Задржан данок - iorrm.org.mk. Zadrzan danok.pdf · Агенда 1 Основни одредби 1 2 Предмет на оданочување 6 3 Плаќање на

Задржан данок

Агенда

1 Основни одредби 1

2 Предмет на оданочување 6

3 Плаќање на задржаниот данок 20

4 Како да се плати помалку задржан данок врз основа на важечките законски прописи?

23

5 Административни обврски 26

6 Прекршочни одредби 31

PwC

Основни одредби

1

Задржан данок •

PwC

Основни одредби

• Задржан данок е директен данок кој се пресметува на одреден тип наплаќања од домашни кон странски правни лица.

• Концептот на оданочување со задржан данок предвидува можност наземјата која е извор на приходите да го оданочи приходот на странскотоправно лице кој е поврзан со неговата стопанска дејност во таа земја.

• Во Македонија задржаниот данок изнесува 10%.

• Задржаниот данок е регулиран со:

Законот за данок на добивка во членовите 29-а до 29-г; и

Правилникот за данок на добивка во членовите 6, 7 и 8.

2Задржан данок •

1 – Основни одредби

PwC

Кој има обврска да задржи данок при исплата на приходи кон странски правни лица?

Обврска за задржување на данок при исплати кон странски правнилица имаат:

• Домашни правни лица;

• Домашни физички лица -регистрирани за вршење дејност (пр. трговципоединци, самостојни вршители на дејност, итн); и

• Странско правно лице/ физичко лице-нерезидент со постојана деловнаединица во Македонија.



PwC

Исплатите кон кои лица се сметаат за оданочиви?

• Се оданочуваат само исплатите кон странски правни лица.

• Исплатите кон странски физички лица не се предмет на оданочување соовој данок! Тие можат да подлежат на персонален данок на доход, освенво случаи кога постои можност за ослободување.

Концептот на „стварен корисник на приходот“ (beneficial owner of the income)

• При исплатата на приходот, важно е да се знае кој е стварен корисник на исплатениот приход, бидејќи од ова ќе зависи дали исплатата може да биде ослободена од македонски данок по задршка или не;

• Ова значи дека исплатите кон т.н. транспарентни компании кои го примаат приходот само за цели на избегнување на данок не треба да бидат ослободени од задржан данок!



PwC

• А-Б Договор, задржан данок=0%• Б-В Договор, задржан данок=0%• Нема договор помеѓу А и В• Бенефициите од А-Б Договорот може да не важат



Стварен корисник на приходот

• Исплаќач на приходот (А)

Камата 8%

• Агент / посредник (Б)

Камата 7%

• Стварен корисник на приходот (В)

За кој важат одредбите од договорот за

одбегнување на двојно оданочување (А-В)

PwC

Предмет на оданочување

6


PwC


Данок по задршка е данок кој се задржува при исплати кон странскиправни лица за следниве видови на приходи:

• Дивиденди

Приход од дивиденди означува добивка од акции, или други права на учество во добивката кои не се побарувања на долгови, како и доходот од други корпоративни права кои по однос на оданочувањето имаат ист третман како и доходот од акциите според законите на државите чиј резидент е друштвото кое врши распределба.

• Камати

Приход од камата означува доход од побарувања на секаков вид долг, независно од тоа дали е обезбеден со хипотека и дали врз основа на нив се стекнува право на учество во добивката на должникот, како и секој друг доход поврзан со доходот од пари дадени на заем.

Казнените камати платени за задоцнети плаќања не се предмет на оданочување.


2 – Предмет на оданочување

PwC


• Авторски хонорар

Приход од авторски хонорари (права) и други права на интелектуална сопственост, подразбира плаќање од било кој вид, примено како плаќање за употреба или право на користење на авторско право за: книжевно, уметничко или научно дело, вклучувајќи ги кинематографските филмови, софтвер, патенти, трговски марки и заштитни знаци, дизајни или модели, планови, тајни формули или постапка, или за информација во врска со индустриските, комерцијалните или научните искуства, кои права се заштитени со правните прописи и обичаи, со кои се регулира нивното стекнување и употреба.

Став на даночните власти: Плаќањата за употребата на софтверот засопствени цели на бизнисот не се подлежат на задржан данок!



PwC


• Забавни и спортски активности реализирани во Македонија

Приход од забавни и спортски активности кои се вршат во Република Македонија, подразбира приходи остварени од организирање и одржување на јавни настапи кои ги вршат организирани групи и поединци исплатени на странски правни лица.

