pagkabagabag. Sinulat ni Bob Dylan ang isang kantang Pagtatapos ng Tag-init · 2020. 8. 20. · Pagtatapos ng Tag-init Walang halamang didiligan, Walang hardin na aalagaan, Habang

Titulo I, Bahagi A Pang-estadong Inisyatibo sa Pakikibahagi ng Magulang at Pamilya

Para sa mga may sapat nang gulang para maalala, gumawa ang dekada '60 ng yugtong puno ng pagkabagabag. Sinulat ni Bob Dylan ang isang kantang may pamagat na "The Times They Are A-Changin" (Nagbabago Ang Mga Panahon).Pagkalipas ng 50 taon, iba na ang mga pagsubok – pero pareho pa rin ang awitin. Isang taon ang nakalipas, aktibo kaming nagpaplano para sa Kumperensiya sa Pakikibahagi ng Magulang sa 2019 (2019 Parental Involvement

Conference) sa San Marcos – sa taong ito, sinuspinde ang kumperensiya sa 2020 hanggang sa 2021. Ilang buwan ang nakaraan, nagpaplano ang mga paaralan ng mga prom, graduation, at kaganapan para sa pagtatapos ng taon, na biglang naantala – at ngayon, nagpaplano naman ang mga paaralan para sa isang uri ng karanasan para sa pagbabalik sa paaralan at pag-aaral mula sa malayo. Tulad ng sinabi ni Walt Disney, "Mabilis na nagbabago ang mga panahon at kondisyon kaya dapat mapanatili nating nakatuon ang ating mga layunin sa hinaharap."Ang coronavirus at ang tugon natin dito ay bumuo ng napakalaking pagbabago sa ating mga komunidad, lalo na sa ating mga paaralan. Naalis ang mga mag-aaral mula sa mga pamilyar na kapaligiran at nakasanayang rutina. Nalayo ang mga mag-aaral, at sa ilang sitwasyon ay nawalan ng ugnayan, sa mga guro at kaibigan. Naging tagapagturo ang mga magulang, at naging tagapagsanay sa akademya ang mga guro. Para sa mga pamilya, lubos na nagulo ang pagtatrabaho ng mga diskarte sa pagtatrabaho sa tahanan, pamamahinga mula sa trabaho, at pagkakatanggal sa trabaho. Nagdudulot ng higit na pagkabalisa ang kasalukuyang pagkabagabag ng mamamayan sa ilang komunidad.Sa harap ng pagbabago at minsan ay pagkakaroon ng pakiramdaman ng kaguluhan, paano tayo uusad? Handog ng pilosopo na si Socrates ang matalinong payong ito, "Ang sikreto sa pagbabago ay ituon ang lahat ng iyong lakas hindi sa paglaban sa kung ano ang dati, kung hindi ang pagbuo ng bago."

Hindi na bago ang mga pagpupulong sa ZOOM, isa na itong pangangailangan;

Mga pagbati sa mga nagdiriwang ng kaarawan at ibang espesyal na kaganapan sa pamamagitan ng pagkakaroon ng parada ng mga sasakyan sa harap ng bahay;

Karaniwan na ang pag-pick up sa bangketa; Sa ilan, hindi alternatibo ang pagtatrabaho sa bahay ngunit ito na ang

bagong normal; Ang pagtuturo at pag-aaral mula sa malayo, bagaman may mga kahinaan

ito, ay nakakatulong sa mga mag-aaral at pamilya na manatiling konektado sa kanilang mga paaralan;

Huhusay ang biswal na pagtuturo at magdudulot ng pag-aaral na lalo pang inakma sa indibidwal;

Ang pakikipag-ugnayan ng magulang at pamilya ay lalong nagiging tungkol sa komunikasyon sa isa't isa at mga relasyon ng pagtitiwala.Sa pagsisimula ng bagong taon, kakailanganin ng tapat at kabilaang komunikasyon habang nagtutulungan ang tahanan at ang paaralan para sa tagumpay ng mag-aaral. Paparating na ang pagbabago. Inaasahan ito. Hindi ito mapipigilan. Isa itong oportunidad na nagbubunga ng mga benepisyo. Dapat magkatugmang magtulungan ang mga tagapagturo at mga magulang para magamit ang pagbabago upang maitaas ang tagumpay ng mag-aaral. Maaari mong panghinayangan ang pagbabago o yakapin ito. Maaari kang manabik nang may pag-asa o maaari mong alalahanin ang nakaraan nang may matinding pagkayamot. Ganito ang sabi ni Billy Coz, "Magbabago (para sa mas mabuti) lamang ang buhay kapag naging mas dedikado ka sa iyong mga pangarap kumpara sa iyong komportableng kalagayan."

Pagtatapos ng Tag-init

Walang halamang didiligan,Walang hardin na aalagaan,

Habang unti-untingLumilipas ang tag-init.

