· 2020. 2. 7. · ISCRIZIUNS 1°- 4° elementara: dai 2.3.2020 dales 20:00 dala 5° elementara insö: dai 3.3.2020 dales 20:00 ISTÉ DEBORIADA COOL SUMMER MY SUMMER LAUR DAVERT

ISCRIZIUNS1°- 4° elementara: dai 2.3.2020 dales 20:00

dala 5° elementara insö: dai 3.3.2020 dales 20:00

www.proiec.org

ISTÉ DEBORIADA

COOL SUMMER

MY SUMMER

LAUR DAVERT POR LA JONËZA

JABA

AZIUNS SINGOLES

Indesc

IMPRESSUM

Editur: Sorvisc ai Jogn Val Badia – pres. Nadja AlfreiderRedaziun: Valentin Erlacher, Verena Obojes, Barbara Tolpeit, Romina Zingerle, Manuela PlonerLetorat: Pablo PalfraderGrafica y layout: www.schtail.comStamparia: Pentagon OHG

Str. Picolin, 2239030 San Martin de Tor

Tel. 0474 523 070

[email protected]

orar d’ofizelönesc - jöbia

8:00 - 12:00

Cod. fisc: 92004490212

L’ofize resta stlüt dai 10 ai 17 d’aurí 2020

Ciasa dla Cultura - Str. Colz, 75 39036 La Ila

0471 188 [email protected]

orar da d’invernmercui, 14:00 - 19:00

vëndres, 15:00 - 22:00 sabeda, 17:00 - 22:00

orar da d’isté (fora dal tëmp de scora)

vëndres, 17:00 - 22:00sabeda, 17:00 - 22:00

Sorvisc ai Jogn a Picolinvigni secundo y cuarto mercui dl mëis

(9:30-11:30)

SaJ.un a La Ilavigni secundo y cuarto vëndres dl mëis

(13:00-15:00)

un

SORVISC DE CONSULËNZA POR JOGN, JONES Y GENITURS

COOL SUMMER (5° elementara - 2° mesana) 20

MY SUMMER (3° mesana - 2° alta) 43

JABA dai 13 ai 19 agn 48

Barbara 342 84 10 721

SORVISC AI JOGN VAL BADIA 4

INFORMAZIUNS 6

ISTÉ DEBORIADA (1° - 4° elementara) 16

Proiec

AZIUNS SINGOLES 8

LAUR DAVERT POR LA JONËZA 11

4

Sorvisc ai Jogn Val BadiaLe Sorvisc ai Jogn Val Badia é dal 1985 incá na istituziun por le sostëgn sussidiar ales porsones, ai grups, ales uniuns, ales assoziaziuns y istituziuns che se dá jö cun le laur por y cun la jonëza de nosta valada. Dlungia chësc operëiel sciöche rapresentanza di interesc dla sozieté y dla politica y sciöche interlocutur por les ghiranzes di mituns y di jogn.

Dal 2016 incá gestësc le Sorvisc ai Jogn Val Badia le Zënter dla Jonëza y dla Cultura “SaJ.un” che é da ciafé tla Ciasa dla Cultura a La Ila. Chësc é partí sö te trëi perts: le gran salf d’incuntada y manifestaziuns, le local da “boulder” y n local por bands da fá proes.Dal 2020 incá gestësc le Sorvisc ai Jogn Val Badia ince la ciasa di jogn “Ütia de Pütia” (www.ütiadepütia.com) sön Börz, adöm cun la Cöra da Balsan. Chësta strotöra pó gní adorada da grups y lies por mëte da jí süa ativité.

Raiun de laurDl raiun de laur dl Sorvisc ai Jogn Val Badia fej pert i cin’ comuns y les 12 ploanies dla Val Badia. Te chësc raiun ciara le Sorvisc ai Jogn Val Badia da ti jí adincuntra ai debojëgns y dejiders dla jonëza, cun l’aiüt de tröc volontars.

Team

Con

sëi

coordinadú

VerenaObojes

BarbaraTolpeit

educadëssa

ValentinErlacher

referëntaeducadëssa

Manuela Ploner

educadëssa

RominaZingerle

5

Por nüsc mituns y nosta jonëza... • laurunse fora y coordinun proiec y ativités;• acompagnunse y sostignun i volontars y i multiplicadus fora por i paisc te vigni

comun;• sostignunse y daidun impara tla creaziun de grups nüs; • metunse a jí proiec de prevenziun tles scores; • organisunse incuntades y coordinun la rëi che reverda le laur por y cun la jonëza;• coordinunse proiec y manifestaziuns spezifiches che i reverda;• se dunse da fá por n laur de publizité;• dunse consëis pro domandes burocratiches y iuridiches;• sunse de sorvisc sciöche mediadú por problems desvalis; • metunse a desposiziun de vigni sort de material informatif y injins;

N valgünes de nostes ofertes é:• sorvisc d’imprëst de material de documentaziun, de jüc, injins por organisé

manifestaziuns, sciöche ince de n pulmin y cotan d’ater;• acompagnamënt, educaziun y sostëgn di rapresentanc dles 44 uniuns mëmbres

che laora fora por i paisc;• organisaziun autonoma o en colaboraziun cun d’atres istituziuns de proiec sciöche

“Isté deboriada”, “Cool summer”, “My summer” “Laur davert por la jonëza”, “JABA”, “Edema di jogn” o musicals cun mituns o jogn y i.i.;

• organisaziun de cursc de formaziun o manifestaziuns sciöche le “Dis de preparaziun al maridé” o la “Festa dla majera eté”;

• colaboraziun cun uniuns di mituns y jogn te de plü aziuns de benefiziënza, sciöche p.ej. “calëndri d’Advënt dla SKJ”, “aziun di Trëi Rêsc”;

• pröma consulënza por temesc che reverda la jonëza;

Nadja A

lfreider

presidën

ta

Dennis Schanung aconsiadú

Giuliana Clara assistënta spirituala

Carolin Pitscheider aconsiadëssa

Nadine Miribung aconsiadëssa

Elias Aichner aconsiadú

Paul Pisching vizepresidënt

SaJ Val BadiaSaJ Val Badia

6

InformaziunsLETÖRAPor scemplifiché la letöra dla brosciüra vëgnel ma adoré la forma maschila.

ISCRIZIUNSL’iscriziun a un di programs por les vacanzes da d’isté organisá dal Sorvisc ai Jogn Val Badia pó ma gní fata online sön le sit www.proiec.org.Da atira pól gní ajorné i dac dl account dl ann passé o fat n account nü, da pert dl autorisé al’educaziun o dal partezipant sce al á arjunt i 18 agn. Sce valgügn adora aiüt, pól passé te ofize dl Sorvisc ai Jogn Val Badia a Picolin o telefoné tratan i orars d’ofize.

PRÖMA FASA DLES ISCRIZIUNSDal lönesc, 2 de merz 2020, dales 20:00: 1° - 4° classa elementaraDal mertesc, 3 de merz 2020, dales 20:00: dala 5° classa elementara insöAnter la domënia, ai 8 de merz 2020, dales 24:00 mëssel gní arjunt le numer minim de partezipanc, scenó vëgn l’ativité spostada o desdita.

OCIO: Pro i proiec “Isté deboriada”, “Cool summer” y “My summer” él te chësta fasa ma la poscibilité da iscrí le partezipant a döes edemes definitives (tan inant che al é lerch). Pro les atres edemes rovará le partezipant te n pröm momënt sön la lista d’aspeta y ciafará na con-ferma, tan inant che al é lerch, ai 9 - 10 de merz 2020.

SECUNDA FASA DLES ISCRIZIUNSLes iscriziuns ai proiec pó gní fates anter le mercui dl’edema dan le scomenciamënt dl’ativité, tan inant che al é lerch, adinfora de chës ativités olache al é dé dant atramënter.

MITUNS CUN DEBOJËGNS PARTICOLARS Por podëi garantí na buna integraziun di mituns cun debojëgns particolars, gnarál metü a desposiziun n animadú implü tl grup. Por podëi assiguré n bun acompagnamënt, periunse i geniturs di mituns cun debojëgns particolars da i iscrí anter i 08.03.20. Sce l’iscriziun vëgn fata do chësta data, ne pó l’acompagnamënt individual nia plü gní garantí.

NUMER LIMITÉ DE PARTEZIPANCPor motifs de organisaziun, vëgnel dé dant n numer minim y mascim de partezipanc, indiché pro vigni proiet. Les iscriziuns é por motifs de organisaziun obliëntes y ares ne pó nia gní modificades.

CONTRIBUT D’ISCRIZIUNDo avëi fat l’iscriziun sön la plata internet www.proiec.org vëgnel mené, sön la misciun e-mail dada dant, le cunt cun i dac por le paiamënt.

IMPORTANT: por les iscriziuns fates tla pröma fasa (dai 2 ai 8 de merz 2020), gnará le cunt mené ai 9-10 de merz 2020.Tratan chisc dui dis ne sarál nia la poscibilité da fá na iscriziun. Le paiamënt mëss gní fat anter 3 dis de calënder do la data dl cunt, scenó vëgn l’iscriziun anulada.Sce le paiamënt vëgn fat regolarmënter y la prenotaziun é definitiva, vëgnel mené na e-mail de conferma.

