Upload
latinista-humanista
View
216
Download
2
Embed Size (px)
DESCRIPTION
quae sodales Ludovico Folgado regente tractaverunt
Citation preview
CUM AQUAE TERRAM TEXERUNT…
I. Quis decreuit diluuium apud Bibliam Ouidiumque?
II. Quid decreuit diluuium?
III. Quomodo factum est?
IV. Quis et quomodo servantur de diluuio?
V. Quo adueniunt ii, qui salvati sunt de clade? Quid accidit post diluuium?
VI. Quae dicuntur ab aliis scriptoribus?
VII. Quae dicuntur apud alios populos?
Bibliae Vulgatae ab Hieronymo interpretatae Liber Geneseos
[6] 5videns autem Deus quod multa malitia hominum esset in terra, et cuncta cogitatio
cordis intenta esset ad malum omni tempore, 6paenituit eum quod hominem fecisset
in terra. et tactus dolore cordis intrinsecus, 7“delebo, inquit, hominem, quem creavi, a
facie terrae, ab homine usque ad animantia, a reptili usque ad volucres caeli: paenitet
enim me fecisse eos.”
[7] 10
cumque transissent septem dies, aquae diluvii inundaverunt super terram. 11
anno
sescentesimo vitae Noe, mense secundo, septimodecimo die mensis, rupti sunt omnes
fontes abyssi magnae, et cataractae caeli apertae sunt 12
et facta est pluvia super terram
quadraginta diebus et quadraginta noctibus.
[8] 4requievitque arca mense septimo, vicesima septima die mensis super montes Ar-
meniae. […] 20
aedificavit autem Noe altare Domino: et tollens de cunctis pecoribus et
volucribus mundis, obtulit holocausta super altare. 21
odoratusque est Dominus odo-
rem suavitatis, et ait: “ad eum nequaquam ultra maledicam terrae propter homines:
sensus enim et cogitatio humani cordis in malum prona sunt ab adulescentia sua: non
igitur ultra percutiam omnem animantem sicut feci. 22
cunctis diebus terrae, sementis
et messis, frigus et aestus, aestas et hiemps nox et dies non requiescent.”
[9] 12
dixitque Deus: “hoc signum foederis quod do inter me et vos, et ad omnem
animam viventem, quae est vobiscum in generationes sempiternas: 13
arcum meum
ponam in nubibus, et erit signum foederis inter me et inter terram. 14
cumque ob-
duxero nubibus caelum, apparebit arcus meus in nubibus: 15
et recordabor foederis mei
vobiscum, et cum omni anima vivente quae carnem vegetat: et non erunt ultra aquae
diluvii ad delendam universam carnem.
P. Ouidi Nasonis Metamorphoseon Liber I
Quae pater ut summa vidit Saturnius arce,
ingemit et facto nondum vulgata recenti
foeda Lycaoniae referens convivia mensae
ingentes animo et dignas Iove concipit iras
conciliumque vocat: tenuit mora nulla vocatos. 163-167
“nunc mihi qua totum Nereus circumsonat orbem,
perdendum est mortale genus: per flumina iuro
infera sub terras Stygio labentia luco!
cuncta prius temptanda, sed inmedicabile curae
ense recidendum, ne pars sincera trahatur.” 187-191
Iamque erat in totas sparsurus fulmina terras;
sed timuit, ne forte sacer tot ab ignibus aether
conciperet flammas longusque ardesceret axis:
esse quoque in fatis reminiscitur, adfore tempus,
quo mare, quo tellus correptaque regia caeli
ardeat et mundi moles obsessa laboret.
tela reponuntur manibus fabricata cyclopum;
poena placet diversa, genus mortale sub undis
perdere et ex omni nimbos demittere caelo. 253-261
utque manu lata pendentia nubila pressit,
fit fragor: hinc densi funduntur ab aethere nimbi;
nuntia Iunonis varios induta colores
concipit Iris aquas alimentaque nubibus adfert.
sternuntur segetes et deplorata coloni
vota iacent, longique perit labor inritus anni.
Nec caelo contenta suo est Iovis ira, sed illum
caeruleus frater iuvat auxiliaribus undis. 268-275
mons ibi verticibus petit arduus astra duobus,
nomine Parnasos, superantque cacumina nubes.
hic ubi Deucalion (nam cetera texerat aequor)
cum consorte tori parva rate vectus adhaesit,
Corycidas nymphas et numina montis adorant
fatidicamque Themin, quae tunc oracla tenebat. 316-321
Deucalion lacrimis ita Pyrrham adfatur obortis:
“o soror, o coniunx, o femina sola superstes, […]
o utinam possim populos reparare paternis
artibus atque animas formatae infundere terrae!” 350s, 363s
atque ita “si precibus” dixerunt “numina iustis
victa remollescunt, si flectitur ira deorum,
dic, Themi, qua generis damnum reparabile nostri
arte sit, et mersis fer opem, mitissima, rebus!”
Mota dea est sortemque dedit: “discedite templo
et velate caput cinctasque resolvite vestes
ossaque post tergum magnae iactate parentis!” 371-383
descendunt: velantque caput tunicasque recingunt
et iussos lapides sua post vestigia mittunt. […]
inque brevi spatio superorum numine saxa
missa viri manibus faciem traxere virorum
et de femineo reparata est femina iactu.
inde genus durum sumus experiensque laborum
et documenta damus qua simus origine nati. 398s, 411-415