Upload
others
View
3
Download
0
Embed Size (px)
Citation preview
C E N T R U M 13
218
Ismet Ukshini, PhD1
UDC: 340.13:32(532.22)
KORNIZA LIGJORE PËR MBROJTJE NGA DISKRIMINIMI DHE KRIMET PËR MOTIVE ETNIKE-NDËRETNIKE NË REPUBLIKËN
E KOSOVËS
ЗAKOHCKA PAMKA ЗA ЗAШTИTA OД ДИCKPИMИHAЦИJA И KPИMИHAЛCТBO OД ETHИЧKИ И MEЃYETHИЧKИ
MOTИBИ BO PEПYБЛИKA KOCOBО
THE LEGAL FRAMEWORK FOR PROVIDING PROTECTION AGAINST DISCRIMINATION AND CRIMES OF ETHNIC-INTERETHNIC MOTIVES IN THE REPULBIK OF KOSOVO
ABSTRACT:
In this paper a legal framework will present whereby the
protection against discrimination and crimes of ethnic and interethnic
motives in the Republic of Kosova may be offered. Kosova's internal
acts compose that framework approved by the state and they are in
1 Doktor i shkencave juridike në fushën e studimeve për Drejtësinë Restauruese; ak-
tualisht, Prokuror në Departamentin e krimeve të përgjithshme të Prokurorisë Theme-
lore në Gjilan të Republikës së Kosovës dhe trajnues në Ministrinë e Drejtësisë së
Republikës së Kosovës, për prokurorë dhe gjyqtarë të porsaemëruar dhe atyre në
detyrë, për tema nga e drejta penale, e drejta e procedurës penale dhe e drejta
Evropiane; Ish-avokat; Ish-Kryeprokuror i PPK dhe ish-gjyqtar i Gjykatës Komunale
në Gjilan dhe ish-anëtar i komisionit për vlerësimin e performancës së prokurorëve të
Këshillit Prokurorial të Republikës së Kosovës, si dhe ish-ligjërues i Fakultetit juridik
të Kolegjit Iliria - Dega në Gjilan, dhe, Universitetit ”Gjilani”, në Gjilan. E-mail:
C E N T R U M 13
219
compliance with current international documents especially those that
introduce bases of many other international acts.
On one hand, in order to make it easier for law enforcement agen-
cies to find a legal basis for providing protection against discrimination
and crimes of ethnic-interethnic motives in the Republic of Kosovo and
on the other hand, it should be noted that Kosova has also built legal
infrastructure and institutions whereby necessary protection against dis-
crimination can be offered to all the citizens - members of ethnic com-
munities, whether small or large, because stable relations among people
present a prerequisite for a peaceful life and normal development of the
society, especially when it consists, not of one, but of many ethnicities.
Keywords: Protection Against Discrimination, Domestic
Laws, International Documents
HYRJE
Duke e pas parasysh faktin se raportet e shëndosha në mes të
njerëzve janë parakusht i një zhvillimi të gjithmbarshëm shoqëror, ato,
vazhdimisht, janë ruajtur dhe trajtuar, si në rrafshin ndërkombëtarë, po
ashtu, edhe në atë nacional.
Me tepër se gjithkund, këtyre raporteve u është kushtuar rëndësi
në ato shtete të cilat kanë qenë të përbëra jo nga një, por, nga më shumë
etni.
Në rrafshin ndërkombëtarë, mbrojtja nga diskriminimi dhe krimet
me motive etnike e ndëretnike, u është ofruar grupeve të ndryshme sho-
qërore dhe etnike, përmes akteve juridike ndërkombëtare, të cilat, para-
prakisht, ishin shqyrtuar dhe miratuar nga organet kompetente të orga-
nizatave të ndryshme ndërkombëtare, e, më pas, ato ishin marrë dhe
futë edhe nëpër legjislacionet nacionale të shteteve anëtare, të atyre të
bashkësisë ndërkombëtare.
Dispozitat e këtyre dokumenteve ndërkombëtare nuk i kishte
injoruar as Republika e Kosovës, sepse, në Kushtetutë dhe në ligjet e
veçanta të saj, i kishte futë edhe shumë dispozita të atyre dokumenteve,
përmes të cilave grupet dhe etnitë e ndryshme siguroheshin se nuk do
të ishin të diskriminuara, dhe, në rastet e caktuara, nëse ndonjë veprim
i tillë do të ndërmerrej ndaj tyre, kryesit do të përgjigjeshin para
organeve kompetente.
C E N T R U M 13
220
Prej këtyre që u thanë, shihet se diskriminimit dhe krimeve për
motive etnike dhe ndëretnike i është kushtuar vëmendje e posaçme dhe
i është thënë një JO e madhe, si në nivelin global, po ashtu, edhe në atë
nacional, sepse, ndryshe, nuk mund të sqarohet fakti se kjo materie (E
diskriminimit dhe krimeve me motive etnike e ndëretnike, apo, siç janë
quajtur ndryshe, krime të urrejtjes), është trajtuar edhe me: Deklaratën
universale për të drejtat e njeriut; Konventën Evropiane për mbrojtjen
e të drejtave themelore të njeriut dhe protokollet e saj; Konventën ndër-
kombëtare për të drejtat civile e politike dhe protokollet e saj; Konven-
tën kornizë të Këshillit të Evropës për mbrojtjen e pakicave kombëtare;
Konventën për eliminimin e të gjitha formave të diskriminimit racor;
Rezolutën e Asamblesë së Përgjithshme të KB-ve 2106 (ХХ), të 21
dhjetorit të vitit 1965, në fuqi nga 4 јanari i vitit 1969; Konventën për
eliminimin e të gjitha formave të diskriminimit ndaj gruas, të 18
dhjetorit të vitit 1979, në fuqi nga 3 shtatori i vitit 1981; Konventën për
të drejtat e fëmijës, të 20 nëntorit 1989, UNTS 1577; Konventën kundër
torturës dhe trajtimeve e ndëshkimeve të tjera mizore, jonjerëzore dhe
poshtëruese; Kushtetutën e Republikës së Kosovës; Kodin Penal të
Kosovës; Ligji Nr.2004/3, kundër diskriminimit, i datës 19 shkurt 2004
(i cili ka vlejtur deri para disa ditëve, kur ai u shfuqizua me Ligjin Nr.
