Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

GAS NEWSVANGSEI INDANEK. SalbungBooking : 04-07-2017 to 06-07-2017delivery :28-09-2017 (tHU) Time :9AM-tillstockstOCK : 306

GAS NEWS Agency : SASBooking :16th. April., 2017 to 16th. May., 2017delivery :28-09-2017 (tHU) Time :9AM-tillstockstOCK : 290/-rate:Rs. 700/-

HmasawnnaTharVol-32/338 | Churachandpur | email:hmasawnnatharnews@yahoo.com | Phone:+91-3874-236846 | Rs6/-percopy

THLArAm (sepTember) 28, 2017 ningAni (THursdAy)

NEWS TOMkiMcHANcHIN LAKTAWI

KIC hmal-aknain Rs.

4 lakh in an inbiekrem

CCpur: September 26, 2017, 7AM vela Tuibong Peace ground a inthawk hnaite Lung hernawina (Stone Crusher) laia Mr Holminthang Touthang (32), s/o Hemkhokai of District Heaquarters, Tuibong a thisaa hmu a ni le inzawm khan Kuki Inpi, CCPur (KIC) inrawinain zanikhan tuolthattu sungkuo hai le mithi sung han pi le pu dana inbiekna an nei a, Rs. 4 lakh in an inbiekrem niin ei thu dawngna chun a hril. Mr Holminthang Touthang hi Seijakai of Phaipijang, Leimatak area a ni a, an insuolnaa Seijakai hin a vuokhlum niin ei thu dawngna chun a hril.

Article writing competition resultCCpur: 62nd Wildlife Week, 2017 hmang ding le inza-wma September 26, 2017 nia Divisional Forest Officer, Southern Forest Division, CCPur huoihawtna hnuoia CC-Pur Govt. College a ‘on-the-spot article writing comple-tion neia um result puong a nitah. Ms Nengpilhing, Class X of St. Stephen English School, D. Phailien pakhatna a ni a, Khai Eleazer Thats-ing, Class XI of Don Bosco Hr. Sec. School, CCPur le Chingthianhoih, Class XII of Don Bosco Hr. Sec. School hai chu pahnina le pathumna an nih.

M.Com. First Class-ah a pasi

CCpur : Ramhlimum @ Arim, S/o Lalkhawhlun of Senvawn Village, Pherzawl District chun Manipur Uni-versity hnuoiah M.Com. (Finance Hons) first class in a pasi. A pasi-na hi ei chanchinbu chun a lawm-pui hle. A dissertation thu-pui chu “The Effectiveness of Online marketing on in-tegrated market” ti a nih.

ATSUM in General strike an \hul tum thu an hrilimpHAL : September 28, 2017 a All Tribal Students’ Union, Manipur (ATSUM) in darkar 24 sung general strike thaw an tum chu an \hul hri. ATSUM thil ngen le inzawmin zanikhan Ma-nipur Chief Secretary Of-fice pindanah ATSUM \huoituhai le Chief Secre-

tary han inbiekna an nei. Hi huna hin an thil ngenin a huomsa Depart-ment lukhaituhai khawm an \hang tawl. Inbiekna hi 11:30 AM ah \an a ni a, darkar 3 sung ATSUM thil ngen hriltlangna an nei. Hi meeting-ah hin CM New Delhi inzin a hungtlung pha

leh a hmawr bawkna dinga inbiekna (final round of talks) nei ding tiin an rem-titlang a. Hi leia hi general strike thaw tuma um chu la \hul hri a nih tiin Micah Kamei, Secretary, Informa-tion & Publicity, ATSUM chun zanikhan thusuok a siem.

OBC Scholarship sem ta ding

impHAL : Kum 2014-15 le 2015-16 sunga OBC Post Matric Scholarship chu sem dinga sukfel a ni tah. Hi thuah hin SBI, Sec-retariat Branch le Treasury Linked Bank, Imphal haiah advice thawn a ni ta tiin Di-rector, OBC, Manipur chun zanikhan inhriettirna an suo. Scholarship hmu ding hi Students 2,114 an ni a, scholarship sem ding sum hi Rs. 1,53,10,230/- a nih. Scholarship hmu

dinghai lists chu www.mobcmanipur.gov.in ah hmu thei ning a tih. Schol-arship hmu dinga ti hai chun mani bank account haiah a lut le lut naw en el ding a nih. Students 9151 (2014-15 ah Students 17, 2015-16 ah Students 246 le 2016-17 a Students 8888) hai scholarship Rs. 637.01 lakh pekna ding phalna Finance Department-ah nghak la niin Director, MOBC chun a hril.

Die-in-harness Scheme hnuoia sin hni mi 677

impHAL : Sawrkar hmasa khan a hun sungin die-in-harness scheme hnuoiah sin hni mi 190 sin a pek a, tuhin die-in-harness scheme hnu-oia sin hni le buoipui mi 677 an la um a, hienghai ngenna hi sukpuitling din-gin tuta sawrkarna chel me-ktu Chief Minister kuomah hnina memorandum pek

a ni a. Hi hnina lekha hi September 30, 2017 chena ngaisak a ni naw chun nuor-na khau tak \an le an zawm-pui Department Office-hai khar ning a tih tiin Maibam Sanjit Meitei, General Sec-retary, The Joint Coordina-tion Demand Committee of Die-in-harness scheme, Manipur chun a hril.

Written test le Viva Voce Oct.

4 & 6 haiahimpHAL : Manipur Leg-islative Assembly Secre-tariat, Imphal a thawk ding Translator post 1 le Secu-rityman post 1 lakna dinga written test le viva-voce nei hun ding ruot a ni tah. Translator sin lakna dinga written test chu October 4, 2017 11:30 AM a inthawk \an ning a tih. Securityman sin lakna dinga viva-voce chu October 6, 2017 11:30 AM a inthawk \an ning a tih tiin Joint Secretary (Admn), Manipur Legisla-tive Assembly chun inhri-ettirna a siem.

October 2 ah General Strike thaw an la tum tho

impHAL : Labour Depart-ment, Government of Mani-pur hnuoiah thil indiklo taka thaw a ni a. Hi thil le inza-wm hin Labour Department hnuoia thawktu 4 an sin haia inthawk suspended ni tahai sienkhawm a mawphurtu tak Labour Minister inban dinga ti chu a lan ban naw leiin, tuta hma deuva Maoist Communist Party, Manipur

(MCPM) in hungtlung ding October 2, 2017 a darkar 24 sung Manipur pumpui huopa General Strike thaw dinga an lo ti tasa chu \hul ni naw ni a, October 2, 2017 hin general strike chu thaw thleng tho tho la ning a tih riin Kyonghan Man-gang, Coordinator, Standing Committee, MCPM chun thusuok a siem.

India ram an hung pan ta dingCCpur : Yangon, Myan-mar a um mek Churachan-dpur nunghak 8 hai chun-gthu chu sukfel \ep a ni ta a, vawisun (28-09-2017) hin sukfel ning a ta, Sep-tember 29, 2017 khin Yan-gon suoksanin India ram vuongnain an hung pan ta ding niin Pav Khan Sing @ Singpu, ZYA-Yangon chun thu a hung thawn. Yangon a um YMCA le ZYA-Yangon han an thei dan ang angin an lo \hangpui niin a hril bawk.

Motor eksiden-ah mi 1 thi, 20 hliem

CCpur: September 27, 2017, 12:00Noon vel khan Leijangphai Express DI Tata MN02A/7424 chu Lamka-a inthawk km. 173 vela hla Saihum le Sant-ing inkarah changsuolin a eksiden a, a sunga chuong mi 1 in thina a tuok bakah midang 20 velin hliemna an tuok niin ei thu dawngna chun a hril. DI motor hi zani zing-kar 7AM a kha Lamka suoksana Leijangphai pan nia hril a nih. HI thil tlunga thina tuok

chu Mr Zabeir (45) a ni a, ama hi BRTF a casual la-bourer sin thaw nia hril a ni a, a ruong hi Sainouzang-a um BRTF han an buoipui. Hliem hai hi District Hospital, CCPur hung pan-pui an ni a, hi thu ei sut chena hin hliem inrik zuol 4 hung phurtlung an nitah. Motor neitu chu P. Tu-almuan of Pamzal a ni a, a driver chu P. Tualkap a nih. Hliemna tuok hai lai hin motor neitu P Tualmuan khawm a \hangsa a hril a nih.

Tourism hi Retheina sukbona dinga hmang thei a nih: Th Biswajit SinghPMAY-G 1st Instalment September Thla Bo Hma Ngeia Pêk Dinga Hril

impHAL: September 27 (Nilaini) khawvêl pumpui World Tourism Day anga hmang a nina le inzawmin Manipur ah khawm hmun hran hrana hmang a ni a. Hunser pui tak Manipur University, Court Hall-a hmangna ah, Commerce and Industry minister Mr Th Biswajit Singh chun, Tourism hi Retheina suk-bona dinga sum hnar \hataka siem thei a nih tiin a hril. Khuol liena \hanga thu hrilin, Mr Biswajit Singh chun ei rama khuolzin hung pung pei le Tourism sukchangkâng pei hin ei ram economy siem \hang a ta, social impact khawm a \ha zâwngin an tlun bawk ding a nih tiin a hril. “Manipur hin en nuom um tak tak hmun le hmang, thil tamtak a nei a. Ram dang mihai hmu nuom ding thil tamtak a um a nih. Tourism sukchangtlungna ding le Tourist spot hai

sukchangkângna dingin sawrkâr thlungpui chun fund a hung pek tah” tiin a hril bawk. Minister chun Agricul-ture huong sûnga resourc-es (hausakna) chi hran hranhai huot dawkin, ei rama \ha em em le pung nuom em em Rengthei, Lemon, Serthlum, Chilli (Hmarcha), etc. hai hi \ha taka chinga, puotieng chen thawn dawka sum hnar \ha taka hmang thei an nizie uor takin a hril bawk. “India sawrkâr Act East Policy le inzawm khawmin ei state economy ah posi-tive impact a nei thei a. Ei hlâwkpui ve ngei theina dingin \ha taka lo inring lawka ruohmanna fel tak ei nei a \ul a nih” tiin a hril. Minister chun inchuklai-hai chu, abîkin an lekha inchûkna tieng lungril pea nasataka lekha tiem dingin an ngen tâwl a. Society-a mi \angkai tak ni tum seng dingin an fui tâwl bawk.

