Prof. Roberto D. Ampil, Ph.D

Laganap na ang paggamit ng Filipino sa pakikipag-usap.Maging sa mga programa sa radyo at telebisyonMay projection na nagsasabing sa taong 2000 at sa susunod pang mga taon humigit-kumulang na 98% ng mga Pilipino ang gagamit na ng Filipino bilang lingua franca.Hindi kataka-taka dahil ang Filipino ay isang wikang de facto i.e lingua franca at ginagamit sa buong bansa, at de jure pa o wikang iniatas ng Konstitusyon ng Pilipinas, Art. XIV, Sek. 6 na siyang maging Wikang Pambansa. (Constantino)

Kabilang sa angkang Malayo-Polinesyo, na naitalang pangalawang pinakamalaking angkan ng mga wika sa buong daigdig (Gleason, 1961).Ang Pilipinas ay isang bansang multinggwal na may humigit-kumulang na 170ng wika. Ayon sa 2000 Phil. Census, ang mga wikang may pinakamalaking bilang ng katutubong tagapagsalita ay:

Tagalog 21.5 millionCebuano 18.5 millionIlocano 7.7 millionHiligaynon 6.9 millionBicol 4.5 millionWaray 3.1 million

Kapampangan 2.3 millionPangasinan 1.5 millionKinaray-a 1.3 millionTausug 1 millionMeranao 1 millionMaguindanao 1 million

Dahil sa nabibilang sa iisang angkan ang mga wika, di nakapagtataka na magkaroon ito ng pagkakatulad.Noong 1962, nagsagawa ng pananaliksik sina David at Healey ng SIL sa Pilipinas. Hinati nila sa tatlong panahon ang malakihang paglaganap ng mga wika sa Pilipinas.Mapapansin sa tsart ang pagkakalapit sa isat isa ng mga wikang Tagalog (Tag.), Kapampangan (Pam.), Bikol (Bik.), at Sebuano (Seb.)Magkalapit naman ang Pangasinense (Pgn.) sa Ilocano (Ilk.) at iba pang wika sa mga lalawigang bulubundukin.