Kohhran Beng : September 2009

Kohhran Beng September 2009 3

B.C.M. FLAG & EMBLEM

CHUNGCHANG TUI HNIHNA

- LT. Zohranga

Kohhran Beng August 2009 a chhuak BCM Emblem leh Logo

chungchang a R.Lalawmpuia zawhna leh a thuziak kha ka lo chhiar

a. Kan hruaitute lo chhan khalh thawt thawt chu ka inthlahrung

viau na a, ka lo vei ve zawng tak a nih avangin chhan pahin thil

awmzia kan sawi ve dawn teh ang.

Eng pawh nise, heti ang lama

rilru seng leh ngaihtuah mi kan

neih avang hian lawmawm ka ti

hle mai. He thil hi a pawimawh

a, a ril bawk a, zofate hian kan

la pawh phak lo viau na chungin

kan mamawh bawk si a.

Computer Age a kan awm

atang phei hi chuan a

pawimawhna kan hrethiam uar

uarin ka ring. Heng hi Art ril lutuk

atanga lo awm a ni a, zofate hi

hemi kawngah hian kan la sang

fahran lo va, Kohhran mai ni

lovin kan Sawrkar pawh hian

he lam kawng hi chu a la dai

thuk lo viauin ka hria. Hei leh

chen hi Zofa kan ti vul ve chuk

a, Art college chu sawi loh Sikul

pakhat pawh kan la nei lo hi

State dang thalai te hian mak an

ti asin. Kan ram leh Kohhran

siamna atan Pathian hi no.1 a ni

tih chu sawi ngai lovah dah ta

ila. He Art, mihring tana

pawimawh lutuk hi kan luh chilh

ve tak tak hunah kan Kohhran,

ram leh hnam hi a kal fuh chauh

ang tih hi ka ngaih dan a ni.

R. Lalawmpuia hian tuna

BCM Calendar hi a design a

nih thu a sawi a, mawi pawh a

mawi a, a fel fai tha khawp mai.

Awle, kei pawh kan ti ve ngawt

mai teh ang ‘KA’ tih tawng-

kam hi ka sawi hreh zawng tak

a ni a, mahse hman zeuh zeuh a

ngai dawn tlat mai.

BCM Flag lo pian chhuah

dan: Kan hriat angin BCM hi

Rampawn (Foreign) thlengin

Programme chi hrang hrang a

vangin a pen chhuak fo va,

hengah te hian Flag ken a ngaih

Kohhran Beng September 20094

chang a awm thin a, an Flag ken

tur hi vawi eng emaw zat ka

duangin ka lo ziah sak tawh thin

a, engati nge an kal dawn a piang

a, a hran ziah zel a ngaih? tih hi

ka ngaihtuah fo thin.

Argentina a an ken tur ka siam

tumin kan hruaitute hnenah BCM

hian Flag leh colour mumal nghet

tak neih a tul thu te ka lo sawipui

ve nual a, mahse awmzia a nei

thui tehchiam lo va. Chuta tang

chuan ka rilruah a awm deuh reng

thin a, BCM hian kan neih ngei

tula ka hriat a vangin duang

chhuak turin ka theih ang angin

ka inbuatsaih a, Pathian pawh ka

rawn thin a, Pa, Fapa, Thlarau

Thianghlim colour hmuchhuak

turin ka dil thin.

1994 a Gospel Centenary kan

lawm tum pawh khan Flag mumal

tak neih ka duh hle a, sawina

awmah chuan ka sawi vein ka

hria, mahse khati nuai khan kan

hmang liam ta a nih kha.

Hun a kal zel a, 2005 Bial

Inkhawmpui Agenda atan kan

Kohhran Committe-ah ka thlen a,

‘BCM hian Flag mumal tak leh

colour neih ni rawh se’, tiin.

Kohhran Committe chuan tul a ti

lem lo a ni ang. Ka Agenda

Assembly hial thleng tura ka lo

suangtuah chuan kan Kohhran

pawh a pel zo ta lo va! Kohhran

dangin “Kan Kohhran atangin

kan lo pulut a nge”an tih pawhin

kan Kohhran atang ngeia bul han

tan ve reng reng ka duh tlat a,

tichuan a kum leh 2006 ah ka pulut

leh a, hemi tum hi chuan ka hreh

ve tawh khawp mai. Kan Upate

pawhin ‘Naupang te te luhlul reuh

mang e’ pawh lo ti se awm ka ti

tho mai. Tichuan kan pass ta a,

Bial Inkhawmpui Rorelnaah min

sawi hawntir nghe nghe a, Bial

rorelna pawh chuan a pass nghal

a. Ka rilru a a awm dan leh ka

lo duan dan zawng te, Flag-in

a kaihhnawih BCM Colour leh

a hrilhfiahna, Sign Board leh a

ziak dan tur te motor chei dan

leh Car Flag te, Tualchhung,

Bial, ABC, Hqrs Flag tur leh a

hman dan tur zawng zawng te

nen Bial Executive Committe-

ah thehlut tur leh sawi tura min

ngen angin ka sawiin ka thehlut

nghe nghe a. Tichuan ABC

pawh kal tlang kher lovin

Headquater lamah kan Bial

chuan a thlen chho ta a ni.


A rawng (Colour) chung-

chang: Flag rawng chi thum then

dan hi tih danglam deuh an duh

tih kan Bial Secretary-in min

rawn hrilh a, in thu thu tiin ka lo

chhang a, mahse ka duan dan

ang tak kha chu ni thei se ka duh

a, a chhan chu Khawvel Ram

hrang hrang te tih dan ang lo tak

anih avang leh BCM Emblem

pianzia nena inkungkaih chhung-

ril taka a awm avangin, mahse

hei hi min hmuh thiampui chiah

loh vangte pawh a niang. Tin,

R.Lalawmpuia zawhna, Flag-a

Emblem ziahna tur rawng kha ka

duan dan chuan a lai varah Noble

Red a ziak tur a ni. Hei hian

awmzia leh tih chhan ril tak a nei.

Lehkhabu kawmah te an rawn

hmang tan a, a chang leh a pawl,

a sen, a dum, a hring te an rawn

hmang leh ta thliah thluah chu a

nih hi.!

Emblem chungchang: R. Lal-

awmpuia zawhna kha Emblem,

Logo, Symbol te hi thil thuhmun

an nihna lai a awm a, mahse

mithiamte chuan tuna kan sawi

mek ang chi hi chu Emblem tiin

an sawiin an ziak tlang pui, Logo

kan tih fo hi chu an hmang tam

lem lo a ni. BCM Emblem

Kraws, Globe, Bible, Ribbon

inremkhawmah hian art thuruk

ril lutuk a inphum teuh tih te hi

kan hria em aw? Sermon tham

a awm asin. A ziak dan te hi duh

duh a lo pawh sawih chingchivet

kual chi a ni lo reng a ni. Formula

nei thlap a ni a, tunah chuan kan

sawi vek hman lo ang. R. Lal-

awmpuia rawn tarlan no.1 hi a

dik ber a ni. Amaherawhchu kan

hmanna hun leh hmun a zirin thil

chei nan tih danglam hlek ngaih

chang a awm, hei hi ram dangte

pawhin an tih dan a ni ve tho mai.

Mahse, Official a kan hman

dawn chuan no.1 ang hi hman

nise (eg. YOU tih aiah ‘U’ an

hman ang hian short form a awm

ve tihna a nih chu.)

BCM Emblem hi engtia kan

neih nge? Kan Emblem hi tu

design nge a nih a, eng tik

atangin nge khawvelah hian a lo

pian ve tih chiang takin ka sawi

thei lo. Mahse, BCM in kan

hman tanna chu 1983 atang

khan niin ka hria. A pian leh

murna chu BMS London zu ni

teh daih a! Tichuan BMS

Emblem-a Ribbon kuala Baptist


Missionary Society tih chu

Baptist Church of Mizoram tia

thlakin BCM hian zuk hmang ve

ta ngawt a!!. Mi Emblem lo tawm

ve ngawt a fel lovin ka hria a,

Computer Age ah kan awm a,

Internet kan ti, khawvel a zim tulh

tulh a, an rawn hriat hunah a

zahthlak awm ka lo ti rilru reng thin

a. Flag ka duan rual hian Emblem

hi khawih tel law law thaa ka hriat

a vangin Emblem kan hman ve tan

tirh lai a, kan GS ka han rawn a,

“Enga ti nge he Emblem hi kan

hman ve mai, a dang ka duang

dawn” Ka han ti leh tawp mai a,

eng emaw tiin BMS hian hman

deuh lawk atang khan an hman

dawn tawh loh thu min lo hrilh a,

mi ta \hing ring mah ni ila tlem

chuan ka rilru a dam ta deuh.

T.K.P. Logo /Emblem: Sawi

kai law law ila, eng tik atang khan

nge he logo mawi tak design

changkang tak hi kan neih ka

hre lo va, mahse a rei tawh fu

ang. 1972 vel kha chuan T.K.P.

memberte hian batch-ah te

siamin inkhawmnaah an tar fer

fur thin. Eng tik atang khan nge

T hi kan thlak ka hre lo va,

T.K.P. Emblem R.Lalawmpuia’n

chi thum a rawn tarlante zinga

mi No-1 hi a Original tluk teuh

ber a ni e. Hei hi hmang thin

ang u. Emblem colour hi

zawhna a awm avangin heti hian

han chhang dawn ila, T.K.P.

designation plate kan tarna hi a

la rei lova 1989 vel mai kha a

ni. Khawi atanga rawn irh

chhuak nge tih pawh hi tam tak

chuan kan hre kher lo vang.

Mahse, tunah chuan sawi rih lo

mai ila, eng emaw chen inang

lo nuaiin kan han tar a, MTKP

atangin fel tawk lovin an hria a

ni ang, hetih laia an hruaitu Asst

Secretary Upa.C. Lalhma-

ngaihzuala a rawn leng a,

T.K.P. designation plate

Mizoram in kan hman tur duang

tura min rawn ngen angin, ka

duang ta a ni. A size 14x7 inch

Letter 1 inch Capital Letter,

Emblem 2 inch diameter.

