Монголой нюуса тобшоон I. Тэмїжинэй уг гарбал, бага на ћ анайнь їе 1. Чингис хаанай уг изагуур гэхэдэ, дээдэ тэнгэрићээ заяатай тїрэћэн Бїртэ-чино єєрынгєє ћамган Гуа-Маралтай хамта ућан далайе гаталжа ерээд, Онон мїрэнэй эхиндэ Бурхан халдун уулада нютаглажа, Батцагаан гэдэг нэгэ хїбїїтэй болоћон юм. 2. Батцагаанай хїбїїн Тамача, Тамачын хїбїїн Хоричар мэргэн, Хоричар мэргэнэй хїбїїн Уужам буурал, Уужам бууралай хїбїїн Сальхачау. Сальхачаугай хїбїїн Ехэ нюдэн, Ехэ нюдэнэй хїбїїн Шинсочи, Шинсочын хїбїїн Харчу. 3. Харчугай хїбїїн Боржигидай мэргэн байћан юм. Боржигидай мэргэнэй ћамган Монголжин гуа, тэрээнћээ тїрэћэн хїбїїн Торголжин баян. Торголжин баян Борогчин гуа ћамгатай, Боролдайсуялби гэдэг залуу зарсатай, дааритай боро хоёр хїлэг моритой ћэн. Торголжин баянай хїбїїн Дува сохор, тэрэнэй дїї Добу мэргэн байћан юм. 4. Дува сохор магнай дээрээ ганса нюдэтэй аад, гурбан нїїдэлэй газар харадаг байгаа. 5. Нэгэ їдэр Дува сохор Добу мэргэн дїїтэеэ Бурхан халдун уула дээрэ гараба. Дува сохорой Бурхан халдун дээрэћээ харахадань, Тїнхэлиг горхон руу нэгэ бїлэг хїнїїд сїлєє забгїй нїїжэ ябаа ћэн. 6. Дува сохор хэлэбэ: «Эдэ нїїдэлшэдэй дунда тэргэ дээрэхи бїхєєгэй урда тээ нэгэ сэбэрхэн басаган ћуужа ябана. Хїнэй ћамган болоогїй байгаа ћаань, Добу мэргэн дїїмни, шамдаа нїхэр болгохомни» гээд, тэрэниие харахыень, Добу мэргэн дїїгээ тэрээ руу эльгээбэ. 7. Добу мэргэн тэрэ нїїдэлшэдтэ хїрэжэ, їхиниие хараба. Їнэхєєр алдар нэрэ ехэтэй ћайхан басаган, їшєє хїнэй ћамган болоогїй. Нэрэнь Алун-гуа гэнэ.
