PUKE POPULA ‘I SELUSALEMA

Lesoni 11 ‘o Sepetema, 15, 2018

1) Koe fakamaau’i ‘o Paula ‘I Selusalema:

Palopalema moe kainga tui.Ngaue 21:15-26.

Palopalema moe kainga Siu.Ngaue 21:27-36.

2) Taukapo ‘a Paula ma’ana:

‘Ihe ha’oha’onga ‘oe fu’u kakai.Ngaue 21:37-22:29.

‘Ihe ha’oha’onga ‘oe kau Sanitalini.Ngaue 22:30-23:11.

3) Fakahaofi mei he mate. Ngaue 23:12-35.

Na’e faka’amua ‘e Paula kene mataa ‘ae fakataha ‘ae Siasi (Kaletia 3:28). Na’a ne faka-lotolahi kihe ngaahi siasi Senitaile kenau tokoni ki hinau fanga tokoua Siu ‘iSelusalema ‘aki ha’a nau foaki ha ngaahi me’a’ofa ma’a nautolu (Loma 15:25-27)

Na’e fehangahangai ‘a Paula moe ngaahi fakatanga ‘i Selusalema ‘o hange pe koiana’e fakaha ‘ehe Laumalie Ma’oni’oni (Ngaue 21:22), ‘i loto ‘ihe Siasi mo tu’a foki.

Ngaue 21:15-26

“Pea kuo nau fanongo kiate koe, ‘oku ke ako kihe kakai Siu kotoa pe ‘okufeangai moe hiteni kenau li’aki ‘a Mosese, ‘o pehe, ke ‘oua ‘e kamu ‘enautamaiki pe muimui kihe ngaahi me’a kuo tu’utu’u ni.” (Ngaue 21:21)

Na’e talitali lelei ‘a Paula kihe siasi ‘iSelusalema.

Ka neongo ia, na’e tala kiate ia ‘e Semisi ‘aengaahi fakaanga na’e fai fekau’aki moia. Na’e pehe ‘e he ni’ihi ‘oku ako’i ‘e Paula ‘aekakai Siu ke si’aki honau ngaahi tu’utu’uni.

Na’e kole kia Paula ke fakaha ‘ene lelei’ia‘ihe fakapapau ‘ae kau Nasilaite ‘aki ‘enepoupou kihe kainga Siu na’e tui.

Na’e mei malava pe ‘e Paula kenefaka’ikai’i ‘ae fakakaukau hala ni ne faikiate ia. Kaikehe , na’ane tukulolo kiheme’a na’e tala ‘e Semisi kiate ia. He koemahino honau fanga tokoua ‘e ni’ihi, ‘okukau ‘ae ngaahi tuku fakaholo faka-Siu kihonau fakamo’ui.

“Koe fakakaukau ni na’e ‘ikai fenapsi ia

moe me’a na’ane ako’i pe koe mo’oni moe

totonu hono ‘ulungaanga. Na’e ‘ikai

haohaoa ‘ene kau fale’i. Neongo na’e ‘iai e

ni’ihi ‘oe kau tangata ni na’e fakamanava’i

kinautolu ia ‘ehe ‘Otua he ‘enau tohi, ka

‘ihe taimi na’e ‘ikai kenau fakaongoongo ai

na’a nau fa’a fehalaaki. ‘E manatua ‘eni he

na’e ‘ihe fakataha’anga ‘e taha na’e

fehangahangai ‘ai ‘a Paula mo Pita ‘uhinga

koe fakangalingali lelei na’ane fai.”

E.G.W. (Fakahinohino Tohitapu ‘ae SDA, voliume 6, ‘ia Ngaue21:20-26)

Ngaue 21:27-36

“Pea kuo tei kakato e ‘aho e fitu, pea koe kau Siu mei‘Esia, ‘ihe ‘enau mamata kiate ia ‘ihe fala lotu lahi, na’anau ue’i ‘ae kakai kotoa pe ‘o puke ia.” (Ngaue 21:27)

‘I he ngaahi tu’utu’uni ‘e ni’ihi ‘ae kau Nasilaite , koe liu tu’o uaange kuopau ke katoanga’i: “pehe tene toki tele ‘a hono ‘ulu, ‘ihe‘aho ‘o hono fakama’a tene tele ia, ‘i hono ‘aho fitu. Pea ‘i honovalu ‘oe ‘aho tene ‘omi ‘ae ongo kulukulu pe ha ongo lupe muikihe Taula’eiki.” (Nomipa 6:9-10)

Ka kimu’a pea ‘osi e taimi ko’eni, na’e tukuaki’i ‘a Paula ki hono‘omai ‘ae kau Senitaile kihe konga kelekele ‘ae kakai Siu (‘oku tala‘ihe ‘enau ngaahi papa tu’utu’uni lalahi, ka ai ha taha ‘e fai pehe, koe tautea koe mate)

“’Oku ‘ikai ngofua kiha taha mulipe taha fo’ou kihe feitu’uni ke‘ova atu ‘ihe ngaahifakangatangata kihe temipale petu’u ki hono konga kelekele. Koia‘e ma’u ‘oku fai pehe kuopau ketamate’i ia, he ko hono fo’ui pe‘a’ana .”

Koia na’e faitu’utu’u ni ai ‘ae ‘eiki tau Loma ko’eni ko, Kolotiasi Lisiasi, ‘uhinga koe fu’u kakai ne nau mei tamate’i pe ‘ekinautolu ‘a Paula. Na’ane ha’I seini ‘a Paula pea ne ‘ave ia kihe fale ‘o ‘Anitonia.