Panahon na para magpahingaAt lubos na namnaminAng kagandahan nitong

panahonAt ang mga bunga ng ating

paggawa.Paalam na, tag-init;

Sa pagdating ng taglagas,Ipagdiwang ang araw na ito

Ang Araw ng Paggawa.Ni Nancy Hughes

Skip Forsyth

The Parent and Family Engagement Connection (Ang Koneksiyon ng Pakikilahok ng Magulang at Pamilya)

Tahanan at Paaralan

Bolyum 172020, Ika-1 na Quarter

"Sama-Sama Tayong Makakagawa ng Pagbabago"


2

COVID-19 at ang Proseso ng PagdadalamhatiMarami sa atin ang nagdadalamhati. Nagdadalamhati tayo dahil sa pagkawala ng ating mga kalayaan, inaasahang kinabukasan, at mga buhay ng maraming Amerikano. Natatakot tayo dahil sa ating mga trabaho at ating pinagsasaluhang kinabukasan sa mga paraang hindi dumako sa ating imahinasyon kamakailan lamang. Sa kabila noon, maaaring medyo magkakaiba ang ating mga indibidwal na pagtugon sa mga takot na ito. Gayunpaman, gusto kong imungkahi na sa pamamagitan ng paggamit sa pinagsasaluhan ng lahat na karanasan ng pagdadalamhati, maaaring makakuha tayo ng ilang kaunawaan sa ating indibidwal pati na rin sa ating mga kolektibong reaksiyon.

Binibigyan tayo ni Dr. Elisabeth Kübler-Ross ng klinikal na kaunawaan sa halos unibersal na proseso ng kung paano nagdadalamhati ang mga tao. Pangunahin siyang nagbigay sa atin ng listahan at paliwanag ng limang karaniwang yugto ng pagdadalamhati. Bagaman maaaring magbago ang mga yugtong ito, makakaranas ang karamihan ng pagkakasari-sari ng lahat ng limang yugto.Ang pagtanggi ay ang hindi pagtanggap ng isip at emosyon sa isang bagay na malinaw at kitang-kita.Galit. Nakakapagbigay ng lakas ang pakiramdam ng pagkagalit. Bumabaling tayo sa galit bilang pagsubok na magkaroon ng kontrol sa ating mga takot. Sa halip na tanggapin at harapin ang problema, nagiging mapoot tayo, naninisi tayo ng iba, at nagmamatigas tayo.Nangyayari ang pakikipagtawaran kapag unti-unti nang nawawala ang pagtanggi at nagsisimula ang pagkilala natin sa realidad pero hindi pa tayo handang pakawalan ang ilusyon na mayroon pa rin tayong kontrol. Sa madaling salita, sinusubukan nating kumompromiso para makahanap ng mas madali at hindi masyadong masakit na daan palabas.Nangyayari ang panlulumo kapag ganap nang tumimo ang realidad at wala nang puwang para sa pagtanggi. Mayroong pakiramdam ng kawalan ng pag-asa, isang pakiramdam na wala tayong kontrol at nawala na ang lahat. Kinakaawaan natin ang ating sarili. Pinagsisisihan natin ang katotohanan na hindi gumana ang ating mga pagsubok sa pakikipagtawaran.Nangyayari ang pagtanggap kapag nakikilala natin sa wakas ang mga katotohanan at nagpapasakop tayo sa mga ito, anuman ang mga katotohanang iyon. Kapag naabot na natin ang yugtong ito, matitigilan na natin ang pagtanggi at paglaban sa realidad, at makapagsisimula na tayong humarap sa epektibong paraan sa kung ano ang nangyari at nangyayari.Pagkawala ng Papel sa Buhay. Ang isang huling konsepto na dapat isaalang-alang kapag nagsasalita tungkol sa pagdadalamhati ay ang pagkawala ng papel sa buhay. Ang pagkawala ng papel sa buhay ay hindi lamang basta ang pagkawala ng isang bagay o sinumang malapit sa atin, na talaga namang napakasakit. Ang pagkawala ng papel sa buhay ay hindi lamang ang pangungulila sa isang bagay o tao, nangangahulugan din ito ng pangungulila sa ating relasyon sa bagay o taong iyon.Napakaraming pagkawala ng papel na nangyayari ngayon. Nagdadalamhati tayo dahil sa hindi pagiging nakakatulong na lider sa trabaho, at kawalan ng kakayahang mag-organisa ng pagdiriwang ng kaarawan para sa kasamahan sa trabaho nang may handang biskwit na gusto ng lahat. Nagdadalamhati tayo dahil sa ating mga papel – ating mga rutina, ating paglalakbay, at higit sa lahat, ating karaniwang pakikisalamuha sa mga taong kasama natin sa paglalakbay. Napakahirap ng lahat.Ang mahalaga ay bigyan ang iyong sarili ng ilang panahon para harapin ang mga emosyong ito ayon sa sarili mong bilis. Kailangan ng panahon para kilalanin ang pagkawalang ito sa iyong buhay, ngunit lalo itong totoo kapag nagulo ang iyong mga normal na pang-araw-araw na rutina. Ang magandang balita ay kadalasang nagpapakita ng katatagan ang mga tao sa panahon ng pagdadalamhati. Kapag lumipas na ang pangunahing krisis, karaniwang naaabot ng mga tao ang pagtanggap kung saan nakakaayon sila at nakakahanap ng mga paraan para makayanan ang kanilang pagkawala.

