Embed Size (px)
Citation preview
Luo Episode 22 Final
INT: CAR, BUKULU BACKROAD-MORNING
CHARACTERS: WUN RUT TADEO, MIN RUT MARGO, ODONG, OCHEN, OWINY
MILDRED: (AS NARRATOR) Kiwaco ni tekwaro aye nyutu kit dano.Ento ka tekwaro mogo mabeco dong pe rwate ki alokaloka matye ikare ni kono? Omyero wa mede ki gwoko tekwaro wa mogo kadi bed giweko wa deno can? Won rudi Tadeo,ladit kaka acel i Bukulu , inino mo okeme ki lapeny acel-li ,ikare ma en gini dako ne ka awobe ne aryo ni gubedo ka ruune me cito ka kwero kwan pa wode Odong….
SFX: FADE INTO INTERIOR OF SPEEDING CAR
OCHEN: Baba bed mot,abi dwoyo mutoka ma dwir.
S. TADEO: Cii pingo nen calo pe bene watye ka nyiko kulu,Ocen?
N. MARGO: Won rut,Pe iweke ongwec ma dwir tutwal.Nyere Ocen ,ngwec mot mot.Dok bene rwod party tye kwed wa kany i mutoka.Dano ducu omyero gu kuur Odong.…
S. TADEO: Adeg gaale.
ODONG: Wun weng otwero bedo mot/ angeyo atir ni wa bi oo iwang cawa me kwero kwan–na kikome.
N. MARGO: Ka ibedo ka dwoyo mutoka ma dwir kuman,cii gwok onyo pe wabi oo matwal.An pe amito too ma pwud peya akwero kwan pa Odong.
OCHEN: Mama, Iloko calo bedo ber ka jo mukene ni otoo teke in ioo i kwero kwano degree pa Odong.
N. MARGO: Meno pe lok adaa,Odong.In itye ki mic mapat woda. (JOKING) Ento degree pa omero aye gin ma pire tek kumbedi.
ODONG: Ento Mama!
N.MARGO: (EXCITED) Odong,atye ki awaka madit ikomi.Inyutu ki Bukulu weng ni ot wa ni pe obedo gin tuku.
OCHEN: Pe onongo angeyo ni Odong keken aye otimo gin aura.!
1
N. MARGO: Wu ngeyo atir ni atye ki awaka ikom wun ducu.Ochen ,in ki Opio,wun ducu otye ka timo biacara wa maber tutwal…/
S. TADEO: En kit ma apwonyo gi kwede.
OCHEN: (AMIDST LAUGHTER) Mama, Pe ibed ki gen ma dwong ikom Odong!En ngeyo mere ma odok i kwan keken.!
ODONG: Iwaco ni ngo Ocen? Pe itamo ni atwero dongo Bukulu?
S. TADEO: Ochen,lok manok keken ,ket cwinyi i dwoyo mutoka aye.Lok egi ni ducu tye ka balo cawa wa.
OCHEN: Mot baba,an ebedo ladiiro i dwoyo mutoka.Atwero timo jami aryo ni weng.
S. TADEO: Bed mot,bed mot,jami ducu obed mot!.
N. MARGO: Ber tutwal,an atye agonya pien dong watye ki dano ma okwano degree ikit me dongo lwak.Peko ducu ma lube ki dongo Bukulu dong obi doko gin macon.
S. TADEO: Min rut,wek nywenno wii Ochen.Ikare ducu ka iboro Odong cii Ochen kwanyo wange oo ki i gudu.Wek awobi ni odwoo mutoka.
N. MARGO: Ento won rut,Imito atim ango?Aling calo odinga.?Imito doga obed ngwee pi lingo! Wek aloki.
OCHEN: Baba ,bed mot,An abi ling wek adwoo mutoka ma tek.…/
SFX: HEAVY BUMP, CAR SKIDDING, SCREAMS
OCHEN: (BREATHING HEAVILY) Dano ducu gitye ma ber?
N. MARGO: (HYSTERICAL) Oh, lubanga na! ataa.
S. TADEO: (HOLDING HER) Min rut,watye maber,wan ducu wa tye ma kwoo.
ODONG: Ngo enoni?
