Upload
ghaxaqprimary-ghaxaqprimary
View
231
Download
3
Embed Size (px)
DESCRIPTION
School's newsletter for October 2012
Citation preview
Dati importanti biex tingħaqdu magħna Awguri għas-sena skolastika l-ġdida
16 Ottubru 2012 Bidu tal-kors għall-ġenituri mis-Sedqa fid-9am
19.10.12 Qari ma’ Natalie Portelli fil-Kinder 1 & 2, Years 1 u 2 Ġenitur wieħed għal kull student/a hu mistieden jattendi.
22.10.12 It-tfal tal-Year 3 flimkien ma’ ġenitur wieħed għandhom ħarġa edukattiva fil-Home Economics Centre.
23.10.12 Ikompli l-kors għall-ġenituri mis-Sedqa fid-9am
25.10.12 Laqgħa għall-ġenituri kollha dwar Internet Safety fid-9am
30.10.12 Ikompli l-kors għall-ġenituri mis-Sedqa fid-9am
01.11.12—02.11.12 Vaganzi tal–Mid-term
05 Novembru 2012
Laqgħa għall-ġenituri tal-Kinder 1 & 2 u Year 4 minn CSS (Child Safety Services) fid-9am; It-tfal kollha jispiċċaw f’nofsinhar għaliex l-għalliema għandhom laqgħa; jintbagħtu l-istudent progress cards
06.11.12 Ikompli l-kors għall-ġenituri mis-Sedqa fid-9am
07.11.12 08:45—13:00—Coffee Morning, Cerviola Hotel, M’Scala (Biljetti mgħand il-Ġenituri tal-Kunsill)
07.11.12—09.11.12 Fiera tal-Pjanti fl-Iskola miftuħa għall-qraba tal-istudenti
09.11.12 Ċelebrazzjoni ta’ San Martin fl-Iskola tagħna
09.11.12
PARENTS’ AFTERNOON bejn in-12:30 u s-14:30—it-tfal kollha jispiċċaw f’nofsinhar. Il-ġenituri mitluba jġibu lura magħhom l-iStudent Progress Cards. Laqgħa għall-ġenituri tas-6 sena mis-Sedqa mill-5pm sat-8pm
13.11.12 Ikompli l-kors għall-ġenituri mis-Sedqa fid-9am
15.11.12 Bidu tal-kors Let me Learn għall-ġenituri tal-Year 2 u 3 fid-9am
27.11.12 Ħarġa kulturali għall-ġenituri organizzata mill-kumitat tal-ġenituri tal-Kulleġġ San Benedittu fiż-Żebbiegħ u l-Baħrija
28.11.12 Laqgħa għall-ġenituri “L-effetti tal-firda” fid-9am
20 Diċembru 2012 Il-kunċert tal-Milied 2012 għall-ġenituri u qraba tal-istudenti
Aħna għandna għal qalbna d-dehra tal-iskola tagħna. Das-Sajf bdejna nagħtu dehra ġdida lill-bibien tal-klassijiet kollha. L-għalliema kollha rranġaw il-klassijiet tagħhom bl-aqwa mod possibbli. Intom ukoll tistgħu tgħinu. Jekk għandkom xi ġugarelli, kotba jew kostumi li għadhom f’kundizzjoni tajba u m’għandkomx aktar użu għalikom tistgħu tagħtuhom bħala donazzjoni lill-iskola. Aħna naċċertawkom li qed nagħmlu użu siewi minn kull donazzjoni ta’ affarijiet li nirċievu mingħandkom. Uliedkom stess żgur li jiġu d-dar jirrakkontawlkom kemm għandhom affarijiet sbieħ fil-klassi u fl-iskola in ġenerali. Nirringrazzjawkom ukoll tal-appoġġ li sibna fikom fil-ġbir ta’ tappijiet tal-plastik. Fadal l-aħħar ftit ġimgħat cans li ġġibu dawn it-tappijiet l-iskola. Grazzi tas-sapport. Il-kumpannija GreenPak se tagħti donazzjoni fi flus lill-Istrina 2012 għal kull kilo tappijiet tal-plastik li se tiġbor mill-iskejjel lokali. Nifirħu mill-ġdid lill-istudenti kollha tagħna li s-sena li għaddiet kienu fir-raba’, l-ħames u s-sitt klassi tar-riżultati sbieħ li kisbu. Kif rajna fil-preżentazzjoni tal-bidu tas-sena, il-medja tal-iskola tagħna taqbeż fis-suġġetti kollha l-medja tal-Kulleġġ u l-medja Nazzjonali. Dan jawgura tajjeb imma jfakkarna wkoll li biex nilħqu u naqbżu dawn il-miri rridu nkomplu naħdmu bir-reqqa bħal ma dejjem għamilna. Il-lezzjonijiet tax-Xjenza u l-użu tal-IT huma żewġ oqsma li qed niffukkaw sew fuqhom ukoll f’din is-sena skolastika. L-istudenti wrew interess kbir f’dawn iż-żewġ oqsma u aħna qed ngħinuhom jiżviluppaw il-ħiliet tagħhom fihom ukoll. Infakkrukom li l-ġranet tat-Tlieta u l-Ħamis għadhom iddedikati għalikom il-ġenituri li tkunu tixtiequ tkellmu lill-amministrazzjoni tal-iskola. Inħeġġukom tagħmlu appuntament mal-iskrivan tal-iskola b’hekk inżommu mal-ħin. Intennulkom il-motto tal-iskola tagħna: dak li nibqgħu pożittivi fil-ħsieb, fil-ħidma u fl-għemil. B’hekk biss nistgħu nserrħu rasna li qed inkunu ta’ ġid għall-istudenti tagħna. Rwol il-ġenituri jibqa’ importanti għalina għax b’hekk biss nistgħu nserrħu rasna li dak li qed nibnu l-iskola qed ikompli jissaħħaħ id-dar ukoll. Nagħlqu l-messaġġ tagħna għal dan ix-xahar billi nistiednu lil dawk li għandhom it-talent li joħolqu presepji biex jitkellmu ma’ xi ħadd minnha t-tlieta b’hekk nagħmlu lezzjonijiet ta’ krafts mat-tfal dwar il-bini ta’ presepju sempliċi għal żmien il-Milied. Filwaqt li kumpanniji li lesti jagħtu daqqa t’id għall-borża ta’ San Martin jistgħu jkellmuna wkoll ħalli nimlew il-boroż tat-tfal kollha tal-iskola!