covid-19-and-the-grief-process ni Robert Weiss, Ph.D., MSW

1. Pagtanggi2. Galit3. Pakikipagtawaran4. Panlulumo5. Pagtanggap

PAGDADALAMHATI

PAGTANGGAP

PAKIKIPAGTAWARAN

PANLULUMO

PAGTANGGI

GALIT

Para Sa Mga Magulang: Mga Makabuluhang Tanong Na Dapat Ninyong Tanungin Sa Guro Ng Inyong AnakNi Terry Heick

Ang nilalaman ukol sa pagbabalik sa paaralan ay karaniwang nakatuon sa mga guro at mag-aaral at dahil ang dalawang grupong ito ang magkakaroon ng pinakamaraming trabaho sa hinaharap, makatuwiran lamang ito. Pero para sa mga mag-aaral, ang sistema ng suporta na higit sa lahat ay hindi ang isang dalubhasang guro, ngunit ang isang may kabatiran at sumusuportang pamilya.

Makikita sa ibaba ang ilang tanong para lalong linawin kung ano ang nangyayari sa silid-aralan, at pagkatapos ay makakatulong ang mga ito sa iyo na magpasiya sa mga uri ng pagkilos na magagawa mo sa tahanan para tunay na masuportahan ang pagkatuto ng iyong anak.

MGA TANONG NA (MALAMANG NA) IKAGAGALAK NA SAGUTIN NG GURO NG IYONG ANAK 1. �Paano�ka�tumutugon�kapag�nahihirapan�ang�isang�bata�sa�klase?2. �Ano�ang�mga�pinakamahalagang�ideya�(na�nauugnay�sa�nilalaman)�

na�kailangang�maunawaan�ng�aking�anak�sa�pagtatapos�ng�taon?3. �Paano�ginagamit�ang�pagkamalikhain�at�makabagong�pag-iisip�sa�

pang-araw-araw�sa�iyong�silid-aralan?4.�Paano�hinihikayat�ang�kritikal�na�pag-iisip�sa�iyong�silid-aralan?5. �Ano�ang�magagawa�ko�para�suportahan�ang�kasanayan�sa�pagbasa�

at�pagsulat�sa�aking�tahanan?6. �Anong�uri�ng�mga�tanong�tungkol�sa�iyong�klase�ang�

iminumungkahi mong tanungin ko sa aking mga anak sa pang-araw-araw?

7. �Sa�partikular,�paano�inaakma�sa�indibidwal�ang�pagkatuto�sa�iyong�silid-aralan?

8.�Paano�mo�sinusukat�ang�akademikong�progreso?9. �Ano�ang�mga�pinakakaraniwang�diskarte�sa�pagtuturo�o�pagbasa�at�

pagsulat�na�gagamitin�mo�sa�taong�ito?10. �Ano�ang�mga�pinakamainam�na�sanggunian�na�dapat�naming�

isaalang-alang na gamitin bilang isang pamilya para suportahan ang�aming�anak�sa�silid-aralan?

11. �Mayroon�ka�bang�mairerekomendang�teknolohiya�na�makakatulong na suportahan ang aking anak para sa pag-aaral na sarili�niyang�mapapangasiwaan?

Mga hinalaw mula sa: Para Sa Mga Magulang: Mga Makabuluhang Tanong Na Dapat Ninyong Tanungin Sa Guro Ng Inyong AnakMga hinalaw mula sa: Para Sa Mga Magulang: Mga Makabuluhang Tanong Na Dapat Ninyong Tanungin Sa Guro Ng Inyong Anak


3

MGA PAALALA SA KALIGTASAN SA INTERNET SA PANAHON NG MGA PAGSASARA NG PAARALAN

Sa napakaraming pagsasara ng paaralan sa gitna ng krisis ng COVID-19, nakakakita tayo ng maraming kompanyang nagsisimulang kumilos at nag-aalok ng mga libreng online na mapagkukunan para sa pag-aaral para sa mga pamilya.Bago ang COVID-19, protektado ang mga bata sa paaralan ng mga sistemang nagsasala o nagbabawal ng access sa online na nilalaman gaya ng pornograpiya, mga virus, at hindi naaantabayanang social media. Gumagamit ang mga paaralan ng mga filter at blacklist (mga listahan ng mga website o ibang mga sangguniang hindi pinapahintulutan) na ginagamit sa mga device sa paaralan o sa pamamagitan ng koneksiyon sa internet sa paaralan. Nais naming paalalahanan ang lahat na sa higit na oras ng paggamit ng device, higit din ang responsibilidad ng mga magulang na suriin ang mga device na iyon! Dahil maraming magulang ang gumagamit ng online na kurikulum at mga app para sa pag-aaral, narito ang ilang paalala sa kung paano panatilihing ligtas ang mga bata mula sa masasamang taong nananamantala ng mga bata kapag nakakonekta sa internet.

