Upload
others
View
1
Download
0
Embed Size (px)
Citation preview
KVU rv. 15 StrynefjelletRevidert tilleggsutgreiing inkl. fv. 63 heilårsveg til Geiranger
Region vest
Styring og strategistabJuni 2016
Stat
ens
vegv
esen
Revidert tilleggsutgreiing KVU Strynefjellet side 0
Juni 2016 Statens vegvesen
Forord
På oppdrag frå Samferdselsdepartementet laga Statens vegvesen «Tilleggsutgreiing KVU
Strynefjellet datert 30. mars 2014. Utgreiinga var ei tilleggsutgreiing til «KVU rv. 15
Strynefjellet» datert 22. mars 2012. Metier/Møreforskning har med grunnlag i KVU’en levert
KS1-evaluering 9.1.2013. 5. september 2014 og 14. juli 2015 ba Samferdselsdepartementet
om ei revidert utgåve av tilleggsutgreiinga som inkluderer heilårsveg til Geiranger og alle
identifiserte alternativ innafor konsept B.
Formålet med tilleggsutgreiinga er å gjennomføre meir detaljerte undersøkingar enn det som
vart gjennomført i KVU’en med sikte på å kome fram til ein tilrådd trasé frå Hjelledalen i
Stryn kommune til Breidalen i Sjåk kommune. Den tilrådde traséen skal både løyse problema
med fokk og skred, med dagens utilstrekkelege tunnelstandard og framkomstproblem for
tungtrafikken på stigninga frå Skora til Ospelitunnelen. I tillegg skal vi greie ut korleis det kan
etablerast eit heilårs fylkesvegsamband til Geiranger.
Målet med utgreiinga er såleis å kome med tilråding til ei langsiktig løysing for rv. 15 over
Strynefjellet som inkluderer heilårsveg til Geiranger.
Denne rapporten omfattar framlegg til løysingar med kostnadsoverslag og tilråding. Den må
lesast som eit tillegg til den tidlegare utarbeidde KVU’en, innkomne høyringsforslag samt
KS1-rapporten frå Metier/Møreforskning. I den grad det er nye eller tilleggsopplysningar om
ulike tema som vi meiner har betydning for val av alternativ, er dei tekne inn i rapporten.
Elles er det vist til KVU’en der temaet er behandla.
Revidert tilleggsutgreiing KVU Strynefjellet side 1
Juni 2016 Statens vegvesen
Innhald
0. Samandrag ................................................................................................................................................... 3
FØREMÅL .................................................................................................................................................. 3 VURDERTE LØYSINGAR ............................................................................................................................. 3 OPPSUMMERING OG TILRÅDING ................................................................................................................. 4 VIDARE ARBEID ......................................................................................................................................... 6
1. Bakrunn og mål for planarbeidet ............................................................................................................... 7
BAKGRUNN FOR PLANARBEIDET ................................................................................................................ 7 MÅL OG RAMMER FOR PLANARBEIDET ...................................................................................................... 7 PLANOMRÅDE OG DAGENS VEG ................................................................................................................. 8
2. Situasjonen i dag ........................................................................................................................................ 10
PROBLEMSKILDRING ................................................................................................................................ 10 VEG OG TRAFIKK ..................................................................................................................................... 11 HØGFJELLSPROBLEMATIKK/REGULARITET/SKREDFARE ........................................................................... 12 GEOLOGI I OMRÅDET ............................................................................................................................... 12 VERNEOMRÅDE, VERNEPLAN VEG, KULTURMINNE .................................................................................. 12
3. Vegstandard ............................................................................................................................................... 13
4. Vurderte alternativ .................................................................................................................................... 14
B1 ........................................................................................................................................................... 14 B2 ........................................................................................................................................................... 15 B2 REDUSERT .......................................................................................................................................... 17 B3 ........................................................................................................................................................... 18 HEILÅRSVEG TIL GEIRANGER .................................................................................................................. 19 VEGEIGARSKAP ....................................................................................................................................... 22 MASSEDEPONI ......................................................................................................................................... 23 FORKASTA ALTERNATIV I OMRÅDET SKORA - OSPELITUNNELEN............................................................. 24
5. Prissette konsekvensar .............................................................................................................................. 26
KOSTNADSBEREKNING ............................................................................................................................ 26 ULUKKER OG TUNNELRISIKO ................................................................................................................... 28 TRAFIKKAVVIKLING/ULEMPER I BYGGEFASEN......................................................................................... 28 KØYRETID ............................................................................................................................................... 28 EFFEKT-BEREKNING .............................................................................................................................. 28
6. Ikkje prissette konsekvensar (Miljøtema) ............................................................................................... 31
VURDERING AV KONSEKVENSAR FOR LANDSKAPSBILDE ......................................................................... 31 NÆRMILJØ OG FRILUFTSLIV ..................................................................................................................... 32 NATURMANGFALD INKLUDERT OMSYN TIL VILLREIN .............................................................................. 32 KULTURMINNE OG KULTURMILJØ ............................................................................................................ 34
7. Måloppnåing .............................................................................................................................................. 35
8. Drøfting og tilråding .................................................................................................................................. 37
OPPSUMMERING AV KONSEKVENSAR....................................................................................................... 37 TILRÅDING .............................................................................................................................................. 39 VIDARE ARBEID ....................................................................................................................................... 40
9. Vedlegg ....................................................................................................................................................... 41
VEDLEGG 1: ANSLAG-RAPPORT AV 20.3.2014 OG 15.12.2015 .............................................................. 41 VEDLEGG 2: GEOLOGISK RAPPORT AV 12.01.2016 .................................................................................. 41 VEDLEGG 3: TRAFIKKNOTAT DATERT 3.12.2015 ..................................................................................... 41 VEDLEGG 4: VD - TILRÅDING STANDARD FOR TUNNELAR OVER STRYNEFJELLET MED LENGDE > 10 KM 41 VEDLEGG 5: RISIKOVURDERING, MULTICONSULT / HOJ CONSULTING, MARS 2016 ............................. 43 VEDLEGG 6: BEREDSKAPSANALYSE, MULTICONSULT, 15.MARS 2016..................................................... 43 VEDLEGG 7: PRISSATTE KONSEKVENSAR (EFFEKT-BEREKNING), 4.4.2016 ....................................... 43
Revidert tilleggsutgreiing KVU Strynefjellet side 2
Juni 2016 Statens vegvesen
VEDLEGG 8: KART OVER ALTERNATIV B1 (MED OG UTAN ARM TIL FV. 63 GEIRANGER) ...................... 43 VEDLEGG 9: KART OVER ALTERNATIV B2 ............................................................................................... 43
VEDLEGG 10: KART OVER ALTERNATIV B3 ........................................................................................ 43
Revidert tilleggsutgreiing KVU Strynefjellet side 3
Juni 2016 Statens vegvesen
0. Samandrag
Føremål
Føremålet med tilleggsutgreiinga i 2014 var å finne ein optimal trasé frå dagens veg v/ Folva-
Skora som:
- Løyser problema med dagens tunnelar
- Løyser fokk-/skredproblem på strekninga (Grasdalen, Breiddalen, Napefonna,
Gotiskarfonna)
- Fjernar stigningsproblema frå Skora opp til Ospelitunnelen.
Men Samferdselsdepartementet presiserer at det ikkje vert sett absolutte krav til dei konkrete
løysingane i forkant av denne reviderte tilleggsutgreiinga. Dette inneber konkret at rammene
ovanfor som departementet ga Statens vegvesen som grunnlag for tilleggsutgreiinga i 2014,
ikkje skal leggjast til grunn for denne reviderte tilleggsutgreiinga.
Vidare gav Samferdselsdepartementet desse rammene 14. juli 2015:
- Løysinga skal, med dei gjevne føresetnadene, prioritere lågast muleg total kostnad
høgt ved utgreiing av alternativ.
- Arm til Geiranger skal utgreiast som eit fylkesvegsamband.
Vegdirektoratet har i tillegg (i vedlegg 4) gjeve krav til tunnelar med utgangspunkt i KVU-ens
konsept B1 og B2 (primært krav til profil i høve lengde og stigning).
Vurderte løysingar
Figur 1: Oversiktskart
Revidert tilleggsutgreiing KVU Strynefjellet side 4
Juni 2016 Statens vegvesen
Oppsummering og tilråding
Konsekvensane for alternativa er kort oppsummert i tabellen under.
Tabell 1: Oppsummerte konsekvensar av alternativa på rv. 15.
Prissette konsekvensar
0+ B1 B2 B2 red. B3
Anleggskostnader i mill. 2016-kr 300 *) 3 850 4 700 2 600 2 800
Netto nytte - 3 040 -4 574 - 2 409 - 2 648
Netto nytte/budsjettkr. - 0,82 - 1,00 - 0,99 - 1,02
Måloppnåing tilleggsutgreiing
Vegnormalstandard tunnelar 0 + + + + + + + + + + + + + + +
Fjerne alle skred-/snøproblem 0 + + + + + + + + + + +
Fjerne stigningsproblema
Skora- Ospelitunnelen 0 + + + + + + + + 0 0
Villrein 0 + + + + + + 0
Oppfylling av krav i KVU
Trafikantkostnader i
byggeperioden - - - - 0 0 - - -
Regularitet over Strynefjellet 0 + + + + + + + + +
Kostnadseffektiv transport 0 + + + + + + + + + + +
Villrein 0 + + + + + + 0
Konfliktar med natur, kultur og miljø 0 - 0 0 - - -
Utslepp av klimagassar 0 + + + + + +
Risikonivå i tunnel 0 + + + + + + + + + + + +
Etappevis utbygging 0 0 + + 0 + *) ekskl. skredoverbygg Grasdalen (250 - 300 mill. kr).
Tabell 2: Oppsummerte konsekvensar av alternativa på fv. 63.
Fv. 63 med
alt. B1
Fv. 63 med alt.
B2 / B2 red
Fv. 63
med alt.
B3
Fv. 63
Tunnel til
Breiddalen
Fv. 63 Tunnel til
Skjerdingsdalen
Anleggskostnader 1 600 1 500 1 900 2100 2100
Netto nytte -1 420 *) -1 270 *) -1 980 *) -2 249 -2 275
Netto nytte/budsjettkr. -0,81 *) -0,77 *) -0,97 *) -1,00 -0,99
*) Vi har stipulert effekten av å byggje fv.63 åleine etter at rv. 15 er utbetra. Sidan vi ikkje veit noko om
rekkefølgje og tidsforløp for ei slik stegvis utbygging, er det uråd å rekne på dette. Tala ovanfor er komne fram
ved å trekke effektane frå riksvegdelen frå effekten for samla utbygging av riks og fylkevegen (meir informasjon
om dette i kap 5.5).
Revidert tilleggsutgreiing KVU Strynefjellet side 5
Juni 2016 Statens vegvesen
Tabellane nedafor viser alle vurderte konsekvensar gradert med ei fargeskala der mørkast
brunt er mest negativt og mørk grøn er mest positivt:
Tilråding for rv. 15:
Berre alternativ B1 og B2 tilfredsstiller mål/krav i tilleggsoppdraget frå februar 2014. B2 er
dyrare, gir lenger veg for trafikantane og har dårlegare samfunnsøkonomi enn B1. I brev
datert 5. september 2015 presiserer Samferdselsdepartementet at det ikkje vert sett absolutte
krav til dei konkrete løysningane i forkant av denne reviderte tilleggsutgreiinga. Dette inneber
konkret at rammene frå februar 2014, ikkje skal leggjast til grunn for den reviderte tilleggs-
utgreiinga.
Vi vurderer desse to ambisjonsnivåa som to ulike konsept. Det eine aksepterer dagens veg
med stignings-, skred- og fokkproblem. Då vil alternativ 0+ kunne aksepterast dersom ein ser
vekk frå dei anleggstekniske og trafikale problema som ein ombygging av dagens tunnelar vil
Revidert tilleggsutgreiing KVU Strynefjellet side 6
Juni 2016 Statens vegvesen
medføre. I tillegg føreset dette permanent fartsgrense 60 km/t med automatisk fartskontroll
(streknings-ATK). Vi oppfattar at ei slik løysing er vanskeleg å få aksept for hjå trafikantane.
I tillegg vil ei slik løysing ut frå vår faglege vurdering, berre løyse ein avgrensa del av
problema med dagens rv. 15 over Strynefjell.
Statens vegvesen meiner difor at dersom ein skal ruste opp Strynefjelletstunnelane, må alle
problema løysast samtidig. Dette er bakgrunnen for følgjande tilråding:
Statens vegvesen rår til at B1 vert vald som alternativ for å oppnå full måloppnåing.
Dersom det også i eit langt perspektiv kan aksepterast at:
- stigninga/slyngparti frå Skora til Ospelitunnelen ikkje vert utbetra.
- at ein fortsatt kan leve med problema med skred frå Napefonna, Gotiskarfonna og
Kleivane.
- at ein kan akseptere fortsatt bruk av Ospelitunnelen,
kan det vere eit muleg alternativ å bygge B2 redusert for å få ned investeringskostnadane.
Ein føresetnad for eit slikt val må vere at eit eventuelt byggesteg 2 av B2 ligg langt fram i tid,
sidan B2 både er dyrare og dårlegare enn B1. B2 redusert vil løyse problema med dårlege
tunnelar, betre vinterregulariteten på rv. 15, løyse skredproblema i Grasdalen og gje mindre
anleggstekniske og trafikale problem i byggeperioden enn 0+.
B3 bør ikkje byggast. Alternativet er like dyrt som B2 redusert, løyser færre problem og har i
hovudsak dei same ulempene.
Tilråding for fv. 63 Heilårsveg til Geiranger:
Alle alternativa som er utgreidde for fv. 63 gir fullgod løysing når det gjeld heilårsveg til
Geiranger. Vegen frå Opplendskedalen til Geiranger er smal og svingete og vil gje ein del
utfordringar på vinterstid, men vinteropen vil den vere.
