Click here to load reader
Upload
alfi1994
View
129
Download
6
Embed Size (px)
DESCRIPTION
Matura shteterore
Citation preview
1
TEST PROVIMI PER MATURËN SHTETËRORE
VARIANTI A Lënda: Letërsi dhe Gjuhë shqipe
Udhëzime për nxënësin
Testi është i ndarë në dy pjesë: në proze dhe në tragjedi.
Testi në total ka 25 pyetje.
Në të dy pjesët ka kërkesa me zgjedhje dhe me zhvillim. Në kërkesat me zgjedhje
rrethoni vetëm shkronjën përbri përgjigjes së saktë, ndërsa për kërkesat me zhvillim është
dhënë hapësira e nevojshme për të shkruar përgjigjen
Pikët për secilën kërkesë janë dhënë përbri saj Kërkesa
1 2 3 4 5 6 7 8 9 1
0 1
1 1
2 1
3 1
4 1
5 1
6 1
7 1
8 1
9 2
0 2
1 2
2 2
3 2
4 2
5
Pikët
1 1 1 1 1 1 1 2 4 3 3 2 1 1 1 1 1 1 4 2 2 2 2 3 8
Not
a
4 5 6 7 8 9 1
0
Pikët
0
-
7
8
-
1
4
1
5
-
2
1
2
2
-
2
8
2
9
-
3
4
3
5
-
4
3
4
4
-
5
0
PJESA I
Mitrush KUTELI
Vjeshta e Xheladin Beut (fragment) Xheladin beu mbeti vetëm. Tha të dilte në ballkon, të pinte “kahven”, po e ktheu
mendjen e i ra rrotull odës, qëndroi një çast përpara pasqyrës sa një derë, u shikua e nuk e
njohu veten: nga pasqyra e vështronte një burrë tjetër me ca sy të skuqur, të kërcyer, me
një grykë të shfryrë e të varur si ato laprat e misërokut, me ballin brazda-brazda. Aty-
këtu, nëpër mustaqet e kreshpëruara, i dukeshin fije argjendi. Vetëm nën hundë, ku
ndaheshin më dysh shtëllunga, i kish pak si të zverdhura nga tymi i duhanit, tamam si ca
qime përçi plak.
A mos e kish fajin pasqyra? Jo pasqyra e ndritur, me yll e hënë të bardhë në cep, s’kish
asnjë faj. Fajin e kishin vjetët e shumta që i kish rrojtur e gëzuar si shumë të paktë janë
ata që i rrojnë e i gëzojnë, e kishin ahengjet e gjergjeqet e shpeshta ... Sidoqoftë tani, për
herë të parë Xheladin beu vuri re se sikur i kish shkuar një damalug nëpër fytyrë. Vajti e
2
u ul përpara një pasqyre tjetër. Po edhe kjo ishte si e para dhe i tregonte një burrë me
lapra, breza e sy të skuqur. I ra lehtë festes me gisht dhe e shtyu në majë të kokës
tullupane. E ktheu në vend, e vuri mbi sy si ngaherë. Hej, sa zët i kish atë çast ata derra
çifçinj që rronin me bukë misri e dhallë, po leshrat i kishin si pendët e korbit…
- Efnm, u mplake, Xheladin bej...
- Kush foli kështu? U kthye e shikoi përqark. S’kish njeri.
Kish folur vetë beu. Këtë zakon kish kohë që e kish filluar dhe po e shtonte dita -
ditës: fliste e përgjigjej vetë. Njerëzit e tij të afërm e dinin, po bënin sikur s’dëgjonin,
sikur s’vinin re kur çuçuriste kot më kot nëpër mustaqet, që i ngriheshin dhe i uleshin.
Domosdo, ata e dinin fjalën e moçme: “Beu edhe gomar të bëhet mos i hip”. Dhe përsëri.
- U mplake, u mplake...ike...
Dhe i vozitën mornica të ftohta nëpër trup, jo për kohën që i kish shkuar, po për atë që
do të vinte pasandaj. Ja nëpër qytet e fshatra zunë të rriten çupa të reja. Aty më parë i
shihje pragjeve e udhës, nëpër pluhur, të dregosura, të qurrosura, të palara, kurse tani s’i
sheh? Kujt do t’i mbetet mjalti i zogjve, rrushi i ëmbël, tërë pemët e çifligjeve? Xheladin
beu po mplakej.