1. Subukang huwag payagan ang mga bata na dalhin ang kanilang mga telepono, laptop, o tablet sa kanilang kuwarto. Nagbibigay ang koneksiyon sa internet ng access sa iyong anak sa mga nilalaman na para sa matatanda at nagpapahintulot sa iba na makipag-ugnayan sa iyong anak sa pamamagitan ng mga chat sa video game, app sa social media, at chat room. Kapag may ginagawa o naglalaro ang iyong mga anak, tiyaking malapit sila sa iyo. Kung nagtatrabaho ka, bigyan ng headphones ang iyong anak o magsuot ka nito.

2. Palaging suriin araw-araw ang mga device, search history, mga post, mga email, mga text, at mga direktang mensahe sa social media ng iyong mga anak. Kung masyado itong matrabaho at walang oras ang mga magulang, limitahan ang mga app na mayroon ang iyong anak para iyong mapamahalaan.

3. Kausapin ang iyong mga anak tungkol sa kaligtasan sa internet at masasamang taong nananamantala online, at ipaalam sa kanila na hindi lamang ito babala na potensiyal na mapanganib ang isang hindi kilalang tao.

4. Tiyakin na palaging naka-private ang mga account sa social media at i-off ang tracking o pagsubaybay ng lokasyon. Dagdag dito, sa iPhone, tiyaking i-set ang iyong camera para HINDI KAILANMAN pahintulutang makita ang lokasyon ng iyong anak. Para gawin ito, pumunta sa Mga Setting>Privacy>Mga Serbisyo sa Lokasyon (ON)>I-set ang camera sa HINDI KAILANMAN (NEVER).

5. Huwag ma-guilty sa oras ng paggamit ng device pero TIYAKIN na binibigyan mo ito ng atensiyon. Maging alisto sa mga palatandaan na maaaring target ng masasamang tao ang iyong anak.

6. Huwag kalimutang maglibang kasama ang iyong mga anak at matuto kung paano laruin ang ilan sa kanilang mga paboritong laro kasama sila. Kapag nagpapakita ka ng interes, magiging bukas ang iyong mga anak sa iyo at mas magiging handa silang magbahagi!

Alam naming napakahirap ng panahong ito para sa ating lahat, pero nagsisikap tayo para gawing ligtas ang lahat ng bata.https://childrescuecoalition.org/educations/9-internet-safetyreminders-during-school-closures/

COUNTDOWN SA TAGUMPAY SA PAARALANAng simula ng klase ang pinakakapana-panabik na panahon sa taon para sa mga mag-aaral!Gusto nilang makita ang kanilang mga guro, makipagkuwentuhan sa kanilang mga kaibigan, at simulang tuklasin ang bagong mundo ng kaalaman. Bagaman sobrang nakakasabik ang mga unang linggo ng klase, hindi ito magagawa ng iyong mga anak nang mag-isa lamang. Kailangan nila ang tulong mo para maghanda—ngayon at araw-araw. Kailangan mong magbasa nang malakas sa maliliit na bata para pagtibayin ang kahalagahan ng pagbasa at pagsulat. Kailangan mong maging handa na tulungan sila kapag nahihirapan sila sa takdang-aralin. Kailangan mong bumuo ng mga ugnayan sa kanilang mga guro para magtulungan kayong lahat para mabigay sa iyong mga anak ang pinakamainam na karanasan sa pag-aaral hangga't maaari. Ang pagtulong sa iyong mga anak sa paaralan ang isa sa pinakamahalagang tungkulin mo bilang isang magulang. Kaya nagsanib-puwersa ang U.S. Department of Education, National PTA, at Parenting para ihatid sa iyo ang Countdown sa Tagumpay sa Paaralan (Countdown to School Success). Ang booklet na ito ay gumagabay sa iyo sa karaniwang kalendaryo ng paaralan, nagpapaliwanag kung paano mo matutulungan ang iyong mga anak sa tahanan at masusuportahan sa silid-aralan, at matutulungan ang kanilang mga guro habang tinutugunan nila ang bawat isa sa natatanging kakayahan ng iyong mga anak. Sana ay magalak ang iyong buong pamilya sa pagsunod sa planong ito patungo sa paparating na kapana-panabik na taon.