CUNT BANCARLe paiamënt pó ma gní fat sön nosc cunt dla CASSA RAIFFEISEN, don dant la motivaziun indicada sön le cunt!

Sorvisc ai Jogn Val BadiaCassa Raiffeisen Val Badia - Filiala da San Martin de Tor

IBAN: IT 22 F 08010 58830 000304010353

LISTA D’ASPETASce al é pro n program bele gnü arjunt le numer mascim de partezipanc, él la poscibilité da se lascé mëte sön na lista d’aspeta. Sce n partezipant ess da tomé fora, ti gnarál comuniché al pröm dla lista d’aspeta y chësc pó regolarisé l’iscriziun, fajon le paiamënt.

ANULÉ LE PROGRAM Y STORNODo che l’iscriziun é gnüda fata y le contribut é gnü paié ite, n’él por rajuns de organisaziun nia plü meso da anulé l’iscriziun y/o da ciafé zoruch na pert o döt le contribut de partezipaziun. Ma tl caje de maratia gnará le contribut de partezipaziun retü deplëgn, tan inant che al vëgn presenté n zertificat dl dotur.

PRIVACYCun l’iscriziun vëgnel conzedü le consëns al tratamënt di dac personai tla cornisc dla gestiun di programs a öna cun les normes varëntes sön la proteziun di dac aladó dl art. 13 dl’Uniun Europeica 2016/679.

ASSIGURAZIUNTratan la desfirada di programs é i mituns assigurá por responsabilité zivila, dit plü avisa por danns cuntra terc (Haftpflichtversicherung) cina a n import de 5.000.000€. Al n’é nia preodü na assiguraziun sce zacai se fej me (Unfallversicherung). Sce Os Ves dejidrasses chësta assiguraziun, Ves periunse da la stlü jö privatamënter.

7

SaJ Val BadiaSaJ Val Badia

AZIUNS SINGOLES

Por chi che á ligrëza da ester sön paladina y jobelné, pitunse n curs da fá teater cun Erika Castlunger. Te chisc dis podaraste ciaré ite tl monn dl teater, y adöm cun d’atri jogn, jí ite te personaji desvalis. Al te aspeta tröp devertimënt y dessigü ince amizizies nöies.Ala fin dl curs gnarál fat na picera rapresentaziun, olache tüa familia y tü amisc podará gní a te ciaré sciöche dër atur sön paladina.

4.3./11.3./18.3./25.3.20 (4 iadi de mercui)Curs de teater cun Erika Castlunger

Consulënza tl marcé y tl monn dl laurAZIUNS SINGOLES

N’aste nia ciamó les idees tleres sön ci fá tratan les vacanzes da d’isté? Este interessé a n practicum o val’ pice laur che te dëida ciaré ite tl monn dl laur? Ne saste nia olá jí a te informé y olache te ciafes les dërtes informaziuns?

Sciöche ara é bele da plü agn, pitunse ince chësc invern indô la consulëza tl marcé y tl monn dl laur, che dess te ester de aiüt y te dé les dërtes respostes a tües domandes. Adöm cun le consulënt Giorgio Costabiei poste te informé y odëi ci che foss adaté por te y tü interesc. Al te dará informaziuns sön posć de laur o practicums tla Val Badia por studënc, formes de paiamënt y de assiguraziuns, consëis de co fá domanda do n laur, co ciafé le post adaté por te y i.i. Tol chësta poscibilité y ví a te informé!

Te podaras baié singolarmënter cun le consulënt. Al n’ó ester degöna prenotaziun.

en colaboraziun cun:

Orar: dales 16:00 ales 17:30Post: Picolin, sënta dl Sorvisc ai Jogn Val Badia

Por che: jogn, studënc y genitursCost: debann

Consulënt: Giorgio Costabiei

Vë, 28.2.20

Orar: dales 16:00 ales 18:00Post: Zënter dla jonëza y dla cultura SaJ.un – La Ila

Por che: jogn/jones dla scora mesanaCost: 10,00€

Iscriziun: te SaJ a Picolin Termo d‘iscriziun: vëndres, ai 28 de forá

Referënta: Erika Castlunger Partezipanc: min. 6 - max. 15

AZIUNS SINGOLES

…danter jogn de Gherdëna, de Fascia y dla Val Badia. Al gnará soghé partides da 10 menüc l’öna, te scuadres da 5 sogadus danter i 11 y i 16 agn. Tratan les par-tides sarál ince n program alternatif de jüc da zircus. Sciöche pröm pest sarál… N JORE cun Elikos, adöm cun döta tüa scuadra!! No te lascé sciampé chësta ocajiun y scriete ite!

Jöbia, 09.04.2020

Torné de Calceto XXL dles valades ladines

Orar: dales 9:00 ales 15:00Post: palestra dla scora mesana da La Ila, premiaziun te SaJ.un

Por che: jogn y jones danter i 11 y i 16 agn (scuadres da 5 sogadus)Iscriziun: Barbara Tolpeit (3428410721) un n sogadú scrí ite döta la scuadra

Termo d‘iscriziun: sabeda, ai 4 de aurí Cost: 5,00€ a partezipant

Tl prisc laite: ativités y marëna

98

Aziuns singolesAziuns singoles Aziuns singoles

Laur davert por la jonëza

LAUR DAVERTLö, 24.08.20 - Vë, 28.08.20AZIUNS SINGOLES

Sciöche bele ti ultims agn, vëgnel ince tl 2020 indô pité n curs por s’arjigné ca al ejam de trilinguism, plü avisa al ejam de ladin.

Te chësta edema fajarunse deplü eserzizi por imparé da scrí y da baié bun le ladin dla Val Badia. I impararun la gramatica, l’ortografia y implü fajarunse ince val’simulaziun dl ejam scrit y a usc. Sce t’as porchël l’intenziun da fá l’ejam de trilinguism, pó chësc curs te oghé por t’arjigné ca.

IMPORTANT: L’iscriziun al ejam de trilinguism a Balsan mëss gní fata da vigni partezipant instës, sön la plata internet: www.provinz.bz.it. I aconsiun da se scrí ite adora assá, deache le tëmp de aspeta é de n valgügn mëisc.

INFORMAZIUN: sce t’as stlüt jö l’université y fat indöt 10 agn de scores ladines cun la matura ladina, dailó te vëgnel reconesciü le livel C1 diretamënter dala scora alta, olache te pos damané do le formular che mëss gní scrit fora y mené inant al Sorvisc Ejams de bi- y trilinguism da Balsan

Curs de preparaziun al ejam de trilinguism

Orar: dales 19:30 ales 21:00

Post: San Martin de Tor, Istitut Ladin Micurá de RüPor che: jogn y interessá dai 16 agn insö

Cost: 20,00€Termo d‘iscriziun: mertesc, ai 18 d’agost

Tl prisc laite: curs y materiai de laurReferënta Ulrike Frenademez

Partezipanc: max. 20

Le proiet “Laur davert por la Jonëza”, por i jogn dala 1° mesana insö, jará ince inant fora por l’isté, tl Zënter dla Jonëza y Cultura SaJ.un a La Ila. Tratan l’orar de daurida, le vëndres y la sabeda, dales 17:00 ales 22:00 ciafa i jogn y jones la poscibilité da s’incunté y passé so tëmp lëde adöm cun i compagns.

Implü ti vëgnel pité de vigni sort de ativités, olache ai pó tó pert y se devertí. Le proiet é debann y al n’ó ester degöna prenotaziun. An pó gní y jí canche an ó.


26.06 y 27.06 fá cocktails

03.07 y 04.07 beauty afternoon10.07 y 11.07 fá dlacin17.07 y 18.07 depënje sön spidl24.07 y 25.07 fá crema por les mans31.07 y 01.08 depënje sön lëgn07.08 y 08.08 jüc sön la Play Station

14.08 pastelné pëiasoms15.08 y 21.08 stlüt

22.08 fá la pizza28.08 y 29.08 bouldern

10 11

Aziuns singolesAziuns singoles


Laur davert - aziuns singolesPor l’isté che vëgn sarál la poscibilité da chirí fora danter deplü aziuns singoles, olache an pó se scrí ite a öna o deplü. Te chisc dis orunse ti dé la poscibilité a düc i jogn y a dötes les jones da fá val’ ativité en compagnia y passé momënc de devertimënt fora por l’isté, dantadöt ince a chi che ne pó nia tó pert a edemes intieres de proiec. Les acompagnadësesses sará Barbara Tolpeit y Verena Obojes.

LAUR DAVERT

Front, double, side…o ci saste pa ciamó da fá? Tl Easy Jump corëtes mai assá! Vi cun nos a trá salc y a te devertí. Dedó jarunse a Balsan, olache te pos jí cun tü compagns tl Twenty a marëna y a te cumpré val’, sce te os. Domisdé ia piunse indô zoruch cuntra ciasa.

