Upload
others
View
4
Download
0
Embed Size (px)
Citation preview
1
Leikskólasvið Reykjavíkurborgar
Leikskólinn Ösp
2012 – 2013
„Ösp er samfélag hæfra barna, foreldra og starfsfólks. Við viljum að Ösp sé
„leikskólinn okkar" og þar viljum við lifa góðu lífi. Í samfélagi okkar rúmast fjölbreytni og við erum stolt af því að vera bæði lík og ólík.“´
2
Efnisyfirlit
Inngangur ................................................................................................................................................ 3
Starfsáætlun leikskóla ............................................................................................................................. 3
Mat á leikskólastarfi ................................................................................................................................ 4
1. Mat á leikskólastarfi og umbótaáætlun.............................................................................................. 4
Innra mat leikskólans ........................................................................................................................... 4
Niðurstöðu úr innra mat: ................................................................................................................. 5
Gildishugtök Aspar........................................................................................................................... 7
Starfsþróunarsamtöl ........................................................................................................................ 8
Ytra mat ............................................................................................................................................... 8
Niðurstöður ..................................................................................................................................... 9
Símenntun ......................................................................................................................................... 10
Áherslu leikskólans fyrir næsta leikskólaár ........................................................................................... 11
Markmið leikskólans .............................................................................................................................. 13
Hvernig verða markmið metin? ......................................................................................................... 16
Áherslur leikskólans með hliðsjón af starfsáætlun Leikskóla- og frístundasviðs .................................. 17
Verkefni á vegum Skóla og frístundasviðsins .................................................................................... 17
Stefnuþættir Skóla og frístundasviðs............................................................................................ 18
Starfsmannamál .................................................................................................................................... 19
Barnahópurinn....................................................................................................................................... 20
Foreldrasamvinna .................................................................................................................................. 20
Almennar upplýsingar ........................................................................................................................... 21
Skipulagsdagar ................................................................................................................................... 21
Leikskóladagatal .................................................................................................................................... 21
Fylgirit .................................................................................................................................................... 22
3
Inngangur Samkvæmt lögum um leikskóla nr. 90/2008 vinna leikskólar eftir Aðalnámskrá fyrir leikskóla.
Samkvæmt henni vinnur hver og einn leikskóli sína skólanámskrá þar sem fram kemur á
hvern hátt leikskólinn uppfyllir þau viðmið sem þar eru sett fram. Skólanámskráin á að vera
aðgengileg á heimasíðu leikskólans.
Starfsáætlun leikskóla Skóla og frístundasvið Reykjavíkurborgar hefur þá stefnu að ár hvert skulu leikskólar
borgarinnar og sjálfstætt starfandi leikskólar sem njóta styrkja frá Reykjavíkurborg skila
starfsáætlun fyrir komandi leikskólaár, eins og kveðið er á um í lögum um leikskóla nr.
90/2008. Þar er jafnframt kveðið á um að starfsáætlun skuli lögð fyrir foreldraráð leikskólans
til umsagnar.
Tilgangur starfsáætlunar er að gera skólaþróun leikskólans markvissa með annars vegar
árangursmiðuðum markmiðum og hins vegar umbótamiðuðu innra mati. Hún á að sýna
starfsfólki, foreldrum og rekstraraðilum hvernig starf leikskólans gekk á síðasta leikskólaári
og hvernig unnið verði að umbótum og nýjum verkefnum á því næsta.
Starfsáætlun leikskólans tekur gildi 1. september ár hvert og skal skilað rafrænt til
Leikskólasviðs fyrir 1. júlí. Starfsáætlanir eru lagðar fyrir Leikskólaráð til samþykktar.
Í starfsáætlun leikskólans skulu koma fram:
Matsaðferðir leikskólans og umbótamiðuð áætlun sem unnin er út frá
niðurstöðum innra og ytra mats.
Áherslur í leikskólastarfinu sem ætlunin er að vinna að, markmið, leiðir að
markmiðunum ásamt áætlun um hvernig þau verða metin.
Áherslur í starfsáætlun Skóla og frístundasviðs sem leikskólinn vinnur að.
Starfþróunaráætlun leikskólans og upplýsingar um starfsmannamál.
Fjöldi barna, kynjahlutfall, dvalarstundir, fjöldi barna sem njóta sérkennslu og
fjöldi barna af erlendum uppruna.
Upplýsingar um foreldraráð, foreldrafundi og foreldraviðtöl.
Skóladagatal fyrir árið.
4
Mat á leikskólastarfi Tilgangur innra mats er að leggja faglegan grundvöll að endurbótum í leikskólastarfi og vinna
kerfisbundið að því að auka gæði þess og gera það skilvirkara.
Markmið innra mats samkvæmt lögum um leikskóla er að:
- Veita upplýsingar um skólastarf, árangur þess og þróun til fræðsluyfirvalda,
starfsfólks leikskóla, viðtökuskóla og foreldra.
- Tryggja að starfsemi leikskóla sé í samræmi við ákvæði laga, reglugerða og
aðalnámskrár leikskóla.
- Auka gæði náms og leikskólastarfs og stuðla að umbótum.
- Tryggja að réttindi barna séu virt og að þau fái þá þjónustu sem þau eiga rétt á
samkvæmt lögum.
Skólanámskrá leikskólans er skrifleg lýsing á því sem gert er í leikskólanum og á því sem á að
gera. Þar koma fram bæði markmið og leiðir leikskólans. Skólanámskrá leikskólans setur því
viðmið fyrir matið.
Tilgangur ytra mats er að safna upplýsingum um viðhorf foreldra leikskólabarna og
starfsmanna sem er svo notað við innra mat leikskólans. Að auki er það liður í ytra mati
Skóla og frístundasviðs og/eða Menntamálaráðuneytis.
1. Mat á leikskólastarfi og umbótaáætlun
Innra mat leikskólans
15 júní 2012 fór fram mat hjá starfsfólki leikskólans.
Eftirfarandi þættir voru metnir; endurmat á
ársáætlun, fræðslu og námskeiðum og síðan
námsferð til London. Stjórnendur leikskólans
útbjuggu matsblöð sem allir starfsmenn fylltu svo
út í, niðurstöður voru teknar til umræðu fyrst í
smærri hópum og síðan sem heild. Einnig var tekin
fyrir umræða og mat á sex hugtökum sem við
viljum nota sem „Gildis-hugtök Aspar“.
11 af 14 starfsmönnum tóku þátt. Þeir þrír sem
tóku ekki þátt voru matreiðslumaður, leikskólastjóri
og starfsmaður í afleysingum sem var veik þennan
dag. Leikskólastjóri tók ekki þátt þar sem viðhorf og
væntingar hans hefðu getað skekkt niðurstöður.