1. Makipag-ugnayan sa mga guro ng iyong mga anak. Dumalo sa mga gabi ng pakikipagkilala sa guro, oryentasyon, o iba pang mga kaganapan para sa malugod na pagtanggap, pero huwag tumigil doon. Tiyaking ipakilala ang iyong sarili at alamin ang tungkol sa mga aktibidad ng klase at mga inaasahan para sa taon. Alamin kung alin ang mas pinipiling paraan ng guro para makipag-ugnayan. Maraming gumagamit ng e-mail bilang pangunahing paraan ng pakikipag-ugnayan, pero karaniwang tinatanggap din ang mga tawag sa telepono at kumperensiya (gumawa muna ng appointment). Para sa higit pang payo sa pagbuo ng ugnayan ng magulang at guro na magtatagal sa buong taon, pati na rin ang mga link sa lahat ng website na tinatampok sa gabay na ito, pumunta sa parenting.com/success.

2. Magsimulang kumilos. Itaguyod ang malulusog na rutina sa tahanan para sa mga araw ng pag-aaral, gaya ng hindi pabago-bagong oras ng paggising at mga kaugalian sa paghahanda. Pagpasiyahan ang regular na oras ng paggawa ng takdang-aralin, at gumawa ng komportable at tahimik na espasyo para sa pagtatrabaho. Magtakda ng mga oras ng pagtulog na nagbibigay-daan para magkaroon ng 10 hanggang 12 oras ng tulog ang mga batang nasa pang-elementaryang edad; dapat magkaroon ng 8½ hanggang 9½ oras ng tulog ang mga tinedyer.

3. Iayon sa tamang oras ang mga bagay. Manatiling may-alam tungkol sa iskedyul ng pag-aaral, aktibidad, at trabaho ng lahat gamit ang libreng kalendaryo online o smartphone app.

4. Tumuon sa pagboboluntaryo. Sa pamamagitan ng tulong mula sa mga magulang tulad mo, makakapag-alok ang iyong paaralan ng marami pang programa at serbisyo para sa iyong mga anak. Lumahok sa PTO ng iyong paaralan at magtanong tungkol sa mga oportunidad sa pagboboluntaryo sa komunidad ng paaralan at sa mga silid-aralan ng iyong mga anak.

Para sa buong artikulo, pumunta sa: https://www.ed.gov/parents/countdown-success


4

Magtakda ng mga oras kung kailan alam mong mayroon kang nakatalagang 1-on-1 na oras sa iyong anak lalo na kung nagtatrabaho ka mula sa tahanan. Maaari itong maging oras para magbasa nang magkasama, mga oras ng pahinga sa araw, at malinaw na oras ng pananghalian para kumustahin ang kanilang araw. Ang pag-alam na mayroon kang nakatalagang oras na magkasama ay makakatulong sa iyo na panatilihin ang mga limitasyon sa ibang oras. Ngunit tandaan na kapag mayroon kang mga anak, magkakaroon ng mga sandaling maiistorbo ka. Maging malinaw at espesipiko sa pinakamainam na paraan para maantala. Maaaring maging kasingsimple ang mga ideya gaya ng paghiling na kumatok sa pinto o kaya naman ay may usapan na kapag ikaw ay nasa telepono.

Alamin kung kailan pinakaalerto ang pisikal na katawan at pag-iisip ng iyong anak. Ito ang pinakamainam na oras para kanilang pagtuunan ang mga paksang nahihirapan sila o ang mga paksang nangangailangan ng higit pang pokus ng pag-iisip gaya ng matematika o pagsusulat.

Magkaroon ng mga oras ng pahinga. Mag-iskedyul ng oras sa araw ng pag-aaral para sa ehersisyo, pananghalian, mga meryenda, at mga pahingang naaayon sa edad.

Bumuo ng oras para sa pagkamalikhain. Maglaan ng oras para sa musika, sining, at iba pang malikhaing paksa. Maaaring kasama rito ang oras para sa iyong anak para mag-ensayo ng isang instrumento, gumuhit, magpinta, sumubok na umarte, o pahusayin ang ibang mga kasanayan gaya ng pagluluto, kung mapapangasiwaan mo ito. Sanayin ang maliliit na bata na magbilang sa pamamagitan ng pagpapatong-patong ng mga bloke o paggawa ng bahay-bahayan gamit ang mga kumot.

Tulungan ang iyong anak na manatiling konektado sa mga kaibigan at pamilya. Makipagtulungan sa paaralan ng iyong anak, mga magulang ng kaniyang mga kaibigan, at iba pa para tulungan siyang maging konektado sa isa't isa. Mabuting paraan para sanayin ang pagsusulat ng iyong anak ang pagpapasulat sa kaniya ng mga liham para sa mga taong mahalaga para sa kaniya.

Huwag mag-atubiling makipag-ugnayan sa mga guro ng iyong anak para sa mga tip at payo sa pagtuturo habang sinusuportahan mo ang iyong anak sa tahanan. Tiyaking makipag-ugnayan sa mga guro o paaralan ng iyong anak para lutasin ang mga isyu na maaaring magkaroon sa teknolohiya, mga takdang-aralin, at higit pa.

