RAPORT I AUDITIMIT EFEKTIVITETI I SISTEMIT STANDARD TË ...€¦ · republika e kosovËs zyra e auditorit tË pËrgjithshËm nr i dokumentit. 21.20.10-2012-08 raport i auditimit efektiviteti

REPUBLIKA E KOSOVËS

ZYRA E AUDITORIT TË PËRGJITHSHËM

Nr i dokumentit. 21.20.10-2012-08

RAPORT I AUDITIMIT

EFEKTIVITETI I SISTEMIT STANDARD TË

INTEGRUAR QEVERITAR TË ADMINISTRATËS

TATIMORE (SIGTAS)

Prishtinë, Qershor 2013

2

Zyra e Auditorit të Përgjithshëm (ZAP) kryen auditime të

rregullsisë si dhe ato të performancës. Auditori i Përgjithshëm,

Lage Olofsson, është kreu i ZAP-it që ka të punësuar rreth 140

anëtarë të stafit. Auditori i Përgjithshëm dhe ZAP janë të pavarur

dhe që certifikon rreth 90 Pasqyra Vjetore Financiare për çdo vit,

derisa ndërmarrin forma të tjera të auditimit.

Misioni ynë është që të kontribuojmë në menaxhim të shëndoshë

financiar në administratë publike. Ne do të kryejmë auditime

cilësore në përputhje me standardet e njohura ndërkombëtare të

auditimit të sektorit publik dhe praktikat e mira evropiane. Ne

do të ndërtojmë besim në shpenzimin e fondeve publike. Ne do

të luajmë një rol aktiv në sigurimin e interesit të taksapaguesve

dhe palëve tjerë të interesit në rritjen e llogaridhënies publike.

Raportet e nxjerra nga ZAP në mënyrë direkte promovojnë

llogaridhënien pasi që ato ofrojnë bazë për ti mbajtur

llogaridhënës menaxherët e organizatave individuale buxhetore.

Auditori i Përgjithshëm ka vendosur për raportin e auditimit

mbi efektivitetin e Sistemit Standard të Integruar Qeveritar të

Administratës Tatimore - SIGTAS në konsultim me Ndihmës

Auditorin e Përgjithshëm, Ibrahim Gjylderen, i cili ka bërë

mbikëqyrjen e auditimit.

Opinioni dhe raporti i nxjerrë janë rezultat i auditimit të kryer

nën menaxhimin e Drejtorit të Auditimit, Bezad Halilaj

mbështetur nga Fitim Haliti (Udhëheqës i ekipit), Mjellma

Dibra, Fanol Hodolli dhe Fatlinda Ramosaj.

ZYRA E AUDITORIT TË PËRGJITHSHËM –Adresa: Musine Kokollari, No. 16, Prishtina 10000, Kosova

Tel.: +381(0) 38 25 35 /121/262-FAX: +381(0) 38 2535 122 /219 http://oag-rks.org/

http://oag-rks.org/


3

TABELA E PËRMBAJTJES

Përmbledhje e përgjithshme .......................................................................................................... 5

1 Hyrje ......................................................................................................................................... 7

2 Përshkrimi i dizajnit të sistemit SIGTAS dhe vlerësimi i tijë ........................................... 8

3 Përdorimi i sistemit SIGTAS ............................................................................................... 16

4 Kontrolli dhe Mbikëqyrja .................................................................................................... 23

5 Konkluzioni i përgjithshëm ................................................................................................ 25

Shtojca I: Fushë veprimi dhe Metodologjia e auditimit .......................................................... 26

Shtojca II: Modulet e SIGTAS-it .................................................................................................. 27

Shtojca III: Format e vlerësimit ................................................................................................... 28


4

Lista e shkurtesave

ATK – Administrata Tatimore e Kosovës

AT – Administrata Tatimore

DA – Departamenti i Ankesave

DF – Deklarata Financiare

SIGTAS – Standard Integrated Government Tax Administration System

EDI – Deklarimi elektronik

ZAP – Zyra e Auditorit të Përgjithshëm


5

Përmbledhje e përgjithshme

Ne, kemi kryer auditimin e sistemit Standard të Integruar Qeveritar të Administratës

Tatimore (SIGTAS) për të vlerësuar funksionimin e tij. Gjatë auditimit ne kemi testuar

dizajnin dhe përdorimin e elementeve në kalkulimet dhe vlerësimet informatave tatimore

nga ana e sistemit. Gjithashtu kemi vlerësuar regjistrimin dhe raportimin e rimbursimeve

nga SIGTAS-i, marrëveshjet mbi borxhet, regjistrimin e ankesave dhe kontrolleve në

SIGTAS dhe procesin e dhënies së vlefshmërisë (validimit) së të dhënave nga Banka

Qendrore (BQ).

Administrata Tatimore e Kosovës (ATK) që nga viti 2001 ka filluar ta përdor SIGTAS-in

me një numër të caktuar modulesh, ndërsa me kalimin në versionin e ri në vitin 2010 janë

shtuar edhe disa module të reja. Dizajnimi i sistemit, edhe përkundër disa mangësive i

përmbush nevojat për të administruar informatat për tatimet.

Megjithatë, ne jemi të shqetësuar për faktin se, përkundër se në vitin 2010 sistemi është

avancuar në një version të ri të SIGTAS-it, ky proces ka pasur ngecje dhe është përcjellë

me mangësi. Deri në korrik të vitit 2012 modulet e parashikuara të fillojnë në 2010, sipas

zyrtarëve të ATK-së kanë qenë në fazën testuese. Për më tepër, disa prej tyre edhe pas

kësaj faze ende nuk janë funksionale.

Ne kemi identifikuar disa mangësi gjatë auditimit të SIGTAS-it. Këto mangësi kanë të

bëjnë me dizajnin e sistemit dhe përdorimin e tij.

Mangësitë më të theksuara lidhur me dizajnin e SIGTAS-it janë:

Mangësi në menaxhimin e informatave në sistem; dhe

Mungesë e përditësimit të informatave për disa nga aktivitetet e zhvilluara në

sistem.

Çështjet e theksuara për sa i përket përdorimit të SIGTAS-it

Vonesa në aplikimin e përdorimit të moduleve të sistemit;

Raportimi i informatave jo të plota dhe të sakta nga sistemi;

Mungesa e ndërlidhjeve midis aktiviteteve brenda për brenda sistemit;

Vonesa në procesimin e informatave në sistem; dhe

Mungesë e harmonizimit të informatave të sistemit më një vegël tjetër (Share

point) që përdorët nga ATK.


