Upload
vilalba-aberta
View
216
Download
0
Embed Size (px)
Citation preview
7/25/2019 Moción Relativa á Declaración Institucional Do Concello de Vilalba Coma Municipio Oposto Ao Ttip
http://slidepdf.com/reader/full/mocion-relativa-a-declaracion-institucional-do-concello-de-vilalba-coma 1/5
Vilalbaberta
MOCIÓN RELATIVA Á DECLARACIÓN INSTITUCIONAL DO CONCELLO DEVILALBA COMA MUNICIPIO OPOSTO AO TTIP
Ao Pleno do Concello de Vilalba
D. Modesto Renda Santiso con DNI 33550924L, en calidade de Portavoz de Vilalba
Aberta e Coportavoz do Grupo Municipal Mixto no Concello de Vilalba, ao amparo do
disposto no Regulamento de Organización, Funcionamento e Réxime Xurídico das
Entidades Locais e con domicilio a efectos de notificación en Rúa da Pravia 46 2ºB;
formula a segunte MOCIÓN en base á seguinte
EXPOSICIÓN DE MOTIVOS
En 2013, a Comisión Europea recibiu o mandato dos Estados membros da Unión
Europea de negociar cos Estados Unidos o Tratado Transatlántico do Comercio e do
Investimento (ATCI, máis coñecido como TTIP polas súas siglas en inglés), tamén
coñecido como Acordo Transatlántico de Libre Comercio (TAFTA), presuntamente co
fin de incrementar as relacións comerciais entre a UE e os EE.UU., reducindo as
barreiras non arancelarias, con obxecto de conseguir crear emprego, crecemento
económico así coma unha mellora da competitividade.
Coas grandes multinacionais detrás, a UE e os EEUU están a acelerar este proceso, co
concurso de poucos pero selectos axentes negociadores e marxinando a
representantes políticos e entidades locais, a pesares das grandes repercusións que
estes acordos poden ter para os municipios da UE, pois representan un serio perigo
para a democracia e a debida protección dos dereitos laborais, ambientais e de saúde,
antepoñendo o interese comercial dos inversores e empresas multinacionais.
Este acordo, supón a mercantilización absoluta das nosas vidas e o sometemento total
da soberanía dos Estados aos intereses das grandes corporacións, con acordos que se
están negociando en segredo, sen ningún tipo de transparencia nin control por parte
de organismos públicos.
7/25/2019 Moción Relativa á Declaración Institucional Do Concello de Vilalba Coma Municipio Oposto Ao Ttip
http://slidepdf.com/reader/full/mocion-relativa-a-declaracion-institucional-do-concello-de-vilalba-coma 2/5
O Tratado de Lisboa no seu artigo 218 (TFUE), que outorga á Comisión Europea a
facultade de restrinxir o acceso aos documentos das negociacións (moi especialmente
os textos consolidados) do TTIP e os arranxos para a sala de lectura impiden aos
membros do Parlamento Europeo iniciar unha análise detallada do acordo. Ademais, o
intercambio de información con terceiros está estritamente prohibido, e con todo,estes textos de negociación consolidados son o corazón das negociacións.
Todo isto contravén o fallo da Sala Primeira do Tribunal de Xustiza da Unión Europea
do 3 de xullo de 2014, en resposta ao recurso de casación do Consello da UE que
buscaba impedir a unha eurodeputada o acceso íntegro a un documento que contiña
o ditame do Servizo Xurídico do Consello sobre unha recomendación da Comisión
Europea ao Consello para que se autorice a apertura de negociacións entre a Unión
Europea e os Estados Unidos de América con vistas á celebración dun acordo
internacional destinado a poñer a disposición do Departamento do Tesouro dos
Estados Unidos datos de mensaxería financeira.
As restricións de acceso aos documentos das negociacións vulneran igualmente o fallo
do Tribunal de Xustiza do 3 de xullo de 2014 (asunto C 350/12 P) que di que os ditames
xurídicos do Consello relativos aos acordos internacionais non deben ser
automaticamente "clasificados" e eximidos da súa publicación e que o Consello "debe
primeiro explicar como a desclasificación podería danar concreta e efectivamente o
interese público”.
