•

•

•

OH14-035 Q4 Warnakan ti Miyembro

HAWAI‘1 | 2014 | ISYU IV

MEMBER FOCUS

Manartaripato iti Hawai‘i ... Manartaripato iti Pamilya: Mensahe manipud iti Medikal a Direktor ti Salun-at ti Ugali iti ‘Ohana Ti depresyon wenno nakaro a panagliday ket apektaranna ti adu a tattao iti nadumaduma a tukad. Ibaga dagiti eksperto nga agarup maysa iti 10 a natagengan nga Amerikano ket addaan iti depresyon. Adu ti agkuna a kabaelanda a labanan daytoy a bukbukodda, ngem saan a kanayon a kasta. Adda dagiti pagilasinan a mabalin a mangipakita iti nakarkaro a problema: nalaus a depresyon.

No marikriknayo ti aniaman kadagiti sumaganad a problema iti inaldaw iti uneg ti dua a lawas wenno ad-adu pay, kapatangyo ti doktoryo: marigatan a mangipamaysa ti panunot; karirikna a pannakakonsensiya, awanan maaramidan, ken/wenno awanan namnama; marigatan a makaturog wenno agtalinaed a situturog; pannakapukaw ti interes kadagiti aktibidades a dati a magusgustoanyo; pannangan iti adu unay wenno kaawan ti ganas a mangan; saksakit wenno ot-ot ti bagi; ken naliday, madandanagan wenno “ubbaw” a panagrikna.

Saanyo masapul a sarangten dagitoy a karirikna nga agmaymaysa. Mabalinyo ti mapan agpakita iti aniaman a mangipapaay serbisyo iti salun-at ti ugali iti uneg-ti-grupo nga awan ti panangi-refer wenno pammalubos manipud kadakami. Tawagan ti Serbisyo iti Kostumer tapno agpatulong a mangituding iti appointment. Pakaragsakanmi ti tumulong.

- Alan Buffenstein, MD, Medikal a Direktor BH

Nayospital kay kadin wenno ti maysa nga ipatpateg iti biag para itisalun-at ti ugali?Sakbay a rumuar kayo iti ospital, siguradoen nga:

Agsaludsod tapno maawatanyo dagiti bilbilin para iti kalpasan ti pannakataripatoAmmoen dagiti ag-agasyo (kaano a tomaren dagitoy, dagiti nagnaganda ken no ania ti aramiden no malipatanyo ti agtomar iti maysa a dosis) Mangituding iti sumaruno nga appointment iti uneg ti pito nga aldaw kalpasan panagawid iti pagtaenganyo

Dagiti Nagalaan: Sentro ti Panangkontrol ken Pananglapped iti Sakit,, www.cdc.gov/features/dsdepression/index.html

Alan Buffenstein, MD, Medikal a Direktor BH

Dagiti Numero a Naskena Maammoan Maysa laeng a tawag iti telepono(wenno klik) ti kaadayomi! Tawagan ti Serbisyo iti Kostumer

nga awan-bayadna:

QUEST: 1-866-924-0277QExA: 1-888-846-4262TTY 1-877-247-6272

Lunes-Biyernes, 7:45 a.m.

agpatingga iti 4:30 p.m. Gagangay

nga Oras iti Hawai‘i. HST

Wenno bisitaen ti

www.ohanahealthplan.com

Awan-Bayadna a Telepono para ti

Balakad ti Nars: 1-800-919-8807

Warnakan ti Miyembro2�

Ania ti QUEST Integration? Mangrugi inton Enero 1, 2015, pagtipunento ti Dibisyon ti Med-QUEST (MQD) dagiti programa ti QUEST ken QExA iti maymaysa a programa a maaw-awagan iti QUEST Integration. Adtoy ti sumagmamano a masansan a saludsod maipanggep iti daytoy:

Addanto kadi panagbalbaliw iti kaikarianyo? Awan. Awan ti panagbalbaliw. No maikarikay iti aniaman kadagiti QUEST wenno QExA, maikari kayo iti QUEST Integration.

Adda kadi dagiti panagbalbaliw iti benepisyo? Mabalin a makaala kayo iti ad-adu a benepisyo. Tumawag nga awan-bayadna kadagiti numero a nakalista iti sango daytoy a warnakan.

Masapulko kadi ti agsukat iti plano ti salun-at? Saan, di yo masapul a sukatan ti plano ti salun-atyo. Makipasetto ti ‘Ohana Health Plan iti baro a programa!

Masapulko kadi a sukatan ti mangipapaay ti kangrunaan a pannakataripatok (PCP)? Saan. Mabalinyo a pagtalinaeden ti agdama a PCP yo.