World Tourism Day le inzawma insuolsiekna buotsai chi hran hran, abîkin “Tourism in Mani-pur for Sustainable Devel-opment” ti thupuia hmanga Painting le Essay writing competition a lawmman latuhai kuomah lawmman sem a nih. World Tourism Day hi Centre for Entrepreneur-ship and Skill Develop-ment School of Social Sciences, Manipur Uni-versity, Imphal le Manipur Tourism Forum, Imphal

han “Sustainable Tourism a Tool for development.” ti thupui hmanga an huoi-hawt a nih. Hi huna hin Manipur University Vice Chan-cellor Prof. Adya Prasad Pandey, School of Social Sciences, MU Dean Prof. N Lokendro Singh, Centre for Entrepreneurship and Skill Development School of Social Sciences, Mani-pur University, Director, Prof. Ch Ibohal Meitei le midang tamtak an \hang. Hienglai zing hin Ru-

ral Development and Pan-chayati Raj Minister ni bawk Mr Biswajit Sing chun, district tina DC hai chu Prime Minister Awaz Yojana-Gramin (PMAY-G) scheme hnuoia verifi-cation process chu an rang thei anga zofela tuta thla September thla tâwp tieng beka 1st installment pe suok hman seng dingin an hriettir tâwl. Hi thu hi Nilaini zan-tienga New Secretariat Office ah DC hai po po le BDO (Block Development Officer) hai meeting a neipuina huna a hril a nih. DC hai chun PMAY-G thua verification chu thla bo hma ngeia zofel ding le, September thla bo hma ngeia first installment pek suok hman dingin iengkim ruohman le ngawr taka sin thaw a nih tiin report an pek tâwl. Hun tiem sung ngeia an sinhai zo dinga khau taka an hriettir ruolin, PMAY-

G hi sawrkâr thlungpui Flagship program a ni leiin sawrkâr thlungpui chun thil umdân iengkim up-date a mi hung indawn zing leiin an hma thei ang le a hrât thei ang taka hlen puitling ding a nih tiin a hril bawk. Minister chun, hi scheme a hlâwtling theina ding chun Block Devel-opment Officer (BDO) or SDO hai le DC le Minister inthuhmu taka sin an thaw a pawimaw thu a hril a. Hi scheme chungchâng thu mipui, abîkin ram kilkhawr le khuo hla tak taka um-hai hrilhriet theina dingin hoarding (poster/banner/sign-board) hai a tam thei ang tak siem tar a \ul thu a hril bawk. “A ram mipuihaiin sawrkâr scheme hi iem a nih a, iem anni lo thaw ve ding le ham\hatna an hmu dinghai indik taka an hmu thei a pawimaw a nih” tiin a hril. (DIPR)

HYA Gen. Conference Nov. 1-4 sung nei ding

CCpur: Sept. 27, 2017 zantieng dar 3 PM khan Hmar Youth Association (HYA), Gen. Hqrs. Office, Rengkai, CCPur ah HYA GHQ Executive Meet-ing nei a ni a. Hi huna hin Resolutions 5 an passed a, chu hai lai chun hungtlung ding Nov. 1-4, 2017 sunga HYA General Conference le Election nei dan ding thu hai a \hangsa. A hmun ding ruok chu la sukfel a ni naw a, hun sawtnawte ah sukfel dingin thutlukna an siem a, Gen-eral Conference huna hin infiemna le inruolsiekna chi tum tum khawm nei \ha an ti tlang bawk. Hi le inzawm hin an

hmatieng HYA Jt. Hqrs. le Branch tum tum hai khawm meeting neipui vat a ni ding thu Upa Laldawn-lien Varte, Gen. President, HYA GHQ chun a hril. Hi le inchawk buoi theia pro-gramme tukhawma siem lo dingin ngenna a siem a, kohran le hnam sunga pawl tum tum hai programme lo nei tasa hai hi meeting huna hin dilsut taka ngaiven a ni hnunga Gen. Conference hun ding hi sukthluk chau a ni thu a hril bawk. Hun hawng \awng\aina Upa Laldawnlien Varte, Gen. President, HYA GHQ in a nei a, hun khar \awng\aina Rev. Ruolhlei Pakhuongte in a nei.

Awareness le Screening first phase zo

CCpur: National Health Mission hnuoia National Program for Prevention and Control of Deafness (NPPCD), Churachan-dpur chun Information, Education, Communica-tion (IEC) project hnuoiah zani 10:30AM khan Gan-dhi Memorial Model High School, Molnom hmunah student hai lai Aware-ness le Screening an nei nawk a. Zanita awareness le screening hi first phase zona a nitah. Awareness huna Dr Jire Pudaite, District Nodal Of-ficer (NO), NPPCD, CCPur chun nakawr enkawl dan student hai hrilhrietna a nei a, awareness hun hmang zoin Margareth Hmangte,

Audiologist chun Gan-dhi Memorial Model High School a kai Lower le Up-per section a mi, nakawr tieng harsatna nei hai en-felna a nei. National Program for Pre-vention and Control of Deaf-ness, Manipur in district tina school naupang hai nakawr/nahrietna enfel vawng dinga a ti le inzawma Awareness le Screening hi nei a ni a, Phase khatnaa hin School 6- New Lamka UP School, Lanva Model School, Saikot Govt. H/S, Saidan JB School, Thangkhai Govt. H/S le Gandhi Memorial Model H/S haia awawreness le screening nei a ni a, na hrietna tienga harsatna nei mi 6 kuomah Hearing Aid pek an nih.

Tourism-in GDP 10% a tum phâk a nih: Karam ShaymimpHAL: Consumer Af-fairs, Food & Public Distri-bution and Revenue Minis-ter Mr Karam Shaym chun, Tourism hi a pawimaw ta em ema, fak hmuna le sin hmuna \hatak khawm a nih ta a. Tu lem hin chu India ram GDP (Gross Domestic product) 10% a thaw phak a, sin sâwm peia pakhat a lo phuhruk phâk a nih tiin a hril. Hi thu hi Nilainia World Tourism Day “Sustainable Tourism- a Tool for Devel-opment” ti Phayeng khuoa an neina huna a hril a nih. Minister chun Delhi-a thang mek Chief Minis-ter Mr N Biren Sing chun

Centre hotuhai inhmupuiiin Manipur abîkin Ukhrul-Shirui le Marjing-Phe-idinga le Sendra-Karang hai infepawna ding hruia inkhaina inhawi tak Rope Way siem dingin a hrilpek mek a, a puitling ngei ding thu le ramtin a hril. Manipur-in Tourism hausakna tamtak a nei a, mihai en nuom thei ding khawp le sum hnar ni thei ding khawpa ei siem chang-kâng le sukchangtlung hne naw leia pawi a ti thu a hril a. mani hmasâwn sengah sukphuisui tum dinga hma la dingin a ngen tâwl. Phayeng khuoa mihaiin

hnam inchei dan indiktak haia incheia hnam thaw dan indiktakhai hmang an lo hmuok dan le, an inkhâwmna hnam chingdan mawi an suklanghai po po khawm Tourism a dingin \angkai tak an nih ding lei-in vawnghim zing dingin a hril tâwl a.

Hieng ang lawma ropuia an lo hmuok chu a ring phâk naw leiin lâwmum a ti hle thu a hril bawk. “A khuo hi natural re-sources khawm a la hausa a, tlangvalhaiin pi le pu dan, lam le thawdanhai le incheina hai chen an la humhim thei hi a ropui a

nih. Tourism hmangruo \hatak a nih” tiin \halaihai an pak bawk. Ei ramin Tourism sukhmasâwn ei nuom chun khuolzinmi (tourist) ruol\ha ei nih a ngai. Dan le thupêk hai inzain, muong taka mi an hung lût theina dinga boruok siem a \ûl a, ei rênga mawphurna a nih a tih bawk. Tourism Corporation of Manipur Limited (TCML) a Chairman Mr Sapam Ranjan Singh chun, Tour-ism sukchangkângna dinga pawimaw dang chu ‘mar-keting’ a nih tiin a hril a. Ei state-a ei product tamtak >>sunzawmna Page 4-ah

SSPP CCPur College in Blood bank-ah thisen an pek

CCpur: Siamsinpawlpi (SSPP), CCPur Govt. Col-lege Branch chun zani 11AM khan District Hos-pital Blood Bank –ah dam-naw thisen mamaw hai ta dingin thisen pekna an nei a, awreness program hmang a ni bawk. Jayanta Ksherimayum, Blood Bank MO in-charge chun awareness hunah

thisen pek hriselna ta dinga a pawi naw zie le thisen pek a \hatna hai hrilhrietna a nei. SSPP CCPur College Branch member mi 50 chu-ong han thisen pek an tum a, sienkhawm Blood Bank-a thisen siena ding an dain-aw leiin pasal 20 le nuhmei 8, an rengin mi 28 in thisen Unit khat seng an pek.

Minister Ms Nemcha Kipgen-in D. Phaihel Ground a HawngimpHAL: Social Wel-fare Minister Ms Nemcha Kipgen chun Kangpokpi district a D. Paihel khuoa Ground siem thar a hawng a. Invitation Football Tour-nament 2017 khawm a hawng nghâl bawk. Khuol lien anga thu hrilin, D. Paihel khuo mihai chun malsâwmna tamtak an dawng a an khuo hmasâwnna khawm a hrata, an ham\hat hle leiin Pathien kuoma lâwmthu hril pei ding an nizie a hril. “Hieng anga field \ha infiemna le inchûkna ding hmun le hmang in nei tah si chun hmatieng pei khawm

hmang tha taka hmanga in-fiemna khawvêlah lawmman hai tamtak lak thei ding khaw-pa thawa lawmman tamtak hung la pei dingin ka ditsakna kan cheu!” tiin a hril. Pi Nemcha chun,

“Sports infiemna hin inun-auna, inpumkhatna lungril, team spirit, discipline, co-operation le hnetu ni nu-omna lungril hai a siem \ha a. Sports fethlengin >>sunzawmna Page 4-ah

Thailand PM hlui Ms Yingluck Shinawatra chu subsidy scheme dollar 8 billion hmang indikloa in-tumna leiin kum 5 jail intang dinga thiemnaw inchangtir a nih.

Hmasawnna Thar2 THLArAm (sepTember) 28, 2017ningAni (THursdAy) ArTiCLe/HeALTH & empLOymenT neWs

Editorial Boardlalmalsawm sellate: Editor& Publisherroding l. sellate: Jt. Editor Joseph Joute:Freelancelalsansuok pulamte &samuel Zothanglien@sZ Zote:Sports lalruotlien dulien:ComputerAssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

VAWISUN THUPUIHi khawvel dan ang hin um naw unla, Pathien dit-zawng, a \ha le lawmtlak le \hafamkim chu in hriet chieng theina dingin, in lungril a thara umin, hung danglam lem ta ro khai. - rom 12:2

