polo subministro de auga de

Ferrol?

3. En caso negativo, porque se creou alarma dende diferentes

responsables da Xunta de Galicia e responsables institucionais do

Parlamento de Galicia?

4. Considerou que había risco porque non se activou o sistema de

emerxencia da Consellería de Presidencia?

5. A que se debeu a ausencia da Consellería de Sanidade neste proceso,

responsable en materia de saúde pública?

6. Porque rexeitou o Goberno do Sr. Feijoo cooperar para subministrar

auga potable a poboación dos municipios afectados eludindo as súas

competencias?

Pazo do Parlamento, 21 de xullo de 2015

Asdo.: Beatriz Sestayo Doce

Carmen Acuña do Campo

Mª Soledad Soneira Tajes

Ricardo Vicente Docasar Docasar

Deputadas e deputado do G.P. dos Socialistas de Galicia


Beatriz Sestayo Doce na data 21/07/2015 11:39:22


Grupo Parlamentario


María del Carmen Acuña do Campo na data 21/07/2015 11:39:30

María Soledad Soneira Tajes na data 21/07/2015 11:39:34

Ricardo Vicente Docasar Docasar na data 21/07/2015 11:39:41


Xustiza e Interior

Día: 11.09.2015 Hora: 10:30

Orde do día

2.3 39928(09/POC-005973)

Grupo Parlamentario dos Socialistas de Galicia

Soneira Tajes, María Soledad e 3 máis

Sobre a información publicada nos medios de comunicación

respecto de posibles irregularidades na xestión de recursos

públicos dirixidos a cursos de formación



Grupo Parlamentario



Mª Soledad Soneira Tajes, María Quitas Álvarez, Beatriz Sestayo

Doce e Vicente Docasar Docasar, deputadas e deputado pertencentes

ao Grupo Parlamentario dos Socialistas de Galicia, ao abeiro do

disposto no artigo 152 do Regulamento da Cámara, presentan ante esa

Mesa a seguinte Pregunta para a súa resposta oral en Comisión 1.ª,

Institucional, de Administración Xeral, Xustiza e Interior.

Segundo vén de publicar diversos medio de comunicación, un xulgado

de Lalín está investigando a posible comisión de diversos delitos en

cursos de formación subvencionados pola Xunta de Galicia.

Nesta información cítanse circunstancias tales como a inexistencia dos

mesmos, pero que se xustifican de xeito fraudulento para cobrar as

subvencións, a inclusión de alumnos ficticios nos mesmos, profesores

que imparten formación o mesmo día e á mesma hora en lugares

distintos, e outras irregularidades que levaron ao xulgado a iniciar as

investigacións a que facemos referencia.

Todo isto, xunto con outros asuntos tamén inmersos en procesos

xudiciais que salpican a Sra. conselleira Traballo e Benestar e ao propio

presidente da Xunta de Galicia, non fai máis que sementar dúbidas

sobre o control que sobre esta formación debe exercer a Administración

que os subvenciona.

Por todo iso, as deputadas e deputado asinantes preguntan a Xunta de

Galicia:

1.ª) Son certas as noticias publicadas nos medios de comunicación, o

pasado 23 de agosto de 2015, sobre o posible caso de corrupción polo

uso ilegal de recursos públicos para a realización de cursos de

formación?


Grupo Parlamentario


2.ª) Se é así, que accións ten acometido a Xunta de Galicia para

esclarecer os feitos a que fai referencia esta iniciativa?

3.ª) Que medidas ten tomado o Goberno ao respecto?

Pazo do Parlamento, 25 de agosto de 2015

Asdo.: Mª Soledad Soneira Tajes

María Quitas Álvarez

Beatriz Sestayo Doce

Vicente Docasar Docasar

Deputadas e deputado do G.P. dos Socialistas de Galicia


María Soledad Soneira Tajes na data 25/08/2015 11:40:01

Maria Remedios Quintas Alvarez na data 25/08/2015 11:40:11

Beatriz Sestayo Doce na data 25/08/2015 11:40:16

Ricardo Vicente Docasar Docasar na data 25/08/2015 11:40:22


Xustiza e Interior

Día: 11.09.2015 Hora: 10:30

Orde do día

2.4 40008(09/POC-005991)

Grupo Parlamentario da Alternativa Galega de Esquerda

Díaz Pérez, Yolanda

Sobre as razóns da non publicación na páxina web da Xunta de

Galicia das últimas declaracións fiscais do Sr. presidente da

Xunta de Galicia


Á MESA DO PARLAMENTO GALEGO

A deputada Yolanda Díaz Pérez, integrante do grupo parlamentario da Alternativa

Galega de Esquerda, ao abeiro do disposto no artigo 156 do Regulamento da Cámara,

presenta a seguinte pregunta para a súa resposta oral na Comisión, relativa á non

publicación dos datos actualizados das declaracións do IRPF do presidente da Xunta

de Galicia.