Jö, 02.07.20Trampolinhalle Easy Jump y Twenty

Orar: dales 7:45 ales 17:00Post d’incuntada: i jogn po senté sö y gní fora pro la fermada dl bus de linia

dl paisc de residënza (por cambiamënc lascé alsavëi te Sorvisc ai Jogn)

Por che: 5° elementara – 2° scora altaCost: 30,00€ (12 bons JABA) + 2,50€ cialzines

Tl prisc laite: acompagnamënt, trasport, entrada EasyJumpInfo y program: gnará mená fora plü inant por e-mail

LAUR DAVERT

N pü’ d’ega y devertimënt tla nodadoia da Porsenú é dessigü le dërt por te desfridé jö dal cialt dl isté. I jarun deboriada a Porsenú, olache te podaras te gode l’ega, la slisora, le pre por sté a sorëdl y n bun dlacin.

Jö, 16.07.20Acquarena a Porsenú

LAUR DAVERT

Orar: dales 13:00 ales 18:30Post d’incuntada: Sorvisc ai Jogn, Picolin

Por che: 5° elementara – 2° mesanaCost: 30 €

Tl prisc laite: acompagnamënt, trasport, rafting cun i esperc, atrezadöraInfo y program: gnará mená fora plü inant por e-mail

Orar: dales 9:00 ales 17:30Post d’incuntada: i jogn pó senté sö y gní fora pro la fermada dl bus de linia

dl paisc de residënza (por cambiamënc lascé alsavëi te Sorvisc ai Jogn)

Por che: 5° elementara – 2° altaCost: 20,00€ (8 bons JABA)

Tl prisc laite: acompagnamënt, entrada nodadoia, dlacinInfo y program: gnará mená fora plü inant por e-mail

Sce te chires l’adrenalina, spo vi cun nos a fá Rafting. I acompagnadus dl Rafting Club Activ é competënc y te lasciará cinamai salté tl’ega frëida che vëgn dai dlacias y passa fora por la Val de Türesc. Cun guant adaté, elm y cialzá apos-ta, gnaraste atrezé por vire n’aventöra che te ne te desmentiaras nia tan snel.

Jö, 09.07.20Rafting

Iscriziuns a chëstes aziuns: dal MERTESC 3 de merz dales 20:00

1312



LAUR DAVERT

LAUR DAVERT

Vístete guant de chël che al n’é nia sciode, cialzá da sté saurí y vi cun nos a Balsan a fa na sbalinada de corusc! I jarun a soghé a Paintball, n sport de scuadra, olache le devertimënt é garantí. Dedó jarunse inant cuntra Kaltern, por jí sön la spona dl lech a palsé denanche gní zoruch a ciasa.

Jö, 27.08.20Paintball a Balsan y Lech da Kaltern

LAUR DAVERT

Orar: dales 16:00 ales 19:30 Post d’incuntada: Sorvisc ai Jogn, Picolin

Por che: 5° elementara – 2° mesanaCost: 20 €

Tl prisc laite: acompagnamënt, trasport, dlacin, entrada LasergameInfo y program: gnará mená fora plü inant por e-mail

Orar: dales 9:00 ales 18:00Post d’incuntada: Sorvisc ai Jogn, Picolin

Por che: 3° mesana – 2° altaCost: 30,00€ (12 bons JABA)

Tl prisc laite: acompagnamënt, trasport, entrada PaintballInfo y program: gnará mená fora plü inant por e-mail

En chësc de jarunse naota a se renforzé pro n bun dlacin a Bornech te cité y dedô a Raiscia. Te plejel ince a te le jüch dl combatimënt? Le Lasergame é avisa le dërt por te! Cun n stlop a laser che fej löms de vigni corú y l’aiüt de tü compagns de scuadra, poste porvé da stlopeté jö la scuadra aversara. La tecnologia moderna pormët da cumpedé tan de boc che á atoché n aversar y tanc che é jüs dlungia ia. La competiziun y le devertimënt stá al zënter de chësta ativité.

Jö, 23.07.20

Lasergame a Raiscia y dlacin a Bornech

Mertesc, 01.09.2020

Por stlü jö l’isté, ne pól gnanca en chësc ann mancé “Gardaland by night”. No te lascé sciampé chësta ocajiun y tol pert adöm cun tü compagns a na sëra plëna de devertimënt. Tl plü gran parch de devertimënt dla Talia te aspeta n gröm de atraziuns - da munts rusces, ega cina al chino 4D. Vi cun nos a fá chësta esperiënza che restará ciamó di te tü recorc.

IMPORTANT: Tl parch podará i partezipanc se devertí autonomamënter cun sü compagns.

Gardaland by night

ORAR BUS

12:30

CALF

OSCH

Luian

ta y C

assa

Raiffe

isen

12:40

CORV

ARA

Sport

Kostn

er

12:50

LA IL

A

Hotel

Ladin

ia

13:00

PEDR

ACES

Ciasa

de Co

mun

13:10

PIDRÔ

Hotel

Posta

13:20

SAN M

ARTIN

DE TO

R

Incruj

ada P

iculin

13:30

LONG

EGA

Bastl

I piun zoruch da Gardaland sö dales 23:30, por rové a Calfosch dales 3:00 za.

Por che: jogn dla scora mesana y altaCost: 40,00€ (16 bonns JABA)

Tl prisc laite: iade y entradaAcompagnadus: animadus dl Sorvisc ai Jogn Val Badia

Partezipanc: max. 80Info y program: gnará mené fora por e-mail plü inant

1514


Le “Isté deboriada” é n proiet por i mituns che á frecuenté tl ann de scora 2019/2020 dala 1° ala 4° classa dla scora elementara. Tratan l’isté vëgnel metü da jí deplü edemes de proiet fora por düc i paisc dla Val Badia. Al ti vëgn pité ai mituns ativités desvalies sciöche por ejëmpl cujiné, pastelné y de vigni sort de jüc. Dl program fej ince pert jites tla y fora dla Val Badia, olache le contat cun la natöra ne manciará nia. Tles edemes de proiet ciafa i mituns la poscibilité da passé so tëmp lëde adöm cun sü compagns, olache ai vëgn acompagná da personal pedagogich istruí, che ti dá la poscibilité da fá esperiënzes nöies. N gran fin te nosc laur é chël da ti dé lerch a düc i mituns y sü debojëgns. Tres le grup pó le möt amplié sües competënzes y se svilupé te süa personalité.

Por i geniturs che scrí ite i mituns cun debojëgns particolars (fisics, psichics, soziai o ater), lasciunse alsavëi che al gnará fat na incuntada dan le proiet por imparé da conësce miú le möt y sües esigënzes. Tres chësta incuntada podunse integré al miú le möt y ti dé le sostëgn che al adora.

IMPORTANT: Pro le proiet “Isté deboriada” él tla pröma fasa (dai 2 ai 8 de merz 2020) ma la poscibilité da scrí ite le partezipant a döes edemes definitives (tan inant che al é lerch). Por les atres edemes rovará le partezipant te n pröm momënt sön la lista d’aspeta y ciafará na conferma, tan inant che al é lerch, ai 9-10 de merz.

Isté deboriadaDala 1° classa ala 4° classa scora elementara

cun le sostëgn pedagogich

Iscriziuns a chësc proiet: dal LÖNESC 2 de merz dales 20:00

Orar: dal lönesc al vëndres dales 9:00 ales 16:00 (sce al vëgn fat jites, pól ester mudaziuns de orar)

Cost: 60,00€Tl prisc laite: l’acompagnamënt tres i animadus, les ativités, les entrades, le

trasport dal punt d’incuntada demez y le mangéPartezipanc: por grup min. 10 max. 16

I Ede

ma

II Ede

ma

III Ed

ema

IV Ed

ema

V Ed

ema

VI Ed

ema

VII E

dema

Curs

da no

dé

6.7 - 1

0.7.20

13.7

- 17.7

.20

20.7

- 24.7

.20

27.7

- 31.7

.20

3.8 - 7

.8.20

10.8

- 14.8

.20

17.8

- 21.8

.20

24.8

- 28.8

.20

Calfosch

Corvara

La Ila

S. Ciascian

Badia

La Val

S. Martin

Lungiarü

Antermëia

Rina

Al Plan

La Pli

IMPORTANT: sce al ne vëgn anter i 08.03.2020 nia arjunt le numer minim de 10 partezipanc te n grup, gnará l’edema te chël paisc tuta demez.

Edemes de proiet

Curs

da

nodé

. Cia

ra a

pla

ta 1

9!

16 171716

Isté deboriada

Data: vëndres dales 19:00 cina ala sabeda dales 11:00. Post: La Ila, Zënter dla jonëza Sa.jun (Ciasa dla Cultura, alzada -2)Cost: 15,00€

Tl prisc laite: l’acompagnamënt tres i animadus, le sté suranöt, ativités, cëna y gosté

Partezipanc: min. 20; max. 80Informaziun: Por le trasport mëss vignun fistidié instës

Vë, 21.8.20 – Sa, 22.8.20

Ince en chësc ann orunse indô stlü jö le “Isté deboriada” cun la “Nöt deboriada”. Denanco mëte man la scora, vi ciamó n iade a te devertí cun tü compagns. I dormiarun tl Zënter dla jonëza SaJ.un a La Ila, olache al te gnará pité deplü sta-ziuns cun de vigni sort de jüc. Le devertimënt sará porchël assiguré! No te lascé sciampé chësta ocajiun, tólete para to sach da dormí y ví cun nos a ciafé fora la magia de chësta nöt!