Ngaue 21:37-22:29

“’Ae kainga tangata moe ngaahi Tamai, mou fanongo kihe ‘eku fakamatala nikiate kimoutolu.” (Ngaue 22:1)

Na’e kole ‘a Paula ha faingamalie kene lea ai. Na’a ne lea faka-’Alamaite, koe lea faka-Hepelu ‘eni, pea na’e siilongo e fu’u kakai.

Na’e faka’amua ‘e Paula kene fakamahino ki hono kaunga tangata’ifonua ko Sisu ‘ae Misaia. Na’ane talaloto ki he’ene ‘ausia.

Na’e matu’aki fakafanongo tokanga ‘ae taha kotoa kia Paula ‘o a’ukihe ‘ene lea fekau’aki mo ‘ene misiona kihe kakai Senitaile. “Pea na’a nau fakafanongo kiate ia ‘o a’u kihe lea koia, pea nau tokikalanga lahi, ‘o pehe, ke ‘ave ‘i mamani ‘ae siana pehe! ‘Oku ‘ikailelei ke mo’ui ia!’” (Ngaue 22:22)

Na’e ‘ave ia ‘ehe ‘eikitau Loma ki fale ‘o fakamaau’i ia ‘aki honouipi mo taa. Na’etalaange ‘e Paula koetangata Loma ia, pea ‘oku ‘ikai totonu ke faikiate ia e ngaahifakamamahi ni.

Ngaue 22:30-23:11

“Ka kuo ‘ilo ‘e Paula koe Satusi e ni’ihi, pea koe Falesi e ni’ihi, pea kalanga ia ‘ihe ‘ao ‘oe kau fakamaau, ‘o pehe, ‘ae kau tangata koekainga, koe Falesi au, pea koe foha ‘oe Falesi! Pea koe me’a ‘ihe‘amanaki kihe toe tu’u ‘oe mate ‘oku fakamaau ai au!’” (Ngaue 23:6)

Na’e toe feinga pe ‘a Paula kene lea kihe kauSanitalini ‘aki ‘ae lea tatau pe na’ane ngaue’akikihe fu’u kakai. Na’ane lea fekau’aki mo ‘enemo’ui tukupa kimu’a, ‘ene tamate’i ‘ae kakaiKalisitiane, ha ‘a Sisu kiate ia mo ‘ene liliu.

Ka, na’e tu’utu’uni ‘a ‘Ananasi kiate kinautolune tu’u hono tafa’aki ke taa’i ia, koia na’e ‘ikaitoe hoko atu ‘a Paula ‘ene malanga.

Koia, na’e lea leva ‘a Paula fekau’aki moetoetu’u ‘uhinga ke fehangahangai ai ‘ae kauFalesi moe kau Satusi. Na’e toe fakahaofi ‘e Kolotiasi ‘a Paula.

Na’e fakaloto lahi ‘ae ‘Otua kia Paula ‘o fakapapau kiate ia kuopau kene fakamo’onima’ana ‘i Loma.

Ngaue 23:12-35

“Pea kuo pongipongi ai, pea alea pau ‘ae kau Siu‘e ni’ihi, mo nau fefuakava ‘aki, ‘o nau pehe, ‘e ‘ikai tenau kai pe inu kae ‘oua kenau tamate’i ‘a Paula.” (Ngaue 23:12)

Na’e ngaue ‘aki ‘ehe ‘Otua ‘ae ‘ilamutu ‘a Paula ke fakahaofi ia mei he tamate ne ‘amanaki ke fakahoko he kakai Siu kiateia.

Na’e tala ‘ehe tangata ni kia Kolotiasi, koia ai na’ane ‘ave ‘a Paula ki Sisilia.

Na’e e’a mei he kakai Siu moe kauSanitalini ha fu’u taufehi’a lahi kia Paula, pea tokolahi hake he toko 40 ‘akinautolune loto ke fakahoko ‘eni kiate ia. Koia ai, na’e matu’aki tokanga ‘a Kolotiasi kihemalu ‘a Paula ‘i hono ‘ave ko’eni.

Na’e faka’amua ‘e Paula ‘ae fakamaautotonu ‘ihe ‘ao ‘o Felisi, pea tangi kefakamaau’i ia ‘ia Sisa kapau ‘e malava.

“Pea na’e toe ha ‘ae ‘Otua kia Paula ‘o fakaha

kiate ia ‘ae fiema’u kene toe ‘alu hake ki

Selusalema, pea e fakatanga’i mo mamahi ‘iai

‘uhinga ko hono Huafa. Neongo koe popula ia ‘ihe

ta’u lahi, ka na’e a’u atu ‘ae ngaue mavahe ‘ae

‘Otua ‘iate ia. Ko hono ui ke hoko koha faifekau ‘i

hono talaki ‘ae ongoongo lelei ‘a Kalaisi pea ke

fakalangilangi’i ‘ae ‘Otua. ‘Ihe taimi na’e ‘ave ai

mei he kolo kihe kolo ki hono fakamaau’i, ko

‘ene fakamo’oni fekau’aki mo Sisu pe moe ngaahi

me’a fakaofo na’e hoko ‘ihe taimi hono liliu na’e

fehoko taki ‘eni ‘ihe ‘ao ‘oe ngaahi tu’i moe

kovana, pea kenau tukuange ‘o ‘ikai tamate’i

‘uhinga ko Sisu. Lauafe e kakai na’a nau tui kiate

Ia pea fiefia ‘i hono Huafa ‘uhinga ko ia.”

E.G.W. (Mu’aki Tohi, page 207)