Upload
others
View
1
Download
0
Embed Size (px)
Citation preview
University of the Philippines Manila College of Arts and Sciences
Department of Social Sciences Political Science Program
“GAPANGAN” Isang Pag-aaral sa Ugnayan ng Kahirapan at Pagbebenta ng Boto sa Barangay “P”,
Malate, Manila
Isang Seminar Paper na ipinasa kay
Professor Fatima Alvarez Castillo
Thesis Adviser
Bilang parte ng mga rekisito sa
Political Science 198
Special Topics in Political Science
2nd Semester, SY 2014 - 2015
Chynthia O. Adriano
2011 – 38080
May 31, 2015
ABSTRAK
Ang pangunahing layunin ng pag-aaral na ito ay maintindihan at maipakita ang
ugnayan ng ekonomiko at pulitikal na aspeto ng kahirapan. Madalas, tinitingnan ang
pagbibili at pagbebenta ng boto bilang isang market exchange o transaction. Ang
pagtingin na ito ay nagresulta sa sentral na kaalamang ipinagpapalit ng mga mahihirap
ang kanilang karapatan sa mga panandaliang benepisyo o utility. Ipinapakita ng pag-
aaral na ito na mayroong mas malaki at mas malawak na epekto ang kahirapan, bukod
sa materyal na kasalatan, gaya ng kawalan ng pwersa sa pulitikal na aspeto ng bansa.
Ang pagiging gising, o kahit na hindi gising, ng isang mahirap sa kawalan ng
kapangyarihan na ito ang nagiging dahilan upang sila ay bumaling sa pagbebenta ng
boto.
INTRODUKSYON
Larawan mula sa Twitter.com
Ipinapakita ng larawan sa itaas ang inspirasyon sa pagsasagawa ng pag-aaral
na ito. Ang inilalahad sa tweet na iyan ay isang komentong hindi naiiba. Kung ating
titingnan, marami pang tao ang nagpapaskil ng kanilang mga kaparehong hinaing sa
iba’t ibang porma ng medya, partikular na ang online media. Nauso pa nga ang
terminong “Bobotante”, na ginagamit upang punahin ang mga botanteng “walang pinag-
aralan” at “ignorante”. At sino nga ba ang madalas hindi nakakapag-aral? Sino ang mga
hindi nakakapagtapos? Eh di ang mga mahihirap, na siya ring bumubuo sa mayorya ng
botanteng Pilipino.
Ngunit ang masaklap sa usaping ito ay ang agarang paninisi at tila pagtatangi
sa mga mahihirap dahil sa paniniwalang sila ay nagbebenta ng kanilang boto.
Nagbebenta man o hindi, gustong ipakita ng pananaliksik na ito ang mas malalim na
pagtalakay sa sitwasyon ng mga mahihirap, sa konteksto ng kanilang pagdedesisyon
sa kung sino ang ilalagay sa balota. Nais nating makita na ang kahirapan ay mas
malawak at hindi lamang limitado sa materyal na aspeto, gaya ng kakulangan sa pera,
pagkain, o damit.
Noong nakaraang eleksyon sa Pilipinas, naging talamak na naman ang
pagbibili ng boto. Ayon sa tagapagsalita ng Commission on Elections (COMELEC) na si
James Jimenez, maraming dumating na report ukol sa ganitong kaso. Ayon sa kanya,
maraming local na kandidato ang nagbibigay ng mula P200-P5000.1 Ayon naman sa
mga obserbasyon ng mga pari na sininop ni Prof. Randy David ng University of the
Philippines2,
Obispo ng Pangasinan Mario Peralta: “Talamak talaga ang
pagbibili ng boto sa lahat ng bayan. Napakalungkot na
development nito. . . lumala pa.”
Obispo ng Sorsogon Arturo Bastes: “Namayani talaga ang pulitika
ng pera noong May 13. Personal na interes at benepisyo ang
nagpasya sa boto.”
Sinabi ni Father Dave Porcalla, koordinator ng PPCRV sa
Autonomous Region for Muslim Mindanao na ang perang
ipinamudmod sa North Cotabato ay umaabot mula P5000
hanggang P20, 000 kada pamilya.
Nakatanggap naman si Obispo Pablo David ng sobre na
naglalaman ng campaign leaflet ng isang partylist nominee
kasama ang isang malutong na P200. “Lahat ng iba pang pari sa
aking parish ay nakatanggap ng parehong sobre mula sa mail.”
