1 

DETALJREGULERINGSPLAN FOR

HEIANE

GNR. 294 BNR. 1, VOSS KOMMUNE

Dokument: Planomtale Forslagsstillar: Heiane AS

Dato: 11.11.2019

2 

1.  SAMANDRAG ...................................................................................... 3 2.  BAKGRUNN ......................................................................................... 3 3.  PLANPROSESSEN .............................................................................. 4 4.  PLANSTATUS OG OVERORDNA FØRINGAR ............................. 7 4.1  KOMMUNEPLANENS AREALDEL ................................................... 7 

4.2  REGULERINGSSTATUS ..................................................................... 8 

4.3  PÅGÅANDE PLANARBEID ................................................................ 8 

4.4  NASJONALE FØRINGAR I PLANARBEIDET .................................. 8 

4.5  SENTRALE REGIONALE FØRINGAR FOR PLANARBEIDET ....... 9 

4.6  SENTRALE KOMMUNALE FØRINGAR OG PLANAR ................. 10 

5  SKILDRING AV PLANOMRÅDET ................................................ 10 5.1  LOKALISERING ................................................................................. 10 

5.2  AREALBRUK ...................................................................................... 11 

5.3  TOPOGRAFI OG LANDSKAP ........................................................... 11 

5.4  TRAFIKK OG TEKNISK INFRASTRUKTUR .................................. 12 

5.5  BIOLOGISK MANGFALD ................................................................. 13 

5.6  JORD- OG SKOGBRUK ..................................................................... 16 

5.7  KULTURMINNE ................................................................................. 17 

5.8  FRILUFTSLIV ..................................................................................... 17 

6  SKILDRING AV PLANFORSLAGET ............................................ 19 6.1  AREALBRUKSTABELL .................................................................... 19 

6.2  BYGGJEFØREMÅL ............................................................................ 20 

6.3  SAMFERDSEL OG TEKNISK INFRASTRUKTUR ......................... 22 

6.4  FRILUFTSLIV/GRØNTSTRUKTUR ................................................. 27 

6.5  UNIVERSELL UTFORMING ............................................................. 27 

7.  VERKNADER/KONSEKVENSAR AV PLANFORSLAGET ....... 28 7.1  OVERORDNA PLANAR OG FØRINGAR ........................................ 28 

7.2  AREALBRUK ...................................................................................... 28 

7.3  LANDSKAP OG FJERNVERKNAD .................................................. 28 

7.4  TRAFIKK OG TEKNISK INFRASTURKTUR .................................. 30 

7.5  KULTURMINNE ................................................................................. 31 

7.6  NATUR OG MILJØ ............................................................................. 31 

7.7  BARN OG UNGE ................................................................................ 32 

7.8  RISIKO OG SÅRBARHEIT’ ............................................................... 33 

8.  VEDLEGG .......................................................................................... 34 

3 

1. SAMANDRAG Området er sett av til fritidsbusetnad i kommuneplanens arealdel for Voss kommune. I denne prosessen vart området avgrensa til dagens avgrensing grunna området si nærleik til større frilufts og naturområde. For at ålmenta skal få betra tilgang til friluftsområdet mot sør/vest er det regulert inn eigen parkeringsplass innanfor planområdet.

2. BAKGRUNN Tiltakshavar ønskjer å regulere området for utvikling til fritidsbustader slik det er sett av til i gjeldande arealdel. Søknad om oppstart vart sendt Voss kommune, og sidan forslaget var i samsvar med overordna plan kunne ein avhalde oppstartsmøte utan politisk vedtak. Bakgrunnsareal gjev grunnlag for 36 fritidsbustader som det er lagt opp til i planforslaget.

Figur 1: Kart som viser bakgrunnsarealet for tal på fritidsbustader.

Føremålet med planforslaget er å leggje til rette for fritidsbustader med tilhøyrande infrastruktur og fellesanlegg i eit område som er avsett som fritidsbustadar, F21, i kommuneplanens arealdel.

4 

3. PLANPROSESSEN Oppstartsmøte med Voss kommune vart halde fyrste gong 02.10.2012. Varsel om oppstart vart sendt naboar og offentlege etatar i brevs form datert 15.10.2012 med frist 30.11.2012. Det har etter noko tid kome inn ny forslagsstillar, men framleis same eigar av eigedomen. Eit nytt oppstartsmøte/framdriftsmøte vart difor halde med Voss kommune 08.01.2016. Nytt varsel om oppstart vart sendt berørte partar og offentlege instansar 31.08.2016 med frist til 03.10.2016 for å kome med innspel. Oppstart av planarbeidet vart også kunngjort med annonse i avisa Hordaland 18.10.2012 og 01.09.2016.

Figur 2: Planavgrensing varsel om oppstart.

5 

Fylgjande høyringsinstansar vart varsla om oppstart av planarbeid:

Instans Adresse Post. Stad

Fylkesmannen i Hordaland, Kommunal og samfunnsplanavdelinga

Postboks 7310 5020 Bergen

Hordaland Fylkeskommune Postboks 7900 5020 Bergen

Indre Hordaland miljøverk Postboks 161 5701 Voss

Voss Energi AS Postboks 205 5701 Voss

Barnerepresentant v/Oddvar Kvalnes Postboks 154 5701 Voss

Eldrerådet på Voss Postboks 145 5701 Voss

Kommunalt råd for funksjonshemma Postboks 145 5701 Voss

Voss kommune v/Brannsjefen Postboks 145 5701 Voss

Voss kommune v/Rådmannen Postboks 145 5701 Voss

Voss kommune v/tekniske tenester Postboks 145 5701 Voss

Voss Grunneigarsamskipnad Postboks 444 5713 Voss

Naturvernforbundet i Hordaland Postboks 1201 Sentrum 5811 Bergen

Norges Miljøvernforbund, region Vest Postboks 593 5806 Bergen

Villreinutvalet for fjellheimen v/Arne Nesheim Nesheim 5728 Eidslandet

NVE region Vest Postboks 83 6801 Førde

Statens vegvesen region Vest Askedalen 4 6863 Leikanger

Telenor, servicesenter for nettutbygging Postboks 7150 5020 Bergen

Voss Naturvernlag v/Kåre Flatlandsmo Hamrane 38 5700 Voss

Nordfjella og Fjellheimen villreinnemnd v/ Siri Bøthun 6896

Fresvik

Fjellheimen villreinutvalet v/Aslak Otterhjell 6896 Fresvik

Vegstyret for Løkjavegen v/Svein Erik Tveit Seimsvardet 21 5704 Voss

Fylgjande naboeigedomar vart varsla om oppstart av planarbeid:

Gnr. Bnr. Gnr. Bnr. Gnr. Bnr. Gnr. Bnr.

48 1 62 6 294 4 297 6

52 2 63 1 294 5 305 1

54 12 63 2 294 6 305 9

62 1 63 3 294 7 305 11

62 2 71 1 297 4 308 1

62 3 294 3 297 5

6 

I tida med oppstartsvarsel vart det avhalde eit møte med veglaget for Løkjavegen og det vart avtala at planlagt parkering innanfor området skulle flyttast lengre sør, mot Eensstølen. Brev med varsel om utviding av planområdet vart difor varsla til berørte partar og offentlege instansar 12.10.2016 med frist for innspel sett til 10.11.2016, sjå figur med ny planavgrensing under.

