Lexo te plote "Analiza vjetore e punës së Zyrës së Administrimit të

www.zabgj.gov.al

13

Raport Vjetor 2013

Zyra e Administrimit të Buxhetit Gjyqësor

http://www.zabgj.gov.al/

Raport Vjetor 2013

Zyra e Administrimit të Buxhetit Gjyqësor – www.zabgj.gov.al 2

Përmbajtja Hyrje ............................................................................................................................................................. 3.

1. Aktiviteti buxhetor i Zyrës gjatë vitit 2013 ............................................... Error! Bookmark not defined.

1.1. Numri i punonjësve dhe fondi për shpenzime personeli..............................................................5.

1.2. Shpenzime operative....................................................................................................................6.

1.3. Investime....................................................................................................................................10.

a. Ndërhyrja në infrastrukturën ndërtimore të godinave të gjykatave........................................11.

b. Plotësimi pjesor me pajisje.......................................................................................................12.

c. Investimi në pajisje elektronike.................................................................................................13.

d. Blerje automjeti........................................................................................................................13.

1.4. Standardizimi i shpenzimeve.......................................................................................................14.

1.5. Hartimi i Programit Buxhetor Afatmesëm 2014-2016................................................................16.

2. Aktiviteti dhe funksioni i brendshëm i Zyrës.........................................................................................18.

2.1. Ristrukturimi...............................................................................................................................18.

2.2. Miratimi i Rregullores së re.........................................................................................................19.

2.3. Rekrutimi i punonjësve ...............................................................................................................19.

2.4. Vlerësimi i performancës............................................................................................................19.

2.5. Procedurat e prokurimit..............................................................................................................20.

2.6. Prokurimi i fondeve për sigurimin e jetës dhe të pronës së gjyqtarëve .....................................20.

2.7. Komunikimi i brendshëm............................................................................................................20.

3. Aktivitete të tjera

3.1. Monitorimi i sistemit të Menaxhimit Financiar dhe Kontrollit në gjyakata................................21.

3.2. Analiza mbi strukturat organike të gjykatave .............................................................................22.

4. Bashkëpunimi me institucione të tjera..................................................................................................22.

5. Auditimi i brendshëm ............................................................................................................................23.

6. Sfidat dhe objektivat për vitin 2014.......................................................................................................24.

Raport Vjetor 2013


Hyrje

Analiza vjetore e Zyrës së Administrimit të Buxhetit Gjyqësor gjatë vitit 2013, pasqyron një

përmbledhje të aktiviteteve të institucionit, progresin e arritur në fusha të veçanta, problematikat

e shfaqura dhe masat e marra për zgjidhjen në kohë të tyre si dhe sfidat për vitin 2014.

Zyra e Administrimit të Buxhetit Gjyqësor, në veprimtarinë e saj gjatë vitit 2013, ka patur si

qëllim kryesor mbështetjen buxhetore të shërbimeve gjyqësore dhe përmirësimin e

infrastrukturës së gjykatave, me qëllim sjelljen e tyre në parametrat dhe cilësinë e performancës

së ngjashme me vendet e Bashkimit Europian.

Dokumenti bazë mbi të cilin është mbështetur aktiviteti buxhetor i Zyrës për vitin 2013, është

Deklarata e Politikës së Programit Buxhetor Afatmesëm. Kjo deklaratë është hartuar

mbështetetur në dokumenta si: Strategjia Kombëtare për Zhvillim dhe Integrim, Strategjia

Ndërsektoriale e Drejtësisë, rekomandime të dhëna nga ekspertë të huaj gjatë zhvillimit të

projekteve të ndryshme në gjyqësor si dhe standarde të ndërtuara nga vetë institucioni,

mbështetur në eksperiencën disa vjeçare të aktivitetit të tij.

Bazuar në sa sipër, politikat dhe prioritetet e ZABGJ-së, për vitin 2013, kanë qenë në funksion të

realizimit të objektivave kryesorë, përcaktuar në Deklaratën e Politikës së Programit, si:

- Krijimin e kushteve cilësore të zhvillimit të proçeseve gjyqësore, nëpërmjet mbështetjes

financiare të aktivitetit të gjykatave; përmirësimit të infrastrukturës ndërtimore, kushteve

të punës, gjykimit dhe shërbimit si dhe plotësimit me elemente të sigurisë;

- Përmirësimin në vazhdimësi të teknologjisë së informacionit në shërbim të proçesit

gjyqësor, me qëllim mbështetjen e sistemit të menaxhimit të çështjeve gjyqësore, rritjen e

shpejtësisë në shkëmbimin e informacionit, rritjen e transparencës dhe përmirësimin e

shërbimit ndaj publikut;

- Mbështetjen në vazhdimësi me fonde buxhetore për rritjen profesionale dhe trajnimin e

vazhdueshëm të gjyqtarëve;

Këto objektiva kanë për qëllim final përafrimin e gjykatave dhe shërbimit që i ofrohet publikut,

me standardet e vendeve të Bashkimit Europian. Ato gjejnë mbështetje edhe në programin e

qeverisë për periudhën 2013-2017. Një prej angazhimeve të përcaktuara në këtë program është

“të krijojmë të gjitha kushtet e domosdoshme për funksionimin efikas të sistemit të drejtësisë

shqiptare në përputhje me standardet e BE-së”.

Më poshtë po ndalemi në aktivitetet kryesore të zhvilluara nga Zyra e Administrimit të Buxhetit

Gjyqësor si dhe sfidat të cilat na dalin përpara për vitin 2014.

Raport Vjetor 2013


1 . Aktiviteti buxhetor i Zyrës gjatë vitit 2013

Me ligjin nr.119/2012, datë 17.12.2012 “Për buxhetin për vitin 2013”, u miratua buxheti për

Pushtetin Gjyqësor, në vlerë 1,738,000 mijë lekë. Në tabelën nr.1, paraqiten të dhëna mbi

buxhetin e miratuar me ligj për vitin 2013, sipas artikujve kryesor krahasuar me kërkesat e

gjykatave në projekt-buxhet për vitin 2013 dhe buxhetin efektiv për vitin 2012.

Buxheti i miratuar për vitin 2013, është rreth 1% më i ulët se buxheti i rishikuar për vitin 2012

dhe përbën 82% të kërkesës në projekt-buxhet. Krahasuar me vitin 2012, ka një rritje të fondit

për shpenzime personeli 9 % dhe një reduktim të buxhetit për shpenzime operative 14% dhe

buxhetit për investime 40%.

Tabela nr.1

Buxheti i miratuar për Pushtetin Gjyqësor për vitin 2013

(Buxheti i miratuar me ligj për vitin 2013. Ky buxhet ka pësuar ndryshime gjatë vitit)

në 000/lekë

Nr

Emërtimi

Buxheti i

rishikuar

ne fund te

vitit 2012

Kërkesa në

projekt-

buxhet për

vitin 2013

Buxheti i

miratuar me

ligj ne fillim

te vitit 2013

Raporti (%)

Buxheti

2013/

Buxheti 2012

Raporti (%)

Buxheti

2013/Kërkes

a PBA 2013

1

Shpenzime personeli

1,231,401

1,359,683

1,338,000

+9%

-2%

2

Shpenzime operative

335,217

363,480

290,000

-14%

-20%

3

Investime

180,000

401,862

110,000

-40%

-73%

TOTALI

1,746,618

2,125,025

1,738,000

-1%

- 18%

Numri i punonjësve

1,207

1,233

1,215

Raport Vjetor 2013


Cilat janë disa nga problematikat e hasura gjatë zbatimit të buxhetit për vitin 2013 dhe cila

është performanca e këtij buxheti.

1.1 Numri i punonjësve dhe fondi për shpenzime personeli

Buxheti i miratuar me ligj, në fillim të vitit 2013, për shpenzime personeli (paga dhe sigurime

shoqërore), ishte 1,338 milion lekë. Ky buxhet mbulonte plotësisht nevojat për paga dhe

sigurime shoqërore për numrin 1,215 punonjës të miratuar me ligj.

-Në kërkesat buxhetore për vitin 2013, u parashtrua në formën e një plani afatmesëm, kërkesa

për një shtesë me 26 punonjës, në numrin total të punonjësve të Pushtetit Gjyqësor. Kjo kërkesë

ishte në funksion të planit afatmesëm, për arritjen e numrit optimal të punonjësve të Pushtetit

Gjyqësor, parashikuar për t’u realizuar, nëpërmjet një rritjeje të moderuar, vit pas viti dhe

bazohej në analizën e nevojave për rritjen e efektivitetit të administratës gjyqësore. Kjo analizë

reflekton nevojat e Pushtetit Gjyqësor, për një staf administrativ bashkëkohor, profesional dhe

efiçent në përgjigje të detyrave funksionale, me efekt të drejtpërdrejtë në përmirësimin e cilësisë

së shërbimit ndaj publikut dhe rritjen e transparencës dhe efikasitetit në gjykata. Realizimi i këtij

plani afatmesëm ka nisur prej vitit 2011, vit në të cilin u miratua një rritje e numrit të punonjësve

për Pushtetin Gjyqësor me 26 punonjës dhe në vitin 2012 me 15 punonjës. Me gjithë kërkesën,

për vitin 2013, u miratua një rritje, prej 8 punonjësish dhe buxheti përkatës shtesë për këtë rritje.