Emblem hi a sen a ziak tur a ni.

Letter hi a vara ziak tur a ni. An

flag colour neih dan hi tuna tan

sawi vek sen a ni lo va, mahse

flag a thil ziah hi kan ching viau

mai a, a chunga thil ziahna atan

chuan flag rawng hi duhthu a

sam lo viau mai. A duannaah

hian tel ila chuan he rawng hi kan

hman ka ring lo.


R. Lalawmpuia sawi hi a dik

khawp mai. T.K.P. Colour hi

chu a lài a ni. Thlâk a thian lohna

a awm lo. Committee thu thu a

ni mai. Mite pawhin an lo thlâk

ve tho mai. Eg. Mizote pawhin

kan hriat lar êm êm Addidas-te,

YY-YONEX te pawh hian an

LOGO -te hi 1995 khan an thlak

daih asin. Hengahte hian LOGO

tih hi an hmang thin. Company

Sign tawngkam atan an hmang

deuh ber.

B.K.H.P. Emblem: Sawi zel law

law teh ang. An flag chungchang

sawi hmasa ila: A colour chi hnih

a paivat zawnga colour opposite

an hmang tlat mai hi kei ni tan

hriatthiam chi a ni lo, kan sawi ang

khan flag ah hian thuziak kan uar

si a, BKHP flag-a thil ziah hi chu a

rem lo khawp mai. eg: Forest Dept

colour hi a paivata then tho a ni a,

mahse mithiamte design a ni tih a

lanna kan sawi ang a, chuta tang

chuan BKHP flag dinhmun chu

kan hrethiam mai ang. Forest

colour hi dark colour ve ve, a sen

leh a hring a ni a, a chungah hian

rawng chi khat fiah takin a ziak

theih tho a ni. BKHP flag hi chu a

theih ve loh.

An Emblem hi a duh

apiang tan design theih, an

thlan chu lawmman Rs 1,000/

- pek an ni ang tih thu an

chhuah a ni awm e, ka tel ve

lem lo va. Mahse an hruaitu

pakhatin ti ve hram tura min

ngen avangin ka design ve a,

an lo thlang ta nghe nghe a,

tuna an hman lai hi a ni.

Lawmman pawh ka dawr

bula mi, mi pakhat an rawn

thawn a, “Thehluh hun tiam a

ral tawh si a, Rs 100 hi kan

pe mai ang,”an ti a. Rs 100

chu ka dawng ve!!

B.M.P. sawi law law ang:

An flag mawlh mai hi, enga ti

nge, BCM pumpui atana kan

colour blue,white, red, a letling

zawng chiah a, an hman ve

ngawt mai dan hi ka hrethiam

chiah lo. An Emblem chi hnih

rawn tarlan zinga mi pakhatna

hi BMP Unit pakhat

chanchinbu, Sakuh hmanga

Stencil cut hun lai a kan ziah

kha a ni ngei mai. Hei hi engtia

BMP hian Official taka a hman

tak nge ka hre tawh lo a ni.

Flag erawh hi chu ngaihtuah

that leh a tul hle in ka hria.


K.N.P. Flag leh Logo: Sawi

vek law law mai teh ang, an flag

colour hi an pâwl nen pawh a

inhmeh vit vet viau tak na a, hei

aia awmze ril deuh nei a, duan

chhuah a tha viau mai, Emblem

pawh hi a ARTS quality a sang

fahran lo va, mit a tikham deuh.

Awle, kan FOD thenkhat

flag ah an Emblem a chuang ve

lo hi mak ka ti deuh va, BCM

Emblem a chuang thung a. Hei

hian Kohhran hnuaiah an intulut

a ni tih a entir tiin an hrilhfiah niin

ka hria a, hei hian a intuk luhna

leh tuk luh lohna a phawk zo

chiah lovin ka hria. Heng FOD

te hi an Flag ah BCM Logo a

chuang emaw chuang lo emaw

Kohhran hnuaiah awm an ni tih

hi thil chiang sa a ni. Mahni Flag

a mahni Emblem chuang ve lo

pawl dang awm ve tak ang

maw? A dangdai ve reng reng

kan ti a nih chuan thuhran nise.

Mahse, KNP Flag ah hian BCM

Emblem chuang lovin an mahni

Emblem a chuang ve leh lawi si.

Kohhran hnuaiah an intulut ve lo

em ni? Kohhran pakhat hnuaia

FOD theuh theuh inan tlan awm

tak !!

Awle, eng pawh nise eng

pawl pawh ding ila, tum mumal

leh din chhan a nei ang bawk

hian pawl chhinchhiahna Emblem

leh colour a neih ve ngei ngei

tunlai khawvelah phei chuan a

ngai a ni. Hengte hi kan design

dawn a nih pawhin ngaihtuahna

hman zau a tha hle, pawl nena

inhmeh, Motto nena inmil thlan

thiam a tha. Tin, colour kan thlan

pawhin chiang taka ziak a tha, a

sen, a pawl, a hring etc... tih

ngawt hi a tawk lo va, a senah, a

pawlah etc ringawt pawh hian chi

tam tak a awm avangin rualkhai

taka kan hman tlan theih nan a

tul a ni. Chuti lo zawng kan kehme

tih theuh theuh a inan loh hian a

buaithlak thin. Pawl pakhat ve

lem tih deuh zeng zung, inang lo

zeng zung a kan kal chuan kan

pawl nihna leh zia kan tarlang a

ni tih kan hriat a tha.

(A ziaktu: Pu LT. Zohranga

hi Lunglei Ramthar veng,

Zion Kohhrana Rawngbawltu

a ni a, lemziak lam ti mi a ni.

Hetianga kan BCM Flag leh

Logo chungchang a

ngaihtuah peih ten an rawn

ziak hi a lawmawm hle.)


TUN HNAI KHAWVEL

Missionary thar Pali: Mission

Deparment chuan tun hnai khan

Missionary tur mi 4 a la thar leh

ta. Chungte chu- (1) Nl.

Lalchhandami d/o Vanruma

(L) Electric veng, Lunglei –

Mount Olive School, Menda-

vari. (2) Nl. Zohmingthangi

Khiangte d/o K. Lalropuia,

Sethlun- Yakhili Academy,

Tripura. (3) V.L. Buatsaiha s/

o V. Rozamlova(L), Ramthar,

Lunglei- South Africa. (4)

Rodingliana s/o Lalnuntluanga,

Mission veng, Aizawl- Nepal.

Heng Missionary lak thar zingah

hian Nl. Zohmingthangi hi nikum

lama tirhchhuah tawh a ni a;

Rodingliana leh VL. Buatsaiha

te hi an chhuah hun tur a la chian

loh avangin tirhchhuah an la ni lo

va; Nl. Lalchhandami hi kal nghal

tur anih avangin August 16,

2009(Pathianni) khan Lunglei

Zotlang Biak inah Rev. F.

Sangvela’n Pathian leh BCM

aiawhin a tirchhuak a; he

chanchin i chhiar lai hi chuan a

thawhna hmun tur Birpara a

thlen tawh beisei a ni.

Appinoment Thar: BCM

Education Department chuan tun

hnai khan Lecturer pathum a la

thar a. Chungte chu BHSS-a

thawk turin Miss Lalrampari d/

o Kaptluangi Durtlang,

Commerce Department leh Tv.

Tlantununga s/o Pu C.

Chawngthuama Rahsiveng,

Mizo Department-a thawk tur

leh HATIM-a thawk turin Miss

Lalmuankimi Hauhnar d/o

Lalsangliana Chanmari West,

Aizawl te an ni. Lalrampari hian

June 16, 2009 khan a hna hi a

zawm tawh a, Lalmuankimi hian

August 16, 2009 khan a zawm

a; Tlantununga hian September

1, 2009 hian a zawm ve ang.

HATIM Result tha hle: BCM

College, Higher & Technical

Institute of Mizoram (HATIM)

chuan kumin hian result tha tak

a nei a, a lawmawm hle. Tun

hnaia Mizoram University in

BCA result a tih chhuahah BCA

2nd Semester leh 4th Semester

exam 17 te an passed vek a; an

zinga 5 te chu Distinction an ni

a; 12 te chu First Division an ni.


Ringthar 2500 leh Kohhran

17: Kumin January- August,

2009 chhung khan kan BCM

Mission Field hrang hrangah

ringthar Baptisma chang 2500 vel

an awm tawh a. Kohhran thar 17

leh Fellowship 7 lai a ding thar

tawh bawk. Arunachal Pradesh

East Field-a Ruskin leh Namsai

Kohhrante chuan August thla

tawp lam khan Salvation camping

an buatsaih. Ramchhung Mission

lamah pawh Marpara-a Chakma

zingah harhna thleng chu a la kal

zel a; heng Chakma te hi an

hnampui hmun danga awmte

hnenah rawngbawlin an kal

bawk.

BKHP te chawngheiin an

tawngtai: Mizoram BKHP te

chu August 14, 2009 khan India

rama Kristian tihduhdah tuartute

tan chawngheiin an tawngtai.

BKHP te chuan zing dar 7

atanga tanin Unit tinin

Headquarters atanga prog-

ramme siam zulzuiin hun an

hmang a. Chawngheite chuan an

ei ai keng khawmin chung

thawhlawm tling khawm chu

India rama Kristian tihduhdah

tuartute tan an hmang dawn a ni.

Beirual: Mizoram Baptist

Kohhran chuan kum dang ang

bawkin September thla

chawhma lam hian Beirual

Thuzir hun an hmang mek a; thla

chawhnu lam chu Tualchhung

Kohhran tinin anmahni remchan

ang zia zelin Home Crusade leh

Camping te buatsaihin hun hman

a ni. Kumin Beirual Thuzir thupui

chu ‘Thilpek Rawngbawlna’

a ni a, Rev. H. Sangchema ziak

a ni.

