Батыс Қазақстан облысыТеректі ауданыЖайық ауылыЖайық негізгі орта білім беретін мектебіБастауыш сынып мұғалімі Кулмурзина Алтын Шангереевна

Сабақтың тақырыбы: Заттардың түсі мен пішіні.Аппликация.

Сабақтың мақсаты: түс, заттардың пішіні туралы алғашқы түсініктерін қалыптастыру; әртүрлі фигуралардан заттар мен бейне құрастыра білуге үйрету.

Еңбек іс-әрекеттерінде ұқыптылыққа, нақтылыққа тәрбиелеу.

Заттарды көріп сипаттау арқылы оқушылардың сезімталдығын дамыту.

Сабақтың түрі: жаңа сабақ

Сабақтың әдісі: ауызша, көрнекілік, практикалық.

Сабаққа қажетті құрал-жабдықтар: қатырма қағаздан жасалған түрлі түсті фигуралар, әртүрлі пішіндермен сәйкестендірілген суреттер, заттардың түсін анықтауға қажетті суреттер, қайшы, қағаз, қарындаш, желім, сызғыш, өшіргіш.

Сабақтың барысы

Ұйымдастыру

Психологиялық көңіл-күй. Шаттық шеңбері.

1. Класта кезекші кім? Қазір қандай сабақ.

Топқа бөлу. Түс таңдау арқылы

Балалар сынып бөлмесінде айналамызды қоршаған заттар мен олардың пішініне, түсіне назар аудара отырып мына сөзжұмбақты шешейік.

Оқушыдан жеке-жеке сұрау.

- сендер қайда отырсыңдар?- Партаның сыртқы пішіні қандай фигураға ұқсайды?- Төртбұрыш- Партаның түсі қандай?- Қоңыр

Сұраққа жауап берген оқушы тақтадағы торкөздерге жауабын жазады.

ІІ. Мағынаны тану.

Оқулықпен жұмыс.

1. – балалар, мына геометриялық фигураларды атап, түстерін табайық.

Екі топқа кезек айтқызу.

Суреттермен жұмыс.

2. Мына заттар қандай фигураларға ұқсайды.

Екі топ кезек атайды.

Осы геометриялық фигураларды қандай сабақта атаймыз? (математика)

3. Айналамыздағы барлық заттар өз түсімен, пішінімен ерекшеленетінін білдіңдер. Түрлі түсті қағаздан жапсырылған суреттердің қандай фигуралардан құрастырылғанын айт. Фигураларды сана.

Трактор: 2 шаршы, 1 төртбұрыш, 2 шеңбер.

Желкенді қайық: 3 үшбұрыш, 1 төртбұрыш қолданылған.

4. Оқушылар сендер бейнелеу сабағында түстер туралы өттіңдер. Жылы және суық түстер. Жылы түстер: қызыл, сары, жасыл. Суық түстер: сия көк, көк, көгілдір.

Негізгі түстер: қызыл, сары, көк.

5. «аппликация» сөзі «қиып жапсыру» деген ұғымды білдіреді. Аппликацияның ең маңызды кезеңі бөлшектерді жапсыру үшін қажетті фонды таңдау болып табылады. Түс үйлесімділігін таңдауға мына кесте көмектеседі.

6. Сергіту сәті.

7. Практикалық жұмыс. Қауіпсіздік ережесін еске түсіру.

І топ трактор жасау ІІ топ желкенді қайық жасау.

8. Топтық жұмыс. Постер қорғау

І топ Сайқымазақтың бейнесін талдау: басы, көзі, түймелері – дөңгелектен, мұрны – үшбұрыштан, аузы – төртбұрыштан, қолы мен шалбары, аяқ киімі, бас киімі – үшбұрыштан, көйлегі – төртбұрыштан.

Сайқымазақ бейнесіндегі фигураны сана 8 үшбұрыш, 2төртбұрыш.

ІІ топ. Тікұшақтың бейнесін талдау

3 дөңгелек, 8 төртбұрыш, 7 үшбұрыш.