IMPORTANT: LA “NÖT DEBORIADA” É MA POR I MITUNS CHE Á TUT PERT AL “ISTÉ DEBORIADA“ Y ARA NE FEJ NIA PERT DLA 7. EDEMA. ARA MËSS PORCHËL GNÍ PRENO-TADA A PERT.

Nöt deboriadaISTÈ DEBORIADA

Orar: 1 grup: dales 10:00 ales 11:002.grup: dales 11:00 ales 12:00

3.grup: dales 12:00 ales 13:00 Post: Raiscia, nodadoia Cron4Cost: 70,00€

Tl prisc laite: curs y entrada ala nodadoiaDa se tó para: costüm da bagn, odlá da nodé, cufia y cosses por la duscia

Partezipanc: min. 10; max. 14 a grupInformaziun: Por le trasport mëss vignun fistidié instës

Lö, 24.8.20 – Vë, 28.8.20

N’edema t’ega por te y tü compagns! Te impararas da sté sura ega ia, da jí sot ega ite y da te devertí en segurëza. Le nodé é n sport che fej bun ala resistënza, ala condiziun, a to corp y porchël a tüa sanité.Te pos tó pert ince sce te sas bele da nodé, deache le curs é ponsé sides por prinzipianc che ince por progredis. Maestri dla nodadoia da Raiscia te insignará chësta ativité y te mostrará tecniches desvalies che te daidará da imparé bun chësc sport. Te pos te conforté a tröp devertimënt y n gröm de salc t’ega.

Curs da nodéISTÈ DEBORIADA

191918 19

Isté deboriada Isté deboriada

Edema 6A: Lö, 30.7.18-Vë, 3.8.18 COOL SUMMERCOOL SUMMER

Le proiet ”Cool summer” píta chësc isté indô tröpes edemes de aurela cörta, action y relax por düc i jogn dala 5. classa dla scora elementara ala 2. classa dla scora mesana. Tres le proiet y süa varieté de ofertes, unse ciaré da ti jí adincuntra ai debojëgns y interesc di jogn. Te nostes ativités ne manciarál porchël nia la creativité, le movimënt y le devertimënt tres le grup, che gnará acompagné da personal pedagogich istruí y/o da referënc competënc.

Punc zentrai te nosc laur cun i jogn é le respet, l’azetanza y la fidënza un cun l’ater che i ciarun da trasmëte por che vignun pois se sté saurí y ciafes süa lerch.Por i geniturs che scrí ite mituns cun debojëgns particolars (fisics, psi-chics, soziai o ater), lasciunse alsavëi che al gnará fat na incuntada dan le proiet por imparé a conësce miú le möt y sües esigënzes. Tres chësta incuntada podunse integré al miú le möt y ti dé le sostëgn che al adora.

I lasciun alsavëi che i cursc é gnüs adatá ai orars dles corieres (SAD), a na moda che i jogn pois se sposté autonomamënter.

I se confortun da te odëi tosc y da passé cun te n COOL SUMMER!

IMPORTANT: Tla pröma fasa (dai 3 ai 8 de merz 2020) él la poscibilité da scrí ite le partezipant a döes edemes definitives (tan inant che al é lerch). Por les atres edemes rovará le partezipant te n pröm momënt sön la lista d’aspeta y ciafará na conferma, tan inant che al é lerch, ai 9 -10 de merz.

Cool SummerDala 5° classa scora elementara ala 2° classa scora mesana

Iscriziuns a chësc proiet: dal MERTESC 3 de merz dales 20:00

Orar: dales 14:00 ales 17:00Post: San Martin de Tor, ciasadafüch dla scora/mensaCost: 70,00€

Tl prisc laite: curs, produc, ciaz y ciapel da cogoReferënta: Romina Zingerle

Partezipanc: min. 10; max. 12

Edema 1A: Lö, 22.06.20 - Vë, 26.06.20

Sgolosé é val’ che nos düc fajun ion, no pa? Ciamó plü bel él indere da sgolosé ci che an s’á denant fat instësc. Chësta edema cujinarunse porchël n gröm de duciaries, che t’as sigü bele plü gonot mangé.

I porvarun fora rezetes desvalies sciöche muffins, mousse o dlacin. Te podaras pesé, moscedé y cöje por lascé insciö garaté cun tües mans na buna derzada ducia. Por la fin de chësta edema saraste spo gnü n bun conditur che é bun da entusiasmé la familia y i amisc.

Sce t’as bele val’ esperiënza tl cujiné, este sambëgn ince bëgnodü, por arichí to savëi. Tolete para na gran vëia da cujiné, creativité, de bones idees y la cossa plü importanta: tröööööpa fan!

N’edema por i golusc

212120 2120

Cool Summer

COOL SUMMERCOOL SUMMER

Orar: dales 14:00 ales 17:00Post: Al Plan de Mareo, local di jogn Cost: 70,00€

Tl prisc laite: curs y materiaiReferënta: Maria Frenner

Partezipanc: max. 10

Edema 1B: Lö, 22.06.20 - Vë, 26.06.20

Canche i jun a se cumpré n bel guant te botëga, spo ne se rendunse gonot nia cunt ci laur che al é ste da le prodüje, tan de mans che á lauré lassura y tan de vari che al á orü ester por che al garetes. Cun chësta edema oresson avisa te fá odëi chësc.

Adöm cun la referënta podaraste te cherié to toch unich, plü avisa n sacados (Beutelrucksack) che te podaras te cují, mo ince te personalisé sciöche al te plej a te. La referënta te mostrará co adoré les mascins da cují y ci tecniches che al esist por te fá rové tres plü daimpró a to travert. Fis, draps, botuns y aodles sará porchël i materiai prinzipai tratan chësta edema. Lapró impararaste ince da cují sö n botun o stopé n büj pro na braia,deache chël é dër important y pó te ester d’öga te tüa vita da vigni de. La sodesfaziun ala fin dl’dema sará dër grana, can-che te podaras jí a ciasa cun to toch fat a man, che degügn d’atri n’á te so armé.

La ligrëza por le cují

Orar: dales 9:00 ales 12:00Post d’ incuntada: La Ila, scora Alta

Cost: 70,00€Tl prisc laite: curs y materiai

Referënta: Sofia CastlungerPartezipanc: min. 10; max. 12

Nos düc un la gran fortüna da podëi vire te chësc bel post, amesa les Dolomites. La natöra nes píta de vigne sort de morvëies, che gonot ne odunse nia atira. Co fej pa por ejëmpl na planta da suravire? Ci tiers vir pa te nostes eghes y te nüsc bosc? Co ciara pa fora n inset sot al microscop? Te chësta edema saraste tö le esploradú dla natöra, che porvará da ciafé respostes a chëstes y a n gröm d’atres domandes.

T’aras la poscibilité da imparé da conësce plantes de nüsc pra y bosc y da les osservé sot al microscop cina tl plü pice detail. Te impararas co che n ecosistem funzionëia y ci elemënc che nen fej pert. I passarun porchël tröp tëmp alaleria tla natöra a osservé de vigni sort de morvëies, mo ince daite tl labor por imparé co adoré n microscop y por fá n valgügn esperimënc. Staste ince tö ion tla natöra y te oresses ciafé respostes a tües domandes o madër amplié to savëi? Spo scriete ite y fej ince tö pert de nosc team di esploradus!

Esploradú dla natöraEdema 2: Lö, 29.06.20 - Vë, 3.07.20

23232222 23

Cool SummerCool Summer


Orar: dales 14:00 ales 18:00Post d’incuntada: Picolin, Sorvisc ai Jogn Val Badia

Cost: 70,00€Tl prisc laite: curs, materiai y acompagnamënt

Da se tó para: guant da sté sauríReferënta: Sofia Castlunger


S.O.S.Edema 3A: Lö, 6.07.20 - Vë, 10.07.20

S.O.S. i adori aiüt! T’aste bele n iade damané che che te podess cherdé te situ-aziuns de emergënza? Che ciara pa dla segurëza y dla proteziun dla jënt chiló tl Südtirol? Atualmënter unse tl Südtirol 19.000 porsones che laora tl ciamp dla proteziun zivila y dla segurëza, sciöche dependënc o volontars. Tröpes ëres y tröc ëi investësc so tëmp lëde por la provinzia y la sozieté. Tratan chisc dis araste la gran poscibilité da imparé da cönesce personalmënter valgünes de chëstes porsones y istituziuns. Organisaziuns de nosta valada dauriará les portes por os jogn, por ch’i podëise ves fá na idea dla complessité y dla importanza de chisc sorvisc. Le motto de chësta edema sará porchël: nia ma ciaré, mo porvé! Te podaras fá tröpes esperiënzes nöies, porvé fora situaziuns de prigo, co te com-porté dërt y ince co daidé i atri sce al vá debojëgn. Socoridus dla Crusc Blancia te mostrará tecniches de pröm aiüt por daidé te situaziuns da vigni de. Dai stöda-füc impararaste ci fá te caji de medefüch o de inzidënc. Dependënc dl Aiüt Alpin te dará consëis sön la segurëza sö por munt y i socoridus d’ega jarunse sambëgn ince a vijité. Na edema dedicada deplëgn ala proteziun zivila!

