Upload
lynhu
View
327
Download
4
Embed Size (px)
Citation preview
Universiteti i Gjakovës “Fehmi Agani”
Fakulteti i Edukimit
Programi Fillor
PUNIM DIPLOME
Rëndësia e mjeteve mësimore në të nxënë të suksesshëm
Mentori: Kandidatja:
Prof. Ass. Dr. Shemsi Morina Drelinda Morina
Gjakovë, 2018
2
PËRMBAJTJA
FALENDERIME........................................................................................................................... 3
ABSTRAKTI ................................................................................................................................. 4
1. HYRJE ....................................................................................................................................... 5
2. PROCESI MËSIMOR .............................................................................................................. 6
3. MJETET MËSIMORE ............................................................................................................ 8
3.1. Klasifikimi i mjeteve mësimore ......................................................................................... 9
3.2. Mjetet e demostrimit ........................................................................................................ 10
3.2.1. Demostrimi i objekteve ............................................................................................. 12
3.2.2. Demostrimi i fotografive ........................................................................................... 12
3.2.3. Demostrimi i projeksionit dhe i filmit të lëvizshëm ................................................ 13
3.3.3. Demostrimi i hartave, i skemave, i diagrameve, i tabelave dhe i skicave ............. 13
3.4. Mjetet ndihmëse mësimore .............................................................................................. 14
3.4.1. Mjetet për punë të pavarur ....................................................................................... 14
4. EFIKASITETI DHE MJETET MËSIMORE ...................................................................... 17
4.1. VLERA E MJETEVE MËSIMORE .............................................................................. 19
4.2. MAKINAT PËR MËSIM ................................................................................................ 20
4.2.1. Rëndësia e makinave për mësim .............................................................................. 20
4.2.2. Tipat e makinave në mësim ...................................................................................... 21
4.2.3. Responderi në mësim................................................................................................. 21
4.2.4. Kompjuteri në mësim ................................................................................................ 22
4.2.5. Grafoskopi në mësim ................................................................................................. 23
4.2.6. Klasa elektronike ....................................................................................................... 24
4.3. ARSYET DHE RËNDËSIA E PËRDORIMIT TË TEKNOLOGJISË NË KLASË . 24
4.3.1. Teknologjia dhe qasja konstruktiviste ..................................................................... 25
5. PËRFUNDIM .......................................................................................................................... 28
6. LITERATURA ........................................................................................................................ 29
3
FALENDERIME
Realizimi i këtij punimi u bë i mundur pas shumë përpjekjeve, ku përveç kontributit tim personal
nuk mund të lë pa përmendur mbështetjen e pafund nga shumë njerëz.
Falënderimi për të cilin është e vështirë të gjej fjalët më me peshë, fjalët që shprehin mirënjohjen
time të pafund për përkrahjen, motivimin, mbështetjen e pakushtëzuar dhe ndihmën sistematike,
që i dedikohet familjes time.
Një falënderim të veçantë ia kushtoj profesorëve të cilët duke më pajisur me dituri të dobishme më
lehtësuan rrugën për përfundimin e këtyre studimeve. Pёr mbёshtetjen akademike dhe konsulaten
e vazhdueshme shpreh mirёnjohjen dhe falenderimin e veҫantё pёr udhёheqёsin e kёtij punimi
Prof.Ass.Dr. Shemsi Morina i cili mё mbёshteti nё ҫdo hap tё zhvillimit tё kёtij punimi.
Një falenderim tjetër shkon për miqtë dhe kolegët, të cilat më përkrahën dhe më këshilluan.
Sinqerisht dhe përgjithmonë faleminderit!
4
ABSTRAKTI
Duke shfrytëzuar një numër të konsiderueshëm të literaturës dhe materialit të ndryshëm, arrita të
përmbledh disa nga elementet kryesore që duhet të ceken në lidhje me temën e këtij punimi.
Në këtë punim do të trajtohet tema: Rëndësia e mjeteve mësimore në të nxënë të suksesshëm. Të
flasësh për specifikën e mjeteve mësimore do të thotë të flasësh për veprimtarinë e
drejtëpërdrejtë të mësimdhënësit me nxënësin. Në planin e punës arsimore pothuajse në të gjitha
sistemet arsimore duhet të konstatohet se secilës lëndë duhet kushtuar rëndësi në përdorimin e
mjeteve mësimore. Mjetet mësimore patjetër ndikojnë në zgjerimin e njohurive, diturive dhe
duhet të burojnë nga puna e planifikuar me plan-program. Pjesë e të mësuarit është rimendimi
me detaje i strategjisë së mësimdhënies, i procesit të të mësuarit, i pjesës së shkrimit dhe të
leximit.
Mësimdhënia, si një detyrë komplekse me përgjegjësi morale, emocionale, etike, intelektuale,
profesionale, sociale etj, kërkon një posedim të gjerë të njohurive shkencore, shkathtësi,
qëndrime, përkujdesje, planifikim dhe organizim të vazhdueshëm të mësimdhënies dhe
mësimnxënies në mënyrë që ajo të jetë e suksesshme.
Ky hulumtim është fokusuar në efektet pozitive dhe negative të përdorimit të mjeteve mësimore,
duke hulumtur gjithnjë shkaqet dhe pasojat që mund të sjellin ato si dhe parandalimin e efekteve
negative të tyre.
Fjalët kyçe: mësim, mjete mësimore, nxënie, sukses, përdorim, etj.
5
1. HYRJE
Roli kryesor i procesit mësimor është formimi i personalitetit kompleks dhe të gjithanshëm të
nxënësit që të aftësohet për t`iu përgjigjur të gjitha kërkesave dhe arritjeve të kohës. Qëllimi
kryesor i zbatimit dhe aplikimit të novacioneve në mësim është që për kohë të shkurtër të fitohen
njohuri më të mëdha. Kjo mund të arrihet, nëse në shkollë zbatohen marrëdhënie të reja me metoda
dhe mjete të reja mësimore. Përdorimi i mjeteve dhe metodave mësimore bashkëkohore bën që të
përmirësohen shumë mangësi që vëreheshin në mësimdhënien klasike, ku në qendër të saj
qëndronte mësuesi dhe njohuritë e dhëna prej tij.
Zbatimi dhe përdorimi i mjeteve mësimore është i një rëndësie të madhe, sepse mundësojnë
përparimin e procesit edukativo-arsimor si dhe njohjen në përgjithësi të proceseve të të njohurit si
kriter i realitetit objektiv. Përdorimi i mjeteve mësimore dikur ka qenë primitiv dhe klasik e sot
bashkëkohor e modern, por i kushtëzuar në pamundësitë për pajisjen dhe aplikimin e tyre. Në
procesin edukativo-arsimor, përveç rolit të mësuesit (fjalës së tij të gjallë etj) rëndësi të veçantë
kanë edhe mjetet mësimore, pa marrë parasysh se cilat janë dhe cilit grup u takojnë ato. Me
ndihmën e mjeteve mësimore mësuesi jo vetëm që e përmirëson cilësinë në mësim, por në masë
të madhe racionalizon edhe punën e tij.
Gjithcka që është e mundur të vihet para shqisave të nxënësve, sepse me këtë do të mundësohet
largimi i autoritarizmit pedagogjik, që shpesh vihet re aty ku roli i mësuesit është absolut dhe
dominues. Është fakt i pakontestueshëm pra, që mjetet përkatëse mësimore e kanë ndikimin dhe
funksionin e madh didaktik-metodik, respektivisht arsimor-edukativ, pedagogjik.
Përdorimi i mjeteve mësimore do te ishte më i plotë dhe më përmbushës n.q.s. do të shoqërohej
dhe me metodën e duhur mësimore. Demonstrimi është metoda e mësimdhënies, e cila bazohet
në paraqitjen para nxënësve të një modeli veprimi, të fakteve, të procedurave për të bërë diçka,
për të ilustruar diçka, duke përdorur objekte reale ose mjete të përgatitura dhe veprimi i nxënësit
vlerësohet sipas standardit të demonstrimit. Demonstrimi mund të jetë i drejtpërdrejtë, me
objekte reale ose të modeluara, praktik, i filmuar, elektronik. Në të gjitha këto raste, demonstrimi
realizohet nëpërmjet përdorimit të një shumëllojshmërie mjetesh mësimore. Demonstrimi i
objekteve u krijon mundësi nxënësve të dallojnë vetitë karakteristike të objektit ose marrëdhëniet
që ekzistojnë brenda dhe jashtë tij.
6
2. PROCESI MËSIMOR
Procesi mësimor mund të shikohet, në një kuptim të caktuar, si ndihmë e organizuar dhe e menduar
e arsimtarit, që u ofron nxënësve kur fitojnë dituri, shkathtësi dhe shprehi, gjatë zhvillimit të
funksioneve psikike si dhe gjatë formimit të pikëpamjeve të drejta për jetën dhe botën.
Në këtë proces ndihma e arsimtarit shfaqet në mënyra të ndryshme: që nxënësve t’u komunikojë
diturinë e gatshme, të përshkruajë ose të shpjegojë, të tregojë objektet ose proceset dhe të udhëheqë
duke vështruar nxënësit ose t’i nxitë nxënësit me bisedë që të nxjerrin përfundime të caktuara. Në
të gjitha rastet e këtilla dhe në raste të ngjashme arsimtari e drejton drejtpërsëdrejti procesin
mësimor, jo vetëm nga aspekti i jashtëm, por e drejton aktivisht edhe procesin mendor të nxënësve,
duke ndikuar gjithashtu edhe mbi jetën emocionale dhe në vullnetin e nxënësve.
Ndihma e arsimtarit mund të manifestohet edhe në forma të tjera. Një formë e këtillë e ndihmës e
ndeshim atëherë kur nxënësit punojnë pavarësisht, pa udhëheqjen e drejtpërdrejtë të arsimtarit.
Ndihma e arsimtarit këtu konsiston në organizimin e punës së pavarur të nxënësve, i udhëzon në
realizimin e punës, shtron detyra të caktuara, kontrollon rezultatet e punës etj.1
Nga situate didaktike varet se cfarë ndihme do të shprehet në procesin mësimor, respektivisht, në
ndonjë pjesë të procesit mësimor. Nuk është punë e lehtë të vlerësosh drejt situatën didaktike,
sepse ajo varet prej shumë faktorësh, siç janë, p.sh., aftësitë e nxënësve, dëshirat e tyre, interesat,
lëndët mësimore, mjetet mësimore, qëllimet arsimore dhe edukative që synohen të sendërtohen,
metodat e punës, mundësitë hapësinore të shkollës, koha në dispozicion etj.