Figur 3: Avgrensa varsel om utviding av planområdet.

04.05.2017 vart det gjennomført eit ope informasjonsmøte der det vart informert om planprosessen, private rettar m.m. der alle involverte hadde høve til å kome med innspel/spørsmål. Planforslag vart levert inn til Voss kommune juni 2018. Etter handsaming vart planforslaget vedtatt lagt ut til offentleg ettersyn 13.09.2018 i perioden: 22.09.2019-05.11.2018. Etter offentleg ettersyn vart merknader og uttaler gått igjennom og det er utført ein hydrologirapport som følgje av uttalen til NVE.

7 

4. PLANSTATUS OG OVERORDNA FØRINGAR

4.1 KOMMUNEPLANENS AREALDEL Planområdet er i kommuneplanens arealdel sett av til fritidsbustader og LNF – område. Område for fritidsbustader er gjeve namn F21. I føresegnene til kommuneplanens arealdel er det opna for bygging av 37 fritidsbustader innanfor F21.

Figur 4: Utsnitt frå kommuneplanens arealdel 2015-2026 med Heiane lengst sør. (Kjelde: Voss kommune)

8 

Figur 5: Utsnitt frå kommuneplanens arealdel 2015-2026 som viser omsynssoner og arealbruk. (Kjelde: Voss kommune)

4.2 REGULERINGSSTATUS Området er ikkje regulert og det er ikkje tilgrensande reguleringsplanar. Om lag 900 m lengre nord med same tilkomst som planområdet er det regulert eit område for fritidsbustader, Rødno (vedtatt 1979).

4.3 PÅGÅANDE PLANARBEID Det er ikkje kjennskap til andre pågåande planarbeid i området.

4.4 NASJONALE FØRINGAR I PLANARBEIDET

Nasjonale forventningar Forventingane tek for seg utvalde tema, som er avgrensa til planlegging etter plan- og bygningslova. Det er forventningar om at det i planlegging vert lagt vekt på prioriterte tema som klima og energi, by- og tettstadsutvikling, samferdsel og infrastruktur, verdiskapning og næringsutvikling, natur-kulturmiljø og landskap, helse-livskvalitet og oppvekstmiljø

Rikspolitiske retningslinjer for samordna bustad, areal og transportplanlegging Målsetjinga med retningslina er å oppnå samordning av bustad-, areal og transportplanlegginga og bidra til meir effektive planprosessar.

9 

Arealbruk og transportsystem skal utviklast slik at dei fremmer samfunnsøkonomisk, effektiv ressursutnytting med miljømessige gode løysningar, trygge lokalsamfunn og bustadmiljø, trafikksikre område og effektiv trafikkavvikling/redusert transportbehov.

Planlegginga skal bidra til å utvikle bærekraftige og kompakte byer og tettstader, leggje til rette for verdiskapning og næringsutvikling, og fremje helse, miljø og sikkerheit. Det skal òg leggast til rette for tilstrekkeleg bustadbygging i områder med press på bustadmarknaden.

Rikspolitisk retningslinje for å styrkje barn og unges interesser i planlegginga I ny plandel av plan- og bygningsloven frå 1. juli 2009 er det styrka krav til verkemiddel for å ivareta born og unges interesser i planlegginga. Føremålet med retningslina er at alle etter lova skal ta omsyn til barn og unge i si planlegging, og legge til rette for gode bustadmiljø og gode oppvekst og levekår.

Konkrete kvalitets- og funksjonskrav vert stilt til areala, som vert sett av til barn og unge. Det skal i nærmiljøa vere areal der barn kan utfolde seg og skape sitt eige leikemiljø. Dette føreset m.a. at areala:

- er store nok og eigner seg for leik og opphald - gjev moglegheit for ulike typar leik på ulike årstider kan nyttast av ulike aldersgrupper, og

gjev moglegheit for samhandling mellom born, unge og vaksne.

Ved omdisponering av areal som i planar er avsett til fellesareal eller friområde som er i bruk eller eigna for leik, skal det skaffast fullverdig erstatning. Erstatning skal òg skaffast ved utbygging eller omdisponering av uregulert areal som born nyttar som leikeareal.

Universell utforming Rikspolitiske retningsliner for universell utforming skal sikre deltaking for alle. Dette inneber at omgjevnadene skal utformast på ein slik måte at dei kan brukast av alle i så stor grad som mogleg.

Verna vassdrag Rikspolitiske retningsliner for verna vassdrag skal sikre vassdrag mot kraftutbygging og andre inngrep.

Statleg planretningslinje for klima og energiplanlegging i kommunane. Det er viktig å fremje lokal og regional handling på området for klima og miljøvennleg energiomlegging for å dempe klimautfordringane verda står over for. Dette må føregå både på lokalt og regionalt nivå og takast stilling til i planar som vert berørt av temaet.

Folkehelseperspektivet, jf. pbl. § 3 – 1. Alle planar etter plan- og bygningslova skal inkludere vurdering av folkehelseperspektivet, jf. plan- og bygningsloven §3-1. Planlegginga skal vere helsefremjande gjennom å fremje faktorar som styrkjer helsa og livskvaliteten, og som bidreg til å verne mot negative faktorar, jf. folkehelselova §4

4.5 SENTRALE REGIONALE FØRINGAR FOR PLANARBEIDET Fylkesplan for Hordaland Fylkesdelplan for universell utforming Klimaplan for Hordaland 2015-2030 Fylkesdelplan for folkehelse 2014-2025 Fylkesdelplan for kulturminne

10 

4.6 SENTRALE KOMMUNALE FØRINGAR OG PLANAR Kommuneplan 2015-2026 Kommunedelplan for hyttebygging 2004 Trafikksikringsplan 2012-2015 Kommunedelplan for kulturminne i Voss. 2018-2021 Energi og klimaplan for Voss kommune. 2009 Kommunedelplan for idrett og friluftsliv 2014-2017 Strategisk næringsplan 2015-2018 Differensiert forvaltning av vassdrag i Voss kommune Viltet i Voss. 2013 VA-norm

5 SKILDRING AV PLANOMRÅDET

5.1 LOKALISERING Planområdet ligg omlag 20 km frå Voss sentrum og omlag 5 km sørvest frå Vinje, som er sett av til nærsenter. Avstanden til Myrkdalen skisenter er om lag 11 km. Området ligg langs austsida av Løkjavegen og mot Heiane. Området er del av eit avtrappa nivå ned frå Taulaberget, som er høgdedraget mellom elva Løkjo og Strandaelvi.

Figur 6: Oversiktskart som viser lokalisering av planområdet (raud markering) med nærliggande tettstader.