5
Niðurstöðu úr innra mat:
Hér fyrir neðan eru matsspurningar, niðurstöður og umbótaáætlun úr innra mati sem unnin var af
starfsmönnum Aspar.
Hvernig hefur gengið að bæta aðgengi barna að leikföngum og efniviði?
81.8% vel 18.2% sæmilega 0% illa
Athugasemdir: Of mikið af efniviði, hafa skiptingar á efnivið og leikföngum örari, einnig þarf
að bæta bæði tiltekt og samvinnu á milli barna og starfsfólks hvað þetta snertir.
*Ákveðið var að starfsfólk muni halda betur utan um það hversu mikill efniviður er til staðar,
hversu oft honum er skipt út ásamt því að efla og styðja við börn bæði í umgengi og tiltekt.
Því það frelsi að efnivið sem gott aðgengi veitir börnum, hefur lítið sem ekkert gildi án
ábyrgðar.
Hvernig finnst þér hafa gengið að flétta málrækt inní daglegt starf?
72.7% vel 27.2% sæmilega 0% illa
Athugasemdir: Mikil ánægð með námsgögn og ráðgjöf sem við höfum fengið, finnst gaman
að finna nýjar leiðir. Það gengur illa að sinna málörvun í leik og samskiptum.
*Ákveðið var að við þyrftum á meiri fræðslu og ráðgjöf hvað varðar okkar hlutverk í
málörvun í daglegum samskiptum og leik barnanna. Það hefur átt sér stað mikil framför og
allir starfsmenn eru tilbúnir og meðvitaðir um mikilvægi málörvunar.
Hvernig hefur fræðslu um málrækt nýst þér í starfinu?
54.5% vel 18% sæmilega 0% illa 27.2% á ekki við
Athugasemdir: Starfsfólk er ánægt með að fá fræðslu en samt sem áður eru flestir óöruggir
með að innleiða allt sem þeir læra. Þrír starfsmenn byrjuðu seint á árinu og misstu af fræðslu
og námskeiðum eða höfðu ekki fengið ráðgjöf.
*Ákveðið var að við þyrftum að halda áfram að fræðast um málrækt og málþroska
sérstaklega hvað varðar tvítyngdu börnin. En einnig hvernig og hvaða aðferðir við ætlum að
nota til að efla málþroska í daglegum leik og samskiptum við börnin.
Hvernig finnst þér hafa gengið að auka hlutverk barnanna í daglegu starfi?
100% vel 0% sæmilega 0% illa
Athugasemdir: „Mér finnst mjög sniðugt að fá þau til að hjálpa til við að leggja á borð og fylla
á vatnið og þrífa garðinn svo þau átti sig á því að hlutirnir gerast ekki af sjálfu sér og að hver
og einn er hluti af heild sem lætur þennan leikskóla ganga“.. eftir starfsmann sem hefur
einungis starfað hjá okkur í 2 mánuði þegar matið var gert.
6
*Ákveðið var að þar sem allir voru sammála um að þetta sé lýðræði og jafnrétti af bestu
gerð. Við höfum ákveðið að halda áfram og bæta við enn fleiri hlutverkum fyrir börnin og á
næsta ári ætlum við að ræða við börnin um það hvaða hlutverk þau vilji taka þátt í.
Hvernig finnst þér hafa gengið að breyta nei svari í já svar?
18% vel 63.6% sæmilega 9% illa 9% ekki á við
Athugasemdir: Flest starfsfólk viðurkenndi að oftast notum við auðveldustu svörin án þess að
velta því fyrir okkur að hlusta fyrst á eða ræða við barnið.
*Ákveðið var að starfsfólk hefði einfaldlega átt erfitt með að skilja hugmyndina sem lá að baki því að breyta nei svari í já. Hugmyndin kemur úr Uppbyggingastefnunni og kjarninn í henni er jákvæð og gagnvirk samskipti á milli fullorðinna og barna. Leit að lausnum er ábyrgð sem bæði börn og fullorðnir axla saman en ekki réttur og vald hins fullorðna. Rannsóknir á heilanum sýna að þegar við upplifum reiði, ótta eða skömm þá erum við ekki að hugsa. Það er vegna þess að framhluti heilans, ennisblaðið, er ekki virkt. Ennisblað heilans er svæðið þar sem við tökum ákvarðanir, skipuleggjum, hugsum fram í tímann og tökum siðferðilegar ákvarðanir. „Of margir foreldrar ala börnin sín upp með nei-viðhorfi fremur en já viðhorfi. Komi beiðni frá barninu sem er ekki venjubundin svara þeir neitandi. Eftir að barnið röflar og kvartar hugsa þeir oft málið og segja já. Þetta er slæmt því það kennir barninu að rell og bræðiköst hafi meira að gera með jákvæðar ákvarðanir heldur en að líta á staðreyndir málsins. Það lokar á að gefa og þiggja í einlægni en opnar fyrir klæki og bræðiköst í stað sanngirni í samskiptum foreldris og barns. Foreldrar sem segja já eins oft og hægt er, ala upp börn sem virða nei sem svar þegar þess er þörf. Þegar barn sér að foreldrarnir eru sanngjarnir lærir það að virða dómgreind þeirra“ (Glasser, Identity Society, p.110-111). Við viljum halda áfram að leita leiða sem auka skilning og vinnubrögð okkar í tengslum við jákvæð samskipti og Uppbyggingastefnuna. Við teljum að til þess að vera lýðræðislegt samfélag þá eru jákvæð og gagnvirk samskipti milli fullorðinna og barna eitt mikilvægasta atriðið.
Hvernig finnst þér hafa gengið að nýta Ævintýradalinn í starfinu á Öspinni?
63.6% vel 9% sæmilega 9% illa
Athugasemdir: Vantar hugmyndabanka sem allir hafa aðgang að, mætti vera duglegri að fara
með yngstu börnin, virðist vera eitthvað ójafnvægi innan starfshóps með ferðir í
Elliðaárdalinn og hversu markvissar ferðina eru. Fólk er ánægt með þróunina sem hefur átt
sér staða hvað varðar útikennslu en vilja fá aukna fræðslu og hugmyndir.
*Ákveðið var að við munum leita eftir fræðslu og fróðleiks um útikennslu bæði hjá
Náttúruskólanum og öðrum leikskólum sem eru með öfluga útikennslu, einnig ætlum við að
safna saman lesefni fyrir starfsfólk. Við erum að hefja skráningu í formi „scrapbook“ með
myndum og frásögum um ferðirnar niður í dalinn frá bæði starfsfólki og börnum.
Hvernig finnst þér hafa gengið að nota tákn með tali í leikskólastarfinu?
27.3% vel 54.2% sæmilega 9% illa 9% ekki á við
7
Athugasemdir: Ekki notað nægilega marvisst, gleymist í daglegu starfi, mætti nota það meira
með nýjum börnum sem koma til okkar sem geta lítið eða ekkert tjáð sig á íslensku og síðan
vantar samræmingu á milli deilda.
