Kokua Uku no na Mea Mai

Trinity Health - West Region

LA HOOMAKA: Nowemapa 1, 2016

KE KUMU:

He kaiaulu ka Trinity Health me na kanaka like ole e lawelawe pu ana iloko o ka uhane o ka Euanelio ma ke ano he hui lokomaikai nana e hooi i ka lapaau ana maloko o na kaiaulu. Ma ka hooko ana i ko makou manao, oia hoi, ka makou e hooikaika nei e hooko i ka makou olelo hoohiki e lawelawe i ka poe ilihune, lawelawe makou i ka poe i pono ia lakou ke kokua a nana nui no makou i ka poe i nui loa ka pilikia. Oia no na ano poe hiki ole ke uku, e like paha me ka poe i kaupalena loa ia ka nui o ka mea e hiki ai ke hookaa i na aie lapaau olakino. Penei ka hoohiki ana o ka Trinity Heath:

Hoolako i na lawelawe olakino like ole ma ke ano lokomaikai, hoihi a mahalo i ka poe a makou e lawelawe ai, o ka poe ilihune a me ka poe nele o na kaiaulu na mea nui loa;

Malama pono i na kanaka a pau me ka nana ole i ka mea e hiki ai ia lakou ke uku no na hana lawelawe; a

Kokua i na mea mai i hiki ole ke uku no kekahi hapa a i ole na mea a pau e pili ana i ko lakou lawelawe ia ana.

Hoihi ka Trinity Health a me ka hanohano o kela me keia kanaka, a hooko makou i na kanawai Pekelala pili i na kuleana kiwila, a aohe o makou hookae mamuli o ke kulana i pale ia, e like no me ka lahui, ke kala o ka ili, ke aupuni kupa, ka nui o na makahiki, ke kina o ke kino, a i ole ina he kane a wahine paha. Loaa no hoi na hana lawelawe like ole a me ke kokua no ka poe kino kina me ka uku ole, e like me ke kokua ma ka unuhi olelo ana na ka poe aohe makaukau loa ka olelo Pelekania (e nana i ka Pakuina A).

KA PAPA HANA:

Ua hana ia keia papa hana, o ke kokua uku no na mea mai (Financial Assistance to Patients: FAP), no ka nana ana i ka nui o ke kokua e pono ai ka mea mai i kokua uku, ia ia e imi ana i na lawelawe ma o ka Trinity Health Regional Health Ministries (RHM). Ua pili keia i na hana lawelawe like ole e pono ai e like me ia i hoolako ia ai malalo o na kanawai mokuaina a pekelala paha. E hooholo ia ke kupono o ke kokua uku a me ke kakoo ma ka nana ana i kela me keia kanaka mamuli o na aoao like ole e loiloi ia ai no na mea e pono ai ka mea mai a i ole ke olakino o ka ohana, ka mea e hiki ai ke uku, a me na kuleana e pono ai.

I. Na Mea e Kupono ai ke Kokua Uku

a. Na lawelawe e kupono ai ke Kokua Uku:

He Hoa o ka Trinity Health 11/2016Aoao 2

He Hoa o ka Trinity Health 11/2016Aoao 5

i. Na lawelawe a pau e pono ai ka pale ana, ka loiloi ana, ka hoomaopopo ana, a i ole ka lapaau ana i ka pilikia olakino a aole hoi o ka mea maalahi wale no no ka mea mai a i ole ka hui lapaau olakino.

ii. E hoolako ia no na hana lawelawe kupono no na popilikia olakino o na mea mai a pau i hiki mai i ke keena popilikia o ka RHM me ka nana ole i ka mea e hiki ai i ka mea mai ke uku.

b. Na lawelawe e kupono ole ai ke Kokua Uku:

i. Na hana lawelawe hoouiui, ka lapaau ana i ka pa o ka opu, a me na ano hana like ole e koho ai a me na hana lawelawe i manao ia e na kauka aole he pono.

ii. Na hana lawelawe aole na ka RHM i hoolako a kaki (e like paha me ka hana lawelawe a ke kauka kuokoa, o na kauka lawelawe popilikia pu no, ke kahu mai kuokoa, ke kaa lawe mai, na pono lapaau i kuai ia, na lawelawe opu hapai kokua, ka hookolokolo mai, ke keena hoao, a pela aku).