11 

Planområdet er avgrensa til å følgje vestsida av felles veg mot vest og følgjer grenselina mot gnr. 305 bnr. 1 mot nord. Mot aust er området avgrensa langs eit avtrappa nivå i terrenget. Den sørlege avgrensinga av planområdet følgjer skogsveg til Hydningastølen gjerde rundt Hydningastølen, før plangrensa fortset i søraustleg retning. Sjå òg figur 2 over. Planområdet er omlag 252 daa stort.

5.2 AREALBRUK Planområdet er i hovudsak beståande av utmark. Det er fire eksisterande fritidsbustader innanfor området og langs veg lengst nord ligg eit lite skur. Like sørvest for området ligg Hydningastølen med kringliggjande innmark.

5.3 TOPOGRAFI OG LANDSKAP Området ligg i landskapsregion 23, indre bygder på Vestlandet i Norsk institutt for skog og landskap sitt klassifiserings system for landskap. Berggrunnen er i NGU sitt berggrunngeologisk kart beståande av kvartsskifer, metasandstein, stadvis med konglomerat. Lausmassedekket er i hovudsak beståande av morenemateriale med usamanhengande eller tynt dekke.

Planområdet ligg frå kote 353 – 492 moh. Terrenget skrånar frå elva Rødno opp til toppen på Taulaberget på omlag 540 moh før det fell bratt mot Strandaelvi.

Området er i hovudsak nordvestvendt og eksponerer seg mot Killingsfjell og Ådnakken.

Figur 7: Høgdelagskart som viser høgdefordelinga i planområdet.

12 

Figur 8: Kartutsnitt som viser lausmassedekket ved planområdet. (Kjelde: NGU)

5.4 TRAFIKK OG TEKNISK INFRASTRUKTUR Tilkomst til området er frå E16, via kommunal veg Løkjavegen og vidare på privat/felles veg (Løkjavegen) fram til planområdet (gnr. bnr. 294/1). Løkjavegen er av enkel standard med grusdekke og underbygging truleg beståande av grus, sand og morene. Breidde på vegen er varierande på omlag 2,8 - 3,5 meter. Lengda på vegen er om lag 2,2 km frå avkøyring på E16 og til planområdet. Høgdeforskjell er ca 167 m. Gjennomsnittleg stigning på vegen til planområdet er 7,6 % (1:13). Maks stigning på vegen er 15 % enkelte plassar.

Kommunal del av Løkjavegen er ca 1,1 km og går fram til Løkjavegen 117. Høgdeforskjell på kommunalveg er ca 82 meter. Gjennomsnittleg stigning på kommunal veg er 7,5 % (1:13,4) Privat del av Løkjavegen og sørover til planområdet er ca 1,1 km. Høgdeforskjell på vegen er ca 85 meter. Gjennomsnittleg stigning er 7,7 % (1:12,9). Største stigninga på vegen ligg frå ca HP 850 ved Løkjavegen 197 til HP 1130 ved Løkjavegen 223. Stigninga er her på ca 35 høgdemeter m fordelt på 280 meter. Dette gir ei stigning på ca 12,5% (1:8). Breidde på den private vegen er ikkje gjennomgåande men ligg i hovudsak med kartmålt breidde på 2,8-3,2 meter, med noko breiddeutviding i kurvar.

Privat del av Løkjavegen frå Løkjavegen 165 og sørover til planområdet vert ikkje brøyta om vinteren. Det er etablert offentleg parkeringsplass i enden av den kommunale vegen ved Løkjavegen 117. Ved Løkjavegen 165 er det etablert felles parkeringsplass og bom med innkrevjing for køyrande vidare sørover.

Løkjavegen er skuleveg. Avstand til Sundve skule er ca 2,4 km. 1. klasssingar får skyss på strekninga, medan 2. – 07. klasse får skyss frå kryss ved E16 grunna manglande gang- og sykkelveg på E16.

Det er ikkje framført straum, vatn og avlaup til området. Eksisterande fritidsbustader nyttar solcellepanel og lukka avlaupsanlegg. Vatn vert henta frå omkringliggjande terreng og ved snøsmelting.

13 

Figur 9: Lengdeprofil for kommunal del av Løkjavegen. (Kjelde: Statens kartverk)

Figur 10 Lengdeprofil for privat del av Løkjavegen sør til planområdet. (Kjelde: Statens kartverk)

5.5 BIOLOGISK MANGFALD Det er innanfor planområdet ikkje registrert særskilt biologisk mangfald eller truga plante og dyreartar. Vegetasjonen i planområdet er i hovudsak beståande av lyng, gras og blandingsskog med gran, furu og bjørk.

Figur under viser at Taulaberget som ligg lengre sørvest, men i nærleiken av planområdet er eit viktig område for m.a. storfugl som tiur og orrfugl. Typisk for dette området er at det består av blandingsskog og innslag av myrområde.

14 

Figur 11: Utsnitt frå oversiktskart som viser viktige viltområde i Voss der planområdet er vist med blått. Viltet i Voss 2012.

Vest for planområdet er det ved kartsøk i 2012 registrert trekkveg for hjort. Registreringa hadde Naturbase ID: BA00002569. Trekkvegen var registrert som lokalt viktig. Ved søk i 2016 er denne registreringa utgått frå Naturbasen. Registreringa er teke ut av Naturbasen då hjort er livskraftig og vurdert til ikkje å vere ein art av nasjonal forvaltningsinteresser etter visse kriteria. Det ferdast òg elg i området.

Figur 12: Utsnitt som viser naturbase ID: BA00002569- trekkveg for hjort. Planområdet er vist med svart stipla omriss. (Kjelde: Direktoratet for naturforvaltning)

15 

Sørvest for planområdet er det naturtyperegistrering. Dette er Naturbase ID: BN00020015 – Fugladalen. Området er registrert som eit viktig område og er beståande av gamal barskog, hovudsakeleg beståande av furuskog. Det er også fleire lokalitetar med osp innanfor naturtyperegistreringa.

Figur 13: Utsnitt som viser naturbase ID: BN00020015 – Fugladalen – gamal barskog. Planområdet er vist med svart stipla omriss. (Kjelde: Direktoratet for naturforvaltning)

Planområdet mot sør grensar opp til buffersone til områder som er 1-3 km frå inngrep i naturen(INON-områder).

Figur 14: Utsnitt som viser avgrensing av buffersone til områder som er inngrepsfri opp mot planområdet. (AREALIS).

16 

Området ligg innanfor nedbørsfeltet til det verna Vossavassdraget. Vernet gjeld i hovudsak vern mot kraftutbygging. Vosso har ein lang lakseførande strekning og var lenge blant dei beste lakselver i Hordaland og har status som nasjonalt laksevassdrag. Det bør ikkje opnast for inngrep og aktivitetar i vassdraget som kan vere til skade for laksen.

Innanfor planområdet i sørvestleg del er det registrert ein bekk/elv nemnd som Strandaelvi bekkefelt, som små, svært kalkfattig, klar. Økologisk tilstand på elva er god.

