Click here to load reader
Upload
avni-tahir-xhemajli
View
121
Download
4
Tags:
Embed Size (px)
Citation preview
E keqja e Terrorizmit
Nga: Shejh Muhamed ibn Abdul Wehab al Akili
Profesor i Akidës, Kolegji i Davetit, Universiteti Islamik i
Medinës
http://www.udhezimidhedrita.net/
Burimi: Salafimanhaj.com
Përktheu: Avni Xhemajli ( Ebu Ensarij)
Ashtu siç u përmend në hyrje në mënyrë që ta bëjmë të
qartë, Islami është i pastër nga terrorizmi dhe korrupsioni.
Feja islame është e ndërtuar dhe e bazuar në mëshirë,
drejtësi, dashuri të ndërsjellët dhe çështje që kanë të bejnë
me tokën dhe njerëzit e saj, prandaj Islami e ndalon prishjen
e tokës dhe njerëzve të saj.
Më pas përmendem bashkëveprimin e shkëlqyer të profetit,
salallahu aejhi we selem me njerëzit, që nga kufarët siç janë
ithtarët e librit, jehudet dhe të krishterët. Profeti salallahu
alejhi we selem bashkëveproi me njerëzit me drejtësi,
mëshirë dhe duke ua dashur të mirën njerëzve. Në të gjitha
betejat që mori pjesë, pejgamberi salallahu alejhi we selem
ishte në gjendje që ta përhapte këtë mirësi tek njerëzit,
prandaj islami është i pastër nga thirrja për terrorizëm.
Sa i takon fjalës arabe për “irhab” për fjalën terrorizëm, ky
është një term i ri që nuk gjendet fare në fjalorët e gjuhës
klasike arabe. Përkundrazi ajo është shfaqur vetëm në
epokën moderne për shkak se disa njerëz e shfrytëzuan atë
si një metodë specifike dhe me mjete të pa ligjëruara, të
tilla si dhuna, vrasja, shtimi i frikës etj. Disa nga këta fjalorë
përmendin se “terrorist” është: ai që përdor dhunën dhe
terrorizmin, në mënyrë që krijojë sundimin e tij.
Terrorizmi është terrori që shkaktohet nga këto grupe ose
individë të cilët bejnë vrasje, shkaktojnë kërdi dhe
shkatërrim. Prandaj terrorizmi, sipas përpiluesve të
fjalorëve bashkëkohor arab është vrasja e ngjashme me
vrasjet që janë përmendur në sheriat. Ashtu siç i ka
përmendur i dërguari i Allahut, salallahu alejhi we selem
shënjat para fundit të botës përhapjen e ‘al-harxh” ( vrasjën
e tërbuar).
Kuptimi i el-Harxh është vrasja dhe rritja e gjakderdhjes, që
është nga shenjat e fundit të botës, aq sa ai që vret nuk e di
përse është duke vrarë dhe ai që vritet nuk e di përse është
vrarë. Feja islame është e pastër nga vrasjet e tërbuara, i
pastër nga terrorizmi dhe të gjitha llojet e çoroditura.
Terrorizmi është i bazuar në shkatërrimin e pronave siç janë
fabrikat, fermat, vendet e adhurimit, stacionet e trenit,
aeroportet dhe vendet e ngjashme. Natyrisht se islami është
i pastër nga veprimet e tilla të bazuara në çoroditje dhe jo
të bazuara në ndreqje e korrigjim.
Terroristet zakonisht thonë se ata ngritën kundër shtetit në
të cilin ata jetojnë. Kjo është e ngjashme me mafian ose
organizatat e tjera kriminale që bazohen në vrasjen e
njerëzve duke u futur frikën dhe marr paratë e tyre.
Organizatat e tilla kanë udhëheqës, deputet e individ të cilët
janë përgjegjës për vendosjen e rregullave, organizimin e
individëve të cilët do t’i kryenin këto sulme, e këta të gjithë
janë terrorist të cilët shkaktojnë çrregullime në tokë.
Megjithatë fytyra më e shëmtuar e terrorizmit është ajo që
themelohet në emër të fesë. Të gjitha fetë nga të gjithë
profetët ( paqja e Allahut qoftë mbi ta) janë larg terrorizmit
të tillë, madje edhe nëse disa nga pasuesit e profetëve
morën pjesë në ndonjë veprim të këtillë terrorist, por të
gjithë profetët janë larg çrregullimeve të tilla.