05/L-021, për mbrojtje nga diskriminimi, i datës 28 maj 2015); Ligji
Nr. 05/L-021, për mbrojtje nga diskriminimi, i datës 28 maj 2015 (i cili,
sipas nenit 28, do të hyjë në fuqi 15 ditë pas publikimit në Gazetën
Zyrtare të Republikës së Kosovës); Ligji Nr.06/L054, për gjykatat, i
datës 8. 12. 2018; Ligji Nr.51/L-031, për procedurën e përgjithshme
administrative, i datës 21. 6. 2016; Ligji Nr. 03/L-225, për prokurorin e
shtetit, Nr. 03/L-225; Ligji nr.05/L-019, për avokatin e popullit, etj.
I. Ç’DO TË THOTË DISKRIMINIM DHE NË ÇFARË
BAZASH DEFINOHET AI SOT
Ekzistojnë definicione të ndryshme për diskriminimin, mirëpo,
më i duhuri është ai i cili u referohet normave juridike të dokumenteve
aktuale ndërkombëtare dhe atyre nacionale.
Më i qëlluari është ai definicion i cili mbështetet në aktet e lart-
përmendura ligjore, dhe, diskriminimin e definon në bazën e veçorive-
karakteristikave personale, që janë të mbrojtura me ligje dhe dokumente
të ndryshme ndërkombëtare.
C E N T R U M 13
221
Edhe pse ekzistojnë shumë të tillë, një nga definicionet më shpesh
të cituara është ai i Gjykatës Evropiane për të Drejtat e Njeriut
(GjEDN), sipas të cilës, kjo është një “veçori personale (status) në bazë
të së cilës, personat ose grupet e personave dallohen mes vete”.
Sipas definicionit tjetër, baza për diskriminim është karakteristike
për një individ, të cilin, nuk duhet konsideruar si relevant në kuptimin
e trajtimit të ndryshëm ose gjatë gëzimit të disa përfitimeve të caktuara.2
“Baza për diskriminim është një veçori e mbrojtur mbi të cilën
nuk duhet të bazohet trajtimi i ndryshëm i palejuar, dhe e cila mund të
jetë një tipar personal ose status, ose një veçori e ngjashme personale
ose status, përmes të së cilës një person, ose grup personash identify-
kohet me ndonjë racë të caktuar, ngjyrë të lëkurës, përkatësi etnike,
gjuhë, shtetësi, gjini dhe fis, orientim seksual, fe, bindje, arsimim, aftësi
të kufizuara mendore ose trupore, moshë, gjendje familjare ose
martesore, gjendje shëndetësore, etj.”3.
Diskriminimin e definon edhe Konventa për eliminimin e të gjitha
formave të diskriminimit racor (CERD), sipas Rezolutës së Asamblesë
së Përgjithshme e KB-ve 2106 (ХХ) të 21 dhjetorit të vitit 1965, e cila
ka hyrë në fuqi nga 4 јanari i vitit 1969. Duke u bazuar edhe në doku-
mente të tjerë ndërkombëtarë.
Kjo konventë, në nenin 1 të saj, diskriminimin e definon, si:
“Dallim, përjashtim, kufizim ose dhënie përparësi të një individi, në
ndonjë bazë (të përkatësisë racore, gjinore, etnike, politike, të moshës,
handikapit, etj.), dhe, që ka për qëllim, ose, pasojë, çrregullimin apo
uljen e njohjes, ushtrimit dhe kryerjes, nën kushte të njëjta të të drejtave
dhe lirive të njeriut në sferën politike, ekonomike, kulturore, sociale ose
në çfarëdo sferë tjetër të jetës shoqërore4.
Çdo krim i kryer mbi bazë të atyre veçorive apo karakteristikave
personale që u përmendën më lart, ndaj një individi, grupi apo një etnie,
paraqet krim të lartpërmendur dhe si i tillë, ai, duhet gjykuar, duke u
bazuar në dokumentet e lartpërmendura ndërkombëtare, Kushtetutë dhe
2 Handbook on European Non-discrimination Law, EU FRA and CoE, 2010.97 8. 3 Biljana Kotevska, Udhëzuesi mbi bazat e diskriminimit, i mbështetur nga Misioni i
OSBE-së në Shkup të RMV-së, Shkup, 2013, f.7. 4 Konventa për eleminimin e të gjitha formave të diskriminimit racor (EERD), Rezo-
luta e Asamblesë së Përgjithshme e KB-ve 2016 (XX), e datës 21 Dhjetor 1965, e cila
ka hyrë në fuqi nga data 04 Janar të vitit 1969, neni; shih, gjithashtu, Konventën për
eliminimin e të gjitha formave të diskriminimit të gruas, e 18 Dhjetorit 1979, në fuqi
nga 03 Shtatori i vitit 1981; shih dhe Komiteti i të Drejtave të Njeriut, Komenti i
Përgjithshëm 18, Mosdiskriminimi, 11/10/1989, paragrafi 6.4.
C E N T R U M 13
222
ligje nacionale, sepse, ky, sot, është edhe njëri prej standardeve që bota
demokratike, me të drejtë, e kërkon prej secilit shtet që mëton t’i bash-
këngjitet kombeve të përparuara të botës demokratike.
Prandaj, është e nevojshme që, jo një herë, por, shumë herë, kjo
kërkesë e bashkësisë së përparuar ndërkombëtare të përsëritet dhe t’u
sqarohet shtetasve të shteteve të reja si Kosova, etj. se kjo kërkesë e tyre
është shumë e arsyeshme, ngase, “Evropa është Evropë e pakicave”
(Europe is the Europe of minorities)5, ka theksuar Romano Prodi.
Çdo shtet në Evropë, me më shumë se një milion banorë, sot, ka
pakica. Vetëm disa shtete të vogla, si: Luksemburgu, San Marino,
Malta, etj., nuk kanë pakica.
Numri më i madh i vendeve në Evropë, sot, i kanë ndërmjet tre
dhe gjashtë grupe etnike, kurse, Italia i ka dymbëdhjetë. Madje, edhe
Franca dhe Greqia, të cilat, në masë të madhe, e mohojnë ekzistimin e
pakicave në territorin e tyre, kanë nga shtatë grupe të pakicave. Dym-
bëdhjetë vendet e reja që u bënë anëtare të BE-së, në vitin 2004 dhe
2007, me përjashtim të Maltës dhe të Qipros, kanë, së paku, katër grupe
pakicash, por, shumica e tyre kanë shtatë. Disa vende lindore janë vende
relativisht homogjene, si Polonia dhe Hungaria, në të cilat përqindja e
njerëzve që u takojnë pakicave është vetëm 3-4%, por në vendet tjera
kjo përqindje është nga10-12%, kurse Estonia dhe Letonia kanë 30-
40%.6
Për më tepër, edhe për faktin se parandalimi i diskriminimit të
grupeve të ndryshme shoqërore, sot, paraqet temë interesi për shumë
organe dhe institucione ndërkombëtare, në mesin e të cilave edhe
OSBE-në; Komisionin Evropian kundër racizmit dhe tolerancës të
Këshillit të Evropës; Komitetin për shfuqizimin e të gjitha formave të
diskriminimit racor të KB-së, etj.