5.6 JORD- OG SKOGBRUK Det er ikkje registrert fulldyrka jord i området. Like vest for planområdet ligg Hydningastølen som er ein støl med kringliggjande fulldyrka jord. Stølen vert nytta til sauebeite. Planområdet inngår i Ænsstølen beitelag. Området har tidlegare vore nytta som sauebeite og i noko grad storfe. Planområdet er i hovudsak beståande av blandingsskog og barskog. I lågare delar av planområdet er det skog med høg bonitet medan det i høgareliggjande delar av området er låg bonitet på skogen samt større område med uproduktiv skog. Planområdet ligg under tregrensa.

Figur 15: Kartutsnitt som viser fordeling av treslag i området. Planområdet er vist med svart stipla omriss. (Kjelde: Norsk Institutt for Skog og Landskap)

17 

Figur 16: Kartutsnitt som viser bonitet i området. Planområdet er vist med svart stipla omriss. (Kjelde: Norsk Institutt for Skog og Landskap)

5.7 KULTURMINNE Det er innanfor planområdet ikkje registrert SEFRAK- registrerte bygningar eller automatisk freda kulturminne.

5.8 FRILUFTSLIV Det er fire fritidsbustader innanfor planområdet og fleire frådelte eigedomar for fritidsbustader i området langs Løkjavegen. Området vert nytta til tur- og skigåing. Som utsnitt under viser er det registrert ein tursti frå enden av traktorvegen og sørover før den deler seg i fleire retningar.

18 

Figur 17: Utsnitt som viser turvegar i området(raude stipla linjer). (Kjelde: Vossakart.no)

Området ligg tett opp til kartlagt friluftsområde Kvitanosi/Vola(Id FK00006818), med store turområde utan tilrettelegging, sjå figur under.

Figur 18: Utsnitt frå kartlagde friluftsområde Kvitanosi/Vola. Planområdet markert med raudt (AREALIS).

19 

6 SKILDRING AV PLANFORSLAGET

6.1 AREALBRUKSTABELL

Formål Underformål Område Areal m2

Bygningar og anlegg

Fritidsbustader – Frittliggjande Til saman

BFF1 1 501

BFF2 1 224

BFF3 761 BFF4 984 BFF5 7 064

BFF6 2 215 BFF7 1 903

BFF8 1 965 BFF9 3 799 BFF10 1 949 BFF11 5 074 BFF12 5 830 BFF13 2 225 BFF14 2 467 BFF15 3 214 42 177

Næringsbygningar BN 180

Leikeplass BLK 1 841 Avlaupsanlegg BAV 120 Andre kommunaltekniske anlegg BKT 1207

Formål Underformål Område Areal m2

Samferdselsanlegg og teknisk infrastruktur

Køyreveg SV1 2 950 SV2 5 088

SV3 450 SV4 274 SV5 293 SV6 159 SV7 205 SV8 517 SV9 96 SV10 770 SV11 723 SV12 279 SV13 308

12 111 Annan veggrunn – grøntareal 14 436 Parkering SPA1 51

SPA2 647 Grøntstruktur Blågrøntstruktur G1-G8 178 432 Friluftsområde i sjø og vassdrag med tilhøyrande strandsone

Naturformål VN 484

Totalt 251 685

20 

6.2 BYGGJEFØREMÅL

Figur 19: Illustrasjonsplan som viser planlagt arealbruk innanfor planområdet.

21 

6.2.1 FRITIDSBUSTADER Planområdet legg til rette for 36 nye frittliggjande fritidsbustadtomter. I tillegg er det fire eksisterande fritidsbustader innanfor området. Fritidsbustadene er lagt i lia søraust for eksisterande fritidsbustader med romslege tomter på omlag 1 daa. Det er ved plassering av fritidsbustadene lagt vekt på dei skal ligge på dei naturlege avtrappingane i terrenget, samstundes som dei ligg nært samlevegen gjennom området.

Byggjeområde for fritidsbustader er planlagt med maksimal byggehøgde på 5,5 meter over gjennomsnittleg planert terreng. Utnyttinga for fritidsbustadene er sett til 20 % BYA pr. tomt, men kan ikkje overstige 150 m2 BYA for fritidsbustad. I tillegg kjem uthus/anneks på maksimalt 20 m2 og carport på maksimalt 25 m2.

Parkering er lagt til eige tomt og det er rekna inntil to biloppstillingsplassar for kvar fritidsbustad med i utnyttingsgraden, der den eine plassen er rekna som carport. I tillegg er det medrekna uthus. Avkøyring til tomtene er vist i plankartet med piler. Endeleg avkøyring til tomt vist med avkøyrselspiler på plankartet må godkjennast ved søknad om rammeløyve.

6.2.2 NÆRINGSBYGNINGAR Innanfor området er det planlagt oppført servicebygg. Bygget kan nyttast av grunneigar i samband med servicefunksjonar for framtidige hytteeigarar i planområdet. Området kan også nyttast som opplagsplass for ved m.m. i samband med landbruksdrift på eigedomen.

Maksimal byggehøgde for området er sett til 5 meter over gjennomsnittleg planert terreng. Utnyttinga for området er sett til 50 % BRA.

6.2.3 LEIKEPLASS I føresegnene til kommuneplanens arealdel er det ikkje sett krav til uteopphaldsareal eller leikeplass for fritidsbustader for dette området, men det er likevel planlagt ein leikeplass sentralt i området med fritidsbustader. Leikeplassen er vist som BLK i plankartet. Arealet er omlag 1,8 daa. Leikeplassen kan nyttast av alle fritidsbustader i planområdet og ligg sentralt med enkel tilkomst frå dei fleste fritidsbustadene. Området skal ha preg av å vere naturleikeplass, men det er sett krav om at delar av arealet skal opparbeidast med enkel møblering med naturprega materialbruk for dei minste borna. I tillegg er det sett rekkefølgjekrav om opparbeiding, jf. § 3.4 i føresegnene. Arealet er hellande, men det er kun mindre delar av arealet som er brattare enn 1:3, sjå figur under. Områda kan f eks nyttast til akebakke.

22 

Figur 20: Utsnitt av plankart som viser areal brattare enn 1:3 i leikeområdet og utsnitt frå illustrasjonsplan.

6.2.4 RENOVASJON Avfall/renovasjon er planlagt slik at kvar av fritidsbustadane må bringe avfallet til lokalt avhentingspunkt lengre nord i Løkjavegen som vert henta av renovasjonsselskap.

6.3 SAMFERDSEL OG TEKNISK INFRASTRUKTUR

6.3.1 KJØREVEG SV1 og SV2

Veg innanfor planområdet, veg SV1, er del av hovudtilkomst til fritidsbustadområda innanfor planområdet samt andre eigedomar sør for planområdet. Veg, SV1, er regulert med normalprofil på 4 meter. inkl. skulder. Val av vegdimensjon for veg SV1 er vegklasse 3- landbruksbilveg. Eksisterande og framtidig trafikkmengd for Løkjavegen er vist i tabellar under. Vegklassen er standarden for skogsbilvegar, gards- og setervegar med moderat til lågt trafikkgrunnlag. Dimensjonerande aksellast er 10 t på veg og vegbreidde på 4 m, der køyrebane skal vere 3,5 m. Maks stigning er 10 %, men kan for korte strekningar aukast til 12 %.