Terroristet kanë nevojë për argumente të dyshimta për
metodologjinë e tyre, veçanërisht ata të cilët ia atribuojnë
vetveten profetëve, ata pretendojnë se profetët i kanë
urdhëruar që të bejnë terrorizëm. Shumica e atyre që
kryejnë akte terroriste të cilët ia atribuojnë vetveten fesë së
jahudive pretendojnë se Musai alejhi selam dhe të gjithë
profetët nga bijtë e Izraelit ( paqja qofte mbi ta) i urdhëruan
që të bëjë terrorizëm, mirëpo kjo është gënjeshtër.
Ashtu si Musai alejhi selam dhe të gjithë profetët e tjerë nga
bijtë e Izraelit ( paqja qoftë mbi ta), kurrë nuk i urdhëruan
njerëzit të bejnë terrorizëm.
Si Musa (paqja qoftë mbi të) dhe të gjithë Profetëve nga
bijtë e Izraelit (paqja qoftë mbi ta), kurrë nuk kishin
urdhëruar ndonjëherë njerëzit për kryerjen e terrorizmit.
Njëlloj si ata që kryejnë akte terroriste dhe ia atribuojnë
vetveten Isait alejhi selam, pretendojnë se ungjilli lejon
terrorizmin dhe përdorimin e tij kundër armikut. Kam disa
tekste që i kam mbledhur nga burime të tjera ku terroristet
e tillë ( në emër të Isait dhe krishterimit) pretendojnë se
ungjilli e lejon atë, por koha nuk na le që ti përmendim të
gjitha këtu.
Gjë e rëndësishme për ne është të përmendim se Isai alejhi
selam u dërgua me mëshirë si të gjithë profetët e tjerë dhe
nuk është e mundur që ata ti kenë urdhëruar njerëzit të
kryejnë akte terroriste.
Po ashtu ata që ia atribuojnë vetveten në këtë epokë nga
njerëzit e çrregullimeve, bombardimeve dhe tekfirin brenda
vendeve muslimane dhe vendeve jo muslimane duhet të
kenë tekste nga Kurani dhe suneti të cilave duhet ti
referohen.
Ata pretendojnë se tekstet e tilla çojnë në terrorizëm por në
të vërtetë ata gënjejnë sepse profeti, salallahu alejhi we
selem është tërësisht i pastër nga terrorizmi. Për këtë arsye
dijetarët musliman dënuan të gjitha aktet terroriste të
kryera nga ata që e lidhen vetveten me fenë islame.
Dijetarët islam dënuan sulmet në ndërtesat e Qëndresë
Tregtare Botërore në Nju Jork dhe e bënë të qartë se ata që
e kryen këtë sulm ishin kriminel dhe se nuk kanë asgjë të
përbashkët me islamin dhe se ata thjesht vranë veten e tyre,
e kushdo që e vret veten e tij qëllimisht do të jetë në zjarr
duke e vrarë vetveten, kërkojmë mbrojtjen e Allahut.
Ngjashëm, dijetarët musliman dënuan aktet terroriste që u
kryen nga ata që e lidhin vetveten me islamin e që ndodhen
në Mbretërinë e Arabisë Saudite. Dijetarët gjithashtu
dënuan aktet terroriste të kryera nga ata që e lidhin veten
me islamin e që ndodhën në Sharm ash-Sheik në Egjipt.
Dijetarët po ashtu dënuan aktet terroriste që ndodhen në
kanalet e stacioneve në Londër, ata dënuan këtë dhe
qartësuan se islami nuk ka të bëjë me veprime të tilla dhe
se është i pastër nga to.
Dyshimet e terroristeve, në lidhje me gjarpërimin e
teksteve, janë ajetet nga surja Enfal, ajeti i gjashtëdhjetë ku
Allahu thotë:
“Përgatisni kundër tyre kuaj dhe forcë për luftë sa të
mundeni, që të tmerroni armikun e Allahut dhe
armikun tuaj, si dhe të tjerë, përveç tyre, të cilët ju
nuk i njihni por që Allahu i njeh. Çfarëdo që të
shpenzoni në rrugën e Allahu, do t’ju shpërblehet dhe
nuk do t’ju bëhet padrejtësi.”( El Enfal 60).
Ajeti që vjen pas tij e sqaron në mënyrë të përkryer, ku
Allahu thotë:
“Në qoftë se ata shfaqin prirje për paqe, atëherë edhe
ti ano nga ajo dhe mbështetu tek Allahu, sepse,
vërtetë, Ai dëgjon dhe di gjithçka.” {El Enfal (8): 61}
Ky ajet sqaron në mënyrë të përkryer ajetin e mëparshëm,
pasi Allahu brenda këtyre ajeteve shpjegon gjendjen e
muslimaneve me jomyslimanët. Thënia e parë është gjendja
e luftës, dhe lufta zakonisht nuk ndodh në mes individëve
kufar dhe muslimanëve, jo! Lufta është ndërmjet ushtrisë së
shtetit musliman dhe ushtrisë së shteteve jo besimtare dhe
ne nuk duhet të turpërohemi aspak për këtë.