BCM Guest House Rate

thar: BCM Administrative

Committee chuan hmun hrang

hranga BCM Guest House thlen

man a bithliah thar a. Chu chu

August 1, 2009 atang khan

hman tan a ni. he tiangin-

Bawngkawn

Dormitory - Rs. 80

Room pangngai - Rs.120

VIP Room - Rs.150

Shillong

Dormitory - Rs.100

Room pangngai- Rs.200

VIP Room -Rs.300

Guwahati

Dormitory Rs.100

Room pangngai Rs.200

VIP Room Rs.500


KUM 50 CHHUNGA MIZO

CHHUNGKAW KHAWSAK DAN- Rev. Dr. H. S. Luaia

(Kan Pu Luaia hian tun thla hian kum 101-na a bat liam ta.

Lalpan a nunna kan hmuh theiha min la ven sak hi kan va

lawm em. He a thuziak hlu tak hi Kohhran Beng pian hma,

Robawm, January,1944-a mi a ni a. Chu chu tuna New

Serchhipa awm, Pu J. Thangvela chuan ama kut ngeia ziak

chhawngin min rawn thawn nawlh mai a; a hlu kan ti. Kan

lawm e.-Editor)

Mizoramah Chanchin Tha alo

luhna hi kum sawmnga alo ni

dawn ta a. Chumi chhunga

Chanchin Tha in Mizo chhung-

kaw khawsak a tihdanglam dan

chu hetiang hian hmun nga-in then

theih a ni.

1. Pa - Chanchin Tha lo luh

hmaa Mizo pa awm dan chu tun

lai nen chuan a dang ta hle mai.

(a) Nupui velh- Hmanlaiin nupui

vel ngai lo mi chu nupui ngam lo

tiin an rel thin. (b) Tin, nupui velh

hi avang ber pakhat chu zu a ni

ber. Zu hi an in nasa lutuk a,

thlawhhma lam thlengin an sawt loh

phaha, pa leh pa meuh pawh a

insualtir thin a ni. (c) An leng tam

lutuk, mahni in lo ching lovin vaibel

zuin mi inah leh zawlbukah an awm

khawm a, chumi hlanin inlamah an

nupui te chu nau nen harsa takin

inlam rawng an bawl thin. Tunah

chuan heng hi a lo reh sawt ta

hle a ni. Nupui vel duh pawh an

awm ta meuh lo ve, zu erawh chu

mi thenkhatin an la ching a ni.

2. Nu- Mizo nu hi an rethei

hle a ni. An hah lutuka, pasalte

duat an hlawh lo va, an pasalten

hlim taka zu an chhim laiin in

lamah theihtawpin an lo buaia. An

pasalte an rawn hawnga an rawn

vuaa, hlau reng rengin an awm

thin. Nau nei sela, an that hmain

hna an thawk a, an fate an sen

laiin nilengin an feh sana, hlamzuih

pawh an tam bik a ni. Tunah

chuan hman ai chuan nasa takin

heng kawngah hian hma kan lo

sawn ta a ni. Nu thenkhat phei

chu lehkhathiam bengvar tak tak


te pawh an lo awm ta a, nau

enkawl dan te pawh an lo thiam

ta deuhva, Chanchin Tha chuan

thlarau chauh nilovin Mizo nausen

tam tak alo chhandam ta anih hi.

3.Tlangval- Hmanlai tlangval

chuan mahni inah chaw an ei hman

chauh a ni. Nula rimin an leng bo

thuai thin a. An nu leh pa chu an

kawm ngeih hauh lo va, an inah

chuan tawng pawh an tawng tlem

em em a ni. Mi inah emaw

zawlbukah emaw an riak bo daiha,

an in aiin mi inah an cheng tam zawk.

Hei hi tun thlengin thenkhat chuan

an la ching a ni. Mi thenkhat erawh

chu mahni inah riakin an chhungte

nen hlimtakin an inkawm a, an nute

leh an farnute buai lutuk chu an

tanpui ta zawk a ni.

4. Nula- Nula hi inah an tawm

tlat thung a. Nula leng lam chu an

rel thin. Mi ninhlei lo mi nih hi

nungchang thatnaah an ngaia an nu

leh pate chuan an khuahkhirh nasa

hle a ni. Kawr tawite dul pawh chin

lo hi an haa, thenkhatte chuan puan

an bih mai a, kawr pawh ha lovin

an awm mai a ni. Chanchin Tha

Mizorama alo lut hi nula tan hian a

vanneihthlak bik ange tih awl a ni.

An zalenna ati zauva, fai tak leh

mawi takin an inchei thei a, mipa

angin lehkhate an zira an inchhung

lam pawh hmanlai ai chuan alo muk

ta a, puan tial mawi te pawh an lo

thiam lehzual ta.

5. Naupang- Naupang thu hi

ka uar duh bik a ni. Nu leh pa

enkawl an hlawh lo. Sikul awm

hmain Mizo naupang chu dai vah

leh infiam mai mai lo chu nu leh pain

engmah an zirtir lo tih tur a ni. Bal

tak tak hlir an ni, Pu Buanga chuan,

“Mizorama kan lo kal tirh chuan

naupang chu vawkte ang mai an

ni,” atih ka la hre reng a ni.

Nausente lek phei chu an

khawngaihthlak zual a ni. An pian

veleh an nu leh pa ten artui

chhungmu hmin tak maia chhum an

han barha chaw an fah nghal thin.

Nu leh pain an fate an enkawlna

ber chu thawi hi a ni. Kei pawh ka

naupan laiin uiin min thawi a, a thi

min hnawih thluah tih ka la hria.

Chanchin Tha hian kum 50

chhungin chhungkaw nun dan a va

tidanglam em! Sapin Home an tih

ang deuh a lo ni ve ta. Kan ei bel

leh khum te pawh a lo fai ta deuhva,

kan in vel te pawh a lo thianghlim

ta deuhva, chhungkua pawh kan

lo hlim tlang ta a ni. Chanchin Tha

chu ka zahpui si lo va…Pathian

thiltihtheihna a ni si a.”


PIAN PUN LEH MISSION HNAPachuau Lalringa Ph.D.

Fanaute hi Lalpa laka kan rochan an ni.-Bible

Lal Isuan naupangte a lawm hle. Chanchin Tha ziaktu pathum

te’n, chu chu an ziak a ni. (Mathaia 19:13, Marka 10:13, Luka

18:15). An tam em mai, a buaithlak, ram retheihna a ni ti lamin a

tawng ngai lo. Nawmsak kan duh avanga fa tihtlem kan duh lai

hian, Lal Isua chuan ei tur te leh silhfen lamte ai chuan NUNNA a

thupui zawk, a ti a ni. (Luka 12:23). Chuvangin Kristiante hian

eng dang zawng aiin nunna hi kan dah pawimawh fo tur a ni.

Naupang tihtlem duh lam rilru hi a Herodic a, lungngaihna lam a

kawk bawk. (Mathaia 2:16-17, Jeremia 31:15).

Kristian ten fa kan neih tam

hian, naupang zirtirna tha dawng

tur an tam nge nge in a lang a.

Tin, Mizoram evangelist hmasa

chhuanawm tak, Pu Lalkheran

‘Lam an tam chuan that tum an

tam nge nge ngai’ a ti e, an tih

angin, Kristian chhungkua atang

a, piang kan tam chuan, Kristian

lo chhungkua atanga piang an

tam ai chuan, chhandam tur

pawh an tam nge nge deuh ang.

“Ka Pa inah awmna tam tak a

awm a” kan Lal Isuan a ti a, mi

tam zawk hruai lut hram turin min

ti a. (Johana 14:2,Luka 14:23).

Thahnem i ngai hram hram teh

ang u. A bik takin Nute u, Lalpa

chakna rinchhanin, retheihpui

thin in, in tan huphurhawm hle

mahse, ti hram hram zel teh u.

Vanah pawh lawmman a awm

ngeiin a rinawm. Missionary a

kal thei lo tan pawh Van rama

pahnih khat chauh fate luhpui ai

chuan, tam deuh luhpui theihna

kawng a in hawng a ni. Diktakin

Muslim te leh Hindu te zinga

Chanchin Tha hril ai chuan

mahni fate hnena hrilh chu a awl

daih in a sawt zawk em em a ni.

Hetih lai hian, Setana chuan

“fa nei tam ten Vanram an luhpui

tam chuang lo’ng e” a tih khum

bal bal ngei ang che le. “Nakin

Van ram ai chuan tuna kan nun

kal mek hi a pawimawh zawk


a. Tunah hian nuam phawt mai

ila, nakin zawng a chiang lo em

mai” tiin i rinna tih phet sak che

pawh a tum thin ang.

Tunah hian, kan ramah sualna

leh nunrawnna te a tam ta hle a.

Keimahni, Kristian ram hlang

kan nih laia, Kristian nu leh pa

ten fa kan neih diah diah lai ai

khan, tun a ram dang atanga

Kristian inzirtirna dawng ve lem

lo, puitling sa kan rama an lo lut

ruih ruih anga hriat hnu hian,

sualna leh bawhchhiatna te hi a

pung zualin a lang.

Kan hriat atana tha thil pakhat

chu: fa chu, nupa inkar ngeiah

piang in seilian hram se, duhthusam

a ni e. Tlin a in inhriat ngang loh

chuan, tlemte tal pawh nei ang che

u. Pathian duh zawng a ni tho ve.

Khawvel ram tam tak hi

Kristian missionary te lakah an

thik thu a chhe ta hle a. Pawh

hleih theih loh tluk an ni ta.

Kristian ten fa kan neih tam

hian, ram thim ram thar hna nasa

taka thawk ang kan niin a lang.

Chuvang chuan, khaikhin thil thu

tak pawhin, ram chhung a kan

inenkawlna lam pawisa hman hi

puntir deuh ila, mission hna tho,

Pathian duh zawng niin a lang.