Orar: dales 9:00 ales 15:30Post d’incuntada: Picolin, Sorvisc ai Jogn Val Badia

Cost: 100,00€Tl prisc laite: acompagnamënt, trasport y ativités

Animadusc: Samuel Agreiter, Romina Zingerle y Tobias CostalungaPartezipanc: min. 10; max. 15

Info y program: gnará mená fora plü inant por e-mail

Ci bel da jí a pe, ci bel da jí sö por munt! Sce tö la pënses ince insciö, spo ne poste nia te lascé sciampé chësta ocajiun! I n’orun nia jí tan lunc, mo se gode i crëps che i un incër nos ia. Nosc program é da fá cinch pizes te cinch dis. Valch plü alalt, valch plü al bas, mo vignöna nes dará na gran emoziun y sodesfaziun, canche i l’un arjunta düc adöm.

Sas de Stria, Crëp dales Dodesc y Pares é ma trëi de indöt cin’ pizes che i orun arjunje. No te cruzié, deache tëmp unse plü co assá y da ciacolé y s’la rí ne orunse sambëgn gnanca se desmentié. Al te aspeta na edema plëna d’aventöra. Cinch dis, cinch pizes! Challenge accepted!

Edema 3B: Lö, 6.07.20 - Vë, 10.07.20Five days – Five peaks

25252424 25



Orar: dales 9:15 ales 11:45Post: La Ila, Zënter dla jonëza SaJ.un Cost: 70,00€

Tl prisc laite: curs y materiaiDa se tó para: guant da sté saurí y chi che i á, i cialzá da bouldern

Referënt: Lorenz ClaraPartezipanc: min. 10; max. 12

Bouldern é n sport che vëgn tres plü aprijé y pratiché da mituns y jogn. Le compit prinzipal é da ester bun da superé na ruta adoran tüa forza dl corp, tröpa conzentraziun y condiziun, mo ince n bun edl por ciafé fora le dërt tru y superé insciö la via. Por rové al travert adorarunse nostes mans y nüsc písc, porchël odaraste che al é n sport che fej bun a na gran pert di muscui de to corp.

Anfat sce t’es prinzipiant o progredí: al te gnará insigné i pröms vari mo ince co mioré tüa tecnica. Adöm porvarunse fora deplü metodes che vá bun y che nes porta tres plü daimpró a nosc travert. Por stlü jö l’edema jarunse ince a vijité le local da bouldern a Corvara. Vistete i cialzá, guant da sté saurí y vi a bouldern cun nos!

Edema 3C: Lö, 6.07.20 - Vë, 10.07.20Curs da bouldern

Orar: dales 8:50 ales 12:10Post: San Martin de Tor, ciasadafüch dla scora/mensa Cost: 70,00€

Tl prisc laite: curs, ciaz y ciapel da cogo, produc y la marënaReferënt: Samuel Agreiter


Tratan chësta edema te mostrarunse tan bel che al é da cujiné. Adöm cun tü compagns ciarunse ite tl monn dl cujiné, olache te podaras porvé fora de vigni sort de produc y spëises che te ne as magari nia ciamó fat denant. Fá pan, mo-scede cremes por nüsc bigné o cherié na bona duciaria do tüa fanatasia é ma n valgügn punc sön nosc menü dl’edema.

Te podaras ester le cogo, esperimenté y imparé tröpes rezetes nöies. I odarun tan de poscibilités che al é da cherié na spëisa nia ma buna mo ince da tröc corusc y variaziuns, por cherié insciö n taí particolar. Sambëgn messarunse ince sgolosé ci che i un arjigné, mo ala fin dl de restarál sigü ince val’ toc che te pos te tó a ciasa por ti lascé ciarcé a tü compagns y a tüa familia. Le gormel, le ciapel da cogo y les parotes te aspeta. Te mances ma plü tö. Pronti, viaaaaaaaa!

Edema 4A: Lö, 13.07.20 - Vë, 17.07.20Parotes, pronti, viaaa!

27272626 27



Orar: dales 14:00 ales 17:00Post: La Ila, Zënter dla jonëza SaJ.un Cost: 70,00€

Tl prisc laite: curs y materiaiReferënta: Romina Zingerle


Daidé a ciasa pó ester por te val’ iade n pü’ da stufé o monotonn. Bel avisa porchël orunse mëte da jí chësta edema, por te mostré le contrar. Fá la ciasarina tol ite deplü compic desvalis, olache an pó lascé jí la creativité y porvé fora de vigni sort. I ciararun ite te deplü ciamps, insciö ince te ciasadafüch, olache i cu-jinarun na buna derzada sciöche na dërta cöga. Ince le cují alda pro na ciasarina y porchël te mostrarunse co cují sö n botun, cun i vari plü importanc che alda lapró. Ince al urt messunse ti dediché tëmp y ligrëza, porchël porvarunse debo-riada co senté ite indortöra i ciüfs y de vigni sort de erbes te vases che te pos spo tó ca por cujiné. Por n bun gosté vál debojëgn de na buna marmelada, che i orun se fá instësc, avisa sciöche ince secé erbes por n bun tê. Por to bëgnester y por stlü jö l’edema fajarunse ciamó cremes por les mans, le müs y jafes da n bunisci-mo tof cun produc naturai. Chisc é ince dër adatá por fá na scincunda. Do chësta edema saraste spo arjignada por te fá instëssa n gröm de bi laurs a ciasa.

Edema 4B: Lö, 13.07.20 - Vë, 17.07.20N’edema da ciasarina

Orar: dales 13:45 ales 17:00Post: San Martin de Tor, plaza dal paléCost: 70,00€

Tl prisc laite: curs y materiaiReferënt: Tobias Costalunga

Da se tó para: guant da se sté saurí, costüm da bagn, de bugn cialzá y guant da se mudé


Le Spartan Race é n sport nü, che arjunj tres plü porsones sura döt le monn. Ince nos orun imparé da le conësce tratan chësta edema. I porvun da trá la lanza, da salté sura ostacui fora, da se trá fora por le paltan y fá val’ jüc cun füch y cun l’ega. I metarun sö deboriada n percurs y i nes fajarun instësc i ostacui. L’alenamënt sará porchël fondamental y nia püch, mo cun tüa buna orenté y la ligrëza da fá para, sarunse bugn düc adöm da arjunje de bi resultac. Tolete ince para tröpa fantasia, deache chëra adorarunse por se inventé de vigni sort de impedimënc. La hez é dessigü grana y insciö ince la ligrëza da avëi fat valch.

Edema 4C: Lö, 13.07.20 - Vë, 17.07.20Spartan Race

29292828 29



Orar: dales 9:30 ales 12:00Post: Badia, plaza sportiva dla scora elementaraCost: 70,00€

Tl prisc laite: cursReferënt: Thomas Hinteregger

Da se tó para: guant da se sté saurí, to skateboard cun les proteziuns (co-meduns, jenëdli y elm)


Oramai vëigon tres plü jogn che s’la roda cun le skateboard, y avisa porchël orunse mëte da jí n curs por düc i jogn interessá. Le referënt espert te chësc ciamp, te mostrará ci tecniches che al esist por jí bun y sigüsc. Te impararas i vari de basa, che sará fondamentai por gní miú. No te cruzié sce nia vigni vare gareta le pröm iade, deache tres l’alenamënt podaraste porvé fora y esperimenté ci che te plej le plü.

Sides le referënt co ince to grup te daidará da arjunje to travert cina ala fin dl’edema. Te pos sambëgn tó pert al curs, ince sce te sas bele da jí cun to skate-board, deache val’ de nü pón tres imparé. I se confortun da t’odëi.

Edema 5A: Lö, 20.07.20 - Vë, 24.07.20Skateweek

Orar: dales 14:00 ales 17:00Post: Corvara, salf dles manifestaziunsCost: 70,00€

Tl prisc laite: cursDa se tó para: guant da se sté saurí y cialzá da ginastica

Referënta: Viola VlckovaPartezipanc: min. 10; max.18

Freeze, headspin, moonwalk......aste bele n iade aldí chëstes parores? Tratan chisc dis podaraste porvé fora chëstes formes de bal, mo ince tröpes d’atres che alda pro le stil dla “danza moderna“. Tres le curs orunse te fá rové plü pormez al monn dla musiga y al monn dl balé, y te fá sintí sciöche n dër balarin. Sce al te sá bel da balé, da imparé ite coreografies nöies y da porvé fora val’ de nü, spo ne poste nia te lascé sciampé chësta bela edema.