EditorialSipai hi sin \ha a nih

Sipaia inthawka mihriem nun insiem \hat theizie chu hnam upa, hnam changkang le hnam var lem hai taphawtin hril ngai lovin an hriet. British Lal sung-kuohai lem chu sipaiah an \hang ngei ngei hlak. Si-paia an \hang sungin midanghai ang bawkin iengkim an inthawtir ve hlak. Khawvela rambung \henkhata sawrkar hai lem chun an \halaihai sipaiah lo thei lovin an in\hanglui tir hlak. Chu chun mimal nun a siem a, sungkuo nun a siem a, hnam nun a siem bawk a nih. Thununna (discipline) nei naw hnam chu hnam ropui le hnam inzaum an ni ngai nawh. Mipui discipline \hatna ram taphawt chu ram inhawi a ni hlak. Discipline hang ti hin thaw ding thaw a, thaw lo ding thaw lo, nun le hun hmang \hat hai hi discipline a nih. Zohnathlakhai hin zalen tak le engthawl taka nun hmang ei thlakhla a, inkhuokhirna ei ngai thei naw hle. Hiengang ringawt chun ei umzing thei naw ding a ni a, chuleiin hnam ngirsuok le ropui, mihai inza le beltlak ni ding chun discipline \ha tak neia ei in\hanglien a pawimaw deu deu ding a nih. Mani le mani ei inthunun thei naw chun ei thil thawna haiah hlawtling ngai nawng ei tih ti hi hriet tlat ding a nih. |halaihai ta dingin India sipaiah hin inchuktirna hun \ha an hawng a. India sipaihai hi ei ram ta dinga sin ropui tak thawtuhai laia mi an nih. Sipai nun hi sungkuo inngei le inthuruol, an hnik a phak, a thlum a al fatlang, a sur a sa hnuoiah khawm in en hranna um der lova thaw tlang ang an nih. Sipaihai hi hun hlimum le harsa tak karah khawm inrem le lungin-ruol taka thaw tlang hlak an ni bawk. Hi lei hin sipai nun dan hi a \ha a, dit a um hle a nih. Indopui pakhatnaah khan Labour Corps-ah Zohnathlak tlangval 2100 lai Europe ram indonaah khan an zu \hang ve a. Tulaia Feren an\am ei ti hi France rama inthawka a chi an hung hawn nia hril a nih. Hieng Labour Corps a \hanghai hin pawisa le thuomhnaw iemanizat an hung hawn seng a; chu bakah thil thar tam tak an hung hawnsa bawk a. Chu thil chun ei ram a suk changkang pha a, ei ram le hnamin a sawr \angkai ve hle a nih. Indopui pahninaah khawm khan Zohnathlak nunghak le tlangval tam tak sipaiah an \hang nawk a. |henkhat lem chu Officer lien tak tak an ni phak a, Zohnathlak nunghak \henkhat khawm Lt. Colonel chen kai phak an um a nih. Kha hun laia sipai hai khan thla tin an sunghai pawisa an hung thawn bakah an hungkirin pawisa le thuomhnaw an hung hawn tawl seng a, ei hnam ngirhmun a dawmsang pha a nih. Khang hun laia sipai \hang \henkhatin damsung pension an hmu a, an khat tawkin an pension a pung pei bawk. An thisan an nuhmei le an nauhai chena family pension hmu an la um a nih. Tulai chena ding hin sipai sin chu, sin \ha a la tling a nih. Hi lei hin sipaia \hang hi rin ding a ni naw a, a tam thei ang tak sipaia \hang tum ding a nih. An hlaw a \hain a tam ta el bakah ham\hatna dawng an hau deu deu leiin sipaia \hang chu changkangna le mihriem hung ngirsuok theina pakhat a nih. Lekha-thiem le pawl insang chen lo tlung phak hai ta ding lem chun Officer ni theina kawt an hawng lien a nih. Hi lei hin sipai hi sin \ha le inhnarum tak a nih ti hi hriet ding a nih. Sipaia inthawk hin lekha khawm inchuk thei pei a nih. Games & Sports inhnikhai ta ding khawma hmun insang taka invawrkai theina chance a um a nih. Hiengang bawk hin hlasakthiem le music tieng thiemhai ta ding khawmin ngirhmun \ha le insang taka um theina a nih. Khawvela inelna chi tum tum haiah khawm India ram aiawin sipaihai hi an hung inlangsar ta em em el a nih. |ha taka sipai pension suokhai hrim hrim mi hlawtling an ni seng hlak. Mihriem ni ve manah mi-hai anga ngirsuok ve nuom chun sipaiah \hang ding a nih. Lungvar nei taka sipaia \hanghai hrim hrim building le motor leh an insawp rup el ta a nih. Si-paia \hang hi mani ta ding chau ni lovin, sunghai ta ding, ei ram le ei hnam ta dingin a \hain a \angkai a nih ti hriein \hangthar \halaihai hi a tam thei ang tak sipaiah lut le \hang tum ei tiu. Sipai hi tulaia ding chun sin \ha a nih. October 3-10, 2017 a Leimakhong a Army Recruitment Rally hung um dingah khawm hin \hang sup sup ding a nih.

empLOymenT neWsBorder Security Force (BSF) hnuoiah pasal hai ta dingin Constable (Tradesman) post tum tum 1074 a ruok.Pay: pay band-I, pay scale Rs. 5,200-20,200+ Grade pay Rs. 2,000/- per monthpost ruok hai:1. Constable (Cobler) post -672. Constable (Tailor) post 283. Constable (Carpenter) Post -24. Constable (Draughtsman) post -15. Constable (painter) post-56. Constable (Cook) post -3327. Constable (Water Carrier) post -1778. Constable (Washer Man) post -1319. Constable (Barber) post -8510. Constable (Sweeper) post-21211. Constable (waiter) post- 2712. Constable (Mali) post-113. Constable (Khoji) post -6 Age: 1st August, 2017 chenah kum 18-23 inkar, ST/SC/OBC category hai ta dingin relaxation a um. educational qualification: Matric le a tlukpui with atleast two years experiences in respective trades/ One year certificate course from Industrial Training Institute with atleast one year experience or Two years Diploma from ITI in the Trade. Inhnikna nei han BSF website: www.bsf.nic.in ah thu chienglem hmu thei le application download in fill up zo hnungah RAs/HQrs, haiah peklut thei ning a tih. Application peklut theina hun nuhnung tak October 11, 2017 a nih.

nuHmei nei dingA inpuOCHAnA

- Samuel Zothanglien@SZ Zote

Hun-^wl ka nei a, nang khawma i nei ve tho leiin keiin hung ziek ka ta nangin lo tiem ve raw leh.

Ngaituona l>ng v>l hmangin thu ramtin hei ziekrang ei ta, hi thu i tiem sung vawikhat bek in nui chun ziek man um hleah ngai ka tih. Birthday hi ka lo hmang rawn ve ta leiin le Kristmas le kumthar lawm vawi tam tak ka lo hmang ve ta leiin ka fena tieng tieng ‘Nau ieng zam i nei tah?’ tia indawnna hi ka tuok ve zeu zeu hlak a. Ka thlalak thar deu ka en chang le darthlalanga ka hei in-en chang khawm an thil min dawn chu \awng invet el chu an nawh ti kei khawma ka hrietchieng em em hlak. Hieng ang hi thil umdan a ni tak leiin palai tir theina ding ka ph< awm tawk chu an hma tienga ka nei ngei a ngai a nih tiin kohran tieng theitawpin ka hei inhmang ve a, khawtlangah kan hman ang angin tlawmngaina thar ka hei insuo bawk a. Pumruo le hmelah fak ka hmu naw ding ti ka hrietchieng leiin felna le inpekzona kawngah bek nuhmei pakhat bek lungril chu hne ka tumlui ta tawp el a nih. Chuonga zawng na na na chu kei a ang thova pawimaw, hmangaina lei khawm ni ta chuong kher lo, nei lova damsungni hmang ral inlau ve tho nuhmei pakhat chu ka hung tawng fuk ve ta hlau el a. Chu thu ka nu le pa ka hei hril zet chun ka pa chu a lawm kher el. Pawl 10 First Division-a ka pass thu a hriet nek khan a lawm lem niin ka hriet hiel. Palai chu kan hei tir ta ngei a, anni tieng khawm an naunu vawk zawra nuom ang anga zawr el thei ni lo, an nghawk lei ni lova mihriem dan a ni leia hun sawt taka inthawka inthlasuok an lo nuom taluo tah chu remchangnawna ding awm reng reng iengkhawm an siem bik nawh a. Palaihai chu tluong taka inbiein innei hun ding chen an hung sukfel nghal a. An inbiek ni chu June 15 a nih a, inneini dinga an bituk chu July 15 a nih. Thlakhat zet zawt chu tlangval chun ka la leng ding a nih ti ka ngaituo a, ka hawphur angreng bawk ka phur angreng bawk. Ka nghatna tieng tieng chu a var deu huou niin ka hriet. Ka pa ngei khawma nei po po seng vawng ngam khawpa mi lawmpui dingin an puocha a, ran a chikim deuthaw that ding ti chu a thupui a nih. Chuongchun biekin banga chun kan inneina ding lekha chu an t^r ta kuou a, chu lekha an t^r china inthawk chu Nilai zan inkhawm chen khawm ka \hul ta ngai naw reng reng a. Nuhmei inkhawm chen khawm inkhawm ka nuom hiel el tah. Chuonga lekha an tar hnung chun a mi th$ktu ding hi khawvel ram lien taka hin tukhawm an um naw ding chu Thuthlung Tharah inziek kher naw sien khawm an um naw ding hrietsa a nih. Amiruokchu mihriem hi mak tak tak ei um a, fiemthu thaw nuom lei dam le kawmaw lei lieu lieu damin lo pawtthla thei ngai an nih ti ka ngaituo leiin zana khawm hin khawvar vang vangin kan biekin kawl hnaiah chun kan vir kan

vir hlak. Khawlai ka hei suok reng reng hlak hin ruol le pai le ruol le pai ni l>m lohai chen khawma hausa cheiin an mi chei a, ‘A hmabak a eng annawm, thingpui bek chu a tum ding a nih,’ an mi hei ti nawk in, kei hlak ka tlangval hun hming\ha taka kh^r ka nuom bawk si leiin an thil mi ph<thai ka sel ngam ngai si nawh. Sungkuo Budget hlaka a lo thawhla nawk thei si. Mo thuom le inneina kutesbi bakah innei fielna chen khawm sukfel vawng a ni tah a. Kan vawk vai khawm thau \ha naw pal a tih ti inlauin a hmaa vawkbu pe ngai hliek lo khan t<k le zanin ka pek ta tlut tlut a. Harsatna tam tak chu kan la hmasauon ding a nih ti ka hriet zing a. Pawisa sum inkhawl sa ieng zat tak um lo chu a ruk tak chun innei nikhuoa sengso ding thilah ka bei a lo dawng ruk thei hle. Amiruokchu a vangneia siem am ka ti ding mi inphal tak tak an hung inlang \ak \ak a. Khuolrama um ka nute chun ‘Arsa chu keinin hung tum kan tih,’ an hung ti a. Ar pumkhata Kg 3 awm tawka lien pum 30 deuthaw an hung tum ding thu an hung hril a. Kan thuok huoi nghe nghe. High School ka kai laia kan Headmaster, lekhathiem filawr ka ni leia mi ngaina khawm ni lo, ruol le pai lai en ringawt khawma nuizat ka lo um hlak leia mi theinghil lo a nina zarah, ‘Mani naupang hluihai chu inthlathlam phal ei tim ie,’ tiin a thlakhat hlaw deuthaw chu kan inneinaa ding chun a hung thawlawm a. Kan inkawla nuthlawi pakhat, ka lo zat vet leia mi lo nghawk em em hlak chuonga nuhmei ka nei el ding chu a lawm hle amanih ti ding khawpin a vawk vai lai an \hang thei naw leia a vai pei ta lo, zawr tum sien khawm a zuk inchaw el nuom an um naw ding ti ding khawpa kawr chu a hung thawlawm ding thu a hril bawk a. A chin khawm a lien khawm lawm lem chu a um vawng tho. Hieng hun lai tak hin chu ka hlim ngei el. Revival tlung laia mi hlimnu ni lang chu minute khata vawinga biling tawp tawp hman kan ring. Hmu zonaw kan lau leia kohrana ka lo inhmangna chun ra \ha a hung insuo ṭan a. Khawtlanga tlawmngai ka lo insuona chun ra a hung insuo \an bawk a. Kohrana Department hran hran le khawsunga pawl hran hranhai chun innei lawmna ding Advance-in a sana ang zawng dam a bel ang zawng dam le a sumfai ang zawng damin an hung pek sap sap a. Thla chu a muong nuom ngei el. Khawkhat tlangval le nunghak Senior ve ve hang innei ding chu lenglai upa deu inthielfana chikhat a ni ve leiin khawtlang khawma an mi lawmpui hle a. Ka nungchang ni leh ka kum ni leh lawmpui chu ka phu ve reng reng tiin kan ngaituo a. Ieng po khawm ni sien, innei ding kawnga khawtlang ngaiven hlaw tak chu kan ni hrim hrim ka ring.

