Cesar E. Chavez (1927-1993)

Thawj coj ntawm ib pab; Thawj coj ntawm kev caj ncees; Thawj coj ntawm sab ntsuj plig; Nws povhwm liaj ias tebchaws; Nws la meej pej xeem; ua haujlwm zoo

ncaj ncees

Diam duab no tuaj los ntawm UFW tuaj.

Zaj Cev Lus

Cesar E. Chavez yog ib tug Latino uas tau ua haujlwn hauv ib lub teb uas tau hloov los ua ib tug thawj coj tseem ceeb hauv ib pab neeg uas pab cov neeg ua liaj ua teb, ua thawj coj hauv ib pab neeg ncaj ncees, povhwm liaj ias tebchaws, thiab la meej pej xeem. Nws muaj peevxwm, muab nws tus kheej thiab muaj kev cia siab, nws pab lwm tus thiab nws muab nws lub neej txoj sia pab lwm tus txog txoj kev ncaj ncees, tsim txiaj thiab hwm txog cov neeg txom nyem ua liaj ua teb noj. Nws ua haujlwn pab cov neeg ua liaj ua teb coj lawv ua ib pab ib pawg vam meej coj. Nws tsis coj nruj thiab tsim txom pej xeem,

nws pab thiab hloov kom muaj kev ncaj ncees. Nws tawm Tsam kev siv tshuaj uas tua kab thiab pab neeg pej xeem thoob plaws xeev California thiab teb chaws Amelikas. Nws pab txhawb laj tus neeg kom tau hauj lwm ua thiab hloov lawv lub neej kom zoo ncaj ncees. Nws tau txais khoom plig rau ntau yam haujlwm uas nws tau ua thiab nrog rau thawj tswj fwm lub kib kub kev ywjpheej. Yog yam khoom plig ua siab tshaj plaws nyob hauv ib tus neeg, thiab tsim tau ib hnub so thiab ib hnub ua haujlwm thiab ua ke kawm rau lub xeev California.

Thaum Tseem Yaus

Diam duab no tuaj los ntawn Cesar E. Chavez Foundation tuaj

Cesar thiab nws tus muam sawv nraum nkawd lub tsev. Nws yug xyoo 1927 nyob hauv ib lub teb me me rau Librado Thiab Juana Chavez, thiab nws yog ib tug ntawm nkawd rau tug menyuam. Kwvyees li xyoo 1880, nws pog koob yawg koob tuaj lub tebchaws Amelikas dim tau txoj kev txomnyem hauv lub tebchaws Mexico. Thaum nws tseem yaus, Cesar niam thiab pog nkawd qhia nws kom paub hlub lwm tus, muab koom mov rau lwntus txomnyem noj, tsis coj nruj tsiv , thiab muaj kev nsteeg loj loj. Nws txiv qhia kom nws coj zoo li txivneej coj povhwm thiab pab lwmtus tawm tsam kev phem. Xyoo 1938 lub sijhawm ua the Great Depression, muaj ntau leej hauv lub tebchaws Amelikas tsis muaj haujlwm thiab txomnyem. Cesar muaj kaum xyoo thiab nws tsev neeg poob lawv thaj av uas nyob nram Arizona. Nws tsev neeg tau raug

puab yuam nrog 30,000 leej ua liaj ua teb khiav tuaj mus California nrhiav haujlwm sau qoob loo tom tej teb mus thoob plaws rau xeev California.

