Click here to load reader

MONT BLANC HRINGURINN - Bændaferðir | Hreyfiferðir · PDF file tilkomumikla Mont Blanc gnæfir yfir. Farið verður upp með Bellevue kláfnum og þar blasir við mikilfenglegt

  • View
    4

  • Download
    0

Embed Size (px)

Text of MONT BLANC HRINGURINN - Bændaferðir | Hreyfiferðir · PDF file tilkomumikla Mont...

  • MONT BLANC HRINGURINN

    27. júlí – 3. ágúst 2019

    Fararstjórn: Steinunn H. Hannesdóttir

    Gönguferð

    Sviss │ Frakkland │ Austurríki

  • Bændaferðir 2019 ∙ Gönguferð ∙ TMB

    Ferðalýsing

    Gönguleiðin hringinn í kringum Mont Blanc eða hin svokallaða Tour du Mont-Blanc (TMB) er ein frægasta gönguleið Alpanna og oft sögð ein af flottustu göngum heims. Þar spilar líklega inn í stórkostlegt útsýnið á Mont Blanc fjallaklasann og nágrannatinda þess. Í þessari ferð er gengið í 1.500-2.600 m hæð, um ítalska, svissneska og franska hluta fјallsins, yfir sléttur, upp fјallshlíðar og um fјölmörg skörð. Flogið er til Genfar og þaðan ekið til fјallabæjarins Chamonix, einstakrar paradísar útivistarfólks, þar sem hið tilkomumikla Mont Blanc gnæfir yfir. Farið verður upp með Bellevue kláfnum og þar blasir við mikilfenglegt útsýni yfir Mont-Blanc fjallgarðinn. Sérhver dagleið er nýtt ævintýri, ný ögrun. Farið yfir klettasyllur, eftir göngustígum, um fræg skíðasvæði og eftir þægilegum vegum. Gangan um Mont Blanc svæðið, hæsta fјall Vestur-Evrópu, er sannarlega gönguperla sem enginn gönguglaður ætti að láta fram hjá sér fara.

    8 dagar | 7 nætur 7 nætur á hótelum/fjallaskálum

    27. júlí | Flug til Genf & Chamonix Brottför frá Keflavík kl. 07:20. Mæting í Leifsstöð í síðasta lagi 2 klst. fyrir brottför. Lending í Genf kl. 13:00 að staðartíma. Frá flugvellinum í Genf eru um 100 km til Chamonix svo gera má ráð fyrir að rútuferðin þangað taki um 1,5 klst. Við hittum leiðsögumenn okkar um kvöldið og borðum kvöldverð með þeim.

    28. júlí | Val Montjoie Að loknum morgunverði hefst gangan frá Chamonix og er gengið til L‘Essert og þaðan er hópurinn fluttur með svonefndum Bellevue kláfi í 1.790 m hæð. Áður en gangan hefst þaðan komum við okkur fyrir á þaki kláfsins til að njóta glæsilegs útsýnis yfir Mont Blanc og fjallatindana Fiz, Aravis og Aiguilles Rouges eða rauðu nálarnar. Við byrjum gönguna á því að fara yfir hengibrú yfir Bionnassay vatnsfallið. Það er magnað að standa á þessari brú og horfa upp eftir ánni og svo ekki síður að horfa á eftir henni niður í dalinn. Áfram göngum við og nú upp í fjallaskarðið Col du Tricot en hæsti tindurinn þar um slóðir er 2120 m á hæð. Þaðan er útsýnið niður í Miage dalinn einstakt þar sem dæmigerð alpasmáþorp koma fyrir sjónir. Nú lækkar smám saman leið okkar til Les Contamines í Montjoie dal þar sem göngunni lýkur. Gist eina nótt. ✓ Hækkun: 570 m ✓ Lækkun: 1200 m

  • Bændaferðir 2019 ∙ Gönguferð ∙ TMB

    29. júlí | Beaufortain Við byrjum göngu dagsins á því að ganga að Notre Dame de la Gorge en þar stendur einstaklega falleg kirkja í barrokkstíl. Leiðin þaðan liggur með fram ánni Le Bon Nant uns komið er í Col du Bonhomme fjallskarðið, þar kveðjum við Montjoie dal, höldum til Beaufortain og nálgumst syðsta enda Mont-Blanc fjallgarðsins uns komið er til Les Chapieux. Þaðan er hópnum ekið á náttstað í Saint Maurice. ✓ Hækkun: 1270 m ✓ Lækkun: 930 m