Rengkai, 27th September 2017

GNLA cadre pahni an inpeTurA: September 26, 2017 khan Garo National Liberation Army (GNLA) cadre pahni - Chanchan G Momin (22) of Rapdik-gre le Challang C Marak (21) of Adugre hai chu East Garo Hills district-a Williamnagar hmunah an ralthuom haileh Superin-tendent of Police, Ringrang TG Momin hmaah an inpe. GNLA inpe hai hi 6th

batch a mi an ni a, security forces han operation ngawr taka an thaw zing leia ram-hnuoia an khawsaknaah harsatna namenlo an tuok leia hung inpe an ni thu an hril bakah cadre dang hai khawmin an hotu Sohan D. Shira hnuoia um tukhawm a nuom an um tanaw a, tlansuokna ding hun\ha dap vawng an nih tiin an hril bawk. (AT)

Taxi driver a taxi sungah a thisaa hmu

nOidA: Zanikhan Sector 63 lai Taxi driver pakhat chu a taxi sungah a thisaa hmu a nih. An lang danin misuolin an suomnaa a ringa an rekhlum niin an lang tiin Deputy Superin-tendent of Police Rajiv Ku-

mar Singh chun a hril. Hi thil tlung le inzawm hin a sunghai pakhat Ajay Singh chun Noida Phase 3 Po-lice station-ah complaint a peklut. A ruong hi post-mortem thaw dinga thawn a nih. (PTI)

Haryana in discretionary grant a sukpung

CHAndigArH: Chief Minister Manohar Lal Khattar inrawina hnu-oia Haryana cabinet chun Assembly-a cabinet min-isters, ministers of state, Speaker le Deputy Speak-er hai Discretionary fund sukpung dingin a rel. Hi dungzui hin Speak-er le Cabinet ministers hai discretionary fund tuta hmaa kum khatah Rs. 5 crore ni hlak chu Rs. 7 crore nita dinga sukpung a

ni a, Dy. Speaker le Min-isters of state hai discre-tionary fund a hmaa Rs. 4 crore ni hlak chu Rs. 5.5 crore a sukpung a ni a, sienkhawm chief minister discretionary grant limit chu Rs. 40 crore la ni pei a tih. Development sin thaw-na ding kawnga thil man kaisang pei le inzawma discretionary fund hi suk-pung dinga cabinet in a rel a nih. (PTI)

Universities han exam-naah paper aiin tablet an hmang mekbengALuru: Manipal University hnuoia institu-tites po poa chun paper hnawlin exam hunah stu-dent han electronic tables hmangin exam an pek tah. Hi lei hin university chun kum tin Rs. 30 lakh vel a save phak nia hril a nih. Tukuma exam pe ding students 10,000 hai kuomah tuchen hin e-tabs pek an nita a, kum 2018 kumtawp chena khin a dang 25,000 hai khawm pek hman beisei an nih. Manipal Institute of Technology ti loah Ma-nipal University hnuoia institutes hai chun assign-ments le exam naah tablets vawng an hmang ta a nih. Registrar Dr Narayana Shabhahit chun, trial ba-sis in kum 2 ensin a ni a, students le teachers haia inthawk thlawpna an hmu \hat thu a hril. Bengaluru colleges-

PES University le Mahara-ni Lakshmi Ammanni col-lege hai khawmin hiengang paper hmang lova tablet hmanga exam hi an hung thaw \an ve ta bawk a nih. Student hai kuoma tab-let peka um hi paper (le-kha phek) a thil ziek ang thoa ziek theina dinga a hmai siem a ni a, ruol hai thil ziek zuk ena entawn/copy el thei lo dinga siem a ni a, zieksuol hai siem\hat theina dingin features dang dang hieng –redo, undu, cut, copy, rough note le

line le line um lo hai a um vawng bakah fingerprint scanner a um bawk a nih. PES Institutions a Prof. Ajoy Kumar chun, tuchena hin an student han desktop computer hmangin exam an pek a, kum 2018-19 a inthawk tablets intro-duce an tum thu a hril. Kum 2014 khan Mount Carmel College chun busi-ness studies exam-naah tablets a lo hmang ta a, kum 2016 khan Maharani Laxmi Ammanni Col-lege for Women chun a

lo hmang \an ta bawk a. Sienkhawm Mount Car-mel College chun teach-ers le student hai ta din-gin sin suktlawm pha hle sienkhawm investment le lodistics tiengpanga harsat-na a um leiin a lo sukchawl nawk hri a. Sienkhawm suktawp sawng chu an tumnaw thu Mount Car-mel College-a business education department-a se-nior professor S. Rajkumar chun a hril. Engineering Colleges haia hmang ding ruok chun a bik taka codes hai siem a \ul ding bakah students han diagrams le graphs tam tak an ziek a \ul ding leiin tablet hmanga a ziek dan hai khawm training pek an la \ul ding a ni a, hi lei hin tuta inthawk kum 2 bek hun a la aw a ring thu Ma-nipal University Registrar Narayana Shabhahit chun a hril. (TNN)

Myanmar chungthuah vawisun UN Meeting

uniTed nATiOns: Tu-lai hnaia Myanmar rama Rakine State sunga buoina tlung chungthu ngaituo tlang dingin September 28, 2017 hin UN Secu-rity Council meeting um a ta, hi huna hin UN Sec-retary General Antonio Guterres chun Myanmar buoina chungthua briefing pe bawk a tih tiin diplomat

thusuok chun a hril. Meeting-a hin Britain, France, United States le rambung dang 4 - Egypt, Kazakhstan, Senegal le Sweden hai khawm \hang dinga fiel an nih. Myanmar buoina lei hin Rohingya Muslims 430,000 vel chun Myanmar suoksanin Ban-gladesh ramah an tlanlut a nih.

BHU chungthua information hai peklut vawng a ni ding: YogiLuCknOW: Banaras Hindu University (BHU) a tulai hnaia thil tlung chungthua information hai sawrkar thlungpui kuomah peklut vawng a ni ding thu Uttar Pradesh Chief Minister Yogi Adityanath chun zanita Gorakhpur hmuna chanchinbumihai an hmupui huna a hril. Magisterial inquiry dungzuiin report kim-

chang peklut ning a ta, hi thila mawphurtu le thil thawsuoltuhai chu ngaid-am ninaw nihai tiin Yogi chun a hril.

Hieng laizing hin BHU Chief Proctor Onkar Nath Singh chun university-a thil tlung chu ama thiem-naw leia ngaiin a ninaa in-thawk inbanna a pek a, an banna hi Vice Chancellor chun a pawmpek nghal a, Prof. Mahendra Ku-mar Singh chu ama hmun hluotu dinga ruot a nih. BHU administration chun BHU a buoina tlung

chungthu suizuitu dingin Allahabad High Court Judge hlui Justice VK Diksit a ruot. Varanasi Commis-sioner Nitin Ramesh Go-karn chun BHU a student protest hai le journalist hai chunga Police han bat-ton charge an thawna le inzawma report sawrkar kuomah a peklut tah. (AIR)

Assam Rifles RecruitmentOctober 3-8, 2017 inkar sung khin Kendriya Vidyalaya Leimakhong football ground-ah Assam Rifles lakna a um ding a ni a, hi le inzawma District tin hai rally nei hun ding chu a hnuoia ang hi a nih. October 3, 2017: Churachandpur, Kamjong, Pherzawl & UkhrulOctober 4, 2017:Bishnupur, Chandel, Noney, Tamenlong & TengnoupalOctober 5, 2017:Kakching & ThoubalOctober 6, 2017:Imphal East, Imphal West & Jiribam October 7, 2017:Senapati & KangpokpiRally-a \hang ding hai chun online registration Admit card, Class VIII marksheet & le school leaving certifi-cate, DEO/ZEO in countersigned a thawsa; Class X admit card le marksheet; Class XII marksheet, PRC, Domicile, Tribe/Caste certificate DC/ADC office in a pek, Charac-ter certificate, unmarried certificate Xerox copy 2 seng le color thlalak copy 10 hai chawi ding a nih.

A ngaizawng hlui nu thlalak a post leiin manbengALuru: Business Manage-ment (BBM) second year inchuklai Shouvik Bhawan(22) chu a ngaiza-wngnu le an in\he leia lungsenin an pahnia saruok thlalak Instagram-ah a post leiin Police han an man. Mr Shouvik Bhawan hin an

ngaizawngpui nawk naw chun a umna Assam-a Tejpur hmuna thlalak hi thedar dingin a vau nia hril a nih. Mr Bhawan in Instagram-a thlal-ak a post a chun nunghaknu mobile number a zieklang sa a, nawchizawr a ni a, a nuom nuomin contact thei a

nih’ ti a ziek bawk niin MIDC police chun an hril. Nunghak hi Mumbai college pak-hata post-graduate thaw lai a ni a, police-ah complaint a peklut le inza-wma MIDC Police han Mr Bhawan hi an man a nih. (TNN)

Hmasawnna Thar3 THLArAm (sepTember) 28, 2017ningAni (THursdAy) nATiOnAL/inTernATiOnAL & AdverTisemenT

LAkTAWi

lAptOp InstAlMent!!!ASUS

Processor- IntelCeleron QuardcoreRam- 4GB

HDD- 500 GBSize- 15.6 inches

Tablet Instalment will be available from 27th September, 2017.

Add: systechNear Sangai University

Rengkai RoadContact Nos. 8729905213/ 8258051965(2

0,22

,24,

26,2

8,)

Chhattisgarh in mini-mum wages a sukpungrAipur: Chhattisgarh sawrkar chun a state sun-ga sinthawtu (unskilled, semi-skilled, skilled le highly skilled workers) hai Dearness Allowances chu thlakhatah Rs. 130 in a suk-pung. Hi thil hi October 1, 2017 a inthawk hmang \an ning a ta, skilled work-ers hai chun thlakhatah Rs. 10,000/- chuong an lak phak ta ding a nih. Labour department dungzuiin a hlaw tlawm tak han nikhatah Rs. 230/- hlaw tang an tih.

Maoist pahni kaphlum

bHubAnesWAr: Odis-ha-a Bargarh district a chun zani hmasa zan sawthnung khan Salepali ramhnuoiah Police han nuhmei pakhat \hangin Maoist cadre pahni an kaphlum. Police han dappui an thaw huna inkaptuona tlunga Maoist cadre pahni hai hi kaphlum an ni a, an hming hriet a la ni naw a, uniform le um an nih tiin DGP, R.P. Sharma chun a hril. (PTI)

Nupui kum 60 mi electric in a

manhlumbengALuru: KR Puram-a RMS Layout a chun nupui kum 60 mi Meenamma chu electric in a manhlum. Ruo sur nasat leiin Dil tam tak an luongliem a, In-sung haia tui a let leiin Ms Meenamma hi an insunga um electric le thlungzawm UPS va that (switch off) a tumnaah electric in a man a ni a, a hmuna a thi nghal.