Xheladin beu ish mplakur ... Mendja zuri t’i qerthullohej, sa ment ra poshtë në sixhade.
Bëri ca çape e ndenji në cep të divanit.
- Po pas pleqërie? – pyeti.
Dhe u përgjigj vetë.
- Pas pleqërie efnm? Ti e di: varri...
Për pyetjet 1-7 rrethoni vetëm shkronjën që i përgjigjet alternativës së saktë.
1. Përshtypja që krijon autori, në pjesën e dhënë më sipër, është:1 pikë
A) Xheladin beu ka një nam të keq.
B) Xheladin beu bie pre e pasionit të tij.
C) Xheladin beut plakja nuk i shkakton asnjë emocion.
D) Xheladin beu po plaket në mënyrë të shëmtuar.
2. Xheladin beu nuk ndihet mirë, sepse: 1 pikë
A) njerëzit kanë filluar të mos i binden më.
B) e ndien plakjen e pashmangshme.
C) ka frikë se mos mbetet vetëm.
D) vuan nga një sëmundje e pashërueshme.
3. Asnjë nga të afërmit e beut nuk i thotë asgjë atij në lidhje me çrregullimin mendor
që po e pushton, sepse:1 pikë
A) është tabu të flasësh për këto gjëra.
B) kanë frikë nga egërsia e tij.
C) në fisin e tyre kjo është një gjë normale.
D) nuk duan ta lëndojnë duke ia treguar.
4. Peshën më të madhe të këtij fragmenti e ka shprehja: 1 pikë
A) mbeti vetëm.
B) fliste e përgjigjej vetë.
C) nuk njohu veten.
D) u mplake...ike...
5. Cila nga alternativat e mëposhtme është karakteristikë e ligjërimit popullor?1 pikë
A) Njerëzit e tij të afërm e dinin, po bënin sikur s’dëgjonin.
B) Këtë zakon kish kohë që e kish filluar dhe po e shtonte dita - ditës.
3
C) Fajin e kishin vjetët e shumta që i kish rrojtur e gëzuar si shumë të paktë janë
ata që i rrojnë dhe i gëzojnë.
D) ...po e ktheu mendjen e i ra rrotull odës, qëndroi një çast përpara pasqyrës
sa një derë, u shikua e nuk e njohu veten.
6. Shprehja mendja zuri t’i qerthullohej ka kuptimin: 1 pikë
A) mendja po i ndriçohej.
B) mendja po i vinte rrotull.
C) mendja po i errësohej.
D) mendja po i kthjellohej.
7. Figura e metaforës është përdorur në alternativën: 1 pikë
A) Dhe i vozitën mornica të ftohta nëpër trup.
B) ... tamam si ca qime përçi plak.
C) Ja nëpër qytet e fshatra zunë të rriten çupa të reja.
D) Xheladin beu po mplakej.
8. Argumentoni si lidhet titulli i kësaj novele me përmbajtjen e këtij fragmenti? 2 pikë
_____________________________________________________________________
_____________________________________________________________________
9.a) Xheladin beu, në një moment, ndodhet përpara pasqyrës. 1 pikë
Çfarë të vërtete i zbulon ajo?
________________________________________________________________________
b) Ç’gjendje shpirtërore i shkakton ky ballafaqim? Identifikoni dy detaje (fjalë ose
shprehje) që zbulojnë thelbin e kësaj gjendjeje.3 pikë
________________________________________________________________________
________________________________________________________________________
________________________________________________________________________
10.a) Mënyra se si bëhet portretizimi i beut nga ana e autorit, shpesh është ironike.
Cilat janë mjetet artistike që krijojnë ironinë? Gjeni dy prej tyre, duke i shoqëruar
me ilustrimet përkatëse. 2 pikë
_________________________________________________________________
__________________________________________________________________
b) Çfarë ndjesie ju zgjon një mënyrë e tillë portretizimi? 1 pikë
_____________________________________________________________________
_____________________________________________________________________
11.a) Në paragrafin e fundit, Xheladin beun nuk e shqetëson ajo që ka kaluar, por e
ardhmja që do të vijë. Pse? 1 pikë
_____________________________________________________________________
_____________________________________________________________________
b) Shpjegoni arsyen pse autori, pikërisht në këtë moment, ofron imazhin e vajzave të
reja dhe natyrës së pasur.2 pikë
___________________________________________________________________
_____________________________________________________________________
12. Si do ta interpretonit mbylljen e këtij fragmenti: “Pas pleqërie efnm? Ti e di:
varri...”?