6

Mangësitë e lartpërmendura duhet të adresohen para se sistemi të konsiderohet një vegël

plotësisht funksionale. ATK, si pronare e tij, është e nevojshme që sa më shpejt që është

mundur të ndërmarrë veprime për të siguruar efikasitetin e këtij sistemi. Kjo do të

mundësoj menaxhim më efikas të informatave për sa i përket procesit të tatimeve në

Kosovë, përkatësisht të hyrave që mblidhen.

Rekomandimet

Për t’i tejkaluar mangësitë e përshkruara më lartë, ne rekomandojmë Drejtorinë e

Përgjithshëm të ATK-së të ndërmarrë masa të duhura që do të ndikonin në përdorimin

më efikas të potencialit të këtij sistemi. Në lidhje më këtë, ne rekomandojmë:

Marrjen e masave për të identifikuar shkaqet që prodhojnë gabime në sistem,

eliminimin e tyre dhe krijimin e mundësive për procesim dhe raportim të saktë të

informatave të tatimpaguesve;

Rishikimin e procesit të pajisjes me numër fiskal të bizneseve dhe përshtatjen e tij

në përputhje me kornizën ligjore;

Aplikimin e procesit të komunikimit me tatimpaguesit me anë të njoftim

vlerësimeve, përmes të cilave ata informohen për dallimet në kalkulime;

Marrjen e veprimeve te duhura për të bërë të mundur përdorimin e të gjitha

moduleve tjera të SIGTAS-it që do të lehtësonin dhe saktësonin menaxhimin e

informatave për tatimet; dhe

Identifikimin e saktë të shkaktarëve për mangësitë e ndodhura në Share Point.

Zhvillimin e planeve për eliminimin e tyre dhe krijimin e sigurisë se raportet që

nxirren nga ai janë të sakta.

Menaxhmenti është pajtuar me të gjitha të gjeturat tona të auditmit dhe janë zotuar se do

t’i adresojnë rekomandimet tona.


7

1 Hyrje

SIGTAS-i është një sistem i integruar i informacionit që i mundëson ATK-së

administrimin e informatave për tatimet. Ky sistem është i dizajnuar për të përmbushur

nevojat e vendeve, për të rritur kontrollin e tyre mbi të ardhurat nga tatimet. Sistemi

është i projektuar edhe për t’iu përshtatur ndryshimeve në politikat tatimore.

Funksioni i SIGTAS-it është i dizajnuar që të mundësoj menaxhimin e çdo aspekti të

procesit menaxherial të tatimeve, që nga regjistrimi i bizneseve e deri të kontrolli dhe

menaxhimi i informatave në lidhje më këtë.

Përveç kësaj, sistemi ofron mundësinë e ndërlidhjes (ndërfaqe) me sisteme të tjera,

përfshirë Bankën Qendrore për shfrytëzimin e të dhënave.

Disa nga llojet kryesore te tatimeve që mbështeten nga SIGTAS-i janë:

Tatimi mbi të ardhurat;

Tatimi mbi Vlerën e Shtuar;

Tatimet e Mbajtura në Burim, etj.

SIGTAS-i është një sistem gjithëpërfshirës për të mbështetur të gjitha proceset e ATK-së

dhe llojet e tatimeve në një sistem të integruar.

SIGTAS-i në Kosovë ka filluar të përdoret që nga viti 2001 me modulet si në vijim:

Regjistrimi i tatimpaguesve, vlerësimet, pagesat, rimbursimet, menaxhimi i dosjeve, letër

kujtesat dhe administrimi.

Në vitin 2010 sistemi është transformuar në një version të ri të SIGTAS-it duke i’u shtuar

edhe disa module si: Transferimi i pagesave nga bankat, kontrolla, ankesat, mbledhja dhe

marrëveshjet për pagesë dhe tatimi specifik.

Nga fillimi i vitit 2012 sistemi është avancuar më tutje. Përmes SIGTAS-it është

mundësuar që tatimpaguesit të kryejnë një pjesë të shërbimeve ndaj ATK-së nga interneti.

Mundësitë e ofruara nga ky avancim janë: përgatitja dhe dorëzimi i deklaratave të tatimit

në paga, kontributeve dhe TVSH-së. Sipas menaxhmentit të ATK-së ekzistojnë plane për

vazhdimin e zgjerimit të këtyre mundësive edhe për procesim të llojeve të tjera të

tatimeve.

Objektivi i auditimit

Objektivi i këtij auditimi është që të vlerësojmë nëse sistemi SIGTAS është efektiv për të

siguruar procesimin, ruajtjen dhe gjenerimin e të dhënave të sakta dhe të plota.


8

2 Përshkrimi i dizajnit të sistemit SIGTAS dhe

vlerësimi i tijë

Konkluzioni i përgjithshëm

Pajisja e tatimpaguesve me numër fiskal nuk na ofron siguri të mjaftueshme. Në sistemin

e SIGTAS-it bëhen ndryshime të numrave edhe përkundër faktit se kërkesat ligjore

përcaktojnë ndryshe.

Si pasojë e plotësimit jo të drejtë të shumave nga ana e tatimpaguesve dhe bartja e tyre si

të tilla edhe gjatë procesimit në sistem ndodh që gjendja e tatimpaguesit të mos jetë e

saktë. Sistemi lejon futjen e vlerave negative në linjat e shpenzimeve me ç’rast

ndryshohen rregullat e llogaritjes.

Përshkrimi

Sistemi i SIGTAS-it është i përbërë nga modulet përkatëse që mundësojnë procesimin dhe

menaxhimin e informatave sipas fushave. Modulet janë si në vijim:

2.1 Moduli i regjistrimit të tatimpaguesve

Përshkrimi

Ky modul përdoret për regjistrimin e tatimpaguesve dhe mirëmbajtjen e të dhënave të

tyre në SIGTAS, si p.sh. për të krijuar dhe printuar çertifikatën e numrit fiskal, për të

hapur dhe mirëmbajtur llogari tatimore për tatimpaguesit.