Habang nananatili pa rin ang praktis ng pagbibili ng boto, kasabay nito ang hindi
mamatay-matay na isyu ng pagbebenta ng boto. Kaya naman kahit marami nang pag-
1 http://www.philstar.com/headlines/2013/05/16/942666/comelec-vote-buying-rampant
2 AIM
aaral ang nagawa patungkol sa mga usaping ito, nagpapatuloy ang pagpapalalim ng
pag-unawa sa isyu.
Ang pag-aaral na ito ay naglalayong maintindihan pa ang pagbebenta ng boto
sa pamamagitan ng mas malalim na pagtingin sa kahirapan, na tila rason kung bakit
nagbebenta ng boto ang mga tao. Ang ating kaalaman ay madalas nakapokus sa
materyal na kakulangang dinaranas ng mga tao, dahilan kung bakit nila pinipili ang
short term benefits na makukuha mula sa mga kandidato tuwing eleksyon. Sa
pananaliksik na ito, ating ilalatag ang isyu sa konteksto ng pulitika, at lalayo sa purong
ekonomikong pagtingin.
BALANGKAS NG PAG-ANALISA
Deprivations at Alienation
Sa konsepto ni Ralph Miliband ng deprivations3, kanyang sinabi na ang iba’t
ibang dimensyon ng kahirapan ay bumubuo sa isang network of deprivations.
Partikular, kanyang pinagtuunan ang hindi gaanong kapansin-pansin , ayon sa kanya,
na porma ng deprivation- ang pulitikal.4
Sinasabi ni Miliband na di gaya ng ibang mga porma, ang pulitikal na elemento
ng kahirapan ay hindi masyadong natatalakay, kumpara sa ekonomiko, kultural, o iba
pang porma nito. Nabanggit din naman niya na dahil ito ay mas mahirap makita.5 Ang
pagiging tila invisible nito ay, marahil, dahil sa kalayuan nito sa materyal na mundo
kung ibabase sa pang-araw-araw na buhay ng isang tao.
Lalo pa itong naitatago dahil sa tila “pantay” namang pagmamay-ari ng mga
karapatang pang-mamamayan, mahirap man o mayaman ang isang tao. Halimbawa na
lamang, lahat ng mamamayang nasa tamang edad at pasok sa iba pang
kwalipikasyong itinakda ng estado ay binibigyan ng pagkakataong bumoto. Bukod rito,
3 Ayon sa depinisyong ibinibigay ng Oxford Dictionaries, ang deprivation ay “ang kakulangan o kawalan ng isang
bagay na mahalaga at kinakailangan” 4 Ralph Miliband, ‘Politics and Poverty’, sa Poverty, Inequality, and Class Structure, p. 183
5 Ibid, p. 183
may akses din ang bawat mamamayan sa iba pang porma ng partisipasyon sa pulitikal
na proseso ng bansa.6
Ngunit sabi ni Miliband, sa katotohanan, kung ating titingnan nang mabuti,
nawawala ang kahulugan ng mga karapatang ito. Mayroong mahalagang epekto ang
ekonomikong estado ng isang tao sa kanyang pulitikal na buhay, sapagkat “ang
economic deprivation ay sanhi ng political deprivation”. Samantala, lalong pinapalalo ng
political deprivation ang pagiging economically deprived ng isang tao. Kung kaya’t sa
tagal ng panahon, nagtutulungan ang bawat isa sa pagpapalakas nilang dalawa.7
Economic deprivation
Political deprivation
Para kay Miliband, isang mahalagang katangian ng isang mahirap ang uring
kanyang kinabibilangan. Ang pagiging mahirap, ayon sa kanya, ay ang pagkakaroon ng
trabaho, pagiging isang manggagawa, at madalas ay nasa full-time employment, ngunit
tumatanggap lamang ng kakaunting sweldo. Sabi niya, karamihan ng mga pamilyang
nabubuhay sa kahirapan ay binubuo ng mga nanay at/o tatay na nakakatanggap
lamang ng ganitong kakarampot na kita. (Inilalarawan ni Miliband rito ang sitwasyon ng
Britanya noong 1950s ngunit ang ganitong sitwasyon ay makikita sa konteksto Pilipinas
hanggang sa kasalukuyan).8
Ang pagiging politically deprived ng mga mahihirap na ito ay makikita sa
kanilang kawalan ng impact o pressure sa mga desisyong ginagawa ng gobyerno.9
Dagdag naman ni Finifter, ang kawalan ng pulitikal na kapangyarihan ay hindi lamang