OCHEN: Atamo wa yoko gin moni.
ODONG: Ber, mito kong wanen .
SFX: DOORS OPENING AND SHUTTING
ODONG: Oh lubanga na,obedo dyel.Igoyo dyel.
2
OCHEN /MARGO: Ineno gin ma itimo?
S. TADEO: Itye ka waco ni eni obedo bal-la,in aye ibedo ka nywenno wii awobi ni…kong inen .
N. MARGO: An,pe atwero yee ni itye ka weyo bal iwiya.In aye ibedo ka waco ni omed dwoyo mutoka oyot.Calo eni obedo dege.
OCHEN: Mama,Baba,pe wa cak cimo wang kany,kong wanen kit me cobo peko eni.
ODONG: Oho ojoone,eni pe nen ber.Man dong lukin gang gucako bino,dok ngat acel acel obi cako waco ni dyel-le mege.
CROWD: (OFF MIC, SHOUTING) Juk gi oo,Pe owek gu ngweci.
OWINY: (OFF MIC, SHOUTING) Gu neko dyel-la,pe owek guciti.
ODONG: Oh ku! Man dong wa timo ngo?
SFX: TRANSITION MUSIC UP AND OUT
SCENE II
LOCATION: BUKULU BACK ROAD- MORNING
B/G SFX: ROWDY CROWD
CHARACTERS: MZEE KAYONDO, MUKASA, SSALOMGO TADEO, NALONGO MARGO, KIZZA, KATO
CROWD: Omyero gucul,omyero gucul…
M. KAYONDO: Order, order, kong oling!. Ladit Tadeo, an abedo Mzee Olum,ladit kaka pa ludak dok ityeko goyo ki neko dyel pa wod kaka wa.
S. TADEO: An won rut, Tadeo, ladit kaka pa labwor,dok wanga pe otoo,atye ka neno atir ni agoyo dyel.
M. KAYONDO: Ladit lawota ,ber.Dong ma pwud peya joo na ogonyo wu me cito i kwer wu kit ma iwaco ni,omyero kong icul dyel pa Owiny.
S. TADEO: Cul! Winy kong, Mzee, Abi waci gin ma dong atyeko waco ki Owiny;Pe tye kit cul mo ma abimiyo pi dyel ma onongo tye ka wot ingom-ma.
M. KAYONDO: Eni gin ma nen kamaleng calo dye ceng,igoyo dyel.I adaa pe itwero kwero culu ne!
3
S. TADEO: I adaa atwero.Wun kaka pa ludak obedo ka donyo i ngom wa ali ali ki lee wu ma oweko ngom wa opong ki cilo.
SFX: MURMURS OF DISCONTENT FROM CROWD
S. TADEO: Leng yo wek acit akwer nongo degree pa woda.
OWINY: Won rut,cul dyel-la in itamo ni acamo dgree pa wodi degree?
S. TADEO: Pingo aparo pi ngo ma icamo?
OWINY: Dyegi na aye pita dok man dong wuni jo otti oneko ma ocwee loyo ikin gi.
N. MARGO: Wek kwoto jami,latin laco.Dano weng twero neno ni dyel-li ojony calo latin ma twoyo nedo.
ODONG: Mama,pe rac.Wek an aye atyek lokke. (TO Ladit,Imito ciling adii pi dyel-li?
OWINY: Alip 200,000 Keken.
OCHEN: Maa do! Enoni cul pi nyomo dako kulu.
OWINY: Kit yet ango enoni?Ka wun kaka labwor otero mon calo gin ma welle yot marom ki nyomo gi ki dyel acel keken ,cii pe itam ni wan bene otimo kumeno.
S. TADEO: Icako waco gin makit meno ikom kaka wa nining kun kaka wu ki latela ne ducu wubedo kaka pa adonyi.
SFX: MORE MURMURS OF DISCONTENT
S. TADEO: Adaa;obaare oo ki ikom joo wu ka odoko twon adonyi .Dok man dong oyaaro bwom wu pien wajolo wu kany i Bukulu.!
OWINY: Ibi culu pi yet ducu ma iyeto ni.