Subukan ang Mga Tip at Mapagkukunan sa Pag-aaral sa Tahanan na Ito

Mga Tip at Mapagkukunan sa Pag-aaral sa TahananMaraming paaralan sa buong estado ng Texas ang maaaring magsimula ng taong pampaaralan sa pamamagitan ng pagbabalik sa virtual na pag-aaral. Narito ang ilang tip at mapagkukunan na magagamit mo para tulungan ang iyong anak na matuto sa tahanan.

Subukang gawing parang kapaligiran ng pag-aaral sa silid-aralan ang pag-aaral

sa tahanan Magtatag ng rutina para sa pag-aaral sa tahanan. Itakda at sundin

ang iskedyul mula Lunes hanggang Biyernes para sa pagsisimula at pagtatapos ng araw ng pag-aaral at pagtulog. Nakikinabang sa pagkakaroon ng estruktura ang lahat ng bata, kahit pa sinusubukan nila itong tutulan.

Isaalang-alang ang edad ng iyong anak. Ang paglipat sa pag-aaral na nakabase sa tahanan ay magiging ibang-iba para sa mag-aaral sa preschool kumpara sa mag-aaral sa gitnang paaralan o high school. Talakayin ang iyong mga inaasahan sa pag-aaral sa tahanan at talakayin ang anumang alalahanin para magkasundo kayo sa anuman ang gustong mapagtagumpayan. Maaari mo ring pag-isipang isulat ang ilang tuntunin ng silid-aralan.

Panatilihing simple ang mga bagay at magtakda ng layunin na ilang oras ng pag-aaral sa bawat araw. Pabasahin ang iyong anak nang isang oras sa isang araw, at pagkatapos ay pasagutin ng pagsasanay sa matematika sa loob ng humigit-kumulang 30 minuto, at panghuli ay magdagdag ng ilang aralin sa agham at araling panlipunan. Tandaan na ang gawain sa pag-aaral na ito ay hindi kailangang gawin sa isang upuan lamang. Puwede itong hati-hatiin sa mas maiiksing haba ng oras.


5

8 tip para tulungan ang iyong anak na bumalik sa paaralanSa susunod na mga linggo, babalik sa paaralan ang mga bata sa buong estado ng Texas. Malaki ang pagkakataong iba ang magiging hitsura at pakiramdam ng taong pampaaralan na ito para sa lahat. Ang paglipat mula sa pagka-quarantine patungo sa pagkakaroon ng mga bagong rutina sa paaralan, silid-aralan, kaklase, guro, tuntunin sa paaralan, at, sa ilang sitwasyon ay bagong paaralan mismo, ay maaaring nagdudulot sa kanila ng pagkabagabag. Para gawing mas madali ang

transisyon nila, narito ang 8 tip para tulungan ang iyong anak na bumalik sa silid-aralan.

1. Suriin ang kalagayan ng kanilang emosyon.Hikayatin ang iyong anak na talakayin ang kaniyang nararamdaman tungkol sa pagbabalik sa paaralan. Maaaring mangailangan ito ng hindi madaling pag-uusap tungkol sa pandemya at pagtutuon sa mga hakbang para sa kaligtasan ng kaniyang paaralan. Ipaalam sa kaniya na talagang normal lamang kung nakakaramdam siya ng pagkabalisa o pagkabahala at na andiyan ka at ang kaniyang mga guro para suportahan siya. Subukang humanap ng mga malikhain at natural na paraan para simulan ang pag-uusap nang hindi nagbibigay ng pasanin sa kaniya – halimbawa, habang nakikipaglaro ka sa kaniya o habang naglalakad-lakad. Panghuli, iwasang ibahagi ang anumang pagkabagabag na mayroon ka para hindi bumuo ng mga bagong takot sa kaniya.

2 Tiyaking nauunawan niya ang mga tuntunin.Malapit nang ipaliwanag ng iyong paaralan ang mga bagong prosesong inilagay para sa muling pagbubukas – gaya ng mga tuntunin sa paglayo sa�kapwa�(social�distancing).�Ipaliwanag�ang�mga�tuntunin�sa�paglayo�sa kapwa at kalinisan ng paaralan at kung bakit mayroon ng mga iyon. Maaari itong mangahulugan ng pananatiling may distansiya mula sa mga kaibigan sa buong araw ng kanilang pag-aaral. Maaaring mahirap itong tanggapin, ngunit mahalagang maunawaan nila na para ito sa kaligtasan ng lahat.

3. Tiyaking alam mo rin ang iyong bahagi.Mahalaga para sa iyo – at iyong anak – na malaman kung saan at kailan siya ihahatid at susunduin, pati na rin ang mga bahagi ng paaralan na maaari mong i-access. Nagagalak na aasahan ka ng iyong anak sa pagtatapos ng araw, kaya tiyakin na ikaw, o sino man na magsusundo sa kaniya, ay nasa tamang lugar sa tamang oras. Sa oras na makuha mo ang impormasyon mula sa kaniyang paaralan, mabuting ideya na magpraktis bago muling magsimula ang pag-aaral.