-Gjatë vitit 2013, kemi një zhvillim të ri, i cili ka të bëjë me fillimin e aktivitetit të gjykatave

administrative. Me miratimin e Ligjit nr.109/2013 “Për organizimin dhe funksionimin e

Gjykatave administrative dhe gjykimin e mosmarrëveshjeve administrative”, Ligjit nr.151/2013

“Për disa ndryshime dhe shtesa në Ligjin nr. 8588, datë 15.03.2000 “Për organizimin e Gjykatës

së Lartë në Republikën e Shqipërisë” si dhe Dekretit të Presidentit të Republikës nr. 8349, datë

14.10.2013, në datën 4 nëntor 2013, filluan funksionimin 7 Gjykatat Administrative të Shkallës

së Parë dhe Apelit. Bazuar dhe në Ligjin nr.109, datë 1.4.2013 “Për administratën gjyqësore në

Republikën e Shqipërisë”, u rishikuan strukturat organike të gjykatave të shkallës së parë dhe

Raport Vjetor 2013


apelit si dhe u hartuan strukturat e reja për gjykatat administrative, të cilat u miratuan me Urdhër

të Ministrit të Drejtësisë nr.563, datë 25.10.2013.

Fillimi i aktivitetit të gjykatave administrative nuk u shoqërua me shtesë të numrit të punonjësve

në tërësi për Pushtetin Gjyqësor. Stafi i tyre doli nga numri total i punonjësve të Pushtetit

Gjyqësor. Në strukturat e gjykatave administrative u parashikua stafi i gjyqtarëve sipas Dekretit

të Presidentit dhe një staf i reduktuar i administratës. Kjo gjë ka ndikuar gjithashtu edhe në

strukturat organike të gjykatave të tjera të shkallës së parë dhe apelit, ku poste të caktuara pune u

reduktuan duke cënuar në këtë mënyrë funksionimin e proceseve administrative në to. E gjithë

kjo situatë, mendohet të përmirësohet gjatë vitit 2014, brenda mundësive që do të ofrojë numri

shtesë i punonjësve për pushtetin gjyqësor.

Duke qenë se nevojat në numër të punonjësve për gjykatat administrative u plotësuan brenda

numrit të miratuar më ligj për vitin 2013, edhe nevojat për pagesën e punonjësve në këto gjykata

u mbuluan me buxhetin e miratuar për shpenzime personeli për vitin 2013.

Funksionimi i gjykatave administrative si institucione buxhetore më vete kishte nevoje edhe për

shpenzime operative për mbështetjen e aktivitetit të tyre, për periudhën nentor-dhjetor 2013. Por

gjithashtu ishte e nevojshme të garantohej funksionimi i tyre edhe në muajt e parë të vitit 2014,

deri në bërjen efektive të fondeve si dhe realizimit prej tyre të procedurave të prokurimit.

Miratimi i ligjit për Gjykatën e Lartë dhe si pasojë hyrja në fuqi e ligjit për gjykatat

administrative, nuk u shoqërua me buxhetin e nevojshëm për mbulimin e aktivitetit të tyre. Nga

ana tjetër, buxheti i miratuar për shpenzime operative për vitin 2013, kishte kufizimet e veta dhe

nuk ishte i mjaftueshëm për mbulimin e plotë të nevojave që gjykatat e tjera kishin për këto

shpenzime.

Në këto kushte, nga Zyra u vlerësua më gjerë situata, për të plotësuar këtë nevojë të gjykatave

administrative duke realizuar përdorimin e burimeve të tjera të brendshme. Nga analiza e fondit

për shpenzime personeli, rezultoi se ishin krijuar fonde të lira në paga për shkak të mosplotësimit

të strukturave organike në gjykata. Gjatë vitit, numri i punonjësve i miratuar me ligj, nuk u

plotësua në të gjithë strukturat përbërëse të tij. Ka patur mungesa në mesatarisht 45 punonjës,

prej të cilëve 36 gjyqtarë të paemëruar nga Këshilli i Lartë i Drejtësisë. Në negociata me

Ministrinë e Financave u bë e mundur transferimi i fondit 5,500 mijë lekë nga fondi i pagave në

shpenzimet operative (shkresa nr.16496/1, datë 06.11.2013).

Ky fond u detajua për çdo gjykatë, duke garantuar bazën e nevojshme materiale si shtypshkrime,

letër, tonera, kancelari si dhe shpenzime të tjera të domosdoshme për gjykatat.

Si rezultat i këtyre rialokimeve, buxheti për shpenzime personeli për vitin 2013 u realizua në

masën 1,241,323 mijë lekë ose 97%.

1.2 Shpenzimet operative

Për vitin 2013, buxheti i miratuar me ligj për shpenzime operative ishte 290 milion lekë. Ky

buxhet ishte 14% ose në vlerë absolute 40 milion lekë më i ulët se buxheti efektiv për vitin 2012.

Raport Vjetor 2013


Ndërkohë që për vitin 2012, gjykatat rezultuan debitore me detyrime të papaguara, të pasqyruara

në bilancet e tyre vjetore, në vlerë rreth 22 milion lekë.

Në kushtet kur buxheti për shpenzime operative, jo vetëm që nuk kishte rritje por ishte edhe më i

ulët se viti 2012, ishte i pamjaftueshëm për të mbuluar nevojat që gjykatat kishin për këto

shpenzime.

Cilët jane faktorët që diktojnë nevojën për rritje të buxhetit për shpenzime operative?

Ecuria e shpenzimeve operative në gjykata ndikohet nga dy tregues kryesorë, që janë numri i

çështjeve të gjykuara dhe çmimet e mallrave dhe shërbimeve të nevojshme për aktivitetin e

gjykatave. Të dy këta tregues kanë qenë në rritje vit pas viti, gjë që do të thotë se në kuptim të

përgjithshëm, buxheti për shpenzime operative duhet të rritet çdo vit. Ndikimi që këta faktorë

kanë në buxhetin për shpenzime operative, është i ndryshëm, në varësi të peshës specifike të

zërave të shpenzimeve, që ndikohen drejtpërdrejt prej tyre. Ky ndikim, shpjegohet në mënyrë më

të detajuar, në vijim.

Faktori bazë mbi të cilin hartohen kërkesat buxhetore të gjykatave për shpenzime operative është

numri i çështjeve të gjykuara në vit. Mbi bazën e këtyre faktorëve dhe standardeve të vendosura

nga Zyra, si tavan vjetor shpenzimesh, realizohet kostimi i zërave kryesorë të shpenzimeve

operative, si letër, tonera, kancelari, energji elektrike dhe ujë, materiale pastrimi, shpenzime

telefonike dhe postare, shpenzime transporti dhe mirëmbatje të godinave.

Nga ana e Zyrës, monitorohet në vazhdimësi procesi i standardizimit, duke analizuar shpenzimet

faktike të gjykatave dhe rishikuar standardet, në funksion të menaxhimit sa më të mirë të

buxhetit. Një standardizim dhe monitorim i tillë i shpenzimeve, që lidhen në mënyrë të

drejtpërdrejtë me zhvillimin e proçeseve gjyqësore, mbështesin argumentin se, tendenca në rritje

e numrit të çështjeve të gjykuara nga gjykatat, është treguesi kryesor i nevojës për rritje të

buxhetit, vit pas viti. Sipas statistikave të paraqitura nga gjykatat, tre vitet e fundit, vërehet një

rritje e numrit të çështjeve mesatarisht 5% në vit. Referuar tendencës së rritjes së numrit të

çështjeve të gjykuara, efekti i rritjes në buxhetin për shpenzime operative për shkak të rritjes së

numrit të çështjeve, është rreth 3 %.

Për një kategori të caktuar të shpenzimeve të tilla si: letër, tonera, kancelari, shtypshkrime,

karburant etj., që zënë rreth 28% të buxhetit vjetor për shpenzime operative, duke qenë të lidhura

drejtpërdrejt me çmimet e tregut, është e domosdoshme të ketë një rritje të tyre, në përputhje me

nivelin e deklaruar të inflacionit, prej rreth 3% në vit. Efekti që ka rritja e çmimeve për këto

mallra në buxhetin vjetor të gjykatave, është rreth 2% në vit.

Përveç këtyre faktorëve bazë, ka edhe faktorë të tjerë me ndikim në buxhetin e kërkuar për

shpenzime operative.

Kryerja në vijimësi e investimeve, në infrastrukturën ndërtimore të gjykatave sjell për pasojë

shtimin e ambjenteve të reja si dhe sistemet e instaluara në to. Këto investime, kanë nevojë për

shpenzime për funksionimin e sistemeve të instaluara sikurse janë ato të ngrohje-ftohjes dhe

mirëmbajtjen e tyre, me qëllim ruajtjen e vlerës dhe standardeve te arritura.

Raport Vjetor 2013


Funksionimi në gjykata i sistemeve dhe softeve elektronike të instaluara, është shoqëruar me

rritje të numrit të pajisjeve. Kjo, përveç ndikimit në shpenzimet e përditshme si energji elektrike,

kërkon në mënyrë të domosdoshme, rritjen e shpenzimeve për mirëmbajtje, për të mos rrezikuar

në asnjë moment ndërprerjen e punës së sistemeve.

Duke marrë në konsideratë këta faktorë, rritja me 5% kundrejt vitit të mëparshëm, do të ishte e

mjaftueshme në kushtet e një buxheti optimal të një viti më parë, situatë e cila prej vitesh nuk

është arritur në gjykata.

Për sa më sipër, duke marrë për bazë performancën e shpenzimeve gjatë vitit 2012, faktorët e

identifikuar me ndikim të drejtpërdrejtë në koston e proçesit gjyqësor (inflacioni dhe numri i

çështjeve) si dhe zhvillimet e reja në infrastrukturën ndërtimore apo implementimin e projekteve

të ndryshme të dixhitalizimit të proçesit gjyqësor, buxheti optimal për përmbushjen e aktivitetit

të plotë vjetor gjatë vitit 2013 do të ishte 350 milion lekë. Në këtë kuptim, buxheti i miratuar për

vitin 2013, ishte 70 milion lekë më pak se buxheti optimal.