Ved vidare detaljering av utbetring av SV1 og resten av den private delen av Løkjavegen, skal det gjennom masseutskifting sikrast at vegen toler ein aksellast på 10 tonn. I tillegg skal det etablerast minimum 4 til 6 møteplassar på tenlege plassar med tanke på sikt- og stigningsforhold. Eventuell breiddeutviding og utbetring av stigningsforhold skal vurderast. Detaljering av vegutbetring på den private delen av Løkjavegen skal gjennomførast i samråd med Veglaget for Eensstølen og Løkjo, og må avklarast med berørte grunneigarar.

Frå SV1 er det regulert veg, SV2, vidare til områda for nye fritidsbustader. Langs veg, SV2, er det lagt til rette for møteplassar. For best mogleg overgang til sideterreng er det i avgrensa grad nytta murar. Det er i hovudsak nytta vegfyllingar for å jamne ut terrenget langs vegen. Fyllingsutslaget er vist i plankartet. SV2 er òg regulert med vegbreidde på 4 m og er inkludert vegskulder på kvar side. I tillegg kjem breiddeutviding i kurvar og møteplassar. I figur under er vist normalprofil av veg SV1 og SV2. Det er tatt utgangspunkt i at vegen i dag består av grus, sand og morene. For overbygning av vegen vert det vist til vedlagt teikning, F001.

23 

Figur 21: Normalprofil SV1 og SV2 innanfor planområdet

SV3-SV12

Planforslaget opnar opp for framføring av veg til eksisterande fritidsbustader i områda BFF1-BFF4, gjennom vegane SV3 – SV7. Tilkomstvegar er regulert med total breidde på 3,5 meter.

Tilkomstvegane, SV3- SV12, til områda BFF1-BFF15 er regulert med vegbreidde på 3,5 meter.

Tilkomstvegar, SV3 – SV12, er regulert med følgjande tverrprofil:

Figur 22 Normalprofil for SV3-SV13

Vegane innanfor planområdet er dimensjonert for tilkomst med brannbil og alle tomtene er innanfor 200 m som er kravet for slangeuttak. Kryss ved SV2 og SV12 er dimensjonert for at brannbil/lastebil kan snu.

24 

For å sikre areal til snøbrøyting og grøfter er det regulert 2 meter anna veggrunn – grøntareal langs alle vegar i planområdet. For Løkjavegen er det berekna framtidig trafikk (ÅDT) både for offentleg og felles veg.

Følgjande trafikkgrunnlag er lagt til grunn for kommunal og privat del av Løkjavegen:

Arealbruk Kommunal veg Privat veg Nyskapt trafikk

(Planforslag) Bustader 7 1 0

Fritidsbustader 10 47 36 Anna bruk Landbruk Landbruk Utfart

Utfart Utfart Vedlikehald

Brøyting/renovasjon Vedlikehald Brøyting

Vedlikehald

Følgjande trafikkmengd er lagt til grunn for kommunal og privat del av Løkjavegen:

Arealbruk Ca turproduksjon pr. år Ca ÅDT

Bustader 1 277 3,5

Fritidsbustader 58 0,16

Landbruk 365 1

Utfart 73 0,2

Brøyting/renovasjon 219 0,6

Vedlikehald m.m. 37 0,1

Følgjande trafikkberekning for kommunal del av Løkjavegen vert lagt til grunn:

Arealbruk Eksisterande ÅDT Framtidig ÅDT Bustader 8 x 3,5 28,0 8 x 3,5 28,0

Fritidsbustader 57 x 0,16 9,1 103 x 0,16 17,0

Landbruk 1 1

Utfart 0,2 0,1

Brøyting/Renovasjon 0,6 0,6

Vedlikehald 0,1 0,1

Totalt 39,0 46,8

Følgjande trafikkberekning for privat del av Løkjavegen vert lagt til grunn:

25 

Arealbruk Eksisterande ÅDT Framtidig ÅDT

Bustader 1 x 3,5 3,5 1 x 3,5 3,5

Fritidsbustader 47 x 0,16 7,5 93 x 0,16 14,9

Landbruk 1 1

Utfart 0,2 0,1

Brøyting/Renovasjon 0 0,6

Vedlikehald 0,1 0,1

Totalt 12,3 20,2

For kommunal veg er det berekna trafikkauke på om lag 8 ÅDT, og for privat veg vidare sørover er auka rekna til om lag 8 ÅDT.

Løkjavegen

For Løkjavegen nord for planområdet er det sett rekkjefølgjekrav om utbetring av kommunal og privat veg før det kan gjevast igangsettingsløyve til utbygging i området, jf. § 2.2 og 2.3 i føresegnene. For den kommunale delen av Løkjavegen vil rekkefølgjekravet vere oppfylt når det ligg føre ein utbyggingsavtale med Voss kommune. Utbetring av den kommunale delen av Løkjavegen må derfor avklarast i ei utbyggingsavtale. Avklaring om løysing og utbetring av den private delen av Løkjavegen må utførast gjennom privatrettslege avtaler og i samarbeid med veglaget.

Dimensjonerande veg for Løkjavegen er vegklasse 3- landbruksbilveg. Vegklassen er standard for skogsbilvegar, gards- og setervegar med moderat til lågt trafikkgrunnlag. Vidare skal vegen kunne trafikkerast med lass heile året med begrensingar i teleløysingspreioda og når det er mykje nedbør. Dimensjonerande aksellast er 10 tonn. Ved vidare detaljering skal det sikrast at vegen toler ein aksellast på 10 tonn. Møteplassar skal leggast på naturlege stader, og avstand mellom plassane bør ikkje vere over 500 m. Det skal etablerast minimum 4 til 6 møteplassar. Eventuell breiddeutviding og utbetring av stigningsforhold skal vurderast ved vidare detaljprosjektering. Vedlagt ligg vegteikning for mogleg løysing for utbetring av Løkjavegen.

Krysset mellom E16 og Løkjavegen er rusta opp i høve flaumsikring langs Strandaelvi og har tilfredsstillande kapasitet for utbygginga i planområdet samt andre brukarar etter ferdigstilling.

6.3.2 PARKERING For fritidsbustader er det lagt opp til parkering på eige tomt. Det er lagt til grunn parkeringsdekning med to biloppstillingsplassar pr. fritidsbustad. Det er i tillegg regulert parkering, SPA2, med om lag 30 p-plassar for utfart sørvest i planområdet. Parkeringsplassane kan òg fungere som gjesteparkering og som parkering for fritidsbustadane i området ved evt. store snømengder, der køyring til fritidsbustadene er vanskeleg. I tilknyting til det planlagde servicebygget innanfor område BN og for området BAV er det regulert parkeringsplass, SPA1, med om lag to plassar.

Sykkelparkering er ikkje sett som eit krav, men det er mogleg å plassere sykkel i uthus evt. inne/utebod dersom ynskjeleg.