*Ákveðið var að innleiða eitt atriði í einu í daglegu skipulag þar til það festast í sessi og þá
munum við innleiða annað atriði. Við ætlum að byrja með ávaxtastund þar sem við heilsumst
og förum yfir daginn með táknum. Við munum einungis innleiða 1-2 tákn yfir mánuðinn sem
tengist fyrirfram ákveðnum orðflokki sem unnið verður með.
Hvernig hafa námskeiðin sem boðið var uppá sl. skólaár nýst þér í starfinu?
Breyta nei svari í já: 36.4% vel 36.4% sæmilega 0% illa 27.2% ekki á við
Orðaspjall: 45.5% vel 18% sæmilega 9% illa 27.2% ekki á við
Sköpun: 63.5% vel 9% sæmilega 27.2% ekki á við
Athugasemdir: Flestir starfsmenn voru ánægðir með fræðslu sem var boðið upp á en vilja
samt sem áður fá aukna fræðslu af sama tagi og aðstoð við að innleiða og nýta betur
fræðsluna í starfinu.
*Ákveðið var að fá allavega annað námskeið um orðaspjall og sköpun og að stjórnendur þurfi
að bæta lesefni til þess að aðstoða við nýtingu í daglegu starfi og dýpka skilning hjá
starfsfólki.
Hvaða óskir hefur þú um námskeið á næstu skólaári?
Svörin við þessari spurning voru mörg og fjölbreytt. Það er mikill áhugi fyrir tónlistar
námskeiði, 11 starfsmenn svöruðu að þeir myndi vilja fá námskeið um tónlist og fjölbreyttari
leiðir til að vinna með börnum og tónlist. Önnur námskeið sem starfsfólk óskaði eftir eru:
námskeið í hreyfileikjum, jóga með börnum, náttúrufræðslu, skipulagsnámskeið,
deildarstjóranámskeið, könnunaraðferð, ferilmöppur (skráningar), fjölmenningu og málrækt.
*Ákveðið var að þar sem við viljum nálgast hluti á lýðræðislegan hátt þá ætlum við að velja
námskeið til símenntunar út frá bæði áhuga starfsfólksins og þörfinni fyrir þróun og menntun
innan veggja skólans. Við munum leita leiða til að nota niðurstöður úr mati á starfinu ásamt
óska starfsfólks. Til dæmis var óskað eftir tónlistarnámskeiði og viðurkennt að Tákn með tali
sé ekki að ganga nógu vel hjá okkur.
Gildishugtök Aspar
Á starfsdegi þann 15. júní var einnig ákveðið að meta „lykilhugtök“ skólans. Fyrr á árinu var
gerð könnun meðal starfsmanna og í framhaldinu tekin ákvörðun um að lykilhugtökin fimm
væru ekki í samræmi við þau börn og foreldrahóp sem nýtur þjónustu skólans. Á
starfsdeginum fóru fram umræður um ný gildishugtök sem munu verða okkar leiðarljós í
starfinu. Við teljum að þessi hugtök eigi að endurspegla þau gildi sem skólinn stefnir að.
Hugtökin sem urðu fyrir valinu eiga að endurspegla bæði þá fjölbreytni sem er svo mikil hjá
okkur meðal barna, forelda og starfsfólks. Einnig endurspegla hugtökin þær fjölbreyttu
aðferðir sem við viljum nota til þess að nálgast og mennta börnin. Ef við viljum undirbúa
8
börn til að vera virkir þátttakendur í samfélaginu, þá þurfum við að mæta þeim bæði sem
einstaklingar og hlúa að styrkleikum þeirra. Hér fyrir neðan eru nýju gildishugtökin okkar:
Jafnrétti
Lýðræði
Sköpun
Málrækt
Leikur
Vellíðan
Starfsþróunarsamtöl
Starfsþróunarsamtöl fóru fram í lok mars og byrjun apríl 2012. Leikskólastjóri og aðstoðar-
leikskólastjóri framkvæmdu viðtölin saman í fundarherbergi í menningarmiðstöðinni
Gerðubergi í Efra Breiðholti. Starfsþróunarsamtöl eru að sjálfsögðu trúnaðarbundin svo að
niðurstöður verða ekki birtar en samt sem áður eru þau óformlegt mat á starfinu og gefa
vísbendingu um vellíðan starfmanna. Í viðtölunum ræddu stjórnendur og starfsmenn
almennt um starfið bæði það sem gengur vel og það sem mætti betur fara, vinnuumhverfi,
samskipti og samstarf milli stjórnenda og samstarfsmanna, starfsþróun og það sem
starfsmenn vildu koma sérstaklega á framfæri. Í starfsþróunarsamtölum stjórnenda og
starfsmanna voru nýtt tækifæri til þess að leita lausna og ræða áframhaldandi þróun bæði
fyrir skólann og starfsfólk. Starfsþróunarsamtöl eru mikilvægt tækifæri fyrir stjórnendur að
meta innra starf út frá starfsfólki sem sjá um framkvæmd þess í starfinu.
Nú í ár voru starfsþróunarsamtöl á jákvæðum nótum þar sem starfsfólk lýsti yfir ánægju sinni
á starfi skólans. Þau mál sem valda sumum erfiðleikum eða óöryggi í starfinu voru rædd og
sameiginlegar ákvarðanir voru skráðar hjá stjórnendum. Starfsfólk óskaði m.a. eftir
handleiðslu, fræðslu og/eða námskeiðum til þess að bæta fagleg vinnubrögð í starfinu.
Stjórnendum fannst ríkja jákvætt viðhorf og almennt góður starfsandi.
Ytra mat
Á haustönn 2011 framkvæmdi mannauðsskrifstofa Reykjavíkurborgar ytra mat á meðal
starfsmanna leikskólans. Tilgangurinn var einkum sá að fá fram viðhorf starfmanna til
starfsumhverfis, samskipta og stjórnunarhátta. Rafræn viðhorfskönnun var send 10.
nóvember 2011 til leikskólans. Svarhlutfall hjá okkur var 100% eða 11 starfsmenn svöruðu
sem voru í starfi á þessum tíma.
9
Niðurstöður
Fyrir hvern þátt er reiknuð þáttaeinkunn á bilinu 1-10 og er hærri einkunn alltaf jákvæðari
niðurstaða. Þessi einkunn er lituð samkvæmt viðmiði: 5,9 eða lægra merktur með rauðu, 6,0-
7,9 gulu og 8,0 eða hærra með grænu. Sumar spurningar eru hlutfallsspurningar.
Í töflunni hér fyrir neðan eru helstu niðurstöðu úr viðhorfskönnun meðal starfsmanna.