Informatat mbi tatimpaguesit

Pajisjen më numër fiskal të subjekteve që i nënshtrohen çfarëdo lloj tatimi të administruar

nga ATK e rregullon Ligji 03-L-222 për Administratën Tatimore dhe Procedurat, i

ndryshuar dhe plotësuar me 04-L-102. Udhëzimi Administrativ 07/2009 për regjistrimin,

çregjistrimin dhe pajisjen me numër fiskal vendos procedurat dhe kërkesat për pajisje me

numër fiskal në përputhje me ligjin e lartcekur. Në lidhje më këtë, ne kemi vërejtur

mangësinë në vijim:


9

Të gjeturat dhe rekomandimet

1. Çështja - Ndryshimi dhe pajisja me numër të ri fiskal është përcjellë me mangësi

E gjetura Sipas dispozitave ligjore, ndryshimi apo pajisja me numër të ri fiskal

bëhët vetëm me rastin e ndryshimit të formës së biznesit. Kemi

vërejtur se subjektet tatimore janë pajisur me numër të ri fiskal edhe

për shkak të ndryshimit të emrit apo ndryshimit të pronarit. Në

sistem, kjo është mundësuar duke i shtuar numrit aktual të regjistrimit

të biznesit një karakter shtesë për të ruajtur veçantinë e tij. Kjo ka

rrjedhë si rezultat mungesës së koordinimit të veprimeve paraprake të

Ministrisë së Tregtisë dhe Industrisë.

Mirëpo, për të realizuar këtë, paraprakisht do të duhej që të shlyhen

borxhet tatimore që ndërlidhën më numrin e vjetër, ai të mbyllet për

të lënë vetëm një numër fiskal aktiv.

Gjithashtu, ka raste kur informatat mbi tatimpaguesit nuk janë të

plota në sistem edhe pse kjo duhej të ishte e kërkueshme. Për më

tepër, këto informata ka raste kur për biznese të njëjta nuk

korrespondojnë me ato në Agjensionin për Regjistrimin e Bizneseve në

Kosovë (ARBK).

Rreziku Ndryshimet e tilla të numrit fiskal, kanë bërë që për të njëjtin biznes

në sistem të figurojnë më shumë se një numër fiskal aktiv. Kjo do

mund të ndikojë në pasqyrim jo të qartë dhe të plotë të informatave

financiare të biznesit në raport me detyrimet ndaj ATK-së.

Rekomandimi 1 Drejtori i përgjithshëm, në koordinim me ARBK-në duhet të siguroj se

janë rishikuar proceset e pajisjes me numër fiskal të bizneseve. Kjo do

të siguroj pasqyrë më të qartë dhe të saktë të informave për tatimet.


10

2.2 Moduli i Vlerësimit

Përshkrimi

Moduli është i dizajnuar për të menaxhuar deklaratat tatimore të procesuara në SIGTAS

dhe vlerësimet e tatimpaguesve. Pas procesimit, nese është nevoja shumat e tyre ri-

kalkulohen dhe korrigjohen automatikisht nga SIGTAS-i për të krijuar vlerësim zyrtar.

Me vlerësim ri-kalkulohet tatimi, ndëshkimet dhe interesi. Një rivlerësim e zëvendëson

vlerësimin paraprak të deklaratës tatimore.

Nga testimet e kryera nga raportet e SIGTAS-it kemi identifikuar diferenca gjatë

vlerësimeve. Këto përfshijnë krijimin dhe modifikimin e vlerësimeve, vlerësime të

sistemit me rastin e deklarimit, rivlerësimet dhe korrigjimet e tatimpaguesit.

Në vlerësimin e kryer për të testuar saktësinë e informatave, saktësinë e kalkulimeve dhe

bartjen e humbjeve nga vitet paraprake kemi vërejtur të gjetura në vijim:

2. Çështja - Mangësi në menaxhimin e informatave në sistem – Prioriteti-i rëndësishëm

E gjetura Kemi identifikuar mangësi në menaxhimin e kalkulimit te shumave

dhe bartjen e tyre në linjat përkatëse. Mangësitë kanë ndikim në

Deklaratën vjetore të tatimit në korporata dhe të Deklaratës vjetore të

tatimit personal. Në linjat e shpenzimeve, sistemi pranon vlera

negative. Kjo bën që të ndryshohen rregullat e llogaritjes duke

ndryshuar rezultatin, ku në vend se të zbriten shpenzimet bën që ato

ti shtohen fitimit apo humbjes. Po ashtu, nëse është paraqitur nevoja

të bëhen ri-kalkulime dhe janë bërë korrigjime në pjesën e fundit të

deklaratës (pjesa e Pasqyrës së të Ardhurave) duke ndryshuar

gjendjen e të ardhurave neto ose humbjeve, kjo shumë nuk bartet

automatikisht në linjën 10 të ardhurat neto (humbja) të deklaratës prej

ku fillon edhe kalkulimi i obligimeve tatimore.

Kjo ndodh si pasojë e plotësimit jo të drejtë të shumave të deklaratave

nga tatimpaguesi dhe procesimi i tyre si të tilla në sistem.

Rreziku Mangësitë në kalkulime shkaktojnë informata të pasakta në gjendjen e

tatimpaguesit dhe në përcaktimin e vlerës së obligimit tatimor.

Rekomandimi 2 Drejtori i përgjithshëm, duhet te siguroj se janë marrë masat e duhura

për identifikimin e shkaqeve që prodhojnë gabime në sistem. Të

konsiderohet trajnimi i stafit për parandalimin e procesimit të vlerave

negative dhe krijimin e mundësive për procesim dhe raportim të saktë

të informatave.


11

Humbjet e bartura

Një tabelë që përmban humbjet e bartura është krijuar në SIGTAS si vegël e veçantë. Të

dhënat në të janë futur manualisht dhe përmban në total të gjitha humbjet e bartura deri

në vitin 2009. Si e tillë është bazë për vitet pasuese.

3. Çështja - Mos azhurnimi i tabelës së humbjeve – Prioritet – i rëndësishëm

E gjetura Testet tregojnë se, jo gjithmonë të dhënat në këtë tabelë janë të sakta.

Kjo ndikohet si nga mangësitë në kalkulime në deklaratat tatimore,

ashtu edhe korrigjimet e deklaratave nga ana e tatimpaguesve apo

ndryshimet që ndodhin si rezultat i ndonjë kontrolle nga ATK.

Shkak i kësaj është se, të dhënat brenda saj punohen manualisht. Në

rastet kur ka ndryshime si me rastin e kontrollave nuk njoftohet

divizioni i llogarive tatimore që të bëhet rregullimi i gjendjes sipas

kontrollës.

Rreziku Mos azhurnimi i tabelës së humbjeve ndikon në saktësinë e fitimit të

tatueshëm.

Rekomandimi 3 Drejtori i përgjithshëm, duhet të siguroj se është aplikuar procesi i

komunikimit të vazhdueshëm me divizionin e llogarive tatimore që

do të mundësoj rregullimin e gjendjes së humbjes pas kontrolleve apo

ankesave.

