Upload
iria-martinez
View
233
Download
7
Embed Size (px)
DESCRIPTION
Carta de Presentación
Citation preview
Mascota Mascota Mascota Mascota s.f. Animal, persoa ou cousa que alguén leva consigo porque considera que lle dá boa sorte, ou que constitúe o emblema dunha determinada ma- nifestación. O equipo levaba un can como mascota.
Ola:
Voume presentar para a xente nova.
Son Rato, un rato de conto de cor gris-parda, a mascota da biblioteca da escola dende
hai 14 anos.
Coma son unha criatura fantástica necesito moito xogo, maxia e zume de poesía para
sobrelevar a realidade.
Acontece que as criaturas do mundo da fantasía viven nos libros normalmente. Tamén
noutros sitios. Eu vivía nun álbum de tapas de cartoné cun texto delicioso e delicadas
ilustracións.
Dixéranme que endexamais saíse do libro no que vivía; que fóra non se me perdía nada;
que me podería contaminar do po da realidade até esvaecerme coma o arco da vella; que
os humanos, mellor dende a barreira dunha ringleira de letras negras…
Pero eu devecía por saber. Sempre tiven
ansia de coñecemento e comecei a facer
saídas; a tropezarme con nenas e nenos, que
me deixaban comida e atencións; a coñecer
a moita xentiña … e, … aconteceu … que me
encariñei inevitábelmente e decidín
quedarme aquí para sempre. Vaime ben,
certamente. Até me fixeron unha escultura
de papel e unha canción con música e letra.
Dende hai catorce anos escribo cartas nas que recomendo libros e encomendo misións.
Dende hai catorce anos a realidade é fantástica grazas a vós e á vosa complicidade.
Xogamos?
Rato