Upload
others
View
5
Download
0
Embed Size (px)
Citation preview
IBILALDIA 2016
ERRONKAKO 3. FROGA (Maiatzak 29)
ORDUA/LEKUA
Froga goizeko 11:00etan hasiko da Durangoko Zuhatzolan (2. gunean).
- 10:45etan bertan egotea komeni da.
MESEDEZ ORDUKOTASUNA ZAINDU!
PARTE HARTZEKO BALDINTZAK
o Taldeen egitura:
- 10 partaideak etorri beharko dira. Denak ez badatoz, puntuaketan
eragina izango du.
- 10 taldekideek hartuko dute parte ekintzan, bikoteka edo bakarka
antolatuz. Zuek erabaki arduradunek parte hartuko duten edo ez
(ordezkoak onartzen dira). Antolaketa aurretiaz pentsatuta ekartzea
komeni da.
o Talde bakoitzak, identifikatzeko, aurreko Erronka frogako bandera ekarri
beharko du.
o Ekarri beharrekoak (eguraldiaren arabera)
- Txapela
- Eguzkitako krema
- Zira
PROBAREN NONDIK NORAKOA
Azken Erronka proba erreleboka burutuko da eta taldeko 10 kideek parte hartuko
dute.
10:45etan Zuhatzolako 2. gunean elkartuko gara ERRONKAko partaide guztiak. Topatu
antolakuntzako karpa (errotonda).
- Ekarritako motxilak antolakuntza gunean utziko dituzte.
- Proba erreleboka izan arren, talde guztiek txanda berean parte hartuko dute.
- Talde bakoitzak, taldearen izenarekin identifikatutako kono bat izango du eta
guztiak haren atzean lerrotuko dira banderaren atzean. Honen ondoan,
kartoizko kutxa bat izango dute, bertan erreleboetarako erabilgarria izango
duten materiala gordetzeko eta errelebo proba bakoitza burutzean emandako
puzzle zati bakoitza jasotzeko.
- Talde bakoitza sei errelebotan antolatu beharko da; hasierako lau erreleboak
bikoteka eta azken biak, bakarka. Kideen artean erreleboa pasatzeko
antolakuntzak emandako zapi bat erabiliko da. Errelebo bikote/kide bakoitzak
zapia gorputzeko leku konkretu batean lotu beharko du (probaren azalpenean
zehaztuta dago).
- 11:00etan ERRONKAri hasiera emango zaio.
PROBAREN ANTOLAKETA ETA PROZEDURA (Mapa eranskinetan dago)
1.ERRELEBOA (partaide 2)
Proba hasi aurretik bikoteko kide batek erreleboa pasatzeko erabiliko den zapia
eskumuturrean lotu beharko du. Erronkari biek eskiak jarri eta bidea puntarik punta
zeharkatu beharko dute. Bertan, eskiak kendu eta antolakuntzako kideak txapa
(iturria) bat emango die. Atzamarrak erabiliz, txapa txandaka bultzatu beharko dute
bandera dagoen lekuraino garraiatuz. Bueltan gauza bera eginda antolakuntzako
kideari eman beharko diote. Ondoren, partaideek eskiak berriz jarri eta bandera
gunera joan behar dute. Jarraian, eskiak kendu eta korrika antolakuntzako
kidearengana joan beharko dute puzzle pieza baten bila. Behin hau jasota, bandera
gunean dagoen kutxan utzi beharko dute eta taldekideei erreleboa emango diete.
2.ERRELEBOA (partaide 2)
Erreleboko zapia batek jasoko du eta honekin, begiak ONDO estaliko ditu. Begiak
estalita dituelarik bere ardatzaren inguruan birritan biraraziko du bere kideak. Zapirik
ez duenak, laguna gidatu beharko du antolakuntzako arduraduna dagoen tokiraino
oinez, korrika egin gabe. Gidatzeko ahozko agindu edo mezuak bakarrik erabili
daitezke, ezin da inolaz ere kidea ukitu. Behin antolakuntzako kidearengana heldu eta
begietako zapia kenduta, honek sagar bat emango die. Erronkariek eskuak eta zangoak
erabili gabe (eskuak buru gainean jarrita) eta, bi gorputzen aurrealdeak erabiliz (lepoa,
sabelaldea, bularra…), bandera dagoen puntura garraiatuko dute sagarra. Bueltan,
gauza bera egin beharko dute baina kasu honetan gorputzen atzealdeak erabiliz
(ipurdia, bizkarra,…). Sagarra lurrera eroriz gero, irteera puntura bueltatu eta berriz
hasiko dira. Jarraian, hasieran “lagun itsuari” aginduak eman dizkion partaideak zapia
begietan jarri eta bere lagunak birritan biraraziko du helmugara gidatuz. Azkenik, zapia
begietatik kendu eta korrika antolakuntzako kidearengana joan beharko dute puzzle
pieza baten bila. Behin hau jasota, bandera gunean dagoen kutxan utzi beharko dute
eta taldekideei erreleboa emango diete.
3.ERRELEBOA (partaide 2)
Behin errelebo zapia jasota, berau, orkatilan lotu beharko du erronkari batek.
Bertan aurkituko dituzten zaku bana hartu, sartu eta saltoka antolakuntzako
pertsonarengana joango dira. Biak heldu eta zakuak kendu ondoren, antolakuntzakoak
espageti bat emango die erronkariei. Espagetia ahoan sartu eta eskuak bizkar atzean
dituztelarik bandera dagoen tokira eraman eta bueltatu beharko dira beti ere,
espagetia apurtu barik.