Mizo thlarau, a hlut loh bikna tur a

awm lo. Chhiarpui hnuhnung ber

2001 khan kan ramah mihring

891,058 kan awm a. Tah chuan

chhungkua nuai hnih zet awm turah

indah ila; chuta tang chuan nupa

fa nei thei sing li nga chauh pawh

awm ni ila, chumi ten, fa, kan kal

phung pangngai aia pakhat a an

neih tam pawhin sing tel a ni dawn

a; kum tina ram pawn a thlarau

chhandama kan insawi zat let fe

kan piang dawn a. Chung chu

Zoram chhung a Kristian te

Chanchin Tha len chhung ah an

awm tihna a ni a, chung chu mi

ram fa, Krista hnena hruai kan tum

let fe an niin, awlsam zawk fe in

mahni tap lumah Chanchin Tha

kan hrilh thei dawn a ni. Nge,

sakhaw dang betute ramah kan

ram sum a vaibelchhe tel

khawhralin, an ni piang pung zel

in, harsa takin Chanchin Thain kan

umzui zel dawn?

Kohhranah nau neih tam

lawmman tlemte inpe mai lo hian,

chhungkaw inenkawlna

development lam atana sum,

kan ram chhunga hman tam hi a


tha thlawtin a lang. Direct a,

kohhran in retheite a

chhawmdawlna bakah, kan

sawrkar tha tak hnenah pawh

hian, development, awmze neia

thawh nan, sum pe thin bawk se.

Sawrkar pawhin fa tam zawk

neih lam policy hi a thlawp sam

ngei ang.

Dik takin, ram thim ram thara

kan thawhna hmun a, rethei te te

te hi, an sawrkarin ram pawn

atanga puihna hmuh belh zel nan

an develop tha duh lo ni te pawhin

a lang thei a. A nihna takah chuan,

Zoram, central chawmhlawm mai

mai ai a, state hausa te an ni zawk

a. Pathian thu hril nan a,

development hna atana pawisa

kan va inseng ung ung phei hi chu,

kan hnung lam atangin min nuih var

var chuan ka ring tel thin.

Keini ram rethei atanga

missionary feh chhuak te hi

chuan, demonstration lam ni

lovin, Chanchin Tha puang tur a

a ram mite zirtir hi buaipui ngar

ngar ila, ram hausa te nena

partnership a kan thawk anih

erawh chuan, kan partner te’n

an tlin anih phawt chuan

development hna pawh

demonstration atan va hmang

ila a tha tho e.

Tin, mi ram a, ram leh biak in

ilo va lei sak a, sak sak phei hi chu

kawng tam takin a tha lo tih ka

hre ve. Thawk ve nual tawh ka

nih avangin. Ram thar, ram thim

tan a in leh lo lei emaw sak sak

thin emaw that lohna, history leh

tawnhriatin min hrilh nual -

- Kohhran kan din chu a

sawngnawi duh.

- Tichuan missionary te an

hnenah awm reng a ngai duh.

− Hun rei hnuah kohhran ro

sum inchuh buaina a awm thin.

- Kan thawhna ten neitu chan

an chang mawh.

− Pathian thu awih duh si lo,

hamthatna um member an pung

thei.

− Sum hman dik loh leh thil

bo a tam phah duh.

Missionary chuan training

kan pe anga, mahni a ding thei

hi siam thuai thuai a, a ram mi te

an mahni hma hruai tir thuai thuai


hi kan tih dan tur a ni. Lal Isua

mission hna pui ber pakhat

pawh, a zirtirte train puitlin a nih

kha. Pathian rinchhanin, keini

pawhin kan thawhna hnam

tawng kan hman thiam atanga

kum thum chhung te hi chuan,

khawvel awm chhunga hlawk

taka an mahni hnam zinga thu hril

tur hi chher chhuak hman zel tur

niin kan lang. Kan Lal tih dan a

ni si a. Hetianga kan tih hi chuan

kan ramah retheite, fa an neih

tam ve deuh pawh a,

chawikanna tur sum kan save

sak teuh thei ngei ang. Pathian

ram puntirna hna kan thawhna

ah hian Thlarau thianghlim

hruaina a thil ruahman thiam hi a

tul hle a ni.

Fa neih tam huphurh awmna

chhan te:

• Pathian rin tawk a har.

• A retheih thlak viau a ni.

• Nau chhanah nu thih theih a

ni. Neih tam chuan thih theihna

chance a tam zual mai thei.

• Fa te tipuitling turin thawh-

rim a ngai. Tuar chhel a ngai bawk.

• Nupain nawmchen hleih

theih a ni lo ang.

Heti ang a nih avang hian, fa

neih tam hi Pathian rawngbawlna

khirhkhan tak, Pathian ring

chunga, Pathian hnen atanga

lawmman beisei chung a tih

hram hram chi a ni. Mizote hian

harsatna leh tuar theihna te avang

khian he rawngbawlna ropui hi

kan tlawm san mai dawn em ni?

(A ziaktu: Upa Pachuau Lalringa

hi kum rei tak Nepal rama

missionary, partnership hnuaia

thawk a ni a; tunah hian a chawl

tawh a, Aizawlah an awm)

Kum 64 lawmna pualin awOctober thla hi Kohhran Beng 64th. Anniversary a ni a;Special Issue tihchhuah tum a ni. Special Issue-a mitur thuchah emaw, thuziak emaw, duhsakna tawngkamemaw, i neih chuan September 15, 2009 thleng kan longaichang ang che.

Hei hi i chanchinbu a nih hi.


Evangelist Huang-I(Khai le, tun thla atang hian kan Evangelist team te a inchhâwkin hun kan

pe dawn. An team chanchin tlangpui bakah an team thupui sermon pakhat

zel kan tichhuak thin ang. A bul tan nan zai leh sawi thiam kawp Upa T.

Lalengzauva team hi le.)

REVIVAL TEAM

Revival Team hi BCM Recognised Evangelist team 42 zinga a

upa ber pawl a ni awm e. Kum 1989 khan bul an tan a. Team

Speaker chu Upa T. Lalêngzauva a ni a, Director chu Pu L.T.

Zohranga a ni. Speaker hi Lunglei Farm vengah chhungkuain an

awm a; Chanmari Vengthlang Kohhranah an lawi.

Upa T. Lalengzauva hian an khua Leite-a an awm lai 1974

daih tawh khan sual inhriatna leh piantharna a chang a. A hnu rei

vak lo atangin rawngbawla chhuah chakna neiin thlarau bo veinain

a thinlung chhung chu tihkhahin a awm a. Pathian hnena tawngtaiin

daiah te chhuakin thilsiam zawng zawng hnenah Lal Isua Chanchin

Tha hi thuin a hrilh thin a. Kum 1976 kum tawp lamah chuan khatih

hun laia Pathian thuhriltu lar tak Pu F. Laltuaia teamah lut vein kum

3 chhung a zui ve a. Chu team atang chuan Kraws fate Group

dinin zaia rawngbawlna a nei tan a. Kohhran ho sawmna apiangah

a kal kual thin a. Kum 1989-ah Thingfal Kohhranin Camping

speaker atan an sawm a; chuta tang chuan tun thlengin team hran

neiin an indang ta a ni. Kum 20 chuang lai Pathian thuhrila chhim

leh hmar an hrut kual vel tawh avang hian Kohhran 100 chuang

fe-ah rawngbawlna an nei tawh.

Upa T. Lalengzauva hi rampum huapa Pathian mi hman

rawngbawltu a ni chungin Tualchhungah pawh a kul a tai berah a

tang a. Chu bakah Makedonia rawngbawlna leh Mizoram Media

Evangelical Ministry (MMEM)-ah Vice President a ni mek. Re-

vival team puala hun kan hman mek lai hian an team thupui, “Ka

Thlarau zawkin le” thu ziak turin kan sawm a, a rawn tihlawhtling

hi kan lawm hle. Chu chu hei hi a ni e.....


KA THLARAU ZAWKIN LE- Upa T. Lalengzauva

“Chakna ni lovin, thiltihtheihna ni hek lovin, ka Thlarau

zawkin le” (Zak.4:6)

Pathian khawngaihna leh

duhsakna changa Kohhran

Benga kan team (Revival

Team) thupui ‘Ka Thlarau

zawkin le’ tih thupui hmanga

sermon ziahna hun remchang

min siam saktu kan Pathian leh

Kohhran Beng Editor hnenah

lawmthu ka sawi a. Kum

1989-a Revival team a lo din

khan Lalpa hnena thupui ka dil

min pek a ni a. A pawi-

mawhna angin ka sawifiah

thiam lo vang tih ka hlauvin ka

insit hle.

Thlarau Thianghlim chu

tunge? A tawi zawngin sawi ta

ila, ‘Thlarau Thianghlim chu

Pathian a ni’. Pathian pakhata

mi nung pathum-Pa, Fapa leh

Thlarau Thianghlim. Pa Pathian

a ni a, Fapa Pathian a ni a,

Thlarau Thianghlim pawh

Pathian a ni.Thuhriltu ropui Billy

Graham chuan an pawimawhna

hetiang hian a sawi: “Pa chu

malsawmna tinreng bul a ni a,

Fapa chu malsawmna tinreng

pekna kalkawng a ni a, Thlarau

Thianghlimin nunga min zirtirna

zarah chu chu kan lo dawng a

ni,”a ti a, a dik hle a ni.

Thlarau Thianghlim pawi-

mawhna: Lal Isuan a ngaipawi-

mawh hle a, a zirtirte hnenah,

“Jerusalem khua kalsan suh u,

Pa thilsiam ka sawi inhriat

(Thlarau Thianghlim) kha lo

nghak rawh u,” a ti tlat (TT.1:4).

Thlarau Thianghlim tel lovin

misual chhandam ngai kan nih leh

chhandam tawh kan ni tih hi a

hriat theih loh a ni (Joh.16:8).

Thlarau Thianghlim tel lovin

tuman Isua hi Lalpa a ni an ti thei

lo (I Kor.12:3). A awmzia chu

Thlarau Thianghlim tel lovin a

pianthar theih loh tihna a ni. Tin,

Thlarau Thianghlim chuan

Pathian thu min hriatthiamtir a, a

tinung a, Pathian thuril pawh min

hriatthiam tir thin (IIKor.2:10).