Mbrojtjen nga diskriminimi dhe krimet, me motive etnike dhe
ndëretnike, Kosova, sot, mund ta ofrojë në mënyrën më të mirë të mun-
dshme, sepse, organet kompetente të saj, sot, e kanë një bazë bukur të
konsoliduar ligjore, ngase, ajo, tani, mbështetet edhe në dokumentet më
domethënëse ndërkombëtare, duke u bazuar në aktin më të lartë shtetë-
ror-Kushtetutën e saj dhe ligjet e tjera, si ato të përgjithshme, po ashtu,
edhe ato të veçanta, për të cilat do të flasim në vazhdim.
5 Romano Prodi, Hungarian News Agency, 15 April 2001. 6 Aleksandër Kërzhallovski, etj., Raport nga hulumtimi “Diskriminimi në bazë të
përkatësisë etnike”, Shkup, dhjetor, viti 2010
C E N T R U M 13
223
II. KORNIZA LIGJORE PËR MBROJTJE NGA DISKRI-
MINIMI DHE KRIMET ME MOTIVE ETNIKE -NDËRETNIKE
NË REPUBLIKËN E KOSOVËS
Kornizën ligjore për mbrojtje nga diskriminimi dhe krimet me
motive etnike dhe ndëretnike, në Kosovën e vitit 2020, e përbëjnë
dokumentet ndërkombëtare, të cilat janë aprovuar me aktin më të lartë
shtetëror - Kushtetutën e Republikës së Kosovës, Kodet, si ligje të
përgjithshme, dhe, ligjet e veçanta, përmes të cilave, në mënyrë shprehi-
more, rregullohet materia e diskriminimit, krimet me motive etnike dhe
ato ndëretnike, si dhe, procedura dhe mënyra e mbrojtjes nga ky
diskrimin dhe krimet me motivet e lartpërmendura.
II.1. Dokumentet ndërkombëtare:
Ka shumë dokumente ndërkombëtare që, në një apo formë tjetër,
ofrojnë mbrojtje nga diskriminimi dhe krimet me motive etnike dhe
ndëretnike, mirëpo, më të rëndësishmet janë ato të cilat janë ratifikuar
dhe në mënyra të ndryshme janë inkorporuar edhe në legjislacionet
nacionale të shteteve të BE e më gjerë, dhe, ato, tanimë, paraqesin bazë
për ofrimin e mbrojtjes së duhur nga çdo formë e diskriminimit dhe
krime të kryera për motive etnike dhe ndëretnike.
Në këtë grup të dokumenteve ndërkombëtare, bëjnë pjesë:
- Deklarata Universale e të Drejtave të Njeriut, e cila është
shpallur nga Asambleja e Përgjithshme e Kombeve të Bashkuara, më
10 dhjetor1948;
- Konventën Evropiane për mbrojtjen e të drejtave themelore të
njeriut dhe protokollet e saj;
- Protokolli Nr.12 i Konventës për mbrojtjen e të Drejtave të
Njeriut dhe të Lirive Themelore
- Konventën ndërkombëtare për të drejtat civile e politike dhe
protokollet e saj;
- Konventën kornizë e Këshillit të Evropës për mbrojtjen e
pakicave kombëtare;
- Konventën për eliminimin e të gjitha formave të diskriminimit
racor; Rezolutën e Asamblesë së Përgjithshme të KB-ve 2106 (ХХ), e
21 dhjetorit të vitit 1965, në fuqi nga 4 janari i vitit 1969;
- Konventën për eliminimin e të gjitha formave të diskriminimit
ndaj gruas, e 18 dhjetorit të vitit 1979, në fuqi nga 3 shtatori i vitit 1981;
- Konventën për të drejtat e fëmijës, 20 nëntor 1989, UNTS 1577;
C E N T R U M 13
224
- Konventën kundër torturës dhe trajtimeve e ndëshkimeve të tjera
mizore, jonjerëzore dhe poshtëruese.
Për shkak të natyrës dhe rregullave të përcaktuara, për vëllimin e
një punimi shkencor, nuk do të mund t’i paraqesim të gjitha ato, në këtë
punim. Do të fokusohemi vetëm te disa prej tyre, që, për nga koha, janë
më të hershme dhe vazhdojnë ta paraqesin bazën më të fortë të ofrimit
të mbrojtjes nga çdo formë e diskriminimit dhe krimeve të kryera, për
motive etnike dhe ndëretnike.
II.1.1.Deklarata Universale e të drejtave të njeriut
Njëri prej dokumenteve më të rëndësishëm ndërkombëtarë, që e
trajton mbrojtjen nga diskriminimi dhe krimet me motive etnike dhe
ndëretnike, është edhe Deklarata Universale e të Drejtave të Njeriut, e
cila, është shpallur nga Asambleja e Përgjithshme e Kombeve të
Bashkuara, më 10 dhjetor 1948.
Kjo deklaratë është e rëndësishme, sepse, është më e hershmja
dhe është e përmasave botërore, dhe, bazë e shumë dokumenteve tjera
ndërkombëtare, me dispozitat e së cilës janë rregulluar shumë marrë-
dhënie, për shumë çështje, në mesin e të cilave, edhe çështja e mbrojtjes
nga diskriminimi dhe krimet për motive etnike dhe ndëretnike, ngase,
në nenin 1 të saj, është thënë se “Të gjithë njerëzit lindin të lirë dhe të
barabartë në pikëpamje të dinjitetit dhe të të drejtave. Ata janë të pajisur
me arsye dhe ndërgjegje dhe duhet të sillen ndaj njëri-tjetrit në njё
frymë vëllazërore”7
Përveç kësaj që u tha, në nenin 2 të kësaj deklarate, është thënë,
se: “Secilit i përkasin të gjitha të drejtat dhe liritë e shpallura në këtë
Deklaratë pa kurrfarë dallimesh në pikëpamje të racës, ngjyrës, seksit,
gjuhës, fesё, mendimit politik ose çdo mendimi tjetër, të prejardhjes
kombëtare a shoqërore, të pasurisë, të lindjes apo të ndonjё gjendjeje
tjetёr juridike. Pёrveç kёsaj, nuk do të bëhen kurrfarë dallimesh në bazë
të statusit politik, juridik apo ndërkombëtar të vendit ose territorit të
cilit i përket ndonjë individ, qoftë kur ky vend ose territor është i
pavarur, apo kur ndodhet nën kujdestari ose është jo vetëqeverisës a nën
çfarëdo kufizimi tjetër të sovranitetit”8.
