Kërkesat e Mjedisit, Shëndetit dhe Sigurisë për Komisionimin e Nënkontraktuesit

[Rishikimi i fundit: 23 shkurt 2018]

Xella Group Düsseldorfer Landstraße 395 47259 Duisburg

Tel. 0203-60880-0

Kërkesat e renditura më poshtë janë pjesë e detyrueshme dhe bazë e çdo kontrate dhe / ose rregulli.

Për më tepër, ato janë parakusht për komisionimin e nënkontraktuesve (NK) për punë, siç janë ndërtimi, montimi, riparimi, transporti dhe logjistika, apo shërbime të tjera të palëve të treta brenda grupit Xella*.

Për qëllimet e këtij dokumenti, NK-të janë çdo firmë jo-Xella, ofruesit e shërbimeve, furnizuesit, dhe filialet e tyre ose nënkontraktuesit nga ana e tyre. Në veçanti, kjo përfshin kompanitë e ndërtimit, teknikët e shërbimit, kompanitë e mirëmbajtjes dhe pastrimit, transportuesit e mallrave dhe transportuesit e tjerë, si dhe çdo kompani tjetër të komisionuar me ose pa punonjësit e vet.

Me këtë dokument, NK po futet më tej në një angazhim kontraktualisht detyrues për të vëzhguar dhe zbatuar kërkesat që rrjedhin nga ligjet në fuqi, dekretet, rregulloret institucionale dhe të tjera të aplikueshme, leje kërkesat, si dhe çdo ligj dhe rregullore tjetër në lidhje me mjedisin, shëndetin ose kushtet e sigurisë në punë (kushtet EHS).

Kur rregulloret ose kërkesat e përmendura ndryshojnë nga ato të grupit Xella, duhet të ndiqen kërkesat përkatëse më strikte.

* Për qëllimet e këtij dokumenti, "grupi Xella" i referohet të gjitha filialeve dhe kompanive të materialeve ndërtimore të njësisë së biznesit.

1 Kërkesa të përgjithshme në lidhje me shëndetin dhe sigurinë ......................................................... 2

2 Hyrje ......................................................................................................................................................... 4

2.1 Fusha e zbatimit ............................................................................................................................................ 4

2.2 Mosrespektimi i kushteve .............................................................................................................................. 4

2.3 Detyrat dhe përgjegjësitë e nënkontraktuesit (NK)........................................................................................ 4

3 Kushtet e përgjithshme për zonat e ndërtimit ..................................................................................... 5

3.1 Fusha e zbatimit ............................................................................................................................................ 5

3.2 Fillimi dhe mbarimi i punës ............................................................................................................................ 5

3.3 Kabllo, tuba dhe tela tjerë .............................................................................................................................. 5

3.4 Organizimi, funksionimi dhe pastrimi / largimi nga zona ............................................................................... 6

3.5 Përdorimi i automjeteve, pajisjeve të lëvizshme dhe makinerisë vetëlëvizëse ............................................. 6

3.6 Emetimet ........................................................................................................................................................ 6

3.7 Largimi i mbeturinave .................................................................................................................................... 6

3.8 Sigurimi i materialeve ose pajisjeve .............................................................................................................. 7

4 Kërkesat e sigurisë për zonat e ndërtimit ............................................................................................ 7

4.1 Fusha e zbatimit ............................................................................................................................................ 7

4.2 Përgjegjësia në zonë ..................................................................................................................................... 7

4.3 Organizimi i zonave të ndërtimit .................................................................................................................... 7

4.4 Inspektimi i masave të sigurisë ...................................................................................................................... 8

4.5 Koordinimi i punës ......................................................................................................................................... 8

4.6 Bashkëpunimi ndërmjet kontraktuesve të shumtë......................................................................................... 8

4.7 Përgjegjësia ................................................................................................................................................... 9

4.8 Testimi funksional .......................................................................................................................................... 9

4.9 Folësit jo-vendas dhe të huaj......................................................................................................................... 9

4.10 Vënia e skeleve ...................................................................................................................................... 9

4.11 Instalimet elektrike, instalimet dhe pajisjet............................................................................................. 9

4.12 Mirëmbajtja dhe riparimi në vinça .......................................................................................................... 9

4.13 Përdorimi i vinçave, pajisjeve ngritëse dhe makarave ......................................................................... 10

4.14 Puna afër shinave/hekurudhave .......................................................................................................... 10

4.15 Puna në zona me rreziqe nga gazi ...................................................................................................... 10

4.16 Saldimi, ngjitja dhe bluarje kendi ("Punë Salduese") ........................................................................... 11

4.17 Punimet tokësore ................................................................................................................................. 11

4.18 Puna me materiale të rrezikshme, agjentë biologjikë, dhe në zonat ku përdoren këto ....................... 11

4.19 Zonat me rreziqe nga shpërthimet ....................................................................................................... 11

5 Transporti i jashtëm në zonat e punës ............................................................................................... 11

5.1 Rregulla dhe instruksione të përgjithshme .................................................................................................. 11

5.2 Sigurimi i ngarkesave .................................................................................................................................. 12

2

1 Kërkesa të përgjithshme në lidhje me shëndetin dhe sigurinë

Në këto Kërkesa të Mjedisit, Shëndetit dhe Sigurisë për Komisionimin e Nënkontraktuesit nga Grupi Xella (këtu e tutje referuar si "Kërkesat e Sigurisë") grupi Xella shprehimisht informon të gjithë nënkontraktuesit për rreziqet e mundshme në punë në fabrikat dhe zonat Xella. Prandaj kushtet e mëposhtme duhet të lexohen dhe ndiqen kategorikisht.

Çdo nënkontraktues (NK) është përgjegjës për udhëzimin e personave nën mbikëqyrjen e tyre.

PPM (Pajisjet personale mbrojtëse) të mëposhtme duhet të vishen në tërë fabrikën / zonën:

Veshje me dukshmëri të lartë, jelek me dukshmëri të lartë ose xhaketë me dukshmëri të lartë

Çizme të sigurisë (të paktën mbrojtja S3 siç përshkruhet në ISO 20345: 2011)

Në zonat e shënuara qartë, PPM e mëposhtme duhet të përdoret gjithashtu:

Helmetë mbrojtëse ose kapelë e përforcuar

Mbrojtja e fytyrës ose syzet e sigurisë

Mbrojtja nga zhurma

Mbrojtja e frymëmarrjes nga gazrat, mbrojtja nga pluhuri

Dorëza mbrojtëse

Mbrojtja nga rënia

Rregullat e mëposhtme të trafikut dhe të sjelljes zbatohen për të gjithë fabrikën / zonën:

Kujdes: Fabrikë/zonë pune! Bindjuni të gjitha shenjave. Shoferët duhet të jenë në gjendje të ndalojnë menjëherë automjetin e tyre në çdo kohë. Vozitja / parkimi i automjeteve, si dhe prania në fabrikë / zonën e punës, është nën përgjegjësinë tuaj.

3

Shpejtësia maksimale = 20 km / h

Shoferët duhet gjithashtu t'ia përshtatin shpejtësinë vendit dhe kushteve ekzistuese të motit.

Makina peshëngritëse (piruni) dhe automjetet hekurudhore kanë të drejtën e kalimit. Gjithmonë mbani të paktën 1.5 m distancë nga shinat.