Të gjithë profetët ( paqja qoftë mbi ta) luftuan dhe
përgatiten ushtri, dhe njerëzit edhe në ditët tona kanë
ushtri dhe përgatisin fuqi ushtarake. Të gjitha shtetet në
çdo vend dhe kohë kanë përgatitur ushtri dhe janë pajisur
me armë të llojllojshme në mënyrë që ti frikësojnë njerëzit.
Pajisja me armë është metodë mbrojtëse dhe parandaluese
e jo metodë sulmuese, sepse kur armiku e di se ke një
numër armesh shkatërruese ai madje as që do ta marr në
konsideratë luftën kundër teje.
Më saktësisht, shtetet e mëdha të kohës së kaluar dhe të së
tashmes, kanë qenë të interesuara në formimin e grupeve të
armatosura për të frikësuar armikun e tyre siç është pakti i
Varshavës, NATO dhe aleancat e tjera të mëdha të formuara
nga shtetet e mëdha që të fitojnë pushtet dhe të sigurojnë
veten nga armiku.
Edhe shteti islam ka të njëjtat interesa si shtetet e kohërave
të kaluara dhe të së tashmes, mirëpo kjo i takon shtetit
islam ta bëjë këtë dhe jo individëve.
Ky ajet i drejtohet një shteti islam:
“Përgatisni kundër tyre kuaj dhe forcë për luftë sa të
mundeni” {el-Enfal (80): 60}
Kjo është për një shtet islam. A është e lejueshme për
ndonjë individ brenda një shteti të madh të ketë depo apo të
posedoj armë posedoj grumbull armësh në shtëpinë e tij?
Përgjigja është :jo, dhe kjo sipas ligjeve të shteteve mirëpo
shtetit i takon të ketë armë të tilla.
Sipas rregullave bashkëkohore ka armë të cilat janë të
ndaluara që edhe shteti ti ketë ato sepse ato shkaktojnë
rrëmujë dhe shkatërrim mbi të korrat dhe bimësinë. Kjo
mund të shihet me ndalimin e armëve bërthamore të cilat
shkaktojnë shkatërrim dhe nuk i shërbejnë as ushtrive që i
posedojnë ato.
Gjithashtu ajeti i thotë një shteti musliman se është detyrë e
juaja të jeni të gatshëm dhe të fuqishëm në mënyrë që
armiku t’ua ketë frikën saqë as të mos mendoj të luftojë
kundër jush. Pasi që po të jeni të dobët armiku lehtë mund
të fitoj pushtet mbi ju e nëse jeni të fortë, armiku do t’ua
ketë frikën. Ky ajet i drejtohet një shteti islam dhe jo
individëve, sepse dihet se çdo shtet sot ka armë dhe fuqi,
udhëheq vet kufijtë dhe punët e tij.
Në kuptimin e përcaktimit të armikut, lloji i parë janë ata të
cilët marrin popullin e tyre dhe nëse kufarët luftojnë kundër
shtetit islam, atëherë është e domosdoshme që shteti islam
dhe jo individët të armatosen me armët e duhura.
Kurse sa i takon trazirave terroriste të kohës sonë, atëherë
dijeni se këta njerëz nuk janë shtet islam dhe ata nuk janë
prej atyre të cilëve u drejtohet ajeti uranor, sepse ky ajet u
drejtohet udhëheqësve të shtetit dhe jo individëve që jetojnë
brenda ati shteti.
Këta individë duhet t’u binden dhe dëgjojnë udhëheqësit e
tyre musliman dhe të mos luftojnë askënd përveç atyre që
lejojnë udhëheqësit e autorizuar.
Nëse udhëheqësi musliman ka bërë marrëveshje me kombet
mohuese, siç janë Britania, Amerika dhe Franca, atëherë
nuk na lejohet që të luftojmë kundër këtyre shteteve me të
cilat udhëheqësit e muslimanëve kanë arritur marrëveshje.
Kjo madje edhe nëse duket se disa nga kushtet e
marrëveshjes duket se janë jo të drejta ndaj nesh, sepse
profeti salallahu alejhi we selem bëri marrëveshje me
kufarët e Mekës edhe pse disa nga sahatet menduan se disa
nga kushtet e marrëveshjes ishin të vështira dhe kundër
muslimanëve, por profeti salallahu alejhi we selem i
urdhëroi që ata të dëgjojnë dhe binden, prandaj ata dëgjuan
dhe u binden.
