iphinde yakhe imikhiqizo nezobuchwepheshe ngokusebenzisa okumbiwa phansi, kanjalo nezinto ezakhiwa ngabantu ezenziwa ngezakhi eziphindekayo. I-CSIR isebenzisa imigomo yezobunjiniyela emkhakheni wezemvelo ukwenza imikhiqizo ehlukene. Ulwazi oluseqophelweni eliphezulu lweCSIR emkhakheni wezintambo zomlilo lusetshenziswa ezindaweni eziningi kusukela ezindleleni zokwelapha ezintsha nokwenza umkhakha wamabhanoyi nowezezimoto ihlale isezingeni eliphezulu. Le nhlangano iphinde isebenzise ubuchwepheshe bezokuxhumana ukuqamba izindlela ezilula zokuvikela umhlaba, ezokuphepha, ukufinyeleleka kwezokuxhumana kwabantu nokwanda kwesibalo sabantu abahlala emadolobheni. I-CSIR ayigcini ngokuxhasa ukuthuthukiswa komnotho okonga imvelo eNingizimu Afrika kuphela kodwa iphinde isabalalele nakwamanye amazwe ase-Afrika.

Ukusebenza ngempumelelo kwale nhlangano ukuthuthukisa ezobuchwepheshe nokwembula ulwazi olusha lwezesayensi kwelekelelwa yingqalasizinda esetshenziswayo ukwenza ucwaningo, esezingeni lomhlaba. Le ngqalasizinda ibandakanya amagumbi ocwaningo, izindawo zokuvivinya ucwaningo, izinsiza zesayensi, izinsiza-kusebenza, imishini, amagumbi ahlanzekile okusebenzela nama-pilot plant asiza ukuhumusha ucwaningo lweCSIR lube yimibhalo eshicilelwe, nobunikazi bolwazi lobuchwepheshe.

ESIGXILE KUKHO I-CSIR ibamba iqhaza elibalulekile ngokwelekelela izinhlelo zikahulumeni ngokwenza ucwaningo oluhambisana nezidingo-ngqangi zezwe, inqubomgomo yenhlangano nezesayensi, ezobunjiniyela nezobuchwepheshe. Ezinye zezinto ezibalulekile i-CSIR ebhekana nazo, ngokusebenzisa izindlela eziningi, wukubamba iqhaza ukusimamisa umnotho nokwakha amathuba omsebenzi; ukwakha iNingizimu Afrika ekwazi ukuhlinzeka abantu ngezidingo-ngqangi ezisezingeni eliphezulu; ukwelekelela ekuthuthukisweni kwezomnotho nengqalasizinda efana nezokuthutha, ezamandla, ezamanzi nezokuxhumana; ukugqugquzela ezomnotho ezonga imvelo ukuze sikwazi ukubona ubungozi obusicathamelayo ngokushintsha kwesimo sezulu, ngaleyo ndlela isiza uhulumeni ukuqhamuka nezinhlelo zokwenza ngcono isimo senhlalo; ukuguqula izindawo ezihlala abantu; ukuthuthukisa ezempilo nokwakha imiphakathi ephephile.

Ukubhekana nalezi zinto, le nhlangano igxilisa ucwaningo lwayo ezindaweni zezakhiwo, ezokuphepha nokuvikela, ezamandla, ezempilo, ezezimboni nemvelo.

Ngaphezu kwalokho, i-CSIR iphinde itshale imali ekuhlaziyeni ezinye izindawo ezitsha ezidinga ukucwaningwa nokwandiswa kwezobuchwepheshe. Ucwaningo ngobuchwepheshe bezakhi ezincane lugxile ekwenzeni izakhi ezincane. I-CSIR icwaninga

Igumbi lo

kucwaninga okwasemanzini nomoya wemishini

Inqubomgomo yethu I-CSIR izibophezele ekuthuthukiseni izwe ngokuhambisana nenqubomgomo yayo elawulwa wumthetho wuMthetho woMkhandlu woCwaningo lweSayensi ka-1988 (uMthetho wama-46 wama-98, obuyekezwe ngoMthetho wama-71 wama-1990), isigaba sesithathu:

“Izinhlaka zeCSIR zimelwe, ngokusebenzisa izindlela ezihlabahlosile zokwenza ucwaningo nobuchwepheshe obusezingeni, ukusiza ukuthuthukisa ezezimboni nezesayensi kuleli, lapho kufanele nalapho uvo lweCSIR ludingeka khona, ukuphucula izwe ngokuzimela noma ngokubambisana nabaphathi bakahulumeni nabazinkampani ezizimele, ngenhloso yokuphucula izinga lempilo lezakhamuzi zaseNingizimu Afrika nokwenza nanoma yimuphi umsebenzi onikwe i-CSIR yilo mthetho noma ngaphansi kwawo.”

EZEZAKHIWO Ingqalasizinda ayibalulekile ekuthuthukiseni umnotho kuphela kodwa iphinde inikeze abantu ithuba lokuthuthukisa impilo yabo.

I-CSIR isebenzisa isayensi, ubunjiniyela nobuchwepheshe ukuphosa esivivaneni ekuthuthukisweni nasekunakekelweni kwengqalasizinda yomnotho ezweni nokuguqulwa kwezindawo ezihlala abantu. Izinto egxila kuzo kakhulu wukuqhathanisa ulwazi ekuthathweni kwezinqumo ngezindlela zokuhlela nokunakekela isimo senhlalo yabantu, ukuthuthukiswa kwezakhiwo nokuqhamuka nezinto ezintsha zokwakha nezindlela zokwakha, ukuqhamuka nezindlela zokwakha imigwaqo nokuyinakekela, ingqalasizinda emitateni neyezinqola ezihamba kujantshi nokuqhamuka nezindlela ezingcono zokuthutha umphakathi nempahla.

Ingqalasizinda:

Igumbi locwaningo lokwasogwini nokusebenza kwemishini ngomoya lenza abacwaningi bakwazi ukwakha imifanekiso yemitata, izimpophoma, imifula namadamu ngenhloso yokuvivinya amacebo okunjiniyela imitata nezakhiwo zasolwandle.

Esikhathini esingangezinyanga ezintathu, sisebenzisa umfiziselo wezinqola ezinkulu, siyakwazi ukulandela nokuhlaziya umonakalo odalwe yizimoto emgwaqweni eminyakeni engama-20. Ngaleyo ndlela abanikazi bemigwaqo bathola ithuba lokwenza ngcono imigwaqo nezindlela zokuyakha.

EZOKUPHEPHA NOKUVIKELA Kunobudlelwano obukhulu phakathi kwezokuphepha nokuvikela nentuthuko yomnotho wezwe. I-CSIR iyelekelela ukuphephisa iNingizimu Afrika ngokuxhasa izinhlelo zokwakha izwe elilawulekayo ngokuqhamuka nobuchwepheshe bokuqinisekisa ukuphepha emphakathini. Igxila kakhulu ekuvikelweni kolwazi ukuthuthukiswa kwezinhlelo zokwazi izimo nokunika izixazululo ngokulawula nokubambisana lapho izinhlaka ezehlukene zisebenza ngokuhlanganyela. I-CSIR iphinde iqinisekise ukuthi uhulumeni uthenga ngobuchule futhi wandisa ubuchwepheshe kwezokuvikela.

Ingqalasizinda:

Ama-wind tunnel akwaCSIR asetshenziswa ukwelekelela emizamweni yokwakha izindiza ezikwaziyo ukumelana nomoya omkhulu uma zindiza. Ulwazi oluqoqwa kulezi zakhiwo luyasetshenziswa ekucubunguleni ukuma kwezindiza, ukwakhiwa kwezindawo zokuvivinya amabhanoyi, ukubunjwa kwemigomo nokuqeqesha.