Espagetia apurtuz gero, hasieran espagetia jaso duten leku berdinera bueltatu,
espageti berri bat hartu eta berriro saiatu beharko dira.
Azkenik, zakuetan sartu eta bandera dagoen puntura joan beharko dira. Azken
taldekidea iritsi arte ezingo dira korrika irten.
Biek zakuak kendutakoan korrika irtengo dira antolakuntzako kidearengana puzzle
pieza eskuratzeko. Behin hau jasota, bandera gunean dagoen kutxan utzi beharko dute
eta taldekideei erreleboa emango diete.
4.ERRELEBOA (partaide 2)
Errelebo honetan, zapia jaso eta kide batek buruan lotuko du erreleboa amaitu arte.
Kide bat antolakuntzako pertsona dagoen tokiraino joango da lau hanketan eta ahoz
behera. Honek, orri baten idatzita kalkulu matematiko errez bat erakutsiko dio eta
erronkariak, inoren laguntzarik gabe, buruz egin beharko du kalkulua.
Antolakuntzakoei emaitza eman gabe bere kidearengana bueltatu beharko da lau
hanketan eta ahoz gora. Jarraian, bigarren partaidea modu berdinean joan beharko da
antolatzailearengana. Bere kideak aurretik esan dion zenbakia oinarritzat harturik
kalkulu bat ebatzi beharko du. Emaitza zuzena ematen badu banderen gunera
bueltatuko da lau hanketan eta ahoz gora bere kidearen bila.
Biak korrika irtengo dira antolakuntzako kidearengana puzzle pieza
eskuratzeko. Behin hau jasota, bandera gunean dagoen kutxan utzi
beharko dute eta taldekideei erreleboa emango diete.
Emaitza zuzena ez balitz, prozesua berriro hasi beharko lukete
emaitza zuzena lortu arte.
5.ERRELEBOA (partaide 1)
4. erreleboko kideen eskutik zapia jasotzean lepoan lotuko du. Bandera gunean
dagoen soka hartu eta saltoka (bi hankak batera) antolakuntzako kidea aurkitzen den
tokiraino joango da. Heltzean, arduradunak bi objektu emango dizkio garraiatzeko (
garraiatzeko arauak eta zehaztasunak egunean bertan azalduko dira). Erronkariak
bandera dagoen tokiraino garraiatu beharko ditu jasotako objektuak eta jarraian, leku
berberera bueltatu beharko da oreka mantenduz.
Azkenik, soka hartu eta saltoka (bi hankak batera) abiapuntura joan beharko da.
Soka utzi eta korrika irtengo da antolakuntzako kidearengana puzzle pieza
eskuratzeko. Behin hau jasota, bandera gunean dagoen kutxan utzi beharko du eta
hurrengo taldekideari erreleboa emango dio.
ANTOLAKUNTZA
KIDEA
6.ERRELEBOA (partaide 1)
5. erreleboko kideak zapia emango dio erronkari berriari eta honek belaunean
lotuko du. Zapia belaunean lotuta duelarik, bandera gunetik beste puntaraino
abiatuko da hanka baten gainean salto eginez (herrenka). Ondoren, gerrian soka bat
jarri eta bertatik, objektu bat eskegiko zaio. Ondoren, zapia belaunetik askatu eta
begiak estaliko ditu. Taldekide batek (aldez aurretik zehaztuta ekarri) bere ardatzaren
inguruan birritan biraraziko du bere kidea eta lurrean egongo diren 6 objektu bota
beharko ditu aldaken eta ipurdiaren mugimenduz. Arduraduna dagoen gunetik abiatu,
bandera gunera heldu eta berriro arduradunarengana bueltatu beharko da. Lurrean
egongo diren objektu guztiak bota beharko ditu azken errelebo honi amaiera emateko.
Arduradunaren onespena jaso ostean, puzzle pieza bat jasoko du eta hau bandera
gunera eramango du hanka baten gainean salto eginez (herrenka).
ANTOLAKUNTZA
KIDEA
7.ERRELEBOA (10 partaide )
6. erreleboko kidea etortzean, taldekide guztiak antolakuntzako kidearengana joan
beharko dira. Antolakuntzakoak egunean bertan zehaztutako agindu bat emango die
eta hau bete beharko dute denbora tarte batean. Espazioa Ibilaldi eguneko 2. gunera
mugatuta egongo da.
AZKEN PROBA: PUZZLEA
Behin errelebo guztiak amaituta, taldekide guztien artean errelebo bakoitzean
lortutako piezekin puzzlea osatu beharko dute antolakuntzak zehazturiko eremuan.
Puzzlea bukatzerakoan taldeko antolakuntza arduradunari erakutsi beharko dio
onespena jasotzeko. Onespena jaso eta gero, taldeko kide batek bandera hartuko du.
Korrika errotondara (antolakuntza gunea) abiatu, helmuga puntutik pasatu eta
antolakuntzako kidearengana joan beharko da.
Bertan, heltzen diren posizioaren arabera lerrokatuko dira erronkariak. Berebiziko
garrantzia du norberak ilaran bere txanda errespetatzea, hori horrela gertatuko ez
balitz antolakuntzak neurri zorrotzak hartuko lituzke.
Proba puntuatzeko irizpide hauek jarraituko dira:
- Heltzen diren posizioaren arabera jasoko dituzte puntuak.
POSTUA
PUNTUAZIOA
1 20
2 19
3 18
4 17
5 16
6 15
7 14
8 13
9 12
10 11
11 10
12 10
13 10
14 10
15 10
16 10
17 10
18 10
19 10
20 10
21 10