Thla 3 le a chanve hnungin Darjeeling-a Dawr hai hawng nawk a nitah

dArjeeLing: Gorkha Janmukti Morcha (GJM) in West Bengal-a in-thawk Darjeeling satthla-ka Gorkhaland hran siem dinga an ngenna le inza-wma tiemchin um loa shutdown an puong chu an hlip ta a. Thla 3 chuong zet shutdown a um hnun-gin zani (September 27, 2017) zingkar inthawk

khan Bazar le dawr hai hawng nawk an nitah. Union Home Min-ister Rajnath Singh in zani hmasaa GJM hai an bandh thaw hlip ta dinga a ngenna le inzawma GJM hin September 26, 2017 zana inthawka kha an bandh/Shutdown thaw hi an lo hlip ta a nih. Shut-down hi June 15, 2017 a

inthawka kha an lo \an ta a nih. GJM thil ngen le inza-wm hin Mr Singh chun union Home Secretary chu official-level meeting ko dingin an hriettir bawk a nih. Thla hmasaa inthawka inbihmang GJM hotu Bi-mal Gurung chun audio clip hmangin mipui hai chu dawr, bazar le colleges hai hawng ta ding le mo-tor hai nidang ang bawka service ta dingin a ngen bakah mipui hai chu Dur-ga Puja chibai a buk tawl. Gorkhaland ngenna le inzawma tharum insuona tlung lei khan sawrkar chun Gurung hi Unlaw-ful Activities (Prevention) Act (UAPA) hnuoia case a siemkhum le man dinga order an suo a nih. (PTI)

Sushma in Pakistan naupang medical Visa a pekneW deLHi: India rama open heart surgery thaw ding Pakistan-a Karachi khawpuia cheng nuhmei naupang kum 7 mi chu Ex-ternal Affairs Minister Ms Sushma Swaraj in Medical Visa a pek. Nuhmei naupangtenu nu Nida Shoaib in August, 2017-a a naunu operation thawna dinga visa a ngenna le inzawma an hmatienga sukfel pek dinga ngenna a siem le inzawma Ms Swaraj in hi thu hi a Twitter account fethlenga a puong a nih. Ms Swaraj chun Visa

pek a remti ngei thu a suk-chieng a, \ha taka a hung dam fel ngei dinga a ditsak-na an hlan bawk a nih. Ms Swaraj hin tuta hma khan Pakistan mi pakhat In-

dia rama doctor pan dinga ngenna siem damnaw pak-hat medical visa a lo pek ta bawk a nih. Kha lei khan Ms Swaraj hin mi inpak a lo hlaw ta hle a nih.

CMO ban, doctor 16 suspendedjAmmu: Jammu and Kashmir sawrkar chun health centre tum tum hai official han inspection an thaw hnungin Jammu Chief Medical Officer chu a sina inthawk a ban bakah doctors 16 hai chu an sina inthawk a suspended. CMO bana um hi Dr Robinder Khajuria a ni a, Jammu CMO sin thaw

lai a ni a, Deputy CMO Dr Sanjay Turki chu in-charge-a CMO sin chelsa dingin Minister of Health and Medical Education Bali Bhagat chun a ruot. Minister hin zani hma-sa khan Gujjar Nagar, Talab Khatikan, Sidhra, Bhatindi, Sainik Colony, Shastri Nagar le Talab Tillo haia Urban Health

Centres hai surprise visit a thaw a, chu hunah Shastri Nagar, Talab Khatikan le Talab Tillo health centre hai chu chawl ni si loa an inkhar leiin hienganga hmun le hmuna action a lak nghal a nih. Doctor sin thaw \ha lo hai chu enliem mei mei an ninaw ding thu Minister chun a hril. (PTI)

Rahul Gandhi in Chotila Temple a sirCHOTiLA: Congress Vice President Rahul Gan-dhi chu zanikhan Suren-dranagar district-a tlang chunga um Chotia Temple –ah fein \awng\aina a nei. Rahul Gandhi hi kum 2018 a Gujarat Assembly Election hung um ding le inzawma ni 2 liemtaa kha election campaign ni faw-ma Gujarat inzin a nih. Rahul hin Chotia Tem-ple chau ni loin a cham sung hin Temple tum tum hai sirin \awng\aina a nei.

BJD MLA bail ngen hnawl pekbHubAnesWAr: Chit fund case le inzawma man BJD MLA Pravat Ranjan Biswal in bail a ngenna chu Khurda District and Session Court Judge RK Patnaik in a hnawl pek. Mr Biswal hin a hrisel-na \hatnaw leia bail a ngen a ni a, sienkhawm bail-a

insuo a ni chun a case sui-zuina sukbuoi ding inlau leia a remti peknaw a nih.Biswal hi CBI in an suizui mek multi-crore Seashore Group chit fund scam –ah inrawlna neia intum leia Sept. 20, 2017 a man, man a nia inthawk ni 2 hnunga jail-a thun a nih. (PTI)

HC in Punjab sawrkar notice a pek

CHAndigArH: Punjab sawrkarin loneitu hausa hai kuoma subsidy-a ag-ricultural pump set pek a suktawp le inzawma PIL file-a um dungzuiin Pun-jab le Haryana High Court chun Punjab sawrkar chu hrilfiena pe dingin Notice a pek. Justices AK Mittal le Amit Rawal hai umna court bench chun power regulator Punjab Electric-ity Regulatory Commission

khawm notice a pek bawk. Advocate Hari Chand Arora in PIL a file a chun, Punjab-a loneitu hausa deu hai chu an lo a tubewells haiah tuta hmaa power a thlawna an dawng hlak chu suktawp a ni thu a zieklang a nih. Punjab sawrkar chun kum iemanizat liemtaa in-thawk khan loneitu han tubewells haia tui an pump dawkna dingin electric a thlawnin a pek a nih. (AIR)

Pakistan silai hung kap leiin mi 2 hliemjAmmu: Jammu and Kashmir-a Poonch District Line of Control (LoC) a Indian forward post chu Pakistan sipai han silaia an hung kap leiin civil mi 2 in hliemna an tuok. India sipai hai khawmin an kaplet ve leiin inkap-tuona a la um zing tiin de-fence spokesman chun a hril. Pakistan silai hung kap leia hliemna tuok hai chu Sham Akhtar (55) le Raza Ahmed (28) hai an nih.

Central doctor hai pension kum

sukseineW deLHi: Central Health Services (CHS) hnuoia thawk Doctors hai pension kum tuta kum 62 ni mek chu kum 65 nita dinga keisei a nih. Pension kum sukseina hi May 31, 2016 a inthawk hmang \an ding a ni a, cen-tral government hnuoia ministries le department tum tuma thawk doctors 1,445 han an \hathnempui ding a nih. (IANS)

AIcc President dinga Mallikarjun Kharge a ruot dingin a ngenbengALuru: Karnataka Pradesh Congress Commit-tee (KPCC) member San-jeev Moily chun zanikhan party High Command chu Mr Mallikarjun Kharge chu All India Congress Com-mittee (AICC) President a ruot dingin a ngen. Mr Moily chun, Con-gress party in leadership thlakthleng a tum a ni chun Lok Sabha-a Opposition leader Mr Mallikarjun Kharge chu AICC Presi-dent a ruot ding le Rahul chu Vice President lan ni tir

pei dingin Congress Presi-dent Sonia Gandhi kuomah lekha thawnin a ngen a, hi thil hin party sunga nasa ta-kin inthuruolna an tlun ding

a nih tiin a hril sa bawk. Kharge hi hnam hnu-fuol Dalit a hnama mi a ni a, AICC President dinga ruot a ni chun ei hmaa elec-

tion hung um ding haiah party nasa takin a sukhrat ding a nih tiin Sanjeev Moily chun a hril a. BJP han hnam hnufuol hai lun-gril hnena dingin Ramnath Kovind President dingin an nominate a. Tuhin elec-tion hunah hmang \angkai an hung tum ngei ding a ni a, chu thil dolet dinga ei lo insingsat a \ul a nih tiin a hril a, party ta dinga ringum taka sin thaw hlak a ninaah a thurawn chu ngaituo le pawm ngei din-gin a ngen a nih. (TNN)

Dan loa fund a lakkhawm leiin DIG suspendedneW deLHi: Ut-tar Pradesh-a Gorakhpur hmuna Sashastra Seema Bal (SSB) Recruit Training Centre (RTC) a Director sinthaw Deputy Inspector General (DIG) PS Chun-dawat chu dan kala sipai lak thar hai border camp-

ah hrentanga pawisa Rs. 16 lakh zet an nia inthawk lakkhawm leiin a sina in-thawk suspended a ni tiin official thusuok chun a hril Mr Chundawat hin sipai lak thar training lai mek hai kuoma inthawk dan kalin pagdi/safa, hockey sticks,

lekhabu, e-rickshaw le LIC policies a ding tiin Rs. 16,20,955 zet a lakkhawm niin tuta thla bula internal inquiry report chun a hril. Mr Chandawat hi SSB a deputy Commandant –rank officer khawm “house arrest” a siea intum a ni

bawk. SSB a hin person-nel 80,000 vel an um mek a, India le Nepal ramri 1,751km. a sei venghimna sinthawtu an ni a, Gorakh-pur a RTC hi SSB training centre lien tak a nih. (PTI)

Mexico-a Drug Rehabilitation centre ah Mi 14 Kâp HlumCiudAd jAurez: Mexico hmartienga khuo pakhata drug chîng zawngsakhai enkawlna Rehabilitation Camp pakhatah silai chawi mi iemani zat hai va lutin silai an hmet puok leiin mi 14 an thi a, midang 8 an hliem bawk tiin local police haiin an hril. C h i h u a h u a p o l i c e department-in thusuok siema an hril dan chun, “Silai chawi mi iemani zat chu Uniting Families rehabilitation centre an va lut a. A sûnga umhai chu assault rifles hmangin an kap hlum tâwl a nih” tiin a hril. Rehab Centre sûnga hin mi 25 vel enkawl lai an uma hriet a nih. Kap an

nih ti an hriet charin a kawl hnai mihai an tlân buma an va \hangpui nghâl niin a hril bawk. A thawtuhai tu ham ieng leia an thaw am ti hriet a la ni nawh a, inpuong an um naw bawk. Chihuahua State hi USA le inrina state a nih a. Ralthuom chawi mi tamna, misuol le inruitheia sumdawng le drug addict tamna, cowboy le tawrawt tak tak tamna a nih. Mexico rama drug t raff icking hluorna hmun a nih a, kum tamtak sawrkârin drugs a sumdawngtuhai a lo do tatna hmun a nih. Sawrkar thuneituhai hril dan chun, hieng drug rehabilitation centre-a hin

Drug lord \henkhat, drugs a sumdawng pawlhai an hmêlmahai dam an inbi h lak a . |henkhat chu addict treatment thawna le drugs a sumdawngtuhai an sumdâwngna an thupna dinga an siem dam, sawrkâr hlemna an nih tiin a hril. C h u o n g a d r u g s s u m d a w n g p a w l a n hmêlmahai inbi an um ti an hriet pha Centre chu an va bei hlak a nih. Mexico ram khu Colombia dawta chu Drugs sumdâwngna hluorna tak a nih a. Sawrkarin 2006 a drugs dona thu a puonga hma a lak tak tak a inthawka drugs sumdawng pawl le police/security forces hai indona leiin mi nuoi hni

(200, 000) nêka tam a thi le inhmang an um tah. Tuta Chihuahua state khawm hi a nih US President Donald J. Trump-in drugs sumdawng pawl le illegal migrants America an lut râwn thei taluo leiin \eklei or thîr bang insâng rem huol vawng tumna chu. Drugs hin chu phâk nâwna ram tak tak a nei tah nawh. Khawvel kil tin mihriemhai a fang suok bâkah a khawvel leilung pil ngei khawm hi ‘drug addict’ a nih tah. Damdawi bovin thlai khawm an mawng \ha thei/nuom tah nawh, leilung hi zurui angin a la pem thlawk thlawk ding a nih ti Bible-in a mi hril.