Procesi i njohjes si dhe procesi i nxënies, ndodhin në takimin e individit me rrethin, në takimin e
subjektit me objektin e njohjes. Në procesin e organizuar të njohjes, pra në procesin e mësimit i
cili e shkurton dhe e lehtëson atë proces të njohjes së botës, për shkak të përdorimit metodave
dhe formave të ndryshme, si dhe për shkak të përdorimit të mjeteve mësimore dhe mjeteve
ndihmëse shtohet efikasiteti i njohjes. Sado që metodat mësimore janë faktor i rëndësishëm në
procesin mësimor, po thuajse të njejtën rëndësi e kanë edhe mjetet mësimore edhe ato ndihmëse.
Ato e kanë shoqëruar mësimin prej filleve të para deri në ditët e sotme. As shkolla e ardhmërisë
nuk mund të mendohet pa aplikimin e mjeteve mësimore dhe ndihmëse.2
Edhe pse mjetet mësimore dhe ato ndihmëse kanë histori shumë të gjatë, megjithatë, është e
vështirë të jipet një definicion i caktuar dhe klasifikim shembullor i mjeteve mësimore dhe atyre
ndihmëse. Është vështirë gjithashtu të vëmë një kufi të drejtë dhe të prerë në mes të mjeteve
mësimore dhe atyre ndihmëse.
1 Woolfolk, Anita, “Psikologji edukimi”, Tiranë, 2011, fq.418. 2 Enti i teksteve dhe i mjeteve mësimore i krahinës socialiste autonome të Kosovës, “PEDAGOGJIA II”, Prishtinë, 1977, fq. 417.
7
Me distancim të caktuar do të mund të pohonim se me mjete mësimore nënkuptojmë objektet me
të cilat nxënësit fitojnë dituri, kurse me mjete ndihmëse nënkuptojmë sendet dhe aparatet me
përdorimin e të cilave lehtësohet procesi i nxënies dhe i mësimdhënies.
Të bësh dallimin rigoroz në mes të mjeteve mësimore dhe atyre ndihmëse është mjaft vështirë,
sepse në mes të mjeteve mësimore dhe atyre ndihmëse ka kalime ku është vështirë të caktohet
nëse ndonjë aparat është vetëm mjet ndihmës ose është edhe mjet i nxënies, respektivisht i
mësimdhënies.
Shfaqja e mjeteve mësimore dhe e atyre ndihmëse të ndryshme në zhvillimin historik të mësimit
si dhe përdorimi i tyre, vlerësimi i dobisë dhe i efikasitetit, varej prej shumë faktorësh. Para së
gjithash, varej nga qëllimet e edukimit dhe të arsimit, nga koncepcioni mbi procesin e nxënies
dhe të mësimdhënies, nga shkalla e zhvillimit teknik, nga mundësitë ekonomike të shkollës,
mirëpo, mjetet mësimore dhe ato ndihmëse kanë qenë shpeshherë edhe rezultat i modës, nën
ndikimin e së cilës janë krijuar dhe përdorur në shkollë pa kurrfarë arsyetimesh të thella. Prandaj
edhe sot në lidhje me çështjen e vlerësimit të mjeteve mësimore dhe ndihmëse akoma mbiçmohet
roli i disave, ashtu sikurse nënçmohen dhe përdoren mënyrë të pamjaftueshme ca mjete të tjera.
Shumë mjete mësimore, që janë zbulime të arsimtarëve ambiciozë dhe inventivë, nuk kanë
treguar në praktikën e gjerë shkollore ato rezultate që i arrinte shpikësi i tyre, sepse në vlerësimin
pozitiv të mjetit të këtillë shpeshherë është llogaritur edhe maniri personal i shpikësit.
Për të evituar mosmarrëveshjet, duhet të konstatojmë se ende nuk ka mjete mësimore që do të
mund të zëvendësonin krejtësisht personalitetin e arsimtarit ose ta lirojnë krejtësisht nxënësin
nga përpjekjet për nxënie.
8
3. MJETET MËSIMORE
Numri i mjeteve mësimore është shumë më i madh se numri i mjeteve ndihmëse, sepse çdo objekt
dhe çdo proces mund të jetë objekt mësimi. Prandaj këtu është e mundshme vetëm të përpiqemi të
japim një pasqyrë të mjeteve mësimore. Në klasifikimin e mjeteve mësimore ka kritere të
ndryshme, të cilat pasqyrohen sidomos në artikullin e dytë të diktomisë. Mjetet mësimore do të
mund t’i ndanim përgjithësisht në dy grupe themelore: 1. Objektet natyrore dhe 2. Mjetet që janë
ndërtuar nergut për të fituar dituri mbi objektet dhe proceset ose me qëllim të ndikimit në
zhvillimin e funksioneve psikofizike të nxënësve.
1. Objekte natyrore konsiderojmë në të vërtetë ato objekte që i takojmë në natyrë,
respektivisht në prodhim. Objektet e këtij lloji, parimisht, kanë përparësi në procesin
mësimor, sepse u ndihmojnë nxënësve që të kenë paraftyrime konkrete dhe të sakta mbi
kualitetet dhe funksionet e tyre. Objektet natyrore si mjete mësimore mund të vështrohen
dhe të përjetohen në rrethin e tyre natyral (sidomos objektet në mësimin e shkencave
natyrore) ose në laboratorin e shkollës, në kabinet dhe në klasë, ku janë të veçuara nga
ambienti i tyre. Si njëra ashtu edhe tjetra kanë përparësi dhe të meta. Objektet që sillen në
shkollë me qëllim demonstrimi duhet të jenë mjaft të mëdha, të jenë prototipa të llojit të
vet, në mënyrë që nxënësit të vërejnë më lehtë karakteristikat e tyre. Në objektet e këtij
lloji mund të radhitim akuariumin, terrariumin, kopshtin shkollor, insektariumin, bletishta
shkollore, saksitë me bimë etj.
2. Megjithëse objektet natyore kanë përparësi në mësim, megjithatë, nganjëherë kufizohet
mundësia e fitimit të diturive në bazë të të vërejturit. Për shembull, është e pamundur të
vërehet lakimi i brendshëm i makinës me avull (lakimi i pistonit), proceset që ndodhin në
motorin me djegie të brendshme, disa procese kimike etj. Prandaj në mësim përdoren edhe
mjetet që janë të ndërtuara enkas me qëllim të caktuar për të lehtësuar studimin e disa
objekteve dhe dukurive. Mjete të këtilla sot ka aq shumë, sa që do të ishte tepër e vështirë
t’i numërojmë. Sidomos janë të mëdha vështirësitë në përpjekjet e klasifikimit të tyre të
mëtejshëm. Shkaku është mungesa e kriterit unik të klasifikimit. Mirëpo, të mbështetemi
në klasifikimin e mjeteve të ndërtuara, të cilat shpeshherë i hasim në didaktikën
bashkëkohore dhe në literaturën metodike, e cila i ndan në dy grupe 1) në mjete demostrimi
dhe 2) në mjete të cilat nxënësit i përdorin pavarësisht. Duhet të cekim menjëherë se ky
klasifikim për shkak të të metave evidente dhe përveç tjera, edhe për shkak të interferencës
së gjymtyrëve të ndarjes, nuk mund të përballojë kritikë serioze.3
3 Enti i teksteve dhe i mjeteve mësimore i krahinës socialiste autonome të Kosovës, “PEDAGOGJIA II”, Prishtinë, 1977, fq. 438.
9
3.1. Klasifikimi i mjeteve mësimore
Klasifikimi i mjeteve mësimore bëhet në këtë mënyrë:
A) Mjetet mësimore vizuale
B) Mjetet auditive
C) Mjetet audiovizuale
D) Mjetet manuale
E) Mjetet e komunikimit masiv
F) Mjetet ndihmëse-teknike mësimore dhe orenditë shkollore
A) Mjetet mësimore vizuale - Mjetet mësimore vizuale, sipas formës së paraqitjes së jashtme dhe
vendit që ato zënë në hapësirë, mund të jenë:
1. Dydimensionalë dhe
2. Tredimensionalë.
Sipas karakterit dydimensional, mjetet vizuale mund të jenë: Fotografitë, pikturat dhe
mjetet grafike. Mjetet grafike mund të ndahen në: Grafikët linearë, grafiku rrethor ose circular,
skemat, diagramet, tabelogramet, hartogramet, simbolet, pllakatet, karikaturat, tekstet dhe botimet
e ndryshme, albumet dhe atllasi.
Mjetet tredimensionale që aplikohen në punën mësimore janë: Të gjitha materialet e natyrës të
cilat e rrethojnë njeriun (fushat, bimët, shtazët), makinat, modelet, relieve, maketet dhe
numëratorja.
B) Mjetet mësimore auditive
Mjetet auditive, të cilat përdoren më së tepërmi në punën mësimore, mund të jenë: Radio
emisionet, incizimet magnetofonike dhe incizimet me CD, efektet duke përdorur instrumente
muzikore.
C) Mjetet mësimore audiovizuale
Mjetet audiovizuale më të përdorura janë: Filmi dhe emisionet televizive.
D) Mjetet manuale mësimore
Mjetet manuale më të njohura janë: Laboratorët lëvizës, aparatet për kopjim dhe fotokopjim etj.
10
E) Mjetet e komunikimit masiv
Mjetet e komunikimit masiv më të njohura janë: Emisionet e radios, emisionet televizive dhe
sistemi i komunikimit kompjuterik me internet.
F) Mjetet ndihmëse-teknike mësimore dhe orenditë shkollore
Mjetet mund të klasifikohen në këtë mënyrë: Mjetet për të shkruar, mjetet për të vizatuar, mjetet
ndihmëse për qëllim demonstrimi, instrumentet dhe aparatet e ndryshme, makinat mekanike,
elektrike dhe elektronike etj.
Mjetet ndihmëse mund të jenë:
1. Orendi dhe mobilie shkollore mësimore (karriget, bankat etj.)
2. Vegla të punës mësimore (vizorja, trekëndëshi etj.)
3. Tregues, epruveta, vitrina, tabele, arka etj.4
3.2. Mjetet e demostrimit
Vlera e mjeteve të demostrimit është padyshim se ato bëjnë të mundur mësimdhënien dhe nxënien
më të suksesshme të nxënësve. Mund të thuhet se vlera e ndonjë mjeti didaktik është aq sa i
përgjigjet qëllimit të caktuar dhe në radhë të parë atëherë kur mjeti i përshtatet psikoligjisë së
nxënësit dhe nëse ai e thjeshton dhe e bën më të suksesshëm procesin e njohjes.