SFX: COMMOTION, BREAKING OF GLASS
S. TADEO: Aaa wunu ikom mutoka na wun luming ngi.Wa bi pwonyo wu maber.
SFX: MORE COMMOTION
ODONG: (SHOUTING) Tim ber ujuk lweny. Wa tyek lokki ki kuc.
N. MARGO: Pe atamo ni gitye ka winyo ne. (CRYING OUT) Ngat ma tye ki cim otim ber olwong Police.
4
SFX: TRANSITION MUSIC UP AND SLOWLY FADES OUT
SCENE III
LOCATION: SSALONGO TADEO’S HOME-AFTERNOON
B/G SFX: SOFT RADIO MUSIC
CHARACTERS: SSALONGO TADEO, WAYO DORA
S. TADEO: (LAUGHS) Ganga ikare ducu tye twolo pi wele, wayo Dora.
S. DORA: (LAUGHS LIGHTLY) Pi ngolo dogi,abino mere ka nyutu cwer cwinya pi gin ma otime laworo.
S. TADEO: (DULL) Oh adaa,obedo rac tutwal.
S. DORA: Rac keken ! enoni nok.Ladit kaka pa ludak onywaro kaka labwor.Dok enoni weng obedo pi bal pa Nurse Mildred,en ki yub -be me lago nywal ni.
S.TADEO: Ento gin ma otime aye lweny ikin kaka aryo kit ma ingeyo ni,dok lewic omako wan weng.Cii cako bedo bal pa Nurse Mildred nining?
S. DORA: Won rut ,kaka pa ludak ni tek.Gin oloyo wa ki ryeko gi pe me donyo i yub me lago nywal dok laworo gu nyutu botwa kit ma pire tek tutwal me bedo ki wel dano mapol.
S. TADEO: Pe atye ka niang lokki,wayo Dora.
S. DORA: Kaka pa ludak gugoyo coo wa calo awobe pien wel wa onongo nok ka iporo ki meg gi madit ataa.
S. TADEO: (PAUSE) Wayo,Pe amito yee lokki ni ento twero bedo adaa.Kono nongo wel dwong kono wa cwalo luming ngi ikabedo gi.
S.DORA: Enoni aye lokka.
S.TADEO: Tek cwiny ludak ma luming ngi.Gubalo kwero kwan pa Odong.Ento atimo tek me neno ni gubuto i jela police.
S. DORA: Eeeeh, can pa laco ni.Kica maka ikome,Pe itwero bedo ki wodi ma kwero tyeko kwan ne inino ducu.
S. TADEO: Tutwale i Bukulu kany.
5
S. DORA: Pe ngat mo onyo gin mo omyero ongele i yub ma kit man.Ingeyo,kadi wa kot pe cwer ikodi yub me kwer makit man.
S. TADEO: Inge gin ma otime laworo ni,atye ki lworo ikom anyim pa kaka wa kit ma kaka pa ludak tye ka mede ki donyo i ngom wa.
S.DORA: Itye ki twero ducu me bedo ki lworo.
S. TADEO: Lworo ne tye ni wel wa nok tutwal me lweny ikom kaka pa jo ma odak kany.
S.DORA: Ento pingo pe itimo gin mo iye me kaka bedo ki lworo keken.?In ibedo ladit kaka pa labwor kulu.Tii ikom dako Nurse Mildred ni!
S. TADEO: (UNSURE) Onongo kulu pe abedo ka niang ni Yub me lago nywal pa Nurse Mildred ni twero kelo peko makit man.Pingo kono pe ikelo lokke wa con.?
S.DORA: Ento abedo ka waco ki joo ducu me Bukulu ni lago nywal rac.
S. TADEO: Ayee ni gitye ka loyo wa.Dok inge gin ma laworo,pe angeyo ngo matye anyim ki kaka labwor?
S. DORA: Won rut,cwinya yom ni dong itye ka niang jami iyo maber loyo.An atye kany me konyi ki rweyo dano wek wa jwaa kaka pa ludak,gin obedo kaka pa adonyi.Abi lwongo jo wa ducu.