Síðasta viðhorfskönnun var gerð vorið 2009, hér fyrir neðan eru bornar saman niðurstöður
frá árinu 2009 og 2011.
Lykilárangursþættir 2009 2011
Hæfir og áhugsamir starfsmenn 8,1 7,9
Árangursríkir stjórnunarhættir 7,2 7,9
Hvetjandi og jákvætt starfsumhverfi 7,2 7,5
Heildareinkunn 2009 2011
Meðaltal allra þátta 7,4 7,7
Þættir 2009 2011
Starfsánægja 7,4 8,2
Markmið og árangur 7,9 8,4
Tilgangur 8,7 8,4
Metnaður 8,6 8,1
Upplýsingaflæði 7,2 6,9
Frumkvæði 7,3 7,2
Viðurkenning 7,9 8,9
Stjórnun 7,5 8,3
Fræðsla og þjálfun 6,1 7,5
Móttaka nýliða 7,7 8
Jafnrétti og jafnræði 7,8 8,4
Ímynd 7,5 8,8
Starfsandi 7,5 8,3
Vinnuaðstaða 7,6 8,3
Sveigjanleiki starfi 7,8 8
Hæfilegt vinnuálag 3,5 3,1
Starfsmannastöðuleiki 6,9 7,3
Starfsöryggi 7,7 7,4
Starfsþróun 2009 2011
Tækifæri til starfsþróunar 36%
Starfsþróunarsamtal 80% 73%
Gagnsemi starfsþróunarsamtals 7 8,1
Áreitni og einelti 2009 2011
Áreitni frá samstarfsfólki 20% 9%
Einelti frá samstarfsfólki 5% 18%
10
Áreitni frá þjónustuþegum 11% 9%
Einelti frá þjónustuþegum 5% 9%
Augljóst er að nokkrir þættir úr viðhorfskönnuninni eru neikvæðir og stjórnendur þurfa að
bregðast við því. Það er tilfinning stjórnenda að á skólaárinu 2011-2012 hafi tekist að ná betri
tökum á vinnuálagi þar sem mæting starfsmanna hefur batnað. Einnig hefur átt sér stað mikil
þróun sem tengist námshverfinu, vinnubrögðum starfsfólks og fræðslu til starfsfólks, og við
teljum að allir þessir þættir hafi áhrif á vinnuálag.
Símenntun
Símenntun fór fram á formlegan og óformlegan hátt hjá okkur. Starfsfólk sótti fræðslu í formi
námskeiða, námsferðar erlendis, ráðgjöf, handleiðslu eða samstarfi við leikskólakennara í
öðrum skólum, heimsóknir í aðra leikskóla og síðan fræðslu og lesefni. Sjá má á töflunni hér
fyrir neðan símenntun hjá okkur skólaárið 2011-12.
Símenntun Starfsmanna
Fagnámskeið II á vegum Mími Anita Krasniqi
Útileikur námskeið á vegum Náttúruskóla RVK Berglind Ósk Magnúsdóttir
Höfum gaman málörvun, spil, tónlistarnámskeið Berglind Ósk Magnúsdóttir
Agnes Hauksdóttir
Orðaspjall- námskeið um málörvun Allir starfsmenn skólans
Já í 99% tilfella – jákvæð samskipti við börn Allir starfsmenn skólans
Sköpun í leikskólastarfi Allir starfsmenn skólans
Fræðsla um foreldrasamstarf Nichole Leigh Mosty
Agnes Hauksdóttir
Guðrún Finnsdóttir
Námsferð til London:
Fyrirlestrar um málörvun og fjölmenningu
Leikskólaheimsóknir
Ragga, Guðrún, Berglind L., Berglind
Ósk, Anita, Nichole, Alla, Agnes, Oksana
og Anna Margrétt frá leikskólanum
Laugarsól
Leikskólaheimsókn til að kynnast tónlistarstarfi
með börnum; heilsuleikskólinn
Urðarhóll og Kópasteinn
Thelma Lind og Rubin Pollock
11
Ráðgjöf frá Fríðu Bjarneyju Jónsdóttur um málörvun,
foreldrasamstarf og fjölmenningu í leikskólastarfi
Allir starfsmenn skólans
Handleiðsla og fagleg leiðsögn frá samsvarandi leikskóla
Stjórnendur og leikskólakennarar í leikskólanum
Garðaborg
Nichole Leigh Mosty
Oksana Shabatura
Alla Dydula
Í Meistaranámi við Háskóla Íslands –Menntavísindasviði Nichole og Berglind L.
Áherslu leikskólans fyrir næsta leikskólaár Við erum afar ánægð með þá þróun sem hefur átt sér staða hingað til í Öspinni, en á nýju
skólaári koma ný börn og foreldrar, ný tækifæri til þróunar og lærdóms og við hlökkum til að
hefja vinnu með það að markmiði að vera samfélag hæfra barna, foreldra og starfsfólks.
Það er okkar sönn ánægja að tilkynna að við höfum fengið styrk fyrir þróunarstarfi
annarsvegar frá Sprotasjóði sem er á vegum Menntamálaráðneytisins og hinsvegar Skóla- og
frístundasviði Reykjavíkurborgar. Í báðum verkefnum verður aðaláhersla lögð á málörvun og
foreldrasamtarf. Það sem skilgreinir verkefnin er að í verkefninu á vegum
Menntamálaráðneytisins munum við leita leiða til að efla lýðræði í starfi og vinna
skólanámskrá. Verkefnið á vegum Skóla- og frístundarsviðs er samstarfsverkefni þar sem við
munum auka samstarf milli leikskólans Holts, Fellaskóla, Þjónustumiðstöðvar Breiðholts og
Háskóla Íslands.
Við viljum aftur leggja mikið til að bæta foreldrasamstarf hjá okkur. Við teljum að dagleg
samskipti gangi almennt mjög vel hjá okkur þrátt fyrir fjölbreyttan tungumál bakgrunn og
foreldrar treysta okkur fyrir umönnun og menntun barnanna þó að stundum höfum við ólíka
sýn á uppeldi barna og bakgrunnur menningar er mismunandi.
12
Þegar við erum með uppákomur eða viðburði sem krefjast þátttöku foreldrar, þá er mæting
alltaf góð, til dæmis á foreldrafundi hjá okkur þá var 84% mæting, á jólaball sem var haldið á
laugardegi í Danshöllinni var 99% mæting, í sveitaferð var 95% mæting og áfram má telja.
Á þessu skólaári viljum við stefna að því að mæta okkar foreldrahópi betur og þeim þörfum
sem óhjákvæmilega fylgir fjölbreyttum hópi foreldra. Hugmyndir í vinnslu hjá okkur eru
margar og tengjast bæði hlutverki foreldra sem uppalendur og þátttakendur í íslensku
samfélagi, sem dæmi má nefna opnir morgnar, íslenskunámskeið fyrir foreldra, sögustund á
vegum foreldra og áfram má telja.