Thlarau Thianghlim chuan min ti

huaisenin, min thlamuan a,


hlauhna lakah min chhandam a,

thiltihtheihna leh chakna min pe

a ni. Thuthlung Hlui huna

Pathianin a mi hmante- Gideona,

Jeptha, Samson leh Davida etc.

ten hnehna an chan dawn khan

‘Lalpa thlarau chu a chungah a

lo thleng a’ tih a ni zel. Pathian

thlarau tanpuina zara hnehna

chang theih chauh an ni.

Thlarau tel lo rawngbawlna:

Thlarau chakna leh thiltihtheihna

hmanga hmelmate hneh thintu,

Pathian leh a mi Israelte tana mi

ropui tak Samsona chuan Lalpa

tana serhhran a nihna leh a

chakna thuruk chu Philistia nula

Delili hnenah a puang a. Lalpa

thlarauvin a chhuahsan a, a

chakna a bo zo ta. Hmelma kuta

awmin tihduhdahna leh

hmuhsitna tinreng nen nuihza

siam nan an hmang ta mai a.

Ama chakna leh theihnain

hmelma a bei a, mahse engmah

a sawt ta lo, Lalpan a kalsan

tawh tih reng a hre lo.

Unau duhtak, Samsona ang

maiin Lalpa thlarau chhuahsan

tawh ni chung si hian thahnemngai

takin rawng kan lo bawl reng ang

e. Khawvel Delili hnenah kan

chakna thuruk kan lo hralh reng lo

maw? Sawt tawh lo rawng-

bawlnaah hian kan lo phili buai hle

ang e. Hmana Pathian Thlarau zara

hmanraw tangkai tak ni si, tunah

hian khawvel nawm chenna, sum

leh pai leh a kaihhnawih thil dangah

te hian kan lo tluksan tawh reng lo

maw? Mihring mit hmuha

mualpho si lo hian chhungril lamah

Pathian nen inzawmna kan lo nei

tawh lo reng palh ang e;

inngaihtuah chiang teh ang u.

Ka Thlarau zawkin le

Tun lai khawvela hmelma pa

Setana leh a tirhkohten hmanraw

chi hrang hrang hmanga min beih

lai hian kan zam mai dawn em ni?

Zam mai love, Lalpa hmingin

hnehna puanzar kan zar ngei ang.

Amaherawhchu zawlnei Zakaria

hnena thusawitu Lalpa Pathianin

ral beihna turin ‘Ka Thlarau

zawkin le’ a tih hi kan hmang

thiam tur a ni. Khawvel finna, zir

sanna, sum leh pai leh ropuina

chhuanga ral bei kan nih chuan

hnehna kan chang lo vang. Kan

buante hi tisa leh thisen an ni si lo.

Hnehna chu kan rin Lalpa Pathian

ta a ni a, Pathian thlarau chakna


hmanga kan beih chuan kan hneh

ngei ang. Sual Setanan a phuar

mek kawtthlera kan lungduh chau

let rengte hi thlir teh, tanpui an

ngai, an boral mek. An boral

zawh hmain Pathian chakna

ringin hnehna i puang ve ang u.

Isua zirtir(Apostol) te pawh

thlarauva thuam an nih hma

chuan an inhnial a, ropui an inchuh

a, hmeichhe hmaah Isua an phat

a, ral hmaah an tlanchhia a nih

kha. Mahse Penticost nia

Thlarau Thianghlim an chan hnu

chuan Krista thuhretu huaisen

niin hnehna an chang ta. Lalpa

hming avangin an nun chu

thlakhlelh tlakah an ngai lo a ni.

Anmahni hmangin Pathianin

Kohhran ropui tak a din a, an

pung zel a, vawiin thleng khawvel

puma Kohhran a lo din theihna

pawh hi a ni. ‘Ka thlarau zawkin

le’ tih hian engkim a sithlu thei a

ni hrim mai. Khawvel ropuina leh

chakna hi kan dah ropui zawk

ang tih ava hlauhawm em!

Engtin nge Thlarau Thiang-

hlim thuamna chu kan chan

ang? Pathian thu chuan,

“Thlarau Thianghlim, Pathianin

a thu zawm apiangte hnenah a

pe thin,” a ti a (T.T.5:32).

Thlarau Thianghlim leh Pathian

thu hi lakhran theih loh inkawp

tlat a ni. Chuvangin Pathian

thuhnuaiah intulutin Thlarau

Thianghlim thuamna chang thei

turin i inngaitlawm ang u. Sam

ziaktu chuan, “I thu ang zelin

min tiharh ang che,” a ti a. Mari

pawhin, “Ngaiteh, Lalpa

bawihnu ka ni, i thu ang zelin

ka chungah thleng rawh se,” a

ti bawk. Thlarau Thianghlim

pawlna changin a hlauhna leh a

rinhlelhna zawng zawng a kiang

a. Thlamuanna leh hlimnain a

khat a, khawvel chhandamtu

chu paiin, “Ka nun hian Lalpa

a chawimawi e, ka Thlarau

pawh min chhandamtu Pathian

chungah a lawm ta em em a,”

a ti a nih kha. Kan Lal Isua

pawh, Pathian Fapa meuh ni

mahse a thil tuarah chuan

thuawih a zir ta a. Thlarau

Thianghlimin a chenchilh thu

kan hmu- “Riangvaite hnenah

Chanchin Tha hril tura mi ruat

avangin Lalpa Thlarau chu ka

chungah a awm,” a ti. Thlarau

Thianghlim zara hnehna chang

tur leh Lalpa rawngbawla

sawt zawka kan thawh theih


nan Pathian thu ang zela

rawngbawl turin Pathian

hnenah i inpe ang u.

Thlarau lamah thahnem i ngai

ang u: Lalpa zawlnei ropui Elija

chu a rawngbawl hun a tawp a,

vana hruai chhoha a awm dawnin

a hnungzuitu Elija hnenah, “I hnen

ata lak bova ka awm hma hian

eng nge ka tih sak ang che, mi

dil rawh,” a ti a. Elisa chuan tha-

hnemngai takin ‘a thlarau chan

hnih’ a dil (II Lalte 2:9). An

speaker ber hruai bova a awm

hnu a, hnam luhlul leh sual takte

hnena a rawngbawlna chhun-

zawm tur chuan Thlarau thuamna

nasa tak, a pu Elija chan lêt a

chan a ngai a ni tih a hria a;

thahnem a ngai tak meuh a ni.

Ka unau duhtak te u, hun

hnuhnung, hun tawp dawna

sualna leh thlemna chi hrang

hrang ten min chimna karah hian

Thlarau lamah thahnem kan

ngaih a va tul em. Dinhmun

hrang hrang chelha Pathian

rawng kan bawl meknaah hian

tisa-in nge rawng kan bawl,

thlarauvin? Thlarauva rawng-

bawlna chuan sual hnehna leh

Pathian lawm zawnga rawng-

bawlna a thlen thin. Thlarau

lamah thahnem i ngai ang u.

“Chutichuan i rawngbawl

theih nan,

Thlarau hi kan ngen chiam;

Min pawl, zirtir, min thlamuan

ang;

Vana thlen hma loh chuan.”

Chhiartute Thurâwn kan mamawh eThla leh October, 2009 atang hian Kohhran Beng

kawm kan tidanglam dawn. Thla tin tih danglam

nge kan duh, tih danglam fo loh? Tichuan i ngaih

dan chu he number 9436371385-ah hian rawn

sms la;

Thla tin tih danglam ziah i duh chuan : Yes

Thla tin tih danglam fo i duh loh chuan : No

I sms hian Kohhran Beng hmelhmang a hril

dawn avangin ngai pawimawh la kan duh hle.


Bible Hriatzauna:

BIBLE-A CHAWNGHEI KAN HMUHTE

1. Mosia (Ni 40 leh zan 40)- Israel-te sualna avangin.(Gen. 9)

2. Davida – Saula leh Jonathana sunin (II Sam. 1:12), Abnera

thi sunin (II Samuel 3:35); A fa damlo a dam theih nan (II

Sam 12:16)

3. Elija (Ni 40 leh zan 40) – Jezebili hlauva a tlanchhiatna lamah

(I Lalte 19:7-18)

4. Ahaba (a rei zawng hriat loh) – Pathian hmaah a inngaih-

tlawm avangin (I Lalte 21:27-29)

5. Lal Daria (zan khuain) – Daniela rinna nasa tak avanga a

mangan avangin (Daniela 6:18-24)

6. Daniela (a rei zawng hriat loh) – Jeremia hnena Lalpa thu lo

thleng a hriata Judaho tana ngensakin (Daneiala 9:1-19)

Daniela (Hapta thum /ni 21 chhung) – Inlarna ropui tak a

hmuh avangin (Daniela 10:3-13)

7. Estheri (Ni 3 chhung) – Hamana phiarrukna avanga a mite

an boral loh nan (Estheri 4:13-16)

8. Ezra - Sal chhuakte thil tihsual avangin (Ezra 10: 6-17)

9. Nehemia (Ni eng emaw zat) – Jerusalem kulh a chim avangin.

(Nehemia 1:4-2:10)

10. Ninevi khuaa mite (a rei zawng hriat loh) – Pathian hnena

sual thupha chawiin. (Jona 3)

11. Anni (chhun zan zawmin) – Pathian hnena tih tak zeta a

tawngtaina (Luka 2:37)

12. Lal Isua (Ni 40 leh zan 40)- Diabola thlema awm turin

(Matt. 4:1-11)

13. Johana zirtirte (an nghei fo)- A chhan hriat loh.(Mat.9:14-15)

14. Antiokei khuaa Kohhran hruaitute - Saula leh Barnaba

rawngbawla an chhuah dawnin (T.T. 13:1- 5)

15. Kornelia (Ni 4) – Pathian chhandamna zawngin (T.T.10:30)

16. Paula (Ni 3 chhung) – Damaska khaw daia engin a chhun

thluk tumin (T.T.9:9) Paula (Ni 14 chhung) Tuipuia Lawng

a pil dawn laiin. (T.T. 27:33,34)


BIBLE KA ZIAK CHHUAK VE AUpa Suakthuama

Miten Bible an ziah chhuah thin thute kan hria a. A chhiar chhuah

hi chu vawi li emaw chu ka chhiar chhuak tawh a. A ziah em erawh

chu tum chiah chuan ka ruat lem lo thin. Tum khat chu ziah chhuah

ve ngei duhna ka nei ta a. A ziahna tur Register No.8, zo phek

chhiara phek 120 vel a chhah ka lei a. Ziah zawh hnua thui khawm

theih turin a bu intiat vek ni thei se la, a ziah tanna rin 2-na atang zel

leh a phek hnuai nen thlang ber dawttu thleng chauh zelin, a bu thui

leh tan rual theih ni bawk turin ka ruahman a. March 21, 2004

Sunday tlai dar 4:00Pm ah chiah ka tan ve ta rawih mai a. Kum

sawm chhunga ka ziah zawh hman hram chuan a tha ang ka ti a,

mahse ka han ziah takah chuan ka tui ta viau mai a, ka hun awl

hlekah chuan ka ziak ka ziak ta zel a. Kum 2009-a lo her chhuah

meuh chuan Rom lehkhathawn ka ziak thleng der mai a. Tichuan

hemi kum hian a hma lama ziah zawh theih beiseiin tan ka la leh ta a.