4. Çështja - Mungesë e rivlerësimit të informatave nga SIGTAS-i pas korrigjimit të tyre

– Prioriteti-i rëndësishëm

E gjetura Nëse duhet të modifikohet (korrigjohet) një vlerësim i bërë nga sistemi

pas deklarimit të tatimpaguesit, sistemi mundëson që të bëhet

rivlerësimi. Rivlerësimet përgjithësisht bëhen pas ndonjë ankese apo

kontrolle. Pas rivlerësimit, ai duhet verifikuar dhe aprovuar nga një

zyrtar përkatës tatimor.

Është vërejtur se me rastin e korrigjimit nga tatimpaguesi të deklaratës

tatimore, në sistem zëvendësohet vlerësimi paraprak. Por, pas këtij

korrigjimi, SIGTAS-i nuk bën ndonjë rivlerësim nga sistemi të njëjtë si

me rastin e deklarimit të parë nga ana e tatimpaguesit. Kjo bën që

gjendja e fundit të mbetet ajo e korrigjimit nga tatimpaguesi.

SIGTAS-i, mundëson krijimin e raporteve me dallimet e ndodhura në

kalkulime. Raste këto kur deklarimi i tatimpaguesit dallon nga

vlerësimi i SIGTAS-it. Më pas, këto të dhëna duhet të verifikohen për

t’u siguruar nëse ato janë procesuar si duhet.


12

Kemi kuptuar se ATK-ja, nuk ka zhvilluar ndonjë sistem të

mbikëqyrjes dhe analizës së raporteve me dallime të mëdha kalkulimi

dhe nuk trajtohen arsyet që i kanë shkaktuar ato.

Rreziku Mungesa e rivlerësimit të informatave të vendosura nga tatimpaguesit

pas deklarimit të parë, rrit mundësinë për gabime, por edhe për

nënvlerësim të obligimeve tatimore. Mundësia është edhe më

potenciale kur kemi parasysh se forma e deklarimit është vullnetare.

Rekomandimi 4 Drejtori i përgjithshëm, duhet të siguroj se;

- Janë marrë masat e duhura për rishikimin e gjendjes së

tatimpaguesve në sistem dhe korrigjimin e informatave në

përputhje me gjendjen reale të ndodhur, përfshirë edhe deklaratat

vjetore tatimore;

- Është aplikuar procesi i komunikimit me tatimpaguesit me anë të

njoftim vlerësimeve të parapara, përmes të cilave ata informohen

për dallimet në kalkulime.

Mos deklaruesit

Përshkrimi

Mos deklaruesit janë tatimpaguesit që nuk kanë kryer në afatin e caktuar deklarimet e

obliguara tatimore ndaj ATK-së për një periudhë të caktuar kohore. Për të identifikuar

tatimpaguesit mos deklarues SIGTAS-i ofron mundësinë e nxjerrjes së raportit (Lista e

Mos – Deklaruesve). Në lidhje më këtë, testet tona kanë shpalosur të gjeturat në vijim:

5. Çështja - Mungesë e përditësimit të informatave për mos-deklaruesit – Prioriteti-i

rëndësishëm

E gjetura Nga evidencat (Lista) që mban ATK për mos deklaruesit tatimor, kemi

identifikuar se informatat e prezantuara nuk janë të sakta. Lista

përmban edhe biznese që mund të jenë deklarues të rregulltë, por

vetëm janë transferuar1 në lloj tjetër statusi.

Përkundër se, SIGTAS-i posedon opcionin e përditësimit apo mbylljes

së llogarisë tatimore, ajo nuk po përdoret nga ana e organizatës.

1 Psh, Transferi mund të bëhet prej statusit të biznesit individual në shoqëri me përgjegjësi të kufizuar e cila pastaj klasifikohet në grupim tjetër biznesësh), Ndërkaq llogaritë tatimore të statusit të më parshëm kanë mbetur të hapura.


13

Rreziku Mos përditësimi i informatave ndikon në saktësinë e raportimit për

bizneset që nuk deklarojnë tatime. Përderisa, ekziston rreziku qe në

raportim të përfshihen tatimpagues të rregulltë, por me status tjetër.

Rekomandimi 5 Drejtori i përgjithshëm, duhet të siguroj se janë rishikuar dhe

analizuar evidencat e tatimpaguesve mos-deklarues. Në kuadër të

kësaj, llogaritë tatimore të bizneseve të rregullta të mbetura hapur,

por që vetëm kanë ndryshuar statusin, do të duhej të ri-trajtohen në

përputhje me ndryshimet.

2.3 Moduli i rimbursimeve

Përshkrimi

Sipas legjislacionit tatimor, tatimpaguesit mund të kërkojnë rimbursim (rikthim) tatimor

nëse dëshmohet se për një periudhë të caktuar kanë paguar më shumë tatim se sa që ka

qenë i obliguar. Kërkesa për rimbursim duhet të jetë e procesuar në SIGTAS, përkatësisht

në modulin e rimbursimeve dhe me pas, ajo të analizohet dhe auditohet.

6. Çështja - Mos raportim i rimbursimeve nëpërmjet SIGTAS-it – Prioriteti-i

rëndësishëm

E gjetura Përkundër se sistemi ofron mundësinë për evidentim përmes modulit

të rimbursimit, kemi vërejtur se procesimi i kërkesave për rimbursim

nuk bëhet nëpërmjet këtij moduli në kohën e parashtrimit të kërkesës.

Për qëllime raportimi për rimbursimet përdoren faqe të excelit.

Rreziku Mungesa e informatave në kohë në sistem për sa i përket

rimbursimeve zvoglon efikasitetin dhe transparencën për mënyrën e

menaxhimit dhe arsyetimin e kthimit të mbipagesave tek

taksapaguesit.

Rekomandimi 6 Drejtori i përgjithshëm, duhet të siguroj se moduli i rimbursimeve

brenda SIGTAS-it është duke u përdorur për të raportuar në lidhje me

to. Kjo do të mundësoj menaxhimin dhe nxjerrjen e informatave në

kohë dhe si duhet.


14

2.4 Moduli i Administrimit

Përshkrimi

Është i dizajnuar për t’u ndihmuar administratorëve të sistemit në menaxhimin operativ,

si; rolet e punëtorëve, format tatimore, këstet, ndëshkimet dhe interesi. Gjithashtu, për

konfigurimin e parametrave siç janë: caktimi i rregullave të TVSH-së, normave të

ndëshkimit, dhe të interesit, ndërfaqës së bankës, ndërfaqës së mbajtjes në burim dhe

humbjes.