Adda kadi sabali pay a saludsodyo? Pakaragsakanmi ti tumulong. Tawagandakami aniaman nga oras wenno bisitaendakam online iti www.ohanahealthplan.com.

Warnakan ti Miyembro 3�

•

•

•

• •

•

Napateg Kadakami ti Kinapribadoyo Dakkel a banag kadakami ti kinapribadoyo. Addaankam kadagiti pagannurotan no kasano a mabalinmi nga usaren ti impormasyon ti salun-atyo. Maaw-awagan daytoy kas Pakaammo maipapan kadagiti Pagannurotan iti Kinapribado. Ibagana pay kadakayo no kasano a mabalinyo nga usaren dagiti karbengan iti kinapribado no pagpapatangan ti impormasyon ti salun-at.

Mabalinyo a kitaen ti Pakaammo maipapan kadagiti Pagannurotanmi iti Kinapribado iti website mi iti www.ohanahealthplan.com/default/privacylegal. Adda pay daytoy iti kopyayo ti Libro ti Miyembro. Mabalinyo pay ti tumawag kadakami tapno dumawat ti kopya.

No balbaliwanmi dagiti allagadenmi iti kinapribado, mangikabilkamto iti baro a pakaammo iti website mi. Mangibusonkamto pay kadakayo iti surat maipanggep kadagiti panagbalbaliw.

Masapulyo ti Tulong tapno Mabaelanyo ti Istres? Ti istres ket saan a kanayon a dakes. Kinapudnona, daytoy ket normal a reaksiyon ti bagi kadagiti nadumaduma a pakarikutan. Ngem no saan a maaw-awan daytoy – kanayon nga adda iti panagbiagyo – mabalin nga apektaranna ti salun-atyo.

Saanyo mabalin a kanayon a liklikan ti istres, ngem makasarakkay kadagiti wagwagas a makatulong tapno mabaelanyo dagitoy:

Planoen ti orasyo. Mangaramid iti listaan ti aramiden ken ileppas nga umuna dagiti kangrunaan. Agsagana para kadagiti maka-istres a pasamak. Adda kadi umadani nga interbyu para iti trabaho? Masapulyo ti makipatang iti nalapat iti maysa a tao? Agtalinaed a positibo. Panunoten no anianto ti aramiden ken ibagayo. Agrelaks. Padasen ti aganges iti nauneg. Irelaksyo dagiti piskelyo babaen panaginat wenno panagdigos iti napudot a danum. Agkutikuti. Ti ehersisyo ket nasayaat a panglaban iti istres. Mangan iti nasustansya. Mangipauneg kadagiti nutrina a kasapulan ti bagiyo. Makipatang kadagiti kapamilya ken gagayyem. Makatulong no pagpatanganyo ti maipanggep iti istresyo.

No masapulyo latta ti tulong tapno mabaelanyo ti istres wenno iti panagkunayo ket madi ti epekto ti istres iti salun-atyo, kapatangyo ti PCP yo. Makatulong isuna tapno mabigbigyo dagiti kasayaatan a wagwagas a makatulong kadakayo a mangimaton iti istres iti panagbiagyo.

Nagalaan: Departamento ti Salun-at ken dagiti Serbisyo para Tattao iti U.S., “Imatonan ti Istres,” healthfinder.gov/ HealthTopics/Category/health-conditions-and-diseases/ heart-health/manage-stress#the-basics

Warnakan ti Miyembro4�

Ramramit a Tumulong Kadakayo Tapno Mabantayanyo ti Diabetes Irekomendar ti Asosasyon ti Diabetes iti Amerika® a bantayanyo dagiti napateg a banbanag no imatmatonanyo ti diabetes:

A1C Ti A1C ket eksaminasyon ti dara tapno rukoden ti kaadu ti asukar iti darayo. Ti nasken a gun-oden a numero ket nababbaba ngem 7. Nasken nga ipa-eksamenyo ti darayo iti saan a nakurkurang ngem mamindua iti makatawen.

Presyon ti dara Ti presyon ti darayo ket nasken a nababbaba ngem 130/80. Nasken a kitaen daytoy ti mangipapaay pannakataripato ti salun-atyo iti tunggal panagbisita. Mabalin pay a kiddawenda kadakayo a bantayanyo ti presyon ti darayo iti pagtaengan.

