膠 登 時 報 體 育 版

曼聯戰績下滑係戰術既錯� 塞豆窿（1372）

曼聯易帥造成既戰績下滑，各位球迷有睇眼。對筆者呢個曼迷嚟講，兩個字─失望。今期先講曼聯既戰術錯配導致成績差既原因。

就上半季嚟講，莫耶絲主力係打 442。進攻點依賴朗尼、雲佩斯同華西。而進攻模式往往係靠朗尼係中路大腳分邊到右路，再交由華西盲 BAN 傳中。只可惜華一招既傳中質素差勁，上半季曼聯在聯賽中 533 腳傳中有 423 次都係失敗。而且用強邊戰術單靠華西一個係搞唔掂，佢需要一個助攻力強既右

閘幫手。細孖在陣時一嚟可以幫到華西拉開防守球員，二嚟可以同華西撞牆，等華西可以有更多時間同更靠近禁區傳中。可惜細孖經常受傷，頂替既史摩寧或鐘斯都做唔到細孖果種進攻意識，令華西要獨軍作戰，曼聯既右路強攻戰術亦大打節扣。

除左進攻模式單調，莫耶斯對曼聯最大既變革係防守模式。有睇開波既朋友都會留意到，曼聯經常會有走甩對手球員，俾對方有好多時間處理個波既情況出現。原因係莫耶斯將費 SIR 年代既三閘線防守改變為高位反搶再加細區域三角聯防。簡單嚟講三閘線防守係將成條中場線布防於三閘線範圍，球員既責任係封鎖對手每個傳球點，令對手放唔到個波入禁區，務求將對手既射門距離拉到最遠。此戰術甚至對皇馬都收到好好既效果，其好處係節省球員既體力，只不過會令到球隊反擊既距離遠左同控球率偏低。

而高位反搶大概係由前鋒作為球隊既第一道防線。前鋒係失波後需要積極回防搶迫，務求令對手胡亂傳出，中場可以盡快搶返控球權，並減低後防既壓力。另外加上細區域三角聯防係由三名球員同時壓迫控球球員，令對方揾唔到位交波。此兩組防守戰術既好處係攔截點前移同增加反擊起動點，適合機動性高同技術高既球隊，好似巴塞、拜仁咁都係玩全緊迫。但此防守模式對球員既體能同跑動能力要求極高。但眼下曼聯中場人選係卡域克、費蘭尼同卡華利。

已經 32 歲既卡神同出名慢既爆炸頭難以執行戰術要求。當球隊未能係早段打開紀錄，到後段只會變成亂衝亂搶。球員既體能亦未足以整場比賽，因而解釋到點解曼聯往往係比賽末段都俾人追和，甚至反膀。 同時因為球員既體能下降，對執行三角聯防既能力減弱，令球隊暴露既空位就愈多，所以連中下游球隊都可以壓住曼聯嚟打。

耶絲為左球員可以好好執行佢既新戰術，佢針對球員既體能進行地獄式操練，四大前鋒得返迫甩可以出戰。筆者認為曼聯中場好需要一個體能好既防守球員，希望莫耶斯係今個轉會市場唔會令各曼迷失望。

不過由於朗尼同雲佩斯既受傷，曼聯既進攻戰術睇嚟又有變化。不過篇幅有限，下期再講。

膠 登 時 報 體 育 版

一條毒 L對老爺車的看法� 垃圾高登（1384）

第一次寫野比大家睇，點可以唔寫「賣飛佛」既球會呀？我鐘意邊隊？係波台出沒既巴絲一定知，當然係車路士！（編按：完全唔撚知）

其實車仔依家都有幾個問題出現，大家最熟悉既當然就係前鋒問題啦，不過中場同龍門個問題其實都係存在既。（編按：即係成隊都有問題啦）

前鋒就唔多講啦，冇人識入波，我諗老豆今季完左都放走巴亞同伊度奧。再收返新魔獸返黎，再買多個前鋒就搞掂。

講中場啦，其實老豆（摩連奴）無論用馬達、奧斯卡或者夏薩特，總有一個要做後備，因為佢地三個打右路發揮都唔係好好，老豆就要三選二。但係夏薩特進攻方面好過馬達，奧斯卡創造力係就係冇馬達咁好，但勝在佢肯防守，係中場截住好多波，將後防既壓力減少。唉！撞到老豆，防守廢係死罪黎。