Við munum breyta móttökuferli nýrra barna með því að bjóða foreldrum að aðlagast
leikskólanum og kynnast starfsfólki á sama tíma og börnin eru í aðlögun. Aðlögun nýrra
barna verður skipulögð með þeim hætti að foreldrar verði virkir þátttakendur í daglegu
starfi, í stað þess að aðlaga barnið að fara í leikskólann eins og verið hefur hingað til. Um
miðjan ágúst innleiðum við þátttökuaðlögun sem mun standa yfir í 2 ½ dag og í ferlinu
kynnast foreldrar starfinu, fá fræðslu frá Fríðu Bjarneyju Jónsdóttur leikskólaráðgjafa,
fræðslu um leikskólann og stefnu hans frá Nichole, Guðrúnu og viðkomandi deildarstjóra.
Starfsfólk fær tækifæri til að kynnast foreldrum og börnum mjög náið strax í upphafi
leikskólagöngu. Við hlökkum til að fara þessa nýju leið í samstarfi með foreldrunum okkar.
Við ætlum að auka samstarf við aðra þjónustuaðila í Efra Breiðholti, sérstaklega þá þjónustu
sem styðja við hlutverk okkar sem foreldrar og uppalendur. Það er til afrískt spakmæli sem er
13
á þessa leið „it takes a village to raise a child“. Við höfum til dæmis ákveðið að árlegur
foreldrafundur að hausti verði haldin í samstarfi með fulltrúa frá Þjónustumiðstöð Breiðholts,
fulltrúa frá Heilsugæslunni í Efra Breiðholti, ráðgjafa frá Skóla- og frístundasviði og tannlækni
sem kemur til með að vinna með okkur aftur á þessu ári.
Nichole og Guðrún munu enn og aftur vinna nær deildarstjórum með því að útbúa
mánaðarlegar áætlanir, málörvunarskemu, útdeila fræðslu og lesefni sem geta stutt við
þróun og fagleg vinnubrögð og síðast en ekki síst að aðstoða deildarstjóra að skilgreina
hlutverk starfsfólksins í öllum þáttum sem þeir koma að.
Við munum halda áfram með mikla fræðslu, ráðgjöf og finna nýjar aðferðir sem efla og auka
málörvun. Við viljum sérstaklega finna leiðir sem bæta vinnubrögð starfsfólks hvað varðar
markvissa málörvun í daglegum samskiptum og leik barna. Við munum byrja nýtt skólaár á
námskeiði í tónlist, einingakubbum, könnunaraðferð og málörvun.
Guðrún mun halda áfram í starfinu sem verkefnastjóri í málrækt og fjölmenningu ásamt
hennar mikilvæga starfi sem aðstoðarleikskólastjóri.
Markmið leikskólans
Auka þátttöku barna í ákvarðanatöku og mati á daglegu starfi.
Leiðir: Við teljum að þannig muni starfsfólk læra að börn hafa skoðun, viðhorf og
væntingar til okkur. Einnig muni börn öðlast dýpri skilning á umhverfinu þar sem þau
fá tækifæri til að tjá sig um eigin upplifun og reynslu í leikskólanum. Við viljum
undirbúa börnin fyrir það að verða góðir og virkir borgarar. Börnin munu taka þátt í
fundum á deildum, taka þátt í að skipuleggja viðburði (jólaball, sumarhátíð, íþróttir,
14
göngutúra, vettvangsferðir og þess háttar). Einnig mun starfsfólk halda sérstaka
matsfundi með börnunum tvisvar sinnum yfir skólaárið.
Vinna áfram að breyta NEI svari í JÁ.
Leiðir: Fyrst og fremst leggja áherslu á að miðla meiri fræðslu til starfsfólks þar sem
okkur tókst
ekki
nægilega vel
að innleiða
vinnubrögð í
þessum
anda. Við
viljum að
starfsfólk
tileinki sér
gagnvirk og
jákvæð
samskipti
við börnin.
Við munum
halda áfram
leita leiða til að efla starfsfólk í jákvæðum og gagnvirkum samskiptum við börnin. Eitt
af nýju gildishugtökum skólans er vellíðan, en til þess að börnum líði vel þurfa þau að
finna traust, öryggi og umburðalyndi frá starfsfólki sem þau umgangast daglega. Við
teljum að okkar hlutverk sem uppalendur er að vera fyrirmynd í persónuleikamótun
barna. Hinn fullorðni tekur tíma til að hlusta á barnið, sýnir því skilning og leitar leiða
að sameiginlegri lausn sem hentar bæði barni og hinum fullorðna.
Halda áfram þróun í útikennslu með vettvangsferðum í Elliðaárdalinn.
Leiðir: Starfsfólk hefur óskast eftir fleiri hugmyndum í tengslum við útikennslu. Anita
hefur haft það hlutverk að halda utan um þróunarverkefnið „Ævintýradalurinn“ og nú
er komið að þeim tímapunkti að gera markvissa skráningu á hugmyndum svo þær geti
verið aðgengilegar öllu starfsfólki skólans. Einnig mun starfsfólk fá meiri þjálfun sem
tengist skriflegri skráningu í vettvangsferðum. Auk fræðslu frá öðrum leikskólum sem
leggja áherslu á öfluga útkennslu til dæmis leikskólanum Rauðahól. Að ósk stjórnenda
ætlar starfsfólk að leita leiða til að yfirfæra það sem er gert í útikennslu inní
leikskólastarfið.
Halda áfram og auka fræðslu til starfsfólks og foreldra hvað varðar málþroska,
málörvun og eflingu móðurmáls.
15
Leiðir: Öll námskeið sem verða á starfsdögum munu fela í sér fræðslu tengda
málþroska. Við höldum áfram að fá mánaðarlega ráðgjöf frá Fríðu Bjarneyju
Jónsdóttur sem starfar á Skóla- og frístundarsviði. Hún deilir þekkingu og hagnýtum
leiðum til málörvunar í daglegum samskiptum og leik barna. Starfsfólk mun fá fræðslu
og lesefni um málþroska og málörvun, einnig fræðslu um tvítyngi og móðurmál. Að
auki viljum við finna leiðir til að miðla til foreldrum mikilvægi móðurmáls þróunar og
brúa tengslin á milli leikskóla og heimilis sem gagnast börnum og þeirra málþroska.
Einnig hefur verið ákveðið að bæta tónlistarstarf þar sem við teljum tónlist vera
mikilvægt tæki til að efla málþroska og auka vellíðan barna.
Við erum mjög lánsöm að
hafa fengið tækifæri til að
taka þátt í átaksverkefni á
vegum Vinnumálastofnunar.