Tichuan June15, 2009 tlai dar 4:00 velah chiah, ka ziah tan hun ang

chiahah ka ziak zo leh ta a ni. Kum 5 leh thla thum leh ni 25-ah chiah

ka ziak zo hman a nih chu. Bible ziak chhuak thei a ka awm chu ka

lawm hle mai a. Ka thawveng huaia, Pathian hruainaa damna ka

changte chu ka lawm a, lawmthu ka sawi bawk a ni.

Tin, ka Bible ziah hi lehlin

hmasa zawk chi kha a ni a, ziah

zawh hunah bu khata thui khawm

ka tum a. Ziak loh bu Register

No.8 ang chi bu 13 ah ka ziak

khat vek a, hawrawp sin lam

hlek renchem deuha ziah a ni.

Hun lo kal zelah kan tu leh fa ten

an la en ve zel theih turin ka ti a.

Bible pangngai ang deuha

ruahman in ka ziak a.A bu mal

hming te, thupui te, bung leh

changte chu pentui senin ka ziak

vek bawk a. Bible thu ziak hi

(khawl ha) a sin avangin ziah sual,

en sual a awm thin a, ka hmuh a

piang chu ka ti tha leh zel thin. Ziah

kim loh te pawh ziah that zel a ni.


Tin, kan Bible hman lai zawng

zawng hi halral vek pawh nise,

copy chhawn tlak theih tura ziah

uluk ka tum a, mahse a harsa.

Atira ka ziah tanna, Genesis bu

phei chu a phek hnuai awlah

hian, thu harsa leh hming awmze

nei chu a hrilhfiahna te ka tarlang

bawk a. Mahse min ti muang-

chang lutuk dawnin ka hria a, ka

chhunzawm ta lo a ni.

Mi thenkhat lo ziak chhuak

tawhte chuan an ziah hun darkar

te nen an chhut thei a, kei chu

chutiangin chhinchhiah theih a ni

lo. A changin ramte ka riah san

leh zauh thin a, Kohhran lamahte

tih tur mawhphurhna a tam a,

vantlang leh pawl neuh neuhah tih

tur a lo awm a. Heng zawngah

hian a awm awl theih bik lo va,

lehkhabu dang chhiar ngai a lo

tam a, a chang chuan chawlhsan

vang vang chang te ka nei ve thin.

Tlai lam te, zing lam te hi ka ziah

hun bik deuh chu a ni a, zan lam

pawh a ni bawk a, men rei phah

nan te ka hmang bawk a. A chang

chuan Bible ziak thei tawka theih

lohna neih te hi ka pawi ti lo thin

khawp mai. Chutianga ka awm

chuan ka ziak kal deuh zawt thin.

Mahse tum khatah chuan rei

tak a ziah theih loh va, a ninawm

chin hi a awm a. Ka chawlhsan

hlek a, ka chhunzawm leh thin a

ni. Tin, Bible han ziah takah chuan

thil harsa tak pakhat chu thuziak

inzawm tur leh zawm loh tur hi a

harsa ka ti hle a. Sikul-ah te chuan

lo zir tawh thin mah ila kan lo

hmang chhunzawm leh em em lo

va, ziah zawm awm tak lo ziah

hran nuai mai te a lo awm thin a.

A chang chuan Bible a thu ziak

te hi siam that tur leh sawisel tur

hi awm ve nual chuan ka hria.

Chung chu tarlang turin hun leh

hmunin a daih rih lo a ni. Ka

hawrawp a mawi em em lo va,

ka rilru a hman hmawh bawk thin

a, ziak duhdah deuh chang ka nei

thin, duh thu a sam lo fo thin.

Awle, sawi tur tam tak chu

awm mahse, ka Bible ziah

atanga hlawkna ka neih hi he

Kohhran Benga ka rawn tarlan

chhan ber chu a ni zawk a, ngun

takin lo chhiar teh.

1. Kan thurin bu Bible bu pum

ziak chhuak thei a, ka awm hi

ropui ka ti a, ka lawm em em a,

“Thil tha tih i ning suh ang u,” tih


hi a takin ka ti veah ka inngai a,

min ti hlim ve tlat a ni.

2. A chhiar a chhiar mai ai chuan

han ziah ngei mai chuan a lo fiahin

a chiang kalh zel mai a, chhiar

liam mai thin ai chuan a chiang

hle a, hriat fiah deuh lai a awm

thluah mai a ni.

3. Pathian thu zirna ni nghal hian

ka hria a, thumal harsa hriatthiam

mai lem loh te a lo awm a, tin, a

thuin a tum te hriat loh, chhiar

liam mai mai te kha ka zir pah a,

entir nan Joba 39:6 (a) “An chen

nan ram tau” tih ang te leh thil

dang dang te a lo awm a;

chungte chu Bible chi dang,

lehlin thar te, English Bible-te

hrilhfiahna bu te nen ka chhawp

ve nuai thin.

4. Ka hun awl te hi Bible ziah

nan ka hmang zel thin a.

Chuvangin tun kum 5 kal ta

chhung zawng khan hetiang ngat

hian ka hmang thin. Rinna

kawngah ni tin nunah inthlahdah

loh nan ka hman phah a, thian

kawm tam loh nan, len vah mai

mai loh nan, Tv-a film tangkai lo

en mai maina lakah te he ka hun

hi ka hmang tangkai a, ka lawm

em em a ni. Sam 119:97-na

“Aw, i dan hi ka va

ngaina em!

Ni lenga ka ngaihtuah

thin a ni” tih te,

I thu hrilhfiah hian

mite a tieng a;

Mi mawlte chu a

hriatthiam tir thin. Sam 119:

130 tih thu te pawh hi.

Mi thenkhatin “I ti tha hle

mai” an tih laiin “Bible ziaksa

tam tehlul nen ziah ve kher kher

hi eng nge a tulna? A peihawm

loh mai mai” lo ti tawk te pawh

ka tawng a. A nihna lai chu a

awm ang, mahse, ka tan chuan

Pathian pawlna leh tawngtaina a

nih tlat avangin ka kal zel mai a

ni. Lalpan malsawm rawh se.

(A ziaktu: Upa Suakthuama

hi New Khawlek Kohhran

hruaitu, tuna an chairman

elect a ni.)

Pathian chuan kan pekna kut en lovin kan pek duhna

thinlung lam a en zawk thin. - Rev. F. Sangvela.


Thupui Thlanchhuah:

RINNA THUTIAM(Faith Promise Giving)

(Beirual Thla a ni a. Thilpek chungchang kan zir a. Hei, thilpek

lama mi hrat khawkheng, Rev. F. Sangvela’n Pastor

Conference 2008-a a thusawi kan rawn tlang zarh e. Chhiar

teh, pui \iah \iah tak a ni. - Editor)

Faith Promise tobul leh awmzia: Bible chang innghahna chu II

Kor.8:3 a ni. Makedonia Kohhrante chuan “An theih tawkin, a ni,

an theih tawk aia liam pawh, anmahni duhthu ngeiin an pe” tih kan

hmu. II Kor.9:6 ah chuan, “…theh tlem chuan a at tlem ang a,

theh tam chuan a at tam bawk ang. Mi tinin ui chunga pe lovin, pek

loh theih loh anga ngaia pe hek lovin, an thinlunga an tum ang zelin

pe theuh rawh se. Pathian chuan hlim taka petu a ni, a hmangaih

ni” a ti bawk a. Rinna thilpek tih hi “Pathian rinchhan tak takna

atanga pek, Pathian rinawmna a innghat chunga pekna” a ni. Rinna

thilpek hi thinlung lam thil a ni daih mai. Kan hlawh atang chuan

pek tur kan nei tawh lo; Bank account lam atangin pek tur kan nei

bawk lo; pe turin income dang pawh kan nei lo. Nimahsela Rinna

(faith) chu kan nei a ni. Pathian rinnaa innghatin kan pe tur a ni

a, Pathian rinchhanin pe tura ka thinlungin a tihtluk ang ang pek tur

a ni. Pathian chuan kan pekna kut en lovin kan pek duhna

thinlung lam kha a en zawk a. Kan kutin pek tur a neih loh lai

pawhin kan thinlungin pek tam a duh si chuan, chu chu Pathianin a

hmu reng a, a lo chhinchhiah tlat a ni.

Rinna thutiama min pektirtu:

Rinna thutiama min pektirtu chu

Pathian rinawmzia hriatna

atangin a ni. Pek tur chu eng zata

tam nge Lalpan min pek ang?