Txoj Siav Thaum Ua Liaj Ua Teb

Diam duab no tau raug kev povhwm Manuel Echavaria

“Peb lub zog loj hlob los ntawm peb tej kev khwv khwv uas peb yuav tsum tiv dhau. Peb yuav tiv dhau tej no.” Cesar E. Chavez Nyob rau hauv kaum xyoo, Cesar tsev neeg mus ub mus no hauv lub lav California nrhiav haujlwm sau qoob loo. Lawv mus rau ntau ntau lub nroog nrhiav haujlwm. Thaum lawv nrhiav tau haujlwm lawv yuav tsum xauj ib lub tsev qub, qias, thiab meme tsis muaj cua kub tsis muaj dej losntawm tus tswv teb. Muaj ntau ntau leej uas ua liaj ua teb nrhiav haujlwm, cov tswv num ntawm cov teb thiaj li ua rau cov neeg no raws li lawv lub siab nyiam. Yog hais tias cov neeg ua liaj ua teb yws yws, tus tswv num thiaj li txo lawv. Tsev neeg Chavez ua haujlwm pib thaum peb moos sawvntxov mus txog tsaus ntuj thiab tus tswv num them nyiaj tsawg tsawg rau lawv kom lawv tsis muaj txaus nyiaj yauv koom noj. Cesar thiab ntau leej uas ua liaj ua teb tsev neeg txomnyem heev, tiamsis nws ghia hais tias lub sijhawm ntawd ua kom nws muaj zog.

Nco Nstoov Txoj Kev Saib Ntsej Muag Hais Cesar tau raug kev saib ntsej muag hais thaum nws tseem yaus nyob hauv lub lav Arizona thiab California. Thaum nws ua ib tug menyuam, Cesar hais lus Mev xwb thiab cov menyuam ntawm lub tsev kawm ntawv thuam nws thiab hu nws “tus Mev qias.” Yog

hais tias nws hais lus mev, cov nais khus siv ib rab ntsuas nplawm nws. Thaum nws nyob hauv lub lav California, ibtub nais khus kom nws coj ib daim ntawv hais tias “Kuv yog ib tug niag neeg ruam vim kuv hais lus mev.” Thaum nws muaj kaum xyoo, nws xav yuav ib lub hamburger ntawm ib lub tsev noj mov uas muaj ib daim ntawv hais tias “Cov neeg dawb xwb.” Tus Ntxais uas xam nyiaj luag luag thiab hais rau nws peb tsis muag khoom rau nej cov Mev noj. Cesar tsis nyiam thaum lwmtus ua rau nws tsis ncaj ncees vim nws yog ib tug txawv. Nws nco ntsoov lub sijhawm no mus txog nws tuag, thiab thaum nws loj hlob nws cog lus tseg hais tias nws yuav pab txhua tus muaj nqi thiab muaj feem muaj cai raws li txhua tug tib neeg muaj tsis quavntsej lawv daim tawv muaj xim dabtsi.

Cesar Yuav Tsum Tawm Mus Tsev Kawm Ntawv

Diam duab no tau raug kev povhwm Manuel Echavaria

Cov menyuam yaus ua haujlwm cog txiv pos nphuab hauv lub hav Santa Maria hauv xyoo 1970.

Hauv Xyoo 1942, thaum Cesar mus tsev kawm ntawv qib yim, nws txiv tau tsoo tsheb. Vim li ntawd, nws txhob mus tsev kawm ntawv thiaj li pab tau nws tus kwv thiab muam ua haujlwm nyob rau hauv lub teb. Cesar tsis xav kom nws niam yuav tsum ua haujlwm. Ua liaj ua teb nyuaj heev. Cov tswv num uas cog noob kom cov uas ua liaj ua teb siv ib rab hlau luv. Thaum lawv siv rab no lawv raug mob duav. Ntau lub sijhawm lawv tsis muaj dej ntshiab huv haus los yog hoob nab siv, thiab lawv yuav tsum ua haujlwm nyob ze ze Tshuaj uas tua kab. Cesar ua haujlwm ntev thiab xav hais tias cov tswv num uas

cog noob tsis hwm txaus cov neeg uas ua liaj ua teb thiab ua rau lawv zoo li lawv tsis yog neeg. Nws paub tej no tsis zoo.

Cesar Koom Cov Rog Uas Nyob Hauv Nkoj

Diam duab no tuaj los ntawm Cesar E. Chavez Foundation tuaj

Cesar hnav nws khaub ncaws hnav ua tub rog. Hauv xyoo 1944, Cesar koom cov rog uas nyob hauv cov nkoj ob xyoos. Nws pom hais tias muaj lwm leej lwm tus uas raug txoj Kev saib ntsej muag hais vim lawv hais lus txawv thiab tuaj lwm lub tebchaws. Thaum nws rov qab los nws tsev, nws pab nws tsev neeg ua liaj ua teb.