    30. júlí | Val Veny Hópnum er ekið til Les Chapieux og þaðan er svo gengið til Col de la Seigne. Héðan er dásamlegt útsýni yfir hrífandi hamraveggina og ísilagða hátindana á suðurhlið Mont-Blanc fjallgarðsins. Á göngunni er hægt að dást að tignarlegum, snæviþöktum tindum í suður hlíðum Mont Blanc, klettabeltin þar fyrir neðan eru ógnvænleg en um leið hrífandi. Við endum göngu dagsins í La Visaille og þaðan eru göngumenn fluttir á náttstað í bænum Courmayeur. ✓ Hækkun: 720 m ✓ Lækkun: 840 m

    31. júlí | Swiss Val Ferret Dagurinn hefst á því að hópurinn er fluttur til Arnouva og þaðan er gengin leið sem liggur að svissnesku landamærunum. Þegar yfir þau er komið breytist umhverfið nokkuð því við tekur fallegur alpagróður en í fjarska gnæfa snæviþaktir tindar Dolent og L‘A Neuve fjallanna. Gangan endar í Ferret dal en þaðan er hópurinn fluttur á náttstað í snotrum fjallaskála í einstaklega fallegu umhverfi nærri þorpinu Champex. ✓ Hækkun: 770 m ✓ Lækkun: 850 m

    1. ágúst | Col de la Forclaz Í dag er ferðinni haldið frá Champex dalnum yfir til Trient dalsins. Við förum um grösuga bithaga kvikfénaðar í Bovine, göngum útsýnisstíg yfir Rhone dalnum þar sem vínviður teygir sig upp eftir hlíðunum og njótum um leið ótrúlegrar náttúrufegurðar Bernese Oberland. Leiðin liggur niður á við og við komum til Col de la Forclaz þar sem leiðin liggur á milli Rhonedals og Trientdalsins. Endum góða dagleið á hóteli í Trient. ✓ Hækkun: 700 m ✓ Lækkun: 670 m

    2. ágúst | Chamonix dalurinn Lokagangan okkar er að landamærunum við Sviss og Frakkland. Þaðan er útsýni yfir norðurhluta Mont-Blanc sem er hulinn af jökli. Þetta dásamlega útsýni fylgir okkur í göngunni niður að smáþorpinu Le Tour. Hópurinn verður fluttur þaðan til Chamonix þar sem gist verður á sama hóteli og í upphafi ferðar. Kvöldverður á eigin vegum. ✓ Hækkun 910 m ✓ Lækkun 800 m

  • Bændaferðir ∙ Síðumúli 2 ∙ 108 Reykjavík ∙ Sími 570 2790 ∙ [email protected]

    3. ágúst | Heimferð Komið er að heimferð eftir dásamlegar göngur og hressandi útivist. Eftir morgunverð verður lagt af stað út á flugvöll og flogið heim frá Genf kl. 14:00. Lending í Keflavík er kl. 15:50 að staðartíma.

    Erfiðleikaflokkur: Miðlungs-erfið gönguferð.

    Undirbúningur Mikilvægt er að þátttakendur séu í góðu gönguformi en besti undirbúningurinn er að ganga reglulega á fjöll. Þessi ferð er svolítið erfiðari en aðrar gönguferðir Bændaferða 2019 og því mikilvægt að undirbúa sig fyrir ferðina. Því fylgir mikil ánægja að æfa fyrir gönguferð af þessu tagi og þátttakendur njóta þá sjálfrar ferðarinnar mun betur. Fyrir þá sem búa á höfuðborgarsvæðinu er alltaf góður undirbúningur að fara upp að Steini í Esjunni. Þeir sem búa fjær velja sér sitt staðarfjall til að ganga á og sameina þar með undirbúning og útiveru. Gott er að hafa farið í 2-3 daga gönguferð til undirbúnings.

    Verð 358.800 kr. á mann í tvíbýli | 25.800 kr. aukagjald fyrir einbýli. Gist er í 1 nótt í fjallaskála og þá eru hvorki eins manns eða tveggja manna herbergi í boði.

    Innifalið ✓ Flug með Icelandair til Genf og flugvallarskattar. ✓ Rútuferð frá Genf til Chamonix og tilbaka út á flugvöll. ✓ Gisting í 7 nætur á sex hótelum og einum fjallaskála. ✓ 7 morgunverðir. ✓ 6 nestispakkar í hádeginu. ✓ 6 kvöldverðir. ✓ Lyftukort í Bellevue kláfinn. ✓ Flutningur í minibus eða leigubílum samkvæmt ferðalýsingu. ✓ Innlend leiðsögn í gönguferðum. ✓ Íslensk fararstjórn.

    Ekki innifalið ✓ Kvöldverður síðasta kvöldið í

    Chamonix. ✓ Drykkir og annar tilfallandi

    kostnaður á göngunum. ✓ Forfalla- og ferðatryggingar.

    ✓ Þjórfé.

Search related