右翼位方面，如果球隊有傷患問題，或者要排防守型既陣式時，最好就用拉美尼斯啦。另外韋利安都唔錯，又合乎老豆口味，肯攻又肯守。

防中位問題方面，其實係轉會市場暫時都唔使買人住，用住拉美利斯同大衛雷斯係夠曬做。兩個都跑

得快，防守又ｏｋ，轉守為攻做得唔錯，雷斯得閒又可以放啲長傳上去，不過有個問題就係雷斯上左去就要人包位，一比人打反擊就死。得一個拉美利斯好易比人撞跌，後防得返兩個中堅，好易比人入波，你當施治真係神咩。

仲有，唔好再買中場，依家條中場夠玩五六年，年輕既又上唔到位，仲有兩個球員借左出去，馬迪又唔係不得不買……唉好啦，依家就講下門將問題。古亞圖斯同施治二選一的話，我會揀施治。雖然佢爆左頭之後跌左ｗａｔｔ，但當你要揀邊個係世界最佳門將時，我諗你點都會諗過佢。施治經驗又夠，其實夠玩多四五年，甚至七八年都唔過份。如果可以的話不如借古亞圖斯出去四年先，佢返到黎慢慢再接施治個位，達到三贏局面！後備門將方面，如果舒華沙唔退役既話，佢都可以留多一季，第三就希拉里奧啦，呢個唔多講。

今日就講住咁多先，下次再同大家講！大家想睇我講咩都可以係波台同我講！

膠 登 時 報 體 育 版

〔鳩噏唔準嬲〕給曼聯球迷的信我呢啲粗人廢事講野懶有文化啦，用返平時係膠登打既方法啦就咁既，鑑於近排我愛隊曼聯輸左幾場大家都嘈住話要炒左件垃圾莫耶斯佢，我呸你班傻仔仲口口聲聲話自己係曼聯 fans。食屎啦 !你地仲未睇清楚而家既形勢 ! 唔識睇波既都知曼聯留緊力啦 !呢啲小盃賽作為一個曼聯迷係唔稀罕既 !聽波既都知莫耶斯想留力係英超將剩餘既賽事取得全勝同埋得到歐聯冠軍 .我個人既立場就係支持莫主帥嘅 , 點解 ?我地就睇返上一場對新特蘭既出場陣容門將依然係十分穩陣間唔中仲有神救既迪基亞後防係由細孖、艾夫拿、伊雲斯、維迪組成，唔洗討論啦極之穩陣，簡直滴水不漏中場就由經驗老到既核心領軍人物傑斯、卡膠、聰明仔、華西同埋贊奴沙組成已經完美呢條中場線簡直就係全地球最強既中場線有老有嫩，有經驗，有活力 !前鋒就由百屌成材、速度力量技術既極致黑碧擔任真係閒閒地對手弱啲都入佢二百球後備仲換入左費柴、屎達零同小狗，唔洗問完美既換人你問我點解仲會輸，痴線唔洗問啦，輸運氣同球證你問得出我呢個問題，你肯定無睇到近排呢幾場波所以就戰術換人同陣容黎講真係 Topclass唔需要質疑我在此亦到希望其他既曼聯球迷可以同我一齊支持莫耶斯俾多啲時間，證明我地老豆費 sir 係無錯既！！

鳩噏完啦，曼聯球迷們祝君安康華 b 上

來源：IC 足球部

施華（4004）

膠 登 時 報 體 育 版

再次遇見克羅地亞狂迷老莊膠說（1002）

這天，我再次遇見一個五六年沒見面的人，一個對我人生有很大影響的人。

在描述這件事之前，我想先說，其實我是個克羅地亞球迷。這個我很少跟別人說，所以大概人們對我既印象都是一個樸茨茅夫球迷。

自小時候９８世界盃起，老莊我已是一個克羅地亞支持者。（這點我不是十分確定，現在回想起來印象十分模糊，甚至乎記憶中我那一刻是支持克羅地亞死敵南斯拉夫（今天的塞爾維亞）。）