A democracia como réxime político precisa desenvolver os mecanismos que garantan

á cidadanía dispor da información necesaria para adoptar as súas decisións.

Desgrazadamente neste réxime político abondan zonas de escuridade que facilitan

actuacións contrarias ao interese xeral. Mesmo nestes anos de crise e recesión

soportamos con indignación a trama de escándalos de corrupción política-empresarial,

que afectan ao núcleo dos partidos do réximen e que provocan na cidadanía –

sometida a meirande onda de violencia material dende a fin da ditadura – unha fonda

desafección.

Unha democracia que queira ser tal precisa, pois, deitar luz sobre todos os aspectos da

vida pública e en particular sobre as actividades, intereses, bens e patrimonios dos

responsables da res publica. Aquelas persoas que escollen o noble exercicio da política

teñen que aceptar seren escrutadas de xeito riguroso pola cidadanía.

Esa esixencia de claridade non ten acubillo suficiente na lei 4/2006, de 30 de xuño, de

transparencia, ou agarda cal vai ser a aplicación práctica do contemplado na recente

reforma do Regulamento do Parlamento Galego, que no seu apartado cuarto prescribe

a publicidade das actividades e bens dos integrantes do Parlamento Galego.

O actual presidente da Xunta facía pública no mes de marzo do 2013 a súa última,

daquela, declaración do IRPF, a correspondente ao ano 2011. Apelou entón a

“esixencia moral” da transparencia. Dende entón, e malia transcorrer varios exercicios

fiscais, non voltou a facer pública a súa declaración á facenda pública nin semella que

experimentou esa esixencia moral.

Polo sinalado, o grupo parlamentario da AGE formula a seguinte pregunta para a súa

resposta oral na Comisión:

- Que razóns explican a non publicación na páxina web da Xunta de Galicia das

últimas declaracións fiscais do presidente da Xunta e do seu patrimonio, tendo

en conta a súa consideración do 2013 acerca da “esixencia moral” que

comportaba facelas públicas?

- Non volveu o presidente da Xunta a realizar a declaración da renda das persoas

físicas dende o exercicio de IRPF do 2011?

- Contempla o presidente facer públicas as súas últimas declaracións á facenda

pública?

- Contempla dar a coñecer o estado actual do seu patrimonio?

- Que actuación lexislativa vai desenvolver a Xunta para que todos os altos

cargos da administración pública galega teñan a obriga de faceren pública o seu

estado patrimonial?

En Compostela, a 26 de agosto do 2015.

Asdo. Yolanda Díaz Pérez


Yolanda Díaz Pérez na data 26/08/2015 13:40:18


Xustiza e Interior

Día: 11.09.2015 Hora: 10:30

Orde do día

2.5 40044(09/POC-006001)

Grupo Parlamentario da Alternativa Galega de Esquerda

Díaz Pérez, Yolanda

Sobre o Grupo de Emerxencias Supramunicipal da comarca de

Curtis


Á MESA DO PARLAMENTO GALEGO

A deputada Yolanda Díaz Pérez, integrante do grupo parlamentario da Alternativa

Galega de Esquerda, ao abeiro do disposto no artigo 156 do Regulamento da Cámara,

presenta a seguinte pregunta para a súa resposta oral na Comisión, relativa ao GES da

comarca de Curtis.

Nun país que está a sufrir unha queima dos nosos montes moi superior a do ano

pasado; nun país onde a lei de emerxencias está para non se cumprir; nun país onde a

pésima política de desartellamento do rural favorece unha depredadora economía do

lume; nun país cos servizos de emerxencias privatizados, descoordinados, faltos de

equipos e persoal; nese país referido nas liñas supra hai unha práctica cotián no GES de

Curtis que simplemente é bochornosa.