4. Mag-impake nang tama at magaan.Alamin kung ano ang dapat at hindi dapat dalhin ng iyong anak sa paaralan. Tingnan kung ano ang kailangan niya sa bawat umaga, para gawing mas madali ang araw ng iyong anak. Maraming paaralan ang magtatanggal ng mga locker sa taong ito. Huwag magdala ng dagdag o hindi kailangang gamit. Malamang na magbubuhat ng punong backpack ang iyong anak, at maaaring kailangan niyang magsuot ng mask sa buong araw na maaaring mas magpapagod sa kaniya.

5. Maging Matalino sa Pag-iimpakeTiyaking hindi hihigit sa 10 hanggang 20 porsiyento ng timbang ng iyong anak ang kaniyang backpack.

6. Bigyan siya ng panahon para magpahinga.Para sa maraming bata, maaaring nakakapagod at nakaka-stress ang araw ng pag-aaral. Maaari itong magdulot ng mga bugso ng damdamin sa huling bahagi ng araw. Dahil sa haba ng quarantine at sa mga bagong tuntunin sa kaligtasan ng paaralan, maaaring mahirap harapin ang mga emosyong ito kapag bumalik na siya sa paaralan. Hayaan siyang magpalamig ng ulo sa malusog na paraan. Iwasang pilitin ang iyong anak na agad simulan ang kaniyang takdang-aralin pagkauwi niya mula sa paaralan maliban na lamang kung talagang kailangan. Bigyan siya ng oras para magpahinga bago niya kailangang muling ituon at gawing aktibo ang kaniyang utak para sa takdang-aralin.

7. Subaybayan ang mga damdamin ng iyong anak.Dahil sa mga tuntunin sa paglayo sa kapwa, maaaring sabihan ang iyong mga anak na gumawa ng takdang-aralin sa ibang paraan. Maaari itong magdulot ng mga bagong pagsubok sa iyong anak, mula sa paggawa ng mga gawain kasama ang mga bagong kaklase at guro, hanggang sa pagharap sa mga bagong paraan ng paggawa ng kaniyang takdang-aralin. Subukang manatiling may-alam tungkol sa kung paano nag-a-adjust at humaharap ang iyong anak, at kung nababahala ka, makipag-ugnayan sa kaniyang mga guro.

8. Panghuli, magpahinga!!! Maaaring nasanay na ang iyong pamilya sa mga hindi karaniwang oras sa quarantine. Siguraduhing bumabalik ka at ang iyong mga anak sa normal na oras ng pagtulog at nakakatulog kayo nang mahimbing. Simulan ang bagong kaugalian sa pagtulog na ito nang hindi bababa sa isang linggo bago bumalik sa paaralan ang iyong mga anak. Makakatulong ang mabuting tulog para makabalik sila sa paaralan at makakatulong din ito na masuportahan mo sila.

Hinango mula sa: Pagbabalik sa paaralan pagkatapos ng lockdown

Mga Mabuting Asal Hindi Kilalang May-akda

Nagsasabi tayo ng "Salamat." Humihingi tayo ng "Pakiusap."

Hindi tayo nanggugulo o nang-aasar.

Hindi tayo nakikipagtalo. Hindi tayo nagmamaktol.

Makinig kapag may kumakausap sa atin.Nagbabahagi tayo ng mga bagay at nagbibigayan.

Napakadaling matutuhan ang mabuting asal.

PAGBABALIK MALIGAYANG

PAARALANSA


6

Ano ang kumperensiya ng magulang at guro?Ang�kumperensiya�ng�magulang�at�guro�(parent-teacher�conference)�ay isang pagpupulong sa pagitan mo at ng guro ng iyong anak para pag-usapan ang progreso ng iyong anak sa paaralan. Ginaganap ang mga kumperensiya ng magulang at guro sa elementarya, gitnang paaralan, at high school. Maaaring ganapin ang pagpupulong na ito bilang bahagi ng mga regular na nakaiskedyul na kumperensiya na isinasagawa ng paaralan bawat taon, o maaaring makipag-ugnayan sa iyo ang guro ng iyong anak para mag-iskedyul ng pagpupulong sa ibang oras sa taong pampaaralan.Maaari ka ring humiling ng kumperensiya sa guro ng iyong anak kung mayroon kang mga tanong o alalahanin tungkol sa iyong anak sa pamamagitan ng pakikipag-ugnayan sa guro para mag-iskedyul ng pagpupulong.