Ingqalasizinda yethu yezempi yemibani neyezintambo zikagesi isiza abaholi emizamweni yabo yokuvikela iNingizimu Afrika nezakhamuzi ebugebengwini obuhleliwe, ukuzingelwa nokubulawa kwezilwane ngokungemthetho nobushokobezi ezweni, olwandle nasemkhathini. Le ngqalasizinda isebenza ngokuveza izithombe zengozi iseza, okunikeza abombutho wezempi ithuba elenele lokuthatha izinqumo ezifanele ukunqoba noma ukukhalima ingozi umonakalo ungakenzeki.

Igumbi lo

kucwaninga okwasemanzini nomoya wemishini

Umshini w

oku

kala

umon

akal

o od

alw

a yiz

inqola

ezink

ulu em

gwaqweni

Umhubhe womoya

Isikhung

o samaKhono iHySA

Ingq

alaz

isind

a yo

nyaz

i nez

intambo zika

gesi zezempi

EZAMANDLAKubalulekile ukuqhamuka nezindlela ezintsha ezihlabahlosile zokukhiqiza amandla ukuze kuphuculwe isimo sokushintsha kwezulu kulethwe ukuthula embonini yezamandla. I-CSIR ihlose ukusiza izwe libe nendlela yokwakha umnotho engakhinyabezi imvelo. Le nhlangano iqamba, isebenzise ubuchwepheshe obusha bokukhiqiza amandla ngokugxilisisa ezinhlelweni ezintsha zokugcinwa kwamandla, ukusetshenziswa kwezindlela ezehlukene zokukhiqiza amandla nobuchwepheshe bokuvuselela amandla. Iphinde ifake isandla ekubunjweni kwemigomo, inike izisombululo zezinkinga kwezamandla izwe elibhekene nazo.

Ingqalasizinda:

I-CSIR iyingxenye yeHySA, okuyisikhungo esingaphansi koMnyango wezeSayensi nobuChwepheshe, lapho kwakhiwa kuphinde kuhlolwe izinto zokugcina umoya ngenhloso yokuqhamuka nezindlela ezingambi eqolo neziphephile zokugcina moya ukuze usetshenziswe lapho udingeka khona ngokushesha.

Njengengxenye yemizamo yayo yokuzimela kwezokukhiqiza amandla, i-CSIR yakhe imboni yamandla elanga eyihekthare ubukhulu, ephehla amandla angama-558 kW, esikhungweni sayo esisePitoli. Amandla akhiqizwa yile mboni yamandla elanga angena ngqo ezintanjeni zamandla asebenza kulesi sikhungo, ngakho asikho isidingo sokuthi kube khona into yokuwagcina. Le PV (photovoltaic) power plant ngelinye la magxathu athathwe yile nhlangano ngenhloso yokuba ngungqaphambili ekukhiqizweni kwamandla eNingizimu Afrika.

EZEMPILO

Ukuqinisekisa ukuthi zonke izakhamuzi zaseNingizimu Afrika ziyaluthola usizo lwezempilo kufanele kwenziwe kuphinde kusetshenziswe ubuchwepheshe obudingekayo. I-CSIR isebenzisa ubuchwepheshe bayo ukusiza ukwenza ngcono impilo yabantu. Ukubhekana nesibalo esiphezulu sezifo, abacwaningi baqhamuka nezindlela ezingambi eqolo zobuchwepheshe bokwelapha i-biotherapy ne-biomedicine nokwakha ingqalasizinda yezempilo. Basungula ubuchwepheshe bokuphucula ukuthola nokwelashwa kwezifo ezindaweni ezintulayo. I-CSIR iphinde igxile kakhulu ekwambuleni umnotho wemvelo yakuleli ehlabahlosile nolwazi lwesiNtu, ukuthuthukisa ukuchwepheshe bokukhiqiza ukudla nokuphosa esivivaneni ukuqinisekisa ukuthi izwe likhiqiza ukudla okwenele.