到小學跟友人玩 WINNING，大概是真正開始了我對克羅地亞的認識吧。每次我都只會選克羅地亞，用上 JARNI, SUKER。（有玩過既人應該知道，個陣佢地係 WINNING 十分屈機。）對現在為止他們始終是我的偶像，縱然我不曾看過他們踢球。（YOUTUBE 其實有得睇返，但係到依家我都無去睇。）

到了０６世界盃，大概是我作為球迷的起步點吧。那年世界盃我應該看了七至八成的賽事，當中克羅地亞的比賽我全都有看，是作為克羅地亞支持者的角度去觀賞，亦是我真正用 WINNING 裡學回來的東西，實際地體現在現實足球上。從此我就不再想局限於那一個位置，想去知道更多有關於克羅地亞的東西。

令我個人對足球哲學以致人生觀有所改變的轉捩點，大概是０７，０８年的時候吧。當時我在討論區發現一個克羅地亞球迷，對於一個比自己認識更多的人，自然馬上去認識他，想去學有關克羅地亞的事，沒想到對我自己的人生觀有如此大的改變。從他的討論帖子，到他後來成立的討論區，我都是坐上客，慢慢地學了他的見解，參透了他的看法，但卻又因為太過依賴他，想要在他的身上學東西，慢慢地成為他的影子，固步自封。

不久，這個人從網絡上消失。但我對這個人反而更加了解，每一步的想法動都會先以他的角度想一次再行動。對於他的消失，初時我是感到失去了精神支柱，但幾年過去了，心裡面的那個人反而融合了我的靈魂，多少變成我想法的一部份。

最近，這個人再次在網絡出現。他依舊地做一些造給自己看的東西，剪輯克羅地亞甲組聯賽的片段，而我則是那些東西的額外觀眾。

這幾星期，我都會去看有克羅地亞人的港甲球會比賽，支持他們，原因大概是因為我知道這個狂迷會出現，如果沒有這個人出現的話，大概我是不會去的。

三顧草蘆後，週六的港甲終於讓我遇見到他。和六年前的他相比根本沒多大分別。他第一句跟我說的話是：你一早就應該黎啦。那刻我感到有點嗚咽，也有點慚愧，因為沒有這個人的話大概我真的不會去看。我告訴他：對於克羅地亞球迷，我仲有好多野要跟你學。他的身體語言告訴我：唔撚係囉。

是的，作為一個克羅地亞球迷，其實我已經很足夠。我一直的想去跟他學更多，想去走他走過的路，以致我無法肯定自己作為球迷的本質，肯定自己獨有去愛克羅地亞的方式。

離開球場時候我提到：有時係街度都會見到Ｄ人著克羅地亞波衫，點解呢。他答道：有時候Ｄ人唔係真係咁鍾意，都當自己鍾意架嘛。

這句話令我反思我對克羅地亞的喜愛程度，我是否就如他所言的：唔係咁鳩鍾意，都當自己係呢？或許我真的沒有他那麼愛克羅地亞，愛到連每一個國民甚至罪犯，只要是克羅地亞都去愛的程度。

接著我告訴他：有人想叫我寫Ｄ野，我想寫克羅地亞，但係我驚我唔夠班寫。

他答道：你驚寫比自己睇？

我：寫比自己睇有乜所謂，我係驚寫唔黎，如果係你既話就唔同 ...

他用了一樣既身體語言告訴我：唔撚係囉。

真的，我確實沒察覺到其實我己經是個十分標準的克羅地亞迷，我經常要想去學他，模仿他，想去做更多，變相就因困難而退卻，這亦大概是我六年來半句克羅地亞語也沒去學的原故吧。

從今天起，我會從他的課堂中畢業，去做一個我自己所理想的克羅地亞迷。

真的，我真的很愛克羅地亞，如果我要選擇一個死亡的地點的話，那必然是克羅地亞國土裡的任何一個地方。你可能會問為什麼？喜歡是無法解釋的。

PS. 這篇文章老實跟體育沒有多大的關係，篇幅可能有點長，但作為往後連載的序的話也許不錯。

膠登時報 體 育 版