Konfigurimi i roleve të punëtorëve dhe parametrave të ndryshëm

Testet tona tregojnë se rolet e punëtorëve në sistem janë të caktuara sipas pozitës që i

takojnë. Gjithashtu, caktimi i rregullave të përgjithshme të ATK-së, atyre të TVSH-së,

normave të ndëshkimit dhe interesit dhe informatat e humbjes, janë bërë në përputhje me

kornizën ligjore të ATK-së.

Rekomandimi

Ne nuk kemi ndonjë rekomandim në lidhje me këtë fushë.

Konfigurimi i rregullave të kalkulimit për format e tatimeve

Nga testet e bëra për rregullat e kalkulimit si dhe bazuar në diferencat e vlerësimeve

ndërmjet tatimeve të deklaruara dhe atyre të vlerësuara nga sistemi, janë identifikuar

mangësi, si:


15

7. Çështja - Mos përputhje midis deklarimeve të tatimpaguesve dhe informatave në

sistem – Prioriteti-i rëndësishëm

E gjetura Sistemi posedon mundësinë e kalkulimeve logjike të vlerave pozitive

dhe negative dhe jep rezultate në bazë të formulave.

Rastet të shpeshta ndodhin kur taksapaguesit në formatin standard të

deklarates vjetore, vlerat për pjesën e shpenzimeve i deklarojnë si

vlera negative, përkundër se nuk është paraparë. Si rezultat i kësaj

rrjedhin mos përputhje midis informatave në deklaratën e

tatimpaguesit dhe atyre në sistem. Kjo rrjedhë për shkak të mungesës

së kufizimeve të duhura në sistem që do të pamundësonin procesime

të gabuara. (Një shëmbull i tillë është shpalosur në shtojcën III).

Një problem tjetër i vërejtur në sistem është procesi i deklarimit

përfundimtar të fitimit të rregulluar2. Fitimi i nxjerrë nga sistemi nuk

bartet si informatë në linjën përkatëse të raportimit.

Rreziku Diferencat që rrjedhin nga procesimi i paharmonizuar si duhet i

vlerave financiare prodhojnë pasaktësi të informatave për sa i përket

tatimeve.

Rekomandimi 7 Drejtori i përgjithshëm, duhet të siguroj se;

- Janë krijuar mekanizma të monitorimit dhe veprimit të shpejtë

për të identifikuar dhe parandaluar dallimet e paraqitura në

sistem; dhe

- Do të zhvillohen procese të trajnimeve me taksapaguesit për të

këshilluar dhe ngritur nivelin e njohurive për sa i përket

mundësive për gabime.

2 Linja që paraqet të ardhurat neto (humbja) sipas Deklaratave Financiare (DF) nuk e thërret në mënyrë

automatike rezultatin nga linja e të ardhurave neto (humbja) në DF, në mënyrë që të bëhet një vlerësim i drejtë dhe i saktë i Fitimit të rregulluar (axhustuar).


16

3 Përdorimi i sistemit SIGTAS


Konkludojmë se SIGTAS-i për sa i përket përdorimit nuk është duke funksionuar në

nivelin e pritshëm në përputhje me qëllimin e tij. Përkundër planeve për avancim në

përdorim të disa prej moduleve tjera ende nuk janë duke u përdorur plotësisht. Përveç

kësaj, vonesat në procesimin e pagesave në mënyrë manuale janë evidente, përkundër

edukimeve të vazhdueshme të palëve të përfshira nga ana e ATK-së. Për më tepër procesi

i raportimit nga një vegël tjetër që përdorët (SharePoint) nuk është gjithnjë i saktë. Kjo e

bën të pasigurt menaxhimin e informatave për sa i përket tatimeve.

Përshkrimi

Disa prej moduleve janë shtuar në versionin e ri të SIGTAS-it në vitin 2010. Sipas

informatave të menaxhmentit të ATK-së, aplikimi i këtyre moduleve ka qenë në fazën

testuese deri në gjysmën e parë të vitit 2012. Ne nuk kishim informacione të tjera që të

jemi në gjendje të vlerësojmë nëse implementimi i këtyre moduleve ka mundur të

jetësohet me herët se që na është shpjeguar. Ne kemi testuar përdorimin e këtyre

moduleve të reja.

3.1 Moduli i ankesave

Përshkrimi

Nëpërmjet këtij moduli i mundësohet zyrtarëve të Departamentit të Ankesave (DA) të

bëjnë regjistrimin e rasteve të ankesave dhe procesit në përgjithësi. Po ashtu, mundësohet

monitorimi i të gjithë procesit të shqyrtimit të ankesave. Moduli, sipas nevojes mundëson

krijimin e raporteve të ndryshme.

Përdorimi i modulit të ankesave

Përkundër se moduli është planifikuar të përdoret nga viti 2010, ai ka filluar të përdoret

në gjysmën e dytë të vitit 2012. Me këtë rast DA ka filluar futjen e të dhënave për rastet e

trajtuara në mënyrë retroaktive për të gjithë vitin.

Ne, nuk kemi ndonjë rekomandim në lidhje më këtë, por inkurajojmë ATK-në të vazhdojë

përdorimin e këtij moduli. Përdorimi i tijë do të mundësoj efikasitet më të madh të

trajtimit të rasteve dhë qartësimit të vështirësive në proceset e mbledhjës së të hyrave.


17

3.2 Moduli i mbledhjes dhe marrëveshjeve për pagesë

Procesi i mbledhjes iniciohet nga ATK kur tatimpaguesi dështon të paguaj detyrimin

tatimor. Kjo ndodh, pasi të jenë dërguar njoftimet paraprake dhe pasi t’u ketë kaluar afati

i caktuar për pagesë.

Përmes SIGTAS-it, mund të përcaktohen rastet e llogarive tatimore që janë në borxhe. Ai,

përcjell progresin e çdo procedure dhe ndikimin e çdo veprimi të marrë nga zyrtarët e

mbledhjes. SIGTAS-i, gjithashtu mund të shfrytëzohet për të krijuar dhe administruar

marrëveshjet e pagesës.

8. Çështja - Moduli i mbledhjes dhe marrëveshjeve për pagesë ende nuk është duke u

përdorur – Prioriteti-i rëndësishëm

E gjetura Edhe pse, sipas zyrtarëve të ATK-së ky modul ka filluar të përdoret

nga gjysma e dytë e viti 2012, testet tona tregojnë se ai ende nuk duket

se është duke u aplikuar. Arsyeja për zvarritjen e përdorimit është se

një pjesë e modulit (kalkulimi i orarit të marrëveshjeve nuk kishte

funksionuar si duhet). Marrëveshjet për pagesë me këste janë bërë

sipas metodës manuale të përdorur më parë dhe faqeve të Excel-it.