Ingqalasizinda:

Izikhungo zethu, eziqashwe ngokusezingeni eliphezulu, zenza abacwaningi bakhululeke uma benza ucwaningo ngamanembe amagciwane ngenhloso yokuphucula izinhlelo zokuhlolela iTB nokuthola izindlela ezithe thuthu zokulwa nesandulela-ngculazi nengculazi.

Kukhona uphiko onhloso yalo wukuthuthukisa ulwazi lomdabu kwezokwelapha ngokusebenzisa ulimi lwesayensi nokwakha imithi esezingeni lomhlaba ngamakhambi esiNtu nokunciphisa igebe phakathi kocwaningo lwasegumbini locwaningo nocwaningo olwenziwa esigulini uqobo.

IMboni yaMandla eLanga

Isikhungo Sokulawula Ukusabalala

Uphiko lokweLapha namaKhambi

Isikhung

o samaKhono iHySA

Ingq

alaz

isind

a yo

nyaz

i nez

intambo zika

gesi zezempi

IMVELOIntuthuko isho ukusimama ngakwezokonga, ngokwenhlalo nangokwemvelo. Zontathu lezi zinto zidinga ukulawulwa ngendlela elifanele ukuze izwe lithuthuke.

I-CSIR isebenzisa isayensi nobuchwepheshe ukuthuthukisa indlela esibuka ngayo ngayo umonakalo nomthelelo wokushintsha kwesimo sezulu nokusiza izwe likwazi ukubhekana nalolu shintsho; isungula izinhlelo ezikhuthaza ukutshalwa kwezihlahla; iphinde isize ukunakekela izinto ezibalulekile njengamanzi ahlanzekile, ulwandle nezindawo ezilugudlile.

Ingqalasizinda:

Abacwaningi bakwa-CSIR basebenzisa izinhlobo ezihlukene zokukala umoya ongcolile futhi babheka nazo zonke ezinye izinto ezihambisana nalo moya ukuze bakwazi kahle ukugwema ukuthi ungabi mningi kakhulu nokunganyusa amathuba okuthi kube nomonakalo ekuguquguqukeni kwesimo sezulu.

IsiKhungo seBiorefinery, nokungesokuqala lapha eNingizimu Afrika, sithuthukisa ulwazi nobuchwepheshe obukhulisa imboni yamahlathi nemikhiqizo yakhona nokusiza ukwandisa amathuba emisebenzi futhi kuvukuzeke nezinye izimboni ezintsha ezisebenzisa le mikhiqizo. Le ndawo isetshenziswa ngabemboni yamahlathi ukuhlola nokuthuthukisa ubuchwepheshe babo ukuze kubonakale ukuthi busebenza kanjani ngaphambi kokuqala kusetshenziswe ngabakuthengile. Lokhu kusiza ukuthi abemboni yamahlathi bakwazi ukuncintisana kahle nezimbangi zabo. Nazi izindawo ezikhona:

Isikhungo seBiorefi nery

Okokuka

la uMoya oNgcolile

IsiK

hungo

sokuThuthukisa umKhiqizo wokoNgiwayo

IZIMBONI

Ukucwaninga, ukuthuthukisa nokusungulwa kwezindlela ezintsha kubalulekile ukuqinisekisa ukuthi iNingizimu Afrika ihlala incintisana namanye amazwe. I-CSIR iqamba ubuchwepheshe bokukhiqiza imikhiqizo ngenhloso yokuphucula izinga lezimboni zaseNingizimu Afrika nokudala amathuba amasha emikhiqizo.

Le nhlangano izibophezele ukuqinisekisa ukuthi okumbiwa phansi kwakuleli kungenisa inzuzo; ukuxhasa amabhizinisi asebenzisa ubuchwepheshe ukuqhamuka nezinhlelo nemikhiqizo emisha; ukwandisa izimboni ezikhiqiza izindiza nezimoto, ukwakha izinto zokwakha eziphucukile; nokusebenzisa ubuchwepheshe bolwazi nezokuxhumana ukuphucula ezezimboni kuleli.

