Upload
others
View
9
Download
0
Embed Size (px)
Citation preview
UNIVERSITE D’ANTANANARIVO
ECOLE NORMALE SUPERIEURE
FORMATION INITIALE
C.E.R. LETTRES MALGACHES
MEMOIRE
Pour l’obtention du
Certificat d’Aptitude Pédagogique de l’Ecole Normale
C.A.P.E.N.
Présenté par :
HANITRINIAINA Florida Stéphanie
FANDALINANA SÔSIÔ-ANTRÔPÔLÔJIKA NY JONO
AN-DRANOMASINA AO AMIN’NY FOKONTANY
ANKIAKABE DISTRIKAN’I MAROANTSETRA FARITRA
ANALANJIROFO
Directeur de recherche : RAZAIARISOA Marie Olga
Maitre de conférences à l’ENS Université
d’Antananarivo
Antananarivo, 13 Février 2015
UNIVERSITE D’ANTANANARIVO
ECOLE NORMALE SUPERIEURE
FORMATION INITIALE
C.E.R. LETTRES MALGACHES
MEMOIRE
Pour l’obtention du
Certificat d’Aptitude Pédagogique de l’Ecole Normale
C.A.P.E.N.
Présenté par :
HANITRINIAINA Florida Stéphanie
FANDALINANA SÔSIÔ-ANTRÔPÔLÔJIKA NY JONO
AN-DRANOMASINA AO AMIN’NY FOKONTANY
ANKIAKABE DISTRIKAN’I MAROANTSETRA
FARITRA ANALANJIROFO
Président : SOLO RAHARINJANAHARY
RAHARIMALALA Anatolie
Professeur Titulaire et de direction à
l’Université d’Antananarivo
Raporteur : RAZAIARISOA Marie Olga
Maitre de conférences à l’ENS Université
d’Antananarivo
Examinateur : RAKOTOARISON Angelot
Maître de conférences
Antananarivo, 13 Février 2015
TENY FISAORANA:
Hoy ny ohabolana: ―asa vadi-drano tsy vita raha tsy hifanakonana‖, tsy mihambo ho
nahavita samirery ity asa fikarohana ity araka izany ny tenanay fa ny fanampiana nataon’ireo
mpampianatra sy mpanabe isaky ny ambaratonga, ny tolo-tanana nataon’ireo tapaka sy
namana, ny fianakaviana, ny tompon’andraikitra sy ny mponin’Ankiakabe no nahatontosanay
ity asa fikarohana ity ho vokatra azo aroso toy izao.
Mahafaly anay noho izany ny manolotra fisaorana feno fankasitrahana ho azy ireo.
Tsongaina manokana amin’izany:
Ramatoa SOLO RAHARINJANAHARY RAHARIMALALA Anatolie Professeur
Titulaire et de direction à l’Université d’Antananarivo, Ecole Normale Superieure, Filoha
mpitarika izao asa izao, ho ambinin-java-manasatra sy ho heni-kaja hatrany anie ianao.
Andriamatoa RAKOTOARISON Angelot, maitre de conférences eto amin’ny ENS
nanaiky ho mpitsara ity asa ity; Adriamanitry ny fiadanana anie no hitahy sy hanome fitahiana
ho anareo.
Ramatoa RAZAIARISOA Marie Olga, maitre de conférences eto amin’ny ENS
Oniversite d’Antananarivo, Mpampakateny izay nanaiky tamim-pitiavana nitantana anay
tamin’ity asa ity. Ankasitrahanay tanteraka ny fahafoizan-tenany izay tsy nitandro hasasarana
nitarika sy nanoro anay ny lalan-kizorana nandritra ny asa fikarohana, na dia maro aza ny
andraikitra sahanina.
Ireo tompon’andraikitra rehetra ao amin’ny ―Ecole normale superieure, mampandeha
antsakany sy andavany ny fiainan’ny sekoly ka nahafahanay mpianatra nanatontosa ny
fianarana lazaina manokana ao anatin’izany dia:
- Andriamatoa talen’ny sekoly izay miahy sy mandrindra ny fizotran’ny
fampianarana;
- Ireo mpampianatra rehetra ao amin’ny sampana Teny Malagasy, izay nanofana
anay. Ny fifamenoan’ny fahalalana nomen’izy ireo tokoa mantsy no fototra iray
nahatsanganana ity asa ity
- Andriamatoa ADRIAMAHAZO Jean Claude filohan’ny sampana izay tsy
nandala fotoana sy harerahana nifanakalo hevitra sy niara-nitapatapaka ahitra taminay.
- Tsy hadinoina ireo mpiara-mianatra indray mihiran’ny andiany ZOMITA izay
nifanohana sy nifanome tanana nandritra ny fotoam-pihofanana.
- Andriamatoa RAHARIJAONA Alphonse ray mpiahy anay andiany ZOMITA.
Omem-pakasitrahana indrindra:
- Ireo mponina ao Ankiakabe tsy nanosi-bohon-tanana anay fa nandray amim-
pitiavana ary nanaiky nifampiresaka taminay.
Ireo tompon’andraikitra ao an-toerana izay namoha varavarana ary nandray anay
tamim-pitiavana, ahitana ireo sokajin’olona samihafa natoninay tamin’ny fandavorariana ny
asa izay hialan-tsiny fa tsy ho àry ho voatanisa eto noho ny hamaroany. Misaotra azy ireo
izahay fa tondro tokana tokoa tsy mahazo hao.
Farany nefa manana ny lanjany dia ireo Ray aman-dreny sy ireo iray tampo izay
nanohana sy nampahery anay hatrany. Andriamanitra anie hanome hery anay hahafahanay
hamaly izay rehetra nataonareo tsirairay avy taminay.
1
FANONDROAN-TAKILA
Fanalavan-teny…………………………………………………………………………...….5
Lisitry ny sarintany ................................................................................................................. 6
Lisitry ny kisary ...................................................................................................................... 6
Lisitry ny sary ......................................................................................................................... 6
Lisitry ny fafana ...................................................................................................................... 6
Voambolana manokana ........................................................................................................... 7
0-TENY FAMPIDIRANA
0-1-Ny anton’ny safidy .......................................................................................................... 11
0-1-1 Ny petrakolana.............................................................................................................. 12
0-1-1-1-Ny antony nifidianana ny lohahevitra ....................................................................... 12
0-1-1-2-Ny antony nisafidianana ny toerana.......................................................................... 13
0-1-2-Ny petrakevitra ............................................................................................................ 14
0-2-Ny tanjona sy ny zava-kendrena...................................................................................... 14
0-3-Ireo asam-pikarohana efa nisy momba ny jono .............................................................. 15
0-4-Izay mampiavaka ity asa ity ........................................................................................... 15
0-5-Ny fomba nanatontosana ny asa fikarohana sy ny fandalinana ....................................... 15
0-5-1-Ny lalan-tsaina na teoria sy ny paika nenti-niasa ......................................................... 16
0-5-2-Ny asa momba ny tahirin-kevitra sy ny akora ............................................................. 17
0-5-2-1-Ny fanangonana ny tahirin-kevitra .......................................................................... 17
0-5-2-2-Ny fanangonana ny akora sy ny firotsahana an-tsehatra .......................................... 18
0-6-Olana natrehina tamin’ny fanatontosana ny asa sy ny vahaolana noraisina ................... 19
0-7-Fetran’ny asa ................................................................................................................... 21
0-8-Ny drafitra ....................................................................................................................... 21
I- FAMPAHAFANTARANA NY SEHATRA SY NY TONTOLON'NY
FANADIHADIANA
I-1-Ara-jeografia .................................................................................................................... 22
I-1-1 Ny distrikan’i Maroantsetra .......................................................................................... 23
I-1-2 Ny fokontanin’Ankiakabe ............................................................................................. 24
I-1-3 Ny toe-tany .................................................................................................................... 26
I-1-4 Ny ranomasina .............................................................................................................. 33
I-2- Ara-tantara....................................................................................................................... 36
I-2-1- Ny foko Betsimisaraka ao Maroantsetra ...................................................................... 37
2
I-2-2- Ireo foko madinika mandrafitra ny foko Betsimisaraka ao Maroantsetra ................... 39
I-2-3- Ny tantaran'ny mpanjono ............................................................................................. 40
I-3- Ny lamim-piarahamonina sy ny sosialy .......................................................................... 42
I-3-1- Ny rafi-pitantanana ...................................................................................................... 42
I-3-1-1- Ny rafi-pitondrana .................................................................................................... 43
I-3-1-2- Ny rafi-panabeazana ................................................................................................. 45
I-3-1-3- Ny fitsaboana sy ny fahasalamana ........................................................................... 48
I-3-1-4- Ny finoana ................................................................................................................ 51
I-3-2- Ny fomba amam-panao ................................................................................................ 52
I-3-2-1- Ny fiterahana ........................................................................................................... 52
I-3-2-2- Ny famorana ............................................................................................................. 53
I-3-2-3- Ny fanambadiana ..................................................................................................... 54
I-3-2-4- Ny fahafatesana ........................................................................................................ 57
I-3-2-5- Ny Famadihana ......................................................................................................... 58
I-4- Ny fiharian-karena sy ny foto-pivelomana hafa ankoatra ny jono .................................. 60
I-4-1- Ny fambolena .............................................................................................................. 60
I-4-2- Ny fiompiana ............................................................................................................... 62
I-4-3- Ny taozavatra sy ny fidiram-bola hafa ......................................................................... 62
II- NY TONTOLON'NY JONO AN-DRANOMASINA AO ANKIAKABE
II-1- Ny zava-misy eo amin'ny tonton'ny asa fanjonoana an-dranomasina ao Ankiakabe .... 65
II-1-1- Ny lalàna mifehy ny tontolon’ny asa fanjonoana ....................................................... 66
II-1-1-1- Lalàna ara-panjakana .............................................................................................. 66
II-1-1-2- Ireo dina ifehezana ny fari-dranomasina ao amin'ny VOI Ankiakabe .................... 68
II-1-2- Ireo fitaovam-panjonoana ampiasain’ny mpanjono ao Ankiakabe ............................ 70
II-1-2-1- Ny harato ................................................................................................................. 71
II-1-2-2- Ireo karazana fintana ............................................................................................... 78
II-1-2-3- Ny Sihitra ................................................................................................................ 79
II-1-2-4- Ny lakana ampiasaina ............................................................................................. 80
II-1-3- Ny fotoam-panjonoana ............................................................................................... 84
II-1-3-1- Ny Vanim-potoana isian’ny trondro ....................................................................... 84
II-1-3-2- Ny fiaingana ............................................................................................................ 86
II-1-3-3- Mandritra ny maha eny an-dranomasina ................................................................. 86
II-1-3-4- Ny fiverenana .......................................................................................................... 87
II-1-4- Ny vokatra .................................................................................................................. 88
3
II-1-4-1- Ny fisehon’ny vokatra ............................................................................................. 89
II-1-4-2- Ny fomba fikirakirana sy fitehirizana ny vokatra ................................................... 91
II-1-4-3- Ny lalam-barotra misy hanaparitahana ny vokatra ................................................. 93
II-2- Ny zava-misy ankapobeny momba ireo mpanjono ao Ankiakabe ................................ 93
II-2-1- Ireo sokajy misy ny mpanjono hita ao Ankiakabe ..................................................... 94
II-2-1-1- Ireo mpanjono mivondrona ao anaty fikambanana ................................................. 94
II-2-1-2- Mpanjono miasa tena .............................................................................................. 96
II-2-1-3- Ireo mpanjono mampiasa olona .............................................................................. 96
II-2-1-4- Ireo mpanjono miasa amin'olona ............................................................................ 97
III- NY FIATREHAN’NY MPANJONON’ANKIAKABE NY FIVOARANA SY NY
FIOVAM-PIAINANA MISY ANKEHITRINY
III-1- Ny fiainan'ny mpanjono ao Ankiakabe sy ny fidiran'ny fandrosoana .......................... 99
III-1-1- Ny zavatra nisy ankapobeny tao Ankiakabe talohan'ny fiparitahan'ny fivoaran'ny
teknôlôjia ................................................................................................................................ 99
III-1-1-1- Ny zava-nisy teo amin'ny lafim-piainana maro samihafa ...................................... 99
III-1-1-2- Ny fiainan'ny mponina ao ankiakabe ireo toe-javatra ireo ................................... 102
III-1-2- Ny fivoarana sy ny firoboroboan'ny teknôlôjia ........................................................ 104
III-1-3- Ny fiainan'ny mpanjonon'Ankiakabe ny fivoarana sy ny fandrosoan'ny teknôlôjia 106
III-1-3-1- Teo aloha............................................................................................................... 108
III-1-3-2- Ankehitriny ........................................................................................................... 109
III-1-3-3- Andavanandrom-piainan'ireo mpanjono ............................................................... 111
III-2- Ny fiantraikan'ny zava-baovao nentin'ny fandrosoana eo amin'ny jono an-
dranomasina ao Ankiakabe ................................................................................................... 112
III- 2-1- Ny vokatra tsara ...................................................................................................... 113
III-2-2- Ny lesoka .................................................................................................................. 114
III-2-3- Ny fiovam-piainana hita vokatry ny teknôlôjia maoderina...................................... 118
III-2-3-1- Ny lafiny tsara ....................................................................................................... 118
III-2-3-2- Ny lafiny ratsy ...................................................................................................... 119
III-2-4- Ireo fepetra noraisin’ny fanjakana sy ny tompon’andraikitra momba ny jono an-
dranomasina manoloana ny olan'ny jono an-dranomasina ................................................... 120
III-2-4-1- Fiaraha-miasa teo amin’ny mpanjono sy ny tetikasa ZAC ................................. 121
III-2-4-2- Famoahan’ny minisiteran’ny jono ny lalàna mandrara ny fampiasana ny
amikaoko ............................................................................................................................... 122
III-2-4-3- Ny fananganana tahirin-daoko harovana .............................................................. 123
4
III-2-4-4- Ny lesoka tamin’ireo fepetra noraisin’ny fanjakana sy nytompon’andraikitra .... 124
III-3- Ny fiatrehan' ny mpanjono any amin'ny firenen-kafa ny zava-misy manodidina ny
jono sy ny fiovam-piainana misy ankehitriny ....................................................................... 125
III-3-1- Ny zava-misy eo amin'ny sehatry ny jono any Afrika andrefana ............................ 126
III-3-1-1- Ireo olana atrehin'ny mpanjono ........................................................................... 126
III-3-1-2- Vahaolana noraisin'ny Afrikanina tandrefana ...................................................... 130
III-3-2- Fampitahana ny zava-misy niainan'ny mpanjono any Afrika andrefana sy ny zava-
misy iainan'ny mpanjono ao Ankiakabe ............................................................................... 138
III-3-2-1- Jery todika ho fanatsarana ny sehatry ny jono sy ny fari-piainan'ny mponina ao
Ankiakabe ............................................................................................................................. 141
III-3-2-2- Ny soso-kevitra ho fanatsarana ny fiharian-karena sy ny fiainan'ny mpanjono ... 142
III-3-2-3- Tantsoroka ho fanatsarana ny sehatry ny jono ao Ankiakabe .............................. 144
TENY FAMARANANA
Loharano nanovozan-kevitra ................................................................................................. 153
AKORA
5
FANALAVAN-TENY
ONG : Organisation Non Gouvernementale.
MNP : Madagascar National Parc.
WCS : Wildlife Conservation Society
PSDR : Projet Soutien du Développement Rural.
VOI : Vondron’Olona Ifotony.
PCDDBA : Plateforme de Concertatin de Développement Durable de la Baie
d’Antongil.
ZAC : Zone d’Amenagement Concerter
TPA : Tanora mPikambana Ankiakabe
CEG : Collège d’Enseignement Général
CEPE : Certificat d’Etude Primaire Elémentaire
CAPEN : Certificat d’Aptitude Pédagogique de l’Ecole Normale
EPP : Ecole Primaire Public
6
LISITRY NY SARINTANY
Sarintany 1: Ireo faritra roa amby roapolo mandrafitra an’i Madagasikara
Sarintany2: Ireo distrika sy ny kaominina manodidina ny Helodranon’Antongil
Sarintany 3: Ireo renirano manodidina ny Helodranon’Antongil
Sarintany 4: Ny foko betsimisaraka avaratra
LISITRY NY KISARY
Kisary 1: Ny ranovao
LISITRY NY SARY
Sary 1: Antsiranamborondolo
Sary 2: Mpanjono mampiasa ramikaoko
Sary 3: Harato vita amin’ny tadim-pintana
Sary 4: Harato eo am-panamboarana
Sary 5: Mpanjono mampiasa ―tamis‖
Sary 6: Ny ramikaoko
Sary 7: Ny sihitra
Sary 8: Ny lakan-jily
Sary 9 : Ny Lakan-drafitra
Sary 10: Ny fomba fanasana harato
Sary11: Ny salazana
LISITRY NY FAFANA
Fafana 1: Ireto fokontany hita ao amin’ny kaominina andrenivohitr’i Maroantsetra
Fafana 2: Ny fifandraisan’ny fiakaran’ny renirano amin’ny ranovao.
Fafana 3: Ny isan’ny mponina sy ny mpanjono ao Ankiakabe.
Fafana 4: Ny taonan’ny mponina ao ankiakabe
Fafana 5: Ny vokatra talohan’ny taona 2000
Fafana 6: Ny vokatra taty aorian’ny taona 2000
7
Voambolana manokana
A:
Ahandro: nahandro
Ahandro saroño: fomba fandrahoam-bary izay saromana na fonosina ravina longoza.
Antoram-bolana:fotoana mahafenomanana ny volana
Ataoraka: atsipy
D:
Davolana: diavolana
Diafotaka: vola omen’ny fianakavian’ny lahy ny zazavavy alaina ho vady ho vidin’ny
fandehanany tongotra mankany amin’ny toerana misy an’ilay lehilahy.
F:
Fañempo: fitaovana ampiasaina hampiempo ny zavatra iray ao anaty rano toy ny arato.
Fañokoarana: fanapongarana ny taolam-paty efa mihintsana avy ao anaty tany.
Fempiña: tototra
Folaka: taolana tapaka
G:
Gegy na samontabe: toetran’ny rano amin’ny volana fenomanana izay mihoatra ny
mahazatra ny haavony
H:
Haka: voambolana ampiasaina amin’ny renirano na ranomasina rehefa ritra.Tsy mitovy
amin’izay ny filazana azy raha dobo na farihy no ritra, lazaina hoe ritra fotsiny fa tsy haka.
Izany hoe tsy ny karazan-drano rehetra no ampiasana izany voambolana izany.
Harato harabaraba: harato vita amin’ny tadim-pintana, izany hoe tadim-pintana no rariana
ho lasa harato, alatsaka tsikelikely ao anaty rano ny fomba fampiasana azy na arabaraba ka
nahatonga izay anarany izay.
Harato ataoraka: harato vita amin’ny tadim-pintana na amin’ny karazana kofehy, atoraka
kosa ny fomba fampiasana azy.
Hazovato: vatam-paty vita amin’ny simenitra sy fasika ampiasaina amin’ny faty maina; iray
metatra ny halavany ary antsasa-metatra ny ampohiny na ny sakany.
L:
Laboe: zavatra boribory vita amin’ny plastika ampiasaina hampiempo harato.
Laoko: trondro
8
Longoza: Karazan-tsakamalao sy tamotamo ary sakarivobe mamoa mena, hanin’ny mpianala;
ataony solon-dovia ny raviny.
M:
Mañam-patana: fomba amam-panao hita amin’ny foko Betsimisaraka izay tanterahina
amin’ny fiterahana. Mitovy hevitra amin’ny ―mifana‖ aty Imerina.
Miaho: mihetsika, mihombo
Miahoranovao: mihetsika hadalana
Miaitry: ilazana ny zaza marary vokatry ny dona mahazo azy, ohatra: mianjera na latsaka
izay miteraka fanaviana ho azy. Ny fanafodiny amin’ny ankapobeny dia ny mihotra amin’ny
mpanotra.
Miboaka ampatana: mivoaka itany.
Miosiky: mihira ary hira mitovitovy amin’ny vakodrazana fahita eto ampovoan-tany
Mirôroño: midina
Mitaha: mitsabo
Mivadik’ozatra: fialan’ny hozatra amin’ny toerany noho ny dona mafy mahazo azy izay
miteraka fanaintainana ho an’ilay olona, mifanohitra amin’ny folaka.
Mpampivelona: Vehivavy mpampiteraka ny vehivavy bevohoka tonga andro. Renin-jaza hoy
ny aty afovoan-tany.
Mpanati-tsintaka: olona vitsivitsy avy amin’ny fianakavian’ny zazavavy nalaina vady
manatitra azy ho any amin’ny toerana misy an’ilay zazalahy naka. Miankina amin’ny isan’ny
mpanintaka ny isany, raha 5 ny mpanintaka, 10 kosa ny mpanati-tsintaka.
Mpanintaka: olona avy amin’ny fianakavin’ny lahy andeha haka ilay zazavavy ho alaina
vady. Ireo no manao ny fangatahana sy ny fombafomba rehetra.
Mpialakantoka: mpamoto-barotra.
Mpiambinjiny: zokiolona ao amin’ny fianakaviana, izay miahy ny lafiny fomban-drazana sy
ny fasan-drazana, mamoha izany raha misy ny ilana izany.
Mpisikidy: mpanasitrana na mpamantatra ny karazan’aretina na toe-javatra amin’nyalalan’ny
ravinkazo na voan-javatra.
N:
Naniny: nataony
O:
Orimbato: dingana arahina amin’ny fanambadiana Betsimisaraka, izay hametrahan’ny
andaniny sy ny ankilany ny fepetra itondrany tokantrano. Ohatra: filazan’ny andaniny sy ny
ankilany ny fady sy ny tsy mety aminy.
9
Ôvotro: tsiry malemy na vololona mbola tsy mivoaka ao anatin’ny zava-maniry toy ny
ravinala, rofia, palmie sy ny sisa, izay ampiasaina atao laoka.
K:
Kaoba: fitaovam-panihifana na fitaovana ampiasaina rehefa hanihitra.
R:
Ramikaoko: karazana harato izay madinika ny masony.
Ranomaso: andro iray natokana itomaniana ny olona iray maty hanehoana ny fiaraha-miory
amin’ny fianakaviana havan’ny maty.
Ranovao: fiovan’ny toetrandro eo amin’ny fizaram-bolana sy eo amin’ny fahafenoany. Izany
hoe mifandray amin’ny fipetraky ny volana ny toetrandro ka rehefa ho faty sy hiposaka ny
volana vaovao ary eo amin’ny fahafenoany dia miova ny toetrandro. Izay fiovana izay no atao
hoe ranovao.
Ranovao ankelisisany na
Ranovao ampamaky na
Ranovao manasa masom-bolana: fiovan’ny toetrandro na faharatsian’ny toetrandro
mialohan’ny hahafatesan’ny volana sy alohan’ny hivoahan’ny volam-bao.
Ranovao antoram-bolana: fiovan’ny toetrandro amin’ny fotoana maha fenomanana ny
volana
Rasahariana: fomba amam-panao hita any amin’ny Betsimisaraka avaratra izay anomezana
ny maty ny anjara fananany tamin’ny fahavelomany.
Rasavolana: ilazana ny lahateny atao amin’ny fahafatesana sy ny lahateny ataon’ny
mpivahiny alohan’ny handehanany hody.
Romba: zava-maniry ampiasaina amin’ny vehivavy avy miteraka amin’ny fotoana hivoahany
itany.
S:
Sintaka: dingana arahina amin’ny fanambadiana Betsimisaraka, amin’io no itondran’ny
fianakavian’ny zazalahy ilay zazavavy ho any amin’ny toerana misy azy.
Sohiky: aretina miteraka fahasemporana noho ny kohaka, ka ila tsy ho avy miaina izay
voany.
Sôroño: voambolana ilazana ny toetran’ny rano rehefa miakatra.
Sôroko: ravinala na ravin-dongoza ampiasaina hihinanana ho solon’ny sotro.
10
T:
Tangalamena: Hazomanga na Sojabe ilazana ireo loham-pianakaviana na ireo izay zokiny
indrindra eo amin’ny fiarahamonina, izy ireo no mandrindra sy mandamina ny fiainan’ny
fiarahamonina.
Taiñarano: ranomamy na renirano.
Taoño: fahavaratra aty afovoan-tany.
Tati-bato: vola omena ny fianakaviana mana- manjo ho fiaraha-mitondra ny fahoriana
aminy.
Tsidimbazana: fivontosana izay miakatra ho azy amin’ny olona iray, mety amin’ny tongotra
na amin’ny tanana na amin’ny toeran-kafa, izay apetaka amin’ny alalan’ny fanafody gasy.
V:
Vahitr’arana: algue marine.
Vanintraño: alatrano, any an-tokotany
Vinañy: vavarano fidiran’ny renirano amin’ny ony, na ny ony amin’ny ranomasina
Vinañy fempiñy: vinany tototry ny fasika.
Vintana: fintana
TENY FAMPIDIRANA
11
Firenena manana ny maha izy azy amin’ny harena voajanahary ny firenena malagasy.
Iaraha-mahalala fa Nosy i Madagasikara ary anisan’ny mampanan-karena azy izany maha
Nosy azy izany ka ny harena isan’ny lehibe indrindra mihodidina azy dia ny ranomasina.
Sehatra iray izay trandrahan’ny Malagasy maro monina manodidina ny morontsiraka io
sehatra io amin’ny alalan’ny asa fanjonoana.
Mponina sy fianakaviana maro araka izany no mivelona amin’io ranomasina io; Samy
manana ny fomba fiasany sy tetika amam-paika ampiasainy hiatrehany izany jono an-
dranomasina izany ny tsirairay isam-paritra, nefa mety misy ihany izay iraisany.
Nahasarika anay manokana ny tranga hita any amin’ny fokontanin’Ankiakabe
distrikan’i Maroantsetra faritra Analanjirofo ka nahatonga anay ifantoka amin’ny lohahevitra
hoe: Ny fihariana sy ny toekarena momba ny jono an-dranomasina ao amin’ny Fokontany
Ankiakabe distrikan’i Maroantsetra faritra Analanjirofo.
Tsy kisendrasendra araka izany no nisafidiananay izao fikarohana sy asam-
pandalinana izao fa ao dia ao ny fahatsapanay ny havesa-danjan’ny asan’ny anthrôpôlôgy eo
amin’ny lafiny fampianarana sy fanabeazana amin’ny maha mpiofana ho mpampianatra tato
amin’ny Ecole Normale Superieure anay. Tsapa fa fototra iray hahafahanay mampivoatra ny
fiarahamonina ny antrôpôlôjia ka tsy ny mpianatra sy ny sekoly fotsiny no tokony
hotsinjovinay fa azo atao koa ny manabe sy mampianatra ny mpiara-monina hanatsara ny fari-
piainany, toy izay fanirianay hitondra fivoaram-piainana eo amin’ireo mpanjono ao
Ankiakabe, Maroantsetra.
0-1- Ny anton’ny safidy
Sehatra maro samihafa no azo irotsahana amin’ny fanaovana asa fikarohana toy itony,
izay mifandraika amin’ny lalam-piofanana norantovina tato amin’ny ENS, sekoly ambony
mpanofana ho mpampianatra.
Ao ny mitodika amin’ny lafiny didaktika, ao ny mifantoka amin’ny lafiny literatiora,
ao ny haifiteny, ao ny fandinihana ny fiarahamonina sy ny ribany izay samy nandraisanay
fanofanana nandritra dimy taona. Nifantoka manokana tamin’ny fandinihana ny olona, ny
fiarahamonina sy ny ribany ny tenanay dia ny Antrôpôlôjia. Lafin-javatra maromaro no azo
dinihina eo anivon’izany fiarahamonina sy ny ribany izany, toy ny lafiny fomba amam-panao,
ny finoana, ny lafiny fampandrosoana, ao ihany koa ny lafiny toe-karena. Nahasarika anay
manokana eto ny lafiny fiarahamonina sy ny toe-karena araka ny petrakolana izay harosonay
12
manaraka eto ka nahatonga anay nisafidy manokana ny lohahevitra sy ny toerana, ary ny
sehatra hiompanan’ny asam-pandalinana ataonay.
Ny zava-misy iainana sy ny trangam-piarahamonina izay atrehina mazàna no
mahatonga ny mpandinika sy ny mpikaroka hirotsaka handalina lohahevitra iray teraka na
nitsiry noho ny Petrakolana tsikaritra eo anivon’izay sehatra voafidy hofotopotorana.
Ny petrakolana kosa dia manosika avy hatrany ny mpandinika handroso petrakevitra.
0-1-1- Ny petrakolana
Olana amin’ny jono an-dranomasina aty amin’ny ila-bolantany atsimo:
- Fa inona tokoa ny zava-misy ao?
- Mihasimba ny tontolo an-dranomasina.
- Iza avy ny olona sy ny zavatra samihafa voafaoka ao anatin’izany?
0-1-1-1- Ny antony nifidianana ny lohahevitra
Araka ireo fanontaniana mifanesy voatanisa eo aloha ireo ary ny asa fikarohana sy ny
fandalinanay dia nafantokay amin’ny:
“Ny fihariana sy ny toekarena momba ny jono an-dranomasina ao amin’ny Fokontany
Ankiakabe distrikan’i Maroantsetra faritra Analanjirofo‖.
Mifototra amin’ny taranja Antrôpôlôjia araka izany io safidy io. Ny Antrôpôlôjia izay
tsy inona fa ny siansa manadihady fiainan’ny fiarahamonina toy ny fomba amam-panao, ny
fivelomany, ny farim-piainany, ny fiheverany. Nifantoka tamin’izany ny safidinay noho ireto
antony manaraka ireto:
Eo dia eo ny fitiavana sy ny fankafizanay ny taranja Antrôpôlôjia, izay mandinika sy
manadihady ny zava-misy iainan’ny fiarahamonina, fa eo indrindra koa ny mbola tsy
fahamaroan’ireo izay misafidy ny handalina momba ny Antrôpôlôjia mifantoka amin’ny
fihariana sy ny toe-karena. Mba hanatevenana ny ambaindain’ny fandalinana sy fikarohana
ary ny tahirin-kevitra mikasika izay fihariana sy toe-karena eo amin’ny sehatry ny
Antrôpôlôjia izay no anisan’izay nisafidianana manokana ny lohahevitra. Tsy azo lavina ny
fifandraisan’izany amin’ny fampandrosoana ny mponina ao Ankiakabe sy ny jono an-
dranomasina, araka ny petrakolana misy ao an-toerana voalaza etsy aloha.
Anisan’ny sehatra iray izay manatsara ny toekarena malagasy ny sehatry ny jono an-
dranomasina kanefa maro no mbola tsy mahalala ny zava-misy marina manodidina io jono an-
dranomasina io. Nametraka ny safidy amin’ity lohahevitra ity ihany koa izahay mba ho
fampafantarana io sehatry ny jono an-dranomasina io sy ny zava-misy manodidina azy.
Heverinay fa anjara biriky azonay entina sy atolotra ny mponina ao Ankiakabe izany mba ho
13
fampahalalana ny zava-misy, ho fanatsarana ny fari-piainany ary hisarihana ny maso hitsidika
sy hizaha tany ary hampandrosoana ny jono an-dranomasina sy ny fokontany Ankiakabe.
0-1-1-2- Ny antony nisafidianana ny toerana
Ny fokontanin’Ankiakabe distrikan’i Maroantsetra faritra Analanjirofo no toerana
nosafidiana.
Mifototra amin’ny lafin-javatra vitsivitsy ny antony nisafidianana izany toerana izany:
Andaniny, toerana nahalehibe sy namolavola anay mpikaroka iny toerana iny ka manana
adidy amin'y fampivoarana sy fampivelarana azy ny tena. Ankilany, toerana somary mitokana
sady tsy maro mpahafantatra ihany koa izy. Anjara biriky amin'ny fampandrosoana sy ho
fampahafantarana azy amin'ny tany amamonina izao asa fikarohana izao, ka antenainay hisy
fiantraikany amin’ny fanatsarana ny fari-piainan’ny mponina sy ny mpanjono izany. Ny
fokontany Ankiakabe rahateo no nisy ny fianakaviana nivelona tamin’ny jono an-
dranomasina voalohany teto antampon-tanànan’i Maroantsetra. Efa nihamaro ny mpanjono
tao izay vao nanomboka niparitaka tamin’ny fokontany hafa toy ny tao Antanambao,
Andranonangozy, Ankiakalava II.1
Manaraka izany, mitaky filomana sy fifaneraserana amin’ny fiarahamonina ny
fikarohana Antrôpôlôjia mba hahafantarana ny momba ny mponina, ny fiainany sy ny
fanaony ny fiteniny. Izany filomana sy fifampikasohana maharitra amin’ny mponina izany no
hahafahana mamoaka eo amin’ny asa fikarohana atao ny mety ho zava-misy marina, araka
izay vaolazan’i E. E. PRITCHARD izay: ―Ny Antropology dia tsy maintsy vonona hanokana
fotoana betsaka amin’ny fanadihadiana ataony, tokony hifandray akaiky sy mitohy amin’ireo
mponina hiasany, hifampiresaka aminy amin’ny fiteniny ary tsy maintsy handinika ireo lafiny
maro amin’ny kolontsainy sy ny fiarahamoniny‖.2
Fohy dia fohy anefa ny fotoana nahazoana nanantanteraka ny asa fikarohana koa mba
tsy hahatonga ny mpikaroka handray ila amin’ireo fomba sy fanao amam-piheverana
mifandray amin’ny lohahevitra nofinidy dia heverinay fa fiarahamonina mba efa voafolaka
amin’ny ampahany na ny manontolo no tsara irotsahana an-tsehatra ka nahatonga anay
hisafidy an’Ankiakabe Maroantsetra.
1 Loharanom-baovao: Belahin’i Gasy, 90 taona avy ao Ankiakabe sy BE Alexis tompon’andraikitra momba ny
jono eto Maroantsetra, monina ao Ankiakandrefana, 55 taona, ny 19 Martsa 2013 tamin’ny 8 ora sy sasany
maraina.
2 EVANS-PRITCHARD (E), Op.cit. tak. 79. ―L’anthropologue doit etre prêt à passer beaucoup de temps sur son
enquête;il doit rester en contact étroit et permanent avec les populations sur lesquelles il travaille.‖
14
0-1-2- Petrakevitra
Miatrika olana ny sehatry ny jono an-dranomasina aty amin’ny ila-bolantany atsimo
izay hita taratra ao Ankiakabe. Hita araka ny fanadihadiana natao tokoa fa mihasimba ny
tontolo an-dranomasina, mihalany taranaka ny trondro sy ireo harena an-dranomasina noho ny
fitra ndrahana tsy ara-dalana ataon’ireo mpanjono any an-toerana sy ireo mpanjono vahiny.
Ny fampiasana ireo fitaovana tsy ara-dalana toy ny ramikaoko no fototry ny olana. Ripaka ny
zana-trondro ka mihalany taranaka ny karazan-trondro maro. Misy akony amin’ny fihariana
sy ny fiainan’ny mpanjono izany tsy fahatomombanana izany ka mihamitotongana ny fari-
piainan’ireo mpanjono indrindra ireo mpanjono madinika.
0-2- Ny tanjona sy ny zava- kendrena
Tsy ny momba ny jono ranoray no hita ato anatin’ity asa fikaroana ity fa ho voaresaka
ato ihany koa ny fomba amam-panao izay mampiavaka ny foko Betsimisaraka tavaratra izay
tsy afa-misaraka amin’ny fihariany sy ny antom-pivelomany. Hanampy ny mpianatra isaky ny
ambaratongam-pampianarana hahafantatra ny soatoavina Betsimisaraka Tavaratra araka izany
no anisan’ny tanjona amin’ity asa fikarohana ity. Eo ihany koa ny fitondrana fomba fijery toa
tsy mbola manavanana loatra ny maro dia ny fampifanindranandalana ny sôsiô-antrôpôlôjia
amin’ny antrôpôlôjia ekonomika ho fanatsarana ny fari-piainan’ny mpiara-belona sy ny
mpanjono an-dranomasina ao Ankiakabe amin’ny lafiny rehetra: sôsialy, kolontsaina,
fihariana aman-toekarena. Araka izany dia tanjonay ny tsy hianina amin’ny fanabeazana an-
tsekoly amin’ny maha mpanabe anay fa adidinay ihany koa ny manome ny fanabeazana
ivelan’ny sekoly.
Manaraka izay, entina hampahalala ny besinimaro ny endri-pihariana eo amin’ny
sehatry ny jono an-dranomasina ihany koa izy ity ka hitondrana ny zava-misy sy ny tetika
amam-paika fampiasa sy ny azo ampiasain’ny mponina ao Ankiakabe miatrika ny sehatry ny
fihariana sy ny toekarena momba ny jono an-dranomasina manoloana ny vanim-potoana
ankehitriny mba hanatsarana ny lafim-pihariana sy ny fiainan’ny mponina ary ny mpanjono
ao Ankiakabe.
15
0-3- Ny asam-pikarohana efa nisy momba ny jono
Tsy vao izahay no nisantatra ity asa fikarohana momba ny jono ity fa efa nisy teo
alohanay izay nifantoka tamin’ny fandrosoan’ny jono an-dranomasina tany Ankiembe
Toliara; ao ihany koa ny nanadihady ny vokatry ny fampiasana ramikaoko eo amin’ny tontolo
iainana sy ara-tsosialy ary ara-toekarena tany amin’ny faritry Helodranon’Antongil; nisy koa
ny nijery momba ny fiaimpiainan’ny mpanjono sy ny asa fanjonoana tany amin’ny faritra
Analanjirofo. Tsy teto Madagasikara ihany fa isany lehibe tamin’izany fanadihadiana izany
ny momba ny zava-misy eo amin’ny tontolon’ny jono sy ny olana atrehiny ary ny vahaolana
noraisina ho fampandrosoana ny sehatry ny jono amin’ireo tany mahantra any Afrika
Andrefana.3
Tsy firy araka izany ny nanao asam-pikarohana momba ny jono eo amin’ny sehatry ny
antrôpôlôjia ka mampanandanja izao asanay izao indrindra izay mahakasika an’Ankiakabe sy
ny faritra Analanjirofo.
0-4 - Izay mampiavaka ity asa ity
Ny mampiavaka ity asa ity kosa dia izy sady mifantoka manokana amin’ny tena maha
fiharian-karena ny sehatry ny jono an-dranomasina no mijery ihany koa ny fomba amam-
panaon’ny mponina ao anatin’izay fihariana izay araka ny fomba fandinika sy fiasan’ny
Antrôpôlôgy izay toa hadino na tsy fantatry ny mpahay toekarena ny fisiany sy ny
fifandraisan’ny asan’izy ireo amin’ny asan’ny Antrôpôlôgy. Anisan’ny mampiavaka ny
asanay ihany koa ny toerana izay nanaovana ny asa fikarohana, tao amin’ny
fokontan’Ankiakabe distrikan’i Maroantsetra faritra Analanjirofo ka ahafahanay sady
mampahalala ny fiarahamonina sy ny mponina ao aminy no mamoha varavarana azy ireo
hisokatra amin’ny tontolo ivelany.
0-5- Ny fomba nanatontosana ny asa fikarohana sy ny fandalinana
Ny tahirin-kevitra sy ny akora no sehatra iasana amin’ny asa fikarohana toy itony. Eo
ampitrandrahana ireo fitaovana ireo dia tokony hisy lalan-tsaina na teoria sy paika mazava
enti-miasa mba hampahomby ny asa fikarohana atao. Inona avy ary ireo lalan-tsaina na teoria
sy ny paika narahina tamin’ny fanatontosana izao asa fikarohana izao.
3 Fanadihadiana nataon’ny Organisation des Nations Unies
16
0-5-1- Ny lalan-tsaina na ny teoria sy ny paika nenti-niasa
Taranja natao handinihana sy hamotopotorana ny fiainan’ny fiarahamonina ny
Antrôpôlôjia sy ny sôsiôlôjia.
Hoy J. BEATTIE: ―Ny antrôpôlôgy dia mandalina sy mamotopototra ny fomba amam-
panao, ny soatoavin’ny mponina ary ny fomba ifandraisan’izy rehetra ireo.‖4
Ny sôsiôlôjia araky ny filazan-dROCHER azy kosa dia ―fandinihana ireo singan-
javatra misy eo amin’ny fiarahamonina izay mijery ny rafitra misy eo amin’ny fianakaviana,
ny saranga, ny fitondrana […]‖.5
Ireo taranja roa ireo anefa dia atambatry ny taranja sôsiô-Antrôpôlôjia ho iray ihany.
Io taranja io dia tsy mionona fotsiny amin’ny vinavina eo am-panatanterahana ny
fanangonana ny akora fa mitaky firotsahana an-tsehatra eo amin’ny ambaratongam-
pandalinana.
Lafin-javatra maro no jerena amin’izany toy ny lafiny maha olona, ny lafiny toe-
karena ary ny lafiny fitondrana sy ny lamim-piarahamonina.
Amin’ny ―sôsiô-Antrôpôlôjia‖ dia misy ny fampitahana ny zava-misy iainana amin’ny
fiheverana. Izany hoe, mandinika ny fiainan’ny mponina eo amin’ny lafiny mitety vanim-
potoana. Misy ihany koa ny fampiharoana sy fampifandraisana ny fomba fiasan’ny
antrôpôlôgy sy ny sôsiôlôgy mba handalinana ifotony sy lalim-paka ireo hetsika sy fiovana eo
amin’ny vondron’olona maromaro.6
Ao anatin’ity asam-pandalinana ity dia mampiasa ny paikam-pandinihana na
―approche multi-rationalités‖ izay ahitana fomba roa enti-manadihady fiarahamonina:
Voalohany, fijerena sy famantarana ny zava-misy iainan’ny mponina any an-toerana.
Izany hoe, mijery amin’ny antsipiriany ny zava-misy iainan’ny mponina ao amin’ny
fiarahamonina dinihina.
4 BEATTIE (J), 1972, Introduction à l’anthropologie sociale, Edition Payot, Paris, tak 27. «Les anthropologues
étudient les institutions sociales et les valeurs d’un peuple et la façon dont elles sont étroitement reliées entre
elles. » 5 ROCHER (G), Introduction à la sociologie generale, Tom 1, L’action, éd HMN, litée, 1968. «La sociologie
générale, c’est-à-dire les analyses des secteurs particuliers de la réalité sociale, sociologie de la famille,des
classe sociales,du pouvoir politique( …) . » 6 OLIVIER DE SARDAN (J.P), Anthropologie et Developpement .Essai en socio-anthropologie du changement
social ,1995, tak .10 « J’entends par « socio-anthropologie » l’étude empirique multidimentionnelle de groupes
sociaux contemporains et de leurs interactions,dans une perspective diachroniques, et et combinant l’analyse des
pratiques et celle des représentations . La socio-anthropologie fusionne les traditions de la sociologie de terrain
(école de chicago) et de l’anthropologie de terrain (ethnologie) pour tenter une analyse intensive et in situ des
dynamiques de reproduction/transformation d’ensembles sociaux de nature diverses, prenant en compte les
comportements des acteurs, comme les significations qu’ils accordent à leurs comportements. »
17
Faharoa, fijerena ny fampandrosoana na ny toe-java-misy miompana amin’ny
fandraisan’anjaran’ny mponina na ny vondron’olona, ny tanjony, ny fanambiny, ny
paikadiny‖7 araka ny fomba filazan’i Jean Pierre OLIVIER DE SARDAN azy.
Haitsikera nampiasaina ihany koa ny ―ny antrôpôlôjia baikon’ny hetsika‖. Ity fomba
fijery ity dia mijoro amin’ny foto-kevitra hoe: andaniny mihetsika ny fiarahamonina,
ankilany, dia tsy mionona amin’ny fanambarana ofisialy ny mpikaroka fa tsy maintsy
mitsikera ny ao ambadik’izay voalaza. Ny fampiharanay ireo lalan-tsaina na teoría sy ny
tetika amam-paika ireo dia anterinay fa ilaina mba hanatrarana ireo tanjona sy ny zava-
kendrena voatanisa teo aloha.
0-5-2- Asa momba ny tahirin-kevitra sy ny akora
Teo amin’ny fanatontosana ny asa fikarohana dia nizara roa ny dingana narahina
ankoatra ireo lalan-tsaina amam-paika nosafidiana efa voatanisa teo:
Ny fanangonana ireo tahirin-kevitra. Nandritra izany no namakiana ireo boky sy
lahatsoratra isan-karazany izay hita fa ahafahana manatontosa ny asa fikarohana.
Ny fanangonana ireo akora. Nandritra ny firotsahana an-tsehatra no
nanatanterahana izany. Horesahintsika voalohany ary ny teo amin’ny fanangonana ny tahirin-
kevitra.
0-5-2-1- Ny fanangonana tahirin-kevitra
Notanterahina izany fanangonana ny tahirin-kevitra izany tamin’ny alalan’ny
fanatonana ireo trano famakiam-boky isan-karazany sy ny fivoizana ny ―internet‖ izay ahitana
ny lohahevitra momba ny jono. Nanampy be dia be tamin’ny fanangonana akora ny
fanatonana manokana ny ministeran’ny jono sy ny tompon’andraikitry ny jono tany an-
toerana. Nanampy izany ihany koa ny fihaonana tamin’ireo mpanjono izay miaina izany asa
fanjonoana izany. Nisy araka izany ny tahirin-kevitra an-tsoratra fa tao koa ireo am-bava
vokatry ny fanadihadiana ifotony izay natao.
7 OLIVIER DE SARDAN (JP), op.cit .tak. 38-39 : « On peut estimer qu’elle se déploie à deux niveaux
complementaires.
1-Tout d’abord, la démarche est devenue plus « locale », plus centrée sur le « micro » voire à la rigueur
le « meso », (...)
2-En second lieu, l'accent est mis sur les actuers sociaux ou les groupes d’acteurs sociaux (individuels
ou collectifs), leur stratégies, leurs enjeux » (…)
18
0-5-2-2-Ny fanangonana akora sy ny firotsahana an-tsehatra
Hoy I E. EVANS-PRITCHARD: ―Ny Antrôpôlôgy dia tsy maintsy vonona handany
fotoana lava mandritra ny fotoana irotsahany an-tsehatra; tsy maintsy mifandray akaiky sy
maharitra miaraka amin’ny mponina izay iasany izy8‖. Maneho izany fa lalana tsy maintsy
izoran’ny mpikaroka antrôpôlôgy ny firotsahana an-tsehatra.
Ankoatra ny maha fiarahamonina efa nanolokolo sy nanabe anay ny an-tampon-
tanànan’i Maroantsetra dia mbola nisy ny firotsahanay an-tsehatra nandritra ny enim-bolana9
mahery eo ho eo ka nahafahana niresaka mivantana tamin’ireo mpanjono sy ny manodidina
azy ary nanatonana ny biraom-panjakana tany an-toerana sy ny olon-tsotra. Nanampy betsaka
tamin’ny fahafantarana ny zava-misy iainan’ny mponina tany an-toerana ny firotsahana an-
tsehatra izay antsoina hoe: ―observation participante‖, izay fomba fanadihadiana
fiarahamonina sy ny fombam-piainany, mitaky fahalalana ny zava-misy iainan’ny mponina sy
fandraisana anjara amin’ny asa ataony, izany hoe ankoatra ny fivezivezena matetika dia niara-
nonina tamin’ny mponina nandritra ny enim-bolana teo izahay ary nandray anjara tamin’ny
asa nataony toy ny fisintonana ny harato, fanavahana ny trondro amin’ny ahitra, fanalazana
laoko10
. Nandritra izay, amin’ny maha tanàna mifanila an’Ankiakalava sy Ankiakabe izay
lalana fotsiny no mampisaraka azy dia nisy ny fifandraisana sy fifaneraserana tamin’ireo
mponin’Ankiakabe ary nihamafy izany ka nifampihinana ny manta sy ny masaka nandritra ny
fotoana nirotsahana an-tsehatra.
Ny fiarahana nonina tamin’ny mponina no nahitana ifotony ny zava-misy iainan’ny
tany an-toerana toy ny fombany, ny fiainany, ny fisainany sy ny sisa.
Ankoatra ireo dia teo ihany koa ny resadresaka sy fanontaniana natao tamin’ny
sokajin’olona maro. Mbola nitohy ihany ny fifandraisana tamin’ny mponina Ankiakabe
nandritra ny fandrafetana ny asa aza. Nahafantarana zavatra betsaka izany indrindra ny
anton’ireo hetsika atao manodidina ny asa fanjonoana izay asiam-pandalinana sy fanazavana
misimisy kokoa atsy aoriana kely.
8 EVANS-PRITCHARD (E.), Observation participente.Cit., tak. 79.
―L’Anthropologue doit être prêt â passer beaucoup de temps sur son enquête ; il doit rester en contact êtroit et
permanent avec les populations sur lesquelles il travaille. » 9 Volana Febroary ka hatramin’ny volana Jolay 2013.
10 Fanamainana trondro
19
0-6- Olana natrehina tamin’ny fanatontosana ny asa sy ny vahaolana noraisina
Olana1: Eo amin’ny lafiny fotoana, kely dia kely ny fotoana nahatratrarana ireo
mpanjono ao an-tranony satria miala amin’ny roa ora maraina ao an-trano izy ary miverina
arakaraky ny fiovan’ny toetrandro. Any ho any amin’ny folo ora, na amin’ny iraikambin’ny
folo ora any ho any no fotoana fiverenana.
Manenjika ny asa aman-draharaha hafa toy ny fakana kitay sy ny asa ankoatra ny
fanjonoana indray ny tolakandro na ny tapaky ny andro hariva.
Ny renim-pianakaviana kosa mivarotra ny trondro azon-drangahy. Noho izany dia zara
raha mahatratra olona amin’ny tolakandro.
Vahaolana noraisina:
Noho ny tsy fisian’ny fotoana malalaka hiresahana amin’ny mpanjono mihitsy,
nokendrena amin’ny fotoana hanamboarany harato ny fifampiresahana, matetika dia amin’ny
iray ora ka hatramin’ny roa na amin’ny telo ora tolakandro eo ho eo io fotoana io. Fotoana
mba hahatratrarana azy ireo ao an-trano izany fotoana izany ary tsy manelingelina azy loatra
koa satria sady miasa manao harato izy no mitafa aminay.
Olana2: Maro ny mpanao fanadihadiana, ao ny avy amin’ny fanjakana isan-tokony,
ao ny avy amin’ny ONG maro samihafa, ao ny mpianatra. Ao anatin’izay anefa manararaotra
ny mpamitaka sy ny olon-dratsy ka mody manao fanadihadiana kanefa zavatra hafa no
kendreny hatao. Vokatra izany, lasa matahotra ny olona na ireo mpanjono handray ny mpanao
fanadihadiana, indrindra raha mahakasika ny lafim-piainana toy ny vola miditra aminy, ny
fari-piainany sy ny momba ny fiainany no hadihadiana.
Vahaolana noraisina
Natao ny fomba nahafantaran’izy ireo fa tsy olon-dratsy ny tenanay mpanadihady.
Natao izany tamin’ny alalan’ny fanatonana ny fianakaviana iray mpanjono izay nifankazatra
sy nifanerasera taminay mpanadihady. Io fianakaviana io no nanolotra sy nampahafantatra
anay tamin’ireo mpanjono hafa izay nifampiresahana. Nanamafy izany ihany koa ny
fanehoana azy ireo ny taratasy fahazoan-dalana avy taty amin’ny sekoly.
Olana3: Sarotra ny fanatonana ireo mpanjono mampiasa ―ramikaoko‖(karazana
harato) noho ny fanenjehan’ny tompon’andraikitra azy ireo ka tsy te handray vahiny mpanao
famotopotorana izy na avy aiza na avy aiza izy ireo ary na ny maka sary ny fitaovana aza tsy
azo natao.
20
Vahaolana noraisina
Vonjena any amoron-dranomasina amin’ny fotoana iasany izy ireo, natao ny fomba
rehetra tsy nahafantarany fa mpanao fanadihadiana ny tenanay. Miara mipetraka aminy eo
am-piandrasana ny fampakarana ny harato, nohararaotina teo ny firesahana sy fanontaniana
mahakasika ny fampiasana ny harato sy ny fomba fiasan’izy ireo. Nanatrika sy nanampy azy
ireo ary nijery ny fihetsika rehetra nataony ho fanampin’izany. Izay tsy hita sy tsy azo teo dia
nofenoina tany amin’ny tompon’andraikitry ny jono satria efa maro ny fanadihadiana
vitan’izy ireo mahakasika izany.
Olana4: Teo amin’ny fanangonana ny tantara: tsy misy mpitahiry ny lovantsofina
indrindra ny taranaka taty aoriana. Ireo ray aman-dreny izay nahatahiry azy tany aloha dia efa
vitsy dia vitsy ny mbola velona.
Olana lehibe ho anay mpandihady izany zavatra izany ary na ny olon-dehibe eo an-
tanana aza efa tsy mahafantatra ny tena tantara.
Vahaolana noraisina
Nitady toerana manan-tantara toa an’i Nosy Mangabe sy Ambatomasina ka ny
tompon’andraikitra amin’ireny no natonina. Amin’ny toerana manan-tantara toy ireny mantsy
dia voatahiry an-tsoratra ny tantara izay mifandray amin’ny tantaran’ny mponina manodidina.
Olana 5: Olana natrehina ihany koa ny hasarotry ny lalana miainga eo Toamasina ka
hatrany Maroantsetra izay manana halaviran-dalana 400 kilometatra kanefa tanterahina ao
anatin’ny efatra na dimy andro raha mandeha fiarakodia, raha mandeha sambo kosa dia eny
ambonin’ny ranomasina iray andro na iray andro mahery kely arakaraky ny sambo. Noho izay
toe-javatra izay dia midangana ny saran-dalana izay mahatratra any amin’ny 121000 ariary ny
mandroso fotsiny ary toy izany ihany koa ny miverina kanefa tsy maintsy hivezivezena
mandritra ny firotsahana an-tsehatra.
Vahaolana noraisina: Nijanona tany an-toerana tao anatin’ny fotoana lavalava11
mba
hahazoana ny angona na ny akora rehetra ilaina mba tsy hisiana’ny fivezivezena sy
hahafahana milona tsara amin’ny asa ary rehefa hita fa feno ny angona na ny akora izay vao
niakatra taty Antananarivo. Tsy tapaka nifandray tamin’ny tany an-toerana anefa izahay na
izany aza.
11
Tao anatin’ny enim-bolana
21
0-7- Fetran’ny asa
Amin’ny maha asa fikarohana ahazoana ny mari-pahaizana ―CAPEN‖ azy ity dia
manam-petra ihany ny fotoana sy ny hoenti-manana amin’ny asa.
Voalohany, karazam-panjonoana roa no hita ato amin’ny faritr’i Maroantsetra dia ny
jono an-dranomasina sy ny jono an-dranomamy izay samy azo anaovana fikarohana avokoa.
Nisafidy ny jono an-dranomasina ihany izahay ato amin’ny asa noho ireto antony manaraka
ireto: mivelatra kokoa ny jono an-dranomasina aty amin’ny faritra manodidina an’i
Maroantsetra raha oharina amin’ny jono an-dranomamy. Vitsy kokoa ny olona miantehitra sy
mivelona amin’ny jono an-dranomamy fa mifantoka amin’ny jono an-dranomasina ny
ankamarony. Miseho izany amin’ny maha toerana manamorona ny ranomasina azy ary eo
ihany koa ny fahasimban’ny jono an-dranomamy noho ny fiovan’ny toetrandro ka maro ny
loharano na ny renirano ritra sy maina. Isan’ny fetran’ny asa izay.
Faharoa, fokontany maro ao an-tampon-tanànan’i Maroantsetra no miaina amin’izany
asa fanjonoana an-dranomasina izany, noferana ho ny fokontany Ankiakabe ihany no tena
nifotorana nanatanterahana ny asa, nefa tsy fefy hentitra tsy ijerena ny fiarahamonina
manodidina izay raha misy nilana izany, mba hahitana kokoa ny tranga ao Ankiakabe.
Farany, na dia nijery ireo fihariana aman-toekarena momba ny jono an-dranomasina
tany amin’ireo tany Afrikanina aza izahay, dia nilainay ho amin’ny fampitahana izany fa ny
jono an-dranomasina ao Ankiakabe no ivon’ny asanay.
0-8- Drafitra ankapobeny:
Mba hahafahana miroso amin’ny asam-pandalinana momba ny fihariana sy ny
toekarena momba ny jono an-dranomasiana ao amin’ny fokontany Ankiakabe distrikan’i
Maroantsetra faritra Analanjirofo dia hozaraina telo lehibe ny fizotry ny asa ankoatra ny teny
fampidirana sy ny teny famaranana. Ny fizarana I dia ahitana ny: fampahafantarana ny sehatra
sy ny tontolon’ny fanadihadiana. Ao amin’ny fizarana II kosa: ny tontolon’ny jono an-
dranomasina ao Ankiakabe. Ny fizarana III farany no handalinana ny fiatrehan’ny
mpanjonon’Ankiakabe ny fivoarana sy ny fiovam-piainana misy ankehitriny, izay miompana
amin’ny fandinihana ny fiaimpiainan’ireo mpanjono manoloana ny fandrosoana ankehitriny
ary ireo tolotanana sy ny sosokevitra azo aroso amin’izany.
FIZARANA VOALOHANY:
Fampahafantarana ny sehatra
Sy ny tontolon’ny fanadihadiana.
22
―Ny olombelona toy ny akondro
raha manondro lanitra iray ihany,
fa raha miondrika amin’ny tany
samy manana ny lafiny.”
Iaraha-mahalala fa i Madagasikara dia nosy ary avondron’izany nosy izany ho iray
ny‖Malagasy tsy vakivolo‖. Manaporofo izay maha iray ihany ny Malagasy izay ny fiteniny
sy ny fisian’ireo fomba amam-panao toy ny famorana, ny fanambadiana, ny fiterahana, ny
fomba atao amin’ny fahafatesana izay samy hita manerana ny Nosy izay toa misy
hitovitoviany avokoa ny riba fanatanterahana azy.
Raha tomorina akaiky anefa, misy ihany ny fizarazaran’ny Nosy ho foko sy ho faritra
samihafa.
Anisan’ny faritra iray eto Madagasikara i Maroantsetra izay nofidinay anaovana
fikarohana sy fanadihadiana momba ny fihariana sy ny toe-karena mifototra indrindra
amin’ny jono an-dranomasina, ao Ankiakabe.
Mba tsy hahatompon-trano mihono antsika mpamaky, ampahafantarina amin’ity
fizarana ity ny distrikan’i Maroantsetra, faritra Analanjirofo izay misy ny
fokontanin’Ankiakabe. Hanampy amin’ny fanakaran-kevitra sy ny fahalalana misimisy kokoa
ny toerana ary ny sehatra hadihadianay araka izany ny fanoritsoritana ara-jeografia, ara-
tantara sy fiarahamonina ary ny lafiny fomba amam-panao izay arosonay ato. Mety
hahatsapan’ny maro izay maha iray ihany ny mponin’ny Nosy ihany koa izany nefa mety
hahitany izay mampiavaka an’Ankiakabe eo anivon’ny mpiray tanindrazana.
I-1-Ara-jeografia
Faritra roa ambin’ny roapolo no mandrafitra an’i Madagasikara ary ahitana distrika
maromaro isaky ny faritra. Maro amintsika Malagasy no tsy manana fahefana ara-bola hizaha
tany sy hivezivezy hitsidika toerana eto an-tanindrazana. Toa ry zareo vahiny avy any ivelany
indray aza no mahalala misimisy kokoa ny momba antsika sy ny tanintsika. Hitondra
sombim-pahalalana ho an’ny Malagasy araka izany ny hilazalazanay eto ny momba ny
distrikan’i Maroantsetra izay hita ao amin’ny faritra Analanjirofo.
SARINTANY 1: Ireo faritra roa amby roapolo mandrafitra an’i Madagasikara
Loharanon-kevitra: BD 500 FTM
23
I-1-1- Ny distrikan’i Maroantsetra
Morontsiraka avaratra atsinanan’i Madagasikara no misy an’i Maroantsetra izay 700
kilometatra miala an’Antananarivo renivohitra.