Pero, sobre todo, o TTIP ignora calquera lexislación nacional ou local en materia deinvestimentos. Xunto ao contido propio do TTIP, cómpre tamén denunciar a pouca
transparencia e a opacidade coa que se levaron as negociacións. Da pouca información
que transcendeu, quizais o máis rechamante sexa o referente ao ISDS (“Investor to
State Dispute Settlemenet” unha cláusula de protección dos investidores estranxeiros
que permitirá ás multinacionais demandar aos Estados cuxos gobernos aproben leis
que afecten aos seus beneficios económicos presentes ou futuros) que se esta
incluíndo no TTIP. O ISDS é o encargado de resolver os hipotéticos conflitos entre
sector público e compañías privadas, é dicir, cando un estado teña recoñecidas certas
leis ou dereitos que choquen cos interese privados e comerciais de multinacionais,
estás poderán recorrer ao ISDS e o estado terá que indemnizar ás compañías ou
aceptar as súas normas. A UE, presionada por todo tipo de organizacións, partidos e
cidadáns, optou por realizar unha consulta sobre o ISDS. O resultado foi sorprendente,
150000 respostas de ONGs, asociacións e particulares, cun 97% de rexeitamento ao
documento que se presentou. Isto, obrigou á UE a reformularse as limitacións desta
comisión de arbitraxe ao ISDS.
Doutra banda, a aprobación do TTIP contribuiría, no caso do Estado Español, á
planificada ofensiva do neoliberalismo conservador do anterior goberno de
7/25/2019 Moción Relativa á Declaración Institucional Do Concello de Vilalba Coma Municipio Oposto Ao Ttip
http://slidepdf.com/reader/full/mocion-relativa-a-declaracion-institucional-do-concello-de-vilalba-coma 3/5
desmantelamento dos concellos, que baixo o nome de Lei de Racionalización e
Sustentabilidade da Administración Local pretendía tres obxectivos básicos:
Restrinxir a democracia e autonomía local.
A supresión de competencias e servizos públicos locais e
A total privatización dos servizos municipais.
As Administracións Locais, ao estar preto das necesidades dos seus cidadáns, teñen o
deber de inxerencia respecto do que trama o TTIP, e un deber de resposta, se non
queren verse acusadas de non axudar á súa poboación e ao seu medio en perigo.
Neste sentido, e sendo as canles adecuadas para promover os servizos públicos e a
industria e emprego locais, están obrigadas a protexer os dereitos sociais, económicos
e ambientais e a facer fronte aos perigos e esixencias que quere delimitar o TTIP
impoñendo prácticas hoxe prohibidas polas leis europeas, isto é:
Sobre Medio Ambiente, leis tales como o Protocolo de Montreal [ozono],
Convenio de Basilea [envíos transfronteirizos de residuos perigosos e outros
residuos], Convenio de Estocolmo [contaminantes orgánicos persistentes],
Convenio de Róterdam [produtos químicos nocivos e praguicidas], Convenio
sobre o comercio internacional de especies ameazadas de fauna e flora
silvestres, Convenio sobre a diversidade biolóxica e Protocolo de Kyoto, entre
outros.
Sobre sustancias tóxicas (TSCA), aprobada en 1976, en comparación conREACH, aprobado en 2006; considerando que, por ese motivo, as negociacións
sobre TTIP teñen como obxectivo harmonizar os dous sistemas; o que afectaría
moi negativamente á cooperación futura en relación coa aplicación de REACH;
e que, dados os puntos de vista tan diverxentes sobre a gobernanza de riscos
das sustancias químicas e a oposición firme e sostida dos Estados Unidos con
respecto a REACH, incluír a aplicación destas leis diverxentes na Cooperación
Reguladora reportará graves ameazas para a saúde e o medio ambiente,
máxime cando a aplicación dista de ser un mero exercicio técnico ou falto de
controversia. Sobre produtos fitosanitarios:
a) 82 sustancias activas están prohibidas na UE, pero permitidas nos Estados
Unidos.
b) A UE aprobou deliberadamente criterios de eliminación baseados en perigos
para eliminar progresivamente o uso de sustancias activas que fosen
carcinóxenas, mutaxénicas ou tóxicas para a reprodución, persistentes, tóxicas
e bioacumulativas, ou disruptores endocrinos no Regulamento (CE) nº
1107/2009; - os Estados Unidos insisten nun enfoque baseado en riscos e en
7/25/2019 Moción Relativa á Declaración Institucional Do Concello de Vilalba Coma Municipio Oposto Ao Ttip
http://slidepdf.com/reader/full/mocion-relativa-a-declaracion-institucional-do-concello-de-vilalba-coma 4/5
numerosos supostos e extrapolacións, tolerando así o uso destas sustancias
altamente preocupantes.
c) Existe unha pauta xeral de menos cantidades de residuos de praguicidas
permitidos en alimentos na UE en comparación cos Estados Unidos.