Pajtohuni me praktikat e përshtatshme të sigurimit të ngarkesës.

Parkimi lejohet vetëm në hapësirat e parkimit të shënjuar. Sigurohuni që automjeti juaj është i siguruar (frena e dorës, në pajisjet për "Parkim").

Këmbësorët duhet të përdorin shtigje të shënuara.

Në automjete motorike (kamionët dhe makinat), duhet të mbahen rripat e sigurisë. Për makinat peshëngritëse dhe makineritë e tokës, shoferët duhet të përdorin sistemet e ofruara të rripave.

Personat e paautorizuar nuk mund të hyjnë në zona operative, punëtori, apo zona të tjera të punës.

Rruga më e shkurtër në dispozicion duhet të merret për të shkuar në zonat e punës.

Në të gjithë fabrikën/ zonën e punës, pirja e duhanit, alkoolit dhe drogës janë të ndaluara! Pirja e duhanit lejohet vetëm në zona të shënuara..

Fotografimi dhe xhirimet e çdo lloji janë të ndaluara. Përjashtimet duhet të bëhen me leje të shprehur me shkrim nga menxhmenti i zonës.

Rregulli, pastërtia dhe mbrojtja e mjedisit në fabrikë / zonën e punës.

Çdo person që ndodhet në zonë është përgjegjës për mbajtjen e zonës të pastër dhe të rregullt, si dhe ruajtjen e standardeve të mbrojtjes së mjedisit.

Çdo mbetje duhet të ndahet sipas llojit dhe të deponohet në kontejnerë, gropa ose kova të shënuara. Nënkontraktuesit duhet të marrin me vete mbeturinat e tyre dhe t'i hudhin aty ku duhet.

Mbeturinat dhe materialet e rrezikshme ose toksike nuk mund të drejtohen ose përndryshe të hyjnë në tokë, ujëra tokësorë, ujë sipërfaqësor ose në rrjetin e kanalizimit / ujërave të ndotura të fabrikës. Paketimet, fletët metalike , shiritat, paletat, drutë e copëtuara, gozhdat, shkëmbinjtë, mbeturinat, lëngjet e derdhura, vajrat, lëndët e rrezikshme, lëndët djegëse ose çfarëdo materiali tjetër që nuk nevojitet më. duhet menjëherë të hiqet, të largohet dhe / të kufizohet përhapja e tyre në mënyra të përshtatshme.

4

2 Hyrje

2.1 Fusha e zbatimit

2.1.1 Këto Rregulla të Mjedisit, Shëndetit dhe Sigurisë në Punë të Grupit Xella (rregullat EHS) zbatohen për të gjithë nënkontraktuesit, si dhe punonjësit e tyre, nënkontraktuesit dytësorë dhe furnizuesit (referuar këtej e tutje si "nënkontraktuesë" ose NK) të cilët janë komisionuar nga një biznes që i përket grupit Xella. Këto rregulla zbatohen për të gjitha zonat / fabrikat që i përkasin grupit Xella. Ato janë të detyrueshme për kontratë nëse është pranuar komisionimi dhe / ose është nënshkruar një kontratë ndërmjet NK dhe Xella (ose një degë e grupit Xella, fabrikë ose zonë e punës). Këto kushte EHS mund të ndryshohen më tej nëpërmjet marrëveshjeve specifike për detyra ose punë, ndërmjet biznesit komisionues të grupit Xella (më poshtë referuar si autoriteti kontraktues ose AK) dhe NK-së, varësisht nga Vlerësimi i Rreziqeve.

2.1.2 NK është përgjegjës për sigurimin dhe duhet, nëse kërkohet, t'i paraqesë dëshmi AK-së se i gjithë personeli që punon për NK-në është i njoftuar me, u përmbahet, dhe ndjek kushtet EHS. Gjatë punës së tyre për AK-në, i gjithë stafi i NK-së dhe personeli i NK-së janë nën drejtimin e NK. Menaxhmenti i NK-së duhet të sigurojë që gjatë punës së tyre për Autoritetin Kontraktues të respektohen të gjitha rregulloret ligjore dhe institucionale të bordit për kompensim të punonjësve, të gjitha parimet e themeluara teknologjike, rregullat e përgjithshme të miratuara të sigurisë, si dhe rregullat e dhëna në këto Rregulla të Sigurisë .

2.2 Mosrespektimi i kushteve

2.2.1 Në rast të mosrespektimit të kushteve, personeli i CA menjëherë do të njoftojë mbikëqyrësin përgjegjës NK dhe do ta udhëzojë atë që të respektojë rregullat / kushtet përkatëse dhe të zbatojë masat e nevojshme të sigurisë / udhëzimet e sigurisë.

2.2.2 Nëse këto udhëzime të AK-së nuk respektohen, mbikëqyrësi përgjegjës NK ose menaxhmenti i NK do të udhëzohen të ndalojnë punën derisa mangësitë e identifikuara të jenë korrigjuar. Nëse NK nuk i ndjek këto udhëzime të dyta, menaxhmenti i fabrikës së CA ose një përfaqësues do të dëbojë nga NK-në dhe të gjithë personelin e NK-së nga zona e punës. Autoriteti kontraktues rezervon shprehimisht të drejtën për të ndërmarrë veprime ligjore shtesë.

2.3 Detyrat dhe përgjegjësitë e nënkontraktuesit (NK)

2.3.1 Para fillimit të punës, Autoriteti Kontraktues do të udhëzojë NK-në në lidhje me vendin (et) e punës dhe detyrë (at) e tij. NK-ja është përgjegjës për udhëzimin e personelit të tij, furnizuesve të tij, etj.

2.3.2 Udhëzimet janë të bazuara në broshurën e sigurisë "Rregullat dhe informatat e detyrueshme rreth sigurisë" në versionin e tanishëm. Nëse NK-ja punëson nënkontraktuesë nga ana e vet, atëherë udhëzimet zbatohen edhe për këta nënkontraktuesë dytësorë. NK ose përfaqësuesi i NK-së është përgjegjës për sigurimin e udhëzimeve dhe pajtueshmërisë.

2.3.3 Nëse kërkohet nga Autoriteti Kontraktues, NK duhet të hartojë një plan që detajon shpërndarjen kohore dhe hapësinore të proceseve të punës për detyrat e synuara. Më tej, NK duhet të përcaktojë rreziqet që dalin nga kjo punë në kontekstin e fabrikës / zonës, të vlerësojë këto rreziqe dhe të nxjerrë masat e duhura mbrojtëse. Ky Vlerësim i Rreziqeve duhet të dokumentohet dhe duhet t'i paraqitet AK-së së grupit Xella sipas kërkesës.

2.3.4 Vetëm pajisjet që janë të përshtatshme për detyrën në fjalë, janë vlerësuar / testuar për punën në fjalë dhe janë plotësisht funksionale, mund të përdoren. Nëse pajisja ka kaluar datën e inspektimit ose ka defekte, mund të përdoret vetëm pasi të jetë kryer kontrolli / riparimi dhe pajisja të jetë përsëri në gjendje pa defekte.

2.3.5 Para përdorimit të ndonjërës prej pajisjeve, NK duhet të kryejë një kontroll vizual të funksionalitetit të pajisjes.