Kolesterol Ti kolesterol ket adda iti amin a tao. Daytoy ket kasla kandela ken kasla taba a substansya. Aglikmot daytoy iti intero a bagi babaen iti dara. Adda saan a nasayaat a kolesterol a maaw-awagan iti LDL. Adda met nasayaat a kolesterol a maaw-awagan iti HDL. Ti LDL ket mabalin a maurnong ken agsullat kadagiti pagayusan ti dara. Ngem ti HDL ket makatulong iti bagi a mangikkat iti LDL. Ti kaadu ti saan a nasayaat a kolesterol (LDL) yo ket nasken a nababbaba ngem 100. Ipa-eksamenyo daytoy iti saan a nakurkurang ngem maminsan iti makatawen.

Eksaminasyon ti Mata Ti diabetes ket mabalin pay a mangparnuay kadagiti problema iti mata. Ti sakit ti mata gapu iti diabetes ket maaw-awagan no dadduma kas “retinopathy.” Mabalin nga agbanag daytoy iti panagbulsek. Ngem makatulong ti nasapa a pannakaduktal ken panangagas kadagiti problema iti mata. Isu a tinawen a mapan para iti kumpleto nga eksaminasyon ti mata.

Ibagayo iti mangipapaay pannakataripato ti matayo ti maipanggep iti aniaman a problema iti matayo. Siguradoen nga ibagayo nga adda diabetes yo. Kitaenyo met ti sakup a bayadan ti plano para kadakayo. Dagiti eksaminasyon ti matayo ket mabalin a sakup a bayadan kas medikal a benepisyo.

Adtoy a Tumulong ti ‘Ohana! Adda programami iti diabetes a Panangimaton iti Sakit. Mabalinyo ti makipatang a sangon-sango iti maysa a nars ken kiddawen a maipatulod kadakayo ti impormasyon tapno maammoanyo ti ad-adu pay maipanggep iti diabetes. Tapno ammoen ti ad-adu pay, tawaganyo ti Serbisyo iti Kostumer ken kiddawen ti Departamento ti Panangimaton iti Sakit.

Maysa pay, kanayon a nakasagana ti Telepono para ti Balakad ti Nars. Mabalinyo ti makipatang iti maysa a nars iti aniaman nga oras ti aldaw wenno rabii nga awan ti bayadna. Ti awan-bayadna a numero ket 1-800-919-8807 (TTY: 711).

Nagalaan: Sentro ti Panangkontrol ken Pananglapped iti Sakit, www.cdc.gov/diabetes/ consumer/healthy.htm

Warnakan ti Miyembro 5�

• •

•

• •

•

•

•

•

• •

• • •

Dagiti Kangrunaan iti Libro: Kasano ti Mangala kadagiti Serbisyo

Sumagmamano a Serbisyo ti Agkasapulan iti Panangi-refer

Dagiti serbisyo a saan nga isayangkat ti PCP yo Dagiti panagbisita iti espesyalista iti opisina wenno agwaywayas a klinika

Sumagmamano a Serbisyo ti Maala nga Awan ti Panangi-refer

Dagiti serbisyo nga emerhensiya ken maganat a pannakataripato Dagiti serbisyo iti panagplano ti pamilya Dagiti regular a pannaka-checkup ken panagagas manipud iti naituding a PCP yo Dagiti panagbisita para iti Nasapa ken Kadarato a Pannaka-Screen, Panangduktal ken Panangagas iti Sakit (EPSDT) para kadagiti ubbing agpatingga iti maika-21 a panagkasangayda Dagiti tinawen a panagbisita ti nasalun-at para kadagiti babbai, agraman Pap smear Dagiti regular a serbisyo iti panagkita ken salun-at ti ugali ti pasyente a saan a mayospital Panangimaton iti Sakit

Umun-una nga Awtorisasyon No maminsan masapul nga aprubaranmi nga umuna dagiti serbisyo sakbay a maalayo dagitoy. Maaw-awagan daytoy kas umun-una nga awtorisasyon. Ti PCP wenno espesyalistayo ti makiuman kadakami tapno

dawaten daytoy a panangaprubar.Aramidenminto ti desisyon iti saan a nakurkurang ngem 14 nga aldaw ti trabaho. Dagiti sumagmamano a banbanag nga agkasapulan iti umun-una nga awtorisasyon ket:

Sumagmamano a medikal a suplay ken alikamen; Sumagmamano a medikal a wagwagas nga isayangkat ti PCP wenno espesyalistayo; Chemotherapy; Wagwagas iti pannaka-operar; ken Dagiti saan-nga-emerhensiya a serbisyo ti ospital.

Dagiti Serbisyo Manipud kadagiti Mangipapaay Serbisyo a Saan a Paset ti Grupomi

Mabalin nga adda tiempo a masapulyo ti pannakataripato ti salun-at a saan nga idiaya ti mangipapaay serbisyo a paset ti grupomi. Para kadagita a tiempo, makitinnulongto ti PCP yo iti plano ti salun-at tapno iyalaandakay iti kasapulanyo a pannakataripato.