Kev Sib Yuav

Hauv xyoo 1948, Cesar muaj nees-kaum ib xyoos. Nws yuav ib tug poj niam hu ua Helen Fabela, thiab nkawd tau yug yim tug menyuam. Helen ua ib tug tseem ceeb hauv

Cesar txoj sia vim nws kam pab Cesar thaum nws ua raws li nws tej kev xav thiab pab cov neeg uas ua liaj ua teb.

Diam duab no tuaj los ntawm Cesar E. Chavez Foundation tuaj

Cesar, nws poj niam Helen, thiab nkawd rau tug menyuam.

Ib Txoj Sia Tshiab Ua Kev Pab “Kuv kev xav ua tuaj losntawm kuv txojsia, thiab losntawm tej yam uas kuv niam thiab txiv tau raug, thiab losntawm tej yam uas kuv pom thiab raug thaum kuv loj hlob ua ib tug ua liaj ua teb hauv California. Tej no kom kuv xav hloov tej yam tsis ncaj ncees.” Hauv xyoos 1948, Cesar tau ntsib neeg thiab nyeem pau ntawv uas tau hloov nws txojsia. Nws ntsib txiv plig Mcdonnell uas tau qhia Cesar txoj kev uas yuav pab tau cov neeg uas ua liaj ua teb vam meej thiab txais ncaj ncees. Nws kom Cesar nyeem cov phau ntawv liv xwm kev ua num, St Francis of Assisi, thiab Luis Fisher phau ntawv Life of Gandhi (Gandhi txojsia). Los ntawm cov phau ntawv no, Cesar kawm txog cov pab neeg ua num, kev tsis sib ntau sib cav, kev pab lwmtus, thiab txoj kev hloov pab neeg, thiab tej yam uas zoo li tej yam nws tsev neeg ghia nws. Cesar hais tias lub sijhawm no yog lub sijhawm uas nws pib kawm tiag.

Diam duab no tuaj los ntawm United Farm Workers tuaj

Cesar thiab ob peb tug los ntawm Community Service Organization npaj pov ntawv xaiv. Hauv xyoo 1952, Cesar nstib Fred Ross uas ua haujlwm muab rau Community Service Organization (CSO), uas yog ib lub koom txoos uas pab neeg hauv lawv lub zos. Fred Ross ghia hais tias cov neeg txom nyem txais tau hwjchim thiab pib pab lawv tus kheej. Cesar pib ua haujlwm muab rau CSO thiab pab ntau leej Latino nrog tseem fwv sau npe kom txawj pov ntawv xaiv. Cesar hloov los ua ib tug coj kev hauv CSO hauv California. Hauv Oxnard, California, Cesar pab cov neeg uas ua liaj ua teb txais lawv txoj haujlwm dua, tiamsis tsis ntev tom gab ntawd lawv tus tswv num thiaj li txo lawv. Cesar paub hais tias cov neeg uas ua liaj ua teb yuav tsum tsim ib pab neeg uas yuav pub rau lawv hwjchim yeej tau kev sib cog lus raws cai uas yuav pov hwm lawv kev ncaj ncees. CSO tsis kam tsim pab no. Vim li ntawd, Cesar txhob ua haujlwm muab rau CSO kom txawj tsim tau ib pab neeg ua liaj ua teb.

Ib Pab Neeg Ua Liaj Ua Teb Hauv xyoo 1962, Cesar, nws poj niam, thiab nws cov menyuam tsiv tsev mus tom Delano, California. Nyob ntawd, nws tau tsim ib pab neeg ua liaj ua teb. Cesar ua haujlwm peb xyoos ntiav neeg uas ua liaj ua teb thiab qhia lawv nrhiav tau ghov teb rau lawv tej teeb meem. Cesar tsis ua haujlwm khwv nyiaj thaum nws tsim pab no, vim li ntawd Helen ua haujlwm de txiv hmab khwv nyiaj. Cov neeg uas ua liaj ua teb pib ntseeg Cesar lub siab thiab ntau leej koom nws pab neeg.