Fifamoivoizana telo no azo ampiasaina raha miala eto Antananarivo: azo atao ny
mandray fiaramanidina eny Ivato ka maharitra adiny iray sy sasany miala eto Antananarivo ny
dia. Azo atao ihany koa anefa ny mandeha fiarakodia: miala eto Antananarivo maka fiara
iombonana eo Ambodivona dia mandray ny lalam-pirenena faharoa mampitohy
an’Antananarivo sy Toamasina lalana mirefy 300 kilometatra.
Raha avy eo Toamasina indray dia mianavaratra manaraka ny lalam-pirenena
fahadimy mampitohy an’i Toamasina sy i Maroantsetra izay misy halaviran-dalana 400
kilometatra.
Raha miainga eo Toamasina eo amin’ny fiantsonan’ny fiara eo Beril rose dia mihazo
an’i Fenoarivo atsinanana, mandalo an’i Soanierana Ivongo sy i Mananara avaratra izay vao
tonga any Maroantsetra.
Fifamoivoizana azo raisina ihany koa ny sambo, raisina eo antseranan-tsambon’i
Toamasina, mamakivaky ny ranomasimbe Indianina mizotra mianavaratra ary miafara any
amin’ny helodranon’Antongil.
Distrika avaratra indrindra amin’ny faritra Analanjirofo ary ao anatin’ny
Helodranon’Antongil (Mananara avaratra sy i Maroantsetra) i Maroantsetra.
SARINTANY 2: Ireo distrika sy kaominina manodidina ny helodranon’Antongil
Loharanon-kevitra: BD 500 FTM
24
Azo lazaina ho distrika mitoka-monina ny distrikan’i Maroantsetra noho ny tsy
fisian’ny lalàna mampitohy azy amin’ny faritra sy ny distrika hafa manodidina azy.
Ireo faritra manefitra azy: avy any avaratra ny distrikan’Antalaha (faritra SAVA); avy
any atsimo ny distrikan’i Mananara avaratra (faritra Analanjirofo). Ny avy any andrefana, ny
faritra SOFIA, ary ny avy any atsinanana, ny ranomasimbe Indianina. Lemaka iray lehibe izay
manana velarantany 6876 kilometatra toradroa i Maroantsetra.12
Vakivakian’ny renirano
maromaro ny tananan’i Maroantsetra toy ny reniranon’Antenambalana izay avy eo
atsinanana. Somary mianavaratra ny dian’ilay renirano ka mandrakotra ny ilany atsinanana sy
ny ilany avaratry ny tanànan’i Maroantsetra.
Eo atsimo kosa ny renirano Anjahanambo, miankandrefana indray ny diany ka
mandrakotra ny ilany atsimo sy ny ilany andrefana. Ireo renirano roa ireo no fefy manodidina
ny tanànan’i Maroantsetra ka rehefa hivoaka ny tanàna dia tsy maintsy miampita renirano.
Ampiasana lakana avokoa ny 90 isanjaton’ny fifamoivoizana ao amin’ny faritra
manodidina an’i Maroantsetra noho ny fisian’ireo renirano maro ireo. Izany no mahatonga ny
fomba fitenenana aty amin’ny faritr’i Maroantsetra manao hoe: «Antimaroa tsy mandeha tsy
an-dakana».
Tsy i Maroantsetra iray vohitra anefa no horesahina etoana fa ny fokontany iray ao an-
tapa-tanànan’i Maroantsetra dia ny fokontanin’Ankiakabe.
Ao amin’io fokontan’Ankiakabe io no toeram-ponenan’ny ankamaroan’ny mpanarato
sy ny mpanjono any Maroantsetra, izay ivon’ny fandalinana amam-pikarohana izay nataonay.
Araka izany, hampahalalaina misimisy kokoa ato amin’ity asa fikarohana ity ny
mombamomba an’Ankiakabe sy ny mponina ao aminy.
I-1-2- Ny fokontanin’Ankiakabe
Fokontany iray ao anatin’ny fokontany 17 hita ato amin’ny Kaominina an-
drenivohitr’i Maroantsetra ny fokontann’Ankiakabe. Ao amin’ny ilany atsinanana no misy
azy.
12
Monographie de la district de Maroantsetra
25
Fafana 1: Ireo fokontany hita ao amin’ny kaominina an-drenivohitr’i Maroantsetra
Manefitra azy avy ao avaratra, ny fokontanin’Anjahamarina; avy ao atsimo ny
fokontanin’Antanambao; ny avy ao andrefana ny fokontanin’Ankiakalava faharoa; avy
atsinanana kosa, ny renirano Antenambalana. Mizara roa io fokontanin’Ankiakabe io ka ny
tapany avaratra, Ankiakabe fa ny tapany atsimo kosa dia Andavanio. Any amin’ny farany
atsimon’Andavanio no misy ny seranana antsoina hoe: «Antsiranamborondolo» izay
fitodian’ny lakan’ireo mpanjono sy ny mpanarato.
FOKONTANY FILOHAM-POKOTANY
Anjahamarina 1 BARISON Jackob
Varingohitra BETSIMAIKA Felix
Ankiakalava 1 KALO Julien
Amboditsoha VELOMANORO HoyLam
Ampatsona RAMAROTIANA Claude Emile
Ambodivoafaho DOMINIQUE Soso
ANKIAKABE BE JACNARISON Louis
Ambohitsara JAOHARIVELOZAFY Essé Clajus
Ankiakalava 2 ZEFO Céléstin
Antaimby BATSIAHINA Ferro
Antanambao JAO Landrice
Morafeno JAO Paul
Mangabe KALONJARA Bruno
Ambatomasina FALY Maro
Soanierana RENE
Ankiakandrefana RAMAHARIVELOARISON Honoré
Androkaroka RAKOTOMALALA Félix
26
SARY1: Antsiranamborondolo
(Sary nalain’ny mpikaroka ny 16-05-2013)
Ny tapany avaratra sy atsimo amin’ny tanànan’Ankiakabe no tena hifantohan’ny
fanadihadiana satria ao amin’ireo no tanànan’ny mpanarato sy ny mpanjono. Ny ao am-
povoany kosa dia tsy ho voaresaka firy ato anatin’ny fanadihadiana satria amin’ny
ankapobeny, olon-tsotra tsy mpanarato sy tsy mpanjono no tena betsaka monina ao.
Raha izay ny famariparitana ny toerana, manao ahoana kosa ny toe-tany misy
amin’ireo toerana ireo.
I-1-3 Ny toe-tany
Hojerena ato anatin’ity fizarana kely ity ny toetry ny andro sy ny vohon-tany hita any
amin’ny faritra Maroantsetra.
Zava-dehibe ny fahafantarana ity resaka toetrandro ity, indrindra ho an’ny mpanjono
sy ny mpanarato. Mifandray betsaka amin’ny asa fanjonoana ny toetrandro ary miankina
amin’io ny ahafahan’ireo mpanjono manao ny asany sy ny tsy ahafahany miasa. Miankina
amin’ny toetrandro io ihany koa ny fe-potoana hijanonany eny an-dranomasina, ny fotoana
iaingany ary ny fotoana iverenany. Fantatr’ireo mpanjono amin’ny alalan’ny teotrandro anio
ny mety ho teotry ny andro rahampitso. Fantany amin’ny alalan’ny fitsokan’ny rivotra sy ny
fipetraky ny rahona eny amin’ny lanitra izany: ―raha mandrahona ny andro ny tapany hariva
ka mifofofo mafy ny rivotra ary mihazakaza ny rahona eny amin’ny lanitra noho ny tafio-
drivotra, midika izany fa ho ratsy ny toetrandro rahampitso ary hanonja be ny ranomasina.
Raha mandrahona fotsiny ny tapany hariva fa tsy misy tafio-drivotra dia manambara izany fa
27
hisy rotsakorana fotsiny fa tsy hanonja ny ranomasina‖.13
Tsapa araka izany fa voefehin’ireo
mpanjono sy ny mpanarato an-dranomasina ao Ankiakabe ity resaka toetrandro ity.
Anisan’ny harena ho an’i Madagasikara ny fananany toetrandro samihafa izay
miovaova isaky ny faritra. Ny any avaratra tsy mitovy amin’ny any atsimo, ny aty afovoan-
tany tsy mitovy amin’ny any amorontsiraka.
Miankina indrindra amin’ny zava-misy amin’ny faritra iray sy ny toetoetry ny tany ao
aminy ny toetrandro ananan’ny faritra iray.
Toerana manamorona ranomasina ohatra ny faritr’i Maroantsetra. Tsy mitovy amin’ny
toetrandro any amin’ny toerana lavitry ny ranomasina araka izany ny toetrandro any.
Anisan’ny toerana be ala ihany koa i Maroantsetra ary ny ankamaroany dia mbola natoraly na
voajanahary, izany hoe mbola tsy nokasihina mihitsy. Ohatra amin’izany ny ao Nosy
Mangabe. Ireo toe-javatra ireo no mahatonga an’i Maroantsetra ho mafana sy be orana.
―Mahatratra 2.400 milimetatra ka hatramin’ny 4.000 milimetatra ny haavon’ny rotsakorana
isan-taona ary mandritry ny 280 ka hatramin’ny 300 andro isan-taona no irotsahany‖.14
Raha halalinina izay, ny andro mandritry ny taona dia 365 andro, raha ampifanalana
amin’ny 280 na 300 andro irotsahan’ny orana mandritry ny taona dia manome 85 na 65 andro.
Izany hoe eo ho eo amin’ny roa volana eo no fitambaran’ny fotoana tsy hisian’ny rotsakorana
mandavan-taona.
Raha ampitahaina amin’ny faritra hafa toy ny eto afovoan-tany ohatra, mizara roa tsara
ny taona dia ny «maintany» sy ny «maintso ahitra» na «fahavaratra».
Tsy ahitana orana firy afa-tsy ny erika madinika ny eto afovoan-tany ny volana may,
Jona, Jolay, Aogositra sy ny tapa-bolana voalohany amin’ny volana Septambra.
Fotoanan’ny oram-baratra ny maintso ahitra: amin’io no maha betsaka ny
rotsakorana. Ny volana Oktobra, Novambra, Desambra, Janoary, Febroary eo ho eo izany.
Hafa noho izany ny any amin’ny faritra Maroantsetra. Misy ihany ny fizaran-taona
dia ny taoño15
sy ny ririnina, ahitana rotsakorana avokoa ireo fizaran-taona roa ireo.
Ny taoño:
Ny taoño: ny volana Septambra, Oktobra, Novambra, Desambra, Janoary, Febroary,
kely kokoa ny rotsakorana amin’ireo volana ireo.
13
Fanazavana nomen’i Jasmin mpanarato mipetraka ao Andavanio Ankiakabe, telopolo taona, ny 14 may 2013
tamin’ny telo ora tolakandro. 14
Tahirin-kevitra momba ny kisarim-panajariana ny morontsiraka sy ny ranomasin’Antongil. 15
Fahavaratra aty afovoan-tany
28
Ny ririnina:
Ny ririnina kosa dia ny volana: May, Jona, Jolay, Aogositra, be dia be ny rotsakorana
amin’io fotoana io.
Amin’ireo fizaran-taona ireo dia ny ririnina no fotoana tena mahabetsaka ny trondro
kanefa kely kokoa ny fotoana ahafahan’ny mpanjono miasa noho ny faharatsian’ny toetrandro
sy ny fiovaovany tampoka. Noho izany kely kokoa ny vokatra azo rehefa ririnina. Hain’ireo
mpanjono anefa ny manararaotra izany fotoan-tsarotra izany ka any amin’ny vidiny izy no
mameno ny banga. Ampiakariny ny vidin-trondro rehefa fotoana toy ireny.
Ny ranovao:
Isam-bolana, misy ny antsoina hoe: ranovao.16
Raha faritana tsotsotra io atao hoe ranovao io dia ny vanim-potoana izay maharatsy ny
toetrandro izany hoe: vanim-potoana isian’ny orana mikija miaraka amin’ny rivotra
mifofofofo, indraindray anefa dia orana fotsiny.
Miankina amin’ny fipetraky ny volana ny ranovao ary mifandray amin’io volana io
ihany koa ny fiakarany sy ny fidinan’ny rano izay lazaina hoe sôron-drano.17
Misy karazany roa ny ranovao:
- Ranovao faram-bolana, izany hoe alohan’ny ahafatesan’ny volana (diavolana) io no
lazaina hoe: ranovao ankelisisany18
Raha hazavaina tsotra dia hoe: kely sisa dia ho faty ny volana. Lazaina ihany koa hoe:
ranovaon’ampamaky na manasa masom-bolana io ranovaon’ankelisisany io. Izay ranovao
izay no miseho mialohan’ny hivoahan’ny volana vaovao.
Maharitra herinandro io ranovao voalohany io. Sivy ambiny roapolo andro no
fihodinan’ny volana iray ka eo amin’ny faha sivy ambiny roapolo andro no maty ny volana
iray ary aorian’iny indray ny andro voalohany ivoahan’ny volana vaovao.
Ny telo andro alohan’ny ahafatesany, izany hoe telo andro alohan’ny faha sivy ambiny
roapolo andro no iantombohan’ny ranovao ary mifarana telo andro aorian’ny faha sivy
ambiny roapolo andro izany.
- Ny ranovaon’ny antorambôlana19
, izany hoe rehefa fenomanana ny volana, eo ny
ranovao faharoa.
16
Vanim-potoana maha ratsy ny toetrandro ao anatin’ny 1 volana. 17
Voambolana ilazana ny toetran’ny rano rehefa tafakatra. 18
Fiovan’ny toetry ny andro na faharatsian’ny toetry ny andro mialohan’ny hahafatesan’ny volana sy alohan’ny
hivoahan’ny volam-bao. 19
Volana fenomanana
29
Eo amin’ny faha 14 andron’ny volana no maha fenomanana azy, ka ny faha 13 andro
sy ny faha 14 andro ary ny faha 15 andro no miseho ny ranovao.
Araka izany, telo andro eo ho eo no faharetan’ity ranovao faharoa ity.
Kisary1:Ny ranovao
Orana mikija miaraka amin’ny tafio-drivotra ary tsy ahitana masoandro mibaliaka
mandritra ny ranovao ankelisisany.
Ny ranovao antorambolana kosa, tsy voatery ho orana fa mety ho tafio-drivotra kely
fotsiny. Misy akony lehibe aty amin’ny asa fanjonoana izany toe-javatra izany. Mandritra ny
herinandro isian’io ranovao io, kely dia kely ny fotoana ahafahan’ny mpanjono manjono na
manarato. Vokany, mihena ny vola miditra amin’ny mpanjono ary misy akony amin’ny
fivelomany izany.
Mampaka-drano:
Ankoatra ny ririnina sy ny ranovao izay maha ratsy ny toetry ny andro, misy ihany koa
ny fiovan’ny toetrandro rehefa hiakatra ny rano. Izany dia lazaina hoe mampaka-drano20
. Ny
fiovan’ny toetrandro tiana holazaina eto dia ny fifofofofon’ny rivotra izay mety hiaraka
amin’ny orana amin’ny fotoana fohy. Iny rivotra iny no manampy tosika ny rano hiakatra.
20
Fotoana ifofofoan’ny rivotra, indraindray miaraka amin’ny orana mandritra ny fotoana iakaran’ny rano.
Volana fenomanana
30
Manana izay toetra miakatra sy midina21
izay ny ankamaroan’ny renirano rehetra amin’ny
toerana manamorona ny ranomasina.
Mivarina an-dranomasina ny renirano ka ny fihaonan’izy ireo no antsoina hoe
vinañy.22
Misy fotoana sintonin’ny ranomasina ny renirano ka ny ―vinañy‖ no ahafahany
mivarina an-dranomasina. Amin’izany no lazaina hoe midina ny rano. Aorian’ny fidinany dia
averiny indray ny rano ka amin’izay indray no lazaina hoe miakatra ny rano, io ―vinañy‖ io
ihany koa no ahafahany miverina. Indraindray, mety ho tototry ny fasika io ―vinañy‖ io ka
lazaina hoe fempiñy23
ny ―vinañy‖. Vokany, miakatra ny renirano ary mety hiafara amin’ny
tondra-drano.
Ny fisamontan’ny ranomasina:
Misy ny voambolana fampiasan’ny mponina any amin’ny faritr’i Maroantsetra
manoloana ny fisamontan’ny ranomasina. Miankina amin’ny fihetsiky ny ranomasina izany
toy ny:
- Raha midina ny rano dia hoy izy: mirôroño ny rano.
- Rehefa tafidina tanteraka ny rano antsoiny hoe: haka.
- Rehefa tafakatra kosa no lazain’ny rehetra fa sôroño.
- Ny renirano kosa raha ampifanatrehina amin’ny ranomasina dia lazaina hoe
ranomamy.
Ohatra: raha hanavaka ny trondro avy amin’ny ranomasina sy ny trondro avy amin’ny
renirano: laoko24
an-dranomasina sy ny laoko an-dranomamy.
Ny trangan-pifandraisan’ny fidinana sy ny fiakaran’ny rano amin’ny ranovao kosa dia
marihina fa: rehefa amin’ny ranovao ankelisisany raha haka ny rano dia ritra tanteraka.
Rehefa sôroño kosa ny rano: tsy dia ambony loatra ny haavony fa antonontonony.
Amin’ny ranovaon’ny antoram-bôlaña kosa rehefa sôroño ny rano dia lazaina hoe
gegy25
na samonta be izany hoe feno tanteraka ny rano ary mety hihoatra aza.
Fa rehefa haka kosa ny rano dia tsy ritra tanteraka fa midina ambanimbany kelin’ilay
fatra amin’izy gegy fotsiny ny haavon’ny rano.
21
Marré haute et marré basse. 22
Vava fidiran’ny renirano amin’ny ony, na ny ony amin’ny ranomasina. 23
voatampina na voasakana. 24
Trondro 25
Ilazana ny rano (na renirano na ranomasina) feno tanteraka na mihoatra mihitsy ary maharitra fotoana lava.
31
Fafana 2: Fifandraisan’ny fiakaran’ny rano amin’ny ranovao.
Ny fizotran’ny fiakarana sy fidinan’ny rano:
Amin’ny fotoana mitovy no hiakaran’ny ranomamy sy ny ranomasina. Indroa
isanandro ny fiakarany ary amin’ny ora mifanitsy.
Ohatra: raha tamin’ny 6 ora maraina izy no miakatra voalohany, amin’ny 6 hariva
kosa ny fiakarany faharoa. Izay ny amin’ny andro iray fa ny andro manaraka kosa dia
mihemotra adiny iray ny fiakarany. Ohatra: raha tamin’ny 6 ora ny fiakarany androany,
rahampitso kosa dia amin’ny 7 ora. Izany hoe tamin’ny 06 ora maraina sy hariva androany,
rahampitso amin’ny 7 ora maraina sy hariva.
Ohatra faharoa: tamin’ny Alarobia faha 08 Mai 2013; tamin’ny 7 ora maraina sy
hariva fiakaran’ny rano. Ny alakamisy faha 09 Mai 2013 dia tamin’ny 08 ora maraina sy
hariva ny fiakarany.
Maharitra adiny iray ny faharetan’ny rano sôroño ary aorian’ny adiny iray izay izy vao
midina.
Rehefa haka ny rano dia amin’ny ora mitovy amin’ny niakarana tamin’ny voalohany
indray no hiakarany amin’ny hariva. Amin’ny fotoanan’ny rano gegy kosa dia tsy mizotra
manaraka izay fa misy fiovany.
Ohatra: miakatra ny rano amin’ny 6 ora maraina, mijanona eo tsy midina mandra-
paharivan’ny andro ary amin’ny 6 ora hariva izay efa tokony hiakarany faharoa izay izy vao
midina. Araka izany, mila mitandrina sy mahalala ary mahadinika ireo lalàna voajanahary
mifehy ny ranomasina ireo na ny mponina ao Ankiakabe na ny mpanjono mba hahafahany
mivelona sy misoroka ny loza.
Hita tamin’ireny voalaza ireny fa manana ny mampiavaka azy i Maroantsetra eo
amin’ny lafiny toetrandro fa ahoana kosa ny amin’ny vohon-tany na ny toetoetran’ny tany.
Ny toetrandro sy ny akony amin’ny fahasalaman’ny mponina:
Mifandray amin’ny fiainan’ny olombelona io ranovao io. Eo amin’ny fiterahana
ohatra, ny ankamaroan’ny vehivavy bevohoka amin’ny ankapobeny dia saika amin’ireo
ranovao ireo no miteraka.
Eo amin’ny ara-pahalasalamana, tsikaritra fa saika amin’ny fotoanan’ireo ranovao ireo
no mampihombo ny aretina. Ohatra: ny sohiky26
, ny olona adala sy ny marary saina.
26
Ashme
Ranovao Rano haka Rano sôroño
Ankelisisany Ritra tanteraka Sady tsy ritra no tsy
ambony loatra
Antorambolana Tsy midina loatra fa
mihena kely fotsiny
Gegy na samonta be : feno
na mihoatra
32
Na ny olon-tsotra tsy manana ireo aretina ireo aza, rehefa ranovao ny andro dia lasa
kizitina sy sarotsarotiny. Izay toe-javatra izay no lazain’ny olona maro amin’iny faritra iny
hoe: miaho ranovao izany hoe mihetsika ny ranovaon’iny olona iny. Lazain’ny eto afovoan-
tany hoe: ―mihetsika ny hadalany‖. Mihetsika tromba hoy koa ny any anindrantany.
Tsy ny olombelona ihany no misy fifandraisana amin’ny ranovao izay fa eo ihany koa
ny zava-maniry. Ny ôvotro27
, raha halaina amin’ny fotoanan’ny ranovao dia tsy masaka raha
andrahoina, satria amin’ny fotoanan’ny ranovao dia mitsiry ravina vaovao ny ravinala ary
izay no mahatonga azy tsy masaka handrahoina.
Ny vohon-tany:
Havohitra ato anatin’ity toetany ity ny endriketriky ny tany taza-maso izay misy akony
amin’ny foto-piveloman’ny mponina sy ny jono ihany koa.
Miorina amin’ny lemaka lehibe iray manamorona ny ranomasin’Angongil ny
tanànan’i Maroantsetra. Lemaka izay be fasika no sady mando lava noho ny toetrandro be
orana ananany. Noho izany, betsaka ny voly izay tsy mety aminy toy ny voly ovy, tsaramaso,
karaoty, izany hoe ireo voly izay mampiavaka ny eto afovoan-tany. Ny voly hafa toy ny voly
mangahazo kosa dia misy fotoanany fa tsy azo ianteherana mandritra ny taona. Ny voly jorofo
sy lavanila ary kafe no tena mety aminy nefa tsy isan-taona izy no vokatra. Betsaka amin’iny
faritra iny ihany koa ny voankazo anisan’izany ny lôtisia. Io anefa dia tsy ampy ivelomana
noho ny tsy fisian’ny lalam-barotra. Izany no mahatonga ny ankamaroan’ny mponina tsy
hifantoka amin’ny asa fivelomana tokana fa mampivady asa fivelomana roa farafahakeliny.
Ohatra ny hita ao Ankiakabe, sady manao asa fambolena kely no manao ny asa
fanjonoana. Ny tapany avaratra sy ny tapany andrefana manodidina ny tanànan’i Maroantsetra
no misy tanimbary izay iveloman’ny ankamaroan’ny mponina ao Maroantsetra. Anisan’izany
ny ao Mangabe, Marofototra, Marosoroka izay toerana manodidina an’i Maroantsetra.
Tsy ahitana toeram-pambolena loatra, raha ny ao an-tampon-tanàna ankoatra ny voly
madinidinika manodidina ny alatrano28
.
Ankoatra ny endrikendriky ny tany sy ny toetrandro, anisan’ny manamarika an’i
Maroantsetra ihany koa ny toetoetry ny ranomasina ao aminy.
27
Regis REJEMISA RAOLISON, Rakibolana Malagasy, edit. Ambozontany Analamahitsy Antananarivo-
Madagascar, 2003, p787 ― Ilay fotsifotsy afovoan’ny hazo, tsoakan-dravinala sy rofia izay fihinana.‖ 28
Vanintraño
33
I-1-4- Ny ranomasina
Ny helodranomasin’Antongil no eo atsimon’i Maroantsetra, antoky ny fiveloman’ny
mpanjono sy ny ankamaroan’ny mponina any amin’ny faritra manodidina io ranomasina io.
Mirefy 2830 kilometatra tora-droa (283.000 ha) ny helodranomasin’Antongil ary
mirefy 270 km ny halavan’ny morontsiraka.29
Miainga avy eo amin’ny Cap Belona, mandalo an’i Maroantsetra ary miafara any
amin’ny Cap Masoala ny helodranon’Antongil.
Amin’ny maha helodrano azy dia tony sy tsy dia manonja loatra ny ranomasina, izany
no mahatonga an’iny faritry ny helodranon’Antongil iny ho anisan’ny manana vokatra tsara
raha ny jono an-dranomasina no resahana. ―Tsy ahitana harambato ny roanjato metatra miala
ny morontsiraka. Afaka mivelona ao ihany anefa ny trondro noho ny hamaroan’ny renirano
mivarina ao amin’ny ranomasina izay mitondra tsiron-kanina ilain’ny trondro. Anisan’izany
ny reniranon’Anaovandrano, Ambanizana, Andranofotsy, Antenambalana, Voloina, Rantabe,
Fananehana, Mandrara, Anove‖30
.
29
Tahirin-kevitra momba ny Kisarim-panajariana ny ranomasina sy ny morontsiraky ny Helodranon’Antongil. 30
Tahirin-kevitra momba ny Kisarim-panajariana ny ranomasina sy ny morontsiraky ny Antongil
34
SARINTANY 3: Ireo renirano manodidina ny helodranon’Antongil
Loharanon-kevitra: BD 500 FTM, ANGAP, WCS
Mpanatontosa: WCS Antongil Bay Seascap program, Oktobre 2012
Nosy maromaro no hita amin’ny tapany avaratry ny Helodranon’Antongil.
Ahitana harambato manodidina ireny Nosy ireny, mifindra monina any amin’ireo harambato
manodidina ireo Nosy ireo ny trondro amin’izao satria mihamaro ny mpanjono ary eo ihany
koa ny fidiran’ny fitaovana izay manelingelina ny fitomboan’ny trondro. Izany hoe tsy
mahazo trondro intsony raha miala roanjato metatra fotsiny fa tsy maintsy miala amin’ny
kilometatra maromaro vao mahazo trondro.
35
Ny Nosy Mangabe:
Any avaratra indrindra, izay fito kilometatra miala ny morontsirak’i Maroantsetra no
misy ny Nosy Mangabe, Valanjavaboary voaharo izay manana ny maha izy azy ary manan-
karena noho ireo biby sy hazo sarobidy hita ao aminy. Ohatra amin’izany, ireo hazo sarobidy
toy Hazomainty, Vombona sy ny hazo tsotra tahaka ny Hintsina (Intsia Gijiga), Aramy
(Canarium Bovenii), Vapaka (Vapaca Serrisinea), Foraha (Callophylum Ullophylum),
Nantodinga (Lambrania Costanta) sy ny sisa. Ao ihany koa ireo karazana Gidro maro
samihafa, ireo karazana Tanalahy toy ny Ranovary sy katsatsaka dia ny Antafisaka na
Antarekitra; ireo karazam-borona maro isankarazany toy ny Fandrasalambo, sy ny sisa.31
Mbola voajanahary io Valanjavaboary io, satria, mbola tsy notrandrahana mihitsy.
Mandray mpizaha tany maro samihafa na vahiny avy any ivelany na mpizahatany Malagasy
io toerana io. Araka ny fanazavana nomen’i Ramiandry32
mpitarika mpizahatany ao Nosy
Mangabe, ny ankamaroan’ny mpizaha tany tonga mitsidika ao dia vahiny avy any ivelany no
betsaka ankoatra ireo mpianatra manao dia fibeazana na avy ao an-toerana na avy amin’ny
faritra hafa eto Madagasikara. Ny olana mipetraka amin’ny fizahan-tany amin’io toerana io
anefa, amin’ny maha nosy eny ampovoan-dranomasina azy dia miankina amin’ny toetrandro
ny fahafahana mitsidika azy. Kely ny fotoana ahafahana manao fitsidihana raha amin’ny
vanim-potoanan’ny ririnina, satria, ratsy ny toetrandro no sady miovaova amin’io vanim-
potoana io ka mety hampidi-doza eny ampovoan-dranomasina. Ny vanim-potonan’ny
fahavaratra no fotoana tsara anaovana izany fitsidihana izany.
Manana ny tantarany io Nosy Mangabe io araka izany anarany izany, ny mponina ao
Mangabe no tompony. Fokontany iray amin’ny faritra avaratry ny renivohitry Maroantsetra i
Mangabe, ny mponina avy amin’io toerana io no voalaza fa tompon’ny ranomasina; ireo no
lazaina hoe Antivinany33
. ―Io Nosy io no misy ny fasan-drazan’izy ireo, tany ho any tamin’ny
taona 1600 tany. Tamin’izay dia mbola tetezana no nampitohy an’io Nosy io sy ny tanànan’i
Maroantsetra. Taty aoriana nihalehibe ny elanelana ka efa tsy nampiasana tetezana intsony fa
nampiasana lakana noho ny fitaran’ny ranomasina miditra aty amin’ny morontsiraka.
Nijanona tsy nandevina tany intsony ireo mponina tao Mangabe ireo noho izay fiovana izay.
Taty aoriana, noraisina ho isan’ny toerana arovana io nosy io‖.34
31
Loharanon-kevitra: BE Léonor, 38 taona, mpitari-dalana ny mpizaha-tany ao amin’ny valanjavaboarin’i Nosy
Mangabe, monina ao Andavanio Ankiakabe. 32
Fanadihadiana natao ny 27 Febroary 2013 tamin’ny 2 ora tolakandro 33
Zana-poko iray hita ao Maroantsetra 34
Loharanon-kevitra: Morel sy VAVY Florinette, mpamboly, monina ao Mangabe, anisan’ny taranaka
Antivinany.
36
Ny Nosy roa, Nosy ravina ary Nosibe:
Ahitana Nosy roa mifanakaiky izay nahatonga ny anarany hoe: Nosy roa eo atsimo
kelin’i Nosy Mangabe, mianatsimo kelin’io ―Nosy roa‖ io indray dia ny ―nosy ravina‖. Ny
mampiavaka an’io Nosy io dia izy feno ravin’ala. Mianatsimo somary atsinanan’ny Nosy
ravina kosa no misy an’i Nosibe.
Any ankaikin’ireo Nosy ireo no anjonoan’ireo mpanjono amin’izao fotoan’izao izay
iray kilometatra mahery ka hatramin’ny telo kilometatra miala ny morontsiraka i
Maroantsetra.
Ahatarafana ny hasarotry ny asa fanjonoana izany, nefa ahatarafana ihany koa ny
hakanton’ny hatsaran’ny zavaboahary sy ny toerana ary ny fifamatoran’ny jono an-
dranomasina amin’ny fiainampiainan’ny mponina amin’ny ankapobeny.
I-2- Ara-tantara
Tamin’ny faha mpanjaka, nahatonga olona iray na ny mpanjaka iray hanam-pahefana
amin’ny faritra iray ny fandresena an’ady amin’ny fifanafihana natao. Anisan’ny toerana be
mpanafika ny manodidina an’iny helodranon’Antogil iny (io no lasa Betsimisaraka avaratra
taty aoriana). Nahasarika ny maro ny fananan’iny faritra iny fiantsonan-tsambo, izay
manamora ny fifandraisana ara-barotra tamin’ny any ivelany ka nahatonga azy ho voatafika
matetika.
Natahotra ireo mpanafika ireo ny vahoaka sy ny mpitondra efa tompon-tany teo
anatrehan’izany toe-javatra izany, satria, mafy ny famoretana sy ny fampahoriana ataon’ny
mpanafika. Nanararaotra izay tahotry ny vahoaka izay i RATSIMILAHO35
ka nifanaraka
tamin’ny vahoaka fa hiaro azy sy hiara-miasa aminy. Nasandratry ny vahoaka ho mpanjaka
izy ka tamin’iny tapany avaratra iny no niandohan’ny fanjakany. Rehefa azony ny tany
avaratra, nandeha nanafika ny tany atsimo indray izy ary taorian’izany fanafihana izany, no
nipoitra ny anarana hoe: BETSIMISARAKA, izany hoe: rehefa azo ny faritra avaratra rehetra
dia niara-nifaly ny vahoaka rehetra ary nanao lanonana lehibe tao fenoarivo ka teo no
nanaovan’ny rehetra voady hoe: isika maro be izao dia ivondrona ka tsy hisaraka intsony,
izany no niavian’ny anarana hoe Betsimisaraka.36
34
RATSIMILAHO Ramaromanompo: mpanjakan’i Betsimisaraka tamin’ny taona 1712-1754 in tantaran’i
Madagasikara isam-paritra, Antananarivo2006, 587p 36
Loharanon-kevitra: Morel, 72 taona, mpamboly monina ao Mangabe; fanadihadiana natao ny 27 jona 2013
tamin’ny 2 ora tolakandro.
37
Ny tapany avaratra amin’izany foko Betsimisaraka izany no misy an’i Maroantsetra
izay ivon’ity fanadihadiana ity ka ho fantarina ao anatin’izany ny mombamomba azy eo
amin’ny lafiny ara-tantara.
I-2-1- Ny foko Betsimisaraka ao Maroantsetra
Foko iray amin’ny foko valo ambin’ny folo misy eto Madagasikara ny foko
Betsimisaraka izay hita any amin’iny marontsiraka atsinanana iny. Raha faritana mazavazava
kokoa: eo anelanelan’ny reniranon’i Bemarivo izay any avaratra sy i Mananjary avy ao atsimo
no misy azy.
Mizara roa ny foko Betsimisaraka: foko antavaratra sy ny foko antatsimo. Ny foko
antavaratra dia ny foko monina teo anelanelan’ny renirano Lokoho sy ny reniranon’Ivondro37
Izany hoe sarahan’ireto renirano roa ireto amin’ny foko hafa manodidina azy ny foko
Betsimisaraka. Ny reniranon’i Bemarivo izay ao avaratra sy i Mananjary izay manemitra azy
avy ao atsimo. Sarahan’ny renirano roa tahaka izany ihany koa ny foko antavaratra sy ny
antatsimo dia ny reniranon’i Lokoho sy ny reniranon’Ivondro‖. (Mbola ireo renirano roa ireo
ihany koa no manasaraka ny foko antatsimo sy ny antavaratra)
Ao anatin’ny foko antavaratra no misy an’i Maroantsetra.
37
RANDRIAMAMONJY Fréderic, tantaran’i Madagasikara isam-paritra tananarivo 2006 p.248.
SARINTANY 4: foko Betsimisaraka avaratra
Loharanon-kevitra: RANDRIAMAMONJY Fréderic, tantaran’i Madagasikara isam-paritra
Antananarivo 2006 p.249.
38
Raha ny lovantsofina no arahina, tsy fantatra mazava ny tena fiavian’ny mponina ao
Maroantsetra sy ny fotoana nahatongavany tao. Ny mpahay tantara kosa manambara fa
―tamin’iny marontsiraka atsinanana iny no nidiran’ny maro tamin’ireo razan-davitry ny
Malagasy dia ny Melanezianina, ny Indonezianina, ny Zafiboraha, ny Zafiraminia,
Ramakararo sy ny namany Andriantomara tao Maroantsetra, ny razamben’ny Tsimihety tao
Maroantsetra...‖38
Azo vinavinaina araka izany fa mety ho avy tamin’ireo no niandohan’ny
mponina teto Maroantsetra.
Ny lovantsofina ihany koa anefa no nahafantarana fa ny taranak’Ambotavia ao
Ambatomasina39
sy ny Antivinany terak’i Mangabe 40
no azo lazaina ho tompon’ny tany sy
tompon’ny ranomasina. ―Efa nonina tao Maroantsetra ny razamben’ireo taranaka ireo
tamin’ny taona 1600‖.41
Ny tao Ambatomasina no tompon-tany: ireo olona ireo sy ny taranany no mpijoro
rehefa misy fidiran-trano 42
sy ny fomba samihafa atao teto Maroantsetra. Izany hoe ny olon-
dehibe avy amin’io taranaka io no mangataka fitahiana amin’ny Razana ary manome tso-
drano avy amin’ny Razana ho anatanterahana fombafomba. Amin’ny fidiran-trano ohatra, ny
zokiolona amin’ny terak’i Mangabe no milazalaza amin’ireo Razana ny zavatra hatao sy
mangata-dalana ho amin’izany eo an-tokonan’ilay trano ho tokanana. Rehefa vita izay,
vohaina ny varavarana dia miditra ao an-trano, rehefa tonga ao an-trano dia manatona ny zoro
firarazana.
Ny terak’i Mangabe kosa no tompon’ny ranomasina: ireo olona ireo sy ny taranany no
mpijoro vinany. Izany hoe rehefa tototry ny fasika ny vinany dia miakatra ny rano any an-
tanàna, ―mitalaho amin’ireo razana ny vahoaka mba hahavaky iny vinany iny ka hampihena
ny rano, amin’ny alalan’ny joro atao no hanatanterahana izay fangatahana izay ary ireo terak’i
Mangabe no mpijoro amin’izany‖. 43
Azo lazaina ho mponina tranainy indrindra tao Maroantsetra ireo vondron’olona ireo
ary noheverina ho tena tompon-toerana. Nihanitombo ny taranaka taty aoriana, tonga ihany
koa ny vahiny ka nihalehibe sy niitatra ny tanàna. Karazan’olona maro no hita ao
Maroantsetra ankehitriny ary saika hita ao avokoa ny foko valo ambin’ny folo misy eto
Madagasikara. Fianakaviana maromaro izay nitombo sy nihamaro ka lasa foko madinika no
38
RANDRIAMAMONJY (F), tantaran’i Madagasikara isam-paritry, Antananarivo 2006.p 265. 39
Fokontany iray eo amin’ny ilany atsimo amin’ny tanànan’i Maroantsetra. 40
Tanàna kely iray eo avaratr’i Maroantsetra izay iray kilometatra miala ny renivohitra. 41
Loharanon-kevitra: VAVY Florinette. 42
Fitokanan-trano 43
Loharanon-kevitra: Morel, 72 taona, mpamboly monina ao Mangabe; fanadihadiana natao ny 27 jona 2013
tamin’ny 2 ora tolakandro.
39
nandrafitra ny foko Betsimisaraka eto Maroantsetra. Ho jerentsika ato amin’ny fizarana
manaraka ny mahakasika izany foko madinika mandrafitra ny foko Betsimisaraka ao
Maroantsetra izany.
I-2-2- Ireo foko madinika mandrafitra ny foko Betsimisaraka ao
Maroantsetra
Zana-poko maromaro mitambatra no mandrafitra ny foko Betsimisaraka ao
Maroantsetra. Fianakaviana44
kely iray ireo zana-poko ireo tamin’ny voalohany, nitombo sy
nihamaro ireo ka lasa taranaka45
iray; nitombo hatrany iny taranaka iny ka lasa zana-poko
kely iray taty aoriana.
Misy ihany koa anefa amin’ireo zana-poko na foko madinika ireo dia vahiny nifindra
monina taty Maroantsetra. Niray volo tamin’ny mponina ireo vahiny ireo ka lasa tena
tompon-tany. Ireny ihany koa dia lasa zana-poko hafa.
Zana-poko na foko madinika fito no mandrafitra ny foko Betsimisaraka ao
Maroantsetra:
Ny Antivinany: ireo no terak’i Mangabe izay isan’ny mponina voalohandohany
nipetraka tamin’iny faritr’i Maroantsetra iny ary izy no tompon’i Nosy Mangabe ka
nahatonga izany anarany izany. Ireo no mpijoro vinany rahatoa ka fempiny46
ny vinany.
Ny Ambatovia: taranaka avy ao Marosoroka izay tanàna eo ankaikin’i Mangabe, ireo
no tompon’Ambatomasina izay mpijoro rehefa misy fidiran-trano47
na ny fombafomba hafa.
Ny Makoa: ireo kosa dia andevo avy tany Afrika tamin’ny fotoana mbola nisian’ny
fanandevozana ka nonina teto Maroantsetra. Lasa tompon-tany izy ireo rehefa foana ny
fanandevozana ka tonga zana-poko iray.
Ny Antimahory: vahiny avy tany mananara avaratra, nifindra nonina taty
Maroantsetra.
Milatsara: taranaka avy ao Ampantsona (tanàna iray eo avaratr’i Mangabe, telo
kilometatra miala an’i Maroantsetra) mihamaro izany taranaka izany ka lasa zana-poko iray.
Antiromba: io zana-poko io kosa dia tsy fantatra mazava ny niandohany fa ny
hahafantarana azy dia izy manana fomba miavaka eo amin’ny famorana. Hazavaina misimisy
kokoa izany any amin’ny pejy.
44
Fitambaran’ny ray sy ny reny ary ny zanaka izay antsoina koa hoe mpianakavy. 45
Fitambaran’ny zanaka aman-jafy sy ny zanany mitohitohy hatrany, nateraky ny olona iray tany aloha,
tamingana, solofo amam-para. 46
Voatototry ny fasika - vinany fempiny: vinany ifamezivezen’ny ranomamy sy ny ranomasina rehefa tototry ny
fasika dia tsy afaka mifamezivezy intsony ka mety hiteraka tondra-drano ka joro no mahafaka azy. 47
Fitokanan-trano.
40
Ny zafindrabay: taranaka avy any Andranifotsy, toerana iray eo atsinanan’i
Maroantsetra miampita ny renirano Antenambalana, dimy kilometatra miala an’i
Maroantsetra no misy azy.
―Anisan’ny nampalaza ity taranaka ity ny fananany razam-be voay ary tao amin’ny
renirano Andranofotsy izy no nipetraka. Adidin’ireto taranany ireto ny manome hanina azy
izay voalaza fa vehivavy tsara tarehy avy amin’ny taranaka hafa no sakafony.
Ny fomba ahazoana izany sakafony izany: mody maka vady amin’ny toerana
manodidina ny tovolahy avy ao aminy ka iny tovovavy iny no homena ho sakafon’ilay voay.
Entina eo amin’ny tetezana eo amin’ilay renirano ilay tovovavy rehefa vita ny lanonana
rehetra. Eo amin’ny sisiny ny mpanatrika rehetra fa izy irery no eo am-povoan’ny tetezana
izay ary efa misy faritra manokana natao ijoroany, rehefa vita ny joro sy ny teny ataon’ny
raiamandreny dia misy manitsaka ny tapaky ny hazo izay ijoroan’ilay zazavavy ka latsaka ao
anaty rano izy ary lanin’ny voay‖.48
Nahatonga ny fomba fitenenana raikitra amin’iny faritra Maroantsetra iny izany toe-
javatra izany, indrindra raha hanaratsy ny mponina ao Andranofotsy: «Ôlo avy Andranofotsy
tsy ôlo fa voay».
Samy manana ny fombafomba izay mampiavaka azy ireo zana-poko ireo, kanefa na
dia eo aza izany tsy fitoviana izany, rafi-pitantanana iray ihany no mifehy ireo zana-poko ireo.
Izay rafi-pitantanana hita ao amin’ny faritr’i Maroantsetra no sady ampiharina ao amin’ny
fokontanin’Akiakabe, izay ivon’ity fanadihadiana ity no hojerena ao amin’ny fizarana
manaraka.
I-2-3-Ny tantaran’ny mpanjono
Araka ny voatanisa any amin’ny pejy faha 48-49 dia zana-poko maromaro no manome
ny foko Betsimisaraka ao Maroantsetra. Vahiny nifindra monina ny sasany tamin’izy ireo ka
lasa zana-poko izay anisan’ny tompon-tany taty aoriana. Fifindra-monina toy izany no
nahatonga ny fijoroan’ny tanànan’Ankiakabe sy nahatonga azy ho tanànan’ny mpanjono na
ny mpanarato.
Nifindra monina taty Maroantsetra ny fianakavian’i RANDRIAMAHAZAKA Bezara
izay avy tany Vangaindrano49
, nitombo ny taranak’io fianakaviana io ka lasa taranaka iray
taty aoriana. Tao Antaindombo, toerana iray eo amin’ny ilany atsinanana manamorona ny
renirano Antainambalana no nipetrahan’izy ireo. Amin’ny maha vahiny, tsy misy tany
48
Fitantarana nataon’i Belahin’i Gasy, 90 taona avy ao Ankiakabe. 49
Loharanom-baovao: Belahin’i Gasy, 90 taona avy ao Ankiakabe.
41
hovolena mba hahafahana mivelona azy ireo, noho izany dia nifototra tamin’ny asa
fanjonoana ireo fianakaviana ireo.
Nifindra monina tao Ankiakabe izay tsy lavitra an’Antaindambo ny taranak’i Bezara
tany ho any tamin’ny taona 1927. Mbola rakotra ala sy heniheny50
ny faritr’Ankiakabe
tamin’izany kanefa mbola tsy nisy tompony fa mbola tany nipetra-potsiny. Nanomboka
nanamboatra izany ireo taranak’olona avy tao Antaindambo ireo ka nanova azy ho lasa tanàna
azo ipetrahana.
Nihamaro ny taranaka ary nifandovan’ny taty aoriana ny asa fanjonoana. Nisy ihany
koa ny olona avy amin’ny tanàna madinika manodidina an’i Maroantsetra renivohitra no
tonga nanatevin-daharana ireo mponina teto Ankiakabe. Ohatra amin’izany ny avy
Ambodivoanio, Marofototra, Anjanazana, nanao ny asa fanjonoana ho foto-pivelomana
avokoa ny ankamaroan’ireo olona ireo.
Talohan’ny taona 1995, tao anatin’ny asa izay tsy azo nianteherana ho foto-
pivelomana loatra ny asa fanjonoana taty amin’ny faritr’i Maroantsetra. Voafaoka tao
anatin’izany ny tao Ankiakabe, zara raha nahavidy sakafo ny vola azo avy amin’izany, ny
fitafy tsy zarizary ary ny trano zara raha trano. Hita soritra teny amin’ny fiainan’ny mpanjono
na ny mpanarato fa sahirana izy ireo. Noho izay toe-javatra izay, nosokajian’ny
fiarahamonina ho asa ambany indrindra ny asa fanjonoana ary noheverina ho tsinontsinona
ihany koa ny fianakavian’ny mpanjono.
Lasa ambentin-tenin’ny fiarahamonina ny hoe: vadin’ny mpanarato zara raha
voarandrana ny volo; Zanaka mpadafo laoko51
; tranon’ny mpandafo laoko harindrina dia lasa.
Ahatsapana ny fahasahiranan’ireo mpanjono ireo teny fanesoana avy amin’ny fiarahamonina
ireo ary na fikarakarana ny vatany sy ny zanany aza tsy vitany. Izany toe-javatra izany dia
vokatry ny tsy fisiana sy ny tsy fahampian’ny fitaovana teo am-pelatanan’ireo mpanjono.
Mbola tsizarizary ny fitaovana nampiasaina tamin’izany, ny fintana tsotra no tena
fampiasa ary zara raha voavidy ny harato noho ny fahasahiranana. Ho an’izay mba afaka
mividy, ny fanatsarana azy isan’andro indray no olana ka vetivety dia efa tsy azo ampiasaina
intsony.
Raha fehezina izay rehetra izay, osa dia osa ny sehatry ny asa fanjonoana tany
Ankiakabe tamin’izay fotoana izay ary tsy mba azo nantenaina loatra.
50
Honahona hoy ny eto afovoan-tany 51
Mpivarotra trondro
42
Ny taona 1995, niova ny zava-nisy teo amin’ny sehatry ny jono tany Ankiakabe.
Manomboka nijery manokana ity sehatra ity ny fanjakana tamin’ny alalan’ny fanomezana
fitaovana sy ny fanofanana azy ireo.
Taty tamin’ny taona 1999, nijoro ny fikambanana MNP52
tao Maroantsetra. Nifantoka
tamin’ny jono ny ampahany tamin’ny tetikasan’io ONG io. Nanampy ny fitaovana sy
fanofanana efa nomen’ny fanjakana ireo mpanjono ity ONG ity mba hahatonga azy ireo
hahafehy ny sehatra iasany.
Niova tanteraka ny zava-nisy nanomboka ny taona 2000, lasa sehatra manana ny maha
izy azy ny sehatry ny jono indrindra ny jono an-dranomasina. Niova ihany koa ny fari-
piainan’ny mpanjono, efa tsy toy ny taloha intsony. Zara raha nitafy izy teo aloha, nitafy toy
ny olona rehetra kosa izy ireo nanomboka teo. Raha tsizarizary ny tranony teo aloha,
amin’izao kosa, trano efa azo lazaina ho trano manana ny maha izy azy no ipetrahany.53
Taty tamin’ny taona 2004; nijoro ihany koa ny ONG WCS54
sy ny PSDR55
nanampy
sy nanamafy ny fanatsarana efa misy indrindra tao amin’ny lafiny fitaovana sy ny fanofanana.
Raha atao bango tokana izay rehetra voalaza izay, azo ambara fa nisy fivoarana ny
tontolon’ny jono an-dranomasina ao Ankiakabe ary anisan’ny asa fihariana azo antenaina sy
handrandraina izany.
1-3- Ny lamim-piarahamonina sy ny sosialy
Tsy maintsy misy ny lamina sy ny rafitra arahina raha tiana hirindra sy hilamina ny
fiainan’ny fiarahamonina. Hita izany eo amin’ny lafiny fitantanana izay fomba entina
andaminana ny eo amin’ny lafiny fitondrana, ny fanabeazana, ny fitsaboana sy ny finoana.
Ahitana izay lamina izay ihany koa ny eo amin’ny lafiny fomba amam-panao. Ho jerentsika
ary ahoana ny fisehon’izany ao Ankiakabe izay ivon’ny fanadihadiana.
I-3-1- Ny rafi-pitantanana
Rafi-pitantanana karazany telo no aseho eto izay ambara dieny mialoha fa ifonosan’ny
rafitra nentim-paharazana sy ny rafitra napetraky ny fanjakana dia ny rafi-pitondrana, ny rafi-
panabeazana ary ny fitsaboana sy ny finoana.
52
Madagascar National Parc. 53
Fanazavana nomen’i Be Alexis, tompon’andraikitry ny jono eto Maroantsetra, ny 19 martsa 2013 tamin’ny 8
ora sy sasany maraina.
54
Wildlife Concervation Society 55
Projet Soutien du Développement Rural
43
I-3-1-1- Ny rafi-pitondrana:
Raha miresaka ny fitondrana, hita ao anatin’izany ny mpitondra sy ny vahoaka
entina. Mahakasika izay mpitondra sy ny vahoaka izany indrindra no horesahina manaraka
eto.
Fafana 3: Ny isan’ny mponina sy ny mpanjono ao Ankiakabe.56
Maneho amintsika fa manatombo ny isan’ny vehivavy raha oharina amin’ny isan’ny
lehilahy ny fafana 3. Manjono no fototrasan’ny lehilahy satria mahatratra 50 isan-jato ny
isan’ny lehilahy mpanjono. Tsy ny lehilahy ihany anefa no manao ny asa fanjonoana ao
Ankiakabe fa ny vehivavy ihany koa ka ny 0,66 isan-jaton’ny vehivavy no manao izany.
Isan’ny Mponina 0-6 taona 6 -15 taona 18-49 taona + 50 taona
2 816 739 805 869 4O9
26,2 28,5 30,8 14,5
Fafana 4: Ny taonan'ny mponina ao Ankiakabe57
Ny fafana faha-4 kosa; maneho fa ny zaza sy ny tanora no tena betsaka ao Ankiakabe.
Ny 30,8 isan-jaton’ny mponina no ao anatin’ny taona fiasana (18-49 taona).
Manambady eo amin’ny faha roapolo sy telo amby roapolo taonany ny lehilahy ao
Ankiakabe. Eo amin’ny faha enina ambin’ny folo sy ny faha fito ambin’ny folo kosa ny
vehivavy amin’ny ankapobeny.
Ny salan-taonan’ny vehivavy niteraka: ny kely indrindra, efatra ambin’ny folo taona fa
ny lehibe indrindra kosa, efapolo taona.
Maro amin’ny vehivavy ao Ankiakabe no loham-pianakaviana, raha ny isa azo dia any
ho any amin’ny 132.58
Mitranga izany zavatra izany noho ny antony maro samihafa toy ny
fahafatesana mahazo ny raim-pianakaviana ka ny renim-pianakaviana no misolo toerana azy.
Eo ihany koa ny fisarahana eo amin’ny fahavelomana tsotra izao. Ny antony ihany koa,
56
Fanisam-bahoaka tamin’ny taona 2013 57
Atontan’isa azo tao amin’ny toby sekalina ao Ankiakabe ny taona 2013. 58
Tarehimarika nalaina tamin’ny sekalina Ankiakabe ny taona 2013.
Isan’ny mponina Ny lehilahy Ny vehivavy Ny mpanjono +18 taona
2 816 1 304 1 514 661
46,2% 53,7% 50% L 0,66% V
44
miteraka roa na telo ilay vehivavy nefa tsy misy maka azy ho vady ireny lehilahy ireny, noho
izay dia tsy maintsy izy irery no hiahy ny ankohonany.
Raha ny lafiny ara-pitondrana kosa no resahina, rafi-pitondrana ara-panjakana no
mitantana sy mitondra ny vahoaka izay tarihin’ny filohany: Andriamatoa BE Jeacnarison
Louis, 45 taona. Mpandraharaha momba ny varotra no asany ary voafidy hitondra ny
fokontanin’Ankiakabe izy.
Ankoatra ny fampiharana ny teny midina avy amin’ny Fanjakana foibe, manana ny
dinany manokana ny fokonolona ao Ankiakabe (ara-tsosialy sy fandriampahalemana).
Manara-maso sy mampihatra izany no anjaran’ny lehiben’ny fokontany.
Eo amin’ny lafiny ara-piarahamonina kosa, misy izay heverina ho zoky raiamandreny
eo an-tanàna, heverina ho mpitondra sy mpifehy ihany koa izy ireny. Ireny olona ireny no
antsoin’ny mponina hoe: Tangalamena59
.
Lehilahy lehibe na zokiolona indrindra eo an-tanàna ny Tangalamena: izy ireo no
ilan-kevitra rehefa misy zavatra tiana atao na olana miseho eo amin’ny fiarahamonina.
Amin’ny lanonana na amin’ny fahoriana, izy no raiamandreny avy aty amin’ny vahoaka
manatrika na manotrona izay mamaly ny kabary ataon’ny hotronina.
Manana ny mpitondra azy ihany koa ny isam-pirazanana izay antsoina hoe :
Mpiambinjiny60
. Io ny mpitondra eo amin’ny lafiny fomban-drazana. Izy no mpijôro sy
mpiandraikitra momba ny fasana, tsy maintsy miera aminy rehefa misy zavatra atao any am-
pasana. Izy ihany koa no hiaraha-midinika sy hiaraha-manapaka rehefa misy zavatra atao eo
amin’ny fianakaviana.
Azo lazaina araka izany fa ny Mpiambinjiny no tompon’andraikitra voalohany ao
amin’ny fianakaviana.
Ireo Raiamandreny ara-piarahamonina sy ara-panjakana ireo no miara-miasa mitondra
sy mandamina ny fiainan’ny fiarahamonina ao Ankiakabe. Entin’ny mpiambinjiny any
amin’ny tangalamena raha misy olana tsy voavaha eo anivon’ny fianakaviana. Raha mbola tsy
miravona eo iny olana iny, entin’ny tangalamena any amin’ny lehiben’ny fokontany.
Natao izany rehetra izany mba hanatsarana sy hampandrosoana ny fiainan’ny
mponina. Na dia eo aza izany ezaka ataon’ireo mpitondra ireo izany, azo lazaina ho miankina
amin’ny toe-tsain’ny mponina tsirairay ihany ny hahatsara sy hampandroso ny fiarahamonina
misy azy. Miankina amin’ny famolavolana hatramin’ny fahakely izany ny fanabeazana ny
59
Hazomanga na Sojabe: Ilazana ny zokiolona eo amin’ny fiarahamonina. 60
Zokiolona ao amin’ny fianakaviana, izay miahy ny lafiny fomban-drazana sy ny fasan-drazana, mamoha azy
raha misy ny liana izany.
45
toe-tsaina. Mitana toerana lehibe eo amin’ny fiainan’ny fiarahamonina araka izany ny rafi-
panabeazana misy ao aminy. Izany indrindra no mitarika antsika hijery ny lafiny fanabeazana
ao Ankiakabe.
I-3-1-2- Ny rafi-panabeazana:
Rafi-panabeazana karazany roa no tena hifantohantsika: ny fanabeazana an-tsekoly sy
ny fanabeazana ivelan’ny sekoly.
a- Ny fanabeazana an-tsekoly:
Ny fomba atao hitaizana ny zaza mba hahafahany hiatrika ny fiainany ho avy no
antsoina hoe fanabeazana. Iray amin’izany fomba fitaizana izany ny lafiny fampianarana ary
hita ao anatin’izany ny sekoly.
Manana sekolim-panjakana ambaratonga fototra iray ny ao Ankiakabe ary misy Lycée
tsy miankina iray koa miorina ao. Amin’ny maha fokontany eo an-tampon-tanànan’i
Maroantsetra azy izay lalana fotsiny no manefitra azy ireo, tsy manahirana ny ray aman-dreny
ao Ankiakabe ny mampianatra ny zanany amin’ny karazan-tsekoly rehetra misy ao
Maroantsetra. Izany hoe tsy mampianatra ny zanany ao amin’ny sekoly misy ao Ankiakabe ny
ankamaroan’ny ray aman-dreny fa mandefa ny zanany amin’ireo sekoly manodidina. Azo
lazaina araka izany fa tsy manahirana ireo mponina ao Ankiakabe ny toeram-pianarana sy ny
fahalaviran-toerana eo amin’ny famonjen’ny zaza izany.
Amin’ny ankapobeny, saika miditra an-tsekoly avokoa na ny ankizilahy na ny
ankizivavy eo amin’ny faha enin-taonany. Mahavita ny ambaratonga voalohany ny
ankamaroany fa rehefa hiditra amin’ny ambaratonga faharoa vao hita ny fihenan’ny isan’ny
mpianatra. Manaporofo izany ny fisian’ny EPP telo amby roapolo ao an-tampon-tanànan’i
Maroantsetra izay ahitana mpianatra 6152 raha ny taom-pianarana 2011-2012. Ny 25,6 isan-
jato (1574) amin’ireo no tonga amin’ny ambaratonga faharoa ary tafidina any amin’ny 14,9
isan-jato (916) ny tonga any amin’ny Lycée61
. Ny taom-pianarana 2012-2013 kosa dia
nahitana mpianatra 6002 ny ambaratonga fototra;ny tonga any amin’ny CEG dia 1536 ary ny
tonga any amin’ny Lycée dia 894.62
Hita araka izany fa be dia be ny mpianatra miala fianarana manomboka eo amin’ny
fiafaran’ny ambaratonga voalohany (taona faha efatra sy taona fahadimy). Mitohy izany
fandaozana sekoly izany any amin’ny ambaratonga faharoa sy any amin’ny Lycée ary azo
isaina amin’ny rantsan-tanana ny tonga aty amin’ny ambaratonga ambony.
61
Tarehimarika navoakan’ny fivondronana Maroantsetra ny taona (2011-2012) 62
Tarehimarika nalaina tany amin’ny CISCO
46
Ny antony mahatonga izany, ankoatra ny tsy fahampian’ny hoenti-manan’ny ray
aman-dreny, eo ihany koa ny tsy fananan’ny ankamaroan’ny ankizy tanjona mazava ho
tratrarina eo amin’ny fianarana ka tsy tsapany izay mahasarobidy sy ny ilàna ny fianarana,
lasa fombafomba fotsiny ny mianatra aminy. Rehefa misy olana kely sedrainy any am-
pianarana, ny hiala fianarana no vahaolana hitany.
Mahazo vahana koa ny toe-tsaina manindrahindra ny vola sy ny harena eo amin’ny
fiarahamonina. Izany hoe, ny fametrahana ny hoe ny vola no tena tanjona fa tsy ny fahalalana
ho enti-miaina loatra, ka na ny fianarana na ny zavatra hafa izay atao dia fomba ahazoana
izany vola izany avokoa. Ny fivoizana izay toe-tsaina izay eo amin’ny fiarahamonina no
mahatonga ny ankizy hihevitra fa fandaniam-potoana ny fianarana satria ela vao hivadika
vola. Noho izany, rehefa tonga ny fotoanan’ny jirofo ohatra, maro amin’ny mpianatra no
mandao ny sekoly satria iny, vola eo no eo.