S. TADEO: Apwoyo tutwal wayo Dora,Diiro lokki bimite tutwal i rweyo kaka wa.
S. TADEO: Ku Won rut,in aye omyero ilok kwed gi…calo laco,rwot pa jo labwor kikome.
SFX: TRANSITION MUSIC UP AND OUT
SCENE IV
LOCATION: BUKULU MARKET SQUARE-AFTERNOON
B/G SFX: CROWD MURMURS
CHARACTERS: WON RUT TADEO, WAYO DORA, OCHEN
SFX: CROWD HAS GATHERED AND THEY ARE RESTLESS FOR S. TADEO TO SPEAK TO THEM
6
S. DORA: (WHISPERS) Wek alok kwed gi ,Won rut,Tadeo.Angeyo gin ma abiwaco.Nyuta keken botgi cii an angeyo ngo me atima.…
S. TADEO: (WHISPERS) Apwoyo. (ALOUD) Mon ki coo me awora,ma pwud pe amede ki lok,wayo Dora tye ki lok ma mito waco bot wu.
S. DORA: (WHISPERS) Apwoyo. (ALOUD, OFF MIC) Lu kaka na,jo labwor.Kityeko monyo wa;Kaka pa ludak ni tek tutwal.
SFX: MURMURS OF DISCONTENT FROM CROWD
OCHEN: (WHISPERS ON MIC) Baba,abedo ka tamo ni in aye ilwongo kacoke ni ,pe waya Dora.
S. TADEO: (ON MIC) In ingeyo wayo Dora do,en mito loyo jami weng.En bene ngeyo lok dok wan ducu wan acel.
S. DORA: (OFF MIC) Gitye ka mito jwero wan ducu.Gin dong gutyeko donyo i ngom wa,gu monyo rwot wa ,Won rut Tadeo ki jo ode, dok gitye ka mede ki cayo wa.
SFX: CROWD IS GETTING HEATED UP
S. DORA: Dok magi weng tye ka time pi Nurse Mildred ki yub-be me lago nywal ni.Wel wa dong nok tutwal ma pe wa romo gwoke ken wa, pien wa yee tic ki yat kwir ne me lago nywal ne ni.Wa bedo calo atudu ma bedo mere mot.
OCHEN: Ento Baba…
S. TADEO: Angeyo,Ochen.En tye mere ka oto mony ento atim ngo?
S.DORA: Omyero wa lweny ikom yub-be me lago nywal ni.Omyero wa nywal wek wel wa omede ,wek wa lweny ikom ludak ni.
SFX: CROWD GOES WILD CHANTING
SFX: TRANSITION MUSIC UP AND SLOWLY FADES OUT
SCENE V
LOCATION: SSALONGO TADEO’S HOME-MORNING
B/G SFX: MORNING BIRDS SINGING
7
CHARACTERS: WON RUT TADEO, ODONG
ODONG: (ON MIC) Lok pa waya Dora ni pe obi tiyo matwal,Baba.Ento obi neko wa aye..
S. TADEO: Winy ,woda Odong,pe amaro tam pa wayo Dora ni ento lokke ni tye adaa.
ODONG: Lok ango ma en tye ka waco ni?
S. TADEO: Kaka pa ludak ni gu obwoyo wa oo.Gipol loyo wa dong!
ODONG: Ma dong itamo ni bito kaka labwor me kwero lago nywal obi konyo wa? Nurse Mildred obedo but lagam me cobo ne ento pe obedo peko.
S. TADEO: (SHOCKED) Wiyi aye obale!?
ODONG: Wa mito jo odi ma nok pe ma wel gi dwong.Wa mito wel lutino ma nok me apita ikin lwak ma kany,pe mapol.
S. TADEO: (GRAMBLING) Pe atwero yee lokki.Woda ma pwud otyeko kwan atyeka tye ka cwako yub me lago nywal.An anywalo lutino 8.Dok gin ducu gubedo awaka na…lonyo wa dok teko wa.
ODONG: Ento ngom ma itye kwede omyero ipok ikin wan 8 ducu,Baba.