7 Deklarata Universale e të Drejtave të Njeriut, neni 1.
https://www.crca.al/sites/default/files/publications/Deklarata%20Universale%20e%
20te%20Drejtave%20te%20Njeriut%20%281948%29.pdf 8 Po aty, neni 2.
https://www.crca.al/sites/default/files/publications/Deklarata%20Universale%20e%20te%20Drejtave%20te%20Njeriut%20%281948%29.pdfhttps://www.crca.al/sites/default/files/publications/Deklarata%20Universale%20e%20te%20Drejtave%20te%20Njeriut%20%281948%29.pdf
C E N T R U M 13
225
Kurse, në nenin 7 të kësaj deklarate është thënë decidivisht, se:
“Të gjithë janë të barabartë pёrpara ligjit dhe kanë të drejtë që, pa kurr-
farë diskriminimi, tё mbrohen njёsoj nga ligji. Të gjithë kanë të drejtën
për mbrojtje të barabartë kundër çdo diskriminimi që do tё shkelte këtë
Deklaratë, dhe kundër çdo nxitjeje për një diskriminim të tillë”9.
Ndërsa, në nenin 23.2. të kësaj deklarate është konstatuar se
“Secili, pa kurrfarë diskriminimi, ka të drejtë që për punë të barabartё
të marrë rrogë të barabartё. etj. etj...”10.
II.1.2.Konventa Evropiane e të Drejtave të Njeriut (KEDNJ),
Romë, 4.XI.1950
Për ta ofruar mbrojtjen e duhur dhe efikase nga diskriminimi dhe
krimet për motive etnike dhe ndëretnike, në Kosovë, përveç në Dekla-
ratën Universale të të Drejtave të Njeriut (DUDNJ), sot, mund të thirre-
mi edhe në Konventën Evropiane të të Drejtave të Njeriut (KEDNJ).
Kjo konventë, u miratua nga Këshilli i Evropës, dy vjet pas
Deklaratën Universale të të Drejtave të Njeriut (DUDNJ) të OKB-së.
D.m.th. në vitin 1950, dhe, atë, me qëllimin që ta realizojë një bashkim
më të ngushtë midis anëtarëve të tij, përmes mbrojtjes dhe zhvillimit të
drejtave të njeriut dhe lirive themelore, ngase, këto llogariteshin se ishin
mjetet më efikase për ta arritur atë.
Andaj, duke pasur parasysh se qëllimi i Këshillit të Evropës ishte
që ta realizojë një bashkim më të ngushtë midis anëtarëve të tij, dhe, se,
një nga mjetet, për ta arritur këtë qëllim, është mbrojtja dhe zhvillimi i
të drejtave të njeriut dhe i lirive themelore, anëtarët e këtij këshilli kanë
rënë dakort për t’i marrë masat fillestare për zbatimin e përbashkët të
disa prej të drejtave të shpallura në Deklaratën Universale dhe kanë
aprovuar këtë konventë.
Përmes kësaj konvenete, siguroheshin të drejtat dhe liritë e
njeriut, që ishin përcaktuar me këtë konventë, pasi që me një disipozitë
të veçantë të saj ndalohej çfarëdo forme diskriminimi dhe kriminaliteti,
për motiv etnik dhe ndëretnik, ngase, në nenin 14 të kësaj Konvente
(KEDNJ), përfshihej edhe një dispozitë përmes të cilës ndalohej diskri-
minimi, sepse, në të shkruhej, se: “Gëzimi i të drejtave dhe i lirive të
përcaktuara në këtë Konventë duhet të sigurohet, pa asnjë dallim të
bazuar në shkaqe të tilla si seksi, raca, ngjyra, gjuha, feja, mendimet
politike ose çdo mendim tjetër, origjina kombëtare ose shoqërore, 9 Po aty, neni 7. 10 Po aty, neni 23.2.
C E N T R U M 13
226
përkatësia në një minoritet kombëtar, pasuria, lindja ose çdo status
tjetër”11
II.1.3. Protokolli Nr.12 i Konventës për Mbrojtjen e të Drejtave
të Njeriut dhe të Lirive Themelore
Të vendosur për të ndërmarrë hapa të mëtejshëm, për ta nxitur
barazinë e të gjithë personave, nëpërmjet zbatimit kolektiv të një
ndalimi të përgjithshëm të diskriminimit, në kuadrin e KEDNJ.
Shtetet anëtare të Këshillit të Evropës, me datë 4.XI.2000, në
Romë, kanë rënë dakord dhe e kanë nënshkruar këtë protokoll, për
ndalim të përgjithshëm të diskriminimit.
Neni 1 i këtij protokolli mban titullin “Ndalimi i përgjithshëm i
diskriminimit”12. Kurse, në paragrafin 1, të nenit 1 të këtij Protokolli,
është thënë, se: “Ky Protokoll do të hyjë në fuqi ditën e parë të muajit
që pason mbarimin e një periudhe prej dy muajsh pas datës në të cilën
shtatë Shtete anëtare të Këshillit të Evropës do të kenë shprehur pëlqi-
min e tyre për t’u lidhur me Protokollin, sipas dispozitave të nenit 8”13.
Ndërsa, në paragrafin 2, të nenit të përmendur, thuhet, se:
“Askush nuk duhet të diskriminohet nga një autoritet publik për ndonjë
nga arsyet e parashikuara në paragrafin 1”14.
II.2. Aktet e brendshme-nacionale, që e rregullojnë fushën e
diskriminimit dhe krimeve, për motive etnike-ndëretnike
Mbrojtjen nga diskriminimi dhe krimet për motive etnike-ndër-
etnike, e ofrojnë edhe Kushtetuta dhe ligjet e republikës së Kosovës.
Nga viti 1999, e deri më sot, institucionet kompetente të Republi-
kës së Kosovës janë munduar dhe padyshim se ia kanë arritur që aktin
e vet më të lartë juridik dhe ligjet, t’i harmonizojnë me legjislacionin e
komunitetit ndërkombëtar, si: Deklarata universale për të drejtat e
njeriut, KEDNJ dhe protokollet e saj dhe konventat e përmendura, edhe
atë për ta realizuar qëllimin e vet, atë të integrimit në BE dhe në organet
e organizatat e saj.