Ndërsa myslimanët që jetojnë në shtetet e kufarëve, atëherë
ligji hyjnor, intelekti, dhe zakonet tregojnë se për
myslimanin i cili është futur në një shtet të tillë nuk lejohet
ta mashtrojë atë shtet. Muslimani që jeton në shtetet e tilla
duhet të respektojë premtimet dhe marrëveshjet që ia kanë
bërë të mundur të hyjë dhe jetojë në atë shtet.
Në të vërtetë, myslimanit sipas intelektit dhe ligjit hyjnor i
takon që të tregojë mirënjohje njerëzve të vendeve të tilla
dhe të sillet mirë me ta e të jetë i mëshirshëm dhe i
sjellshëm, ti falënderoj ata që e lejuan të jetoj në mesin e
tyre dhe në vendin e tyre.
Jo besimtarët i lejuan ata të futen në shtetin e tyre, i lejuan
të kërkojnë dituri islame dhe i lejuan të studiojnë e punojnë
dhe të bëjnë biznes brenda shteteve të tyre. Madje ka të
ngjarë që disa musliman marrin para nga vendet e kufareve
( si përfitimi social apo ndihma sociale) ose shfrytëzojnë
kartelë të garantuar prej tyre ose përfitojnë pasaportë nga
ata në mënyrë që të udhëtojnë dhe nderohen nën
organizimin e tyre.
Profeti salallahu alejhi we selem ka thënë: “ Ai që nuk i
falënderon njerëzit nuk e ka falënderuar Allahun.”
Andaj ata që kanë hyrë në vendet e kufarëve duhet që të
tregojnë mirënjohje ndaj tyre pasi i lanë të futen në ato
shtete, sepse ata tani kanë edhe para dhe nder dhe po të
mos ishin kufarët dhe policët brenda këtyre shteteve, paratë
e tyre do të merreshin ose ai madje do vritej apo nderi i tij
do të nëpërkëmbej.
Megjithatë, ligjet dhe organizimi i atyre kufarëve dhe ne
nuk themi se gjithçka është brenda tyre është e vërtetë, ne
vetëm e theksojmë këtë pikë, ata i kanë lejuar myslimanët
në shtetin e tyre dhe myslimanët duhet të kenë frikë
Allahun dhe të jenë mirënjohës për këtë mirësi duke
mbajtur premtimin dhe marrëveshjen me kufarët.
Profeti salallahu alejhi we selem kur arriti marrëveshje me
kufarët e Mekës, disa prej tyre u bënë musliman vetëm pas
marrëveshjes dhe përmirësimit, profeti ende duhej të
përmbushte marrëveshjen dhe ti kthente të tillët prapa siç
ishte edhe rasti i Ebu Xhandalit.
Shiko vëllai im bujar në drejtësinë e islamit dhe fuqinë e
profetit salallahu alejhi we selem në zbatimin e
marrëveshjeve. Prandaj në diskutimin tonë për shtetet e
kufarëve, ne kryesisht prekim dy çështje:
E para : Shteti islamik ashtu si edhe shteti i kufarëve duhet
të armatoset me armë dhe ta mbrojë vetveten. Dhe këtë
duhet ta bëjë shteti jo individët brenda shtetit islam, atyre u
takon të dëgjojnë udhëheqësin dhe ti binden atij.
E dyta: Nëse jemi në ndonjë shtet kufar duhet të kemi frikë
Allahun dhe të falënderojmë shtetet e tilla për furnizimin
me të mira dhe lejimin e hyrjes në shtetin e tyre.
Ajeti në el-Enfal është për shtetet muslimane që të
armatosen dhe ruajnë shtetin e tyre ashtu siç bënë çdo shtet
tjetër dhe jo për individët. Madje shtetet muslimane blejnë
armë nga shtetet e kufarëve nga lindja e perëndimi që të
grumbullojnë armë dhe fuqizohen në ruajtjen e kufijve aq sa
të jetë e mundur.
Për këtë arsye, toka e islamit është mbrojtur shpesh herë
nga planet e jo besimtarëve, dhe të gjitha falënderimet i
takojnë vetëm Allahut.
Për shembull, tani ne jemi në konflikt me shtetin e njohur si
Izrael, dhe kemi qenë në konflikt më se pesëdhjetë vite,
prandaj ata armatosen duke blerë armë nga lindja e
perëndimi kështu që edhe ne blejmë armë nga lindja e
perëndimi dhe nga kjo nuk ka kurrfarë turpi.