S. TADEO: Kumeno kikome! Jo ot mapol obedo kal ker ma jo odi ma tino woro.Teko tye iwel dano!
ODONG: Dong ineno kit ma kaka pa ludak tye ki lwak dano dok kumbedi gitye ka lweny ikin gi kengi dok gitye ka donyo ingom wa.
S.TADEO: En enno kikome! En aye oweko wa mito lutino mapol bene wek ngat mo pe odony i ngom wa.
ODONG: Ento dong iniang telokke? Mede pa wel dano,aye bene mede pa laara ngom,watye ki laara madok ikom pii..dok cokcoki dano obi cako tamo pi kwalo luwot gi pi yenyo kwo.
S. TADEO: Pe wa romo yee ki ludak me loyo kany!
ODONG: Cii dong ludak ni gitye ki lutino mapol.Kaka labwor bene tye ki lutino mapol.Cii jami weng dong bale abala.Weng!
S. TADEO: In pe itwere ,Odong,ingeyo bene?
ODONG: Nurse Mildred oolo tye ka neno ni jami odoko ber pi dano ducu.En pe tye ka lweny pi ngom onyo lonyo mo.
8
S. TADEO: Dong iloko ikom Nurse Mildred oromo. Pe itye ka neno ni lago nywal mingo ne ni obi neko jo wa ducu?
ODONG: Ki woro ducu,Baba, pwud pe iwinyo gin ma awaco.
S. TADEO: Man dong itye ka waco ni ita oding!
ODONG: Gin ma atye ka waco aye ni,kaka labwor ki adonyi ni ducu omyero guniang ni ka wel wa omede cii peko wa bene mede.Yo me monyo dano ma iyero ni,Baba, obibalo jami mabeco piri weng.
S. TADEO: Ingeyo,twora abedo lading it me ka winyo kodi loki ni.Pe atwero yee ni aculu kwan ni pi lwak kare ni ducu me balo tam wiyi.Tim Ber iweka kena.
ODONG: Ber. (MOVING FROM MIC) Imito kwan ki bedo ki wodi ma okwano degree ento pe iyube pi niang gin maber ma okati ki ikwan ne;Dok ka imito ngeyo gin ma akwano , cii obedo ni bedo ki wel dano mapol onyo jo ot mapol ni pe obi cwalo wa kamo.!
SFX: TRANSITION MUSIC UP AND OUT
SCENE VI
LOCATION: SSALONGO TADEO’S HOME-AFTERNOON
B/G SFX: SOFT RADIO MUSIC
CHARACTERS: WAYO DORA, WONRUT TADEO
S. DORA: (EXCITED) Ento enoni weng dong otum,Won rut.Waciti.
S. TADEO: Wacit kwene,wayo?
S. DORA: Dano tye ka kuri.Abedo ka longe ki wot odiko weng ,ka rweyo dano me kwero Nurse Mildred ki yub me lago nywal ne ni.
S. TADEO: (STUTTERS) Pingo pe imede kwede? Pe awinyo maber.
S. DORA: Tima kica,Won rut. Twero bedo malaria, Abi yenyo yat kwaro mogo.Pi cawa ni kong ibin imii lok manok ma cuku cwiny dano,pi cako yub wa.
. TADEO: pe enoni keken wayo,atamo ni omyero kong atam lokke odoco pi nino manok.
S. DORA: Tamo ne odoco? Gin ango ma mito tam odoco?Itye ki tam mapat?
9
S. TADEO: Kakare,I lok adaa,atye kwede.
S. DORA: Won rut!Ka obedo pi bito dano keken ,cii an atwero,pe ipar.
S. TADEO: Abedo ka lok ki woda.
S. DORA: Cii..? Enoni lok manyen?
S. TADEO: Odong tamo ni omyero wa bit kaka mukene ni me tic ki yo me lago nywal.…
S. DORA: Gin auura! Pe atwero yee lokke..
WON RUT TADEO:Ka atwero lok ki Mzee Olum cii wa winye…
S. DORA: Ngo ! Imito kaka pa adonyi ni me nyeri calo laming?
WON RUT TADEO: Pe kumeno.