Diam duab no tau raug kev povhwm Manuel Echavaria

Cesar (nws hnav lub tsho tiv no xim dub) nrog cov neeg ua liaj ua teb sawv ua picket line thaum lub xyoos 1973 ua strike twiv hmab.

Cesar nrhiav neeg uas pab tau nws thiab kam ua thawj coj hauv nws pab neeg. Cov neeg no ua haujlwm tsis khwv nyiaj, thiab lwm neeg ua liaj ua teb pub mov rau lawv noj. Cesar xav hias tias ua li no tseem ceeb heev thiab muaj nqi. Hauv xyoo 1962, National Farm Workers Association (NFWA), ib pab neeg ua liaj ua teb hauv tebchaws Asmelikas, pib tsim nyob. Lwm lub sijhawn tom ntej lawv hu pab neeg no United Farm Workers (UFW). Cesar E. Chavez ua tus tsoom txoov, Dolores Huerta thiab Gilbert Padilla ua ob tug thib ob, thiab Antonio Orendain ua tus kwv ntawv thiab nyiaj. Pab no muaj ib daim chij uas tau muaj ib tug noob loj loj xim dub tam ntawm lawv kev txom nyem, ib lub voj xim dawb tam natwm lawv kev ntseeg, thiab tom qab cov no daim chij yog xim liab tam ntawm lawv yuav tsum ua haujlwm ntev nrhiav tau kev ncaj ncees. Lawv zaj lus hais tias “Viva La Causa” (Pub txoj sia ntev rau peb pab neeg). Cesar xav tsim ib pab neeg uas muaj zog thiaj li nrhiav tau kev ncaj ncees.

Lub Sijhawm Nto Moo Hu Ua Delano Txiv Hmab Strike

Diam ntawv loj loj no tau raug kev povhwm United Farm Workers

United Farm Workers Organizing Committee Huelga daim ntawv loj loj. “Thaum muaj cov neeg tuaj koom ua ke thiab ntseeg hais tias lawv ua ncaj ncees, yuav tsis muaj dabtsi uas lawv ua tsis tau.” Cesar E. Chavez Hauv xyoo 1965, Cesar thiab NFWA koom Agricultural Workers Organization Committee, uas yog ib pab neeg Filipino ua liaj ua teb, ua Delano txiv hmab stirke (Strike txhais hais tias - cov ua num txhob ua haujlwm kom cov tswv num hloov ua raws li cov ua num xav). Ob pab neeg no thuam Schenley Industry, Di Giorgio Corporation, S&W Fine Foods, Treesweet, thiab txhua tus tswv num lossis cov neeg cog noob uas ntiav laj tus neeg ua liaj ua teb. Cov neeg ua strike nrog cov tswv num xav sau ib daim ntawv ua muaj kev sib cog lus. Kev sib cog lus yuav hais tias cov tswv num yuav tsum ua raws li tej kev cai txog kev ntiav, ua kom kev ua num zoo dua, them nyiaj ntxiv, thiab ceevfaj siv tshuaj uas tua kab. Lawv kuj xav kom cov tswv num hwm lawv thaum lawv ua haujlwm hauv cov tswv num teb. Cov tswv num tsis kam siv nyiaj ua raws li kev sib cog lus hais, lawv thiaj li ua kub ntxhov quav niab.

Diam duab no tau raug kev povhwm Manuel Echavaria

Cov neeg ua strike hauv lub teb thaum sawvntxov thaum ua txiv hmap strike hauv xyoo 1973.