No pa te desmentié da te vistí guant da sté saurí y cialzá da ginastica, deache chël porta pro al garaté de tü vari tratan le balé. Let’s dance!

Edema 5B: Lö, 20.07.20 - Vë, 24.07.20Dance Boy and Dance Girl

31313030 31



Orar: dales 9:00 ales 12:00Post: La Ila alta, local di jognCost: 70,00€

Tl prisc laite: curs y materiaiReferënta: Sofia Castlunger

Da se tó para: guant nia zite y na peza da mansPartezipanc: min. 10; max. 12

Beauty Week – l’edema dla belëza y dl relax. Oste ince tö t’la lascé jí buna y te conzede n valgügn momënc de relax? Brau, spo é chësta edema la dërta por te. Tratan chisc dis podaraste tó pert a n program dër desvalí, basé sön la belëza y le relassamënt.

Adöm fajarunse articui da bagn, sambëgn cun produc naturai. I porvarun fora mascheres por le müs y i nes depenjarun les aundles. I tolarun ca materiai che te ciafes tla natöra, por che te pois saurí fá do düc i produc a ciasa tres nostes rezetes. Pro la belëza alda ince ornamënc sciöche morones, variëtes y rocins, porchël fajará ince chi pert de nosc program dl’edema. I messun ponsé ince a nosc magun, che i orun vizié cun de vigni sort de pralines y „smoothies“. Tolete para tüa creativité y fantasia, por che al garetes produc personalisá y alternatifs. Este arjigné da te lascé ite te na edema dedicada al relax?

Edema 5C: Lö, 20.07.20 - Vë, 24.07.20Beauty week

Orar: dales 14:00 ales 17:00Post: Al Plan de Mareo, palestra Cost: 70,00€

Tl prisc laite: curs y materiaiReferënt: Matteo Rubatscher


Ester sön paladina y podëi porté dant n toch de teater. Ci bela esperiënza che al mëss ester! Sce te ne l’as ciamó mai fata, spo te dará chësta edema la oportunité. Adöm cun nosc referënt podaraste studié ite n toch de teater, imparé da baié sciöche n joblere y porvé da joblené sön paladina.

Chisc dis podaraste ciaré ite tl monn dl teater, odëi y capí ci che al vá döt debojëgn por mëte en pe na storia. Töa man gnará damanada bele pro les preparaziuns, por porté pro a n bun garaté. Canche al gnará spo le momënt da daurí les coltrines y mostré to savëi, sará l’agitaziun grana, mo ciamó plü grana sará la sodesfaziun canche döt é garaté y tö t’as fat na gran esperiënza implü. Vi y proa ince tö!

Edema 6A: Lö, 27.07.20 - Vë, 31.07.20N‘ edema da atur

33333232 33



Orar: dales 8:50 ales 12:10Post: San Martin de Tor, aula tecnica dla scora mesana Cost: 70,00€

Tl prisc laite: curs y materiaiReferënt: Samuel Agreiter

Da se tó para: na gran scatora dai cialzá Partezipanc: min. 10; max. 12

N gröm de pici toc, paziënza, vare por vare, se daidé un cun l’ater y ala fin: na gran sodesfaziun! Chëstes é valgönes parores che caraterisëia nosta bela edema, l’edema de Lego Technik.

Tüa paziënza sará damanada, deache al te aspetará na scatora plëna de pici toc, che mëssará gní metüs adöm, por rové ala fin a nosc bel resultat. Sambëgn ne pó le devertimënt nia mancé, y da esperimenté y sté en compagnia sarál tëmp assá. Ince sce tö ne as ciamó mai metü adöm n model, este dër begnodü, deache cun l’aiüt de düc sará vignun de nos bun da completé le laur. I se confortun da te odëi tosc. Scriete ite!

Edema 6B: Lö, 27.07.20 - Vë, 31.07.20Lego Technik Freak

Dis dl’iniziativa: dal lönesc al vëndres (4 nöts)Post d’incuntada: Picolin, Sorvisc ai Jogn Val Badia

Cost: 170,00€Tl prisc laite: acompagnmënt, trasport, spëisa, sté suranöt y ativités

Animadësses: Romina Zingerle y Barbara TolpeitPartezipanc: min. 10; max. 12


Mitans aldide! Chësta edema nes dedicarunse ma a nos. I passarun n’edema tla Ütia de Pütia sön Börz, olache i fajarun n gröm de ativités che se plej. I impara-run da se fá sö, i pastlenarun, i sogarun de bi jüc y i se godarun la natöra dl isté tratan che le sorëdl vá do jö. Por la gran fan cujinarunse adöm de bunes spëises scëmples. Te pos te conforté a dis de relassamënt, aventöra y adrenalina. Te podaras ince tó pert a n danmisdé de yoga, che te fajará dessigü bun.

Da se stufé ne arunse nia dlaurela, dantadöt nia canche i jun sön la Plose a raité jö cun i Go Carts, o a nodé tl lech de Lijun. Nos mitans se fajarun na bela edema en compagnia y plëna de devertimënt. Ci che ne pó nia mancé sön na ütia é le cërtl incër le füch da ciamp, sot le cil da stëres, olache i podun s’la cunté y s’la ciacolé. Tolete para tües compagnes y godete chisc bi dis de relassamënt sön munt.

Edema 7A: Lö, 03.08.20 - Vë, 07.08.20Girls power

35353434 35





Animadusc: Tobias Costalunga, Sofia Castlunger y Mara ClaraPartezipanc: min. 10; max.15


Chësc isté orunse s’un sciampé dala Val Badia por chirí le bun cialt y le sorëdl. Cun nüsc minibus se metarunse söl iade cuntra le Lech de Garda! Dailó se aspetarál dis en bona compagnia y tröp devertimënt. I starun suranöt tl camping San Benedetto a Peschiera, olache i un reservé n valgügn caravan, por che nos düc podunse se sté saurí (www.campingsanbenedetto.it). To savëi y tüa man te ciasadafüch é damaná, deache i se cujinarun instësc, olache vignun daidará para por che döt garetes. Ia por le de s’la lasciarunse spo jí buna sön la spona dl lech y tla nodadoia dl camping. Mo nia ma chël: sambëgn ne pó nia mancé na vijita al parch dal’ega Caneva; iló podaraste te lascé jí pro n gröm de slisores. I jarun ince a ciaré le parch Movieland, por porvé fora de vigni sort de jüc y simulaziuns. Da sëra unse spo ciamó la poscibilité da jí a se fá n pice spazier tles beles cités dl Garda, por se mangé ciamó n bun dlacin y por stlü jö nosta bela edema. Chësc y ater t’aspetará tratan chisc dis d’aventöra söl Lech de Gar-da. Scriete ince tö ite! Al nes fajess plajëi da imparé da te conësce!

Edema 7B: Lö, 03.08.20 - Vë, 07.08.20Edema d’aventöra al lech de Garda

Orar: dales 9:00 ales 15:00Post d’ incuntada: La Val, Pidrô (raiun artejanal)

Cost: 100,00€Tl prisc laite: curs, materiai, acompagnamënt y marëna

Referënc: Artejanat Val BadiaPartezipanc: min. 10; max. 15

Da se tó para: guant da sté saurí y nia zite

Ne saste magari nia ciamó avisa ci fá do la scora mesana o ci che te oress gní da gran? Spo vi cun nos a descurí le laur dl artejanat, por ciafé insciö na idea implü. Vigni de de chësta edema podaraste vijité y porvé fora n ater mistier, da muradú, zumpradú, tisler o eletrizist, y ciamó n gröm d’atri. Te podaras lauré cun lëgn, fer y corusc desvalis por descurí ci che te plej le plü.

Adöm cun i referënc ciafaraste la poscibilité da cherié n toch unich che fajará na gran parüda. I adorun porchël tües mans, por che vigni vare nes portes a n travert. Tratan chisc dis araste tröp da ciaré, da imparé y da porvé fora, por fá insciö tröpes esperiënzes nöies. Ala fin dl’edema sará nosc bel laur garaté y tüa sodesfaziun grana.

Edema 8A: Lö, 10.08.20 - Vë, 14.08.20Mi laur tl dagní podëss ester...

en colaboraziun cun:

37373636 37


COOL SUMMER

Orar: dales 9:00 ales 12:00Post: Al Plan de Mareo, palestra Cost: 70,00€

Tl prisc laite: curs y val’ de pice dal danmisdéReferënt: Tobias Costalunga

Da se tó para: na boza, cialzá da ginastica cun la sora blancia y cialza da salté

Partezipanc: min.10; max.20

Tan de sporc al palé conësceste pa? Al n’é deplü co che te mines. Aste mo magari bele n iade proé fora american football? Ci desfarënzia él mo danter soccer y nosc sport dl palé, o co sogon pa a baseball? Ci é pa Lacrosse, Floorball o hockey zënza dlacia? Chësta edema te dará la ocajiun da porvé fora dötes chëstes ativi-tés sportives. I se darun jö cun i sporc de grup al palé plü conesciüs tl’America dl nord, olache le devertimënt sará sigü. Te grup orunse porvé fora, esperimenté y magari ince descurí na pasciun nöia. Vi ince tö a te armöie y a te dé na hez, dea-che te sas pö: le movimënt fej bun y fá movimënt deboriada fej sté bun.