Mjetet e demostrimit mund të radhiten në mjete hapësinore, figurative, akustike dhe mjete për
demostrimin e epjeve dhe të lëvizjeve. Sipas nevojës, ato kopje besnike e objekteve reale, objekte
të didaktizuara ose mjete të simbolikës. Të njehsosh dhe të analizosh, te karasterizosh dhe të
shprehësh kërkesat që u shtrohen mjeteve të demostrimit, do të thoshte studim i madh dhe i
veçantë. Në kuadrin e këtij kapitulli ne do të cekim vetëm disa mjete më të rëndësishme.
1. Prej mjeteve hapësinore të demostrimit vend më të dukshëm zënë modelet. Ato janë një kopje
plastike tridimensionale të objekteve reale, kurse shpeshherë kanë formën e didaktizuar,
domethënë ose janë kopje të thjeshtuara të objekteve reale, ose shënojnë ndonjë shenjë të caktuar
(me ngjyrë, me madhësi etj.). Modelet mund të jenë statike dhe të lëvizshme. Ato ndryshojnë
pothuajse në të gjitha lëndët mësimore.
4 https://www.facebook.com/169727779814378/posts/l%C3%ABnda-e-metodologjis%C3%ABtemat-jan%C3%AB-
mar%C3%AB-nga-profesori-naser-ramadanik%C3%ABtu-mund-ti-gj/169860969801059/
11
2. Kopje të rrafshta në radhë të parë janë fotografitë e murit, që mund të jenë fotografi të objekteve
ose fotografitë e punuara me qëllim të caktuar didaktik. Demostrimi i fotografive duhet të jetë
mjaft i madh, i dukshëm etj., domethënë të mos jetë i ngarkuar me detaje, sipas mundësive të jetë
ngjyrosur. Në vend të fotografive të murit gjithnjë e më tepër përdoren diaprojeksionet dhe
epiprojeksionet, të cilat, përveç që janë më ekonomike, kanë atë përparësi që me ndihmën e tyre
mund të paraqiten objekte me forma moderne dhe se mund të zgjedhen lehtë.
3. Fillimi i lëvizshëm është me rëndësi se e paraqet përmbajtjen në të cilën flesionet, proceset dhe
veprimet janë momente ecenciale të studimit.
4. Një nga mjetet më të vlefshme, por që fatkeqësisht përdoret pak, është vizatimi i arsimtarit në
tabelë. Ai bën të mundur lidhjen direkte të fjalës me fotografinë, ai është shpeshherë shumë më i
kuptueshëm se sa tërë fotografia, sepse vizatimi zhvillohet para syve të nxënësve. Përveç kësaj,
arsimtari mund të theksojë në vizatim në mënyrë më adekuate ato momente që i konsideron që
janë esenciale.
5. Në vend të vizatimit të arsimtarit, në mësim përdoren, aplikacionet me flanelograf. Përveç
aplikacioneve të gatshme, arsimtari mund të përdorë edhe aplikacionet që i bën vetë ose nxënësit.
6. Sot është vështirë të kemi mësim të mirë të gjuhës dhe të muzikës pa përdorimin e pllakave të
gramafonit dhe pa përdorimin e magnetofonit. Shiriti i magnetofonit përdoret shumë edhe në
konservimin e shumë vlerave të emisioneve të radioshkollës dhe të momenteve dokumentare.
Pikërisht këto mjete kanë shtuar mundësinë didaktike të mësimdhënies dhe të nxënies.
7. Një nga mjetet më të reja janë emisionet e televizionit. Kontributin e vet direkt televizioni e ka
në efektin simulant ose “live-efect”, sepse spektatorëve u bën të mundur të asistojnë në momentin
e ngjarjes. Me ndihmën e efekteve të ndryshme, me kombinime dhe me inkuadrimin e momenteve
të tjera sekondare, emisionet e televizionit mund t’u ofrojnë spektarëve disa ngjarje, disa procese
dhe objekte më tepër se çfarëdo mjeti tjetër. Sot ka edhe emisione të atilla televizive që janë krijuar
në një shkollë dhe mund të shikohen vetëm në atë shkollë, kurse aplikohen për demostrimin e
punëve të veçanta. Po bëhen përpjekje që nga studioja e një shkolle të transmetohen emisione në
të gjitha klasat e asaj shkolle.5
5 Enti i teksteve dhe i mjeteve mësimore i krahinës socialiste autonome të Kosovës, “PEDAGOGJIA II”, Prishtinë, 1977, fq. 440-
442.
12
3.2.1. Demostrimi i objekteve
Parimisht, siç është thënë edhe më parë, sa herë që të jetë e mundshme dhe kurdoherë që të jetë e
nevojshme, duhet të demostrohet vetë objekti, pastaj kopja e tij.
Për demostrimin e objekteve ka disa rregulla themelore didaktike, të cilat pak a shumë vlejnë për
të gjitha objektet që demostrohen. Do të cekim ato që janë më të rëndësishme:
1. Objekti i demostrimit duhet të jetë mjaft i madh dhe të vendoset që të mund ta vështrojnë gjithë
nxënësit pa vështirësi. Gjithashtu është i rëndësishëm ndriçimi i mirë i objektit dhe baza
kontrastive.
Në rastet kur objekti i demostrimit është i vogël, d.m.th. kur demostrimi frontal është i
pamundshëm, ekzistojnë disa mënyra se si të demostrohet objekti i këtillë: a) klasa ndahet në grupe
dhe objekti i demostrohet veçmas çdo grupi të nxënësve, b) arsimtari tregon objektin prej banke
në bankë me “të vërejtur fluturimthi”, c) objekti demostrues mund të qarkullojë nëpër klasë prej
një nxënësi te nxënësi tjetër. Rasti i këtillë është i përshtatshëm sidomos kur nxënësit duhet të
vërtetojnë disa kualitete të objektit të demostruar me shqisat e të prekurit ose të nuhaturit.
2. Objekti duhet të jetë tipik, që në të të shprehen sa më tepër karakteristikat e llojit të objektit.
3. Gjatë të vërejturit nxënësit duhet të nxiten për aktivitet sa më të madh.
4. Gjatë të vërejturit, respektivisht, pas të vërejturit është e nevojshme që nxënësit të raportojnë
për objektin që kanë vërejtur, të paraqesin mendimet dhe konkludimet e tyre.
5. Gjatë të vërejturit, respektivisht pas kryerjes së të vërejturit, nxënësit mund ta vizatojnë objektin.
Kjo kërkon nga nxënësit vëmendje dhe saktësi më të madhe në të vërejtur.
3.2.2. Demostrimi i fotografive
Fotografitë, si dhe kopjet e tjera të objekteve natyrale, nuk mund të përdoren si mjete demostrimi
vetëm kur mungon objekti natyral por ato përdoren në mësim përveç objektit natyral. Fotografia e
ka specificitetin e vlerës didaktike. Në disa lëndë mësimore fotografia shfaqet si objekt unik i
konkretizimit që mund të demostrohet. Aq më tepër, ajo në shumë raste është më e mirë se
demostrimi i objekteve natyrale, sepse shpeshherë lejon të theksohet thelbi. Kjo u lehtëson
nxënësve përgjithësimin. Fotografia mund të përdoret në etapa të ndryshmë të procesit mësimor,
që varet se a është fotografia objekti i vetëm i të vërejturit ose shërben si objekt demostrimi në të
cilin plotësohet të vërejturit, sistemi i karakteristikave të vërejturit në objektin natyral, ose ilustron
disa momente të interpretimit të arsimtarit, ajo duhet të përfshihet organikisht në interpretimin e
këtillë. Në disa raste fotografia mund të demostrohet edhe para interpetimit, për të krijuar
disponimin për shtjellimin e përmbajtjes lëndore.6
6 Zylfiu, Dr. Nijazi, “Didaktika”, Prishtinë, 2004, fq.93.
13
Fotografia duhet të jetë mjaft e madhe, që të shihet prej çdo vendi në klasë. Ajo duhet të pasqyrojë
besnikërisht objektin ose ngjarjen, domethënë duhet të jetë e saktë, e qartë dhe e thjeshtë, pa
grumbullime të tepruara të imtësive.
3.2.3. Demostrimi i projeksionit dhe i filmit të lëvizshëm
Mësimi bashkëkohor preferon sidomos projeksionin e filmit si mjet të veçantë efikas për
demostrim vizual, sepse projeksioni dhe filmi bëjnë të mundur të vërejturit e objekteve dhe të
proceseve që dikur, kur shkolla bënte vetëm demostrimin e objekteve natyrale dhe me fotografi,
nuk ishin të realizueshme për nxënës. Nga ana tjetër projeksioni dhe filmi janë më të përshtatshëm
se përshtypjet e tjera vizuele, sepse shfaqja e tyre lidhet me lokalin e errësuar, ku fotografia e
projektuar bëhet objekt unik i vëmendjes. Projeksioni dhe filmi kanë vlerë të barabartë të mjeteve
të demostrimit, sepse cdo mjet i këtillë ka rolin dhe detyrën specifike në mësim. Projeksioni dhe
filmi kanë disa specificitete që duhet të mirren parasysh gjatë përdorimit të mjeteve demostruese:
a) projeksioni bëhet në lokal të errësuar, ku fotografia e projektuar është kontrast i madh me rrethin,
e kjo ndikon fuqishëm mbi spektatorë. Ky është një moment i rëndësishëm psikologjik, sepse asnjë
mjet i konkretizimit nuk shkakton përshtypje aq të thella. Prandaj numri i projeksioneve dhe i
filmave gjatë shtjellimit të njësisë mësimore duhet të kufizohet me arsye,
b) fotografia e madhe e projektuar shihet qartë nga të gjitha pjesët e klasës, prandaj është i lehtë
përceptimi dhe shpjegimi i njëkohshëm,
c) dinamika e filmit shton vëmendjen,
d) epje të ndryshme mund të tregohen të ngadalësuara me film,
e) me film mund të tregohen për një kohë të shkurtër edhe proceset që zgjasin më tepër në natyrë,
f) me filmin e vizatuar mund të tregohen procese që nuk mund të vërehen.
3.3.3. Demostrimi i hartave, i skemave, i diagrameve, i tabelave dhe i skicave
Në procesin mësimor demostrimi i hartave, i skemave, i diagrameve, i tabelave dhe i skicave
zbatohet shumë.
Demostrimi i hartave gjeografike është i mundëshëm nëse nxënësit janë në gjendje të lidhin shenjat
kushtëzuese me objektet reale dhe me raporte, domethënë sipas shenjave kushtëzuese të
paraftyrojnë objektet natyrore dhe të konkludojnë në bazë të materialit të hartës.