Kamaudiananna, adda sumagmamano nga allagadenmi tapno masigurado a makapankay kadagiti appointment yo iti umiso a tiempo. Ti kapaut ti tiempo tapno makapan ken aguraykay iti appointment ket maibasar iti kita ti kasapulanyo a pannakataripato. Tapno ammoen ti ad-adu pay, kitaen ti kopyayo ti Libro ti Miyembro. Kitaen ti panid 12 no miyembro kayo ti QExA. Kitaen ti panid 14 no miyembro kayo ti QUEST.

Warnakan ti Miyembro6

Ammoyo Kadi nga Importante iti Doktoryo a Maawatanyo ti Salun-atyo? Ti tiempo a busbosenyo iti doktoryo ket mabalin nga agsasabali depende iti rason ti panagbisitayo. Mabalin a daytoy ket panagbisita gapu ta masakit kayo, maysa a regular a panagpa-checkup wenno eksaminasyon ti bagi. Aniaman ti rason, importante iti doktoryo a maawatanyo ti salun-atyo. Laglagipen nga OK laeng ti agsaludsod no patpatangen ti doktoryo ti maipanggep iti pannakataripato wenno agasyo. No awan ti aniaman a saludsodyo, ipagarupto ti doktoryo a maawatanyo ti amin. Isu a di kay agbuteng nga agsaludsod. Makatulongto daytoy kadakayo a mangimaton iti bukodyo a salun-at.

Idulinyo ti ID Kard Yo Kas Miyembro iti Nalaka a Pagbirokany Ti ID kard yo kas miyembro ket nakapatpateg. Ibilang daytoy kas tulbekyo a mangala kadagiti serbisyo iti pannakataripato ti salun-at. Isu a nasken a kanayonyo nga itugot daytoy. Itedyo daytoy iti PCP yo tunggal mangalakay iti pannakataripato.

Linaonna pay dagiti makatulong a detalye maipanggep iti planoyo ti salun-at – kas iti nagan ken numero ti telepono ti PCP yo. Pagtalinaedenyo koma a baro ti kard yo babaen panagtawag iti Serbisyo iti Kostumer no umakarkayo wenno addaankay kadagiti sabali pay a panagbalbaliw. Ti numero ti telepono ket adda iti likod ti ID kard ti miyembro.

I-klik wenno Tumawag para iti Kabaroan a Damdamag maipanggep iti Sakup a Benepisyo iti Agas Kayatyo kadi a maammoan ti kabaroan maipanggep kadagiti ag-agas nga iramanmi iti sakup? Siguradoen a kitaen ti website mi. Makitayonto ti Listaanmi ti Ipangpangruna nga Agas (wenno ab-ababa, PDL). Maammoanyo ti maipanggep kadagiti kabaroan a nainayon ken naikkat. Makitayonto pay dagiti panagbalbaliw iti aniaman a kasapulan mainaig iti agas wenno limitasyon ti benepisyo. Mapan laeng iti www.ohanahealthplan.com. Kalpasanna i-klik ti “Para kadagiti Miyembro,” pilien ti planoyo ken i-klik ti tab ti “Parmasya” iti ngato. Mabalindakam pay a tawagan para kadagiti kabaroan a damag iti numero a nakalista iti sango daytoy a warnakan.

Warnakan ti Miyembro 7�

Dagiti Makatulong a Palagip maipanggep kadagiti Benepisyo ken Serbisyoyo Kayatmi ti makasigurado nga adda pannakabalinyo iti pannakataripato ti salun-atyo. Isu nga adtoy ti sumagmamano a banbanag maipanggep iti planoyo a nasken a di yo liplipatan:

Dagiti Panagbisita dagiti Babbai Ammoyo kadi a mabalinyo ti mapan kadagiti espesyalista iti salun-at ti babbai a paset ti grupomi para iti pannakataripato a regular ken panglapped iti sakit? Mairaman ditoy dagiti dodoktor kas koma ti maysa a doktor iti panagsikog wenno doktor dagiti sakit ti babbai. Saanyo masapul ti umun-una nga awtorisasyon manipud kadakami.

Dagiti Maikadua nga Opinyon Tawaganyo ti agdama a PCP yo no kayatyo ti sabali a panirigan mainaig iti salun-atyo. Kiddawennanto kadakayo nga agpili iti mangipapaay serbisyo ti plano iti lugar a serserbian iti pagnanaedanyo. No awan, makiddawto nga agpilikay iti sabali a saan a paset ti grupo ti plano. Mabalin a masapul ti umun-una nga awtorisasyon.