Mos përdorimin e tij gjatë gjithë vitit 2012 e kemi konfirmuar, përveç

në qendrën e ATK-së edhe në tri regjione të sajë. Ne kemi konfirmuar

nga ana e tyre edhe për pasaktësitë që janë shfaqur në lidhje me këtë.

Sipas zyrtarëve përgjegjës, pas masave të marra në fund të vitit 2012,

këto parregullsi janë eliminuar. Sidoqoftë në auditimet e ardhshme ne

do të vlerësojmë efektet e këtyre masave.

Edhe moduli për menaxhimin e dokumenteve ende nuk është duke u

përdorur. Sipas ATK-së, arsye për këtë është krijimi i arkives

elektronike3, jashtë SIGTAS-it. Megjithatë, ne nuk nuk kemi mundur

të sigurohemi se arkiva përmbush kërkesat për monitorim dhe

organizim të dosjes fizike të tatimpaguesve.

3 Në arkivë elektronike janë të skanuara deklaratat e para të tatimpaguesve të cilat mund të thirren nga Share

Point, por arkiva nuk përmban edhe deklaratat e mundshme të korigjuara.


18

Rreziku Dështimi për të përdorur këtë modul pamundëson mbikqyrjën e

duhur të procesit të zbatimit të marrëveshjeve për mbledhje te

tatimeve nga tatimpaguesit.

Rekomandimi 8 Drejtori i përgjithshëm, duhet të siguroj se janë marrë veprimet e

duhura për të bërë të mundur përdorimin e të gjitha moduleve tjera të

SIGTAS-it që do të lehtësonin dhe saktësonin menaxhimin e

informatave për tatimet.

3.3 Moduli menaxhimi i dokumenteve

Moduli i menaxhimit të dokumenteve mundëson organizimin dhe monitorimin efikas të

dokumenteve të tatimpaguesve, përmes krijimit të dosjes elektronike për çdo dosje fizike

dhe të gjenerimit të raporteve të ndryshme. SIGTAS-i mundëson edhe mbikqyrjën e

gjendjes se printimit4 të dokumenteve.

Ky modul nuk është përdorur nga ana e ATK-së. Arsye sipas tyre është se është krijuar

arkiva elektronike, jashtë sistemit SIGTAS, ku janë skenuar deklaratat e para të

deklaruara nga ana e tetimpaguesve të cilat mund të thirren nga SharePoint.

Rekomandimi

Ne nuk kemi ndonjë rekomandim në lidhje me këtë fushë.

4 Zyrtarët tatimor nuk mund ti ri - printojnë dokumentet që nuk është dashur të ri - printohen për arsye

sigurie, pasi që ata kanë mundësinë të përcjellin se a është printuar një dokument apo jo.


19

3.4 Moduli i kontrolleve

Përshkrimi

Moduli i kontrolleve ofron mundësinë e evidentimit të të gjitha aktiviteteve gjatë një

procedure të kontrollit. Ky modul ka qenë i gatshëm për aplikim nga korriku 2012, por ai

ende nuk ka filluar të përdoret nga të gjitha nivelet e stafit si: udhëheqësit e ekipeve të

kontrollit dhe inspektorët tatimor.

9. Çështja - Mos aplikimi i proceseve ndërlidhëse ndërmjet modulit të mbledhjes dhe

atij të kontrollit - Prioriteti – I rëndësishëm

Në regjionet e ATK-së, kemi vërejtur se mungon një ndërlidhje midis

proceseve nga moduli i mbledhjes me atë të kontrollës. Me hyrjen në

marrëveshje me tatimpaguesin për shlyerjen e borxhit, fillimisht bëhet

analiza e borxhit e pastaj bëhet marrëveshja. Por, kur deklaratat

korrigjohen pas kontrollës mund të ndodh që rezultatet për sa i përket

vlerës së borxhit të jenë të ndryshme nga vlera me të cilën është hyrë

në marrëveshje.

Kjo ndodhë si pasojë e mos ekzistimit të një lidhjeje midis procecit të

ekzekutimit të marrëveshjes dhe kontrollës.

Rreziku Kjo shkakton dis-harmoni të informatave për borxhet. Më tutje kjo

shkakton vështirësi të konsiderueshme në procesin e mëtutjeshëm të

menaxhimit të informatave dhe raportimit të saktë të tyre.

Rekomandimi 9 Drejtori i përgjithshëm, përmes sistemit duhet të konsideroj

mundësinë e ndërlidhjes se procesit të mbledhjes se tatimeve pas

marrëveshjeve dhe atij të kontrollës. Kjo do të mundësoj përcaktim më

të saktë të borxheve ndaj ATK-së.


20

3.5 Moduli ndërfaqja e bankës

Përshkrimi

Në SIGTAS ekziston ndërfaqja e bankës5 në të cilën mund të ngarkohen informatat mbi

pagesat nga dosja elektronike e Bankës Qendrore (BQ). Të dhënat e dërguara nga BQ

ngarkohen në një tabelë të përkohshme, në të cilën çdo e dhënë validohet6. Me tutje,

transaksionet e pagesës do të krijohen në SIGTAS. Nëse të dhënat pranohen pas

validimit, atëherë ato transferohen në tabelat transaksionale të SIGTAS-it. Nëse ndonjë e

dhënë mbi pagesën nuk mund të ngarkohet, pagesa do të shënohet manualisht në

SIGTAS pas një procedure biznesore.

10. Çështja - Vonesë në procesimin manual të pagesave - Prioriteti – I rëndësishëm

E gjetura Kemi vërejtur se ekzistojnë 9,985 pagesa në vlerë të përgjithshme mbi

1,9 milion euro, të cilat nuk janë validuar në mënyrë automatike, por

që duhet të procesohen manualisht në sistem. Ky numër i pagesave

daton që nga viti 2010 deri në kohën e auditimit tonë.

Arsyet e mos validimit janë të ndryshme si: bizneset nuk kanë llogari

tatimore të hapur, ekziston ndonjë gabim në dokumentin e SIGTAS-it,

pagesa të dyfishuara nga banka, pagesa me Uniref7 të njëjtë.