Este GES dá servizo aos concellos de Curtis, Sobrado, Vilasantar, Aranga, Mesía e Oza-

Cesuras. Nel veñen a traballar na actualidade unha ducia de traballadores (logo de

seren despedidos con anterioridade tres) cuxas tarefas –segundo recolle o convenio

de colaboración subscrito pola Xunta coa FEGAMP – consisten en realizar desbroces,

atender emerxencias e participar nos dispositivos de loita contra os incendios

forestais.

Malia o disposto no convenio, este GES, a plantilla que o forma, carece dun protocolo

de traballo, non ten o entrenamento físico necesario, descoñece a toponimia e os

lugares de difícil acceso da súa área de traballo e ignora os hidrantes e o seu estado;

de feito, a falla de formación específica é tal que dispoñen dun explosímetro novo para

o que non recibiron formación algunha. Difícil traballo é o das emerxencias como para

ter que afrontalo tan en precario.

Esa plantilla, por exemplo, recibiu tarde os traxes de intervención e os cascos de

seguridade, pero teñen que compartir algo tan necesario e básico como son as ERA, os

equipos de respiración autónomos. Faltan na equipación dun grupo de traballo destas

características elementos tan básicos como os dunha padiola de pas, arneses e

salvavidas.

Con este panorama, pouco alentador respecto o que tería que ser unha prioridade das

administración públicas, resulta que o común do seu traballo nada ten que ver coas

tarefas recollidas no convenio Xunta-FEGAMP. Esa ducia de traballadores adícan o

seu tempo de traballo – o que lles resta libre logo das coaccións e amenazas que

queren agochar todo o que as administracións públicas fan mal - a acondicionar

parques e xardíns, o campo de fútbol de Curtis, o igrexario de san Roque de Xabriño, a

limpeza do recinto feiral de Curtis tanto as do comercio como as do gando, a limpeza

dalgún alcantarillado, caso do do edificio do cuartel da Garda Civil, etc., tarefas todas

elas realizadas – non no seu tempo libre – e si cando se atopan na quenda de garda

para as emerxencias. Instructivo resulta a lectura da crónica publicada no xornal La Voz

de Galicia co título “Yo no me metí en el GES para lavarle el coche al concejal”.

Esta situación intolerable, ateigada da ineficacia a que condenan os responsables

públicos ao GES, hai que engadirlle os abusos de poder cun cuadrante anual de horas

de traballo abusivo, onde cada traballador realiza preto de 300 horas extraordinarias

que non se aboan; circunstancia ilegal e que ademáis é vergoñenta cando temos a taxa

de paro por riba do 20%, e cando neste GES xa se despediu a 3 traballadores.

Traballadores que queren cumprir coa súa laboura naquelas tarefas que por norma

teñen encomendadas, sin abusos, sin clientelismos, sin coaccións e amenazas… todo o

que alenta ou permite a Xunta de Galicia coa súa nefasta política nesta materia.

Así vai polo rego da ineficacia e dos abusos ilegais os cartos públicos, que para o

financiamento dos GES achegan Xunta (60%), FEGAMP (20%) e os propios concellos

(outro 20%). Regato que semella ser un río, porque as denuncias acreditadas sobre o

GES de Curtís semella que poden predicarse o comportamento doutros moitos GES do

país.

Polo sinalado, o grupo parlamentario da AGE formula a seguinte pregunta para a súa

resposta oral na Comisión:

- Coñece a Xunta de Galicia a situación denunciada sobre as tarefas

efectivamente realizadas no GES de Curtis, que no se corresponden en

absolutos coas encomendadas no convenio subscrito entre Xunta e FEGAMP?

Que actuación correctoras vai emprender a Xunta? Vai depurar algunha

responsabilidade política por esa neglixencia?

- Coñece a Xunta a falla de equipamentos, formación, entrenamento que sufre a

plantilla? Vai adoptar a Xunta medidas para colmar ese conxunto de

deficiencias? Vai depurar algunha responsabilidade política por tamañas

neglixencias?

- Interésalle á Xunta a situación de abusos nas xornadas laborais da plantilla? Vai

adoptar algunha medida para evitalos e sancionar a quen corresponda por tales

irregularidades?

- Sabe a Xunta das coaccións e amenazas que penden sobre os traballadores logo

de se facer público nos medios e redes sociais o escándalo da súa situación? Vai

abrir unha investigación para depurar responsabilidades de as houber?

- Contempla a Xunta realizar unha auditoría sobre o conxunto das insuficiencias e

irregularidades que acontecen en todos os GES do país?

En Compostela, a 27 de agosto do 2015.