Në këto kushte, për detajimin fillestar të buxhetit për shpenzime operative për çdo gjykatë, u bë i

detyrueshëm një rivlerësim i gjithë treguesve të domosdoshëm për detajimin e buxhetit, për çdo

gjykatë. Treguesit që u rivlerësuan janë: kërkesat e çdo gjykate në projekt-buxhet; performanca e

këtyre shpenzimeve gjatë vitit 2012; numri i çështjeve të gjykuara; numri i gjyqtarëve; nevojat

për ruajtjen e godinave të gjykatave, detyrimet për ekzekutim të vendimeve gjyqësore të formës

së prerë, specifika të veçanta të disa gjykatave që lidhen me shpenzimet për komandime të

gjyqtarëve për të gjykuar në gjykata të tjera, mirëmbajtje të godinave, etj.

Në përfundim të këtij procesi, rezultoi që për çdo gjykatë u detajua një buxhet për shpenzime

operative, i cili përbënte 92% të buxhetit të shpenzuar nga secila prej tyre, për vitin 2012.

Në vijim, gjykatat u udhëzuan të menaxhonin me efektivitet buxhetin në dispozicion duke i

dhënë përparësi shpenzimeve më prioritare në funksion të aktivitetit të tyre vjetor dhe të

evidentonin rast pas rasti nevojat për buxhet shtesë.

Vështirësitë buxhetore të hasura për shkak të buxhetit të pamjaftueshëm në shpenzime operative,

u mbështetën nëpërmjet menaxhimit efektiv të fondeve në dispozicion. Një rol të veçantë në

përmirësimin e situatës dhe likujdimin e detyrimeve të mbartura nga viti i kaluar, ka luajtur

përdorimi i të ardhurave të grumbulluara nga tarifat e shërbimeve gjyqësore në gjykata.

Gjatë vitit 2013, u bë i mundur përdorimi nga gjykatat i të ardhurave të krijuara nga tarifat e

veprimeve gjyqësore, i cili nuk ishte lejuar nga Ministria e Finanacve prej vitit 2006. Në

negociata të vazhdueshme të Zyrës me Ministrinë e Financave, u parashtrua baza ligjore ku

gjente mbështetje e drejta e gjykatave për përdorimin e tyre. Në përfundim të këtij procesi,

Ministria e Financave miratoi propozimin për përdorimin e të ardhurave të krijuara në gjykata,

për mbulimin e një pjese të shpenzimeve të kryera për ofrimin e shërbimeve dhe investime, sipas

nevojave të tyre. Në Udhëzimin Plotësues të Ministrit të Financave nr. 1/1, datë 19.02.2013 “Për

zbatimin e buxhetit për vitin 2013” ku përcaktohen procedurat specifike për zbatimin e buxhetit

të vitit 2013, pika 25/f, të ardhurat nga tarifat e shërbimeve që kryen administrata gjyqësore, u

përfshinë si të ardhura jashtë limitit.

Raport Vjetor 2013


Në këtë mënyrë u krijua mundësia e përdorimit të tyre sipas përcaktimit në Udhëzimin nr.13,

datë 12.02.2009 “Për përcaktimin e tarifës së shërbimit për veprimet e shërbimet e

Administratës Gjyqësore, Ministrisë së Drejtësisë, Prokurorisë, Noterisë dhe Zyrës së

Regjistrimit të Pasurive të Paluajtshme”. Në vijim, për të plotësuar kuadrin nënligjor në këtë

drejtim, u miratua Udhëzimi i përbashkët i Kryetarit të Bordit Drejtues të Zyrës dhe Ministrit

të Financave, nr.1, datë 08.03.2013 ”Për përdorimin e të ardhurave të krijuara nga tarifat e

shërbimeve të administratës gjyqësore”, i cili përcaktonte të drejtën e gjykatave për të përdorur

10% të të ardhurave të grumbulluara nga tarifat e shërbimeve gjyqësore për shpenzime për

mallra dhe shërbime dhe shpenzime për investime.

Për periudhën janar-dhjetor 2013, gjykatat kanë grumbulluar rreth 532 milion lekë të ardhura nga

tarifat e shërbimeve gjyqësore. Bazuar në Udhëzimin nr.1, datë 08.03.2013, gjykatat kanë

mundur të përdorin nga të ardhurat e realizuara, një fond rreth 39 milion lekë përkatësisht, 29

milion lekë në shpenzime operative dhe 10 milion lekë në investime. Përdorimi i të ardhurave

ka ndikuar në shlyerjen në masë të konsiderueshme të detyrimeve të mbartura nga viti i kaluar,

kryesisht në pagesat për avokatë të thirrur krysisht si dhe në plotësimin e nevojave të paraqitura

gjatë këtij viti.

Duke marrë në konsideratë buxhetin e miratuar për shpenzime operative si dhe të ardhurat,

buxheti efektiv i përdorur nga gjykatat në shpenzime operative për vitin 2013 është rreth

322,000 mijë lekë, kundrejt buxhetit 290,000 mijë lekë për vitin 2012.

Peshën më të madhe specifike të këtyre shpenzimeve e zënë shërbimet bazë (29%), materiale të

përgjithshme zyre (21%) dhe shpenzime transporti ( 15% ) etj.

Në grafikun e mëposhtëm pasqyrohen shpenzimet e realizuara nga gjykatat sipas grupeve

kryesore të tyre.

Raport Vjetor 2013


Realizimi i fondeve për pushetin gjyqësor me shifra për çdo artikull dhe grafiku përkatës

paraqitet si më poshtë:

Tabela nr.2

Realizimi i fondeve buxhetore për Pushtetin Gjyqësor për vitin 2013

(në buxhetin e rishikuar për vitin 2013, janë përfshirë të gjitha rialokimet e kryera gjatë vitit)

në 000/lekë

Emertimi

Buxheti i

miratuar për

vitin 2013

Buxheti i

Rishikuar për

vitin

2013

Realizimi i

buxhetit për

vitin 2013

Raporti (në %)

Realizim/Buxhet

për vitin 2013

Paga 1,169,000 1,127,500 1,100,876 98%

Sigurime Shoqerore 169,000 169,000 160,105 95%

Transferime korrente të brendshme 180 809 809 100%

Transferime tek individi 0 835 835 100%

Shpenzime Operative 289,820 297,107 293,642 99%

Investime 110,000 109,520 105,923 97%

TOTALI 1,738,000 1,704,771 1,662,190 98%

1.3 Investime Fondi i miratuar për investime për vitin 2013, ishte 110,000 mijë lekë kundrejt buxhetit të

kërkuar prej 401,862 mijë lekë. Në kushtet e mosakordimit të plotë të fondit të kërkuar (27% të

buxhetit të kërkuar), u bë rivlerësimi i parashikimeve të bëra në fazën e hartimit të projekt-

buxhetit si dhe përcaktimi i prioriteteve të investimeve për vitin 2013.

Në detajimin e fondit të investimeve për vitin 2013, është synuar:

Raport Vjetor 2013


- Investimi në drejtim të infrastrukturës elektronike të gjykatave, me qëllim ruajtjen e

standardeve të arritura, në drejtim të dixhitalizimit të proçeseve gjyqësore.

- Përfundimi i projekteve të nisura nga viti i kaluar, në drejtim të ndërhyrjeve në infrastrukturën

ndërtimore si dhe kompletimi me pajisjet e nevojshme i ambjenteve të krijuara.

- Plotësimi i nevojave të gjykatave, bazuar në programin afatmesëm të hartuar nga Zyra, për

investimet në infrastukturën ndërtimore të gjykatave, kërkesat buxhetore të paraqitura nga

gjykatat, prioritetet e përcaktuara për shkak të situatave të reja të krijuara.

Bazuar në sa më sipër si dhe objektivat e përcaktuar në fushën e investimeve për vitin 2013, u

realizua detajimi i fondit të investimeve, për çdo projekt dhe gjykatë për vitin 2013. Si rezultat i

monitorimit të vazhdueshëm dhe mbajtjes në kontroll të situatës në investime, fondet e lira të

krijuara gjatë vitit, janë rialokuar për të plotësuar nevojat e gjykatave në investime.

Konkretisht, gjatë vitit 2013, u krijua një fond i lirë në Gjykatën e Rrethit Gjyqësor Pukë, për

shkak të mosrealizimit në kohë të procedurës së prokurimit për fondin e alokuar në pajisje. Ky

fond u rialokua për plotësimin e nevojave për mobilje dhe pajisje elektronike për 3 gjykata

administrative (gjykata e apelit administrativ, gjykatat administrative të shkallës së parë Durrës

dhe Vlorë) si dhe disa nevoja në pajisje elektronike për dy gjykata: gjykata e apelit për krimet e

rënda dhe gjykata e rrethit gjyqësor Kukës).

Si rezultat i këtyre transferimeve, fondi i investimeve është realizuar në masën 105,923

mijë lekë ose 97% e buxhetit të miratuar, për gjykatat, për vitin 2013.

Me buxhetin e detajuar në investime për vitin 2013, sipas projekteve kryesorë të investimeve

është realizuar:

a) Ndërhyrja në infrastrukturën ndërtimore të godinave të gjykatave

- Përfundimi i punimeve për rikonstruksionin e plotë të godinës në Gjykatën e Rrethit

Gjyqësor Pukë. Ky projekt është realizuar i shtrirë në dy vite 2012-2013. Si rezultat i

këtij investimi janë krijuar kushte optimale pune për gjyqtarët dhe administratën; numri i

nevojshëm i sallave të gjyqit, aksesi për personat me aftësi të kufizuar si dhe ambjenti i

shërbimit për publikun, të munguara deri më sot.

- Përfundimi i plotë i punimeve për financimin e pjesshëm të kontratës të lidhur për

përshtatjen e ish Institutit të Kërkimeve Zooteknike në godinë të Gjykatës Administrative

të Shkallës së Parë Tiranë. Edhe ky projekt u realizua në dy vite 2012-2013. Investimi i

kryer, garanton kushtet e punës për gjyqtarët dhe punonjësit e administratës gjyqësore,

sallat e gjyqit për zhvillimin e proçeseve gjyqësore si dhe ofrimin në mënyrë cilësore e

transparente të shërbimit për publikun. Përveç kësaj janë plotësuar me pajisje zyrat për

gjyqtarët dhe administratën, sallat e gjyqit si dhe janë siguruar pajisje elektronike për

punonjësit e saj.