Me demostrimin e skemave, tabelave, diagrameve dhe grafikoneve u ndihmojmë nxënësve që disa
pjesë të përmbajtjes mësimore t’i kuptojnë më lehtë dhe t’i mbajnë mend. Përparësia e skemës
është se me atë demostrohet vetëm thelbi i një objekti ose i një procesi. Në ciklin e ulët skema nuk
mund të përdoret pa demostrimin e objektit ose të procesit.
14
Skema ndihmon në procesin e njohjes. Sipas nevojës ajo mund të shoqërojë demostrimin e
eksperimentit ose të objektit mund të pasojë demostrimin, por ka raste kur skema nevojitet edhe
para demostrimit të objekteve ose të procesit, sepse me ndihmën e skemës arsimtari drejton më
lehtë të vërejturit e nxënësit.
Tabela na bën të mundur që përmbajtja mësimore, faktet dhe të dhënat statistikore të jipen në formë
përmbledhëse, kjo na ndihmon që përmbajtja të sistemohet, që nxënësve t’u lehtësohet të nxjerrin
përfundime në bazë të përmbledhjes së këtillë.
Mjet i vlefshëm demostrimi janë skicat të cilat i vizaton vetë arsimtari në tabelë. Skicat që i vizaton
arsimtari janë më të mira se demostrimi i vizatimeve të gatshme, sepse bëhet lidhja e plotë e
interpretimit dhe e krijimit të vizatimit, bëhet lidhja më e mirë e fjalëve me vizatimin, kuptimi më
i mirë i objektit dhe i dukurisë. Interpretimi dhe vizatimi i njëkohshëm shtojnë vëmendjen e
nxënësve dhe kështu edhe dituria bëhet më e fortë dhe më e qëndrueshme.
3.4. Mjetet ndihmëse mësimore
Në kuptimin më të gjerë të konceptit mjete ndihmëse mësimore do të mund të nënkuptonim të
gjitha orenditë e shkollës, siç janë bankat shkollore, karriget, tavolinat demostruese, impiantë dhe
aparate të ndryshme që përdoren në mësim, aparatet projektuese, projektorët për diafilm dhe film
të lëvizshëm, flanelografi, gramafoni, magnetofoni, qelqi zmadhues, mikroskopi etj. Në mesin e
këtyre mjeteve ndihmëse duhet të cekim më të vjetrin tabelën e shkollës, e cila edhe sot është mjet
mësimi i pazëvendësueshëm. Përveç këtyre mjeteve ka edhe mjete të cilat i përdorin nxënësit vetë,
sic janë fletoret, lapsat, pendat, këndmatësit, vizoret etj.7
3.4.1. Mjetet për punë të pavarur
Këtu radhiten të gjitha ato mjete, përdorimi i të cilave kërkon udhëzimet dhe kontrollin e arsimtarit.
Mjetet e këtilla mund të jenë nganjëherë edhe kopje e mjeteve të demostrimit, por më së shpeshti
këto janë aparate të veçanta, harta, numratore etj. Në këtë grup mund të hyjnë edhe tekstet
shkollore të llojeve të ndryshme. Padyshim se tekstet shkollore janë mjet që ende përdoret më së
shumti. Teksti shkollor konsiderohet si pjesë përbërëse e shkollës dhe është formuar bashkë
konceptin e mësimit. Do të ishte vështirë të caktohet saktësisht prej kur aplikohen edhe në nivelin
më të ulët të shkollës dhe në çfarë formash është paraqitur. Mirëpo, megjithë historinë e gjatë, edhe
sot e kësaj dite nuk ekziston qëndrimi unik në lidhje me rolin e tij dhe me kërkesat që do të duhej
të plotësonte.
7 Enti i teksteve dhe i mjeteve mësimore i krahinës socialiste autonome tw Kosovws, “PEDAGOGJIA II”, Prishtinw, 1977, fq.
442-444.
15
Vetë pyetja se ç’shërben teksti shkollor shkakton qëndrime të ndryshme. Nëse teksti shkollor
ekziston që nxënësi të mund të mësojë prej tij tërë materien programore, atëherë përmbajtja e
tekstit shkollor dhe struktura e tij do të duhej t’i adaptoheshin kësaj.
Në rastin e këtillë teksti shkollor është mjet nëpërmjet të cilit mund të fitohen dituri edhe jashtë
procesit mësimor. Sipas koncepcionit të këtillë teksti shkollor do të duhej të jetë deri diku
deskriptiv dhe i detajuar, në mënyrë që nxënësi të kuptojë vetë përmbajtjen mësimore. Qëndrimi i
këtillë ka edhe anët pozitive, sepse në rastin e këtillë tekstin shkollor e konkretizon deri në fund
programi mësimor, që e lehtëson përherë punën e arsimtarit.8
Mendimi i dytë është deri diku i kundërt me mendimin e mëparmë. Protagonistët e këtij qëndrimi
konsiderojnë se teksti shkollor nuk është libër për vetarsim, por libër që deri diku vetëm do të
plotësojë dhe do të ndihmojë procesin mësimor. Teksti i këtillë shkollor nuk ka karakterin e
përshkrimit të të gjitha fakteve dhe proceseve programore, por nxënësve u jep nxitje, udhëzime,
burime, vizatime, harta, skema, grafikone, të dhëna të ndryshme etj. Teksti i këtillë shkollor i
udhëzon nxënësit për aktivitete të cilat bëjnë të mundur njohje të përhershme. Një tekst i këtillë
shkollor vështirë mund ta përdorë nxënësi pa ndihmën e arsimtarit. Një koncepcion i këtillë ishte
i afërt edhe për ithtarët e shkollës së punës dhe të lëvizjeve të ngjashme. Duhet të themi se
koncepcioni i tekstit shkollor varet pak a shumë edhe nga karakteri i lëndës mësimore. Qëndrimi i
parë dhe i dytë mund të pajtohet deri diku, prandaj nuk janë të rralla tekstet shkollore që janë
krijuar si rezultat i kompromisit të dy koncepcioneve. Mirëpo, një kundërshti shumë më e madhe
janë pikëpamjet që shfaqen në mënyrë ekstreme ose kundër çdo përdorimi të tekstit shkollor në
procesin mësimor, ose për përdorimin e tekstit shkollor, sidomos për përdorimin e teksteve
shkollore standarde.
Përfaqësuesit e qëndrimit kundër përdorimit të tekstit shkollor paraqesin këto argumente:
1. Teksti shkollor është pengesë e punës krijuese të arsimtarit sepse ia imponon më parë procesin
e caktuar metodik gjatë zhvillimit të lëndës.
2. Teksti standard shkollor, që përdoret për një kohë të gjatë bëhet joaktual, vjetërsohet, përmban
të dhënat dhe përmbajtje të cilat tempoja e shkencës dhe e teknikës i ka tejkaluar.
3. Teksti shkollor është shkruar për një mesatare të caktuar të nxënësve dhe nuk mund të ketë
parasysh nivele të ndryshme të paraditurive dhe të aftësive të disa nxënësve, prandaj për disa
nxënës është tepër i rëndë, kurse për disa, jo vetëm që nuk paraqet kurrfarë vështirësie, por është
tepër i lehtë.
4. Në tekstin shkollor është e pamundshme të mirren parasysh specificitetet dhe nevojat e disa
krahinave. Teksti shkollor është kryesisht aregjional.
8 Woolfolk, Anita, “Psikologji edukimi”, Tiranë, 2011, fq.336.
16
Përfaqësuesit e qëndrimit për përdorimin e tekstit shkollor në mësim duke parë arsyen e disa
kritikave kundër tekstit shkollor, theksojnë se teksti shkollor nuk është një e keqe e shkollës
bashkëkohore pa të cilën nuk bëhet, por është shprehje e nevojës didaktike, se teksti shkollor është
mjet i dobishëm dhe i nevojshëm didaktik. Do të japim vetëm disa argumente që flasin në favor të
përdorimit të tekstit shkollor.
1. Teksti shkollor deri diku paraqet përpunimin e programit mësimor. Prandaj ai është edhe
orientim për arsimtarin se cfarë të dhënash, detajesh dhe përgjithësimesh mund të përvetësojnë
nxënësit mesatarë gjatë shtjellimit të ndonjë teme ose njësie mësimore. Ai është sidomos i
nevojshëm dhe i dobishëm për arsimtarin fillestar.
2. Përdorimi i të njëjtit tekst shkollor në të gjitha shkollat e një tipi siguron përafërsisht kuantitetin
e njëjtë të diturive, që është me rëndësi, po të kemi parasysh se shkolla, sidomos shkolla fillore,
duhet të jetë shkollë unike.
3. Me rastin e ndërrimit të arsimtarit, arsimtari i ri mund të orientohet më lehtë për të vazhduar
punën e të mëparshmit.
4. Teksti shkollor shërben si burim ndihmës i diturive të nxënësit.
5. Ata nxënës që për shkaqe të ndryshme nuk mund të jenë prezentë në mësim, mund t’i
kompensojnë më lehtë të metat.
6. Fotografitë dhe grafikonet në tekste shkollore janë një mjet i mirë konkretizimi, sidomos në
shkollat që nuk janë të pajisura mjaft me mjete mësimore.
7. Teksti shkollor gjithashtu shërben si një lidhje në mes të shtëpisë dhe shkollës. Prindërit janë në
gjendje t’u ndihmojnë fëmijëve të tyre – nxënësve dhe përveç kësaj, mund të kontrollojnë edhe
dituritë e tyre.
Mjetet me të cilat punojnë vetë nxënësit ose mjetet e ashtuquajtura “mjete të punës” janë mjete që
nxënësit mund t’i përdorin pa udhëheqjen direkte të arsimtarit, të cilat bëjnë të mundur një punë
të pavarur të nxënësit, kurse shpeshherë edhe kontrollin e pavarur. Mjetet e këtilla të punës
(qofshin fishet mësimore, aparatet, kutitë për radhitje ose objekte të tjera të ndryshme) duhet t’u
përgjigjen disa kërkesave. Kërkesat themelore për këtë lloj mjetesh të punës janë: 1. mjetet e punës
duhet të jenë të përshtatshme për nxënës, 2. të mbështeten në përvojën e fëmijës, në paradituritë e
tyre, 3. të ngjallin interesimin e nxënësve, 4. që mjeti i punës të përfshijë edhe përgjigjen pyetjes
së shtruar, 5. të bëjë të mundur realizimin e detyrave funksionale të mësimit, 6. të bëjë të mundur
fitimin e pavarur të diturive, si dhe zhvillimin e pavarur të shkathtësive dhe të shprehive.9
9 Enti i teksteve dhe i mjeteve mësimore i krahinës socialiste autonome të Kosovës, “PEDAGOGJIA II”, Prishtinë, 1977, fq. 444.