2
pikë____________________________________________________________________
____________________________________________________________________
4
_____________________________________________________________________
PJESA II
ESKILI
Koeforet (fragment) KLITEMNESTRA
Ç’ke që thërret, që ngre shtëpinë në këmbë?
SHËRBËTORI
Të vdekurit u ngritën e vranë të gjallët.
KLITEMNESTRA
O tmerr! E mora vesh se ç’do të thuash:
Siç vramë me dredhi, ashtu do të vritemi!
Më jepni shpejt pra shpatën me dy presa,
Të shohim do të vras, a do të më vrasin,
Meqenëse gjer këtu më solli i trishti fat.
(Ajo drejtohet nga porta qendrore që hapet
befas.Prej saj del Oresti me shpatë në dorë.
Piladi është pas tij. Shërbëtori ikën me vrap)
ORESTI
Ty të kërkoj. Se ky e lau hesapin.
KLITEMNESTRA
Mjera unë, Egisti im, të vranë, i dashur!
ORESTI
E do akoma? Pranë tij pra shko.
Në varr përbri e vdekur rri besnike.
(Ngre shpatën, Klitemnestra i bie në gjunjë
dhe zbulon gjirin.)
KLITEMNESTRA
Ndalo, o bir, nderoje këtë gji
Përmbi të cilin gjumi shpesh të zu
Tek qumështin që ty të rriti, thithje.
(Oresti ul shpatën)
ORESTI
Ç’të bëj Pilad? A vritet vallë nëna?
PILADI
Harrove ç’parathënma bëri Febi,
Këshillën e Pitosë dhe betimet,
Dëgjomë, gjithë njerëzit mund t’i bësh
Armiq, por kurr’ armiq mos bëj hyjnitë.
ORESTI
Ti ke të drejtë. Ty do të dëgjoj.
(Klitemnestrës)
Më ndiq, pranë tij unë dua të të ther.
Sa ishte gjallë, atë ti veç pëlqeve
Në vend të atit tim, ahere shko
Me të edhe në vdekje. Është ai
Që deshe, një hero ndërsa urreje.
KLITEMNESTRA
Të kam ushqyer. Me ty dua të plakem.
ORESTI
Të rrosh me mua, vrasëse e babait?
5
KLITEMNESTRA
Kështu nga Fati qe e shkruar, bir.
ORESTI
Nga Fati pra dhe fundi yt është shkruar.
KLITEMNESTRA
S’i trembesh, bir, mallkimit të një nëne?
ORESTI
Një nënë që në mjerim e flaku të birin.
KLITEMNESTRA
Të kam dërguar në shtëpi të miqve.
ORESTI
Dy herë më shite mua, një qytetar të lirë.
KLITEMNESTRA
Ç’fitim un’paskam pasur nga kjo shitje?
ORESTI
Kam turp të them fitimin e urryer.
KLITEMNESTRA
E thuaj. Po dhe ati yt pat faj.
ORESTI
Mos përgojo heroin, ti që rrije
E shtrirë në shtëpi, ndërsa ai luftonte.
KLITEMNESTRA
Bir, gruaja larg burrit s’e ka të lehtë.
ORESTI
Me djersë të burrit në shtëpi ushqehet.
KLITEMNESTRA
Vërtet kërkon, o bir, të vrasësh nënën?
ORESTI
Nuk të vras unë, ti veten vetë ke vrarë.
KLITEMNESTRA
Hap sytë, se gjaku i nënës të zë rëndshëm.
ORESTI
Po gjakut të babait, që më thërret, ç’t’i bëj?
KLITEMNESTRA
Ah, qenke shurdh si varri! Më kot lutem!
ORESTI
Fati tim eti të dënoi me vdekje.
KLITEMNESTRA
Një gjarpër paskam lindur e paskam rritur.
ORESTI
E kobshmja ëndërr e vërtetë po del.
Një burrë vrave, vdis pra nga një bir.
(E zvarrit nënën në pallat)
Për fatin e të dyve qaj tani.