Para se të procesohen informatat, duhet të ndiqet një procedurë

biznesore si; kontakti me tatimpaguesit, qartësimi me bankat etj.) Në

lidhje me këtë, ATK nuk ka përcaktuar persona përgjegjës për të

trajtuar këto çështje dhe procesimin manual të tyre në sistem. Kjo ka

shkaktuar edhe vonesat e theksuara më sipër për sa i përket

procesimit. Megjithatë, krahasuar me vitet e kaluara është një progres

i dukshëm drejt azhurnimit ngase numri i deklaratave të pa

procesuara është minimizuar. Kjo sepse, sipas ATK-së numri mesatar i

deklaratave në tri vitet e fundit ishte rreth 880 mijë.

5 Ndërfaqja e bankës- Vegël ndërlidhëse më Bankën Qendrore që shërbën për procesimin dhe menaxhimin e

informatave nga banka për sa i përket të hyrave. 6 Validohet- Behet i vlefshem

7 Uniref- Numri identifikues i deklaratave tatimore.


21

Rreziku Vonesat e reflektuara ndikojnë në nxjerrje të informatave jo të plota

dhe të sakta mbi gjendjen e tatimpaguesve. Derisa te jenë të pa

procesuara ato rrisin mundësinë e llogaritjes së ndëshkimeve dhe

interesit për mos pagesë në kohë, si dhe mund të ndikojnë në nën

vlerësimin e të hyrave të mbledhura.

Rekomandimi 10 Drejtori i përgjithshëm, duhet të siguroj se janë procesuar informatat

mbi pagesat e pranuara, sidomos të atyre që kanë mbetur të pa

validuara për një kohë të gjatë.

3.6 Vegla “SharePoint”


Vlerësimet tona tregojnë se, në përgjithësi informatat që përmban kjo vegël janë të sakta.

Megjithatë, edhe më tutje paraqiten mangësi në procesin e përcjelljes së kreditimit të

TVSH-së për muajin pasues.

Përshkrimi

ATK, ka përdorur aplikacionin Share Point 8 për të dizajnuar portalin e vet për nxjerrjen

më të shpejtë të informatave të ndryshme për tatimpaguesit. Raportet përmbajnë të

dhëna nga SIGTAS-i, Deklarimi elektronik (EDI) të dhëna nga institucione tjera si

Dogana, Thesari, Trusti Pensional etj.

Paraqitja e informatave mbi tatimpaguesit në SharePoint

11. Çështja - Mangësi në procesin e përcjelljes se kreditimit të TVSH-së - Prioriteti – I

rëndësishëm

E gjetura Marrë në përgjithësi, informatat në këtë vegël janë të sakta, megjithatë

ende paraqiten mangësi në procesin e përcjelljes së kreditimit9 të

TVSH-së për muajin pasues. Ka raste kur, përkundër se gjendja e

tatimeve është kreditim, kur ajo bartët në muajin tjetër kalon si

obligim. Këto situata janë vërejtur tek deklarimet e vitit 2010.

8 SharePoint, është një ueb aplikacion i cili shërben për dizajnimin e portaleve. ATK, kete vegel e ka përdorur

per të nxjerrë informatat e nevojshme më shpejt se ai i SIGTAS-it.

9 Gjendja e TVSH-së në fund të muajit nëse është mbipagesë/kreditim bartet si kërkesë ndaj ATK-së në muajin pasues. Ndërsa nese është borxh/debitim duhet të paguhet nga tatimpaguesi.


22

Shkaqet e ndodhjes ata i ndërlidhin me rastet e korrigjimeve të

deklaratave të viteve të më parshme.

Megjithëkëtë, nëse këto mangësi krahasohen me të dhënat që janë në

bazën reale vërejmë se kjo e fundit përmban të dhënat e sakta.

Kjo na bënë të kuptojmë që duhet të analizohet thirrja e informatave

në SharePoint në mënyrë që këto informacione të jenë të sakta.

Rreziku Parregullësi të tilla ndikojnë në saktësinë e gjendjes së tanishme të

tatimpaguesit.

Rekomandimi 11 Drejtori i përgjithshëm, duhet të siguroj se, janë identifikuar saktë

shkaktarët për mangësitë e ndodhura në SharePoint. Janë bërë plane

për eliminimin e tyre dhe krijimin e sigurisë që raportet që nxirren

nga ai janë të sakta.

3.7 Edukimi i tatimpaguesve

Divizioni i Shërbimit dhe Edukimit në vazhdimësi ka mbajtur seminare të ndryshme me

tatimpagues dhe palët e tjera të ndërlidhura (Banka komerciale, Gjyqtar dhe Prokuror,

etj). Zakonisht janë mbuluar temat, si: Deklarimi Vjetor dhe të rejat nga ATK-ja, reformat

në regjistrimin e bizneseve, deklarimi dhe pagesa e tatimit përmes EDI-it.

Trajnimet e kryera nga ATK për përdorimin e moduleve të ndryshme të SIGTAS-it

Ne kemi trajtuar edhe çështjen e trajnimit të zyrtarëve të ndryshëm për përdorimin e

SIGTAS-it. Sipas zyrtarëve për trajnim dhe zhvillim, janë organizuar trajnime sipas

kërkesave të stafit dhe në bazë të ndryshimeve që pësojnë në modulet e SIGTAS-it. Sipas

një raporti të ofruar, për vitin 2011 dhe 2012, janë trajnuar 40 përkatësisht 35 zyrtar në

lidhje me shfrytëzimin e SIGTAS-it.

Rekomandimi

Ne nuk kemi ndonjë rekomandim në lidhje më këtë fushë.


23

4 Kontrolli dhe Mbikëqyrja


ATK, ka të dizajnuar procese të kontrollit dhe mbikëqyrjes së përdorimit dhe

funksionimit të SIGTAS-it. Ekziston një strategji për ruajtjen e të dhënave. Ndërsa

veprimet e zhvilluara në lidhje me këtë ofrojnë siguri të duhur që në rast rreziku të mund

të rikthehen informatat e nevojshme. Sistemi i kontrollit dhe mbikëqyrjes së proceseve të

zhvilluara në sistem është duke funksionuar. Megjithatë, vëmendje për rishikim duhet

kushtuar rolit të administratorit që mbulon njëkohësisht sistemin dhe bazën e të dhënave.

Përshkrimi

Këto procese rregullojnë qasjen e secilit të punësuar në SIGTAS, varësisht prej detyrave

dhe përgjegjësive që kanë, por dhe ofrojnë siguri fizike të veglave që përpunojnë të

dhënat.

Me kontroll të qasjeve nënkuptohet mekanizmi që rregullon qasjen në rrjetat

kompjuterike, softuera ose resurse tjera.