17
4. EFIKASITETI DHE MJETET MËSIMORE
Karakteristika themelore e të gjitha veprimtarive bashkëkohëse të njerëzve shfaqet në përpjekje që
të gjendet baza më efikase organizative e punës dhe që në procesin e punës të përfshihen ato mjete
pune që sigurojnë maksimumin e efektit të punës, si p.sh mësimdhënësi të ketë sistemin e vet të
punës dhe mjetet specifike të asaj pune. Kështu sikurse edhe profesionet e tjera, po ashtu edhe
profesioni i mësimdhënësit duhet të sigurojë mjete specifike për demonstrimin – konkretizimin e
lëndëve mësimore. Pikësynim në këtë drejtim kemi një sërë çëshje për mjete mësimore që ndoshta
për nomenklaturën dhe klasifikimin e tyre duhet përpunuar e zbërthyer në pjesë – pjesë përbërëse
të tyre, si:
1) Rruga evolutive e mjeteve mësimore – rruga evolutive e mjeteve mësimore (e zhvillimit, e
përsosshmërisë, e pajisjes, e zgjedhjes, e kujdesit dhe e shkallës së përdorimit të tyre) është aq e
vjetër sa edhe vetë shkolla. Mirëpo, shkalla e përdorimit të tyre në konkretizimin e temave
mësimore në një apo më shumë lëndë mësimore, që nga fillimi i përdorimin të tyre e deri më tani,
ka pasur ndryshime të mëdha evolutive, nënkuptohet në të mirë të mësimit si problem esencial i
didaktikës bashkëkohore si dhe koncept pedagogjik. Pastaj rruga evolutive e mjeteve mësimore,
kurdoherë ka përjetuar momente në përkryerjen e mjeteve mësimore, në kryerjen e tyre me risi si
dhe duke flakur gradualisht anët negative të tyre me qëllim të interpretimit sa më të drejtë të temës
mësimore nga mësimdhënësi – kështu që për pak kohë e mund të bëhet shumë punë – mësim i
lehtë.
2) Struktura e mjeteve mësimore – pothuaj ky proces varet drejtpërdrejt nga rruga evolutive e
tyre. Tash, në shkollë të reformuar për konkretizimin e mjeteve mësimore nga mësimdhënësi,
praktikohet një numër i konsiderueshëm i mjeteve mësimore, si: mjetet e përbashkëta mësimore
për shkollë ose objekt mësimor të shkollës dhe mjetet mësimore për çdo lëndë mësimore të mësimit
klasor dhe atë lëndor në atë shkollë. Pra, të gjitha këto janë të orientuara kah një qëllim,
konkretisht: kah konkretizimi i mësimit. Andaj, janë të orientuara kah shpejtësia e saktësia e
mësimit, kah qartësia e mësimit, kah lidhshmëria e emocioneve të nxënësit me mësimin etj. Kjo
arrihet kur llojllojshmëria, numri, anët e tyre teknike, didaktike e psikologjike janë në
përputhshmëri me shkallën e shkollimit apo klasës që nxënësi vijon, me profilin e shkollës si dhe
me natyrën e lëndës mësimore që nxënësve u interpretojmë.
3) Mjetet mësimore për mësim – e jo për depo! – pothuaj këtë dukuri e hasim në shumë shkolla
fillore, ngase ekziston një moskujdesi në masë të duhur në shfrytëzimin e tyre as nga
mësimdhënësit as nga vetë nxënësit e që kjo më pak i takon të fundit. Mësimdhënësi – akoma i
padisiplinuar dhe pa një qëndrim të drejtë në shfrytëzimin e tyre për konkretizimin e njësive
mësimore. Nxënësi – akoma pa shprehi pune të zhvilluar në shfrytëzimin e drejtë dhe racional të
tyre. Më konkret, këto, kohën më të madhe e kalojnë në depo apo në një kënd tjetër të shkollës
duke “u ra pluhuri” dhe vlera e përdorimit të tyre dhe kurrsesi duke mos u përdorur në
konkretizimin e njësive mësimore në njërën apo në shumë sosh.
18
Ne, përmes mjeteve mësimore bëjmë konkretizimin e mësimit dhe arrijmë deri te një rezultat i
lakmueshëm në sferën e mësimit, si: se nxënësi njoftohet çka di e çka nuk di, si e di e sa e di temën
mësimore, se nxënësit i mundëson orientimi i tij për përgatitje të asaj teme mësimore që nuk e di
mirë apo e di mjaftueshëm, se te nxënësi zgjon dhe zhvillon motivin funksional – motivin për
mësim si dhe interaksioni mes nxënësit e lëndës mësimore përherë rrit dinamizmin për mësim apo
aktivitetin për të mësuar.
Lokali – akoma pengesë për mirëmbajtjen e mjeteve mësimore, Konkretisht janë shumë shkolla
që janë pajisur me numër të konsiderueshëm e llojllojshmëri të mjeteve mësimore, mirëpo në
mungesë të lokalit ato as s’mund të shfrytëzohen dhe as s’mund të kujdesen për mirëgjendjen e
përhershme të tyre.
4) Kur dihet se kush punon me to e kush jo? – Ndoshta, është njëra ndër çështjet që do vëmendje
të posaçme në kristalizimin e saj në çdo mes – shkollë. Kur shkolla ka mjete mësimore të
mjaftueshme, kur ato janë në gjendje për punë – mësim, a thua pse mos të bëhet përdorimi i tyre?
Apo mungon kujdesi i mësimdhënësve në përdorimin e tyre ose të harresës duke lënë pasdore
përdorimin e tyre apo diçka tjetër që ndoshta më së miri e di vetë ai! Po ashtu, një pjesë të këtij
gabimi e marrin mbi vete edhe organet profesionale të shkollës, si: aktivet profesionale për ciklin
e ulët dhe të lartë të shkollës fillore, komisioni për përparimin e mësimit dhe organet vetëqeverisëse
të shkollës si dhe drejtori me ndihmësin e tij. Prandaj, kur këta bëjnë një përcjellje sistematike, se
sa e si shfrytëzohen mjetet mësimore nga trupi mësimor, me siguri nuk do të kishim këso dukuri
negative ndaj procesit mësimor si veprimtari me interes të veçantë shoqëror. Kështu, as nuk do të
kishim mësim verbal, as kualitet të dobët në mësim si dhe nuk do të kishim as numër të madh të
nxënësve përsëritës.
5) Kur dihet se si e cka punojnë ata mësimdhësnës kur u mungojnë mjetet mësimore? –
Pothuaj, ndër të gjitha dukuritë negative që e mundojnë dhe që krijojnë ngecje në procesin mësimor
në masë të duhur është edhe kujdesi i vogël apo moskujdesi total ndaj tyre, përdorimi i vogël apo
mospërdorimi total i tyre si dhe mosnjohja e mosrespektimi i kritereve të përdorimit të tyre nga
mësimdhënësi. Kur këto i vërejmë mirë do të shohim se nuk kemi respektuar aspak anët cilësore
të tyre, si: anën teknike, didaktike e psikologjike. Po ashtu, nuk kemi respektuar as vlerën teorike,
praktike e funksionale të tyre. Duke mos u respektuar kriteret e përdorimit të tyre bëjnë edhe
mosrespektimin e kërkesave konstante të përmbajtjes mësimore. Këto, edhe që gjenden në sirtarët
e vitrinave të shkollës, shumë pak aplikohen në demonstrimin – konkretizimin e njësive mësimore.
6) Pajisja, zgjedhja, kujdesi, përdorimi dhe kriteret e përdorimit të tyre – të flasësh për
çështjen e mjeteve mësimore në një kohë do të thotë: edhe falenderim edhe mosfalenderim.
Falenderim – sepse akoma ekziston në shkollat tona si problem aktual, mosfalenderim – ngase deri
më tani janë përpunuar, përkryer e krijuar shumë sosh e akoma s’është arritur caku i zgjedhjes
definitive të tyre. Kështu, ngase akoma aspektet teorike nuk po mund të ndërhyjnë në praktikë ose
kemi qenë të njëanshëm në aspektet e shqyrtuara rreth tyre ose në sferën mësimore janë zbuluar
shumë mjete mësimore e mësimdhënësit tonë nuk kanë njohuri të duhura për to.
19
Po ashtu është evidente se mjetet mësimore që blen shkolla nuk punohet me një plan të caktuar e
me plot arsye për blerjen e tyre, por këto blehen në mënyrë fushate, as nuk konsultohet mendimi i
mësimdhënësit profesionalist ose mësuesi i klasës, as organet profesionale të shkollës. Dhe si
pasojë negative, që lëndon punën në procesin mësimor kemi: blerja e mjeteve mësimore jo të
përshtatshme për procesin mësimor, moskompletimi i tyre me numër të mjaftueshëm për
shtjellimin e një njësie mësimore apo teme mësimore. Është vërejtur se në disa shkolla janë blerë
mjete – fotografi për zbukurimin e shkollës apo të klasës, pa bërë kujdes për rolin e tyre momental
në konkretizimin e mësimit. Në këtë drejtim, në formimin e paraleleve të specializuara në shkollën
fillore, akoma nuk ka mjete mësimore në numër të mjaftueshëm. Kjo dukuri vjen ngase çmimi i
lartë to.10
4.1. VLERA E MJETEVE MËSIMORE
Vlera e mjeteve mësimore është pothuaj aq e madhe sa as që mund të paramendohet shtjellimi i
mësimit pa to. Sikurse “bima që zbukurohet me lule, njeriu me mend, populli me kulturë,… arsimi
me dituri” edhe dituria me mësim dhe mësimi me konkretizim. Ky, as s’mund të arrihet dhe as
s’mund të zhvillohet nëse nuk konkretizohet me mjete mësimore. Mësimi fitohet kur
mësimdhënësi për konkretizimin e lëndës mësimore përdor këto mjete, si: verbale, tekstuale,
verbale – tekstuale, vizuele, auditive, audiovizuele, manuele, eksperimentale dhe eksperimentale
ndihmëse.