Aadhar deadline suksei

neW deLHi: Sawrkar schemes le subisidies dawng theina dinga Aadhar nei thei hun tuta thla ni 30 chen dinga ti chu Decem-ber 31, 2017 chena dingin sawrkar thlungpui chun a keisei nawk.

sIelMAt CHrIstIAn HOspItAl & reseArCH Centre

*** Specialist Doctor (Urologist) pan nuomhai chun Date 30th September, 2017 zing Dar 10:00 AM hin Sielmat Christian Hospital a pan thei ning a tih. Zunlam tienga harsatna neihai tading khawmin pan thei ning ata, operation ala \ul khawma thaw thei nghal ning atih. Reg-istration Fee Rs. 300/- ning ata, ticket booking khawm 7:30 AM – 6:30 PM chen thawthei ning a tih.

Contact no :- 919862853047.

Umbrella scheme a dinginRs. 25,000 crore neW deLHi: Zanita Union Cabinet meeting chun kum 3 sunga India ram state tum tum haia po-lice forces hai thuom\hatna ding Rs. 25,000 crore um-brella scheme a pawmpui. Hi sum hi ram veng-himna, law & order enkawl-na, nuhmei hai venghimna, ralthuom inchawkna, he-licopter hire na le \ul dang dang haia hmang ni dingin Home Minister Rajnath

Singh chun a hril. Hi scheme hnuoia hin Left Wing Extrem-ist (LWE) hai hrat zuolna district haia dingin central assistance Rs. 3,000 crores a \hangsa a, North Eastern states a Police hai infra-structure siem\hatna ding, training institutes le investi-gation facilities haia hmang dingin Rs. 100 crores sie a nih tiin Rajnath Singh chun a hril.

Gurdaspur LS byelection a dingin candidate 11

CHAndigArH: Octo-ber 11, 2017 nia Punjab-a Gurdaspur Lok Sabha seat-a byelection hung um ding le inzawma nomination paper file hai ta dinga inh-nukdawk theina hun taw-pna tak chu zanikha a nita a. Tukhawm inhnukdawk an um naw leiin hi byelec-tion-a candidate umzat chu 11 an nih. Congress chun an can-didate dingin Sunil Jakhar, BJP in Swaran Salaria le AAP in Major General (retd) Suresh Khazuria hai

an ruot a nih. Party dang candidate hai chu - Santosh Kumari of Megh Desham Party, Kulwant Singh of Shiro-mani Akali Dal (Amritsar) (Simranjit Singh Maan) le Rajinder Singh of Hindu-stan Shakti Sena hai an ni a, Independent a ngir hai chu Satnam Singh, Sandeep Kumar, Pardeep Kumar, Parvinder Singh le Pawan Kumar hai an nih. Election-a vote tla hai Oct. 15, 2017 khin tiem ning a tih. (PTI)

Saudi Arabia-in Nuhmei Motor Khal A Phal Tah

r i y A d H : K h a w v e l a nuhmeihai s irdena ram ropuitak le hrât tak Saudi Arabia, nuhmei hai tuol suok chen khawm phal loa khap Saudi Arabia sawrkâr chun, women empowerment le human rights thu khekpuitu nuhmei tamtak Jail bang chen an zuttir hnungin, an ram history-a hmasatakna dingin Summer nawka inthawk chu nuhmei haiin motor an khal a phal pek tah. Nuhmeiin motor an khal hi a khap tlat a. Chu khapna dan um zing khawm chun nuhmei tamtak chun huoisen takin motor an khal lui zing a. Dan bawsiehai chu Jail a khum pei leiin khawvel dem a hlâw hle a. Khawvela nuhmei motor khal khaptu umsun a nih. US le Western rambung \henkhat hai hrilhrietna le hma lakpuina zârin kum telin nuhmeihai ngîrhmun dawmsangna tieng hma a hung sâwn tiel tiela tuhin a pawm thei tah a nih. US chun a lâwmpui hle a. President Donald Trump khawmin a lâwmpui thu a puong a, “positive step” a nih a tih. Saudi Arabia

hi nuhmei ngîrhmun an hnuoi em em a, an pasalhai unauhai hnuoia um an nih. “Hi hi Saudi Arabia nuhmei dawmkangna ding hmalakna \ha a nih” tiin a hril. State Department thupuongtu Ms Heather Nauert khawmin lâwmum a ti thu hrilin, “Tuhin chu kan hlim takzet tah” tiin a hril. White House thusuok chun, “President Donald J. Trump-in a ngai pawimaw em em, Saudi Arabia nuhmeihai sirdea an um hlak suk zalenna dinga hienga a hung thaw hi a lâwmpui hle thu a puong” tiin a ziek. Hi hma met khawm khan Saudi Arabia official hai chun, June thlaa inthawkin nuhmeihai motor an khal phal pek nih tang an tih” tiin a lo hril tah. White House chun, “Hieng ang reform hmanga Saudi Arabia-in social le economic-a hma a sawnna ding chun hmatieng khawm \hangpui pei kan tih” tiin a hril bawk. King Salman le a naupa Crown Prince Mohammad bin Salman hai chun an lo intem met met tah sa a nih.

An ram danin a phal lo, main Stadium-a nuhmeihai lut phal nawnaa khawm, Riyadh Nat iona l Day lawmna ni khan nuhmeihai Stadium sung an inluttir a nih. Lal Salman hai pafa hin an ram hi insukhlimna le infiemna tieng khawm an uorpuiin an \huoi bawk. Nuhmeihai hin 1990s laia inthawk khan nuhmeihai rights, dan hnuoiah chu intluktlang vawng ei nih ti changchawiin a lo nawr ta a nih. Saudi Araba ramra rorêltu \henkhat, ultra-conservative clerics haiin nuhmei motor inkhaltir chu khawtlangah suol pung a ta, suolna khurah mi hnuk lut pal an tih ti leiin nuhmei motor khal an khap a nih. Khawpui taxi service Uber le Careem umnaa chun nuhmeiin taxi an hmang el a. Khawte deua hai chu sinthawna dinga khawm pasal-a innghat vawng an \ul. King Salman chun nuhmei le pasalin Driving License hmang ve vein motor an khal ding a nih tiin state TV le agency fethlengin a puong. Hi thil hi June 2018 vela hmang tan thei ding chauva ngai a nih. Nuhmeihai driving license an nei nghâl chu phal la ni naw nih a. Thil umdân enfeltu ding Committee lan din nîng a tih. Saudi Arabia hin Muslim nuhmeihai zalenna a ngai pawimaw bik a, 2015 khawm khan a vawikhatna dingin nuhmei vote thlak le election-a ngîr a phal pek a nih.

Twitter le Facebook Hai An Intuoi Thar, changkâng Pei San FranciSco: Tulai khawvêla social media indar hrât pei le hmangtu an tam deu deuna le inzawmin khawvêla social networking lientak Facebook le micro-blogging site lientak Twitter hai chun customer pung peihai hmang ding le mi tam lem an hip theina dingin an intuoi thar pei. Micro-blogging site Twitter chun character 140 chen chau limit a nei chu thu sei lem an hril/post theina dingin 280 character limit sukpung a tum. San Francisco-based social site Twitter chun, ‘hmangtuhai beidawngna le lungkimnawna’ sukbona dingin character limit tlâwm chu an sukpung a ni thu an puong. Chief Executive jack Dorsey chun, “Hi hi thil chîte a nia chu thil lientak a nih” tiin Twitter siem a inthawka siemtharna lientak la nih ding hiel thu chu a hril. “Character 140 kha ngaituo lawkna um lova siem el a nih a. Tulai a hmangtuhai thuziek nuom dan enin a tlâwm taluoa hriet leiin sukpung a nih” tiin a hril. Mipuiin an thu ziek nuom ziek harsa an ti pha leiin character (words ziek theina) hi sukpung a nih a. Japanese, Chinese le Korean \awng hmanghai ruok chun a hlui 140 character la hmang an tih, asan chu hieng \awnghai hin chu thumal/character tam a ngai naw leiin. Twitter hin 2013 a inthawk khan Public Company an chang ve a. Milien milal, professional le celebrity haiin an hmang nasa bik. Thla tina active users chu 328 million an nih a. Facebook hmangtu nek chun an la tlâwm lem. Facebook chu thla tin billion hni hmangtu an um phâk. Facebook ta tho Instagram chu thla tinin mi 800 million-in an hmang.Twitter hin tuta second quarter ah khan $116 million a sukhmang niin a hril a, kum khat laia $ 107 million an hmang nek khan a tam

met a nih. Tuhin character limit sukpungin hmangtu le sum hmu khawm a pung an inbeisei a nih. H i e n g l a i z i n g h i n F a c e b o o k hmangtuhaiin direct-a WhatsApp an hmang theina ding feature thar a siem. Android platform-a Facebook hmangtuhai ta dingin an Facebook page ah WhatsApp short cut link/button a um a, hmang nghâl thei dingin a siem thar niin The Next Web chun a ziek. Hi button thar, app menu a hmu thei dinga um hi Android user hai ta ding chauva hmang thei a la nia chu iOS users hai khawmin an hmang thei vat beisei a nih. Facebook hmangtu reng renghai hmang thei dinga siem a ni dim a la chieng nawa chu beisei a nih. Facebook-inofficial-inalapuongnawachu Danish \awnga Facebook hmangtu Arvind Iyer in a lo hmu suok a nih. WhatApp language setting Danish \awngin a hei thleng leh hi App thar hi a hung inlang a, WhatsApp short cuta hmang theina button a nih ti thu a tlângzar tah a nih. Facebook chun feature thar “Instant Videos” ti khawm a buoipui mek nia hriet a nih bawk. User hai data save-na dingin WiFi connect-a Facebook video download tuhai \hangpuitu ding a nih. “Instant Video” hi “Instant Articles” ang deu ding a nih.

EC in Jharkhand CM hlui kum 3 sung ngir

theilo dingin

neW deLHi: Election Commission chun kum 2009 Lok Sabha Election huna a sum hmangna details a peklutnaw leiin Jharkhand Chief Minister hlui Madhu Koda chu kum 3 sung elec-tion-a ngir thei lo dingin a disqualified. Mr Madhu Koda hi Jharkhand-a Singhbhum Lok Sabha seat-a inthawk thlangtlinga a lo um a nih.