2.3.6 Për platformat e punës (si për platformat e punës ajrore vetë-lëvizëse ose platformat e punës të ngritura me pajisje të lëvizshme siç janë pirunët), një inspektim i plotë i sistemit, duke përfshirë mekanizmin e ngritjes dhe pajisjet e sigurisë (zinxhirët, bulonat, etj., por edhe mekanizmat e sigurisë si pajimet / rripat) duhet të kryhet para fillimit të punës. Pas kryerjes së inspektimit, NK duhet të miratojë platformën për fillimin e punës.

2.3.7 Në parim, të gjitha pajisjet e punës dhe Pajisjet personale mbrojtëse (PPM) duhet të sigurohen nga NK. Grupi Xella nuk i ofron këto përveçse kur bëhet kontratë veçmas për këtë qëllim.

2.3.8 Bordi i kompensimit të punëtorëve të NK-së duhet të njoftohet një javë para fillimit të çdo pune që

5

përfshin platformat e personelit ("platformat e punës") me vinç ose kullë shpimi apo pajisje të ngjashme, përveç nëse puna zgjat më shumë se dhjetë ndërrime pune.

2.3.9 Të gjithë personat në platforma të punës ose mjete të ngjashme duhet të mbajnë pajisje për mbrojtje nga rënia, e cila duhet të jetë e lidhur në pikat e duhura të sigurisë, që mund të mbajnë 6kN fuqi.

2.3.10 Para fillimit të punës, duhet të hartohet një plan efektiv shpëtimi për shpëtimin e personave në / mbi platformat e punës ose në mjetet e ngjashme. Ky plan duhet të përfshijë emërtimin e një oficeri të sigurisë dhe ofrimin e masave të sigurisë.

2.3.11 Shpëtimi në lartësi duhet të sigurohet edhe nëse shkallët e zjarrit nuk mund të arrijnë në zonën e punës së personave që do të shpëtohen. Për këtë çështje duhet të konsultohet AK-ja.

2.3.12 NK duhet të përcaktojë proceset për kryerjen e detyrave të caktuara.

2.3.13 NK duhet ta njoftojë me këto procese personelin e vet dhe personat përkatës të kontraktuar dhe t'i sigurojë AK-së dokumentacionin përkatës të larpërmendur.

2.3.14 Pirunat (peshëngritësit), ngritësit e paletave dhe pajisjet e ngjashme mobile mund të përdoren vetëm nga personat që kanë vërtetuar dhe mund të sigurojnë dokumentacionin e kualifikimit të tyre për të përdorur pajisje të tilla. Këta persona duhet më tej të emërohen me shkrim si përdoruesë të tillë nga ana e NK. Ky emërim nuk zbatohet për pajisjet mobile të grupit Xella. Rregullat lokale të trafikut zbatohen në të gjitha objektet e fabrikës / zonat e punës.

2.3.15 Skeleria e nevojshme duhet të ofrohet nga NK.

2.3.16 Çdo incident në vendin e punës duhet të raportohet menjëherë tek AK.

3 Kushtet e përgjithshme për Zonat e Ndërtimit

3.1 Fusha e zbatimit

Kjo pjesë detajon kushtet e përgjithshme për organizimin, funksionimin dhe largimin nga zonat e ndërtimit ose punës në të gjitha fabrikat ose zonat e punës të grupit Xella.

3.2 Fillimi dhe mbarimi i punës

AK duhet të njoftohet hollësisht para fillimit të punës së NK-së. Grumbullimi i informacionit siç përshkruhet në 3.3 më poshtë nuk konsiderohet si njoftim. Puna mund të kryhet vetëm nën mbikëqyrje të duhur të specializuar.

3.3 Kabllo, tuba dhe tela tjerë

3.3.1 Para fillimit të punës dhe me kohë të mjaftueshme për planifikim, NK duhet të mbledhë informacion mbi pozicionin e telave ekzistues ose të dyshuar të furnizimit dhe të deponimit të të gjitha llojeve (p.sh .: kabllot, tubat e gazit, kanalet, kabllot elektrike, tubat e ujërave të zeza, më poshtë referuar si: linja) mbi dhe nën tokë, ose duke kërkuar informacion të tillë ose duke përdorur metoda të përshtatshme speciale për të bërë një përcaktim të tillë. AK duhet të konsultohet në çdo fazë të këtij procesi.

3.3.2 Valvulat, instrumentet, kapakët e rrugëve, kapakët për kalim dhe të gjitha pjesët e tjera që i përkasin ose lidhen me linjat duhet të mbeten të qasshme. Shenjat nuk duhet të mbulohen, të hiqen ose të rivendosen pa miratimin paraprak me shkrim nga AK-ja.

3.3.3 Linjat nuk duhet të dëmtohen, ose të ekspozohen ndaj rrezikut të dëmtimit, në asnjë mënyrë. Kur rreziku ndaj dëmtimit nuk mund të përjashtohet, NK duhet të krijojë masa të posaçme të sigurisë në konsultim me Autoritetin Kontraktues.

3.3.4 Linjat nëntokësore në zonë / pronë të AK-së duhet të ekspozohen në mënyrë profesionale në mënyrë që të parandalohet dëmtimi nga punimet, temperatura, lëkundja e tokës dhe faktorë të tjerë. Nëse linja apo treguesit e rrezikut zbulohen ose ekspozohen në vende ku mendohet se nuk ka linja të tilla, AK duhet të informohet menjëherë. Puna në këtë zonë duhet të ndalet deri në njoftimin e mëtejshëm dhe vazhdimi i punës duhet të qartësohet me AK.

3.3.5 Çdo dëmtim i linjave duhet menjëherë t'i raportohet Autoritetit Kontraktues. Linjat nuk duhet të mbulohen derisa të kryhet riparimi i dëmtimit dhe jo para se të merret aprovimi nga AK.

3.3.6 AK-ja duhet të konsultohet para kryerjes së ndërtimeve nën linja dhe mbulimit të linjave.

6

3.4 Organizimi, funksionimi, dhe pastrimi/largimi nga zona

3.4.1 AK-ja dhe palët e treta nuk duhet të bezdisen tepër nga organizimi, funksionimi dhe largimi nga zona e punës përtej zonës së krijuar të punës.

3.4.2 Në konsultim me Autoritetin Kontraktues, NK duhet të organizojë, ruajë dhe largojë vet rrugët e transportit dhe zonat e tjera (p.sh. vendkalimet e shtruara, rrugët e shkurtra, piedestalet për vinça, zonat e montimit / ngarkimit etj.) që bëhen të nevojshme për përfundimin e punës së caktuar.

3.4.3 Nëse duhet të vendosen zyra / kontejnerë për punë ndërtimore, AK duhet të informohet paraprakisht në kohë të duhur. Rregullat e mbrojtjes nga zjarri duhet të aplikohen gjithmonë për kontejnerë të tillë. Çdo mangësi ose dëmtim duhet të riparohet para përdorimit, dhe zyrat / kontejnerët duhet të jenë të shënuara qartë me shenjën e kompanisë së përdoruesit. Shfrytëzimi i tyre gjatë natës është i ndaluar.