Këto janë burime dinamike në mësim, janë burime esenciale në procesin mësimor sepse zhvillojnë
aftësitë e punës dhe dinamizmin mësimor apo aktivitetin në mësim qoftë nga aspekti ekstern apo
intern. Janë “zemër” e procesit mësimor pasi s’mund të interpretohet asnjë temë pa to qoftë brenda
në klasë apo jashtë saj. Por, ekziston dallimi mbi vlerën e njërit me tjetrin mjet mësimor varësisht
nga përsosshmëria e tij dhe efektshmëria e tij në mësim. Konkretisht “mjetet janë të qenësishme a
fjalët sekondare” thotë J.A.KOMENSKI. Pra, mësimi që shtjellohet vetëm përmes mjetit mësimor
verbal – fjalës së gjallë (të folurit) suksesi nuk do të jetë në atë shkallë të suksesit sikurse ai që
shtjellohet me mjete tjera, si: vizuele, eksperimentale etj.
Janë tri vlera e të qenësishme të mjeteve mësimore, si: a) vlera teorike – që me sferën e vet merr
– përmban punën profesionale të çdo mësimdhënësi, b) vlera praktike – që karakterizohet me
praktikën e shkollave e me praktikën didaktiko – metodike dhe c) vlera funksionale – që ka për
qëllim të arrihet efekti profesional e didaktiko – metodik, nënkuptohet më tepër të arrihet niveli i
shtjellimit të mësimit në pozitë të barabartë për të gjithë nxënësit, përparim i barabartë në procesin
mësimor për të gjithë nxënësit, përshtatshmëria e procesit mësimor për të gjithë nxënësit,
konkretisht: duke u njohur me ndryshimet individuale të nxënësve në klasë.
10 Dyla, Prof.Besim, “Struktura e elementeve mësimore”, Gjakovë, 2010, fq.182-183.
20
4.2. MAKINAT PËR MËSIM
Mësimi është një process i organizuar, i sistematizuar dhe që zakonisht udhëhiqet nga një ose më
shumë persona që kanë punën e vet si profesion. Mësimi është një proces i formimit të
personalitetit të nxënësit në totalitetin e vet dhe aftësimi i tij për jetë dhe punë krijuese, si dhe
aftësimi për aktivitete shoqërore. Mësimi zhvillon tek nxënësit aftësitë psiko – fizike, zhvillon
personin e gjithanshëm i cili do të mund t’i zbatojë dituritë e fituara dhe i cili duhet pandërprerë të
aftësohet pasi që shoqëria e jonë socialiste këtë e kërkon. Mësimi e aftëson të ketë marrëdhënie të
drejta ndaj shoqërisë e të kontribuojë në të ardhme sa ma të mirë. Mësimi në shkolla fillore duhet
të përsoset, duhet të gjejë mënyra dhe metoda të reja pune dhe duhet përdorur makinat dhe
stabilimentet teknike bashkëkohore. Për t’u përsosur mësimi, nuk është lehtë sepse ekzistojnë
pengesa materiale, por ato nuk duhet të na pengojnë. Mësimi duhet modernizuar, me këtë
nënkuptojmë mjetet mësimore, metodat mësimore dhe përmbajtjet mësimore bashkëkohore. 11
4.2.1. Rëndësia e makinave për mësim
Për të qenë mësimi më konkret dhe më efikas përdoren makinat për të mësuar. Me anë të tyre
nxënësit aktivizohen maksimalisht, lehtësohet të kuptuarit e diturive dhe ligjshmërive dhe kursehet
koha e përvetësimit të lëndës. Me zbulimin e mjeteve dhe makinave për mësim, ndryshon edhe
pozita e nxënësit në procesin mësimor. Po ashtu me zhvillimin e shkencës në përgjithësi të të
mbërriturave bashkëkohore pedagogjike kemi edhe ndryshimin e pozitës së nxënësit. Qëndrimi
autoritativ i arsimtarit ndaj nxënësit zëvendësohet me marrëdhënie bashkëpunimi, konsultimi,
diskutimi dhe sqarimi. Që të mund të flasim për makina bashkëkohore duhet së pari të flasim për
mësimin e programuar.
Mësimi i programuar u paraqit në fillim të viteve të 50-ta të këtij shekulli. Një kohë të gjatë
njerëzimi qëndron para fakteve se mësimi i sotëm është relativisht i dobët dhe nuk është mjaft
efikas në krahasim me zhvillimin e ekonomisë dhe kulturës.
Në anën tjetër pedagogjia dhe psikologjia si shkencë kanë përparuar dhe kanë konstatuar procesin
mësimor. Hulumtimet që po i bëjnë shkencëtarët me decenie të tëra, janë të përqendruara kah
zbulimi i formave të reja të organizimit të të mësuarit dhe mësimit, të cilat do t’i përmirësojnë dhe
nxisin rezervat e mbrendshme të nxënësit dhe rritjen e efikasitetit.
Për herë të parë në SHBA, një grup shkencëtarësh, në krye me psikologun SKINERIN, kanë dhënë
idenë se mësimi bëhet më efektiv dhe më i qartë nëse drejtimi i procesit mësimor vendoset në
themel të rezultateve dhe ushtrimeve pedagogjike. Kjo ka qenë në fillim të viteve të 50-ta. Prej
atëherë, mësimi i programuar, si lëvizje e re për mësimin më efektiv, njihet në tërë botën dhe pas
dhjetë vjetëve në Bashkimin sovjetik zë vend me rëndësi, kurse disa vjet më vonë zhvillojnë
hulumtimet didaktike të këtij lloji të mësimit. Mësimi i programuar është një mënyrë e
racionalizimit dhe rritjes së efikasitetit të mësimit.
11 Dyla, Prof.Besim, “Struktura e elementeve mësimore”, Gjakovë, 2010, fq.189.
21
Ai është sistem mësimi, ku lënda mësimore në mënyrë të veçantë ndahet në tërësi logjike më të
vogla dhe si material i programuar i jepet nxënësit të punojnë vet individualisht. Përvetësimi i
përmbajtjeve mësimore kontrollohet me anë të informacioneve kthyese. Çdo nxënës kalon në
pjesën kthyese (tjetër) vetëm nëse e ka përvetësuar pjesën e mëparme. Kjo mënyrë e mësimit
stimulon nxënësit në mësim, e aktivizon, i mundëson nxënësit që duke duke punuar individualisht
të përvetësojë dituri të caktuara dhe të zhvillojë aftësitë e veta. Këtë lloj pune na mundësojnë
makinat për mësim të programuar. Makinat janë mjete mësimore automatike, të cilat ia bëjnë të
mundshmë që në etapa të ndryshmë të punojë vetë dhe të fitojë informacion kthyes për sukses.
Funksioni i makinave është ashtu që nxënësit i jep informacione te caktuara nga mësimi, të
paraqesë pyetje në të cilat nxënësi përgjigjet dhe njoftohet me rezultatet e përgjigjeve të veta.
Programet e makinës paraqiten në vrimat e posaçme ose projektohen në ekran dhe ndryshe mund
të emitohen me anë të shiritit magnetofonik, me anë të altroparlantëve ose dëgjuesve, varësisht
nga tipi i makinës.
Me marrjen e informacionit, nxënësi i përvishet zgjedhjes së detyrave dhe menjëherë ia komenton
makinës rezultatet. Me anë të informacionit kthyes nxënësi në mënyra të ndryshme (që varet nga
tipi i makinës informohet se a është detyra e saktë apo jo e saktë).
4.2.2. Tipat e makinave në mësim
Ekzistojnë tipa të ndryshëm të makinave për mësim. Për ne është me rëndësi ndarja sipas vlerës
didaktikore, si:
1) Makinat me të cilat japim informacionin kthyes – a është përgjigjja e saktë apo jo,
2) Makinat të cilat në të njejtën kohë paraqesin pyetje, kontrollojnë saktësinë e përgjigjes dhe
regjistrojnë përgjigjet e nxënësve për shkak të evidentimit dhe përcjelljes së procesit mësimor,
3) Makinat në të cilat i udhëzojnë nxënësit se si duhet t’i evidentojnë gabimet,
4) Makinat të cilat dialogojnë me nxënësit.
Makinat për mësim shpesh punojnë në principin një nxënës – një makinë, por ka edhe as makinash
të cilat i shërbejnë një grupi ose tërë klasës, me të cilën çdo nxënës individualisht manipulon –
mëson. Të tilla janë responderi dhe klasa elektronike.
4.2.3. Responderi në mësim
Zhvillimi i hovshëm i teknikës ka mundësuar zbulimin e makinave, të cilat jo vetëm që
racionalizojnë procesin e mësimit, por me anë të tyre arrihet aktiviteti më i madh tek nxënësit gjatë
tërë orës dhe mundësohet puna me tërë klasën.
Me anë të responderit arsimtari mund t’i kontrollojë nxënësit se sa e kanë përvetësuar lëndën e
mësuar para se të zhvillojë lëndën e re, mund të shërbejë për përgatitjen e lëndës, evidentimin e
rezultateve dhe përcjelljen e procesit mësimor.
22
Pjesët e responderit jamë: mekanizmi kontrollues, responderët e nxënësve, semafori për dhënien e
informacioneve kthyese dhe pllaka kontrolluese, në të cilën gjenden emrat e nxënësve, me numrat
e detyrave të cilat i zgjidhin. Pyetjet projektohen me numrin para nxënësve. Çdo nxënës jep
përgjigjen duke shtypur sustën. Arsimtari (vë në përdorim tastierën) dhe fusha e nxënësit me
përgjigje të saktë ndriçohet. Vendin e pandriçuar arsimtari e regjistron në atë mënyrë që e nënvizon
numrin rendor të detyrës së pazgjidhur. Informacionin kthyes nxënësit e marrin me anë të
semaforit. Në atë mënyrë vendoset komunikimi në mes arsimtarit e nxënësit dhe anasjelltas. Prej
të gjithave mund të përfundojmë se responderi është makinë e cila shërben vetëm për t’i mësuar
nxënësit, sic është rasti me makinat e tjera mësimore, por i shërben nxënësit që të vërtetojë dhe të
kontrollojë dituritë e veta e arsimtari të përcjell punën e tërë klasës dhe të çdo nxënësi veç e veç.
Epërsitën e responderit janë: kontrolli i shpejtë në evidentimin e diturisë, aktivizimi më i madh i
nxënësve, mundësi e kombinimit me mjete teknike (fletëza mësimore, grafoskop), përdorimi i
thjeshtë dhe mundësia e përdorimit në klasë klasike, luftohet të mësuarit në fushatë.