Sikurse edhe shumë çështje të tjera, edhe kjo çështje (Diskrimi-
nimi dhe krimet për motive etnike dhe ndëretnike) është përfshirë,
11 Konventa Evropiane për të drejtat e njeriut, Gjykata Evropiane e të Drejtave të
Njeriut, Council of Europe F-67075, Strasbourg codex, www.echr.coe.int, f.12, neni 14. 12 Po aty, f. 48, neni 1. 13 Po aty, f. 48, neni 1, paragrafi 1. 14 Po aty, f. 48, neni 1, paragrafi 2.
http://www.echr.coe.int/
C E N T R U M 13
227
sanksionuar dhe rregulluar me aktin më të lartë shtetëror: Kushtetutën
e saj, e cila ka hy në fuqi me datën 15 qershor 2008 dhe ligjet e tjera, si
të përgjithshme, po ashtu, edhe aso të veçanta, për të cilat do të flasim
në vazhdim.
II.2.1. Kushtetuta e Republikës së Kosovës
Me rastin e përpilimit të kësaj Kushtetute, përpiluesit, janë kuj-
desur që, përveç të tjerash, Repubikën e Kosovës ta përshkruajnë ashtu
siç është, shtet të shtetasve të saj, dhe, në këtë mënyrë, ta eliminojnë çfa-
rëdo baze të diskriminimit dhe të krimit, për motiv etnik apo ndëretnik.
Prandaj, në paragrafin 2 të nenit 1 të kësaj kushtetute, ku është
dhënë edhe përkufizimi i Shtetit, është thënë, se: “Republika e Kosovës
është shtet i shtetasve të vet. Republika e Kosovës ushtron autoritetin e
saj bazuar në respektimin e të drejtave dhe lirive të qytetarëve të vet dhe
të gjithë individëve brenda kufijve të saj”15.
Ndërsa, në paragrafin 1 të nenit 3, ku bëhet fjalë për barazinë para
ligjit, është thënë se “Republika e Kosovës është shoqëri shumetnike, e
përbërë nga shqiptarët dhe komunitetet tjera e cila qeveriset në mënyrë
demokratike, me respektim të plotë të sundimit të ligjit, përmes institu-
cioneve të veta legjislative, ekzekutive dhe gjyqësore”16.
Kurse, në paragrafin 2, të nenit 3, të kësaj kushtetute, ku është
folur për barazinë para ligjit, është thënë, se “Ushtrimi i autoritetit
publik në Republikën e Kosovës bazohet në parimet e barazisë para
ligjit të të gjithë individëve dhe në respektimin e plotë të të drejtave dhe
lirive themelore të njeriut, të pranuara ndërkombëtarisht, si dhe në
mbrojtjen e të drejtave dhe në pjesëmarrjen e të gjitha komuniteteve dhe
pjesëtarëve të tyre”17.
Mbrojtja e ofruar prej kësaj kushtetute ndaj diskriminimit dhe
krimeve për motive etnike dhe ndëretnike, shihet edhe nga neni 5 i saj.
Në këtë nen është thënë, se: “Gjuhë zyrtare në Republikën e Kosovës
janë Gjuha Shqipe dhe Gjuha Serbe. Gjuha Turke, Boshnjake dhe ajo
Rome kanë statusin e gjuhëve zyrtare në nivel komune ose do të jenë
në përdorim zyrtar në cilindo nivel në pajtim me ligj”18.
15 Kushtetuta e Republikës së Kosovës, me nr. të aktit-K-09042008, e publikuar në
Gazetën Zyrtare të Republikës së Kosovës, me datë 09.04.2008, Prishtinë, 2008, neni
1, paragrafi 2. 16 Po aty, neni 3, paragrafi 1. 17 Po aty, neni 3, paragrafi 2. 18 Po aty, neni 5, paragrafi 1 dhe 2.
C E N T R U M 13
228
Mbrojtja nga çdo formë e diskriminimit garantohet edhe me nenin
7 të kësaj Kushtetute, sepse, atëherë kur flet për vlerat, thuhet se “Rendi
kushtetues i Republikës së Kosovës bazohet në parimet e lirisë, paqes,
demokracisë, barazisë, respektimit të të drejtave dhe lirive të njeriut dhe
sundimit të ligjit, mosdiskriminimit, të drejtës së pronës, mbrojtjes e
mjedisit, drejtësisë sociale, pluralizmit, ndarjes së pushtetit shtetëror dhe
ekonomisë së tregut ndërsa Republika e Kosovës siguron barazinë gjino-
re si vlerë themelore për zhvillimin demokratik të shoqërisë, mundësi të
barabarta për pjesëmarrje të femrave dhe meshkujve në jetën politike,
ekonomike, sociale, kulturore dhe në fushat të tjera të jetës shoqërore”19.
Për t’u siguruar se kjo nuk do të ndodhë, organet tona kompetente
janë kujdesur që në Kushtetutë ta fusin edhe një dispozitë, përmes së
cilës marrin obligim që t’i zbatojnë, drejtpërdrejt, Marrëveshjet dhe Ins-
trumentet Ndërkombëtare, nëse dyshohet se, me akte të brendshme, ajo
nuk ofrohet mjaftueshëm. Një obligim i tillë është paraparë edhe me
nenin 22 të kësaj Kushtetute.
Të drejtat dhe liritë e njeriut, të garantuara me marrëveshjet dhe
instrumentet ndërkombëtare, garantohen me këtë Kushtetutë, dhe, ato
zbatohen, drejtpërdrejt, në Republikën e Kosovës dhe kanë prioritet, në
rast konflikti, ndaj dispozitave e ligjeve dhe akteve të tjera të institucio-
neve publike, dhe, atë, nga: DUDNJ, KEDNJ e deri te konventat për
eliminimin e të gjitha formave të diskriminimit.
Mbrojtja nga diskriminimi i lartpërmendur është ofruar edhe me
nenin 24 të Kushtetutës së Kosovës, sepse, në paragrafin 1 të këtij neni,
është thënë, se: “Të gjithë janë të barabartë para ligjit. Çdokush gëzon
të drejtën e mbrojtjes së barabartë ligjore, pa diskriminim. Kurse, në
paragrafin 2 të tij, thuhet se: “Askush nuk mund të diskriminohet në
bazë të racës, ngjyrës, gjinisë, gjuhës, fesë, mendimeve politike ose të
tjera, prejardhjes kombëtare a shoqërore, lidhjes me ndonjë komunitet,
pronës, gjendjes ekonomike, sociale, orientimit seksual, lindjes, aftësisë
së kufizuar ose ndonjë statusi tjetër personal”20.