Asdo. Yolanda Díaz Pérez


Yolanda Díaz Pérez na data 27/08/2015 12:10:03


Xustiza e Interior

Día: 11.09.2015 Hora: 10:30

Orde do día

3. Proposicións non de lei en Comisión


Xustiza e Interior

Día: 11.09.2015 Hora: 10:30

Orde do día

3.1 34656(09/PNC-002918)

Grupo Parlamentario Mixto

Iglesias Sueiro, Carmen e Martínez García, María Consuelo

Sobre a provisión pola Xunta de Galicia de gardarías a todos

os centros de traballo da Administración galega, garantindo a

adaptación dos seus horarios de apertura ás necesidades dos

empregados públicos


GRUPO MIXTO

PARLAMENTO DE GALICIA

Parlamento De Galicia | PNC

1

Á MESA DO PARLAMENTO DE GALICIA.

O G. P. Mixto, a iniciativa das súas deputadas, Carmen Iglesias Sueiro e

Consuelo Martínez García, ao abeiro do establecido no regulamento desta

cámara, presenta a seguinte Proposición non de lei para o seu debate na

Comisión 1ª Institucional, de Administración Xeral, Xustiza e Interior.

Os centros de traballo que contan con garderías suponlles beneficios ás

persoas traballadoras, aos seus fillos e fillas e á organización que as incorpora.

Este tipo de garderías instaladas nos propios centros de traballo que promoven

a conciliación entre a vida laboral e as persoas, producen beneficios obvios

para as persoas traballadoras e para os seus fillos e fillas, xa que os tempos

que pasan na gardería redúcese. Pero tamén supón un beneficio para a

organización ou empresa que as incorpora pois elo fai persoas máis

comprometidas, motivadas e satisfeitas que redunda nun menor custe para as

empresas reflectido en menor absentismo laboral, menor rotación e máis

produtividade. Así é recollido por diversos estudos: en empresas con ámbitos

flexibles e familiarmente responsables as persoas traballadoras multiplican por

tres o seu compromiso, o que se traduce nun aumento da produtividade e a

competitividade.

Ademais, non se pode esquecer ao grande beneficiario das políticas de

conciliación que, pese a elo, soe acabar excluído do debate: A infancia. A

gardería no centro de traballo supón horarios máis sociais para os pequenos e

pequenas; facilita o control das súas rutinas e reduce a estancia nas mesmas,

permitindo aumentar o tempo compartido coa familia, todo o cal contribúe ao

seu desenvolvemento e benestar.

GRUPO MIXTO

PARLAMENTO DE GALICIA

Parlamento De Galicia | PNC

2

Pero para que a gardería instalada no centro de traballo acade estes

obxectivos, é imprescindible que estean adaptadas ao calendario laboral dos

pais e das nais.

Polo exposto preséntase a seguinte proposición non de lei para o seu debate

en Comisión:

“O Parlamento de Galicia insta á Xunta de Galicia a prover de garderías todos

os centros de traballo da Administración Galega garantindo horarios de

apertura que respondan ás necesidades dos e das empregadas públicas.”

Santiago de Compostela, 10 de marzo de 2015

Asdo.: Carmen Iglesias Sueiro

Deputada do G.P. Mixto do Parlamento de Galicia

Consuelo Martínez García Voceira do G.P. Mixto do Parlamento de Galicia


Carmen Iglesias Sueiro na data 10/03/2015 14:57:37

María Consuelo Martínez García na data 10/03/2015 14:57:48


Xustiza e Interior

Día: 11.09.2015 Hora: 10:30

Orde do día

3.2 37068(09/PNC-003115)

Grupo Parlamentario do Bloque Nacionalista Galego

Paz Franco, María Tereixa

Sobre a constitución por parte do Goberno galego dunha

comisión de negociación para a elaboración e aprobación,

antes do remate do ano 2015, do regulamento do bombeiro

profesional previsto na Lei de emerxencias de Galicia


OFICINA PARLAMENTAR

Parlamento de Galiza

Rúa do Hórreo, s/n. Tel. 0034 981 551 545

Fax. 0034 981 551 420. Fax prensa: 0034 981 551 421

[email protected]


Galiza


O Grupo Parlamentar do Bloque Nacionalista Galego (BNG), a

iniciativa da deputada Tereixa Paz Franco, ao abeiro do disposto no

Regulamento da Cámara, formula a seguinte Proposición non de lei para o seu

debate en Comisión, en relación coas previsións de aprobación do regulamento

do bombeiro profesional previsto na Lei de emerxencias de Galicia.