base sa kasalukuyang kaganapan; maaari din itong magmula sa pag-iisip o
karamdaman ng isang tao na siya’y walang magagawa sa usaping gobyerno.10
Nananatiling malaking hamon para sa kanila ang pagkakaroon ng boses, lalo na ang
6 Miliband,p. 183
7 Miliband, p.184
8 Miliband, p. 188
9 Ibid.
10 Finifter 1970, as cited by Senekal, B. A. (2010). “Alienation in Irvine Welsh’s Trainspotting” Literator 31(1),
19-35
makapagsalita para sa kanilang sarili. Ayon nga kay Miliband, kung hindi ito magagawa
ng mga mahihirap, ay wala nang mas epektibo pang makakagawa nito para sa kanila.11
Maipagpapatuloy o maiuugnay ang political deprivation ni Miliband sa konsepto
naman ni Seeman ng powerlessness na nag-uugat sa ideya ni Karl Marx ng alienation.
Ayon kay Marx, nai-alienate ang mga manggagawa sa lipunan nang dahil inaagaw ng
mga kapitalista ang kanilang pamamaraan ng pagdedesisyon.12
Mula dito, sinasabi ni Seeman na ang alienation sa porma ng kakulangan o
kawalan ng kapangyarihan ay makikita sa kaisipan ng indibidwal na wala siyang
magagawa para impluwensyahan ang mga bagay-bagay patungo sa nais niyang
kahihinatnan. Makikita ito sa pagkakaiba ng paglalarawan ng isang tao sa isang
kaganapan sa nais nitong mangyari sa kaparehong sitwasyon.13 Sinusundan din ito ni
Kalekin-Fishman na nagsasabing ang ganitong uri ng alienation ay nararanasan ng
isang indibidwal kapag gising siya sa pagkakaiba ng nais niyang gawin at ang tingin
niya’y kaya niyang gawin.14
Utang na Loob
Sa halos lahat ng pulitikal na sistema, mahalagang parte ang ginagampanan
ng pulitikal na kultura o political culture. Sa Pilipinas, ang utang na loob ay tila isang
prinsipyo na ng isang tao. Sa pag-araw-araw na buhay, kailangang magpasalamat sa
mga bagay na naibibigay o naitutulong ng isang tao sa iyo at suklian ito ng
kagandahang loob. Bagamat ang pagkakaroon ng ganitong kultura ay maituturing na
maganda sa maraming aspeto ng buhay ng isang indibidwal, hindi nagiging maganda
ang epekto nito kapag inilagay sa konteksto ng pulitika sa Pilipinas.
Ang pagkakaroon ng utang na loob ay nakakabit pa rin sa kahirapan. Kapag
ang isang tao’y mahirap at siya ay nabigyan ng isang regalo o bagay na hindi niya
hinihingi, kahit na maliit lamang, ang kanyang pagpapahalaga sa natanggap at sa
11
Miliband, p. 191 12
Seeman (1959), as cited by Senekal, B. A. (2010). “Alienation in Irvine Welsh’s Trainspotting” Literator 31(1), 19-35 13
Ibid 14
Kalekin-Fishman (1996), as cited by Senekal, B. A. (2010). “Alienation in Irvine Welsh’s Trainspotting” Literator
31(1), 19-35
nagbigay nito ay hindi magiging kapareho ng pagpapahalagang ibibigay rito ng isang
mayaman. Kung gagamitin ang isang konsepto sa ekonomiks, hindi magiging pantay
ang utility ng isang mayaman at mahirap dahil magkaibang libel ang kaya nilang abutin
kung ibabatay sa ekonomikong resources.15
Ipinaliliwanag nina Bart Victor at Woodrow Lucas ang epekto ng mga ganitong
pagreregalo sa mga mahihirap, “ang mga regalo o pagtulong ay maaaring magbigay ng
kita sa mga mahihirap, ngunit hindi nito pinalalawak ang kanilang kalayaan. Lahat ng
pagbibigay ay gumagawa ng mga porma ng pagkakautang. At ang mga mahihirap
lamang ang tunay na nakakaintindi sa bigat ng mga utang na naibibigay ng mga
ganyang regalo.”16
PAMAMARAAN NG PANANALIKSIK
Isang case study ang ginawa ng mananaliksik gamit ang isang barangay, na
tatawaging Brgy. “P” sa papel na ito. Nakita ng mananaliksik na maganda ang barangay
para sa pag-aaral dahil sa (1) Nakumpirma nito na may naganap na
15
Beisner, C. (2001), p. 114 16
Victor, B. & Lucas, W. (2007).
Pulitikal na deprivation
KULTURA: Utang na loob
KAHIRAPAN
Alienation sa porma ng
kakulangan o kawalan ng
kapangyarihan
pagbibili/pagbebenta ng boto dito, at (2) Kinalalagyan ito ng magkakaibang income
class na magbibigay puwang para sa kagustuhang mapagkumpara ang mga karanasan
at pagtingin ng magkakaibang income class sa usapin ng pagbibili/pagbebenta ng boto.