Të drejtat e njeriut dhe liritë themelore, të garantuara me këtë
Kushtetutë, interpretohen në harmoni me vendimet gjyqësore të Gjy-
katës Evropiane për të Drejtat e Njeriut21.
19 Po aty, neni 5, paragrafi 1 dhe 2. 20 Po aty, neni 24, paragrafi 1 dhe 2. 21 Po aty, neni 53.
C E N T R U M 13
229
Kapitulli III i kësaj Kushtetute i rregullon të drejtat e komuni-
teteve dhe pjesëtarëve të tyre, duke u bazuar në parimet e përgjithshme,
që janë paraparë me nenin 57, sipas të cilave:
1. Banorët që i përkasin një grupi të njëjtë kombëtar ose etnik,
gjuhësor ose fetar, tradicionalisht, të pranishëm në territorin e
Republikës së Kosovës (Komunitetet), gëzojnë të drejta të veçanta, të
përcaktuara me këtë Kushtetutë, krahas të drejtave dhe lirive themelore
të njeriut, të përcaktuara në Kapitullin II të kësaj Kushtetute.
2. Çdo pjesëtar i komunitetit do ta ketë të drejtën që të zgjedhë
lirisht nëse do të trajtohet ose të mos trajtohet si pjesëtar i komunitetit
dhe nga kjo zgjedhje ose nga ushtrimi i të drejtave që ndërlidhen me
këtë zgjedhje, nuk do të rezultojë asnjë diskriminim;
3. Pjesëtarët e komuniteteve do të kenë të drejtë që të shprehin, të
avancojnë dhe të zhvillojnë lirisht identitetin dhe atributet e tyre si
komunitet22.
Paragrafi 3 i nenit 58, i kësaj kushtetute, e obligon Kosovën për
t’i ndërmarrë të gjitha masat e nevojshme për t’i mbrojtur personat, të
cilët mund t’u nënshtrohen kërcënimeve ose veprimeve diskriminuese,
armiqësisë a dhunës, si rrjedhojë e identitetit të tyre kombëtar, etnik,
kulturor, gjuhësor ose fetar. Ndërsa, paragrafi 7 i nenit 58, në baza
jodiskriminuese, shteti ynë i siguron që të gjitha komunitetet dhe pjesë-
tarët e tyre të mund të ushtrojnë të drejtat e tyre, të specifikuara me këtë
Kushtetutë23, duke i siguruar këta të fundit se çdo ndryshim-amenda-
mentin në këtë kushtetutë do të kërkojë miratimin e dy të tretave (2/3)
të të gjithë deputetëve të Kuvendit, sipas paragrafit 2 të nenit 144,
përfshirë dy të tretat (2/3) e të gjithë deputetëve të Kuvendit që mbajnë
vende të rezervuara ose të garantuara për përfaqësuesit e komuniteteve
që nuk janë shumicë në Republikën e Kosovës.
II.2.2. Kodi penal i Republikës së Kosovës
Mbrojtja nga diskriminimi dhe krimet për motive etnike dhe
ndëretnike, është siguruar edhe me shumë dispozita të Kodeve penale
të Republikës së Kosovës.
Kjo mbrojtje, tanimë, është siguruar edhe me rregullat e përgjith-
shme për zbutjen ose ashpërsimin e dënimeve, që janë paraqitur në
nenin 70 të Kodit penal të Republikës së Kosovës me nr.06/L-074.
22 Po aty, neni 57, paragrafi 1, 2 dhe 3.
23 Po aty, neni 58, paragrafi 3 dhe 7.
C E N T R U M 13
230
Kryesit të veprës penale i shqiptohet dënimi i paraparë për veprën
e kryer penale, ndërsa, dënimi më i butë ose më i rëndë, mund të shqip-
tohet vetëm në pajtim me kushtet e parapara me këtë Kod.
Me rastin e caktimit të dënimit, gjykata merr parasysh, por, nuk
kufizohet në rrethanat e mëposhtme rënduese:
Nëse vepra penale është akt i urrejtjes, që nënkupton cilëndo ve-
për të kryer penale ndaj personit, grupit të personave, ose pronës, moti-
vuar në bazë të racës, ngjyrës, gjinisë, identitetit gjinor, gjuhës, fesë,
prejardhjes kombëtare a shoqërore, lidhjes me ndonjë komunitet, pronë,
gjendjes ekonomike, orientimit seksual, lindjes, aftësisë së kufizuar ose
ndonjë statusi tjetër personal, ose, për shkak të afërsisë me personat me
karakteristikat e lartpërmendura, përveç nëse ndonjë nga këto karak-
teristika përbën element të veprës penal24.
Mbrojtja nga diskriminimi dhe krimet për motive etnike dhe ndër-
etnike, është ofruar edhe përmes nenit 141 të Kodit penal të Republikës
së Kosovës me nr.06/L-074.
Në paragrafin 1 të këtij neni, është thënë “Kushdo që nxit ose për-
hap publikisht urrejtje, përçarje dhe mos durim midis grupeve kombë-
tare, racore, fetare, etnike e të tjera, apo bazuar në orientimin seksual,
identitetin gjinor dhe karakteristikat e tjera personale, në mënyrën e cila
mund të prishë rendin publik dënohet me gjobë ose me burgim deri në
pesë (5) vjet.”
Kur kjo bëhet në mënyrë sistematike, ose, duke keqpërdorur
pozitën apo autorizimet, dhe, shkakton trazira, dhunë ose pasoja të tjera
të rënda, me kryerjen e veprës së tillë, dënohet me burgim prej një (1)
deri në tetë (8) vjet, sipas paragrafit 2 të këtij neni.
Ndërsa, kur vepra penale, nga paragrafi 1 i këtij neni, kryhet
përmes shtrëngimit, rrezikimit të sigurisë, përqeshjes së simboleve
kombëtare, racore, etnike apo fetare, duke dëmtuar pasurinë e personit
tjetër ose duke përdhosur monumentet apo varrezat, kryesi dënohet me
burgim prej një (1) deri në tetë (8) vjet, sipas paragrafit 3.