Tratran’izany olana izany ihany koa ny ankamaroan’ny zaza ao Ankiakabe izay tsy dia
rototra loatra amin’ny fianarana. Manomboka miala fianarana ny ankamaroan’ny ankizy eo
amin’ny faha folo sy ny faharoambin’ny folo taonany. Manomboka eo ny zaza ao Ankiakabe,
efa mahazo vola tsikelikely amin’ny asa fanjonoana na famintanana, satria, efa miaraka
amin’ny rainy manarato izy eo amin’io taonany io. Variana amin’izany izy ka lasa malaina
amin’ny fianarana ary miala mihitsy no hiafarany, ny ray aman-dreny anefa tsy manery fa
nanaraka ny safidin-janany.
Hita araka izany fa tsy mampiraika ireo zaza sy ny mponina ao Ankiakabe firy ny
fanabeazana an-tsekoly noho ny lafiny toe-tsaina sy ny zava-misy eo amin'ny fiarahamonina.
Misy kosa anefa ny fanabeazana ny zaza hiatrika ny foto-pivelomana izay anisan'ny zava-
dehibe sy miantoka ny ho avin'ny zaza ihany koa.
b- Ny fanabeazana ivelan’ny sekoly
Raha izay ny fanabeazana an-tsekoly, zava-dehibe ihany koa amin’ny ho avin’ny zaza
ny fanabeazana ivelan’ny sekoly: ny fanabeazana ny zaza hiatrika ny foto-pivelomana.
Tsy maintsy ampianarina azy ny fomba atao ohatra, ny fomba fandrahoana sakafo, ny
fomba fikojakojana ny ao an-tokantrano, ny fomba fandrariana harato; fa misy kosa ny tsy
ampianarina mivantana fa amin’ny fanomezana adidy sy andraikitra azy no andraisany izany.
Toy ny fitondrana lakana, ny fampiasana fintana, ny fampiasana harato; tsy misy
fampianarana loatra ireo rehetra ireo fa ny fanatrehan’ilay zaza ny fanatanterahana azy no
hahaizany azy.
Ny asa fiveloman’ny fianakaviana iray dia mitaiza sy manefy ny zaza ao aminy. Ho
an’ny fianakaviana mpanjono ao Ankiakabe, raha vao teraka ny zaza, efa harato sy ny fomba
47
fihariana momba ny jono no zava-misy manodidina azy. Vokatr’izany, rehefa manomboka
milalao ny ankizy, efa manodidina izay resaka jono sy ny harato izay no kilalao ataony.
Ohatra: Milalao lakana kely (tsilakandakana), harato kely ho an’ny ankizilahy. Ny
fivarotan-trondro sy ny asa manodidina izany kosa ho an’ny ankizivavy.
Ireny kilalao ireny no ahatsapana fa tafita any amin’ny ankizy tsikelikely ny zava-misy
iainan’ny fianakaviana sy ny fiarahamonina misy azy.
Tsy ampy ahafehezany ny asa fivelomana anefa raha nijanona hatreo, fa zava-dehibe
ihany koa ny fanomezana andraikitra madinidinika sy ny anjara raharaha ao an-tokatrano. Efa
ao anatin’ny fitaizana avokoa izany rehetra izany ka toy izao manaraka izao ny fisehony.
Eo amin’ny fahaenina sy fahafito taonan’ny ankizy dia efa manomboka omena
raharaha raikitra izay tsy maintsy ataony isanandro izy. Irakiraka madinidinika ihany aloha no
ampanaovina azy mialoha izany taona izany. Tsy mitovy ny andraikitra miandry ny ankizy
lahy sy ny ankizy vavy rehefa lehibe. Tsy mitovy araka izany ihany koa ny fitaizana omena
azy ireo indrindra eo amin’ny fitaizana ivelan’ny sekoly. Ho an’ny ankizilahy: miaraka
amin’ny rainy mandeha mamindra toerana ny lakana amin’ny tolakandro. Ny anjara asany ao
anatin’izany dia ny manaisotra rano ao anatin’ny lakana. Natao izany mba hahitany ny
fitondrana ny lakana sy ny zavatra madinidinika manodidina izany, hifehezany sy hizarany
izany ary hitiavany ny jono tsikelikely.
Ny kilalao izay mahavariana azy ao anatin’izany dia ny mandeha milomano any
anatin’ny renirano ka any no ianarany mitondra lakana. Efa manana fintana ihany koa izy
manomboka eo, mandeha mamintana any amin’ny renirano manodidina no ataony raharaha
rehefa amin’ny fotoana tsy hianarana. Ho an’ny ankizivavy kosa: manampy ny reniny
amin’ny fikarakarana ny trondro no ataony ary eo no hianarany ny fomba fikirakirana izany
ny hahandro sy ny sisa.
Eo amin’ny fahavalo sy fahahasivy taonany kosa ny ankizilahy, efa tsy miaraka
amin’ny rainy intsony amin’ny famindrana lakana. Izy irery amin’izay no manao izany
manomboka eo ary efa afaka mitondra lakana tsara izy amin’izay. Ny mahavariana azy kosa
amin’izany taonany izany dia ny milomano any amin’ny ranomasina ary eo efa manomboka
mahafehy tsikelikely ny rano ny zaza.
Ampianarina mandrary harato izy ireo manomboka eo na lahy na vavy ka anisan’ny
raharaha ataony ao an-tokatrano izany fandrariana harato izany.
Entin’ny rainy manaraka azy manarato ny zaza lahy rehefa fotoana tsy hianarana eo
amin’ny fahafolo sy faha roambin’ny folo taonany. Manomboka variana ny ankizy eo ary
miala tsikelikely amin’ny fianarana ny sainy.
48
Any amin’ny fahaenina ambin’ny folo sy ny fahafito ambin’ny folo taonany, efa
mahaleo tena amin’izay resaka harato izay ny tanora ao Ankiakabe.
Raha jerena izay rehetra izay, hita fa tsy mifantoka amin’ny fianarana an-tsekoly ny
zaza ao Ankiakabe fa efa ampy rehefa mahay mamakiteny sy manoratra.
Ny zava-misy ihany koa, mandimby sy mandova ny asan’ny ray aman-dreniny ny
ankamaroan’ny tanora ao Ankiakabe. Ny fanabeazana azy no mahatonga izany fandovana
izany.
Azo tsoahina araka izany, fa zava-dehibe amin’ny ho avin’ny taranaka ny fanabeazana
an-tsekoly indrindra fa ny fanabeazana eo anivon’ny fianakaviana sy ny fiarahamonina. Tsy
ampy handavorary ny fiainan’ny fiarahamonina anefa raha ny fanabeazana irery fa ilaina
tahaka ny fanabeazana ihany koa ny fitsaboana izay miantoka ny fahasalamam-bahoaka.
Mampirindra sy mampilamina kokoa ny fiainan’ny mponina amin’ny faritra iray ny fisian’ny
rafitra mahakasika izany.
Ahoana ary izany ny lafiny fitsaboana ao Maroantsetra izay faritra misy
an’Ankiakabe.
I-3-1-3- Ny fitsaboana sy ny fahasalamana:
Hoy ny fomba fitenenana: harena ny fahasalamana, mba hikajiana izany harena izany
no antony nametrahana ny rafitra manokana miahy ny fahasalamana dia ny toeram-
pitsaboana. Manana izany toeram-pitsaboana izany ny any amin’ny faritra Maroantsetra izay
ho jerentsika ato amin’ity fizarana ity.
Azo lazaina ho tsy dia manahirana ny eto Maroantsetra ny resaka fitsaboana noho izy
manana toeram-pitsaboana roa: ny iray, hopitaly lehibe izay misy ny fandidiana sy ny
fitarafana isan-karazany. Ny iray kosa ho an’ny zaza sy ny reny mitondra vohoka ary
fizaham-pahasalamana ho an’ny olon-drehetra. Miankina amin’ny fanjakana avokoa ireo roa
ireo fa misy vitsivitsy kosa ny tsy miankina amin’ny fanjakana fa an’olon-tsotra.
Ankoatra ireo, misy ihany koa ny toby «Secaline» izay miandraikitra sy mikarakara ny
fahasalaman’ny zaza sy ny reny bevohoka. Mijoro isaky ny fokontany izany ary anisan’ny
mba manana ny ao Ankiakabe. Misahana ny fahasalamana ao Maroantsetra sy ny manodidina
ireo rehetra ireo. Araka ny fanadihadiana nataon’ireo mpitsabo avy ao amin’ny tobim-
pahasalamana sy ny avy ao amin’ny ―secaline‖ dia ―15 isan-jaton’ny mponina ao Ankiakabe
no mba manatona ny tobim-pahasalamana rehefa misy tsy azoazo amin’ny vatana‖.63
Ny
ankamaroan’ny mponina rehefa misy ny tsy fahasalamana dia manaraka ny fitsaboana
63
Araka ny fanazavana nomen’i Janoèly, mpitsabo ao amin’ny tobim-pahasalamana eto Maroantsetra.
Fanadihadiana natao ny 26 Febroary 2013 tamin’ny 10 ora maraina.
49
nentim-paharazana toy ny fitsaboana amin’ny alalan’ny ravinkazo sy ny fanatonana ny
mpitsabo nentim-paharazana. Anisan’ny mahatonga izany ny fahasahiranana ara-bola sy ny
tsy fahazarana manatona ny tobim-pahasalamana fotsiny.
Iray amin’ireo mpitsabo nentim-paharazana ny mpampivelona na ny mpanavanana64
izay manao ny asa fampiterahana. Amin’ny ankapobeny, tsy olona mandalim-pianarana loatra
na manao fianarana manokana momba ny fampiterahana ny mpanavanana fa fahaizana
manokana nomen’Andriamanitra sy nolovaina tamin’ireo ray aman-dreny teo aloha.
Raha ny zava-misy no jerena dia maro amin’ny olona no manatona ireny
mpampivelona ireny rehefa hiteraka.
Misy ihany koa ny mpanotro izay mitsabo ny hozatra izay lazain’ny mponina any hoe:
mivadi-kozatra65
Tsy ny olon-dehibe ihany anefa no tsaboina amin’ny alalan’ity hotra ity fa eo ihany
koa ny zaza miaitry66
. Anisan’ny mpanotra ny zaza miaitry malaza i Ramatoa Visia; manana
asa ankoatra ny maha mpanotra azy izy dia ny asa fampianarana. Efitrano manokana sy Ora
manokana no andraisany ny marary tahaka ny mpitsabo rehetra.
Tsy mba nianatra manokana momba ny hozatra izy fa fahaizana nomen’Andriamanitra
azy manokana. Manana io fahaizana manotra io avokoa ny olona rehetra kambana amin’ny
ankapobeny.
Taloha, tsy misy sarany voatondro ny fanorana fa hasin-tànana no omena (vola izay
foy na sira). Izany hoe ―tsy fitadiavam-bola fa karazana fanasoavana ny mpiarabelona aminy
ihany.
Ankehitriny, tsy toy izany intsony fa efa misy vola voatondro (200 Ar ny ambony
indrindra) ary efa tafiditra ao anatin’ny fomba fihariana izany‖.67
Manana ny mpitsabo may ihany koa ny ao Maroantsetra na main’ny afo na main’ny
rano mangotraka na main’ny zavatra hafa. Ny mpitsabo izany aretina izany dia ny mpanao
vilany. Mihazakazaka any amin’ny mpanao vilany ny olona rehefa may na entina haingana
any amin’ny mpanao vilany. Maka karazan’ahitra efa voatokana amin’ny fitsaboana izany izy
ka tsakoiny (mpanao vilany). Harorany amin’ny faritra may izany rehefa voatsako dia vita.
Ao koa ny fampiasana ravinkazo izay lazain’ny eto afovoan-tany hoe raokandro. Tsy
misy mpitsabo manokana ny amin’izany fa samy mampiasa ny fahalalana izay nolovaina
64
Renin-jaza 65
fialan’ny ozatra amin’ny toerany noho ny dona mafy nahazo azy izay miteraka fanaintainana ho an’ilay olona. 66
Ilazana ny zaza marary vokatry ny dona mahazo azy, ohatra mianjera nalatsaka izay miteraka fanaviana ho
azy. 67
Loharanon-kevitra : Visia, mpampianatra no sady mpanotra monina ao Ankiakandrefana Maroantsetra,
fanadihadiana natao ny 23 Martsa 2013 tamin’ny 6 ora sy sasany maraina.
50
tamin’ireo raiamandreny tany aloha ny mponina tsirairay. Fitsaboana amin’ny alalan’ny
fahalalan’olombelona ihany ireo karazam-pitsaboana ireo fa tsy misy fifandraisana amin’ny
hery hafa ivelan’ny olombelona.
Misy ihany koa anefa ireo mpitsabo izay manana fifandraisana amin’ny hery hafa
ivelan’ny olombelona. Ahitana izany karazana mpitsabo izany ihany koa ny eto Maroantsetra.
Iray amin’ireny ny Mpisikidy68
mitsabo ny karazana aretina rehetra sy ny olana maro samihafa
eo amin’ny fiainana izy io, anisan’izany i ASMAN69
.
Ahitana ny mpitaha folaka70
ihany koa eto Maroantsetra, Ramatoa efa antitra iray atao
hoe BEJO71
no manao izany fitsaboana izany. ―Tsy izy irery no manao ny tena fanasitranana
fa ireo hery miara-miasa aminy. Entina any amin’io vavy antitra io rehefa misy olona hiaran-
doza ka tapaka ny taolany na vaky. Raisiny iny faritra folaka iny ka hosorany tany ravo dia
alefany mody. Tonga ireo hery hafa ireo manao ny tena fanorana ny alina, ampitson’iny
sitrana ilay olona‖.72
―Hita any ihany koa ny mpanao fanafody gasy izay miaro ny olona iray manao ratsy
tsy hiditra am-ponja na dia mandalo fitsarana aza. Izay karazam-pitsaboana izay no atao hoe:
Tsy voan’ny naniny73
. Izany hoe raha misy olona manao zava- dratsy toy ny famonoan’olona,
fangalarana, famitahana ka tratra dia manatona ilay olona mpanao fanafody izy mialohan’ny
fanadihadiana azy na ny fitsarana azy; omen’ilay olona tapa-kazo izy ary iny tapa-kazo iny no
miaro azy tsy hiditra am-ponja.‖74
Misy ihany koa ny mpanafana tsidimbazana75
: karazana aretina apetraky ny olona
amin’ny alalan’ny fanafody gasy ny tsidimbazana. Ny fisehony, mivonto amin’ny tongotra na
amin’ny tànana, raha hafanana, izany hoe sitranina izy io dia mihena avy hatrany fa raha tsy
hafanana kosa dia lasa vay. Ny mpisikidy na ny olon-tsotra manana fahaizana manokana
momba ny tsidimbazana no manasitrana ireny.
Ahitana ny tromba ihany koa ao Maroantsetra izay mpanasitrana ihany koa. Tsy ny
aretina ara-batana ihany no sitranin’ity karazana mpitsabo ity fa eo ihany koa ny famahana sy
fanamaivanana ireo zava-manahirana eo amin’ny fiainana sy ny fiarahamonina.
68
Mpimasy 69
ASMAN: mpisikidy monina ao Ankiakandrefana Maroantsetra, 39 taona. 70
Mpitsabo folaka 71
BEJO: vavy antitra 72 taona, monina ao Ankiakandrefana Maroantsetra. 72
Araka ny fanadihadiana natao tamin’i Jacqueline monina ao Ankiakandrefana ny 13 jona 2013 tamin’ny 3 ora
tolakandro. 73
Tsy voan’ny nataony 74
Araka ny fanazavana nomen’i Jean Frédéric ny 07 Martsa 2013,tamin’ny 6 ora sy 10 minitra 75
Mpanasitrana tsidimbazana
51
Mitaky finoana avy amin’ny tsaboina ireny fitsaboana ireny vao mandaitra. Matoa
misy izy ireny ary misy ihany koa ny mahita soa avy aminy dia misy ihany ny mino sy
manaiky ny fisian’ireny hery ireny.
Ahatsapana izany rehetra izany fa manana finoana sy manana zavatra inoana tahaka ny
olona rehetra ny mponina ao Maroantsetra ary ao anatin’izany ny ao Ankiakabe.
I-3-1-4- Ny finoana:
Ny zava-misy any an-toerana no nahatsapana fa mino an’Andriamanitra
Andriananahary ny mponina ao Maroantsetra, manaporofo izany ny fisian’ny antokom-
pinoana maro mijoro ao an-tapa-tanànan’i Maroantsetra.
Mino ny fitahian’ny razana sy ny mbola hitohizan’ny fiainana any ankoatra ihany koa
anefa ny mponina ao Maroantsetra. Ahitana taratra izany finoana izany ny fanantanterahana
ny famadihana sy ny rasahariana76
.
Fanefana adidy amin’ny razana izay mahatonga azy ireo hiahy sy hitsimbina ny
havany mbola velona ny famadihana. Hita taratra ao anatin’izany ny mbola hisian’ny
fifandraisana eo amin’ny velona sy ny maty. Mbola hita taratra ihany koa izany eo amin’ny
rasahariana izay maneho ny fifanohanana eo amin’ny mpianakavy na dia efa toerana samihafa
aza no misy azy. ―Miaina tahaka ny ety an-tany ny any ankoatra araka ny finoana, noho izany
mila vola sy mila fitaovana samihafa izy hiainany any. Izany no antony anaovana ny
rasahariana mba hanomezana ny maty ny anjara fananany tamin’ny fahavelony.‖77
Hita araka ny fanadihadiana izay mifandray amin’ny fitsaboana nentin-drazana vao
nohalalinina teo aloha (pp 41, 42), izay niresahana indrindra ny mpitsabo may, ny mpanotra,
ny mpitaha folaka, ny mpisikidy, ny tromba ary ireo karazana ahitra sy ny raokandro
fampiasan’ny mponina fa misy ny finoana ny hery tsy hita sy ny hasin’ny zava-boahary
hinoan’ny mponina.
Izay sy izay ny momba ny rafi-pitantananana araka izany dia manana ny rafitra mifehy
azy tokoa ny ao Maroantsetra na amin’ny ara-panjakana na amin’ny ara-piarahamonina fa
mba manao ahoana kosa ny eo amin’ny lafiny fomba amam-panao.
76
Teny roa natambatra: rasa + hariana; rasa = fizarana; ny hariana = harena. Izany hoe: fizarana harena na
fananana amin’ny havana efa maty. 77
Ndrova Patrice, Tsaboraha isan-karazany: fomba Betsimisaraka, Imprimerie Catholique, Tananarivo, 1977,
p9.
52
I-3-2- Ny fomba amam-panao
Ny fiandoham-piainana ho an’ny olona iray dia ny fahaterahana. Lalana andalovan’ny
olombelona rehetra izany, tsy misy olombelona tsy nateraka. Ny mampiavaka ny firenena, ny
foko, ny firazanana samihafa kosa anefa dia ny fombafomba samihafa tanterahina nifandraika
amin’izany fahaterahana izany.
Manana izay mety mampiavaka azy, ny eto Maroantsetra raha izay fomba sy ny fanao
amin’ny fahaterahana izay.
I-3-2-1- Ny fiterahana:
Mizara ho sokajy roa ny ao Maroantsetra raha ny fomba amam-panao eo amin’ny
fiterahana no resahina. Ankilany ireo izay manana fomba amam-panao tsy mifanalavitra
loatra amin’ny eto afovoan-tany. Manomboka mifana ny mpiteraka rehefa teraka ny zaza ka
mandritra izany, fonosina tsara ny zaza sy ny reniny mba tsy ho tratran’ny hatsiaka. Tsy azo
atao ny mihinana sakafo mangatsiaka fa sakafo mafana hatrany mba hampahafana ny kibo
nialan’ilay zaza.
Mivoaka itany ny mpiteraka herinandro aorian’ny nahaterahana. Iny fe-potoana
herinandro iny no lazain’ny mponina ao Maroantsetra fa «eo am-patana ny mpiteraka».
Lazainy hoe manam-patana78
kosa ny mpikarakara ny mpifana. Ny fivoahana itany kosa no
ambarany hoe: miboaka am-patana. 79
Ampandroina amin’ny ranon-dromba80
ny mpiteraka ary arandrana ny volony
amin’ny andro ivoahany itany. Efa mizatra manao zavatra madinidinika ny vehivavy avy
niteraka manomboka eo.
Etsy andaniny kosa misy ireo izay manana fomba amam-panao amin’ny fiterahana
izay hafa noho izany ary miavaka amin’ny mahazatra. Ny Makoa izay zana-poko iray
mandrafitra ny foko Betsimisaraka ao Maroantsetra no manana izany fomba izany.
Ranginalo81
no anaran’io fombafomba io; tondroina hoe ranginalo ihany koa ireo izay
manaraka izany fomba izany. Tsy mba mifana na mifonofono izany mihitsy ny olona
ranginalo rehefa avy niteraka. Raha vao tafavoaka ny zaza ka vita ny fikarakarana rehetra dia
entina mijibika im-pito amin’ny renirano ny vehivavy avy niteraka. Natao izany mba
hanadiovana sy hanariana ny ratsy rehetra.
78
Mampifana 79
Mivoaka itany 80
Romba = karazana zava-maniry; tanehina ny raviny ary iny ranony avy notanehina iny no atao hoe ranon-
dromba. 81
Fomba amam-panao hita any amin’ny foko Betsimisaraka izay tanterahina amin’ny fiterahana.
53
Ny sakafo omena ny mpiteraka dia sakafo mangatsiaka fa tsy mba sakafo mafana.
Fonosina ravina longoza82
ny fomba fandrahoana ny vary, izay fomba fandrahoana sakafo
izay no lazaina hoe: ahandro sarono83
. Izany dia maneho fa mbola misy ny fifandraisan’ny
taranaka amin’ireo razana niandohana. Izany hoe: ny fampiasana ny ravina izay fomba
fanaon’ireo razambe tany aloha no maneho izany fifandraisana izany ary mampiseho ihany
koa fa mbola tsy niala amin’ny fanaon’ny Razana ireo taranaka aty aoriana.
Misaika amin’ny rano mangatsiaka rehefa mivoaka itany ary mitoto vary eo ho eo
amin’ny roa kapoaka eo ny mpiteraka. Natao izany mba hanazarana azy amin’ny raharaha
fanao andavan’andro. Tsy misy fiantraikany amin’ny fahasalamany ireo rehetra ireo ho an’ny
olona ranginalo fa ny tsy fanarahana ireo no miteraka aretina sy fahosana ho an’ny mpiteraka.
Mandalo dingana manaraka eo amin’ny lalam-piainana ny zazalahy aorian’ny
fahaterahana dia ny famorana. Mirakitra lafin-javatra roa ny famorana: ny voalohany,
miantoka ny fahasalaman’ny ankizy, ny faharoa kosa, firariana ny zaza mba ho afaka hiatrika
ny fiainana ary antoka iray ahafahany milevina am-pasan-drazana izany. Amin’ny faritra hafa,
mifandray amin’ny fandovana ny famorana. Izany hoe: tsy mahazo mandova ny olona izay
tsy voafora. Amin’ny ankapobeny, tsy dia nametraka izany loatra ny aty amin’ny faritra
Maroantsetra.
Fomba amam-panao maro samihafa no entina anatanterahana izany. Izay mety
hiovaova arakaraky ny faritra. Hojerentsika ny mampiavaka ny foko Betsimisaraka ao
Maroantsetra eo amin’izany famorana izany.
I-3-2-2- Ny famorana
Efa tsy amin’ny maha tandindon’ny fiampitan’ny zazalahy ho amin’ny fianakavian-
drainy intsony no hevitra fonosin’ny famorana aty amin’ny faritr’i Maroantsetra ankehitriny
amin’ny ankapobeny. Ny fikajiana ny ara-pahasalamana sisa no antony anaovana izany. Noho
izany, vitsy amin’ny mponina no mbola mitazona ny fomba nentim-paharazana amin’ny
famorana. Manaraka ny fomba maoderina ny ankamaroan’ny olona. Izany hoe: manatona
mpitsabo ary efa tsy misy fety aman-danonana manetriketrika intsony.
Misy kosa anefa ny vondrom-piarahamonina izay manana fomba miavaka amin’ity
famorana ity ary mbola voatazona mandraka ankehitriny. Anisan’izany ireo Antiromba.
82
Karazan-tsakamalao sy tamotamo ary sakarivobe, mamoa mena, hanin’ny mpianala; ataony solon-dovia ny
raviny. 83
Fomba fandrahoam-bary izay saromana ravina longoza, izany hoe alaina ny vilany izay handrahoana ny vary
ka alafika ao natiny ny ravina longoza, arotsaka ny vary ary asiana rano mahamasaka azy dia atokona eo
ambonin’ny fatana.
54
Raha tsiahivina, iray amin’ireo zana-poko mandrafitra ny foko Betsimisaraka ao
Maroantsetra ny Antiromba. Mbola voatazon’ ireto Antiromba ireto ny tena hevitra raketin’ny
famorana amin’ny maha riba fiampitana azy. Mbola mipetraka ny fakana ny rano mahery sy
ny fary tsy mitapaka na fary raiki-bololona hoy ny eto Imerina sy ny anivon-tany ary ny
vatan’akondro. Firariana ny zaza mba hahery sy hatanjaka ary ho afaka hiatrika ny tena
fiainana izany rehetra izany.
Rehefa azo ireo rehetra ireo, vao maraina dia entina mihodidina ny trano im-pito ny
zaza ary atao antsangory. Ompaina sy hanaovana teny ratsy ilay zaza mandritra ny fihodinana.
Miôsiky84
ny vehivavy mandritra ny fanapahana ary mbola mitohy ihany ny ompa atao
amin’ilay zaza. Ompaina ilay zaza satria heverina ho olona tsy misy ilana azy izy amin’izy
miditra ao an-trano anaovana ny famorana izy rehefa vita izany ary atao ny fanapahana.
Mbola tsy voafora ka ompaina sy anaovana teny ratsy ary atao tsinontsinona. Rehefa vita
tanteraka kosa ny fanapahana, tapitra ny ompa dia firarian-tsoa sy fiarahabana amin’izay kosa
no ataon’ny mpanatrika amin’ilay zaza. Entina anehoana ny faharatsian’ny toerana nisy azy
teo aloha tamin’izy mbola tsy vita fora izany.
Tafita soamantsara aty amin’ny tontolon’ny antokon-drainy ilay zaza rehefa vita ny
fanapahana. Manomboka eo vao sokajian’ny fiarahamonina ho tena lehilahy tokoa iny
zazalahy iny, ary mizaka ny zo sy ny andraikitra feno mifanandrify aminy eo anivon’ny
fiarahamonina.
Tsapa araka izany rehetra izany fa na eo aza ny fihazakazahan’ny fandrosoana izay
namotika tsikelikely ny fomba amam-panao nentim-paharazana dia mbola misy ihany ireo
izay mitazona sy manaja izany.
Raha izay ny mikasika ny famorana manao ahoana kosa ny fisehon’ny fanambadiana
amin’iny faritra iny.
I-3-2-3- Ny fanambadiana
Isan’ny fomba nankalazain’ ny Malagasy ny fanambadiana noho izy miantoka ny
fitohizan’ny taranaka. Tsy vitan’ny hoe nankalazaina fotsiny izany tamin’ny faritra sasany fa
anisan’ny nahasarotiny azy tanteraka. Samy nametraka fitsipika aman-dalàna mifehy ny
fanambadiana ny foko tsirairay avy mba hitsinjovana ny zanaka amam-para. Misy ihany anefa
ireo foko izay nametraka azy io ho fihariana sy fampitomboan-karena. Nivadika ho fomba
amam-panao raikitra anefa ireo fitsipika aman-dalàna ireo taty aoriana.
84
Mihira ary hira mitovitovy amin’ny hira amin’ny vakodrazana.
55
Nanana ny azy ny foko Betsimisaraka tavaratra amin’izay fomba amam-panao eo
amin’ny fanambadiana izay. Amin’ny endrika fampitahana no hanehoana izany ka
hojerentsika eto izay fisehony tamin’ny nentim-paharazana ary koa ny fomba fanao amin’izao
andro izao. Misy ampahany mitovitovy amin’ny fombandrazana amin’ny fanambadiana eto
Imerina ny fomba amam-panao amin’ny fanambadiana nentim-paharazana hita any amin’ny
foko Betsimisaraka avaratra.
Aorian’ny fifankahitana ka mifanaiky fa hifankatia ny tanora roa dia milaza amin’ny
ray aman-dreniny ny zazalahy. Manondro andro iray handehanana hiseho any amin’ny ray
aman-dreninn’ny zazavavy izy ireo rehefa fantatry ny ray aman-dreniny ny hetahetam-pon’ny
zanany. Aorian’ny fisehoana, miroso amin’ny fangatahana raha tsy misy ny olana.
Mitovy amin’ny fomba fanao eto Imerina hatreo, fa ny antsipirihany ato amin’ny
fangatahana no mampiavaka azy.
Miantomboka amin’ny kabary ifamalian’ny andaniny sy ny ankilany ny fangatahana.
Atolotra ny vodiondry rehefa vita ny fifandresen-dahatra ary aorian’izany, miroso amin’ny
Orimbato85
.
Ny Orimbato dia tsy inona fa ny dinidinika ataon’ny roa tonta momba ny hitondra ny
tokantrano. Mandritra izany samy maneho ny mety sy ny tsy mety amin’ny fianakaviany ny
andaniny sy ny ankilany. Ambara eo ihany koa ny fady sy ny fitsipika arahina eo anivon’ny
fianakaviana. Tsy maintsy arahin’ny zazavavy izay nalaina vady ny fady sy ny fitsipika
mifehy ny fianakavian’ny lahy na dia tsy nahazatra azy aza izany.
Ohatra: raha ranginalo ny fianakavian’ilay lehilahy naka vady, tsy maintsy manaraka
ny fomban’ny ranginalo ny vehivavy nalaina rehefa hiteraka eny fa na dia tsy ranginalo aza
ny fianakaviana nisy azy.
Atao ny diafotaka86
rehefa vita ny fifanarahana teo amin’ny Orimbato. Ny diafotaka
dia vola omena an’ilay zazavavy mialohan’ny andehanan’ny mpanintaka87
, toy izao no
niandohan’izany diafotaka izany: tamin’ny andro taloha, tsy misy zazavavy mandeha
manambady lavitra fa eo ankaiky eo ihany. Bataina mankany amin’ny toerana misy ny
zazalahy ilay zazavavy rehefa tonga ny fanintahana ary tsy ampanitsahana tany mihitsy. Fa
noho ny halaviran-toerana hakana vady taty aoriana dia tsy vita intsony ny fibatana fa
mandeha tongotra ihany ny vady vao, nefa omen’ny fianakavian’ny zazalahy vola ilay
85
Orimbato: fametrahan’ny fianakaviana andaniny sy ny ankilany ny fepetra itondrana tokantrano. Ohatra:
filazan’ny andaniny sy ny ankilany ny fady sy ny tsy mety amin’fianakaviany. 86
Vola omena ilay zazavavy alaina ho vady ho vidin’ny fandehanany tongotra mankany amin’ny toerana misy
an’ilay lehilahy 87
Olona maromaro avy amin’ny fianakavian’ny lahy handeha haka ilay zazavavy. Ireo no manao ny fangatahana
sy ny fombafomba rehetra.
56
zazavavy mba ho solon’ny fibatana, io no lazaina hoe: diafotaka. Vita izay, atao ny sintaka ka
entin’ny mpanintaka ilay zazavavy miaraka amin’ny olona vitsivitsy avy amin’ny
fianakaviany, ireo no mpanati-tsintaka88
.
Rehefa tanteraka izany rehetra izany, azo lazaina ho voaorina soa aman-tsara ny
tokantranon’izy roa ka lanonana sisa no atao any amin’ny toerana misy ny lehilahy.89
Izay no
endrikendriky ny fanambadiana Betsimisaraka nentim-paharazana amin’ny ankapobeny.
Amin’izao andron’ny fandrosoana izao, vitsy dia vitsy ny mbola mitazona izany
fomba izany. Niova nanaraka ny fandrosoana ny endriky ny fanambadiana ankehitriny. Ny
fisoratana ara-panjakana no tena omen-danja amin’izao vanin’andro izao.
Toy izao ary ny endrika sy ny fizotran’ny dingana arahana amin’ny fanambadiana
ankehitriny: fangatahana; fisoratana ara-panjakana; fanamasinana ho an’ny Kristianina;
fiaraha-misakafo. Tsy misy intsony ny sintaka sy ny Orimbato ary ny diafotaka fa vita hatreo.
Tsy ny olona rehetra anefa no miroso amin’izay fehim-panambadiana ara-panjakana izay fa
mitokan-trano amin’izao fotsiny ny ankamaroany, na manao tokantrano maso.
Raha ny ao Ankiakabe manokana no asian-teny, ahitana tokantrano 450; amin’ireo,
zara raha nahatratra 50 ny tokantrano vita sora-panambadiana ara-panjakana90
.
―Tsy dia tsara loatra ny manao fehim-panambadiana ara-panjakana eo amin’ny
fahatanorana araka ny fiheveran’ny olona amin’iny faritra iny. Ny tena mety araka ny
fiheverany, amin’ny fotoana tena mahamatotra ny andaniny sy ny ankilany izay vao miroso
amin’izany. Izany hoe rehefa afaka amin’ny fiainan’ny fahatanorana (efa lehibe) ary resy
lahatra fa tsy hisaraka intsony izay vao tokony hiroso amin’izany‖.91
Hita araka izany fa niova ny endriky ny fanambadiana any amin’ny faritra
Maroantsetra noho ny fidiran’ny fandrosoana sy ny fiheverana samihafa. Miankina amin’ny
safidin’ny tsirairay ihany anefa ireo rehetra ireo, safidy ny hiditra eo amin’ny sehatry ny
fanambadiana. Safidy ihany koa ny fomba hanatanterahana azy na amin’ny endrika netim-
paharazana na amin’ny endrika maoderina.
Misy anefa ny toe-javatra izay tsy hananana safidy eo amin’ny fiainan’ny
zanak’olombelona fa tsy maintsy ekena dia ny fahafatesana izany. Tsy mifidy firenena na
88
Olona vitsivitsy ary amin’ny fianakavian’ny vehivavy nalaina manatitra ilay vehivavy any amin’ny toerana
misy ilay lehilahy naka. Miankina amin’ny mpanintaka ny isany, raha 5 ny mpanintaka, 10 ny mpanati-tsintaka. 89
Fanazavana nomen’i Morel, mpamboly, 72 taona monina ao Ankiakabe ny 27 Jona 2013 tamin’ny 2 ora
tolakandro. 90
Tarehimarika nomen’ny lehiben’ny fokontany Ankiakabe sy ny tompon’andraikitry ny kaominina
andrenivohitra Maroantsetra. 91
Fanadihadiana natao tamin’i Marie Elenne, tompon’andraikitra ao amin’ny sekalina Ankiakabe, 40 taona, ny
06 jona 2013 tamin’ny 9 ora maraina.
57
firazanana ny fahafatesana fa samy iharany avokoa ny olombelona rehetra sy izay mety ho
zava-mananaina.
Samy manana ny fomba hiatrehany izany ny faritra sy ny foko samihafa eto
Madagasikara. Manana ny fombany koa araka izany ny ao Ankiakabe Maroantsetra.
I-3-2-4- Ny fahafatesana
Mbola tsy mifanalavitra amin’ny fanao nentim-paharazana ny fomba fanao eo amin’ny
fahafatesana hita any amin’ny faritr’i Maroantsetra. Rehefa misy maty ao amin’ny
fianakaviana iray, amin’ny fotoana izay mahatapitra ny ain’iny olona iny na amin’ny fotoana
nahenoana fa maty izy dia mitomany mafy ny vehivavy ao an-trano.
Tsy zavatra amboamboarina na foronina anefa fa efa mandeha ho azy ny alahelo
arahin-dranomaso toy izany. Tonga manotrona ny manodidina rehefa maheno izany. Ny
havana manodidina sy ny mpifanolo-bodirindrina no manao ny fikarakarana rehetra fa efa tsy
mahafantatra ny tokony hatao ny tompom-pahoriana noho ny alahelo be loatra. Amin’iny
andro iny ihany no anangonana ny fitaovana rehetra ilaina toy ny vilany, ny kitay, ny ravina
ihinanana. Amin’io andro io ihany koa no ananganana ny langara 92
izay ipetrahan’ny
mpanotrona na ny mpiandry faty, ny mpamangy…
Anaovana sakafo ny avy lavitra iny andro voalohany iny fa ny manodidina kosa samy
misakafo any an-tranony.
Atao ny fiaretan-tory ny hariva mba ho fihombonana sy fiaraha-mitondra ny fahoriana
amin’ny fianakaviana ao anatin’izany no ampahafantarina ny mpanotrona ny fandaharam-
potoana rehetra.
Ny ampitson’iny no anaovana ny ranomaso93
raha tsy misy intsony ny havana
andrasana. Vonoina vao maraina ny omby ka ny lehilahy matanjaka no mikarakara ny
fandrahoana an’iny.
Ny vehivavy miaraka amin’ny lehilahy vitsivitsy kosa no miandraikitra ny
fandrahoam-bary. Mandritra ny andron’ny ranomaso no andraisana ny tati-bato94
ary ireo
olon-dehibe ao amin’ny fianakaviana na ny havana akaiky no mandray izany.
Rehefa voahomana ny nahandro, velarina ny lambaña95
, io lambana io dia na
ravin’akondro na ravin’ala, io no anapariahana ny vary mba hahafahan’ny rehetra mihinana.
92
Karazana trano, misy tafo fa tsy misy rindrina ary asiana seza ipetrahana. Ampiasaina amin’ny lanonana ny
amin’ny fahoriana kanefa azo ravana rehefa vita ny lanonana na ny fifamoriana amin’ny fahoriana. 93
Fotoana izay iarahan’ny iray tanàna miory amin’ny havan’ny maty sy hanaovam-beloma azy farany.
Manotrona eo manomboka maraina mandra-paharivan’ny andro, eo no hanaterana ny tati-bato sy ny fanampiana
avy amin’ny mpiaramonina. 94
Vola omena ny fianakaviana mana-manjo ho fiaraha-mitondra ny fahoriana aminy. 95
Ravin’ala na ravin’akondro ampiasaina ho solon-dovia.
58
Ny ravina longoza kosa no sôroko96
solon’ny sotro.
Asaina manatona ny toerana ihinanana ny mpanotrona rehefa voavelatra ireo. Ny
toerana ihinanana, na toerana malalaka iray na eo amin’ny lalana lehibe iray.
Tsy mankany ny olona ao amin’ny trano misy ny faty fa omena sakafo ao an-trano ao
ihany.
Atao ny «rasavôlaña»97
aorian’ny fihinanana, izay kabary ifamaliana. Ny
raiamandreny avy amin’ny fianakaviana na olona notendren’ny fianakaviana no manomboka
azy. Mamaly an’izay ny raiamandreny voatendry avy aty amin’ny vahoaka mpanotrona. Ao
anatin’izany rasavolona izany no isaorana ny vahoaka tonga nanotrona, ambara eo ihany koa
ny isan’ny vola sy ny fanampiana rehetra nentiny. Mandritra izany ihany koa no mbola
iangaviana ny vahoaka ho an’izay afaka mba hanotrona amin’ny fandevenana.
Aorian’ny fandevenana, mbola manotrona eo ny havana akaiky sy ny avy lavitra.
Manampy amin’ny fanadiovana fitaovana sy ny fanaterana izany ireo.
Atao ny anatranatra ho an’ny fianakaviana ny ampitson’iny alohan’ny handravana ny
langara. Mandritra izany no itenenana ny lesoka rehetra misy eo amin’ny fianakaviana sy ny
tokony hanarenana izany. Rehefa vita anatranatra izay vao vita ny fifanotronana ary mirava.98
Tsy vita hatreo anefa ny adidin’ny fianakaviana amin’iny maty iny, fa mbola eo ny
fikarakarana azy ary anisan’izany ny famadihana. Izany famadihana izany indrindra no
hojerentsika manaraka eto.
I-3-2-5- Ny famadihana
Maro amin’ny faritra eto Madagasikara no mamadika fa ny endrika isehoan’ny
famadihana no samihafa.
Antsoina hoe fañokoarana99
ny famadihana aty amin’ny faritra Maroantsetra.
Ny fomba fandevenana amin’iny ilany atsinanan’ny Nosy iny nahatonga izany fomba
fitenenana izany. Tena alevina anaty tany tokoa ny olona any rehefa mandevina. Hadina ny
tany ary ampidirina ao ny faty.
Mizara roa ny fasana dia ny eo an-tokontanim-pasana izay fandevenana ny faty lena sy
ny tranon-drazana100
izay ampidirina ny faty efa maina aorian’ny fanokoarana.
96
Sôroko: ravina longoza na ravin’ala ampiasaina ho solona sotro. 97
Lahateny atao amin’ny fotoana iray toy ny amin’ny fahafatesana izay mitovy amin’ny kabary amam-paty. 98
Ndrova Patrice, Tsaboraha isan-karazany: fomba Betsimisaraka, Imprimerie Catholique, Tananarivo, 1977, 23p
sy ny fanatrehanay mpanadihady ny zava-misy iainana any an-toerana. 99
Fanesorana na fanalana ny razana avy ao anaty tany. 100
Trano iray lehibe tsy misy efitra, natao hametrahana ny taolambalon’ireo havana efa maty.
59
Mihintsana ny nofo rehefa telo na efatra taona aty aorian’ny nahafatesany ka taolana
sisa. Pongarina hiala ao anaty tany iny taolana iny ka ny famoahana azy avy ao anaty tany no
lazaina hoe: mañaokatra.
Ny fisehony: mandeha any am-pasana ny fianakaviana sy ny mpanotrona mba
hanaokatra ny razana avy ao anaty tany. Diovana amin’ny lamba ny taolana rehefa
voapongatra ary fonosina lamba rehefa voadio. Ny lamba soga no matetika ampiasaina
amin’izany.
Entina miakatra an-tanàna ny razana rehefa vita izay rehetra izay ary amin’ny fomba
manetriketrika no itondrana azy amin’izany. Miôsiky101
sy mandihy ny vehivavy, ny lehilahy
kosa mifandimby mitondra ilay razana.
Amin’ny alin’iny andro añokoarana iny no anaovana ny tsimandrimandry izay
andihizana sy hifalian’ny tampon-draharaha sy ny mpanotrona. Rehefa vita ny fombafomba
rehetra ny ampitson’iny dia ampidirina anaty hazovato102
ny razana ka aterina any am-pasan-
drazana.
Manomboka eo, tsy antokotany intsony no ametrahana azy fa ampidirina an-tranon-
drazana ary izay izy vao tena tafiditra am-pasan-drazana.
Tafahaona amin’ireo havana aman-tsakaiza efa lasan-korazana izy ka miaramonina
amin’izy ireo.103
Ny finoana Malagasy dia mametraka fa fiarahamonina toy ny aty ihany ny any
ankoatra ka mila vola sy fitaovana maro samihafa ampiasainy any ny maty. 104
Mitaraina aty amin’ny velona izy raha tsy misy ny eo am-pelantanany ka mangataka
ny anjara lovany. Izany no mahatonga ny any amin’ny faritry ny Betsimisaraka avaratra iny
hanao ny rasahariana105
.
Omby no matetika omena, miaraka amin’ny fitaovana vitsivitsy toy ny vilia, sotro,
lamba sy ny zavatra tiany tamin’ny fahavelomany. Ohatra raha olona mifoka na misotro ny
maty tamin’ny fahavelony dia anaterana sigara sy tavoahangin-toaka.
101
Mihira ary hira mitovitovy amin’ny hira fanao amin’ny vakodrazana. 102
Karazana tranovorona fa kely noho izy fampiasaina amin’ny faty lena, vita amin’ny simenitra sy fasika 1m ny
halavany ary an-tsasametratra ny sakany. 103
Fanazavana nomen’i Tabavy Marceline, 75 taona monina ao Marogisa Maroantsetra ny 04 may 2013 tamin’ny
3 ora tolakandro sy Tongavelo François, 56 taona, mpampianatra monina ao Ankiakandrefana ny 05 may 2013
tamin’ny 4 ora tolakandro. 104
Araka ny voalazan’i RAZAFINTSALAMA (A) ao amin’ny boky ―Finoana sy ny fomba Malagasy‖, ed.MD
St Paoly, Antananarivo, 2004, tak. 123 hoe:‖Mazàna dia heverina fa mifanahatahaka amin’ny fomba fiainan’ny
velona ny fomban’ny maty izany no antony ampombaina azy ny zava-tiany toy ny fitafiany, ny toaka, ny
ombiny. 105
Fombafomba atao amin’ny olona efa maty ka anomezana azy ny anjara fananany tamin’ny fahavelony.
60
Ny fomba fanomezana ilay omby: atao ny joro manta izany hoe ny omby mbola
velona no joroana, vonoina ny omby ary rehefa masaka dia atao ny joro masaka ka eto no atao
ny fombafomba fanolorana ny razana ny omby. Lazaina mandritra ny jôro atao ny lokon’ny
omby sy ny endrikendriny. Rehefa vita izany, hinoana fa azony ilay omby ka vita ny
lanonana.106
Ireo fitaovana kosa dia apetraka ao anaty fasana izay misy ny razana eo ankaikin’ny
hazovatony mba hafahany mampiasa azy araka ny finoan’ny maro.
Raha fehezina izany rehetra izany, azo lazaina fa mbola voatazona ny fombafomba
amam-panao nentim-paharazana momba ny famadihana aty amin’ny manodidina an’i
Maroantsetra. Mbola voatazona madio io fomba io aty saingy efa mihavitsy ny olona na ny
fianakaviana manatanteraka izany.
Ho an’ Ankiakabe manokana, ny ankamaroan’ny mponina dia manaja izany
fifandraisana amin’ny razana izany. Itambarany amin’ny faritra manodidina izany
fombafomba rehetra izany fa ny manitikitika dia ny hoe: mba manana ny fombany manokana
amin’ny maha fiarahamonina mpanjono azy ve izy ireo.
Tsy mba manana fomba amam-panao netim-paharazana mahakasika ny jono ny ao
Ankiakabe. Samy manana ny fanaony ny tokantrano tsirairay avy. Mivavaka
amin’Andriamanitra mba tsy hisy loza hanjo alohan’ny handehanana no mba fombafomba
atao ho an’ny tokantrano kristianina. Misaotra an’Andriamanitra kosa rehefa tafaverina. Ny
mivavaka sy mangataka fiarovana amin’ny razana mba ho tody soa any sy mba hahazo
hazandrano betsaka kosa no ataon’izay tsy Kristianina. Misy kosa ireo sady kristianina no
mbola mitazona ny fomban-drazana ka mangataka fitahiana amin’Andriamanitra sy ny
Razana.
I-4- Ny fiharian-karena sy ny foto-pivelomana hafa ankoatra ny jono:
Andry iankinan’ny fivelomana sy ny toekarenan’ny mponina ao Ankiakabe ny jono.
Na dia eo aza anefa izany, manana asa hafa izay hanatsarany sy hanampiany ny foto-
pivelomany izy ireo. Ohatra amin’izany:
I-4-1- Ny fambolena:
Ahitana asa fambolena ihany ao Ankiakabe nadia ny jono aza no tena fototrasan’ny
ankamaroan’ny mponina ao. Karazana voly maro samihafa no hita ao, dia ny fambolem-bary,
ny fambolena voamanga, fambolena mangahazo, ny akondro, ny fambolena jorofo, kafe,
106
Ndrova Patrice, Tsaboraha isan-karazany: fomba betsimisaraka, Imprimerie Catholique, Tananarivo, 1977,
23p.
61
lavanila, ny lotisia, ny voanio107
. Samihafa ny fotoana iasana sy ambolena ireo karazam-boly
ireo, ny fambolem-bary ohatra dia indroa no mamboly azy ao anatin’ny taona, ny fambolena
voalohany dia ny volana May na Jona ary mifarana ny fiandohan’ny volana Jolay izay
antsoina hoe: vary ririnina. Io no tena fotoam-pambolena fa noho ny fahasahiranana sy noho
ny tsy fahampiam-bary dia mamboly fanindroany ny olona ny volana Janoary, febroary iny
ary miakatra ny vokatra ny volana Jona.108
Ny voly mangahazo sy ny voly voamanga kosa dia
ny volana Septambra sy Oktobra, telo volana na enimbolana dia miakatra ny vokatra. Ny
voankazo toy ny lotisia, ny voanio sy ny hafa kosa, amin’ny ankapobeny dia izay efa
nambolen’ireo ray aman-dreny teo aloha ihany no ianteheran’ny aty aoriana. I Noya ohatra,
izay mpanarato monina ao Ankiakabe, 42 taona dia manana fototra lotisia telo sy voanio roa
ary voankazo maromaro hafa; ny lotisia sy ireo voankazo hafa dia mbola ny dadabeny no
namboly azy, ny voanio kosa dia ireo ray aman-dreniny. Toy izany ihany koa ny amin’ny
jorofo sy ny kafe, ny ankamaroany dia mioty ny efa nambolen’ireo ray aman-dreny tany aloha
ihany fa vitsy ny mamboly vaovao ho an’ny taranaka aty aoriana. Ny fomba fambolena
ampiharin’ny mponina amin’ny fanatanterahana ireo dia mbola fomba fambolena nentim-
paharazana.109
Vadinasa no azo ilazana ny asa fambolena ao Ankiakabe, izany hoe tsy izy no tena
foto-pivelomana fa asa natao hanampiana ny asa fivelomana dia ny jono.Tsy dia ifantohana
loatra tahaka ny jono ity asa fambolena ity eto Ankiakabe, ny fambolem-bary ohatra dia zara
raha hahatody taona ny vokatra azo.110
Any ho any amin’ny fiafaran’ny volana Novambra no
miakatra ny voka-bary, ny volana Martsa, Aprily dia efa vitsy ny mbola manana tahirim-bary
fa efa manomboka lany avokoa ny ankamaroan’ny tahirin’ny tokantrano tsirairay, misy aza
roa na telo volana fotsiny dia efa lany.111
Toy izany ihany koa ny vokatra hafa toy ny
mangahazo, voamanga, zara raha hahavatsy ny tokantrano iray ao antin’ny iray volana. Ny
voankazo toy ny lotisia indray kosa dia vitsy ny manao asa fivelomana amin’ny fambolena
azy, ny ankamaroany dia mamboly iray na roa na telo fototra manodidina ny trano na any an-
tanimboly. Anisan’ny mahatonga izany ny tsy fananana tany na tanimbary betsaka ho volena,
107
Loharanon-kevitra: service de l’agriculture 108
Fanadihadiana natao tamin’i Jean Ettienne izay sady mpamboly no mpanjono monina ao Ankiakabe, ny 8 may
2013 tamin’ny 6 ora hariva. 109
Fomba fambolena izay mampiaraka ny karazana voly maromaro amin’ny toerana iray, ohatra: voly
mangahazo ampirahana amin’ny voamanga eny anelanelany ary mbola misy karazana voankazo vitsivitsy ihany
koa ao. 110
Araka ny fanazavana nomen’i Regis, mpanarato monina ao Ankiakabe, 57 taona; fanadihadiana natao ny 5
jona 2013 tamin’ny 5 ora hariva. 111
Fampahalalana nomen’i Marie Angelette, vadina mpanjono monina ao Ankiakabe, 38 taona; fanadihadiana
natao ny 12 May 2013, tamin’ ny 4 ora tolakandro.
62
mety ho antony ihany koa ny tsy fisian’ny fotoana izay sady hanenjehana ny asa fanjonoana
no hanatrarana ny any an-tanimbary na ny any an-tanimboly satria matetika dia any
ambanivohitra lavitra an’Ankiakabe no misy ny tanimbary na tanimboly midadasika azon’ny
ankamaroan’ny mponina ao Ankiakabe ho volena. Sarotra ho azy ny sady hanenjika ny aty no
hanenjika ny any ka aleony mionona amin’ny tany kely izay tsy mahatody taona nefa ankaiky
azy. Mitovy amin’izany ihany koa ny jorofo sy ny lavanila, noho ny halaviran’ny toerana sy
ny tsy fisian’ny fotoana hikarakarana azy dia vitsy amin’ny mponina ao Ankiakabe no manao
azy, indrindra ny lavanila izay mitaky fotoana betsaka hikarakarana sy hikolokoloana azy.
I-4-2- Ny fiompiana:
Ahitana karazana fiompiana maromaro toy ny fiompiana akoho amam-borona,
fiompiana kisoa, fiompiana omby ao Ankiakabe. Mitovy amin’ny zava-misy eo amin’ny
sehatry ny fambolena ihany ny zava-misy eo amin’ny sehatry ny fiompiana ao, vitsy amin’ny
mponina no manao azy ho foto-pivelomana. Amin’ny ankapobeny dia saika ny vahiny no tena
manao azy ho antom-pivelomana, i Ndrema112
ohatra dia betsileo mpihavy monina ao
Ankiakabe afovoany, miompy kisoa ao Antaindambo izay tsy lavitra an-Ankiakabe no asany.
Ny tena mponina avy ao Ankiakabe kosa dia manao fiompiana madinidinika ho fanohanana
ny asa fivelomana. RAKOTOARIVELO Céléstin113
ohatra, ankoatra ny asa fanjonoana dia
manana ny fiompiana kely izay mba ataony izy: manana reny akoho efatra izy sy gana enina
ary omby roa. Noho ny asa fanjonoana izay iantsoroany dia ny zaodahiny no niandraikitra
ny fikarakarana ny omby fa ny akoho amam-borona kosa dia ifandrombonan’izy mianakavy
ny fikarakarana azy.
Hita araka ireo fa mavesatra amin’ireo mpanjono ao Ankiakabe ny sady manenjika ny
asa fanjonoana no manao ny asa fivelomana hafa.
I-4-3- Ny taozavatra sy ny fidiram-bola hafa:
Anisan’ny mampalaza ny tanàna sy ny fokontany manodidina an’i Maroantsetra
renivohitra ny karazana rary, ao Ampantsona ohatra dia malaza amin’ny fandrariana ny
karazan-karona, ny ao Mangabe dia harona sy ny rary miteny,114
ny ao Marogisa dia satroka sy
ny tsihy, ny ao Ankiakabe kosa dia fandrariana harato sy sihitra. Mponina ao Ankiakabe
afovoany ny ankamaroan’ireo mpanao asan-tanana momba ny fitaovam-panjonoana ireo, tsy
mivelona amin’ny asa fanjonoana izy ireo fa ny fandrariana ireo fitaovam-panjonoana ireo no
112
Ndrema, 50 taona, manambady sy manan-janaka 3 lahy sy vavy iray, tonga teto Ankiakabe ny fiandohan’ny
taona 2009. Fanadihadiana natao taminy ny 15 martsa 2013 tamin’ny 2 ora tolakandro. 113
RAKOTOARIVELO Celestin, 50 taona, tompon’andraikitra amin’ny fikambanana T.P.A izay fikambanana
mpanjono ao Ankiakabe no sady mpanjono, monina ao Ankiakabe. 114
Rary ampiasaina ho haingon-trano izay asiana soratra ho firarian-tsoa na ho fahatsiarovana eo aminy.
63
fototr’asany ankoatra ny fikaramana madinidinika. Ohatra amin’izany, RASOAMANANA
Olivienne, mponina ao Ankiakabe afovoany, manan-janaka roa mianadahy. Mpandrary ny
karazan-tsihitra no asany ary io asany io miaraka amin’ny fakana karama madinidinika toy ny
fanetsana sy ny sasa lamba no amelomany ireo zanany. Karazan-tsihitra efatra na dimy eo no
lafony mandritra ny herinandro ary eo anelanelan’ny arivo ka hatramin’ny dimy arivo no
vidiny.
Ny fianakavian-dRazakamahafaly kosa dia mpandrary harato no sady mpanamboatra
lakana monina ao Ankiakabe, manana zanaka roa lahy izay manampy azy amin’ny
fanamboarana lakana izy ary ny zanany roa vavy miaraka amin’ny vadiny kosa no
miandraikitra ny fandrariana ny harato. Miankina amin’ny famandrihana ataon’ny mpividy no
hanaovan’izy ireo ny asa, izany hoe efa misy mpividy izay izy vao manamboatra. Eo
anelanelan’ny telo alina ka hatramin’ny enina alina no vidin’ny harato iray, eo anelanelan’ny
enina hetsy ka hatramin’ny iray tapitrisa kosa ny vidin’ny lakana. Iray isaky ny roa volana ny
harato lafo ary efatra ao anatin’ny taona kosa ny lakana.
Hita araka ireo rehetra ireo fa mbola marefo dia marefo ny sehaty ny taozavatra eto
Ankiakabe ary zara raha hahavelona ny ankohonana ny vola azo avy aminy. Azo lazaina
araka ireo ihany koa fa tena mahazo vahana ao Ankiakabe ny fiharian-karena momba ny jono
ary ny ankamaroan’ny mponina dia mitoky sy mivelona amin’izany.
FEHINY
Raha atao jery todika izay lafiny ara-tantara izay, navohitra tao ny mombamomba ny
foko Betsimisaraka ao Maroantsetra ka voaresaka tao ny nihandohany sy ny rafi-pitantanana
misy amin’izao.
Hitantsika teo ihany koa, ny momba ny fomba amam-panao hita amin’iny faritra iny.
Amin’ny ankapobeny, tontolo roa no misy eo amin’ny tontolo malagasy dia ny
tontolon’ny velona sy ny tontolon’ny maty.
Ny tontolon’ny velona: miantomboka amin’ny fahaterahana ka miafara amin’ny
fahafatesana. Eo anelanelan’ireo anefa, misy toe-javatra izay andalovana toy ny famorana, ny
fanambadiana izay lafim-piainana tsy maintsy andalovan’ny olombelona tsirairay avy.
Mifaningotra amin’ny finoana amam-pomba ireo lafim-piainana ireo araka ny voalazan-i P. A
RAZAFINTSALAMA115
Izany hoe arahina fombafomba amam-panao rehefa manatanteraka
115
P.A. RAZAFINTSALAMA, S. j, Ny finoana sy ny fomba Malagasy, edision MD Paoly-Filles de St-Paul-
Antananarivo, 2004, P. 7
64
ireo vanim-potoana lehibe eo amin’ny fiainana ireo ary hita fa manaraka symanaja izany ny
mponina ao Ankiakabe.
Ny tontolon’ny maty kosa: miantomboka eo amin’ny fahafatesana. Inoan’ny Malagasy
fa tsy tapitra eo amin’ny fahafatesana ny momba ny olona iray fa mitohy any ankoatra.
Sarahan’ny tontolo roa ny velona sy ny maty manomboka eo. Mbola misy
fifandraisana ihany anefa izy ireo na dia eo aza io fisarahana io. Ny zavatra tsapa ihany koa
mbola mitana izany finoana izany ny mponina ao Ankiakabe.
Sehatra iray manana ny maha izy azy ny tontolon’ny jono an-dranomasina. Mitaky
fahaiza-manao sy fahafehezana ny manodidina azy toy ny sehatrasa rehetra ny sehatry ny asa
fanjonoana. Mba hipetrahan’izay fahaiza-manao sy fahafehezana izay dia tokony ho fantatry
ny mpanjono tsirairay ny zava-misy manodidina ny asa fanjonoana sy ny tontolon’ny jono an-
dranomasina.
FIZARANA FAHAROA:
Ny tontolon’ny jono an-dranomasina
ao Ankiakabe
65
Mifanerasera sy mifankazatra tanteraka amin’ny tontolo an-dranomasina sy ny
tontolon’ny asa fanjonoana ny mpanjono. Voafehiny amin’ny ankapobeny ny zava-miseho
eny ampovoan-dranomasina toy ny fizotran’ny toetrandro, ny fitsokan’ny rivotra izay misy
fiantraikany amin’ny fanonjan’ny rano sy ny sisa. Mahatonga azy hatoky tanteraka eny
ampovoan-dranomasina ny fahatsapany fa voafolany ny tontolo manodidina ny ranomasina,
hoy i Bodo ao amin’ ny tonon-kirany:
―Olona mpanarato mailaka ambonin’ny rano
Mandeha lakan-dratsy tsy mba matahotra onja.‖
Mifanerasera akaiky amin’ny tontolon’ny asa fanjonoana ihany koa ireo mpanjono,
manao ahoana indray àry ny fahafehezany ireo zava-misy eo amin’ny tontolon’ny asa
fanjonoana. Ny fizarana manaraka no hijerena ny zava-misy eo amin’ny tontolon’ny asa
fanjonoana an-dranomasina ao Ankiakabe.