Gumamit ng mixed method ang mananaliksik sa pagkalap ng datos. Para
sa kwalitatibong pamamaraan, nagsagawa ng isang key expert interview [KEI] at tatlong
key informant interview [KII] ang mananaliksik. Kanyang nakapanayam ang isang
election expert mula sa hanay ng Center for People Empowerment and Governance
[CenPEG] na si Prof. Bobby Tuazon. Ang mga kalahok naman sa KII ay napili base sa
kanilang mga kaalaman at personal na karanasan sa pagbibili at pagbebenta ng boto,
na nalaman mula sa isinagawang sarbey.
Para sa kwantitatibong pamamaraan, ginamit ang Lynch et al. formula na
makikita sa ibaba upang malaman ang laki ng sample na kailangan. Ang mga kalahok
ay sinadyang (1) Mayroong karanasan sa pagboto at nakalahok sa eleksyon noong
2013 at (2) household head. Ang karanasan sa pagboto, lalo na noong 2013, ay
pinapahalagahan dahil tinitingnan ito ng mananaliksik bilang pagmumulan ng
engagement ng magiging kalahok. Ang paggamit sa household head bilang
kwalipikasyon ay mahalaga naman dahil bilang pinakamatanda sa pamilya, sila ang
kadalasang rehistradong botante at may mas malawak na karanasan sa pagboto.
NZ2 • p (1-p)
Nd2 + Z2 • p (1-p)
(87)(1.96)2 • (.5) (.5)
(87)(.1)2 + (1.96)2 • (.5) (.5)
45.64
Kung saan: Z= 1.96 (value ng isang normal variable na may reliability level na 0.95)
p= .50 (proporsyon ng pagkakaroon ng magandang sample)
1-p= .50 (proporsyon ng pagkakaroon ng mahinang sample)
d= .10 (sampling error)
N= laki ng populasyon
n= laki ng sample
Ginamit ng mananaliksik ang nakuhang listahan ng mga rehistradong botante sa
Barangay “P” noong 2013 upang matumbok ang mga bahay na may nakatirang
rehistradong botante. Bawat address na nakuha sa listahan ay kinabitan ng numero
(mula 1 hanggang 76). Gamit ang isang random number generator website17, napili ang
45 na address na pinuntahan ng mananaliksik (sa tulong ng dalawang opisyal ng
barangay).
RESULTA AT DISKUSYON
Propayl ng mga Kalahok
Talahanayan 1. Ang ABCDE Income Classification at bilang ng mga kalahok sa
bawat klasipikasyon
Klasipikasyon Buwanang Kita Bilang
AB (High-income class) Mahigit sa P100, 000 0
C (Middle-income class) Mahigit sa P20, 000
hanggang P100, 000
11
D (Low-income class) P10, 000 hanggang P20,
000
18
E (Lowest-income class) Mababa sa P10, 000 16
TOTAL 45
17
Random.org
Personal na Karanasan sa Pagbibili at Pagbebenta ng Boto
Makikita sa datos sa ibaba na mayroong pagbibili ng botong naganap sa Brgy.
“P” noong nakaraang eleksyon. Ayon nga sa mga nakapanayam, “marami” at “talamak”
nga daw ito. Mahigit kalahati sa mga kalahok ang umaming sila ay inalokan, at halos
lahat ng mga ito ay tumanggap sa alok. Makikita rin na madami sa low income classes
ang inalokan at tumanggap, samantalang kakaunti lamang sa middle income class na C
(Talahanayan 2).
Bagamat naipahayag sa mga interbyu na hindi naman partikular na target ng
mga mamimili ng boto ang mga mahihirap, bilang mayorya ng ng populasyon ng Brgy.
“P” ay mga mahihirap, sila din ang karamihang bumubuo sa populasyon ng mga
inaalokan at tumatanggap ng pera o anupamang benepisyo mula sa mga kandidato.
Samantala, dahil nga puro mga household head lamang ang kalahok sa sarbey,
ninais pa rin na maisali ang karanasan ng mga iba pang miyembro ng pamilya o
tahanan na may karanasan din sa pagiging botante. Tinanong sa mga kalahok kung
“Sa nakaraang eleksyon, may kandidato ba (o kanyang kasama) ang-alok sa iyong
kapamilya o kasama sa bahay ng pera o kahit na anong materyal na bagay sa panahon
ng kampanya o araw ng eleksyon?” Matapos ito, gaya din noong una, tinanong din sa
kanila kung ang mga alok ba ay tinanggap.