Ashtu sikurse te paragrafi 1, kur kjo vepër nga paragrafi 3, kryhet
në mënyrë sistematike ose duke keqpërdorur pozitën apo autorizimet,
dhe, shkakton trazira, dhunë ose pasoja të tjera të rënda, me kryerjen e
veprës së tillë, dënohet me burgim prej dy (2) deri në dhjetë (10) vjet.
24 Kodi Penal i Republikës së Kosovës me nr.06/L-074, i publikuar në Gazetën Zyrtare
të Republikës së Kosovës me nr.2, Prishtinë, 14 Janar 2019, neni 70, paragrafi 1 dhe
2 dhe nënparagrafët 2.12.
C E N T R U M 13
231
Veprat që kanë të bëjnë me diskriminimin, dhe ato të kryera për
motive etnike dhe ndëretnike, janë sanksionuar edhe me kapitullin e
veprave penale kundër njerëzimit dhe vlerave të mbrojtura nga një
kapitull i veçantë i këtij kodi, dhe, ato vlera që janë të mbrojtura me të
drejtën ndërkombëtare, duke filluar nga gjenocidi, krimet kundër njerë-
zimit dhe skllavëria, kushtet e ngjashme me skllavërinë dhe puna e
detyruar dhe veprat penale kundër lirive dhe të drejtave të njeriut, si:
Shkelja e statusit të barabartë të shtetasve dhe banorëve të Republikës
së Kosovës, tortura, etj.
II.2.3. Ligji, Nr.2004/3, kundër diskriminimit, i datës 19 shkurt
2004
Mbrojtja nga diskriminimi, është ofruar edhe me Ligjin Nr.2004/3,
kundër diskriminimit, i datës 19 shkurt 2004, si ligj i veçantë.
Ky ligj i ka pasur gjithsej 13 nene, dhe, me të njëjtin, janë rregu-
lluar: Qëllimi, parimet, termet, fusha e zbatimit të ligjit, kërkesat reale
dhe përcaktuese me rastin e punësimit, masa afirmative, procedura,
barra e provave, sanksionet dhe organet për promovimin e barabartë.
Më e rëndësishmja, me këtë rast, është, të thuhet se ky ligj ka
pasur për qëllim që ta parandalojë dhe luftojë diskriminimin, ta ngritë
shkallën e barazisë efektive dhe t’i realizojë parimet e trajtimit të
barabartë, të qytetarëve të Kosovës, para Ligjit.
II.2.4. Ligji, Nr. 05/L-021, për mbrojtje nga diskriminimi, i
datës 28 maj 2015
Duke e parë, se, sa e rëndësishme është kjo çështje për vendin
tonë, dhe, trajtimi i duhur i diskriminimit në çfarëdo baze qoftë, organet
tona kompetente ia arritën që ta përmirësojnë rregullativën e
mëparshme ligjore, dhe, mbi këtë bazë, e hartuan dhe aprovuan edhe
këtë ligj të ri për diskriminimin.
Ky ligj, i ka gjithsej 28 nene (15 më shumë se ai për diskrimi-
nimin), dhe, me të njëjtin, tani, më mirë se kurrë ofrohet mbrojtja, ashtu
si dhe sa duhet, nga diskriminimi, sepse, tani, me te rregullohen shumë
sfera, në mesin e të cilave, edhe: Qëllimi; Fushëveprimi; Koncepti i dis-
kriminimit; Llojet e trajtimit të pabarabartë; Format e rënda të diskrimi-
nimit; Trajtimi i ndryshëm i përligjur; Përgjegjësia e institucioneve të
Republikës së Kosovës; Avokati i popullit; Promovimi dhe bashkëpu-
nimi për avancimin e të drejtave të njeriut; Mekanizmat institucionalë
për mbrojtje nga diskriminimi, në Ministri dhe Komuna; Ankesat
C E N T R U M 13
232
kundër diskriminimit te Avokati i Popullit; Paditë për mosmarrëveshjet
për diskriminimin; Procedura para gjykatës; Procedura para gjykatës;
Llogaridhënia; Veprimet në procedurën kontestimore; Rastet e diskri-
minimit që përbëjnë vepër penale; Rastet e personave të cilat prekin
grupet e personave; Akomodimi i arsyeshëm i personave me aftësi të
kufizuara në punësim; Barra e provave; Kontrata publike; Dispozita
kundërvajtëse; Përgjegjësia individuale; Vetëdijesimi i publikut; Nxje-
rrja e akteve nënligjore dhe shfuqizimi. Prej përmbajtjes së tij, shihet se
i njëjti është plotësuar edhe në ato aspekte, të cilat, ligji paraprak, as që
i kishte përmendur.
II.2.5.Ligji, Nr.06/L054, për gjykatat, i datës 8.12.2018
Mbrojtje nga diskriminimi ofron edhe Ligji, Nr.06/L054, për gjy-
katat, i datës 8.12.2018, sepse, në pjesën ku bën fjalë për qasje në gjy-
kata, shkruan, se: “Gjykatat trajtojnë të gjithë personat në mënyrë të
barabartë, askush nuk mund të diskriminohet në bazë të racës, ngjyrës,
gjinisë, gjuhës, fesë, mendimeve politike ose të tjera, prejardhjes kom-
bëtare apo shoqërore, lidhjes me ndonjë komunitet, pronës, gjendjes
ekonomike, gjendjes sociale, orientimit seksual, lindjes, aftësisë së
kufizuar ose ndonjë statusi tjetër personal”25.
II.2.6. Ligji, Nr.51/L-031, për procedurën e përgjithshme
administrative, i datës 21.6.2016
Ngjashëm, si me ligjet e lartpërmendura, edhe me Ligjin Nr.51/L-
031, për procedurën e përgjithshme administrative, të datës 21.6.2016,
ofrohet mbrojtje nga diskriminimi. Kjo është e theksuar në paragrafin 3
të nenit 6, sepse, në mes tjerash, këtu është thënë, se: “Organi Publik,
në mënyrë të veçantë, shmang çdo diskriminim të padrejtë ashtu siç
përcaktohet me Ligjin kundër diskriminimit”26.
II.2.7. Ligji, Nr. 03/L-225, për prokurorin e shtetit
Ashtu sikurse me ligjet e lartpërmendura, edhe me Ligjin për
prokurorin e shtetit, ofrohet mbrojtje nga format e lartpërmendura të
diskriminimit, ngase, sipas asaj që është thënë në njërën prej dispozi-
tave të këtij ligji, “Prokurori i Shtetit ushtron funksionet e veta në
mënyrë efikase dhe efektive dhe në pajtueshmëri me Kushtetutën, ligjet
25 Ligji, nr.06/L054, për Gjykatat, i datës 08.12.2018, neni 7, paragrafi 1. 26 Ligji, nr.51/L-031, për procedurën e përgjithshme administrative, i datës
21.06.2016, neni 6, paragrafi 3.
