Knut FlatinGjesteutstillar 2015

måleri

21. juni – 16. august 2015 Ope kvar dag kl. 11.00 - 18.00

EVA BULL HOLTES

M U S E U MÅmotsdal, 3841 Flatdal , tlf: 35 05 00 66

Knut Flatin Målaren Knut Flatin er født 07.07.1945 og er gjesteutstillar i år. Det er ei glede for Eva Bull Holtes museum å ha jubileumsutstilling for Seljords-kunstnaren det året han fyller 70. Knut Flatin kan vise til eit langt og aktivt kunstnarliv frå debuten med teikning på Statens høstutstilling som 19-åring i 1967. Kunstnaren er både målar og grafikar. Dei seinare åra har han hovud-sakeleg arbeidd med maleri – acryl på lerret i store format.

Han har utdanninga si frå SHKS 1964-67 og Statens kunstakademi i Oslo 1967 – 72 m.a under professorene Reidar Aulie, Alf Jørgen Aas, Halvdan Ljøsne og Arne Malmedal. Deretter var han stipendiat ved Jan van Eyck akademiet i Maastricht, Nederland. Kunstnaren er representert i fleire faste galleri og samlingar, m.a Nasjonalmuseet, Riksgalleriet, Norsk kulturråd.

I sin ungdom var Knut Flatin «i lære» og som assistent for Terje Grøstad i Flatdal. På kunst-og handverksskolen (SHKS ) blei han «headhunta» som assistent for Dagfin Werenskiold i samband med eit utsmykkingsoppdrag. Seinare assisterte han også prof. Halfdan Ljøsne ved større utsmykkingsarbeid.

Vegen frå ung talentfull bygdekunstnar med røter i folkekunst og folkemusikk, til den kunstnaren han er idag, har vore utfordrande. Ein del år arbeidde han figurativt, men inspirasjon både frå studiar og tendensar i tida prega han meir og meir, og det abstrakte formspråket overtok.

Akt frå studietida

1. Kamp 2014 100x120 kr. 43.000

2. Toppen 2013 65x 65 kr. 21.000

3. Åpenbaring 2014 95x150 kr. 53.000

4. Vinterreise 2012 133x164 kr. 75.000

5. Leik 2014 74x100 kr. 31.000

6. Mjølk og honning 2011 133x164 kr. 75.000

7. Grying 2012 90x100 kr. 31.000

8. Ljos og skugge 2011 95x100 kr. 35.000

9. Begjær 2014 120x150 kr. 60.000

10. Eventyr 2014 80x90 kr. 31.000

11. Draumesyn 2013 105x100 kr. 37.000

12. Harmoni 2012 85x100 kr. 33.000

13. Vinterlys 2012 153x183 kr. 96.000

14. Attom låven 2014 80x90 kr. 31.000

15. Opp 2014 30x35 kr. 12.000

16. Sommernatt ved fjorden 2014 30x33 kr. 12.000

I tillegg til prisen kjem lovpålagt 5% avgift til Bildende kunstneres hjelpefond.

Prisliste

Den første viktige hovudstadsutstillinga han deltok i, var «Juniutstillingen» i Kunstnerforbundet, Unge norske – omkring akademiet 1969-70. Seinare har han stilt ut mange stader, både separat og kollektivt, og har hatt fleire større utsmykkingsoppdrag m.a Jessheim gymnas, Symjehallen i Seljord, Svalbard lufthavn og Telemark tekniske fagskole (HiT avd. Porsgrunn).

Knut Flatin var ein sentral aktør for biletkunstnarane i Telemark i ein offensiv startperiode, der kampen for kunstnaranes plass i samfunnet var sentral.

Han blei ofte trekt fram som Telemarkskunstnar, og kunstmeldarane meinte å sjå både trekk frå folkekunst og frå rosemåling. Vi finn utsegn som: «Bondekunst som slår ut som modernisme» og «Vi ser at detaljer fra rosemalingens velkjente formspråk tas opp og settes i ny billedmessig sammenheng».