3.4.4 Për të minimizuar rrezikun prej aksidenteve, zona e ndërtimit duhet të mbahet gjithmonë në gjendje të rregullt. Të gjitha furnizimet, materialet dhe pajisjet e NK duhet të shënohen qartë si pronë e NK. Hapësira e depos në dispozicion duhet të sigurohet nga NK duke përdorur një mur rrethues, dhe zona duhet të shënohet me sinjalizime, duke përfshirë paralajmërimet e sigurisë.

3.4.5 NK duhet të lirojë zonën- plotësisht ose pjesërisht, siç është detajuar në çdo marrëveshje shtesë të shkruar - në datën e dakorduar me kontratë për përfundimin e punës së caktuar.

3.5 Përdorimi i automjeteve, pajisjeve të lëvizshme dhe makinerive vetëlëvizëse

3.5.1 Të gjitha automjetet, pajisjet lëvizëse dhe makineritë vetëlëvizëse duhet të regjistrohen në përputhje me rregulloret lokale dhe duhet të përdoren në mënyrë të përshtatshme në përputhje me rregulloret vendore.

3.5.2 Të gjitha automjetet, pajisjet lëvizëse dhe makineritë vetëlëvizëse duhet të përdoren vetëm nëse janë në gjendje pa defekte dhe mund të përdoren vetëm nga personeli i trajnuar dhe i emëruar për këtë punë.

3.5.3 Asnjë punonjës i NK nuk mund të përdorë makineri, paisje lëvizëse ose automjete që i përkasin Autoritetit Kontraktues ose grupit Xella nëse nuk i jepet leja me shkrim nga AK / grupi Xella.

3.5.4 Kjo leje me shkrim nuk e ndryshon përgjegjësinë e NK për respektimin e rregulloreve funksionale, të sigurisë dhe të mjedisit në lidhje me përdorimin dhe funksionimin e këtyre automjeteve.

3.5.5 Nëse rregullat ose rregulloret lokale kërkojnë një leje të posaçme për automjetet operuese, makineritë vetëlëvizëse ose pajisjet lëvizëse të ofruara nga Xella ose AK, posedimi i kësaj lejeje duhet të dokumentohet tek AK para fillimit të punës.

3.5.6 Kërkesat e detajuara në kapitullin 5 më poshtë zbatohen në çdo kohë.

3.5.7 Automjetet që lëvizin ngadalë mund të transportohen vetëm në kamionë të veçantë. Rrugët për një transport të tillë diktohen nga AK-ja.

3.5.8 Për aq sa është e lejueshme me ligj, NK-ja është përgjegjëse për të gjithë dëmet që personeli i NK, nënkontraktuesit, furnizuesit ose personat e tjerë të lidhur me NK-në pësojnë prej përdorimit të papërshtatshëm ndonjë automjeti, pajisjeve lëvizëse ose makinerisë vetëlëvizëse.

3.6 Emetimet

3.6.1 Në lidhje me emetimet e mundshme që ndodhin në pronën, zonat ose fabrikat e grupit Xella, NK i sjell në zonë, ose fabrikë të gjitha gjërat e nevojshme për kompletimin e komisionimit (dmth .: mjete, pjesë për montim, etj.), gjithnjë nën përgjegjësinë e vet NK-së.

3.6.2 NK duhet të sigurohet që puna e tyre të mos çojë në emetime të papastra, helmuese, të dëmshme, shkatërruese ose të padëshirueshme të pluhurit, gazit, erërave, zhurmës, etj., si në zonë ashtu edhe në mjedisin përreth.

3.6.3 Për aq sa është e lejueshme me ligj, NK është përgjegjës për çdo dëmtim nga emetimet e shkaktuara nga personeli i NK-së, nënkontraktuesit, furnizuesit ose personat e tjerë të lidhur me NK-në.

3.7 Largimi i mbeturinave

3.7.1 NK duhet të largojë të gjitha mbetjet, qoftë të lëngshme, të buta ose të ngurta, në përputhje me rregullat ligjore dhe rregulloret.

3.7.2 Kur rregullat dhe rregulloret përcaktojnë që largimi i mbeturinave duhet të dokumentohet me dëshmi të largimit, dokumenteve të transportit, etj., NK duhet të respektojë rregullat dhe rregulloret në fuqi.

7

Dokumentacioni duhet të vihet në dispozicion të AK-së sipas kërkesës.

3.7.3 Mbetjet dhe materialet e rrezikshme ose toksike nuk mund të hidhen ose përndryshe të futen në tokë, ujëra tokësorë, ujë sipërfaqësor ose në rrjetin e kanalizimit / ujërave të zeza të fabrikës.

3.7.4 SK duhet të sigurojë masat dhe procedurat e përshtatshme mbrojtëse / parandaluese, veçanërisht në zonat e mbrojtjes së ujit.

3.7.5 Uji nga hapësirat e higjienës / tualetit duhet të futet në sistemin e ujërave të zeza të fabrikës / zonës.

3.8 Sigurimi i materialeve ose pajisjeve

3.8.1 AK-të e grupit Xella nuk janë të detyruar të ofrojnë materiale ose pajisje nëse nuk janë hartuar marrëveshje të veçanta kontraktuale.

3.8.2 Në të gjitha rastet, pajisjet, objektet dhe materialet e ofruara mbeten pronë e AK-së përkatëse të grupit Xella.

3.8.3 Nëse materialet ose objektet përkatëse përpunohen ose rimodelohen në materiale të reja / jo të ofruara dhe nëse po i njëjtë proces përbën transferim ligjor të pronës, NK-ja përkatëse fiton bashkëpronësi ligjore në përputhje me raportin midis vlerës së materialit ose objektit përkatës dhe vlerës së materialit/objektit të përfunduar.

3.8.4 Menjëherë pas pranimit, NK duhet të kontrollojë objektet, materialet ose pajisjet e pranuara dhe të njoftojë Autoritetin Kontraktues për çdo defekt, mangësi ose dëmtim; ose përndryshe, asnjë defekt, mangësi ose dëm nuk mund të paraqitet tek AK-ja më vonë. Përjashtim nga ky rregull bëjnë defektet që nuk duken.

3.8.5 Për aq sa është e lejueshme me ligj, NK është përgjegjës për të gjitha dëmtimet ndaj materialeve, objekteve ose pajisjeve që shkakton personeli i NK, nënkontraktuesit, furnizuesit ose personat e tjerë të lidhur me NK-në.

4 Kërkesat e sigurisë për zonat e ndërtimit

4.1 Fusha e zbatimit

Kjo pjesë detajon kërkesat e sigurisë për organizimin, funksionimin dhe pastrimin / dekomisionimin e një zone ndërtimi nën kujdesin e grupit Xella.

4.2 Përgjegjësia në zonë

4.2.1 Para fillimit të çfardo pune në zonë, NK duhet të posedojë të gjithë dokumentacionin e nevojshëm të kualifikimit dhe provimet mjekësore profesionale për të gjithë personelin e NK. NK-së i kërkohet të zbatojë të gjitha masat e nevojshme për përfundimin e sigurt të punës, në përputhje me rregulloret relevante lokale dhe kombëtare të sigurisë në punë dhe të gjitha rregullat dhe rregulloret e vendosura nga grupi Xella.