Paano ko malalaman kung kailan ako pupunta sa kumperensiya?Karaniwan, makikipag-ugnayan ang guro ng iyong anak sa iyo para mag-iskedyul ng oras ng pagpupulong, Kung nagtatrabaho ka sa umaga at makakapunta ka lamang sa mga kumperensiya pagkatapos ng oras ng trabaho, tiyaking ipaalam sa guro ng iyong anak para makapag-iskedyul kayo ng oras ng pagpupulong na maginhawa para sa inyo.Paano kung hindi ako nagsasalita ng Ingles?Kung hindi ka komportableng magsalita sa guro ng iyong anak gamit ang Ingles, may karapatan kang humiling na dumalo sa kumperensiya ang isang interpreter o tagasalin, o magdala ng interpreter na mapagkakatiwalaan mo. Kung hihiling ka ng interpreter mula sa paaralan, gawin ang kahilingan nang hindi bababa sa 24 na oras bago ang kumperensiya. Maaaring may bilingguwal na magulang na tagapag-ugnay ang paaralan ng iyong anak na makakatulong sa iyo na makahanap ng interpreter. Mahalagang humanap ng paraan para malagpasan ang hadlang sa wika para makausap ang guro ng iyong anak.

Bago ang kumperensiya �Tanungin�ang�iyong�anak�kung�ano�ang�nararamdaman�niya�tungkol�sa�pag-

aaral. �Tanungin�ang�iyong�anak�kung�mayroon�siyang�gustong�pag-usapan�ninyo�ng�

kaniyang guro. �Sabihin�sa�iyong�anak�na�magpupulong�ka�at�ang�guro�para�tulungan�siya. �Gumawa�ng�listahan�ng�mga�paksang�gusto�mong�pag-usapan�kasama�ang�

guro. �Maghanda�ng�listahan�ng�mga�tanong�gaya�ng:

1. Sa aling mga paksa pinakamalakas at pinakamahina ang aking anak?2. Pinapasa ba ng aking anak ang takdang-aralin sa oras?3. Nakikilahok ba sa klase ang aking anak?4. Mukha bang masaya sa paaralan ang aking anak?5. Ano ang magagawa ko sa bahay para makatulong?

Sa oras ng kumperensiya �Dumating�nang�nasa�oras�(o�maaga)�para�sa�pagpupulong. �Tapusin�sa�oras�ang�pagpupulong.�Maaaring�may�kumperensiya�ang�ibang�

magulang pagkatapos mo. �Mag-relaks�at�magpakatotoo. �Manatiling�kalmado�sa�oras�ng�kumperensiya. �Tanungin�muna�ang�mga�pinakamahalagang�tanong. �Kung�tumatanggap�ng�mga�espesyal�na�serbisyo�ang�iyong�anak�gaya�ng�mga�

klase sa Ingles, tanungin ang progreso ng iyong anak sa mga klaseng iyon. �Humiling�ng�paliwanag�tungkol�sa�anumang�bagay�na�hindi�mo�naiintindihan. �Tanungin�sa�guro�ng�iyong�anak�ang�mga�paraan�kung�paano�mo�

matutulungan ang iyong anak sa paaralan. �Pasalamatan�ang�guro.

Pagkatapos ng kumperensiya �Pag-usapan�ang�tungkol�sa�kumperensiya�kasama�ang�iyong�anak. �Pag-usapan�ang�mga�positibong�punto�at�maging�direkta�tungkol�sa�mga�

problema. �Sabihin�sa�iyong�anak�ang�tungkol�sa�anumang�planong�ginawa�mo�at�ng�

guro. �Manatiling�nakikipag-ugnayan�sa�guro�sa�buong�taong�pampaaralan.

Tingnan ang buong artikulo sa:

https://www.colorincolorado.org/article/tips-successful-parent-teacher -conferences-your-childs-school

Listahan para sa Kumperensiya ng Magulang at Guro

© 2020. Texas Education Agency. Nakalaan ang lahat ng karapatan.

The Parent and Family Engagement Connection (Ang Koneksiyon ng Pakikilahok ng Magulang at Pamilya)

Tahanan at Paaralan"Sama-Sama Tayong Makakagawa ng Pagbabago"

Ang�Parent�and�Family�Engagement�Connection�(Koneksiyon�ng�Pakikilahok�ng�Magulang�at�Pamilya)�ay naka-post sa aming website apat na beses sa isang taon para sa mga magulang at nagtuturo sa Texas. Available ang newsletter na ito sa Espanyol, Vietnamese, German, Tagalog at Korean.

PATNUGOTTerri Stafford, Coordinator

Pang-estadong Inisyatibo sa Pakikibahagi ng Magulang at Pamilya

[email protected]

ADMINISTRASYONRay Cogburn, Punong Tagapagpaganap

Region 16 Education Service Center5800 Bell Street - Amarillo, Texas 79109

Telepono: (806) 677-5000 Fax: (806) 677-5167www.esc16.net

Cory Green, Associate CommissionerKagawaran ng mga Kontrata,

Mga Gawad at Pampinansiyal na AdministrasyonTexas Education Agency

1701 N. Congress Avenue - Austin, Texas 78701Telepono: (512) 463-9734

www.tea.texas.gov

Documents

pagkabagabag. Sinulat ni Bob Dylan ang isang kantang Pagtatapos ng Tag-init · 2020. 8. 20. · Pagtatapos ng Tag-init Walang halamang didiligan, Walang hardin na aalagaan, Habang