CURRICULUM EZKUTU ETA ERREALA
IRUDIAK
Irudian ikus dezakegunez, ikasle batek irakasleari ikasgelan
duen jarrera aurpegiratzen dio. Egia da ikasle nahiz irakasleen
lana dela ikasgelan giro on bat edukitzea eta horretarako bi aldeek
esfortzu bat egin behar dutela. Irakasleak beraien ikasleentzako
eredu dira eta, hori dela eta, ikasgelaren parte aktibo. Ondorioz,
ikasleek jarrera egokia eduki dezaten, irakaslea bera izan beharko
da jarraitzeko eredu.
Irudi honetan ikusi daitekeen moduan, irakaslea teknologia
berrien garrantzia azaltzen ari da. Hala ere, hori azaltzeko berak
arbela arrunt bat erabiltzen du. Beraz, esan dezakegu teoria eta
praktika ez datozela bat irakasle honengan, eta modu inkoherente
batean jokatzen duela.
Hemen ikasle guztien iritziak kontuan hartzen direla dirudi,
katolikoak edo laikoak diren kontuan hartu gabe. Baina mezuari ondo
erreparatuz gero, erlijioa inposatzen dela konturatuko gara,
lehenengo motako ikasleak soilik egongo baitira arbelera
begira.
Irudi honetan ikus dezakegu gurasoak haurren eredu izan behar
dutela txikitatik, hau da, ikusten dutena ikasten dutela. Hori dela
eta, argazkian anaiak bere arreba jotzen duela ikusten da, aita eta
ametara soilik jolasten ari zirela esanez, hau da gurasoengandik
ikasi duten jarrera imitatzen dihardute.
Irudi honetan betidanik egon diren estereotipoak ikus ditzakegu.
Ama edo emakumezkoa etxeko jarduerei lotuta eta gizonezkoa, aldiz,
lan mundura. Gainera, hori gutxi balitz, genero bereizketa argi eta
garbi ikusten da; emakumearen alde fisiko eta gizonezkoaren alde
kognitiboak azpimarratuz.
Irakasle hau historian zehar egon diren pertsona garrantzitsuei
buruz ari da hizketan. Aipatutako guztiak gizonak direnez, ume
batek emakumeengatik galdetzen du, ea ez ote dagoen haiek egindako
ekintza garrantzitsurik. Ondorioztatu dezakegu, beraz, gizonezkoen
ekintzei garrantzi handia ematen zaiela, emakumezkoenak alde batera
uzten diren bitartean.
Aurreko bi irudiekin lotura estua duela esango genuke.
Publizitate arloan oso ohikoa da lehen aipatutako estereotipoak
jarraitzea: gizonezkoak eredu dominatzailea hartzen du eta
emakumeak, aldiz, pasiboa. Lau gizon indartsu azaltzen dira,
haietako bat emakumea indarkeriaz tratatzen ari dela dirudien
bitartean. Hortaz, emakumearen ahultasunaren aurrean gizonezkoaren
indarkeria nabarmentzen du iragarki honek.
Gizonezkoentzat emakumea objektu sexual bat bezalakoa dela
islatzen da. Zera dirudi: gizonezkoak ezkontzeko eraztuna
eskaintzean, emakumearekin nahi duena egiteko ateak zabalduko
zaizkiola. Gizonezkoen jarrera dominatzailea azaltzen da berriz
ere, momentu horretatik aurrera emakumea bere esanetara egongo dela
aditzera ematen den bitartean.
Kasu honetan, irakasleak haurrak patiora bidaltzen ditu, baina
gaztelaniak hizkuntzan duen sexu desberdinketaren ondorioz, neskak
diskriminatuak sentitzen dira. Euskarak ez bezala, hizkuntza askok
daukate arazo hori, eta sahiesten saiatu beharko ginateke umeei
hitz egiterako orduan. Izan ere, transmititu nahi ez ditugun mezuak
helarazi ditzakegu nahi gabe.
Teknologia berriei buruz hitz egiten zen irudian bezala
(2.irudia), hemen ere esan dezakegu teoria eta praktika ez datozela
bat. Hau da, irakasleak umea indarkeria erabiltzeagatik zigortzen
du, eta gero berak pistola bat jartzen dio buruan mehatxu bezala,
modu inkoherente batean jokatuz.
Pulse para editar el formato del texto de ttulo
Pulse para editar el formato del texto de ttulo
Pulse para editar los formatos del texto del esquemaSegundo
nivel del esquemaTercer nivel del esquemaCuarto nivel del
esquemaQuinto nivel del esquemaSexto nivel del esquemaSptimo nivel
del esquemaOctavo nivel del esquemaNoveno nivel del esquema