«Mørkt tun» Oljemåleri frå 1960-talet

Kunst krev ofte tittel som vegvisar for tanken. Nokre gonger kan denne vere konkret som t.d. «Fjellbekk» eller «Indre havn», andre gonger blir titlane meir abstrakte, lause stikkord/skildringar som f.eks. «På vetterstig», «solstreif» eller «natt». Det ligg ofte noko tvetydig i titlane hans.

Flatin har bilete der tema/motiv er forenkla. Dette karakteriserer ein målar som vil ha oss inn i den særegne stemningen som vi sjølv skaper i møte med kunsten og det som skaper assosiasjonar.

Han seier sjølv at naturen er eit utgangspunkt for han, ikkje eit mål. Det er difor forståeleg at dei fleste titlane antyder, meir enn beskriv biletet. Kunstmeldar Karl Erik Harr skreiv: «Flatin stoler på oss som billedskapende selv, når han setter opp tre hakk i en flate og kaller det Nordkapp» (Kunstnerforbundet, serigrafier 1972).

Detalj

Arbeid frå 90-talet kunne til tider grense opp mot surrealisme. Kunst-historikaren Svein Thorud omtaler arbeida som «mørke, hemmelighetsfulle og med skremmende amorfe former i kosmiske rom». Han meinte at arbeida viste naturens hemmelege krefter (Trondhjems kunstforening, malerier 1992). Landskapelege haldepunkt meinte han var ein vesentleg side ved den norske abstrakte kunsten.

«Natt» 1992

Nyare tid med ein ljosare palett

Årets gjesteutstillar er framleis ein aktiv bilet-kunstnar, og hadde separat- utstilling sist i Galleri Heer i Oslo, hausten 2014. Utstillinga viste, med få unntak, bilete frå dei siste to åra. Ved det høvet uttrykte han «Hovudsaken for meg er å skape uttrykk som kan aktivisere og stimulere. Eg har ein bodskap som eg trur når fram, og det er målet mitt både på det innhalds- messige og det formale plan».

I år er det 40 år sidan han hadde separatutstilling i Seljord kunstforening. Han stilte ut på Sneie som første innfødde kunstnar i 2007. Årets jubileumsutstilling er heller ikkje retrospektiv, men viser nyare måleri; dei siste frå 2015.

Knut Flatin arbeider i eit lyrisk abstrakt formspråk der farge og komposisjon er dei viktigaste elementa. Bileta byggast gradvis opp av tynne gjennomskinlege lag med akrylmåling. Fargane spenner mellom det lette transparente til sterke metta fargeflater. Kontrasten mellom varme og kalde fargar, store flater og detaljar, skapar spenning i bileta. Mellom desse elementa oppstår det romlege strukturar og dynamikk.

Flatin har hatt fleire studieopphald i utlandet gjennom åra som har sett tydelege spor i hans kunst.

Naturoppleving, musikk og inntrykk frå reiser er viktige inspirasjonskjelder i måleria hans.

«Fra lys til lysere» 2008

«Utan tittel» 2012

«Det er nærliggande å samanlikne arbeidsmåten og tilnærminga med musikalske komposisjonar og uttrykk: Med komposisjon meiner eg fordeling av farge og valørar, slik at det oppstår spenning og liv. Stikkord her er ei blanding av kontroll, spontanitet og eksperiment, samt harmoni og disharmoni. Fargen er ei berande kraft. Med farge kan det meste seiast - og er dette interessant for andre så oppstår dialog»

«Etter mange års utdanning og kunstnarleg virke, har eg eit fundament som ligg i det underbevisste og som set grenser. Desse prøver eg å strekke litt. Eg er på oppdagingsferd og finn nye erfaringar, som eg gjerne delar med andre.»

«Begjær» 2014