A situación da xestión das emerxencias en Galiza caracterízase pola falta

de homoxeneidade dos distintos dispositivos encargados dos servizos de

prevención e extinción de incendios e salvamento. Esta falta de homoxeneidade

ven determinada por un modelo na que segundo o ámbito territorial e

competencial conviven servizos con xestión pública directa con outros

privatizados. Uns de ámbito municipal, outros comarcais e algúns

supramunicipais.

Esta falla de homoxeneidade tamén se traslada ás condicións do persoal

que presta os seus servizos. Non só no que atinxe a diverxencia de vinculacións e

relacións laborais, senón tamén no que ten a ver coa forma de acceso, esixencias

de titulación e de formación para acceder a ditos postos de traballo.

Todo isto constitúe a xuízo do Grupo Parlamentar do Bloque Nacionalista

Galego unha deficiencia que dificulta un funcionamento do dispositivo coa

debida coordinación e que ten como consecuencia que a prestación dos servizos

non garanta tampouco a igualdade no conxunto do territorio e polo tanto que as

OFICINA PARLAMENTAR



Fax. 0034 981 551 420. Fax prensa: 0034 981 551 421

[email protected]


Galiza

persoas teñen un nivel de protección e atención diferente en función do lugar no

que vivan ou no que padezan unha emerxencia.

A esta situación, que ven de vello, pretendía dar solución a Lei 5/2007, de

emerxencia de Galiza, porén, diferentes decisións políticas que se adoptaron en

relación co seu cumprimento xunto coa omisión á hora de abordar diversos

aspectos do seu desenvolvemento non fixo máis que agravar a situación desde a

súa aprobación.

Un dos aspectos que contribuiría, sen dúbida a paliar, aínda que só fose

parcialmente, este caos sería o desenvolvemento dalgunha disposicións

adicionais da lei. Concretamente a disposición adicional terceira, punto tres,

prevía que no prazo dun ano desde a súa aprobación debería promover a

elaboración dun regulamento do bombeiro profesional para homologar as

condicións de todas persoas que prestan os seus servizos nos dispositivos de

emerxencias.

Estas son as razóns polas que o Grupo Parlamentar do Bloque

Nacionalista Galego, a través da deputada asinante, formula a seguinte

Proposición non de lei para o seu debate en Comisión:

“O Parlamento de Galicia insta ao Goberno galego a nun prazo non

superior a 15 días constituír unha Comisión de negociación coa participación da

representación dos diferentes colectivos de traballadores e traballadoras dos

dispositivos de prevención, extinción de incendios e salvamento, e coas

administracións implicadas para iniciar a negociación do regulamento do

OFICINA PARLAMENTAR



Fax. 0034 981 551 420. Fax prensa: 0034 981 551 421

[email protected]


Galiza

bombeiro profesional previsto na Lei de emerxencias de Galiza. Que dita

Comisión baixo a premisa central de avanzar na homoxeinización das condicións

dos diferentes servizos, teña un mandato de procurar a elaboración e aprobación

do Regulamento antes de fin do ano 2015.”

Santiago de Compostela, 7 de maio de 2015

Asdo.: Tereixa Paz Franco

Deputada do G.P. do BNG

Francisco Xesús Jorquera Caselas

Portavoz do G.P. do BNG


María Tereixa Paz Franco na data 07/05/2015 20:01:02

Francisco Xesús Jorquera Caselas na data 07/05/2015 20:01:08


Xustiza e Interior

Día: 11.09.2015 Hora: 10:30

Orde do día

3.3 37900(09/PNC-003185)

Grupo Parlamentario do Bloque Nacionalista Galego

Paz Franco, María Tereixa e Adán Villamarín, María do Carme

Sobre as actuacións que debe levar a cabo o Goberno galego en

relación coa Casa da Xuventude de Ourense, denominada na

actualidade Espazo Xove


OFICINA PARLAMENTAR



Fax. 0034 981 551 420. Fax prensa: 0034 981 551 421

[email protected]


Galiza


O Grupo Parlamentar do Bloque Nacionalista Galego (BNG), a iniciativa

das deputadas Tereixa Paz Franco e María do Carme Adán Villamarín, ao abeiro do

disposto no Regulamento da Cámara, formula a seguinte Proposición non de lei para o

seu debate na Comisión 1ª, relativa ás actuacións da Xunta de Galiza en relación coa

casa da Xuventude de Ourense.