- Përfundimi i kontratës së lidhur nga Gjykata e Apelit Tiranë për rikonstruksion të

pjesshëm të godinës, me qëllim krijimin e ambjenteve për akomodimin e gjyqtarëve të

gjykatës administrative. Realizimi i plotë i financimit të punimeve për këtë objekt u shtri

në dy vite 2012-2013.

Raport Vjetor 2013


- Ndërhyrje të vogla në nivel mirëmbajtje në Gjykatën e Lartë, Gjykatën e Apelit Shkodër

si dhe Gjykatat e Rretheve Gjyqësore: Durrës, Gjirokastër, Korçë dhe Mat. Këto

ndërhyrje konsistojnë në hidroizolim tarrace, punime të vogla riparuese me qëllim

përmirësimin e ambjenteve në gjykata etj.

Buxheti i detajuar për rikonstruksion në nivel mirëmbajtje për Gjykatën e Apelit Vlorë për

akomodimin e dy gjyqtarëve të rinj, nuk u realizua, për shkak të mospërfundimit të procedurave

për kalimin e ambjenteve ku do të kryhej akomodimi i tyre. Gjithashtu përsa i takon Gjykatës së

Rrethit Gjyqësor Vlorë, ishte parashikuar një fond për kryerjen e disa punimeve për ambjentet ku

do të vendosej gjykata administrative. Kjo gjykatë filloi aktivitetin në muajin nëntor, periudhë

kjo kur u percaktuan qartë këto ambjente si dhe nevojat konkrete për ndërhyrje në to. Për shkak

të kohës së pamjaftueshme në dispozicion, prokurimi i fondit nuk u realizua.

Për shkak të buxhetit të pamjaftueshëm në investime për vitin 2013, nuk u bë i mundur fillimi i

zbatimit të projekteve, sipas parashikimeve të bëra në projekt-buxhet, për ndërtimin e godinave

të reja për Gjykatën e Apelit dhe Rrethit Gjyqësor Shkodër si dhe rikonstruksionin e plotë të

Gjykatës së Rrethit Gjyqësor Gjirokastër.

Aktualisht janë të gatshme për zbatim, që prej vitit 2009, projektet për ndërimin e godinave të

reja për Gjykatën e Apelit dhe Rrethit Shkodër si dhe Gjykatën e Rrethit Elbasan. Për shkak të

pamjaftueshmërisë së buxhetit në investime në këto vite, këto projekte nuk ka qenë e mundur të

zbatohen, duke u shtyrë realizimi i tyre nga viti në vit.

b) Plotësimi pjesor i nevojave të gjykatave për pajisje për zyrat, sallat e gjyqit, ambjentin e

shërbimit për publikun si dhe ambjente të tjera në gjykatë.

Gjithashtu për vitin 2013, është investuar në gjykata për rinovim pjesor të pajisjeve për shkak të

konsumit moral dhe fizik të tyre si dhe plotësimit të nevojave të reja për shkak të shtimit të

numrit të punonjësve. Këto investime kanë për qëllim krijimin e kushteve të punës në mënyrë që

proçeset e gjykimit të kryhen bazuar në disa standarde teknike, të aplikuara tashmë prej disa

vitesh, në lidhje me zyrat e gjyqtarëve, punonjësit e administratës si dhe sallat e gjyqit. Këto

standarde janë të përcaktuara ne deklaratën e politikës së programit, si pjesë e këtij dokumenti.

Gjithashtu i kushtohet vëmendje plotësimit të sallave të gjyqit, me elementët e nevojshëm që

realizojnë solemnitetin e gjykimit.

Buxheti i miratuar për pajisje dhe mobilje për vitin 2013 është 20,185 mijë lekë ndërsa realizimi

19,179 mijë lekë, ose 95%. Si rezultat i fondit të prokuruar, 17 gjykata u pajisën me mobilje për

zyra për gjyqtarët dhe administratën, sallat e gjyqit, ambjentin e arshivës etj. Gjithashtu pjesë e

këtij investimi është edhe plotësimi i nevojave për gjykatat administrative.

Gjatë vitit 2013 u detajua buxhet për plotësimin me pajisje për zyrat dhe sallat për Gjykatën

Administrative të Shkallës së Parë Tiranë si dhe Kolegjin Administrativ të Gjykatës së Lartë. Për

pjesën tjetër të gjykatave administrative, të cilat u akomoduan në godinat e gjykatave të rretheve

respektive, nevojat bazë u plotësuan nëpërmjet realizimit të transferimit kapital pa pagesë të

pajisjeve nga gjykatat ku ka patur reduktim të numrit të gjyqtarëve e sekretareve gjyqësore.

Gjithashtu nëpërmjet rialokimit të fondeve në investime në fund të vitit, u plotësuan edhe disa

Raport Vjetor 2013


nevoja të tjera të evidentuara pas fillimit të punës nga gjykata e apelit administrativ dhe gjykatat

administrative të shkallës së parë Durrës dhe Vlorë.

c) Investimi në pajisje elektronike, për mbështetjen e dixhitalizimit të proçeseve gjyqësore

Në këto investime përfshihet plotësimi pjesor i nevojave që gjykatat kanë në pajisje elektronike

si: kompjuter, printer, fotokopje, server etj. për mbështetjen e dixhitalizimit të proçeseve

gjyqësore. Programi i menaxhimit të çështjeve gjyqësore ICMIS i instaluar në gjykata, si dhe

projekte të tjera të zhvilluara në drejtim të informatizimit të punës, sikurse janë zhvillimi i

seancave gjyqësore me sistemin audio, kalendari i menaxhimit të sallave të gjyqit, etj., diktojnë

nevojën që paisjet e mësipërme të jenë në gjendje pune dhe sipas parametrave të duhur për

mbështetjen e programeve të instaluar. Për këtë arsye, është i nevojshëm investimi çdo vit për

zëvendësimin në mënyrë periodike të pajisjeve të amortizuara dhe plotësimin e nevojave të reja.

Fondi i akorduar për këtë zë të shpenzimeve për vitin 2013 është 21,471 mijë lekë dhe realizimi

20,293 mijë lekë ose 95%. Ky buxhet u përdor për pajisjen e 22 gjykatave me pajisje elektronike.

Me buxhetin për vitin 2013 u realizua blerja e 80 kompjuterave, 64 printer, 90 UPS, 7 fotokopje,

15 monitorë, 7 server dhe UPS serveri.

d) Blerje automjeti për nevoja të gjykatave

Fondi i akorduar nga buxheti i shtetit për këtë zë të investimeve është 8,000 mijë lekë, ndërsa

realizimi është 7,998 mijë lekë, ose 100%. Ky buxhet është detajuar për blerjen e një autoveture

për Gjykatën e Lartë, si dhe një motoçiklete për Gjykatën e Apelit Tiranë.

Në mënyrë të përmbledhur realizimi i fondit të investimeve sipas objekteve dhe në mënyrë

grafike paraqitet si më poshtë:

Tabela nr.3

(Realizimi i investimeve për Pushtetin Gjyqësor për vitin 2013)1

në 000/lekë

Emertimi Plan Fakt %

1. Rikonstruksion 58,506 57,102 98%

2. Pajisje – Mobilje 42,126 39,941 95%

3. Automjet 8,000 7,998 100%

4. Projekt 888 882 99%

TOTALI 109,520 105,923 97%

1 Me aktin normativ nr.6, datë 04.10.2013, është reduktuar buxheti i investimeve për pushtetin gjyqesor në vlerë

480 mijë lekë.

Raport Vjetor 2013


1.4 Standardizimi i shpenzimeve

ZABGJ në rolin e saj si menaxhuese, monitoruese dhe vlerësuese e shpenzimeve të gjykatave,

tashmë nëpërmjet standardeve të brendshme të përkohshme, ka një mjet më shumë për të

ushtruar funksionet e saj. Duke filluar nga viti 2008, në ZABGJ, ka filluar modelimi dhe zbatimi

i standardeve të brendshme te përkohshme për pjesën më të madhe të zërave në shpenzime

operative. Ky modelim është në vazhdimësi të projektit të EURALIUS-it, i cili rekomandonte

modelimin dhe zbatimin e tyre në gjykata. Standardet e përcaktuara, kanë për qëllim përdorimin

me efektivitet dhe efiçencë të buxhetit nga gjykatat dhe synojnë alokimin e një buxheti adekuat

për gjykatat, sipas zërave përkatës të shpenzimeve. Përfitimet kryesore nga analiza e efiçencës

dhe modelimit të standardeve të brendshme të përkohshme janë: Rritja e transparenës në

menaxhimin e buxhetit; Optomizimi i menaxhimit dhe kontrollit të burimeve buxhetore; Kursimi

i burimeve buxhetore. Rezultatet konkrete të standardizimit të shpenzimeve shërbejnë si bazë për

procesin e programimit buxhetor afatmesëm.

Analizat 6-mujore dhe vjetore, të kryera vit pas viti, tregojnë ecurinë e zbatimit të këtyre

standardeve në çdo gjykatë. Nëpërmjet analizës së efiçencës së shpenzime dhe diagramave të

profilizimit, mund të kontrollohen zërat e shpenzimeve operative të marra në analizë, duke i

krahasuar me standardin e përcaktuar dhe duke parë devijimin nga standardi për çdo zë dhe për

çdo gjykatë.

Duke qenë se analiza 12 mujore kryhet mbi bazën e të dhënave të vitit paraardhës, gjatë vitit

2013 është realizuar analiza e modelimit të standarteve të brendshme të përkohshme për vitin

2012. Gjithashtu gjatë këtij viti është kryer edhe analiza e shpenzimeve për 6-mujorin e parë të

vitit 2013.

