-
8/18/2019 PASIKA.pdf
1/3
PASIKA (passer) NYAKURI :
===================
ni ijambo rivuga kunyuraho.
Kuko Abayuda bakoreye ku bigaragara, kuri bo Pasika yari
ikimenyetso cyo kuva mu Egiputa
bakajya i Kanaani (Kuva 12 :13-14).Dore uko yakozwe
n’Abisirayeli mu Egiputa :
Bariye umwana
w’intama wa Pasika bawurisha imboga zisharira
Bawuriye
bahagaze,
bakenyeye bafashe inkoni, bumiwe, umuryango wose uri kumwe
Basize amaraso ku nkomanizo no mu ruhamo rw’umuryango.
N.B: Umwana w’intama washushanyaga Kristo wabambwe ari
umusore;
imboga zisharira
zashushanyaga ukubabazwa n’ibyaha ;kuyirya bahagaze bicumbye
inkoni byo bigashushanya kwitegura urugendo
umaramaje; gusiga amaraso ku nkomanizo no ku ruhamo
rw’umuryango, ni ubushobshozi
buterwa no kwizera amaraso ya Kristo. Umuntu wese yari yemerewe
Pasika, uhereye ku bana, kuko
Yesu yacunguye bose.
Bageze i Kanaani :
Batambaga ibitambo bishushanya Kristo
Pasika yamaraga iminsi 7
Bayiryaga bicaye begamiye iburyo
Bafite umukene wo kuboza ibirenge
Bakoreshaga imitsima idasembuwe y’ingano n’ibigori (Yosuwa
5:10)Pasika yakorerwaga i Yerusalemu honyine
Umuryango
wose wayizagamo
=》Pasika mu isezerano rishya :
Yatanzwe na
Yesu mu cyumba cyo hejuru (Luka 22:7-23)
*Yesu yogeje ibirenge
by’intumwa ze kandi abategeka kujya babyozanya (Yohana
13:14)
*Bakoresheje imitsima idasembuwe na
*divayi y’umutobe .
*Muri iryo funguro ryera Yesu ntiyirukanye Yuda
(umugambanyi)
N.B: Umutsima umwe Yesu yamanyaguye n’igikombe kimwe
banywereyeho
byose
byashushanyaga
umubiri we n’amaraso ye nk’isōko imwe yo gukiza abanyabyaha.
-
8/18/2019 PASIKA.pdf
2/3
Pasika yo mu isezerano rya kera ni ryo funguro ryera mu
isezerano rishya,
ni urwibutso rwo gupfa no kuzuka by’Umwami wacu. (Luka 22:19-20)
rigomba gukorwa kugeza ku
mperuka y’isi (1 Abakorinto 11:26).
N.B: Icyumba cyo hejuru,
ni amaso yo kwizera;
koza ibirenge,
ni ukubabarira no gukorera abandi;
imitsima idasembuwe,
ni ukuri no kutaryarya;
kutirukana Yuda bitwigisha kutagira umunyabyaha duheza mu
ifunguro ryera,
kuko Yesu ari we muti n’Umukiza w’abantu bose, ndetse no muri
Pasika y’Abayuda umuntu wabaga
yahumanye ntibyamubuzaga kuyijyamo (Kubara 9:10; 1 Ngoma
30:17).
Nk’uko iminsi 7
yari iyo gukora imyiteguro ya Pasika,
ni ko n’umuntu wese asabwa imyiteguro y’umutima yo kwihana no
kwatura kugira ngo bezwe n’urwo
rwibutso.
Uwihezaga
muri Pasika yacibwaga mu Isirayeli.
Mu isezerano rishya, aho Yesu ari, ni ho abanyabyaha
babyiganira,
aho intumbi iri, ni ho inkongoro ziteranira (Matayo 24:28).
❌ Pasika y’amadini ya gikristo n’ifunguro ryera:
================
Pasika ikorwa ubu mu madini yasigaranye izina gusa,
naho imikorere yayo ni imihimbano.
Kuko ntisa
n’iyakorewe mu Egiputa,
ntihuye
n’iy’Abisirayeli bakoreraga i Kanaani,
nta n’ubwo ihuje n’iyo Yesu yakoreye abigishwa be
akanayidusigira.
Iyi Pasika ngarukamwaka
ikorwa hagati y’itariki ya 21/03 n’iya
18/04 yahimbwe
na Gatolika, ishyirwaho n’inama n’i Nise (Concile de Nicée) mu
wa 325 nyuma ya Kristo.
Iyi pasika igomba kuba ku cyumweru
gusa kandi ikabanzirizwa n’igisibo cy’iminsi 40 (ku
Bagatolika),bakawita umunsi mukuru w’izuka rya Yesu.
Iri funguro
ryera ry’amadini,
bitewe n’uko ari irihimbano, buri dini ririkora uko rishaka
n’uko ribonye.
Bamwe ntibozanya ibirenge
-
8/18/2019 PASIKA.pdf
3/3
Abandi barya umutsima,
igikombe kikaba icy’abakuru
Abandi na o ifunguro ryera ni iry’intungane
.
Abandi bati : ifunguro riba iryera ririwe nijoro
gusa
Abandi ifunguro ryera ritangwa n’ababyerejwe
Amadini amwe atwika ibisigaye mu igaburo ryera
cyangwa akabihamba,
ubundi bikaribwa n’abayobozi.
Pasika nyakuri y’abakristo, tuyibuka mu ifunguro ryera (1
Abakorinto 5:7).
Iyo Pasika ntituyibuka ari uko umwaka ushize.
《yohana 6:53-54
Yesu arababwira ati"Ni ukuri, ni ukuri, ndababwira yuko
nimutarya umubiri w'Umwana w'umuntu,
ntimunywe n'amaraso ye, nta bugingo muba mufite muri mwe.
Urya umubiri wanjye, akanywa amaraso yanjye aba afite ubugingo
buhoraho, nanjye nzamuzura ku
munsi w'imperuka,》
mbifurije kumvira ijambo ry’Imana ahokumvira ibyashyizweho
nabantu mwizina rya yesu.amen