Ob pab no koom ua ke ua ib pab hu ua United Farm Workers Organizing Committee (UFWOC). Thaum UFWOC ua strike, cov neeg uas koom UFWOC tsis kam ua haujlwm thiab ua picket (cov neeg sawv ua txoj kab thuam txoj haujlwm, cov ua tseem ua haujlwm thiab tswv num), lawv nqa cov daim ntawv loj loj thiab cov tus chij saib seb lawv puas yuav hais tau lus zoo hloov cov neeg uas tseem ua haujlwm lub siab kom koom lawv. Cov tswv num ntiav neeg coj nruj thiab tsim txom cov neeg ua picket. Lawv tsuag tshuaj uas tua kab rau cov neeg ua picket thiab nqa tuaj lawv rab phom thiab cov dev kom lawv ntshai. Feem coob leej tseem ua picket thiab Cesar qhia lawv tsis coj nruj thiab tsim txom cov tswv num thaum ua li no. Peb yuav muaj zog tshaj cov uas coj nruj thiab txom nyem lwntus. Cesar tau kawm Gandhi tus yawmntxwv thaum nws tsis coj nruj thiab tsis txomnyem lwntus yuav kev ncaj ncees hauv lub tebchaws India, thiab Cesar ntseeg hais tias yog lawv tsis coj nruj tsis txomnyem cov tswv num lawv yuav yeej.

Ua Boycott “Tshwm rov qub qab mus tsis tau. Peb yeej tau vim peb hloov peb lub siab thiab hlwb.” Cesar E. Chavez Laj tus neeg uas muaj daim tawv xim dabtsi thiab kev ntseeg dabtsi los tau tuaj Delano daim teb txiv hmab pab ua strike. Muaj ntau leej tuaj tshawj tuaj pab ua strike thiab. Cesar xav hais tias txhua lub tshawj tseem ceeb heev thiab nws tau txais lawv kev pab. Cov neeg, uas thaim duab thiab sau ntawv xovxwm los tshaj lus tawm, tuaj saib tej no. Lawv saib cov tswv num coj nruj thiab tsimtxom cov neeg ua strike thiab saib cov neeg ua strike tsis kam coj nruj thiab tsis kam tsimtxom cov tswv num. NBC muab xovxwm

no ua rau cov neeg Asmelikas pom hauv lub this vis thiab lawv hu xovxwm no ua “The Harvest of Shame.” Cov neeg thiab cov thawj coj hauv lub tebchaws Asmelikas pom Cesar thiab cov neeg ua strike. Lawv paub hais tias lawv xav raug kev ncaj ncees xwb. Cesar nug cov neeg Asmelikas ua boycott thiab tsis yuav txiv hmab. Thaum ua boycott cov tswv teb lossis cov tswv num tsis khwv nyiaj vim cov neeg uas ua boycott tsis kam yuav lawv koom. Tsis ntev tom qab ntawd, cov tswv num tswv teb yuav tsum nrog cov neeg ua num sib tham seb puas muaj chaw sib haum. Cesar ntseeg hais tias cov neeg Amelivkas paub kev ncaj ncees. Ntau leej Amelivkas kam ua boycott thiab tsis yuav txiv hmab. Lawv to taub hais tias cov neeg ua num ua liaj ua teb raug kev tsis ncaj ncees.

Diam Duab no tau raug kev povhwm, El Macriado

Cov neeg ua picket thiab ua strike ntawm daim txiv hmab hauv Coachella hauv xyoo 1973.

Txoj Kev Mus Kotaw

“Muaj kev hlub txaus thiab kev zoo nyob rau hauv peb pab neeg uas yuav pub zog rau peb kom peb txawj ua txhua yam dabtsi thiab tseem muaj zog ntxiv txhob kev

ntxub thiab kev ntshai.”

Diam duab no tau raug kev povhwm, El Macriado

Cov neeg ua liaj ua teb thiab cov neeg uas pab lawv, mus ze ib lub teb thaum lawv mus kotaw nram Stockton