Analiza e të dhënave 6 mujore është e dobishme për disa arsye:

- Tregon për shpenzimet e tepërta që janë bërë dhe masat që duhen marrë për të shmangur

shkaqet e këtyre mbishpenzimeve;

- Kontrollon se sa janë respektuar standardet;

- Tregon se si është bërë parashikimi i artikujve që duhen përdorur në planin e vitit

pasardhës, pasi mesi i vitit është koha kur dorëzohen projekt-buxhetet për vitin e

ardhshëm.

Raport Vjetor 2013


Puna për Standardizimin e shpenzimeve në vitin 2012 ishte fokusuar në përmbushjen e objektivit

“Standardizimi i shpenzimeve operative të Pushtetit Gjyqësor deri në masën 70% të tyre”.

Zërat e shpenzimeve që u morën në analizë për vitin 2012 janë: Shpenzime Energji elektrike;

Shpenzime Kancelarie; Shpenzime Letër; Shpenzime tonera; Shpenzime materiale pastrimi;

Shpenzime Mirëmbajtje Ndërtesa; Shpenzime Mirëmbajtje Pajisje Elektronike; Shpenzime

Postë; Shpenzime Telefon Fiks; Shpenzime Transporti; Shpenzime Udhëtime/dieta; Shpenzime

Ujë. Këto zëra dhe nën-zëra të shpenzimeve operative, zënë peshën më të madhe të buxhetit të

shpenzimeve operative në tërësi, në një masë prej 60%.

Nëpërmjet diagrameve të profilizimit dhe analizës së efiçencës të shpenzimeve, u mundësua

kontrolli mbi shpenzimet e kryera për zërat e marra në analizë. Kjo arrihet nga krahasimi me

standardin e përcaktuar, duke evidentuar devijimin nga standardi për çdo zë si dhe identifikimin

e niveleve më të larta dhe më ulëta në gjykatat e marra në analizë.

Përsa i përket vitit 2012, mund të themi se ka patur përmirësim në menaxhimin e fondeve

buxhetore për zërat e shpenzimeve operative të marra në analizë, gjë që duket qartë nga rritja

e nivelit të standardizimit, nga 57% në 59%.

Gjykatat që kanë arritur treguesit më të mirë të mundshëm të standardizimit mbi 85%, janë 3

Gjykatat e Rrethit Gjyqësor Fier, Lezhë dhe Sarandë. Përmirësime ka patur në Gjykatën e Rrethit

Gjyqësor Lushnjë, nga 59% në 77%, Gjykata e Rrethit Gjyqësor Tiranë nga 46% në 70%,

Gjykata e Rrethit Gjyqësor Dibër nga 54% në 72% etj. Shkalla mesatare e përqindjes (%) së

standardizimit të shpenzimeve operative në gjykata është rritur nga 57% në 59% në vitin 2012.

Raport Vjetor 2013


Megjithëse ka patur një rritje relativisht të vogël, në përgjithësi është bërë një punë e mirë në

menaxhimin e burimeve financiare. 16 gjykata ose 54 % e tyre, janë mbi standardin mesatar të

vitit 2012, gjë që tregon një përmirësim të standardizimit të shpenzimeve nga ana e këtyre

gjykatave dhe 14 gjykata ose 46% janë nën standardin mesatar.

Në përfundim të analizës vjetore të shpenzimeve faktike për vitin 2012 dhe analizës 6-mujore të

shpenzimeve faktike për vitin 2013, janë modeluar standardet e brendshme të përkohshme të

shpenzimeve të cilat do të shërbejnë si bazë për parashikimin e buxhetit, për vitin 2015-2017.

Zërat e analizuara Njësia (në mijë lekë) Standardet

1 Energji lek/gjyqtar/vit 100

Energji Elektrike

Karburant për Gjenerator

2 Shpenzime për avokat të thirur kryesisht lek/ceshtje penale/vit 0.65

3 Kancelari lek/ceshtje/vit 0.106

4 Letër lek/ceshtje/vit 0.096

5 Materiale Pastrimi lek/m2/vit 0.101

6 Mirëmbajtje Pajisje Elektronike lek/gjyqtar/vit 14.2

Mirëmbajtje Fotokopje

Mirëmbajtje Kompjuteri

Mirëmbajtje Printeri

Mirëmbajtje Serveri

Mirëmbajtje Fax

Mirëmbajtje Rrjeti (LAN) (Netëork)

7 Shpenzime transporti lek/gjyqtar/vit 150

8 Shpenzime poste lek/ceshtje/vit 0.26

9 Shpenzime telefonia fikse lek/gjyqtar/vit 30

10 Tonera lek/ceshtje/vit 0.2

11 Shpenzime mirembajtje ndertese lek/m2/vit 0.09

12 Ujë lek/m2/vit 0.12

13 Shpenzime udhetimi/dieta lek/gjyqtar/vit 80

1.5 Hartimi i Programit Buxhetor Afatmesëm 2014-2016

Prej 5 vitesh, Pushteti Gjyqësor është pjesë e hartimit të programeve buxhetore afatmesme.

Hartimi i kërkesave buxhetore kryhet mbështetur në Deklaratën e Politikës së Programit (DPP) i

cili është dokumenti bazë për planifikimin e shpenzimeve buxhetore. Në këtë dokument,

përcaktohet politika, qëllimi që synohet të arrihet, objektivat afatmesme dhe afatshkurtra në

funksion të arritjes së këtij qëllimi si edhe standardet mbi të cilat do të mbështeten këto

objektiva.

Raport Vjetor 2013


Gjatë vitit 2013, është hartuar Projekt-Buxheti Afatmesëm për Pushtetin Gjyqësor për periudhën

2014-2016, proces i cili u realizua në dy faza: në muajin Maj dhe muajin Gusht. Në funksion të

këtij procesi, në muajin Mars gjykatave iu dërgua udhëzimi për hartimin e kërkesave buxhetore

dhe deklarata e politikës së programit si dokumenti bazë mbi të cilin do të mbështetej rishikimi i

politikave dhe objektivave dhe hartimi i kërkesave buxhetor për vitin 2013. Për 12 nga 52 zërat e

shpenzimeve operative, gjykatave iu dërguan edhe standarde orientuese për hartimin e kërkesave

buxhetore. Projekt-buxhetet e paraqitura nga gjykatat, u rishikuan nga specialistët e Zyrës,

anëtarë të EMP (Ekipi i Menaxhimit të Programit) dhe pas miratimit hap pas hapi nga GMS

(Grupi për Menaxhimin Strategjik), dokumenti përfundimtar i kërkesave buxhetore për Pushtetin

Gjyqësor PBA 2014-2016, u paraqit në Ministrinë e Financave, me shkresën nr.158/1, datë

30.04.2013, brenda afatit të përcaktuar në Udhëzimin e Ministrisë së Financave për përmbylljen

e fazës se parë të këtij procesi (data 1 Maj 2012). Ky proces, përfundoi në fazën e dytë të tij, në

muajin Gusht, sipas përcaktimeve në aktet ligjore e nënligjore në këtë drejtim dhe buxheti

përfundimtar u përcoll në Ministrinë e Financave me shkresën nr. 158/2, datë 30.08.2013.

Kërkesat buxhetore për Pushtetin Gjyqësor për vitin 2014, krahasuar me buxhetin efektiv për

vitin 2013, paraqiten si vijon.

Tabela nr.4

(Buxheti për Pushtetin Gjyqësor per vitin 2014)

në 000/lekë

Nr Emërtimi

Buxheti

efektiv për

vitin 2013

Kërkesa

për vitin

2014

% e

ndryshimit

kundrejt

2013

1 Shpenzime personeli 1,296,500 1,589,000 +22

2 Shpenzime operative 298,751 387,700 +30

3 Investime 109,520 426,582 +389

Totali 1,704,771 2,403,282 +41

Raport Vjetor 2013


Miratimi i buxhetit për vitin 2014, kaloi në disa faza, duke filluar nga negociatat me Ministrinë e

Financave në muajin Maj dhe Shtator e deri në mbrojtjen e tij në Komisionin për Çështjet

Ligjore, Administratën Publike dhe të Drejtat e Njeriut. Në këto takime, përfaqësues të Bordit

Drejtues dhe Zyrës kanë parashtruar argumentat përkatës mbi domosdoshmërinë e rritjes së

mëtejshme të buxhetit për Pushtetin Gjyqësor.

Gjithashtu edhe Komisioni i buxhetit të Konferencës Gjyqësore, parashtroi në Komisionin për

Çështjet Ligjore, Administratën Publike dhe të Drejtat e Njeriut, argumentat lidhur me nevojat

konkrete që pushteti gjyqësor ka si dhe domosdoshmërinë e mbështetjes buxhetore kryesisht

përsa i takon investimeve.

Si rezultat i negociatave të zhvilluara dhe argumentave të paraqitura, numri i punonjësve i

miratuar për vitin 2014, u rrit me 94 punonjës. Gjithashtu u sigurua një rritje e buxhetit, kundrejt

tavanit paraprak të propozuar nga Ministria e Financave gjatë fazave përgatitore të hartimit të

kërkesave buxhetore dhe kundrejt buxhetit efektiv për vitin 2013. Buxheti total i miratuar për

vitin 2014, është 2,071 milion lekë dhe ka një rritje me rreth 22 % kundrejt buxhetit për vitin

2013. Sipas zërave konkretë, ka një rritje rreth 22% në shpenzime personeli, 16% në shpenzime

operative dhe 28% në investime. Kjo rritje, edhe pse nuk është në nivelin e kërkesës në projekt-

buxhet, mund të konsiderohet e arsyeshme, duke marrë parasysh ecurinë e buxhetit në vitet e

fundit.