S. DORA: Imito bolo tekwaro ni pien wodi Odong dong odwogo ki tam manyen?
S. TADEO: Tim ber kong iwinya wayo,gin …
S. DORA: Pingo dong iywaya i twon lewic ni ka onongo ingeyo ni pe obi time?
S. TADEO: Ento pe aywayi……/
S. DORA: Man ngo dong ma omyero awac ki dano? Ni iloko tam-mi?
S. TADEO: Pe amito ilok me kakara ,wayo Dora. An abiloko pira kena.
S. DORA: Ingeyo ngo? Pe atye ki cawa pi coo ma pe moko tam gi.
MILDRED: (AS NARRATOR) Eni aye obedo gin ma obedo tek loyo ki Won rut Tadeo;En obi winyo lok pa wode Odong onyo wayo Dora? Gin aryo ni ducu gubedo ki tam ma ocwiny.Won rut Tadeo onongo ngeyo ni en omyero kong ocak ki keto miti pa joo ne anyim.Inino mo anyim en orwate ki Mzee Olum.…
SFX: TRANSITION MUSIC UP AND SLOWLY FADES OUT
SCENE VII
LOCATION: MZEE KAYONDO’S COMPOUND-MORNING
B/G SFX: MORNING BIRDS SINGING
10
CHARACTERS: MZEE OLUM, WON RUT TADEO
M. OLUM: Pe atye ki cawa pi lakodi tuku ni ni ,Won rut, ka itamo ni bwunyu matye i lemi ni obi bita cii iwang.
WON RUT : Tim ber, Mzee Olum, Abino ki kuc.En aye omiyo atingo pot oboke olwedo.
M. OLUM: Wek agen kumeno pien an wani joo na wa ool ki tero wa iyo marac pien ni wan ludak.
WON RUT : An pe atye kany pi cupu dano me bedo ki cwiny marac.
M. OLUM: Waca kong,tero kare marom mene ki lwak ma kany me jolo dano ki miye woro med ki tere macalo dano?
WON RUT : I lok adaa, Mzee Olum,enoni aye tyen kop ma okela kany ka neni.
OLUM: Woro ki joo na?
WON RUT : Ineno ,dong aniang peko ma tye i Bukulu,cii abino kany boti ma calo latela kaka lawota , me yenyo yo me cobo gi.
M. OLUM: Hmm. Abi yee lokki ni. (SCEPTICAL) Tam ango matye iwiyi?
WON RUT : Dong iniang ni mede pa wel wa aye kelo mede pa laara ngom med ki jami mukene.
M. OLUM: Eyo..macalo?
WON RUT : Yadi…Gitye ka tum oyot.Pii maleng me amata tye ka doko nok.Lutino wa tye ka pyem apyema pi kwan.Agiki pa laara matye ikin kaka na ki megi pe –Dok angeyo atir ni tele ki laara pol ikin wa ken wa.
M.OLUM: Meno adaa.Ibi cobo lokke nining?
WON RUT : Omyero wa juk medo wel wa,ikin kaka ni ki mega.
M. OLUM: Oh dong aniang,ineno ni wel kaka wa obwoyo megi cii ikati ki ryeko ni me jwiko wel wa.
WON RUT : Kulu , Mzee Olum.
M. OLUM: Wek dong ijwer wan ducu.!
11
WON RUT : (PERSISTING CALMLY) Macalo rwodi kaka, omyero warib cing wa me pwonyo Bukulu ikom lago nywal,ka pe cii anyim pa kaka wa ducu tye i peko.
M. OLUM: Alego kwari wa okonyi.Ka itamo ni itwero lokko te kwaro wa ,cii ipoto.
WON RUT : Ento eni pe tye iye gin mo …
M.OLUM: Winy kong, dok winy maber,Won rut Tadeo. An, Mzee Olum,kulu pa abi cayo tekwaro pa kwaro wa.
WON RUT : Enoni aye gin ma pe iniang maber Mzee, lago nywal pe obi cayo tekwaro ento konyo i gwoko gi.