II-1- Ireo fitaovam-panjonoana sy ny lalàna mifehy ny jono an-dranomasina ao
Ankiakabe
Anisan’ny harena voajanahary hita amin’iny faritra Maroantsetra iny ny ranomasina
toy ny hita amin’ny faritra sasany eto Madagasikara, amin’ny maha Nosy ny tanindrazantsika.
Tsy misy izay tompony manokana fa misokatra ho an’ny rehetra na tompon-tany na olona avy
amin’ny faritra hafa ny ranomasina amin’izay maha voajanahary azy izay, raha ny
fahalalan’ny Malagasy sy ny olon-tsotra azy.
Eo anatrehan’izany anefa, samy manao ny ataony ny tsirairay ao ny manimba, ary ao
ihany koa ny mandoto saingy tsy misy ny miseho ho tompon’andraikitra amin’ny fiharovana
izany. Izay toe-javatra izay no mahatonga ny fanjakana sy ny tompon’andraikitry ny jono any
an-toerana hijery manokana sy nametraka ny lalàna mifehy ity sehatra ity. Marihina fa eo
amin’ny sehatra iraisam-pirenena dia voalaza fa samy manana ny fari-dranomasiny ny
firenena tsirairay ary tsy azo atao ny manjono any amin’ny faritry ny firenen-kafa tsy nahazo
alalana. Maneho izany ny lalàna laharana faha 66-007 fizarana faharoa.116
116
Loi 66-007, chapitre II, Art. 5.2.01-―Dans les eaux territoriales, la pêche est réservée aux navires malgache et,
sous réserve de de réciprocité, aux navires des autres Etats ayant conclu avec la république Malgache des
accords particuliers.
66
II-1-1- Ny lalàna mifehy ny tontolon’ny asa fanjonoana
Napetraka ny lalàna vitsivitsy hifampifehezan’ny vahoaka sy ireo mpanjono mba tsy
hisian’ny gaboraraka eo amin’ny tontolon’ny asa fanjonoana.
Natao ihany koa izany mba hiarovana ny fahapotehan’ny tontolo an-dranomasina sy
mba hiarovana ireo karazan-trondro tsy ho lany taminga.
Lalàna ara-panjakana sy ny dina eo anivon’ny fokonolona sy ny mpanjono no
napetraka mba hipetrahan’izay fiharovana izay.
II-1-1-1- Lalàna ara-panjakana
Rehefa natao ny fanadihadiana, ny karazam-pitaovana ampiasaina amin’ny asa
fanjonoana sy ny fanjonoana mandavan-taona no manafaingana ny fahapotehan’ny tontolo
eny an-dranomasina sy ny fitotongan’ny vokatra. ―Mifantoka amin’izay resaka fitaovana izay
sy ny fotoam-panjonoana ny votoatin’ny lalàna navoaka araka izany‖.117
a) Eo amin’ny fitaovana ampiasaina
Voararan’ny lalàna ny mampiasa harato kely maso, izany hoe harato manana maso
latsaky ny telo tondro. Voasokajy ao anatin’izany ny ramikaoko madiniky sy lehibe, ny harato
―atoraka‖. Manimba ny zana-trondro sy ny atodin-trondro izay ho avin’ny asa fanjonoana ireo
karazam-pitaovana ireo.
Voasoratra ihany koa fa ―tsy azo atao ny mampiasa zavatra na fanafody fanamamoana
trondro sy ny fitaovana mandeha amin’ny alalan’ny herinaratra‖.118
Ny maha-zava-doza ny fampiasana ireny dia satria tsy ny trondro tiana halaina ihany
ny ho faty fa ny trondro rehetra izay tratrany na kely na lehibe eny fa na ny mbola atody aza.
Mety ho lany tamingana araka izany ny trondro raha ireny fitaovana ireny no ampiasaina.
Ny fitaovana tena tsara ampiasaina dia ny fintana sy ny harato harabaraba 119
satria,
tsy manimba ny zana-trondro izy ireny noho izy manana maso azo lazaina ho lehibe izay tsy
mitazona hafa tsy ny trondro lehibebe ihany.
Tsy ny mpanjono irery anefa no mampiasa ny ranomasina fa ao ihany koa ireo
mpiantsambo sy ireo mpitatitra an-dranomasina. Mety hanimba ny tontolo an-dranomasina ny
ataon’ny ireny olona ireny. Mba hiarovana sy hisorohana izany, nametraka ny fanjakana fa
―tsy azon’ireny mpiatsambo sy ny sambo mpitatitra ireny atao ny manary menaka maloto sy
117
Lalàna laharana faha 66-007, toko voalohany, izay miresaka ny amin’ny lalàna mifehy ny jono. 118
ART.5.2.01 sur la loi 66-007,chapitre I: « Il est interdit de faire usage pour la pêche, soit de dynamite ou de
tout autre explosif, soit de substances ou drappâts pouvant enivrer ou détruire les poissons, crustacés et
coquillages. 119
Harato vita amin’ny tadim-pintana ka ny fomba fampiasana azy dia harabaraba, izany hoe: halatsaka
tsikelikely.
67
ny karazan-tsolika any anaty ranomasina‖120
. Mitondra poizina mahafaty ho an’ireo trondro
na kely na lehibe ireny karazana solika sy menaka ireny izay mety handripaka azy ireo. Hita
araka izany, fa mety handripaka sy hamotika ireo karazan-trondro sy ny taranany ny tsy
fitandremana amin’ireo karazam-pitaovana ampiasaina. Tsy izay lafiny izay ihany anefa no
mety ho fahavalon’ny harena an-dranomasina, ny trondro indrindra indrindra fa eo ihany koa
ny tsy famelana fotoana hakany aina mba hahafahany mitombo sy mamela taranaka.
b) Eo amin’ny fotoam-panjonoana
Tsy ny fitaovana ampiasaina ihany no mety hahalany taranaka ny trondro fa eo ihany
koa ny tsy fahaizana mandrindra ny fotoam-panjonoana amin’ny fotoam-panatodizan’ny
trondro. Miankina betsaka amin’ny fahaizana manaja io fotoana io ny hatsaran’ny vokatra
azo. Toraka izany ihany koa ny ho avin’ny asa fanjonoana raha tsy simba eo ny zana-trondro.
Nametraka lalàna mahakasika izany fotoam-panjonoana izany ny fanjakana sy ny
tompon’andraikitra momba ny jono ary voakasika izany ny jono an-dranomasina noho ireo
toe-java-misy ireo. Tapaka ―fa haato ny fanjonoana manodidina ny fotoana anomezan’ireo
trondro zanaka‖ 121
mba tsy hahavery momoka ny atody izay entin-dreniny fa ho lasa zanany
ka ho vokatra ao aoriana ao.
Ny volana Janoary sy Febroary any ho any, ny volana hitondran’ny trondro atody.
Mikatona ny fotoam-panjonoana amin’ny volana Janoary ary misokatra ny faran’ny volana
Febroary. Natao izany mba hitsinjovana ny taranaka ho avin’ireo trondro ka hahatsara ny
vokatry ny asa fanjonoana.
―Ampahafantarina ny mpanjono sy ny olona rehetra mialoha amin’ny alalan’ny
fitsidihana ny tranon’ireo mpanjono izay tanterahan’ny eo anivon’ny tompon’andraikitry ny
jono sy amin’ny alalan’ny onjam-peo izany lalàna izany mba ho fantatry ny iray tanàna sy ny
manodidina‖.122
Na dia efa fantatry ny rehetra aza anefa io lalàna io, azo lazaina ho mbola tsy
mipetraka ihany izany amin’iny faritra Maroantsetra iny. Ny antony, vanim-potoana
mahatsara indrindra ny vokatry ny jono mandritra ny taona io vanim-potoana io ka sarotra
amin’ireo mpanjono ny hijanona tsy hanjono mandritra ireo volana ireo. Amin’ny fotoana io
no hanonerana ny fotoana tsy nahafahana niasa tamin’ny fotoana naharatsy ny toetrandro.
120
Lalana laharana faha-96-025 andininy faha 14, loharanon-kevitra: minisiteran’ny jono Antananarivo. 121
Lalàna laharana faha 96-025, andininy faharoa: mikatona ny fotoam-panjonoana ny volana Janoary ary
misokatra ny fiafaran’ny volana Febroary. 122
Araka ny voalazan’i BE Alexis tompon’andraikitra momba ny jono eto Maroantsetra, monina ao
Ankiakandrefana, 55 taona, ny 19 Martsa 2013 tamin’ny 8 ora sy sasany maraina.
68
Olana lehibe izany fikatonan’ny asa fanjonoana izany ho an’ireo mpanjono izay
miantehitra tanteraka amin’ny jono an-dranomasina. Ny antony, ho an’ireo vondron’olona
ireo, io no sakafo sy fitafy ary io ihany koa ny fiainana rehetra ka tsy misy izay ho antenainy
intsony raha mijanona ny asa.
Noho izay toe-javatra izay, vitsy amin’ireo mpanjono ny manaraka sy mankato izany
lalàna izany mba tsy hilazana hoe tsy misy. Samy tsy misy manaraka izany avokoa na ireo
mpanjono mivelona amin’ny asa fanjonoana na ireo mpanjono hafa.
Misy fiantraikany lehibe amin’ny vokatra anefa izay tsy fanarahan-dalàna izay, satria
ny ripaka ny ankamaroan’ireo trondro mitondra atody noho io tsy fitandremana io.
Ankoatra ny lalàna ara-panjakana; nametraka dina ny tompon’andraikitra
hifampifehezan’ny fokonolona sy ny mpanjono mahakasika izany fitandrovana sy fiarovana
ny tontolo an-dranomasina izany.
II-1-1-2- Ireo dina ifehezana ny fari-dranomasina ao amin’ny VOI123
Ankiakabe:
Tsy ny mpanjono sy ireo mpiasa any an-dranomasina ihany no fehezin’ny lalàna mba
ho fiarovana ny harena an-dranomasina fa voafaoka ao anatin’izany ihany koa ny fokonolona
izay mba isan’ny tompon’andraikitra voalohany amin’ny fiarovana izany. Hita araka izany fa
tsy asan’olon-tokana ny fikolokoloana ny tontolo manodidina, ao anatin’izany ny eny an-
dranomasina fa asan-tana-maro. Ny fiaraha-mientan’ny fokonolona miaraka amin’ireo
mpanjono no fomba mahomby handresena ny olana eo amin’ny sehatry ny jono. Ny fanekena
sy fankatoavana ny lalàna mifehy izany jono izany no fandraisana andraikitra voalohany
tokony hataon’ny tsirairay.
- Dina eo anivon’ny fokonolona:
―Andraikitra sy adidin’ny fokonolona ny mitazona ny fahadiovan’ny ranomasina sy ny
manodidina izany araka ny fandamininana napetrak’ireo VOI sy ny tompon’andraikitry ny
jono an- dranomasina niarahana tamin’ny fokonolona‖.124
Napetraka ny dinam-pokonolona fa «tsy azo atao ny manao maloto eny moron-
dranomasina mba hipetrahana izany fahadiovana izany ».125
Hitsinjovana ny fahadiovan’ny
ranomasina izay antoky ny fahasalamana no anton’ny fametrahana izany lalàna izany.
Amin’ny ankapobeny, efatra na dimy andro fara-fahakeliny ny fotoana hihinanan’ny mponina
123
VOI: Vondron’Olona Ifotony. 124
Araka ny voalazan’i BE Alexis, tompon’andraikitry ny jono any Maroantsetra, ny 19 martsa 2013 tamin’ny 8
ora sy sasany maraina. 125
Dina najoro ny 3 jona 2008, mitondra ny lohateny hoe: dina hifehezana ny fari-dranomasina ao amin’ny VOI
Ankiakabe, Araka ny voalazan’ny toko faha 3 andininy faha 13.
69
amin’iny faritra iny ny trondro avy an-dranomasina ao anatin’ny herinandro. Hitondra
karazana aretina maro samihafa raha maloto ny hazandrano, ka napetraka izany fitsipika izany
mba hiarovana ny fahasalaman’ny mponina.
Tsy ny fahasalaman’ny olombelona ihany anefa no tokony ho tandrovana fa eo ihany
koa ny fahasalaman’ireo trondro. Manimba ny fahasalaman’ireo trondro ireo karazan-tsolika
noho izany, ―norarana ny fanariana solika eny amin’ny manodidina ny fari-dranomasina‖126
.
Fisorohana ny faharipahan’ireo trondro no anisan’ny antony nametrahana izany. Maro ireo
very hevitra sy tsy hanana fototr’asa raha fongotra sy tapitra ny taranaky ny trondro ary mety
hiankin-doha sy hanafatra any amin’ny firenen-kafa. Amin’izay fotoana izay mety hidangana
ny vidiny toy ny drakaka efa mihalany tamingana amin’izao fotoana izao.
- Dina eo amin’ny samy mpanjono:
Mahakasika ny asan’ny mpanjono ny ankamaroan’ireo lalàna napetraka. Araka izany;
nasiana fanaraha-maso manokana ny asan’ny mpanjono. ―Nametrahana mpanara-maso isaky
ny fari-dranomasina ary nasiana dina hifampifehezana ao anatin’izany. Nomena karatra ny
mpanjono rehetra manodidina ny fari-dranomasina tsirairay. Mariky ny fahazoan-dalana
hanjono amin’ny fari-dranomasina iray iny karatra iny‖.127
Misy ihany koa ny latsakemboka na hetra aloan’ny mpanjono isan-taona. Ireo rehetra
ireo no fepetra takina amin’ny mpanjono tsirairay mba ho fanaraha-maso ny asany sy ny
fitaovana ampiasainy.
Toy izao ny fitsipika napetraka eo amin’ny dinan’ny mpanjono:
Tsy azo atao ny manjono sy manarato amin’ny faritra tsy nahazoana alalana.
Izany hoe tokony hangata-dalana amin’ny tompon’andraikitra amin’iny faritra iny raha hiala
amin’ny faritra misy azy ny mpanjono ka handeha hanjono amin’ny toeran-kafa.
Tsy mahazo mampiasa ny fari-dranomasina izay rehetra tsy nahaloa ny
saran-mpampiasana. Misy sarany ny fampiasana ny fari-dranomasina izay aloa any amin’ny
tompon’andraikitry ny jono ka tsy mahazo mampiasa ny fari-dranomasina izay tsy mahaloa
izany.
Ankoatra ny saran’ny fampiasana ny fari-dranomasina, misy ihany koa ny
latsakemboka aloan’ireo mpijibika128
sy ny mpitifitra trondro. Sakanana tsy hanao izany asany
izany ireo izay tsy mahaloa io latsakemboka io.
126
Dina hifehezana ny fari-dranomasina ao amin’ny VOI Ankiakabe, toko faha 3 andininy faha14 ; 127
Araka ny voalazan’i BE Alexis, tompon’andraikitry ny jono eto Maroantsetra, ny 19 martsa 2013 tamin’ny 8
ora sy sasany maraina. 128
Fomba fakana trondro, izay misitrika any anaty rano na samborina ny trondro na mampiasa fitaovana
maranitra.
70
Napetraka kosa ireto fitsipika manaraka ireto mba hiarovana ireo karazana hazandrano
tsy ho lany taranaka. Isan’izany ny fandrarana fa:
«Tsy azo atao ny mihaza lamboharana, fano129
, maka vahitrarana»130
Vitsy dia vitsy ireo karazana hazandrano ireo (lamboharana sy fano) ka hiarovana azy
tsy ho fongana tanteraka no laharam-pahamehana amin’io votoatin’ny fitsipika io. Karazana
zava-maniry any anaty ranomasina izay sakafo sy fialofan’ireo trondro ny vahitrarana. Mety
ho lany sy ho faty ka tsy hanam-pialofana intsony ireo trondro raha alaina izy io.
Tafiditra ao anatin’ny hazandrano tsy azo alaina ihany koa ny langosta vavy
efa misy atody ao anatiny.
Eo ihany koa ny oran-dava latsaky ny 10 santimetatra ny halavany; ny
langosta latsaky ny 20 santimetatra ny halavany ary ny fozabe latsaky ny 8 santimetatra ny
savaivo.131
Mba hitazonana ny hatsaran’ny vokatra no antony nametrahana izany rehetra
izany.
Roapolo tapitrisa ka hatramin’ny iray alina ariary ny vonodina ho an’izay mandika
ireo lalàna sy fitsipika ireo. Roanjato ka hatramin’ny roa arivo kosa ny fahazoan-dalana sy
saram-pampiasana ny fari-dranomasina.132
Porofo izany fa manao ezaka mafy ny tompon’andraikitra isan-tsokajiny mbamin’ny
fanjakana hikajiana sy hitehirizana ireo harena an-dranomasina. Mananosarotra ihany anefa
ny fametrahana izany noho ny tsy firaharahan’ny ankamaroan’ireo mpanjono. Izany hoe na eo
aza ny fisian’ireo lalàna ireo dia mandeha amin’izay nahim-pony ihany ny mpanjono.
Miankina betsaka amin’ny karazam-pitaovana ampiasaina anefa ny
fahatanterahan’izany fiarovana izany. Hosoritana manaraka etoana ireo fitaovana
ampiasain’ny mpanjono amin’ny faritr’i Maroantsetra ary hosinganina amin’izany ireo
mpanjono ao Ankiakabe.
II-1-2- Ireo fitaovam-panjonoana ampiasain’ny mpanjono ao Ankiakabe
Ny antsoina hoe: fitaovam-panjonoana eto dia ireo fitaovana entina hakana ny trondro
an-dranomasina. Misy karazany efatra izy ireo: ny harato, ny fintana, ny sihitra ary ny lakana.
Hojerena voalohany ny harato.
129
Karazana trondro 130
Vahitrarana: algue marine. 131
Dina ifehezana ny fari-dranomasina ao amin’ny VOI Ankiakabe, toko faha 3 andininy faha 15, 16, 17, 18, 19,
20, 21, 22. Araka ny fanadihadiana natao tamin’i BE Alexis tompon’andraikitra momba ny jono eto
Maroantsetra. 132
Dina ifehezana ny fari-dranomasina ao amin’ny VOI Ankiakabe, toko faha 5.
71
II-1-2-1- Harato
SARY2: mpanjono mampiasa ramikaoko
(Sary nalain’ny mpikaroka ny 09-07-13)
Misy karazany roa ny harato fampiasain’ireo mpanjono any amin’ny faritr’i
Maroantsetra eny araka ny hita ao Ankiakabe:
Harato vita amin’ny tadim-pintana
Harato vita amin’ny lamba manify.133
a) Harato vita amin’ny tadim-pintana
Toy izao hita amin’ny sary faharoa izao ny bikabikan’ny harato vita amin’ny tadim-
pintana:
133
Fanazavana nomen’i Jasmin, mpanarato, 30 taona, monina ao Ankiakabe Andavanio, ny 14 may 2013
tamin’ny 3 ora hariva.
72
Fañempo Masona harato
SARY3: Harato vita amin’ny tadim-pitana
(Sary nalain’ny mpikaroka ny 09-07-13)
Miavaka ity karazana harato voalohany ity eo amin’ny akora entina anamboarana azy
sy ny fomba hanamboarana azy. Amin’ny ankapobeny, asan-tanan’ireo mpanjono ihany ny
harato hiasany.
Fitaovana iray ampiasain’ireo mpanjono hanamboarana izany harato izany ny tadim-
pintana. Rariana ny tadim-pintana mba ho lasa harato. Miankina amin’ny halavany sy ny
haben’ny harato horariana ny hamaroan’ny tadim-pintana ilaina amin’ny fanamboarana harato
iray Ohatra: mila tadim-pintana bobinina 1000 metatra folo raha hanamboatra harato manana
halava 100 metatra.
Ery ambony misy ny antsoina hoe Laboe134
, izay manana endrika boribory ohatry ny
baolina fa vita amin’ny plasitika somary mafimafy, mifatotra amin’ny zorony roa ambony
amin’ny harato.
Eo anelanelan’ny laboe anankiroa misy ny antsoina hoe Fañempo135
. Misy karazany
roa ny fanempo dia ny lehibe sy ny kely, ny fanempo lehibe dia vita amin’ny zavatra maivana
afaka mitsikafona eo ambonin’ny rano toy ny ―polistren‖, mahasolo ny asan’ ny laboe ny
asany rehefa tsy misy laboe. Ny fanempo kely kosa dia zavatra boribory kely, eo ho eo
amin’ny 3 santimetatra ny halavany ary eo ho eo amin’ny 2 santimetatra ny hateviny. Vita
amin’ny karazana kiraro maivana afaka mitsikafona eo ambony rano izany. Misy loaka eo
134
Zavatra boribory vita amin’ny plasitika ampiasaina mba hampitsikafona ny harato. 135
Zavatra natao mba hampiempo
73
ampovoany, iny loaka iny no itsofohan’ny tadim-pintana izay atao hoe tady be mba hahatonga
azy hipetraka eo amin’ilay harato. Manaraka ny halavan’ny fanempo ny tadim-pintana ary
isaky ny masona harato dia asiana azy avokoa. Ny asan’ireo karazam-pitaovana roa ireo dia
natao mba tsy hampilentika ny harato any anaty rano fa ho voatazona aty ambony. Izany hoe
mba hampitsikafona azy aty ambonin’ny rano. Miankina amin’ny halavan’ny harato ny
hamaron’ny fanempo ampiasaina ary ny tsara dia isaky ny masona harato, natao izany mba
hampifandanja tsara ny herin’ilay fanempo sy ny havesatry ny harato.
Eo ambany kosa dia ahitana ny firaka136
izay natao mba hampilentika ny tapany
ambany amin’ny harato any anaty rano. Mijanona tsy mihetsika sady mipetraka tsara ny
harato noho ireo fitaovana roa ireo, izany hoe sady tsy milentika any anaty rano no tsy
mitsikafona aty ambonin’ny rano ny harato noho ny fifandanjan’ny fitaovana apetraka
tamin’ny tapany ambany dia ny laboe sy fañempo ary amin’ny tapany ambany dia ny firaka.
Eo anelanelan’ny tady ambony misy ny laboe sy ny tady ambany misy ny firaka no
misy ny masona harato. Raha faritana dia ny elanelana eo ampovoan’ny vona anaky efatra no
lazaina hoe masona harato.
Misy refiny manokana ny masona harato ary ny tondro no venty andrefesana azy. Ny
vona roa mifanaraka ihany no jerena rehefa mandrefy azy amin’ny tondro. Miankina amin’ny
haben’ny trondro ho halaina ny refin’ny masona harato. Izany hoe trondro madinidinika na
trondro salan-tsalany na trondro lehibe dia miankina amin’izay ny masona harato:
- Raha trondro madinidinika no tiana halaina, ny harato manana maso 1 ka
hatramin’ny 2 tondro no ampiasaina. Ho an’ny trondro salantsalany kosa mampiasa 3 sy 4
tondro.
- Ny 5 tondro mihoatra, ampiasaina hakana trondro lehibe. 12 tondro ny masona
harato lehibe indrindra ampiasain’ireo mpanjono ao Ankiakabe.
136
Karazana vy, somary mavesabesatra ihany.
74
SARY 4: Harato eo am-panamboarana
(Sary nalain’ny mpikaroka ny 08-05-13)
Ity karazana harato naseho antsika etsy ambony ity dia harato harabaraba137
. Izany
hoe halatsaka tsikelikely ny fampiasana azy. Mila olona roa mampiasa ity karazana harato ity,
ny iray mitondra ny lakana, ny iray kosa mandatsaka ny harato.
Fomba maromaro no azo atao rehefa latsaka ny harato:
- Azo atao ny mandona138
azy iray na roa andro ary aorian’izay vao ampiakarina.
- Azo atao ihany koa ny mandona azy ao anatin’ny fotoana fohy roa na telo ora avy eo
ampiakarina.
- Misy ihany koa ny mandatsaka ny haratony, rehefa latsaka izany dia mijibika ao
anaty ranomasina mandroaka sy manaitra ny trondro hiditra ao anatin’ny harato. Atao izany
tetika izany raha any amin’ny manodidina ny nosy ny toerana hanjonoana. Raha any am-
povoan-dranomasina kosa, tsy miala ao anaty lakana ny mpanarato noho ny halalin’ny rano fa
mampiasa hazo lava kosa androahana ny trondro.
Misy kosa anefa harato vita amin’ny tadim-pintana ihany fa atoraka ny fampiasana azy
ka antsoina hoe « harato atoraka ».
Miavaka amin’ny karazana harato hita teo aloha ny endriny. Tsy ahitana fañempo sy
laboe toy ny harato harabaraba ity karazana ity fa ny firaka eo ambany kosa dia itoviany.
137
Halatsaka tsikelikely 138
Avy amin’ny fototeny lona izay midika hoe: avela ao anaty rano mandritra ny fe-potoana voafaritra na tsia.
75
Miendrika boribory izy rehefa mivelatra, eny amin’ny sisin’ilay boribory no ahitana
ny firaka mampilentika azy any anaty rano. Mifatotra eo am-povoany kosa ny tady itazonana
azy rehefa ampiasaina. Azo ahorona toy ny lamba izy rehefa ampirimina. Natao hakana
trondro mandehandeha aty amin’ny sisin-dranomasina ity karazana harato ity. Trondro
madinika sy salantsalany no hita amin’ny sisiny amin’ny ankapobeny; masona harato
mifanaraka amin’izany no ananan’ity harato atoraka ity, iray tondro ary misy ny ny manana
maso roa trondro.
Olona iray ihany dia efa afaka mampiasa ny harato atoraka, entina amin’ny toerana
izay heverina fa misy andian-trondro ny lakana. Rehefa tonga any, atoraka ny harato ary
sintonina eo no ho eo. Mikisaka miala amin’ilay toerana rehefa hita mihavitsy ny trondro azo
ary manaraka andian-trondro hafa indray ny mpanjono.
Hita araka ireo fa voefehin’ireo mpanjono ao Ankiakabe ity sehatrasa ity. Voamarika
avokoa izany na eo amin’ny fanamboarana fitaovana sy ny fikirakirana izany, na eo amin’ny
tetika amam-paika ampiasana ireny fitaovana ireny.
b) Harato vita amin’ny lamba manify
Karazana harato fampiasa amin’iny faritra iny ihany koa ny ramikaoko139
.
Harato vita amin’ny lamba manify, manana endrika mitovitovy amin’ny harato vita
amin’ny tadim-pintana ny ramikaoko. Izany hoe miendrika efa-joro, ny halavany manaraka ny
marin-drano ary ny sakany mijidina ao anaty rano. Ampiasana laboe sy fañempo ary firaka
tahaka ny harato vita amin’ny tadim-pintana ihany koa izy fa ny mampiavaka azy dia taritina
amin’ny tanana sy ny tongotra ny fampiasana ity karazana harato ramikaoko ity.
Voasokajy ao anatin’ny harato kely maso ity karazana harato ity ary tsy fampiasa any
ampovoan-dranomasina toy ny harato vita amin’ny tadim-pintana fa amin’ny sisin-
dranomasina no ampiasana azy.
Misy karazana roa ny ramikaoko:
―Ny karazany voalohany dia ny ramikaoko madinika izay antsoina hoe
tamis vita amin’ny lay mostikera. Iray sy sasany ka hatramin’ny roa metatra ny
halavany. Ny sakany kosa, iray metatra sy 20 santimetatra‖140
. Maivana no sady mora
ampiasaina ity karazana voalohany ity, olon-droa ihany dia efa afaka mampiasa azy.
139
Mandray izay rehetra mifanena aminy. 140
Fampahalalana nomen’i Noya, 42 taona, mpanarato monina ao Ankiakabe, ny 08 may 2014, tamin’ny 4 ora.
76
SARY 5: mpanjono mampiasa “tamis”
(Sary nalain’ny mpikaroka ny 09-07-13)
Mahatonga azy ho mora ampiasaina ny bika aman’endrika ananany. Asiana vonan-
tady ahafahan’ny tànana sy ny ankihibe-tongotra mitsofoka ny zorony efatra. Samy maka ny
zorony roa amin’ny ilany avy ny olon-droa mampiasa azy. Milahatra mifanitsy izy roa ary
miara-mandeha.
Tsy ampiasaina lakana ny fanjonoana amin’ity karazana harato ity noho izy voatokana
ho amin’ny rano ridritra fa tsy rano lalina. Rano eo ambany helika no rano ambony indrindra
ampiasaina azy. Noho izay toe-javatra izay, mikendry rano haka ireo mpampiasa ity harato ity
vao mandeha manjono. Miomana ny hiakatra kosa ireo mpanjono rehefa manomboka
mitombo ny rano.
Ny ramikaoko lehibe ny karazana faharoa. Manana halava 6 ka hatramin’ny
15 metatra ary olona 6 ka hatramin’ny 10 mihoatra no mampiasa azy. Mavesatra sy lehibe
kokoa ity karazana harato faharoa ity raha oharina amin’ny hita teo aloha. Tsy tarihina eo
anaty rano tahaka ny « tamis » rehefa mampiasa azy fa asiana tady lava sy mahazaka ny
ampohiny roa ary iny no itarihana azy avy aty an-tanety.
Rano lalindalina noho ny rano ampiasana tamis ny rano ampiasana ny ramikaoko
lehibe. Izay tsy fitoviana izay no maha samihafa ny fomba fampiasana azy ireo. Mitaky
77
fampiasana lakana ny fampiasana ramikaoko lehibe saingy tsy mandritra ny fanjonoana anefa
fa amin’ny fandatsahana azy amin’ny voalohany ihany.
Mandatsaka ilay harato any anaty ranomasina miaraka amin’ny lakana ny olona iray.
Izany hoe mamelatra ny harato any anaty rano mba hahafahan’ireo hazandrano miditra. Avela
hijanona iray na roa ora ao anaty rano, aorian’izay vao tarihina ho aty an-tanety.
SARY 6: Ny ramikaoko
(Sary nalain’ny mpikaroka ny 14-05-13)
Amin’ny maha ramikaoko azy, faohiny avokoa ny karazan-javatra rehetra mifanena
aminy ao anaty rano. Noho izany dia ahitana karazan-javatra maro samihafa toy ny fasika,
tapa-kazo, ravinkazo, trondro ao anatin’ny harato rehefa tafakatra an-tanety izy. Havahana
amin’ireo ny trondro ka ampirimina anaty koveta ary ariana ny fakofakon-javatra tsy ilaina.
Saika zana-trondro avokoa no azo amin’ny ramikaoko. Zana-trondro ny betsaka satria
amin’ny sisin-dranomasina no fialofan’ireo zana-trondro izay mbola tsy maharo tena amin’ny
ankapobeny.
Raha hazavaina misimisy kokoa dia izao, hazain’ireo trondro lehibe izay monina any
ampovoan-dranomasina ireo zana-trondro ho sakafony. Mitady fialofana aty amin’ny sisin-
dranomasina ireo zana-trondro, izany no mahatonga azy ho betsaka amin’ny sisin-
dranomasina.
78
II-1-2-2- Ireo karazana fintana
Vintana no iantsoan’ny mponina any amin’ny faritr’i Maroantsetra ny fintana. Ny
mpanjono mampiasa ny vintana no atao hoe: mpamintana.
Mirefy 25 ka hatramin’ny 200 metatra ny halavany ary mahazaka hatramin’ny 100 kg ny
tanjaky ny tadim-pintana ampiasain’ny mpanjono. Misy karazany telo ny vintana: ny vintana
tsatoko sy ny vintana tariky ary vinta-mandry.
- Ny vintana tsatoko dia tadim-pintana iray ahitana lelam-pintana roa na telo.
Arotsaky ny mpanjono ao anaty rano amin’ny faritra anjonoany ny fintana ary andrasany eo
mandra-pahazony. Azo anjonoana amin’ny alina koa ity karazam-pintana ity. Natao
anjonoana karazan-trondro maro toy ny lanorana, sorindra, paskavaly, amboso izy io.
- Ny vintana tariky indray dia tadim-pintana iray ahitana lelam-pintana tokana
ary tokana ihany. Tsy mba andrasana toy ny teo aloha izy io, fa arotsaka ao anaty rano ary
taritaritina avy ao aorian’ny lakana ao. Tsy mijanona amin’ny faritra iray izany ny mpanjono
fa mandehandeha. Anjonoana ny trondro mivoaka mitady sakafo toy ny boniky sy thon ny
vintana tariky.
- Ny vinta-mandry kosa dia tadim-pintana manana halavana 100 ka hatramin’ny
200 m ary misy lelam-pintana maro be manaraka ny halavany. Ity karazana fintana ity dia
natao hanjonoana ireny karazan-trondro lehibe ireny. Noho izany, any ampovoan-
dranomasina any no ampiasaina azy. Apetraka milona any anaty rano mandritra ny herinandro
na indroa herinandro izy io ary aorian’izay vao ampiakarina.
Ankoatra ireo voatanisa ireo, karazana fitaovanam-panjonoana efa tranainy nefa mbola
ampiasain’ny mpanjono vitsivitsy ao Ankiakabe mandraka ankehitriny ihany koa ny fitaovana
iray antsoina hoe sihitra.
79
II-1-2-3- Ny Sihitra
SARY 7: Ny sihidava SARY 8: Ny kaoba
(Sary nalain’ny mpikaroka ny 16-05-13 tao Ankiakabe)
Fitaovam-panihifana iray vita amin’ny rofia ny sihitra. Akora hita eto amintsika ny
rofia fanamboarana azy. Raha hazavaina misimisy kokoa, ny vololon-drofia izay hakana rofia
no ampiasaina. Esorina ny tahony miraikitra amin’ny raviny ka rariana ho lasa sihitra.
Roa karazana ny sihitra dia ny kaoba141
sy ny sihidava142
. Ampiasaina hakana
karazana patsa madinika izay hita any an-dranomasina antsoina hoe tsivakina143
ireo karazana
sihitra ireo. Ampiasaina amin’ny sisin-dranomasina tahaka ny tamis ihany koa, izany hoe
amin’ny rano tsy dia lalina.
Tsy amin’ny ranomasina ihany no ampiasaina azy fa azo atao ihany koa ny mampiasa
azy amin’ny ranomamy.
Ho an’ny sihidava manokana, tarihina avy eo aloha ny fomba fampiasana azy ary
olona roa no mitarika azy. Ho an’ny kaoba kosa, olona iray ihany no mampiasa azy. Olona
mpitazona ny harona hasiana ny vokatra azo ny olona faharoa miaraka aminy.
Ny vehivavy no tena mampiasa ny sihitra amin’ny ankapobeny ary azo lazaina ho tsy
dia ampiasaina lakana loatra ny fampiasana azy.
141
Fitaovam-panihifana izay vita amin’ny taolan-drofia 142
Fitaovam-panihifana vita amin’ny taolan-drofia ihany koa,fa manana endrika lavalava. 143
Karazana patsa fa madinika
80
II-1-2-4- Ny lakana ampiasaina
Fitaovana tsy afa-misaraka amin’ny mpanjono ny lakana, indrindra ireo mpanjono
mampiasa harato vita amin’ny tadim-pintana, satria, miasa any ampovoan-dranomasina lalina
any izy ireo. Fitaovana ahafahany miaro tena tsy hilentika any anaty rano sy hitondrany ny
vokatra azo ny lakana.
Misy karazany roa ny lakana ampiasain’ny mpanjono ao Ankiakabe dia ny lakan-
jily144
sy ny lakan-drafitra145
.
Ny lakan-jily: lakana vita amin’ny vatan-kazo voasokitra tsara. Izany hoe
alaina ny vatan-kazo iray lehibe izay boribory sy mahitsy tsara, hadina ny ao anatiny ary
lamalamaina tsara ho lasa lakana, famaky sy ny antsy be no ampiasaina amin’ny fanaovana
izany. ―Marihina fa hazo efa antitra tsara izay lazain’ny mpampiasa hazo hoe taiza146
no
ampiasaina eto. Ampiasaina izany mba hiarovana amin’ny fahasimban’ny lakana aingana,
satria ny hazo efa antitra dia maharitra kokoa vao simba na dia milona isan’andro ao anaty
rano aza raha oharina amin’ny hazo mbola tanora‖.147
Tsy ny karazan-kazo rehetra anefa na
dia efa ―taiza‖ aza no azo ampiasaina anaovana lakana. Amin’ny ankapobeny, hazo maivana
kanefa mateza sy tsy mora vaky toy ny Vintano, ny Aramy, Longotro, Pamba, Bizia, Mantaly,
Lalono, Hintsina, Ampalibe no ampiasaina anamboarana lakana. Mitsikafona ireo karazan-
kazo ireo rehefa tonga eo ambonin’ny rano ary izany no mahatsara azy anamboarana lakana.
Raha karazan-kazo mavesatra kosa no ampiasaina dia mora milentika any anaty rano ka mety
ho tra-doza ny mpampiasa azy. Hisorohana izany, aleon’ny mpanjono tsy mampiasa karazan-
kazo hafa ankoatra ireny. Noho izany, tsy ampiasain’ny mpanamboatra lakana mba
hisorohana ny fahasimbany aingana ny hazo mora simban’ny rano. Ireto avy ireo karazan-
kazo tsy azo ampiasaina anamboarana lakana: Jirofo, Gresilia, Makoba, Varanto, Fôtatra,
Arongana, ny antony tsy ampiasana ireo dia hazo somary kelikely ireo hazo ireo ka tsy
mahavoaka lakana iray. Hazo somary mavesatra sady mora vaky ny Paka, Mandrofo,
Mandravonkona ka tsy tsara ampiasaina atao lakana hoenti-manjono.
Misy fipetrahana izay antsoin’ny mponina any hoe: Sakana148
manaraka ny ampohiny
raha ny ao anatin’ny lakana no asian-teny. Miankina amin’ny haben’ny lakana ny halavan’ny
sakana, iray metatra latsaka kely ny halavany raha lakana lehibe, antsasa-metatra mahery kosa
raha lakana kelikely ary toy izany ihany koa ny hamaroany.
144
Lakana vita amin’ny hazo boribory iray, tsy ampiasaina fantsika toy ny amin’ny fandrafetana ny
fanamboarana azy fa iny hazo iray iny ihany no amboarina ho lakana. 145
Lakana vita amin’ny hazo ihany koa fa harafitra no fomba fanamboarana azy. 146
Hazo efa antitra no sady mafy. 147
Hoy Velonasy, 50 taona, mpanamboatra lakana monina ao Anjahamarina I 148
Hazo fisaka lavalava apetaka ao anatin’ny lakana hipetrahan’ny mpandeha sy ny mpitondra azy.
81
SARY 8: Ny lakan-jily
(Sary nalain’ny mpikaroka 14-03-13 tao Ankiakabe)
Eo amin’ny sisiny roa, misy ny antsoina hoe mambra149
izay mitazona ny lakana tsy
hisokatra na hivelatra. Mahazaka olona roa na telo ny lakan-jily raha entina manjono. Tsy ny
jono ihany anefa no ampiasaina ity karazan-dakana ity fa ampiasaina ihany koa ho fitaovam-
pitaterana amin’ny fiampitana renirano izay tena betsaka amin’ny faritr’i Maroantsetra.
Fitaovana roa no ampiasaina amin’ny fampandehanana azy dia ny fivohy na five150
sy
ny tehina151
. Ampiasaina ny fivohy rehefa amin’ny rano lalina, ny tehina kosa ampiasaina
amin’ny rano tsy dia lalina. Ampiasaina miaraka kosa ireo fitaovana ireo rehefa amin’ny rano
sady tsy lalina no tsy misy rihan-drano.
Mila hery betsaka ny fitondrana ny lakan-jily, indrindra rehefa manohitra ny rian-
drano. Tsy ampiasaina tehina loatra ny fitondrana ny lakan-jily amin’ny ranomasina fa ny
fivohy no tena miasa.
Ny fampiasana lay kosa, miankina amin’ny fitsokan’ny rivotra. Velarina ny lay raha
mitsoka amin’ny toerana tiana aleha ny rivotra. Mifanohitra amin’izany, raha hianavaratra ny
dia kanefa mitsoka mianatsimo ny rivotra, tsy ilaina ny fampiasana lay amin’izay fotoana
izay.
Azo tsoahina araka ireo rehetra ireo fa mila hery sy mila fahafehezana ny tontolon’ny
manodidina ny rano ny fampiasana ny lakan-jily. Tahaka ny lalànan’ny fifamoivoizana an-
149
Hazo apetaka ao anatin’ny lakana mba tsy hampivelatra azy 150
Hazo fisaka natao hivoizana ny lakana. 151
Hazo lava hanampiana ny fivoy hitondrana ny lakana.
82
tanety ihany ny an-dranomasina. Tsy misy afa-tsy ny fitandremana ihany no fisorohana ny
loza.
Ny lakan-drafitra: lakana vita amin’ny hazo tahaka ny lakan-jily ihany fa
ny fomba fanamboarana azy no misy ny fahasamihafany. Hazo efa vita fafana152
no
ampiasaina, izany hoe tsy loahana fa silatsilahana miendrika fafana ary arafitra hanana
endrika lakana. Izay no maha lakan-drafitra azy araka ny anarany.
SARY9: Lakan-drafitra
Organisation des Nations Unies, La pêche dans la vie des pauvres en Afrique de l’Ouest,
2002 , p4.
Lehibe kokoa ity karazan-dakana ity raha oharina amin’ny lakan-jily. Mahazaka
entana aman-taonina izy ary mandeha amin’ny alalan’ny motera fa tsy hivoizina tahaka ny
lakan-jily.
Motovitovy amin’ny endriky ny lakan-jily ny ao anatiny, izany hoe misy mambra izay
ipetrahan’ireo fafana mandrafitra azy ety ivelany. Misy sakana izany hoe hazo mitsivalana
izay ipetrahana ihany koa ao anatiny. Na dia mandeha maotera aza anefa ity lakan-drafitra ity,
misy fotoana ihany ilana ny tehina. Ampiasaina ny tehina rehefa amin’ny toerana tsy
hahafahana mampiasa maotera. Ohatra, rehefa haka ny rano ka mikasika tany ny motera.
Amin’izay fotoana izay, ampiasaina ny tehina mba hahafahana mampikisaka ny lakana.
Manamaivana kokoa ny asan’ny mpanjono ny fampiasana ny lakan-drafitra. Làlana
tokony hatao adiny 3 amin’ny lakan-jily, dia lasa adiny 1 izany raha mampiasa lakan-drafitra.
152
Planche
83
Araka izany, mihena ny fotoana lany ary mihena ihany koa ny hery lany raha mampiasa ity
karazan-dakana ity.
Mametraka olana amin’ireo mpanjono anefa indrindra ireo mpanjono madinika ny
fividianana azy satria lafo vidy na ny fanamboarana azy na ireo fitaovana ilaina amin’ny
fanamboarana azy eo ihany koa ny solika miantoka ny fandehanany. Noho izany, mionona
amin’ny lakan-jily ny ankamaroan’ireo mpanjono.
Misedra olana anefa ny mpanjono ankehitriny satria mihalavitra ny toerana ahitana
hazo lehibe mety anamboarana lakana
Ireny rehetra ireny no fitaovana izay azo lazaina ho tena fampiasan’ireo mpanjono ao
Ankiakabe.
Mety hahaliana ny maro ny hahafantatra hoe: ahoana kosa ny amin’ny fitsindrona, ny
antsoro, ny lefona?
Amin’ny ankapobeny, azo lazaina ho tsy dia mampiasa ireo fitaovana ireo ny
mpanjono ao Ankiakabe. Ny toetoetry ny ranomasina no antony mahatonga azy ireo tsy
mampiasa izany. Raha tsiahivina ny toetoetry ny vohontany sy ny ranomasina ao
Maroantsetra dia toy izao: aorian’ny morontsiraka dia ranomasina tsy misy na inona na inona
avy hatrany. Mihalalina hatrany izy io mandra-pahatongany any am-povoan’ny ranomasimbe
any. Sarotra ny hampiasa ny fitsindrona sy ny lefona ary antsoro amin’izay toetoetra
ananan’ny ranomasina izay.
―Ny vezo no azo lazaina ho tena mpampiasa ireo fitaovana ireo. Mifandraika sy
mifanaraka tsara amin’izany ny endriky ny tontolon’ny ranomasina any aminy. Misy haram-
bato honenan’ireo trondro sy hiriharihavany matetika raha vao miala ny morontsiraka. Misy
vato mamefy ny tena ranomasimbe tsy hibosesika aty amin’ny haram-bato ihany koa. Ao
anatin’ireo haram-bato tony sy tsy misy riaka firy ireo no ampiasan’ny mpanjono ny
fitsindrona sy ny lefona‖.153
Ny zava-misy anefa tsy mipetraka loatra amin’ny sisin-dranomasina ny trondro
vaventy any amin’ny ranomasin’i Maroantsetra fa ny trondro madinika ihany no hita
amin’ireny. Noho ny tsy fisian’ny toerana ialokalofany no antony mahatonga izany. Raha izay
ny amin’ny fitaovana ampiasainy ahoana kosa ny amin’ny fotoam-panjonoana?
153
MANGANIRIN-DRANJA Zoarivola Lalatiana, ny fiantraikan’ny tetika asa « DCP » tamin’ny
fiarahamonina mpanjono Vezondriaka ao Ankiembe Toliara, Antananarivo, 08 Aogositra 1997, 113p.
84
II-1-3- Ny fotoam-panjonoana
Saika mandavan-taona ny fotoam-panjonoana any amin’ny faritr’i Maroantsetra
anisan’izany ny ao Ankiakabe izay ivon-toerana niompanan’izao asa fikarohana izao. Tsy
mba misy ny fotoana hitsaharan’ny asa fanjonoana. Anaovana izany avokoa ny andro sy ny
volana rehetra mandritra ny taona. Na izany aza tsapan’ireo mpanjono fa tsy mitovy ny
vokatra azo mandritra ny taona. Misy fotoana mahakely kokoa ny vokatra ary misy fotoana
kosa maha betsaka kokoa ny vokatra.
II-1-3-1- Ny Vanim-potoana isian’ny trondro
Mifandray amin’ny toetrandro ny vanim-potoana isian’ny trondro na ny fotoana
mahabetsaka ny vokatra. Ny vanim-potoana mahakely kokoa ny rotsakorana sy maha tsara
kokoa ny toetrandro no maha tsara ny fiakaran’ny vokatry ny jono. Ny volana Septambra ka
hatramin’ny volana Desambra izany vanim-potoana izany. Noho izay fotoana lava
ahafahan’ireo mpanjono miasa izay no mahatonga azy hahazo vokatra betsaka na
mahabetsaka kokoa ny vokatra azony 3-7 kg ho an’ny mpanjono madinikaTsara kokoa ny
toetrandro amin’ireo volana ireo satria efa lasa ny vanim-potoanan’ny ririnina izay mahabe ny
rotsakorana nefa mbola tsy tonga ihany koa ny vanim-potoanan’ny rivodoza. Izany hoe tsy
dia ahitana ny fifofofon’ny rivotra loatra ary tony sy tsy be fanonja ny ranomasina. Noho
izany, maharitra kokoa ireo mpanjono any am-povoan-dranomasina ary azony atao ihany koa
ny manao indroa miverina ao anatin’ny iray andro. Izany hoe: fiaingana voalohany amin’ny
roa ora maraina, miverina amin’ny 09 na amin’ny 10. Ny fiaingana faharoa: amin’ny 12 ora
antoandro na amin’ny 01 ora antoandro, miverina amin’ny 04 ora sy 30 minitra hariva na
amin’ny 05 ora hariva. Vanim-potoana miavaka amin’ny volana rehetra mandritra ny taona
ireo volana ireo eo amin’ny hatsaran’ny vokatry ny jono.
Tokony hahay hanararaotra araka izany ireo mpanjono ka hanomana tsara ny
fitaovany mandritra ireo fotoana ireo mba tsy ho olana amin’ny fandraisana ny vokatra. Izany
hoe tokony hamboarina sy karakaraina mialoha ny fitaovana (harato sy ny lakana) mba tsy
hisian’ny olana mandritra ireo fotoana ireo. Haraha-maso isaky ny avy manarato ihany koa ny
harato ho fisorohana ny olana mety hitranga. Ohatra: jerena tsara sao misy rovitra.
Midina ambany kosa ny vokatry ny jono amin’ny vanim-potoanan’ny rivo-doza sy ny
vanim-potoanan’ny ririnina. Mandritra ireo fotoana ireo, mitovy amin’ny fisian’ny trondro
amin’ny volana Septambra ka hatramin’ny Desambra ihany fa mihena ny vokatra noho ny
fihenan’ny fotoana ahafahan’ireo mpanjono miasa. Kely dia kely ny fotoana ahafahan’ireo
mpanjono miasa mandritra ireo vanim-potoana ireo, tsy miandriaka ny mpanjono.
85
Ny vanim-potoanan’ny rivodoza ohatra, ny volana Janoary ka hatramin’ny Aprily.
Rehefa manomboka miforona any ampovoan-dranomasina any ny andro ratsy dia efa
manomboka tsy miasa ny mpanjono. Mitohy izany rehefa mivadika ho rivodoza ny andro
ratsy, ary tsy mifarana raha tsy roa na telo andro aorian’ny fahavitan’ny rivodoza. Maharitra
herinandro ka hatramin’ny iray volana amin’ny ankapobeny ny faharetan’ny fotoana tsy
hiasan’ny mpanjono rehefa mandalo ny rivodoza iray. Toy izany ihany koa ny vanim-
potoanan’ny ririnina (volana Mey ka hatramin’ny volana Aogositra). Amin’io vanim-potoana
io mitombo ny rotsakorana sy ny haratsian’ny toetrandro indraindray. Ao anatin’ny iray
volana, zara raha hisy masoandro miposaka. Ny mampiavaka ity toetrandro ririnina ity
amin’ny toetrandro amin’ny vanim-potoanan’ny rivodoza dia amin’ny fotoana andalovany
ihany no tsy ahafahan’ ireo mpanjono miasa. Miverina amin’ny laoniny ny toetrandro rehefa
lasa tanteraka izany.
Ny ririnina kosa, mandritra ny ririnina iray manontolo mihitsy no tokony hitandrina ny
mpanjono mba hisorohana ny loza satria mivadibadika ny toetrandro, tapany maraina tsara, ny
hariva miova na mifanohitra ny tapany maraina ratsy, ny hariva tsara. Tandindomin-doza
araka izany ireo mpanjono mandritra ity vanim-potoanan’ny ririnina ity. Mihena ny fotoana
hiasany noho izany toe-javatra izany ary mihena tahaka izany ihany koa ny vokatra azony any
ho any 2-4 kg ho an’ny mpanjono madinika no vokatra azo isaky ny mandeha. Matetika mody
maina ny mpanjono raha mivadika tampoka ny toetrandro.
Raha fintinina dia toy izao manaraka izao:
Janoary-Aprily Mai-Aogositra Septambra-Desambra
- - +
— : Kely ny vokatra
+ : Betsaka kokoa ny vokatra
Raha jerena io fafana io, kely dia kely ny fotoana mahatsara ny vokatra mandritra ny
taona.
Mandalo fotoan-tsarotra ireo mpanjono mandritra ny valo volana voalohany. Vanim-
potoana somary sarotsarotra ho an’ireo mpanjono io vanim-potoana io.
Mihiratra kosa izany rehefa tonga ny lohataona ny volana septambra ka manomboka
mahazo aina indray ny mpanjono.
Raha izay ny fizaram-potoanan’ny vokatra mandritra ny taona, ahoana kosa ny
fandaharam-potoanan’ny mpanjono isanandro.
86
II-1-3-2 Ny fiaingana
Tsy misy fombafomba raikitra iraisan’ireo mpanjono mialohan’ny fiaingana fa samy
manana ny fomba amam-panao mahazatra azy ny tsirairay.
Ho an’izay kristianina, manao fotoam-pivavahana fohy mialohan’ny hanainga.
Mandritra iny fotoam-pivavahana iny no angatahana ny fitantanan’Andriamanitra ny dia mba
tsy hisy loza hanjo. Mangataka ihany koa ny mba ho ambinina amin’ny asa atao ka hahazo
vokatra betsaka.
Ho an’izay mpandala ny finoana nentim-paharazana kosa mangataka amin’ny
Zanahary sy ny Razana mba hitantana sy hiaro mandritra ny famakivakiana ny ranomasina
ary hitahy amin’ny asa mba hahazo vokatra betsaka.
Miankina amin’ny toetrandro sy ny halaviran’ny toerana haleha ny ora iaingana.
Amin’ny roa ora maraina izany raha tsara ny toetrandro. Raha ratsy kosa ny toetrandro,
amin’ny fotoana mahatony kokoa ny rivotra ny fiaingan’ireo mpanjono.
Manao andiany ireo mpanjono rehefa miainga amin’ny maraina. Izany hoe mpanjono
roa na telo no miara-miainga, natao izany mba hahamoramora kokoa ny fihatrehana olana
raha toa ka misy izany. Hoy ny ohabolana hoe: « tondro iray tsy mahafoy hao », ary « ny
mitabe tsy lanin’ny mamba ».
Samy efa miomana amin’ny sakafo ny mpanjono tsirairay eo am-piaingana satria
lavitra ny toerana aleha ary ny asa rahateo mandreraka. Iny sakafo iny no manampy hery ireo
mpanjono amin’ny dia lavitra izay ataony. Afaka adiny telo vao tonga any amin’ny toerana
anjonoana ny mpanjono ka any vao manomboka ny tena asa.
II-1-3-3- Mandritra ny maha eny an-dranomasina
Any ho any amin’ny dimy ora maraina vao tonga amin’ny toerana hanjonoana ireo
mpanjono. Samy mamonjy ny toerana izay heveriny fa hahazoany vokatra betsaka ireo
mpanjono rehefa tonga. Samy mampiasa ny tetika amam-paika hahombiazany ihany koa ny
tsirairay.
Mandatsaka ny harato, no asa atao voalohany rehefa tonga atao milamina sy mirindra
ny fandatsahana azy ary havarina tsikelikely. Tsy ampiakarina eo no ho eo anefa iny harato
iny fa avela hilona ao anaty rano mandritra roa na telo ora araka ny efa notaterina teto. Miala
sasatra kely noho ny harerahana teo amin’ny fivohizana ny lakana nandritra ny adiny telo ny
mpanarato aorian’ny fisakafoanana. Misy ny mihaino hira amin’ny onjam-peo, ao ny mamaky
boky ary misy ny matory mandritra ny fotoana fialan-tsasatra toy izany. Aorian’ny
fialantsasatra, ampiakarina avy ao anaty rano ny harato ary esorina amin’ny harato ny trondro
azo.
87
Alohan’ny handatsahana fanindroany ny harato, entina miala iny toerana efa
nanjonoana iny ny lakana ka mamonjy toeran-kafa izay mbola tsy nanjonoana indray.
Halatsaka toy ny nandatsahana azy tamin’ny voalohany indray ny harato ary andrasana adiny
2 na 3 toy ny teo aloha ihany koa. Aorian’izay, ampiakarina ny harato ary amin’ny
fampakarana azy farany dia tsy hesorina amin’ny harato intsony ny trondro azo fa avela eo
ihany. Alohan’ny hodiana dia misakafo ireo mpanjono ary aorian’ny sakafo vao mody. Izany
hoe indroa misakafo ny mpanjono any am-panatanterahana ny asa: vao tonga sy alohan’ny
hody.
Any ho any amin’ny 11 ora ny fodiana, satria efa manomboka mitsoka ny rivotra izay
manova ny toetrandro amin’io fotoana io. Izay rivotra mitsoka izay no hahafantaran’ireo
mpanjono fa tokony hiverina izy ireo. Izany hoe, mibaiko ny fodian’ny mpanjono ny
fitsokan’ny rivotra.
II-1-3-4- Ny fiverenana
Tsy ireo any ampovoan-dranomasina ihany no mahafantatra fa fotoana fiakarana iny
fotoana iny fa ny any an-tanàna ihany koa dia efa mahalala sy miandry. Ny hahafantarany
izany dia ny fiovan’ny toetrandro izay manomboka mandrivotra. Rehefa miseho io
famantarana io, manao diabe ireo mpanjono mamonjy fodiana hisorohana ny
faharendrehan’ny lakana. Miandry eo an-tseranana kosa ireo vehivavy izay vadin’ny
mpanjono na anabaviny ho an’izay mbola tsy manam-bady. Miaraka amin’ny koveta ireo eo
am-piandrasana, iny koveta iny no itondrana ny trondro ho any an-tsena.
88
SARY 10: Ny fomba fanasana harato
(Sary nalain’ny mpikaroka 14-05-13 tao Ankiakabe)
Miara-manaisotra ny trondro amin’ny harato ny mpitsena sy ny vao tonga rehefa tody
soa aman-tsara ireo mpanarato. Sasana ny harato ary miara-mandamina iny harato iny izy
ireo. Mody any an-trano miaraka amin’ireo fitaovana ny lehilahy izay avy nanarato fa ny
vehivavy kosa mitondra ny trondro ho any an-tsena.
Hita araka izany fa samy manana ny andraikitra mifanandrify azy na ny raim-
pianakaviana na ny renim-pianakaviana amin’ity fiharian-karena momba ny jono ity.
Manatombo kosa ny an’ny raim-pianakaviana noho izy natao ho mpamelona fa ny renim-
pianakaviana dia mpanampy ny raim-pianakaviana.
II-1-4- Ny vokatra
Miankina amin’ny fitaovana ampiasaina ny mahatsara na ny maharatsy ny vokatra
azo. Eo amin’ny sehatry ny jono ohatra, raha tsara sy manaja ny lalàna mifehy ny
fitrandrahana ny trondro ny fitaovana ampiasaina dia ho tsara ny vokatra mahavelom-
panantenana ny ho avin’ny asa fanjonoana. Hiharatsy ny vokatra raha ratsy sy mamotika ny
taranaky ny trondro ny fitaovana ampiasaina.
Vokatra tao anatin’ny fotoana samihafa: talohan’ny taona 2000 sy ny taorian’ny taona
2000 no hohadihadina manaraka. Karazam-pitaovana samihafa no nampiasaina tao anatin’ireo
vanim-potoana roa samihafa ireo.
89
Talohan’ny taona 2000, harato harabaraba no nampiasaina izay manana maso 3 tondro
ny ambany indrindra. Ara-dalàna ity karazana harato ity, satria tsy manimba na manelingelina
ny fiainan’ny trondro.
Taty aorian’ny taona 2000 kosa nanomboka ny fampiasana ny ramikaoko izay
manimba ny trondro ka nampidina ny vokatra.
Izay fampahafantarana tsotsotra izay no mitarika any amin’ny fandinihana ny
fisehon’ny vokatra tao anatin’ireo vanim-potoana roa samihafa ireo.
II-1-4-1- Ny fisehon’ny vokatra
Haseho amin’ny alalan’ny fafana roa lehibe ny vokatry ny jono tao anatin’ireo
vondron-taona roa samihafa ireo talohan’ny taona 2000 sy taorian’ny taona 2000.
Marihina fa tarehimarika ankapobeny ireto noriaisina ireto, mety latsaka kely na
mihoatra kely ny lanjan’ny vokatra sy ny vidiny. Mba hisian’ny marimaritra iraisana ny
ankapoben-javatra no noraisina.
Fafana 5: Vokatra talohan’ny taona 2000
Loharanon-kevitra: Ny tompon’andraikitry ny jono ao Maroantsetra154
Maneho ny vokatra sy ny vidin’ny trondro na laoko talohan’ny taona roa arivo ny
fafana (5). Azo lazaina ho tsar any vokatra tamin’izany fotoana izany satria dimy kilao ny
ambany indrindra ary dimampolo kilao ny ambony indrindra.
Ny mpanjono mampiasa lakan-jily: dimy kilao ny entin’ny mpanjono mody
raha tena tsy mahazo. Mety hahatratra roapolo kilao anefa izany raha tena tony tsara ny andro.
Ireo mpanjono mampiasa lakan-drafitra kosa dia ambony noho izany:
manodidina ny valo ka hatramin’ny 50 kg ny vokatra azony isanandro. Manatombo eo
amin’ny vokatra ity sokajina mpanjono ity noho izy mampiasa fitaovana matanjaka izay
ahafahany mandeha eny ampovoan-dranomasina tsy dia misy mpanjono firy ireny. Ankoatra
ny fitaovana, mampiasa olona maromaro ihany koa izy ka tsy mahagaga raha betsaka kokoa
ny vokatra azony.