Omsyn til lågaste anleggskostnad og akseptabel risiko i tunnelane og best på ikkje prissette
konsekvensar, er grunngjeving for følgjande tilråding:
Statens vegvesen rår til fv. 63 vert bygd med tunnel frå Opplendskedalen til B1 eller B2
avhenging av val på rv. 15. Dersom ikkje rv. 15 skal byggjast ny, ser vi ikkje stor fagleg
skilnad på direktetunnel til Breidalen eller Skjeringsdalen.
Vidare arbeid
Ut frå tilrådinga vert alternativ B1 lagt til grunn for det vidare arbeidet. For å unngå at ein må
oppgradere dagens tunnelar etter krava i tunnelsikkerheitsforskifta innan fristen 2019, bør ein
starte opp med reguleringsplan med KU for dette alternativet så snart som mogleg. I dette
reguleringsplanarbeidet må også innslag for tunnelen ved Skora avklarast etter grundigare
geologiske undersøkingar. Vidare planarbeid for fv. 63 kan takast vidare i pågåande
kommunedelplanarbeid i regi av Stranda kommune, men dette må avgjerast av
fylkeskommunane som er vegeigarar.
Revidert tilleggsutgreiing KVU Strynefjellet side 7
Juni 2016 Statens vegvesen
1. Bakrunn og mål for planarbeidet
Bakgrunn for planarbeidet
I «KVU rv. 15 Strynefjellet» har Statens vegvesen opprinneleg kome med følgande tilråding:
På kort sikt meiner vi at tunnelane bør oppgraderast etter konsept 0+ for å sikre
sikkerheitsgodkjenning.
På lang sikt rår vi til at konsept B3 vert vald. Konsept B3 må evt. kunne optimaliserast i høve
til bruk av eksisterande tunnelar. Dette må avklarast gjennom vidare planlegging.
I høyringsuttalene er det eit stort sett samstemmig ønske om å få realisert byggetrinn 1 av B2
(tunnel frå Skjerdingsdalen til Lægervatn) først, evt. med oppfølging byggetrinn 2 seinare for
å få alle problema løyste. Med bakgrunn i dette, endra Statens vegvesen tilrådinga:
SVV mener primært at endelig valg av B-varianter bør skje gjennom kommunedelplanlegging
etter PBL.
KS1-konsulenten tilrår «Det anbefales derfor at Statens vegvesen går videre og utreder
alternativ B4, B3/0++ og B3 i neste fase før endelig val av konsept besluttes».
B4 i denne tilrådinga er eit alternativ som ikkje er utgreidd i KVU’en som er ein variant av
B1/B2 med tunnel frå Øvstefoss bru til Lægervatn.
I arbeidet med behandling av «KVU rv. 15 Strynefjellet» har Samferdselsdepartementet gjeve
uttrykk for at dei ønskjer ikkje å nytte midlar til midlertidig oppgradering av tunnelane over
Strynefjellet, men at ein bør søke etter ei fullgod løysing med ein gong. 0++ er etter det eit
uaktuelt alternativ. Dei har òg kome med ei utfyllande presisering av måla med prosjektet,
noko som endrar premissane for val av alternativ. Dei har i denne samanheng bedt om meir
detaljerte berekningar av nokre av alternativa.
I brev datert 5. september 2014 og 14. juli 2015 frå Samferdselsdepartementet har Statens
vegvesen fått bestilling på ei revidert utgåve av tilleggsutgreiing for KVU rv. 15 Strynefjell.
Den reviderte utgreiinga skal inkludere alle identifiserte relevante alternativ innanfor konsept
B og etaten skal gi sin tilråding om val av alternativ.
Samferdsledepartementet skriv at tilleggsutgreiinga vil bli underlagt ekstern kvalitetssikring
så snart den er ferdigstilt.
Med dette som bakgrunn, har vi utarbeidd denne reviderte tilleggsutgreiinga.
Mål og rammer for planarbeidet
Samferdselsdepartementet ba i brev av 17.2.2014 om ei tilleggsutgreiing:
«Tilleggsutredningen skal gi tilråding om langsiktig løsning for rv. 15 over Strynefjell. Det
skal legges til grunn en kostnadseffektiv og tjenelig løsning, som sikrer tilfredsstillende
regularitet for trafikk vinterstid og som i tillegg sikrer god fremkommelighet for
næringstrafikken. Hensynet til verneområder og villrein skal ivaretas.»
Vi har i tillegg fått presisert rammene planarbeidet vi skal arbeide innanfor for å oppnå målet:
- Problema med dagens tunnelar skal løysast.
Revidert tilleggsutgreiing KVU Strynefjellet side 8
Juni 2016 Statens vegvesen
- Vi skal løyse fokk-/skredproblem på strekninga (Grasdalen, Breidalen, Napefonna,
Gotiskarfonna).
- Vi skal fjerne stigningsproblema frå Skora opp til Ospelitunnelen for å få akseptabel
framkomst for tungtrafikken.
- Løysinga skal, med dei gjevne føresetnadane, prioritere lågast muleg kostnad høgt ved
utgreiing av alternativ.
5. september 2014 bad Samferdselsdepartementet om ei revidert utgåve av tilleggsutgreiinga.
Her går det fram at:
«Formålet med en revisjon av tilleggsutredningen skal være å gi et beslutningsgrunnlag der
alle identifiserte relevante alternativer innenfor konsept B vurderes. I dette ligger at det ikke
settes absolutte krav fra Samferdselsdepartementet til de konkrete løsningene i forkant av
analysen. Dette innebærer konkret at de tilleggsrammer som departementet ga Statens
vegvesen som grunnlag for foreliggende tilleggsutredning, jf. utredningenes punkt 1.2, ikke
skal legges til grunn for en revidert tilleggsutredning. En revidert tilleggsutredning skal
inkludere en samfunnsøkonomisk analyse av de ulike alternativene. Statens vegvesen bes om
å gi sin tilrådning om valg av alternativ.»
14. juni 2015 bad Samferdselsdepartementet i tillegg om at:
Tilleggsutgreiinga skal også sjå på eventuelle løysingar som legg til rette for eventuell
framtidig heilårsveg til Geiranger. Det vert samstundes føresett at ein eventuell
heilårsveg til Geiranger vil vere eit fylkeskommunalt prosjekt.
Kostnadsanslag i tilleggsutgreiinga skal være oppdatert i høve tidlegare vurderingar.
Utgreiinga skal inkludera ein samfunnsøkonomisk analyse av dei ulike alternativa, og
analysen må utførast slik at den er direkte samanliknbar for alle alternativ som inngår.
Planområde og dagens veg
For å betre oversikten over oppdraget, er planområdet synt i figur 2.
Figur 2: Oversiktskart rv. 15, Måløy – Otta
Figur 3 viser dagens rv. 15 frå Hjelle i Stryn kommune til Grotli i Skjåk kommune med fv. 63
mot Geiranger i Stranda kommune. For at alternativa skal kunne samanliknast, er alternativa
Revidert tilleggsutgreiing KVU Strynefjellet side 9
Juni 2016 Statens vegvesen
på riksveg 15 berekna frå Folva til Lægervatn i Breiddalen og for fv. 63 frå «Knuten» nord i
Opplendskedalen (vist Ørjasætra i figur 3) til kryss med rv. 15.
Figur 3: Rv. 15 Stryn (Hjelle) – Grotli og fv. 63 Geiranger – Lægervatn i Breiddalen.
Store delar av rv. 15 i Sogn og Fjordane er bygd ut på tidleg nittital med breidde på 7 - 7,5 m
og minimumskurvatur med radius på ca. 200m. Vegen frå Folva opp til Skora har denne
standarden, og den må reknast som brukbar ut frå den trafikkmengde og funksjon vegen har.
Ved Skora startar eit slyngparti på 4,5 km opp til Ospelitunnelen. Stigninga varierer, men
lange parti ligg på ca. 6 – 7 %. Denne delen av vegen er til ulempe særleg for tungtrafikken
både sommars- og vinterstid. I KVU’en vart det ikkje lagt inn som krav at dette problemet
måtte løysast. I tilleggsutgreiinga i 2014 ønskte Samferdselsdepartementet at også dette
problemet vert løyst.
Skred- og fokksnøproblematikk samt problem med tunnelstandard på rv. 15 er beskrive i
KVU på side 15, 17 og 18.
Fv. 63 frå Geiranger til Lægervatn har ein vegbreidde på 5 – 7 m (einfeltsveg). Stigninga
varierer, men er oppe i 9 % i oppstigninga frå Opplendskedalen til Djupvasshytta. Høgaste
punkt på vegen er 1038 moh. Vegen er utsett for både stein og snøskred og er mellom anna av
den grunn vinterstengt frå Opplendskedalen til krysset med rv. 15 ved Lægervatn i
Breiddalen.
Revidert tilleggsutgreiing KVU Strynefjellet side 10
Juni 2016 Statens vegvesen
2. Situasjonen i dag
Problemskildring
Bakgrunn og generell informasjon om planarbeidet ligg i KVU’en. Det er likevel behov å gå
nærare inn på eit par tema i samband med denne reviderte tilleggsutgreiinga.
Kvifor så lange tunnelar?
Terrenget frå Skora og opp til Lægervatn er svært bratt, og mange stadar skredfarleg. Det er
ikkje muleg å legge ein vegtrasé i dagen på lengre delar av denne strekninga dersom ein set
krav til god framkomst for tungtrafikken.
Skora ligg om lag 160 meter over havet (moh) og rv. 15 ved Lægervatn om lag 930 moh.
Maksimal tillat stigning i tunnel er 5%. For å overvinne ei stigning på 770 m med ein stigning
på 5%, treng ein ei strekning på 15,4 km. Det vil seie at uavhengig av kva trasé ein måtte
velje for ein slik tunnel, er ein oppe i ei slik minimumslengde.
Dersom vi ønskjer ei løysing som skal kome ut i dagen i Skjerdingsdalen, har vi tilsvarande
problemstilling: Skjerdingsdalen ligg om lag 590 moh og Folva om lag 80 moh. For å
overvinne stigninga opp til Skjerdingsdalen med maks. 5% stigning, må vi så langt som ned
til Folva for å få det til. Tunnelen vert då i overkant av 10 km. Det må leggast til at å trekke
vegen opp i dalsida i dagen mellom Folva og Skora for å vinne høgde, ikkje kan gjerast på
grunn av skredfare i området.
På fv. 63 ligg tunnelinnslaget i Opplendskedalen om lag 430 moh. Dette gjer at tunnelane kan
koplast til rv. 15 i alle alternativ med stigning under 5 %. Vi har føresett at det ikkje er
mogleg å etablere ein heilårsveg som veg i dagen mellom rv. 15 og Opplendskedalen både ut
frå omsyn til skredfare og vêrtilhøva frå Lægervatn til Djupvasshytta.
Start- og sluttpunkt for utgreiing av alternativa i denne planutgreiinga.
Med utgangspunkt i at rv. 15 i dag har ein tilfredsstillande standard i høve til trafikkmengde
og funksjon opp til Skora og aust for Lægervatn, har vi konsentrert alternativsanalysen om
strekninga mellom Skora og Lægervatn. Eit unnatak for dette er altså alternativ som skal
kome ut i dagen i Skjerdingsdalen. Som synt ovanfor, får vi ikkje det til utan at tunnelen vert
forlenga ned til Folva.
For at dei samfunnsøkonomiske berekningane skal vere samanliknbare, er alternativa berekna
med start ved Folva og avslutning ved Lægervatn. For B1 betraktar vi imidlertid dagens veg
frå Folva og opp til Skora som tilstrekkeleg god også for framtidig trafikk, og det er difor
ikkje lagt inn utbetring av denne.
For fv. 63 har vi rekna alle alternativa frå «Knuten» nordvest i Opplendskedalen. Sidan det er
heilårsveg til Geiranger som skal utgreiast, vil det vere tilfredstilt til dette punktet.
Fylkesvegen på om lag 5,5 km frå Knuten og ned til Geiranger har også sine utfordringa med
smal, bratt og svingete veg, men det er ikkje vurdert i denne utgreiinga.
Revidert tilleggsutgreiing KVU Strynefjellet side 11
Juni 2016 Statens vegvesen
Veg og trafikk
Trafikk for rv.15 over Strynefjellet fram til 2011 er beskrive i KVU’en.
Ved opninga av Kvivsvegen har det vore ein viss auke i trafikken som synt i figur 4, men
utviklinga flatar no ut.
I vedlegg 1 i KVU’en ligg resultat frå berekningar med transportmodell (RTM/NTM). Dei
syner forventa ÅDT i 2040 på ca. 1500. Vi har vald å nytte 2040 som prognoseår slik at det
enkelt skal kunne samanliknast med KVU-en. Vi har utarbeida ei ny vurdering av
trafikkutviklinga med både opprusting av rv. 15 og bygging av heilårsveg til Geiranger
(vedlegg 7). Denne viser ein trafikkvekst på om lag 185 % på Strynefjellet (tellepunkt
Ospelitunnelen). Dette tilsvarar ein ÅDT på ca. 1600 i 2040. Vi har også sett på eventuell
effekt av å byggje ny E39 Byrkjelo – Grodås, men dette har liten innverknad på
trafikkutviklinga på rv. 15. Val av rv. 7 Hardangervidda eller rv. 52 Hemsedal som hovudveg
mellom aust og vestlandet kan ha ein del innverknad på trafikken på rv. 15 Strynefjellet, men
det har vi ikkje teke omsyn til.
Fv. 63 til Geiranger er i dag vinterstengt og det er difor vanskeleg å berekne trafikkutviklinga
her. Berekningane vi har gjort viser ein trafikkvekst på opp mot 229 % fra 2014 til 2040 med
ny rv. 15 og heilårsveg til Geiranger. Ut frå eit anslag på trafikken i vintermånedane (når
dagens veg er vinterstengt) reknar vi med ein ÅDT på om lag 900 – 1000 kjt / døgn i 2040.
Av dette antek vi at i underkant av 600 kjøyretøy vil bruke den nye tunnel, medan i overkant
av 400 vil fortsette å bruke eksisterande veg.