Pathian thiltihtheihna leh

rinawmna chu eng chen nge ka

rin ngam tih a ni mai. Isuan,

“Pathian ring rawh u”

(Mk.11:22) tia a sawi ang leh

Hudson Taylora’n, “Pathian

rinawmna chu vuan tlat rawh” a


tih ang hi a ni a. William Carey

‘an “Pathian hnen atangin thil

ropui tak beisei la, Pathian tan

thil ropui tak tih tum rawh,” a tih

hi a ni e. Lal Isuan, “In rin angin

in chungah thleng rawh se,” a ti

a (Mat.9:29) Kan income neih

dana pe lo va, Pathian kan rin

ngam dana pek kan zir hunah

chuan kan thilpek hian nasa

takin awmzia a nei dawn a ni.

Rinna thilpek hlawkna:

(i) Pathian thiltihtheihna leh

rinawmna hmuh chhuah zel tirtu

a ni (ii) Pathian nghen chhan lo

thei lo va min siamtu a ni (iii)

Pathian mamawhna lian tak

siamtu a ni a, a lam kan hawi lo

thei lo a ni (iv) Pathiana lawmna

min siamtu a ni a, a hnenah

lawmthu sawi theihna min

siamsak thin a ni. (v) Mahni

mimal nunah Pathian pakhatnaa

dah-(God first) min ti ngai ve tlat

thin.(vi) Pathian kan khawih che

thei a, Pathian che vel kan hmu

thei a ni.

Pe thei tura inbuatsaih dan:

(i) Pathian lam hawia tawngtai

reng a ngai (ii) Pathian atangin

kan tawngtai chhanna ngaihven

reng a ngai (iii) Kan thutiama

rinawm a, dinngheh a, a

remchang apiang dah hran ngam

a ngai (iv) Mahni aia Pathian dah

pawimawh a ngai (v) Pek phalna

nun neih a ngai (v) Kan nunah

Pathian leh a ram dah pawimawh

ber a ngai. (vi) Kan nunah Pathian

pakhatnaah kan dah a ngai.

Chutichuan Pathian intum-

chawpna kan hmu a, pek tur pawh

Lalpan min pe zel dawn a ni.

Rinna thilpek hnathawh:

Oswald J. Smith chu Toronto

khawpuia People’s Church a

Pastor a ni. Rinna hmanga a han

pek tak tak chuan an lo pek thin

dan tluangtlam let tam takin a lo

tam ta a, tuifinriat ralah missionary

400 zet a kohhran pakhat ringawt

khan a thawn chhuak thei a ni.

Swanton Street Church of

Christ (Australia) kohhran chuan

1971 khan Faith Promise hi

an lo ti tan tawh a. An thilpek

pangngai chu chawlhkar tin

Dollar 15 (kum khat chhungin

Dollar 802 ) chauh an lo pe thin

a. Kum 1972-a an thilpek

pangngai chu Dollar 55 a nih laiin

Rinna thilpek-ah chuan Dollar

2,860 an pe thei a. Kum 2002-

a an thilpek pangngai chu Dollar


4,684 a nih laiin Rinna thutiamah

chuan Dollar 234,560 lai an pe

a. Chu chuan Missionary tam

tak an support thei ta a ni.

Rinna hmanga ka pek ve

dan:

Kum 1982 vel atang khan

Rinna hmanga thilpek hi kan

nupa in kan tan a, Mahse 1984

atang khan ka chhunzawm tha

leh tawh lo va. Kum 2004 a

BCM Hqrs-a Mission lama

mawhphurhna ka han lak ve

atang hian tun hmaa ka rilru a

Pathian min dahsak phawrh

chhuahna/ din thar lehna

remchang tak a lo ni a. Ka lo

vision te pawh Pathian zarah

tihpuitlinin a awm a, BCM

Mission Policy atan eng emaw

zat chu siam chhuahin a lo awm

ve ta hi ka lawm hle a ni. Chung

zinga ka rilrua awm tlat thin chu

“Baptist Kohhran hi Pathian

rinchhana che chhuak ngam,

rinna thilpek hmanga ke pen

chhuak kohhran nih ve hi a ni”.

Hei pawh hi missionary support

hmangin tam tak chuan ke kan

pen chhuak mek zel a ni.

Kum 2004 khan

Missionary support uar thar

leh ang aw tiin pek dan turte

pawh Assembly chuan siam

chhuakin Kum 2005 Assembly

chuan a pawm ta a. Kei pawh

a chaihtu ber ni vea inngaiin

Rinna hmanga thilpek hi ka

tithar ve leh dawn a ni ka ti a.

Kum 2005 chuan Tawngtaina

nen ka bei ve a. “Lalpa eng

zatah nge ka rin ngam ve ang

che, eng zat nge ka pek ve ang

che” ka ti a. Thla tin Rs 500/-

pe tur chuan ka inruahman ve

ta ngawt mai a. Thla a liam zel

a, eng emaw ti tiin Rs 500/-

chu ka nei ve zel mai a. Thla 7

a ral hnu chuan kum khat

chhunga pek ka tum Rs 6000/

- chu ka lo nei ta reng mai a.

Lawm takin Cashier hnenah ka

pe lut a, Pathian rinawmna leh

kan thinlungin pek a duh vena

chu min hriat sak a, “pek

phalna kan neih tlat chuan pek

tur chu Lalpan min pe mai zel

a ni,” tih thuruk hi ka man ve

ta a.

Kum 2006 chuan

tawngtaina nen ka bei ve leh a.

2007-ah pawh ka income

atanga pe lovin Pathian

intumchawpin thla tin Rs 500/-

min petu khan kum tharah pawh


thla tin Rs 1,000/- hi min pek

a harsat chuang lo vang tih rilru

a lo awm a. Tichuan thla tin Rs

1,000/- pe turin thutlukna ka

siam leh ta a ni. Ka Diary bu-

ah pen tuisen hian ka ziak kalh

mai a. February 2006 a lo

thleng a, ka rilrua ka thutlukna

siam tipuilting tur chuan rem ka

ruat ta a. Lehkhabu pakhat ka

siam a, Guwahati-ah ka

chhuttir a, a chhutna man chu

pek tur ka neih mai loh avangin

Rev.C.Zatawna min lo peksak

tur leh lehkhabu hralh hunah rul

leh turin kan inremsiam a. Bu

1 chhut man Rs 15/- a nih

chuan Bu khat chu Rs 20/- in

kan hralh ang a, Rs 5/- zel bu

khat hralhnaah ka hlep ang a,

tichuan Rs 10,000 zet ka hlep

chu Rinna thutiam atan ka pe

mai ang chu ka ti a. Zan khat

chu Pu Zatawna’n min rawn

phone a. Hei Aizawl ka rawn

thleng chho va, lehkhabu kha

ka han en chiang a, a bu kawm

thu ziak kha a dik lo tlat mai a,

Guwahati-ah ka phur thla ang

a, a kawm ka siamtir leh mai

ang, a rawn ti ta mai. Ka

ngaihtuahna a buai zo ta. A

kawm a siam thattir chuan ka

hlep tura ka ngaih kha a kawm

siam nan a ral leh vek dawn a

ni a, hlep ka nei dawn lo a nih

tak chu. Lehkhabu lah hi Rs

20/- man aia tam hi chu miin

lei harsa an ti si a, ka ti a, Ka

mut pawh a tui lo. Eng tin nge

ka tih ang aw, ka ti a. Ka rinna

thutiam pek tur ka lehkhabu

hralhna atanga pek ka lo tum

chu a remchang ta lo.

A tuk zingah ka tho va, kan

kohhran nu pakhat a lo leng a,

“inkawmna hun min siamsak

thei lawk ang em?” a rawn ti a.

“Lo leng rawh, inkawm ang” ka

ti a, sitting room-ah chuan kan

inkawm ta a. “Hei, niminah ka

hnathawhna bill ka la a, ka

rilruah in awm tlat mai a,

khawngaih takin min laksak thei

ang em?” tiin pawisa chu

dawhkanah chuan a rawn

phawrh chhuak ta mai. Mak ka

ti em em mai a. E, Lalpa,

keiman ka thawhchhuah atanga

pek che ka tum a; “Mahse i

thawh chhuah ngai lovin keiman

ka tumsak dawn che a lawm” i

rawn ti a. Nangmah rin hi ka lo

thiam lo a ni. “Nangman pek tur

chu min pek i lo tum zawk a ni


maw” tiin ka tawngtai ta bawrh

bawrh mai a. Pawisa min petu

nu hnenah pawh lawm thu

sawiin, “I thil min pek hian

Pathian rin chhana pek dan tur

kawng min kawhhmuhin min

hriattir ta” ka ti a, mittui luang

zawih zawih chungin pawisa

min pek chu ka la ta a ni.

Beisei ngaihna ka hriat hauh

loh mi mal atang te, kohhran

atang tein ka dawng ta nawlh

nawlh mai a. Ka zin kual velnaa

pocket money min pekte pawh

ka dah khawl zel a. A chang

chuan thla tawp ni 27 vel kan

thleng a, eng mah ka la dawng

si lo va, “Lalpa hei eng tin nge i

tih dawn? Eng mah ka la dawng

hauh lo a nia” ka ti a, ka buai

rilruk chang pawh a tam mai.

Lalpan a hun takah chuan min

pe leh thin. Lalpa rinawmna min

temtir a, mak ka ti thei em em

a. Pathian hnenah lawmthu

sawina nun min siamsak a ni.

Ka thilpek dawn hnuhnung ber

phei chu- Hospital ka tlawh a,

ka dam lo kante chuan Rs

1,000/- min pe ta tlat mai a.

“Kei, damlo kantu zawk chuan

tanpuina pawisa pe zawk tur ka

ni a, mahse min pe ta zawk

hlauh mai a, zahthlak ang reng

si, awm lo ka ti deuh bawk.

Mahse ka thutiam hlenna atan

Rs 1,000/- chu ka duh bawk

si. E, a nih, min pe a nih chuan

ka la mai ang, ka mamawh tlat”

ka ti a, ka la ta a, ka lawm hle

mai. Hemi kum 2007 February

2 khan ka rinna thutiam Rs

12,000/- chu ka pe kim ve thei

ta. Lalpa thiltih dan hi mak ka ti

thin a, Lalpa che vel ka hmu thin

a. Pathian rin tlak leh Pathian

mak tak a ni tih ka hmu ve thin

a ni. Chutiang chuan ka sawma

pakhat chu PRZ leh Ramthim

head ah kan dah lut a,

Buhfaitham a thla tin Rs 200/-

kan pek baka Rinna thutiam a

Rs 12,000/- pek tur Lalpan min

han pe leh thin chu ka lawmna

tizualtute a ni thin.

