As rochas en Galicia

A maior da superficie do territorio galego está composta por rochas magmáticas e por rochas metamórficas.En pequenos sectores tamén se poden atopar rochas sedimentarias.

As rochas magmáticas

As rochas magmáticas son as máis abundantes en Galicia. O granito forma parte de case o 50 % da nosa superficie .Atópase, sobre todo, no occidente galego.Aínda que xeralmente é gris, destaca o granito rosa que se explota nas canteiras do Porriño (Pontevedra) .

As rochas metamórficas

Estas rochas están representadas en Galicia pola lousa, o xisto e o gneis. Atópase na zona oriental. A lousa é moi importante para o sector de construción; é unha rocha que abunda na comarca de Valdeorras.

As rochas sedimentarias

En Galicia extráense a arxila e o carbón. O tipo de arxila máis abundante é o caolín. É unha rocha de cor branca. Explótase nos depósitos de Vimianzo, Laxe e Santa Comba, na Coruña, e en Buruela, en Lugo.O tipo de carbón máis apreciado é o lignito. Pode ser de cor marrón escura e brillante. É brando e suave. Atópase nas Pontes de García Rodríguez ,na Coruña, e en Xinzo de Limia, en Ourense.