Sitwasyunal na kasagutan
Gumamit ng mga sitwasyunal na katanungan ang mananaliksik upang malaman
ang pagtingin ng mga kalahok sa pagbibili at pagbebenta ng boto. Inaasahan din na sa
pamamagitan nito ay mas maiintindihan ang intensyon ng mga kalahok. Gagamitin din
ang mga kasagutan dito upang maikumapara sa empirikal na datos.
Nang tanungin ang mga kalahok kung tatanggap ba sila ng alok mula sa isang
kandidato sa susunod na eleksyon (Figure 2), mahigit sa kalahati (53.33%) ang
nagsabing hindi. Makikita na ito ay malayo sa mahigit 90% na bilang ng mga
tumanggap noong nakaraang eleksyon. Para sa mga nagsabing sila ay tatanggap, ang
dahilan nila ay « sayang » daw kasi kapag hindi ito tinanggap. Ito ang karaniwang sagot
na makikita sa lahat ng income classes. Samantala, kapansin-pansin na 31.25% ng
mga nasa E ay nagsabing kailangan nila ng pera kaya nila ito tatanggapin (Figure 3).
Para naman sa mga hindi tatanggap, , ang pinakapangkaraniwang sagot na makikita sa
lahat ng income class ay ang paniniwalang mali ang pagbibili ng boto (22.22%) at ang
takot na magkaroon ng utang na loob sa kandidato (11.11%) (Figure 4).
Upang makita kung papano tinitingnan ng isang botante ang mga kandidatong
namimili ng boto, sinubukang tanungin ang kanilang desisyon. Nang tanungin kong
iboboto ba nila o hindi ang kandidatong namimili ng boto, 25 o mahigit kalahating
porsyento ng mga kalahok ang sumagot ng “awtomatikong hindi ko iboboto” (Figure 5).
Samantala, marami din (33%)18 ang nagsabing maaari pa rin nila itong iboto.
Ayon sakanila, depende pa rin daw ito sa kandidato, kung siya ang gusto nila o kilala
nila ito. Pinapakita nito na minsan, maaaring hayaan ng botante ang pagbibili ng boto
kung sa tingin nila’y may katangian itong karapat-dapat para sa posisyong
tinatakbuhan.
Halimbawa na lamang, isa sa mga nakapanayam ang nagpahayag ng pagiging
okay lang ng pagbibili ng boto at tila pagtulong pa nga sa kandidatong sinusuportahan.
Nang tanungin kung tumatanggap siya ng alok, kanyang sinabi na,
“Depende. Pag ano, kasi kunwari ka-partido, hindi mo na kukunin. Ise-share mo
yun. Kunwari ako, sa iba mo nalang ibigay. Sure ka na sa akin. Makakatulong
yan. Pero kung kalaban, bigay mo sakin, tapos iboboto mo kung sinong gusto
mo; na sa tingin mo yung talagang makakatulong kasi kagaya niyan nagbigay
diba tapos alam mo babawiin din naman sa pondo.”
Ang Kondisyunal na Pagtingin sa Pamimili ng Boto
Naipakita sa itaas na maaaring maging kondisyunal ang pagtingin ng mga tao sa
pagbibili ng boto. Sa pangkalahatan, tinitingnan nila itong masama; at naniniwala silang
ang mga kandidatong namimili ay siguradong mangangamkam kapag sila ay napunta
18
Apat sa mga kalahok na sumagot dito ang nagsabing maaari pa rin nilang iboto ang kandidato kung ito ang pinili ng kanilang simbahan.
na sa pwesto (“babawi” kumbaga, ayon sa lahat ng nakapanayam). Subalit kapag ang
kandidatong kanilang sinusuportahan ang nagbili ng boto, maaaring ito ay katanggap-
tanggap at walang maging epekto sa kanilang desisyon. (Tandaan na sa sitwasyong ito,
solid na ang suporta ng botante).
Para sa botanteng wala pang solid na sinusuportahan, maaaring mag-iba naman
ang pagtingin sa kandidatong namimili. Halimbawa, isa sa mga nakapanayam na
umaming ibinoto niya ang nagbigay sa kanya dahil sa kanyang natanggap ang
nagsabing, “At least nagbigay, kesa yung iba. Pare-pareho lang din naman. Buti siya
nagbigay. Yung iba sinasarili lang.”