I-CSIR iphinde yengamele izinhlelo zokuxhasa ezezindiza, ukwakhiwa kwemishanguzo nezinsimbi nezinhlelo ezigqugquzela ukusatshalaliswa kwezobuchwepheshe namabhizinisi amancane asebenzisa ubuchwepheshe.

Ingqalasizinda:

Isikhungo somKhiqizo oHlanzekile sinikeza ngezinsiza ezenza kube lula ukuthuthukisa izinhlelo nemikhiqizo ebucayi, sixhase amabhizinisi ukusabalalisa imikhiqizo yezinto ezingadungi imvelo ezimakethe, nokusiza izimboni ezinkulu ukuqhamuka nobuchwepheshe obuthe thuthu bokwenza imikhiqizo ukuphucula ezezimboni kuleli.

IsiKhungo somKhiqizo weziNto eziNcane sikaZwelonke sigxile ekwakhiweni, ekuhlelweni kabusha nasekuhlanganisweni kwezinto ezintsha zobuncane, eziwuhlobo oludingekayo.

Uphiko lokweLapha namaKhambi

IsiKhungo soMkhiqizo weziNto zokuN

cane

sik

aZw

elon

ke

ITHIMBA LETHU

Uma ujoyina ithimba le-CSIR, uba yingxenye yenkampani ehloniphekile futhi eyaziwa ngokuba sezingeni eliphezulu uma kukhulunywa ngomkhakha wokucwaninga nangokuzinikela ekuthuthukiseni impilo yabantu. Abanye babantu bethu abangongoti abahlonishwayo kwezesayensi, ezobunjiniyela nobuchwepheshe ngo:

“Umsebenzi we-CSIR usiza ukushintsha isizwe. Amadoda nabesifazane abasebenzela i-CSIR abafuni ulwazi bezenzela bona nje. Bafuna ulwazi ngenhloso yokuthuthukisa abantu,” lasho kanje iPhini likaMengameli,

uMnuz Cyril Ramaphosa ngesikhathi lethula inkulumo kwingqungquthela yesihlanu ye-CSIR.

UDkt Janine Scholefield

uwungoti kwezofuzo owenza umsebenzi omkhulu ocwaningweni lokuzalanisa izicubu, ubheka ikakhulukazi

izifo eziyingozi kakhulu e-Afrika nanokubheka izindlela zokuzigwema

nokuzelapha.

OSolwazi Ray Suprakas

noKenneth Ozoemena bangabacwaningi ababalwa

kulabo abayiphesenti ababalwa nabasezingeni eliphezulu futhi abahlonishwayo emhlabeni

wonke kulo mkhakha.

I-CSIR itshala imali eningi ezindleleni eziningi zokuqeqesha nokukhulisa intsha ngokukhipha imifundaze, inike abantu ithuba lokuzocobelela ngolwazi uma besanda kuqeda ukufunda befisa ukuthola isipiliyoni, ibayise kwamanye amazwe futhi ibavumele bahlabe ikhefu emsebenzini ngoba beyofunda.

Yize izisebenzi zakwa-CSIR ezingaphezu kwamaphesenti angama-65 kungososayensi, onjiniyela nabanye abasebenza ngobuchwepheshe ababhekelele kakhulu ucwaningo, ukuqhamuka nezindlela ezintsha zokwenza izinto nokuthuthukisa ulwazi kodwa bakhona abazesekayo abaqhamuka kweminye imikhakha njengowokuphathwa kwemali, ukuqashwa nokuphathwa kwabantu, ezokudayisa, abasebenzi basehhovisi, ababhekelele izingabunjalo lomsebenzi, ezokuxhumana nezomthetho. Kuyona yonke le mikhakha kusebenza abantu abangongoti kuyo.

Kunoxhaxha lwezinhlelo zokunakekela izisebenzi zethu futhi khona emsebenzini kukhona inkulisa yabantwana, ingqalasizinda yezemidlalo nokuzivocavoca nokwenza ukuthi sibe ngenye yezinkampani abantu abathandayo ukuzisebenzela.