4.2.2 Në veçanti, standardet Xella lidhur me

Mirëmbajtjen e automjeteve / pajisjeve (p.sh: makinat, peshëngritësit, mjetet, etj)

Menaxhimin dhe largimin e mbeturinave, duke përfshirë materialet e rrezikshme

Përshtatjen e vlerësimeve të kohës së përfundimit bazuar në kushtet në zonë

Bashkëpunimin ndërmjet AK-së dhe NK-ve prej një personi

Ndërveprimet midis punëve ndërtimore dhe detyrave/proceseve tjera në zonë must be

duhet të studiohen hollësisht dhe të respektohen.

4.2.3 NK-ja duhet të respektojë udhëzimet e lëshuara nga Koordinatori i Shëndetit dhe Sigurisë (Koordinatori HS) dhe, aty ku ekzistojnë, gjithashtu të jetë në përputhje me planet e sigurisë dhe udhëzimet shëndetësore në punë të lëshuara nga grupi Xella.

4.2.4 Para fillimit të punës, NK duhet të emërojë një person përgjegjës për sigurimin e zbatimit të procedurave të nevojshme të sigurisë (më poshtë referuar si: mbikëqyrësi NK), si dhe një zëvendës për mbikëqyrësin në fjalë. Mbikëqyrësi / zëvendësi i NK-së duhet vazhdimisht të konstatojë ekzistencën dhe efektivitetin e masave të sigurisë të udhëzuara. Nëse nevojiten masa shtesë, mbikëqyrësi / zëvendësi i SK duhet gjithashtu të organizojë masa të tilla, për shembull: sigurimi i shtigjeve të këmbësorve, ngritja e barrierave mbrojtëse, montimi i skelave etj.

4.3 Organizimi i zonave të ndërtimit

4.3.1 Para fillimit të punës - që konsiderohet se përfshin ngritjen e zonës së ndërtimit - mbikëqyrësi NK do

8

të takohet me menaxhmentin e fabrikës për një raport dhe udhëzim lidhur me sigurinë. Ky raport / udhëzim gjithashtu do të përcaktojë se kush është koordinatori (më poshtë referuar si: koordinatori / menaxheri i fabrikës) për këtë fabrikë Xella.

4.3.2 Pikat përkatëse të EHS duhet të diskutohen me koordinatorin / menaxhmentin e fabrikes. Ky raport do të dokumentohet në modelin e Protokollit Fillestar të Instruksioneve të Sigurisë të Grupit Xella.

4.3.3 Mbikëqyrësi i NK-së duhet të ketë njohuri të mira për rregullat e sigurisë për pjesët e ndryshme të fabrikës në shqyrtim (p.sh: leje kërkesat për funksionimin e automjeteve në hapësira të mbyllura, leje kërkesat për punët që paraqesin rrezik nga zjarri, zjarre specifike, shpërthime, dhe rreziqet e toksicitetit të gazeve individuale, lëngjeve dhe lëndëve të ngurta, rreziqet nga punimet tokësore, duke përfshirë dëmtimin e linjës dhe rreziqet elektrike etj.). AK-ja do të informojë mbikëqyrësin e NK-së për këto çështje dhe do ta mbështesë atë në sigurimin e dokumenteve të nevojshme.

4.4 Inspektimi i masave të sigurisë

4.4.1 Koordinatori/ menaxheri i fabrikes i grupit Xella dhe inxhinieri i sigurisë do të kryenjë inspektime në zonë ("kontrolle nëpër pika", "shëtitje përreth"). Përfaqësuesi përkatës i punonjësve në grupin Xella gjithashtu mund të jetë prezent gjatë këtyre inspektimeve. Këto inspektime nuk e lirojnë NK-në prej përgjegjësive të tij për mbikëqyrje dhe pajtueshmëri me rregulloret. Çdo gabim apo mangësi e zbuluar duhet të korrigjohet menjëherë.

4.4.2 Aty ku kontrollet / inspektimet kryhen nga autoritetet e jashtme (institucionet qeveritare, bordet mbikëqyrëse, ofruesit e sigurimeve, etj.), atëherë inxhinieri i sigurisë i grupit Xella është përgjegjës për koordinimin aty.

4.5 Koordinimi i punës

4.5.1 Me qëllim të parandalimit të rreziqeve, vështirësive ose shqetësimeve të mundshme në procedurën funksionale, në lagje dhe rrethinë, ose për shkak të përdorimit të disa NK-ve, grupi Xella do të caktojë një koordinator (përfshirë zëvendësin) në pajtim me kërkesat aktuale kombëtare të sigurisë në punë.

4.5.2 Kjo në asnjë mënyrë nuk e liron NK-në nga përgjegjësia për t‘u koordinuar me kompani / biznese të tjera për të kryer në mënyrë adekuate detyrat e NK-së.

4.5.3 Koordinatori ka autoritetin për të nxjerrë direktiva tek NK, mbikëqyrësi i NK dhe çdo personel i NK. Këto udhëzime duhet të respektohen.

4.5.4 Koordinatori duhet të organizojë proceset e punës me të gjithë punëtorët përkatës / kompanitë / bizneset e tjera në mënyrë të tillë që në çdo kohë të jenë në dispozicion procedurat përkatëse që parandalojnë rrezikun e ndërsjellë. Për këtë qëllim, koordinatori krijon një plan kohor të procesit të punës dhe mund ta zbatojë këtë plan nëpërmjet lejeve të caktuara kohore të punës. Sipas kërkesës, secila njësi pune duhet t'i ofrojë koordinatorit të gjithë dokumentacionin e nevojshëm, veçanërisht një orar pune me informacionet e mëposhtme:

Fillimi i planifikuar i punës

Mbarimi i planifikuar i punës

Numri i personelit

Proceset , procedurat dhe hapat e planifikuar të punës

Punëtorët përgjegjës për çdo proces, procedurë dhe hap, duke përfshirë vetë orarin e punës

4.5.5 NK-ja duhet gjithashtu të ofrojë këtë informacion për secilin nënkontraktues të NK-së, si dhe për çdo person të angazhuar nga NK.

4.5.6 Nëse koordinatori ose zëvendësi zhvillon Planin e Mbrojtjes së Shëndetit dhe Sigurisë, ky plan duhet të vendoset në një vend të dukshëm brenda fabrikës / zonës. NK-së i kërkohet të zbatojë masat e detajuara në planin në fjalë.

4.5.7 Ndryshimet në këtë plan mund të bëhen vetëm nga koordinatori ose zëvendësi. Sapo të jenë bërë ndryshime, plani i rishikuar i jepet menjëherë NK-së, dhe koordinatori / zëvendësi e informon NK-në për masat e ndryshuara, të rishikuara ose të reja. Plani i ri vendoset prapë në një vend të dukshëm brenda fabrikës / zonës.

4.5.8 Nëse disa NK punojnë njëkohësisht në një zonë/fabrikë të vetme, atëherë secili NK është përgjegjës për punëtorët e vet.

4.6 Bashkëpunimi ndërmjet kontraktuesve të shumtë

Në pajtim me ligjet dhe rregulloret e aplikueshme aktuale lokale dhe kombëtare, NK-së i kërkohet të bashkëpunojë me grupin Xella dhe me NK të tjerë në zbatimin e kërkesave të Shëndetit dhe Sigurisë.

