SANTA MISSA

Hahu (Pembukaan)

(Hotu hamrik/ semua berdiri)

Pastor: Hodi Padre(Atas Nama Bapa)

Umat: Amen(Amin)

Pastor: Na’i jesus kristu nia grasa, maromak padre nia domin, hamutuk ho espiritu santo,hela ho imi.

(Maromak hela ho imi)

Umat: nia iha ami let

Hakribi sala

Pastor: maun alin sira, molok ita hahu misterio santu hirak ne’e, ita hakribi lai ita sala.

Konfesa ita sala.

Umat: Ha’u konfesa ba maromak bele halo hot-hotu, no mos ba imi, maun alin sira; ha’u sala fila-fila, hodi hanoin, hodi hateten, hodi halo, hodi la tuir obrigasaun. Ha’u beik sala, ha’u beik sala, la diak liu. Ne’e duni, ha’u husu ba maria virgem, ba anju no santu sira, no mos ba imi, maun alin sira, atu harohan ba maromak tamba ha’u.

Pastor: Maromak bele halo hot-hotu sadia ita.

perdua ita sala, lori ita ba moris rohan laek.

Umat: amen/amin

Pastor: Na’i, sadia ami.

Umat: Na’i , sadia ami.

Pastor: kristu, sadia ami

Umat: kristu, sadia ami

Pastor: Na’i, sadia ami

Umat: Na’i , sadia ami

Maromak futar lia

(Hotu tur hodi rona di-diak leitura sira)

Pembacaan: (maromak futar lia)

Primeira leitura (bacaan pertama)

Lia Husi Livro Profeta Jeremias

Na’i futar lia loron sei to’o, Ha’u sei halo moruk foun ida ho Israel uman no Judá uman. Nia sei la hanesan moruk nebe’e ha’u halo ho sira nia bei-ala sira, hodi hasai sira husi rai Ejipto. Moruk nebe’e sira la halo tuir, maske ha’u ukun sira – na’i futar lia. Maibé, ida ne mak moruk nebé ha’u sei halo ho Israel uman, liu loron hirak ne’e – na’i futar lia ha’u sei tau ha’u ukun – fuan iha sira klamar, hametin iha sira fuan. Ha’u sei sai sira nia maromak, sira sei sai hau nia povo. Sira sei la hanorin malu, sira ida-idak sei la dehan ba nia maun-alin. “Imi buka hatene na’i”. Sira hotu, ki’ik bo’ot sei hatene Ha’u – Na’i futar lia. Basá, Ha’u sei perdua sira salan, Ha’u sei la hanoin tan sira hahalok a’at.

Maromak Futar Lia

Umat: Na’i ami agradese ita.

Salmo Responsorial

Segunada Leitura(bacaan ke dua)

Lia Husi Surat ba Hebreu Sira

Maun-alin sira: Cristo, wainhira sei moris iha rai, nia harohan ho lian maka’as no ho mata-wén ba ida nebé bele soy nia husi mate. Tan nia harohan di’ak, simu duni tulun. Maski oan, ho terus oi-oin, nia hatene dunik oinsa mak sei halo tuir de’it. To’o nia loron, nia sai maksoyn rohan laek ba ema hotu be halo tuir nia hanourin.

Maromak Futar Lia

Aklamasaun molok evanjeliu

(semuanya berdiri)

Pastor : maromak hela ho imi

Umat : nia iha ami let

Pastor : na’i jesus kristu nia evanjeliu nudar saun padre haktuir

Umat : Na’i, gloria ba ita.

Pastor : Evanjeliu (injil)

lia maksoin

Umat :kristu ami hahi ita.

Haklaken fiar nian/credo()

Pastor: Ha’u fiar maromak mesak ida deit.

Umat: Aman bele halo hot-hotu, halo ona lalehan ho ra’i, no buat hotu ema hare no mos la hare. Ha’u fiar na’i ida de’it, jesus kristu, maromak oan mane mesak, moris nanis hosi aman molok tempo hahu; maromak hosi maromak, naroman hpsi naroman, maromak los hosi maromak lolos; aman hahoris, sei la halo nia ida de’it ho aman. Hodi nia buat hotu masu. tan ita ema, atu soy ita, nia tun mai hosi lalehan. Hodi espiritu santu, nia moris hahu an hosi maria virgem, halo an ba mane. Tan ita, ema hedi nia ba krus, iha poncio pilatus nia ukun; nia terus to’o mate, ema hakoi nia. Liu loron tolu nia moris hias tuir eskritura. sae ba lalehan , hato’odan an iha aman nia kuana. Nia sei fila ho kbi’it wain atu halo justisa ba ema moris no ema mate. Nia ukun sei rohan laek. Ha’u fiar espiritu santu; na’i be haraik moris, mai hosi aman no oan; nia mak lia tun hosi profeta sira. Hau fiar kreda ida mesak, santa, katolika, apostolika. Ha’u fiar batismo ida de’it atu kasu sala. Ha’u hein katak mate sira sei moris hias; moris foun sei mosu mai. Amen

Oração dos fieis

Maun alin sira:

ita harohan ba ita aman maromak, atu rona nia atan povo nebé hadera aan nia hamulak.