2. Aktiviteti dhe funksionimi i brendshëm i Zyrës Puna e Zyrës gjatë vitit 2013, është fokusuar edhe në drejtim të aktivitetit dhe marrëdhënieve

brenda institucionit.

2.1. Ristrukturimi

- Është kryer rishikimi i strukturës së Zyrës dhe përshtatja e saj me standardet strukturore të

përcaktuara. Struktura organike e Zyrës ishte përcaktuar me vendimin e Bordit nr.17/1, datë

5.5.1999. Kjo strukturë organike nuk ishte përmirësuar asnjëherë, që nga momenti i miratimit.

Gjatë viteve të funksionimit të Zyrës, janë shtuar pozicione të reja pune si; pozicioni i IT,

pozicioni i analistit të shpenzimeve brenda strukturës ekzistuese.

Rishikimi i strukturës lindi si një nevojë e brendshme e institucionit për plotësimin e piramidës

menaxheriale, të munguar deri më sot. Ky rishikim konsistonte në:

- Vendosjen e nivelit menaxherial të domosdoshëm, i cili rrit kontrollin dhe përgjegjësinë, e

nga ana tjetër bën të mundur të realizohen detyrimet që rrjedhin nga aktet ligjore në fuqi.

- Shpërndarjen sa më të drejtë të ngarkesës së punës midis punonjësve, në përputhje më detyrat

fillestare dhe ato të shtuara në vite gjatë funksionimit të institucionit.

- Përmbushjen e detyrimeve që rrjedhin nga ligji për MFK-në.

Gjithashtu nevoja për rishikimin e strukturës vinte në përputhje edhe me kërkesat e shtruara në

VKM-në nr.474, datë 16.06.2011 “Për përcaktimin e standarteve e të procedurave që duhet të

ndiqen gjatë hartimit dhe miratimit të strukturave organizative të institucioneve të administratës

publike”. VKM ka të shpjeguar qartë standardet që duhen ndjekur në rishikimin e strukturave

Raport Vjetor 2013


dhe kohën e kryerjes së këtij rishikimi. Zyra ka ndjekur me përpikmëri standardet e miratuara si

dhe është respektuar afati kohor për realizimin e kësaj detyre.

2.2. Miratimi i Rregullores së re të Zyrës

Gjatë vitit 2013 është punuar për përmirësimin e rregullores se brendshme të Zyrës, në përputhje

me aktet e reja si dhe përshtatjen me ndryshimet në strukturë. Janë përshtatur përshkrimet e

punës sipas posteve të strukturës së re organike. Me Vendimin nr.5, datë 11.07.2013, Vendimin

nr.6, datë 03.10.2013, Vendimin nr.1, datë 15.01.2014 dhe Vendimin nr.1/1, datë 15.01.2014 të

Bordit Drejtues të ZABGJ-së, miratohet Rregullorja “Për Organizimin dhe Funksionimin e

ZABGJ-së” ku u reflektuan të gjitha ndryshimet si dhe rekomandimet e lëna nga Kontrolli i Lartë

i Shtetit.

2.3. Rekrutimi i punonjësve

Krahas punës për rishikimin e strukturës dhe miratimin e strukturës së re, janë realizuar

procedurat e rekrutimit të punonjësve nëpërmjet procedurës së testimit në pozicionet ekzistuese

dhe për pozicionet e reja. Gjatë vitit 2013 janë punësuar 7 punonjës. Për 5 punonjës (shef i

sektorit të shërbimeve të brendshme mbështetëse, specialist buxheti dhe inspektor auditi) janë

respektuar procedurat e shërbimit civil, ndërsa për 2 punonjësit e tjerë (sekretare dhe shofer) janë

ndjekur procedurat sipas Kodit të Punës. Gjithashtu gjatë vitit janë larguar gjashtë punonjës, pesë

nga të cilët me kërkesë të tyre dhe një punonjës (shofer) për shkelje të detyrimeve kontraktuale

në punë.

2.4. Vlerësimi i performancës

Gjatë vitit 2013, ndryshimet ne strukturën organike dhe krijimin e niveleve të menaxhimit sipas

kërkesave të VKM nr.474, datë 16.6.2011, kishin për qëllim, ndërmjet të tjerash, edhe krijimin e

strukturave të nevojshme për realizimin e vlerësimit të performancës së punonjësve. Ligji i

sherbimit civil, që hyri në fuqi më 1 tetor 2013 ka parashikuar edhe përfshirjen e Zyrës në

shërbimin civil. Ky fakt, krahas të tjerave, lehtëson procedurën e vlerësimit të performancës së

punonjësve, pasi aktet ligjore të shërbimit civil i kanë të përcaktuara qartë procedurën e

vlerësimit. Aktet nënligjore të shërbimit civil bëhen efektiv në tremujorin e parë të vitit 2014,

duke krijaur edhe premisën e realizimit të performancës në institucionin tonë sipas kësaj

dispozite ligjore. Sikurse është parashikuar, vlerësimi i performancës për vitin 2014, bën

përjashtim nga rregulli i përgjithshëm për faktin e respektimit të hyrjes në fuqi të akteve

nënligore. Për këtë arsye vlerësimi i performancës për vitin 2014, do të përfshijë edhe muajin

nëntor-dhjetor 2013, kur normalisht duhet të ishin përcaktuar edhe objektivat e institucionit për

vitin 2014. Ndërsa objektivat për vitin 2014 do të përcaktohen deri në fund të muajit prill. Meqë

institucioni ynë në vitin 2013 ishte në proces ristrukturimi dhe miratimi të strukturës së re, që

përfundoi në korrik si dhe miratimit të Rregullores së Zyrës, pjesë e së cilës ishin edhe

përshkrimet e punës së çdo punonjësi, të miratuara përfundimisht me vendimet e Bordit në janar

2014, mendohet se për vitin 2013 nuk mund të realizohet vlerësimi i performancës sipas

standardeve.

Raport Vjetor 2013


2.5. Procedurat e prokurimit

Për vitin 2013, në zbatim të dispozitave ligjore të menaxhimit financiar, Urdhrit të Ministrit të

Financave nr.92, datë 29.12.2011 “Për gjurmën standarde të auditit për prokurimin me vlerë të

vogël dhe të lartë”, Urdhrit të Kryetarit të Bordit nr.2, datë 05.02.2012 “Gjurmët standarde të

auditit për prokurimin me vlerë të vogël dhe të lartë në njësitë shpenzuese të gjyqësorit”, është

punuar për plotësimin e nevojave të brendshme të Zyrës. Janë kryer procedurat e prokurimit të

fondeve buxhetore të miratuara për vitin 2013, si në investime ashtu edhe shpenzime operative,

për plotësimin e nevojave për: pajisje zyrash, pajisje elektronike, kancelari, tonera, letër; blerje

karburant për automjetin; blerje mjete pastrimi; shërbimi i internetit; shërbimi për rrjetin

telefonik; shërbimi për automjetin; shërbim për pajisjet elektronike. Fondet buxhetore të

detajuara për vitin 2013, për aktivitetin e Zyrës, u realizuan në masën 100%.

2.6. Prokurimi i fondeve të sigurisë së gjyqtarëve të krimeve të rënda

Është organizuar si çdo vit procedura tenderuese për prokurimin e fondeve publike, të vëna në

dispozicion nga buxheti i shtetit, në zbatim të VKM nr.480, datë 6.5.2009 “Për sigurimin e jetës

dhe pronës së gjyqtarëve të Gjykatës së Shkallës së Parë dhe Apelit për Krimet e Rënda”.

2.7. Komunikimi i brendshëm

Është punuar në drejtim të përmirësimit të komunikimit të brendshëm të institucionit. Janë

përgatitur kujtesa, urdhra më të detajuar në lidhje me funksionimin e brendshëm, të komunikimit

ndërsektorial dhe nga lart poshtë e anasjelltas, për rregullat e hyrjes në institucion, menaxhimin e

kohës së punës dhe të pushimit, rregullat për mirëmbajtjen dhe sigurinë në ambientet e

institucionit, të disiplinës, të etikës, të mbajtjes dhe menaxhimit të bazës materiale, pajisjeve

elektronike dhe të postës elektronike.Vihet re një rritje e përdorimit të komunikimit të brendshëm

nëpërmjet e-malit zyrtar të çdo punonjësi.

2.8 - Gjatë vitit është ndjekur dalja e akteve të reja ligjore e nënligjore, me rëndësi për aktivitetin

e Zyrës dhe gjykatave. Janë bërë me dije gjykatat lidhur me to.

2.9 - Është ndjekur korrespondenca me APP, ILDKP, Drejtorinë e Përgjithshme të Taksave,

Gjykata të ndryshme për probleme të ndryshme ligjore të cilave u është dhënë zgjidhje nga ana e

Zyrës.

3. Aktivitete të Zyrës

Përveç sa më sipër, gjatë vitit 2013 është punuar edhe në drejtime të tjera, po aq të rëndësishme,

të cilat kanë impakt të drejtpërdrejtë në përmirësimin e punës së Zyrës dhe gjykatave.

3.1- Monitorimi i Sistemit të Menaxhimit Financiar dhe Kontrollit në Gjykata Ky aspekt është realizuar nëpërmjet plotësimit nga çdo gjykatë, të Pyetsorit të Vetvlerësimit për

funksionimin e sistemit të menaxhimit financiar dhe kontrollit. Informacioni i dhënë nga

Nëpunësit Autorizues në të gjitha nivelet e gjyqësorit (Kryetarët e gjykatave), ka shërbyer për

Raport Vjetor 2013


hartimin nga Nëpunësi Autorizes i Njësisë Publike të Gjyqësorit (Drejtori i Zyrës), të Deklaratës

dhe Raportit për cilësinë e funksionimit të sistemit të kontrollit të brendshëm për vitin 2013.

Këto dokumenta janë depozituar te titullari i njësisë publike dhe nëpunësi i parë autorizues në

Ministrinë e Financave.