26 

Figur 23 Utsnitt som viser parkeringsplass SPA2 lengst sørvest i planområdet.

6.3.3 VATN OG AVLAUP Framtidig vassforsyning må løysast ved etablering av grunnvassbrønnar i fjell grunna at lausmassane i området ikkje har tjukt nok lag for vassuttak. For å sikre god hygienisk kvalitet og trykk bør drikkevassbrønnane plasserast i overkant av fritidsbustadane. For kvar brønn er det berekna at den med trykk kan gje 4000 l/t og 9,6 m3/døgn. Med maks berekna vassbehov for 40 fritidsbustader på 24 m3/døgn er det nødvendig med 3-4 brønnar. Under viser mogleg plassering av borehola. Hydrologirapporten påpeikar at det er nødvendig med prøveboring før endeleg plassering.

Figur 24 Sprekkart som viser mogleg plassering av borehol. Sweco hyrologirapport

27 

Maksimalt vassuttak i liter pr. sekund pr. døgn for 40 hytter med høg standard er berekna til 0,28 l/s. Berekna pr. time for 40 hytter er 1,3 l/s.

Grunnvassmagasinet. Lausmassedekket i området er skildra som tynt og truleg renn det meste av vatnet, som evt. kan trenge ned i grunnen, på overflata. Det er nokre søkk i terrenget med meir lausmasser som kan halde på vatnet og trenge ned i opne sprekker i berggrunnen. Så mykje som 15-20 % kan trenge ned i grunnen i desse områda. Nydanning av grunnvatn i området er ved 10 % infiltrasjon vatn til grunnen rekna til 177750 m3/år og ved 20 % 355500 m3/år.

Reinseanlegg for avlaup er planlagt plassert innanfor området sett av til BAV ved parkeringsplass, SPA1, som minireinseanlegg. Overlaup frå tanken vert ført ut i Løkjaelvi vest for reinseanlegget.

Sløkkjevatn/brannvassdekning skal handterast ved etablering av eige høgdebasseng med leidningsnett. Bassenget treng volum på om lag 288 m3. For å få nok trykk til alle fritidsbustadane bør bassenget plasserast på minst kote + 485. Hydrantar vert plassert langs ny tilkomstveg, som vist i vedlegg GH01 i VA-rammeplanen. Alle planlagde fritidsbustader innanfor feltet skal ha tilgang til ein hydrant innanfor maksimalavstanden på 200 m langs køyrbar veg.

For å hindre økt overvatn pga. auka del med tette flater, må det gjennomførast tiltak hjå kvar enkelt. Den nye tilkomstvegen gjennom området vil fungere som ei avskjerande grøft for overvatn. Overvatnet vil etter utbygging endre avrenning mot nord og sørvest. To utsleppspunkt er difor føreslått etablert. Fordrøyningsgrøft samt ny vegstruktur vil fungere som flomveg i ekstreme nedbørssituasjonar og bør dimensjonerast for å tåla 200-års flom.

Viser til VA-rammeplan med vedlegg, datert 27.3.2017, og hydrologirapport, datert 04.05.2019, for meir informasjon ang. detaljer.

6.4 FRILUFTSLIV/GRØNTSTRUKTUR Det er innanfor området lagt til rette for totalt omlag 176 daa grønstruktur. Det er lagt til rette for gjennomgåande grønstruktur i området for fritidsbustader, som skal sikre ferdsel gjennom området. Uansett er det opne områder frå områda med fritidsbustader til utmarksområda som sikrar enkel tilgang til områda for tur og rekreasjon.

For bekkedraget heilt sør i planområdet er vasstrengen regulert til formål bruk og vern av sjø og vassdrag med tilhøyrande strandsone med underformål natur og friluftsliv. Formålet sikrar kantvegetasjon langs bekkedraget.

6.5 UNIVERSELL UTFORMING Det er ikkje sett krav om universell utforming eller tilgjenge i planområdet.

28 

7. VERKNADER/KONSEKVENSAR AV PLANFORSLAGET

7.1 OVERORDNA PLANAR OG FØRINGAR Planforslaget er i samsvar med kommuneplanens arealdel. Retningslinjer til arealdelen seier at det bør vera minst 50 daa funksjonelt bakgrunnsareal pr. tomt. Der det vert lagt til rette for utleigehytter og større felles aktivitetar/opplevingar kan kravet om bakgrunnsareal heilt eller delvis fråvikast. I planforslaget er det lagt til grunn bakgrunnsareal på 1 800 444 m2 som gjev grunnlag for 36 fritidsbustader.

Retningslinene for fritidsbustader i kommunen seier at fritidsbustadtomter ikkje bør overstige 1 da. Tomtene er lagt opp rundt 1000 m2, men varierer litt i størrelse grunna naturlege terrengtilhøve. Fritidsbustadane i utkanten av planområdet er større enn dei som er plassert midt i feltet.

Retningslinene seier òg at tillate bygd areal i m2 kan overstige 110 m2 BYA med godkjend vatn og avlaup, men då skal berekraftig energibruk tilleggjast særleg vekt. Kravet er følgt opp i føresegnene.

Generelle føresegner til kommuneplanens arealdel krev at det m.a. skal utarbeidast VA-rammeplan som del av alle reguleringsplanar. VA-rammeplanen er utarbeida for området og viser prinsippløysingar for vatn og avlaup , sløkkevatn og overvatn, og skal vera førande for seinare detaljprosjektering.

Det skal ikkje byggjast innanfor 20m-beltet til bekkar og innanfor 50m- beltet til elver før ev. flaumfare er avklara. Bekkar i området renn stort sett lengre ned enn byggjeområda for fritidsbusetnad. Midt i området er det eit myrdrag som for det meste er regulert til grøntstruktur og vil verte teke vare på. Veg SV2 er regulert i overkant av myrdraget. Aust for SPA2 renn det ein bekk som er viktig å unngå inngrep i og det er difor lagt inn omsynssone på begge sider av bekken

Området sett av til fritidsbustader ligg under skoggrensa og er difor ikkje like sårbart visuelt som eit område over skoggrensa. Sjølv om skog vert hogd ned i høve utbygginga vil det i områda sett av til fritidsbustader og vegføremål veksa opp og gro til igjen. Det er ved ferdigstilling sett krav til at områda skal såast til.

Planområdet ligg i nærleiken av Vinje, som i kommuneplanens arealdel er sett av som nærsenter. I nærsenteret skal det leggjast til rette for ei samling av sentrumsfunksjonane som kan skapa ein viktig møteplass med både handels- og servicetilbod. Ved å leggje til rette for fritidsbustader kan dette skape arbeidsplassar innanfor reiselivet med auka bruk av ulike tenester og vil vere viktig for sysselsetting og verdiskaping i Voss kommune samt stø opp om Vinje som nærsenter.

7.2 AREALBRUK Planområdet er i samsvar med gjeldande arealbruk i kommuneplanens arealdel. Området er ikkje regulert i dag, men eit område lengre nord på vestsida av Løkjavegen er regulert. Mange fritidsbustader er oppført langs Løkjavegen utan reguleringsplan etter frådelingar av større grunneigedomar i området etter krigen.