Por meqë ky radhën e vrasjes mbylli
Me të është zemra ime dhe uroj
Që të mos shuhet kurrë syri i shtëpisë.
Për pyetjet 13-18 rrethoni vetëm shkronjën që i përgjigjet alternativës së saktë.
13. Në këtë tragjedi konflikti tragjik zhvillohet: 1 pikë
A) brenda familjes mbretërore.
6
B) midis familjes mbretërore dhe qytetarëve.
C) midis familjes mbretërore dhe perëndive.
D) midis dy mbretërive fqinje.
14. Oresti është kthyer nga mërgimi, sepse: 1 pikë
A) do të ndajë Klitemnestrën nga Egisti.
B) do të vizitojë varrin e të atit.
C) do të marrë motrën me vete.
D) do të marrë gjakun e babait.
15. Ajo çfarë uron Oresti në vargjet e fundit të këtij fragmenti, është: 1 pikë
A) që të vendoset e drejta në këtë shtëpi.
B) që shpirti i të vdekurve të prehet në paqe.
C) që jeta e kësaj shtëpie të mos shuhet.
D) që kjo shtëpi të mbrohet nga perënditë që këtej e tutje.
16. Në cilën prej alternativave të mëposhtme shfaqet toni urdhërues? 1 pikë
A) Ty do të dëgjoj.
B) Me ty dua të plakem.
C) Pranë tij pra shko.
D) Fati tim eti të dënoi me vdekje.
17. Vargu “Të vdekurit u ngritën e vranë të gjallët” nënkupton: 1 pikë
A) fantazmat janë ngritur e po hakmerren.
B) perënditë janë kthyer për të vrarë.
C) në pallat ka plasur rrëmuja dhe vrasja.
D) disa njerëz të panjohur po vrasin këdo që u del përpara.
18. Dialogu midis Orestit dhe Klitemnestrës karakterizohet nga fjali të shkurtra.
Arsyeja e këtij përdorimi është: 1 pikë
A) rritja e tensionit dramatik.
B) theksimi i karakterit të rrëmbyer të Orestit.
C) shtimi i muzikalitetit të vargut.
D) krijimi i përshtypjes së lojës së fjalëve.
19. Gjendja shpirtërore e Orestit para vrasjes shfaqet e dyzuar. Cilat janë arsyet e këtij
dyzimi? Mbështeteni mendimin tuaj me nga një ilustrim për secilin rast.
a) arsyet: ______________________________________ 2 pikë
______________________________________
b) ilustrimet: ___________________________________ 2 pikë
____________________________________
20. Gjeni një nga motivet kryesore të tragjedisë në këtë pjesë. Ilustrojeni atë me vargjet
përkatëse.
a) motivi: _______________________________ 1 pikë
b) ilustrimi: __________________________________________________ 1 pikë
____________________________________________________________________
21.
a) Ç’imazh përpiqet të krijojë Klitemnestra për ta ndaluar Orestin që ta vrasë? 1 pikë
____________________________________________________________________
b) Identifikoni një argument që ajo përdor, për të justifikuar veten përpara Orestit për
krimin e kryer dikur.
1 pikë
7
____________________________________________________________________
22. Cila është e veçanta e ndërtimit të këtij vargu: “E kobshmja ëndërr e vërtetë po del”?
Shpjegoni arsyen e këtij përdorimi. 2 pikë
a) __________________________________________________________________
b) __________________________________________________________________
23. Fjala Fati përsëritet disa herë gjatë dialogut. Shpjegoni se si shfaqet mendësia e
grekëve të lashtë në lidhje me fatin, përmes kësaj vepre të tragjedianit të madh. 2 pikë
________________________________________________________________________
________________________________________________________________________
24. Portretizimi i Klitemnestrës realizohet përmes ligjërimit të Orestit.
Ç’cilësi të karakterit të saj theksohen dhe pse? 3 pikë
________________________________________________________________________
________________________________________________________________________
25. Oresti është figura më tragjike e kësaj vepre. Argumentoni mendimin tuaj në formën
e një eseje, duke vënë në dukje edhe idenë madhore që përcjell autori përmes saj në këtë
tragjedi.