Ang matulunging kandidato
Lahat ng mga nakapanayam ay nagnanais ng isang kandidatong makakatulong
talaga sa mga tao. Magkakaiba nga lang sila ng pagtingin sa porma ng tulong na
kanilang inaasahan. Makikita ang pagkakaiba sa mga sagot na ipapakita sa ibaba:
Sagot 1: Yung may alam, sa paggawa ng batas, yung mapapakinabangan talaga; hindi yung pag sinabing ganito, uupo ka nalang tapos sunod sa utos, diba? Kelangan yung nakakatulong, yan, unang-una may alam, bakit ka tumakbo? Kasi siyempre may alam ka. Gusto mong tumulong sa ano, hindi yung pangunahing sarili mo ang uunahin mo.
Sagot 2: Yung ano, yung nagagawa niya talaga kagaya ng hinahawakan ko, di na ako mag-aano ng pangalan, tumutulong talaga siya sa tao. Kahit mahirap, di siya tumitingin, kasi galing din siya sa mahirap. Kasi ang ginagawa niya samin, pag humingi ako ng tulong sa kanya, binibigyan niya ako. Isang punta ko lang sa kanya, kahit sinong tao, pag pupunta sa kanya tinutulungan niya. Kagaya nung na-ospital yung asawa ko, isang punta ko lang sa kanya. . .
Sagot 3: Binoto ko kasi nagbigay siya. Tinanggap ko kasi number 1 pangangailangan ng tao ang pera. Lahat naman sila mangungurakot lang eh, kapag nasa pwesto na, ano pang aasahan mo? At least nakatanggap ka, kahit papano. Kesa yung iba, hindi na nagbigay, pagkaupo, yun, mangungurakot pa din.
Sa nauna at pangalawang mga kasagutan, ang tinitingnan nila sa isang kandidato ay
yaong makakatulong sa kanila at hindi mangungurakot o mangangamkam lang kapag nakaupo
na. Sa pangatlong kasagutan naman, mababatid ang isang tila hopeless o wala nang pag-
asang sitwasyon ng pagbibili ng boto sa Pilipinas, at ang resulta nitong pangungurakot
kapag nakaupo na ang isang kandidato. Para sa sumagot nito, wala nang kailangang
asahan mula sa isang kandidato pagdating ng kanyang termino. Dahil dito, naging
positibo pa ang kanyang pagtingin sa mga bumibili ng boto tuwing eleksyon sapagkat
nakita niya ito bilang akto ng pagbabahagi sa parte ng kandidato.
KAALAMAN AT PAGTINGIN SA NG VOTE BUYING
Nang tanungin kung sa tingin ba nila’y gagamitin na naman sa susunod na
eleksyon ang pagbibili ng boto bilang istratehiya ng mga kandidato, tatlo lamang sa
mga kalahok ang nagsabing hindi. Bagamat tinitingnan ito bilang mali, nilalahad ng
nakalap ng mga datos na tila walang naniniwala na ito ay mawawala, kung hindi man sa
ngayon, kahit sa paglipas ng panahon.
Samantala, nang tanungin naman sila kung ano sa tingin nila ang mga dahilan19
kung bakit hindi mawala-wala ang pamimili ng boto, 66.67% ang nagsabing dahil ito sa
kahirapan. Karamihan, lalo na ang mga nabibilang sa low-income class, ang
naniniwalang may mga kandidatong bumibili g boto dahil alam nilang may mahihirap na
botanteng nais magbenta ng sa kanila (Figure 6).
Sinundan naman ito ng pagiging epektibo nito (42.22%), pagiging mayaman ng
mga kandidato (31.11%), ang hindi pagkakahuli ng mga gumagawa nito (28.89%), at
panghuli ang pagiging katanggap-tanggap nito sa lipunan (15.56%).
Ilang respondent din ang nagbigay ng mga karagdagang rason gaya ng
kakulangan sa edukasyon ng mga botante. Gayundin ang kulturang Pilipino na utang
na loob, na nabubuo sapagkat ang mga pulitiko ay may pamamaraan para magkaroon
ito ng gampanin sa personal na buhay ng mga tao. Halimbawa raw ay ang pagiging
ninong nito sa kasal o binyag na ipinagdiriwang ng mga tao. Nabanggit din ang kawalan
ng nasyonalismo ng Pilipino at ang sunod-sa-nakararami nitong pag-uugali. May
nagsabi rin na ang pamimili ng boto ay bentahe kasi ng mga bago lamang sa mundo ng
pulitika. Kailangan niyang gumamit ng pera upang maipakilala ang kanyang sarili. Sa
19
Maaaring sumagot ng mahigit sa isa.
kabilang banda naman, mayroong sumagot na ang pananatili ng vote buying ay dahil
din sa pananatili ng mga political dynasties.