Hauv xyoo 1966, Cesar xav yuav kev pab ua strike ntawm cov neeg uas nyob ze nws, lwn neeg ua liaj ua teb, thiab tus tswv xeev. Vim li ntawv nws tau mus kotaw 340-miles pib tom Delano mus txog Sacramento, California. Txawm tias Cesar kotaw mob heev, nws tseem mus kotaw mus txog Sacrameto. Thaum nws mus txog stockton tau muaj tsib txhiab leej nrog nws mus kotaw. Lub sijhawm ntawd yog lub sijhawm uas cov tswv num ghia Cesar lawv yuav sau lawv tej kev sib yeem lus hauv ib daim ntawv uas hais tias lawv yuav txais paub lawv pab neeg ua liaj ua teb thiab lawv yuav kom txoj haujlwn zoo dua thiab them nyiaj ntxiv. Hauv lub tebchaws Asmelikas, tej kev sib yeem lus no yog thawj daim zoo li no uas cov tswv num tau sau npe hauv, tiamsis Cesar txoj haujlwm nyuam qhuav pib.

Cesar’s Thawj Txoj Kev Yoo Mov

“Yoo mov ua rau yus tus kheej thiab yus tus ntsuj plig kom loj hlob, thiab thaum yus yoo mov tsis ua dog ua dig. Yus tsis yoo mov yog hais tias yus xav puas tshuaj mus, tiamsis yus ntseeg tiag tiag yus nrog lwntus, yus tus yeebncuab lossis yus tus

phoojywg, sib tham tau zoo dua.”

John Kouns thais duab, tuaj los ntawm Cesar E. Chavez Foundation tuaj

Cesar nrog Robert Kennedy, cov neeg los ntawm UFW, nws poj niam Helen, thiab nws niam Juana txhob yoo mov.

Hauv xyoo 1968, Cesar yoo mov thuam kev coj nruj thiab tsimtxom lwmtus uas tuaj los ntawm cov tswv num thiab cov ua num tuaj. Nws yoo mov vim nws xav kom nws sab ntsuj plig muaj zog ntxiv ces nws sab ntsuj plig nrog cov neeg no sab ntsuj plig sib txuas lus zoo. Ntau leej hauv lub tebchaws Asmelikas paub hais tias thaum Cesar yoo mov nws ua ib qhov tseem ceeb, nws pab lawv pom hais tias cov tswv num tsis ncaj ncees. Hauv xyoo 1968, thaum nws txhob yoo mov, yim txhiab neeg thiab Robert Kennedy tuaj pub lawv kev pab rau nws. Nws tau yoo mov peb zaug hauv xyoo no thiab txhua lub sijhawm ntawd cov neeg uas thaim duab thiab cov uas sau ntawv xovxwm los tshaj lus tawm tuaj. Cesar tau txais ntau natu tsab ntawv los ntawn cov neeg ua haujlwm hauv lub lav thab npas, los ntawm cov neeg thawj coj hauv cov xam xa nas, thiab los ntawm cov neeg ncaj ncees zoo li Martin Luther King Jr.

Plaub Xyoos Ntxiv Ua Strike “Peb txoj kev tsis yoojyim. Peb cov yeebncuab muaj nyiaj thiab muaj hwjchim, thiab lawv muaj ntau phoojywg tseem ceeb heev. Peb txom nyem. Peb tsis muaj ntau phoojywg tseem ceeb. Tiamsis peb muaj tej yam cov neeg nplua nuj thiab tseem ceeb tsis muaj. Peb muaj peb sab cev nqaij daim tawv thiab peb sab ntsuj plig thiab peb kev ncaj ncees uas yuav ua tau peb rab ntaj.” Cesar E. Chavez

Cesar tau yeej nws kev sib cog lus thib ib, tiamsis tseem muaj ntau tswv num hauv California uas tsis kam ua raws li UFW (lawv xub hu pab neeg no ua UFWOC) kev sib cog lus hais, thiab plaub xyoos ntxiv pab neeg no tseem ua strike tsis siv kev kub ntxhov. UFW tseem loj hlob tuaj vim lub tebchaws Asmelikas ua Boycott thiab Cesar tsim lwm pab neeg uas muaj neeg koom los ntawm thoob plaws lub tebchaws Asmelikas. Cesar muaj lub siab mos siab muag txhawb ntau leej pab UFW. Dr. Martin Luther King, Jr. xa tsab ntawv rau Cesar hais tias kuv nrog koj , wb lub siab koom ua ib lub siab vim wb xav kom tagkis zoo dua. Thaum xyoo 1970, 85% cov tswv num hauv California sau npe rau hauv ib daim sib cog lus tuaj los ntawm UFW tuaj. Cesar ua haujlwm kom cov tswv num nrog cov neeg ua liaj ua teb sib cog lus kom lawv txais kev ncaj ncees.