Figur 4 Trafikk over Strynefjellet 2011 - 2015
Det er viktig å merke seg at tungtrafikkandelen over Strynefjellet er på 22%. Dette er ein liten
nedgang i høve åra 2010 -2013 då andelen låg på 26 %, men likevel langt over det som er
vanleg for vegnettet elles som har ein tungbilandel på 10 – 15 %. Vidare er det stor
sesongmessig variasjon i trafikken. Også i sommarmånadane med høgast trafikk er
tungtrafikkandelen høg, mellom anna på grunn av høgt innslag av turbussar.
Når det gjeld fordeling melom lette og tunge tek vi utgangspunkt i dagens fordeling mellom
lette/tunge. Då blir det om lag 24 % tunge på rv. 15 og 14 % - 18 % tunge på fv. 63.
Revidert tilleggsutgreiing KVU Strynefjellet side 12
Juni 2016 Statens vegvesen
Høgfjellsproblematikk/regularitet/skredfare
Dette temaet er beskrive i KVU’en samt omtale i den geologiske rapporten (vedlegg 2).
Sidan det er stor semje om at det ikkje er mogleg å etablere ein heilårsveg til Geiranger langs
eksisterande trase, har vi ikkje brukt ressursar på å utgreie det noko meir.
Geologi i området
I samband med tilleggsutgreiingane er det utarbeidd ein oppdatert geologisk rapport (vedlegg
2). Denne er også revidert og supplert med vurderingar knytt til fv. 63. Rapporten er basert på
tidlegare geologiske rapportar, tidlegare gjennomførte målingar samt nye visuelle
observasjonar. Det er også gjort enkelte fjellkontrollgravingar for påhoggsområde sør i
Skjerdingsdalen som har stadfesta djupne til fjell. Rapporten er som sagt lagt ved denne
planutgreiinga, men oppsummerte hovudpunkt er:
- Lia nordvest for Skora gard er skredfarleg og ikkje eigna til vegbygging. Samstundes
er partiet rundt Jøl bru både skredfarleg og med oppknust fjell som gjer det ueigna for
brukryssing over elva og påhogg for tunnel.
- Fjellsida søraust for Skora har både store skredmassar og skredfare. Den geologiske
rapporten tilrår ikkje tunnelpåhogg her.
- Påhogg i Hjelledalen kan vere aktuelt sørvest for Skora gard. Det vil truleg vere behov
for lang portal og voll for å sikre mot skredfare.
- Kryssing av Skjerdingsdalen som synt i alternativ B2 er truleg mogleg, men
påhoggsområde i nord må vurderast sikra mot steinsprang og påhogg sør i dalen må
truleg sikrast mot blant anna snøskred. Begge påhoggsområda må grunnundersøkast.
- Påhogg i Breidalen kan etablerast, men det bør vere ein relativt lang portal supplert
med voll for å minimalisere problem med drivsnø og snøfokk.
- For fv. 63 i Opplendskedalen vert alternativet sentralt i dalen tilrådd i det vidare arbeid
av omsyn til skredfare.
- Alternative tunnelinnslag som er komne fram i eller etter arbeidet med KVU-en er
vurderte ut frå skredomsyn.
- Alternativ B3 har ikkje fått ei eiga geologisk vurdering fordi dette alternativet føl
eksisterande veg og tunnel med kjende skred og geologiske tilhøve.
Verneområde, verneplan veg, kulturminne
Store delar av Strynefjellet er enten nasjonalpark, landskapsvernområde eller naturreservat. I
tillegg er området viktig for villrein. Opplendskedalen og fv. 63 inngår i verdsarvområde
Geirangerfjorden (Vestnorsk fjordlandskap). Både den gamle Strynefjellsvegen og dagens rv.
15 er freda. Temaet er omtala i KVU’en. Det er i tillegg utarbeidd rapportar frå Asplan Viak
om kulturminne og kulturmiljø som er synt til i kjeldetilvisninga i KVU’en. Det same gjeld
NINA sin rapport 227 om villreinen i Ottadalsområdet. I samband med revidering av
tilleggsutgreiinga har vi gjort meir omfattande vurderingar på tema landskapsbilete, nærmiljø
og friluftsliv, naturmangfald inkludert omsyn til villrein, kulturminne og kulturmiljø.
Vurderingane er oppsummert i kapittel 6 og grunnlaget er tilgjengeleg i eigne notat.
Revidert tilleggsutgreiing KVU Strynefjellet side 13
Juni 2016 Statens vegvesen
3. Vegstandard Vegnormalane N100 Veg- og gateutforming og N500 Vegtunneler er førande for val av
standard ved bygging av ny veg. Sidan det her i all hovudsak vil dreie seg om bygging av
tunnelar, vil det vere normal N500 Vegtunnelar som gjev dei overordna føringane. Endeleg
utbyggingsstandard vert fastsett gjennom meir detaljert planlegging i seinare fasar, men er
viktige premissar i KVU-arbeidet for kostnads- og effektberekningar.
Tunnel
Vegnormal N500 Vegtunneler gjev føringar for utforming av tunnelar opp til 10 km lengde.
For tunnelar > 10 km skal standard vurderast spesielt for kvart enkelt tilfelle.
I samband med tilleggsutgreiinga i 2014 gjorde Vegdirektoratet ei grundig vurdering av dei
aktuelle tunnelløysingane i alternativa B1 og B2 (Vedlegg 4). Konklusjonen er at sett i lys av
den relativt beskjedne ÅDT’en kan tunnelane byggast som eittløpstunnelar. B1 og B2 frå
Folva til Skjerdingsdalen må imidlertid byggast med krabbefelt oppover på grunn av stigning
opp mot 5%. Det krev tunneltverrsnitt T13. Sidan tunnelane er så lange, har vi i alternativ B1,
B2 og B2 redusert, vald å seksjonere tunnelen med bruk av ventilasjonssjakter opp til friluft.
Det er også aktuelt å vurdere separat tilkomsttunnel til midten av dei lengste tunnelane for å
reduserer byggjetida.
Frå 1. januar 2015 vart tunnelsikkerheitsforskrifta for fylkevegtunnelar gjeldande. Dette
inneber at også tunnelar på fylkesvegnettet skal sikkerheitsgodkjennast av Vegdirektoratet før
bygging og før opning. Vi har lagt N500 til grunn for utforming av fv. 63 slik at krava til
sikkerheitsgodkjenning skal vere tekne vare på. Dette er stadfesta av Vegdirektoratet i
fråviksbehandlinga basert på utarbeidd risiko- og beredskapsanalyse.
Kryss i tunnel
Sidan både rv. 15 og tre av alternativa for fylkesveg 63 går i tunnel, krevst det kryss i tunnel
for å kople desse to vegane saman. Ut frå vegnormalane er det ikkje tillat med kryss i tunnel.
Vegdirektoratet har vurdert dette ut frå krava i vegnormalane og konklusjon er at kryss i
tunnel kan takast vidare som konsept, men det må vurderast i samanheng med ein fråviks-
behandling, risikovurdering og beredskapsplan seinare i prosessen der også lengde, stigning
og evakuering vert vurdert. Vi har utarbeidd eit eige notat om moglege løysingar for kryss i
tunnel som viser korleis dette kan gjerast. Dette er lagt til grunn for kostnadsberekninga som
er utført. Kostnadane med krysset er plassert på fylkesvegen. Meir detaljering og avklaring av
standard må gjerast i seinare planfasar.
Veg i dagen
I alternativ B1 vil det vere aktuelt å bygge ei kortare vegstrekning vest for tunnelpåhogg ved
Skora. Denne vegstrekninga skal byggast med standard H2 (breidde 8,5 m). Elles må
vegstandarden tilpassast tunneltverrprofil.
For veg i dagen på fv. 63 gjeld vegnormalane N100 Veg- og gateutforming. Sidan
trafikkmengda er under 1500 køyretøy pr døgn i gjennomsnitt er vegklasse Hø1 med
vegbreidde 6.5 m lagt til grunn.
Revidert tilleggsutgreiing KVU Strynefjellet side 14
Juni 2016 Statens vegvesen
4. Vurderte alternativ
B1
Det er fleire moglege variantar av påhogg ved Skora for alternativ B1. Utan gode geologiske
undersøkingar med seismiske målingar/grunnboringar for å finne djupne av urmassar og
fjelloverdekning for tunnelen, bør ein ikkje velje alternativ i detalj no. Alle aktuelle alternativ
vil ha ein tunnellengde på om lag 16 km og same stigning. Kostnadsskilnaden mellom dei
ulike alternativa vert vurdert som marginal i denne samanheng. Dersom B1 vert vald, bør
detaljert vurdering av stad for påhogg ved Skora skje etter grundige geologiske vurderingar i
samband med utarbeiding av reguleringsplan.
Tabell 3 Nøkkeldata for B1
Utan arm til fv. 63 Med arm til fv. 63
Lengde ny veg 18 400 m 19050
Lengde veg i dagen 2 050 m 2050
Lengde fjelltunnel 15 800 m 16450
Lengde tunnellportal 200 m 200
Bruer 350 m 350
Anslegen byggetid 6 år 6 år Alle lengder er «sannsynleg verdi» i ANSLAG-rapporten
Figur 5 Kart over alternativ B1 med og utan arm til fv. 63 mot Geiranger
Revidert tilleggsutgreiing KVU Strynefjellet side 15
Juni 2016 Statens vegvesen
Miljøtema
B1 opnar for reintrekk over Breiddalen der rv. 15 i dag er ein barriere for slikt trekk. Det vert
ikkje nye inngrep i Skjerdingsdalen som har stor kulturminneverdi. Trafikken i
Skjerdingsdalen vert minimal etter bygging av B1.
Trafikkavvikling
Det er ingen spesielle trafikkavviklingsproblem i samband med realisering av dette alternativet.
Oppfylling av mål.
B1 oppfyller føringane frå Samferdselsdepartementet fullt ut. Vi reknar med at vinter-
regulariteten for Strynefjellet etter denne traséen vil ligge veldig nær 100%. Tunnelen på ca.
16 km har stigning opp mot 5%, men med krabbefelt for saktegåande trafikk vil den vere
tilfredsstillande både med omsyn til framkomst og tryggleik.
Dersom ein reduserer krava til vinterregularitet i Breiddalen, er det mogleg å forkorte
tunnelen i denne enden ved å la tunnelen kome ut på same staden som i dag. Dette kan gje ein
redusert kostnad på om lag 200 mill. kr. Men dette vil hindre høve til reintrekk over
Breiddalen og stigninga i tunnelen vil bli over 5% noko som neppe er tilrådeleg.
B2
Det er utført supplerande geologiske vurderingar (vedlegg 2) som viser at det ikkje bør vere
spesielle problem med kryssing av Skjerdingsdalen.
Tabell 4 Nøkkeldata for B2
Lengde ny veg 25 550 m
Lengde veg i dagen 2 550m
Lengde fjelltunnel 22 550 m
Lengde tunnelportal 280 m
Bruer 170 m
Byggetid 6 år Alle lengder er «sannsynleg verdi» i ANSLAG-rapporten
Revidert tilleggsutgreiing KVU Strynefjellet side 16
Juni 2016 Statens vegvesen
Figur 6 Kart over alternativ B2 / B2 redusert med arm til fv. 63 mot Geiranger
Miljøtema
B2 opnar for reintrekk over Breiddalen der rv. 15 i dag er ein barriere for slikt trekk. Det vert
gjort inngrep i Skjerdingsdalen med ei dagsone på 500 – 700 m og nytt kryss.
Trafikkavvikling
Det er ingen spesielle trafikkavviklingsproblem i samband med realisering av dette alternativet.
Oppfylling av mål.
B2 oppfyller føringane frå Samferdselsdepartementet. Vi reknar med at vinterregulariteten for
Strynefjellet etter denne traséen vil ligge veldig nær 100%. Tunnelen frå Folva har over 10
km med stigning opp mot 5%, men med krabbefelt for saktegåande trafikk vil den vere
tilfredsstillande både med omsyn til framkomst og tryggleik. Tunnelen frå Skjerdingsdalen til
Lægervatn kan byggast med berre 2,7% stigning og treng då ikkje krabbefelt. Totalt er B2 ca.
7,3 km lenger enn alt. B1.
Dersom ein reduserer krava til vinterregularitet i Breiddalen, er det mogleg å forkorte
tunnelen i denne enden ved å la tunnelen kome ut på same staden som i dag. Dette kan gje ein
redusert kostnad på om lag 200 mill. kr. Men dette vil hindre høve til reintrekk over
Breiddalen.
Revidert tilleggsutgreiing KVU Strynefjellet side 17
Juni 2016 Statens vegvesen
B2 redusert
I dette alternativet vert tunnelen frå Folva til Skjerdingsdalen ikkje bygd slik det er tenkt i
alternativ B2. I Skjerdingsdalen koblar ein seg inn på dagens veg og nyttar Ospelitunnelen og
dagens veg ned til Skora. Ospelitunnelen må då utbetrast slik at den får standard i samsvar
med tunnelsikkerheitsforskrifta.
Tabell 5 Nøkkeldata for B2 redusert
Lengde ny veg 13 890 m
Lengde veg i dagen 1 690 m
Lengde ny tunnel 11 910 m
Lengde utbetring tunnel 2 550 m
Lengde tunnelportal 200 m
Bruer 110 m
Byggetid 3 ½ år Alle lengder er «sannsynleg verdi» i ANSLAG-rapporten
Miljøtema
B2 redusert opnar for reintrekk over Breiddalen der rv. 15 i dag er ein barriere for slikt trekk.
Det vert gjort inngrep i Skjerdingsdalen med tilpassing til dagens veg.
Trafikkavvikling
I dette alternativet må Ospelitunnelen (2.550 m) oppgraderast for at den skal bli i samsvar
med tunnelsikkerheitsforskrifta. Dette vil føre til omfattande trafikkproblem i den perioden
denne oppgraderinga pågår. Vi har ein del erfaring frå vedlikehaldsarbeidet som har vore gjort
tidlegare, og i praksis vil ein berre kunne drive anleggsarbeid frå 15.9. til 15.5. Stengings-
regime og kostnader for trafikantane er utdjupa i KVU-rapporten. Forhåpentleg vil det vere
mogleg å gjennomføre dette arbeidet i løpet av eitt år.