C E N T R U M 13
233
e zbatueshme dhe parimet e pranuara ndërkombëtarisht për mos-
diskriminimin, të drejtat e njeriut dhe liritë themelore”27.
II.2.8. Ligji, Nr.05/L-019, për avokatin e popullit
Avokati i Popullit është mekanizëm i barazisë për promovim,
monitorim dhe mbështetje të trajtimit të barabartë, pa diskriminim, në
bazat e mbrojtura nga Ligji, për barazi gjinore dhe Ligji për mbrojtje
nga diskriminimi28. Prandaj, edhe në Ligjin, Nr. 05/L-021, për mbrojtje
nga diskriminimi, i datës 28 maj 2015, këtij institucioni i është kushtuar
vëmendje e posaçme, çfarë nuk i ishte kushtuar me ligjin paraprak, që
merrej me po këtë çështje, si Ligji, Nr.2004/3, kundër diskriminimit, i
datës 19 shkurt 2004.
Mbrojtja nga diskriminimi dhe krimet, për motive etnike dhe
ndëretnike, është sanksionuar edhe me shumë akte të tjera, të shkruara,
vendore dhe ndërkombëtare. Ne, me këtë rast, i kemi trajtuar vetëm ato
më kryesoret, për shkak të kufizimeve që i vënë botuesit, për trajtimin
e një teme në një revistë shkencore.
CONCLUSION
From the above-noted, it is obvious that Republic of Kosova does
not lack legal basis in order to protect all those, who are, in one way or
another, victims of discrimination and crimes of ethnic and interethnic
motives.
The Republic of Kosovo does not lack the institutions with
competences to fight those phenomena. But, now and more than ever,
these institutions must be organized and coordinated to help people in
need because they are obliged to offer protection when someone is
discriminated on the grounds of the following cases: gender, clan, race,
color of skin, ethnicity, language, citizenship, religion or other religious
beliefs and other types of beliefs, political affiliation, mental and
physical disability, health status, age, education, family or marital sta-
tus, personal or social status, social origin, property status, association
with a marginalized group, birth or sexual orientation, or on another
basis provided by law or by ratified international agreement.
Therefore, now we should not hesitate, but act by all means, to
combat any form of discrimination and any crime committed for ethnic- 27 Ligji, nr.03/L-225, për prokurorin e shtetit, neni 6. 28 Ligji, nr.05/L-019, për avokatin e popullit, neni 2, paragrafi 2.
C E N T R U M 13
234
interethnic motives, because there is now solid, consolidated, legal,
both international and national basis, and in case of any dilemma, it can
be easily resolved based on the best practices of the local Courts, and
in their absence, on the practices of the European Court of Justice, the
European Court of Human Rights, competent institutions of the Euro-
pean Union, the Council of Europe and other international institutions
experienced to deal with these issues.
LITERATURA DHE AKTET NORMATIVE:
1. Handbook on European Non-discrimination Law, EU FRA and CoE, 2010.97 8.Biljana Kotevska, “Udhëzuesi mbi bazat e diskri-
minimit”, i mbështetur nga Misioni i OSBE-së në Shkup të RMV,
Shkup, 2013, f. 7.
2. Konventa për eliminimin e të gjitha formave të diskriminimit racor (CERD), Rezoluta e Asamblesë së Përgjithshme e KB-ve 2106
(ХХ), e datës 21 dhjetor 1965, e cila ka hyrë në fuqi nga data 4 јanar i
vitit 1969, neni 1; shih, gjithashtu, Коnventën për eliminimin e të gjitha
formave të diskriminimit të gruas, e 18 dhjetorit të vitit 1979, në fuqi nga
3 shtatori i vitit 1981; shih dhe: cilido Komiteti i të Drejtave të Njeriut,
Komenti i përgjithshëm 18, Mosdiskriminimi, 11/10/1989, par. 6.4.
3. Romano Prodi, Hungarian News Agency, 15 April 2001. 4. Aleksandër Kërzhallovski, etj., Raport nga hulumtimi “Diskri-
minimi në bazë të përkatësisë etnike”, Shkup, dhjetor, viti 2010.
5. Deklarata Universale e të Drejtave të Njeriut, neni 1, https://www.crca.al/sites/default/files/publications/Deklarata%20Univer
sale%20e%20te%20Drejtave%20te%20Njeriut%20%281948%29.pdf
6. Konventa Evropiane për të drejtat e njeriut, Gjykata Evropiane e të Drejtave të Njeriut Council of Europe F-67075 Strasbourg cedex,
www.echr.coe.int, fq.12, neni 14.
7. Kushtetuta e Republikës së Kosovës, me nr. të aktit:K-09042008, e publikuar në Gazeta zyrtare të Republikës së Kosovës, me
datë 09.04.2008, Prishtinë, 2008, neni 1, paragrafi 2.
8. Kodi penal i Republikës së Kosovës me nr.06/L-074, i publi-kuar në Gazetën zyrtare të Republikës së Kosovës me nr.2, Prishtinë,
14 janar 2019, neni 70, paragrafi 1 dhe 2 dhe nënparagrafi 2.12.
9. Ligji, Nr.2004/3, kundër diskriminimit, i datës 19 shkurt 2004.
https://www.crca.al/sites/default/files/publications/Deklarata%20Universale%20e%20te%20Drejtave%20te%20Njeriut%20%281948%29.pdfhttps://www.crca.al/sites/default/files/publications/Deklarata%20Universale%20e%20te%20Drejtave%20te%20Njeriut%20%281948%29.pdfhttp://www.echr.coe.int/
C E N T R U M 13
235
10. Ligji, Nr. 05/L-021, për mbrojtje nga diskriminimi i datës 28 maj 2015, që është publikuar në Gazetën zyrtare të Republikës së
Kosovës me nr.16, Prishtinë, 26 qershor 2016.
11. Ligji, Nr.06/L054, për gjykatat, i datës 8.12.2018, neni 7 paragrafi 1.
12. Ligji, Nr.51/L-031, për procedurën e përgjithshme adminis-trative, i datës 21.6.2016, neni 6 paragrafi 3.
13. Ligji, Nr. 03/L-225, për prokurorin e shtetit, neni 6. 14. Ligji, Nr.05/L-019, për avokatin e popullit, neni 2, paragrafi 2.