9

Nëse puna e NK mund të paraqesë rreziqe mjedisore ose rreziqe shëndetësore dhe të sigurisë për personelin e grupit Xella, NK-të e tjera ose punonjësit e vet, NK-së i kërkohet të informojë grupin Xella, NK-të e tjerë dhe punëtorët e vet për këto rreziqe dhe të koordinojë masat parandaluese me grupin Xella dhe NK-të e tjerë.

4.6.1 Mbikëqyrësi i NK-së duhet t'ua komunikojë të gjithë nënkontraktuesve të NK-së dhe personelit të vet udhëzimin e dhënë nga përfaqësuesi i AK-së (shih protokollin e instruksionit). Ky proces duhet të dokumentohet me shkrim, dhe NK-ja duhet ta paraqesë këtë dokumentacion tek grupi Xella sipas kërkesës.

4.7 Përgjegjësia

Pjesët 4.5 dhe 4.6 më lart nuk e ndryshojnë përgjegjësinë e NK-së për përmbushjen e kërkesave të EHS.

4.8 Testimi funksional

Nëse një instalim, objekt ose pjesë e pajisjes vihet në funksion si pjesë e një prove / inspektimi, masat e sigurisë duhet të vendosen si në operim të rregullt dhe duhet të miratohen nga koordinatori / menaxhmenti i fabrikës. Ata që marrin pjesë në testimin funksonal duhet të udhëzohen për rreziqet potenciale dhe masat e nevojshme të sigurisë.

4.9 Folësit jo-vendas dhe të huaj

4.9.1 I gjithë personeli i NK-së i cili nuk është folës i gjuhës amtare të përdorur në zonë / fabrikë dhe në materialet EHS, duhet të udhëzohet me vëmendje të veçantë nga NK-ja dhe të mbikëqyret së afërmi. NK-ja duhet të sigurojë komunikim pa probleme. Përfaqësuesi i NK në zonë duhet të flasë rrjedhshëm në gjuhën vendore.

4.9.2 I gjithë personeli i NK që nuk janë folës të gjuhës amë që përdoret në zonë / fabrikë dhe në materialet EHS, duhet të informohet me fjalë të qarta dhe të thjeshta për masat e sigurisë që kanë të bëjnë me ta. Këto informime duhet të jepen nga përfaqësuesi i NK në zonë.

4.10 Vënia e skeleve

4.10.1 Skelet duhet të montohen, të ngrihen dhe pastaj të hiqen më vonë në përputhje me manualin / udhëzimet e prodhuesit për montim. I gjithë montimi, ngritja dhe largimi i skeleve duhet të koordinohet me grupin Xella. Skela miratohet për përdorim duke vendosur protokollin e inspektimit, specifikat e skelave (ngarkesa e përshtatshme, etj.), dhe planin e përdorimit.

4.10.2 Nëse ngritja ose përdorimi i skelave ndikon në veprimet operacionale të grupit Xella (p.sh., duke kufizuar kalimin e trafikut ose duke penguar lëvizjen e vinçave), NK-ja duhet të konsultohet me koordinatorin / menaxhimmentin e fabrikes.

4.10.3 NK-ja është përgjegjës për sigurimin e respektimit të rregulloreve / kërkesave të sigurisë.

4.10.4 Pas ngjarjeve të pazakonshme, siç janë ndryshimet në skela, stuhitë, shiu i fortë, dëbora, etj., NK-ja duhet menjëherë të kryejë ose urdhërojë që të kryhet një inspektim i ri i skelës nga një inxhinier i kualifikuar përpara se skela të konsiderohet e aprovuar për përdorim .

4.10.5 NK-ja duhet të lejojë grupin Xella dhe kompanitë/NK-të e tjera të përdorin skelën e NK-së, përderisa përfundimi i duhur i detyrave kontraktuale të NK-së nuk pengohet nga ky bashkëpunim.

4.11 Instalimet elektrike, instalimet dhe pajisjet

4.11.1 Grupi Xella mban përgjegjësinë për furnizimin me energji deri në pikat e lidhësit kryesor.

4.11.2 NK-ja, në anën tjetër, është përgjegjës për prodhimin e duhur, gjendjen e mirë dhe përdorimin e duhur të pajisjeve elektrike, instalimeve ose pajisjeve tjera. Pikat e shpërndarjes dhe njësitë e kontrollit duhet të jenë në përputhje me standardin VDE, të pajisura me Ndërprerësit eTokëzimit, dhe të pajisura përgjithësisht me standardet e kërkuara nga ligjet dhe rregulloret kombëtare / lokale. Vetëm personeli i përshtatshëm dhe i kualifikuar mund ngarkohet me punën në instalime / pajisje të tilla.

4.11.3 Kabllot e lëvizshme / burimet e energjisë duhet të vendosen në atë mënyrë që të jenë të mbrojtura nga dëmtimet mekanike, nëse është e nevojshme, duke ngritur urat kabllore.

4.12 Mirëmbajtja dhe riparimi në vinça

4.12.1 Për të gjitha punimet në vinça dhe në gamën e lëvizjes së vinçave kërkohet miratim paraprak nga AK-ja. Para fillimit të një pune të tillë, NK-ja duhet të zbatojë dhe mbikëqyrë masat e mëposhtme të sigurisë në përputhje me kërkesat e koordinatorit:

10

Vinçat mund të përdoren vetëm nga persona të kualifikuar, udhëzuar dhe të caktuar për të përdorur vinçat.

Kualifikimet për përdorimin e vinçave duhet të jenë në përputhje me kërkesat lokale /

kombëtare.

Nëse ekziston rreziku i rënies së materialit nga vinçi, zona duhet të sigurohet me pengesa ose mbikëqyrësve.

Vinçi duhet të sigurohet kundrejt vinçave tjerë në afërsi, qoftë përmes ndalesave hekurudhore ose mbikëqyrësve (s).

Përdoruesit e vinçave aty pranë, ku është e nevojshme edhe në korsi paralele, duhet të informohen për llojin, hapësirën dhe vendndodhjen e punës. Kjo vlen edhe për përdoruesit që punojnë në ndërrime të ndryshme.

4.12.2 Pas përfundimit të punës, vinçat e fikur mund të riaktivizohen vetëm pasi NK-ja të ketë miratuar riaktivizimin në konsultim me koordinatorin / menaxhmentin e fabrikes. Para miratimit, NK duhet të sigurohet që:

puna në vinç ose afër vinçit ka përfunduar plotësisht,

i tërë vinçi është prapë i sigurt për t'u përdorur, dhe

ë gjithë punëtorët janë larguar nga vinçi.

4.12.3 Gjatë punës, hapësira për ecje në hekurin e vinçave, si dhe shkallët / ngjitja në zonën e hekurudhës së këmbësorëve e vinçave, duhet të mbahen të papenguara.

4.13 Përdorimi i vinçave, pajisjeve ngritëse dhe makarave

Kur përdoren vinça, pajisje ngritëse ose makara, NK-ja duhet të përcaktojë madhësinë dhe peshën e ngarkesave që do të zhvendosen, si dhe kushtet në të cilat ngarkesat do të ngriten (p.sh.: trarët e mbështetjes, gjatësia e trarëve, etj) dhe të zgjedhë pajisjet për ngritje me saktësi. NK-ja duhet të konsultohet me grupin Xella për përdorimin e pajisjeve të ngritjes në shkallë të gjerë (p.sh. vinça të montuara në kamion, vinça kullë).