Ang Ugnayan ng Ekonomikal at Pulitikal na Kasalatan
Sa kasaysayan pa lamang ng Pilipinas, nakita na ang pagiging marhinalisado ng
mga mahihirap sa pulitikal na sistema. Ang binigyan lamang ng pagkakataong
makapamuno, gayundin ang pagboto ay ang mga kabilang sa elite o propertied class.
Hanggang ngayon, ang kaganapang ito ay patuloy na tumitindi. Bagamat ang
karapatang bumoto ay lumawak na upang isali ang lahat ng mga makakaabot sa
mababang kwalipikasyong nakalagay sa Konstitusyon, nananatili ang pagiging deprived
ng mga mahihirap sa pulitikal na aspeto.
Kung babalikan ang konsepto ni Miliband, kanyang sinabi na sa paglipas ng
panahon, ang ugnayan ng political at economical deprivation ay tumitibay. Sa lipunang
Pilipino sa kasalukuyan, makikita ang patuloy na kontrol ng mga mayayaman sa
pulitikal na sistema, gayundin ang patuloy na pagkatulak ng mga mahihirap sa labas
nito.
Maaaring nakikita ito o nararamdaman ng mga mahihirap, ngunit nasanay na
lamang din sila. Naitanim na rin sa kanilang isipan na hindi sila para sa pampulitikal na
mundo. Kahit na nakikita nila ang mga kamalian ng sistemang ito, ano nga ba ang
magagawa nila ? Kailangan na lamang nilang tanggapin na ang pagbibili ng boto ay
mangyayari at mangyayari kada eleksyon ; at alam nilang magbubunga ito ng patuloy
na korupsyon sa gobyerno.
Ipinapakita rin na pati ang kanilang ideya ng pagiging matulungin ng isang
opisyal ay tila nanggagaling sa kagandahang loob lamang nito, at hindi nakikita na ang
pagtulong ay naaayon lamang sa konsepto ng accountability bilang siya ay hinalal ng
tao.
Sa pananaliksik ding ginawa, nakita ang pagkakalugmok ng mga maralita sa
sistemang nagingibabaw sa lipunan. Kahit na naniniwala silang mali ang ginagawang
pagbibili ng boto ng mga kandidato at hindi nila gustong tanggapin ang kanilang mga
inaalok, sa huli’y tatanggap pa rin sila. Makikita dito ang pagkakaiba ng kanilang nais
gawin at ng kanilang kayang gawin. Makikita na ang ekonomikal na kakulangan ang
nagpapahina sa pulitikal na kapangyarihan nilang labanan ang mapang-abusong
sistema. Ayon kay Seeman at Kalekin-Fishman, ang pagiging gising sa katotohanang
ito ay nagpapakita sa kawalan ng kapangyarihan ng isang tao.
KONKLUSYON:
Nakita sa pag-aaral na ito na madalas tumanggap ng alok mula sa mga kandidato ang
mga mahihirap. Samantala, bagamat hindi direktang masasagot kung sila ba ay
nagbebenta ng boto, masasabi na ang pagiging bulnerable ng mga ito sa mga alok at
sa pagtanggap ay maaaring maglagay sa kanila sa isang bulnerableng posisyon
pagdating sa pagbebenta ng boto.
Ang sentral na usaping nais ilahad ng pag-aaral na ito ay ang katotohanang hindi
lamang panandaliang benepisyo o di kaya’y pawang kabobohan lamang ang dahilan
kung bakit nagbebenta ng boto ang isang mahirap. Mayroong malalim na
pinagmumulan ang kanilang pagiging tolerant sa ginagawang pagbibili sa kanilang
boto- ang kanilang kawalan ng kapangyarihan pagdating sa pulitikal na mga bagay. Ang
kanilang kasalatan sa ekonomikal na kayamanan (na nagbunga sa kasalatan pa sa
ibang mga bagay) ang naglagay sa kanila sa marhinalisadong posisyon sa lipunan. At
ang posisyon na ito ang patuloy na nagpapawala sa kanilang impluwensya sa lipunan.
Ag kawalan ng atensyon para sa kanila ay nagbubunga ng utang na loob sa mga
kakaunting « tulong » na kanilang natatanggap.
Bilang pinal na mensahe, huwag tayong magalit na ang mga mahihirap ay hindi
edukado o kaya’y ignorante. Huwag nating isisi sa kanila kung bakit mayroon tayong
SANGGUNIAN
Beisner, C. (2001). Prosperity and poverty: The Compassionate Use of Resources in a
World of Scarcity. Wipf and Stock Publishers.