Við höfum fengið pólskan
starfsmann sem starfar sem
móðurmálskennari.
Viðkomandi starfsmaður
kemur til með að leggja
áherslu á að efla móðurmál
hjá pólskumælandi börnum
og brúa bilið á milli íslensku
og pólsku með því að miðla
milli tungumála í samvinnu
við starfsfólk skólans. Þetta verkefni undirstrikar sérstöðu skólans og sýn okkar á
mikilvægi móðurmáls í daglegu lífi og námi tvítyngdra barna.
Að efla foreldrasamstarf
Leiðir: Við ætlum að halda áfram að nota leiðir sem hafa nú þegar reynst okkur vel
(foreldrakaffi, sveitaferð, jólaball, sumarhátíð, þjóðabjóð, foreldraviðtöl og
foreldrafundi), en við höfum ákveðið að breyta og bæta eins mikið og hægt er.
Við höfum nú þegar breytt aðlögunar- og inntökuferlinu hjá okkur þannig að
foreldrum gefst kostur á að vera virkir þátttakendur í leikskólastarfinu á meðan
aðlögun barnsins stendur yfir í 2 ½ dag. Markmið með slíku fyrirkomulagi er að gera
aðlögunarferlið gagnvirkt þ.e. foreldrar aðlagast leikskólanum með barninu og
starfsfólk aðlagast foreldrum og barni á sama tíma. Við álítum að það leiði af sér
meira öryggi í samskiptum foreldra og starfsfólks og foreldrar finni að þeir eru
velkomnir inn á deildir, í spjall við starfsfólk og jafnvel að taka þátt í starfinu.
Við viljum reyna aftur að bjóða foreldrum í hverfinu, sem eru heima með börn, í
heimsókn til okkar og þiggja fræðslu sem m.a. tengist barnauppeldi eða þjónustu. Á
sama tíma fá börn þeirra tækifæri til að leika sér með fjölbreytt leikefni. Því miður
16
tókst okkur ekki að innleiða morgna eins og þessa á síðasta ári og viljum við því reyna
aftur á þessu skólaári.
Að auka samstarf með stofnunum og skólum í hverfinu
Leiðir: Þar sem við erum þátttakendur í samstarfs þróunarverkefni sem ber
yfirskriftina „Okkar mál“ ásamt Fellaskóla, leikskólanum Holt, Þjónustumiðstöð
Breiðholts, Skóla- og frístundasviði og Háskóla Íslands, þá viljum við finna nýjar leiðir
til að efla samstarf sem muni bæta menntun og uppeldi barna í Efra Breiðholti.
Markmið þróunarverkefnisins hefur sameiginlegt gildi fyrir allar fyrrnefndar stofnanir
þar sem börn, fjölskyldur, menntun og uppeldi eru í brennidepli. Nú þegar er verið að
skipuleggja framkvæmd þróunarverkefnisins en allar aðferðir sem við komum til með
að nota munu taka mið af sérstöðu okkar, stefnu og framtíðarsýn.
Við munum einnig leita eftir samstarfi frá stofnunum og félögum sem geta stutt
samstarf okkar við foreldra, sem dæmi má nefna Heilsugæslan í Efra Breiðholti,
Lýðheilsustöð v/tannverndar, íþróttafélagið Leiknir, Sundfélagið Ægir og
Borgarbókasafnið í Gerðubergi.
Hvernig verða markmið metin?
Mat verður framkvæmt meðal starfsmanna, barna og foreldra. Ef við viljum gefa okkur út
fyrir að vera „samfélag hæfra barna, foreldra og starfsfólks“ þá þurfum við að gefa öllum
tækifæri til þess að hafa áhrif á mótun samfélagsins. Með því að gefa öllum kost á að leggja
sitt mat á markmiðin sem við setjum okkur og þróun þeirra þá teljum við að starfið muni
verða faglegra og öll sú þjónusta sem við veitum fjölskyldum taki mið af þörfum þeirra.
Starfsfólk skólans mun formlega meta markmið á starfsdögum, í mars og maí 2013.
Deildarstjórar meta þróun í starfinu samhliða þeim markmiðum sem við höfum sett okkur
mánaðarlega. Á síðasta skólaári var lögð áhersla á markvissa samvinnu milli leikskólastjóra og
deildarstjóra með mánaðarlegri áætlunargerð.
Deildarstjórar unnu áætlanir í samráði við
leikskólastjóra sem veitti faglega leiðsögn. Við
teljum þetta vera fyrstu skrefin í þá átt sem við
viljum fara, hvað varðar öflug fagleg
vinnubrögð. Á þessu skólaári ætlum við að snúa
blaðinu við þar sem deildarstjórar fá í
hendurnar mánaðarlegar áætlanir sem
innihalda viðfangsefni valin af stjórnendum,
markmið, ásamt mögulegum leiðum.
Deildarstjórar koma með sitt innlegg í áætlunina
og sjá um framkvæmd inn á sinni deild og meta í
lok hvers mánaðar. Einnig viljum við leggja ríka
áherslu á skráningar í von um að starfsfólk
17
öðlist betri skilning á mikilvægi mats í starfinu og efli færni sína á þessu sviði.
Við viljum gefa börnum tækifæri til að rödd þeirra fái meira vægi í skólastarfinu svo hægt sé
að móta lýðræðislegt samfélag þar sem börn læra að þau geti haft áhrif á daglegt líf og starf.
Við stefnum á að bjóða börnunum á mánaðarlega matsfundi þar sem starfsfólk kemur til
með að stjórna í litlum hópum. Umræðuefni sem verða tekin fyrir hverju sinni koma til með
að beinast að starfinu og þeim markmiðum sem við höfum sett okkur.
Við ætlum að leita leiða til þess að framkvæma mat meðal allra foreldra en við höfum ekki
tekið endanlega ákvörðun um framkvæmdina því þau tungumál sem foreldrar tala eru
fjölbreytt og bakgrunnur foreldra mismunandi. Við gerum okkur grein fyrir því að það þarf að
fara gætilega af stað og niðurstöður matsins geta haft mikil áhrif á þróun starfsins í Ösp.
Við vonum að viðhorfskönnun á vegum Reykjavíkurborgar, bæði meðal starfsmanna og
foreldra, komi einnig til með að meta þau markmið sem við höfum sett okkur.
Áherslur leikskólans með hliðsjón af starfsáætlun Skóla- og
frístundasviðs Við teljum mikilvægt að vinna náið með Skóla- og frístundasviði og leita eftir stuðningi þegar
þess er þörf. Síðastliðið ár var sameiningarferli Skóla- og frístundasviðs klárað og í vor kom út
starfsáætlun sem við höfðum til hliðsjónar við mótun starfsáætlunar Aspar fyrir skólaárið
2012-13. Við tökum alla þætti úr starfsáætlun Skóla- og frístundasviðs og greinum frá því lið
fyrir lið hvernig þeir birtast í starfinu hjá okkur.