4.14 Puna afër shinave/hekurudhave

4.14.1 Para fillimit të punës - duke përfshirë punën afatshkurtër ose punën me kohëzgjatje të shkurtër - në ose afër shinave ose hekurudhave, operatori (menaxheri i operacioneve të linjave hekurudhore / të trenave lokal) duhet të informohet nga koordinatori / menaxhmenti i fabrikes dhe duhet të miratojë punën e propozuar para se puna e tillë të fillojë. Pas miratimit nga operatori, duhet të zbatohen masat e nevojshme të sigurisë (p.sh: mbikëqyrësit).

4.14.2 NK-ja duhet ta informojë secilin anëtar personeli ose punëtor lidhur me masat e sigurisë përpara fillimit të punës.

4.14.3 Zonat pranë shinave mund të përdoren për të ruajtur materialet e ndërtimit ose për të montuar skele vetëm nëse hapësira minimale e lirë ose zonat e manovrimit nuk janë të penguara. Detajet duhet të vendosen në konsultim me operatorin hekurudhor / e trenit.

4.14.4 Puna në shina ose në afërsi të hekurudhave / shinave, veçanërisht në gropa ose vrima, duhet të sigurohet në mënyrë të tillë që personeli i hekurudhës dhe trenave të mos ekspozohen ndaj rreziqeve, madje edhe në kushte të dukshmërisë së ulët.

4.14.5 Pikat e ankorimit, pikat e lidhjes ose ndërtimet e ngjashme nuk duhet të lidhen kurrë me binarët ose korsitë.

4.14.6 Gjatë saldimeve elektrike, kabllot në tokë në asnjë rrethanë nuk duhet të lidhen me binarët.

4.14.7 Nëse nëpër shina ose hekurudha duhet të kalojnë automjete në pika të ndryshme nga kalimet e përcaktuara për trenave, kjo duhet të qartësohet me operatorin dhe menaxhmentin / koordinatorin përkatës të grupit Xella përpara fillimit të punës.

4.14.8 Kur dukshmëria e ulët nënkupton që nuk mund të ofrohet siguri për personelin (p.sh: errësira, mjegulla, bora), AK ose duhet të mbyllë pjesën hekurudhore (në konsultim me operatorin) ose menjëherë të urdhërojë që të gjitha punët të ndalen.

4.15 Puna në zona me rreziqe nga gazi

4.15.1 Për këto detyra dhe këtë punë, para fillimit të çdo pune, masat e sigurisë duhet të përcaktohen dhe të regjistrohen në një leje pune të shkruar.

4.15.2 Para fillimit të punës, menaxhmenti i fabrikes / koordinatori duhet të kryejë ose urdhërojë që të kryhet

11

një matje e përqendrimit aktual të gazrave në mjedis.

4.15.3 Rezultatet e këtyre matjeve përcaktojnë cilat forma të pajisjeve mbrojtëse të frymëmarrjes vendosen dhe duhet të vishen, dhe shkalla në të cilën duhet të jetë i pranishëm një mbikqëqyrës i sigurisë, dhe duhet të bëhen matjet e vazhdueshme / duhet të përdoren detektorë të gazit.

4.15.4 Puna në zonat me rreziqe nga gazrat mund të kryhen vetëm nga personat të cilët mund të vërtetojnë se kanë kaluar një test lokal / kombëtar të aftësive për pyetjet përkatëse rreth mbrojtjes EHS dhe kanë marrë pjesë në një trajnim lidhur me mbrojtjen e organeve të frymëmarrjes.

4.16 Saldimi, ngjitja dhe bluarje këndesh ("Punë Salduese")

Çdo saldim, ngjitje ose bluarje këndesh që del jashtë punëtorive të dedikuara për këtë qëllim duhet të miratohet nga koordinatori / menaxhmenti i fabrikës. Ky aprovim i jepet NK-së në formë të një lejeje të shkruar për Punë Salduese.

4.17 Punimet tokësore

Në fabrika / zona që i përkasin grupit Xella, kërkohet një leje me shkrim për të gjitha punimet tokësore (përfshirë hapjen e kanaleve, gërmimin, etj.). Kjo leje duhet të lëshohet nga menaxhmenti përkatës i fabrikes; një leje për punë tokësore në një vend tjetër nuk është i vlefshëm.

4.18 Puna me materiale të rrezikshme, agjentë biologjikë, dhe në zonat ku përdoren këto

4.18.1 Para përdorimit të materialeve të rrezikshme, agjentëve biologjikë ose përzierjeve të vlerësuara dhe të shënjuara që përmbajnë njërën ose të dyja nga të lartpërmendurat, NK-ja duhet të informojë koordinatorin / menaxhmentin e fabrikës paraprakisht. Kjo përfshin ofrimin e fletëve të të dhënave të sigurisë. Koordinatori / menaxhmenti i fabrikës dhe NK-ja pastaj bashkëpunojnë për të përcaktuar masat e nevojshme të sigurisë.

4.18.2 Para fillimit të punës në zonat që përmbajnë lëndë të rrezikshme ose ndotës, koordinatori / menaxheri i fabrikës në terren do të informojë NK-në nëse është i parashikueshëm ndonjë kontakt me materialet e rrezikshme ose agjentët biologjikë. Nëse është e nevojshme, masat mbrojtëse duhet të përcaktohen në bashkëpunim me koordinatorin / menaxhmentin e fabrikës.

4.18.3 Ndalohet përdorimi i materialeve që janë kancerogjene, mutogjene, ose toksike për riprodhim. Nëse përdorimi i këtyre materialeve duhet të bëhet patjetër, atëherë kjo duhet të diskutohet plotësisht dhe në mënyrë eksplicite me Autoritetin Kontraktues, dhe duhet të ofrohen arsyet. Përdorimi i këtyre materialeve mund të tolerohet vetëm në raste të jashtëzakonshme dhe duhet të përfshijë rregullat më të rrepta të sigurisë dhe masat mbrojtëse.

4.19 Zonat me rreziqe nga shpërthimet

Zonat me rreziqe nga shpërthimet (zonat me atmosfera shpërthyese) duhet të shënohen qartë

me shenjën paralajmëruese EX [ ].

Ndalohet hyrja në zona të tilla.

Udhëzimet operative të bëra duhet të respektohen.

Udhëzimet nga personeli i grupit Xella duhet të respektohen.

Pirja e duhanit në ose pranë zonave me rreziqe nga shpërthimet është rreptësisht e ndaluar në

çdo kohë.

Çdo burim i zjarrit duhet të mbahet larg zonave me rreziqe nga shpërthimet në çdo kohë..

Anomalitë në zonat me rreziqe nga shpërthimet duhet menjëherë të raportohen tek menaxhmenti

i fabrikës.