1. Ba maromak nia santa kreda: Atu kruz maksoyn nia kbi’itHo jesus kristo moris hias nia beran,Hamós nia hahalok a’at, Hodi haraik moris hamutuk ho ksolok hafoun-an ho kristo. Ita harohan

2. Ba reinu hot-hotu iha mundo, ba na’i ulun sira, mai ita nia rain, ba ita nia na’i ulun sira,ba povo hotu iha mundo rai klaran:atu maromak haraik nia laran luak ba sirahodi haraik kmanek wa’in ba sira. Ita harohan

3. Ba ema maksalak sira, liu-liu ba sira nebésala hasoru justiça, hasoru domin, sala hasoru klamar mós,atu fila fali ba diak, hodi moris hias ba kristo nia kmanek. Ita harohan.

4. Ba sira nebé labele mai iha misa ida ne’e:Atu sira tau netik neon iha missa ida ne’e,Hodi hetan maromak nia tulun. Ita harohan

5. Mai ita hotu nebé, ho fiar no laran,Halo quaresma ne’e:

Ita bele ba to’o festa paskoa ho espiritoSanto nia roman, ho klamar momos. Ita haroahan

6. ba ami foin sae sira: ami harohan atu na’i haraik tulun no bensaun mai ami, estudante timor oan tomak, nebé oras ne’e hala’o ami niaestudu iha fatin ida ne’e, habo’ot ami fiar, loke ami neon ho laran. Atu ami kria dame domin paz no unidade iha ami let, No haraik espiritu matenek no isin diak ba ami, Atu bele halao ami nia estudu to’o remata. Ita harohan

7. ba ami nia rain Timor- Leste: atu nai haraik bensaun no tulun ba ami nia rain Timor-Leste, nebé mak oras ne sei hasoru dezafiu oin-oinami harohan atu nai, haraik espiritu santu nia naroman,ba ami nia nai ulun sira, tantu governo no Igreza atu servisu hamutukhodi resolve situasaun nebé krize, nune’e povo bele hetan moris hakmatek iha domin no paz nia laran. Ita harohan

Hasae buat karan/ofertorio

Pastor: Na’i , hot-hotu nia maromak, kmanek wain ba ita boot tamba paun ami simu husi ita boot laran luak, mai husi rai, mai husi ema kolen, ohin ami hasae ba ita boot, atu nakfila mai ami paun moris nian.

Umat: kmanek wain nafatin ba maromak.

Pastor: na’i, hot-hotu nia maromak, kmanek wain ba ita boot tamba tua ami simu husi ita boot nia laran luak, mai husi uvas, mai husi ema kolen, ohin ami hasae ba ita boot, atu nakfila mai ami tua maksoin.

umat: kmanek wain nafatin ba maromak.

Pastor: maun alin sira, ita sei harohan atu maromak bele hot-hotu simu ita nia sakrifisiu

Umat: na’i simu ita nia sakrifisiu ne’e, atu hahi nia naran, atu hetan diak mai ita no ba santa kreda tomak.

Pastor : (hamulak atu hasae buat karan nian)...

Ami harohan ne, hodi na’i jesus kristu nia naran, hamutuk ho espiritu santu.

Umat: amen/amin

Pastor : maromak hela ho imi.

Umat : nia iha ami leet

Pastor : foti neon ba maromak.

Umat :ami neon iha maromak.

Pastor : fo agradese ba na’i maromak

Umat : ne’e ami kna’ar, ami maksoin

ORASAUN EUKARISTIKA II

Pastor : Na’i, aman santu, hahi ita nafatin, hahi ita diak liu tan iha rai ikun, rai ulun, ne’e mak ami kna’ar dunik, ami rahun diak tebes, hodi jesus kristu, ita oan. Nia, ita nia liafuan moris; hodi nia ita halo buat hot-hotu. Ita mak haruka nia mai soin mundo. Hodi espiritu santu nia kbi’it, nia halo an ba mane, moris hosi maria virgem. Atu halo tuir ita nia hakarak, atu libur ba ita povo santu ida, nia terus to’o mate iha kruz. Nune’e, halakon tiha mate nia ukun, nia hatudu mai ami moris hias nia kbi’it. Tan ne’e, hamutuk ho anju no santu sira, ami hahi ita boot nia naran, hodi hananu (dehan)

Umat :santu, santu, santu, nai maromak kbi’it nain; lalehan ho rai haklaken ita boot nia gloria. Hosana leten aas ba diak tebes ida be mai hodi nai nia naran. Hosana leten aas ba.