Verkefni á vegum Skóla- og frístundasviðsins
Blíð byrjun: Tilgangur verkefnisins var að leita leiða til að móta farsæla og aðgengilega
tengingu fjölskyldna með ung börn við þjónustu borgarinnar. Tillögur starfshópsins lögðu
áhersla á víðtæka samvinnu stofnana
og að bilið frá fæðingarorlofi foreldra
fram að leikskólagöngu barnsins verði
brúað. Við teljum að þær leiðir sem
við erum að fara með
foreldrasamstarfi og stuðningi frá
stofnunum í hverfinu tengist vel
verkefninu Blíð byrjun. Einnig falla
hinir svokölluðu opnu morgnar, fyrir
fjölskyldur með börn heima, vel að
hugmyndafræði verkefnisins.
Börn og fjölmenning: Þar sem við erum með svo hátt hlutfall barna af erlendum uppruna þá
viljum við vinna nálægt starfshópnum sem sér um verkefni tengd börnum og fjölmenningu.
18
Við höfum verið með kynningu fyrir starfshópinn um skólastarfið á Ösp og greint frá því
hvernig starfið hefur þróast og framtíðarsýn okkar. Starfshópurinn hefur einnig komið í
heimsókn til okkur. Við teljum að í starfsmannahópnum ríki almennt jákvætt viðhorf til
fjölmenningar í leikskólanum og samfélaginu sem gerir okkur kleift að hafa áhrif á
stefnumótun leikskólans og námskrárgerð.
Lestar hvetjandi verkefni: Við teljum að læsisstefnan sem var samþykkt í Skóla- og
frístundaráði þann 18. janúar 2012 vera rauðan þráð í starfi leikskólans. Læsisstefna skólans
er mótuð með hliðsjón af aðalnámskrá leikskóla. Við munum skilgreina áherslur í málörvun,
ritmáli, tjáningu og leik. Öll fræðsla og þróun sem fer fram í leikskólanum mun tengjast
málörvun og undirstöðuþáttum læsis. Þróunarverkefnið „Okkar mál“ sem fékk styrk frá
Skóla- og frístundasviði er samstarfsverkefni sem byggir á undirstöðuatriðum læsis og
málörvun er rauður þráður í verkefninu.
Stefnuþættir Skóla- og frístundasviðs
Sterk sjálfsmynd og félagsfærni: Við teljum að í Ösp sé mikil áhersla lögð á að byggja upp
barnið út frá þeim styrkleikum sem það býr yfir. Við bjóðum börnum upp á jöfn tækifæri, við
höfum markvisst aukið sjálfstæði og frumkvæði barnanna og vonum að með því að auka enn
frekar lýðræðisleg vinnubrögð þar sem börn fá tækifæri til þess að móta og hafa áhrif á
skólastarfið þá styrki það
sjálfsmynd barna, ásamt því
að efla félagfærni þeirra.
Öryggi, heilbrigði, vellíðan
og gleði: Við álítum að hverju
barni sé boðið upp á
heilbrigðan lífstíl í daglegu
starfi á Öspinni. Við hugsum
fyrst og fremst um hag
barnanna sem m.a. kemur
fram í samstarfi af ýmsum
toga. Sem dæmi má nefna
samstarfsverkefni við
lýðheilsustöð varðandi
tannvernd barna, samstarf
við Heilsugæslustöðina í Efra Breiðholti ásamt sterku foreldrasamstarfi. Við höfum lagt okkur
fram við að móta öruggt umhverfi þar sem unnið er markvisst gegn áhættuhegðun og skólinn
er hugsaður fyrst og fremst sem umhverfi hæfra barna þar sem þau fá tækifæri til að hreyfa
sig frjálst. Við höfum breytt gildishugtökum skólans, eitt af þeim er vellíðan sem við teljum
vera einn mikilvægastan þátt í bernsku allra barna.
Viðtæk þekking, færni og árangur: Við viljum leita leiða til að mæta hverju barni á þeirra
forsendum þar sem styrkleikar þeirra eru nýttir sem vegvísir í vali á viðfansefni, námsefni,
19
kennsluaðferðum og mótun umhverfis. Til dæmis lítum við á móðurmál hvers og eins sem
mikilvægan grunn til að læra íslensku. Við lítum ekki á börn með annað mál en íslensku sem
„mállaus“ heldur einstaklinga sem hafa þegar lært að hlusta og tjá sig í orðum annars máls
og sú þekking styðji þau við að læra íslensku. Stjórnendur skólans munu halda áfram að vinna
náið með deildarstjórum í áætlanagerð, vali á viðfangsefnum, miðlun fræðslu um faglega
kennslu og kennsluaðferðir sem verða innleiddar ásamt mati á starfinu. Það komi til með að
tryggja aukin gæði í öllu starfi og efla þekkingu, færni og árangur hjá börnum.
Við ætlum að nota fjölbreyttar aðferðir í starfinu sem styðja við læsi í víðum skilningi sem
byggir ofan á grunnþekkingu starfsfólks á málnotkun og málskilningi barna, ásamt því að
þjálfa börnin í að tjá hugsanir sínar til að efla gagnrýna hugsun og samræður við fullorðna og
jafnaldra.
Við viljum efla skilning og vinnubrögð starfsfólks á mikilvægi sköpunar í leikskólastarfi, ekki
eingöngu í tengslum við myndlist og tónlist, heldur færni til að nota sköpun sem leið til
tjáningar. Þegar um er að ræða fjölbreyttan barnahóp þá er nauðsynlegt að sýna
sveigjanleika og vera móttækileg og virða nýjar hugmyndir sem fram koma hjá börnum og
skoðanir þeirra, túlkun, upplifun og skilningur.
Með þróunarstarfi í Elliðaárdalnum teljum við okkur vera á réttri leið með að auka
umhverfisvitund og menntun til sjálfbærni. Á þessu skólaári viljum við vinna markvissara
með umhverfismennt og hugsanlega innleiða „græn skref“ í tengslum við starfið í dalnum.
Samfélagsleg ábyrgð, virkni og viðsýni: Við viljum efla starfsfólk í að vinna á lýðræðislegan
hátt með börnum. Við munum leggja ríka áherslu á jafnrétti og lýðræði í starfinu þar sem
börn munu fá tækifæri til að beita rödd sinni. Við ætlum að halda áfram að miðla fræðslu til
starfsfólks um gagnvirk samskipti við börn. Við viljum bjóða börnum að taka þátt þegar við
skipuleggjum atburði og metum starfið.