Nga përpunimi i informacioneve të marra nga Nëpunësit Autorizes në të gjitha nivelet e

gjyqësorit (kryetarët e gjykatave), vihet re se për vitin 2013, ka një përmirësim në funksionimin e

sistemit të menaxhimit financiar dhe kontrollit në gjykata, që do të thotë edhe për njësinë publike

si një e tërë. Përmirësime vihen re kryesisht në komponentët e kontrollit si: Mjedisi i Kontrollit,

Manaxhimi i Riskut, Aktivitetet e Kontrollit, Informacioni dhe Komunikimi, Monitorimi. Nga

vlerësimimi nëpërmjet Pyetësorëve të Vetëvlerësimit, vihet re një rritje e mesatares së pikëve të

përdorura për vlerësimin e sistemit nga 2.60 në vitin 2012 në 2.83 në vitin 2013.

Disa nga arritjet e evidentuara, gjatë analizës së funksionimit të sistemit janë:

- Hartimi dhe përmirësimi nga gjykatat (në 90% të tyre) i rregulloreve të brendshme, duke

përfshirë detyrimet që rrjedhin nga Ligji nr.10296 “Për MFK-në”, Ligji nr.9887 datë

10.03.2008 “Për mbrojtjen e të dhënave personale”, i ndryshuar, si dhe aktetet e tjera të

Komisionerit për Mbrojtjen e të Dhënave Personale dhe Agjencisë Kombëtare të Shoqërisë së

Informacionit.

- Hartimi dhe përmirësimi nga gjykatat (në 90% të tyre) i rregullores për mbrojtjen dhe ruajtjen

e informacionit të përdoruesve në gjykata si dhe kontrollit periodik të pajisjeve nga punonjësi

IT-i gjykatës.

- Hartimi nga gjykatat i regjistrit te riskut, ku evidentohen risqet që lidhen me aktivitetin e

gjykates dhe masat e marra për minimizimin e tyre, gjatë vitit 2013.

Pavarësisht kësaj, ka ende për të bërë në drejtim të aspekteve të veçanta të kontrollit. Disa nga

gjetjet e evidentuara gjatë analizës së funksionimit të sistemit janë:

- Vihen re mungesa në strukturat organike të njësive të varësisë (gjykatave) në funksion të

përmbushjes së objektivave dhe aktivitetit kryesor të tyre.

- Ka nevojë për trajnim të punonjësve në nivel menaxherial në gjykata dhe ZABGJ, në fushën e

menaxhimit të riskut.

- Ligji nr.109/2013, duhet të plotësohet me akte të tjera përsa i takon përshkrimit dhe

kategorizimit te punës; vlerësimit të performancës në punë të personelit të administratës

gjyqësore, sistemit disiplinor të zbatueshëm për nëpunësit civil gjyqësor.

Mbi këtë bazë janë përcaktuar edhe disa nga drejtimet kryesore për zhvillim gjatë vitit që vjen

dhe konkretisht:

- Rishikimi dhe përmirësimi i strukturave organike të gjykatave, bazuar në analizat dhe

kërkesat për rritje të numrit të punonjësve për poste të caktuara pune.

- Hartimi i Strategjisë së Riskut për Njësinë Publike të Gjyqësorit.

- Zhvillimi i trajnimeve/seminareve informuese dhe ndërgjegjësuese, të menaxherëve, të

fokusuara në fushën e menaxhimit të riskut, si për punonjësit e ZABGJ-së ashtu edhe

gjykatave.

Raport Vjetor 2013


- Nxjerra e akteve nënligjore përsa i takon përshkrimit dhe kategorizimit të punës; vlerësimit të

performancës në punë të personelit të administratës gjyqësore, sistemit disiplinor të

zbatueshëm për nëpunësit civil gjyqësor (ndjekje në vazhdimësi me Ministrinë e Drejtësisë

pasi është detyrë e këtij institucioni).

Ky proces do të përmbyllet, gjatë vitit 2014, ku gjykatat do të njihen me funksionimin e sistemit

si dhe do të hartohet plani i veprimit për përmirësimin e tij në vazhdimësi.

3.2- Analiza mbi strukturat organike të gjykatave

Gjatë vitit 2013, janë kryer analiza të detajuara të strukturave organike të gjykatave, me qëllim

unifikimin dhe standardizimin e posteve të punës të administratës (Mbledhje e Bordit Drejtues

nr.5, datë 11.07.2013). Këto analiza kanë patur në bazë të tyre sigurimin në gjykata të një stafi

administrativ të kualifikuar dhe efiçent, për t’iu përgjigjur kërkesave në rritje të kohës. Bazuar në

këto analiza si dhe në numrin në dispozicion të punonjësve për administratën gjyqësore, të

gjykatave të rretheve gjyqësore dhe apeleve (marrë këtu në konsideratë edhe rritjen e numrit të

punonjësve për Pushtetin Gjyqësor me 8 vetë), gjatë vitit 2013 janë hartuar disa drafte të

strukturave organike të gjykatave, të cilat së bashku me sugjerimet përkatëse janë përcjellë në

Ministrinë e Drejtësisë. Nga kjo e fundit, herë pas herë, janë marrë në konsideratë draft-

strukturat e hartuara nga Zyra.

4. Bashkëpunimi me Institucionet e tjera

Zyra, në funksion të realizimit të aktivitetit dhe detyrimeve të saj, ka një bashkëpunim të

vazhdueshëm me institucione të tjera si brenda dhe jashtë sistemit të drejtësisë si: Gjykatat,

Ministrinë e Drejtësisë, Këshillin e Lartë të Drejtësisë, Departamentin e Administratës Publike,

Ministrinë e Financave, Agjencinë e Prokurimit Publik etj.

Gjatë vitit 2013, Zyra ka ndjekur nga afër aktivitetin buxhetor të gjykatave, shqetësimet e

përcjella dhe problemet e ngritura, duke dhënë rekomandimet e nevojshme për zgjidhjen në kohë

të tyre. Gjykatat janë asistuar nga specialistët e Zyrës, nëpërmjet komunikimeve elektronike,

komunikimeve verbale si dhe shpërndarjes së udhëzimeve të ndryshme të hartuara në fushën e

planifikimit, monitorimit dhe zbatimit të buxhetit.

Në funksion të përmbushjes së detyrimeve të saj, gjatë vitit 2013, Zyra ka patur një bashkëpunim

të ngushtë edhe me Ministrinë e Financave. Ajo ka përmbushur të gjithë detyrimet që rrjedhin

nga aktet për hartimin dhe zbatimin e buxhetit. Gjithashtu, në komunikim të vazhdueshëm si

zyrtar ashtu edhe verbal, me përfaqësues të këtij institucioni është bërë e mundur zgjidhja në

kohë e problemeve të ndryshme të cilat kanë impakt të drejtëpërdrejtë në aktivitetin buxhetor të

gjykatave. Përfaqësues të Zyrës kanë marrë pjesë në takimet e zhvilluara gjatë procesit të

konsultimeve dhe negociatave, lidhur me kërkesat buxhetore afatmesme dhe vitit buxhetor.

Gjatë vitit 2013, përfaqësues të Zyrës kanë marrë pjesë në takimet e zhvilluara në Ministrinë e

Drejtësisë, në kuadër të hartimit dhe monitorimit të dokumentave strategjik, në fushën e sistemit

të drejtësisë.

Raport Vjetor 2013


Janë dhënë kontribute periodike, në zbatim të detyrimit për raportim të dokumentave strategjik të

miratuar, në kuadër të aderimit të vendit në BE, si:

- Raportim mbi zbatimin e Planit Kombëtar të Zbatimit të Marrëveshjes së Stabilizim-Asocimit

2012-2015;

- Kontributi në hartimin e Fact Findin Fiche, në kuadër të asistencës financiare të BE-së, IPA

2014-2020;

- Hartimin e kontributit për Progres Raportin 2013 për kapitullin Kriteri Politik dhe Kapitulli 23

“Bashkëpunimi në fushën e Gjyqësorit dhe të Drejtave Themelore”;

- Hartimin e Raportit për Fondacionin Shoqëria e Hapur SORROS “Mbi zbatimin e planit të

veprimit të Strategjisë Ndërsektoriale të Drejtësisë”, Korrik 2012-Korrik 2013.

5. Auditimi i brendshëm

Nga Njësia e Auditimit të Zyrës është hartuar Raporti Vjetor mbi Veprimtarinë e Auditimit të

Brendshëm të Buxhetit Gjyqesor për vitin 2013. Nga 15 auditime të planifikuara gjatë vitit 2013,

janë realizuar 14 auditime me një realizim në masën 94%. Gjatë vitit 2013, nuk u realizua

auditimi i Gjykatës së Shkallës së Parë Mat. Gjithashtu ka përfunduar auditimi dhe është në

proçes hartimi i raporteve finale për Gjykatën e Apelit Tiranë, Gjykatën e Apelit Vlorë dhe

Gjykatën e Rrethit Gjyqësor Shkodër. Mosrealizimi në kohë i gjykatave të audituara ka ardhur

për shkak të mungesës së strukturës me një inspektor auditi. Gjatë vitit 2013, ka patur largime

nga puna, në periudha të ndryshme kohore, të dy punonjësve të kësaj njësie. Për këtë shkak si

dhe kohën e nevojshme për rekrutimin e punonjësve të rinj, kjo njësi ka pasë mangësi me një

audit gjatë vitit për rreth 7 muaj.

Gjatë procesit të auditimit të brendshëm, janë informuar kryetarët e gjykatave mbi gjetjet e

auditimit. Raportimi i gjetjeve të punës tek menaxhimi i gjykatave dhe lënia e rekomandimeve

për të përmiresuar funksionimin e tyre, është një nga pjesët më të rëndësishme të procesit të

auditimit të brendshëm.