Ved utbygging i området er det ikkje knytt vesentlege negative konsekvensar knytt til biologisk mangfald, landskap, inngrepsfri natur, kulturminne, landbruk, friluftsliv og reiseliv. Området har fått si avgrensing i kommuneplanens arealdel med grunnlag i vurdering av desse tilhøva. Området er frå før utbygd med fritidsbustader, bustader og stølar og ålmenn tilgjenge for friluftslivutøving vert betre tilrettelagt ved realisering av reguleringsplanen.

7.3 LANDSKAP OG FJERNVERKNAD Området er vurdert til middels verdi når det kjem til landskap i overordna plan. I reguleringsføresegnene er det stilt estetiske krav til fargeval og terrengtilpassing i områda for fritidsbustader samt vegframføring. Snitt under viser korleis fritidsbusetnaden er planlagt i terrenget. Bygningane vert avtrappa i høve kvarandre og

29 

tomtene er plassert på naturlege høgder nedover dalsida. Reguleringsføresegnene stiller krav til maksimal bygningsbreidde på 7,5 meter. Møneretning på hovudtak skal følgje terrengkotene. Krav til maksimal høgd på fyllingar er 2 meter. Fylling i tilknyting til fritidsbustader skal etter maksimalt 2 meter frå fritidsbustad gradvis trappast ned mot terreng over ein maksimal avstand på ytterlegare 5 meter. Maksimal høgd på skjeringar knytt til fritidsbustader er 2 meter og maksimal høgd på forstøtningsmurar er 1,5 meter.

Figur 25: Prinsippsnitt for fritidsbustader ved terrengfall 1:3

Figur 26: Prinsippsnitt for fritidsbustader ved terrengfall på 1:3,5

30 

Figur 27: Prinsippsnitt for fritidsbustader ved terrengfall på 1:4

Figur 28: Snitt som viser snitt/fjernverknad for nye fritidsbustader.

Figur 29: Snitt som viser snitt/fjernverknad for nye fritidsbustader.

Grunna terrengformasjonane i området er ikkje lia særleg eksponert, men er til dels eksponert sett frå nordaust, på andre sida av dalføret. Området ligg under tregrensa og områda rundt er i stor grad skogkledd og blir av denne grunn ikkje særleg utsett for vesentlege eller varige sår i landskapet over lengre tid.

7.4 TRAFIKK OG TEKNISK INFRASTURKTUR Som følgje av planforslaget og før utbygging kan igangsettast innanfor området må eksisterande veg Løkjavegen fram og i planområdet opprustast slik at vegen toler tyngre køyretøy med høgare akseltrykk, som t.d. utrykkingskøyretøy. Dette gjeld kommunal og privat (tilkomstveg for eigedomar langs vegen) del av

31 

Løkjavegen frå E16 til og i planområdet. For kommunal veg er det vurdert at det ikkje vert krav til høgare standard enn det vegen er i dag, men enkelte tiltak er truleg nødvendig. Det kan i utbyggingsavtalen vere aktuelt med breiddeutviding, fleire møteplassar og utbetring av berelag/forsterkningslag. For privat del av vegen fram til planområdet må det også avtalast slike tiltak. Både for kommunal og privat del av Løkjavegen kan utbetring føre til at det må til avtaler med eigedomar/veglag langs vegen for utbetringa. For privat del av vegen er det i hovudsak gnr./bnr. 306/1 og 305/1 som evt. vert råka. Teikning som grunnlag for utbetring av vegstrekninga ligg vedlagt.

For å kome opp til nye område sett av til fritidsbustader må det etablerast ny veg i terrenget frå Løkjavegen. Vegframføringa er vald med tanke på minst mogleg inngrep i terrenget og gjev tilkomst til fritidsbustadane gjennom to skrånande sløyfer. For best mogleg overgang til sideterreng er det i avgrensa grad nytta murar, og i hovudsak vegfyllingar for å jamne ut terrenget langs vegen.

Statens vegvesen har gjennomført flaumsikring langs Strandaelvi og har i den samanheng oppgradert krysset frå E39 til Løkjavegen slik at krysset har god kapasitet og vert i samsvar med vegnormer. Krysset var vurdert med negativ konsekvens i høve samfunnstryggleik- beredskap og ulykkesrisiko ved vurdering av konsekvensar i kommuneplanens arealdel, men med flaumsikringa og utviding av krysset vert ikkje dette lengre ein negativ konsekvens då krysset får god nok kapasitet.

Trafikkauke som følgje av planforslaget er liten. For kommunal veg er det berekna trafikkauke på om lag 8 ÅDT, og for privat veg vidare er auka rekna til om lag 8 ÅDT. Fritidsbustader genererer lite trafikk i høve til heilårsbustader, og auka trafikk er i hovudsak konsentrert til helger/feriar og mindre på skuledagar. Viser til omtale av trafikk under kap. 6.3.1 over der berekning av nye trafikkmengder(ÅDT) både for offentleg og privat veg viser dagens og framtidig trafikk.

7.5 KULTURMINNE Området er på overordna nivå vurdert til å ha liten verdi når det kjem til kulturminne og kulturmiljø og det er ikkje registrert freda kulturminne eller SEFRAK-bygg i området. Planforslaget vil difor ikkje ha negative konsekvensar for kulturminne/miljø.

7.6 NATUR OG MILJØ Naturmangfald

Vossavassdraget

Området ligg som nemnd over innanfor nedbørsfeltet til det verna Vossavassdraget. Vernet av Vosso knyt seg til objektet i sin heilheit og vern mot kraftutbygging. Det bør ikkje opnast for inngrep og aktivitetar i vassdraget som kan vere til skade for laksen eller det viktige produksjonsområde for viltartar. Konsekvensar for bekk/elv i sørvestleg del, nemnd som Strandaelvi bekkefelt, vert som følgje av tiltaka i planen vurdert til å få liten negativ konsekvens. Ved bekken er det sett av buffersone (omsynssone) på 20 m der det er sett krav til at tiltak ikkje skal utførast innanfor omsynssona. Vasstrengen er regulert til bruk og vern av sjø og vassdrag med underføremål natur og friluftsliv, VN, og arealet breidda på arealet tek vare på kantvegetasjon langs bekken. I tillegg er arealet rundt bekkedraget sett av til grøntstruktur. Det er stilt krav for parkeringsplass, SPA2 at tiltaket ikkje skal føre til unødig avrenning til bekken. Konsekvensane som tiltaka i planområdet fører til vert vurdert til å ha liten negativ konsekvens i høve nedbørsfeltet og laks i området eller for vernet av Vossovassdraget i sin heilheit.