8 pikë
------------------------------------------------------------------------------------------------------------
------------------------------------------------------------------------------------------------------------
------------------------------------------------------------------------------------------------------------
------------------------------------------------------------------------------------------------------------
------------------------------------------------------------------------------------------------------------
------------------------------------------------------------------------------------------------------------
_ Shtjellimi
i idesë Organizimi dhe
struktura Stili dhe
origjinaliteti Saktësia gjuhësore
Totali
2 pikë 2 pikë 2 pikë 2 pikë 8 pikë
SKEMA E PERGJIGJEVE TE TESTIT
PJESA I
Mitrush Kuteli “Vjeshta e Xheladin Beut”
Pyetja 1 D 1 pikë
Pyetja 2 B 1 pikë
Pyetja 3 B 1 pikë
Pyetja 4 D 1 pikë
Pyetja 5 C 1 pikë
Pyetja 6 B 1 pikë
Pyetja 7 A 1 pikë
Pyetja 8 2 pikë
Model përgjigjeje
Titulli nënkupton vjeshtën moshore të beut. Fragmenti përqendrohet kryesisht në pamjen
e plakur dhe të rënë të beut: te thinjat, mustaqet me fije argjendi, kokën tullupane, burrë
me lapra dhe brazda. Pra beu është në prag të dimrit që është sinonim i pragut të vdekjes.
Pikë të plota 2 pikë Nëse argumenton qartë dhe plotë lidhjen midis titullit dhe brendisë
së fragmentit të dhënë në test. Përgjigjja duhet të mbështetet me detaje
8
kuptimplota të cituara direkt nga teksti apo perifrazime.
Pikë të pjesshme
1 pikë Nëse argumenton pjesërisht lidhjen midis titullit dhe brendisë së fragmentit.
• Titulli nënkupton plakjen e beut.
• Titulli lidhet me fundin e beut.
• Vjeshtë në natyrë dhe vjeshtë te beu.
Përgjigjja nuk përmend në mënyrë të drejtpërdrejtë asnjë detaj nga fragmenti.
0 pikë Nëse përgjigjja e dhënë nuk i përmbahet thelbit të pyetjes ose nuk ka përgjigje.
Nxënësi do të marrë pikë edhe kur në përgjigjen e dhënë,shpreh mendime që nuk i
përmban modeli i përgjigjes, por që komisioni i vlerësimit i gjykon të sakta.
Pyetja 9 4 pikë
Model përgjigjeje
a) Pasqyra i zbulon beut të vërtetën se ai po plaket dhe kjo është e pashmangshme.
b) Gjendja shpirtërore: beu në fillim nuk e beson, por shumë shpejt tronditet, kalon
momente krize, i merren mendtë, shokohet.
Detajet: nuk e njohu veten, mos e kish fajin pasqyra?, i vozitën mornica të ftohta nëpër
trup, mendja zuri t’i qerthullohej, ment ra poshtë, ndenji në cep të divanit.
Pikë të plota
1 pikë Nëse gjen të vërtetën që pasqyra i zbulon beut.
DHE
1 pikë Nëse tregon gjendjen shpirtërore që i shkaktohet beut.
2 pikë Nëse gjen dy nga detajet e renditura më lart.
Pikë të pjesshme
1 pikë Nëse gjen të vërtetën që pasqyra i zbulon beut.
OSE
1 pikë Nëse gjen dy nga detajet e renditura më lart.
0 pikë Nëse përgjigjet gabim ose nuk përgjigjet fare.
Pyetja 10 3 pikë
Model përgjigjeje
a) Ironinë e shkaktojnë: frazeologji dhe shprehje popullore, emra, mbiemra me ngjyrime
të forta emocionale.
Shprehje popullore (leksiku): me ballin brazda-brazda, si ca qime përçi plak, burrë me
lapra, ndaheshin më dysh shtëllunga, koka tullupane.
Emra: lapra, breza, shtëllunga, përçi, misëroku.
Mbiemra: të kërcyer, të shfryrë, të varur, të kreshpëruara, të skuqur, tullupane te
zverdhura.
b) Ndjesia: Pështirosje, neveri, etj.
2 pikë Nëse gjen dy mjete gjuhësore që krijojnë ironinë bashkë me ilustrimet
përkatëse.
DHE
1 pikë Nëse shkruan ndjesinë që i shkakton kjo mënyrë portretizimi.