Oppfylling av mål.
B2 redusert oppfyller ikkje alle føringane Samferdselsdepartementet har sett til denne
tilleggsutgreiinga. Alternativet vil fjerne skredproblema i Grasdalen, fokkproblem Breidalen
og problem med dagens Oppljos- og Grasdalstunnelar. Ospelitunnelen vert opprusta, men
ikkje til vegnormalstandard.
Stigninga/slyng frå Skora opp til Ospelitunnelen og skredproblem med Napefonna og
Gotiskarfonna vert ikkje løyste. I tillegg vil standarden for Ospelitunnelen avhenge av kor
store utbetringstiltak ein vil gjere i denne. Det kan bety same vegbreidde og tunnelhøgde som
i dag og truleg redusert fart med automatisk trafikkontroll for å få eit akseptabelt risikonivå i
samsvar med tunnelsikkerheitsforskrifta (jf. risikoanalyse frå Hoj Consulting i KVU-
rapporten frå 2012).
Dersom ein reduserer krava til vinterregularitet i Breiddalen, er det mogleg å forkorte
tunnelen i denne enden ved å la tunnelen kome ut på same staden som i dag. Dette kan gje ein
redusert kostnad på om lag 200 mill. kr. Men dette vil hindre høve til reintrekk over
Breiddalen.
Revidert tilleggsutgreiing KVU Strynefjellet side 18
Juni 2016 Statens vegvesen
B3
Alternativet inneheld ny Ospelitunnel og ny tunnel parallelt med dagens Grasdals- og
Oppljostunnel.
Tabell 6 Nøkkeldata for B3
Lengde ny veg 14 420 m
Lengde veg i dagen 2 070 m
Lengde fjelltunnel 12 010 m
Lengde tunnelportal 280 m
Bruer 60 m
Byggetid 3 år Alle lengder er «sannsynleg verdi» i ANSLAG-rapporten
Figur 7 Kart over alternativ B3 med arm til fv. 63 mot Geiranger
Revidert tilleggsutgreiing KVU Strynefjellet side 19
Juni 2016 Statens vegvesen
Miljøtema.
Inga betring i forhold til dagens situasjon for villreinen. Det vert inngrep i Skjerdingsdalen
gjennom bygging av ny veglinje.
Trafikkavvikling
Arbeidet er føresett å kunne utførast parallelt med dagens tunnelar og bør kunne
gjennomførast utan store trafikkproblem, sjølv om det vil vere aktuelt med tverrslag inn i
dagens tunnelar for rømmingsvegar.
Oppfylling av mål.
B3 oppfyller ikkje føringane Samferdselsdepartementet har sett til denne tilleggsutgreiinga.
Alternativet vil fjerne skredproblema i Grasdalen og problem med dagens tunnelar.
Stigninga/slyng frå Skora opp til Ospelitunnelen og skredproblem med Napefonna og
Gotiskarfonna vert ikkje løyste. Fokkproblema i Breidalen vil heller ikkje verte løyste.
Heilårsveg til Geiranger
I Opplendskedalen har vi teke utgangspunkt i planprogram for kommunedelplan for fv. 63
som vart sendt ut på høyring hausten 2015. Det ser ut til å vere stor semje om at dette er den
beste plasseringa for fylkesvegen. Våre eigne vurderingar innan geologi, skred, landskap og
andre ikkje prissette konsekvensar, forsterkar dette. Vi har difor ikkje brukt ressursar på å
utgreie fleire veglinjer i Opplendskedalen i dette arbeidet. For å få ein mest mogleg naturleg
avslutning av veglinja har vi føresett ny veg til Knuten som ligg i nordvestre enden av
Opplendskedalen om lag 1400 m frå tenkt tunnelstart. Dette kan om ønskjeleg kortast noko
ned, men sidan det er god tilgang på tunnelstein vil ein slik veg kunne byggjast relativt
rimeleg. Dersom vi kortar ned til om lag 700 m vil dette gje ei innsparing på om lag 20 mill.
kr.
Alle tunnelalternativa for fv. 63 kan koplast til rv. 15 alternativa B1, B2 og B3 med stigning <
3 % utan ekstra felt for saktegåande køyretøy. Ut frå små trafikkmengder tilrår risikoanalysen
for tunnelane at det også er tilstrekkeleg med tofeltstunnel for direktetunnelane frå
Opplendskedalen til Breiddalen og Skjerdingsdalen.
Det er ikkje mogleg å ha kryss i tunnel i alternativ 0+ pga av stigninga i Grasdalstunnelen
som er for stor til at det er tilrådeleg å plassere eit kryss eller rundkøyring inne i tunnelen.
Dersom vi flyttar krysset til Oppljostunnelen, vert tunnelen på fv. 63 over stigningskravet 5%.
Fv. 63 i B1
Tunnelen på rv. 15 frå Skora til Breiddalen må flatast ut i kryssområdet med fv. 63 for å få ei
tilfredsstillande utforming. Denne utflatinga gjev noko ekstra tunnellengde på rv.15 (frå 16
km til 16,6 km), men dette fører samtidlig til kortare fv. 63 sidan justeringa av rv. 15 skjer
mor Geiranger. Meirkostnaden, som er på om lag 100 mill. kr for forlenging av rv. 15 for å få
til kryss med fv. 63, er lagt på fylkesvegen.
Revidert tilleggsutgreiing KVU Strynefjellet side 20
Juni 2016 Statens vegvesen
Tabell 7 Nøkkeldata for fv. 63 til Geiranger i alternativ B1
Lengde ny veg 9 230 m
Lengde veg i dagen 1 640 m
Lengde fjelltunnel 7 510 m
Lengde tunnelportal 50 m
Bruer 30 m
Anslegen byggetid 3 ½ år Alle lengder er «sannsynleg verdi» i ANSLAG-rapporten
Fv. 63 i B2
Tunnelen på rv. 15 frå Skjerdingsdalen til Breiddalen har stigning < 3 % og treng difor ikkje
flatast ut i kryssområdet med fv. 63 for å få ei tilfredsstillande utforming. På grunn av stigning
< 3% har rv. 15 ikkje ekstra felt for saktegåande køyretøy og dette forenklar eit eventuelt
kryss med fv. 63 vesentleg. Krysset vert difor langt billegare enn i alternativ B1 (om lag 50 –
60 mill. kr). Dette saman med at det ikkje er behov for utflating av tunnelen på rv. 15 i
kryssområdet, veg opp for ekstrakostnaden som auka tunnellengde i høve B1 utgjer.
Tabell 8 Nøkkeldata for fv. 63 til Geiranger i alternativ B2
Lengde ny veg 10 225 m
Lengde veg i dagen 1 640 m
Lengde fjelltunnel 8535 m
Lengde tunnelportal 50 m
Bruer 30 m
Anslegen byggetid 4 år Alle lengder er «sannsynleg verdi» i ANSLAG-rapporten
Fv. 63 i B3
Tunnelen på rv. 15 frå Skjerdingsdalen til Breiddalen har stigning > 3 % og treng difor flatast
ut i kryssområdet med fv. 63 for å få ei tilfredsstillande utforming. Men dette har ikkje
betydning for tunnellengda på rv. 15 då denne utflatinga kan korrigerast på slutten av
tunnelen der den har mindre stigning (langs Oppljostunnelen). Men stigning > 3 % gjer at rv.
15 har ekstra felt for saktegåande køyretøy i kryssområdet noko som gjev eit meir omfattande
kryss (som i alternativ B1). Saman med lengre fylkesvegtunnel gir dette ei dyrare løysing for
fv. 63.
Tabell 9 Nøkkeldata for fv. 63 til Geiranger i alternativ B3
Lengde ny veg 11 560 m
Lengde veg i dagen 1 640 m
Lengde fjelltunnel 9 840 m
Lengde tunnelportal 50 m
Bruer 30 m
Anslegen byggetid 4 ½ år Alle lengder er «sannsynleg verdi» i ANSLAG-rapporten
Revidert tilleggsutgreiing KVU Strynefjellet side 21
Juni 2016 Statens vegvesen
Figur 8 Kart over alternative løysingar for fv. 63 heilårsveg til Geiranger
Fv. 63 som direkte tunnel til Breiddalen og Skjerdingsdalen
I tillegg til løysingar som føreset kryss i tunnel, har vi også vurdert løysingar med direkte
tunnel frå Opplendskedalen til rv. 15 i Breiddalen og Skjerdingsdalen. Alternativa er å føre
tunnelen frå Opplendskedalen fram til Breiddalen eller Skjerdingsdalen og etablere eit kryss i
dagen ved Lægervatn eller i Skjerdingsdalen. Vi har sett på to alternativ. Begge tek
utgangspunkt i same vegsystem og tunnelplassering i Opplendskedalen som for alternativa
kopla mot B1, B2 og B3 på rv. 15.
Alternativ til Lægervatn: Dette alternativet går med 4,9 % stigning til tunnelutgang ved
Lægervatn aust for der krysset mellom rv. 15 og fv. 63 er i dag. Alternativet kan kombinerast
med både alternativ B1, B2 og B3,Vi har gjort geologiske og skredtekniske vurderingar av
denne staden og det bør vere mogleg å få til eit kryss her. Ulempa er at krysset vert plassert på
ein stad med ein del snøfokkproblem som kan gje stengingar.
Alternativ til Skjerdingsdalen: Det andre alternativet går med 1,8 % stigning til tunnelutgang i
Skjerdingsdalen. Alternativet kan vanskeleg kombinerast med alternativ B1 sidan dette
medfører at dagens riksveg 15 må haldast open heile året. Det er ikkje store snøfokkproblem i
Skjerdingsdalen, men stigningstilhøva ut i dagen kan bli utfordrande. Dette må ein kome
Revidert tilleggsutgreiing KVU Strynefjellet side 22
Juni 2016 Statens vegvesen
tilbake til i detaljplanlegginga. Men løysinga er mogleg å få til innafor rammene
vegnormalane set.
Tabell 10 Nøkkeldata for fv. 63 til Geiranger utanom rv. 15
Fv. 63 Opplendskedalen -
Breiddalen
Fv. 63 Opplendskedalen –
Skjerdingsdalen
Lengde ny veg (m) 12 950 12900
Lengde veg i dagen (m) 2640 2140
Lengde fjelltunnel (m) 10080 10530
Lengde tunnelportal (m) 200 200
Bruer (m) 30 30
Anslegen byggetid 3 ½ - 5 år 3 ½ – 5 år Alle lengder er «sannsynleg verdi» i ANSLAG-rapporten
Miljøtema.
Tilhøva for villreinen vil bli som for B-alternativa for alternativa med kryss i tunnel. Ved
direkte tunnel til Breiddalen vil ikkje tilhøva for villreinen bli forbetra viss krysset vert
plassert for langt mot vest (i nærleiken av der krysset mellom fv. 63 og rv. 15 er i dag).
Opplendskedalen er ein del av verdsarvområdet Geirangerfjorden og alle alternativa vil gje
inngrep i dalen. Sjå elles kapittel 6 for vurderinga av ikkje prissette konsekvensar.
Trafikkavvikling
Arbeidet bør kunne gjennomførast utan store trafikkproblem.
Oppfylling av mål.
Alle løysingane som er foreslegne for fv. 63 oppfyller føringane frå Samferdsels-
departementet om ein heilårsveg til Geiranger. Men alternativet til Breiddalen kan få noko
stenging pga snøfokk.
Vegeigarskap
Sidan fylkesveg 63 er eit fylkeskommunalt prosjekt, kan det vere av interesse å sjå korleis dei
ulike alternativa fordeler seg mellom fylka. Dersom ein ser føre seg ein kostnadsdeling ut frå
tunnellengde, kan dette gje ein indikasjon på det.
Alternativ Møre og Romsdal Sogn og Fjordane Oppland
B1 med arm 80 % 20 % 0 %
B2 med arm 60 % 40 % 0 %
B3 med arm 55 % 45 % 0 %
Tunnel til Breiddalen 70 % 0 % 30 %
Tunnel til Skjerdingsdalen 50 % 50 % 0 %
Tabell 11: Fordeling på vegeigarar etter tunnellengde på fv. 63
I seinare planfasar må det avklarast kva status eksisterande rv. 15 over Strynefjell skal ha
både når det gjeld vegeigarskap, bruk, vernestatus og opningstider.
Dersom det ikkje vert samtidig utbygging av rv. 15 og fv. 63, må ein i alternativ B1, B2 og
B3 avklare kven som skal ta dei førebelse kostnadane med tilrettelegging for kryss i tunnel.
For B1 og B3 utgjer dette om lag 150 mill. kr og for B2 50 mill. kr
Revidert tilleggsutgreiing KVU Strynefjellet side 23
Juni 2016 Statens vegvesen
Massedeponi
Alle alternativ vil generere eit stort behov for massedeponi. Totalt vil alt. B1 gje om lag 2,7
mill. m3 sprengt stein (utlagt i fylling) og fullt utbygd vil B2 gje om lag 3 mill. m3. Tunnel til
Opplendskedal vil gje eit tillegg på om lag 0,9 – 1,7 mill. m3.
Massedeponi må avklarast i samband med reguleringsplanen for veganlegget og vil verte
avgjort i nært samarbeid med miljøvernmyndigheiter og kommunane. Transportlengde for
massane har stor innverknad for kostnadane, og vi har difor vore nøydt til å anta moglege
massedeponi sjølv om det ikkje vil vere avklart på dette planstadiet.
Vi har vurdert følgande mulege plasseringar av massane:
- På Skora gard. Landbruksområdet ligg i dag lågare enn elva gjennom dalen og
elveforbyggingar hindrar overfløyming. Ein kan tenke seg å ta av matjorda og heve
terrenget med tunnelmasse før ein legg matjorda tilbake. På grunn av den korte
transportavstanden vil dette vere kostnadseffektivt sjølv om det er kostnader med
tilrettelegging av arealet etter fyllinga.
- Dumping av masser i Djupevatnet (vest for Lægervatn mot Geiranger), i Langevatnet
og i Breiddalsvatnet.