Hmasawnna Thar4 EntErtainmEnt / SportSTHLArAm (sepTember) 28, 2017ningAni (THursdAy)

SUNzawmNa

Kristen Stewart Tlangvâl A Ang Tak Tak TahLOs AngeLes: Thawk khat lai khan chu an pahniin nunghâk hmêl\ha tak angin Red Carpet an hluo lum ve ve hlak a. Tu ruok hin chu pasal le nuhmei (nupa) angin insûng an hluo lum ve thung tah. Transgender ei ti anga mihriemna nina (sex) sukdanglam em an nawa chu, nuhmei a dit ti inhrie suoka pasal anga um Kristen Stewart chu pasal a ang tak tak nuom sawt hle. Thawlenni khan Los Angeles ah a ngaizawngnu model Stella Maxwell leh bazaar an hung kai lai hmu a nih a. Kristen Stewart chu Jean kekawr tluon bunin, over-size T-shirt var hâkin, lukhum dum le \hi leh, a pa \ek \ek tah hle. An pahniin Parte thar hlâwk iemani zat an inchâwk hnungin City of Angels ah inhawi chen dingin an fe nawk. “Twilight” le “Into The Wild” ti changtunu Kristen Stewart hi a hmêl\hatna a la danglam nawa chu a ban vel le kuthai chu nuhmei kut nêkin pasal kut a hawi lem tah. Bag khai bâwr luiin telephone-in mi a biek zing bawk a. Adidas slippers bunin mawza khawm a uk a bun bawk a, insunga um mei mei thuomin an thuom ti a chieng.

Kum 27a upa a ngaizawngnu Stella Maxwell khawm Denims (Jeans) uk loose deu bunin Jacket a haka, a hnuoia a bra ang deuvin a nene lai

thupna dingin bodice ni chie lo puon dum a hak bawk a. A nuhmei lem a nia chu a hmela chu a nuhmei lemna an lang bik chuong nawh. California nisa lum taluoa inthawka an mit hlietu dingin tarmit dum an bun ve ve a . An nal dan chu dang tak a nih. Kristen le Stella hai hin New York Fashion Week ah Stella Maxwell catwalk thaw dingin an inzin a, tuhin châwl hmang dinga hung kir nawk an nih. Stella Maxwell hi 2013 a inthawk khan San Francisco brand pakhat ta dingin a model tah a. Victoria Secret ah 2015 a inthawk khan “Angel” niin ‘thla’ nei phâk model an tah bawk a. hung tlung ding November 28 khin Shanghai ah kum tina nei hlak, CBS-in live-a an broadcast ngat hlak, fashion hun ropui bik ah a ‘catwalk’ bawk ding a nih. Mi nauhai chu an pieng nal manin mipui hmaa mi zakuo \hui sa nal tak tak hâka lawn insiek thawin pawisa nuoi tel tel an lam suok el chu a nih! A lem changtu ‘Model’, a thuomhnaw neitu tak tak ding khawm ni lo, a company/agency neitu tak tak khawm ni bawk lo, ‘model’ hai bawkin lemderna khawvêla hin chu pawisa khawm an hlâw dawk râwn a nih.

La Liga Santander :

Real Betis chun Antonio Sanabria goal hni hmangin Levante an sawpreAL beTis : Thawle-ni zan Lal Liga inkhel pakhat a um. Real Be-tis chun Levante an lo mikhuol a, goal 4 tawp an lo inba. Hi inkhela hin Antonio Sanabria chun half zo char minute 47 naah goal hmasa a thun a. Minute 55 naah Fabian chun goal dang a thun sa nawk a. Chu hnung min-ute 10 hnungah Sergio Leon chun muolneitu ta ding bawkin goal a thun nawk a. Hun tawp tawm char minute 90 naah An-tonio Sanabria bawkin a

goal hnina a thun a, Real Betis chu chieng taka hra-tin point pathum an hlaw-suok ta a nih. Inkhel hi Real Betis hin an thunun hle a, hrat khawm an phu hrim ti

thei a nih. Ball possession khawm 66% tawp an nei phak. Hi result dungzui hin Real Betis hai table-ah pangana an inhlangkai a, Levante ruok chu paku-ona an ni mek bawk.

UEFA Champions League :

Sevilla, Man. City, Napoli, Besiktas, Tottenham le Real Madrid hrat zan Liverpool draw; Wissam ben Yedder le Harry Kane hattrickreAL mAdrid : Thawleni zan/Nilaini zing UEFA Champions league inkhel tukuma dinga hmasa tak chu Group E, F, G le H haiin an nei a. Group E-a um Sevilla chun Maribor an lo mikhuol a, goal 3-in an lo hne. Sevilla hratna goalhai thuntu chu Wissam ben Yedder a nih. Ama hin minute 27, 38 le 83 haiah hi goal thumhai hi a thun a nih. Spartak Moscow le Liv-erpool inkhelah goal khat ve ve thunin a hrat bik an um nawh a. Moscow ta dingin Fernando chun min-ute 23 naah goal a thun a, chu chu Philippe Coutinho chun minute 46 naah a hung rul a, goal dang a lut-sap ta nawh. Group F-a um Man-chester City chun Shakhtar Donetsk an mikhuol ve a, awlsam deuin 2-0 in an lo

hne. Manchester City ta dingin Sergio Aguero (pen-alty ) le Raheem Sterling haiin goal khat ve ve an thun. SSC Napoli hai chun Feyenoord an mikhuol nawk a, 3-2 in an lo hne. Napoli ta dingin Lorenzo Insigne(7`), Dries Martens(49`) le Jose Maria(70`) hai chun goal khat seng an thun a, Fey-enoord ta dingin minute 90 naah Sfyan Amrabat chun goal khat a thun. Feyenoord hin minute 68 naah penalty an hmua chu Jens Toornstra

chun a thun nawh. Group G-a um Besiktas chun Leipzig an mikhuol a, anni khawma awlsam deuin 2-0 in an lo hne. Besiktas ta dinga goal thuntuhai chu Ryan Babel(11`) le Ander-son Talisca(43`) hai an nih. French Champion Mo-naco chun FC Porto an mikhuol a, goal thum tawp an lo insuo. Porto ta dingin Vincent Aboubakar chun goal hni a thun a, hun tawp tawm charin Miguel La-yun chun goal khat a thun bawk.

Group H-a um APOEL Nicosia chun Tottenham an mikhuol ve a, Harry Kane hattrick hmangin Totten-ham chu 3-0 in an hrat lem. A tawpna takah cham-pion lai mek Real Madrid chu German club Borussia Dortmnund tieng an van zin a, Cristiano Ronaldo goal hni hmangin 3-1 in hratna an va chang. Hi inkhela hin Gareth Bale chun minute 18 na chauah goal a thun nghal a. Chu hnung min-ute 50 le 79 haiah Cristiano Ronaldo chun goal khat ve ve a thun a, Dortmund tieng chun minute 54 naah Pierre –Emerick Aubamayengin goal khat a thun a chu goal dang an thunsap thei ta naw leiin an khelmuola ngei an muolpho ta a nih. Tuta Ronaldo goal thun nuhnung lem hi Champions league chanchina dinga goal 109 a thunna char a nih.

Diego Costa Atlet-ico Madrid tieng

insawn fel tah

LOndOn : Season \an hmaa inthawk Chelsea-a hlim ta lo le Chelsea’n a pawimaw lo Diego Costa chu a club tienga insawn-na dingin iengkim suk-fel vawng a ni tah. Club pahnihai hi kar hmasak khan an inbiek fel a, Thaw\anni khan medical test zovin iengkim mimal thil pawimawhai khawm zo fel vawng a ni tah. Insawn fel sienkhawm Atletico Madrid player la ni thei naw ni a, January 1 pha a ni thei chau ding a nih. Chelsea-a a um sung hin Costa hin premier league title vawihni a lak hman a, League Cup vawikhat a lak hman bawk. Chelsea man-ager Antonio Conte chun, ‘A hmaa ka lo hril hlak an-gin Diego Costa leh ieng-khawm inhrietthiem nawna kan nei naw a, a hma tieng hlawtlingna chang pei din-gin ditsakna kan hlan,’ tiin a hril.

FIFA Under-17 World Cup thlirlawkna – 1

neW deLHi : A vawikhatna dingin In-dia chun hung tlung ding October 6-28 sunga um ding FIFA U-17 World Cup chu a mikhuol ding a nih a. Insingsatna khawm zo fel vawng a ni tah. India ta ding chun football chanchina dinga mellung pawimaw tak ni ngei a tih. Hi tournament hi stadium parukah inkhel ning a ta, ni 22 sung aw bawk a tih. A bula inthawka a tawp chenah inkhel 52 um a tih. Hieng laia 36 hi group inkhel ning a ta, a dang po hi knockout-a inthawka Final chen ning a tih. Inkhel hmasa tak hi October 6 khin Jawaharlal Nehru Stadium, New Delhi-a inkhel ning a ta, hi taka hin mikhuoltu India khawm \hang nghal a tih. Final ruok chu

Vivekananda Yuba Bharati Krirangan Sta-dium, Kolkota-ah inkhel ni ve thung a tih. Khawvel pumpuia tleirawl inkhel thiem tak ramhai hung tlanbum ding a ni lei hin nghakhla a um a, en khawm hlaw hleng a tih. A rengin rambung 24 an \hang a, chu-onghai chu Group khata pali peiin Group paruka \he an nih. Group tina pakhatna le pahninahai knockout kai an ta, pathumna \ha tak team pali khawm kai bawk an tih. Chu umzie chu knockout-ah team 16 an um ding tina a nih.group AIndia, USA, Colombia and Ghanagroup bParaguay, Mali, New Zealand, Turkeygroup CIran, Guinea, Germany and Costa Ricagroup dDPR Korea, Niger, Brazil, Spaingroup eHonduras, Japan, New Caledonia, Francegroup FIraq, Mexico, Chile, England

Harry Kane hi Tottenham Striker \ha tak la ni thei a tih : Glenn Hoddle

TOTTenHAm : Tot-tenham mihr^ng Glenn Hoddle chun tuta an striker sawr mek Harry Kane hi Tottenham ta dinga striker \ha tak a ni thei ding thu a hril. Tottenham hin tukum champions league-ah vawi-hni inkhel an la hrat ve ve a, point paruk an nei mek a nih. Kane hi Hoddle \awng-bau chungchang a ngaidan indawn a ni a, ‘Inpakna

lawmum tak chu a nih. Ka theitawp suo a ka fe pei hi a la \ul phawt,’ tiin a hril.

Kane hin tuta season hin inkhel 7-ah goal 11 tawp a thun an tah. Hieng thu hril-

tu Hoddle hi Tottenham ta dingin 490 a lo inkhel hman a, goal khawm 110 tawp a thun hman bawk. Tuhin Kane hi Spurs ta dinga goal thun rawn a 14-na a ni mek a, inkhel 173-ah goal 108 a thun tah. Hi club ta dinga goal thun rawn tak chu Jimmy Greaves niin goal 266 a thun tah. Jimmy Greaves ti lo goal 200 chu-ong thun umsun chu Bobby Smith(208) a nih.