Institute of Political and Electoral Reform, (2003). Restudying the Filipino voter today.
Miliband, Ralph., ‘Politics and Poverty’, in Poverty, Inequality, and Class Structure
(Great Britain: Cambridge University Press, 1974)
Mendoza, R. Lopez, M. Yap, D. & Canare, T. (n. d.). The 2013 Philippine Mid-term Elelction: An empirical analysis of dynasties, vote buying and the Correlates of Senate Votes. Asian Insitute of Management
Philippine Microfinance Discussion Papers, (2012). Retrieved from
http://www.microfinancecouncil.org/wp-content/uploads/2012/11/DP-2012-3_Multiple-Borrowing_Household-Survey.pdf
philstar.com. (May 16, 2013). 'Comelec: Vote buying rampant'. Retrieved from
http://www.philstar.com/headlines/2013/05/16/942666/comelec-vote-buying-
rampant
Schaffer, F. C. (2002). Disciplinary reactions: Alienation and the reform of vote buying in
the Philippines. In a conference on “Trading Political Rights: The Comparative
Politics of Vote Buying”, Cambridge, MA (August 26–27). Online: http://web. mit.
edu/CIS/pdf/Schaffer.
Senekal, B. A. (2010). “Alienation in Irvine Welsh’s Trainspotting” Literator 31(1), 19-35 Victor, B. & Lucas, W. (2007). The Poverty Paradox: Is it better to lend than to give?
Vanderbilt Business
Oxford Dictionary
1987 Constitution of the Philippines
Mga talahanayan at figures
Talahanayan 2: Personal na karanasan: Bilang at porsyento ng mga inalokan, at tumanggap sa
alok na pera o kahit na anong materyal na bagay mula sa isang kandidato o middleman20
nito
noong nakaraang eleksyon.
Buwanang Kita Total na bilang Inalokan Tumanggap
C 11 3 (27.3%) 3 (100%)
D 18 11 (61.1%) 10 (91%)
E 16 9 (56.3%) 9 (100%)
TOTAL 45 23 (51.1%) 22 (95.7%)
Talahanayan 3: Karanasan ng mga kapamilya o iba pang miyembro sa tahanan
Buwanang Kita Total na bilang Inalokan Tumanggap
C 11 5 (45.5%) 3 (60%)
D 18 14 (77.8%) 13 (92.9%)
E 16 13 (81.3%) 13 (100%)
TOTAL 45 32 (71.1%) 29 (90.6%)
20
Hiniram ng mananaliksik ang salitang ito kay Schaffer (2002), upang tawagin ang mga taong ginagamit ng mga kandidato sa distribusyon ng pera o mga iba pang bagay na ipinamimigay sa mga tao bilang “bayad”.
Figure 2: Dami ng mga tatanggap at hindi tatanggap kung sakaling may mag-alok sa susunod na
eleksyon
Figure 3: Mga dahilan kung bakit tatanggapin nila ang alok ng isang kandidato o middleman sa
susunod na eleksyon
5 7
9
6
11 7
0
2
4
6
8
10
12
14
16
18
20
C D E
Hindi Tatanggap
Tatanggap
3 3 4
0 1
5
0
2
0
0
2
0
1
2
3
4
5
6
7
8
9
10
C D E
Nahihiya
Takot
Kailangan
Sayang
Figure 4: Mga dahilan ng hindi pagtanggap kung may mag-aalok na kandidato o kanyang
middleman sa susunod na eleksyon
Figure 5: Desisyon patungkol sa isang kandidatong namimili ng boto (sitwasyunal na katanungan)
3
4
3
1
0
0
2
1
2
1
0 0
0
1
2
3
4
5
6
7
8
C D E
Marahil hindi ko kailangan ng pera
Ayokong magkaroon ng utang na loob
Dahil kakailanganin ko na siyang iboto pag tinanggap ko
Mali ang pagbibili ng boto
0 1 1
8
10
7
3
6
6 0
1
1
0
2
4
6
8
10
12
14
16
18
20
C D E
Maaaring hindi ko na iboto
Maaaring iboto ko pa din
Awtomatikong hindi ko iboboto
Awtomatikong iboboto ko
Figure 6: Mga kinikilalang rason sa pananatili ng pamimili ng boto
4 5
10 6
14
10
4
6 4
4
7
2
2
4
1
0
5
10
15
20
25
30
35
40
C D E
Katanggap-tanggap na ito sa lipunan
Hindi napaparusahan ang mga gumagawa nito
Mayaman ang mga tumatakbong kandidato
Dahil sa kahirapan
Epektibo itong mapanalo ang isang kandidato