Pastor : Na’i, ita santu tebes dunik: ita moris santu nia hun. Ne’e dunik, halulik buat karan hirak ne’e, hamahan ho ita boot nia espiritu, atu sira nakfilak mai ami ba na’i jesus kristu nia futar isin no ra’an. Iha oras ne’ebe nia saran aan ba mate hodi nia hakarak, nia kaer paun, fo agradese,silu hodi fahe ba nia eskolante sira, dehan:

Simu ba , hot-hotu haan. Ne’e ha’u nia isin, saran ba mate tan imi

Nune’e mos, han hotu tiha, nia foti kalis, fo agradese, fo ba nia eskolante sira dehan:

Simu ba. Hot-hotu hemu: ne’e kalis ha’u ra’an nian, ra’an aliansa foun no rohan laek, tan imi, tan ema tomak sei nakfakar atu kasu sala. Halo ida ne hpodi hanoin ha’u.

Pastor : misteriu fiar nian.

Umat :(hamrik no haklaken ho laran)

Na’i, ami fo hatene ita nia mate no ami haklaken ita nia moris hias. Na’i jesus, hi’it aan mai.

Pastor : Na’i, oras ne, ami hanoin ita oan nia mate no moris hias. Ami hasae ba ita paun moris no tua maksoin, basa ita simu ami atu servi ita iha ita bot nia futar oin.

Ami haraik aan. Hodi harohan ba ita, atu komunga tiha kristu futar isin no raan, hodi espiritu santu nia tulun, ami bele libuk hamutuk. Na’i, hanoin ita nia kredo namkari

lemo rai.halo nia moris lolos tuir karidade, hamutuk ho santu padre...., ami nia bispu Dom...., no amu lulik sira hotu.

(hanoin mos ita nia oan...nebe’e ita boot bolu na ba hamutuk ho ita. Nudar nia mateo na ho kristu, nune’e mos hamutuk ho kristu, halo nia moris hias iha loron ikus.)

Hanoin mos maun alin sira ne’ebe mate ona hodi hein ho fiar metin moris hias. Ami harohan mos ba sira hotu ne’ebe liu ona ba mundo seluk. Simu sira hotu iha ita boot nia futar oin naroman. Na’i, sadia ami hotu.

Haraik tulun atu ami hetan moris rohan laek, hamutuk ho virgem maria, maromak nia inan, ho apostulu no santu sira hotu ne’ebe moris nudar ita belum, atu bele hananu, hodi hahi ita naran, hodi kristu, ita nia oan.

Aman maromak bele halo hot-hotu, hodi kristu, ho kristu, iha kristu, ami hahi, hanai nafatin ita boot hamutuk ho espiritu santu.

Umat : (hataan ho lian makaas e hananu) amen/amin

Ami aman(bapak kami)

Pastor : ho laran metin, ita harohan ba aman maromak, nudar kristu hanorin:

Umat : ami aman(bapak kami)....,

Pastor : Na’i,hasai ami husi buat aat tomak, haraik dame lor-loron nian mai ami. Ho ita boot laran luak, tulun nafatin ami keta monu ba sala. Hadook ami husi susar tomak atu hein ho laran solok kristu mak soi fila hikas iha loron ikus.

Umat :ita mak liurai;ita mak ukun;ita mak diak tinan ba tinan.

Pastor : Na’i jesus kristu, nudar ita katak ba apostulu sira: ha’u dame hela ho imi, ha’u dame fo ba imu; keta hamatan mai ami sala, maibe hamatan de’it ba kreda nia fiar. Haraik ba nia unidade no paz tuir ita boot hakarak. Ita be maromak hamutuk ho aman no espiritu santu. Amen/amin

Dame (damai)

Pastor : Na’i nia dame hela nafatin ho imi.

Umat :hela mos ho ita.

Pastor : hadame malu ho kristu nia paz.

Umat : amen/amin.

Maromak nia bibi oan(anak domba allah)

Comunhão

Pastor : rahun diak ba sira ne’ebe kristu bolu atu simu nia futar isin. Maromak nia bibi oan nebe kasu mundu nia sala ne’e.

Umat :na’i ha’u la soi ita boot hi’it aan mai ha’u laran, maibe ita boot liafuan ida de’it to’o ona atu soi ha’u.

Pastor : kristu futar isin

Umat : amen.

Harohan atu ramata

Pastor : ita harohan.....ami harohan ne’e, hodi na’i jesus kristu nia naran, hamutuk ho espiritu santu.

Umat : amen/amin

Benção

Pastor : Maromak hela ho imi.

Umat : nia iha ami leet.

Pastor : Maromak bele halo hot-hotu haraik ba imi: padre,filho, ho espiritu santu.

Umat: Amen

Pastor : misa hotu ona, ita fahe malu namkari ho kristu nia paz.

Umat : na’i ami agradese ita.