154
Fanadihadiana natao teo anivon’ny tompon’andraikitry ny jono ny taona 1998.
Mpanjono Laoko miakatra isanandro Vidiny : 1000 isaky ny kg
Mampiasa lakan-jily 5-20 kg/ andro 5 000 – 20 000 Ar/kg
Mampiasa lakan-drafitra
no sady mampiasa olona
8 – 50 kg /andro 8 000 – 50 000 Ar/kg
Mampiasa fitaovan’olona (6-25 kg)/2
= 3 – 13 kg/andro
3 000 – 13 000 Ar/kg
90
Ireo mpanjono mampiasa fitaovan’olona kosa dia mizara roa ny vokatra
azony. Antsasany ho an’ny tompon’ny fitaovana fa ny antsasany ho azy mpanjono.
Raha ny vidiny kosa no soritsoritana, azo lazaina ho tsy mbola miakatra loatra ny
vidim-piainana talohan’ny taona roa arivo ka tany ho any amin’ny 1000 Ar ny kilaon’ny
trondro. Tamin’izay fotoana izay, ny vola ambany indrindra azon’ny mpanjono isaky ny
mandeha manjono dia telo arivo ariary ary ny ambony indrindra kosa dimy alina ariary.
Raha fehezina izany voalaza izany, betsaka ny vokatra talohan’ny taona roa arivo fa
ambony ny vidiny hany ka kelikely ihany ny vola miditra amin’ireo mpanjono.
Niova izany toe-javatra izany taty aorian’ny taona roa arivo izay ambara antsika
amin’ny alalan’ny fafana (6).
Mpanjono Laoko miakatra
isanandro
Vidiny : 3000 – 8 000 Ar
isaky ny kg
Mampiasa lakan-jily 3 – 7 kg/ andro -9 000 – 24 000 Ar
+21 000–56 000 Ar
Vola azo isan’andro
Mampiasa lakan-drafitra no
sady mampiasa olona
6 – 10 kg/
andro
-18 000 – 30 000 Ar
+48 000 – 80 000 Ar
Vola azo isan’andro
Mampiasa fitaovan’olona (4-8 kg)/2
= 2 – 4 kg/ andro
-6 000 – 16 000 Ar
+12 000 – 32 000 Ar
Valo azo isan’andro
Fafana6: Ny vokatra taty aorian’ny taona 2000
Loharanon-kevitra: ny tompon’andraikitry ny jono ao Maroantsetra155
Ny fafana (6) kosa maneho fa nihena ambany dia ambany ny vokatra azon’ireo
mpanjono isaky ny mandeha. Ho an’ny mpanjono mampiasa lakan-jily, tafidina any amin’ny
3-7 kg ny vokatra azo isanandro. Ny mampiasa ny lakan-drafitra kosa dia tafalatsaka any
amin’ny 6-10 kg isanandro ny trondro azo. Ny mpanjono mampiasa ny fitaovan’olona 4 – 8
kg mizara roa kosa 2-4 kg isaky ny mandeha, kivy tanteraka ireo mpanjono teo anatrehan’io
fototonganana lehibe io.
Nahavelom-bolo kosa ny vidiny raha ampitahaina tamin’ny teo aloha. Niakatra
ambony dia ambony ny vidim-piainana nanomboka ny taona roa arivo, nahatratra 3 000 –
8 000 ar ny trondro iray kilao.
Nitombo araka izany ny vola niditra amin’ireo mpanjono na dia eo aza ny
fitotonganan’ny vokatra.
155
Fanadihadiana nataon’izy ireo ny volana Oktobra 2012.
91
Telo kilao ny laoko azo isanandro, ny vola azo amin’izany: 9000 – 24000 Ar miankina
amin’ny haben’ny trondro raha tena tsy mahazo ny mpampiasa lakan-jily. Raha tsaratsara
kosa ny vokatra, mahatratra 7 kg ny trondro na ny laoko azo isan’andro; 24000 – 56000 Ar,
ny vola raisina amin’izany raha 3000 Ar ka hatramin’ny 8000 Ar ny iray kilo.
Ny mampiasa lakan-drafitra kosa: 6 kg isan’andro raha tena tsy mahazo ary mandray
any amin’ny 18000 – 30000 Ar any ho any isan’andro; raha tsaratsara kosa: 10 kg izay
mitentina any amin’ny 48000 – 80000 Ar ny vidin’izy 10 kg. 2-4 kg isan’andro ho an’ireo
manofa fitaovana ary 6000 – 12000 Ar ny vola azony raha tena kely ny vokatra; raha mba
misimisy kosa, 12000 – 32000 Ar.
Araka izany, hita fa nitotongana ny vokatry ny jono taty aorian’ny taona 2000. Nihena
hatramin’ny 20 ka hatramin’ny 75 isan-jato ny vokatra azon’ ny mpanjono. Izany hoe ny 20-
75 isan-jaton’ny vokatra teo aloha sisa no hany vokatra sisa azon’ireo mpanjono taty aoriana.
Niakatra ambonin’ny 100 isan-jaton’ny vidiny teo aloha kosa ny vidiny taty aoriana.
Azo ambara noho ireo toe-java-misy ireo ny fitotonganan’ny vokatra, nefa nisy
fiakarany ihany ny vola miditra amin’ireo mpanjono isaky ny avy manjono izy. Ny
fiakaran’ny vidim-piainana no antony mahatonga izany. Ambony noho izao anefa ny vola
miditra amin’ireo mpanjono raha mbola nijanona tamin’ny fisian’ny vokatra teo aloha ihany
ny fisiany amin’izao.
II-1-4-2- Ny fomba fikirakirana sy fitehirizana ny vokatra
Roa ihany ny fomba fitehirizana trondro tena ampiasain’ny mponina ao Ankiakabe
faritra Maroantsetra. Ny fomba voalohany: fanaovana azy ho trondro maina; ny fomba
filazan’ny mponina azy dia laoko maiñy156
.
Tsy mitovy ny fomba fikirakirana ny trondro madinika sy ny trondro lehibe raha
hamainina ho lasa trondro maina.
Ho an’ny trondro madinika sy ny salantsalany, raisina ny trondro sokafina ny vavany
ary esorina ny hisanisany157
. Izany hoe tsy vakina tahaka ny fikirakirana ny trondro handroina
fa sintonina fotsiny. Manaraka ho azy ny ao anaty kibony rehetra sintonina iny ary atao eo
ambonin’ny talantalana. Tsy sasana ny trondro hamainina fa avela amin’izao eo ambonin’ny
talantalana ihany, izay antsoin’ny mponina any hoe: salazaña158
. Ny fanamainana azy eo
156
Trondro maina 157
Sofin-trondro 158
Talantalana fanamainana trondro
92
amin’ny salazana kosa no lazainy hoe: manaly laoko,159
asiana afo eo ambanin’iny salazana
izay mitondra hafanana ho amin’ireo trondro ka hahatonga azy ho maina.
SARY 11: Ny salazana (fitaovana fanamainana trondro)
(Sary nalain’ny mpikaroka tamin’ny 06-06-13 tao Ankiakabe)
Rakofana ravin-kafe na antafoka fary160
eo ambonin’ireo trondro mandritra ny
fanamainana azy mba hahatsara volo na hahatsara endrika ilay trondro.
Ho an’ny trondro lehibe kosa, vakina avy ao an-damosiny mba hampivelatra azy ary
esorina ny ao anaty kibony. Tsy sasana tahaka ny teo aloha ihany koa ity farany hitazomana
ny tsirony, satria, manaraka ny rano anasana azy ny tsirony ka lasa matsatso.
Mitovy amin’ny fomba fanamboarana ny fikirakirana ny trondro madinika sy
salantsalany ihany ny fikarakarana azy. Ampirehetina ny afo eo ambany mba hanamaina azy
rehefa voavaky avy ao an-dramosiny ary hapetraka eo ambonin’ny talantalana.
Matetika ny salazaña eo andakozia ihany no ampiasaina raha kelikely ny trondro
hohamainina. Raha maro be kosa ny trondro, anaovana talantalana lehibe eo antokotany.
Ny fanaovana laoko sira161
no fomba fitehirizana faharoa. Izany hoe tehirizina
amin’ny alalan’ny sira ny trondro mba tsy hahasimba azy. Tsy mampiasa afo tahaka ny teo
aloha anefa ity fomba faharoa ity fa ny masoandro no ampiasaina. Hamainina amin’ny
alalan’ny masoandro ny fikarakarana ny laoko sira. Ampiasaina anaovana ity laoko sira ity
avokoa na ny trondro madinika na trondro lehibe. Raha trondro madinika, tsy vakina tahaka 159
Fanamainana trondro amin’ny alalan’ny afo eo ambony talantalana. 160
Faikam-pary 161
Trondro tehirizina amin’ny alalan’ny sira
93
ny trondro madinika ho hamainina fa esorina avy ety amin’ny vavany ny ao anaty kibony.
Raha trondro lehibe kosa, vakina ary eo an-damosiny ihany koa ary esorina ny ao anaty
kibony. Alona anaty sira mandritra ny 24 ora, aorian’izay vao atapy na ahahy amin’ny
masoandro ary atao isanandro mandrampahamaina azy tsara.
Tsy ahitana ny fampiasana ny vata fampangatsiahana ho fitehirizana ny trondro loatra
amin’iny faritra Maroantsetra iny indrindra raha trondro mbola hamidy. Fomba tsotra no
ataony kanefa mahomby satria azo tahirizana tsara ny vokatra.
II-1-4-3- Ny lalam-barotra misy hanaparitahana ny vokatra
Sarotra ho an’ny mponina manodidina an’i Maroantsetra ny hamoaka ny vokatra ao
aminy ho any amin’ireo distrika manodidina sy i Toamasina renivohitra, sarotra toy izay koa
araka izany ny mitady lalam-barotra ho an’ireo mpanjono madinika ao Ankiakabe.
Ratsy dia ratsy ireo lalam-pirenena mampitohy azy amin’ireo distrika manodidina ary
sarotra noho izany ny hifandraisany amin’ireo indrindra ny renivohitra. Azo lazaina ho
mitoka-monina araka izany ny distrikan’i Maroantsetra izay misy ny fokontany Ankiakabe.
Noho ireo antony ireo, ny tsena eo an-toerana sy ny tanàna manodidina ihany no mpanjifa
voalohany ny vokatry ny jono. Kely anefa izany lalam-barotra izany ka tsy ahafahan’ny
sehatry ny jono any an-toerana mivelatra sy mandroso bebe kokoa.
Ny olana mipetraka noho izay tsy fisian’ny lalam-barotra izay, rehefa betsaka ny
vokatra ka tsy lanin’ny mpiantsena intsony dia voatery alefa amin’ny vidiny mora amin’ireo
mpialakantoka, dia ireo mpivarotra trondro maina izany. Voa mafy araka izany ireo mpanjono
satria ao ambadiky ny fitomboan’ny vokatra azo dia tokony hitombo ny vola miditra. Tsy
izany anefa ny zava-miseho fa tsy arakaraky ny fiakaran’ny vokatra ny vola azo.
Mandreraka ireo mpanjono amin’iny faritra iny izany toe-javatra izany ary ny
fandraisan’ny fanjakana an-tanana amin’ny fanamboarana ireo lalam-pirenena ireo no
antenaina hanarina izany.162
II-2- Ny zava-misy ankapobeny momba ireo mpanjono ao Ankiakabe
Ireo olona izay manao ny asa fanjonoana ho anton’asa sy ho foto-pivelomana ary
antoky ny fiainana amin’ny ankapobeny no atao hoe mpanjono. Mametraka tetika amam-
paika mba hahitana fahombiazana ny mpanjono tsirairay. Izany tetika amam-paika
ampiasain’ireo mpanjono izany no nahafahana nanasokajy ny mpanjono ao Ankiakabe ho
araka ireto manaraka ireto.
162
Fifampiresahana natao tamin’ny RAKOTOARIVELO Céléstin, tompon’andraikitra voalohany ao amin’ny
fikambanana TPA , 48 taona, monina ao Ankiakabe, tamin’ny 09 Jolay 2013.
94
II-2-1- Ireo sokajy misy ny mpanjono hita ao Ankiakabe
Azo sokajiana ho efatra ireo mpanjono ao Ankiakabe raha ny fomba fiasan’izy ireo no
jerena araka ny fandalinana nataonay tany an-toerana ny taona 2013. Miankina amin’ny
fomba fihevitra sy ny fomba fisainan’ny tsirairay izany fanasokajiana izany. Misy ireo
mpanjono izay mihevitra fa «ny akanga maro tsy vakin’amboa» ka ny fivondronana ao anaty
fikambanana irery ihany no hitan’izy ireo fa mahomby. Na dia tsara anefa ny fihombonana sy
ny fiarahana, hoy ny ohabolana malagasy hoe: «ny havan-tiana tsy hiaraha-monina». Mba
hisorohana ny mety ho olana sy ny disadisa madinidinika, aleon’ny mpanjono sasany ny
mifidy ny hiasa tena. Ao ihany koa anefa ireo mpanjono mametraka fa «ny tao-trano tsy
vitan’ny irery» ka maka olona hanampy amin’ny asa fanjonoana mba hampandroso tsara ny
asa. Ireo rehetra ireo no hojerena ato anatin’ity zana-pizarana manaraka ity: ireo mpanjono
mivondrona ao anaty fikambanana; ireo mpanjono miasa tena, ireo mpanjono mampiasa olona
sy ireo mpanjono mpikarama amin’olona.
II-2-1-1- Ireo mpanjono mivondrona ao anaty fikambanana
Anisan’ny fomba iray hitan’ireo mpanjono fa hampandroso ny asa fanjonoana ny
fivondronana ao anaty fikambanana. Hoy ny ohabolan-drazana Malagasy hoe: «Izay
mitambatra vato fa izay misaraka fasika».
Tsapan’ireo mpanjono ao Ankiakabe ny fahamarinan’izany ohabolana izany ka
nahatonga azy hanangana fikambanan’ny mpanjono vitsivitsy. Iray amin’izany fikambanana
izany ny T.P.A163
, izay nijoro tamin’ny taona 2002 tao Ankiakabe ihany. Mpanjono valo
ambinifolo no mandrafitra izany fikambanana izany, izay tarihin-dRakotoarivelo ary ny lefitra
dia i PITRA William.
Hanatsara sy hanandratra avo ny sehatry ny asa fanjonoana ao Ankiakabe no tanjon’ny
fikambanana. Miara-miasa amin’ny tetikasa PSDR ny fikambanana eo amin’izay lafiny
fanatsarana izay. Miahy ny lafiny ara-tsosialin’ny vahoaka io tetikasa io. Famatsiana ara-
pitaovana no ataon’io tetikasa io amin’ny fikambanana TPA, anisan’izany ny harato 19 kg
iray sy ny moteran-dakana iray.
Manana fitaovana maromaro hafa iombonana ny fikambana ankoatra ireo fitaovana
avy tamin’ny PSDR ireo, ireto avy izany:
Lakan-jily iray.
Lakan-drafitra iray
Harato 19 kg 60 m 8 tondro miisa 3, 3kg 3 tondro iray.
163
Tanora mPikambana Ankiakabe
95
Manana ny fomba fiasany ny fikambanana amin’ny fitantanana sy ny fampiasana ireo
fitaovana ireo. Ny filoha sy ny filoha lefitra no mitazona sy manara-maso ny fitaovana.
Manana kahie roa ny fikambanana: ny iray mirakitra ny lisitry ny fitaovana, ny iray
kosa hitehirizana ny isan’ny vokatra sy ny vola miditra vidin’ny vokatra. Apetraka any
amin’ny filoha ihany koa ireo kahie ireo. Ny vola kosa apetraka any amin’ny Banky na any
amin’ny OTIV 164
mba tsy hisian’ny olana eo amin’ny samy mpikambana.
Tsy hiasana ho an’ny fikambanana avokoa anefa ny andro rehetra mandritra ny
herinandro fa indroa isan-kerinandro ihany ny mba anjaran’ny fikambanana. Tsy dia miasa ho
an’ny fikambanana ihany araka izany ny mpikambana fa mbola manana dimy andro hiasany
ho azy manokana izy ireo. Tombony ho azy izany ary fomba iray hahafahany mampandroso
ny sehatry ny asa fanjonoana. Zaraina ho sokajy ny mpikambana ka mifandimby mandeha
manjono ho an’ny fikambanana ny sokajy tsirairay. Anjaran’ny sokajy miasa no manamboatra
ny harato amin’ny fotoana hiasany. Ny vadin’ireo ao amin’ny sokajy miasa no miandraikitra
ny fivarotana ny vokatra azo. Aterina any amin’ny filoha ny vola rehetra azo ary aterin’ny
filoha miaraka amin’ny solon-tenan’ny mpivarotra any amin’ny OTIV.
Tsy misy vola mivoaka raha tsy tapaka eo amin’ny fivorian’ny fikambanana ny
famoahana azy. Toe-javatra vitsivitsy no tapaky ny fikambanana fa hamoahana vola. Ohatra
raha misy fahoriana mianjady amin’ny fianakaviana ankaikin’ny mpikambana na fahafatesana
na voina hafa dia mamoaka vola ny fikambanana ho fanotronana azy. Mamoaka vola ihany
koa ny fikambanana raha misy maty ny olon-dehibe eo an-tanàna. Tsy amin’ny alahelo ihany
anefa no mifanotrona ny mpikambana fa eo amin’ny hafaliana ihany koa. Mamoaka vola ho
fitsofan-drano ny fikambanana ohatra, raha misy manambady ny zanaky ny iray ao amin’ny
mpikambana.
Ankoatra ireo, natao hitsinjovana ny vodiandro merika ny tsirairay ao amin’ny
fikambanana ihany koa ny tahirim-bolan’ny fikambanana. Amin’ny fotoana izay mahamafy
ny adim-piainana, izany hoe: ny vary mbola tsy miakatra, ny vola tsy misy, ny vokatry ny
jono tsy azo antenaina toy ny amin’ny rivo-doza. Amin’ireo fotoana ireo dia alaina ny
ampahany ao amin’ny tahiry ka zaraina amin’ny mpikambana mba hanampiana azy.
Manamaivana ny fahoriana sy ny fahasahiranan’ny isam-pianakaviana ny fisian’ny
fikambanana amin’ny ankapobeny.
Na izany aza anefa olana efa hita tamin’ny fikambanan’ny mpanjono tahaka ity, ny tsy
fahatokian’ny mpikambana, ny filoha mpitantana. Vola hiaraha-mitady sy ny fitaovana
164
OTIV: Ombona Tahiry Ifampisamborana Vola.
96
hiaraha-mividy nefa tsy hita ny hiafarany. Ny vola manjavona, ny fitaovana tsy hita.
Fikambanana maro no efa mijoro nefa rava vetivety noho ireo antony ireo. Ny toe-javatra toy
izany no nahaleo ny mpanjono maro ka nahatonga azy mandray fanapahan-kevitra ny tsy
hiditra amin’ny fikambanana fa hiasa samirery.165
II-2-1-2- Mpanjono miasa tena
Ireo mpanjono izay tsy manana fiaraha-miasa amin’ny mpanjono hafa na amin’ny
lafiny fitaovana na amin’ny fanatanterahana ny asa no lazaina hoe mpanjono miasa tena.
Izany hoe, sahaniny samirery na ny asa na ny lafiny fitaovana ary ho azy irery ihany koa ny
vokatra. Amin’ny ankapobeny, lakana tsotra toy ny lakan-jily no ampiasain’ireto
vondronolona ireto, vitsy dia vitsy ny mpanjono miasa tena mampiasa lakan-drafitra.
Olana ho an’ireto sokajina mpanjono ireto ny lafiny fitaovana, satria ambony vidy na
ny lakan-drafitra na ny motera hampandehanana azy. Noho izany mionona amin’ny fitaovana
izay tratrin’ny fahafahany izy ireo. Harato hahazoana trondro madinidinika sy salantsalany no
tena fampiasan’ny ankamaroan’izy ireo. Amin’ny ankapobeny, eo ho eo amin’ny 1, 2, 3
tondro ny masona harato ampiasainy. Ireo no ampiasainy satria ny trondro lehibe izay
ampiasana harato manana maso amboninin’ireo dia tsy hita raha tsy any am-povoan-
dranomasina be any. Tsy tratry ny lakan-jily anefa izany toerana izany fa manonja be. Izany
toe-javatra izany no mahatonga ireo mpanjono ireo tsy hampiasa ny harato manana maso 10
tondro no mihoatra.
II-2-1-3- Ireo mpanjono mampiasa olona
Amin’ny ankapobeny, anisan’ireo mpanjono izay mampivady ny asa fanjonoana
amin’ny fandraharahana momba ny varotra ireo mpanjono mampiasa olona. Azo lazaina ho
tsy dia mandalo fahasahiranana loatra ity sokajin’ny mpanjono iray ity na dia eo aza ny
fikorontanana misy eo amin’ny sehatry ny fihariana harena momba ny jono.
Mifanohana sy mifanampy ireo sehatrasa roa sahaniny ireo. Raha reradreraka ny ato
amin’ny varotra dia tohanan’ny ato amin’ny jono, mifanohan-tohan-tsy ho lavo. Noho izany
dia afaka mividy izay fitaovana mifanaraka amin’ny toetrandro izy. Afaka manatsara sy
mampitombo ny vokatra ihany koa izy amin’ny alalan’ny fampitomboana sy fanatsarana ireo
fitaovana ampiasainy, ohatra manana fiara hitaterana ny vokatra haparitaka amin’ny faritra
hafa. Izany dia manambara fa miankina amin’ny hatsaran’ny fitaovana sy ny hamaroany ny
hatsaran’ny vokatra. Fitaovana maromaro araka izany no ampiasain’ireto mpanjono ireto. Iray
amin’izany mpanjono ato amin’ity sokajy ity ny lehilahy iray antsoina hoe: Mena laoko,
165
Araka ny fanazavana nomen-dRakotoarivelo Celestin, tompon’andraikitra ao amin’ny fikambanana T.P.A no
sady mpanjono, monina ao Ankiakabe.
97
mpanjono azo lazaina ho mpanjono tsaraina ao Ankiakabe izy. Hatramin’ny taona 1985 dia
efa tao izy ary efa manjono tao ihany koa. Manao ny asa fanjonoana ka mampiasa harato
fakana trondro lehibe (7 – 12 tondro) miisa folo izy sady manao ny fandraharahana momba ny
varotra. Ny harato salantsalany (4, 5, 6 tondro) dia 15 no isany. Mampiasa karazam-pitana
ihany koa izy anisan’izany ny vintana maro lela izay antsoin’izy ireo hoe «Palengre». Eo
ihany koa ny vintana tarihina izay ampiasainy miaraka amin’ny harato.
Lakan-drafitra mandeha motera miisa valo no ampiasaina ary io lakan-drafitra io no
ampiasana ireo harato lehibe (7-12 tondro). Lakan-jily miisa 15 no ampiasany an’ireo harato
salantsalany. Mba hafahana misahana ireo fitaovana ireo dia mampiasa olona any ho any
amin’ny 30 mahery any izy. Ny zana-pizarana manaraka no haneho amintsika ny fiaraha-
miasan’izy ireo sy ny mombamomba ireo mpikarama ireo.
II-2-1-4- Ireo mpanjono mpikarama miasa amin’olona
Azo lazaina ho mpanjono mbola mila mpitantana eo amin’ny sehatry ny fihariana
momba ny jono ireo mpanjono ato amin’ity sokajy ity. Izany hoe manana ny fahaiza-manao
mahakasika ny asa fanjonoana izy fa ny lafiny fitaovana no manahirana azy. Izany no ilany
mpitantana dia ireo mpanjono efa manana ny maha izy azy toy ireo sokajy teo aloha teo ireo,
ohatra. Mizara ho sokajy roa ihany koa ireto mpanjono mpikarama ireto. Ny voalohany, ireo
mpikarama mipetraka sy miara-monina ao amin’ny mpampiasa azy. Ireo no mpanarato
mampiasa ny lakan-drafitra sy ireo harato lehibe. Ny mpampiasa no mametraka ny fotoana
iasana sy iaingana. Tsy ny manarato ihany anefa no asa ataony fa hatramin’ny fikirakirana ny
trondro azo ho fitehirizana azy. Isam-bolana no andraisany ny karamany.
Ny sokajy faharoa ireo mpikarama manana endri-piaraha-miasa hafa noho izay
amin’ny mpampiasa azy. Tsy miara-monina amin’ny mpampiasa azy ny mpikarama fa samy
amin’ny fonenany avy. Ny mpampiasa no miantoka ny fitaovana, mampiasa fotsiny ny
mpikarama. Zaraina roa mitovy ny vokatra azo, ny iray anjaran’ny tompon’ny fitaovana, ny
iray kosa anjaran’ny mpampiasa ilay fitaovana.
98
FEHINY
Raha aravona izay rehetra voalaza izay dia azo ambara fa manana ny lalàna mifehy
azy toy ny sehatra rehetra ny sehatry ny jono an-dranomasina. Mifototra amin’ny lafin-javatra
roa ny votoatin’ny lalàna mifehy ny jono an-dranomasina, dia ny lafiny fitaovana sy ny
fotoam-panjonoana. Tsy ny fitaovam-panjonoana rehetra no azo ampiasaina ary tsy ny
fotoana rehetra ihany koa no azo anjonoana mba hitsinjovana ny ho avin’ny asa fanjonoana.
Ao anatin’ny fitaovana ampiasain’ireo mpanjono ao Ankiakabe anefa ireo fitaovam-
panjonoana izay voararan’ny lalàna ireo. Misy akony amin’ny fiakaran’ny vokatra izany, raha
ampitahaina amin’ny teo aloha ny vokatra amin’izao dia nihena noho ireo toe-javatra rehetra
ireo, izay olana lehibe atrehin’ny mpanjono ao Ankiakabe.
FIZARANA FAHATELO:
Ny fiatrehan’ny panjonon’ankiakabe
ny fivoarana sy ny fiovam-piainana
misy ankehitriny
99
Lanja miakatra ny fiainana, arakaraka ny fivadibadian’ny andro, volana, taona no
mampiova ny fiainan’olombelona. Hita taratra amin’ny sehatry ny jono any Ankiakabe izany
fiovana izany. Azo ampifandraisina amin’ny voalazan-dRandza ZANAMIHOATRA izay ao
amin’ny tononkalony iray manao hoe:
“Fa fotoana hafa, taranaka hafa;
Taranaka hafa, fisainana hafa.
Homba lalam-baovao toy izany koa ny Hairaha (Art)
Fa tandindona maneho ny endri-piainana misy izany.”166
Nanova zavatra betsaka teo amin’ny sehatra sy ny lafim-piainana samihafa ny
fivoarana sy ny fandrosoana teo amin’ny sehatry ny teknôlôjia. Hita izany fiovana izany teo
amin’ny sehatry ny fifandraisana, teo amin’ny sehatry ny toekarena, teo amin’ny lafiny
fiarahamonina sy ny sosialy. Mialohan’ny hamelabelarana ny endrika isehoan’izany fivoarana
teo lafin’ny teknôlôjia izany, hojerena aloha ny zava-nisy niainana talohan’ny nisian’ny
fivoarana.
III-1- Ny fiainan’ny mpanjono ao Ankiakabe sy ny fidiran’ny fandrosoana
Ny taona nampahazo vahana ireo fitaovana vaovao novokarin’ny teknôlôjia, indrindra
ny fitaovam-panjonoana no nampizara ho roa miavaka tsara ny vanim-potoana nodiavin’ny
tantaran’ny jono an-dranomasina ao Ankiakabe. Nanomboka nahazo vahana ireo fitaovana
vaovao ireo ny taona 2000, nanomboka teo ihany koa ny fiovana teo amin’ny sehatry ny jono
an-dranomasina tao Ankiakabe.
III-1-1- Zava-nisy ankapobeny talohan’ny fiparitahan’ny fivoaran’ny
teknôlôjia
Nanana ny fomba fiainany sy ny fomba fisainany nifanandrify tamin’ny zava-nisy
niainana tamin’izany fotoana izany ny mponina tao Ankiakabe, talohan’ny fiparitahan’ny
fivoaran’ny teknôlôjia.
III-1-1-1- Ny zava-misy teo amin’ny lafim-piainana samihafa
a) Teo amin’ny lafiny serasera:
Tamin’ny fotoana izay mbola tsy nahitana firy ny fivoarana teo amin’ ny lafiny
teknôlôjia dia mbola vitsy dia vitsy ny fitaovan-tserasera azon’ny fiarahamonina nampiasaina,
iray amin’izany ny taratasy. Fitaovam-pifandraisana azo lazaina ho tranaina indrindra na
voalohany nampiasaina ny taratasy. Tany ho any amin’ny taonjato faha 15 no nanomboka ny
166
Randza ZANAMIHOATRA , Vainafo tononkira, Ambozontany Fianarantsoa, 1969 , p10
100
fampiasana azy.167
Tamin’io vanim-potoana io, rehefa misy hafatra tiana nampitaina dia
ampitaina amin’ny alalan’ny taratasy, indrindra raha mifanalavitra ny toerana. Nijoro ny
Paositra izay miandraikitra ny fandefasana ireo taratasy mirakitra hafatra taorina kelin’ny
fampiasana ny taratasy ho fitaovana fampitan-kafatra. Mbola teo ambany fanapahan’ny olon-
tsotra ny fitantanana izany Paositra izany, ary tamin’ny taona 1506 izay vao lasa teo
ampelantanan’ny fanjakana ny fitantanana ny positra.168
Io taona io no nanombohan’ny
fampiasana azy tany amin’ny toerana niforonany, azo antoka anefa fa taona maro
taorian’izany izay vao tonga taty amintsika izany zava-baovao izany indrindra ny toerana
lavitry ny renivohitra toa an’Ankiakabe.
―Fampitan-kafatra am-bava no nampiasaina, talohan’ny tsy nampahazo vahana ny
fampiasana ny soratra na ny taratasy na tamin’ny tsy nisian’ny Paositra169
‖. Izany hoe misy
olona mpitondra hafatra ary mifanatrika mivantana amin’ny olona itondrana ny hafatra iny
olona iny. Mety mifanalavitra ny toerana misy ilay mpitondra hafatra sy ilay olona itondrana
hafatra ka mety ho sakana amin’ny fahatongavan’ny hafatra izany. Mitaky fotoana ireo fomba
fampitan-kafatra roa ireo indrindra ny fampitan-kafatra am-bava ary mety ho fotoana
lavalava. Hita araka ireo fa mbola sarotra ny ifandraisana sy ifaneraseran’olona avy amin’ny
faritra sy ny fiarahamonina samihafa noho ny elanelan-tany tamin’izany fotoana izany. Azo
lazaina araka izany fa voafetran’ny toerana sy ny fotoana ny fifandraisana tamin’izany.
b) Teo amin’ny sehatry ny varotra:
―Azo lazaina fa mbola sarotra ny fifaneraserana ara-barotra noho ny tsy fisian’ny
fitaovam-pitaterana. Dia an-tongotra no fomba nampiasaina nanaparitahana ny vokatra.‖170
Izany hoe, mandeha mitety ny tanàna sy ny vohitra manodidina ireo mpanjono na ireo
mpivarotra mba hahafahana mamadika ny vokatra ho vola na mandefa ny vokatra amin’ny
vidiny mora amin’ny mpamoto-barotra ireo mpanjono na ireo mpamokatra mba hahazoana
vola. Ho an’ireo mpivarotra, ny dia lavitra, ny entana mavesatra ary fotoana betsaka no lany
nefa kely ny tombony azo. Ho an’ireo mpanjono na ireo mpamokatra kosa, zara raha
mahahonitra ny hery sy ny fotoana lany ny vola azo. Hita araka izany fa sarotra ny toe-java-
nisy teo amin’ny sehatry ny fiharian-karena tamin’izany vanim-potoana izany.
167
Le papier est le premier moyen de communication. Son usage est généralié au 15e Siècle.
168 Moyen de communication, WWW.ph.ludwigsburg.de/wp/kuntze/villette/anfs/thst 52. htm.
169 Araka ny fifampiresahana natao tamin’i Belahin’i Gasy
170 Marie Angeline, 40 taona, monina ao Antanambao, mpivarotra trondro maina amin’ny Tanana manodidina
an’i Maroantsetra.
101
d) Teo amin’ny lafiny fitaovana:
Mbola vitsy dia vitsy ny fitaovana teny am-pelantanan’ireo mpamokatra, anisan’izany
ny teo amin’ny sehatry ny fambolena, teo amin’ny sehatry ny jono, fitaovana nentim-
paharazana no nampiasaina tamin’ireo sehatra ireo. Teo amin’ny fambolena ohatra: ny
angady sy ny omby no tena nampiasaina ary mifanindran-dalana tamin’izany ny fomba
fambolena nentim-paharazana. Teo amin’ny sehatry ny jono kosa dia ny fintana ny fitaovana
nampiasaina izay mbola nanaraka ny fomba fanjonoana nentim-paharazana.
e) Teo amin’ny lafiny fanabeazana:
Mbola tsy takatry ny ankamaroan’ny ray aman-dreny sasany ny maha zava-dehibe ny
fandehanan’ny zaza an-tsekoly indrindra ireo ray aman-dreny tantsaha na mpiompy na
mpanjono. Vokatra izany, vitsy ny mandefa ny zanany an-tsekoly. Manana adidy sy anjara
andraikitra amin’ny asa fivelomana ataon’ny ray amandreny ny zanaka araka ny fomba
fijerin’ny ankamaroan’ny ray aman-dreny tamin’izany toy ny fiandrasan’omby, ny
fanampiana ny rainy amin’ny asa fanjonoana ohatra, ny asa fambolena isan-karazany. Tsy
afaka mamonjy ny sekoly ny zaza noho ireo adidy aman’andraikitra ireo. Na ny ray aman-
dreny aza toa tsy mandrisika azy handeha, satria, tsy ho afaka manampy azy amin’izany izy
ireo raha mandeha. Ankoatra izany, anisan’ny antony naha vitsy ny zaza mankany an-tsekoly
tamin’izany fotoana izany ihany koa ny tsy fisiam-bola sy ny fahasahiranana.
f) Teo amin’ny lafiny finoana:
Nanaraka sy nanaja ny fivavahana nentim-paharazana ny ankamaroan’ny olona na ny
mponina tamin’izany. Nahazo vahana ny fanompoana ny tromba, ny fivavahana tamin’ny
razana, ny fivavahana tamin’ny vatomasina sy ny hazo masina. Manamarina izany ny teny
nolazain’ny vehivavy iray antsoina hoe Berthe, 58 taona monina ao Ankiakabe, lehiben’ny
tromba hoe ―Mihavitsy ny vehivavy mandray anjara amin’ny fanompoana tromba raha
oharina tamin’ny teo aloha, ary efa tsy dia misy lanjany amin’olona loatra ny fanompoana ny
razana. Ny hazo masina sy ny vato masina, vitsy ny olona mbola manatitra zavatra amin’ireny
ary efa sahin’ny olona ny maka zavatra aterina amin’ireny.‖171
Azo takarina avy amin’izany fa
nirona kokoa tamin’ny fivavahana nentim-paharazana ny olona fahiny raha oharina
amin’izao. Nino ny olona fa andraisany fitahiana ny fanateran-javatra amin’ny razana ka tsy
nataony tsinontsinona izany.
Azo lazaina fa tsy mbola nahazo vahana loatra kosa ny fivavahana kristianina
tamin’izany. Mbola vitsy mantsy ny antokom-pivavahana nisy ary vitsy ihany koa ny olona
171
Fanadihadiana natao tamin’ny 02 Martsa 2013, tamin’ny roa ora tolakandro.
102
mamonjy fiangonana. Manamarina izany, ny fanadihadiana nataonay: olona folo
nifampiresahana ka ny olona fito tamin’ireo no nilaza fa tamin’ny taona 2000 vao niditra
tamin’ny fivavahana kristianina. 172
III-1-1-2-Ny fiainan’ny mponina ao ankiakabe ireo toe-javatra ireo:
Hita tao Ankiakabe sy niainan’ny mponina tao ny tsy fahampiam-pitaovana teo
amin’ny sehatra maro samihafa. Tsikaritra izany tamin’ny vanim-potoana tsy nisian’ny
fivoarana teo amin’ny sehatry ny teknôlôjia na tamin’ny fotoana mbola tsy niparitahan’ny
vokatry ny teknôlôjia. Azo lazaina ho nitoka-monina sy niady irery ny ankamaroan’ny faritra
lavitry ny renivohitra noho ny tsy fisian’ny fitaovan-tserasera azo ampiasaina. Araka ny
fanazavana nomen’i Mbelo Samuel, 59 taona monina ao Anjahamarina voalohany, ―tamin’ny
faha efatra ambinifolo sy faha dimy ambinifolo taonany ka mandrapahatonga azy hanambady
aman-janaka izany hoe tany ho any amin’ny taona 1970 ka hatramin’ny taona 1978 dia izy no
irakiraka mpanatitra hafatra teo anivon’ny fianakaviana‖. Mbola tsy nisy ny fitaovana azo
ampiasaina ho fampitan-kafatra tamin’izany ankoatra ny am-bava sy ny an-taratasy na ny
soratra. Rehefa misy zavatra atao an-kafaliana na fahoriana mianjady eo anivon’ny
fianakaviana iray, ny tovolahy matanjaka no asaina mampita iny hafatra iny any amin’ny
havana aman-tsakaiza na any amin’ny tanàna manodidina. Ampitondraina olona am-bava na
an-tsoratra ny hafatra raha toerana tena mifanalavitra.173
Ny olana amin’izany; ela kokoa ny
hafatra vao tonga any amin’ny andefasana azy, raha fahafatesana, ohatra, dia mety efa
aorian’ny fandevenana vao heno ny vaovao ratsy, raha iankinan’aina kosa dia mety tsy
hahavonjy mihitsy.174
Ny lafiny tsara kosa, nisy kokoa ny fifamangiana teo amin’ny mpihavana sy ny mpiray
tanàna satria rehefa misy hafatra tiana ampitaina na resaka tiana atao amin’ny olona dia tsy
maintsy mifehy vatsy mankany amin’ilay olona raha toerana mifanalavitra; raha eo akaiky
kosa dia tsy maintsy mandondom-baravarana an’ilay olona.
Tamin’ny endriky ny dalaly175
ny fomba fampitan-kafatra teo anivon’ny fokonolona
tamin’izany. Karazana antso avo ataon’ny lehilahy iray na roa mifandimby ho fampitana ny
hafatra avy amin’ny lehiben’ny fokontany izy io. Amin’ny takariva amin’ny fito ora na
amin’ny fito ora sy sasany no fotoana fanaovana izany, satria efa tonga ao an-trano avokoa ny
ankamaroan’ny mponina amin’ireo fotoana ireo. Mitety ny lalana sy ny sakelidalana rehatra
172
Fanadihadiana notanterahina tao amin’ny mponin’Ankiakabe ny 02 Martsa 2013, tamin’ny 3 ora ka
hatramin’ny 5ora sy sasany. 173
Fifampiresahana natao tamin’i Mbelo Samuel tamin’ny 07 Jolay 2013, tao Ankiakabe. 174
Fifampiresahana natao tamin’i RAKOTOVAO Emmanuel, 67 taona, monina ao Ankiakabe 175
Fomba fampitan-kafatra eny anivon’ny fakonolona izay ampiasaina amin’ny toerana tsy ahitana fitaovan-
tseratsera toy ny haino aman-jery, ny finday.
103
eo an-tanàna ny mpanao azy ary tsy mantsy atao maheno ny rehatra. Fiantsoana fivoriana,
fampahatsiahivana ny asan’ny fokonolona, fampahatsiahivana ny fanefan’ny fokonolona
adidy no votoatiny amin’ny ankapobeny. Ireo rehetra ireo no fomba fiainan’ny mponina tao
Ankiakabe tamin’ny fotoana nahatery kokoa ny lafiny serasera.
a) Teo amin’ny lafiny fitaovana:
Teo amin’ny sehatry ny jono, ny fintana no tena nampiasaina. Vitsy ny mpanjono
nanana harato raha ny tao Ankiakabe manokana no resahana. Anisan’ny fitaovana
nampiasaina ihany koa ireo karazan-tsihitra toy ny kaoba sy ny sihi-dava. Kely ny vokatra
azo ary zara raha mahazo laoka indray mahandro ankoatra izay hamidy vary sy ny kojakoja
hafa toy ny sira, siramamy raha mampiasa fintana sy ireo fitaovana ireo. Tsy ampy
amelomana ny ankohonana ny asa fanjonoana tamin’izany fotoana izany ary tsy azo
nianteherana ho foto-pivelomana. Hita taratra tamin’ny fiainana andavanandron’ny mponina
ny fahamarinan’izany toe-javatra izany.
Porofon’izany, trano falafa avokoa izay lazain’ny mponina any hoe: ―trano gasy176
‖ ny
ankamaroan’ny tranon’ireo mpanjono tao Ankiakabe talohan’ny taona 2000. Ny fiainana
tsizarizary, ka noheverin’ny fiarahamonina ho toy ny asa ambany indrindra ny asa
fanjonoana. Ny lakanjily irery ihany no lakam-panjonoana nampiasainatamin’io fotoana io.177
Hita arak’io toe-java-nisy io fa mbola nanify dia nanify ny fitaovana teny am-pelantanan’ireo
mpanjono tao Ankiakabe. Nanano sarotra ny fampandrosoana sy fampivoarana ny sehatry ny
jono noho izany.
b) Ny lafiny fanabeazana:
Ny fandraisany anjara amin’ny asa fivelomana no mitaiza sy manabe ny zaza hiatrika
ny fiainana amin’ny fahalebiazany. Ao anatin’izany ny fandehanana manjono miaraka
amin’ny rainy no ataon’ny ankizilahy, manao ny raharaha ao an-tokantrano sy miara-manao
ny taozavatra miaraka amin’ny reniny kosa ny ataon’ny ankizivavy. Vitsy amin’ny ray aman-
dreny ny mandefa ny zanany any an-tsekoly ary ho an’izay mba mandefa, rehefa tena fotoam-
piasana dia ny ray aman-dreny mihitsy no mandeha mihera any amin’ny mpampianatra mba
handeha hanampy azy amin’ny asany ny zanany. Midika izany fa mbola ambany ny
fahatakaran’ny ray aman-dreny tamin’izany ny maha zava-dehibe ny fianarana an-tsekoly.
Tsy ampy anefa ny fahalalana azon’ny ankizy ao anatin’izay fanabeazana azy izay hany ka ny
teo ihany no miverina eo amin’ny sehatry ny jono. Izany hoe ny fomba fiasa efa tranainy
176
Trano vita amin’ny hazo boribory madinika, mitafo bozaka na ravim-pontsy ary rindrina falafa. 177
Fanadihadiana natao tamin’i Noya, mpanjono monina ao Ankiakabe, 54 taona.
104
ihany no ampiasain’ny taranaka aty aoriana. Miseho izany noho ny tsy fahampian’ny
fanabeazana azon’ireo ankizy.
III-1-2-Fivoarana sy ny firoboroboan’ny teknôlôjia
Tsy mitsahatra mivoatra ny fikarohana siantifika izay mifandray amin’ny fivoaran’ny
teknôlôjia sy ny fitaovana maro samihafa ampiasaina eny anivon’ny fiarahamonina. Nanova
tanteraka ny zava-nisy teny anivon’ny fiarahamonina izany. Ao anatin’izany ireo fitaovana
maro samihafa ampiasaina eo amin’ ny sehatry ny serasera toy ny finday, ny solosaina, izay
nanova zavatra betsaka teo amin’ny sehatry ny serasera. Lasa nivelatra ny lafiny
fifandraisana, efa tsy miteraka olana intsony ny elanelan-tany sy ny fotoana. Nihamora ny
fampitan-kafatra noho ny fidiran’ny finday. Afaka mifampaheno sy mifampiresaka ny olona
roa nefa toerana samihafa. Tsy mandany fotoana no tsy mandany herim-batana io fomba
fifandraisana io. Mbola nivoatra ihany ireo fitaovana ireo ka tonga ny ―Internet‖ sy ny
―facebook‖, azo atao ny mifandray amin’ny olona rehetra eran’izao tontolo izao ary na ny
olona izay mbola tsy fantatrao aza noho ny fivoaran’ny teknôlôjia. Vokatra izay, azo atao ny
mifampiresaka mivantana na mifanatrika nefa toerana samihafa eny fa nadia firenena
samihafa aza178
. Ireo rehetra ireo dia maneho fa mihazakazaka ny fivoaran’ny teknôlôjia ary
nampifandray tanteraka an’izao tontolo izao ireo fitaovana ireo. Hita ihany koa fa resy ny
elanelan-tany satria efa azon’ny olona aty Madagasikara atao ohatra ny mifampiresaka
amin’ny olona any Etazonia eny fa na dia eo aza ny elanelan-tany. Ahatarafana izay
fahafoanan’ny elanelan-tany izay ihany koa ny fahatongavan’ny fahitalavitra sy ny onjam-
peo. Hahenoana sy hahitana ny zava-misy sy ny zava-miseho rehetra eran-tany ireo. Efa azo
atao ihany koa ny mahita ny toe-javatra iray amin’ny fotoana isehoany any an-toerana.
Ohatra, azontsika Malagasy natao na ny firenena hafa ny nijery ny fizotran’ny lalao niaraka
tamin’ny mpijery tany an-toerana tamin’ny amboara iraisam-pirenena teo amin’ny baolina
kitra izay notanterahina tany Brezil teo. Nanova zavatra betsaka teo amin’ ny fomba
fiainan’ny fiarahamonina araka izany ny fahatongavan’ireo zava-baovao ireo. Nisy ny fiovana
teo amin’ny lafiny tsara ary nisy ihany koa ny fiovana teo amin’ny lafiny ratsy naterak’izany.
Ny teo amin’ny lafiny tsara ohatra, afaka mifandray amin’ny fotoana rehetra sy
amin’ny toerana rehetra ny olona. Azo atao ihany koa ny mifanerasera amin’ny olona hafa
firenena. Tombony, afaka mifampizara sy maheno vaovao amin’ny fotoana rehetra ny
mpihavana na ny mpinamana na ny mpihara-monina. Raha misy ny ilana famonjena
haingana; azo antoka kokoa ny hahavoavonjy azy.
178
Amin’ny alalan’ny fitaovana atao hoe ―SKYP‖
105
Ny lafiny ratsy kosa: mihena ny fifaneraseran’ny olona amin’ny soratra, vitsy dia vitsy
ny mbola mandefa hafatra amin’ny alalan’ny taratasy indrindra ny tanora. Mihena ihany koa
ny fifandraisan’ny olona amin’ny boky ao anatin’izany ny mpianatra, any amin’ny ―Internet‖
no anaovan’ny ankamaroan’ny mpianatra fikarohana fa tsy any anaty boky intsony. Mihena
ihany koa ny fifaneraserana mivantana amin’ny alalan’ny fifanatrehan-tava. Ho an’ny
Malagasy manokana, mihalevona ny soatoavina hoe ―izay mahavangivangy tian-kavana‖.
Teo ihany koa ny fahatongavan’ny fiaramanidina, ny fiarakodia, ny sambo
isankarazany. Azo atao ny mifamezivezy amin’ny toerana rehetra ary ao anatin’ny fotoana
fohy noho ny fahatongavan’ireo fitaovana ireo. Toamasina-Maroantsetra, ohatra, amin’izao
dia adiny iray mahery amin’ny fiaramanidina, iray andro amin’ny sambo, telo andro na efatra
andro amin’ny fiarakodia, taloha anefa iray volana na iray volana mahery raha mandeha an-
tongotra. Ny lakan-day izay roa na telo herinandro eny ambonin’ny ranomasina raha mandeha
lakana. Hita araka ireo fa voafehy ny elanelan-tany noho ny fivoaran’ny fikarohana eo
amin’ny sehatra ny siansa.
a) Teo amin’ny lafiny fitaovana:
Fitaovana maro samihafa no tonga eny am-pelantanan’ny mponina noho ny
fikarohana nataon’ny manam-pahaizana. Anisan’izany ireo fitaovana ampiasaina eo amin’ny
fambolena toy ny angadin’omby, fitaovana fiavana vary ohatra ary ny fijinjana. Tsy voatery
atao amin’ny tanana intsony fa efa azo atao ny mampiasa ny trakitera ijinjana ny vary.
Eo amin’ny sehatry ny fanjonoana, fitaovam- panjonoana moderina manaraka ny
toetrandro maro no miparitaka eny rehetra eny toy ny harato be velarana ka ahafahana
mahazo trondro maro mandritra ny fisarihana indray mandeha monja. Tsy misy ahafahan’ireo
trondro miala na kely na lehibe, ireo karazana harato lehibe. Ny motera no miantoka ny
fampandehanana ny lakana. Ireo fitaovana maro samihafa ampiasain’ny sambo mpanjono
ohatra ny milina fampiakarana harato, ireo fitaovana fitehirizana sy fanodinana vokatra
ahitam-pivoarana avokoa. Miseho ihany koa ny fitaovana fanamboarana taozavatra toy ny
milina fanjairana, ny milina fanodinana ny karazana lamba maro samihafa. Hitan’ireo
manam-pahaizana ihany koa ny vata fampangatsiahana izay manamora ny fomba fiainan’izao
tontolo izao hitahirizana ny sakafo toy ny trondro. Ny lehibe indrindra dia ireo ozinina
mpamokatra ireo fitaovana rehetra ireo.
Andaniny, manala ny fahasahiranana sy manamora ny fiainan’ny zanak’olombelona
ny fahitana sy ny famokarana ireo fitaovana ireo.
106
b) Eo amin’ny sehatry ny varotra:
Noho ny fisian’ireo fitaovana maro samihafa ireo, nisy ny fiovana teo amin’ny sehatry
ny varotra, lasa nivelatra sy nihamora kokoa ny serasera ara-barotra. Azo atao ny mitondra na
mandefa ny vokatra any amin’ny toerana maro samihafa noho ny fisian’ny fitaovam-
pitaterana toy ny fiaramanidina, fiarakodia, ny sambo. Azo atao ihany koa ny tsy miala any
an-toerana fa mifandray sy mifanaraka amin’ny mpandraharaha ara-barotra any amin’ny
toeran-kafa fotsiny ka alefany ny vola ary alefan’ny avy any ny vokatra. Ohatra, ny
mpandraharaha ara-barotra aty Antananarivo mifandray amin’ny mpanjono any Ankiakabe.
Andaniny mandefa ny vola, ny ankilany mandray ny vokatra. Tanteraka ireny rehetra ireny
noho fisian’ny finday sy ny tambanjotram-pifandraisana maro samihafa.
d) Eo amin’ny lafiny toekarena:
Azo atao tsara ny mampandroso sy mampivoatra ny lafiny toekarena noho ireo
fivoarana ireo. Azo atao ny manova ny fomba fiasa hatramin’izay hifanaraka amin’ireo zava-
misy ireo ka hampisondrotra ny lafiny toekarena. Raha fivelomana fotsiny ny sehatry ny jono
hatramin’izay, noho ireo fitaovana ireo dia azo atao ny mamadika azy ho fampitomboan-
karena. Raha mandray sy mampiasa ireo ny mponina dia hiova ny toe-javatra eo amin’ny
lafiny toekarena ka hiroborobo fatratra.
e) Eo amin’ny lafiny sosialy:
Mifandray sy mifameno ny lafiny toekarena sy ny fari-piainan’ ny mponina. Rehefa
miakatra ny toe-karena hihatsara ny fari-piainan’ny mponina sy ny fomba fiainany
andavanandro. Hiova ny endriky ny trano ipetrahany sy ny ao anatin’ny trano. Izay fiovana
izay dia hanova ny rivo-piainana ao an-tokantrano sy ny fifandraisan’ny ankohonana.
III-1-3- Ny fiainan’ireo mpanjono ao Ankiakabe ny fivoarana sy ny
fandrosoan’ny teknôlôjia
Tsy ny karazam-pitaovana rehetra no azon’ny mponina ao Ankiakabe ampiasaina na
dia eo aza ny fihazakazaky ny fandrosoana eo amin’ny lafiny teknôlôjia. Eo amin’ny lafiny
serasera ohatra, vitsy mba tsy hilazana hoe tsy misy ny afaka mampiasa ny solosaina,‖
Internet,‖ ―ny facebook‖ raha ireo mpanjono no resahina. Ny antony ankoatra ny tsy fahafaha-
manao na ny tsy fahatomobanan’ny enti-manana ho amin’izany; azo lazaina ihany koa fa
mbola tsy tafiditra tanteraka amin’ny tontolo misy azy ny filana ireo fitaovana ireo. Lany eny
am-povoan-dranomasina sy lany amin’ny fisaintsainana ny fiainany sy ny fivelomany ny
ankabetsahan’ny fotoanany. Vokany tsy misy fotoana intsony atokany mba hamantarana ny
zava-baovao toy ireny. Izany hoe tsy mahalala ny fisian’ireo ny ankamaroan’ny mponina. Tsy
afaka mampiasa noho ny tsy fahalalana ny fampiasana azy kosa ny sasany. Ny tanora sy ny
107
mpianatra no tena liana amin’ny ankapobeny amin’ny ―Internet‖ sy ny ―Facebook‖. Any am-
pianarana no ahafantarany ny mombamomba ireo karazam-pifandraisana ireo. Ny
tanoran’Ankiakabe anefa, aty amin’ny fahazazana no efa manomboka mandao fianarana
sahady; hany ka maro ny zavatra izay tsy hananany fahalalana. Tafiditra amin’ny fandaharam-
pianarana ao amin’ny Lycée Maroantsetra ny ankapobeny mahakasika ny fikirakirana sy ny
fampiasana izany solosaina izany ary ny zavatra madinidinika manodidina izany. Natao izany
mba hahatonga ny tanora tsy ho vahiny loatra amin’ny fivoaran’ny serasera sy ny tontolony.
Ampahafantarina ao anatin’izany ny fomba famelomana ny milina sy ny fomba famonoana
azy. Ampahafantarina ihany koa ny fomba fampiasana azy. Omena ireo ankizy ihany koa ny
zavatra azo atao ao anatin’izay solosaina izay dia ny ―Internet‖, ny ―Facebook‖, sy ny sisa179
.
Mba manana fahalalana kely ny amin’ireo voalaza ireo ka tsy ho vahiny loatra amin’ny resaka
serasera atao amin’ireny sehatra ireny ny tanora Raha manohy fianarana hatrany amin’ny
Lycée izy ireo.
Ny finday no tena ampiasain’ny mponina ao Ankiakabe, mampiasa azy avokoa
manomboka amin’ny tanora izay efa manana fidiram-bola kely ka hatramin’ny lehibe sy ny
antitra. Hifandraisana sy hihainoana hira ny ampiasan’ny ankamaroan’ny mponina azy.
Nanala fahasahiranan’ny mponina amin’ny serasera amam-pifandraisana ny fahatongavan’io
fitaovana io. Efa tsy sahirana midododo mankany ambanivohitra intsony rehefa misy zavatra
atao na hafatra ampitaina. Mifampiantso fotsiny dia tonga ny hafatra. Ampiasain’ny tanora ho
fialamboly ihany koa izy io ho solon’ny ―onjam-peo‖ ary azony entina na aiza na aiza, na eny
an-dalana na eny am-panjonoana.
Eo amin’ny resaka varotra, tsy dia hita taratra loatra ny fampiasany ny ―Internet‖ sy ny
―facebook‖. Ny serasera amin’ny finday no ampiasain’ny mponina. Tsy dia mivelatra loatra
any amin’ny toeran-kafa fa mijanona ao amin’ny manodidina ihany. Midika izany fa na dia eo
aza ireo fivoarana eo amin’ny lafiny serasera ireo dia mbola tsy mifantoka na mivelatra loatra
amin’izany ny tontolon’ny varotra ao Ankiakabe fa ny fomba fiasa hatramin’izay ihany no
ampiasain’ ny ankamaroan’ny mponina. Azo atao anefa ny miserasera ara-barotra amin’ny
alalan’ireo fitaovana ireo. Izany hoe azo atao ny mifandray amin’ny olona ivelan’ny faritra na
ny olona manerana an’i Madagasikara amin’ny alalan’ireo fitaovana ireo eo amin’ny sehatry
ny varotra. Mitady mpandraharaha momba ny varotra any Toamasina, ohatra, na aty
Antananariva amin’ny alalan’ny ―Internet na Facebook‖. Ao no ifankahitana sy ifandraisana
ary ifankafantarana voalohany. Atao ny fifanarahana sy ny vinavinam-piaraha-miasa.
179
Fanadihadiana natao tamin’ny tompon’andraikitry ny Lycée miampy ny zava-nisy niainanay fony nianatra
tany amin’ny Lycée Maroantsetra.
108
Mivelatra kokoa ny sehatry ny varotra fa tsy mikatona na mijanona ao anatiny ao ihany
amin’izay fotoana izay.
Misy olona vitsivitsy mba efa mampiasa ireny fitaovam-pitaterana toy ny fiarakodia,
ny sambo mpitatitra entana ireny hanaparitahana ny vokatra. Ny maro amin'ireny dia saika
ireo mpanjono efa mampiasa fitaovana ambonimbony lenta kokoa sy ireo mpanjono izay sady
manao ny asa fanjonoana no manao asa momba ny varotra dia ireo efa mba matanjaka kokoa
eo amin’ny lafiny toekarena ka tsy sarotra ho azy ny mandefa vokatra any ivelan’ny faritra.
Ny fidangan’ny saran-dalana no olana mateti-pitranga. Mahatratra 700 ariary ka hatramin’ny
1000 ariary isaky ny kilo ny saram-pitaterana ny vokatra. Mavesatra amin’ireo mpanjono
izany ary mety hitarika ho amin’ny fatiantoka mihitsy aza. Noho izany toe-javatra izany,
mijanona amin’ny tsena ao anatiny ihany ka tsy afaka mivelatra amin’ny tsena any ivelan’ny
faritra ny ankamaroan’ny mpanjono madinika. Azo lazaina ho tsy dia nisy vokany loatra
tamin’ny fampivoarana sy fampandrosoana ny sehatry ny jono ny fahatongavan’ireo fitaovan-
tserasera ireo.
Ny fahatongavan’ireo ONG toy ny MNP, ny WCS, ny PSDR, ny MAKIRA izay
nitondra fitaovana vaovao sy ny fomba fiasa vaovao no nanomboka nanova ny zava-nisy teo
amin’ny sehatry ny jono an-dranomasina tao Ankiakabe. Nanomboka teo dia tonga teny
ampelantanan’ireo mpanjono tao Ankiakabe ireo fitaovam-panjonoana vaovao novokarin’ireo
manam-pahaizana. Ny taona nampahazo vahana ireo fitaovana ireo indrindra ny fitaovam-
panjonoana no nampizara ho roa miavaka tsara ny vanim-potoana nodiavin’ny tantaran’ny
jono an-dranomasina tao Ankiakabe. Ny taona 2000 no nanomboka nahazo vahana ireo
fitaovanana vaovao ireo. Nanomboka teo ihany koa ny fiovana lehibe teo amin’ny sehatry ny
jono an-dranomasina tao Ankiakabe.
III-1-3-1- Teo aloha
Mbola fiainana sy fisainan’ny olon-tsotra sy tsy nandranto fianarana no hita tamin’ireo
mpanjono tao Ankiakabe talohan’ny taona 2000. Fivelomana fotsiny ny sehatry ny jono
tamin’izay fotoana izay fa tsy tafiditra tao antin’ny sehatra fiharian-karena. 180
Izany hoe: asa
natao hitadiavana vola hividianana sakafo sy ny zavatra madinidinika ilaina amin’ny fiainana
andavanandro fotsiny toy ny sira, siramamy, savony, menaka sy ny sisa izany. Tsy nitady ny
hampivoatra sy hampandroso io sehatra io ireo mpanjono ireo noho izay toe-tsaina nananany
izay. Mbola mpitaiza zaza no tena anjara andraikitry ny vehivavy tamin’izany. Ny lehilahy no
180
Fanazavana nomen’i François Dany, 62 taona ; mpanjono monina ao Ankiakabe, ny 16 may 2013 tamin’ny 2
ora tolakandro sy Rakotoarivelo, filohan’ny fikambanana TPA , 50 taona, monina ao Ankiakabe ny 09 Jolay
2013 tamin’ny 3 ora tolakandro.