iii. Hiki no i ka RHM ke hoole i ka hana lawelawe i hoolako ia e kekahi polokalamu inikua e ae i malama ole ia ma kekahi RHM o ka Trinity Health mahope o ka hoao ana e hoonaauao i ka mea mai no na kaupalena ana malalo o ka polokalamu inikua a ina hooko ia na kuleana malalo o ke kanawai pekelala, o ka Emergency Medical Treatment and Active Labor Act (EMTALA).

iv. Manao ia he mahele nui ka hapa kaana like iloko o ka Medicaid, Medi-Cal a i ole kekahi ano polokalamu lawelawe lehulehu i hoolako ia malalo o ke aupuni. Aole hiki ke kokua ia ka uku ana no ka hapa i koe o ka mahele kaana like.

c. Ka Waiho ana i ka Noi no ke Kokua Uku

Na na RHM like ole e hoolako i ka palapala hoopihapiha FAP ma ke ano he mahele ia o ka hana kakau inoa ma ka haukapila a i ole ma ka hookuu ana a peia pu iloko o na keena popilikia, na lumi hoolulu poe mai, na keena o na akena kokua uku, a me na keena kaki ma kela me keia hale lawelawe lapaau olakino. E hoolako ia na palapala ma ka olelo makuahine o ke kaiaulu kuloko he 5 pakeneka a oi o ka poe noho ma ke kaiaulu, a i ole ina loaa 1,000 a oi poe i lawelawe ia e ka RHM.

Hiki no hoi ke kii ia ka pepa hoopihapiha mai ka aoao internet mai o ka RHM a i ole hiki ke hoouna ia ma ka leka ma ke kelepona ana i ke keena Customer Service o ka RHM i hoike ia ma ka aoao o ka internet.

Loaa na akena kokua uku ma kela me keia RHM, a peia pu ka limahana kokua poe kuai ma ke kelepona, no ke kokua ana ma ka hoopihapiha ana i ka pepa hoopihapiha. Loaa ke kokua ma ka unuhi olelo e like me ka mea e pono ai ka poe mai.

Na ka RHM e palapala i na inoa o na kauka like ole, na hui lapaau, a i ole na ano ahahui like ole e hoolako nei i ka lawelawe lapaau popilikia a i ole ka lapaau olakino ma kahi o ka RHM ma ka inoa i hoohana ia no ka hana aelike ana me ka haukapila a i ole no ke kaki ana i ka poe mai no ka hana i lawelawe ia ai. O kekahi koho e ae, na ka haukapila paha e kuhikuhi i na hui hana lawelawe ma ka hoike ana i ka inoa o kekahi keena a i ole kekahi papa hana lawelawe ina moakaka na hana lawelawe a me na hui lawelawe i malama ia malalo o ka FAP o ka RHM (e nana i ka Pakuina B).

Na ka RHM e hoomaopopo i na poe o ke kaiaulu i lawelawe ia e ka RHM no ka FAP. Ma keia hoomaopopo ana, malia paha kakaahi ia ka palapala hoomaopopo nana e hoakaka pokole i ke ano o ka FAP no na keena lehulehu kuloko a me na ahahui waiwai hoopuka ole nana e nana i na pono olakino o ka poe ilihune o ke kaiaulu.

Na ka RHM e hoolako i ka poe mai i kekahi leka hoomaopopo nana e kuhikuhi i ke ano o ke kokua uku i loaa no ka poe mai i kupono ia lakou ka lawelawe ana, a hoike ia na hana kuikawa no ka ohi ana i ke kala (Extraordinary Collection Actions: ECA) a ka RHM (a i ole kekahi hui i ae ia) e iini nei e hooko no ka ohi ana i ke kala uku no ka hana i lawelawe ia ai, a hoike ia kekahi la palena, mai ia la mai e hiki ai ke hooko ia ka hana ECA aole e emi mai i ke 30 mau la mahope o ka la i kakau ia ai ma ka leka hoomaopopo. Na ka RHM e hoolako i kekahi mea hoomaopopo pokole no ka FAP ma ka olelo moakaka ma ka palapala a nana e hooikaika i ka hoomaopopo waha pu aku no ka FAP o ka RHM a no ka mea e kokua ia ai ka mea mai ma ka hoopihapiha ana i ka palapala hoopihapiha FAP.