UDkt Patience Mthunzi-Kufa wenza

ucwaningo lobucwhepheshe bemibani oluzoshintsha izinto endleleni okuhlolwa ngayo ukuthi umuntu unalo yini

igciwane lengculazi.

Udokotela omncane kunabo

bonke eNingizimu Afrika ukuthola iziqu eneminyaka

engama-23, uDkt Previn Naicker ongumcwaningi kwezesayensi

yokwelapha izilwane nasekuthuthukiseni ukusungulwa

kwemithi yokwelapha izifo ezinhlobonhlobo

e-CSIR.

UXolisa Ngwadla, oyiMenenja

yezoShintsho eMhlabeni, nguye owayehola ithimba

lamazwe ase-Afrika elalibhekelele leli zwekazi

eNgqungqutheleni yezoKonga uMhlaba.

ESISEBENZISANA NABO

Izimboni

I-National Cleaner Production Centre South Africa, eyisikhungo sikazwelonke somkhiqizo ongangcolisi imvelo, yasebenzisana ne-CSIR yenzela uMnyango wezokuHweba neziMboni nokonga imali engu-R1.54 billion ngokwenziwa kohlelo lomkhiqizo ongacekeli phansi imvelo ezimbonini ngokubambisana ne-Industrial Development Organisation yeNhlangano yeZizwe.

Ngokusebenzisa uHlelo lokweSeka iMboni yezokuNdiza, i-CSIR isebenzisana no-Denel Aerostructures neNyuvesi yasePitoli ukuthuthukisa ulwazi lokucutshungulwa nokwakhiwa kwamathangi okugcina uphethiloli wokundizayo. Ngokubambisana leli thimba labacwaningi licwaningisisa ngokulayishwa kukaphethiloli ukuze kwazeke kahle ukuthi mangaki amathangi alayishwayo ukuze kuzokwakhiwa into ezohambisana kahle.

Uhulumeni

I-CSIR isisize imitholaphilo kahulumeni engama-650 ezweni lonke ngohlelo lokubhalisa iziguli. Lolu hlelo luxhaswe uMnyango wezeMpilo futhi lwenza ukuthi kube nohla kumakhompyutha lapho kubhaliswe khona zonke iziguli.

Ngaso sonke isikhathi i-CSIR ihlale icwaninga izingabunjalo lamanzi koMasipala baseMhlathuze naseThekwini.

Izinkampani zikahulumeni

U-Eskom ne-CSIR bayasebenzisanba ukuqhamuka nobuchwepheshe obusezingeni eliphezulu nanezindlela ezizolekelela izwe ukumelana nezidingo zikagesi, ukugwema izindlela zokuphehla ugesi eziba nomthelela omubi kwezemvelo nokunciphisa inani lawo.

Ngokusebenzisana ne-Transnet, i-CSIR igxile kwingqalasizinda yezezitimela nokuphathwa komsebenzi ukuze ukuthuthwa kwezimpahla kuhambe kahle nokulekelela ukunciphisa izindleko zokuba nebhizinisi eNingizimu Afrika.

Izinkampani zocwaningo nobuchwepheshe

I-CSIR ihola ithimba labacwaningi abazimele abacwaninga ezesayensi nezosiza ukuthi kucutshungulisiswe umthelela okuzoba nawo kwezemvelo ukusungulwa kwe-shale gas eNingizimu Afrika. Kulolu hlelo i-CSIR ibambisene nezinhlangano ezingaphezu kwama-40 zaseNingizimu Afrika nakwamanye amazwe omhlaba okukhona kuzo i-Commonwealth Scientific and Industrial Organisation nomsebenzi wabo okuwukubuyekeza umsebenzi wabanye abacwaningi. I-CSIR ngokubambisana ne-National Health Laboratory Service bathemba ukuthi bazokwazi ukugwema isimo lapho umuntu kuphuza khona ukutholakala ukuthi uphethwe yini uma egula.