“Dil Buffering” Changtu Dingin Aanchal Munjal Thlang

MuMbai: Tulaia Bolly-wood nunghâk hmêl\ha inlâr thar mek, kum 19 chauva upa Aanchal Munjal chu “Dil Buffering” series-a a changtunu dinga thlang fel a ni tah. Zirtawpni a inthawka insuo \an ding Serial-a hin Aanchal chun Abby lem a chang ding a nih. Insuo \anna le inruolin

Facebook le YouTube haiah khawm ‘live’ in insuo nih nghal bawk a tih. “TV serial haiah child artist anga sawt tak ka changna kum thum vel ka chawlsan hnungin, hieng ang role puitling ka chang thei nawk hi ropui ka ti a, ka lâwm hle. Thil thar tak a nih. South Indian tieng ka lo lungril deu a nia chu

Dist. First Division league sept. 27 result:

Zillai FC 3-Zotal FC -0 Bungmual YC 5-SC-1

sept. 28, 2017, Fixture12:30PM ZOFC V/s

TaqchapaFC2:30PM- MSYC v/s GSC

state puotienga zawr suok ding khawm ei nei thu hrilin, abîkin rural tourism sukchangkang a pawimaw tiin a hril. Ram dang mi khuolzin Manipur hung sirtuhaiin mani Ina um ang annawleh Manipur In tak taka umdân an hriet theina dingin khuolzinhai ta dingin ‘home stay’ ei thaw ding thu a hirl bawk. Bieltu MLA Dingo Singh chun, Phayeng biel hi art and culture, tradition tieng in hrât leiin Tourism khawm nasa-taka promote thei nîng a tih. State hma a sawnna ding chun khawte hai fai phawt a \ul tiin a hril bawk.

Tourism-in GDP 10%

Overdose Management Training zoCCpur: SHALOM, Progressive People Organiza-tion (PPO) le Lamka Research & Rehabilitation Centre (LRRC) hai \hangruola huoihawtnaa JJ Plaza, Rengkai Road, CCPur hmunah Hepatitis B le C bakah Overdose Management le inzawma Targeted Intervention (TI) NGO hai ta dinga ni 2 sung aw training neia um chu September 27, 2017 khan zo a nitah.Training-a hin SHALOM, LRRC le PPO a inthawk Project Manager, Outreach Worker le Nurse hai an \hang tawl. Training sung hin HCV le HBV invawi hai damdawi kap dan ding le Hepatitis B le C inkai-sawng thei dan hai inhrilhrietna nei a nih.

Annual Sports an neiCCpur: V.K. Tawna High chun September 30, 2017 chen aw dingin zanita inthawk khan Class IV –X student han sports an \an. Sports hawngnaa hin Lunkhomang Khongsai, Additional SP (L&O), special guest-a \hangin annual sports hi a hawng. Special Guest Lunkhomang Khongsai chun, lekha inchuk sungin taksa le lungril sawizawi a pawimaw thu hrilin sports sung student hai chu thienghlim taka inkhel dingin an fui.

Active motor inru man a nihimpHAL : Zani zing dar 4 vel khan Yairipok Develop-ment Club (YDC) le Yair-ipok Police \hangruol han Khoirom Mayai Leikai-ah Activa motor inru Md. Imti-yaz @ Imtiyaz (26), S/o Md.

Anamuddin of Heitroipokpi chu an man. Activa motor hi zani zing dar 1 vela an ruk niin Imtiyaz chun Po-lice kuomah an puong. Mo-tor neitu chu Md. Raji of Heitroipokpi a nih.

mi tamtakin khawtlanga inhnamhnuoina ding le hmasâwn-na ding an thaw dawk thei a, inhmangaina le inlainatna le inhrietthiemnahai chen khawm a siem thei niin a hril. “Sportsman \ha tak ni ding chun fak le dawn insûm le fimkhur le mani taksa \ha taka enkawl a tul a, discipline nei hringnun a \ul” tiin a hril. Mipuihai kuomah khawm sawrkâr scheme hai mani hmasielnaa dinga hmang lova mipui sawr \angkai thei dinga \hang la seng dingin an cha tâwl bawk. Hu huna hin, ADC Kangpokpi, Sadar Hills, Chairman Mr Haokholal Hangshing, Mr Lunseh Kipgen, IPS, Mr Haotinlen Vaiphei le Rev. Paongam Chongloi han Guest of Honour, President le Special Guest an nih.

Nemcha Kipgen-in a Hawng

HP a lampui siemna dingin Rs. 782.24 croresHimLA: Sawrkar thlungpui chun Pradhan Mantri Gram Sadak Yojana (PMGSY) hnuoia Himachal Pradesh-a tlan-gram lampui le leilak hai siemna dingin Rs. 782.24 crore hmang dingin a remti ta niin Himachal Pradesh PWD spokesman chun a hril. Funding revised dungzui hin Central le state sawrkar han hi thila sum an hmang dan ding chu 90:10 ratio ning a ta, sawrkar thlungpuiin Rs. 697.86 crore tum a ta, state sawrkarin Rs. 84.37 crore a tum ve thung ding a nih. Hi sum hmanga siem ding hai lai hin hmun hran hrana leilak 11 siemna ding a \hangsa. (PTI)

Prince harry le Meghan Zan Khata Rs.91,000 Hotel ah

ToronTo: Prince Harry le a ngaizawngnu Meghan Merkle hai chu Ir inni khan Invictus Games 2017 hawngnaah official takin an inlang dun tah a. Kut inchel rielin sipai piengsuol tahaiinfiemnaanena,hunhlimum tak sûnah an hmang laiin zânah khawm an la hmang zawm pei thei. Meghan Merkle chu Toronto mi reng niin in nei sienkhawm, Prince Harry, Britain lal nau meu chu a ngaizawngnu Ina khawsa ve el a rem si naw leiin khaw-pui lailung laitak a umna ding Hotel \ha pawl tak le upa pawl tak, Fairmont Royal York hotel ah a sie a, zânah ama khawm a room tieng a van sawn hlak. Prince Harry le Meghan tlungna hotel hi 1929 kuma bawl tah, tulai hnaia 5 mil-lion Dollar senga chei \hat a nih a. Zan khat riekman ringawt khawm India pawisa chun Rs. 91, 000 ($1, 400) a nih. Suit chin met khawm zan khata $ 1,160 (Rs. 75,

400) a nih. Eini laia 5 Star hotel zan khat riekman Rs. 5, 000 khawm tam taluo ei ti lai an hnesaw bik hle. Amiruokchu, mi pahni chauvin an hluo Suit khawm nisien, bar le fireplace haia nei a, mi 16 \hung theina ding Dining room a nei bawk a. Sitting room hran le back-yard (in hnungtieng) hran a nei vawng a, swimming pool inhawi deu a um bawk. Meghan Merkle hi US mi a nia chu Toronto mi khawmaniha.Afilmchang“Suits’ leiin kum nga lai a um tah. Harry chu Game \an hma ni iemani zat a lo um tah a. Meghan leh downtown Toronto hotel-a hin an insawn lut a nih. A sin thawna a remchâng bawk bâkah Meghan a chêngna In chu photographer an tam taluo leiin \ha a ti naw bawk.Harry le Meghan hi an inngai em em a. Lo entuhai sui dan khawmin an chang chavei le hawiher vel po po, taksa pum le mit, kut le kehai chenin inngaitak

le inngeitak nupa an nih an tih. Harry khawm a hlima a nu Diana thi thu ramtin lêng vel kum a nia chu a hlimtak kum ni hiel a tih. Meghan chun Jean kekawr pawl a khup inek tight fitting le pheikhawk sen flat a bun a. Zakuo Kamis ang deu var Misha Nonoo designed Husband an ti chu a hak bawk a. Zakuo var mei mei a hawia chu Rs. 14, 365 ($221) man zet a nih. Tarmit dum an bun ve ve a, an hmêl a hlim em em, an ha a dawk deu ran el a nih. Harry khawm Jean pawl le T-shirt dum hâkin a zângkhai hle. Thlirtu mipui le photographer an tam hlea chu mi um naw ang charin an pahni chau um an hawi el a nih. Meghan hi remchâng hmasatakah London tienga inpem tum a nih a. Chu hnungah lalnu phalna laka innei tum an nih. Kensing-ton Palace-in an inhuolna thu khawm tu kum sung ngei hin an suo beisei a nih bawk.

hi TV serial khawm hi thil inhawi tak nîng a tih” tiin a lâwm zie thu a hril. Hi TV serial chanchin chu nunghâk pakhat a ngaizawngpa a hmangaitak zawng hmuna dinga a hring-nun hnungtieng po po kir nawka a zawngna chanchin a nih. “Abby nina le chanchin hi a taka ka chanchin leh an ang naw (inkal) taluo a, chu tak chu a phur umna a nih. A lem le a tak kan insangna umsun chu, fiemthu kan du a, kan \awng nuom a, pawl inhawi tak kan nih bawk. “Abby lem chang in-hawi ka ti ang bawk hin a thlîrtuhai khawmin Abby chanchin hi an hmu nuom ve ka beisei” tiin a hril. Aachan hin feature film hran hran hieng, “We Are Family”, “Aarakshan”, “Ghayal Once Again” le Tamil project “Sei” hai an nih. Aachan chun, lemchang (acting) kan hnikna san chu ka peinga inthawkin ka pum/hringnun ah a um tah reng rêng a nih. Kum 11 sung hin an \hang chau a, chu hun sung chun ‘sinthaw hi Pathien biekna a nih’ ti hi a tak takin ka hmang a. Ka ta ding chun, “Sinthaw ti chu ni tin thoa, thil iemani thaw hi a ni a. Thafan tak le inzakai taka thaw pei hi ka nuom a nih” tiin a hril bawk.

Hrithik Roshan le Tiger Shroff Han Siddharth Film ah

mumbAi: Tulai Bolly-wood film star nauhai laia inlâr pawl tak Hrithik Ro-shan chun film star inlâr le hmingthang bawk Jackie Shroff naupa Tiger Shroff leh a hming ding la hriet lo Siddharth Anand film pakhat an chang dun ding a nih.Hi project hi a producer ding Yash Raj Film suksuok ding a nih a. Bollywood (Hindi) film siemtu hming inthang Yash Chopra a pieng cham-pha kum 85 tlingna Nilaini (Sept 27) hmangna le inza-wma siem a nih. Twitter-a official banner pakhatin advertisement a târlang dan chun, “Bring it in! Presenting Hrithik Roshan and Tiger Shroff in YRF’s next film. Directed by Siddarth Anand. Releasing on January 25, 2018. Hrithik vs Tiger!” tiin a post.

Actor pahnihai khawm hin an Twitter account ve ve ah hi thu hi an puong bawk. Tiger Shroff chun, “Shri Hrithik Roshan, you are my Guru. But you should know when the game change” tiin a tweeted a. Hrithik Roshan chun, “Guru chun trick pakhat, a student hai a hril ngai lo thup ruk pakhat a nei zie hlak a nih. Tiger Shroff” tiin fiemthu thutakin a dawn. Hriet dan chun hi film hi action film a nih a. Tiger le Anand hai chun Hollywood action film inlâr hlâwtling “Rambo’ Indian remake an buoipui lai a nih a. “Rambo” remake-a Tiger Shroff zawm ding am a nih, annawleh, film thar hlâwk a hrana siem ding hriet chieng a lan nawh. Action movie a nih ti ruok chu hriet a nih tah.