M: OLUM: Nen kamaleng ni pe iniang kulu.Tim ber i aa oo ki idye kal-la dok pe idwog kany ka ingeyo gin maber piri.
SFX: TRANSITION MUSIC UP AND OUT.
SCENE VIII
LOCATION: HEALTH CENTER-AFTERNOON
B/G SFX: DISTANT CRIES OF CHILDREN
CHARACTERS: WON RUT TADEO, NURSE MILDRED, ODONG
MILDRED: Won rut, Kizza, pe amito kit peko mo.
WON RUT : Pe wabino kany pi peko, Nurse Mildred.
ODONG: Pe ipar, Nurse Mildred. Baba na mito kony.
WON RUT : Nurse Mildred, wa bino kany me penyi wek ipwony kaka pa ludak ikom lago nywal.
MILDRED: (SURPRISED) Ngo?
WON RUT : Ka peko gi omede ,cii peko wa bene mede.
MILDRED: Ber alegi gum.Atemo lok ki Mzee Olum ento… wek awac ni kite tek.
WON RUT : Wangeyo.En pe mito ki gude.Ento aniang ni en labal.Dok an laco ma maro tic ki lok adaa Nurse Mildred.
MILDRED: Kakare,ento wek kong apenyi won rut.Ngo ma oweko iloko tam-mi?
12
WON RUT : Odong en; En pwud otyeko kwane atyeka ikit me dongo lwak,En aye oyabo wanga pi neno peko matye i Bukulu dok obolo katala iwiya me bedo lagam ,pe me medo peko ne.
MILDRED: Odong,enoni aye bedo ki tek cwiny.Pola jo ma tyeko kwan gi Uganda gitwero kwanyo lanyut ki boti.
WON RUT : Cwako yub me lago nywal.?
MILDRED: Dwogo cen bot lwak ka cako tic ki ngec ma gupwonyo me ka rweny oo i city.
WON RUT : Enoni aye woda.En dong omoko ni kwan obedo mola ma ryeny.
MILDRED: Pe tye gin makato meno.dong eni aye acaki ne…tic kacel.Ajolo gum man me tic kwedi kacel,Won rut, Tadeo.
WON RUT : Cwinya yom.Macalo latela kaka,angeyo ni jami ducu mabeco ma wa timo i lobo ni cake ki pito kodi latin kodi….
SFX: TRANSITION MUSIC UP AND SLOWLY FADES OUT
SCENE IX
LOCATION: SSALONGO TADEO’S COMPOUND-AFTERNOON
B/G SFX: CRIES OF DOMESTIC ANIMALS
CHARACTERS: WON RUT TADEO, ODONG, MZEE OLUM
SFX: CAR STARTS
ODONG: En enno,odoko gin ma nyen.
WON RUT : (ABSENT MINDED) Eyo.
ODONG: Lu makanika ni gitiyo oyot tutwal,gu wero dashboard dok pe itwero ngeyo ni kiketo maraya magengo yamo mapat.
WON RUT: (ABSENT MINDED) Adaa, Odong.
ODONG: Baba ,itye maber?
WON RUT : Atye maber.
13
ODONG: Pwud itye ka paro kit ma Mzee Olum okwero kwede lok ki kaka ne pi lago nywal,pe kumeno?
WON RUT : (SIGHS) Kakare.
ODONG: Wek atiti lok ma obi yomo cwinyi.Lokke tye ikom jo odi aryo.Acel onongo tye ki lutino mapol kun mukene tye ki lutino manok.
WON RUT : In ki lokki ni.Ber dong ngo ma otime?
ODONG: Jo ma onongo lutino gi pol ni gupoko jami gi ducu ma pe gudong ki gin mo,ka jo ma lutino gi nok gutiyo ki yweka gi ki ryeko pien onongo obedo macalo lonyo gi.
WON RUT : (LAUGHS LIGHTLY)Winyo mit.
ODONG: Kakare,ento kom lok tye ni bedo ki jami manok matye i rwom ma malo ber loyo bedo ki jami mapol ma pe konyo.Kaka ma mede oyot ma pe ki kero me nongo lonyo tye ki peko mapol….