Во приходите кои што припаѓаат кон претходно наведените, спаѓаат и надоместоците за: аудиовизуелни услуги, провизии поврзани со филмска и видео дејност, радио и телевизија, лиценци за дистрибуција на права и хонорари, оркестри и други културни и спортски дејности, котизации и чланарини на културни и спортски организации, исплатени во корист на странското правно лице.



PwC


• Менаџмент услуги

Приход од вршење менаџмент услуги подразбира приход остварен од организирање, планирање, координирање, контролирање и мотивирање, во остварувањето на целите на трговските друштва, односно во остварувањето на одредени економски резултати (профит).

• Консалтинг услуги

Приход од консалтинг услуги подразбира приход остварен од вршење услуги на служби или организации што се занимаваат со давање на совети и интелектуални услуги во стопански финансиски и технички проекти односно упатства или работи на некој специјален предмет или проект за определен надомест. Под консалтинг услуги се подразбираат и: правни, даночни, сметководствени и ревизорски услуги, кои што странските правни лица ги вршат со надомест за домашните субјекти. Под консалтинг услуги на деловно советување, се смета секој облик на деловно советување или консултација.



PwC


• Финансиски услуги

Приход од вршење на финансиски услуги се сметаат приходите на странското правно лице остварени од:

1. издадени гаранции и други видови на обезбедувања;

2. камати од финансискиот лизинг;

3. трговија за своја сметка или за сметка на клиентот, било на берза, преку шалтер или на друг пазар, со: инструменти на пазарот на пари (вклучувајќи чекови, сметки, потврди за депозити), девизи, деривативни инструменти кои вклучуваат но не се ограничени на фјучери и опции, инструментите на девизниот курс и каматните стапки, вклучувајки ги работите како што се swaps, термински спогодби за камати; преносливи хартии од вредност; други преносливи инструменти и финансиски средства вклучувајќи ги и златните полуги;

4. учество во издавањето на сите видови хартии од вредност, вклучувајќи го и превземањето на ризикот и пласирањето, во својство на агенти, и давањето на услуги во врска со тоа издавање;

5. услуги во врска со пресметката и пребивањето на финансиските средства, вклучувајќи ги хартиите од вредност, деривативните производи и другите преносливи инструменти;

6. советодавни, посреднички и други помошни финансиски услуги во врска со сите видови на финансиски услуги, вклучувајќи ги референците за кредитна способност и анализа, истражување и советување за инвестиции и портфолија, совети за превземање и преструктуирање и стратегии на претпријатијата;

7. посредување во осигурувањето и реосигурувањето (активности на брокери, осигурителни и брокерски друштва и агенти), консултантските услуги, актуарските услуги и услугите во проценувањето на ризик.



PwC


• Услуги на истражување и развој

Приход од вршење услуги на истражување и развој е приходот остварен од базни и технички истражувања, лабараториски и други услуги, проекти и елаборати (освен оние кои се однесуваат за инвестиции чија реализација е во тек), услуги на пропаганда, истражување на пазарот, огласување во медиуми, саемски приредби, промоција на производи во странство, анкетирање на јавното мислење.

Под услуги на истражувањето на пазарот се подразбираат: начин на прибавување на пазарни информации, одредување на карактеристиките на пазарите, мерење на потенцијалот на пазарот, анализа на учеството на пазарот, анализа на продажбата, истражување на трендовите во работењето, краткорочни и долгорочни предвидувања, испитување на понудите на конкуренцијата, истражување на цените, тестирање на нови и на постојни производи на пазарот.



PwC


• Осигурителни премии од осигурување или реосигурување од ризици во Република Македонија

Приход од осигурителни премии од осигурување или реосигурување од ризици во Република Македонија се сметаат приходите на странското правно лице остварени од:

1. премија по основ на осигурување на живот;

2. премија по основ на неживотно осигурување и

3. премија по основ на реосигурување, освен премија по основ на реосигурување што друштвата за осигурување и реосигурување на Република Македонија, се должни да го извршат во согласност со закон.



PwC


• Телекомуникациски услуги

Приходи од телекомуникациски услуги се приходите од услуги на:

1. обезбедување на јавни фиксни телефонски услуги (локална телефонска комуникација, меѓумесна национална телефонска комуникација и меѓународна телефонска комуникација);

2. обезбедување на јавни мобилни телефонски услуги;

3. обезбедување на јавни услуги на говор преку мрежи со комутација на пакети (интернет протокол и други протоколи);

4. обезбедување на услуги на изнајмени линии;

5. обезбедување на јавни услуги за пренос на податоци;

6. обезбедување на јавни радиокомуникациски услуги и обезбедување на други услуги (обезбедување на јавни услуги на говор преку мрежи со комутација на пакети помеѓу различни оператори и обезбедување на пристап до јавната телефонска мрежа).