A Casa da Xuventude, hoxe Espazo Xove, foi un referente da mocidade en

Ourense e un espazo de encontro e creatividade do que xurdiron numerosos proxectos

culturais e sociais que enriqueceron a nosa cidade e o país.

Recoñecida a nivel nacional e internacional polo impulso das artes gráficas e de

grupos vinculados ás diferentes artes escénicas e a música a Casa da Xuventude, hoxe

Espazo Xove, tivo sempre como uns dos seus valores máis salientábeis a participación e

a autoorganización da mocidade como motor das súas actividades. Baixo a dirección de

Benito Losada a Casa da Xuventude converteuse nun espazo de liberdade e confianza

onde todo tipo de iniciativas tiveron espazo e acollida.

Coa proposta da Xunta de Galiza de ubicar no edificio da Casa da Xuventude,

hoxe Espazo Xove, o punto de encontro familiar desprazarase ao cuarto andar o centro

Quérote+. Así o andar ocupado polo punto de encontro familiar restará espazo para as

actividades da mocidade cada día máis desprazada dun espazo que sempre estivo

destinado a acollela e a fomentar as súas actividades. Alías a ubicación dun servizo das

características dun punto de encontro familiar nese entorno non parece o máis acaído

para un espazo da mocidade.

Hoxe existen cada día máis trabas para o uso dos espazos e a promoción de

OFICINA PARLAMENTAR



Fax. 0034 981 551 420. Fax prensa: 0034 981 551 421

[email protected]


Galiza

actividades por parte das diversas asociacións, desapareceu a participación da mocidade

na xestión dos espazos, os orzamentos e as actividades na Casa da Xuventude e a nova

coordinación limita cada día máis, baixo os intereses da Xunta de Galiza, o tipo de

actividades para as que se cede o espazo.

Practicamente en toda a súa existencia a Casa da Xuventude rexíase por un

Regulamento que por parte da Dirección do centro se remitía á Xunta e que establecía

como órganos de xestión unha Presidencia, a Dirección do centro e un Consello de

Xestión. Esta dinámica democrática e de participación das entidades xuvenís na

planificación e desenvolvemento das actividades rachouse nos últimos anos,

substituíndose este funcionamento pola única vontade persoa que se ocupa da

coordinación de actividades.

A mocidade debe recuperar a Casa da Xuventude como o espazo de liberdade

que foi, aberto a todo tipo de iniciativas, sen a censura dos seus responsábeis e como

espazo de participación colectivo no que sexan as mozas e mozos de Ourense as que

decidan, como sempre fixeron, as actividades e proxectos que alí queren desenvolver.

Estas son as razóns polas que o Grupo Parlamentar do Bloque Nacionalista

Galego, a través da deputada asinante, formula a seguinte Proposición non de lei para o

seu debate na Comisión 1ª:

“O Parlamento de Galiza insta ao Goberno galego a realizar as seguintes

actuacións en relación coa casa da Xuventude de Ourense:

1.- Buscar outra localización para o Punto de Encontro Familiar que se pretende

situado no edificio da Casa da Xuventude, hoxe denominada Espazo Xove, atendendo

tanto os informes técnicos de colexios oficiais como as sinaturas de persoas usuarias

que evidencian que esta non é a ubicación adecuada.

OFICINA PARLAMENTAR



Fax. 0034 981 551 420. Fax prensa: 0034 981 551 421

[email protected]


Galiza

2.- Aprobar anualmente un Regulamento de funcionamento da Casa da

Xuventude no que se restitúa o protagonismo das entidades e asociacións, así como das

persoas asociadas, establecendo un modelo de planificación e xestión baseado na

existencia dun Consello de Xestión e unha Presidencia elixidas democraticamente e a

Dirección do Centro.

3.-Eliminación das trabas e cargas burocráticas e administrativas que se

impoñen para a realización de actividades.”

Santiago de Compostela, 9 de xuño de 2015

Asdo.: Tereixa Paz Franco

Deputada do G.P. do BNG

María do Carme Adán Villamarín

Portavoz s. do G.P. do BNG


María Tereixa Paz Franco na data 09/06/2015 18:05:45

María do Carme Adán Villamarín na data 09/06/2015 18:05:54

Documents

REUNIÓN DA COMISIÓN 1.ª, INSTITUCIONAL, DE … · que imparten formación o mesmo día e á mesma hora en lugares distintos, e outras irregularidades que levaron ao xulgado a iniciar