OSE
1 pikë Nëse gjen një mjet gjuhësor që krijon ironinë bashkë me ilustrimet përkatëse.
OSE
1 pikë Nëse gjen mjetet gjuhësore, por pa ilustrimet përkatëse.
0 pikë Nëse përgjigjet gabim ose nuk përgjigjet fare.
9
Pyetja 11 3 pikë
Model përgjigjeje
a) Xheladin beun e shqetëson e ardhmja, pasi e ndien plakjen e pashmangshme dhe plakja
për të është pamundësi fizike për të zotëruar.
• E shkuara për të ka qenë e mbushur me një jetë të shthurur, që ai e ka shijuar deri në
ekstrem, ndaj s’ka asnjë keqardhje për të. Atë e shqetëson e ardhmja, pasi e ndien
pasigurinë e vet, veçanërisht në raport me gratë dhe pasurinë.
• Beu e di se plakja është vdekje, që do të thotë harrim, humbje, zhdukje. Ai s’ka
trashëgimtarë dhe s’do të ketë mundësi më të shkojë me vajza të reja, të shijojë të mirat e
kësaj jete.
b) Autori ofron dy imazhet për të theksuar se ç’do të humbasë beu.
• Imazhi i bukur që ofrohet hyn në kontrast të thellë me pleqërinë e pashmangshme të
beut. Pikërisht ky është momenti kur ai bëhet i vetëdijshëm se po plaket realisht dhe pas
kësaj vjen vdekja. Kjo për beun është tragjike.
Pikë të plota
1 pikë Nëse shpjegon pse beun e shqetëson e ardhmja.
DHE
2 pikë Nëse shpjegon rolin që luan imazhi i vajzave dhe natyrës pikërisht në këtë
moment. Përgjigjja duhet të theksojë: kontrastin dhe tragjizmin.
Pikë të pjesshme
1 pikë Nëse shpjegon pse beun e shqetëson e ardhmja.
OSE
1 pikë Nëse shpjegon pjesërisht rolin që luan imazhi i vajzave dhe natyrës pikërisht
në këtë moment. Përgjigjja thekson vetëm një anë: kontrastin ose tragjizmin.
ƒ Për të treguar ç’po humbet.
ƒ Për të theksuar se kompleksi më i madh i tij kanë qenë gratë dhe të
ngrënët (nënkuptohet të mirat e natyrës)
ƒ Për të treguar se s’do të mund t’i ketë kurrë.
ƒ Për të treguar se pas kësaj do të vijë vdekja.
ƒ Thekson çastin kur ai kupton se plakja është e pashmangshme.
0 pikë Nëse përgjigjet gabim ose nuk përgjigjet fare.
Nxënësi do të marrë pikë edhe kur në përgjigjen e dhënë,shpreh mendime që nuk i
përmban modeli i përgjigjes, por që komisioni i vlerësimit i gjykon të sakta.
Pyetja 12 2 pikë
Model përgjigjeje
Mbyllja përmban një fjali pyetëse dhe një pohore të shoqëruar me retiçencë. ku e fundit
ka dhe një retiçencë. Përgjigjja e nënkuptuar është se varri është harrimi përgjithmonë.
• E di se ç’të pret pas pleqërie? Është vdekja, harrimi, zhdukja.
2 pikë Nëse interpreton në mënyrë të plotë mbylljen e fragmentit duke u përqendruar
në dy pyetjet, retiçencën dhe ç’nënkupton heshtja.
OSE
1 pikë Nëse interpreton në mënyrë të pjesshme mbylljen e fragmentit duke u
përqendruar se ç’nënkupton heshtja ose vetëm te dy fjalitë pyetëse.
ƒ Pas vdekjes vjen harrimi.
ƒ Beu e di se ajo që e pret është vdekja.
ƒ Pyetja nënkupton se beu e ndjen se do t’i vijë vdekja.
10
0 pikë Nëse përgjigjet gabim ose nuk përgjigjet fare.
Nxënësi do të marrë pikë edhe kur në përgjigjen e dhënë,shpreh mendime që nuk i
përmban modeli i përgjigjes, por që komisioni i vlerësimit i gjykon të sakta.