Të metat e responderit janë: nxënësi nuk mund të përgjigjet me shkrim ose të shprehet me gojë,
arsimtari nuk mund t’i nxisë nxënësit më pyetje plotësuese, nuk mundëson të notohet kualiteti i
diturive, nuk mund të shfrytëzohet në mësim ku kërkohet shprehje artistike ose simbolike. Për
punë të suksesshme, me rëndësi është kombinimi me mjete tjera mësimore, si p.sh grafoskop.12
4.2.4. Kompjuteri në mësim
Kompjuteri është makina më bashkëkohore për mësim, e cila do të përdoret në të ardhmen më
tepër sipas mendimit të disa pedagogëve. Kompjuteri mund të pranojë në “MEMORJEN” e vet
një numër të madh informatash dhe programe të lëmive të ndryshme. Definicioni më adekuat është:
“Kompjuteri është makinë elektronike për pranimin, përpunimin dhe dhënien e informacioneve”.
Nxënësi kontakton me kompjuterin me prekjen e mekanizmit të caktuar ose me shkrim, e
kompjuteri ia jep informacionet nxënësit duke emituar fotografinë me zë, shkrimin dhe vizatimin
në tabelën ndriçuese ose me emitimin e filmave dhe inserteve të tyre.
Ndryshimi në mes kompjuterit e makinave të tjera teknike nuk është vetëm në konstruktim, por
edhe në përdorimin didaktik. Derisa makinat e tjera përdoren vetëm në disa etapa të mësimit,
kompjuteri mund të bashkëpunojë jo vetëm me nxënësit, por edhe me të gjitha mjetet teknike
(diaprojektori, magnetofoni, grafoskopi, responderi) dhe shfrytëzon përsëri ndriçuesën për shkrim
në tabelë. Me anë të rrjetës me kabllo të shumtë mund të lidhet me shumë vende të botës.
Epërsitë didaktike të mësimit sipas mendimit të ekspertëve botëror janë: procesi mësimor
individualizohet, nxënësi mëson me shpejtësi të vet dhe është e mundur për cdo nxënës që të
përpunohet programi i punës individuale, prej lëndëve të caktuara mësimore (SHBA), nxënësit
janë të motivizuar për punë.
12 Dyla, Prof.Besim, “Struktura e elementeve mësimore”, Gjakovë, 2010, fq.190.
23
Mësimin me anë të kompjuterit mund ta bëjmë në forma të ndryshme. Dr.NICKOVIQ dallon këto
forma: 1) sistemi i ushtrimeve, 2) dialogu, 3) zgjidhja e problemit dhe 4) kërkimi i informacioneve.
Kompjuteri në sistemin e ushtrimeve shërben si plotësim i mësimit të rregullt, pasi që ndihmon
nxënësit të përvetësojnë disa mjeshtri në aritmetikë dhe lëndë tjera. Më interesante dhe forma më
aktive është dialogu. Nxënësi pyet, kurse kompjuteri merr pjesë në bisedë, dihet vetëm aq sa i
mundëson materiali i programuar. Zgjidhja e detyrave me anë të kompjuterit është e mundur me
shfrytëzimin e atyre mësimeve të cilat gjenden në kompjuter. Për detyra të reja duhet të bëhet
programimi i ri. Që nxënësi të mund të zgjidh detyra prej kompjuterit ai duhet të kërkojë informata
të cilat i rëndit, i analizon dhe i shfrytëzon për përgjigje. Shfrytëzimi i suksesshëm i kompjuterit
në mësim bëhet nëse është bërë programi i mirë. Programin e bëjnë pedagogët, të cilët e njohin
punën e kompjuterit, por praktika tregon që pedagogët që e njohin punën e kompjuterit janë pak.
Kompjuteri, megjithatë, nuk është universal. Ai nuk nuk mund të zëvendësojë cilësitë kryesore të
arsimtarit, por mund të jetë ndihmë në procesin mësimor të organizuar mirë. Përdorimi i
kompjuterit është ende në fazën eksperimentale. Por ai, si edhe të gjitha makinat e tjera për mësim
të programuar, ndikojnë negativisht në zhvillimin e kontakteve sociale ndërmjet nxënësve dhe
kështu dëmtojnë zhvillimin social të tyre. Kompjuterët për mësim prodhohen në shumë shtete:
(SHBA, Japoni, Angli, Francë etj.).
Kompjuteri gjithashtu është edhe asistent i nxënësit dhe shumë i dashur si partner për ushtrime me
qëllim të njohjes së lëndës, para së gjithash për mësimin përmendsh të fjalorit dhe llogaritjes
përmendsh. Me ndihmën e softuerit përkatës, në vend të monotonisë, nxënësit mund t’i zgjojë
kurreshtjen dhe lënda mund të përvetësohet gjatë lojës. Nxënësit parapëlqejnë programe të cilat
nxisin për gara. Në fund kompjuteri duhet t’i vlerësojë rezultatet në formë testi: për sa kohë ka
kryer një veprim dhe gabimet që ka bërë.
Kompjuteri mund të shërbejë edhe si instrument për vlerësimin e eksperimenteve ose si makinë
shkrimi komfortabile. Para së gjithash puna me kompjuter kursen mjetet, sepse pasi të jetë siguruar
pajisja elementare, mund të zgjerohet me harduer dhe softuer plotësues dhe mund të kryejë shumë
detyra.
4.2.5. Grafoskopi në mësim
Grafoskopi si aparat projektiv për mësim u paraqit për herë të parë në ekspozitën e Evropës të
mjeteve mësimore në NISIBER më 1963. Tek ne u përvetësua pjesërisht kah viti 1968/69. Epërsitë
themelore teknike të grafoskopit janë: folia e gjatë e përshtatur për përmbajtje mësimore të
llojllojshme, e projeksioni në dritën natyrore – kusht për koncentrimin e vëmendjës, të fotografisë
pas shpinës së ligjëruesit – mundësi për komunikimin komplet ndërmjet arsimtarit dhe nxënësit.
Grafoskopi mund të kombinohet me responderin dhe paraqesin një sistem special komunikimi në
mësim.13
13 Dyla, Prof.Besim, “Struktura e elementeve mësimore”, Gjakovë, 2010, fq.191.
24
4.2.6. Klasa elektronike
Zbulimi i mjeteve bashkëkohore mësimore kërkon tipe të reja të klasave të cilat quhen klasa të
specializuara. Këto klasë mundësojnë që mjetet mësimore të shfrytëzohen më mirë, më lehtë dhe
më shpejtë.
Klasa elektronike shërben për mësimin e programuar, kështu që procesi mësimor automatikisht
mund të zhvillohet në praninë ose pa praninë e arsimtarit. Kjo klasë përmban këto pjesë: tavolinën
komanduese – e cila mundëson zhvillimin e programit me shfrytëzimin e të gjitha burimeve të
informacionit, ekranin me autoparlant për emitimin e informacioneve, karriget me responder dhe
kabinën me mjete audiovizuele. Klasa mundëson lidhjen e arsimtarit me nxënës. Ajo lidhje shihet
si vijon: dhënia e informatave dhe detyrave, zgjidhja e detyrave e dhënia e përgjigjeve me anë të
responderit, kontrollimi i përgjigjes në mjetin kontrollues.
Klasët elektronike në vendin tonë po përdoren në disa qendra. Klasa elektronike i ka disa të meta,
sic janë: puna frontale nuk i mundëson ndihmë atyre të cilët e kanë kuptuar më dobët
informacionin, programi i materialit bëhet shumë vështirë.
4.3. ARSYET DHE RËNDËSIA E PËRDORIMIT TË TEKNOLOGJISË NË
KLASË
Në vitet e fundit, kur aplikimet e teknologjisë të tilla si video projektor, smart board, kompjuterë,
software, internet, tableta, mobile etj., janë futur në sistemin e arsimit, burimet për mësimdhënie
kanë ndryshuar në mënyrë të ndryshme. Teknologjia ka transformuar mënyrën e mësimdhënies
dhe të nxënit por duke transformuar procesin, ajo po transformon dhe rezultatin (Fouts, 2000).
Metodistët mendojnë se ka shumë avantazhe të përdorimit të teknologjisë në klasë si për shembull:
ajo e bën nxënësin më të interesuar për temën mësimore, zvogëlon kohën e të mësuarit si dhe ofron
mundësi për të mësuar në mënyrë jotradicionale.
Për të kuptuar rëndësinë e teknologjisë në procesin mësimor shtrojmë pyetjen se si dhe sa
përdorimi i pajisjeve kompjuterike në arsimin fillor dhe arsimin mesëm të ulët do ta stimulonte
motivimin e nxënësve për të mësuar, për t’i angazhuar ata gjatë aktiviteteve të mësimdhënies dhe
nxënies dhe si e sa teknologjia do të mbështeste metodat e të nxënit. Për t’iu përgjigjur kësaj pyetje
e cila do të shpjegonte rolin dhe rëndësinë e përdorimit të teknologjisë në procesin mësimor,
metodistë të arsimit kanë kryer studime të shumta gjatë të cilave kanë vërejtur se përdorimi i
pajisjeve kompjuterike në klasë paraqet me të vërtetë përfitime të veçanta. Ata theksojnë se
intervistat me mësuesit, nxënësit, prindërit dhe vëzhgimet në klasë tregojnë se motivimi dhe
përqendrimi i nxënësve gjatë aktiviteteve të të nxënit rritet kur ata përdorin paisje kompjuterike
për t’i përfunduar këto detyra.
25
Përdorimi i pajisjeve kompjuterike mbështet metodat e të nxënit për nxënës me aftësi të ndryshme
për të nxënë, kështu përdorimi i tyre ndihmon nxënësit me aftësi të ndryshme konceptuale si dhe
nxënësit me nevoja të veçanta në përthithjen më të shpejtë të koncepteve të reja gjatë një teme
çfarëdo mësimi. Po ashtu mësuesit dhe prindërit pranojnë faktin se për shkak të përdorimit të
pajisjeve kompjuterike nxënësit dhe fëmijët e tyre e përdorin më me efikasitet kohën e tyre të
punës. Përdorimi i teknologjisë në klasë gjithashtu ka një efekt pozitiv në qëndrimet e nxënësve
pasi ata ndjehen më të suksesshëm, më të motivuar për të mësuar dhe shfaqin më shumë vetëbesim.