“Koj thiab koj pab neeg us num tau tsau siab hloov tej yam phem kom ua tej yam zoo. Peb tus ntsuj plig nrog nej pab nej nrhiav tau ib hnub zoo dua.” Dr. Martin

Luther King Jr.

1970 - 1993

Diam duab no tau raug kev povhwm Jocelyn Sherman

Cesar mus kotaw pub nws kev pab rau txiv hmap boycott. Martin Sheen sawv ze nws sab laug.

Xyoo 1970 mus txog xyoo 1980, Cesar thiab UFW tseem ua boycott thiab strike kom cov neeg ua liaj ua teb txais lawv kev ncaj ncees thiab saib xyuas thaum lawv siv tshuaj ua tua kab. Txawm yog nws tau kovyeej, tseem muaj cov neeg uas tsis muaj kev ncaj ncees, thiab tsis muaj kev hwm. Cesar tsis kam txhob ua li no. Nws ntseeg hais tias yog txhua

tus yuav koom ua ke, peb lub ntiajteb no yuav zoo dua. Hauv xyoo 1975, losntawm Cesar kev rau siab ua, lub Supreme Court ua kom siv rab hlau luv luv txhaum cai. Hauv lub rau hlis ntuj 1975, UFW thiab tus tswv xeev Browm tsim ib txoj kevcai hu ua The Agricultural Labor Relations Act uas muab cai rau cov neeg ua liaj ua teb tsim tau tej pab neeg thiab ua kev xaiv tsa. The Agricultural Labor Relations Act tseem tseem ceeb tsomkwm cov neeg ua liaj ua teb tej kev ncaj ncees. Thaum xyoo 1978 tau muaj ib puas txhiab leej koom UFW thiab nrog tswv num cog lub zaub xas lav lawv sib cog lus kom sib haum. Kwvyees li xyoo 1880, Cesar mus cov lav uas nyob nruab ntsab thiab nyob sab hnub tuaj lub tebchaws Asmelikas qhia neeg tej yam phem txog tshuaj ua tua kab uas lawv tsuag rau saum lawv cov qoob loo. Tshuaj ua tua kab no uas kom cov neeg ua liaj ua teb mob heev tej zaum tuag thiab thaum lawv yug menyuam tej zaum tus menyuam ntawd yuav mob heev thiab. Cesar yoo mov 36 hnub kom neeg pom tej kev phem no uas los ntawm tshuaj uas tua kab. Tej txhiab neeg pub lawv kev pab rau nws. Lawv yoo mov 3 hnub thiab qhia lwmtus txog tej xov no. Thaum hnub kawg, cov tswv num uas cog noob kam mloog Cesar kev txhawj txog tshuaj uas tua kab thiab pib rov xyuas dua lawv kev siv tshuaj no. Lub lav California rov xyuas dua lawv kev siv tshuaj uas tua kab thiab.

Diam duab no tuaj losntawm United Farm Workers tuaj

Lub dav hlau uas tsuag tshuaj uas tua kab, tsuag tshuaj rau saum cov qoob loo thiab cov neeg uas tseem ua haujlwm hauv lub teb no hauv xyoo 1969.

Kwvyees li xyoo 1990, Cesar nquag los ntawm kev yoo mov thiab tseem ua txiv hmab boycott. Xyoo 1992, nws txais Doctorate Degree los ntawm lub tsev kawm ntawv qib siab Arizona State University thiab nws mus saib xyuas lawv kabke kawm tiav kev kawm

ntawv. Nws muaj lub siab khav rau kev hawm no vim nws ntseeg kawm ntawv tseem ceeb heev, thiab nws xav pom lub sijhawm thaum txhua tus mus kawm ntawv ua ke.