PJESA II
ESKILI “Koeforet”
Pyetja 13 A 1 pikë
Pyetja 14 D 1 pikë
Pyetja 15 C 1 pikë
Pyetja 16 C 1 pikë
Pyetja 17 A 1 pikë
Pyetja 18 A 1 pikë
Pyetja 19 4 pikë
Model përgjigjeje
Gjendja shpirtërore e Orestit kalon në dy faza: i lëkundur në pjesën e parë dhe i vendosur
në të dytën. Arsyet janë:
• E ka të vështirë të vrasë nënën. Ç’të bëj, Pilad? Ku shprehet lëkundja për veprën që do
të kryejë (ilustrimi).
• I duhet të marrë gjakun e babait. Më ndiq – i thotë me vendosmëri Klitemnestrës
(ilustrimi).
Pikë të plota
2 pikë Nëse gjen dy arsyet e gjendjes së dyzuar të Orestit.
DHE
2 pikë Nëse gjen dy ilustrime për secilin rast.
Pikë të pjesshme
1 pikë Nëse gjen një arsye të gjendjes së dyzuar të Orestit.
• Nuk vritet nëna. OSE
• Duhet t’i marrë gjakun babait.
1 pikë Nëse gjen një ilustrim për gjendjen e dhënë në përgjigjen më sipër.
0 pikë Nëse përgjigjet gabim (nuk ka kuptuar thelbin e veprës) ose nuk
përgjigjet fare.
Pyetja 20 2 pikë
1 pikë Nëse gjen motivin e gjakmarrjes ose krimi sjell krimin.
1 pikë Ilustrimi: Po gjakut të babait, që më thërret, ç’t’i bëj? (gjakmarrja)
Nuk të vras unë, ti veten vetë ke vrarë. (krimi sjell krimin)
0 pikë Nëse përgjigjet gabim ose nuk përgjigjet fare.
Pyetja 21 2 pikë
Model përgjigjeje
a) Klitemnestra duke zbuluar gjirin dhe duke i treguar Orestit se është ajo që i ka dhënë
qumësht, përpiqet të krijojë kështu imazhin e një nëne të dhembshur, të përkujdesur, të
dashur.
b) Ajo përdor këto argumente:
• Vrasja që ajo kreu kundër të shoqit ishte shkruar nga perënditë: Kështu nga Fati qe e
shkruar, bir.
• I shoqi kishte faj (duke nënkuptuar flijimin që Agamemnoni i bëri së bijës).
1 pikë Nëse tregon imazhin që Klitemnestra përpiqet të krijojë te i biri.
DHE
11
1 pikë Nëse gjen një argument që përdor ajo për të justifikuar veten.
0 pikë Nëse përgjigjet gabim ose nuk përgjigjet fare.
Pyetja 22 2 pikë
Model përgjigjeje
E veçanta është përmbysja e rendit të fjalëve: inversioni. Mbiemri ka dalë në krye të
fjalisë, përpara emrit. Arsyeja është theksimi, përqendrimi i emocionit te mbiemri e
kobshmja, i cili parathotë veprën që do të ndodhë.
1 pikë Nëse gjen të veçantën e vargut
DHE
1 pikë Nëse shpjegon arsyen e këtij përdorimi.
0 pikë Nëse përgjigjet gabim ose nuk përgjigjet fare.
Pyetja 23 2 pikë
Model përgjigjeje
Njerëzit janë të pafuqishëm ndaj fatit. Janë perënditë ato që vendosin për ta dhe nëse nuk
u binden atëherë do të ndëshkohen (deri në breza, si familja e atridëve).
2 pikë Nëse shpjegon në mënyrë të plotë mendësinë e lashtë greke në lidhje me fatin.
OSE
1 pikë Nëse shpjegon pjesërisht mendësinë e lashtë greke në lidhje me fatin.
0 pikë Nëse përgjigjet gabim ose nuk përgjigjet fare.
Pyetja 24 3 pikë
2 pikë Grua e urryer, e cila është gati të bëj gjithçka për të shpëtuar. Ajo shfaqet
vrasëse, nënë jo e denjë për fëmijët (e ka shitur Orestin) dhe jo besnike ndaj
martesës.
OSE 1 pikë Nëse thotë vetëm një cilësi që ajo ka.
1 pikë Theksohen për të motivuar veprimin që Oresti do të kryejë, pra vrasjen e së
ëmës.
0 pikë Nëse përgjigjet gabim ose nuk përgjigjet fare.