(Rev. F. Sangvela hi AGS

i/c Mission & Evangelism a ni.

A sermon thenkhat chhuah

chhawn a phal hi kan lawm

hle. Kohhranho tan mal-

sawmna anih ngei kan beisei)


S U N N A

UPA KAMLIANA

(1927 - 2009)

THENHLUM

Upa Kamliana hi Upa

Thansiama leh Pi Chuauhnuni te

fa upa ber niin kum 1927-ah

Kawnpui ‘W’ ah a piang a. A

tlangval lai atanga Kohhran bel

tlat mi a ni a. Mizorama harhna

alo thlen pawh khan nasa takin

a chang ve a, a lawm em em a

ni. Kum 1948-ah Khawlliani nen

Pastor Khuangan Kohhran dan

puitlingin a inneihtir a. Fa 10,

mipa 4 leh hmeichhia 6 an nei.

Kum 1936-ah Pastor

Rokungan Laisawral-ah Baptis-

ma a chantir a. Kum 1976 ah

Upa atan thlan tlin niin 1977 ah

Pastor Sialngenan a nemnghet.

He rawngbawlna hi hun rei tak

a chelh a, kum 2007 January

thla khan Upa pension-in a

chawl ta a ni. Kum 1995 khan

kum 50 Sunde Sikul Zirtirtu lo

ni tawhte chawimawina medal

leh certifi-cate a dawng.

Tualchhung Kohhran leh Bialah

te chairman hna te a thawk tawh

a, S.S. Superintendent hun rei

tak a lo ni tawh bawk. TKP leh

BKHP-ah Bial leh Tual-

chhungah Senior Adviser a ni fo

bawk.

Nu leh pa atanga mi zaidam

leh taima a ni a, aw ka vin a

hmang ngai lo. Pathian thu

ngaina tak leh Pathian thusawi

thiam tak a ni a, Biak In a thlen

theih loh hnu pawh a, sermon ziaka

a bu a siam hial khawpin Pathian

thuchah sawi hi nuam a tiin a

ngaina a ni. A bible chang ngainat

ber chu Luka 17:7-10 a ni.

Kum 2004 ah zun kawng tha

lo a ni tih hmuh chhuah a ni a.

Phaiah zai tura tih a ni a, a duh

tlat loh avangin a thih thlengin he

natna hi a buaipui ber a ni. Kum

2006-ah Saitika in a man a,

tiang nen lo chuan khawlai a kal

thei meuh lo. June 16, 2009

atang khan bet deuhin, a natna

hian kian lam a pan theih meuh

loh avangin, July 22, 2009 tlai

dar 4 khan a rawngbawl thin

Lalpa hnenah min kalsan ta a ni.

Amah thlahna inkhawm hi Biak


Inah neih a ni a.

Rev.F.Lalnunmuana Bialtu

Pastor-in thlamuanna thuchah a

sawi a. Kohhranhoten ui takin

kan thlah liam ta a ni.

P.C. Ramliana

Asst.Secretary,

BCM Thenhlum.

UPA CHALNGURA

(1930 – 2009)

SAIREP

Upa Chalngura hi Sairep

khua a piang a ni a. A pa

Thanchhunga (L) a ni a, a nu chu

Mahlovi (L) a ni a, Azyo hnam

an ni. (Azyo hi Lakher hnam a

ni a, thenkhat chuan an hming

bulah (L) an dah ve bawk)

Baptisma hi Pastor Than-

chhingan a chantir a, a nupui

Thanmawii nen fa 6, mipa 4 leh

hmeichhia 2 an nei.

Kum 1967 ah Zobawk

Grouping Centre ah hruai an ni

a. Heng hun lai hian kawchhung

na avangin hna pawh a thawk

thei lo va, kum 1978 ah Sairep

khua luah leh theih hnuin Sairep

ah an kir leh a, 1978 kum hian

piantharna neiin a hlim thei hle a

ni. Kum 1979-ah Rawngbawltua

tan lak a ni a, Pathianin a

Kohhran te enkawl tura a lo ruat

a nih avang a ni ngei ang, tisa leh

thlarauah damna a lo chang leh

ta a. Hna eng pawh thawk theiin

a natna te chu Lalpan alo

chhawk leh ta a ni.

Kum 1981 ah Upa atan thlan

a ni a, Lunglei ‘S’ ABC Thei-

riatah Rev.Dr. C.L. Hminga’n

Upa atan a nemnghet.

Upa Chalngura hi damlo kan

leh tawngtai taima tak a ni a,

Zaikhawm leh lam taima tak a ni

a, mihlim thei tak a ni. March 26,

1997-ah a nupuiin a boral sana,

a lunglenna belhchhah turin a fate

zinga naupang ber, Tv.L.

Lalduhawma tuna Gospel

Herald Teama Deputy Speaker

nilai hi 1993 atangin rawngbawlin

a chhuak renga, a ngai thei viau

thin. Mahse hetia khawhar taka

a awm chung pawh hian

Kohhranho tan theihtawp

chhuahin a mawhphurhna te chu

hlen hram hram a tum tlat thin.

Kum 2007 October thla khan

Upa pension certificate pek a ni


a. Kum 2008 February thla

khan Chairman Elect ah thlan a

ni leh a, a chhan chu pension

tawh pawh ni se chairman elect

Upa Zachinan a hma lawk

(17.1.’08) ah min boralsan vang

a ni.

A hun hnuhnung: Kumin

January ni 31 khan committee

kan nei a, chawhnu 2 velah a

pum nuam lo avangin min haw

san a. He mi tuma a pumna hi

tho leh tawh lovin February 3,

2009 (Thawhlehni) zing dar 3-

ah chatuan ram min pansan ta a

ni. A chenna inah thlahna hun

hman hnuin, vuina inkhawm

Biak Inah neih a ni a, Rev.J.

Chalhlira Zobawk bialtu Pastor

in thlamuanna thuchah a sawia,

chumi hnuah ui em em chungin

kan thlah liam ta.

K. Darchawia

Secretary,

BCM Sairep

UPA C. LALCHHAWNA

(1923 - 2009)

ROTLANG ‘E’

Upa C. Lalchhawna hi April

24, 1923 khan Pu C. Dohnuna

leh Pi Lalphungi te fa u ber ni

turin S. Vanlaiphai hmunah a

piang a. Unau 9 (mipa 4 leh

hmeichhia 5) an ni.

Kum 1935 khan tuna a boralna

hmun Rotlang ‘E’-ah hian an pem

thla a. Kum 1945 ah Pi C.

Darmawii Zobawka mi chu nupui-

ah neiin Rev. Chuautera’n a in

vawn tir nghe nghe a. Pi C.

Darmawii hian kum 2006, June 17

khan chatuan ram a lo pansan tawh

bawk. Fa panga (mipa 2 leh

hmeichhia 3) an nei.

Kum 1939 khan Rev.

Challiana’n Baptisma chantirin,

piantharna tak tak a neih chu

kum 1943-kha a ni. Kum 1948

khan Rawngbawltu atan lak a ni

a, kum 1959-ah Upa-ah thlan

niin, hemi kum vek hian Rev. B.

Thangseia’n Upa atan a

nemnghet a ni.

Kohhranah hnatlang emaw tih

tur pawimawh a awm a nih chuan

“Then takte chu ngai

mah ila,

Lalpa ramah kan tawk

leh ang”


chhungten chaw an nghei leh

nghei loh a ngaihtuah tawh lova,

Pathianin a ngaihtuah tawh mai

ang tia kalsan tawp mi a ni

bawk. Kohhran Chairman leh

Secre-tary-ah hian kum khat ve

ve a awm a, S.S. Supdnt-ah

kum 25 chhung thawkin zirtirtu-

ah kum 15 chhung a thawk bawk

a ni. Heng bakah hian Adviser

atan TKP-ah kum 3, BMP-ah

kum 2, BKHP-ah kum 1 leh

KNP-ah kum 4 chhung a awm

tawh bawk.

Kum 1956 khan Zorama

tawng hriat loh harhna lo thleng

chuan a rawn man ve a, hei hian

amahah thu nasa taka sawiin

Pathian tana rawngbawl turin

nasa lehzuala tan lak a tul thu

leh midangte veina thinlung lian

tak a put phah a ni.

Amah hi Lal Upa a ni a,

rambuai kum 1966 khan VC

Vice President atan dah a ni a,

sipai kut tawrh palh theihna

kawng hrang hrangah

khawtlang chhanhimtu a ni a.

Ramhnuai mite pawhin amah

atang hian thurawn tam tak an

la bawk a, mi tlawmngai leh

pasaltha tak anih angin

khawtlang enkawlna kawngah

pawh phak tawka thawhhreh

nei lo mi a ni.

Kumin kum tir lam atang

khan a hriselna a tlahniam a,

zawi zawiin a hriatna a hloh tan

a, natna a tawrh/neih hi pawn

lamah lang chhuak lo mahse a

hriselna a tlakhniam tak em

avangin Lunglei lamah phurh

thlak a ni a. Pathianin a lei taksa

chu chawl tawh tura a tih angin

June 22, 2009 (Thawhtan) tlai

dar 1:30 khan he khawvel hi a

lo chhuahsan ta a ni.

Amah thlahna hi ama

chenna inah a tuk, June 23,

2009-ah neih a nih hnuin

Biak In-ah dar 12:00 ah

thlahna inkhawm neih

chhunzawm a ni a. Bialtu

Pastor Rev. Vanlalmuan-

kima’n thlahna thuchah a

sawia, chumi hnuah ui em em

in Kohhranhoin thlanmual

lamah kan thlah liam ta a ni.

Upa L.P. Lalvuana

Secretary,

BCM Rotlang ‘E’

Documents

Kohhran Beng : September 2009