PwC


• Закуп на недвижности во Република Македонија

Под приход од закуп на недвижности во Република Македонија се подразбираат приходите кои што ги остваруваат нерезидентните правни лица од закуп на недвижен имот во Република Македонија. Под недвижен имот се подразбира земјиште (градежно, земјоделско, шумско) и градежен објект на кој странското правно лице е сопственик согласно закон.



PwC

Кои исплати не се оданочуваат?

• Трансфер на дел од добивката на постојаната деловна единицакој се трансферира кон принципалот - странско правно лице, доколкуза истиот е претходно платен данок на добивка

• Камата на должнички инструменти издадени и/ илигарантирани од НБРМ, Владата на Македонија и банки/ финансискиинституции кои делуваат како нејзини претставници

• Камати од депозити во банка лоцирана во Македонија

• Приход од посредување и консалтинг со државни хартии одвредност на меѓународен финансиски пазар

• Исплати на камати кон Европска банка за реконструкција и развој, кон Фондот на ОПЕК и слични институции со коиМакедонија потпишала договори за соработка.



PwC


• Плаќањата за деловно советување, семинари, работилници и слични методи на подучување

• Плаќањата за услуги на инжињери, архитекти и слични услуги

кои за резултат имаат пишани документи за постапување (идејни и изведбени проекти, нацрти, упатства и други документи за постапување) не се предмет на задржан данок

• Плаќањата за услуги на посредување и застапување во некојазделка

• Плаќањата за услуги за користење на различни бази наподатоци



PwC


• Плаќањата за технички услуги

Приход од технички услуги е приходот што се остварува од одржување и примена на средствата на трудот, алати, машини, инструменти, уреди, апарати, транспортни средства и опрема за вршење на производни и други активности. Тука спаѓаат и архитектонски, инжињерски, дизајнерски и други технички услуги, услугите на контрола на квалитет и квантитет при прием на стока, техничко тестирање на стока, анализа и издавање на сертификати.

• Плаќањата за административни услуги

Приход од административни услуги е проходот остварен од услугите кои се во врска со административните прописи за чување, одржување и понуштување на архивската граѓа, заверки и проверки и други слични услуги поврзани со деловната документација.



PwC


• Плаќањата за други услуги

Приход од други услуги е приходот остварен од деловните услуги поврзани со трансакциите на резидентите и нерезидените, како што се: поставување на персонал, услуги на обезбедување и истрага, преводи и толкувања.

• Плаќања за наем на подвижни добра

Приход од наем на подвижни добра е приходот остварен од трансакции на услуги меѓу резиденти и нерезиденти, поврзани со приходите остварени со изнајмување на подвижни добра во Република Македонија.

• Плаќања за награди кои се доделени во Република Македонија

Доделување на награди на странските правни лица исплатени по основ на организирани натпревари одржани во Република Македонија



PwC

Плаќање на задржаниот данок

20


PwC

Како и кога се пресметува задржан данок?

Задржан данок се пресметува:

• на бруто приходот (приходот кој би бил исплатен доколку не сеизврши задржување на данок);

• по стапка од 10%;

• во моментот на исплата на приходите кон странското правно лице.


3 – Плаќање на задржаниот данок

PwC

Која е постапката за плаќање на задржаниот данок?

Плаќање

• При секоја исплата на приходи кои подлежат на задржан данок констрански правни лица

• Пред исплата кон некое странско правно лице кон кое за прв пат севрши исплата, потребно е исплатувачот да добие единствен даноченброј (“ЕДБ”) за странското лице од УЈП

Постапка за добивање ЕДБ за странско правно лице

― Образец „УЈП-РДО“

― Писмено барање (во слободна форма)

― Извод од регистрација/Потврда за резидентен статус/Сертификат застранскиот даночен обврзник.


3 – Плаќање на задржаниот данок

PwC

Како да се плати помалкузадржан данок врз основа наважечките законски прописи?

23


PwC

Чекори за користење на меѓународни договори за одбегнување на двојно оданочување

Дали овој тип на приход подлежи на задржан данок согласно македонската легислатива?

Дали примателот на приходот е истовремено и стварниот корисник на приходот?

Дали постои ратификуван договор за одбегнување на двојно оданочување помеѓу Македонија и земјата каде е резидент стварниот корисник на приходите?

Да

Да


4 – Како да се плати помалку задржан данок врз основа на важечките законски прописи?

PwC

Чекори за користење на меѓународни договори за одбегнување на двојно оданочување

Постојат ли ослободувања или намалувања на стапката за задржан данок согласно договорот за одбегнување на двојно оданочување (членови 10-13, 16, 20)?