32 

Bygging av fritidsbustader er på generelt grunnlag uttalt å ha negative konsekvensar for viltet, særleg ved framføring av infrastruktur og auka aktivitet, ferdsel og støy. For området er ikkje utbygginga vurdert til å vere vesentleg negativ for viltet då området ligg i utkanten av prioriterte viltområde og i utkanten av eit større urørd område, jf. punkt 5.5 over. I tillegg vart avgrensinga av feltet innsnevra då arealet vart sett av til fritidsbustad i førre rullering av kommuneplanens arealdel, med vekt på at det var viktig å avgrense området mot høgdedraga i aust (Taulaberget). Registrering av hjort/trekkvegar er ikkje lengre i Naturbasen då hjort er vurdert til ikkje å vere ein art av nasjonal forvaltningsinteresser etter visse kriteria.

Skogen i området består av blandingsskog og barskog. Store delar av området er sett av til grøntstruktur og det er sett krav om at det i utbyggingsområda skal utøvast varsemd og avbøtande tiltak. Det er registrert gamal barskog i Fugladalen eit stykke sør/søraust for planområdet frå Taulaberget. Ny utbygging med grunnvassboring vil ikkje ha negativ konsekvens for gamal barskog sør/søraust for planområdet i Fugladalen.. Området grensar til planområdets nedbørsfelt i sør, men ligg elles utanfor nedbørsfelt.

Innanfor planområdet er det ikkje funne eller registrert utvalde naturtypar, prioriterte artar eller raudlisteartar ved søk i kartbasar. Tiltaka i planen vil samla sett ikkje belaste økosystem eller naturtypar/artar som er spesielt verdfulle for naturmangfaldet, særskild negativt. Når det kjem til dei miljørettslege prinsippa i naturmangfaldlovas §§ 8-12 er kjend kunnskap (jf. NMFL § 8) oppsøkt for området, og det er lite som tilseier at det er nødvendig å utøve føre-var prinsippet (§ 9). Utbygginga totalt sett vil ikkje utgjere eller få ein vesentleg negativ samla belastning (§ 10) om ein ser området i eit større økosystem. §§ 11 og 12 treng ikkje vidare vurdering sidan prinsippa i §§8-10 ikkje gjer seg gjeldande.

Hydrologi

Fleire brønnar som tidlegare er bora i same type bergart viser at kapasitet på brønnen kan variere frå nesten tørt til opp mot 1500 l/t. Fleire av brønnane er sett på trykk og har oppnådd høgare kapasitet. Hovudbergarten i området gjev medianverdi ca. 400 l/time i følgje rapport frå NGU og det er truleg ikkje meir enn dette brønnane i snitt vil gje.

Vassforbruket som er berekna for 40 nye fritidsbustader inkludert vatn til brannsløkking er lågare enn mengda nydanna grunnvatn, sjølv når berre 10 % infiltrasjon vert lagt til grunn. Det er lite sannsynleg at vassuttaket vil ha verknad på grunnvassmagasinet. Det er òg lite sannsynleg at vassuttaket frå borebrønnar i fjell vil påverke vassmengda i Løkjaelvi grunna at infiltrasjonsområdet til elva frå utbyggingsområdet utgjer ein liten del. Små bekkar registrert innafor planområdet vil sannsynlegvis ikkje verte berørt av borebrønnar då dei fungerer som flaumbekkar. Viser til vedlagt hydrologirapport utført av Sweco for utfyllande informasjon.

7.7 BARN OG UNGE For området i dag er det ikkje registrert særskild bruk av born og unge, men område er mykje brukt som utfartsplass for friluftsliv. Med fritidsbustader, regulert leikeplass og parkeringsplassar er de venta at området får betra ålmenn tilgang til friluftslivet.

33 

7.8 RISIKO OG SÅRBARHEIT’ Jf. risiko- og sårbarheitsanalyse utført til gjeldande kommuneplan for ulike fritidsbustadområder i kommunen er Heiane, område F21, vurdert til å ha risiko som bør vurderast når det kjem til sannsyn for ekstremvêr, radonstråling, uheldig samlokalisering ved at området ligg inntil viltområde og krav til sløkkevatn.

Etter utført ROS-analyse for planforslaget er området vurdert som sårbart for store nedbørsmengder og radon. Nærliggande vêrstasjon har registrert store snømengde og kraftig nedbør over korte tidsrom. Dette må takast omsyn til under konstruksjon av dei planlagde fritidsbustadane og avbøtande tiltak som rutinar for snømoking av tak bør vurderast.

I det nordvestleg del av planområdet, renn det ein bekk som vidare renn under Løkjavegen i en kulvert. Ved fortetting av denne kulverten vil det kunne oppstå ei flaumhending i den delen av planområdet. I det aktuelle området er det planlagt for etablering av ein parkeringsplass som står ovanfor eit sannsyn for å bli oversvømd ved ein fortetting av kulverten. Avbøtande tiltak vil væra å innføra rutinar for kontroll av kulverten.

Planområdet ligg innanfor moderat til låg aktsemdsområde for radon i NGU’s aktsemdskart. Teknisk forskrift stiller krav til at bygningar blir prosjektert og utført med radonførebyggande tiltak slik at innsig av radon frå grunn vert avgrensa. Radongass i vatn kan medføra auka radonkonsentrasjonar i inneluft. Planforslaget legg til grunn drikkevassforsyning frå grunnvassbrønnar. Avbøtande tiltak vil vera lufting av vatn ved å blande det med luft, lagring av vatn for halvering av radongassen i høgdebasseng, filtrering av vatn for å redusere radoninnhaldet i vatnet ved bruk av filter egna for føremålet.

Ung furuskog på skrint jordsmonn i hellande terreng er vegetasjonstypen som utgjer den største skogbrannfaren. Tiltaket legg til grunn fjerning av vegetasjon ved plassering av bygningar, vegar, gangsonar og parkeringsplassar. Tilkomstveg vert utbetra, slik at utrykkingskøyretøy kjem raskare fram til staden. Det blir i tillegg tilrettelagt for etablering av høgdebasseng for sløkkjevatn.

Det vert tilrettelagt for straum i planområdet, noko som vil medføra at LNG, LPG forbruket vil bli redusert.

Avbøtande tiltak:

- Informasjon om generelt forbod om bruk av open eld i utmark i tidsrommet 15.04 – 15.09, og kommunale retningslinjer for bruk av open eld.

- Informasjon om skogbrannfare ved gitte klimatiske forhold - Unngå tett vegetasjon i nærleiken av planlagte bygg og uteopphaldsområde der

skogbrannfaren kan oppstå/føra til spreiing av brannen

34 

8. VEDLEGG 1. Plankart, datert 11.11.2019 2. Reguleringsføresegner , datert 11.11.2019 3. Illustrasjonsplan, datert 11.11.2019 4. Snitt, datert 11.11.2019 5. VA-rammeplan med vedlegg GH01- GH03, datert 27.03.2017 6. ROS-analyse, datert 11.11.2019 7. Bakgrunnsareal kart 27.09.2019 8. C001 – 28.08.2018 9. C002 – 28.08.2018 10. C003 – 28.08.2018 11. F001 – 04.11.2019 12. C- veg Løkjavegen 24.09.2019 13. Oppsummering og kommentarar til offentleg ettersyn, datert 11.11.2019 14. Hydrologirapport, datert 04.05.2019