Edema 8B: Lö, 10.08.20 - Vë, 14.08.20Captain America

COOL SUMMER



Animadus: Tobias Costalunga, Sofia Castlunger y Romina ZingerlePartezipanc: min. 10; max. 15


N’edema amesa les munts, la natöra y cun n gröm d’ativités. Ci bel! Tratan chësta edema te aspeta na vacanza demez da ciasa, olache te pos fá amizizies nöies, sté cun tü compagns y descurí posć nüs. I passarun nüsc dis tla Ütia de Pütia sön Börz, olache al te aspetará n program rich de aventöra y devertimënt. I un söl program da jí sö por munt, se relassé te nodadoia y fá na bela raitada cun i Go carts sön la Plose. Por stlü jö le de se godarunse spo ciamó düc adöm n bel florí dl sorëdl. Te nosta ütia se cujinarunse val’ de bun, i s’la ciacolarun, i sogarun val’ jüc y i starun adöm en compagnia, olache al ne manciará nia val’ matades. Les aventöres de chësta edema te restará dessigü dî ti pinsiers. Arjignete to rucsoch, le sach da dormí y ví cun nos sön Börz.

Edema 9A: Lö, 17.08.20 - Vë, 21.08.20N’edema te ütia

39393838 39



Orar: dales 14:00 ales 17:00Post: Al Plan de Mareo, scora de musiga Cost: 70,00€

Tl prisc laite: curs y materiaiReferënc: Daniel Willeit y Marion Palfrader


Le Re Liun, Cinderella, Shrek o Aladdin... almanco un de chisc films d’animaziun y ciamó n gröm d’atri nen conësceste sigü ince tö. Tratan chësta edema orunse chirí fora les plü beles cianties de chëstes y d’atres fabules y porvé da les imparé ite adöm cun te. I orun se lascé ite tl monn di cartoons, aldí ci beles melodies che ai se scinca, imparan da conësce ince val’ toch nü.

Te podaras odëi tan bel che al é da cianté te n grup, olache vignun pó lascé aldí süa bela usc y so savëi. Sce te sas da soné n stromënt, podaraste ince fá pert de nosta band y mostré dailó to talënt. Por la fin dl’edema se chiriarunse spo adöm na ocajiun, olache i podarun ti porté dant a tüa familia y tü compagns ci ch’i un imparé. Tolete tü amisc y gnide a se devertí, a cianté y a soné adöm! YABA DABA DOOO!

Edema 9B: Lö, 17.08.20 - Vë, 21.08.20

Cartoon Music and BeatsCiantun y sonun deboriada

Orar: dales 8:50 ales 12:10Post: San Martin de Tor, aula tecnica dla scora mesanaCost: 70,00€

Da se tó para: guant nia ziteTl prisc laite: curs y materiai

Referënt: Samuel Agreiter


Iö á n some... mi some é da podëi lauré y imparé da conësce le lignan! I oress porvé da fá fora de n toch de lëgn n mebl da mëte spo te mia ciamena o te mia ciasa. I oress lascé vire mies idees, les mëte sön papier y spo les realisé portan ite mia fantasia y mia creativité. Aste ince tö chësc some? Spo é chësta edema fata por te! Le pröm de metarunse jö nostes idees sön papier, che sará nosta basa por rové al travert. Tö aras spo la poscibilité da lauré y da modelé le lignan, da mëte adöm i toc y da i incolé por rové al toch final: nosc mebl. Chël podaraste spo ciamó depënje y abelí sciöche al te plej a te. Te odaras tan saurí che al pó ester da realisé na opera d’ert fata de lëgn, y dantadöt fata a man!

Edema 9C: Lö, 17.08.20 - Vë, 21.08.20

Wood ExploreImparé da conësce y lauré le lignan

41414040 41


COOL SUMMER Edema 10A: Lö, 24.08.20 - Vë, 28.08.20

Orar: dales 9:00 ales 15:30Post d‘incuntada: Picolin, Sorvisc ai Jogn Val Badia

Cost: 100,00€Tl prisc laite: acompagnamënt, trasport, ativités

Animadus: Samuel Agreiter, Romina Zingerle y Sofia CastlungerPartezipanc: min. 10; max. 15


Che ne conësc pa nia la Action week? Al é na edema che ne pó nia mancé y che é ormai fissa sön nosc program. Ince en chësc ann podaraste sintí l’action y l’ad-renalina, y le devertimënt sará sigü. I un söl program deplü jüc y ativités che te scincará de beles ores. Danter l’ater podaraste mëte ala proa to euiliber tl parch de slackline, jí cun la Zip Line plü grana d’Europa y soghé a n valgönes partides de bubble soccer. Nia mancé ne pó le jüch Lasergame, olache te podaras lascé odëi tüa velozité y to entusiasm. Por stlü jö nüsc bi dis ól spo ince ester n de te nododoia y na bela sëra cun düc pro na buna pizza. Al t’aspeta döt chësc y ciamó tröp deplü. Vi a stlü jö cun nos le bel isté, i t’aspetun!

Action Week

Ince en chësc ann metunse indô da jí deplü edemes desvalies che corespogn ai interesc y debojëgns di jogn. Insciö por ejëmpl edemes d’aventöra plü lunc, ativités da döt le de sciöche ince cursc olache i jogn pó se istruí te na manira scëmpla. Implü ciafi tres nosc program la poscibilité da passé n bel isté adöm cun sü compagns. I orun ti dé na gran lerch ala creativité, al movimënt y al imparé val’ de nü cun le porvé fora. Tres le grup y te na atmosfera de respet y azetanza, pó le jonn fá esperiënzes nöies y se svilupé inant. Punc zentrai te nosc laur cun i jogn é porchël le respet, l’azetanza y la fidënza un cun l’ater, che i ciarun da trasmëte por che vignun pois se sté saurí y ciafes süa lerch tl grup.Tratan les edemes de proiet vëgn i partezipanc acompagná da personal pedagogich istruí y/o da n referënt competënt.

Por i geniturs che scrí ite i mituns con debojëgns particolars (fisics, psi-chics, soziai o ater), lasciunse alsavëi che al gnará fat na incuntada dan le proiet por imparé a conësce miú le möt y sües esigënzes. Tres chësta incuntada podunse integré al miú le möt y ti dé le sostëgn che al adora.

I lasciun alsavëi che i cursc é gnüs adatá ai orars dles corieres (SAD), a na moda che i jogn pois se sposté autonomamënter.I se confortun da te odëi tosc y da passé cun te n bel isté!

IMPORTANT: Tla pröma fasa (dai 3 ai 8 de merz 2020) él la poscibilité da scrí ite le partezipant a döes edemes definitives (tan inant che al é lerch). Por les atres edemes rovará le partezipant te n pröm momënt sön la lista d’aspeta y ciafará na conferma, tan inant che al é lerch, ai 9-10 de merz.

My SummerDala 3° classa scora mesana ala 2° classa scora alta

Iscriziuns a chësc proiet: dal MERTESC 3 de merz dales 20:00

4242 43

Cool Summer

COOL SUMMER MY SUMMERMY SUMMER Edema 1: Lö, 29.6.20 – Lö, 6.7.20

Dis dl’ iniziativa: dal lönesc al lönesc (7 nöts)Post d’ incuntada: Picolin, Sorvisc ai Jogn Val Badia

Cost: 290,00€ (116 bons JABA)Tl prisc laite: Iade, acompagnamënt, ativités, dormí y mangé

Animadus: Valentin Erlacher, Robert Mutschlechner y Sara MolingPartezipanc: min. 12; max. 15


L’Isola d’Elba é ti agn passá bele stada plü gonot travert de nüsc iadi d’aventöra. Cun sües spones da saurun y da pera, na ega dër tlera y le tröp sorëdl, é chësc le post ideal por destaché dal stres da vigni de y recuperé les forzes do l’ann de scora. Al ne t’aspeta indere nia ma relax y aurela cörta. Aventöra fej ince pert dl program. Dal jí cun le kayak, al ciaré le florí dl sorëdl cina al vijité i paisc dl’Elba da sëra. Por fá fora de chëst’edema na dërta aventöra, dormiarunse te tëndes tl Camping Lacona Pineta tl süd dl’isola, olache i ne sun nia liá a orars y olache i podarun se cujiné instësc ci che i orun. T’imaginëieste bele sëgn sciöche döt chësc podess ester? Spo no te lascé sci-ampé chësta ocajiun y vi cun nos sön öna dles isoles plü beles dla Talia.