Ke manao ka RHM e hoopanee a hoole paha, a i ole ma ke koi ana e uku ia ka RHM no kekahi hana i lawelawe ia ai i pono no ke olakino mamuli o ka uku ole ia ana no hookahi a oi mau aie no kekahi hana i lawelawe ia ai mamua malalo o ka FAP o ka RHM, na ka RHM e hoomaopopo i ke kanaka no kana FAP mamua o ka piha ana o 30 mau la mamua o ka hooko ana i ka ECA. Aka, i mea e pakele ai ka RHM i keia hana kuikawa, pono e hooko ka RHM i na koina he nui i helu ia malalo nei:

Hoolako i ka mea mai i ka pepa hoopihapiha FAP (e hooia ai ka mea e hiki ai i ka mea mai ke hoopihapiha koke, ina pono). E hoomaopopo ia ka mea mai ma ka palapala no ka loaa o ke kokua uku no ka poe i kupono ia lakou keia lawelawe a me ka la palena, ina loaa, mahope o ia la aole e ae hou a malama ka haukapila i kekahi pepa hoopihapiha FAP i waiho ia e ka mea mai no kekahi hana i pau ka lawelawe ia e hihia nei. Aole hiki ke kau keia la palena mamua o ka piha ana o 30 mau la mahope o ka la i hoolako ia ai ka hoomaopopo ana ma ka palapala a i ole 240 mau la mahope o ka la i hoolako ia ai ka palapala hoike kaki mahope o ka hookuu ia ana mai ka haukapila aku no kekahi hana i lawelawe mua ia ai. Nolaila, me ka hoomaopopo ia no nae no ka ECA e hoopanee a hoole ia ai paha o ka hana lawelawe mahope koke iho o ka hoolako ia ana o ka hoomaopopo ana ma ka palapala (a ma ka hai waha pu no), pono e ae ia ka mea mai 30 mau la ka palena kokoke loa e waiho ai i kekahi pepa hoopihapiha FAP no kekahi hana i lawelawe mua ia.

Hoomaopopo i ka mea mai no ka FAP ma ka hoolako ana i kekahi hoomaopopo ana i hoopokole ia no ka FAP a ma ka hoomaopopo ana i ka mea mai no ka FAP o ka haukapila a no ka mea e kokua ia ai ka mea mai ma ka hoopihapiha ana i ka pepa hoopihapiha FAP.

Lawe a hooko i ka pepa hoopihapiha ma ke ano hana i hoeleu ia, i mea e hooia ia ai aole e hoopanee ia ka hana lawelawe lapaau i pono ina waiho ia ka pepa hoopihapiha.

Aole pono na koina kupono i helu ia maluna nei ina penei ka mea i ike ia:

Ina ua hala 150 mau la mai ka wa mai i hoopuka ia ai ka aie mua mahope o ka hookuu ia ana mai ka haukapila aku no ka hana lapaau i lawelawe mua ia a ina ua hoomaopopo mua ka RHM i ka mea mai no ka ECA i iini ia.

Ina ua hooholo mua kekahi RHM ina kupono i kekahi mea mai no kekahi FAP no ka hana i lawelawe mua ia i hihia mamuli o kekahi pepa hoopihapiha FAP i piha pono a i ole ina ua hooholo mua ia ua kupono no i ka mea mai no ka hana lapaau i lawelawe mua ia.

E hoihoi ia na pepa hoopihapiha i pau i ka hoopihapiha ia, me na palapala kakoo i pili no ka hooia ana i ka nui o ka poe noho ma ka hale a me ka nui o ke kala loaa o ka ohana i ka RHM a i ole e leka ia i ka helu wahi i hoike ia maluna o ka pepa hoopihapiha iloko no o ka wa i kaupalena ia.

Aia a loaa mai kekahi pepa hoopihapiha, e hooko ia a e hooholo ia iloko o 30 mau la ka palena nui loa.

d. Na Palapala e Hooia ai i ka Nui o ke Kala Loaa

i. Mawaena o na ike i hoike ia i ka RHM e ka mea mai a i ole ka ohana, pono e hoike ia ka nui o ke kala loaa me ka huina kala loaa o ka mahina, ka nui o ka uku piha a me ke kala loaa ma ka hana ku hookahi ana; ke kala loaa mawaho ae o ka hana ana, e like me ka uku hoomau mahope o ka oki male ana, ke kala loaa ma ka hoomaha hana ana, ka waiwai hoopu