Nws Kev Tuag

Diam duab no tau raug kev povhwm Jocelyn Sherman

Ntau leej tuaj Cesar kev pam tuag.

Cesar E. Chavez ua haujlwn mus txog lub hnub thaum nws tuag. Nws tuag thaum nws pw lub plaub hlis ntuj hnub 23, 1993 hauv San Luis, Arizona. Lawv ua nws kev pam tuag lub plaub hlis ntuj hnub 29, 1993 hauv Delano, California thiab peb caug txhiab leej tuaj. Lub sijhawm ntawv tau ua lub sijhawm kawg uas cov neeg no pub kev hwm rau nws.

Nws Txojsia

“Thaum pejxeem neeg pib hloov lawv lub siab, lawv rov qab hloov tsis tau. Yus kom ib tug uas txawj nyeem ntawv tsis txawj nyeem ntawv tsis tau. Yus ua kom ib

tug txajmuag tsis tau thaum nws muaj lub siab khav. Yus tsim txom tsis tau tus neeg uas tsis ntshai. Peb tau saib yav tom ntej thiab yav tom ntej yog peb li.”

Ann Benson thais duab no uas tuaj losntawm United Farm Workers tuaj

Cesar thiab cov neeg yau no nrog Cesar tus dev, Huelga, zaum saum nws theem ntav. Neeg yuav nco ntsoov hais tias Cesar E. Chavez ua ib tug thawj coj tseem ceeb, nws tau pab neeg nrhiav tau kev ncaj ncees, nws tau qhia neeg tsis coj kev kub ntxhov, thiab nws tau pab ntau leej. Nws yog ib tug txiv neej Asmelikas uas muaj peevxwm heev, uas yauv tseem hloov neeg lub siab kom lawv hwm txoj sia nyob, povhwm neeg kev ncaj ncees, thiab koom ua ke kom peb txhua tus sib haum.

Khoom Plig

Diam duab no tuaj losntawm Cesar E. Chavez Foundation

Helen Chavez theej Cesar chaw txais nws khoom plig no hu ua Presidential Medal of Freedom losntawm tus tsoom txoov Bill Clinton thaum ua ib kabke nyob ze lub tsev xim

dawb.

Lub lav California tau tsim ib lub hnub ua koob tsheej, uas yog Cesar E. Chavez hnub yug lub peb hlis ntuj hnub 31, lawv ua koob tsheej no rau Cesar E. Chavez txojsia thiab nws txoj haujlwm. Thaum Cesar E. Chavez hnub, cov tsev kawm ntawv hauv lub lav California yuav qhia kev pab lwmtus thiab nco ntsoov txog Cesar E. Chavez txojsia thiab txoj haujlwm. Hauv xyoo 1994, tus tsoom txoov Bill Clinton muab ib khoom plig pub rau Cesar, khoom plig no huua Presidential Medal of Freedom Award uas yog tseem ceeb tshaj cov khoom plig lawv pub rau pejxeem neeg. Cesar tus poj niam Helen tau tuaj theej Cesar chaw thiab txais khoom plig no vim Cesar tau tuag lawm. Helen txais khoom plig no nram lub tsev xim dawb nyob nram Washington, DC. Hauv xyoo 1990, Cesar tau

txais khoom plig hu ua Aguila Azteca, uas yog tseem ceeb tshaj cov khoom plig uas lawv pub rau cov pejxeem neeg tuaj losntawm Mexico tuaj. Xyoo 1992, nws txais Doctorate Degree los ntawm lub tsev kawm ntawv qib siab Arizona State University thiab. Vim cov neeg xav hwm Cesar E. Chavez, lawv tau hu cov tsev kawm ntawv thiab tej txoj kev ua Cesar E. Chavez.

Tej Phau Ntawv Griswold del Castillo, Richard and Richard A. Garcia, Cesar Chavez: A Triumph of Spirit Susan Ferriss and Ricardo Sandoval, The Fight in the Fields: Cesar Chavez and the Fight in the Fields Jacques E. Levy, Cesar Chavez: Autobiography of La Causa