Dagiti Serbisyo iti Ruar-ti-Grupo Ania ti mapasamak no saanmi a maited kadakayo ti medikal a kasapulan a sakup a serbisyo iti uneg ti grupomi? Iramanminto iti sakup dayta a serbisyo iti ruar ti grupo. Ti gatad a bayadanyo ket saanto a nangatngato ngem iti gatad no ti serbisyo ket naisayangkat koma iti uneg ti grupo. Iti sumagmamano a kaso, mabalin a kasapulan ti umun-una nga awtorisasyon.

Nainkalintegan a Pannakatratar Dagiti mangipapaay serbisyomi ket nasken nga idiayada kadakayo dagiti oras ken aldaw ti opisina nga ididiayada kadagiti addaan iti sabali a sakup ti benepisyo.

Agyamankam iti panangilatangyo ti oras a mangkumpleto iti surbey nga CAHPS®.

Saludsoden ti tinawen a surbey nga CAHPS kadagiti miyembro no ania ti makunada maipanggep iti kalidad ti maal-alada a pannakataripato. Pudno a napateg kadakami ti kapanunotanyo. Makatulong kadakami dagiti sungbatyo tapno mapasayaatmi dagiti serbisyo nga ipaaymi kadakayo. Makatulong pay tapno maammoan dagiti mangipapaay pannakataripato ti salun-at no kasanoda kalaing iti serbisyoda. Ti CAHPS ket nakarehistro a marka ti negosyo ti Ahensiya para iti Panagsukisok ken Kalidad ti Pannakataripato ti Salun-at (AHRQ).

Kanayonyo a kapatang (dagiti) ti doktoryo maipanggep iti pannakataripato nga umno para kadakayo. Daytoy a babasaen ket saanna a sukatan ti balakad ti doktoryo. Naibasar daytoy kadagiti naggapu iti maikatlo a partido. Iprespresentarmi daytoy kas impormasyon para kadakayo laeng. Saanna a kayat a sawen a dagitoy ket benepisyo a sakup a bayadan ti ‘Ohana. Maysa pay, saan a garantiyaan ti ‘Ohana ti aniaman a resulta ti salun-at. Nasken a basaenyo ti planoyo wenno tawagan ti Serbisyo iti Kostumer tapno ammoen no ti maysa a serbisyo ket sakup a bayadan. Tumawag a dagus iti 911 wenno iti doktoryo no adda emerhensiya ti salun-at.

HI027421_CAD_NEW_ILO State Approved 11062014 § ©WellCare 2014 HI_08_14 ^

949 Kamokila Blvd., 3rd Floor Suite 35ᄋ Kapolei, HI 96707

This document contains important information. To request this information in an alternate language or to have it orally translated, please contact Customer Service toll free at 1-888­846-4262 (TTY/TDD toll 6ree: 1-877-247-6272).

本文件包含重要信息 ° 如需該信息的其它語妨格式或者口頭翻譯，請聯繁客戶服務部 的免費電話 1-88信846-4262 (TTY/TDD 免費電話 : 1-877-247翻272) °

이 서류는 중요한 정보를 담고 있습니다. 이 정보를 다른 언어로 번역된 것을 원하시거나 이 내용에 대한 구두 통역을 원하시면, 고객 서비스 무료 전화번호 1-888-846-4262 (TTY/TDD 무료 전화번호: 1-877-247-6272，，. Daytoy o dokumento ket naglaon iti napateg nga lmpormasyon. Tapno dawaten daytoy nga impormasyan iti sabali a lengguwahe wenno tapno maipatarus bayat pannakaibasana, makiumon komo iti Serbayo iti Kliyente (Customer Service) mi ti libre Iti 1-888-846-4262 (TTY/TDD mi ti libre: 니규了그각了내노오).

Ang dokumentong ito ay ng mahalagang impormasyon. Upang hingin ito sa ibang lengguwohe o ito nang pasalita, mangyaring makipag-ugnayan ng walang bayad sa Serbáíyo s2 Kostumer (Customer Service) sy 1-888-846-4262 iITTY/TDD walang bayad : ̂ フぷフ- 62 n).

Tai liệu nì̂ có thông tin qumn d7 yêu cau thông tin này b6ng một ngôn ngữ khác hoặc nhờ ngưài thông dịch bang lời nói, xin liên lạc với Dịch Vụ Khách Hàng tại sỐ điện thoại miễn phí 1 -888-846-4262 (TTY/TDD: số điậi thoại miễn phí 1-877-247-6272).