Vlera e përgjithshme e gjetjeve për shkeljet financiare nga angazhimet e auditimeve për vitin

2013, rezulton në shumën 4.937 mijë lekë. Të ndara sipas sistemeve/fushave këto gjetje

rezultojnë përkatësisht:

- Në fushën e buxhetit, në shumën 4.174 mijë lekë.

- Në shpenzimet e kryera për pagesa avokatie në shumën 137 mijë lekë.

- Në prokurime në shumën 626 mijë lekë.

- Në fushën e qeradhënies të pronës publike nuk ka dëm ekonomik.

- Në auditimet e kryera nuk janë konstatuar shkelje të VKM nr.472, date 2.07.2011 “Mbi

përdorimin e fondeve buxhetore”, sipas germave ‘’c’’, ‘’ç’’ dhe ‘’d’’, në sistemin gjyqësor.

Bazuar në gjetjet e rezultuara, për periudhën janar-dhjetor të vitit 2013, janë dhënë gjithsej 114

rekomandime për përmirësimin e sistemeve dhe konkretisht: Sistemet organizative 62; sistemi i

planifikimit e zbatimit të buxhetit dhe pagesave 41; sistemi i prokurimit dhe blerjet e vogla dhe

zbatim kontratash 4; sistemi i kontabilitetit dhe raportimit publik 7.

Në përgjithësi, rekomandimet e dhëna gjatë vitit 2013 klasifikohen në grupet e mëposhtme:

Raport Vjetor 2013


- Rekomandime që lidhen me përmirësimin e proceseve të vendimmarrjes së politikave dhe

procedurave, hartimit të strategjive dhe përcaktimit të objektivave në njësitë e audituara,

përmirësimi i strukturave vendimarrëse dhe veprimtarisë së tyre, riorganizimi në status i

ndarjes së detyrave (arka, magazinë, financë, punonjës me ndjekjen e taksave dhe shpeshherë

rishikimi i funksioneve të tyre dhe menaxhimit të lartë); hartimi i rregulloreve, ndjekja e

shërbimeve gjyqësore dhe ruajtjes së aseteve publike.

- Rekomandime për përmirësimin e sistemit të menaxhimit financiar me qëllim që të sigurohet

përdorimi me efektivitet, ekonomi dhe efiçencë i fondeve publike (rritja e cilësisë së

planifikimit dhe zbatimit të buxhetit të shtetit, vendosja e rregullave të kujdesshme për

parandalimin e mashtrimit dhe vjedhjes, ruajtjen e aseteve, etj).

- Rekomandime për zhvillimin profesional të punonjësve në subjektet publike dhe sidomos

stafit që punon në strukturat e menaxhimit financiar.

- Rekomandime për ngritjen dhe zhvillimin profesional të kapaciteteve kontrolluese në gjykata

(gjykatat e medha).

Të gjitha këto rekomandime kanë gjetur mirëkuptim nga kryetarët e gjykatave për zbatimin e

tyre. Nga të gjitha gjykatat janë hartuar dhe dërguar plan veprimet përkatëse për zbatimin e tyre.

6. Sfidat dhe objektivat për vitin 2014

Në analizë të aktivitetit vjetor, arritjeve dhe problematikës së evidentuar, do të merren edhe

masat për përmirësimin e aktivitetit të Zyrës në vazhdimësi.

Në vijim, për vitin 2014 do të hartohet i plotë programi vjetor i aktivitetit të Zyrës si dhe

objektivat për këtë vit buxhetor.

Do të mbahen në vëmendje për t’u realizuar dhe përmbyllur me sukses disa objektiva

afatshkurtra si:

- Hartimi i Strategjisë së Riskut për Njësinë Publike të Gjyqësorit.

- Hartimi i procedurave dhe dokumentacioni i plotë për vlerësimin e punës së punonjësve të

ZABGJ-së.

- Rritja e Standardizimit të shpenzimeve operative të Pushtetit Gjyqësor.

- Rritja e kapaciteteteve profesionale të punonjësve të Zyrës nëpërmjet pjesëmarrjes në trajnime

apo seminare të ndryshme, të zhvilluara si brenda ashtu edhe jashtë vendit.

- Bashkëpunimi me Njësinë Qëndrore të Harmonizimit në Ministrinë e Financave për

zhvillimin e trajnimeve/seminareve informuese dhe ndërgjegjësuese, të menaxherëve në

gjykata, të fokusuara në fushën e menaxhimit të riskut.

Sfidë vazhdon të mbetet rritja e buxhetit të gjykatave në investime, të cilat kanë impakt të

drejtpërdrejtë në krijimin e kushteve optimale të punës për gjyqtarët dhe stafin mbështetës si dhe

kryerjen me cilësi dhe transparencë të proceseve gjyqësore dhe shërbimeve të tjera ndaj publikut.

Për realizimin e tyre, janë hartuar plane strategjike afatmesme zhvillimi për infrastrukturën

gjyqësore. Prej disa vitesh, buxheti i alokuar në investime nuk është përputhur me nevojat reale

Raport Vjetor 2013


të shprehura në kërkesat buxhetore, duke sjellë moszbatim të programeve për investime në

gjykata dhe shtyrjen në kohë të realizimit të projekteve të parashikuara.

Të dhënat e grafikut të mësipërm tregojnë se buxhetet e miratuara me ligj në investime për

Pushtetin Gjyqësor, janë 2-3 herë më të ulëta se sa kërkesat, të cilat janë të mbështëtura në planet

e zhvillimit.

Këto kërkesa kanë për qëllim final përafrimin e gjykatave dhe shërbimit që i ofrohet publikut, me

standardet e vendeve të Bashkimit Europian. Ky objektiv gjen mbështetje edhe në programin e

qeverisë për periudhën 2013-2017. Një prej angazhimeve të përcaktuara në këtë program është

“të krijojmë të gjitha kushtet e domosdoshme për funksionimin efikas të sistemit të drejtësisë

shqiptare në përputhje me standardet e BE-së”.

Ky objektiv i shprehur në programin qeverisës, vjen në përputhje me planet strategjike të

zhvillimit të infrastrukturës, të hartuar në programet buxhetore afatmesme të pushtetit gjyqësor.

Arritja e këtij objektivi kërkon më tepër vëmendje për alokimin e buxheteve të nevojshme për

këtë qëllim.

Në progres raportin e Komisionit Europian për Shqiperinë, për vitin 2013, në kapitullin 4.23.

evidentohet: Është bërë përparim në lidhje me kushtet e punës në gjykata, por seancat

gjyqësore vazhdojnë të mbahen herë pas here në zyrat e gjyqtarëve. Buxheti i alokuar për

gjykatat dhe stafi i gjykatës mbeten të pamjaftueshëm.

Kërkesa e Pushtetit Gjyqësor për rritje të vazhdueshme të buxhetit të gjykatave, përforcohet edhe

nga rekomandime e analiza të organizmave të ndryshëm europianë.

Raport Vjetor 2013


Këshilli Konsultativ Evropian për Gjykatat (CCJE), i Këshillit të Europës në Opinionin nr.2,

konstaton se fondet buxhetore për gjykatat janë të lidhura ngushtësisht me pavarësinë e

gjyqtarëve, pasi ato përcaktojnë kushtet në të cilat ata ushtrojnë aktivitetin e tyre. Për më tepër,

ka një lidhje të dukshme mes buxhetit të gjykatave dhe parimeve të Konventës Evropiane për të

Drejtat e Njeriut. Aksesi në drejtësi dhe proceset e drejta nuk mund të garantohen në kohë, nëse

gjykatat nuk kanë fonde të mjaftueshme financiare në ushtrimin e aktivitetit të tyre. Këshilli i

Evropës iu rekomandon shteteve, sigurimin e burimeve financiare të nevojshme për garantimin e

standardeve në gjykata. Vendimet për alokimin e fondeve buxhetore për gjykatat, në mënyrë

strikte, duhet të merren në funksion të respektimit të pavarësisë së gjyqësorit.

The European Commission for the Efficiency of Justice (CEPEJ), Komisioni Evropian për

Efiçensën e Drejtësisë, publikon raporte periodike lidhur me buxhetin e destinuar për gjykatat në

vendet europiane. Referuar raportit të fundit, buxheti vjetor i miratuar për gjykatat në Shqipëri

përbën 0.10 % të PBB për frymë, ndërkohë që raporti mesatar për të gjithë vendet e Europës

është 0.24%.

Situata paraqitet e ndryshme për vende të ndryshme europiane, por ajo që vihet re është se, vende

si Shqipëria, të cilat kanë marrë asistencë të vazhdueshme nga Bashkimi Europian, në kuadër të

plotësimit të kushteve për integrim të tyre në këtë union, këtë tregues e kanë më të lartë se

mesatarja e vendeve të Europës. Kështu, ky tregues për disa nga vendet e rajonit është: në

Maqedoni 0.41% të PBB për frymë, në Bosnje e Hercegovinë 0.55% dhe Malin e Zi 0.64% .

Të gjitha argumentet e parashtruara më sipër tregojnë se Pushteti Gjyqësor ka nevojë për

akordimin e fondeve të nevojshme dhe të mjaftueshme, pa të cilat nuk mund të përmbushen

objektivat lidhur me transformimin e gjykatave dhe sjelljen e tyre në parametrat e transparencës

efiçencës dhe cilësinë e kryerjes së shërbimit për publikun sipas dhe në përputhje me standardet

e vendeve të Bashkimit Europian.

Rritja e buxhetit të gjykatave, kërkon një sensibilizim dhe bashkëpunim të të gjithë aktorëve

pjese e sistemit të drejtësisë. Vetëm në këtë mënyrë, do të bëhet e mundur arritja e objektivave të

përcaktuara në Deklaratën e Politikës së Programit si dhe Planet Strategjike, në kuadër të

reformave në sistemin e drejtësisë.

Documents

Lexo te plote "Analiza vjetore e punës së Zyrës së Administrimit të