Mr D Grech Ms E Vassallo Mr S Sammut
Attivitajiet fuq l-Internet
Is-sit uffiċċjali tal-iskola tagħna:
www.ghaxaqprimary.wordpress.com
Nieħdu l-okkażjoni biex infakkrukom fis-sit uffiċċjali tal-iskola tagħna.
Issa tistgħu ssibu wkoll il-kalendarju bl-attivitajiet kollha għall-ewwel term, b’hekk tkunu tistgħu tibbukkjaw il-leave tagħkom biex tipparteċipaw
magħna. Is-sit qed ikun aġġornat ta’ sikwit b’attivitajiet u informazzjoni relatata mal-ħajja tal-iskola tagħna. Fil-ġenb issibu wkoll għadd ta’ links
edukattivi fejn it-tfal jitgħallmu permezz ta’ logħob interattiv. S’issa qbiżna l-11-il elf hit fuq dil-paġna. Grazzi tal-interess.
St Benedict College Ħal Għaxaq Primary School
Gudja Road ĦAL GĦAXAQ
Phone: 21898260
E-mail: [email protected]
OTTUBRU 2012 Għeżież ġenituri u kustodji tal-istudenti tagħna, Insellmulkom u nagħtukom merħba għal din is-sena skolastika ġdida. Ftaħna dis-sena skolastika b’tislima permezz ta’ quddiesa lill-ex-Prinċipal tal-Kulleġġ tagħna Ms M. Sciortino li rtirat f’Settembru 2012. Dak inhar ltqajna wkoll mal-Prinċipal il-ġdid tal-Kulleġġ tagħna, is-Sur C. Micallef. Permezz ta’ din il-ħarġa nixtiequ li f’isimkom nirringrazzjaw lil Ms Sciortino tas-sapport kontinwu li tat lill-iskola tagħna fil-ħtiġijiet kollha li kellna bżonn l-interventi tagħha u fl-istess waqt nagħtu merħba lill-Prinċipal il-ġdid u nawgurawlu li flimkien nibqgħu nindukraw dan is-sens ta’ għaqda li hemm bejn l-iskola tagħna u l-kumplament tal-kulleġġ għall-ġid tal-istudenti tagħna. Ma nistgħux ma ninnutawx b’sodisfazzjon l-interess li bqajtu turu intom il-ġenituri u l-kustodji tal-istudenti tagħna fil-ħajja skolastika ta’ uliedkom. ‘Il fuq minn 96% tagħkom attendejtu għall-ewwel laqgħa tagħkom magħna fil-ftuħ ta’ din is-sena skolastika. L-4% l-oħra qed insibu mezzi kif nilħquhom ukoll. Ħabbarna li tul din is-sena skolastika, l-iskola tagħna se tkun qed taħdem fuq 3 pjani ta’ azzjoni biex tindirizza dawn l-oqsma: (i) Literacy and Oracy; (ii) Assessjar u (iii) Riżorsi. Ħabbarna b’mod uffiċċjali li nhar ta’ Erbgħa fl-iskola tagħna se tibda’ tittella’ l-ġurnata li fiha l-kommunikazzjoni kollha ssir bl-Ingliż. It-tfal kollha mistennija jitkellmu bl-Ingliż matul il-ġurnata kollha. Ikun t’għajnuna kbira jekk jirnexxielkom iżżommuha d-dar ukoll. Apparti hekk l-għalliema kollha fehemu l-ħtieġa li l-lezzjonijiet kollha tal-Ingliż isiru dejjem bl-Ingliż matul il-ġimgħa kollha. Se nkomplu għaddejin bl-inizjattiva tax-Show & Tell u minn dis-sena se nintroduċu sessjonijiet ta’ Qari ta’ Stejjer minn awturi u mistiedna oħra. Dan kollu qed nagħmluh biex l-istudenti jitrawmu f’imħabba dejjem akbar lejn il-qari. Dis-sena qed nintroduċu wkoll l-iStudents Progress Cards. Dawn se joffru l-opportunità lilkom il-ġenituri u kustodji biex issegwu aħjar il-progress li qed jagħmlu uliedkom fil-ħiliet li mistennija jiżviluppaw tul is-sena skolastika. Dawn il-Progress Cards jingħatawlkom tliet darbiet fis-sena. L-ewwel waħda se tingħatalkom f’Novembru. Intom mistennija taqrawha, tniżżlu l-kummenti tagħkom u tirritornawha l-iskola fi żmien tlitt ijiem minn meta tirċevuha. Ta’ min ifakkar li dawn il-Progress Cards huma fuq l-inizjattiva tal-għalliema tal-iskola tagħna għaliex huma professjonali biżżejjed li għarfu l-ħtieġa li intom bħala ġeni-turi huwa tajjeb li jkollkom bil-miktub dak li fi snin imgħoddija konna ngħidulkom permezz tal-fomm biss. It-tielet pjan ta’ azzjoni huwa dwar ir-riżorsi. (artiklu jkomplu f’paġna 3)
Are you practicing
your English at home?
How many books have you read so
far?