WON RUT : Gin ma aparo en aye ni peko gi doko meg wa, dok ka pe wanongo yo me tic kacel , gubi bwoyo wa ma twal.…
M. OLUM: (APPROACHING MIC, CLEAR’S HIS VOICE) Won rut Tadeo, Amito waloki .Ka tami pwud tye iye…..
SFX: TRANSITION MUSIC UP AND OUT
SCENE X
LOCATION: HEALTH CENTER-MORNING
B/G SFX: DISTANT CRIES OF CHILDREN
CHARACTERS: WON RUT TADEO, MZEE OLUM, NURSE MILDRED
MILDRED: (LAUGHS) Cwinya yom me neno wun aryo ducu,Mzee Olum…Won rut, Tadeo..
MZEE OLUM : Nurse Mildred, Ka onongo Won rut Tadeo pe ogo dyel pa latin wa Owiny,kono onongo pe abino kany.
WON RUT : Kitumu dyel pi mato oput.
14
M. OLUM: Meno adaa.Atamo obedo ber tutwal ni aloko ki Won rut ikare ma atamo matut pingo kiryemo wa ki ingom kwaro wa ,cii wacako bino i Bukulu.Pe dong wa twero dok cen, dok man dong inge mwaka mapol,wa cako dok en kodi tim acel-li i Bukulu kany.
WON RUT : Dok ka pe wa gwoke cii wan ducu wabi deno can i Bukulu.
MILDRED: Dong… atye kany pi cako lweny ikin kaka wu –kece pi mato oput?
M. OLUM: Wan ducu wa mito donglobo.
MILDRED: Cii dong otamo ni ‘’dongo lobo’’ obedo ngo?
WON RUT : Wa mito jwiko rwom ma watye ka nywal kwede….wek wa lag kin ne.Ento pi timo meno,omyero wa pwony dano ducu matye i Bukulu.
M. OLUM: Pwonyo dano ni ka coo ki mon gu jwiko wel lutino ma gitye kwede,cii gitwero winyo mit pa kwo,gi twero cwalo lutino gi i kwan,pito gi maber ki neno ni komgi yot.
WON RUT : Ki me dwoko wel dano piny wek ojuk laara matye pi lonyo manok ma watye kwede.
MILDRED: Enoni ber tutwal.Dano winyo lok dog lutela gi.
M. OLUM: Nurse Mildred, giwinyo lok pa lutic me yotkom bene.Timber ibin ilok ki joo na pi lago nywal. Itwero tito botgi jami ma pe angeyo.…
MILDRED: Cwinya obibedo yom me timo ne.
WON RUT S: Dong, Mzee Olum obibedo ki gum me nongo ngec kiboti ma an wani joo na pwudi?Kun tam-me mega.…
MILDRED: Won rut Tadeo, omyero wa cak ki kamoni.Cwinyi pe yom ni Mzee Olum obicako tic ki tam ma imiyo?
WON RUT S: Abedo ka ngallo lok, Nurse Mildred. Cwinya yom tutwal… An wani Mzee Olum oolo dong wa cako tic kacel..
MIILDRED: (AS NARRATOR) Dong iyo ma kite opoke kumeno,anongo ni yub-ba me lago nywal tye ikin jami ma pirgi tego pi kelo dongolobo i Bukulu,dok okelo lutela me tekwaro kacel.Ma con onongo gubedo lumone ma pe wace,kumbedi dong gitye ka tic kacel pi ber bedo pa Bukulu. Ento magi ducu otime pi latin awobi ma nyinge Odong med ki awano ma dyel oto iye.Lutela kaka aryo ni gitye ka niang ni tekwaro twero lokke; ni ka gutiyo kacel cii gi twero jwiko rwom me mede pa wel dano wek owot kacel ki
15
rwom me dongolobo; Dok kare me bedo ki jo mapol ipaco dong okato. (SHE LAUGHS)…Pe obedo gin mayot ento deero ceng tye anyim.
SFX: TRANSITION MUSIC UP AND SLOWLY FADES OUT
OUTRO….
16