Iade d’aventöra al’Isola d’Elba

Orar: dales 8:50 ales 12:10Post: San Martin de Tor, ciasadafüch dla scora/mensaCost: 70,00€ (28 bons JABA)

Tl prisc laite: curs, ciaz y ciapel da cogo, produc y marënaReferënta: Romina Zingerle


N’edema te ciasafüch a porvé fora rezetes nöies sciöche n dër cogo: avisa chësc fajarunse tratan chisc dis. I impararun da cujiné de vigni sort de spëises, da pröms a secundi cina a desserts. I taiarun sö, mëtarun te fana, moscedarun y porvarun da lascé garaté na derzada che ti plej dessigü a düc. I cujinarun spëises scëmples da vigni de, che te podaras saurí cujiné do a ciasa por tüa familia y tü amisc.

Por vignun de os sarál val’ de bun lapró, che i ciarciariun deboriada ala fin dl de. Al ó sambëgn ester tröpa paziënza y ince de bones idees, che vignun podará porté ite y realisé. Sce te sas bele da cujiné, este impó begnodü, deache te poda-ras tres imparé val’ de nü lapró. Vi a descurí le cogo che é te te.

Edema 2: Lö, 20.7.20 – Vë, 24.7.20Curs da cujiné

45454444 454544

My SummerMy Summer

COOL SUMMER MY SUMMERMY SUMMER

Orar: dales 9:00 ales 15:30Post d‘ incuntada: Picolin, Sorvisc ai Jogn Val Badia

Cost: 100,00€ (40 bons JABA)Tl prisc laite: acompagnamënt, trasport, ativités

Animadus: Sofia Castlunger, Romina Zingerle y Tobias CostalungaPartezipanc: min. 10; max. 15

Info y program: gnará mene fora plü inant por e-mail

Prô mo da te imaginé che tö y tü compagns gnëis sará ite te na ciamena, da chëra che i orëis sciampé. Por ester bugn da rové indô ala liberté, adorëise indere na buna strategia y creativité, olache düc mëss ponsé para y se dé da fá. Ci fajesseste pa tö te chësta situaziun? Chësc jüch á inom Escape Room y é ma un n ejëmpl de n jüch che te aspetará tratan chësta edema.

N ater sará le Lasergame, che te insignará da tigní adöm sciöche grup por soghé y davagné cuntra les atres scuadres. Mancé ne pó sambëgn gnanca n torné de videojüc, olache te pos mëte ala proa tüa conzentraziun y tüa forza de reaziun. Sön nosc program él ince jüc al palé sciöche bubble soccer y XXL kicker... mo döt atramënter de sciöche tö i conësces. Este gnü corius? Oste porvé fora adöm cun nos na edema de jüc y partides daldöt nöia y interessanta? Spo scriete ite, por che i podunse superé adöm chëstes desfides!

Edema 3A: Lö, 27.7.20 – Vë, 31.7.20Game week

Dis dl’iniziativa: dal lönesc al vëndres (4 nöts)Post d‘ incuntada: 1. de: paisc de residënza, pro les fermades dl bus de linia

Cost: 120,00€ (48 bons JABA)Tl prisc laite: acompagnamënt, spëisa, sté suranöt y ativités

Animadus: Barbara Tolpeit (Val Badia), Aron Moroder (Gherdëna) y Thomas Zulian (Fascia)

Partezipanc: max. 6 (por la Val Badia)Info y program: gnará mená fora plü inant por e-mail

Te sál ince a te bel da passé tëmp alaleria, sö amesa les munts a te gode la bela odüda y le chît? Tratan chësta edema jarunse a pe da na munt al’atra, adöm cun jogn de Gherdëna y de Fascia. Te aras l’ocajiun da imparé da conësce jogn nüs, i crëps incër te ia y posć che te ne conësces magari nia ciamó. I dormiarun te üties, i passarun vigni de momënc de aurela cörta cun jüc y val’ matada. Al te as-peta de bi dis de aventöra, cun esperiënzes y desfides nöies, che te portará ince a val’ limit... mo adöm sarunse sigü bugn da i superé. La forza dl grup te daidará te chisc momënc da jí inant, por arjunje vigni de n travert nü. Tolete le rucsoch, vistete de bugn cialzá y vi cun nos a passé n’edema te nosta bela natöra. I te aspetun!

Edema 3B: Lö, 27.7.20 – Vë, 31.7.20Edema sö por munt en colaboraziun cun

47474646 474746

My SummerMy Summer

Esperiënzes tratan l’isté, dai 17 de jügn ai 6 de setëmber 2020!

Aste danter i 13 y 19 agn?Este interessé da cuché ite tl monn dl laur?

Ci aspeteste pa spo? Scriete ite al proiet JABA 2020!Les iscriziuns mët man ai 4 de ma y vá inant döt isté!

Le proiet JABA (jogn atifs badioc agësc) te píta la poscibilité da daidé para te cotán de istituziuns publiches dla Val Badia sciöche por ejëmpl: Ciasa de Palsa, Comuns, Raiun Sozial, Assoziaziuns turistiches, Sorvisc ai Jogn Val Badia, Zënter dla Jonëza y dla Cultura SaJ.un, Salf de laur protezioné La Spona, Ciasa dl parch natural, museums, fraziuns, Adven-ture Park, parch di tiers y cotan d’atres.

Sciöche sëgn de reconescimënt por vigni ora che te dëides para, ciafeste n bon che te pos dedô baraté ite te botëghes dal guant o de alimentars, nodadoies, restoranc, Sorvisc ai Jogn y i.i. Insciö poste fá esperiënzes nöies tl monn dl laur, renforzé tüa competënza soziala, la responsabilité personala y la segurëza te te instës. Implü te vëgnel pité n passatëmp alternatif tratan l’isté!

MEGA IDEA!!!

JABADai 13 ai 19 agn

1 fá la cherta d’iscriziunLes iscriziuns pó gní fates dai 4 de ma 2020 inant t’ofize dl Sorvisc ai Jogn a Picolin y tl Zënter dla Jonëza y Cultura SaJ.un a La Ila, olache al te gnará mostré le portal internet JABA. I dependënc dl SaJ te dará sostëgn y acompagnamënt. (Sce te n’as nia ciamó 18 agn, láscete acompagné da n genitur)

2 www.proiec.org/jabaCiara do dal 1. de jügn inant sot a www.proiec.org/jaba la desponibilité dles istituziuns publiches.

3 chir fora na istituziunTö dijes olache t’ós daidé y tan gonot. Tol sö contat y fá fora n termin por podëi mëte man.

4 dëida para y cöi adöm bonsPor vigni ora de sorvisc te gnarál dé na detlaraziun dles ores fates.

5 barata ite tües detlaraziunsBarata ite tües detlaraziuns te bons, t’ofize dl Sorvisc ai Jogn a Pico-lin o tl Zënter dla Jonëza y dla Cultura SaJ.un a La Ila, tratan i orars d’ofize.

6 vá dai partners JABAVá dai partners JABA a baraté ite tü bons anter i 30 de otober 2020.

7 3 bons lapró….Sce te vas a daidé te almanco 3 istituziuns desvalies, ciafeste 3 bons lapró.

Iscriziuns: te Sorvisc ai Jogn Val Badia a Picolin o tl Zënter dla Jonëza SaJ.un a La Ila tratan i orars d’ofize dai 4 de ma 2020 inant por döt l’isté.

49494848 494948 4948

JABA

1 Jí sot a www.proiec.orgL’iscriziun a un di programs por les vacanzes da d’isté pó ma gní fata online sön le sit www.proiec.org.

2 Cherié en cunt o ajorné le cunt esistëntDa pert dl genitur o autorisé al’educaziun, sce le partezipant n’á nia arjunt la majera eté. Al vëgn aconsié da cherié o ajorné le cunt da atira.

3 Confermé registraziunConfermé la registraziun tres le link ciafé sön la misciun e-mail dada dant.

4 Registraziun partezipancChirí fora sce fá na iscriziun por sé instës o por n möt. Te chësc caje dé dant i dac dl möt.

5 Seleziun di proiecAssegné ativités al partezipant chirí fora.

6 PaiamëntLe paiamënt mëss gní fat anter 3 dis de calënder dô la data dl cunt, scenó vëgn l’iscriziun anulada. Sce le paiamënt vëgn fat regolarmën-ter y la prenotaziun é definitiva, vëgnel mené na e-mail de conferma.

IMPORTANT: por les iscriziuns fates tla pröma fasa (dai 2 ai 8 de merz 2020), gnará le cunt mené ai 9-10 de merz 2020.

Iscriziuns sön proiec.org Co mëssi pa fá?

50 51

N rengraziamënt por le sostëgn finanziar di proiec a:Ofizi provinziai dl laur por la jonëza, Ajentöra por la familia,

Comuns dla Val Badia, Comunité comprensoriala Val de Puster, Consëis de Formaziun d‘ La Pli, Al Plan, Rina y La Val, Cassa Raiffeisen Val Badia

Porta

dus d

l SaJ Val Badia

un

Documents

· 2020. 2. 7. · ISCRIZIUNS 1°- 4° elementara: dai 2.3.2020 dales 20:00 dala 5° elementara insö: dai 3.3.2020 dales 20:00 ISTÉ DEBORIADA COOL SUMMER MY SUMMER LAUR DAVERT