- Plassering av masser i Grasdalen. Her er plassert betydelege masser i samband med
utbygging av dagens tunnelar. Med hensiktsmessig arrondering kan ein plassere
ytterlegare massar utan å øydelegge terrenget for mykje.
- Plassering av masser i terrenget i området aust og vest for Grotli. Om mogleg bør det
gjerast på ein måte som gjer massane nyttige til samfunnsnyttige føremål.
- Plassering i Opplendskedalen ved Kopahola sørvest i dalen ved foten av Flydalshornet
eventuelt lengre nordvest i Opplendskedalen. Bruken av dette området må tilpassast
skredfaren i området.
I kostnadsberekninga (ANSLAG) har vi rekna med at delar av massane vert lagt ut ved Skora
med opparbeiding av nytt jordbruksland og delar er køyrt til massedeponi. Dette er rekna likt
for alle alternativ. I praksis vil det vere lettare (og billegare) å deponere massane i låglandet
for alternativ B1 og B2, enn for alternativ B2 redusert og B3 som kjem ut i Skjerdingsdalen.
Dette vil kunne føre til litt mindre kostnadsskilnad mellom B1/B2 og B2 redusert/B3 enn det
som kjem fram i ANSLAG. I tillegg har vi skjematisk korrigert tala for bruk av masse i
vegbygginga. Vi har ikkje gått meir detaljert til verks på dette då det gir relativt små utslag i
høve totalkostnaden.
Revidert tilleggsutgreiing KVU Strynefjellet side 24
Juni 2016 Statens vegvesen
Forkasta alternativ i området Skora - Ospelitunnelen
Det er gjort eit alternativssøk for å finne mulege variantar samstundes som ein får ned
tunnellengda og med det kostnaden. Dette er også ei oppsummeringa av nokre alternativ som
er komne fram i høyrings- og KS1-arbeidet med KVU-en. Skissa nedanfor viser dette
skjematisk.
Figur 9: Forkasta løysingar ved Skora - Ospeli
Jøl bru
Ved å føre vegen opp i lia nordvest for Skora og følgje fjellsida i ei djup skjæring fram til Jøl
bru, er det muleg å vinne så mykje høgde at tunnellengda for B1 vert redusert frå 16 km til i
overkant av 14 km. Men den geologiske vurderinga viser at lia bak Skora gard er skredfarleg
og at kryssinga ved Jøl bru er både skredfarleg og vanskeleg på grunn av oppsprukke/knust
fjell. Alternativet er forkasta av omsyn til skredfare og vanskelege geologiske tilhøve.
B4
KS1-konsulenten for KVU-en har tilrådd eit alternativ som går frå Øvstefoss bru (eit stykke
ovanfor Jøl bru) og opp til Lægervatn. Dette alternativet har ei tunnellengde på ca. 13 km.
Dersom dette alternativet skal tilfredsstille føringane om å fjerne stigningsproblema frå Skora
opp til Ospelitunnelen for å få akseptabel framkomst for tungtrafikken, må ein fortsette rett
over dalen og inn i tunnel på sør-sida. Dette er ikkje muleg på grunn av skredfare frå
Napefonna. Alternativet kan difor ikkje vere eit byggesteg 1 fram mot ei framtidig fullgod
løysing.
Sjølv om ein skulle akseptere at dagens veg opp til Øvstefoss bru er av tilstrekkeleg kvalitet,
er alternativet ikkje akseptabelt fordi det ikkje er mogleg å få til eit tilfredsstillande kryss med
dagens rv. 15. Alternativet er difor forkasta på grunn av manglande måloppnåing og ikkje
tilfredsstillande kryss med dagens veg.
Revidert tilleggsutgreiing KVU Strynefjellet side 25
Juni 2016 Statens vegvesen
Ein liknande variant er eit alternativ som går frå Ospeli ved tunnelinnslaget i sørenden av
dagens Ospelitunnel og til Lægervatn. Dette vil gje ein tunnel på om lag 11 km. Men denne
løysinga gjer det heller ikkje mogleg å tilfredsstille føringane når det gjeld skredproblem på
strekninga (Napefonna, Gotiskarfonna) eller med å fjerne stigningsproblema frå Skora opp til
Ospelitunnelen for å få akseptabel framkomst for tungtrafikken. Det vil også vere utfordrande
å få til kryss med dagens rv. 15 og fylkesveg 258 over gamle Strynefjell Alternativet er difor
forkasta på grunn av manglande måloppnåing og vanskeleg terreng med omsyn til
kryssutforming ved sørenden av Ospelitunnelen.
Fv. 63 i Opplendskedalen
For fv. 63 i Opplendskedalen har det vore naturleg å ta utgangspunkt i skissa som ligg til
grunn for planprogrammet til kommunedelplanen som Stranda kommune har hatt ute på
høyring hausten 2015. Det kan vere mogleg å finne andre tunnelinnslag i Opplendskedalen.
Men sidan tunnellengdene ikkje vil variere vesentleg, kan endeleg plassering av tunnelen
eventuelt gjerast i kommunedelplanarbeidet som Stranda kommune har starta opp. Vi viser
elles til gologisk rapport i vedlegg 2 som drøftar desse løysingane.
Revidert tilleggsutgreiing KVU Strynefjellet side 26
Juni 2016 Statens vegvesen
5. Prissette konsekvensar
Kostnadsberekning
Som ein del av revidert tilleggsutgreiing, er det utarbeidd nytt kostnadsoverslag etter
ANSLAG-metoden for alle alternativa.
I samband med tilleggsutgreiinga, vart det også gjennomført ANSLAG på dei vurderte
alternativa. I tillegg har vi eit forenkla ANSLAG som vart gjort i samband med KVU-
utgreiinga og KS1-konsulenten si kostnadsvurdering i KS1-rapporten.
Dei ulike overslaga er utført med ulik kroneverdi, mva., tunnelprofil o.a. I det følgande er det
gjort ei omrekning for å gjere dei samanliknbare. Det er nytta følgande omrekningsfaktorar:
- Prisomrekning frå 2011-kr. til 2014-kr: 7,5% (SSB 8,3 %)
- Prisomrekning frå 2014-kroner til 2016 – kroner: 5,7 %
- Mva. 9 %, ny mva. 25%
- Kostnadsauke pr. lm tunnel for overgang frå T 9,5 til T 13: 20%
5.1.1. KVU-berekningane
KVU-berekningane er gjennomført etter ein forenkla ANSLAG-metode og dokumenterte i
vedlegg til KVU-rapporten. Det er nytta 7% mva., T 9,5 i tunnelprofil og prisnivå 2011:
Tabell 12 Berekning frå KVU-dokumentet (mill. 2011-kr)
B1 B2 0+ B2 redusert B3
Kostnad 1835 2295 186 *) 1347 **) 1405 *) Fråtrekt snøoverbygg Grasdalen (250 - 300 mill. kr).
**) Berekna 250 mill. for oppgradering Ospelitunnelen
Omrekna til 2016-kroner, full mva. og T13-profil på B1 og Folva – Skjerdingsdalen på B2,
gjev dette:
Tabell 13 Justert berekning frå KVU-dokumentet i mill. 2016-kroner
B1 B2 0+ B2 redusert B3
Kostnad 2952 3400 280 *) 2073 **) 2261 *) Fråtrekt snøoverbygg Grasdalen (250 - 300 mill. kr).
**) Berekna 250 mill. for oppgradering Ospelitunnelen
Usikkerheit i berekningane er på +/- 40%
5.1.2. KS1-konsulenten sine berekningar
KS1-konsulenten har gjennomført ei sjølvstendig usikkerheitsanalyse med utgangspunkt i
Statens vegvesen sine einingsprisar. Denne er gjennomført i 2011-kroner, men med 25% mva.
Den konkluderer med ein forventa kostnad noke høgare enn i KVU’en:
Tabell 14 Berekning frå KS1-konsulenten (mill. 2011-kr)
B1 B2 0+ B2 redusert B3
Kostnad 2459 3173 224 *) **) 1753 *) Fråtrekt snøoverbygg Grasdalen (250 - 300 mill. kr).
**) Ikkje berekna av KS1-konsulent
Revidert tilleggsutgreiing KVU Strynefjellet side 27
Juni 2016 Statens vegvesen
Omrekna til 2016-kroner, full mva. og T13-profil, gjev dette:
Tabell 15 Justert berekning frå KS1-konsulenten i mill. 2016-kroner
B1 B2 0+ B2 redusert B3
Kostnad 3 353 3 999 ***) 285 *) **) 2 230 *) Fråtrekt snøoverbygg Grasdalen (250 - 300 mill. kr). **) Ikkje berekna av KS1-konsulent
***) Summen er ikkje spesifisert hjå KS1-konsulenten. Den er her berekna ut frå %-vis fordeling på T9,5 og T13-profil
Usikkerheitsprofil på berekningane er beskrive i KS1-rapporten.
5.1.3. ANSLAG 15.12. 2015
Det er gjennomført nytt kostnadsanslag etter ANSLAGS-metodikk på alle aktuelle alternativ i
samband med revidert tilleggsutgreiing. Kostnadane er til dels vesentleg høgare enn tidlegare.
Dette skuldast mellom anna at det metodisk er lagt på usikkerheitstillegg m.a. på grunn av
mulege endringar til krav til utforming når prosjektet skal gjennomførast. Dette er ein faktor
som berre delvis er med i dei andre kostnadsrekningsmetodane. Totalt utgjer dette usikker-
heitstillegget ca. 17%. Prisane er i tillegg oppdatert i høve det marknaden leverer i dag.
Tabell 16 ANSLAG 15.12.2015 i mill. 2016 -kroner
B1 B2 0+ B2 redusert B3
Berekna kostnad 3 838 4 681 280 *) 2 628 2 814 *) Fråtrekt snøoverbygg Grasdalen (250 - 300 mill. kr).
Usikkerheitsvurdering ved ANSLAG’et er dokumentert i ANSLAG-rapportane.
5.1.4. Samla vurdering kostnader
Ei samla oppstilling av kostnadsberekningane frå dei ulike fasane er vist i tabellane nedanfor.
Tabell 18 Samla oppstilling forventa kostnader i mill. 2016-kroner
B1 B2 0+ B2 redusert B3
KVU-berekning 2 952 3 400 280 *) 2 073 **) 2 261
KS1-berekning 3 353 3 999 ***) 285 *) **) 2 230
ANSLAG 15.12.2015, avrunda
til nærmaste 50-mill.kr
3 850 4 700 300 *) 2 600 2 800
*) Fråtrekt snøoverbygg i Grasdalen (250 - 300 mill. kr).
**) Ikkje berekna av KS1-konsulent ***) Summen er ikkje spesifsert hjå KS1-konsulenten. Den er berekna ut frå %-vis fordeling på T9,5 og T13-profil
Tabell 17 Fv. 63 heilårsveg til Geiranger ANSLAG 15.12.2015 i mill. 2016 - kroner
Fv. 63 i
alt. B1
Fv. 63 i
alt. B2
Fv. 63 i
alt. B3
Tunnel til
Breiddalen
Tunnel til
Skjerdingsdalen
Berekna kostnad, runda
av til næraste 50-mill. kr
1 600 1 500 1 900 2 100 2 100
Usikkerheiten i kostnadstala er +/- 40 %. Det betyr at kostnaden for alternativ B1 kan ligge mellom
2 300 – 5 350 mill. kr og fv. 63 i alternativ B1 mellom 1000 – 2250 mill. kr.
Revidert tilleggsutgreiing KVU Strynefjellet side 28
Juni 2016 Statens vegvesen
Ulukker og tunnelrisiko
Alternativa med full måloppnåing blir utforma i samsvar med vegnormalane og det er ikkje
forutsett særlege skilnader i den generelle ulukkesrisiko. Ulukkeskostnadane for alle
alternativ er berekna i EFFEKT.
Multiconsult har utført risikoanalyse (vedlegg 5) og beredskapsanalyse (vedlegg 6) for dei
ulike alternativa. Risikoen er vurdert til å variere frå 0,15 – 0,22 drepne pr år for dei ulike
alternativa. Det er val av fartsgrense som gir det største bidraget til risikotalet. I våre
berekningar er det føresett 90 km/t fartsgrense sidan dette gir det mest konservative anslaget
på risiko. Risikotalet kan redusertast med om lag 60 % om fartsgrensa vert sett til 80 km/t
(dvs. risikotal frå 0,1 – 0,13 drepne pr år). Endeleg fastsetting av fartsgrense og risiko
inkludert avbøtande tiltak må fastsetjast i seinare planfasar.
Trafikkavvikling/ulemper i byggefasen
I KVU’en er det gjort ei vurdering av kostnader i byggefasen for dei alternativa som gjev
vesentlege ulemper for den daglege trafikken. Sjå også kapittel 4.1 – 4.5. I Effektberekninga
er pris på venting og heft for trafikantane sett til 65 mill. kr.
Køyretid
Køyretid for dei ulike alternativa inngår som element i EFFEKT-berekninga. I denne
utgreiinga er det i tillegg drege ut som eige element for å syne skilnader på alternativa.
Køyretida er berekna frå Folva til Lægervatn, Geiranger til Folva og Geiranger til
Lægervatnet. Tabell 18 viser køyretidene på rv. 15. Meir informasjon om dette er å finne i
vedlegg 7 «Prisatte konsekvensar».
Tabell 18 Køyretid Folva - Lægervatn
Lengde (km) Køyretid lett (minutt) Køyretid tung (minutt)
Vestover Austover Vestover Austover
0+ 26,7 28 29 30 33
B1 21,6 – 22,3 15-16 17 16-17 19-20
B2 25,6 17 18 18 21
B2 redusert 25,2 22 23 24 27
B3 26,9 23 24 25 28
EFFEKT-berekning
Dei samfunnsøkonomiske berekningane er gjennomførde ved hjelp av EFFEKT 6.6. Resultat
frå køyringane er lagt ved denne rapporten i vedlegg 7 «Prissatte konsekvensar» Trafikktall er
henta frå oppdatert trafikknotat datert 3.12.2015 (Vedlegg 3). I samband med berekning av
EFFEKT, vert det gjort ein del føresetnader ved innlegging av inngangsdata :
- Samanlikningsår er 2025 med 40 år som berekningsperiode. Trafikktal for 2040 er
korrigert for dette. Dette betyr at vi har utarbeidd trafikkprognose for 2040 slik at det
kan samanliknast med KVU-en, men i Effektberekningane er prognose for trafikk
forlenga til 2065.