109
mpitady vola sy manao ny hampandroso ny lafiny toekarena. Mpitahiry izay azon’ny lehilahy
ihany ny vehivavy. Izany hoe mbola tsy nandray anjara loatra tamin’ny fampitomboana ny
lafiny toekarena ny vehivavy vadin’ny mpanjono. Mbola tsizarizary mantsy ny fitaovana teo
am-pelantanan’ireo mpanjono tamin’izany. Ny fintana no tena nianteherana ary mbola vitsy
dia vitsy ny nanana harato lehibe tahaka ny hita amin’izao fotoana izao. Olona tsy nianatra
manokana na olona tsy nahazo fiofanana manokana mahakasika ny jono an-dranomasina na
olona tsy manam-pahalalana manokana momba ny toekarena ny ankamaroan’ireo mpanjono.
Ny tsy fahampian’ny tany hovolena sy tsy fisian’ny asa azo ianteherana no nahatonga ny
maro amin’ireo mpanjono ho nanao ny asa fanjonoana ho foto-pivelomana.
Mbola tsotra dia tsotra ny fomba fiainan’ireo mpanjono tamin’izany fotoana izany,
mbola tsy nozaraizarain’ny efitrano fa mbola navondron’ny efitrano iray ary io efitrano iray io
no ihaonana amin’ny fotoana rehetra ao an-trano. Ao no ikoranana sy ifampitafana amin’ny
takariva eo ampiandrasana ny sakafo ho masaka. Ao ihany koa no ifampitantarana ny zava-
nisy niseho nandritra ny andro, eo koa no ilazan’ireo ankizy ny hetahetany sy ny fikasany ary
ny hanambaran’ny ray aman-dreny ny tokony hataony sy ny tsy tokony hataony. Mandritra io
fotoana io ihany koa no hisangisangiana sy hifampikasohana akaiky amin’ny ankizy.
Vokatr’ireo toe-javatra ireo, nanana fifandraisana ankaiky sy nanana fifankazahoana am-po
ny ray aman-dreny sy ny zanaka ka rehefa miteny ny ray amn-dreny dia manaiky sy mankato
avy hatrany ny zanaka. Izany no mahatonga ny olona taloha na dia efa lehibe manan-
tokantrano aza dia tsy sahy mandika ny tenin-dray aman-dreny.
III-1-3-2 Ankehitriny
Niova ny fomba fisainan’ireo mpanjono tao Ankiakabe nanomboka ny taona 2000
nankaty. Tsy antom-pivelomana fotsiny ny asa fanjonoana fa sehatra hampitomboana harena.
Nanomboka teo, nanampy sy nanohana ankaiky ny vadiny ireo vehivavy tao Ankiakabe.
Nandray anjara tamin’ny fampidiram-bola sy ny fanatsarana ny lafiny toekarena ihany koa izy
ireo. Anisan’izany ny fanitarany ny tsenany ka tsy mijanona amin’ny trondro azon’ny vadiny
fotsiny izy ireo. Maka trondro amin’ny mpanjono hafa hafoti-barotra indray izy ireo raha
kelikely ny vokatra miakatra ho an’ny mpanjono. Anisan’ny fomba fiasan’izy ireo ihany koa
rehefa betsaka ny trondro eny an-tsena dia maka amin’ny vidiny mora ka hamainina ary
amin’ny fotoana tsy hisian’ny trondro izy vao hamidy maina.
Maro tamin’ny mponina tao Ankiakabe ihany koa ny tsy mijanona tamin’ny asa
fanjonoana fotsiny ihany fa mampivady izany tamin’ny asa hafa. Tsy ny mponina ao
Ankiakabe ihany anefa no manao izany zavatra izany fa ny ankamaroan’ny mpanjono ao
110
amin’ny faritra Analanjirofo iny. Mizara ho sokajy telo lehibe ny mpanjono ao Ankiakabe
raha izay asa fivelomana izay no jerena.
Ny sokajy voalohany dia ireo tokantrano mpanjono izay tena mivelona amin’ny jono
fotsiny ihany. Izany hoe tsy misy asa hafa ataony ankoatra ny jono. Ny fanadihadiana natao
tamin’i Solofo Andriamaharavo, tompon’andraikitry ny jono ao amin’ny WCS181
ny 11
Aprily 2013 tamin’ny 3 ora hariva no ahafantarana fa amin’ny ankapobeny ireo sokajin’olona
ireo dia vahiny mpihavy eto Ankiakabe. Tsy manana tany ho volena ka mihonona amin’ny
jono, ho antom-pivelomany izy ireo amin’ny maha vahiny azy.
Ny sokajy faharoa dia ireo mpanjono mampivady ny asa fanjonoana amin’ny asa
fambolena. Izany hoe sady manjono izy no mamboly. Olona avy amin’ny toerana na tanàna
madinika manodidina an’i Maroantsetra ka mifindra monina ao Ankiakabe ireo vondronolona
ireo. Manana tany fambolem-bary (ôraka) sy fambolena vokatra samihafa tsy lavitra
an’Ankiakabe ireo olona ireo ka tsy manahirana azy ny mampivady ireo asa roa ireo.
Ny sokajy fahatelo kosa dia ireo mpanjono mampivady ny asa fanjonoana amin’ny
fandraharahana momba ny varotra. Azo lazaina ho efa lasa lavitra kokoa amin’ity fihariana
momba ny jono ity ireto vondronolona ireto. Harifomba kokoa ny fitaovana ampiasainy raha
ampihataina amin’ireo antoko roa teo aloha. Mampiasa olona maromaro izy ary tsy mionona
amin’ny tsena anatiny ihany fa manondrana vokatra amin’ny toerana ivelan’i Maroantsetra.
Ohatra: Toamasina, Mananara. Raha jerena dia efa sehatra lehibe sy mivelatra kokoa ity
sehatra sahanin’ireo mpanjono ato amin’ity antoko fahatelo ity. Nisy ireo fiovana ireo noho
ny fanampiana sy ny fanofanana nentin’ireo ONG sy ny fanjakana. Nofanina ireo mpanjono
mba hanana fomba fiasa vaovao sy fomba fijery vaovao eo amin’ny sehatry ny fiharian-
karena momba ny jono. Noho ireo ezaka natao ireo dia nisy ny fiovana sy ny fivoarana teo
amin’ny sehatry ny jono an-dranomasina ary nisy fivoarana sy fandrosoana tahaka izany
ihany koa ny fiaimpiainan’ireo mpanjono.
Niova ny endrikendriky ny trano, efa tsy trano falafa toy ny taloha intsony fa efa trano
vita amin’ny hazo tsara tarehy izay mijoro etsy sy eroa. Vitsy ny mbola mampiasa tafo
―kasaka‖ fa ny ankamaroany dia tafo fanitso avokoa. Efa tsy efitra tokana tahaka taloha
intsony fa efa mba efitra maromaro ary efa hita ao ny efitra fandraisam-bahiny, ny efitra
fihinana, efitra fatoriana maromaro. Hita ho niova ihany koa ny fanaka ampiasaina ao an-
tokantrano, raha seza bory sy ny akalana no nampiasaina teo aloha, amin’izao kosa dia efa
nilaozana izany ka mampiasa seza ―meuble‖ ny maro amin’ny mponina. Raha nisakafo teo
181
WCS: Wildlife Conservation Society
111
ambonin’ny lambanana no fomba fanao teo aloha niova izany ka efa eo ambonin’ny latabatra
ny amin’izao. Maro amin’ny mponina ihany koa no efa manana ny fahitalavitra sy ny―radio‖.
Niova nanaraka izany koa ny endrikendriky ny ao an-trano, raha matory amin’ny tany ny teo
aloha, amin’izao kosa dia efa manomboka matory eo ambony farafara ary efa mampiasa
―éponge‖ ny ankamaroan’ ny mponina. Efa voahaingo sy voaravaka tsara ny tokantranon’ny
mpanjono maro ao Ankiakabe amin’izao, efa maro ihany koa ny manadio sy mampangirana
ny gorodona. Nahitana taratra ihany koa fa efa niova ny zava-misy eo amin’ny sehatry ny
jono an-dranomasina ao Ankiakabe, ny fahitana fa saika ny takantrano rehetra no manana
bisikileta ary efa maro ihany koa ny manana môtô. Midika izany rehetra izany fa nisy ny
fivoarana sy ny fandrosoana teo amin’ny sehatry ny jono an-dranomasina tao Ankiakabe ka
nampiova ny kojakoja ilaina ao an-tokantrano.
Noho izany miezaka ireo mpanjono ao Ankiakabe mba hampandroso sy hampivelatra
kokoa ny seha-pihariana momba ny jono, amin’ny alalan’ny fampivadiana izany asa izany
amin’ny asa hafa mampidi-bola.
Ahoana ary no hiatrehan’ireo sokajy tsirairay ireo izany asany izany eo amin’ny
andavanandrom-piainany.
III-1-3-3- Ny andavanandrom-piainan’ireo mpanjono
Manana ny fandaharam-potoanany hiatrehany ny asany mandritra ny tontolo andro toy
ny olona rehetra ny mpanjono. Mifoha mialoha ny amin’ny roa ora maraina ny fianakaviana
mpanjono satria amin’ny roa ora ny fiaingana ka ny fanomanana sy ny fanamboarana sakafo
dia mialoha izany ora izany.
Ny lehilahy no mandeha manarato na manjono fa ny vehivavy no mikarakara ny ao
an-trano mandrapiverenan’ireo izay nandeha nanarato na nanjono. Manenjika ny fanadiovana
sy ny fandaminana ny ao an-tokantrano ny renim-pianakaviana mandritra ny maha eny
ampovoan-dranomasina ny raim-pianakaviana. Mandritra izany ihany koa no hanenjehana ny
sasa lamba sy ny fikarakarana sakafo ary ny zavatra madinidinika ilana fandaminana ao an-
trano. Miainga miala ao an-trano ny raim-pianakaviana miaraka amin’ny zanany ho an’ny
manan-janaka lahy efa afaka manampy azy. Mifanao fotoana amin’ny mpanjono mifanakaiky
trano aminy kosa ireo tsy mana-janaka afaka hanampy na tsy manana olona manampy azy.
Misakafo tsara alohan’ny handeha satria mitaky hery ny fivoizana ny lakana sy ny asa atao
any ampovoan-dranomasina, tsy vitan’ny misakafo fotsiny fa mitondra sakafo ihany koa ho
tohan’aina any am-piasana. Tsy mandeha tsirairay fa lakana telo na efatra no miara-miainga
eo amin’ny seranana amin’iny maraina be iny mba hisorohana ny loza na olana mety hitranga.
112
Eo ho eo amin’ny folo ora maraina dia efa miandry any antsiranana fitodiana
(Antsiranamborondolo) ny vehivavy vadin’ny mpanarato sy ny zanany vavy. Mitondra koveta
hitondrana ny trondro azo ireo ary izy ireo ihany koa no mandeha mivarotra azy rehefa avy
eo. Miara-manasa harato sy manaisotra ny trondro mbola eo amin’ny harato miaraka amin’ny
mpanarato aloha ny mpitsena (na vadiny ho an’izay manambady na zanany na anabaviny ho
an’izay tsy manambady) rehefa tody soa aman-tsara ny mpanarato aorian’izay vao lasa
mankany an-tsena ny mpivarotra. Ny mpanarato kosa mitondra ny fitaovana mody any an-
trano. Manamboatra harato na mandrary harato ny raim-pianakaviana miaraka amin’ny
zanany lahy mandra-piverin’ireo mpivarotra, rehefa tonga ny mpivarotra dia miara-misakafo
ny mpanakavy.
Rehefa fotoanan’ny ketsa dia mizara ny olona ao an-trano ka ny raim-pianakaviana
irery no mandeha manjono fa ny sisa dia any an-tanimbary. Amin’ny ankapobeny dia efa tsy
fotoam-pianarana ny fotoana fambolem-bary any amin’ny faritra manodidina an’i
Maroantsetra anisan’izany ny ao Ankiakabe satria ny fotoana fambolem-bary any dia ny
volana Jolay, Aogositra ka afaka manampy tsara ny ray aman-dreny ny zanany mba tsy
ampahavesatra loatra ny asa.
Hafa noho izay ny fisehony ho an’ireo mampivady ny asa fanjonoana amin’ny
fandraharahana momba ny varotra. Amin’ny ankapobeny, tsy mankany an-dranomasina mba
hanarato izy fa ny olona karamaina ihany no manarato ary ny fitaovana miaraka amin’ny
vokatra azo no aterina rehefa avy manarato ireo olona mikarama ireo. Manara-maso ireo
olona ampiasainy no ataony ankoatra ny andraikiny amin’ny fivarotana, izany hoe ny
fivarotana no tena asa ataony.
Ny fahaizan’ireo fianakaviana mpanjono mandamina mandrindra ny fandaharam-
potoany isan’andro mba hahatrarany ny asa fivelomany no antoky ny fahatsarana sy ny
fiakaran’ny faripiainany.
III-2-Fiantraikan’ireo zava- baovao nentin’ny fandrosoana eo amin’ny
jono an-dranomasina
Araka ny efa voalaza teo aloha, nisy ny fiovana teo amin’ny lafiny fifandraisana na ny
serasera noho ny fahatongavan’ireo fitaovana maro samy hafa voatokana ho amin’izany.
Tafiditra tany amin’ny faritra manodidina an’i Maroantsetra anisan’izany ny tao
Ankiakabe ireo fitaovam-panjonoana maoderina manaraka ny toetrandro toy ny harato lehibe
fampiasa any ampovoan-dranomasina. Izany hoe: harato mahazaka 200 kilo mahery, ny
113
karazana harato ramikaoko. Nanomboka nisy ihany koa ny sambo vaventy mpanjono 182
izay
manana fitaovana arifomba toy ny harato lehibe no sady kely. Mahafaoka ny karazan-javatra
maro ny milina fampiakarana harato lehibe ireo sy fitaovana fitehirizana ary fanodinana
vokatra nanomboka ny taona 2000183
.
Nifanindrandalana tamin’ny fahatongavan’ireny zava-baovao ireny ny
fahatongavan’ny fomba fiasa vaovao teo amin’ny sehatry ny jono an-dranomasina. Nanova
zavatra betsaka teo amin’ny fiainana sy ny fomba fiainan’ny mponina ny fahatongavan’ireo
rehetra ireo.
Nisy akony lehibe teo amin’ny sehatry ny jono an-dranomasina tao Ankiakabe ihany
koa ny fidiran’ireo zava-baovao ireo indrindra ny teo amin’ny fiainan’ny isan-tokantrano.
Endrika roa no nisehoan’ny fiantraikan’ny fidiran’ireo zava-baovao ireo. Andaniny, nisy ny
nandray ireo zava-baovao ireo ka nitarika ho amin’ny fanatsarana. Ankilany, nisy kosa ny
nandray ireo ka nitarika ho amin’ny fanimbana. Noho ny fisian’izay tsy fitoviana teo amin’ny
fandraisana ireo zava-baovao izay dia nisy ny vokatra tsara sy ny lesoka teo amin’ny sehatry
ny jono an-dranomasina.
III-2-1-Vokatra tsara:
Nahatonga ireo mpanjono hanana fomba fijery vaovao ny fidiran’ireo fitaovam-
panjonoana maoderina. Nanomboka nanana hetaheta ny hampandroso sy hampivoatra ny
sehatry ny jono ireo mpanjono. Manaporofo izany ny fijoroan’ny fikambanana mpanjono
PCDDBA ny Oktobra taona 2000184
. Nanana tanjona ny hampandroso sy hampivoatra ny
sehatry ny jono ny fikambanana. Tsy tao anatin’ny fikambanana ihany no nisian’izay
hetaheta izay fa ny tsirairay ihany koa dia samy nanova sy nanatsara ny fomba fiasany mba
hisian’ny fandrosoana eo amin’ny sehatry ny jono. Tsy nionona tamin’ny fintana sy harato
madinika intsony ireo mpanjono fa nanomboka nampiasa ny fintana maro lela185
sy ireo
harato lehibe izay manana refy zato metatra miakatra. Niakatra noho izany ny fari-
piainan’ireo mpanjono tao Ankiakabe noho ireo toe-javatra ireo.
Noho izay fiovana teo amin’ny sehatry ny jono izay dia niova ihany koa ny fomba
fijerin’ny fiarahamonina ireo mpanjono sy ny asa fanjonoana. Lasa asa manana ny maha izy
azy ny jono an-dranomasina ary lasa nanana ny hajany ihany koa ireo mpanjono.
182
Chalutier 183
Hoy i BE Alexis tompon’andraikitry ny jono, monina ao Ankiakandrefana, 58 taona, ny 25 martsa 2013
tamin’ny 2 ora ka hatramin’ny 3 ora sy sasany. 184
BE Alexis tompon’andraikitry ny jono, monina ao Ankiakandrefana, 58 taona ny 25 martsa 2013 tamin’ny 2
ora ka hatramin’ny 3 ora sy sasany. 185
Palengre
114
Azo lazaina araka izany, fa nampivoatra sy nanatsara ny sehatra ny jono an-
dranomasina tao Ankiakabe ny fidiran’ireo fitaovam-panjonoana vaovao ireo.
Na dia teo aza anefa izany dia tsy azo lavina fa nisy ny lafy ratsiny araka izay ho hita
manaraka eto.
III-2-2-Ny lesoka:
Tato amin’ny faritanin’i Toamasina, azo lazaina ho nanana vokatra tsara teo amin’ny
sehatry ny jono an-dranomasina ny faritry ny Helodranon’Antongil (Mananara Maroantsetra)
talohan’ny taona 2000.
Nahatsapa anefa ireo tompon’andraikitry ny jono sy ny ankamaroan’ny olona ny taona
2000 mankaty fa nikorosifahana ny vokatry ny jono an-dranomasina tamin’ireo faritra ireo.
Manaporofo izany ny fisehon’ny vokatra taty aorian’ny taona 2000 izay nidina 2 ka
hatramin’ny 10 kilo isan’andro ny vokatra. Ny teo aloha mantsy dia 3 ka hatramin’ny 50 kilo
isan’andro ny vokatra azo. Nitotongana araka izany ny vokatry ny jono an-dranomasina tao
Ankiakabe nanomboka io taona io noho ny antony maro samihafa.
Ny ramikaoko sy ny voka-dratsiny:
Anisan’ny antony nahatonga izany fitotonganana izany ny fidiran’ny ramikaoko.
Tafiditra tany amin’ny faritra Maroantsetra izany karazana harato izany nanomboka ny taona
2000 ary harato 5 no hita tany amin’ny kaominina Voloina sy kaominin’I Maroantsetra tany
am-piandohana.186
Izany hoe, ahitana harato 5 ao anatin’ny toerana roa.
Nitombo isan-taona izany tarehimarika izany, tafiakatra hatrany amin’ny 67 ny
isan’ny harato hita ao anatin’ny toerana 8 mampiasa ramikaoko ny taona 2013. Miavaka
amin’ny harato harabaraba ity harato ramikaoko ity. Mandray ny karazan-javatra rehetra izay
mifanena aminy izy rehefa ampiasaina. Raisiny avoko ny karazan-trondro rehetra na kely na
lehibe. Tsy ny trondro ihany anefa fa hatramin’ny tapaka hazo sy ny zava-maniry any anaty
ranomasina dia kaohiny avokoa.
Misy akony lehibe aty amin’ny vokatra izay toetoetran’ny fitaovana ampiasaina izay.
Ripaka dieny fahakeliny ny ankamaroan’ny hazandrano. Raha ny tokony ho izy, ny trondro
efa mamela taranaka no azo jonoina. Izany hoe hazandrano efa lehibe, izany no nahatonga ny
lalàna hoe: harato 3 tondro miakatra no azo ampiasaina. Ny antony izay dia hahazoana
trondro efa lehibe ny harato 3 tondro fa tsy zana-trondro intsony. Ao anatin’izany dia tsy
voahelingelina ireo trondro madinika fa afaka mitombo tsara. Natao izany mba tsy hahalany
taranaka ny trondro fa hifandimby eny hatrany.
186
Fanazavana nomen’i BE Alexis tompon’andraikitry ny jono andranomasina, monina ao Ankiakandrefana ny
25 martsa 2013 tamin’ny 2 ora ka hatramin’ny 3 ora sy sasany tolakandro.
115
Ahina ny hahalany taranaka ny karazan-trondro maro ny fampiasana ny ramikaoko
satria mbola tsy mamela taranaka ny zana-trondro dia efa ripaka sahady. Vokany mihavitsy
ny trondro mpanome zanaka ary mety ho lany tamingana mihitsy aza ny hiafarany.
Noho ireo toe-javatra ireo, vitsy dia vitsy ny trondro lasa lehibe hany ka kely ny
vokatra ho an’ireo mpanjono mampiasa fitaovana ara-dalàna.
Tsy olom-bitsy anefa ireo olona mampiasa ity ramikaoko ity fa olona maro izay vao
mainka manampy trotraka amin’ny fahasimabana aterany.
Olona any ho any amin’ny 477 no mpitarika ramikaoko 187
hita ato amin’ny faritry ny
helodranon’Antongil (Mananara-Maroantsetra). Ny 65,6% amin’ireo olona ireo hita amin’iny
faritr’i Maroantsetra iny avokoa.188
Olona tsy manana fahaiza-manao momba ny jono ny ankamaroan’izy ireo. Mpamboly
sy mpianatra izy ireo teo aloha fa noteren’ny adim-piainana sy ny fahasahiranana ka nanao io
asa io. Tsy mba manana ny tena toe-tsain’ny mpanjono izay mitsinjo ny ho avy sy ny any
aoriana ireo olona ireo.
Raha ny fotoana ampiasana io fitaovana io kosa no asian-teny, tsy mahagaga raha
mihoa-pampana ny fahasimbana entiny. Mandritra ny taona ny fampiasana azy, izany hoe tsy
misy fotoanany fa ny volana rehetra mandritra ny taona dia ampiasana azy avokoa.
Raha ny herinandro kosa no jerena, 5 andro ao anatin’ny herinandro dia ampiasana azy
avokoa, 200 andro kosa ny fitambaran’ny andro rehetra ampiasana ny ramikaoko mandritra
ny taona.189
In-droa ao anatin’ny indray andro ny fampiasana ny ramikaoko dia ny maraina sy
hariva, amin’ny maraina: amin’ny 5 ka hatramin’ny 9 ora, amin’ny hariva kosa amin’ny 12
ora ka hatramin’ny 3 ora.190
Ireo rehetra ireo dia maneho fa tandimonin-doza isan’andro ny
fiainan’ireo trondro ary sarotra ho azy ny hahita fialofana azo antoka sy hanatodizany.
Ny vokatra kosa dia eo ho eo amin’ny 5 kg – 20 kg isaky ny mampiakatra. Indroa
mampiakatra ny tapany maraina ary in-droa ihany koa ny hariva. Ao anatin’ny iray andro dia
187
Tireurs de sennes de plages 188
ANDRIAMARAVO(S)& RAHARINAIVO (H.c)& RASOARIMANANA(B) , Rapport d’étude sur les
impacts écologiques,sociaux et économiques de l’utilisation des sennes de plage dans la Baie d’Antongil. »477
individus ont été recensés comme tireurs de sennes de plages dans la Baie d’Antongil dont 65,6% des
pratiquants sont des originaires de la ville de Maroantsetra. 189
La senne de plage se pratique pendant toute l’année durant lesquels elle est pratiquée au moins 5 jours par
semaine. Selon l’estimation, une senne de plage est utilisée environ 200j par ans, in rapport d’étude sur les
impactes écologiques, sociaux et économiques de l’utilisation des sennes de plage dans la Baie d’Antongil,
fanadihadiana nataon’i Solofo ANDRIAMARAVO sy Hajavelo Charline RAHARINAIVO ary Briac
RASOARIMANANA ny taona 2013. 190
« Une senne de plage peut être utilisée 2 fois par jour,la première,tôt le matin(entre 5 à 9 heures) et de l’après
midi (entre 12 à 15 heures) ». in rapport d’étude sur les impactes écologiques, sociaux et économiques de
l’utilisation des sennes de plage dans la Baie d’Antongil, fanadihadiana nataon’i Solofo ANDRIAMARAVO sy
Hajavelo Charline RAHARINAIVO ary Briac RASOARIMANANA ny taona 2013.
116
20 – 80 kg ny vokatra azo. Ao anatin’ny herinandro kosa dia 100 kg – 400 kg ny vokatra azo,
ary mandritra ny taona di 20t – 80 t. Izany hoe zana-trondro 20t – 80 t no ripaka isan-taona.
Mampidina ambany dia ambany ny vokatry ny jono izany fahasimbana lehibe izany.191
Mety
hahalany tamingana haingana ny trondro ny gaboraraka ataon’ny mpanjono.
Ny sambo vaventy sy ny fitaovana arifomba
Tsy izay ihany anefa ny olana misy ka mampidina ny vokatry ny jono fa eo ihany koa
ny fidiran’ny sambo vaventy mpanjono avy amin’ny ―Société Réfrigépêche Est‖ Toamasina
izay miditra amin’ny faritra iasan’ny mpanjono madinika indraindray. Miteraka olana lehibe
amin’ireo mpanjono amin’ny faritra manodidina an’i Maroantsetra izany araka ny zava-misy
ao Ankiakabe. Ny fidinan’ny vokatry ny jono amin’ny faritra ijanonan’ny sambo mpanjono
no olana voalohany naterak’izany. Mandritra ny fotoana ijanonan’ny sambo mpanjono
amin’ny faritra anjonoan’ny mpanjono madinika, zara raha mahazo 2 kg na 3 kg ny mpanjono
iray isaky ny mandeha manjono. Manana fitaovana matanjaka sy avo lenta mantsy ireny
sambo mpanjono ireny ary andro aman’alina no hiasany ka betsaka araka izany ny vokatra
azony ka mihavitsy ny trondro ka tsy misy ho an’ny mpanjono madinika intsony.
Harato manana halava an-kilometatra no ampiasainy. Milina no mampiakatra azy avy
ao anaty ranomasina. Azo vinaniana araka izany fa aman-taonina ny trondro azony mandritra
ny fe-potoana ijanonany amin’ny faritra iray. Olana faharoa mipetraka ihany koa ny karazana
harato ampiasainy. Harato madini-maso mitovitovy amin’ny ramikaoko no ampiasainy ary
lava no sady ngeza noho ny ramikaoko aza. Fahapotehana mihoatra noho ny fahapotehana
ateraky ny fampiasana ny ramikaoko ny fahapotehana hita vokatry ny fampiasan’ny sambo
mpanjono ity harato ity.
Tsy vitan’ny hoe mihavitsy ihany ny trondro fa ny zana-trondro izay tokony ho
vokatra andraindraina rahampitso koa faohin’io karazana harato io avokoa. Tsy ny trondro
ihany anefa no faohin’ilay harato fa hatramin’ny poti-javatra izay tokony ho sakafon’ny
hazandrano sy ireo zava-maniry iainan’ireo trondro any an-dranomasina. Mihasarotra araka
izany ny hiveloman’ireo trondro sisa tsy ripaky ny ramikaoko sy ny sambo mpanjono. Tsapa
araka ireo fa mihamanjombona ny ho avin’ny asa fanjonoana nentim-paharazana aty amin’ny
faritr’i Maroantsetra.
191
ANDRIAMAHARAVO Solofo, RAHARINAIVO Hajavelo Charline, RASOARIMANANA Briac, Rapport
d’étude sur les impacts écologiques, sociaux et économiques de l’utilisation des sennes de plagedans la Baie
d’Antongil, Avril 2012 , p5,6 .
117
Ny olana amin’ny fiovan’ny toetrandro
Olana lehibe tsy mbola nahitam-bahaolana hatramin’izao ny olana amin’ny fiovan’ny
toetrandro. Anisan’ny antony mahatonga io fiovana io ny fahasimban’ny sosona ôzônina.
Miaro ny tany tsy hodoran’ny hafanan’ny masoandro ny sosona ôzônina araka ny voalazan’ny
manam-pahaizana. Izany hoe, mandalo amin’ny sosona ôzônina ny hafanana halefan’ny
masoandro, mihamalefaka iny hafanana iny ka tsy mandoro mivantana ny tany.
Mihasimba tsikelikely io sosona ôzônina io noho ireo entona simika avoakan’ny
ozinina maro sy ireo fiara isan-karazany ary ireo entona ampiasaina amin’ny vata
fampangatsiahana. Manova tsikelikely ny toetrandro izay fahasimban’ny sosona ôzônina izay
ary nanova ihany koa ny tontolo iainan’ny zavaboary sy ny olombelona. Manomboka
manjavona sy mihalevona tsikelikely ireo biby sy ireo zavamaniry izay tsy mahazaka ny
hafanana noho ny fitomboan’ny hafanan’ny tany. Rehefa mihamafana ny tany, mihamafana
ihany koa ny ranomasina izay iainan’ireo hazandrano sy ny zavamaniry samihafa
iveloman’ireo trondro ao anaty ranomasina ao.
Misy akony amin’ireo trondro sy ireo zavamaniry ireo izany fiovan’ny tontolo iainany
izany. Maro amin’izy ireo no tsy mahazaka izany ka ahina ny hahalany tamingana azy. Ritra
ny ankamaroan’ny loharano noho ny fitomboan’ny hafanana, nefa ireny loharano ireny no
mitondra ny biby madinika toy ny kankana sy ny maro hafa ary ny poti-javatra ho
sakafon’ireo trondro any an-dranomasina. Manimba ny fitomboan’ny trondro sy mahafaty ny
karazany maro amin’ireo ny fahatapahan’ny loharano. Mihahosa araka izany ny vokatry ny
jono ary maro ireo trondro lany tamingana.
Tsy ny trondro sy ny zava-manana aina ihany anefa no lasibatry ny vokatry ny
fiovan’ny toetrandro fa niharan’izany ihany koa ireo zava-maniry sy ny karazana vato izay
hialofan’ireo trondro.
Ny loza mitatao
Toeram-pialofan’ireo trondro ny alan-tsavoka sy ny vatoarana. Any anatin’ireny no
manatody ireo karazana hazandrano maro samihafa. Apetrany any antsefatsefan’ireny ny
atodiny mba tsy ho lanin’ny trondro hafa.
Karazana hazo maniry manamorona ny ranomasina ny ―savoka”. Hazo somary
kelikely fa tsy dia lehibe izy io, mivoaka ety ivelany ny vahany, mifanetihety ka lasa toa fefy.
Mialoka ao anatin’ireo ny trondro andeha hanatody avelany any anatin’ireny ny atodiny mba
ho voaharo.
Ny“vatoharana” kosa, karazana vato mipetraka any anaty ranomasina, be dia be izy
ary mifanaingitaingina ao anaty rano. Fialofana azo antoka ho an’ireo zana-trondro mbola
118
malemy sy mbola tsy maharo tena eo anoloan’ireo trondro lehibe ny matanjaka izy ireny.
Izany hoe tsy misy fiarovana ireo atodin-trondro sy ireo zana-trondro raha tsy eo ireo zavatra
roa ireo.
Mihalany taranaka sy ripaka anefa ireo karazan-kazo sy ireo karazam-bato ireo noho
ny fiovan’ny toetrandro sy ny fanimbana ataon’ny olona, alain’olona ampiasainy amin’ny
zavatra hafa io savoka io ka ripaka no sady tsy misy solony ny lasa. Toy izany koa ny
vatoharana, ampiasain’olona amin’ny fanamboarana lava-piringa manara-penitra izy io ka
mihavitsy. Mitsentsitra ny zavatra maloto any anaty ranomasina no asany, mitsentsitra ny
maloto ihany koa no antony ametrahana azy ao anaty lava-piringa. Roa araka izany ny asan’io
vatoarana io, miaro ny trondro amin’ny loto mety hanimba azy, miaro ihany koa ireo trondro
madinika amin’ireo trondro lehibe izay fahavalony. Viravirain’ireo trondro lehibe ireo zana-
trondro raha tsy eo izay toeram-pialofana izay. Noho izany, maro ireo trondro ripaka eo
amin’ny fahakeliny noho ny fahasimban’izay fialofana izay.
Ny loza mihatra
Vokatry ny fidiran’ny fitaovana maoderina ―Ramikaoko‖:
- tsy misy fialofana sy toerana azo hanatodizana ny trondro
- mihena ny trondro vaventy noho ny faharipahan’ny trondro hatramin’ny
fahakeliny.
Ireo toe-javatra ireo dia anisan’ny mampidina ny vokatry ny jono amin’iny faritra
Maroantsetra iny. Nisy fiantraikany taty amin’ny fiainan’ny fiarahamonina izany
fitotonganan’ny vokatra sy ny antony mahatonga izany fitotonganana izany.
III-2-3- Ny fiovam-piainana hita vokatry ny teknôlôjia maoderina:
Nanova ny fomba fiainan’ireo mpanjono tao Ankiakabe ny fidiran’ireo zava-baovao
nentin’ny fandrosoana teo amin’ny sehatry ny jono an-dranomasina. Roa ny fiovana nisy
naterak’ireo toe-javatra ireo ny fiovana teo amin’ny lafiny tsara sy ny fiovana teo amin’ny
lafiny ratsy.
III-2-3-1 Ny lafiny tsara:
Tombontsoa lehibe ho an’ireo mpanjono tao Ankiakabe ny fahatongavan’ireo
fitaovam-panjonoana maoderina izay nanova ny fomba fiasa sy ny fomba fijerin’ireo
mpanjono. Nahitana fiakarana ny fari-piainan’ireo mpanjono noho izay fiovana nentin’ny
fidiran’ny fitaovana vaovao izay.192
Manaporofo izany ny fahitana trano vaovao maro mijoro
ao Ankiakabe ary ny ankamaroan’ireo trano lehibe sy tsara tarehy hita ao dia saika trano
192
Fanazavana nomen’i BERTE, monina ao Antanambao Maroantsetra, 49 taona, tompon’andraikitry ny jono
any amin’ny faritra Voloina sy Ankaofabe, ny 11 martsa 2013 tamin’ny 10 ora maraina.
119
naorina taty aorian’ny taona 2000 avokoa.193
Nahitana fiovana izay ahatarafana ny fiakaran’ny
fari-piainan’ireo mpanjono ihany koa ny fivoaran’ny fitaovana nampiasain’ny
ankamaroan’ireo mpanjono tao Ankiakabe. Maro ireo mpanjono madinika mampiasa ny
lakan-jily no niakatra tamin’ny sehatra ambonimbony kokoa nanomboka ny taona 2000.
Nampiasa ny lakan-drafitra sy harato maromaro izy ireo, manomboka manome misasaka ny
harato any amin’ireo mpanjono madinika hafa koa. Izany hoe manome harato olona ka ny
vokatra azo dia zaraina roa mitovy: ny an-tsasany ho an’ny mpanjono ary ny an-tsasany ho
an’ny tompon’ny harato. Anisan’izany i Beresaka mpanjono monina ao Ankiakabe, nahavita
trano lehibe roa izy ary nahatsangana toeram-pivarotana iray.
III-2-3-2 Ny lafiny ratsy
Na dia teo aza ireo lafiny tsara tamin’ny nidiran’ny fitaovam-panjonoana vaovao, azo
lazaina ho namotika zavatra betsaka teo amin’ny tontolon’ny asa fanjonoana ihany koa ny
fidiran’izany fitaovana vaovao izany. Namotika ny tontolo eny an-dranomasina no sady
namotika ny fifandraisana nisy teo amin’ny fiarahamonina izany.
- Eo amin’ny tontolo an-dranomasina
Ny akony lehibe indrindra, ny fihenan’ny zava-maniry ao anatin’ny 50 metatra miala
ny morontsiraka194
, amin’ireo toerana izay ampiasana matetika ny ramikaoko. Ireny zava-
maniry ireny anefa, sakafo sy fialofan’ireo zana-trondro. Miteraka fahavoazana lehibe
amin’ireo trondro madinika ny tsy fisian’izany ary ahina ny haharipaka izy ireo anatin’ny
fotoana fohy. Mitombo ny hamaroan’ireo zana-trondro maty noho ny ramikaoko sy ny sambo
mpanjono ary ireo antony hafa izay namotika tamin’ny fomba aingana ny vokatry ny jono.
Noho ny fahapotehan’ny zana-trondro betsaka dia maro ireo karazan-trondro efa lany
taranaka toy ny Hena mahery, Lamboara, Tsiamangy, Troies taches, Pakobatra, Antsantsa,
Antafana, Ambanivava fotsy, Laoko sabatra, Sorokay195
. Izany hoe efa mihalany taminga.
Azo lazaina araka izany fa mihena ny vokatry ny jono, mihena ihany koa ny fisiany any an-
tsena.
Ankoatra ny fiakaran’ny vidim-piainana, io fahamaroan’ny trondro mihalany taminga
io ihany koa no nahatonga ny fiakaran’ny vidin’ny trondro eny an-tsena. Misy fiantraikany
any amin’ny isan-tokantrano izany satria tsy mitovy ny fahafaha-mividin’ny tsirairay.
Mitombo ny fahasahiranana eny amin’ny isan-tokantrano.
193
Araka ny fanadihadiana natao tao amin’ny kaominina andrenivohitr’i Maroantsetra.
195
Fampahalalana nomen’i ABASSE , tompon’andraikitra misahana manokana momba ny jono ao amin’ny
tetikasa PSDR, tamin’ny 20 Septambra 2014 .
120
- Eo amin’ny mpanjono
Mizara ho sokajy roa ny mpanjono raha izay lafiny izay; mpanjono mampiasa harato
ara-dalàna; mpanjono mampiasa ramikaoko.
Niteraka ady teo amin’ireo mpanjono ireo izany toe-javatra izany. Mahatratra any
amin’ny 25% ireo mpanjono mampiasa harato ara-dalàna. Manohitra ny fampiasana io
fitaovana io ireo olona ireo ary tsy vitan’ny hoe manohitra fotsiny fa manenjika no sady
manao ny fomba rehetra hanafoanana izany. Tsy manaiky izany anefa ireo mpampiasa
ramikaoko izay 75 isanjaton’ny mpanjono, eo amin’ny faritra manodidina an’i Maroantsetra.
III-2-4- Ireo fepetra noraisin’ny fanjakana sy ny tompon’andraikitra
manoloana ny olan’ny jono an-dranomasina
Nihena ambany dia ambany ny vokatra ho an’ireo mpanjono mampiasa fitaovana ara-
dalàna. Lasa fandaniana andro sisa ny asa fanjonoana satria mila tsy hahazo na dia ho laoka
indray mahandro aza. Vokatra izany, mikorosofahana ny fiainan’ny mpanjono ary zara raha
mahavidy sakafo ho an’ny ankohonany izy.
Manoloana io toe-java-misy io, niezaka nitady vahaolana ireo samy mpanjono. Ny
fananganana fikambanana iray, ivondronan’ny mpanjono rehetra amin’ny faritra manodidina
an’i Maroantsetra no hevitra hitany voalohany. Nitsangana ny fikambanan’ny mpanjono ny
taona 2003 ka nampitondraina ny anarana hoe: PCDDBA196
. Ny filoha mpitarika izany dia
Andriamatoa Dimilahy Maurice.
Nikaon-doha ny mpikambana naneho ny fitarainany tamin’ny fanjakana sy ny
tompon’andraikitry ny jono ny amin’ny olana atrehiny eo amin’ny sehatry ny jono. Niara-
nidinika tamin’ny tompon’andraikitra ny jono tany an-toerana ny fikambanana ka niezaka
nitady vahaolana. Ny fametrahana mpanara-maso any amin’ireo toerana manamorona ny
ranomasina no vahaolana hita. Ireo mpanara-maso ireo no nantsoiny hoe: VOI197
. Izany hoe
nametrahana vondronolona hanara-maso ny resaka jono any amin’ireo toerana ifaharan’ireo
mpanjono indrindra ireo mpanjono mampiasa ramikaoko. Hifehezana ny karazam-pitaovana
ampiasain’ireo mpanjono no tanjona. Eo ihany koa ny fisakanana ny fampiasana ireo
fitaovana tsy ara-dalàna.
196
Plateforme de Concertation du Développement Durable de la Baie d’Antongil 197
VOI : Vondron’Olona Ifotony
121
Olona valo isaky ny faritra no notendrena ho vondrona iray ary olona avy amin’ilay
toerana sy mpikambana ao amin’ny PCDDBA izany. Ankoatra ny fanaraha-maso ataony,
nomena fahefana ihany koa ireo hitantana ny ranomasina amin’ny faritra misy azy avy198
.
Nomena karatra ny mpanjono tsirairay avy mba hahafahan’izy ireo manara-maso ny
asa fanjonoana. Ny karatra no ahafantarana fa mpanjono ara-dalàna izy. Voaisy tombokin’ny
filohan’ny fokontany any an-toerana izany karatra izany ary tsy mahazo alalana hanjono izay
tsy manana an’io karatra io.
Ankoatra izany, nanangana dina ny fikambanana mba hanoherana ny fampiasana ny
ramikaoko izay tena olana. Dinam-pokonolona izay dina nampiharin’ny VOI any amin’ny
faritra iadidian’ny tsirairay avy.
Na teo aza izany, tsy nahavaha ny olana, ireo fepetra ireo fa mbola mitohy ihany ny
fampiasana ny ramikaoko. Izany indrindra no nahatonga ny Ministeran’ny jono niditra
antsehatra tamin’ny alalan’ny tetikasa ZAC199
tamin’ny taona 2006; ka ny tompon’andraikitra
tao anatin’izany tetikasa izany no niara-niasa tamin’ireo mpanjono tato amin’ny faritr’i
Maroantsetra mba hamahana ny olana vokatry ny fampiasana ny ramikaoko.
III-2-4-1- Ny fiaraha-miasa teo amin’ny mpanjono sy ny mpanao ny
tetikasa ZAC
Niara-niasa tamin’ny fikambanana mpanjono PCDDBA ny mpiandraikitry ny tetikasa
ZAC ny taona 2006. Naharitra iray taona ny fiaraha-miasa, izany hoe 2006 ka hatramin’ny
2007. Hanafoanana ny fampiasana ny ramikaoko no tanjona.
Niainga tamin’ny fanadihadiana ireo mpanjono ny fomba fiasa. Nojerena tamin’izany
ny karazana fitaovana ampiasain’ny mpanjono tsirairay. Ny valin’ny fanadihadiana no
nahitana fa mpanjono 25 no fantatra fa mampiasa ny harato ramikaoko. Nanatona ireo
vondronolona ireo ny tompon’andraikitra ao amin’ny PCDDBA sy ny tetikasa ZAC ka
nifampiresaka taminy.
Nesorina tamin’ireo ny ramikaoko ka nosoloana harato manara-penitra (1kg ary 5
tondro) ireo ramikaoko nampiasain’ireo mpanjono ireo. Izany hoe nomena harato ara-dalàna
tsirairay avy izy 25 nampiasa ramikaoko. Namatsy ireo fitaovana ireo ny tetikasa ZAC mba
hamahana ny olana eo amin’ny sehatry ny jono. Noraisin’ireo olona ireo ny harato izay
nomena azy ary nampiasainy.
198
Fanazavana nomen’i BE Alexis tompon’andraikitry ny jono andranomasina, monina ao Ankiakandrefana ny
25 martsa 2013 tamin’ny 2 ora ka hatramin’ny 3 ora sy sasany tolakandro. 199
ZAC: Zone d’Amenagement Concerter.
122
Tsy nijanona tamin’izay anefa ny fikambanan’ny mpanjono PCDDBA fa
nohamafisiny tamin’ny alalan’ny fangatahana tamin’ny ministera ny hamoahana lalàna
mifandraika amin’izany. Izany indrindra no nampiditra antsika amin’ny fepetra manaraka
noraisin’ny fanjakana manoloana ny olana atrehin’ireo mpanjono.
III-2-4-2- Famoahan’ny minisiteran’ny jono ny lalàna mandrara ny
fampiasana ny ramikaoko
Nangataka tamin’ny minisiteran’ny jono ny fikambanana PCDDBA ny mba
hamoahana lalàna manokana hahamafy orina ny dingana efa natao ny taona 2006. Nanaiky
izany fiaraha-miasa izany ny fanjakana ka namoaka ny « Arrêter » laharana 18/680/06 izay
mandrara ny fampiasana ny ramikaoko ao amin’ny baie d’Antongil tamin’ny 30 Oktobra
2006. Izany dia maneho fa tsy namela ireto mpanjono ireto ho irery ny fanjakana, fa niara-
nikaroka sy niara-namaha olana tamin’izy ireo izy. Nanao fanentanana sy fampahafantarana
an’izay lalàna izay ny tompon’andraikitry ny jono tao Maroantsetra rehefa nivoaka io lalàna
io. Izany hoe natao izay ahafantaran’ny olona rehetra izany lalàna izany alohan’ny
hampiharana azy. Rehefa nampiharina ireo rehetra ireo, hita fa nisy vokany saingy tsy
naharitra satria nijanona iray taona ny fampiasana ny ramikaoko. Izany hoe ny taona 2007 dia
foana ny fampiasana ny ramikaoko, taorian’izay anefa dia niverina indray ny fampiasana
izany ramikaoko izany.
Ny taona 2008 ka hatramin’ny 2012 dia tafaverina indray ny fampiasana ny ramikaoko
ary tsy nisy nahomby ny vahaolana naroso. Samy nanao izay tiany natao ny mpampiasa ireo
fitaovna ireo nandritra izany.
Namolavola vahaolana indray ny faritra Analanjirofo ny faramparan’ny taona 2012.
Nivoaka ny ―Arretée régionale‖ mikasika ny fitazonana ny ramikaoko, fivarotana ary ny
fampiasana izany ny taona 2013. Nampahafantarina ny mpanjono io lalàna io sady
nampiharina, saingy tsy nisy vokany ihany koa izany.
Samy nandamoka avokoa ny vahaolana rehetra na ny naroson’ny tompon’andraikitry
ny jono tany an-toerana na ireo mpanjono na ny naroson’ny ministeran’ny jono. Azo lazaina
ho tsy nahitana vahaolana ity olana mikasika ny ramikaoko ity.
Tsy ity olan’ny ramikaoko ity ihany anefa no tokony hikaroham-bahaolana fa eo ihany
koa ny fidiran’ny sambo vaventy aty amin’ny faritra iasan’ny mpanjono madinika sy ny tsy
fisian’ny fotoana ikatonan’ny fotoam-panjonoana. Ireo rehetra ireo dia samy manimba ny ho
avin’ny asa fanjonoana mitovy amin’ny ramikaoko kanefa tsy misy vahaolana azo aroso.
Noho izany, toa mijery fotsiny ny fanjakana sy ny tompon’andraikitra manoloana ireo olana
ireo fa tsy misy ny azony atao intsony satria tsy voafehin’ny lalàna ny mpanjono.
123
Mitombo andro aman’alina anefa ny fahasimbana aterak’ireo toe-javatra ireo ary
ahiana ho maro ireo karazan-trondro ho lany tamingana raha izao no mitohy. Tsy tafandry
mandry ireo tompon’andraikitry ny jono sy ireo mivelona amin’ny asa fanjonoana fa mitady
vahaolana mba tsy ho tonga amin’izany fahasimbana fara-tampony izany.
Ny vahaolana eritreretina naroso manaraka dia tsy hiady amin’ireo olana hita teo aloha
intsony fa hitady vahaolana vaovao. Fanangana toerana iray na maromaro hiarovana ireo
trondro tsy ho lany tamingana no fepetra noraisina.
III-2-4-3- Ny fananganana tahirin-daoko harovana
Rehefa tsy nahomby ny ady tamin’ny fampiasana ireo karazana harato tsy ara-dalàna
dia mitady vahaolana hafa ireo tompon’andraikitra sy ireo mpanjono. Ny fitehirizana ireo
trondro tsy ho lany tamingana no vahaolana hitan’izy ireo.
Ny fomba hanatanterahana izany dia ny fananganana tahirin-daoko harovana. Izany
hoe miara-mamaritra ny toerana izay atokana mba harovana any an-dranomasina ny
fokonolona sy ny mpanjono. Hiarahan’ny rehetra manapaka ihany koa ny velaran’ilay faritra
ho harovana. Iny toerana voafaritra iny dia harovana tahaka ny fiarovana ny valan-javaboary.
Ny mampiavaka azy amin’ny valan-javaboary dia azo atao ihany ny manjono ao fa amin’ny
fotoana voatokana sy voafetra. Tsy misy mahazo manjono na mamintana amin’izany toerana
izany ankoatr’io fotoana voatokana io. Natao izany mba tsy hahafoana ireo karazan-trondro
maro samihafa. Tsy fotoana mampanatody na mampitomba habe ny trondro ny fotoana
anjonoana ao amin’io toerana io fa fotoana efa mahalehibe azy.
Harato 4 na 5 tondro mihoatra sy ny fintana no fitaovana ampiasaina amin’izany. Tsy
ekena ny harato kely maso sy ny fitaovana hafa fankamamoana ary ny hafa manohitohina ny
fiainan’ny trondro. Misy lafiny mahatsara izany saingy misy ihany koa ny lesoka tamin’ny
fepetra noraisina.
- Ny lafiny tsara:
Mety hanova ny fomba fisainan’ny mponina sy ny mpanjono ny fametrahana io
tetikasa momba ny tahirin-daoko io, satria mitaky ny fiaraha-miasa amin’ny vahoaka ny
fanatanerahana azy. Tsy maintsy ataon’ny tompon’andraikitra ny mandresy lahatra ny
vahoaka amin’io tetikasa io. Tsy maintsy beazina ny vahoaka mba hahamora kokoa ny
fandresen-dahatra. Tsy maintsy tezaina hanana toe-tsaina hitahiry ny harena voajanahary izy
ireo. Omena torohevitra sy torolalana maro samihafa izy ireo mba hahatanteraka izany.
Mitaiza sy manefy ny fomba fisainan’ny mponina ireo torolalana sy fanabeazana ireo ka
hampitsiry ny fitiavany hitahiry ireo harena voajanahary indrindra ny any an-dranomasina.
124
Tsy hijanona amin’ny faritra kely fotsiny izany rehefa resy lahatra ny tsirairay fa mety hiitatra
ho amin’ny ranomasina iray manontolo.
- Ny lafiny ratsy:
Mety tsy hiombon-kevitra amin’izay fananganana ny tahirin-daoko izay ny rehetra.
Mety tsy hanaraka ny toromarika sy hanaiky ny fanapahan-kevitra horaisina ihany koa.
Hiteraka olana sy korontana eo anivon’ny fiarahamonina izany tsy fifanarahana izany ka
hampizarazara sy hiteraka ady eo amin’izy ireo.
III-2-4-4-Ny lesoka tamin’ireo fepetra noraisin’ny fanjakana sy ny
tompon’andraikitra.
Nifantoka tamin’ny lafin-javatra telo ny vahaolana naroso teo anatrehan’ny olana
mahakasika ny fitotonganan’ny vokatry ny jono an-dranomasina tany amin’ny faritr’i
Maroantsetra.
Ny lafin-javatra voalohany, niompana amin’ny lafiny fitaovana. Izany hoe novatsiana
fitaovana ara-dalàna ireo mpanjono mampiasa ramikaoko mba hialany amin’ny fampiasana
izany ramikaoko izany.
Ny lafin-javatra faharoa kosa, ny fanamafisana ny lalàna efa misy mikasika ny
fampiasana ny ramikaoko. Nohamafisina io lalàna io izay niafara tamin’ny fampidirana am-
ponja ireo tratra mandika lalàna eo amin’ny fampiasana fitaovana.
Ny lafin-javatra fahatelo farany, nifantoka tamin’ny fomba hitehirizana ireo trondro
tsy ho lany tamingana.
Ireo rehetra ireo anefa, tsy nahavaha tanteraka ny olana. Vao mainka nihamaro ny
nampiasa ny ramikaoko. ―Ny fanadihadiana natao no hanitana fa ny taona 2005, ramikaoko
32 no nampiasaina tato amin’ny faritry ny Helodranon’Antongil. Ny volana Mai 2012,
niakatra any amin’ny 185 ny isany. Nananika any amin’ny 250 ny taona 2013‖200
. Midika
izany fa tsy nahavaha ny olana ny vahaolana naroso, satria, arakaraky ny fisesin’ny vahaolana
no vao mainka nitombo ny isan’ny ramikaoko nampiasaina. Tsy nifanaraka tamin’ny olana
misy ny vahaolana naroso. Ny tsy fahafantaran’ny mpanome vahaolana ny tena olana fototra
no antony nahatonga izany.
Ny tsy fitsinjovana ny taranaka
Ny fahaverezan’ny foto-pisainan’ny Malagasy mahakasika ny fitsinjovana ny ain’ny
taranaka no olana azo tsapain-tànana.
200
ANDRIAMAHARAVO(S) & RAHARINAIVO (H.CH) & RASOARIMANANA(B), Rapport d’étude sur les
impacts écologiques, sociaux et économiques de l’utilisation des sennes de plage p3 « En 2005, 32 sennes de
plages ».
125
Mamy tamin’ny Malagasy tokoa izany taranaka izany. Fitsinjovana sy fitsimbinana ny
taranany no nahatonga azy hametraka lalàna maro samihafa hiarovana ny zavaboary sy ny
tontolo manodidina azy. Napetrany ny fady isan-karazany, ankoatra ny fiarovana ny tenany.
Napetrany ihany koa izany ho fiarovana ny tontolo manodidina azy mba tsy ho simba. Ohatra
amin’iny faritra Maroantsetra iny, misy renirano atao hoe Vatobe izay tsy azo ampiasana
harato rehefa haka hazandrano ao aminy. Ny fintana ihany no azo ampiasaina rehefa haka
trondro ao. Raha hilatsahana harato io renirano io, milatsaka mivatravatra ny orana. Tondraka
ny rano ka miafara amin’ny faharendrehan’ny tanàna.201
Finoana sy fepetra napetrak’ireo
Ntaolo izany mba hitsinjovana ny taranaka any aoriana ka tsy ho lany taranaka ny trondro.
Very izany toe-tsaina izany ankehitriny noho ny adim-piainana sy ny fandrosoana izay toa
mametraka fa lany andro ny fisainana Ntaolo ka tsy misy mieritreritra ny taranaka ho avy
intsony. Toa ny tena ihany no eritreretina ankehitriny. Manjaka izany toe-tsaina satria tsy
misy miraharaha ny lalàna mifehy ny zavaboary sy ny tontolo iainana intsony. Izay toe-tsaina
izay no raiki-tapisaka ao anatin’ireo mpampiasa ny ramikaoko fa tsy mitsinjo lavitra akory.
Olana mipetraka ihany koa ny fomba fiheveran’ny ankamaroan’ny olona ny harena
iombonana. Vitsy ny mahatsapa fa tomponandraikitra amin’ny fiarovana ny fananana
iombonana ny tsirairay. Ny zava-misy hita ombieny ombieny ny fanimbana no andraisan’ny
tsirairay anjara fa tsy ny fiarovana sy ny fikarakarana. Fototry ny olana momba ny jono
atrehin’i Maroantsetra sy ny manodidina araka izany ny fananan’ny mponina ireo toe-tsaina
ireo. Raha mbola izay toe-tsaina izay manjaka dia tsy ho voavaha mihitsy io olana io. Noho
izany, tsy misy afa-tsy ny fanovana ny toe-tsaina no ahafahana mandroso.
III-3- Ny fiatrehan’ny mpanjono any amin’ny firenen-kafa ny zava-misy
manodidina ny jono sy ny fiovam-piainana misy ankehitriny.
Firenena maro ivelan’ny firenentsika no miaina sy mivelona amin’ny asa fanjonoana.
Nanana ny fomba iatrehany ireo zava-nisy manodidina ny asa fanjonoana izy ireo. Nanana
ihany koa ny paikady sy ny fomba fiasa entina hanatsarana sy hampandrosoana ny sehatry ny
jono. Anisan’izany ny faritry ny Afrika andrefana izay manana firenena maro mivelona
amin’ny asa fanjonoana toy an’i Nigeria, Zambie, Guinée, Burkina Faso sy ny sisa. Niatrika
toe-javatra maro ireo firenena ireo teo amin’ny sehatry ny jono. Tao ny olana sy ny zava-
manahirana maro samihafa. Tsy rendrika tao anatin’izay anefa izy ireo fa nanao ny dingana sy
ny hetsika maro mba ho fanatsarana sy ho fampandrosoana ny sehatry ny jono.
201
Araka ny fanazavana nomen’i Jean Frédéric ny 07 Martsa 2013, tamin’ny 6 ora hariva.
126
Anisan’ny fomba iray mahatonga ny olona iray handroso ny fahaizana maka tahaka ny
fomba nahombiazan’ny hafa. Noho izany, azo atao tsara ny mandray ireo fomba fiasa sy ireo
paikady nampahomby ireo firenen-kafa ireo mba ho fampandrosoana ny aty amintsika.
Voakasik’izany ny ao Ankiakabe. Izay no manosika antsika hijery ireo zava-nisy tany
amin’ireo firenena ireo mba hahitana ireo paika sy ireo fomba fiasa nahombiazan’izy ireo.
III-3-1-Ny zava-misy eo amin’ny sehatry ny jono any Afrika andrefana
Miaina sy mivelona amin’ny asa fanjonoana sy ny vokatry ny jono ny
ankamaroan’ireo firenena maro any Afrika andrefana ary mahantra ny ankamaroan’izy ireo,
vinavinaina ho fito tapitrisa ny olona mivelona amin’ity sehatrasa ity amin’iny faritra iny.202
Ao anatin’ireo fito tapitrisa ireo, misy ny tena mpanarato, misy ny mpamoto-barotra, misy ny
mpamadika trondro ho lasa trondro maina na laoko sira fotsiny.
III-3-1-1-Ireo olana atrehin’ny mpanjono
Ny fahantrana no olana lehibe indrindra atrehin’ny mpanjono any Afrika andrefana.
Miaina eo anivon’ny fahantrana ny ankamaroan’ny olona mivelona amin’ny asa fanjonoana
sy ny vokatry ny jono. Izany hoe mahantra ny ankamaroan’ireo olona fito tapitrisa izay
mivelona amin’ny asa fanjonoana hita manerana ny Afrika andrefana ireo. Noho izay
fahantrany izay, tsy ampy ny fitaovana eo am-pelantanan’ireo mpanjono ka lasa tsizarizary ny
sehatry ny asa fanjonoana, zara raha hahavelona ny ankohonana ny vola azo. Ahina ny
haharava ny sehatry ny jono amin’ny faritra maro manerana ny Afrika andrefana.
Olana hita atrehin’ny sehatry ny jono any Afrika andrefana ihany koa ny tsy
fananan’ireo mpanjono ny fahaiza-manao mahakasika ny jono. Maro amin’ireo mpanjono no
teo amin’ny sehatrasa hafa teo aloha kanefa noho ny fisian’ny olana teo amin’izay sehatrasa
nisy azy izay dia nivadika ho amin’ny sehatry ny asa fanjonoana ny ankamaroan’ny mponina.
Tao anatin’izay fiovana tampoka izay anefa, tsy nisy ny karazana fanofanana na fizaran’asa
natao fa samy nandeha amin’izay saim-pantany. Vokany, tsy nahitana fahombiazana sy
vokatra tsara loatra ny asa fanjonoana, satria nitsipozipozy ny sehatry ny asa fanjonoana. Tsy
azo nianteherana ho foto-pivelona izany.
Anisan’ny olana miseho eo amin’ny tontolon’ny asa fanjonoana amin’ny faritry ny
Afrika andrefana ihany koa ny tsy fanarahan-dalàna. Maro amin’ireo mpanjono no tsy
miraharaha ny lalàna mifehy ny jono sy ny harena anaty rano. Mba hitsinjovana ny ho avin’ny
asa fanjonoana dia napetraka fa misy ny fotoana izay tsy hahazoan’ ny mpanjono manjono toy
202
ORGANISATION DES NATIONS UNIES, La pêche dans la vie des pauvres en Afrique de l’Ouest, Photos
et données produites par les Unités de Coordination Nationale , 2002 : « L’on estime à plus de sept millions le
nombre de pauvres d’ Afrique de l’Ouest qui vivent plus ou moins de la pêche » .