Starfsmannamál
Starfsheiti Fjöldi Starfshlutfall Menntun
Leikskólakennarar 4 3,8 1 M.Ed. gráðu, 2 leikskólakennarar
stunda nám til M.Ed. gráðu við Hí., 3
B.Ed., 1 diplóma í sérkennslu og 1
úkraínskt leikskólakennarapróf
Grunnskólakennarar 1 1 Úkraínsk kennaramenntun
Aðrir uppeldismenntaðir
starfsmenn
3 3 Leikskólaliðar
Starfsmenn með
háskólapróf án
1 1 B.A. í listmennt með kennsluréttindi
20
uppeldismenntunar
Starfsmenn með menntun
á framhaldsskólastigi
2 1,8 Stúdentspróf og pólskt
framhaldsskólapróf
Starfsmenn án
framhaldsskólamenntunar
3 2,87 Mismunandi
Þroskaþjálfar 0 0
Barnahópurinn Fjöldi barna í leikskólanum eru 55 í 54 plássum
Kynjahlutfall er 30 stúlkur (54.5%) og 25
drengir (45.4%)
Dvalarstundir eru 435
Fjöldi barna sem njóta sérkennslu eru 1 (.02%)
Fjöldi barna af erlendum uppruna eru 45 af 55
(81.8%)
Foreldrasamvinna Við teljum foreldrasamvinnu vera máttarstólpa í leikskólastarfi og mikilvægt að foreldrar og
starfsfólk leikskólans vinni að sama markmiði; að gera allt sem hægt er að gera til þess að
hlúa að alhliða þroska og vellíðan barnanna. Eins og áður hefur komið fram í kafla um
markmið þá viljum við stöðugt bæta foreldrasamstarf og leita nýrra leiða til þess í
leikskólanum.
Þar sem foreldrahópur er fjölbreyttur þá getur samstarf og dagleg samskipti verið flókin, en
við leggjum alltaf ríka áherslu á að foreldrum líði vel hjá okkur og að þau finna fyrir virðingu
og tillitssemi þó að við tölum ekki alltaf sama tungumál. Við notum allar mögulegar aðferðir
til að koma upplýsingum til skila og sömuleiðis gefum við foreldrum kost á að koma
skilaboðum til okkar. Það má segja að þeir þekki okkur með nafni hjá túlkaþjónustum í
Reykjavík.
Þar sem við erum þessa stundina í aðlögunarferli með nýjum börnum og foreldrum þá höfum
við ekki fengið foreldra til samstarfs í foreldraráð. Við viljum fara sömu leið og í fyrra þar sem
við vorum með stóran hóp foreldra svo hann gæti endurspeglað þá fjölbreytni sem ríkir í
Ösp. Þeir foreldrar sem voru þátttakendur í foreldraráði á síðasta skólaári og eru enn með
börn í vistun hjá okkur eru 4, og þeim stendur til boða að taka þátt aftur. Þau eru:
Linda Ólöf Hólmarsdóttir móðir Emblu á Trölladyngju
21
Violeta Kelmendi móðir Henors á Trölladyngju
Inga Birna Ólafsdóttir móðir Ólafs á Trölladyngju og Sóleyjar á Mánaskjóli
Gísli Þór Ingimarsson faðir Natans Árna á Trölladyngju
Áætlað er að halda stutt foreldraviðtöl í október 2012 og ítarlegri viðtöl í mars og apríl 2013.
Foreldrum verður boðið á kvöldfund í Gerðubergi í lok september 2012 í samvinnu með
fulltrúum samstarfsstofnana í hverfinu, þar verður ársáætlun og markmið skólans kynnt
ásamt fræðslu og upplýsingamiðlun frá stofnunum.
Almennar upplýsingar
Skipulagsdagar
28. ágúst 2012 allan daginn, Birte Harksen mun halda námskeið um Börn og tónlist.
Fræðsla um jákvæð og gagnvirk samskipti við börn frá Nichole og Guðrúnu
skólastjórnendum. Nichole verður einnig með fyrirlestur um könnunaraðferðina. Eftir
hádegi förum við í Fellaskóla á sameiginlegt námskeið um málþroska og málörvun
með Fellaskóla og leikskólanum Holti. Þetta tengist samstarfsverkefninu „Okkar mál“.
21. september 2012 allan daginn, allir starfsmenn sækja námstefnu á vegum
talmeinafræðinga og sérfræðinga í málörvun. „Hvernig er hægt að kenna viðeigandi
boðskipti, félagsfærni og hjálpa börnum með frávik í málþroska? Áherslu á íhlutun,
samstarf og hagnýtar hugmyndir heima og í leik- og grunnskóla“
30. nóvember 2012 allan daginn, fyrir hádegi fá allir starfsmenn námskeið á vegum
Greiningarstöðvar ríkisins um Tákn með tali . Námskeiðið verður haldið í Gerðubergi
og starfsfólk frá leikskólanum Holti munu vera með okkur. Eftir hádegi verður
námskeið í Ösp einungis ætlað starfsfólki Aspar um einingarkubba og málörvun í
daglegum leik barna. Kristín Einarsdóttir leikskólastjóri við leikskólinn Garðaborg er
sérfræðingur í einingakubbum og mun deila þekkingu og fræðslu á því sviði og Fríða
Bjarney Jónsdóttir mun miðla ítarlegri fræðslu um málörvun og tengja það leik með
einingakubba. Einnig verði enn meiri fræðsla um könnunaraðferðina.
3. janúar 2013 allan daginn, sameiginlegur starfsdagur með starfsfólki í Fellaskóla,
Ösp, og Leikskólanum Holti. Það á eftir að ákveða fræðslu og viðfangsefni.
14. mars 2013 allan daginn, fyrir hádegi verður námskeið um lýðræði og jafnrétti í
skólastarfi. Einnig framhaldsnámskeið um málörvunaraðferðina „orðaspjall“ en
starfsfólk leikskólans fékk kynningu á þessari kennsluaðferð sl. vor. Eftir hádegi
verður markviss vinna við námskrárgerð og mat á starfinu.
17 maí 2013 allan daginn, mat á starfið og markviss vinna við námskrárgerð.
Leikskóladagatal Hægt er að nálgast dagatal leikskólans á www.osp.is . Við viljum beina athygli að því að við
erum enn að skipuleggja og móta starfið, sérstaklega hvað varðar samstarfsverkefni sem við
tökum þátt í þannig að skóladagatal gæti breyst.
http://www.osp.is/
22
Fylgirit Starfsáætlun hefur ekki verið send til foreldraráðs þegar þetta er skrifað en verður bætt við
þegar umsögn foreldráðs liggur fyrir.
F.h. leikskólans Aspar
Nichole Leigh Mosty 19,ágúst 2012
Nichole Leigh Mosty, Leikskólastjóri
Guðrún Finnsdóttír 19,ágúst 2012
Guðrún Finnsdóttir, Aðstoðarleikskólastjóri