- 0-alternativet samsvarar med KS1-konsulentane sitt 0+. Her er det lagt inn ein
eingongskostnad under drift og vedlikehald for oppgradering av eksisterande tunnelar
(280 mill. kr). Det er også lagt inn pris på venting og heft for trafikantane (65 mill. kr).
Det er rekna med ein gjennomsnittsfart på 60 km/t for 0+ på strekninga Ospeli –
Langvatnet.
Revidert tilleggsutgreiing KVU Strynefjellet side 29
Juni 2016 Statens vegvesen
- I B1 er det rekna med drift av eksisterande veg og tunnel til Skjerdingsdalen.
- I samband med revisjon av tilleggsutgreiinga har vi teke omsyn til at det kan vere
mogleg å skilte tunnelar med 90 km/t fartsgrense, men dette avheng av om ein
aksepterer den auka risikoen dette medfører (jf. kap. 5.2). Ut frå dette er 90 km/t lagt
til grunn i dei samfunnsøkonomiske berekningane. Fartsgrenser vert ikkje fastlagt i
KVU-systemet. Dersom fartsgrensa vert sett til 80 km/t, vil trafikantnytten bli noko
lågare enn berekna samtidig som risikoen for ulykker vert redusert.
Figur 10: Samanstilling av prissette konsekvensar
Tabell 19: Resultat frå EFFEKT-køyring (i mill. 2016-kr)
Nytte trafikantar og
transportbrukarar
Kostnader for
det offentlege
Netto
Nytte
Netto Nytte pr.
budsjettkrone
B1 1 454 -3 694 -3 040 -0,82
B2 1 054 -4 584 -4 574 -1,00
B2 redusert 591 -2 437 -2 409 -0,99
B3 572 -2 598 -2 648 -1,02
B1 med ny fv. 63 2 155 -5 441 -4 460 -0,82
B2 med ny fv. 63 1 808 -6 249 -5 835 -0,93
B2 - redusert med ny fv. 63 1 317 -4 087 -3 693 -0,90
B3 med ny fv. 63 1 100 -4 646 -4 631 -1,00
Tunnel fv. 63 Opplendskedalen
til Breiddalen (T9,5)
512 -2 245 -2 249 -1,0
Tunnel fv. 63 Opplendskedalen
til Breiddalen 543 -2 294 -2 275 -0,99
Fv. 63 til B1 uten B1 *) 702 -1 747 -1 420 -0,81
Fv. 63 til B2 / B2-redusert uten
B2 *) 730 -1 664 -1 270 -0,77
Fv. 63 til B3 uten B3 *) 528 -2 048 -1 980 -0,97
*) Vi har stipulert effekten av å byggje fv.63 åleine etter at rv. 15 er utbetra. Sidan vi ikkje veit noko
om rekkefølgje og tidsforløp for ei slik stegvis utbygging, er det uråd å rekne på dette. Tala ovanfor er
komne fram ved å trekke effektane frå riksvegdelen frå effekten for samla utbygging av riks og
fylkevegen.
Revidert tilleggsutgreiing KVU Strynefjellet side 30
Juni 2016 Statens vegvesen
Resultata frå dei EFFEKT-køyringane som er gjort i denne tilleggsutgreiinga kan ikkje
samanliknast med EFFEKT-køyringane i KVU’en. Sidan 2011 har EFFEKT-programmet
vorte oppgradert fleire gongar med nye parametrar og reknerutinar som har stor innverknad på
resultatet.
Generelt er denne type berekningar følsomme både for grunnlagsdata og føresetnader som
vert nytta og for parametrar og rutinar internt i programmet. Dersom same datasett og
programversjonar vert nytta, vil ein likevel vanlegvis få fram eit godt bilete av samanlikning
av lønsemd for ulike alternativ for same prosjekt, så lenge alternativa inneheld tilnærma like
karakteristikkar.
Stenging/kolonnekøyring av veg for skred og skredfare og vinterstengt veg er ikkje rekna inn
i EFFEKT-berekningane. For alle alternativa vil betring av regulariteten føre til betre total
NettoNytte og NettoNytte/Budsjettkrone.
Oppsummert er dei ulike alternativa relativt like når vi samanliknar dei samfunnsøkonomiske
effektane som er berekna.
Revidert tilleggsutgreiing KVU Strynefjellet side 31
Juni 2016 Statens vegvesen
6. Ikkje prissette konsekvensar (Miljøtema)
Vurdering av konsekvensar for landskapsbilde
Prosjektet ligg delvis i landskapsregion Indre bygder på Vestlandet (LR 23), i underregionane Stryn
og Stranda/Synnylven, og delvis i Høgfjellet i Sør-Norge (LR 16), i underregionen
Tafjordfjella/Trolltindane (Puschmann 2005). LR 23 Indre bygder på Vestlandet er
kjenneteikna av djupskorne U-dalar og fjordar omkransa av høge fjell og tindar (Puschmann
2005). LR 16 Høgfjellet i Sør-Norge er kjenneteikna av glasiale og alpine storformer, ofte i
form av avrunda eller storkupert hei/vidde (Puschmann 2005).
Konsekvensar av konsepta B1, B2 og B3 for landskapsbiletet er i KVU datert 22. mars 2012
høvesvis vurdert som ubetydeleg (0), liten negativ (-) og middels negativ (--). Det er ikkje
kome fram opplysingar som endrar desse vurderingane. Alternativ B1 utan arm til
Opplendskedalen kjem best ut då ein unngår inngrep i Skjerdingsdalen og Opplendskedalen.
Med heilårsveg til Geiranger vil det i tillegg verte tunnelinnslag og ny veg i dagen i
Opplendskedalen, og ein grip dermed inn i verdsarvområde Geirangerfjorden (Vestnorsk
fjordlandskap) som har nasjonal og internasjonal opplevingsverdi. Landskapet i sjølve
Opplendskedalen har ikkje same inntrykksstyrken som resten av verdsarvområdet, sjølv om
det ligg tett opp til eit internasjonalt verdifullt og særmerkt landskap. Opplendskedalen er
likevel sårbar for inngrep, og planlegging av tunnelinnslag, ny veg i dagen og evt.
massedeponi vil krevje god planlegging og landskapstilpassing.
Veglinja bør helst liggje på fyllingar i overgangen mellom innmark og skog, og bør i størst
mogleg grad følgje småformene i landskapet, utan lange skjeringar. Ein bør unngå å leggje
vegen på tvers av Opplendskedalen og elva der. Sjølv med god landskapstilpassing vil nye
inngrep vere uheldig for den landskapsmessige heilskapen i verdsarvområde Geiranger-
fjorden. Samla sett er derfor alle konsepta med arm til Opplendskedalen vurdert som meir
negative enn utan arm til Opplendskedalen (tabell 20).
Tabell 20 Samla vurdering av konsekvensar for landskapsbilde
B1 B2 B2 redusert B3
Utan arm til Opplendskedalen 0 - - --
Med arm til Opplendskedalen - -- -- ---
Alternativet med direkte tunnel frå Opplendskedalen til Breiddalen (fv. 63) er
vurdert til å ha liten negativ konsekvens (-) for landskapsbildet, grunna inngrep i
Opplendskedalen som nemnt over.
Direkte tunnel frå Opplendskedalen til Skjerdingsdalen (fv. 63) er vurdert til å ha middels
til stor negativ konsekvens (---) for landskapsbilete. Avhengig av omfanget, som ikkje er
klargjort på dette tidspunktet, kan inngrepa vil vere svært uheldig og gje store negative
verknader for landskapsbiletet i Skjerdingsdalen.
Revidert tilleggsutgreiing KVU Strynefjellet side 32
Juni 2016 Statens vegvesen
Nærmiljø og friluftsliv
Vi har gjort ei overordna konsekvensvurdering av deltemaet nærmiljø og friluftsliv for alle
relevante alternativ i konsept B i KVU-en, med vurdering av heilårsveg til Geiranger. Den
aktuelle strekninga går frå Breiddalen i Skjåk kommune (Oppland) til Hjelledalen i Stryn
kommune (Sogn og Fjordane) og Opplendskedalen i Stranda kommune (Møre og Romsdal).
Konsepta B1, B2 og B3 (utan arm til Opplendskedalen) er i KVU datert 22. mars 2012
vurdert til å ha ubetydeleg konsekvens (0) for nærmiljø og friluftsliv. Konsept B2 fører til
endringar i nærmiljøet kring Folven som kan ha negativ konsekvens. Vurderinga av B2 er
derfor endra til liten negativ konsekvens (-).
Med arm til Opplendskedalen i Stranda kommune, vil ein gripe inn i verdsarvområde
Geirangerfjorden, som har turist- og friluftsinteresser av nasjonal kvalitet. Som eit nytt
heilårssamband til Geiranger kan tunnelen samstundes gje auka tilgang til turist- og
friluftsområdet i Geiranger/Stranda, og lengre sesong. Reelt omfang av tiltaka og konsekvens
av inngrepet for friluftsliv i verdsarvområdet er derfor usikkert.
I alle vurderingane er det lagt til grunn at delar av eksisterande rv.15 og fv. 63 kan haldast
opne i sommarsesongen for å sikre tilgang til nasjonale turistvegar og viktige friluftsområde
ved Dalsnibba, Tafjordfjella, Skjerdingsdalen og Tystigebreen (Gamle Strynefjellsvegen).
Dersom dette ikkje vert tilfelle, kan alternativa få større negativ konsekvens for friluftslivet.
Samla sett er det liten skilnad mellom alternativa i konsept B når det gjeld konsekvensar for
nærmiljø og friluftsliv (tabell 21). Alternativ B1, B2 redusert og B3 utan arm til
Opplendskedalen kjem best ut då ein unngår direkte inngrep i nærmiljøa i Opplendskedalen
og ved Folven i Hjelledalen.
Tabell 21 Samla vurdering av konsekvensar for nærmiljø og friluftsliv
B1 B2 B2 redusert B3
Utan arm til Opplendskedalen 0 - 0 0
Med arm til Opplendskedalen - - - -
Alternativet med direkte tunnel frå Opplendskedalen til Breiddalen (fv. 63) er
vurdert til å ha liten negativ konsekvens (-) for nærmiljø og friluftsliv, hovudsakleg på grunn
av verknader for nærmiljøet i Opplandskedalen. Dei reelle konsekvensane for friluftsliv er
usikre og vil mellom anna kunne påverkast av endra tilgang til viktige friluftsområde.
Direkte tunnel frå Opplendskedalen til Skjerdingsdalen (fv. 63) er vurdert til å ha liten negativ
konsekvens (-) for nærmiljø og friluftsliv, hovudsakleg på grunn av verknader for nærmiljøet i
Opplandskedalen. Traseane fører til nye/større inngrep i regionalt/nasjonalt viktige
friluftsområde både i Opplendskedalen og Skjerdingsdalen, men dei reelle
konsekvensane for friluftsområda er noko usikre.
Naturmangfald inkludert omsyn til villrein
I KVU’en er det omtala behov og konsekvensar for villreinen i området. Vi har i samband
med revidert tilleggsutgreiing gjort ein ny vurdering av naturmangfald for alle aktuelle
alternativ som eit fagleg grunnlag for KVU’en for rv.15 Strynefjellet inkl. heilårsveg til
Geiranger. Den aktuelle strekninga går frå Breiddalen i Skjåk kommune (Oppland) til
Revidert tilleggsutgreiing KVU Strynefjellet side 33
Juni 2016 Statens vegvesen
Hjelledalen i Stryn kommune (Sogn og Fjordane), med ein sidearm til Opplendskedalen i
Stranda kommune (Møre og Romsdal).
Det er mange registreringar og store naturverdiar knytte til utgreiingsområdet. Med
utgangspunkt i kjende opplysningar frå databasar og rapportar, er det gjort ei grov vurdering
av moglege verknadar for naturmangfald.
I Hjelledalen er det tre aktuelle område for omlegging av vegen og tunnelinnslag. For
naturmiljø er alternativt B1 i område ved Skora vurdert til å ha dei største negative
verknadane, så Folva og legst Ospeli. Ved Skora er det både utvald naturtype, jf.
naturmangfaldlova Kapittel IV, og regionalt viktige naturtypar. Strynevassdraget er verna og
har status som nasjonalt laksevassdrag.
I Skjerdingsdalen er det viktig å gå klar av ein del verdifulle område vest for noverande rv.
15. Der er det difor alternativ B3 som kjem dårlegast ut.
På Strynefjellet er det heilt klart ein fordel å få tunnelinnslaget legst mogleg mot aust, og
seinare opning om våren/sommaren av noverande fv. 63, av omsyn til villreinen. Alternativ
B1 og B2 kjem difor best ut der. I dei samla vurderingane vert den positive verknaden for
villreinen på Strynefjellet trekt ned av dei negative konsekvensane i Hjelledalen for desse
alternativa.
I Opplendskedalen har alle alternativa lik løysing. Her er det verna vassdrag, og det kan vere
noko påverknad av ein freda art. Samtidig vil ein arm til Opplendskedalen med påkopling i
tunnel ha positive verknadar for villreinen på Strynefjellet, noko som veg tungt.
Tabell 22 Samla vurdering av konsekvensar for naturmangfald
B1 B2 B2 redusert B3
Utan arm til Opplendskedalen -- (---) - 0 --
Med arm til Opplendskedalen -- - 0 --
Alternativt B2 redusert er vurdert til å ha liten eller ingen konsekvens (0), og direktetunnel frå
Opplendskedalen til Breiddalen eller Skjerdingsdalen vil ha middels negativ konsekvens (--).