Cabe mencionar, tamén, a produción de produtos químicos e farmacéuticos non
testados cientificamente; a aceptación de alimentos modificados xeneticamente, o
consumo de carne de tenreira e de porco tratadas con hormonas, o pito esterilizado
con cloro ou a extracción de gas por medio do fracking.
As colectividades locais desexan ampliar o debate público e democrático sobre o que
está verdadeiramente en xogo tras este acordo e a sorte que correrán os servizos e
compras públicos.
O TTIP podería impedir iniciativas políticas autonómicas como unha LeiAntidesafiuzamentos, cambios na xestión dos servizos públicos externalizados ou
mesmo unha auditoría da débeda e afectaría gravemente ás competencias municipais
e autonómicas, como a xestión dos servizos públicos e de coidados, contratacións e
licitacións públicas, así como a todo tipo de regulacións ambientais.
Iso significaría unha perda absoluta do control democrático da cidadanía sobre as
decisións que afectan á súa vida e da soberanía dos gobernos e dos parlamentos
cuestionando os dereitos e deberes dos representantes públicos democraticamente
elixidos, para vixiar o funcionamento do goberno de acordo coa lei e desenvolver as
políticas locais de acordo co interese xeral e as peculiaridades de cada territorio.
Considerando que as negociacións sobre o TTIP inclúen ámbitos que recaen dentro das
competencias xurídicas de todos os niveis de goberno e de administración, incluídos os
entes locais e rexionais, e, dada esta importante dimensión rexional e local do acordo,
é inaceptable que a Comisión Europea non dea entrada no Grupo Consultivo sobre o
TTIP ao Comité das Rexións, a fin de garantir unha implicación e participación
temperás dos entes rexionais, municipais e locais nas negociacións.
Polo anteriormente exposto e en base a que:
O comercio e o investimento soamente poden contribuír ao ben común e
conducir a intercambios económica e socialmente beneficiosos se respectan as
necesidades humanas en todo lugar, e non se basean unicamente no beneficio
dos especuladores financeiros e das empresas multinacionais.
A eliminación programada e progresiva dos servizos públicos é ao mesmo
tempo a eliminación programada e progresiva da solidariedade e a
democracia.
7/25/2019 Moción Relativa á Declaración Institucional Do Concello de Vilalba Coma Municipio Oposto Ao Ttip
http://slidepdf.com/reader/full/mocion-relativa-a-declaracion-institucional-do-concello-de-vilalba-coma 5/5
A apertura máxima dos servizos e as compras públicas á competencia produce
efectos contraproducentes en canto á súa accesibilidade, a súa calidade e o seu
custo.
Os dereitos sociais son dereitos inalienables, polo que non poden depender
exclusivamente da lóxica do mercado. Só a existencia diversificada de servizos públicos socialmente útiles, permite
asegurar unha calidade de vida digna para todos e en todas partes, en estreito
nexo co exercicio real da democracia, e
O control público debe preservarse para garantir o acceso aos bens comúns e á
creación de novos servizos públicos, así como para favorecer a industria e
emprego locais;
Vilalba Aberta, a través da súa coportavocía no Grupo Municipal Mixto PROPÓN AO
PLENO DO CONCELLO DE VILALBA A ADOPCIÓN DOS SEGUINTES ACORDOS:
1º Declarar institucionalmente ao Concello de Vilalba como municipio oposto ao TTIPe identificalo así na propia web municipal.
2º Informar a través desta mesma web acerca do contido deste tratado, asegurandoasí o dereito á información que a outros niveis institucionais, ao conxunto da nosaveciñanza se lle está a negar.
En Vilalba, a 19 de Xaneiro de 2016
Fdo.: Modesto Renda Santiso
Concelleiro / Coportavoz do Grupo Municipal Mixto