Izikhungo zemfundo ephakeme

I-CSIR isebenzisana ne-Tshwane University of Technology emkhakheni wokucubungula ukukhiqizwa kwemibani.

Ngalokhu kubambisana, abafundi kulesi sikhungo bathola nethuba lokuthola isipiliyoni sokusebenza.

Emizamzweni yokusindisa abantu abanesifo somdlavuza, i-CSIR isebenzisana neNyuvesi yaseKapa ocwaningweni lwe-Biomedical Translational Research Initiative. Inhloso wukuqondisisa izinto ezisemzimbeni womuntu ezitholakala ezinhlotsheni ezithile zomdlavuza ukuze zisetshenziswe ukuthola izindlela zokwelapha ezingcono.

I-CSIR isebenzisana nezinkampani ezahlukene zaseNingizimu Afrika nezakwamanye amazwe ukubhekana nezinselelo zokuthuthukisa izwe.Umsebenzi onohlonze wokubambisana usizwa kakhulu nayingqalasizinda, amakhono nanokugxila ocwaningweni ngezikhathi ezigabeni ezihlukene zokusebenza. Nazi ezinye zezibonelo zokusebensisana kwethu nabanye abantu:

SITHINTEUcingo: +27 (0) 12 841 2911 │ Imibuzo yobuchwepheshe: +27 (0) 12 841 2000 │ I-email: query@csir.co.za Ngeminye imininigwane, bheka ku-www.csir.co.za

UKUSUNGULWA KWEZINDLELA EZINTSHA ZOKWENZA IZINTO

Ezinye zezindlela ezintsha zokwenza izinto esesizisungulile ngezindlela ezinhlobonhlobo zokucwaninga zithinta:

Ibhetri lohlobo lwesimanje I-CSIR yafaka isandla ocwaningweni lwebhetri yohlobo lwesimanje. Namhlanje lenhlobo yamabhetri isiza ukusebenzisa izingcingo zesimanje, amakhompyutha aphathekayo, izimoto ezihamba ngogesi futhi ayakwazi ukukhanyisa nasemakhaya.

Uhlelo lezoKwazi ngoMlilo I-CSIR iqambe indlela esebenzisa ulwazi lesikhungo ukubona uma kuzoba nomlilo futhi ikwazi ukuthumela umyalezo nesixwayiso kwabathintekayo isebenzisa amaselula nama-tablet. Le ndlela isetshenziswa yizinhlangano zokonga imvelo zakuleli nakwamanye amazwe njengo-Argentina, Portugal namanye amazwe aseNingizimu ne-Afrika.

I-CMore I-CSIR isungule leli thuluzi ukusiza ukulwa nokubulawa kobhejane ngokuthi likwazi ukuqoqa ulwazi lobuhloli obusetshenziswa yiziphathimandla. Icoshela ulwazi ezindaweni ezihlukene zokuxhumana. Njengamanje leli thuluzi lisetshenziswa yi-South African National Parks eKruger National Park.

Corocam I-UViRCO Technologies yasungulwa kade kwenzelwa u-Eskom ucwaningo ukuze ukwazi ukubona kahle i-corona kwingqalasizinda ekhona yokuphakela ugesi isidayiswa umhlaba wonke njengoba amaphesenti angama-50 wokuthengwa kwalobuchwepheshe emhlabeni utholakala kuleli. Kumanje ukudayiswa kwalobu buchwepheshe sekungenise izigidi zamarandi ezingama-180 kudayiselwa amazwe angama-40 emhlabeni jikelele.

I-Resyn™ Biosciences Le nkampani esike yahlabana ngemiklomelo ikhiqiza futhi idayisa ucwaningo olugxile ezinkampanini zomkhiqizo wesayensi emhlabeni.

Persomics I-Persomics idayisa ubuchwepheshe obusiza ukuthi kucwaningwe izakhi ngokushesha kunakuqala.