Në kohën e sotme digjitale, aftësia për të aksesuar, përshtatur dhe për të krijuar aftësi e dije duke
përdorur teknologjinë është kritike për suksesin e nxënësit. Të gjitha arsyet e lartpërmendura
theksojnë rëndësinë dhe domosdoshmërinë e përdorimit të teknologjisë gjatë procesit të
mësimdhënies dhe të nxënit për të rritur efikasitetin e tij.14
4.3.1. Teknologjia dhe qasja konstruktiviste
Duke përdorur së bashku teknologjinë dhe qasjen konstruktiviste mësuesi siguron integrim dhe
shfrytëzim më të mirë të mjeteve të teknologjisë në klasë në mënyra të përshtatshme dhe efektive,
duke i dhënë mësimdhënies/nxënies mjetin e nevojshëm për të përmirësuar metodat e mësimit të
cilat kanë në fokus të tyre nxënësin. Të besosh se vetëm përdorimi i teknologjisë dhe kompjuterit
do të përmirësojë rezultatet mësimore është njësoj si të mohosh rëndësinë e kapacitetit të mendjes
njerëzore. Është e qartë se kompjuteri mund të përdoret si një mjet për të lehtësuar mësimdhënien
dhe nxënien, megjithatë, po aq e qartë është që ai (makina) nuk mund të bëjë zgjedhjen e qasjes
pedagogjike, se çfarë qasje duhet të përdoret gjatë orës së mësimit për arritjen e rezultateve të
dëshiruara të të nxënit, mësuesi e vendos vetë.
Si duhet të përdoret teknologjia në procesin mësimor për të arritur rezultatet e dëshiruara
mësimore?
Teknologjia mund ta ndihmojë dhe e ndihmon nxënësin të zhvillojë të gjitha llojet e aftësive nga
ato më të thjeshtat deri te ato më të ndërlikuarat.
Për mësuesin, sa e rëndësishme është të dijë se për çfarë do ta përdorë teknologjinë, po aq e
rëndësishme është të dijë dhe mënyrën se si e nxëna mund të përmirësohet përmes teknologjisë.
Integrimi i teknologjisë në klasë nënkupton shumë gjëra për mësues të ndryshëm. 15Kur mësuesit
pyeten se a e integrojnë teknologjinë në lëndët e tyre ata japin përgjigje të shumta të tilla si:
1. E përdor kompjuterin në klasë për të përforcuar çështjet që unë kam shpjeguar.
2. Nxënësit e përdorin kompjuterin për të gjetur informacion.
3. Nxënësit e mi përdorin word-in për të kryer detyrat e shtëpisë.
4. Përdor power –pontin për të bërë prezantime në klasë.
14 Woolfolk, Anita, “Psikologji edukimi”, Tiranë, 2011, fq.419. 15 http://www.portalishkollor.al/kuriozitet/arsyet-dhe-rendesia-e-perdorimit-te-teknologjise-ne-klase
26
Por a janë këta shembuj të integrimit të teknologjisë?
Dikush mund të mendojë se secili prej këtyre shembujve integron teknologjinë në klasë. Por
çështja e vërtetë nuk qëndron në faktin nëse teknologjia përdoret në klasë, por nëse ajo po përdoret
për të përmirësuar procesin e të nxënit. Teknologjia nuk të garanton mësimdhënie/nxënie të
dobishme, madje përdorime të papërshtatshme të saj mund ta bëjnë të nxënit më të vështirë. Ky
është rasti për shembull kur nxënësi shpenzon më të shumtën e kohës për selektimin e shkrimit
dhe zgjedhjen e ngjyrave në detyrat e tij në vend që të planifikojë, të shkruajë dhe të rishikojë idetë
e tij lidhur me detyrën e dhënë. Megjithëse për integrimin e teknologjisë flitet shumë, pak mësues
kanë një vizion apo filozofi të qartë për mënyrën e integrimit të saj në kurrikul me qëllim rritjen e
cilësisë së mësimdhënies dhe të nxënit. Tri pyetje ndihmojnë mësuesin për të përcaktuar meritat e
teknologjisë në një orë mësimi apo në një situatë të caktuar. Ato janë:
1. A është përmbajtja mësimore e vlefshme? (A janë rezultatet e të nxënit të qarta, të lidhura me
kompetencat kyçe dhe nivelet e arritjes së nxënësve).
2. A e angazhojnë nxënësin aktivitetet e përzgjedhura mësimore?
3. Sa e ka përmirësuar teknologjia mësimin në mënyrë që pa të, nuk do të ishte e mundur?
Mësuesi duhet të jenë sa kompetent në lidhje me dijet, aftësitë dhe qwndrimet që ai dëshiron t’u
mësojë nxënësve, po aq sa dhe vëzhgues i aftë i mjedisit në të cilin nxënësit ndërtojnë dijet dhe
ndërveprojnë me njëri tjetrin. Për këtë qëllim, filozofia e arsimit dhe qasja arsimore luajnë një rol
të rëndësishme në kornizën teorike të integrimit të teknologjisë për përmirësimin e orës mësimore.
Për t’u siguruar se mjetet e teknologjisë janë përdorur në mënyrë efektive mësuesi duhet t’i përdorë
ato nëpërmjet zbatimit të teorive të përshtatshme të mësimdhënies. Filozofia e kurrikulës së re të
arsimit bazë është bazuar në qasjen konstruktiviste. Kjo qasje përkufizon: "të mësuarit ndodh kur
personi ndërton së bashku mekanizmin për të mësuar dhe versionin e tij unik të dijeve, plotësuar
këto me përvojat dhe aftësitë e tij personale" (Roblyer, 2006). Sipas kësaj qasjeje dija ndërtohet,
nuk transmetohet ndaj nxënësi gjeneron dije të reja nëpërmjet aktiviteteve, përvojave dhe
eksperimenteve.
Qasja konstruktiviste me fokus nxënësin në qendër, nxit përfshirjen e nxënësit në procesin e
ndërtimit të dijeve dhe kërkon mënyra që mësuesi të jetë lehtësues në procesin mësimor dhe jo të
diktojë informacionin. Kjo qasje dukshëm lidhet më mirë me integrimin e teknologjisë. P.sh
mësimi zbulues si një formë e qasjes konstruktiviste inkurajon angazhimin aktiv, nxit motivimin,
përgjegjshmërinë dhe pavarësinë e nxënësit. Nxënësi udhëzohet nga mësuesi të bashkëveprojë dhe
kryejë eksperimente për ta ndihmuar atë të ndërtojë dije dhe aftësi duke u nisur nga dijet dhe
aftësitë paraprake. Detyra e mësuesit është të bashkërendojë informacionin e duhur në një mënyrë
të përshtatshme për të ndihmuar nxënësin ta kuptojë atë. Kjo i jep mundësi nxënësit për të
eksploruar mjedise më komplekse.
27
Forma të tjera të përdorimit të teknologjisë janë dhe udhëtimet virtuale në kohë. 16Nxënësit
mësojnë rreth kulturave të ndryshme duke parë fotografi, filma, videoklipe, prezantime në power-
point dhe tekste të përzgjedhura. Nxënësit, gjatë navigimit nëpër udhëtimin virtual, u përgjigjen
pyetjeve të mësuesit. Duke përdorur teknologjinë në qasjen konstruktiviste mësuesit e kanë më të
lehtë të përfshijnë nxënësit në aktivitetet mësimore. Ata mund të krijojnë aktivitete për nivele dhe
stile të ndryshme të të nxënit si dhe mund të zgjerojnë gamën e informacioneve që janë në
dispozicion të nxënësit. Teknologjia është më shumë sesa një mënyrë tjetër/ndryshe e prezantimit
të informacionit, ajo është sistemi nëpërmjet të cilit informacioni prezantohet. Teknologjia, si pjesë
e teorisë konstruktiviste të mësimdhënies, është korniza e metodologjisë së mësimdhënies/nxënies
e cila siguron aftësitë për të suportuar të gjitha format kryesore të kësaj teorie
16 http://www.portalishkollor.al/kuriozitet/arsyet-dhe-rendesia-e-perdorimit-te-teknologjise-ne-klase
28
5. PËRFUNDIM
Nëse në shoqërinë tonë ka profesione që janë me përgjegjësi, atëherë një prej këtyre
profesioneve është ai i mësimdhënies. Mësimdhënia është një proces jo i lehtë, është veprimtari
e rëndësishme shoqërore dhe me përgjegjësi. Ka mendime se mësimdhënia është art, është
shkencë, apo të dyja së bashku.”Nëse është mësimdhënia art, kërkon frymëzim, intuitë, talent e
krijimtari dhe pak prej tyre mund të mësohen. Nëse është shkencë, mësimdhënia kërkon njohuri
dhe shprehi që me të vërtetë mund të mësohen. Ne mund të shprehim mendimin tonë se
mësimdhënia e suksesshme ka këto dy anë. Prandaj edhe në tekstin e profesorit të nderuar
Bardhyl Musait theksohet se: “Mësimdhënia e mirë ka brenda elemente të punës së artistit dhe të
studiuesit”.
Pra mësimdhënia është një proces i cili planifikohet, drejtohet, organizohet nga mësimdhënësi
sipas stileve të të nxënit dhe me pjesëmarrjen aktive të nxënësve, ku përvetësohen njohuri,
përdoren metoda, teknika ndërvepruese, zhvillohen aftësitë, shkathtësitë, formohen shprehitë si
dhe ndodhë formimi tërësor i personalitetit të nxënësve.
Mësuesi në veprimtarinë e tij përdor një sërë strategjish, metodash dhe teknikash mësimore ku
nxënësit ndërveprojnë në mënyra të ndryshme organizimi. Metodat e diskutimit dhe të punës me
grupe krijojnë një mjedis mësimor në të cilin mbështetet të nxënit aktiv. Gjithashtu përdorimi i
metodave efikase ndikojnë në rritjen e cilësisë në arsim.
Ky punim fokusohet më së shumti tek mjetet, metodat dhe teknikat me në qendër nxënësin duke
u nisur nga fakti se përdorimi i metodave dhe mjeteve të ndryshme në mësimdhënie është shumë
i rëndësishëm në mënyrën sesi nxënësi nxë.
29
6. LITERATURA
• Dyla, Besim (2010) – Struktura e elementeve mësimore, Gjakovë.
• Enti i teksteve dhe i mjeteve mësimore i krahinës socialiste autonome të Kosovës (1977)
– PEDAGOGJIA II, Prishtinë.
• Woolfolk, Anita (2011) – Psikologji edukimi, Tiranë.
• Zylfiu, Nijazi (1997) – Didaktika, Prishtinë.
• Musai, Bardhyl (1999) – Psikologji edukimi, Tiranë.
BURIME TJERA
• https://www.scribd.com/doc/303932988/Mesimdhenia-Dhe-Mesimnxenia-Efektive
• https://www.facebook.com/169727779814378/posts/l%C3%ABnda-e-
metodologjis%C3%ABtemat-jan%C3%AB-mar%C3%AB-nga-profesori-naser-
ramadanik%C3%ABtu-mund-ti-gj/169860969801059/
• http://www.portalishkollor.al/kuriozitet/arsyet-dhe-rendesia-e-perdorimit-te-teknologjise-
ne-klase