Omfang og konsekvensar er vurdert ut i frå dagens kjennskap til naturverdiane i område og ei
veglinjeføring som grovt skissert utan tilkomstvegar og andre følgjetiltak. Det er relativt god
kjennskap til villreinen. Mykje av kunnskapen om naturmangfaldet er likevel av eldre dato,
og det er sannsynleg at statusen til ein del naturtypar kan bli endra (opp eller ned) med
oppdatert kunnskap. Det er difor mogleg at seinare/nyare kunnskap kan gje endringar i
vurderingane.
For å redusere konfliktgraden er det viktig å unngå inngrep i verna vassdrag, og den naturlege
kantsona til desse. Val av løysingar, t.d. lang bru, kan gje monaleg mindre negativ
konsekvens. Ulike tilpassingar kan også redusere konsekvensane for andre naturverdiar.
Det er ikkje gjort vurderingar av massedeponi, tverrslag og liknande følgjeinngrep.
Revidert tilleggsutgreiing KVU Strynefjellet side 34
Juni 2016 Statens vegvesen
Kulturminne og kulturmiljø
I samband med tilleggsutgreiinga har vi gjort ei ny vurdering av kulturminne og kulturmiljø.
Dette inngår som eit fagleg grunnlag for tilleggsutgreiing til konseptvalutgreiing (KVU) for
rv. 15 Strynefjellet, og tek utgangspunkt i fagrappport frå Asplan Viak frå 2010 og tidlegare
vurderingar gjort i KVU datert 22. mars 2012. Det er gjort ei overordna konsekvensvurdering
av deltemaet kulturminne og kulturmiljø for alle relevante alternativ i konsept B i KVU-en,
med vurdering av heilårsveg til Geiranger. Den aktuelle strekninga går frå Breiddalen i Skjåk
kommune (Oppland) til Hjelledalen i Stryn kommune (Sogn og Fjordane) og Opplendske-
dalen i Stranda kommune (Møre og Romsdal).
Konsekvensar av Konsepta B1, B2 og B3 for kulturminne og kulturmiljø er i KVU datert 22.
mars 2012 høvesvis vurdert som ubetydeleg (0), liten negativ (-) og middels negativ (--).
Dette er konklusjonane også etter denne reviderte tilleggsutgreinga. Til skilnad frå den
opphavlege KVU-en, blir det i denne reviderte tilleggsutgreiinga meir detaljert gjort greie for
kvar det største konfliktpotensialet ligg.
Det er mange kulturminne med stor verdi innan det aktuelle området for å byggja ny rv. 15
med tunnel under Strynefjellet. Både gamle (fv. 258) og nye (rv. 15) Strynefjellsvegen, samt
Geirangervegen (fv. 63) er forskriftsfreda. Alle vegane har nasjonal verdi, og det er strenge
restriksjonar på kva som kan gjerast av endringar på desse vegane. I tillegg til dei
forskriftsfreda vegane, vil ein ny veg til Geiranger gripa inn i verdsarvområde
Geirangerfjorden (Vestnorsk fjordlandskap). Ut over dette, er det særleg i Skjerdingsdalen ein
har kulturmiljø med stor verdi med stølsmiljø frå førhistorisk og nyare tid. Også gardane
Grov/Gutdal/Folva har kulturmiljø med stor verdi.
Der ein planlegg å endra/utvida eksisterande rv. 15 Strynefjellet og fv. 63Geirangervegen, vil
ein kunne få store konsekvensar for desse vegmiljøa som er av nasjonal verdi. Føresetnadane
for å forskriftsfreda vegmiljøa fell vekk, og konsekvensane vil såleis vera negative. Dersom
ein planlegg tiltak som kjem i konflikt med hensikta og føremålet med vernet, må det søkast
løyve av vernemynde.
Samla vurdering av kulturminne og kulturmiljø går fram av tabellen under. Sidan omfanget
ved dei ulike tiltaka er uklårt, vil det også vera stor usikkerheit rundt konsekvensane. Det er
difor viktig å understreka at konsekvensane som blir presentert i dette dokumentet er gjort på
bakgrunn av den kunnskapen ein i dag har om dei ulike tiltaka.
Tabell 23 Samla vurdering av konsekvensar for kulturminne og kulturmiljø
B1 B2 B3
Utan arm til Opplendskedalen 0 - --
Med arm til Opplendskedalen - -- ---
Etter den samla vurderinga, kjem Konsept B1 utan arm til Opplendskedalen ut som det beste
alternativet i forhold til kulturminne og kulturmiljø. I tillegg er det gjort ei vurdering av ny
direktetunnel frå Opplendskedalen til Breiddalen (fv. 63). Alternativet er vurdert til å ha
middels negativ konsekvens (--) for kulturminne og kulturmiljø. Det er også vurdert ein
tunnel frå Opplendskedalen til Skjerdingsdalen. Dette alternativet er vurdert til å ha store
negative konsekvensar (---) for kulturminne og kulturmiljø. Desse alternativa er vurdert
uavhengig av val av alternativ for rv. 15.
Revidert tilleggsutgreiing KVU Strynefjellet side 35
Juni 2016 Statens vegvesen
7. Måloppnåing Måloppnåinga er målt i høve til oppdraget frå Samferdselsdepartementet definert i brev datert
17. februar 2014, 5. september 2014 og 14. juni 2015:
Målet er i tilleggsbestillinga frå 17. februar 2014 definert slik: «Tilleggsutredningen skal gi tilråding om langsiktig løsning for rv. 15 over Strynefjell. Det skal legges
til grunn en kostnadseffektiv og tjenelig løsning, som sikrer tilfredsstillende regularitet for trafikk
vinterstid og som i tillegg sikrer god fremkommelighet for næringstrafikken. Hensynet til
verneområder og villrein skal ivaretas»
Vi har i tillegg fått presisert følgjande i samband med tilleggsutgreiinga i 2014: - Problema med dagens tunnelar skal løysast.
- Vi skal løyse fokk-/skredproblem på strekninga (Grasdalen, Breidalen, Napefonna,
Gotiskarfonna).
- Vi skal fjerne stigningsproblema frå Skora opp til Ospelitunnelen for å få akseptabel
framkomst for tungtrafikken.
Men i brev datert 5. september 2015 presiserer Samferdselsdepartementet at det ikkje vert sett
absolutte krav til dei konkrete løysningane i forkant av denne reviderte tilleggsutgreiinga.
Dette inneber konkret at rammene ovanfor som departementet ga Statens vegvesen som
grunnlag for tilleggsutgreiinga i 2014, ikkje skal leggjast til grunn for denne reviderte tilleggs-
utgreiinga.
14. juni 2015 bad Samferdselsdepartementet om ei revidert utgåve av tilleggsutgreiinga. Her
går det fram at: - Tilleggsutgreiinga skal også sjå på eventuelle løysingar som legg til rette for eventuell
framtidig heilårsveg til Geiranger. Det vert samstundes føresett at ein eventuell heilårsveg til
Geiranger vil vere eit fylkeskommunalt prosjekt.
- Kostnadsanslag i tilleggsutgreiinga skal være oppdatert i høve tidlegare vurderingar.
- Utgreiinga skal inkludera ein samfunnsøkonomisk analyse av dei ulike alternativa, og
analysen må utførast slik at den er direkte samanliknbar for alle alternativ som inngår.
Måloppnåing i høve dei ulike bestillingane vert difor relativt omfattande. Vi oppsummerer i
høve alle bestillingane i tabellane nedanfor slik at alle forhold er kjente i den vidare
behandlinga både av KVU-en og tilleggsutgreiingane. I kap. 8 er det nærare grunngjeving for
dei vurderingane som er gjort.
Oppsummert kan vi konkludere slik:
- B1 og B2 tilfredsstiller måla som er sett for tilleggsutgreiinga. Dei andre alternativa
gjer det ikkje.
- Når det gjeld fv. 63 oppfyller alle alternativa kravet til heilårsveg til Geiranger, men
dersom ein vel direktetunnel til Breiddalen må tunnelavslutning og kryss utformast
slik at det ikkje vert for store problem med snøfokk.
Revidert tilleggsutgreiing KVU Strynefjellet side 36
Juni 2016 Statens vegvesen
Tabellane nedafor viser alle vurderte konsekvensar gradert med ei fargeskala der mørkast
brunt er mest negativt og mørk grøn er mest positivt:
Tabell 24: Måloppnåing i revidert tilleggsutgreiing
Revidert tilleggsutgreiing KVU Strynefjellet side 37
Juni 2016 Statens vegvesen
8. Drøfting og tilråding
Oppsummering av konsekvensar Prissette konsekvensar rv. 15
0+ B1 B2 B2 red. B3
Anleggskostnader (mill. 2016-kroner) 300 *) 3 850 4 700 2 600 2 800 Netto nytte (mill. 2016-kroner) - 3 040 - 4 574 - 2 409 - 2 648
Netto nytte/budsjettkr. - 0,82 - 1,00 - 0,99 - 1,02 *) Fråtrekt snøoverbygg Grasdalen (250 - 300 mill. kr).
Prissette konsekvensar fv. 63
Fv. 63 med
alt. B1
Fv. 63 med
alt. B2
Fv. 63 med
alt. B3
Fv. 63 Tunnel
til Breiddalen
Fv. 63 Tunnel til
Skjerdingsdalen
Anleggskostnader 1 600 1 500 1 900 2100 2100
Netto nytte -4 460 -5 835 -4 631 -2 249 -2 275
Netto nytte/budsjettkr. -0,82 -0,93 -1,00 -1,00 -0,99
Ikkje prissette konsekvensar
0+ B1 B2 B2
red.
B3
Landskapsbilde 0 0 - - - -
Nærmiljø og friluftsliv 0 0 - 0 0
Naturmangfald inkl omsyn til villrein 0 - - - 0 - -
Kulturminne og kulturmiljø 0 0 - - - -
Ikkje prissette konsekvensar fv. 63
B1
med fv.
63
B2 med
fv. 63
B3
med
fv. 63
Fv. 63 Tunnel til
Breiddalen
Fv. 63 Tunnel til
Skjerdingsdalen
Landskapsbilde - - - - - - - - - - Nærmiljø og friluftsliv - - - - -
Naturmangfald inkl omsyn til villrein - - - - - - - - -
Kulturminne og kulturmiljø - - - - - - - - - - -
Måloppnåing tilleggsutgreiing
0+ B1 B2 B2 red. B3
Vegnormalstandard tunnelar 0 + + + + + + + + + + + + + + +
Fjerne alle skred-/snøproblem 0 + + + + + + + + + + +
Fjerne stigningsproblema
Skora- Ospelitunnelen 0 + + + + + + + + 0 0
Villrein 0 + + + + + + 0
Oppfylling av krav i KVU
Trafikantkostnader i
byggeperioden - - - - 0 0 - - -
Regularitet over Strynefjellet 0 + + + + + + + + +
Kostnadseffektiv transport 0 + + + + + + + + + + +
Villrein 0 + + + + + + 0
Konfliktar med natur, kultur og miljø 0 - 0 0 - - -
Utslepp av klimagassar 0 + + + + + +
Risikonivå i tunnel 0,16 0,22 0,19 0,15
Etappevis utbygging 0 0 + + 0 +
Revidert tilleggsutgreiing KVU Strynefjellet side 38
Juni 2016 Statens vegvesen
Konsept Positive effektar Negative effektar 0+
- Utbetra tunnelar i samsvar med
tunnelsikkerheitsforskrifta.
- Anleggskostnadene er lågast med 300 mill. kr.
(med bygging av skredoverbygg i Grasdalen til
ca. 250 - 300 mill. ekstra, vil Grasdalen sikrast).
- Vegbreidde på ca 5,5 m på rv. 15 i tunnelane
- Skilta fart 60 km/t over 13,3 km
- Ikkje sikring av Napefonna, Gotiskarfonna,
Kleivane og Breiddalen
- Ikkje betring av stigningsforholda
- Det vert store problem og kostnader for
trafikantane i byggeperioden (ca. 2 år)
B1 - Vi oppnår vegnormalstandard på strekninga
Skora – Lægervatn
- Vi får god framkomst ved å sikra Grasdalen,
Napefonna, Gotiskarfonna, Kleivane og
Breiddalen.
- Stigningsforholda vert tilfredsstillande
- Ikkje vesentlege problem for trafikantane i
anleggsperioden
- Best samfunnsøkonomisk nytte
- Fjernar trafikk frå Skjerdingsdalen
- Det er ikkje muleg med etappevis utbygging.
- Høg anleggskostnad (3 850 mill. kr.)
- Må oppretthalde dagens vegsamband til
Skjerdingsdalen i sommarhalvåret
B2 - Vegnormalstandard Folva – Lægervatn
- Sikrar Grasdalen, Breiddalen, Napefonna og
Gotiskarfonna
- Kan byggast ut etappevis.
- Ikkje vesentlege problem for trafikantane i
anleggsperioden
- Høgast anleggskostnad (4 700 mill. kr.)
- Må oppretthalde dagens vegsamband til Gamle
Strynefjellsvegen
- 4 km lenger veg frå Folva til Lægervatn enn B1.
B2
redusert
- Vegnormalstandard på strekninga
Skjerdingsdalen – Lægervatn
- Sikring av Grasdalen og Breiddalen
- Lågare anleggskostnad enn B1 og B2 alternativ
(2 600 mill. kr.)
- Ikkje sikring av Napefonna, Gotiskarfonna og
Kleivane
- Vi får ikkje betring i stigningsforholda opp til
Ospelitunnelen.
-
B3 - Vegnormalstandard Ospelitunnelen –
Lægervatn
- Sikring av Grasdalen,
- Anleggskostnad 2 800 mill. kr.
- Ikkje vesentlege problem for trafikantane i
anleggsperioden (forutsatt ny Ospelitunnel)
- Muleg delvis utnytting av eksisterande tunnelar
til rømmingsveg.
- Etappevis utbygging (bygger først tunnel frå
Skjerdingsdalen til Breiddalen, deretter ny
Ospelitunnel, evt. kan konseptet kombinerast
med oppgradering av Ospelitunnelen).
- Ikkje sikring av Breiddalen og Napefonna,
Gotiskarfonna og Kleivane
- Vi får ikkje betring i stigningsforholda opp til
Ospelitunnelen.