5 Transporti i jashtëm në zonat e punës

5.1 Rregulla dhe instruksione të përgjithshme

NK-ja duhet të zbatojë dhe respektojë kushtet e mëposhtme për zotërim të sigurtë dhe sjelljen e sigurt nga ana e transportuesve, furnizuesve, shpërndarësve dhe operatorëve / automjeteve tjera të transportit:

Vozitësit / operatorët e furnizuesve, transportuesve, kompanive logjistike, etj., duhet të respektojnë shenjat e zonës së punës/ fabrikës.

Pas mbërritjes, atyre do t'i jepet broshura e detyrueshme për rregulloret e sigurisë, mjedisit dhe shëndetit në punë, si dhe, aty ku është e nevojshme, do t’u huazohen pajisjet shtesë të punës gjatë kohës që punojnë në zonë. Ata pastaj do të drejtohen për në pikën e ngarkim / shkarkimit.

12

Daljet emergjente dhe rrugët e kurrë nuk duhet të bllokohen kurrë.

Vozitësit duhet gjithmonë të mbajnë me vete pajisjet e tyre personale mbrojtëse (PPM) në automjetin e tyre. PPM-të duhet të vishen në zonat e shënuara.

Pas daljes nga automjeti i tyre, vozitësit e furnizuesve të jashtëm, transportuesve, etj. duhet menjëherë të vendosin një jelek fosforeshent dhe këpucë sigurie. Këto duhet të vishen gjatë tërë kohës në fabrikë / zonë.

Gjatë montimit ose cmontimit të një automjeti duhet të përdoren veglat e duhura, dhe të ndiqen hapat ose mekanizmat e tjerë të inkorporuar. Aty ku është e nevojshme, mund të përdoren shkallë, veprime ose pajisje të tjera të inspektuara dhe të aprovuara.

Shoferëve të jashtëm nuk u lejohet të përdorin pajisjet mobile të zotëruara ose të huazuara nga Xella (p.sh: peshëngritësit, vinçat, makinat për ngritje, kamionë me paleta etj.) përveç nëse shprehimisht me shkrim u lejohet ta bëjnë këtë.

Operatorët Xella të pajisjeve lëvizëse (, vinça, makina për ngritje, kamionë me paleta, etj.) kanë autoritet për të nxjerrë udhëzime për shoferët / operatorët e jashtëm.

Kjo vlen veçanërisht për të gjitha operacionet e ngarkimit dhe shkarkimit në bazat e fabrikës /

zonës së punës.

Për çdo punë me vinça ose vinça apo makina peshëngritëse të montuara në kamionë, në automjete / pajisje mobile të ofruara nga furnizuesit, transportuesit, shpërndarësit ose bizneset e tjera të logjistikës, drejtuesit e mjeteve në fjalë duhet të trajnohen nga NK-ja dhe të emërohen me shkrim. Personelit të Xella-s duhet t‘i paraqitet me emërimi dhe dokumentacioni në formë të shkruar sipas kërkesës.

Gjatë përdorimit të urave ngarkuese, NK-ja duhet të sigurohet që shoferët të udhëzohen për përdorimin e tyre të duhur, që ura ngarkuese është e përshtatshme për detyrën në fjalë, mjaft e madhe dhe me kapacitet të duhur maksimal të peshës, si dhe duhet të sigurohet që ura ngarkuese është fiksuar mirë në zonën e ngarkimit të automjetit.

5.2 Sigurimi i ngarkesave

NK-ja duhet të sigurohet që sigurimi i mjaftueshëm i ngarkesës të zbatohet në çdo kohë në të gjitha mjetet / transportet e NK-së. Kjo do të thotë se rregullat e mëposhtme të sigurisë për sigurimin e ngarkesës duhet të respektohen në çdo kohë dhe se kushtet e nevojshme - për shembull, ato bazuar në kontratat shtesë ose marrëveshjet e transportit - duhet të ndiqen gjithashtu:

Para se të ngarkohet një makinë, duhet të kontrollohet gjendja e mbajtësit të ngarkesës.

Mbajtësi i ngarkesës duhet të jetë sa më i pastër, i rregullt dhe i thatë që është e mundur.

Mallrat / materialet duhet të vendosen në mbajtësin e ngarkesës nga ana e shoferit dhe pastaj kundrejt njëri-tjetrit, pa hapësira në gjatësi ose ndërmjet anëve të mbajtësit të kamionit. Kur është e nevojshme, duhet të përdoren mbështetëset.

Kapaciteti maksimal i vlerësuar dhe shpërndarja maksimale e boshtit nuk mund të tejkalohet. Ngarkesa duhet të shpërndahet në mënyrë të barabartë në të gjitha boshtet.

Gjatë procesit të ngarkimit / shkarkimit, shoferi nuk duhet të jetë kurrë në zonën e manovrimit / rrezikut të çfardo pajisjeje lëvizëse (peshëngritës, vinç, ngritës paletash, etj) të përdorur për ngarkim ose shkarkim. Për të bërë këtë, shoferi gjithmonë duhet të mbajë një distancë sigurie prej 5 m nga pajisja dhe gjithashtu duhet të mbajë kontakt të drejtpërdrejtë vizual me operatorin e pajisjes në çdo kohë.

Shoferi dhe personeli i ngarkimit / shkarkimit duhet të konsultohen për tu siguruar që secili prej tyre i ka kuptuar instruksionet siç duhet.

Askush nuk duhet të zërë mbajtësin e ngarkesës gjatë ngarkimit dhe shkarkimit duke

përdorur pajisje lëvizëse.

Shoferi duhet të inspektojë me vëmendje ngarkesat për dëmtime dhe mangësi dhe të sigurohet që ngarkesat të jenë të siguruara siç duhet.

Litarët (rripa, mbrojtja e këndeve, rrogozi kundër rrëshqitjes, etj.) duhet të përdoren siç duhet për të siguruar ngarkesën. Mund të përdoren vetëm rripa të standardizuar, të vlerësuar, të testuar dhe të miratuar.

Ngarkesa duhet të sigurohet gjithmonë në mënyrë të tillë ashtu që të jetë e qëndrueshme në mbajtësin e ngarkesës edhe në rast të kushteve të vështira të rrugëve, frenimit të shpejtë ose ndërrimit të kahjes papritmas.

Kjo gjithashtu vlen edhe për çdo ngarje, ngritje ose mbështetëse në mbajtësin e ngarkesës.

Përveç kësaj, në intervale të rregullta gjatë vozitjes, shoferi duhet të inspektojë ngarkesën për tu siguruar që nuk është zhvendosur dhe që rripat janë ende të shtrënguar si duhet.

Duhet kujdes gjatë shkarkimit, pasi ngarkesa mund të ketë lëvizur nga vendi gjatë transportit.

13

Për këtë arsye, kapakët, dyert dhe anësoret e mbajtësit të ngarkesës duhet të hapen me kujdes, ashtu sic duhet të veprohet edhe me rripat, pasi që gjatë hapjes së dyerve, lirimit të rripave etj, ngarkesa mund të bjerë nga mbajtësi i ngarkesës.

Përpara shkarkimit, shoferi duhet të kryejë një kontroll vizual për tëkonstatuar nëse ngarkesa është zhvendosur ose nëse po shtyhet kah anësoret e mbajtësit të ngarkesës.

Nëse është e nevojshme, duhet të thirret personeli shtesë ose të përdoren mjete për shkarkim.