Asnjë musliman apo jo besimtarë nuk ka thënë se ju nuk
duhet të armatoseni; vetëm disa shtete të cilat gjatë Luftës
së Dytë Botërore ishin aleat me Gjermaninë ndalohen të
armatosen deri në një farë mase dhe sipas ligjeve Japonia
dhe Zvicra në nivel të caktuar pasi që ato kanë përvojë nga
e kaluara në shfrytëzimin e armëve.
Nuk ka turp në një shtet musliman në blerjen e armëve por
ajo që është problem është çrrënjosja e trazirave siç janë
mafia, hajdutet e mëdhenj apo terroristet të cilët vrasin
shkretojnë dhe krijojnë çrregullime.
T’i kthehemi serish ajetit, ai është urdhër për një shtet
islamik dhe jo për individët të cilët gjenden brenda shtetit
dhe ligjit të shtetit islam. Nëse udhëheqësi ka bërë
marrëveshje me shtetet e tjera atëherë për ne nuk është
aspak e lejueshme të luftojmë kundër qytetarëve të vendeve
të tilla. Nuk lejohet për myslimanin luftimi i vendeve pa
besimtare nëse udhëheqësi i muslimanëve ka marrëveshje
me ta.
Pra me këtë, Allahu ju ka ruajtur dhe ju ka mbrojtur juve,
Allahu ka ligjësuar ligjet dhe rregulloren për muslimanët
për mënyrën se si duhet bashkëvepruar me jo-muslimanët.
Ne e shohim se këto rregulla janë të qarta dhe nuk ka
dyshime brenda tyre.
Sa u takon bombarduesve që keni atje dhe që terrorizojnë
njerëzit duhet ditur se njerëzit e tillë shkaktojnë shkatërrim
jo vetëm atje por edhe në Mekë, Medinën e profetit
( salallahu alejhi we selem), Rijad, Khobar, Sham, Egjipt dhe
jo vetëm në vendet e krishtera.
Terrorizmi nuk ka as fe as atdhe, mirëpo bazohet në
shkaktimin e turbullirave dhe interesohet në shkaktimin e
trazirave në tokë ose ka qëllime të tjera, qofshin ato
ekonomike apo politike. Sido që të jetë ne themi se
terrorizmi gjithmonë është i lidhur me trazirat dhe
çoroditjen, kurse Allahu urdhëron përmirësim dhe ndalon
çoroditjen e shkaktimin e trazirave dhe dihet se feja islame
erdhi si përmirësuese dhe të parandaloj trazirat.
Prandaj ajeti në suren Enfal nuk është argument për
terrorizëm, dhe ashtu siç kanë deklaruar të gjithë
komentuesit ai i drejtohet udhëheqësve të shteteve
muslimane. Të gjitha shtetet muslimane sot forcojnë veten e
tyre, që është fenomen i dukurisë njerëzore, dhe kanë ushtri
për ta mbrojtur vetveten nga armiqtë saqë armiku e di se sa
të fuqishëm janë. A keni parë ndonjëherë dikë të hyjë në
çerdhen e luanit? Jo, kjo nuk është e mundur sepse ajo
është e fortë, mirëpo lehtë mund të hyhet në strofullin e
lepurit, gazelës ose pëllumbit. Edhe pse nuk është e
nevojshme që luani të sulmojë njerëzit pasi që ai mjaftohet
me atë që ha nga pylli .
Islami dhe myslimanët të kohës sonë dhe të kohës së kaluar,
janë të pastër nga terrorizmi dhe kanë hequr dorë nga
mbështetja e atyre që kryejnë akte terroriste në vendet
muslimane, në Amerikë, në Britani dhe në vendet e tjera
dhe kanë deklaruar se njerëzit e këtillë e kanë vrarë
vetveten gjë që nuk është e lejuar në Islam dhe kushdo që
qëllimisht e vret vetveten do të jetë në zjarr përgjithmonë.
Sa për provat e rremë që terroristët përdorin atëherë ato
janë me të vërtetë shumë dhe prova më e rëndësishme që
ata përdorin janë ajet nga el-Enfal, por Allahu më tej thotë:
“Në qoftë se ata shfaqin prirje për paqe, atëherë edhe
ti ano nga ajo dhe mbështetu tek Allahu, sepse,
vërtetë, Ai dëgjon dhe di gjithçka.” {El Enfal (8): 61}
Prandaj vendet muslimane janë në paqe me të gjitha
kombet-shtetet e botës në lindje dhe në perëndim, me
përjashtim të Izraelit dhe ne lusim Allahun që tu mjaftojë
myslimanëve nga e keqja e tij.