Revidert tilleggsutgreiing KVU Strynefjellet side 39
Juni 2016 Statens vegvesen
Tilråding
Tilråding for rv. 15:
Berre alternativ B1 og B2 tilfredsstiller mål/krav i tilleggsoppdraget frå februar 2014. B2 er
dyrare, gir lenger veg for trafikantane og har dårlegare samfunnsøkonomi enn B1. I brev
datert 5. september 2015 presiserer Samferdselsdepartementet at det ikkje vert sett absolutte
krav til dei konkrete løysningane i forkant av denne reviderte tilleggsutgreiinga. Dette inneber
konkret at rammene frå februar 2014, ikkje skal leggjast til grunn for den reviderte tilleggs-
utgreiinga.
Vi vurderer desse to ambisjonsnivåa som to ulike konsept. Det eine aksepterer dagens veg
med stignings-, skred- og fokkproblem. Då vil alternativ 0+ kunne aksepterast dersom ein ser
vekk frå dei anleggstekniske og trafikale problema som ein ombygging av dagens tunnelar vil
medføre. Denne ombygginga vil krevje heilt stengt veg i lange periodar (2 – 4 år). I tillegg
føreset dette permanent fartsgrense 60 km/t med automatisk fartskontroll (streknings-ATK).
Vi oppfattar at ei slik løysing er vanskeleg å få aksept for hjå trafikantane. I tillegg vil ei slik
løysing ut frå vår faglege vurdering, berre løyse ein avgrensa del av problema med dagens rv.
15 over Strynefjell.
Statens vegvesen meiner difor at dersom ein skal ruste opp Strynefjelletstunnelane, må alle
problema løysast samtidig. Dette er bakgrunnen for følgjande tilråding:
Statens vegvesen rår til at B1 vert vald som alternativ for å oppnå full måloppnåing.
Dersom det også i eit langt perspektiv kan aksepterast at:
- stigninga/slyngparti frå Skora til Ospelitunnelen ikkje vert utbetra.
- at ein fortsatt kan leve med problema med skred frå Napefonna, Gotiskarfonna og
Kleivane.
- at ein kan akseptere fortsatt bruk av Ospelitunnelen,
kan det vere eit muleg alternativ å bygge B2 redusert for å få ned investeringskostnadane.
Ein føresetnad for eit slikt val må vere at eit eventuelt byggesteg 2 av B2 ligg langt fram i tid,
sidan B2 både er dyrare og dårlegare enn B1. B2 redusert vil løyse problema med dårlege
tunnelar, betre vinterregulariteten på rv. 15, løyse skredproblema i Grasdalen og gje mindre
anleggstekniske og trafikale problem i byggeperioden enn 0+.
B3 bør ikkje byggast. Alternativet er like dyrt som B2 redusert, løyser færre problem og har i
hovudsak dei same ulempene.
Tilråding for fv. 63 Heilårsveg til Geiranger:
Alle alternativa som er utgreidde for fv. 63 gir fullgod løysing når det gjeld heilårsveg til
Geiranger. Vegen frå Opplendskedalen til Geiranger er smal og svingete og vil gje ein del
utfordringar på vinterstid, men vinteropen vil den vere.
Omsyn til lågaste anleggskostnad og akseptabel risiko i tunnelane og best på ikkje prissette
konsekvensar, er grunngjeving for følgjande tilråding:
Statens vegvesen rår til fv. 63 vert bygd med tunnel frå Opplendskedalen til B1 eller B2
avhenging av val på rv. 15. Dersom ikkje rv. 15 skal byggjast ny, ser vi ikkje stor fagleg
skilnad på direktetunnel til Breidalen eller Skjeringsdalen.
Revidert tilleggsutgreiing KVU Strynefjellet side 40
Juni 2016 Statens vegvesen
Dersom det ikkje vert samtidig utbygging av rv. 15 og fv. 63, må ein i alternativ B1, B2 og
B3 avklare kven som skal ta dei førebelse kostnadane med tilrettelegging for kryss i tunnel.
For B1 og B3 utgjer dette om lag 150 mill. kr og for B2 50 mill. kr.
Vidare arbeid
Ut frå tilrådinga vert alternativ B1 lagt til grunn for det vidare arbeidet. For å unngå at ein må
oppgradere dagens tunnelar etter krava i tunnelsikkerheitsforskifta innan fristen 2019, bør ein
starte opp med reguleringsplan med KU for dette alternativet så snart som mogleg. I dette
reguleringsplanarbeidet må også innslag for tunnelen ved Skora avklarast etter grundigare
geologiske undersøkingar. Vidare planarbeid for fv. 63 kan takast vidare i pågåande
kommunedelplanarbeid i regi av Stranda kommune, men dette må avgjerast av
fylkeskommunane som er vegeigarar.
Revidert tilleggsutgreiing KVU Strynefjellet side 41
Juni 2016 Statens vegvesen
9. Vedlegg
Vedlegg 1: ANSLAG-rapport av 20.3.2014 og 15.12.2015
Ligg ved som eigne dokument: Kostnadsoverslag etter Anslagsmetoden – 20.3.2014 og
15.12.2015
Vedlegg 2: Geologisk rapport av 12.01.2016
Ligg ved som eige dokument:
Vedlegg 3: Trafikknotat datert 3.12.2015
Ligg ved som eige dokument.
Vedlegg 4: VD - Tilråding standard for tunnelar over Strynefjellet med lengde > 10 km
Vegnormalane dekker ikkje krav til tunnelar med lengde > 10.000 m (dei skal vurderast
sæskilt). I samband med tilleggsutgreiinga har fagfolk i Vegdirektoratet gjort ei vurdering av
standard for tunnelane på Strynefjellet som får lengde > 10000 m:
Strynefjellstunnelene – valg av tunnelklasse
I forbindelse med tilleggsutredningen for KVU Strynefjellet er det behov for å avklare antall tunnelløp i forhold
til krav til nødutganger, og hvilke andre krav som må gjelde for lange tunneler.
Forutsetninger:
- Lengder: B1: 16 km, B2: 10 km og 12 km (hhv. B2 og B1)
- Stigning: B1: 4,9 %, B2: 5 % og 2,7 % (eller 4,2 %) (hele lengden for alle tunnelene)
- ÅDT prognose: ca. 2 000 kjt.
Antall løp
Tunnelsikkerhetsforskriften stiller ikke krav til nødutganger (separate rømningstunneler eller to ordinære
tunnelløp) for tunneler lengre enn 500 meter med ÅDT lavere enn 4 000 kjt. Kravene i HB 021 Vegtunneler er
sammenfallende med forskriften. Det framgår av HB 021, kap. 4.4 at valg av tunnelklasse skal vurderes spesielt
for tunneler lengre enn 10 km. Dette vil sannsynligvis bli nærmere beskrevet i neste revisjon av håndboka, men
det er lite som tyder på at kravene vil bli skjerpet utover det som gjelder generelt for tunneler med ÅDT lavere
enn 4 000 kjt. Det kan imidlertid bli aktuelt med forsterkede krav for å sikre trygg og rask evakuering av lange
tunneler. Dette behandles ikke i denne omgang (evt. kostnader antas å være marginale) med unntak av krav til
ventilasjon, jf. siste kapittel i notatet.
For Haukelitunnelene som har litt høyere prognosetrafikk enn Strynefjellet, men lavere enn 4 000 kjt, er det også
lagt til grunn bare ett tunnelløp uten nødutganger/rømningstunneler, jf. vår vurdering datert januar 2012.
Avhengig av traséen for de nye tunnelene, kan det på et senere planstadium vurderes om det er mulig, uten store
kostnader, å koble de nye tunnelene til de gamle, slik at de kan fungere som rømningstunneler. Dette vil
imidlertid være uaktuelt dersom det blir behov for å bruke disse til sjaktventilasjon, jf. vurdering av ventilasjon
nedenfor.
Konklusjon: For Strynefjellet legges det til grunn at tunnelene bygges med bare et tunnelløp uten
nødutganger/rømningstunneler ettersom ÅDT-prognosen er betydelig lavere enn 4 000 kjt.
Tunnelprofil
I hht. HB 021 skal valg av tunnelklasse/profil vurderes særskilt for tunneler lengre enn 10 km. En slik vurdering
kan ikke gjøres på den korte tiden vi har til rådighet. Arbeidet med revisjon av HB 021 er i startfasen, noe som
kan føre til at valg av tunnelklasse/tunnelprofil for lange tunneler beskrives i ny utgave av håndboken.
Behandling av enkeltsaker tilsier at tunnelprofil for lange tunneler vil bli det samme som for tunneler kortere
enn 10 km. Selv om det er ulike oppfatninger om dette, så bør vi inntil videre legge til grunn T9,5 for
Strynefjellet.
Konklusjon: Tunnelprofil T9,5 legges til grunn for videre planlegging av Strynefjellstunnelene. Se for øvrig vår
vurdering vedrørende forbikjøringsfelt nedenfor.
Revidert tilleggsutgreiing KVU Strynefjellet side 42
Juni 2016 Statens vegvesen
Stigning - forbikjøringsfelt eller avbøtende tiltak
Stigningen er gjennomgående, noe som betyr at lengden av stigningene varierer fra 10 km til 16 km. Det må
derfor vurderes om det er behov for tiltak for å redusere risikoen for forbikjøringsulykker pga. saktegående
tunge kjøretøy, og for å redusere risikoen for brann i tunge kjøretøy. Etablering av forbikjøringsfelt kan være
aktuelt og/eller avbøtende tiltak.
På dette punktet har ikke tunnelsikkerhetsforskriften noe entydig krav utover krav til vurdering, jf. omtale i neste
avsnitt. I HB 021 unntas veg i tunnel fra de normale kravene til forbikjøringsmuligheter som gjelder for veg i
dagen som beskrevet i HB 017. Det stilles imidlertid krav til etablering av forbikjøringsfelt i stigninger for
tunneler med ÅDT større enn 2500 kjt. når stigningen er større eller lik 5 pst. over en lengde mer enn 1 km. I
utgangspunktet betyr dette at det ikke er krav til forbikjøringsfelt i de aktuelle tunnelene i KVU Strynefjellet.
Det er imidlertid viktig å merke seg tunnelsikkerhetsforskriftens krav til «ekstra og/eller forsterkede tiltak for å
forbedre sikkerheten på grunnlag av en risikoanalyse» når stigningen er større enn 3 %. Stigningens lengde vil
ha stor betydning for en slik vurdering, samt andelen tungtrafikk. Det kan ikke utelukkes at en slik vurdering kan
medføre etablering av forbikjøringsfelt i de aktuelle tunnelene ettersom stigningene er svært lange, men med
unntak for den som bare har 2,7 % stigning (dersom man ikke velger alternativet med 4,2 % av hensyn til
rømning). Alternativt vil risikoanalysen resultere i anbefaling av avbøtende tiltak som ikke vil ha nevneverdige
betydning for kostnader i KVU’en.
Konklusjon: I tilleggsutredningen bør det legges til grunn et tunnelprofil med forbikjøringsfelt (T13) i de
tunnelene som er brattere enn 3 % (dvs. de to variantene med 4,2 – 5 %), men med forbehold om utfallet av en
risikoanalyse som må gjennomføres på et senere planstadium (KDP).
Ventilasjon
Brann i lange ett-løps tunneler med toveis trafikk er problematisk ved selvberging. I verste fall kan halve
tunnelen være fylt med røyk, og kanskje ennå mere dersom det ikke er mulig å ventilere den korteste vegen ut fra
brannstedet. Kravet i tunnelsikkerhetsforskriften er tverrventilasjon, med åpning for langsgående ventilering
bare når det treffes konkrete tiltak som spesifisert i forskriften. Med grunnlag i HB 021 har Norge lagt til grunn
bare langsgående ventilering som hovedprinsipp.
Konklusjon: Ved så lange tunneler som på Strynefjellet bør utforming av brannventilasjon, vurderes nærmere.
Det er ikke mulig å gjøre dette i løpet av kort tid, men i tilleggsutredningen bør det, med forbehold, tas høyde for
ventilasjon via 1-2 sjakter. Dette kan kanskje kombineres med bruk av de gamle tunnelene avhengig av traséen
på de nye tunnelene. Sjaktventilasjon vil også være gunstig for ventilasjon av eksos, selv om dette kanskje ikke er
så relevant pga. lav trafikk.
Tiltak vedrørende eventuell kolonnekjøring
Dersom de alternativene som nå vurderes, skulle tilsi kolonnekjøring i begrenset omfang, minner vi om tidligere
innspill til avbøtende tiltak som kan ha betydning for tilleggsutredningen dersom det er aktuelt med oppstilling
av kolonne inne i tunnelene (antar at dette er lite sannsynlig:
• Varsling av kolonneoppstillingsområde
• Brannsikringstiltak i forhold til mange kjøretøy på et område
• Økt profil på grunn av gangtrafikk
• Rømningsmulighet (dårlig vær)
• Snunisjer (for entreprenør)
• Belysning
• Etc.
-------------------------------------------------------------------------------
Gudmund Nilsen/Arild Søvik/Jan Eirik Henning, 6. mars 2014
Revidert tilleggsutgreiing KVU Strynefjellet side 43
Juni 2016 Statens vegvesen
Vedlegg 5: Risikovurdering, Multiconsult / HOJ Consulting, mars 2016
Ligg ved som eige dokument.
Vedlegg 6: Beredskapsanalyse, Multiconsult, 15.mars 2016
Ligg ved som eige dokument.
Vedlegg 7: Prissatte konsekvensar (EFFEKT-berekning), 4.4.2016
Ligg ved som eige dokument.
Vedlegg 8: Kart over alternativ B1 (med og utan arm til fv. 63 Geiranger)
Ligg ved som eige dokument.
Vedlegg 9: Kart over alternativ B2
Ligg ved som eige dokument.
Vedlegg 10: Kart over alternativ B3
Ligg ved som eige dokument.
Trygt fram sammen
Statens vegvesenRegion vest
Askedalen 4 6863 LEIKANGERTlf: (+47 915) [email protected]
vegvesen.no