Ndërsa, me siguri, nënkuptohet mbrojtja fizike e serverëve10 mbrojtja ndaj zjarrit dhe

fatkeqësive natyrore si dhe rikthimi i të dhënave në rast të ndonjë prishje. Një rrjetë

kompjuterike e dizajnuar mirë e ka një plan që i mbulon të gjitha këto.

Strategjia e ruajtjes së të dhënave

Për të siguruar rikthimin e sigurt të të dhënave pas ndonjë defekti, në rrethana normale

krijohen kopje rezervë. Gjithashtu preferohet që të dhënat e rëndësisë së veçantë të ruhen

në ndonjë lokacion alternativ jashtë objektit ku ndodhet baza e të dhënave qendrore.

ATK, ka një strategji për ruajtjen e të dhënave (Backup-at). Backup-at bëhen sipas asaj

strategjie në baza ditore, javore, mujore dhe vjetore. Këto kopje përveç që ruhen në

objektin qendror të ATK-së një kopje e tyre ruhet edhe në një nga regjionet e sajë.

Administrimi i Bazës se të dhënave

Detyrat dhe përgjegjësitë e administratorit të bazës së të dhënave janë të zhvillojë dhe

mirëmbajë bazën e shënimeve, të implementoj procedurat për ruajtjen fizike dhe nivelet e

sigurisë, të implementoj procedura për kthim të të dhënave në rast të fatkeqësive të

mundshme, etj.

10 Pajisje që përmbajnë dhe ruajnë informatat e procesuara.


24

12. Çështja - Ndarje jo e mirë e detyrave- Prioriteti – të tjera

E gjetura Në ATK, janë katër administrator të bazës reale të të dhënave, por ne

kemi vërejtur se njëri prej tyre është edhe administrator i sistemit që

sipas detyrave dhe përgjegjësive nuk janë të njëjta me ato të

administratorit të bazës së të dhënave.

Rreziku Ndarja jo e mirë e detyrave mund të shkaktojë paqartësi në

përgjegjësitë e stafit për ekzekutimin e proceseve operative që

ndërlidhen midis dy proceseve.

Rekomandimi 12 Drejtori i përgjithshëm, duhet të rishikojë mundësitë për profilizim të

stafit në fusha të ndara të përgjegjësive për të mbuluar njëkohësisht

nevojat koherente të organizatës.


25

5 Konkluzioni i përgjithshëm

Konkluzioni

Një numër mundësishë që ofron sistemi SIGTAS janë përdorur që nga viti 2001, mirëpo

synimet për përdorim të tërësishëm të tij kanë qenë nga viti 2010, pas një transformimi të

kryer. Përkundër përpjekjeve për të implementuar sistemin, ende ky sistem nuk është

tërësisht funksional.

Përkundër disa mangësive të theksuara, dizajnimi i sistemit përmbush nevojat e procesit

te evidentimit dhe menaxhimit të informatave për sa i përkët tatimeve. Përveç tjerash,

sistemi përmban në vete mekanizma të kontrollit dhe monitorimit të proceseve të

mbledhjes së të hyrave.

Megjithatë, ende mbetet sfidë vënia në përdorim e sistemit SIGTAS, edhe pse sistemi ka

potencialet e duhura për përmbyshjen e nevojave të ATK-së. Edhe më tutje një numër

modulesh që do të ndihmonin procesin e menaxhimit të informatave për tatimet nuk janë

duke u përdorur.

Në anën tjetër, një varg dobësish te aspektit teknik bëjnë që informatat në sistem të mos

jenë të plota dhe të sakta. ATK duhet të ndërmarrë veprime për eliminimin e mangësive

teknike.

Dështimi për të siguruar përdorimin e plotë të tijë dhe mangësitë teknike që për pasojë

reflektojnë pasaktësi dhe informata jo të plota në lidhje me tatimet tregojnë se sistemi nuk

është efektiv.

Në lidhje më këtë është e nevojshme që ATK, të zhvilloj plane shtesë për të përcaktuar

veprimet e duhura që do të mundësojnë një rrugë të qartë për të vënë në funksion të plotë

këtë sistem.


26

Shtojca I: Fushë veprimi dhe Metodologjia e auditimit

Metodologjia e këtij auditimi përbëhet prej disa procedurave që përfshijnë këto faza:

vlerësimi paraprak i rrezikut, faza e planifikimit, faza e testimeve dhe ajo e vlerësimit të

rezultateve të dala nga testimet.

Bazuar nga disa rezultate të dala nga analizat fillestare, nga raportet e auditimit të

rregullsisë, në lidhje me funksionimin e SIGTAS-it, ekziston shqetësimi se sistemi ende

nuk po funksionon si duhet.

Kemi vazhduar me fazën e planifikimit, gjatë së cilës jemi njohur me secilin prej

moduleve të SIGTAS-it. Auditorëve iu është mundësuar qasja si lexues në bazën reale të

të dhënave si dhe në aplikacionin, për qëllime raportimi, jashtë sistemit në SharePoint.

Auditorët janë njohur me punën dhe përgjegjësitë e zyrtarëve që merren me zhvillimin

dhe mirëmbajtjen e formave, administrimin e bazës së të dhënave, administrimin e

sistemit si dhe me procedimin e të dhënave.

Në fazën e testimeve, auditorët kanë shqyrtuar proceset e sistemit të SIGTAS-it si dhe

procedimin e të dhënave. Puna ka qenë e përqendruar në Departamentin e Teknologjisë

Informative. Auditimi kryesisht është zhvilluar në terren me përzgjedhjen e mostrave nga

raportet e ndryshme të nxjerra nga SIGTAS-i.

Gjatë auditimit janë vizituar tre regjione të ATK-së, si: regjioni i Prizrenit, Gjakovës dhe

Prishtina 2. Në këto regjione janë bërë intervista me menaxherët regjional, dhe zyrtarët

tjerë përgjegjës: të mbledhjes, procesimit, kontrollës, udhëheqjes se ekipeve.

Ky raport është rezultat i testimeve dhe analizave të bëra nga vlerësimet e deklaratave

tatimore, gjendjeve të tatimpaguesve, pagesave të tyre, intervista me menaxhmentin dhe

zyrtarë të ndryshëm.


27

Shtojca II: Modulet e SIGTAS-it


28

Shtojca III: Format e vlerësimit

Në figurën në vijim është paraqitur pjesë e një detaji të vlerësimit:

Documents

RAPORT I AUDITIMIT EFEKTIVITETI I SISTEMIT STANDARD TË ...€¦ · republika e kosovËs zyra e auditorit tË pËrgjithshËm nr i dokumentit. 21.20.10-2012-08 raport i auditimit efektiviteti