127
ny amin’ny fotoana anatodizan’ny trondro ary misy toerana ihany koa izay tsy azony
anjonoana toy ny amin’ny vinany sy ny toerana fanatodizan’ny trondro. Napetraka ihany koa
fa misy ny karazam-pitaovana izay tsy azo ampiasaina toy ny dinamita, ny poizina. Tsy
manome lanjan’ireo lalàna ireo anefa ny maro amin’ireo mpanjono any amin’ny faritry ny
Afrika andrefana. Mitovy tsy misy valaka amin’ny lalàna sy fepetra napetraka tao amin’ny
fari-dranomasin’i Maroantsetra ihany ireo toe-java-misy ireo.
Olana ihany koa ny haintany, ny rivo-doza, ary ny fifindra-monin’ny trondro, miteraka
fahasahiranana ho an’ny mponina ireo toe-javatra ireo. Ireo no olana lehibe atrehin’ny
mpanjono sy ny tontolon’ny asa fanjonoana manerana ny Afrika andrefana iray manontolo.
Tsy indray miseho amin’ny toerana iray anefa ireo olana rehetra ireo fa mizarazara amin’ny
faritra sy ny toerana manerana ny Afrika andrefana. Manao ahoana àry ny fisehon’ireo olana
ireo any amin’ny firenena sy ny faritra samihafa any Afrika andrefana?
Iray amin’ny firenena mandrafitra ny faritry ny Afrika andrefana i Burkina Faso izay
ahitana ny tanànan’i Sandogo. Ny haintany ny olana atrehin’ny mponina ao. Maina ny tany ka
tsy azo ambolena, ny fambolena anefa no foto-piveloman’ny mponina. Noho io toe-javatra io,
nivarina tamin’ny asa fanjonoana ny ankamaroan’ny olona tao an-tanàna.203
Olana faharoa, araka ny efa voalaza teo ambony dia mpamboly ny mponin’ny
Sandongo teo aloha ka ny fomba fambolena sy ny tekinika tao anatin’izany fambolena izany
no tena ananany. Mbola tena zava-baovao taminy ny sehatry ny fanjonoana. Izany hoe tsy
manana fahaiza-manao mahakasika ny jono sy ny fikirakirana ny vokatry ny jono ny mponin’i
Sandogo.
Olana natrehin’ny vahoakan’i Sandogo ihany koa ny fisian’ny voay, mba hahafahana
manohy ny asa fanjonoana na dia eo aza ny haintany dia nanamboatra toha-drano ireo
mpanjono, rehefa vita anefa ny toha-drano dia nifindra monina ao amin’ilay rano ny voay izay
mampidi-doza ho an’ireo mpanjono204
. Ny fomba amam-panao any Sandogo anefa dia
mametraka fa zava-masina ny voay ka tsy azo vonoina. Noho izay fomba amam-panaon’ny
mponina izay dia sarotra ny hamahana ny olana ary ny fihetsiky ny mponina, aleon’izy ireo
ny manaraka ny fombafomba toy izay hanaraka ny lalàna apetraky ny fanjakana mba
hampandeha tsara ny asa fanjonoana. Zava-doza anefa no ateraky ny fisian’io voay io ho
an’ireo mpanjono, araky ny voalazan’i Tubo Zongo izay lehiben’ny vondrona mpanjono ao
203
« Le village de Sandogo, au Burkina Faso est victime de la sécheresse qui ne cesse de dévaster le Sahel
dépuis le début des années 1970 , les habitants de Sandogo, des cultivateurs pour la plupart, ont appris à pêcher
pour s’en sorti r ». Organisation des Nations Unies, La pêche dans la vie des pauvres en Afrique de l’Ouest, p2 204
« Il y avait aussi le problème des crocodiles qui avaient migré des rivières avoisinantes vers le barrage »,
Organisation des Nations Unies, La pêche dans la vie des pauvres en Afrique de l’Ouest, 2002, p2.
128
Sandogo: ―tsy ela izay io voay io dia nihinana tongotry ny mpanjono iray, ary simbainy ihany
koa ny harato mba hihinanany ny trondro ao anatiny.‖205
Izany hoe: ny harato alona na avela
any anaty rano, sady simba ary tsy tratra intsony ny trondro voatazona ao anatiny. Hita araka
izany fa fahavoazana lehibe no mahazo ireo mpanjonon’i Sandogo noho ny fisian’io voay ao
amin’ny toha-drano io.
Niatrika olana lehibe ihany koa ny vondrona mpanjono tany Guinée, ny olana ho azy
ireo dia ny fisian’ny sambo mpanjono206
izay tsy manara-dalàna207
, ny harato ampiasainy dia
harato kely maso no sady be velarana tarihina ao aorian’ny sambo ary entina mandehandeha
mba hahatratrarana ny trondro rehetra mandalo ao anaty rano. Tsy i Guinée irery no tratran’ity
olana ity fa saika ny morontsiraka ao Afrika andrefana iray manontolo.
Manimba zavatra betsaka ireo sambo mpanjono ireo, anisan’izany ny harato milona ao
anaty ranomasina sy ny trondro voafandrika ao, satria, mandray ny zavatra rehetra ao anaty
rano izay mifanena aminy ny harato ampiasainy.
Mpanjono telo alina no miankina sy mivelona amin’ny sisin-dranomasin’i Guinée. Ny
olan’ireo mpanjono ireo, tsizarizary ny fitaovana eo am-pelantanany (minimum agin), ka
manao vy very ny ainy ireo mpanjonon’i Guinée ireo mba hanenjehana ny vokatra, izany hoe
na dia efa ratsy sy mampididoza aza ny toetrandro ka tsy tokony hanjonoana dia miroso ihany
ny mpanjono (maximum de risque). Nanimba ny vokatry ny jono tany Guinée ny fidiran’ny
sambo mpanjono. ―Taloha 50.000 taonina isan-taona ny vokatra azo, ny zavatra tsapa anefa
dia nihena izany taona vitsivitsy taty aoriana‖208
. Tandindomin-doza ny fiainan’ny
vondron’ny mpanjono sy ny harena an-dranomasina noho io toe-javatra io. Te hiaro ireo
vondron’ny mpanjono sy ireo harena an-dranomasina ny fanjakana saingy izao ny olana, sady
tsy manam-bola no tsy manam-pitaovana izy ireo. Tena lafo ny fanaraha-maso ny harena an-
dranomasina sy ny fitaovana ampiasaina amin’izany.
Ho an’ny firenena efa matanjaka kokoa dia mampiasa sidina anabakabaka sy ny radara
mba hanarahana maso ny harena an-dranomasina. Tsy tratran’ny ankamaroan’ny firenena na
ny fanjakana maro amin’ny faritra Afrika andrefana anefa izany. Niezaka nanakana ireo
205
Organisation des Nations Unies, La pêche dans la vie des pauvres en Afrique de l’Ouest, 2002, p2 : «Il y a
quelque temps, un crocodile a mangé le pied d’un nourrisson, et ces animaux détruisent les filets pour manger les
poissons qui ysont piégés. » 206
Sambo mpanjono : Chalutiers 207
« Les chalutiers de pêche industrielle qui pêchent illégalement dans les aux côtièrs posent de sérieux
problèmes aux pauvres communautés de pêche à Guinée ». Organisation des Nations Unies, La pêche dans la vie
des pauvres en Afrique de l’Ouest, 2002 , p8. 208
« Dans le passé, les estimations officielles chiffraient les captures de ces pêcheurs à 50.000 tonnes par an ;
mais il est constaté au cours des dernières années que leurs prises ont diminué ». Organisation des Nations
Unies, La pêche dans la vie des pauvres en Afrique de l’Ouest, 2002 , p8.
129
sambo mpanjono ny mpanjonon’i Guinée sy ny mpitondra fanjakana tao kanefa mbola nitohy
hatrany izany. Araka ny fanazavana nomen’i Souleymane Contée, ―mbola manohy ny
fandikan-dalàna hatrany ireo sambo mpanjono ireo ka manjono amin’ny toerana izay
anatondizan-trondro sy amin’ny faritry ny vinany izay toerana tena misy ireo trondro‖209
.
Izany hoe misy ny fandikan-dalàna ataon’ireo sambo mpanjono ankoatra ny harato
ampiasainy izay tsy manara-dalàna toy ny ny fanjonoana amin’ny toerana izay anatodizan-
trondro sy amin’ny vinany, ny fampiasana fitaovana mahery vaika izay manimba ny harato sy
ny fitaovan’ireo mpanjono madinika.
Matetika ihany koa dia mandona ny lakan’ireo mpanjono madinika ny sambo
mpanjono ka miteraka fahafatesana ho an’ny mpanjono madinika. Hoy i Mamadou: ―maty
noho ny fandonana nataon’ny sambo mpanjono ny rahalahiko sy ny mpanjono efatra hafa210
‖.
Azo vinavinaina ho 450 isan-taona ny loza ateraky ny fidiran’ny sambo mpanjono ao Guinée,
araky ny antontanisa nomen’ny fanjakana.
Ny zava-nisy tany Gambie izay ahitana ny tanànan’i Tanji indray koa dia vondron’ny
mpanjono ahitana mpikambana 12.000 ka hatramin’ny 15.000211
. Eo amin’ny findramam-bola
ny olana atrehin’izy ireo. Efa maro ny mpikambana amin’ny vondrona mpanjono. Maro ny
lakana ampiasaina. Mampiasa lakana madinika 212
50 ny mpanjono 300 ao Tanji. Tsy
mahafeno fepetra amin’ny fiaraha-miasa amin’ny Banky momba ny findramam-bola izy
ireo213
. Maro amin’ny mpikambana amin’ny vondrona mpanjono ao Tanji no tsy mahay
mamaky teny sy manoratra indrindra ny vehivavy. Olana ihany koa ny tsy fananan’izy ireo
antoka noho ny tsy fahampiana sy ny faharatsian’ny fitaovana ka sarotra amin’ny Banky ny
hatoky fa hahaloa ny vola takina aminy izy ireo. Mahatonga ny Banky hisalasala amin’ny
fanampiana azy ireo ihany koa ny fifindran-toerana matetika ataon’ireo mpanjono ao Tanji.
Ireo no olana misakana ny fandrosoan’ny asa fanjonoana tao Tanji.
209
« Les chalutiers industriels continuent d’enfrindre les règles parce que c’est la zone où l’on trouve du poisson
en grande quantité. C’est aussi la zone où les poissons se réproduisent ». Organisation des Nations Unies, La
pêche dans la vie des pauvres en Afrique de l’Ouest, 2002 , p8. 210
« Mamadou Bangoura, du village de Bongolon, en témoigne: « J’ai perdu mon frère en mer suite à l’incursion
d’un gros chalutier industriel. Lui et quatre autres personnes sont morts dans leur bateau qui a été entièrement
détruit par une collision avec le chalutier ». Organisation des Nations Unies, La pêche dans la vie des pauvres en
Afrique de l’Ouest, 2002 , p8. 211
« Tanji, une communauté de pêche de 12.000 à 15.000 personnes sur la côte gambienne (…) ». Organisation
des Nations Unies, La pêche dans la vie des pauvres en Afrique de l’Ouest, 2002 , p6. 212
Embarcation : lakana madinika vita amin’ny hazo. 213
« La communauté de pêche de Tanji n’avait jamais pu réunir les conditions exigées par les banques pour
obtenir des crédits ». Organisation des Nations Unies, La pêche dans la vie des pauvres en Afrique de l’Ouest,
2002 , p6.
130
Ny fisaratsarahana eo amin’ny samy mpanjono ny zava-misy any Nigeria. Izany hoe
tsy misy ny fiombonana sy ny fiaraha-miasa mba hahitana ny fahombiazana fa samy mitady
ny fomba hahombiazany ny tsirairay. Noho izany fomba fiasa izany dia teraka ny fifaninana
sy ny fifanenjehana eo amin’ny samy mpanjono ary miafara amin’ny ady. Olana ho an’ny
mpanjonon’i Nigeria ihany koa ny tsy fahaizana mitantana ny harena anaty rano.
III-3-1-2-Vahaolana noraisin’ny Afrikanina tandrefana
Tsy nijery fotsiny anefa ireo tompon’andraikitry ny jono manerana ny Afrika
andrefana teo anatrehan’ireo toe-javatra ireo. Niezaka nitady vahaolana niombonana ry zareo.
Niezahina naparitaka manerana ny faritra sy ny firenena any Afrika andrefana ny vahaolana
mifanandrify amin’izany.
Anisan’ny vahaolana noraisina ny fampidirana ny programa PMEDP214
mba hanampy
sy hiahy ireo mpanjono fito tapitrisa any Afrika Andrefana eo anatrehan’ny olana sy ny zava-
manahirana mianjady aminy. Ny tanjon’io programa io dia ny hampaharitra ny asa fanjonoana
izany hoe hanampy sy hiahy ireo mpanjono mba hahatonga ny asa tsy ho rava na ho foana.
Notanterahina izany tanjona izany tamin’ny alalan’ny fomba fiasa (approche) AMED215
. Tao
anatin’io fomba fiasa io dia nisy ny fanarahana maso ankaiky ny asa fanjonoana sy ny
fanampiana maro samihafa natao tamin’ireo mpanjono. Tsy ny resaka fanjonoana fotsiny no
nojerena tao anatin’izay fa ny maha olona ireo mpanjono iray manontolo. Izany hoe tsy
fanampiana amin’ny fitaovam-panjonoana na amin’ny torohevitra momba ny jono irery no
nomena fa hatramin’ny fomba hiatrehana ny fiainana iray manontolo. Fantatry ny PMEDP fa
efa manana fahaiza-manao kely eo am-pelantanany ireto mpanjono ireto kanefa ny
hampivelatra sy hampiroborobo ireo no sarotra aminy noho ny tsy fampian’ny fitaovana sy ny
fanofanana ary ny tetika amam-paika enti-miasa. Ny ezaka nataon’ny PMEDP dia ny ampiasa
ireo efa ampelantanana ireo izany hoe ny ampitombo sy anatsara ny fahaiza-manao kely efa
ananany (atous). Ny fahalemena kely sy ny tsy fahatomombanana eo amin’ireo mpanjono dia
ezahiny harenina sy tampenana na hatsaraina.
Nametraka principe ny PMEDP dia ny CCPR216
, nohamafisina ny tao anatin’io ny
lalàna sy ny fitsipika mifehy ny jono. Natao ny fomba rehetra nifehezana sy nanafoanana ny
endriky ny tsy fanarahan-dalàna rehetra. Natao izany mba hampaharitra ny asa fanjonoana,
mba tsy haharava azy fa mba ho lovain’ ny taranaka fara-mandimby.
214
PMEDP: Le Programme pour des Moyens d’Existence Durables dans la Pêche. 215
AMED: Approche des Moyens d’Existance Durables. 216
CCPR : Code de Conduite pour une Pêche Responsable.
131
Ankoatra ny mombamomba ny jono, nanome zavatra ilaina eo amin’ny maha olona sy
ilaina eo amin’ny fiarahamonina ny PMEDP toy ny fanabeazana, ny fanofanana momba ny
fitantanana sy ny fandaminana. Nomena fanampiana amin’ny lafiny sosialy toy ny trano, ny
sekoly, ny fiangonana ihany koa izy ireo. Nomena lakana na sambo sy ny fitaovana ilaina
amin’ny asa fanjonoana sy amin’ny fiainanana andavanandro ny fikambanana mpanjono .
Lazaina hoe maharitra ny asa fanjonoana raha toa ka afaka miatrika na miady amin’ny
fahantrana amin’ny alalan’ireo fahaiza-manao sy ireo tombontsoa eo am-pelantanany ny
fikambanann’ny mpanjono. Izany hoe na dia mandalo ny fotoan-tsarotra aza ny sehatry ny
jono dia afaka miatrika ireo mpanjono. Tsy rava ny asa fanjonoana any amin’ny vondrona
tsirairay noho ny fahaizana mampiasa ireo tombontsoa eo am-pelantanany.
Tsy mandavan-taona ny fahasahiranana eo amin’ny sehatry ny jono fa misy fotoanany,
toy ny rehefa mifindra monina ny trondro (migration annuelle de poisson), fotoanan’ny rivo-
doza, fotoanan’ny haintany. Ritra ny rano amin’ io fotoana io kanefa miankina amin’ny rano
ny fiveloman’ny mponina na eo amin’ny fambolena na eo amin’ ny fanjonoana. Miaina ao
anatin’ny fahasahiranana ny mponina mandritra ny vanim-potoana isehoan’ireo. Manampy
ireo fikambanana mpanjono na vondrona mpanjono hanatsara sy hampivoatra ny tetika
amam-paika entina miatrika izany mba hahatonga ny sehatry ny jono tsy ho resin’ny fotoan-
tsarotra ny PMEDP. Mila mpiahy toy izany foana ny vondrona mpanjono na dia efa
mahatsapa hoe mahavita tena aza mba hiarovana azy amin’ny fahantrana na fahasahiranana.
Izany hoe tokony hiara-miasa amin’ny programa toy ny PMEDP foana ny vondrona
mpanjono mba hahafahany miady amin’ny toe-javatra mety hanimba na mety handrava ny
sehatry ny asa fanjonoana.
Ankoatra ny fiaraha-miasa amin’ny programa toy ireny, zava-dehibe ihany koa ny
fitambaran’ny vondron’ny mpanjono hiady amin’ny fahantrana na ny fahasahiranana. Izany
hoe, tsy tokony hiady irery ny vondron’ny mpanjono na ny mpanjono eo anoloan’ ny
fahantrana fa tokony hiray hina. Ny vondron’ny mpanjono mitambatra no miara-miasa
amin’ny prôgrama toy ny PMEDP. Natao izany mba hanamorana kokoa ny fiaraha-miasa ary
manamora kokoa ny famahana ny olana.
Asa sahanin’io PMEDP io ihany koa ny famahana ny olana misy eo anivon’ ny
vondrona mpanjono, ohatra: olan’ny toerana. Mifanalavitra ny toerana misy ny mpanjono sy
ny toerana anjonoana dia miezaka ny PMEDP mamaha izay. Raha misy ny olana eo amin’ny
tsy fahampian’ny fanofanana dia miezaka ny PMEDP manome ny karazam-piofanana rehetra
ilaina. Ireo no vahaolana naroso teo anoloan’ny olan’ireo mpanjono manerana ny Afrika
andrefana. Nohezahin’ny PMEDP naravona tamin’ny alalan’ny fanampiana maro samihafa ny
132
olana natrehin’ny mpanjono. Samy nanana ny fomba nampiharany ireo vahaolana naroson’ny
PMEDP ireo ny tanàna tsirairay manodidina ny Afrika andrefana arakaraka ny fisehon’ny
olana any aminy. Ahoana ary ny fomba niatrehan’ny tanàna vitsivitsy manodidina ny Afrika
andrefana ireo olana ireo sy ny fomba nentiny namahana izany?
Ny haintany izay mahatonga fahasarotana eo amin’ny asa fambolena sy ny asa
fanjonoana ny olan’ny tanànan’i Sandogo izay hita ao Burkina Fasao raha tsiahivina. Nanao
toha-drano 217
lehibe izy ireo mba hahafahana manohy ny asa fanjonona eo anoloan’ny
fisian’ny haintany. Amin’ny alalan’io toha-drano io no ahafahan’ny mpanjono manao ny
asany. Izay no vahaolana hitan’izy ireo hiadiana amin’ny fahantrana nateraky ny haintany.
Tsy maintsy miaina amin’ny zava-misy mba hahafahana mivelona ara-dalàna.
Olana faharoa: tsy fahampian’ny fahaiza-manao eo amin’ny sehatry ny jono satria
mpamboly izy ireo teo aloha, noho ny haintany anefa dia nivadika ho mpanjono ka maro ny
zavatra tsy nananany fahalalana teo amin’izay sehatra izay. ―Nangataka fanofanana tany
amin’ny minisiteran’ny jono ireto mponin’i Sandogo ireto mba hahafahana mamaha ny
olana‖218
. Nanampy azy ny minisitera ka nanome fanofanana ho azy ireo. Natomboka
tamin’ny fianarana milomano ny fanofanana. Nitohy tamin’ny fomba fiasa sy ny fitantanana
izany. Sarotra ihany izany tamin’ny voalohany kanefa rehefa elaela zatra ka nandeha hoazy.
Ny fomba fiasan’izy ireo ankehitriny dia izay mahay milomano dia mampianatra ny hafa.
Izany hoe tsy misy ny fanofanana milomano avy amin’ny minisitera fa izay efa nahazo
fanofanana no mampita ny fahalalana azony amin’ny hafa mbola tsy mahay. Tsy amin’ny
fianarana lomano ihany izany fiaraha-miasa izany fa tamin’ny fanofanana rehetra nomena.
Noho ireo fanofanana nomena ireo dia afaka nametraka fomba fiasa vaovao ireo mpanjonon’i
Sandongo. Nahitana fahombiazana izany tetik’ady vaovao izany. Nanomboka nandefa trondro
maina tany an-drenivohitra ny vondron’ny mpanjono tao Sandogo.
Ny zava-nisy ihany koa, hatramin’izay ny lehilahy ihany no miandraikitra ny asa
fanjonoana. Izany hoe voatokana ho an’ny lehilahy ihany ny mikirakira ny jono sy ny vokatry
ny asa fanjonoana. Nanomboka nandray anjara ny vehivavy noho ny fanofanana nomena, ka
nianatra nanamaina trondro. Vokany, ny varotra sy ny fanamainana trondro no anjara
andraikitra noraisin’ny vehivavy. Ohatra manamafy izany, nanana olan’ny fanamainana
trondro i Aline Zongo tamin’ny voalohany. Taty aoriana voafehiny tsara izany. Ankehitriny
217
Barrage 218
« Une demande de formation fut adressée avec succès au Ministère chargé de la pêche ». Organisation des
Nations Unies, La pêche dans la vie des pauvres en Afrique de l’Ouest, 2002 , p2.
133
faly i Aline Zongo amin’io asany io satria nahazo vola ampy ivelomany sy ny ankohonany
izy.
Resy lahatra amin’ny hatsaran’ny tombontsoa azo avy amin’ny jono ny mponin’ny
Sandogo ary niakatra an-jatony ny isan’ny mpikambana ao amin’ny vondron’ny mpanjono.
Nahazo fanofanana ny mpanjono 20 tao anatin’izay mpikambana an-jatony izay. Nampita ny
fahalalana azony amin’ny tanora 60 izay mpamboly teo aloha. Naniry te hianatra ny
mombamomba ny asa fanjonoana izy ireo.219
Izay fomba fiasa izay no nampahomby ireto
mponin’i Sandogo ireto.
Ny fomba namahan’ny mponin’i Sandogo ny olana natrehiny ihany koa ny fifidianana
komity manokana hitantana ny vondrona mpanjono. Niantso ny tompon’andraikitra avy
amin’ny Ministera mba hanampy ireo komity ireo mandra-pahatonga azy hahazo traikefa sy
hanamafy ny fahaiza-manao efa ananany. Ny zavatra napetraka teo anivon’ny komity dia tsy
maintsy manaraka ny fepetra tapaka sy ny dingana rehetra efa napetraka ny mpikambana
tsirairay. Tapaka ihany koa fa samy mandoa hetra isaky ny trondro iray kilo ny mpikambana
tsirairay mba hahafahana manao ny tahiry iombonana any amin’ny banky. Ny vola
voahangona tamin’izay no nentina hanatsarana sy hanoloana ny fitaovana efa simba toy ny
―digue‖ izay miaro ny toha-drano ary nampiasaina hanesorana ny voay amin’ny faritra
anjonoana. Nahitana fahombiazana izay fomba fiasa noraisin’ny vondrona mpanjono tao
Sandogo izay. Ny tombony azon’izy ireo tamin’ilay hetra: tamin’ny fanomboan’ny
fanjonoana tany amin’ny taona 1999, lakana telo no nampiasaina. Niakatra ho telo ambiny
folo ny lakana nampiasaina nanomboka tamin’ny nampiasana ireo fomba fiasa ireo. Nahazo
harato roa amby roapolo sy harato atoraka dimy amby enim-polo ary angitrim-bintana efa-
jato. Nahazo lafaoro roapolo isa miampy ny kojakoja madinika ilaina amin’izany ny vehivavy
mpanamaina trondro na mpanaly laoko. Lasa mpanjono manana ny maha izy azy ny
mpanjono izay sahirana noho ny haintany teo aloha noho ireo tetika amam-paika vaovao
nampiasaina ireo. Mbola tsy mitsahatra ny fanatsarana izany hatramin’izao. Nahatsapa ny
mponina tao Sandongo fa azon’ny mpanjono atao ny mampivoatra sy manatsara ny sehatra
iasany amin’ny alalan’ny fiaraha-mientana eo amin’ny samy mpanjono arahina fanampiana
avy amin’ny fanjakana. Ao anatin’izay ny anjara asan’ny fanjakana ny manome ny
fanofanana sy ny torolalana fa ny anjaran’ireo mpanjono kosa ny mampihatra sy
manatanteraka izany.
219
« La communauté est aujourd’hui convaicue des opportunités qu’offre la pêche, et le groupe des pêcheurs de
Sandogo compte à présent une centaine de membres. Il y a 20 pêcheurs formés qui sont en mesure de transmettre
leurs compétences à plus de 60 jeunes cultivateurs, sans terre pour la plupart, qui désirent aussi apprendre ce
métier ». Organisation des Nations Unies, La pêche dans la vie des pauvres en Afrique de l’Ouest, 2002 , p2.
134
Ny olan’i Guinée220
indray dia ny tsy fanarahan-dalàna ataon’ireo sambo mpanjono
izay mitera-doza ho an’ny mpanjono madinika. Noho io toe-javatra io, nisy fepetra noraisina
tao amin’ny tanànan’i Bongolon mba hampihena izany loza izany. Nahazo fanofanana
momba ny fanaraha-maso ny jono izy ireo noho ny fanampiana avy tany ivelany. Mpanjono
efatra no nahazo tombontsoa tao anatin’izany. Natao mba hahafahana mamantatra ny sambo
tsy manara-dalàna amin’ny alalan’ny fitaovana izay mifandray amin’ny zana-bolana221
Io
fiofanana io. Izany hoe nomena azy nandritra ny fiofanana ny fomba hahafantarana fa misy
sambo tsy manara-dalàna any amin’ny alalan’ny fitaovana. Afaka miantso ny
tompon’andraikitra izy rehefa hitany fa misy sambo tsy manara-dalàna ary manatona any ny
tompon’andraikitra rehefa avy eo. Raha lazaina amin’ny fomba hafa, mijery ny toerana
hitrangan’ny tsy fanarahan-dalàna no asan’ireo mpanjono. Miantso ny tompon’andraikitra izy
ka ireo no mandray ny fepetra tokony ho raisina avy eo. Nomena fitaovana hafa ankoatra ny
ilay fitaovana ahitana ny tsy fanarahan-dalàna ireo miandraikitra ny fanaraha-maso ireo toy
ny ―Gilet de sauvetage, imperméable, lampe torche‖ mba hahafahany miaro tena. Tsy
nihonona tamin’ny fanampiana avy tany ivelany fotsiny izy ireo fa nisy ihany koa ny
fandraisany anjara. Anisan’izany ny lasantsa nanatanterahana ny fanaraha-maso. Niantoka
izany ny vondron’ny mpanjono tao an-toerana. Nahitana fahombiazana izany rehetra izany ka
dia nahatsiaro ho afa-po i Ibrahim Sory Soremah, izay anisan’ny mpanjono nahazo fihofanana
tamin’izany fanaraha-maso ny harena an-dranomasina izany. Hoy izy ―faly aho noho io
tetikasa io. Nihena ny olana ny amin’ny sambo mpanjono nanomboka tamin’ny nahazoana ny
fitaovana fanarahana maso ny harena an-dranomasina, nihatsara ny fari-piainan’ny mpanjono
ary nanomboka nanangana trano vaovao aho‖. 222
Tany am-boalohany, toa tsy resy lahatra amin’ny fahombiazana ny amin’ny
andraisan’ireo mpanjono madinika ny fanaraha-maso ny harena an-dranomasina ny fanjakana.
Niezaka izy ireo nandresy lahatra ny fanjakana ka nitaona azy hiara-miasa aminy. Hoy i Hadj
Barry, tompon’andraikitry ny jono: ―tokony handresy lahatra ny fanjakana isika fa io tetikasa
io dia mampivondrona ny mpanarato hiady amin’ny sambo mpanjono.‖Tonga saina ny
fanjakana ary nahatsapa fa manampy azy ireo amin’ny fiarovana ny harena an-dranomasina
ny mpanjono madinika. Rahefa niseho izay, dia maro ny vondrona mpanjono amin’ny tanàna
220
Organisation des Nations Unies, La pêche dans la vie des pauvres en Afrique de l’Ouest, 2002 , p6. 221
« Grace à une aide extérieure, quatre pêcheurs de Bongolon ont reçu une formation de base en surveillance des
pêches. Cette formation leur appris à localiser les chalutiers en infraction en utilisant un équipement manuel de
positionnement par satellite ». Organisation des Nations Unies, La pêche dans la vie des pauvres en Afrique de
l’Ouest, 2002 , p8. 222
«Je suis enchanté par ce projet. Depuis qu’on nous a fourni l’équipement, nous avons eu moins de problèmes
avec les chalutiers. Maintenant, je m’en sors mieux et j’ai commencé à construire une nouvelle maison ».
Organisation des Nations Unies, La pêche dans la vie des pauvres en Afrique de l’Ouest, 2002 , p8.
135
manodidina ny morontsirak’i Guinée no nitambatra ka nanatevin-daharana tamin’izany.
Nandresy ny mpanjonon’i Guinée ary ny zava-misy amin’izao, rehefa mahita ny mpanjono
madinika ny sambo mpanjono dia mandositra miala ny toerana izay tsy azony anjonoana.
Raha hiverenana ny olan’i Gambie izay ahitana ny tanànan’i Tanji dia ny tsy
fahafenoan’ny fepetra hafahana manao ny findramam-bola any amin’ny Banky. Tsy nionona
tamin’izay anefa izy ireo fa niezaka nitady vahaolana ny taona 2000. Nampidirina tao Tanji
ny fikambana TAFCDF izay miandraikitra ny fampandrosoana ny vondrona mpanjono. Ny
hanatsara ny fiainan’ireo vondrona mpanjono eo amin’ny lafiny sosialy sy ny toe-karena mba
hahafahany manao ny findramam-bola no tanjona tamin’io. Nahatsapa ny mpikambana
amin’ny vondrona mpanjono sy ny TAFCDF fa ilaina ny manatsara ny eo amin’ny
fitantanana sy ny firafitry ny vondrona mpanjono. Nifandray tamin’ny NACCUG izy ireo izay
miandraikitra ny resaka fampindramam-bola. Nanome fanofanana mikasika ny fitantanana
ireo vondrona mpanjono ireo io fikambanana io. Rehefa vita ny fanofanana momba ny
fitantanana dia nanome vola mitentina 15.000 dolara ny TAFCDF mba hahafahana
mampandeha ny findramam-bola. Mandefa solontena ny vondron’ny mpanjono tsirairay
rehefa misy fomba fampiasana ―credit‖ vaovao.
Natsangana ny komity hanara-maso ny vola indramina sy ny fivezivezen’ny vola mba
hampizotra tsara ny fiaraha-miasa. Raha misy ny hilana ny fanofanana dia manome boky ny
NACCUG izay manambara ny fomba fitantanana ny vola. Nanapa-kevitra ny mpikambana fa
handoa tsipaipaika isam-bolana mandritra ny enim-bolana na 40 dolara mialoha ny
findramam-bola mba hahafahana manao ny findramam-bola ankoatra ny 15.000 dolara
nomen’ny TAFCDF. Azon’ny mpikambana atao ny mindrana vola amin’ny anarany
manokana na amin’ny anaran’ny vondrona. Tamin’ny fiandohan’ny taona 2000, mpikambana
65 no nanao ny findramam-bola, ny volana Aogositra 2002, tafakatra ho 180223
ny
mpikambana nanao izany findramam-bola izany.‖ Ny zavatra hita dia nahomby izy ireo
tamin’izany findramam-bola izany ary porofo azo tsapain-tanana tamin’izany fahombiazana
izany ny nahafahan’ny vondrona mpanjono nanangana birao, ny volan’ny vondrona no
nividianana ny biriky, nividianana ny fitaovana samihafa nananganana izany.
Nanana ny fomba niatrehany ny olana tany aminy ny mpanjonon’i Nigeria. Ny
fanatsarana ny tontolon’ny asa fanjonoana sy ny fahafahana mitantana io asa fanjonoana io
no zavatra tena nilain’izy ireo. Tokony hisy ny lalàna miaro ny zon’ny mpanarato na ny
mpanjono. Misy ady eo amin’ny samy mpanjono ka ny fametrahana ny vondrona manodidina
223
« La mutuelle de crédit de Tanji a démarré avec 65 membres en 2000 et en comptait 180 en août 2002. »
Organisation des Nations Unies, La pêche dans la vie des pauvres en Afrique de l’Ouest, 2002 , p6.
136
ny toha-dranon’i Tiga any avaratr’i Nigeria dia maneho fa misy ny fanelanelanana atao
amin’ny ady eo amin’ny samy mpanjono. Mirefy 30.000 hekitara ny toha-dranon’i Tiga izay
niorina efa 30 taona lasa. Mamelona sy mamatsy olona any ho any amin’ny 10.000 izay
mpamboly io toha-drano io. Noho ny haintany anefa maro tamin’ireo mpamboly ireo no
nivadika ho mpanjono. Ny zava-nisy teo amin’ny sehatry ny jono anefa, toa tsy nahomby
loatra ireo mpanjono noho ny fisaratsarahana na tsy fivondronana. Izany hoe tsy nisy ny
fiombonana teo amin’ny samy mpanjono fa nandeha tsirairay izy ireo. Anisan’ny nahatonga
ny tsy fahombiazana ihany koa ny tsy fahaizan’ireo mpanjono mitantana ny harena anaty rano
toy ny fampiasana ny poizina, ny dinamita ho fitaovana hakana trondro.
Niditra an-tsehatra ny departemantan’ny jono tamin’ny fiarovana ny harena anaty
rano. Nampiditra tetikasa hiara-hiasa hanelanelana ny fanjakana sy ny vondron’ny mpanjono
mba hahafahana manamora ny fitantanana ny harena anaty rano sy mba hampivondronana ny
fanjakana sy ny vondron’ny mpanjono no vaindohan-draharaha. Nizara trakita misy ny
torohevitra mikasika ny fomba fikajiana ny harena anaty rano. Nomena fihofanana ireo
mpanjono. Miisa 200 ny mpanarato nahazo tombontsoa tamin’izany. Tao anatin’izany
fiofanana izany no nanomezana ny fomba fanjonoana ara-dalàna mba hahafahana mikajy ny
hareana anaty rano. Nanao petra-bola ihany koa ireo vondrona mpanjono mba hahafahana
manao findramam-bola izay azo efaina tsikelikely. Ampiasaina hividianana fitaovana sy am-
pandehanana ny asa io vola nindramina io. Nentanina ireo mpanjono mba hanangana
fikambanana na vondrona mpanjono hiaro sy hitantana ny harena anaty rano. Nampianarina
sy nentanina mihitsy izy ireo mba ho tomponandraikitra amin’ny fitantanana sy fiarovana ireo
harena anaty rano ireo. Mba hahafahana mampitambatra azy ireo na mampijoro ilay
fikambana na dia novahana aloha ny ady eo amin’ny samy mpanjono. Nezahina nalamina ireo
mpanjono ary nozaraina ny toerana nanjonoana. Nitsangana ny fikambana rehefa nivaha ny
ady. Nampian’ny fanjakana ny fikambanana mba hividy zana-trondro224
hampitomboana ireo
trondro efa ao anaty rano. Anisan’ny fikambanana nijoro tamin’izany ny Rurum.
Nanatsara sy nanova ny fiainan’ireo mpanjono izany fomba fiasa vaovao izany, hoy
Dabo Sule, mpitan-tsoratry ny fikambanana mpanjono Rurum nanazava ny fiovana
nentin’izany teo amin’ny fiainany. ―Afaka nandefa ny zanako tany amin’ny Oniversite sy tany
amin’ny Kolejy ary mbola afaka nanorina trano noho ny fahombiazana teo amin’ny sehatry
224
Alevin
137
ny jono225
.‖ ―Mpikambana hafa ao amin’ny Rurum i Yunusa Dankisha izay mpamoto-barotra
na mpiala-kantoka trondro nanambara ny fahombiazana azony: nahavita nanorina trano,
nividy bisikileta izay ilaina amin’ny asany ary nahavita nandefa ny zanany nianatra amin’ny
―Institut d’Etudes Islamique.‖226
Fiovana azo tsapain-tànana ny fandraisan’ny vehivavy an-
tànana ny asa fanjonoana sy ny lafiny toe-karena. Zava-dehibe izany fandraisana an-tanana
ataon’ny vahevavy izany. Taloha ny lehilahy ihany no niandraikitra ny asa fanjonoana,
ankehitriny anefa dia afaka mandray anjara amin’ny asa fanjonoana sy ny fampandehanana ny
lafiny ekonomika ny vehivavy noho ny fanatsarana natao. Hajia Bintu Saibu dia nanome
fanampiana tamin’ny alalan’ny fanofanana ny vondron’ny vehivavy mpivarotra trondro tao
amin’ny fikambanana Rurum. Vadina mpanjono ireo vehivavy mpivarotra trondro ireo ary
nitarika azy ireo hahita lalam-barotra i Hajia Bintu Shaibu. Ny vokatra azon’ny vadin’izy ireo
ihany no amidin’izy ireo tamin’ny voalohany, amin’izao, efa maka trondro amin’ny mpanjono
hafa sy amin’ireo mpamoto-barotra ireo vondrona vehivavy ireo. Vokany, afaka nividy
fitafiana tsara sy sakafo tsara ho an’ny zanany ireo vehivavy mpivarotra tao anatin’ny
fikambanana ary ankehitriny dia mahaloa tsara ny saram-pianaran’ny zanany. Noho izay
fahombiazana rehetra izay dia nihatsara ny fifandraisan’i Bintu tamin’ny vadiny.
Nividy trondro amin’ny mpamoto-barotra ary hamainina izay vao amidy I Suaba
Dabo. Tao antin’ny vondrona vehivavy mpivarotra trondro izy ary nahita tombony, satria,
afaka nandefa ny zanany tany amin’ny sekoly fanabeazana fototra. Tsy nisy fanampiana avy
amin’ny vadiny akory kanefa vitany irery. Niova ny fiainan’ireo vondrona mpanjono. Taitra
noho izay fiovana izay ny fanjakana ka nitady lalam-barotra ho an’ireo vondrona mpanjono
ireo. Ny tena nahagaga, tsy nisy fandaniana loatra fa tsostotra ihany ny fomba natao kanefa
nahitana fahombiazana lehibe. Anisan’ny fiovana hita teo amin’ny mpanjono ihany koa ny
fahaizany nitantana ireo harena anaty rano, lasa nisy fiaraha-miasa teo amin’ny mpanjono
samy mpanjono. Izany hoe, tsy nandeha irery intsony ny mpanjono fa niara-niasa tamin’ny
olona hafa. Tsy izy irery intsony no manarato sy mivarotra trondro fa maka izy dia mandefa
amin’ny olona hafa. Noho ny fananganana ny vondrona mpanjono sy ny fiaraha-miasa teo
amin’ny fanjakana sy ilay vondrona no nahitana izany tombontsoa izany. Azo lazaina araka
225
« J’ai pu envoyer l’un de mes fils à l’université locale et autre au collège et j’ai pu construire une maison en
dur dans la communauté ». Organisation des Nations Unies, La pêche dans la vie des pauvres en Afrique de
l’Ouest, 2002 , p6. 226
« Un autre membre de l’association de Rurum, un mareyeur de 65 ans, du nom de Yunusa Danksha, affirme
que sa réussite lui a permis de construire sa propre maison, d’acheter une bicyclette (indispemsable pour ses
activités) et d’avoir encore suffisamment de fonds pour envoyer son fils à l’institut d’Etudes Islamique ».
Organisation des Nations Unies, La pêche dans la vie des pauvres en Afrique de l’Ouest, 2002 , p6.
138
izany fa nampisy fiombonana sy fivondronana teo amin’ny mpanjono samy mpanjono ary ny
vondrona mpanjono sy ny fanjakana izany fomba fiasa vaovao izany.
III-3-2- Fampitahana ny zava-misy niainan’ny mpanjono any Afrika
andrefana sy ny zava-nisy iainan’ny mpanjono ao Ankiakabe
Ny tao Afrika andrefana
Raha jerena ireo zava-misy ireo, mitovitovy amin’ny olana natrehin’ny mpanjono any
Afrika andrefana ny olana misy ao Ankiakabe eo amin’ny sehatry ny jono. Anisan’ny olana
atrehin’ny Afrika andrefana ny tsy fahampiam-pitaovana noho ny fahantrana. Miatrika
izany ihany koa ireo mpanjono ao Ankiakabe. Vitsy amin’ireo mpanjono ny mahatratra ny
vidin’ny harato lehibe hahazoana trondro manana habe mifanaraka amin’izay tadiavin’ny
tsena ivelan’ny faritra. Harato hahazoana trondro madinika izay manana maso telo na efatra
tondro na ambany noho izay aza ny ankamaroan’ny harato ampiasain’ny mpanjono. Kely ka
tsy mahavaky onja loatra ny lakana ampiasainy hany ka aty amin’ny manamorona ny
morontsiraka ihany ireo mpanjono no manjono nefa ―ny trondro vaventy tsy hita raha tsy
amin’ny lalina.‖
Olana nifanena tamin’ny sehatry ny jono tany Afrika andrefana izay itoloman’ny
mpanjono ao Ankiakabe ihany koa ny fidinan’ny vokatra. Mifandray amin’ny tsy fanarahan-
dalàna izay ataon’ny mpanjono ao an-toerana sy ireo sambo mpanjono ity olana ity. Ao
anatin’ny tsy fanarahan-dalàna izay ataon’ireo mpanjono ny fampiasana ny fitaovana izay
mandripaka ireo trondro sy ny tsy fanajana ny fotoana izay hikatonan’ny asa fanjonoana.
Ripaka ny trondro no sady mihena ny vokatra noho ireo rehetra ireo.
Olana atrehina eo amin’ny sehatry ny asa fanjonoana ihany koa ny olana eo amin’ny
tsena sy ny lalam-barotra. Miankina betsaka amin’ny fisian’ny lalam-barotra ny
fandrosoana sy ny firoboroboan’ny asa fanjonoana, na dia eo aza ny fahaiza-manao sy ny
fitaovana tsara nefa ny lalam-barotra tsy misy azo lazaina ho tsy tonga amin’ny fahombiazana
ihany ny mpanjono. Niady sy nitolona tamin’izany ireo mpanjono tany Afrika andrefana ka
nivoaka tamin’ny fandresena, mbola ao anatin’ny tolona kosa ireo mpanjono ao Ankiakabe.
Olana hita any Afrika andrefana izay hita ao Ankiakabe ihany koa ny tsy
fahampian’ny fanofanana eo amin’ireo mpanjono. Maro ireo lafin-javatra izay ilan’ny
mpanjono fitarihana, ilany torolalana sy torohevitra mba hahafahany manatsara ny sehatry ny
asa fanjonoana. Natomboka tamin’ny zavatra madinika toy ny lomano ny fanofanana tany
Afrika andrefana, nitohy tamin’ny fomba fikirakirana ny trondro, ohatra ny fomba
fanamainana, niditra lalin-dalina kokoa dia ny fitantanana, ny fomba fiasa, ny fomba
fiatrehana sy ny fomba famahana ny olana. Zava-dehibe eo amin’ny fanatsarana ny sehatry ny
139
jono ny fahazoan’ny mpanjono ny fanofanana mahakasika ireo lafin-javatra ireo. Mitovy ny
olana eo amin’ny sehatry ny jono any Afrika andrefana sy ny olana eo amin’ny sehatry ny
jono ao Ankiakabe. Raha mitovy ny olana, ahoana kosa ny fomba niatrehan’ny any Afrika
andrefana sy ny ao Ankiakabe ireo olana ireo?
Samy nanana ny fomba nentiny niady tamin’ireo olana ireo ny tany Afrika andrefana
sy ny tao Ankiakabe. Nanana tetika amam-paika sy fomba fiasa matotra nentina niady
tamin’ireo olana ireo ny tany Afrika andrefana. Niainga avy tany amin’ny foibe ny
fandraisana ny fepetra, izany hoe tsy samy nitady vahaolana ho amin’ny olana atrehiny ny
faritra na ny tanàna tsirairay fa ny tompon’andraikitry ny jono any amin’ny foibe mihitsy no
niezaka nitady vahaolana. Nanentanana ireo mpanjono sy ny tompon’andraikitry ny jono any
amin’ny tanàna sy ny faritra maro manerana ny Afrika andrefana ny fampiharana ny
vahaolana noraisina.
Tao anatin’ny vahaolana noraisina ny fiaraha-miasa tamin’ny tetikasa PMEDP,
nahafahana nifehy ireo karazana olana nosedraina teo amin’ny sehatry ny jono ny fidiran’ity
tetikasa ity. Niara-niasa tamin’ny fanjakana sy ireo mpanjono ny tompon’andraikitry ny jono
sy ny tetikasa PMEDP teo amin’ny fampiharana. Natao ny fomba izay hampivondrona ireo
mpanjono mba hampahomby ny fiaraha-miasa, notanterahana izany tamin’ny alalan’ny
fananganana vondrona mpanjono isaky ny faritra sy ny tanàna misy ireo mpanjono. Nezahina
nofehezina ny tsy fanarahan-dalàna rehefa nijoro tsara ny vondron’ny mpanjono. Nezahina
naparitaka any amin’ny faritra sy ny tanàna manerana ny Afrika andrefana arakaraka ny olana
atrehiny ny fanofanana sy ny fitaovana hahafahana miatrika izany. Niatrika ny olan’ny tsy
fanarahan-dalàna ataon’ny sambo mpanjono ohatra ny tany Guinée. Nomena fanofanana
mahakasika ny famantarana ny fisian’ny sambo mpanjono tsy manara-dalàna izy ireo.
Nomena ihany koa ny fitaovana ilaina amin’izany.
Nahazo fiofanana momba ny fomba fiasa avy tamin’ny ministeran’ny jono ny tao
Sandongo izay any Burkina Faso.
Nomen’ny TAFCDF fanofanana mahakasika ny fitantanam-bola sy ny fitantanana ny
harena anaty rano ary ny fitantanana ny vondrona ny tao Tanji any Gambie.
Ny fiaraha-miasa teo amin’ny tompon’andraikitra foibe sy ny tompon’andraikitry ny
jono isaky ny faritra, ny fanjakana, ireo mpanjono, ny tetikasa sy ny mpamatsy vola no fomba
namahan’ny Afrika andrefana ny olana teo amin’ny sehatry ny jono. Nitarika ho amin’ny
fahombiazana ny fiombonana sy ny fiaraha-mientana nataon’ireo vondronolona ireo. Porofo
maneho izany fahombiazana izany ny fahafahan’ny mpanjono maromaro nandefa ny zanany
hianatra any amin’ny oniversite anisan’izany i Dabo Sule, Yumisa Dankisha. Tombontsoa
140
azon’ireo mpajono tao anatin’ireo ezaka ireo ihany koa ny fahafaha’ny ankamaroan’ny
mpanjono nanorina trano sy nividy ireo fitaovana madinidinika ilaina toy ny bisikileta. Azo
lazaina araka izany fa zava-dehibe fiaraha-miasa eo anatrehan’ny olana toy itony raha te
hahita fahombiazana.
Ny tao Ankiakabe
Nanana ny fomba niatrehany ireo olana ireo ihany koa ireo mpanjono sy ny
tompon’andraikitry ny jono ao Ankiakabe. Ny fampivondronana ireo mpanjono no ezaka
natao voalohany tamin’ny alalan’ny fananganana ny fikambanana mpanjono PCDBBA, izay
nivondronan’ny mpanjono rehetra amin’ny faritra manodidina an’i Maroantsetra. Natao ny
fomba mba hahatonga ny mpanjono rehetra ho ao anatin’ny fikambanana. Hifehezana ny tsy
fanarahan-dalàna rehetra ataon’ny mpanjono no anton’izany.
Nentanina ihany koa ireo mpanjono isaky ny fokontany mba hanangana fikambanana
maromaro hivondronan’izy ireo. Miara-miasa amin’ny ONG227
toy ny WCS, PSDR228
ary ny
fanjakana ireo fikambanana ireo amin’ny fihatrehana ny olana. Manampy ireo mpanjono
amin’ny lafiny ara-pitaovana sy ny lafiny fanofanana izy ireo. Ohatra, nahazo fanampiana
ara-pitaovana toy ny harato, ny lakana, ny motera ―hors bord‖ avy tamin’ny PSDR ny
fikambanana TPA229
ao Ankiakabe. Nahazo fanofanana mahakasika ny fitantanana ny harena
an-dranomasina avy tamin’ny WCS ihany koa. Niova ny zava-nisy teo amin’ny sehatry ny
jono an-dranomasina tao Ankiakabe, teo amin’ny fomba fiasa noho ireo rehetra ireo. Nanana
fomba fiasa vaovao nentina nanatsara ny sehatry ny asa fanjonoana sy ny fari-piainany ireo
mpanjono.
Nihatsara ny fitaovana nampiasainy raha oharina tamin’ny teo aloha noho ny
fanampiana ara-pitaovana azony. Tsy tonga tamin’ny fahombiazana tanteraka anefa ny tao
Ankiakabe na dia teo aza ny fiovana nisy noho ny ezaka natao tamin’ny famahana ny olana
teo amin’ny sehatry ny jono. Mbola tsy resy ny ankamaroan’ny olana toy ny tsy fanarahan-
dalàna eo amin’ny mpanjono madinika sy ny sambo mpanjono, ny fidinan’ny vokatra, ny tsy
fisian’ny lalam-barotra. Mafy ny ezaka sy ny ady efa natao nefa mbola azo lazaina ho tsy
nahitana vahaolana ireo rehetra ireo. Tsy tonga tamin’ny fahombiazana tahaka ny tany Afrika
andrefana ny tao Ankiakabe noho ny antony maro samihafa. Inona àry ny tokony hatao mba
hahatrarana ny tena fahombiazana tanteraka?
227
Organisation Non Gouvernementale 228
PSDR : Projet Soutien du Dévelopement Rural. 229
TPA : Tanora mPikambana Ankiakabe.
141
Mba hahafahana miroso dia zava-dehibe ny hijerena ireo ezaka efa natao, fantarina ao
anatin’izany ireo lafiny tsara teo amin’ny vahaolana noraisina sy ny lesoka izay nahatonga ny
tsy fahombiazana.
III-3-2-1-Jery todika ho fanatsarana ny jono sy fari-piainan’ny mponina
ao Ankiakabe
Raha ny zava-nisy niainan’ireo mpanjono sy ny zava-nisy teo amin’ny sehatry ny jono
an-dranomasina tao Ankiakabe no jerena, hita fa nisy ny fivoarana sy ny fandrosoana teo
amin’ny fomba fijery sy ny fomba fiasa nefa nisy ihany ny tsy fahombiazana.
- Ny lafiny tsara teo amin’ny ezaka efa natao
Fomba fiasa vaovao izay nanampy ireo mpanjono tamin’ny fanatsarana ny sehatry ny
jono ny fananganana fikambanana izay nivondronan’ny mpanjono maromaro. Nanampy
tamin’ny fanatsarana ny fomba fiasa ny fisian’ireny, satria, ny hevitry ny maro no mahataka-
davitra. Olona samihafa izay manana fomba fijery samihafa no mikanbana ao. Mampanan-
karena eo amin’ny resaka hevitra izay tsy fitoviana izay. Ahafahana manentana sy manosika
ireo mpanjono ho amin’ny fanajana ny lalàna mifehy ny jono amin’ny alalan’ny fanofanana
ny fisian’io fikambana io.
Ezaka efa nataon’ireo mpanjono tao Ankiakabe ihany koa ny fiaraha-miasa amin’ny
ONG vitsivitsy misy ao an-toerana. Manampy ireo mpanjono eo amin’ny lafiny fitaovana,
fomba fiasa sy ny tetika amam-paika maro samihafa ny ONG. Ny hanatsara ny sehatry ny
jono an-dranomasina ao Ankiakabe ny tanjona tao anatin’izay.
- Ny lafiny azo kianina
Eo amin’ny lafiny sosialy ohatra, efa nisy ihany ny fikambanana mpanjono nefa tsy
ny mpanjono rehetra no niditra tao anatin’ny fikambanana. Nahazo ny fanofanana sy
voafehin’ny lalàna misy eo amin’ny fikambanana izay tao anatin’ny fikambanana. Nanamafy
ny lalàna mifehy ny jono ny lalàna napetraka teo anivon’ny fikambanana mba hahatonga ny
tsy fanarahan-dalàna ho rava. Nitohy anefa ny tsy fanarahan-dalàna ataon’ny mpanjono
madinika izay tsy ao anatin’ny fikambanana. Mitombo isa ireo vondronolona tsy ao anaty
fikambanana ireo.
Eo amin’ny lafiny fifandraisana, tsy ampy ny fifandraisana eo amin’ny samy
mpanjono, tsy ampy ny fifampidinihana sy ny fifanakalozana. Samy maka ho azy ny
ankamaroan’ireo mpanjono kanefa hoy ny ohabolana hoe ―izay mitambatra vato‖. Izany hoe,
hanana ny tena fahatanjahany ny sehatry ny jono an-dranomasina ao Ankiakabe raha misy ny
tena firaisan-kina sy ny tena fiombonana eo amin’ny samy mpanjono. Tsy ampy ny
142
fifandraisany amin’ny olona ivelan’ny fiaraha-monina misy azy, indrindra amin’ny mitovy
taranja aminy toy ny mpanjono any amin’ny faritra hafa.
Eo amin’ny lafiny fitantanana, tsy ampy ny fanabeazana ny vahoaka sy ny taranaka
hiatrika ny asa fivelomana. Tsy ampy ny fampandraisana anjara ny vehivavy amin’ny asa
fivelomana. Raha ny zava-misy ao Ankiakabe no resahina, tsy tafiditra ao anatin’ny
mpandray anjara amin’ny fampandrosoana ny lafiny toe-karena ny vehivavy. Mpijery sy
mpitazana fotsiny izy. Kely ny sehatra mba hafahany mandray anjara. Ny tsy fahampian’ny
fanofanana sy ny fitarihana azy ireo no mahatonga izany rehetra izany. Tsy misy ny
fanofanana mifantoka amin’ny vehivavy manokana mba hanetsika ny fahaiza-manaony ka
hahatonga azy hanana ny fahavitriana. Mivantana amin’ireo lehilahy mpanjono avokoa ny
ankamaroan’ny fanofanana. Porofo manamarina izany, nisy fanofanana mpanjono tao
amin’ny WCS tamin’ny fotoana nanaovanay fitsidihana. Iray ihany ny vehivavy tao
anatin’ireo olona maromaro nandray ny fanofanana.
Eo amin’ny lafiny toekarena, mifandray sy mifamatotra ny toe-karena sy ny varotra.
Raha osa ny lafiny varotra, osa ihany koa ny lafiny toekarena; izany hoe tsy ho tafakatra
mihitsy ny lafiny toekarena raha tsy misy ny lalam-barotra. Kely ny lalam-barotra, raha ny
zava-misy ao Ankiakabe. Ny tsena any an-toerana ihany no mba azon’ireo mpanjono
antenaina.
III-3-2-2-Ny soso-kevitra ho fanatsarana ny fiharian-karena sy ny
fiainan’ny mpanjono
Adidy sy andraikitry ny mponina ny hampandroso ny faritra misy azy. Eo
anoloan’izay adidy sy andraikitra izay dia manana soso-kevitra ho amin’ny fampandrosoana
sy fampivoarana ireo mponina ao Ankiakabe ary manana ny azo atolotra ihany koa izahay
mpanadihady.
Avy amin’ny hetahetan’ny mponina:
- Hetahetan’ny mponina indrindra ireo mpanjono ny mba hisian’ny fiaraha-
miasa matotra eo amin’ny fokonolona sy ny tompon’andraikitra, ao anatin’izany ny fanjakana
sy ny ONG maro samihafa. Andraikitry ny fanjakana sy ny ONG maro no manome
fanofanana ireo mpanjono sy ireo vahoaka momba ny fiarovana sy fikolokoloana ireo harena
an-dranomasina. Hetahetan’ny vahoaka ihany koa ny hitadiavana lalam-barotra
ivelan’Ankiakabe sy ny iraisam-pirenena.
- Tokony hapetraka ihany koa fa tokony hiditra ao amin’ny fikambanana
mpanjono mba hahafahana manara-maso ny fitaovana ampiasainy sy ny fomba fiasany izay
rehetra te hanao ny asa fanjonoana.
143
- Ankoatra ny olana amin’ny fitotonganan’ny vokatry ny jono dia eo ihany
koa ny olana eo amin’ny fanaparitahana ny vokatra, mipetraka izany olana izany noho ny tsy
fisian’ny làlana mampifandray an’Ankiakabe amin’ny renivohitra sy ny faritra manodidina.
Sakana amin’ny fandrosoan’ny fiharian-karena izany ary ao anatin’izany ny sehatry ny jono
ka mba hampandrosoana sy hampivoarana ny sehatry ny fiharian-karena izay mifandray
amin’ny fandrosoan’ny fiainan’ny mponina dia mangetaheta ny hijeren’ny fanjakana ny
resaka làlana mba hahafahan’ny mponina mifandray amin’ny faritra manodidina.
Avy amin’ny mpikaroka:
Miankina amin’ny toe-tsain’ny tsirairay ny fahombiazan’ny vahaolana haroso
manoloana ny olana misy eo amin’ny sehatry ny jono an-dranomasina ka mba hisian’ny
fahombiazana dia ny toe-tsaina aloha no amboarina. Ao anatin’izay ny fanabeazana sy ny
fandresen-dahatra amin’ny alalan’ny fanentanana:
Atao izay fomba hahatsapan’ny tsirairay fa tompon’andraikitra amin’ireo
harena voajanahary ireo izy, atao tsapany fa azy ireo harena ireo ka tokony ho karakarainy.
- Atao mazava ao an-tsainy fa raha tsy mandray andraikitra amin’ny
fiarovana ireo izy dia ho simba ireo, ary izy ireo ihany no iharan’ny fatiantoka voalohany
amin’izany.
- Aseho azy ny maha sarobidy ireo trondro ireo, ampahafantarina azy ihany
koa ny isan’ny tokantrano mivelona amin’io resaka jono io. Raha ripaka ny trondro dia ho
aiza ireo tokantrano ireo.
Atao tsapany ihany koa ny filan’izy mponina ireo vokatry ny jono eo amin’ny ara-
tsakafo. Izany hoe beazina sy ampianarina ny mponina hanana fijery sy fiheverana vaovao
momba ny harena iombonana.
Rehefa resy lahatra amin’izany rehetra izany ny mponina sy ny mpanjono vao haroso
ny fiaraha-miasa amin’ny ONG toy ny natao tamin’ny tetik’asa ZAC sy ny tamin’ny
fanjakana.
Rehefa tena resy lahatra ireo mpampiasa ramikaoko dia tsy mila dinam-pokonolona sy
ny fanaraha-maso isan-karazany intsony fa miravona ho azy ny olana rehetra.
Tezaina sy beazina ny vahoaka mba hanana indray ny foto-pisainan’ireo Ntaolo
Malagasy ny amin’ny fitsinjovana sy fiahiana ny taranaka sy ny tontolo iainana.
Ampahafantarina azy ny fiainan’ireo Ntaolo izany fandalana ny taranaka izany, aseho azy
ihany koa ireo lalàna sy ny fitsipi-piainana maro samihafa izay napetrany.
144
III-3-2-3- Tantsoroka ho fanatsarana ny jono sy ny fari-piainan’ny
mpanjono
Eo amin’ny lafiny fifandraisana, tokony hisy fifandraisana ny mpanjono
rehetra manerana an’i Madagasikara sy manerana ny Afrika mba hisian’ny fifanakalozana
ara-pahaiza-manao eo amin’ny samy mpanjono, mba hisian’ny fifampizarana eo amin’ny
fomba fiasa. Izany fomba fiasa vaovao izany dia hitarika ainga vaovao amin’ireo mpanjono,
hitarika sy hanampy ireo mpanjono hanana fomba fiasa vaovao, hanana fomba fijery vaovao
izany, satria samy manana ny fomba fiady izay mampahomby azy ny tsirairay any amin’ny
toerana misy azy avy. Izay paika sy ny fomba fiady hita any amin’ny faritra iray dia mety tsy
ananan’ny amin’ny faritra hafa ka ny fifandraisana misy amin’izy ireo no hahafahana
mifampizara izany. Mba hahafahana manatanteraka izany dia tokony hanokatra tranonkalam-
pifandraisana 230
ireo mpanjono mba hahafahany mifandray sy mifanerasera akaiky. Mialoha
izany anefa mba hafahan’ny rehetra mandray anjara dia omena fanofanana mahakasika ny
serasera aloha ireo mpanjono.