Дали постапката за ослободување од задржан данок пред македонски даночни власти е завршена и е добиено решение за ослободување / документ за користење на пониска стапка?

Може да се користи даночно ослободување и да не се задржи данок при исплатата/ да се задржи данок при исплата по пониската одобрена стапка на задржан данок!

Да

Да


4 – Како да се плати помалку задржан данок врз основа на важечките законски прописи?

PwC

Административни обврски

26


PwC

Потребни документи за ослободување од задржан данок

• Барање за ослободување од задржан данок на пропишан образец

• Сертификат за даночна резидентност на примателот на приходот (во оригинал)

• Копија од Решението за ЕДБ за странското лице

• Решение од Централен Регистар на Република Македонија на исплатувачот на приходи (не постара од 6 месеци)

• Документ врз основа на кој се вршат плаќањата, на пример:

одлука за исплата на дивиденда;

фактури и спецификација на фактурите;

договори за вршење на услуга, итн.

• Образец 1450 за исплати кон странство (доколку исплатите веќе се извршени).


5 – Административни обврски

PwC

Два основни типа на пропишани обрасџи за ослободување од задржан данок

Ако договорот пропишува пониски стапки за задржан данок (пример: 5% наместо 10%) се поднесуваат следниве обрасци:

1. ЗД-O/ДИ – за дивиденди

2. ЗД-O/KA – за камати

3. ЗД-O/AП – за авторски права

4. ЗД-O/ДП – за други приходи надвор од горенаведените

Ако договорот пропишува 0%стапка за задржан данок се поднесуваат следниве обрасци:

1. ЗД- ДO – за сите типови на исплати



PwC

Важни напомени

• За секоја исплата се поднесува ново барање.

• Управата за јавни приходи може, во случаи кога исплатувачот исплатува ист приход во еднакви временски периоди по иста основа, да одобри олеснувања за подолг временски период, вообичаено за период од една година.

• Секогаш треба да се погледнат одредбите од соодветниот договор за одбегнување на двојно оданочување бидејќи можат да постојат разлики иако сите се базираат на ист модел (пр. да дозволуваат повисоки бенефиции, да имаат ексклузивни одредби, да обезбедуваат различни дефиниции, да го ограничуваат правото на оданочување итн.)



PwC

Обврски за годишно известување за задржан данок

• Се поднесува извештај за уплатен задржан данок (Образец ДД-И) најдоцна до 15 февруари следната година од годината во која настанала обврската за данок по задршка.

• Во извештајот се вклучуваат сите исплати кои подлежат на задржан данок, вклучително и оние за кои е добиено одобрение за користење на пониска даночна стапка според договор за одбегнување на двојно оданочување.



PwC

Прекршочни одредби

31


PwC

Прекршочни одредби поврзани со задржаниот данок

Глоба од 1.500 до 2.000 евра во денарска противвредност за исплатувачот на приходи (домашното правно лице)

Глоба од 500 до 1.000 евра во денарска противвредност за одговорното лице кај исплатувачот на приходи

Наплата на долгот и дополнително засметана казнена камата (0,03% дневно) за неплатениот данок

Наплатениот задржан данок кој е на товар на домашното правно лице заедно со казнената камата ќе претставува оданочив трошок (со данок на добивка) за годината во која е платен.

УЈП има право да се врати до 5 години наназад од моментот на вршење на контролата, а истата може да ја прошири и до 10 години наназад, доколку се сомнева на даночно затајување.


6 – Прекршочни одредби

PwC 33Задржан данок •

6 – Прекршочни одредби

Предавач:

Ивана Лекиќ

Постар даночен советник

[email protected]

072 422 026

Ви благодариме за вниманието!

Оваа презентација е подготвена како насока за прашања кои се од општ интерес и не претставувапрофесионален совет. Не треба да се превземаат активности врз основа на информациите презентирани вонеа, без претходно да се добие професионален совет. ПрајсвотерхаусКуперс ДООЕЛ - Скопје, членовите ивработените не превземаат одговорност за точноста и комплетноста на објавените информации и непревземаат никаква одговорност за последиците од активности превземени или одлуки донесени врзоснова на презентираните информации.

© 2013 ПрајсвотерхаусКуперс ДООЕЛ Скопје. Сите права се задржани. ‘ПрајсвотерхаусКуперс’ се однесувана мрежата на фирми членки на PricewaterhouseCoopers International Limited, секоја од кои е посебен инезависен правен ентитет.

Documents

Задржан данок - iorrm.org.mk. Zadrzan danok.pdf · Агенда 1 Основни одредби 1 2 Предмет на оданочување 6 3 Плаќање на