Tokony hanomana karazana fihaonam-be izay hiarahan’ny manjono rehetra eto
Madagasikara sy ny eran’i Afrika. Mandritra izany no hanaovana sy anomezana fihofanana ho
an’ny mpanjono rehatra, eo ihany koa no anomezana azy ny tekinika sy ny fomba fiasa
rehetra mba hafahana mampandroso sy manatsara ny sehatry ny jono an-dranomasina. Asiana
fiofanana manokana mahakasika ny toekarena mba hahafahan’ireo mpanjono hampisondrotra
sy hanatsara ny lafiny toekarena amin’ny alalan’ ny asa fanjonoana.
Ny antony nidiran’ny ankamaroan’ireo mpanjono amin’ity sehatrasa ity dia tsy noho
ny fahalalany io sehatra io fa noho ny olana eo amin’ny foto-pivelomana, noho izany mila
hofanina sy tohanana ara-kevitra ireo mpanjono mba hampandroso io sehatra io. Toy izany ny
zava-nisy tany amin’ny tanàna iray atao hoe Sahel de Sandogo tany Burkina Faso, tratran’ny
haintany ny tanànan’i Sahel ny fiandohan’ny taona 1970, ary nandrava sy namotika ny
tanànan’i Sahel io hain-tany io, ny ankamaroan’ny mponina anefa dia mpamboly ka mba
hiadiana amin’ny fahantrana naterak’izay dia nanao ny asa fanjonoana ny mponina. Mba
hampandeha sy hampizotra tsara ny asa dia nangataka fanofanana tany amin’ny minisitera
miandraikitra ny jono ireo vahoaka ireo, noho izay fanofanana izay dia lasa nanana fahaiza-
manao ireo mpanjono ary nandroso sy niroborobo ny sehatry ny jono.231
230
Cite Web 231
, Organisation des Nations Unies, La pêche dans la vie des pauvres en Afrique de l’Ouest, 2002, p2:
« Le village Sahélien de Sandogo, victimes de la sécheresse qui ne cesse de dévaster le Sahel depuis le début des
années 1970, les habitants de Sandogo, des cultivateurs pour la plupart, ont appris à pêcher pour s’en sortir.
Une demande de formation fut addressées au Ministère chargé de la pêche. »
145
Eo amin’ny lafiny varotra, mila amboarina ny momba tsena, tsy tokona
hianina amin’ny tsena ao an-toerana ireo mpanjono fa hijery lalam-barotra any ivelan’ny
faritra ary izay no ilana ny fampiasana ny teknolojia toy ny finday, ny ―Internet‖,‖ny face
book‖ hifandraisana amin’ny olona maro mba hahitana lalam-barotra hanaparitahana ny
vokatra.
Tokony hatsaraina ny endriky ny vokatra, izany hoe ny fomba fanehoana azy dia atao
amin’ny endrika tsaratsara kokoa, atao mahasintona kokoa. Ny trondro maina ohatra, atao
mifono sy mihaja tsara mba hahasintona ny mpividy, ny fanehoana azy. Azo atao ny
mampiasa famonosana ary asiana adiresy mazava tsara miaraka aminy. Azo atao ihany koa ny
mampiasa karazan-karona na ratin’akondro atao amin’ny endrika samihafa.
Azo atao ihany koa ny manao karazana tsenabe na foara izay iantsoana ny olona
rehetra manerana ny faritra na manerana an’i Madagasikara, natao izany mba hisintonana ny
olona rehetra mba hijery ny vokatra vokarin’ny mponina ao Ankiakabe ohatra. Ao anatin’izay
no hihaonany amin’ireo mpandraharaha ara-barotra izay afaka miara-miasa aminy, mandritra
izany ihany koa no mety hihaonany amin’ny olona manana orinasa mampiasa ny vokatry ny
jono an-dranomasina na mpanodina ny hazandrano ohatra. Mety ao ihany koa no hihaonany
amin’ireo mpanondrana vokatra mankany ivelany, izany hoe azo lazaina ho manampy ireo
mpanjono amin’ny fitadiavana ny lalam-barotra ity fanaovana tsenabe na foara ity.
Ao anatin’ny fanatanterahana izany rehetra izany dia tokony ho hiseho ny anjara-
toeran’ny vehivavy eo amin’ny fampandrosoana na ny fandraisana andraikitry ny vehivavy eo
amin’ny fampandrosoana. Tokony hanao karazana varotra fampirantina ohatra ny
fikambanam-behivavy vadina mpanjono, mandritra io no hanehoan’ireo vehivavy vadina
mpanjono ireo amin’ny endrika maro samy hafa ny vokatry ny jono. Azony atao ao
anatin’izany ny mampiasa ny resaka taozavatra ho fanohanana ny sehatry ny jono indrindra eo
amin’ny resaka varotra. Azony ampiasaina amin’izany ohatra ny rary, manao saronan-karona
miendrika trondro, miendrika efa-joro, miendrika lakana na mampiasa karazana kira na
kiram-boanio na kiran-drofia atao miendrika vovo na sihi-dava saingy tsy atao misy vavany,
azo atao ihany koa ny manao azy amin’ny endrika maro samihafa. Ireny fitaovana ireny no
ampiasaina amin’ny fampirantina ny vokatra.
Marihina fa ny trondro maina no tena mety amin’ireo fomba fiasa ireo. Azo antoka fa
hahaliana ny olona kokoa ny fanehoana ny vokatra amin’ireo endrika ireo. Fomba iray
ampiasaina hisarihana olona ihany koa ny fanaovana karazana ―tombola‖ mandritra ny
fotoana hanaovana fampirantina, izany dia mandrisika kokoa ny olona hividy ny vokatra.
146
Tokony hatsaraina ny fomba fiasa eny anivon’ny fikambanana, tokony hanana tanjona
mazava ny fikambanana tsirairay ary tokony hanana fomba fijery mivelatra. Izany rehetra
izany dia tokony ho tsapa dieny any am-pianarana ny zanak’ireo mpanjono ka sady manabe
voho ara-tsaina, no manatsara fari-piainan’ny Ray aman-dreny.
FEHINY
Raha fehezina izany rehetra izany dia azo lazaina fa nanova zavatra betsaka teo
amin’ny fomba fiainan’ny mpanjono sy ny sehatry ny jono an-dranomasina ny fivoaran’ny
teknôlôjia. Andaniny, namaha ny olan’ny tsy fahampiam-pitaovana ny firoboroboan’ny
teknôlôjia, tafiditra ireo karazam-pitaovana maro samihafa izay nanamora ny asa fanjonoana
sy ny fivezivezena ary ny fifandraisana amin’ny mponina ao an-toerana sy ivelan’ny faritra.
Ankilany, nanimba zavatra maro teo amin’ny sehatry ny tontolo iainana ny fivoaran’ny
teknôlôjia anisan’izany ny tontolo an-dranomasina izay mihasimba andro aman’alina. Misy
akony amin’ny tontolon’ny asa fanjonoana izany fahasimbana izany dia ny fitontonganan’ny
vokatry ny jono. Ny fampiasana ireo fitaovana toy ny harato ramikaoko madinika sy lehibe
izay ampiasain’ny mpanjono madinika sy ireo mpanjono mampiasa sambo vaventy izay
mifanindran-dalana amin’ny tsy fanarahan-dalàna no antony mahatonga izany. Ny
fivoaran’ny teknôlôjia no nahateraka ireo karazam-pitaovana ireo. Niezaka ny fanjakana sy ny
tompon’andraikitra mba hifehy ireo rehetra ireo nefa tsy nampiova ny toe-java-misy izany.
Nitombo isan’andro ny isan’ireo mpanjono nampiasa ramikaoko ary nitombo ihany koa ny
fahasimban’ny vokatry ny jono aterak’izany. Ny fanamboarana ny toe-tsaina sy ny
fanavaozana ny fomba fiasa no soso-kevitra azonay aroso amin’ny alalan’ity asa fikarohana
ity.
TENY FAMARANANA
147
Nandritra ny fikarohana sy ny famotopotorana izay natao dia ny Fokontan’Ankiakabe
no toerana nifotorana tao anatin’ny fandalinana. Distrika avaratra indrindra amin’ny faritra
Analanjirofo dia ny distrikan’i Maroantsetra ao no ahitana an’io Fokontany Ankiakabe io.
Manana ny fiaim-piainany toy ny fiarahamonina rehetra ny mponina ao.
Eo amin’ny lafiny ara-tsosialy,
Manana ny foto-pivelomana ny mponina dia ny asa fanjonoana; manana sekoly
ambaratonga fototra izay miahy ny lafiny fanabeazana ihany koa ny fokontanin’Ankiakabe.
Zava-dehibe amin’ny fiainan’ny fiarahamonina ny lafiny fitsaboana noho izany dia misy
mpitsabo vitsivitsy izay misahana sy miahy izany fahasalamam-bahoaka izany ao Ankiakabe
ankoatra ny tobim-pahasalamana izay itambarany amin’ny ireo Fokontany maromaro hita ao
Maroantseatra renivohitra.
Eo amin’ny lafiny ara-politika
Ahitana mponina 2816 ny ao Ankiakabe, manana mpitondra ara-panjakana voafidim-
bahoaka dia ny filoham-pokontany Andriamatoa Be Jacnarison izy ireo. Manampy sy miara-
miasa amin’ny filoham-pokontany amin’ny fandrindrana sy fandamianana ary famahana ny
olana miseho eo anivony fiarahamonina ny tangalamena sy ny mpiambinjiny. Ireo
antokon’olona 3 ireo no misahana ny lafiny fitondrana sy ny fitantanana ny
fokontanin’Ankiakabe. Mandamina ny olana toy ny ady misy eny anivon’ny fiarahamonina sy
fianakaviana izy mialohan’ny hiakaran’iny ady iny any amin’ny sehatra ambonimbony kokoa.
Eo amin’ny lafiny fanabeazana,
Ahitana karazam-panabeazana roa ao Ankiakabe: fanabeazana an-tsekoly sy ny
fanabeazana ivelan’ny sekoly. Ny fanabeazana an-tsekoly dia ny fianarana atao eny anivon’ny
sekoly, izay ampianarana ny ankizy hamakiteny sy manoratra ary anomezana azy fahalalana
maro samy hafa momba ny olombelona sy ny zavaboary manodidina azy. Ny fanabeazana
ivelan’ny sekoly kosa dia ny fitaizana ny zaza hiatrika avy hatrany ny foto-pivelomana. Raha
ny zava-misy no jerena dia omen’ny mponina lanja ambony kokoa ny fanabeazana ivelan’ny
sekoly raha oharina amin’ny fanabeazana any an-tsekoly. Izany hoe vitsy amin’ny zaza sy ny
Ray aman-dReny no manana fikasana ho lasa lavitra amin’ny fianarana fa rehefa ahafahany
manao ny asa fivelomana ny fianarana vitany dia efa ampy izany. Anisan’ny antony
mahatonga izany ny hery miasa mangina avy amin’ny zava-misy eny amin’ny fiarahamonina,
izay tsy dia mandrisika ny zaza hifantoka loatra amin’ny fianarana any an-tsekoly. Ohatra
amin’izany ny fahitany olona tsy nahita fianarana firy nefa lasa mpanam-bola sy manana ny
maha izy azy eo amin’ny fiaramonina noho ny filofosany amin’ny asa fivelomana dia ny asa
fanjonoana.Tsapan’izy ireo ao anatin’izany fa tsy ny fianarana no maha lasan-davitra amin’ny
148
fiainana fa ny filofosana amin’ny asa fivelomana. Noho izay toe-javatra izay dia ny
fanabeazana ny zaza hiatrika ny foto-pivelomana no imasoan’ny Ray aman-dReny sy
handrisiany azy mafimafy kokoa toy izay ny fianarana any an-tsekoly.
Eo amin’ny lafiny fahasalamana,
Ahitana karazany roa ihany koa ny eo amin’ny sehatry ny fitsaboana dia ny fitsaboana
nentim-parazana sy ny fitsaboana moderna. Ny fitsaboana nentim-parazana: fitsaboana
amin’ny alalan’ny ravinkazo sy ny fanatonana ny olona izay heverina ho manana hery
ivelan’ny tenany ka afaka manasitrana ny karazan’aretina maro.
Ny fitsaboana maoderina kosa dia ny fanatonana ny tombim-pahasalamana izay
ahitana ny fampiasana ny karazana pilina sy ny tsindrona isan-karazany. Ahitana ireo
karazam-pitsaboana roa ireo eto ankiakabe. Tsikaritr’ireo tompon’andraikitra avy amin’ny
tobim-pahasalamana fa vitsy amin’ny mponina ao Ankiakabe no manaraka ny fitsaboana
moderina, 20 isan-jaton’ny mponina no tarehimarika nomen’izy ireo. Mifantoka amin’ny
fitsaboana nentim-paharazana araka izany ny ankamaroan’ny mponina. Izany fanaony izany
dia mifandray amin’ny finoany fa misy hery hafa izay manampy sy miahy ny fiainan’ny
olombelona.
Eo amin’ny lafiny ara-toekarena
Ny fiharian-karena eo amin’ny sehatry ny jono an-dranomasina no foto-piveloman’ny
mponina. Vanim-potoana roa lehibe no nodiavin’ny jono an-dranomasina eto ankiakabe. Ny
vanim-potoana voalohany dia talohan’ny taona 2000, vanim-potoana izay naha tsizarizary
sehatry ny jono an-dranomasina tao Ankiakabe, mbola tsizarizary ny fitaovana teo
ampelantanan’ireo mpanjono tamin’izany fotoana izany, mbola tsy nanana fomba fiasa
matotra nahafahana nampivoatra io sehatrasa io ihany koa ireo mpanjono. Asa natao
hitadiavana sakafo hahavelona fotsiny ny jono an-dranomasina tamin’izany fa tsy natao ho
fampitomboana harena. Niova izany toe-javatra izany taorian’ny taona 2000, lasa nifantoka
tamin’ny fihariana sy ny fampitomboan-karena ny sehatry ny jono an-dranomasina tao
Ankiakabe. Nivoatra niaraka tamin’izay fiovana izay ny fitaovana nampiasaina, tsy nijanona
tamin’ny fitaovana tsizarizary intsony fa nanao ezaka ireo mpanjono mba hanatsarana sy
hampitomboana isa ireo fitaovana teo ampelantanana. Niseho izany teo amin’ny harato
nampiasaina, tsy ny harato 3 na 4 tondro iray isaky ny mpanjono intsony no nampiasaina fa
nivoatra izany ka nisy ny nampiasa harato hatramin’ny 10 tondro ary tsy iray fotsiny fa
maromaro no hita amin’ny mpanjono iray.
Toy izany ihany koa teo amin’ny lakana nampiasaina, nanomboka nisy ny nampiasa
ny lakan-drafitra izay mandeha amin’ny alalan’ny motera. Nahitana fiovana ihany koa ny teo
149
amin’ny fomba fiasa lasa nanana fomba fiasa vaovao ireo mpanjono tao Ankiakabe dia ny
fananganana ny fikambanana mpanjono izay hiara-hiasa sy hitolona mba hampandroso ny
sehatry ny jono an-dranomasina. Nampiasaina ihany koa nanomboka teo ireo karazam-
pihariana hafa toy ny varotra, ny fambolena, ny fiompiana mba hanohanana sy hanampiana ny
sehatry ny jono an-dranomasina izay foto-pivelomana.
Anisan’ny nahatonga ireo fiovana ireo ny fivoarana sy ny fandrosoana teo amin’ny
lafiny teknôlôjia izay nampitobaka ireo karazam-pitaovana maro samihafa manaraka ny
toetrandro. Nifanindran-dalana tamin’izay fivoaran’ny fitaovana izay ihany koa ny
fijoroan’ireo ONG sy ny fidiran’ny fanjakana an-tsehatra hitarika sy hanofana ireo mpanjono
hiatrika izay fandrosoan’ny fitaovana izay. Nampisondrotra ho ambonimbony kokoa ny
sehatry ny jono an-dranomasina tao Ankiakabe ny fisian’ireo toe-javatra ireo.
Nisy voka-dratsiny ihany koa anefa izany fandrosoan’ny lafiny teknôlôjia izany, ka
nampihemotra ny fandrosoana izay efa mby teo am-baravarana. Nanova ny toetrandro ny
fihazakazaky ny fivoaran’ny teknôlôjia ary izay fiovan’ny toetrandro izay dia nanimba
zavatra betsaka teo amin’ny tontolo an-dranomasina ary maro ireo karazana trondro tsy
mahazaka izany fiovana izany ka miha lany taranaka.
Teo amin’ireo fitaovana vaovao novokarina dia misy ny karazam-pitaovana izay
manimba sy mandripaka ireo trondro sy ireo zava-maniry any anaty ranomasina, tsy inona
izany fa ny karazana harato atao hoe: ramikaoko. Nampidina ambany ny vokatra azon’ireo
mpanjono ao Ankiakabe izany toe-javatra izany ary mamotika tsikelikely ny fiharian-karena
eo amin’ny sehatry ny jono an-dranomasina. Olana atrehin’ireo mpanjono ao Ankiakabe
izany ary nahatonga korontana sy fizarazarana teo amin’ny samy mpanjono dia ireo
mampiasa ny harato ramikaoko sy harato kely maso izay toherin’ny lalàna mifehy ny jono an-
dranomasina sy ireo mampiasa harato vita amin’ny tadim-pintana izay eken’ny lalàna.
Tsy nijery fotsiny anefa ny tompon’andraikitry ny jono sy ny fanjakana fa nandray
fepetra avy hatrany, anisan’ny fepetra noraisina ny fanesorana ny harato ramikaoko teny
ampelantanan’ireo mpanjono ary ny fanoloana izany ny harato manara-dalàna.
Nohamafisin’ny fanjakana izany tamin’ny namoahany ny ―Arrêté‖ laharana 18/680/06
tamin’ny 30 Oktobra 2006, izay mandrara ny fampiasana ny ramikaoko. Tsy nahomby ireo
vahaolana ireo, izany hoe tsy nahavaha ny olana noho ny tsy fahafantarany ny tena olana misy
eo amin’ny sehatry ny jono. Ny tena olana dia tsy mahay mamaky teny sy manoratra ny
ankamaroan’ireo mpanjono, izany hoe vitsy dia vitsy ny mba nandalo fianarana.
150
Tsy ny eto Madagasikara ihany no mipetraka io olana io fa saika manerana
an’Afrika232
, ohatra ny any Benin maro amin’ireo zanaka mpanjono no tsy mahalala zavatra
hafa ankoatra ny jono, anisan’izany i Boena, 30 taona mahery eo manan-janaka efatra izay 2
ka hatramin’ny 10 taona, mpivarotra trondro no asany hatramin’ny fahazazany. Mpanjono ny
rainy ary ny reniny mpivarotra trondro, lehibe teo amin’ny morontsirak’i Benin izy. Ny zava-
misy eo amin’izay tontolo nahalehibe azy izay ihany no mba fantany ankoatra izay dia tsy
misy zava-pantany.233
Tsy mivelatra amin’ny tontolo hafa ankoatra ny tontolo nahalehibe azy ny fijerin’i
Boena noho izay toe-javatra izay, izany hoe tsy hitany ny fifandraisan’ny tontolo hafa sy ny
tontolo misy azy, hany ka sarotra ho azy ny handray ireo zava-baovao, handray ireo
fanabeazana sy ny toro-hevitra izay vaovao aminy entina hanatsarana ny sehatry ny jono.
Maro amin’ireo mpanjono ao Ankiakabe no miaina izany toe-javatra izany ka mahasarotra ny
ady atao amin’ny fampiasana ireo fitaovana tsy ara-dalàna sy ny fampandrosoana ny sehatry
ny jono indrindra ny an-dranomasina.
Ny vahaolana naroson’ny PMEDP dia ny fampianarana ireo mpanjono ireo hamaky
teny sy hanoratra, tsy tokony hijanona hatreo anefa fa tokony hiafara amin’ny famolavolana
ny sainy mba hivelatra amin’ny sehatra hafa toy ny resaka tontolo iainana sy ny zavatra hafa
mifandray amin’izany mba hahafahana mampivoatra sy mampandroso ny sehatry ny jono an-
dranomasina. Aorian’ny fitaizana ny sainy izay vao tokony haroso ny toro-hevitra sy ny tetika
amam-paika entina hampandrosoana ny jono.
Ankoatra ireo olana ireo, olana hatrehin’ireo mpanjono ao Ankiakabe ary tsy izy irery
ihany fa saika manerana ny Afrika andrefana anisan’izany ny ao Guinée ny fidiran’ireo
mpanjono vaventy aty amin’ny faritra anjonoan’ireo mpanjono madinika. Manimba zavatra
betsaka eo amin’ny sehatry ny jono an-dranomasina io toe-javatra io ary miteraka olana
amin’ireo mpanjono madinika, ny vokatra no lasibatra voalohany, ary mipaka aty amin’ny
fiainan’ireo mpanjono.234
Misy fitoviana amin’izay mitranga any Guinée io ny olan’ny
mpanjono ao Ankiakabe.
232
Araka ny fanambarana nataon’ny PMEDP (Programme pour des Moyens d’Existence Durables dans la pêche
en Afrique de l’ouest) ny taona 2002. 233
Organisation des Nations Unies, La pêche dans la vie des pauvres en Afrique de l’Ouest, 2002, p1: « Boena,
la trentaine, mère de quatres enfants de 2 à 10 ans, est vendeuse de poisson depuis son enfance. Son père était
pêcheur et sa mère vendeuse de poisson. Elle a grandi sur les plages du Benin ou vivent et travaillent les
caumunautés de pêche, et elle n’a rien connu d’autre. » 234
Organisation des Nations Unies, La pêche dans la vie des pauvres en Afrique de l’Ouest, 2002, p8: « Les
chalutiers de pêche industrielle qui pêche illegalement dans les eaux cotières pose de sérieux problèmes aux
pauvres caummunautés de pêche. Ces chalutiers, détruisent les stocks de poisson et les alevins, mais aussi les
moyens d’existence des pauvres villageois qui vivent de cette ressource. Dans le passé, les estimations officielles
151
Adidy sy andraikitry ny fanjakana ny famahana io olana lehibe io, efa nametraka
lalàna mandrara ny fidiran’ireo sambo vaventy mpanjono aty amin’ny faritra iasan’ireo
mpanjono madinika ny fanjakana saingy tsy nahasakana azy. Toy ny hita any Guiné, ny
antony araka ny fanazavana nomen’i Souleymane Conté: mitohy ny fanitsakitsahan’ireo
mpanjono vaventy io lalàna io satria ao anatin’io faritra andrarana azy io no tena betsaka ny
trondro ary amin’io faritra io ihany koa no anatodizany.235
Tokony ho matotra kokoa noho
izany ny fepetra raisin’ny fanjakana ka hametraka sampam-pitsikolovana manokana ny
amin’izany, tsy tratra anefa izany noho ny enti-manana. Ireo toe-javatra ireo no vato misakana
amin’ny fandrosoan’ny sehatry ny jono ato amin’ny faritra Afrika ary anisan’izany ny ao
Ankiakabe araka ny fizotry ny fanadihadiana izay narosonay tato amin’ity asam-pikarohanay
ity.
Eto am-pamaranana dia marihina fa misy ireo vonodina236
ifanaovana sy ampiharina
ao amin’ny tontolon’ny jono, saingy toy ny fisian’ny lalàna rehetra dia tsy mahafoana ny
olana sy ny fandikan-dalàna eo amin’ny sehatry ny jono sy ny fiharian-karena ao Ankiakabe
ireny vonodina ireny. Ny tena olana dia ny tsy fahampian’ny fampiharana ny dina, mipetraka
an-taratasy fotsiny fa tsy tena ampiarina. Ohatra, ny dina mahakasika ny sambo vaventy
mpanjono, mandoa vonodina 20.000.000 Ar izay tratra ao anaty fari-dranomasina iasan’ny
mpanjono madinika. Ny zavatra fantatry ny rehetra dia mitsofoka aty amin’ny faritra iasan’ny
mpanjono madinika amin’ny alina ireo sambo vaventy mpanjono ireo. Tsy misy anefa ny
fanaraha-maso akaiky sy ny fanenjehana azy ireo amin’izany. Tokony hametraka olona
hanara-maso any amoron-dranomasina ny fanjakana sy ny tompon’andraikitra mba
hahafahana manatratra ireo mihoapefy sy hahafahana mampihatra ny dina. Raha matotra tsara
ny fanaraha-maso sy ny fanenjehana ireo mpandika lalàna ary entitra tsara ny fampiharana ny
dina dia hatahotra ireo mpanjono ka andositra tsy ho aty amin’ny faritra voarara intsony.
Ohatra faharoa ihany koa ny amin’ny fampiasana ny ramikaoko sy ny tamis, mandoa
vonodina 30.000 Ar izay tratra mampiasa ireo ary raisina ny fitaovana sy ny vokatra azo. Azo
lazaina ho tsy misy ihany koa ny fampiharana io dina io, fotoana fohy taorian’ny fametrahana
azy ihany no tena nisy ny fanaraha-maso fa rehefa nandeha ny fotoana dia tsy nisy intsony
izany. Azo atao tsara anefa ny manatratra ireo mpanjono na amin’ny fotoana iasany na any
chiffraient les captures de ces pêcheures à 50.000 tonnes par an ; amis il est constaté au cours des dernières
années que leurs prises ont diminué. » 235
Inspecteur du Centre National de Surveillance et de Protection des Pêches : « Les chalutiers industriels
continuent d’enfriendre les règles parce que c’est la zone ou l’on trouve du poisson en grande quantité. C’est
aussi la zone ou les poissons se reproduisent dans les mangroves et les estuaires. » 236
Vonodina sy ny fandoavana azy,
152
an-tsena satria aty amin’ny sisin-dranomasina no iasany ary fantatra ihany ny vokatra azo avy
amin’ny ramikaoko rehefa eny an-tsena.
Ny zavatra hita dia toa matahotra ireo tompon’andraikitra hampihatra ny dina, ny
antony angamba dia noho ny tsy fahampiam-pitaovana eo am-pelantanana. Mila fitaovana
ireo mpiandraikitra ny jono mba hahafahan’izy ireo manenjika ireo mpandika lalàna. Raha
hanenjika ireo sambo vaventy mpanjono ohatra, dia tokony hanana sambo haingam-pandeha
mba hahafahana manatratra ny sambo tsy manara-dalàna, tokony hanana fitaovam-
pitsikilovana ihany koa mba hahafahana mahita mialoha ny toerana misy ireo sambo
mpanjono tsy manara-dalana.
Antenainay, fa hitondra anjara biriky eo amin’ny fanatsarana ny fiainan’ny mponina
sy ny mpanjono ao Ankiakabe ny fahavitan’izao asa izao ka hahafahana mifanabe amin’ny
maha mpiofana hoe mpampianatra sy mpanabe ny tenanay.
Vonona hifampitantsoroka sy hifanampy eo amin’ny fanatsarana ny fari-piainan’ny
mponina sy ny mpanjono ao amin’ny Fokontan’Ankiakabe izahay satria izay tsy mahay
sobika mahay fatambary.
Tianay hosoritana manokana eto am-pamaranana ihany koa ny lanjan’ny asan’ny
―antropologue‖ eo amin’ny sehatry ny fihariana sy ny toekarena indrindra ho an’ny firenena
toa an’i Madagasikara izay mbola miaina amin’ny fomba amam-panao nentin-drazana na dia
efa miroso amin’ny fikirakirana ny teknôlôjia sy ny hairahan’ny fandrosoana aza. Tsikaritra
izany nandritra ny asam- pandalinana momba ―Ny fihariana sy ny toekarena momba ny jono
an-dranomasina ao amin’ny Fokontany Ankiakabe distrikan’i Maroantsetra faritra
Analanjirofo‖. Ny jono no fototry ny asam-pikarohana fa amin’ny maha asa miompana
amin’ny antrôpôlôjia ny asa narosonay tato dia azon’ny tsirairay atao ny mampiasa sy
mijery ireo varavarana misokatra ho an’ny seha-pikarohana samihafa mifandray amin’ny
―jono an-dranomasina sy ny fiainan’ny mpanjono‖.
Marihina ihany koa ny fifamatorana sy ny fifanindranan-dalan’ny antrôpôlôjia
ekonomika sy sosio-antrôpôlôjika amin’ny asa fikarohana amin’izao fotoana izao noho ny
toerana misy an’ny Madagasikara ankehitriny sy ny filana manoloana ny tolotra sy ny tinady
maneran-tany237
. Tsy ho tratra anefa ny tanjona izay nokendrena raha tsy mahafehy ireo
teoría voatanisa sy nampiharinay238
araka ny fijerinay manokana dia ny ―multi-rationalités‖,
―anthropologie dynamique‖, ―socio-anthropologie‖
237
Olivier de SARDAN, George BALANDIER 238
G. Winter in l’anthropologie économique et le dévelopement
153
LOHARANO NANOVOZAN-KEVITRA
A- LOHARANON-KEVITRA AM-BAVA: olona nifampidinihina
Ireo olona
nifampidinihina Fotoana Toerana
Lahy
na vavy Asa atao
Taonan’
ny
olona
Jean Frédéric 07/03/13
6.10-6.30 maraina
Ankiakabe
Maroantsetra Lahy Mpampianatra
52
Taona
BE Alexis 19/03/13
08.30-11ora Maraina
Ankiakandrefana
Maroantsetra Lahy
Tompon’andraikitra momba
ny jono eto Maroantsetra
55
Taona
Mme Berthe 11/04/13
10ora-11 maraina
Antanambao
Maroantsetra Vavy
Tompon’andraikitra momba
ny jono amin’ny faritra
Voloina sy Ankofabe
49
Taona
Mr Solofo
Andriamaharavo
11/04/13
3 ora-3.30 tolakandro Andavanio Lahy
Tompon’andraikitra momba
ny jono ao amin’ny WCS
Noya 08/05/13
4ora-5 tolakandro Ankiakabe Lahy Mpanarato
42
Taona
Jasmin 14/05/13
3ora-4 tolakandro Andavanio Lahy Mpanarato
30
Taona
Jean André 14/03/13
4ora-4.15 tolakandro Ankiakabe
Zaza
Lahy Mpianatra
9
Taona
Be Manistino 15/05/13
2ora-2.15 tolakandro Ankiakabe
Zaza
Lahy Mpianatra
12
Taona
François Dany 16/05/13
2ora-3 tolakandro Ankiakabe Lahy Mpanjono
62
Taona
Mme
Jacqueline
13/06/13
2ora-2.30 tolakandro Ankiakandrefana Vavy Mpamboly
41
Taona
Mme Marie
Elenne
06/06/13
9ora-10 Maraina Ankiakabe Vavy
Tompon’andraikitra ao
amin’ny Secaline
40
Taona
Mr Morel 27/06/13
5ora-6.30 Hariva Mangabe Lahy Mpamboly
72
Taona
Mr
Rakotoarivelo
Céléstin
09/07/13
3ora-4 tolakandro Ankiakabe Lahy
Tompon’andraikitra
amin’ny fikambanana
T.P.A. no mpanjono
48
Taona
154
B- BOKY SY TAHIRIN-KEVITRA NAMPIASAINA
Ireo rakibolana nampiasaina:
MINESEB-CRESED II Dictionnaire Hachette encyclopédique, edition
illustrée, 125.000 définitions, 3000 illustrations,
RAKOTONAIVO François, Rakibolana Frantsay-Malagasy 2003
Ambozontany Fianarantsoa, , 978p.
Regis RAJEMISA-Raolison, Rakibolana malagasy, edit.Ambozontany 2003
Analamahitsy Antananarivo-Madagascar 1061p.
SIMS (J) & KINGEZTT (J.C), Dictionnaire Français-Malgache, 1970
Trano printy fiangonanaLoterana Malagasy, 359p
LAROUSSE Dictionnaire de Français 2001 edit Bordas.
Ireo boky nanovozan-kevitra momba ny anthrôpôlojia sy ny fomba amam-panao
AUJAS, (L),: Notes sur l’histoire des Betsimisaraka in Bulletin de
1906 l’Académie Malgache, numero spécial Vol 4.
BEATTIE (J.), Introduction à l’anthropologie sociale,
1972 Editions Payot, Paris. 371 p.
COUSINS (Rev. W.E), Fomba Malagasy, 1963
Trano Pirinty Imarivolanitra Tananarivo, 207p.
DANDOUAU (A) Historie des populations de Madagascar, 1952
et CHAPUS (G-S): Larose, Paris, pp 35-40.
DESCHAMPS, (H), Histoire de Madagascar, 1965
Berger Levrault, Paris,
E SOAVELOMANDROSO (M), La province maritime Orientale du Royaume
1979 de Madagascar à la fin du XIXe siècle (1882-
1895), Antananarivo, 432 p.
EVANS – PRITCHARD (E.), Anthropologie sociale, 1969
edit. Payot, Paris, 174 p.
LAHADY (P.), Le culte Betsimisaraka et son système symbolique
1979 Préf de Razafintsalama (A.), Librairie
Ambozontany, Fianarantsoa, 279p.
NDROVA Patric, Tsaboraha isan-karazany fomba Betsimisaraka,
1977 Imprimerie Catholique, Tananarivo, , 32p
J. MARICILLE et B. STEQUERT La pêche crevettière à Madagascar en 1973
&. DE Y. BERTIN et E. BASILE, Evolution des stocks et des pourcentages1974.
des différentes espèces dans les captières 25p
B. Stequet, J. Marcille et B. Piton La pêche Thonière à Madagascar (de Mai 1973 à
& F. Moulla Fidaly et A. Ramaroson), Février 1975),15p1976
155
POIRIER, (J), Chez les Betsimisaraka et 1923 les Tsimihety de
Maroantsetra, in Bulletin Economique de
Madagascar 1ère
trimestre,
KASPRZYK, ZBIGNIEE Pêche et aquaculture à Madagascar. 96 p. 1994
KIENER (A) Poissons malgache, 1961in Bulletins de Madagascar
Avril, Mai, Juin 1961. 117 p.
Poissons et plantes d’aquarium de Madagascar.
Ed. Rakotomiary S.l.n.d. de la revue de Madagascar
N° 12-13.
KLUCHON (CLy De), Initiation à l’Anthropologie, S.A. 1965
Tournai, Belgique, 158 p.
RANDRIAMAMONJY (F) Tantaran’i Madagasikara isam-paritra, 2006
Antananarivo 586p
RAZAFINTSALAMA, Tari-dalana ho enti-manadihady ny 1995
fiarahamonina Ntaolo,
Institut de theologie et de philosophie
Ambatoroka Antananarivo,
septambra 1995.
RIVIERA (C.), Introduction à l’anthropologie, 1995
Editions HACHETTE, Paris.
ROCHER (G.) Introduction à la Sociologie générale, 1968
Tome I, L’action sociale, édit HMN Litée, 180 p.
THEREZIEN (Y) La Pêche dans les eaux 1961
continentales de Madagascar - S.L., 8 p. ill.
TONGASOLO (P), Fomban-drazana tsimihety, 1935
Ambozontany Fianarantsoa,
156
D- TAHIRIN-KEVITRA ELEKTRONIKA
Mikasika ny Antrôpôlôjia sy ny Foko Betsimisaraka:
Fr.wikipedia.org/wiki/Betsimisaraka
www.maroantsetra.com/pages/peuple.html.
www.madagascar.guide.com/article/.../les-betsimisaraka-467.html?.
www.madagascar-guide-vision.com>Ethnologieetethnies>.
www.sos-enfants-malgaches.org>leBlog-Madagascar.
www.Universalis.fr/encylopedie/betsimisaraka-royaume-des/
Fr.wileipedia.org/wilei/Anthropogie.
www.anthropologie.com
www.cas_sca.ca/fr/a_propos/quest_/anthropologie.
Fr.Wileipedia.org/wilei/Anthropologie èconomique.
www.puf.com/Dictionnairy.../ANTHROPOLOGIEECONOMIQUE.
www.Universalis.fr/encyclopedie/anthropologie-économique/.
www.green_Fishing.net
www.Voile_reunion.com/madagascar.
www.green_Fishing.net/peche_materiel.madagascar.html
www.wwf.fr/Peche_Durable.
www.actioncontrelafaim.org/Madagascar.
AKORA
157
I-Vonodina
A- Vonodina amin’ny fitaovana enti-manjono
Mandoa vonodina 20 000 000 Ar ny sambo vaventy mpanjono tratra ao anaty fari-
dranomasina iasan’ny mpanjono madinika.
Mandoa ―ristourne‖ 150 Ar isaky ny Kilao amin’ny VOI ny sambo mpividy
makamba.
Ny laka-motera na sambo tratra manary menaka sy solika amin’ny fari-dranomasina
iasan’ny mpanjono dia mandoa vonodina 50 000 Ar
Ferana ho 30 000 Ar ny vonodina amin’ireo mampiasa ramikaoko sy tamis. Raisin’ny
VOI ny vokatra azo sy ny fitaovana.
Mandoa vonodina 20 000 Ar iza rehetra tratra mampiasa harato latsaky ny telo tondro.
Raisin’ny VOI ny vokatra azo sy ny fitaovana
Mandoa vonodina 300 000 Ar izay tratra mampiasa fankamamo sy fitaovana mandeha
elektrika. Raisin’ny VOI ny fitaovana sy ny vokatra azo.
Mandoa vonodina 50 000 Ar izay tratra manao maloto eo amoron-dranomasina.
B- Ny vonodina momba ny hazan-dranomasina:
Maka makamba latsaky ny 10 Santimetatra: 20 000 Ar
Maka makamba amin’ny volana Janoary-febroary-marsa: 40 000 Ar
Maka langosta vavy manantody, l angosta vavy amin’ny volana Janoary-Febroary-Marsa
na maka tsy ampy refy dia mandoa 40 000 Ar.
Maka foza be latsaky ny 8 santimetatra ny savaivony dia mandoa 10 000Ar
Mandoa vonodina 40 000 Ar izay tratra mihaza fano sy lamboharana. Alefa mandeha
ireo biby raha mbola velona.
D- Ny saram-pampiasana ny fari-dranomasina:
Mpikambana: 200Ar
Tsy mpikambana: 1 000Ar
158
E- Ny saram-pampiasana ho an’ny mpanihitra
Mikambana: 200Ar isakin’ny manihitra
Tsy mpikambana: 500Ar isakin’nymanihitra
Ny mpijibika sy mpitifitra trondro : 1 000Ar isaky ny mandeha
Mpanjono mampiasa lakana maotera : 2 000Ar isanandro
Maka fahazoan-dalana 2 000 Ar isan’andro ireo vazaha mpanjono manao fialam- boly.
Raha tratra tsy mahazo alalana kosa dia mandoa vonodina 50 000 AR.
II-Fanisana mpanjono sy ny lakana ny taona 2014
KAOMININA FOKONTANY MPANJONO LEHIBE ZAZA LAHY VAVY LAKANA
ANANDRI-
VOLA
Fananehana 20 19 01 19 01 15
Andakantombaka 07 07 0 07 0 05
Sarovava 02 02 0 02 0 02
Tanantsara 13 12 01 13 0 08
Anandrivola 14 14 0 14 0 06
Tanambao-
Anandrivola 19 19 0 19 0 11
Maintimbato 38 36 02 38 0 22
RANTABE
Rantabe 35 31 04 34 01 35
Itenina 29 25 04 29 0 23
Tampolo 08 06 02 08 0 05
Ampasimbe 13 12 01 13 0 08
Mahasoa 09 09 0 08 01 06
Sarandrano 08 07 01 08 0 08
Rantohely 56 56 0 56 0 52
159
AMBANIZA
NA
Famolahambe 14 13 01 11 03 08
Andranovato
05 03 02 05 0 03
Rantabe/Ambani
zana 175 146 29 114 61 87
Ambodiforaha 04 04 0 03 01 02
Nandrahanana 30 20 10 25 05 19
Ankazofotsy 02 02 0 02 0 02
Marofototra 46 34 12 39 07 29
Ambanizana 174 126 48 50 124 50
Famolahankely 01 01 0 01 0 01
ANDRANO-
FOTSY
Matsotarihina 51 44 07 51 0 43
Ambodivohangy 29 27 02 24 05 09
Andranofotsy 115 106 09 52 63 41
ANJAHANA
Anjahana² 87 79 08 69 18 55
Navana 90 85 05 68 22 62
ANJANAZA
NA
Ambodimandror
ofo 203 195 08 93 110 66
Andrivotra 23 20 03 10 13 11
ANKOFA BE
Tampolo 49 46 03 29 20 26
Anjiabe-
Ankofabe 17 16 01 17 0 13
Antoraka 180 172 08 125 55 37
160
MAHALEVO
-NA
Mahalevona 06 05 01 05 01 10
Iharaka 175 156 16 75 100 19
Lanivahona 05 04 01 04 01 04
Masindrano 172 156 16 70 102 62
MAROAN-
TSETRA
Andranonangozy 230 220 10 79 131 85
Ankiakabe
Tanambao 44 43 01 29 15 28
Varingohitra 90 87 03 51 39 28
Soanierana 29 29 0 12 17 04
Ankiakandrefana 91 90 01 45 46 52
Anjahamarina 21 19 02 11 10 11
VOLOINA
Ambodibaro 10 10 0 08 02
Ambodipaka 92 89 03 43 49 37
Nandrasana 158 149 09 56 102 43
Tanantsara 60 60 0 32 28 27
Voloina 20 19 01 07 13 07
Mahasoa 09 08 01 09 0 08
161
III-Ny lisitry ny fokontany misy ireo mpanjono ato amin’ny
distrikan’i Maroantsetra
Faritra atsimo Faritra afovoany Faritra avaratra
Kaominina Anadrovola: Kaominina Maroantsetra: Kaominina Anjananazana:
Fananehana Andranonangozy Ambodimandrorofo
Sarovava Ankiakabe Andrivotra
Andakantombaka Tanambao Kaominina Andranofotsy
Tanantsara Varingohitra Matsotarihina
Anandrivola Soanierana Ambodivoahangy
Tanambao/ Anandrivola Ankiakandrefana Andranofotsy
Maintimbato Anjahamarina Kaominina Anjahana
Kaominina Rantabe Anjahana
Rantabe Navana
Itenina Kaominina Mahalevona
Mahasoa Mahalevona
Tampolo Iharaka
Ampasimbe Lanovahona
Sarandrano Masindrano
Rantohely Kaominina Ambanizana
Kaominina Voloina Ambodiforaha
Ambodibaro Famolahambe
Ambodipaka Andranovato
Nandrasana Nandrahanana
Tanantsara Ankazofotsy
Voloina Rantabe/Ambanizana
Mahasoa Ambanizana
Marofototra
162
Ireo fikambanana mpanjono:
Kaominina Fokontany Anarana fikambanana
ANANDRIVOLA Fananehana FMMF
Tanantsara FMMA
Anandrivola FMLA
Tanambao/Anandrivola FMMTA
Maintimbato FMM
RANTABE Rantabe MALOKY-MPAMIRA-FMR
Itenina FMLT-LOVASOA
Tampolo FMT
Mahasoa MONDRAZY
Rantohely OPERA-FLMR
ANDRANOFOTSY Matsotarihina FMM
Andranofotsy FIAVOTANA
Antoraka FMMTA-VOI
MAROANTSETRA Andranonangozy FIZAMIFA-LE DAUPHIN-FMTA
Ankiakabe TAFITASOA-VOAHIRANA-TPA
Tanambao FMMT
Varingohitra VOI
VOLOINA Ambodibaro VOI
Ambodipaka VOI-TTFA
Nandrasana TSI KIVY-SAMINA-HRN-ONJA
Tanantsara TMT-VOI
163
IV-Ireo kaominina hita ato amin’ny distrikan’i
Maroantsetra
Kaominina andrenivohitra
MARONTSETRA (fokontany 17)
Kaominina ambanivohitra
- AMBANIZANA (fokontany 03) - AMBODIMANGA/ (fokontany 07)
- ANANDRIVOLA (fokontany 08) - ANDRANOFOTSY (fokontany 07)
- ANDRONDRONA (fokontany 07) - ANJAHANA (fokontany 07)
- ANJANAZANA (fokontany 15) - ANKOFA (fokontany 10)
- ANKOFABE (fokontany 09) - ANTKOTAKO (fokontany 12)
- ANTSIRABE/SAHATANY (fokontany 06) - AMBINANITELO (fokontany 10)
- MAHALEVONA (fokntany 05) - MANAMBOLO (fokontany 10)
- MORAFENO (fokontany 04) - RANTABE (fokontany 07)
- VOLOINA (fokontany 10)
164
Ireo fokontany hita ao amin’ny kaominina andrenivohitra
Maroantsetra
FOKONTANY FILOHAM-POKOTANY
Anjahamarina 1 BARISON Jackob
Varingohitra BETSIMAIKA Felix
Ankiakalava 1 KALO Julien
Amboditsoha VELOMANORO HoyLam
Ampatsona RAMAROTIANA Claude
Emile
Ambodivoafaho DOMINIQUE Soso
ANKIAKABE BE JACNARISON Louis
Ambohitsara JAOHARIVELOZAFY Essé
Claujus
Ankiakalava 2 ZEFO Céléstin
Antaimby BATSIAHINA Ferro
Antanambao JAO Landrice
Morafeno JAO Paul
Mangabe KALONJARA Bruno
Ambatomasina FALY Maro
Soanierana RENE
Ankiakandrefana RAMAHARIVELOARISON
Honoré
Androkaroka RAKOTOMALALA Félix
165
Ireo sekoly miankina sy tsy miankina misy ato amin’ny
distrikan’i Maroantsetra:
Sekoly miankina ambaratonga fototra:
Kaominina AMBANIZANA:
-EPP Ambanizana
-EPP Nandrahanana
-EPP Rantabe/Ambanizana
-Ecole Communautaire Marofototra
-Ecole Communautaire Ambodiforaha
-Ecole Communautaire Anjinjakoho
Kaominina AMBINANITELO :
-EPP Ambatoana -Ecole Communautaire Tsararivotra
-EPP Ambinanitelo -EPP Ambalamahogo
-EPP Ambodiaramy -EPP Ambodivoangy
-EPP Ambodihazomamy -EPP Ambatofotsy
-EPP Anantonambilany -EPP Marovovonana
-EPP Andranasana -EPP Andaparaty
-EPP Mariarano -EPP Marovaka
-EPP Sahamadio -EPP Rantavatobe
-EPP Sarahandrano -EPP Sahantaha
-EPP Tanambao Andranasana -Ecole Communautaire Ambohisoa
-EPP Valambahoaka -Ecole Communautaire Ambodimangatelo
-Ecole Cominautaire Ambalasoa -Ecole Communautaire Rantavatohely
-Ecole Communautaire Bekongona -Ecole Communautaire Anjiamazav
Kaominina AMBODIMANGA:
-EPP Ambodibaro -EPP Ambodimanga 2
-EPP Mafaipoza -EPP Antsiradrano
-Ecole Communautaire Sahajinja Manonga -Ecole Communautaire Andratambe
Kaominina ANANDRIVOLA
-EPP Ankoba -EPP Anandrivola
-EPP Antsoraka -EPP Anena
-EPP Maintimbato -EPP Fananehana
-EPP Antsirabe /Anena -EPP Tanambao Ranolalina
166
Kaominina ANDRANOFOTSY
-EPP Ambohimoko -EPP Andranofotsy
-EPP Ankazomandroko -EPP Ampafatra
-EPP Ivato -EPP Antsangambato
-EcoleCommunautaireAmbodivoangy -EPP Matsotarihina
Kaominina ANDRONDRONA
-EPP Ambodiampaly -EPP Ambodimanga/Nandihizana
-EPP Ampanobe -EPP Ampatrabe
-EPP Antsahamilemaka -EPP Antsirabe/Nandihizana
-EPP Antsiradrano -EPP Nanoharana
-EPP Sahavatana -EPP Vatobe
-EPP Vinanisahandrazana -Ecole communautaire Ambavala
-Ecole Communautaire Ambodiadabo -Ecole Communautaire Bekilandy
-Ecole Communautaire Anjanozano -Ecole Communautaire Antanantsara
-Ecole Communautaire Ambalamanasy -Ecole Communautaire Anjiabe
-Ecole Communautaire Ambinaninankindry -Ecole Communautaire Ambohimarina
-Ecole Communautaire Maroangady -Ecole Communautaire Sahafekona
-Ecole Communautaire Seranandrazana -Ecole Communautaire Tsararano
-Ecole Communautaire Tsaravoly -Ecole Communautaire Vohitsara
-EPP Androndrona
Kaominina ANJAHANA
-EPP Anjomo -EPP Antsanofia
-EPP Mahafidina1 -EPP Mahafidina2
-EPP Sahafotra -EPP Navana
-EPP Anjahana
Kaominina ANJANAZANA
-EPP Ambatoharanana -EPP Anjanazana
-EPP Ambodivoanio -EPP Ambodimandrorofo
-EPP Andrakanana -EPP Andasibe
EPP Madiotsifafana -EPP Ankadimbazaha
-EPP Maroantsafa -EPP Maharanina
-EPP Sahanama -EPP Sahasindro
-Ecole Communautaire Ambodivoanio -EPP Vohidravina
Ecole Communautaire Nosy Manambolo -Ecole Communautaire Tanambao Anjanazana
Kaominina ANKOFA
-EPP Ambalarano -EPP Ambodiadabo
-EPP Ambodivato -EPP Ampatakana
-EPP Benavony -EPP Fampanambo
-EPP Majinavola -EPP Sadikamonjo
-EPP Talanaro -EPP Vinanimbidy
-EPP Ankofa
167
Kaominina ANKOFABE
-EPP Anjiabe -EPP Anjahamarina 2
-EPP Tsarahonenana -EPP Sahajinja
-Ecole Communautaire Ankarantany -Ecole Communautaire Ankofabe
-EPP Antoraka -Ecole Communautaire Vohitsara Sahamalaza
-Ecole Communautaire Analalava -EPP Manambia
Kaominina ANTAKOTAKO
-EPP Ampafamboay -EPP Antakotako
-EPP Marofototra -EPP Ankadibe
-EPP Sahameloka -EPP Sahambatra
-EPP Somisika -EPP Sakatihina
-Ecole Communautaire Antsiranambato -EPP Takoly
-Ecole Communautaire
Antanambao/Ambanivalotra
-Ecole Communautaire Belle Rose
-Ecole Communautaire Sahasatrana -Ecole Communautaire Ampoahantsatroka
-Ecole Communautaire Mahitsiarongana -Ecole Communautaire Sahakoho
-Ecole Communautaire Sahavary -Ecole Communautaire Ampanobe
Kaominina ANTSIRABE /SAHATANY
CEG Antsirabe Sahatany
Kaominina MAHALEVONA
CEG Mahalevona
Kaominina MANAMBOLO
Sekoly tsy miankina:
CEG Manambolo
Sekoly tsy miankina:
Andriamahery
Kaominina MORAFENO
CEG Communautaire Morafeno
Kaominina RANTABE
Sekoly miankina:
CEG Rantabe
Sekoly tsy miankina:
Fanavotana Rantabe
Kaominina VOLOINA
Sekoly miankina:
CEG Voloina
168
Kaominina AMBANIZANA
CEG Communautaire
Kaominina ANDRONDRONA
CEG Androndrona
Kaominina ANANDRIVOLA
CEG Communautaire
LYCEE:
Kaominina MARONTSETRA
Sekolytsymiankina:
Lycée générale Maroantsetra
Sekolytsymiainkina:
F.J.K.M
Avenir de Maroantsetra
Zanatany
Soafaniry
Saint Joseph
La Lumiere
Kaominina ANJAHANA Lycée Anjahana
169
FANDALINANA SÔSIÔ-ANTRÔPÔLÔJIKA NY JONO AN-
DRANOMASINA AO AMIN’NY FOKONTANY ANKIAKABE
DISTRIKAN’I MAROANTSETRA FARITRA
ANALANJIROFO HANITRINIAINA Florida Stephanie, BLOC Laceleste Port 06 Ankatso II 101
Antananarivo (Tél: 0327492337/ 0348109237)
TENY FOTOTRA: fihariana, toekarena, jono an-dranomasina, mpanjono, asa
fanjonoana, Betsimisaraka, Ankiakabe, antrôpôlôjia.
Isan’ny takila: 170
Isan’ny fafana: 11
Isan’ny sarin-tany: 4
Isan’ny kisary: 1
Isan’ny sary: 14
Famintinana:
Sehatra iray anisan’ny mahazo vahana eto Madagasikara ny sehatry ny asa fanjonoana.
Mamelona sy mamatsy olona sy faritra maro manerana ny Nosy io sehatrasa io, anisan’izany
ireo mponina ao Ankiakabe distrikan’i Maroantsetra. Misedra olana anefa ny sehatry ny jono
an-dranomasina ao Ankiakabe noho ny fomba fiasa sy ny tetika amam-paika entina
manatanteraka izany ary ny tsy fanarahan-dalàna ataon’ireo mpanjono. Tsy mitsahatra
mitotongana ny vokatry ny jono an-dranomasina ary ahina ho lany taranaka ny karazan-
trondro maro. Vokany mihaosa ny sehatry ny jono an-dranomasina ao Ankiakabe ary
mitotongana manaraka izany ihany koa ny fiainan’ireo mpanjono. Niezaka nitady vahaolana
ireo tompon’andraikitra sy ireo mpanjono nefa tsy nahitam-bokatra izany.
Niatrika olana mitovy amin’ny olan’ny mponina ao Ankiakabe ireo mpanjono any
Afrika andrefana, nezahina naseho tato anatin’ny asa ny fomba niatrehan’izy ireo izany sy ny
fomba nandreseny izany mba hanampiana ireo mpanjono ao Ankiakabe amin’ny fitadiavana
ny vahaolana. Niezaka nitondra ny tantsoroka azo aroso koa izahay amin’ny maha mpikaroka
sy mpanabe ny tenanay.
Résumé:
Au niveau de l’économie nationale du pays, la pêche assure la meilleure rentrée de
devises étrangères. Elle assure la survie de la population littorale, à savoir les habitants
d’Ankiakabe.
Cependant, la pêche y se heurte de difficultés à la suite d’une défaillance sur les
techniques de pêches utillisées et le non respect des règles ou loi régissant la pêche. Cela
explique donc le tarissement des produits halieutiques qui provoque l’asphyxie de vie des
170
pêcheurs. Les autorités compétentes et les pêcheurs ont essayé de trouver ensemble des
solutions mais cela s’est soldé par l’échec.
Un cas similaire s’est produit en Afrique de l’ouest et des solutions efficaces ont été
mises en place. On peut transmettre ces résultats aux pêcheurs d’Ankiakabe et en tant que
chercheur et enseignant, nous avons essayé d’apporter une idée novatrice aux pratiques de la
pêche dans le but d’améliorer les conditions de travail pour un meilleur bien être de l’homme.
ABSTRACT:
Maritime fishing is still one of the most considered work in Madagascar. Many people
depend completely on this work in field as it feeds (source of income), supplies families, and
more regions around the Island, among of them is Ankiakabe people, Maroantsetra territory.
However, Ankiakabe maritime fishing undergoes different problems due to the way
they manage their work, the technique (method) uses, and the non following of the present
laws (by fishermen). In fact, maritime production still decrease, and many kinds of fish will
be classified as endangered species, they may probably disappear san or leter. Is a result,
Ankiakabe maritime fishing is weekened, similarly, the life style of fishermen becomes weak
though. Although the effort done and the solution proposed by the person in cherge on this
field and the fishermen, there is no improvement.
Fishermen from the western Africa have met similar problems before. In order to solve
the current problem at Ankiakabe and to help fishermen up there, this research work will
showa about the manner they adopt facing such crucial situation, and also the way they fight
against this problem. Is a researcher and a teacher, suggestion will be proposed too.
FANDALINANA SÔSIÔ-ANTRÔPÔLÔJIKA NY JONO AN-DRANOMASINA AO AMIN’NY FOKONTANY
ANKIAKABE DISTRIKAN’I MAROANTSETRA FARITRA ANALANJIROFO.
HANITRINIAINA Florida Stephanie, BLOC Laceleste Port 06 Ankatso II 101 Antananarivo (Tél: 0327492337/
0348109237)
TENY FOTOTRA: fihariana, toekarena, jono an-dranomasina, mpanjono, asa fanjonoana, Betsimisaraka, Ankiakabe,
antrôpôlôjia.
Isan’ny takila: 170
Isan’ny fafana: 11
Isan’ny sarin-tany: 4
Isan’ny kisary: 1
Isan’ny sary: 14
Famintinana:
Sehatra iray anisan’ny mahazo vahana eto Madagasikara ny sehatry ny asa fanjonoana. Mamelona sy mamatsy
olona sy faritra maro manerana ny Nosy io sehatrasa io, anisan’izany ireo mponina ao Ankiakabe distrikan’i Maroantsetra.
Misedra olana anefa ny sehatry ny jono an-dranomasina ao Ankiakabe noho ny fomba fiasa sy ny tetika amam-paika entina
manatanteraka izany ary ny tsy fanarahan-dalàna ataon’ireo mpanjono. Tsy mitsahatra mitotongana ny vokatry ny jono an-
dranomasina ary ahina ho lany taranaka ny karazan-trondro maro. Vokany mihaosa ny sehatry ny jono an-dranomasina ao
Ankiakabe ary mitotongana manaraka izany ihany koa ny fiainan’ireo mpanjono. Niezaka nitady vahaolana ireo
tompon’andraikitra sy ireo mpanjono nefa tsy nahitam-bokatra izany.
Niatrika olana mitovy amin’ny olan’ny mponina ao Ankiakabe ireo mpanjono any Afrika andrefana, nezahina
naseho tato anatin’ny asa ny fomba niatrehan’izy ireo izany sy ny fomba nandreseny izany mba hanampiana ireo mpanjono
ao Ankiakabe amin’ny fitadiavana ny vahaolana. Niezaka nitondra ny tantsoroka azo aroso koa izahay amin’ny maha
mpikaroka sy mpanabe ny tenanay.
Résumé:
Au niveau de l’économie nationale du pays, la pêche assure la meilleure rentrée de devises étrangères. Elle
assure la survie de la population littorale, à savoir les habitants d’Ankiakabe.
Cependant, la pêche y se heurte de difficultés à la suite d’une défaillance sur les techniques de pêches utillisées
et le non respect des règles ou loi régissant la pêche. Cela explique donc le tarissement des produits halieutiques qui
provoque l’asphyxie de vie des pêcheurs. Les autorités compétentes et les pêcheurs ont essayé de trouver ensemble des
solutions mais cela s’est soldé par l’échec.
Un cas similaire s’est produit en Afrique de l’ouest et des solutions efficaces ont été mises en place. On peut
transmettre ces résultats aux pêcheurs d’Ankiakabe et en tant que chercheur et enseignant, nous avons essayé d’apporter
une idée novatrice aux pratiques de la pêche dans le but d’améliorer les conditions de travail pour un meilleur bien être de
l’homme.
ABSTRACT:
Maritime fishing is still one of the most considered work in Madagascar. Many people depend completely on
this work in field as it feeds (source of income), supplies families, and more regions around the Island, among of them is
Ankiakabe people, Maroantsetra territory.
However, Ankiakabe maritime fishing undergoes different problems due to the way they manage their work, the
technique (method) uses, and the non following of the present laws (by fishermen). In fact, maritime production still
decrease, and many kinds of fish will be classified as endangered species, they may probably disappear san or leter. Is a
result, Ankiakabe maritime fishing is weekened, similarly, the life style of fishermen becomes weak though. Although the
effort done and the solution proposed by the person in cherge on this field and the fishermen, there is no improvement.
Fishermen from the western Africa have met similar problems before. In order to solve the current problem at
Ankiakabe and to help fishermen up there, this research work will showa about the manner they adopt facing such crucial
situation, and also the way they fight against this problem. Is a researcher and a teacher, suggestion will be proposed too.